12.6.2007   

MT

Il-Ġurnal Uffiċjali ta’ l-Unjoni Ewropea

L 150/5

(1)

L-Artikolu 140 tat-Trattat li jistabbilixxi l-Komunità Ewropea jipprevedi li l-Kummissjoni għandha tinkoraġġixxi kooperazzjoni bejn l-Istati Membri u tiffaċilità l-koordinazzjoni ta’ l-azzjoni tagħhom fl-oqsma tal-politika soċjali.

(2)

B’konformità mal-Komunikazzjoni tal-Kummissjoni tat-12 ta’ Ottubru 2006 li ġġib l-isem “Il-ġejjieni demografiku ta’ l-Ewropa, il-bidla ta’ sfida f’opportunità”, il-Kummissjoni ddeċidiet li tirrikorri għal grupp ta’ esperti governattivi.

(3)

Il-grupp għandu jikkontribwixxi għall-iżvilupp tal-politiki ta’ adattament għall-bdil demografiku.

(4)

Se tingħata attenzjoni sabiex ikunu żgurati l-komplementarjetà u n-nuqqas ta’ repetizzjoni ta’ attivitajiet minn gruppi u kumitati oħrajn li jittrattaw il-kwistjonijiet relatati mad-demografija, notevolment il-Kumitat ta’ l-Impjiegi, il-Kumitat tal-Protezzjoni Soċjali, il-Kumitat tal-Politika Ekonomika, il-Kumitat Ekonomiku u Finanzjarju, il-Kunsill Konsultattiv Favur l-Opportunitajiet Indaqs bejn in-Nisa u l-Irġiel u l-Grupp ta’ Livell Għoli dwar l-Integrazzjoni tad-Dimensjoni ta’ l-Ugwaljanza bejn l-Irġiel u n-Nisa. Il-Kummissjoni se tinformahom dwar il-ħidmiet tal-grupp ta’ esperti dwar il-kwistjonijiet demografiċi.

(5)

Il-grupp għandu jkun magħmul minn rappreżentanti tal-gvernijiet ta’ l-Istati Membri u minn esperti indipendenti.

(6)

Għalhekk meħtieġ li meta jitwaqqaf il-grupp ta’ esperti dwar il-kwistjonijiet demografiċi, jiġi ddettaljat il-mandat tiegħu u ddefiniti l-istrutturi tiegħu.

—

se jgħin lill-Kummissjoni tiġbed konklużjonijiet mir-riżultati tar-riċerka, tidentifika d-data rilevanti għar-rapporti demografiċi u jinkoraġġixxi l-iskambju ta’ prattiċi tajba li għalihom il-forum demografiku se jipprovdi pjattaforma. Hu se jikkunsidra r-riżultati ta’ bosta azzjonijiet u l-ħidmiet tar-riċerka mwettqa mill-istituzzjonijiet Ewropej dwar dawn it-temi;

—

se jippermetti lill-Istati Membri li jesprimu l-opinjoni tagħhom dwar it-tweġibiet li jridu jingħataw b’mod globali għall-isfida demografika u dwar l-inizjattivi speċifiċi li jirriżultaw mill-Komunikazzjoni tat-12 ta’ Ottubru 2006 dwar il-ġejjieni demografiku ta’ l-Ewropa u s-segwitu tagħha, b’mod partikulari fl-oqsma li għad mhumiex koperti tajjeb mill-kumitati u l-gruppi konsultattivi eżistenti;

—

se jgħin lill-Kummissjoni fl-elaborazzjoni tar-rapporti futuri dwar id-demografija u l-valutazzjoni ta’ l-istat ta’ preparament ta’ l-UE għall-bdil demografiku (il-bilanċ għandu jkun inkluż fir-rapport annwali tal-progress ta’ l-implimentazzjoni ta’ l-Istrateġija ta’ Liżbona);

—

se jippermetti li jiġu skambjati esperjenzi u prattiċi tajba fil-qasam tal-politika tal-familja u se jappoġġa l-isforzi li jimmiraw biex titjieb il-kwalità tal-ħajja ta’ persuni li jassumu responsabbiltajiet familjari;

—

se jfittex il-kontribuzzjonijiet, orali u miktuba, ta’ l-imsieħba soċjali u ta’ l-organizzazzjonijiet tas-soċjetà ċivili.

—

il-membri għandhom iżommu l-kariga tagħhom sakemm jinbidlu jew sa l-aħħar tal-mandat tagħhom.

—

il-membri li mhumiex f’pożizzjoni li jikkontribwixxu b’mod effikaċi għall-ħidmiet tal-grupp, li jippreżentaw ir-riżenja tagħhom jew li ma jirrispettawx il-kundizzjonijiet stipulati fl-ewwel jew fit-tieni inċiż ta’ dan l-Artikolu jew ta’ l-Artikolu 287 tat-Trattat li jistabbilixxi l-Komunità Ewropea, jistgħu jinbidlu għat-tul ta’ żmien li jkun baqa’ tal-mandat tagħhom;

—

l-ismijiet tal-membri nnominati fuq bażi personali jiġu ppubblikati fuq il-paġna ta’ l-Internet tad-Direttorat Ġenerali għall-Impjiegi, l-Affarijiet Soċjali u l-Opportunitajiet Indaqs u fil-Ġurnal Uffiċjali ta’ l-Unjoni Ewropea, serje Ċ. Il-ġabra, l-ipproċessar u l-pubblikazzjoni ta’ l-ismijiet tal-membri se jsiru skond id-dispożizzjonijiet tar-Regolament (KE) Nru 45/2001 tal-Parlament Ewropew u tal-Kunsill (1) dwar il-protezzjoni ta’ individwu fir-rigward ta’ l-ipproċessar ta’ data personali.