This document is an excerpt from the EUR-Lex website
Document 32006R1365
Regulation (EC) No 1365/2006 of the European Parliament and of the Council of 6 September 2006 on statistics of goods transport by inland waterways and repealing Council Directive 80/1119/EEC
Regolament (KE) Nru 1365/2006 tal-Parlament Ewropew u tal-Kunsill tas- 6 ta' Settembru 2006 dwar statistika ta' trasport ta' merkanzija minn passaġġi fuq l-ilma interni u li jħassar id-Direttiva tal-Kunsill 80/1119/KEE
Regolament (KE) Nru 1365/2006 tal-Parlament Ewropew u tal-Kunsill tas- 6 ta' Settembru 2006 dwar statistika ta' trasport ta' merkanzija minn passaġġi fuq l-ilma interni u li jħassar id-Direttiva tal-Kunsill 80/1119/KEE
ĠU L 264, 25.9.2006, p. 1–11
(ES, CS, DA, DE, ET, EL, EN, FR, IT, LV, LT, HU, MT, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
No longer in force, Date of end of validity: 04/08/2018; Imħassar b' 32018R0974
Relation | Act | Comment | Subdivision concerned | From | To |
---|---|---|---|---|---|
Repeal | 31980L1119 |
Relation | Act | Comment | Subdivision concerned | From | To |
---|---|---|---|---|---|
Corrected by | 32006R1365R(01) | (HR) | |||
Corrected by | 32006R1365R(02) | (RO) | |||
Modified by | 32007R0425 | Sostituzzjoni | anness B | 10/05/2007 | |
Modified by | 32007R0425 | Sostituzzjoni | anness F | 10/05/2007 | |
Modified by | 32007R0425 | Sostituzzjoni | anness E | 10/05/2007 | |
Modified by | 32007R0425 | Sostituzzjoni | anness D | 10/05/2007 | |
Modified by | 32007R0425 | Sostituzzjoni | anness C | 10/05/2007 | |
Modified by | 32007R0425 | Sostituzzjoni | anness A | 10/05/2007 | |
Modified by | 32007R0425 | Sostituzzjoni | artikolu 3 | 10/05/2007 | |
Modified by | 32007R1304 | Sostituzzjoni | anness F | 01/01/2008 | |
Modified by | 32016R1954 | Żieda | artikolu 2 paragrafu 5 | 07/12/2016 | |
Modified by | 32016R1954 | Żieda | artikolu 4a | 07/12/2016 | |
Modified by | 32016R1954 | Żieda | artikolu 7 paragrafu 5 | 07/12/2016 | |
Modified by | 32016R1954 | Sostituzzjoni | artikolu 5 paragrafu 2 | 07/12/2016 | |
Modified by | 32016R1954 | Sostituzzjoni | artikolu 9 | 07/12/2016 | |
Modified by | 32016R1954 | Żieda | artikolu 3 paragrafu | 07/12/2016 | |
Modified by | 32016R1954 | Sostituzzjoni | artikolu 8 | 07/12/2016 | |
Modified by | 32016R1954 | Sostituzzjoni | artikolu 7 paragrafu 1 | 07/12/2016 | |
Modified by | 32016R1954 | Sostituzzjoni | artikolu 10 | 07/12/2016 | |
Modified by | 32016R1954 | Żieda | artikolu 4 paragrafu 4 | 07/12/2016 | |
Modified by | 32016R1954 | Żieda | artikolu 7 paragrafu 4 | 07/12/2016 | |
Modified by | 32016R1954 | Tħassir | anness G | 07/12/2016 | |
Modified by | 32016R1954 | Żieda | artikolu 6 paragrafu | 07/12/2016 | |
Repealed by | 32018R0974 | 05/08/2018 |
25.9.2006 |
MT |
Il-Ġurnal Uffiċjali ta’ l-Unjoni Ewropea |
1 |
REGOLAMENT (KE) Nru 1365/2006 TAL-PARLAMENT EWROPEW U TAL-KUNSILL
tas-6 ta' Settembru 2006
dwar statistika ta' trasport ta' merkanzija minn passaġġi fuq l-ilma interni u li jħassar id-Direttiva tal-Kunsill 80/1119/KEE
IL-PARLAMENT EWROPEW U L-KUNSILL TA' L-UNJONI EWROPEA,
Wara li kkunsidraw it-Trattat li jistabbilixxi l-Komunità Ewropea, u b'mod partikolari Artikolu 285(1) tiegħu,
