ANNESS

Speċifikazzjoni teknika għal interoperabilità relatata mal-kmand-kontroll u s-sinjalar tas-subsistema tas-sistema ferrovjarja konvenzjonali trans-Ewropea

WERREJ

1.

INTRODUZZJONI

4

1.1.

AMBITU TEKNIKU

4

1.2.

AMBITU ĠEOGRAFIKU

4

1.3.

KONTENUT TAT-TSI

4

2.

DEFINIZZJONI U AMBITU TAS-SUBSISTEMA

6

2.1.

ĠENERALI

6

2.2.

ĦARSA ĠENERALI

6

2.2.1.

Interoperabilità

6

2.2.2.

Klassijiet tas-sistemi tal-kmand-kontroll

6

2.2.3.

Livelli ta’ applikazzjoni

7

2.2.4.

Fruntieri tan-netwerk tal-infrastruttura

7

3.

IR-REKWIŻITI ESSENZJALI TAS-SUBSISTEMA TAL-KMAND-KONTROLL

8

3.1.

ĠENERALI

8

3.2.

ASPETTI SPEĊIFIĊI TAS-SUBSISTEMA TAL-KMAND-KONTROLL

8

3.2.1.

Sikurezza

8

3.2.2.

Kredibbiltà u disponibbiltà

8

3.2.3.

Saħħa

9

3.2.4.

Protezzjoni ambjentali

9

3.2.5.

Kompatibbiltà teknika

9

4.

KARATTERIZZAZZJONI TAS-SUBSISTEMA

11

4.1.

Introduzzjoni

11

4.2.

SPEĊIFIKAZZJONIJIET FUNZJONALI U TEKNIĊI TAS-SUBSISTEMA

12

4.2.1.

Karatteristiċi tas-sikurezza tal-kmand-kontroll rilevanti għall-interoperabilità

12

4.2.2.

Funzjonalità tal-ETCS abbord

12

4.2.3.

Funzjonalità tal-ETCS fil-ġenb tal-binarji

14

4.2.4.

Funzjonijiet EIRENE

14

4.2.5.

Interfejsis tal-ispazju tal-arja ETCS u EIRENE

14

4.2.6.

Interfejsis abbord interni għall-kmand-kontroll

15

4.2.7.

Interfejsis fil-ġenb tal-binarji interni għall-kmand-kontroll

15

4.2.8.

Maniġment ewlieni

16

4.2.9.

Maniġment tal-ETCS-ID

16

4.2.10.

HABD (ditekter tal-kaxxa tal-fus sħun)

17

4.2.11.

Kompatibbiltà ma’ sistemi tad-ditezzjoni tal-ferrovija fil-ġenb tal-binarji

17

4.2.12.

Kompatibbiltà elettromanjetika

18

4.2.13.

ETCS DMI (Interfejs tal-magna max-xufier)

19

4.2.14.

EIRENE DMI (Interfejs tal-magna max-xufier)

19

4.2.15.

Interfejs tar-reġistrazzjoni tad-dejta għal skopijiet regolatorji

19

4.2.16.

Viżibbiltà ta’ oġġetti tal-kmand-kontroll tal-ġenb tal-binarji

19

4.3.

SPEĊIFIKAZZJONIJIET FUNZJONALI U TEKNIĊI TAL-INTERFEJSIS GĦAL SUBSISTEMI OĦRA

20

4.3.1.

Interfejs għall-operat u l-maniġment tat-traffiku tas-subsistema

20

4.3.2.

Interfejs għall-vetturi ferrovjarji tas-subsistema

22

4.3.3.

Interfejsis għall-infrastruttura tas-subsistema

25

4.3.4.

Interfejsis għall-enerġija tas-subsistema

26

4.4.

REGOLI OPERATTIVI

26

4.5.

REGOLI TA’ MANUTENZJONI

26

4.5.1.

Responsabbiltà tal-manifattur tat-tagħmir

26

4.5.2.

Responsabbiltà tal-entitajiet kontraenti

27

4.5.3.

Responsabbiltà tal-maniġer tal-infrastruttura jew l-impriża ferrovjarja

27

4.5.4.

Pjan ta’ manutenzjoni

27

4.6.

KWALIFIKI PROFESSJONALI

28

4.7.

KUNDIZZJONIJIET TAS-SAĦĦA U S-SIKUREZZA

28

4.8.

INFRASTRUTTURA U REĠISTRI TAL-VETTURI FERROVJARJI

28

5.

KOSTITWENTI TAL-INTEROPERABILITÀ

29

5.1.

DEFINIZZJONIJIET

29

5.2.

LISTA TA’ KOSTITWENTI TAL-INTEROPERABILITÀ

29

5.2.1.

