29.11.2007   

MT

Il-Ġurnal Uffiċjali ta’ l-Unjoni Ewropea

C 287/1

1)

Filwaqt li jfakkar l-objettivi assenjati lill-Komunità Ewropea, b'mod partikolari mill-Artikolu 151 tat-Trattat,

2)

Filwaqt li jirreferi għad-dispożizzjonijiet tal-Konvenzjoni ta' l-UNESCO dwar il-Protezzjoni u l-Promozzjoni tad-Diversità ta' l-Espressjonijiet Kulturali,

3)

wara li kkunsidra l-Komunikazzjoni tal-Kummissjoni ta' l-10 ta' Mejju 2007 dwar Aġenda Ewropea għall-Kultura f'Dinja li qed tiġi Gglobalizzata (1),

4)

filwaqt li jfakkar il-Konklużjonijiet tiegħu ta' l-24 ta' Mejju 2007 dwar il-kontribut tas-setturi kulturali u kreattivi għall-kisba ta' l-objettivi ta' Lisbona (2),

5)

b'kont meħud ta' l-esperjenza miksuba mill-ippjanar u l-implimentazzjoni tal-pjanijiet ta' ħidma tal-Kunsill ta' l-2002-2004 u l-2005-2007 (3),

6)

b'kont meħud tar-riżultati ta' l-Ewwel Forum Kulturali għall-Ewropa, li nżamm f'Lisbona fis-26 u s-27 ta' Settembru 2007,

7)

konvint li l-kultura u l-ispeċifiċità tagħha, inkluż il-multilingwiżmu huma elementi ċentrali tal-proċess Ewropew ta' integrazzjoni bbażat fuq valuri komuni u wirt komuni — proċess li jirrikonoxxi, jirrispetta u jippromovi d-diversità kulturali u r-rwol trasversali tal-kultura,

8)

filwaqt li jisħaq li l-kultura u l-kreattività huma strumenti importanti għall-iżvilupp personali, il-koeżjoni soċjali, it-tkabbir ekonomiku, il-ħolqien ta' impjiegi, l-innovazzjoni u l-kompetittività,

9)

filwaqt li jikkondividi l-fehma li r-rwol tal-kultura għandha tiġi rikonoxxuta aħjar fl-Aġenda ta' Lisbona fiċ-ċiklu l-ġdid li ser tidħol fih fl-2008,

10)

filwaqt li jikkunsidra li l-kultura għandu jkollha rwol importanti fir-relazzjonijiet esterni ta' l-UE bħala mezz għat-tisħiħ tal-kooperazzjoni internazzjonali,

11)

filwaqt li jissottolinja l-konnessjoni importanti bejn il-kultura u l-iżvilupp, u jilqa' rwol aktar pro-attiv mill-Istati Membri u l-Komunità Ewropea fil-kuntest ta' l-assistenza esterna rispettiva tagħhom, sabiex jitħaddan il-ħolqien ta' settur kulturali dinamiku fil-pajjiżi li qed jiżviluppaw, u b'kont meħud tas-suġġeriment mill-Kummissjoni biex tittejjeb il-mobilizzazzjoni u d-diversifikazzjoni tal-finanzjament favur aċċess imtejjeb tal-popolazzjoni lokali għall-kultura, u ta' prodotti kulturali ta' dawk il-pajjiżi għas-swieq Ewropej,

12)

filwaqt li jisħaq l-importanza tat-titjib tad-djalogu interkulturali fil-livell internazzjonali, inkluż ma' pajjiżi f'sitwazzjoni ta' fraġilità, u li jiġu inklużi atturi mhux governattivi sabiex jiġi promoss għarfien u fehim akbar,

1.

JILQA' l-proposta tal-Kummissjoni li titfassal Aġenda Ewropea għall-Kultura, li hija kkunsidrata bħala pass importanti lejn l-iżvilupp sostnut tal-kooperazzjoni fil-qasam kulturali u fit-tkabbir tal-koerenza u l-viżibbiltà ta' l-azzjoni Ewropea f'dan il-qasam, filwaqt li jissaħħaħ ir-rwol trasverali tal-kultura;

2.

JAPPROVA t-tliet objettivi strateġiċi mniżżla fil-Komunikazzjoni tal-Kummissjoni bi ħsieb li tiġi mfassla l-Aġenda Ewropea għall-Kultura kondiviża, jiġifieri:

3.

JAQBEL li dawk it-tliet objettivi strateġiċi jiġu speċifikati kif ġej:

4.