Wara li kkunsidraw il-proposta mill-Kummissjoni,
Filwaqt li jaġixxu skond il-proċedura stabbilita fl-Artikolu 251 tat-Trattat (1),
Billi:
(1) |
Il-passaġġi fuq l-ilma interni huma parti importanti mir-retikolat ta' trasport tal-Komunità u l-promozzjoni tat-trasport minn passaġġi fuq l-ilma interni huwa wieħed mill-għanijiet tal-politika komuni tat-trasport, kemm għal raġunijiet ta' effiċjenza ekonomika kif ukoll għat-tnaqqis tal-konsum ta' l-enerġija u ta' l-impatt ambjentali li għandu t-trasport, kif deskritt fil-White Paper tal-Kummissjoni: Il-politika Ewropea tat-Trasport għall-2010: Wasal iż-żmien li niddeċiedu. |
(2) |
Il-Kummissjoni teħtieġ statistika rigward it-trasport ta' merkanzija minn passaġġi fuq l-ilma interni sabiex tissorvelja u tiżviluppa politika komuni tat-trasport, kif ukoll l-elementi relatati mat-trasport fil-politika dwar ir-reġjuni u r-retikolati trans-Ewropej. |
(3) |
Inġabret statistika dwar it-trasport minn passaġġi fuq l-ilma interni taħt id-Direttiva tal-Kunsill 80/1119/KEE tas-17 ta' Novembru 1980 dwar il-prospetti ta' statistika li għandhom x'jaqsmu mat-trasport ta' merkanzija permezz ta' passaġġi ta' l-ilma interni (2), li m'għadhiex tikkorrispondi għall-bżonnijiet attwali f'dan il-qasam. Huwa għalhekk xieraq li din id-Direttiva tiġi sostitwita bi strument ġdid li jestendi l-ambitu tagħha u jtejjeb l-effiċjenza. |
(4) |
Konsegwentement, id-Direttiva 80/1119/KEE għandha tiġi mħassra. |
(5) |
L-istatistika Komunitarja dwar il-modi kollha tat-trasport għandha tinġabar skond il-kunċetti u l-istandards komuni, bil-għan li tinkiseb l-aktar komparabbiltà prattikabbli bejn modi ta' trasport. |
(6) |
It-trasport minn passaġġi fuq l-ilma interni ma jeżistix fl-Istati Membri kollha u, għalhekk, l-effett ta' dan ir-Regolament huwa limitat għal dawk l-Istati Membri fejn jeżisti dan il-mod ta' trasport. |
(7) |
Minħabba li l-għan ta' dan ir-Regolament, jiġifieri l-ħolqien ta' standards komuni ta' statistika li jippermettu l-produzzjoni ta' data armonizzata ma jistax jiġi miksub suffiċjentement mill-Istati Membri u jista' għalhekk jiġi miksub aħjar fil-livell Komunitarju, il-Komunità tista' tadotta miżuri konformement mal-prinċipju tas-sussidjarjetà kif stabbilit fl-Artikolu 5 tat-Trattat. Konformement mal-prinċipju tal-proporzjonalità, kif stipulat f'dak l-Artikolu, dan ir-Regolament ma jmurx lil hinn minn dak li huwa neċessarju sabiex jinkiseb dak l-għan. |
(8) |
Ir-Regolament tal-Kunsill (KE) Nru 322/97 tas-17 ta' Frar 1997 dwar l-Istatistika tal-Komunità (3) jipprovdi qafas ta' referenza għad-dispożizzjonijiet stabbiliti b'dan ir-Regolament. |
(9) |
Il-miżuri meħtieġa għall-implementazzjoni ta' dan ir-Regolament għandhom jiġu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li tipprovdi l-proċeduri għall-eżerċizzju tas-setgħat ta' implementazzjoni konferiti lill-Kummissjoni (4). |
(10) |
Il-Kumitat għall-Programmi Statistiċi stabbilit bid-Deċiżjoni tal-Kunsill 89/382/KEE, Euratom (5) ġie konsultat skond l-Artikolu 3 ta' dik id-Deċiżjoni, |
ADOTTAW DAN IR-REGOLAMENT:
Artikolu 1
Suġġett
Dan ir-Regolament jistabbilixxi regoli komuni għall-produzzjoni ta' statistika Komunitarja li tikkonċerna t-trasport minn passaġġi fuq l-ilma interni.