Kostitwenti bażiċi tal-interoperabilità

29

5.2.2.

Iggruppjar tal-kostitwenti tal-interoperabilità

29

5.3.

PRESTAZZJONIJIET U SPEĊIFIKAZZJONIJIET TAL-KOSTITWENTI

30

6.

EVALWAZZJONI TA’ KONFORMITÀ U/JEW KONVENJENZA GĦALL-UŻU TAL-KOSTITWENTI U L-VERIFIKA TAS-SUBSISTEMA

45

6.0.

INTRODUZZJONI

45

6.1.

KOSTITWENTI TAL-INTEROPERABILITÀ

45

6.1.1.

Proċeduri tal-evalwazzjoni

45

6.1.2.

Moduli

46

6.2.

SUBSISTEMA TAL-KMAND-KONTROLL

48

6.2.1.

Proċeduri tal-evalwazzjoni

48

6.2.2.

Moduli

51

7.

IMPLIMENTAZZJONI TAL-KMAND-KONTROLL TAT-TSI

62

7.1.

ĠENERALI

62

7.2.

KWISTJONIJIET SPEĊIFIĊI TAL-IMPLIMENTAZZJONI TAL-KMAND-KONTROLL TAT-TSI

62

7.2.1.

Kriterji ġenerali tal-migrazzjoni

62

7.2.2.

Kriterji tal-kronometraġġ

66

7.2.3.

Implimentazzjoni: infrastruttura (tagħmir stazzjonarju)

74

7.2.4.

Implimentazzjoni: vetturi ferrovjarji (tagħmir abbord)

76

7.2.5.

Mogħdijiet tal-migrazzjoni partikolari

78

7.2.6.

Kundizzjonijiet li skonthom huma meħtieġa l-funzjonijiet mhux obbligatorji

79

7.3.

MANIĠMENT TAL-BIDLA

80

7.3.1.

Introduzzjoni

80

7.3.2.

Baselining

84

7.3.3.

Il-fażi ta’ konsolidazzjoni ERTMS

81

7.3.4.

Rilaxx tal-linja bażi

82

7.3.5.

Skjerament ta’ linji bażi ġodda

82

7.3.6.

Proċess ta’ maniġment tal-bidla – ir-rekwiżiti

82

7.3.7.

Pjan ta’ maniġment tal-konfigurazzjoni – ir-rekwiżiti

83

7.3.8.

Governanza

84

7.4.

KAŻIJIET SPEĊIFIĊI

85

7.4.1.

Introduzzjoni

85

7.4.2.

Lista ta’ każijiet speċifiċi

85

7.5.

DISPOŻIZZJONIJIET TRANŻIZZJONALI

88

ANNESS A

89

ANNESS A —

APPENDIĊI 1

89

ANNESS A —

APPENDIĊI 2

100

ANNESS B

101

ANNESS C

179

REKWIŻITI ĠENERALI

179

REĠISTRU TAL-INFRASTRUTTURA

179

REĠISTRU TAL-VETTURI FERROVJARJI

180

LISTI TA’ KARATTERISTIĊI U REKWIŻITI SPEĊIFIĊI

180

ANNESS D

187

ANNESS E

188

ANNESS F

223

ANNESS G

225

ANNESS H

227

1.   INTRODUZZJONI

1.1.    Ambitu tekniku

Din it-TSI tikkonċerna s-subsistema tal-kmand-kontroll u tas-sinjalar, murija fil-lista fil-punt 1 tal-Anness II għad-Direttiva 2001/16/KE. Hi msejħa f’dan id-dokument bħala “subsistema tal-kmand-kontroll”.

Iżjed informazzjoni dwar is-subsistema tal-kmand-kontroll hi provduta fil-Kapitolu 2 (Definizzjoni u ambitu tas-subsistema).

1.2.    Ambitu ġeografiku

L-ambitu ġeografiku ta’ din it-TSI hu s-sistema ferrovjarja konvenzjonali trans-Ewropea kif deskritta fl-Anness I għad-Direttiva 2001/16/KE.