JISĦAQ li azzjoni skond dawn l-objettivi għandu jkollha valur miżjud Ewropew reali u għandha titwettaq b'rispett sħiħ għall-prinċipju ta' sussidjarjetà, u li dawn il-linji gwida komuni fil-livell ta' l-UE ma jippreġudikawx id-definizzjoni u l-implimentazzjoni mill-Istati Membri ta' l-objettivi politiċi nazzjonali tagħhom;

5.

JISSOTTOLINJA li dawn l-objettivi għandhom ikunu kkunsidrati bħala qafas flessibbli għall-iggwidar ta' azzjoni futura fil-qasam kulturali;

6.

JAQBEL li djalogu kontinwu, mibni fuq diversi livelli u flessibbli mal-partijiet interessati kulturali u f'konsultazzjoni mas-settur fil-livelli kollha (lokali, reġjonali, nazzjonali u Ewropew) huwa essenzjali kemm għall-iżvilupp kif ukoll għall-implimentazzjoni ta' Aġenda Ewropea għall-Kultura;

7.

JILQA' l-intenzjoni tal-Kummissjoni li tidentifika interlokuturi rappreżentattivi mis-settur u li twettaq studju tas-settur, sabiex tistabbilixxi kanali ta' komunikazzjoni u biex tistruttura d-djalogu mal-partijiet interessati;

8.

JAQBEL minħabba l-impatt pożittiv ta' l-ewwel Forum Kulturali li nżamm f'Lisbona fis-26 u s-27 ta' Settembru 2007 li l-interazzjoni ma' u fis-soċjetajiet ċivili kemm fil-livelli nazzjonali kif ukoll dak Ewropew hija element maġġuri fil-ġbir tal-fehmiet tal-partijiet interessati fil-kuntest ta' l-eżerċizju regolari ta' rappurtar;

9.

JIKKUNSIDRA li l-approċċ il-ġdid propost mill-Kummissjoni għall-kooperazzjoni fil-qasam tal-kultura, jiġifieri l-użu tal-metodu miftuħ ta' koordinazzjoni (OMC) b'mod speċifikament adattat u b'kont meħud ta' l-ispeċifiċitajiet tas-settur, ser jipprovdi qafas flessibli u li ma jorbotx għall-istrutturar tal-kooperazzjoni madwar l-objettivi strateġiċi ta' l-Aġenda Ewropea għall-Kultura u għat-tħaddin ta' l-iskambju ta' l-aħjar prattiki;

10.

JIDDEĊIEDI li:

11.

JAQBEL, f'konformità mal-Paragrafu 10ċ, li l-pjan ta' ħidma għall-perijodu 2008-2010 ser jikkonċentra fuq l-oqsma prijoritarji għall-azzjoni mniżżla fl-Anness;

12.

Il-Kunsill jista', f'kooperazzjoni mal-Kummissjoni, jirrevedi l-applikazzjoni ta' l-OMC fil-qasam kulturali fid-dawl tal-progress li jkun sar, u b'konsiderazzjoni ta' l-eżerċizzju ta' rappurtar u evalwazzjoni msemmi fil-paragrafu e) hawn fuq;

13.

Il-Parlament Ewropew, il-Kumitat Ekonomiku u Soċjali Ewropew u l-Kumitat tar-Reġjuni għandhom jinżammu informati bl-implimentazzjoni tal-pjanijiet ta' ħidma;

14.

JISTIEDEN lill-Kummissjoni biex tkompli l-ħidma tagħha fil-qasam ta' l-istatistika kulturali f'termini ta' definizzjonijiet u metodoloġiji bil-ħsieb li tinkiseb il-komparabbiltà tad-data statistika biex jiġu appoġġati t-tfassil tal-politika u l-azzjonijiet ibbażati fuq l-evidenza;

15.

JILQA' l-ħolqien mill-Kummissjoni ta' grupp bejn is-servizzi biex ikun żgurat aħjar li l-aspetti kulturali jiġu kkunsidrati fl-azzjoni tagħha f'dispożizzjonijiet oħra tat-Trattat, kif stabbilit mill-Artikolu 151(4) tat-Trattat tal-KE;

16.

JIRRAKKOMANDA, li l-interazzjoni bejn l-aspetti kulturali u l-linji politiċi l-oħra tal-Komunità tissaħħaħ, permezz tal-koordinazzjoni bejn il-konfigurazzjonijiet rilevanti tal-Kunsill dwar kwistjonijiet li għandhom impatt fuq il-kultura u permezz tal-ħolqien ta' mekkaniżmu effettiv u koerenti għar-rappurtar regolari dwar u s-segwitu ta' aspetti kulturali taħt dispożizzjonijiet oħra tat-Trattat;

17.

JISTIEDEN lill-Kunsill Ewropew biex jadotta dawn il-konklużjonijiet li jipprovdu qafas għal Aġenda Ewropea għall-Kultura.