Artikolu 2
Skop
1. L-Istati Membri għandhom jittrasmettu lill-Kummissjoni (Eurostat) id-data relatata mat-trasport minn passaġġi fuq l-ilma interni fit-territorju nazzjonali tagħhom.
2. L-Istati Membri li fihom il-volum totali ta' merkanzija trasportata fis-sena minn passaġġi fuq l-ilma interni bħala trasport nazzjonali, internazzjoni jew ta' tranżitu ikun aktar minn miljun tunnellata metrika għandhom jipprovdu d-data msemmija fl-Artikolu 4(1).
3. Bħala deroga mill-paragrafu 2, l-Istati Membri fejn mhemmx trasport internazzjonali jew ta' tranżitu minn passaġġi fuq l-ilma interni iżda fejn il-volum totali ta' merkanzija trasportata fis-sena mill-passaġġi fuq l-ilma interni bħala trasport nazzjonali jeċċedi miljun tunnellata metrika għandhom jipprovdu biss id-data meħtieġa taħt l-Artikolu 4(2).
4. Dan ir-Regolament m’għandux japplika għal:
(a) |
trasport ta' merkanzija permezz ta' bastimenti b'kapaċità massima ta' ġarr ta' anqas minn 50 tunnellata metrika; |
(b) |
bastimenti użati prinċipalment għat-trasport ta' passiġġieri; |
(ċ) |
bastimenti użati bħala tragetti; |
(d) |
bastimenti użati biss għal skopijiet li mhumiex kummerċjali minn amministrazzjonijiet ta' portijiet u awtoritajiet pubbliċi; |
(e) |
bastimenti użati biss għall-bunkering jew għall-ħżin; |
(f) |
bastimenti li mhumiex użati għat-trasport ta' merkanzija, bħal bastimenti tas-sajd, bastimenti tat-tħammil, postijiet tax-xogħol fuq l-ilma, battelli ta' abitazzjoni u dgħajjes ta' rikreazzjoni. |
Artikolu 3
Definizzjonijiet
Għall-finijiet ta' dan ir-Regolament għandhom japplikaw id-definizzjonijiet li ġejjin:
(a) |
“passaġġi fuq l-ilma interni navigabbli” tfisser medda ta' ilma, li ma tkunx parti mill-baħar, li fuqha jistgħu jinnavigaw bastimenti b'kapaċità ta' ġarr ta' mhux anqas minn 50 tunnellata metrika meta jkunu b'tagħbija normali. Dan it-terminu jkopri kemm xmajjar u lagi navigabbli kif ukoll kanali navigabbli; |
(b) |
“bastiment tal-passaġġi fuq l-ilma interni” tfisser inġenju li jżomm f'wiċċ l-ilma maħsub għat-trasport ta' merkanzija jew għat-trasport pubbliku ta' passiġġieri minn passaġġi fuq l-ilma interni navigabbli; |
(ċ) |
“nazzjonalità tal-bastiment” tirriferi għall-pajjiż li fih ikun reġistrat il-bastiment tal-passaġġi fuq l-ilma interni. |
Artikolu 4
Ġbir ta' data
1. Għandha tinġabar data skond it-tabelli stabbiliti fl-Annessi A sa D.
2. Fil-każ imsemmi fl-Artikolu 2(3), id-data għandha tinġabar skond it-tabella stabbilita fl-Anness E.
3. Għall-finijiet ta' dan ir-Regolament, il-merkanzija għandha tkun klassifikata skond l-Anness F.
Artikolu 5
Trasmissjoni ta' data
1. L-ewwel perjodu ta' osservazzjoni għandu jibda fl-1 ta' Jannar 2007. It-trasmissjoni tad-data għandha sseħħ malajr kemm jista' jkun u mhux aktar tard minn ħames xhur mit-tmiem tal-perjodu relevanti ta' osservazzjoni.
2. Matul l-ewwel tliet snin ta' applikazzjoni ta' dan ir-Regolament, iż-żmien permess għat-trasmissjoni tad-data msemmija fil-paragrafu 1 jista' jiġi estiż skond il-proċedura msemmija fl-Artikolu 10(2). Iż-żmien massimu permess għat-trasmissjoni, inkluża kull estenzjoni mogħtija, ma għandux jaqbeż tmien xhur.
L-estensjonijiet taż-żmien permess għat-trasmissjoni huma stabbiliti fl-Anness G.
Artikolu 6
Tixrid
L-istatistika Komunitarja bbażata fuq id-data msemmija fl-Artikolu 4 għandha tkun imxerrda bi frekwenza simili għal dik stabbilita għat-trasmissjoni ta' data mill-Istati Membri.
Artikolu 7
Il-kwalità tad-data
1. Il-Kummissjoni (Eurostat) għandha tiżviluppa u tippubblika, skond il-proċedura msemmija fl-Artikolu 10(2), il-kundizzjonijiet metodoloġiċi u l-kriterji maħsuba sabiex jiżguraw il-kwalità tad-data prodotta.
2. L-Istati Membri għandhom jieħdu l-miżuri kollha meħtieġa sabiex jiżguraw il-kwalità tad-data trasmessa.
3. Il-Kummissjoni (Eurostat) għandha tivvaluta l-kwalità tad-data trasmessa. L-Istati Membri għandhom jipprovdu lill-Kummissjoni (Eurostat) b'rapport li jkun fih tali informazzjoni u data li jistgħu jiġu mitluba minnha sabiex tivverifika l-kwalità tad-data trasmessa.
Artikolu 8
Rapport dwar l-implementazzjoni
Sal-15 ta’ Ottubru 2009 u wara konsultazzjoni mal-Kumitat għall-Programmi Statistiċi, il-Kummissjoni għandha tippreżenta rapport lill-Parlament Ewropew u lill-Kunsill dwar l-implementazzjoni ta' dan ir-Regolament. B'mod partikolari, ir-rapport għandu:
(a) |
jivvaluta l-benefiċċji li jieħdu l-Komunità, l-Istati Membri u l-fornituri u l-utenti ta' l-informazzjoni statistika mill-istatistika prodotta, meta mqabbla ma' l-ispejjeż; |
(b) |
jivvaluta l-kwalità ta' l-istatistika prodotta; |
(ċ) |
jidentifika oqsma fejn jista' jsir titjib u kwalunkwe emenda kunsidrata neċessarja fid-dawl tar-riżultati miksuba. |
Artikolu 9
Miżuri implementattivi
Il-miżuri għall-implementazzjoni ta' dan ir-Regolament, inklużi miżuri li jieħdu kont tat-tendenzi ekonomiċi u tekniċi, għandhom jiġu stabbiliti skond il-proċedura msemmija fl-Artikolu 10(2). Tali miżuri għandhom jikkonċernaw:
(a) |
l-adattament tal-limitu għall-kopertura statistika tat-trasport minn passaġġi fuq l-ilma interni (Artikolu 2); |
(b) |
l-adattament tad-definizzjonijiet u l-adozzjoni ta' definizzjonijiet addizzjonali (Artikolu 3); |
(ċ) |
l-adattament ta' l-ambitu tal-ġbir ta' data u l-kontenut ta' l-Annessi (Artikolu 4); |
(d) |
l-arranġamenti għat-trasmissjoni ta' data lill-Kummissjoni (Eurostat) inklużi l-istandards għall-iskambju ta' data (Artikolu 5); |
(e) |
l-arranġamenti għat-tixrid ta' riżultati mill-Kummissjoni (Eurostat) (Artikolu 6); |
(f) |
l-iżvilupp u l-pubblikazzjoni ta' rekwiżiti u kriterji metodoloġiċi (Artikolu 7). |
Artikolu 10
Proċedura ta' kumitat
1. Il-Kummissjoni għandha tkun assistita mill-Kumitat għall-Programmi Statistiċi stabbilit mill-Artikolu 1 tad-Deċiżjoni 89/382/KEE, Euratom.
2. Fejn issir referenza għal dan il-paragrafu għandhom japplikaw l-Artikoli 5 u 7 tad-Deċiżjoni 1999/468/KE b'kont meħud tad-dispożizzjonijiet ta' l-Artikolu 8 tagħha.
Il-perjodu stabbilit fl-Artikolu 5(6) tad-Deċiżjoni 1999/468/KE għandu jkun ta' tliet xhur.
3. Il-Kumitat għandu jadotta r-Regoli ta' Proċedura tiegħu.
Artikolu 11
Dispożizzjonijiet transizzjonali u taħsir
1. L-Istati Membri għandhom jipprovdu riżultati statistiċi għas-sena 2006 skond id-Direttiva 80/1119/KEE.
2. Id-Direttiva 80/1119/KEE hija b'dan imħassra b'effett mill-1 ta' Jannar 2007.
Artikolu 12
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Strasburgu, nhar is-6 ta’ Settembru 2006.
Għall-Parlament Ewropew
Il-President
J. BORRELL FONTELLES
Il-President
Għall-Kunsill
P. LEHTOMÄKI
(1) Opinjoni tal-Parlament Ewropew tas-17 ta' Jannar 2006 (għadha mhijiex pubblikata fil-Ġurnal Uffiċjali), Deċiżjoni tal-Kunsill ta' l-24 ta' Lulju 2006.
(2) ĠU L 339, 15.12.1980, p. 30. Direttiva kif emendata mill-Att ta' Adeżjoni 2003.
(3) ĠU L 52, 22.2.1997, p. 1. Regolament kif emendat bir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, 31.10.2003, p. 1).
(4) ĠU L 184, 17.7.1999, p. 23. Deċiżjoni kif emendata bid-Deċiżjoni 2006/512/KE (ĠU L 200, 22.7.2006, p. 11)
(5) ĠU L 181, 28.6.1989, p. 47.
ANNESS A
Tabella A1: Trasport ta' merkanzija skond it-tip ta' merkanzija (data annwali)
Elementi |
Dettalji tal-Kodiċi |
Nomenklatura |
Unità |
Tabella |
2 karattri alfanumeriċi |
“A1” |
|
Pajjiż rapportatur |
2 karattri alfabetiċi |
Kodiċi ISO nazzjonali |
|
Sena |
4 karattri numeriċi |
“ssss” |
|
Pajjiż/reġjun tat-tgħabija |
2 karattri alfabetiċi jew 4 karattri alfanumeriċi |
Kodiċi ISO nazzjonali jew NUTS2 |
|
Pajjiż/reġjun tal-ħatt |
2 karattri alfabetiċi jew 4 karattri alfanumeriċi |
Kodiċi ISO nazzjonali jew NUTS2 |
|
Tip ta' trasport |
karattru numeriku |
1 = Nazzjonali 2 = Internazzjonali (ħlief tranżitu) 3 = Tranżitu |
|
Tip ta' merkanzija |
2 karattri numeriċi |
NST 2000 |
|
Tip ta' ppakkjar |
karattru numeriku |
1= Merkanzija f'containers 2= Merkanzija mhux f'containers |
|
Tunnellati metriċi trasportati |
|
|
Tunnellati metriċi |
Tunnellati metriċi - Km |
|
|
Tunnellati metriċi - Km |
ANNESS B
Tabella B1. Trasport skond in-nazzjonalità tal-bastiment u skond it-tip ta' bastiment (data annwali)
Elementi |
Dettalji tal-Kodiċi |
Nomenklatura |
Unità |
Tabella |
2 karattri alfanumeriċi |
“B1” |
|
Pajjiż rapportatur |
2 karattri alfabetiċi |
Kodiċi ISO nazzjonali |
|
Sena |
4 karattri numeriċi |
“ssss” |
|
Pajjiż/reġjun tat-tgħabija |
2 karattri alfabetiċi jew 4 karattri alfanumeriċi |
Kodiċi ISO nazzjonali jew NUTS2 |
|
Pajjiż/reġjun tal-ħatt |
2 karattri alfabetiċi jew 4 karattri alfanumeriċi |
Kodiċi ISO nazzjonali jew NUTS2 |
|
Tip ta' trasport |
karattru numeriku |
1 = Nazzjonali 2 = Internazzjonali (ħlief tranżitu) 3 = Tranżitu |
|
Tip ta' bastiment |
karattru numeriku |
1= Barkun motorizzat 2= Barkun mhux motorizzat 3= Barkun-tanker motorizzat 4= Barkun-tanker mhux motorizzat 5= Bastimenti oħra għall-ġarr tal-merkanzija |
|
Nazzjonalità tal-bastiment |
2 karattri alfabetiċi |
Kodiċi ISO nazzjonali |
|
Tunnellati metriċi trasportati |
|
|
Tunnellati metriċi |
Tunnellati metriċi - Km |
|
|
Tunnellati metriċi - Km |
Tabella B2. Traffiku ta' bastimenti (data annwali)
Elementi |
Dettalji tal-Kodiċi |
Nomenklatura |
Unità |
Tabella |
2 karattri alfanumeriċi |
“B2” |
|
Pajjiż rapportatur |
2 karattri alfabetiċi |
Kodiċi ISO nazzjonali |
|
Sena |
4 karattri numeriċi |
“ssss” |
|
Numru ta' bastimenti mgħobbija |
|
|
Bastimenti |
Numru ta' bastimenti vojta |
|
|
Bastimenti |
Bastimenti –Km (bastimenti mgħobbija) |
|
|
Bastiment-Km |
Bastiment–Km (bastimenti vojta) |
|
|
Bastimenti-Km |
NOTA: Il-fornitura tad-data msemmija f'din it-Tabella B2 mhijiex obbligatorja. |
ANNESS Ċ
Tabella Ċ1. Trasport bil-container skond it-tip ta' merkanzija (data annwali)
Elementi |
Dettalji tal-Kodiċi |
Nomenklatura |
Unità |
||
Tabella |
2 karattri alfanumeriċi |
“C1” |
|
||
Pajjiż rapportatur |
2 karattri alfabetiċi |
Kodiċi ISO nazzjonali |
|
||
Sena |
4 karattri numeriċi |
“ssss” |
|
||
Pajjiż/reġjun tat-tgħabija |
2 karattri alfabetiċi jew 4 karattri alfanumeriċi |
Kodiċi ISO nazzjonali jew NUTS2 |
|
||
Pajjiż/reġjun tal-ħatt |
2 karattri alfabetiċi jew 4 karattri alfanumeriċi |
Kodiċi ISO nazzjonali jew NUTS2 |
|
||
Tip ta' trasport |
karattru numeriku |
1 = Nazzjonali
3 = Tranżitu |
|
||
Daqs tal-kontejner |
karattru numeriku |
1 = 20′ unitajiet ta' tagħbija 2 = 40′ unitajiet ta' tagħbija
4 = unitajiet ta' tagħbija > 40′ |
|
||
Status tat-tagħbija |
karattru numeriku |
1 = Containers mimlijin 2 = Containers vojta |
|
||
Tip ta' merkanzija |
2 karattri numeriċi |
NST 2000 |
|
||
Tunnellati metriċi trasportati (*) |
|
|
Tunnellati metriċi |
||
Tunnellati metriċi - Km (*) |
|
|
Tunnellati metriċi - Km |
||
TEU |
|
|
TEU |
||
TEU-Km |
|
|
TEU-Km |
(*) Għall-containers mimlijin biss
ANNESS D
Tabella D1. Trasport skond in-nazzjonalità tal-bastimenti (data ta' kull tliet xhur)
Elementi |
Dettalji tal-Kodiċi |
Nomenklatura |
Unità |
Tabella |
2 karattri alfanumeriċi |
“D1” |
|
Pajjiż rapportatur |
2 karattri alfabetiċi |
Kodiċi ISO nazzjonali |
|
Sena |
4 karattri numeriċi |
“ssss” |
|
Perjodu |
2 karattri alfanumeriċi |
“Q1, Q2, Q3 jew Q4” |
|
Tip ta' trasport |
karattru numeriku |
1 = Nazzjonali 2 = Internazzjonali (ħlief tranżitu) 3 = Tranżitu |
|
Nazzjonalità tal-bastiment |
2 karattri alfabetiċi |
Kodiċi ISO nazzjonali |
|
Tunnellati metriċi trasportati |
|
|
Tunnellati metriċi |
Tunnellati metriċi - Km |
|
|
Tunnellati metriċi - Km |
Tabella D2. Trasport bil-kontejner skond in-nazzjonalità tal-bastimenti (data ta' kull tliet xhur)
Elementi |
Dettalji tal-Kodiċi |
Nomenklatura |
Unità |
Tabella |
2 karattri |
“D2” |
|
Pajjiż rapportatur |
2 karattri alfabetiċi |
Kodiċi ISO nazzjonali |
|
Sena |
4 karattri numeriċi |
“ssss” |
|
Perjodu |
2 karattri alfanumeriċi |
“Q1, Q2, Q3 or Q4” |
|
Tip ta' trasport |
karattru numeriku |
1 = Nazzjonali 2 = Internazzjonali (ħlief tranżitu) 3 = Tranżitu |
|
Nazzjonalità tal-bastiment |
2 karattri alfabetiċi |
Kodiċi ISO nazzjonali |
|
Stat tat-tgħabbija |
karattru numeriku |
1 = Containers mimlijin 2 = Containers i vojta |
|
Tunnellati metriċi trasportati (*) |
|
|
Tunnellati metriċi |
Tunnellati metriċi - Km (*) |
|
|
Tunnellati metriċi - Km |
TEU |
|
|
TEU |
TEU-Km |
|
|
TEU-Km |
(*) Għall-containers mimlijin biss
ANNESS E
Tabella E1. Trasport ta' merkanzija (data annwali)
Elementi |
Dettalji tal-Kodiċi |
Nomenklatura |
Unità |
Tabella |
2 karattri alfanumeriċi |
“E1” |
|
Pajjiż rapportatur |
2 karattri alfabetiċi |
Kodiċi ISO nazzjonali |
|
Sena |
4 karattri numeriċi |
“ssss” |
|
Total ta' tunnellati metriċi trasportati |
|
|
Tunnellati metriċi |
Total ta' tunnellati metriċi - Km |
|
|
Tunnellati metriċi - Km |
ANNESS F
Nomenklatura ta' merkanzija
NST-2000
Gruppi NST-2000 |
Deskrizzjoni ta' merkanzija |
Definita skond il-prodotti fid-diviżjonijiet tas-CPA |
01 |
Prodotti ta' l-agrikolutra, tal-kaċċa u tal-forestrija; ħut u prodotti oħra tas-sajd |
01, 02, 05 |
02 |
Faħam u lignite; pît, żejt petroleum mhux raffinat u gass naturali; uranju u torju |
10, 11, 12 |
03 |
Minerali ta' metalli u prodotti oħra tal-minjieri u tal-barrieri |
13, 14 |
04 |
Prodotti ta' l-ikel, xorb u tabakk |
15, 16 |
05 |
Tessuti u prodotti tat-tessuti; ġilda u prodotti tal-ġilda |
17, 18, 19 |
06 |
Injam u prodotti ta' l-injam u tas-sufra (ħlief għamara); oġġetti magħmulin mit-tiben u materjal ta' l-immaljar; polpa, karta u prodotti tal-karta; materjal stampat u materjal rekordjat |
20, 21, 22 |
07 |
Kokk, prodotti irfinati taż-żejt petroleum u karburant nukleari |
23 |
08 |
Kimiċi, prodotti kimiċi, u fibri magħmula mill-bniedem; gomma u prodotti tal-plastik |
24, 25 |
09 |
Prodotti oħra minerali mhux metalliċi |
26 |
10 |
Metalli bażiċi; prodotti metalliċi fabbrikati, ħlief makkinarju u tagħmir |
27, 28 |
11 |
Makkinarju u tagħmir n.e.c.; makkinarju ta' l-uffiċċji u computers; makkinarju u apparat elettriku n.e.c.; tagħmir u apparat tar-radju, tat-televiżjoni u tal-komunikazzjoni; strumenti mediċi, ta' preċiżjoni u ottiċi; arloġġi u arloġġi ta' l-idejn |
29, 30, 31, 32, 33 |
12 |
Tagħmir ta' trasport |
34, 35 |
13 |
Għamara, merkanzija oħra manifatturata n.e.c. |
36 |
14 |
Materja prima sekondarja; skart muniċipali u tipi oħra ta' skart li mhumiex speċifikati f'parti oħra fis-CPA |
37 + skart muniċipali (kif imdaħħal fid-diviżjoni CPA 90) u skart ieħor mhux speċifikat f'xi parti oħra fis-CPA) |
15 |
Posta, pakketti postali Nota: din l-intestatura hija normalment użata għal merkanzija trasportata minn amministrazzjonijiet tal-posta u minn servizzi speċjalizzati ta' courier fid-diviżjoni 64 tan-Nace Rev. 1. |
|
16 |
Tagħmir u materjal utilizzat għat-trasport ta' merkanzija Nota: din l-intestatura tkopri oġġetti bħal containers vojta, paletti, kaxxi, ċestuni u gaġeġ. Tkopri wkoll vetturi użati sabiex iżommu merkanzija, fejn il-vettura nnifisha tinġarr minn vettura oħra. L-eżistenza ta' kodiċi għal dan it-tip ta' materjal ma' tippreġudikax il-kwestjoni jekk tali materjali għandhomx jingħaddu bħala “merkanzija”, dan jiddependi fuq ir-regoli tal-ġbir ta' data għal kull mod ta' trasport. |
|
17 |
Oġġetti traspostati fil-ġarr minn djar u uffiċċji; bagali trasportati separatament mill-passiġġieri; vetturi bil-mutur li jinġarru għat-tiswija; oġġetti oħra li ma jkunux għas-suq n.e.c. |
|
18 |
Oġġetti raggruppati: taħlita ta' tipi ta' merkanzija li jkunu trasportati flimkien Nota: din l-intestatura hija użata kull meta ma jkunx kunsidrat xieraq li l-merkanzija tkun separatament assenjata lil gruppi 01-16. |
|
19 |
Merkanzija mhux identifikabbli: oġġetti li għal xi raġuni ma jistgħux jiġu identifikati u għalhekk ma jistgħux jiġu assenjati lil gruppi 01-16 Nota: din l-intestatura hija intenzjonata sabiex tkopri oġġetti fejn l-unità ta' rappurtaġġ ma jkollha ebda informazzjoni dwar it-tip ta' merkanzija li tkun qiegħda tiġi trasportata. |
|
20 |
Merkanzija oħra n.e.c. Nota: din l-intestatura tkopri kwalunkwe oġġett li ma jistax jiġi assenjat lil xi wieħed mill-gruppi 01-19. Billi l-gruppi 01-19 huma maħsuba li jkopru l-kategoriji kollha previsti ta' merkanzija trasportata, l-użu ta' grupp 20 għandu jkun kunsidrat mhux tas-soltu u jista' jindika l-ħtieġa għal kontroll ulterjuri tad-data rappurtata taħt din l-intestatura. |
|
ANNESS G
Estensjonijiet taż-żmien permess għat-trasmissjoni (Artikolu 5(2))
Stat Membru |
Perjodu estiż ta' trasmissjoni wara t-tmiem tal-perjodu ta' osservazzjoni |
L-aħħar sena li għaliha tingħata estensjoni |
Belġju |
8 xhur |
2009 |