1.3.    Kontenut tat-TSI

Skont l-Artikolu 5(3) tad-Direttiva 2001/16/KE, din it-TSI:

(a)	tindika l-ambitu intiż tagħha (parti min-netwerk jew il-vetturi ferrovjarji msemmija fl-Anness I għad-Direttiva; sub-sistema jew parti mis-subsistema msemmija fl-Anness II għad-Direttiva) – Kapitolu 2 (Definizzjoni u ambitu tas-subsistema);

(b)	tistabbilixxi rekwiżiti essenzjali għas-subsistema tal-kontroll-kmand ikkonċernata u l-interfejsis tagħha permezz ta' subsistemi oħra – Kapitolu 3 (ir-Rekwiżiti Essenzjali tas-Subsistema tal-Kmand-Kontroll);

(c)

tistabbilixxi l-ispeċifikazzjonijiet funzjonali u tekniċi li għandhom jintlaħqu mis-subsistema u l-interfejsis tagħha fir-rigward ta’ subsistemi oħra. Jekk inhu meħtieġ, dawn l-ispeċifikazzjonijiet jistgħu jvarjaw skont l-użu tas-subsistema, pereżempju skont il-kategoriji tal-linja, il-fulkru u/jew il-vetturi ferrovjarji provduti fl-Anness I mad-Direttiva – Kapitolu 4 (Karatterizzazzjoni tas-subsistema);

(d)	tiddetermina l-kostitwenti tal-interoperabilità u l-interfejsis koperti mill-ispeċifikazzjonijiet Ewropej, inklużi standards Ewropej, li huma meħtieġa biex tinkiseb l-interoperabilità fis-sistema ferrovjarja konvenzjonali trans-Ewropea – Kapitolu 5 (Kostitwenti tal-interoperabilità);

(e)

tispeċifika, f’kull każ li qed jiġi kkunsidrat, il-proċeduri għall-evalwazzjoni tal-konformità jew il-konvenjenza għall-użu. Dan jinkludi b’mod partikolari l-moduli definiti fid-Deċiżjoni 93/465/KEE jew, fejn xieraq, il-proċeduri speċifiċi li għandhom jintużaw għall-valutazzjoni tal-konformità jew il-konvenjenza għall-użu tal-kostitwenti tal-interoperabilità u l-verifika tal-KE tas-subsistemi – Kapitolu 6 (Valutazzjoni ta' konformità u/jew konvenjenza għall-użu tal-konstitwenti u l-verifika tas-subsistema);

(f)

tindika l-istrateġija għall-implimentazzjoni tat-TSI. B’mod partikolari, hu meħtieġ li jiġu speċifikati l-istadji li għandhom jitlestew sabiex issir tranżizzjoni gradwali mis-sitwazzjoni eżistenti għas-sitwazzjoni finali li fiha l-konformità mat-TSI għandha tkun in-norma – Kapitolu 7 (Implimentazzjoni tal-kmand-kontroll tat-TSI);

(g)	tindika, għall-persunal ikkonċernat, il-kwalifiki professjonali u l-kundizzjonijiet tas-saħħa u s-sikurezza fuq il-post tax-xogħol meħtieġa għall-operat u l-manutenzjoni tas-subsistema kkonċernata, kif ukoll għall-implimentazzjoni tat-TSI – Kapitolu 4 (Karatterizzazzjoni tas-subsistema).

Barra minn hekk, skont l-Artikolu 5(5) tad-Direttiva 2001/16/KE, tista' ssir dispożizzjoni għal każijiet speċifiċi għal kull TSI; dawn huma indikati fil-Kapitolu 7 (Implimentazzjoni tal-kmand-kontroll tat-TSI).

Fl-aħħar nett, din it-TSI fiha wkoll, fil-Kapitolu 4 (Karatterizzazzjoni tas-subsistema), ir-regoli operattivi u ta’ manutenzjoni speċifiċi għall-ambitu indikat fit-Taqsima 1.1 (Ambitu tekniku) u t-Taqsima 1.2 (Ambitu ġeografiku).

2.   DEFINIZZJONI U AMBITU TAS-SUBSISTEMA

2.1.    Ġenerali

Is-subsistema tal-kmand-kontroll hi definita bħala dak is-sett ta' funzjonijiet u l-implimentazzjoni tagħhom, li jippermettu l-moviment sikur tal-ferroviji.

Il-kmand-kontroll tat-TSI jiddefinixxi r-rekwiżiti essenzjali għal dawk il-partijiet tas-subsistema tal-kmand-kontroll li għandhom rilevanza għall-interoperabilità, u li għaldaqstant huma soġġetti għad-dikjarazzjoni ta' verifika tal-KE.

Il-karatteristiċi tas-subsistema tal-kmandkontroll li huma marbuta mal-interoperabilità tas-sistema ferrovjarja konvenzjonali trans-Ewropea huma determinati minn:

1.	Il-FUNZJONIJIET li huma essenzjali għall-kontroll sikur tat-traffiku ferrovjarja, u li huma essenzjali għall-operat, inklużi dawk meħtieġa skont kundizzjonijiet degradati.

2.	INTERFEJSIS.

3.	Il-livell ta’ PRESTAZZJONI meħtieġ biex jintlaħqu r-rekwiżiti essenzjali.

L-ispeċifikazzjoni ta’ dawn il-funzjonijiet, interfejsis u rekwiżiti tal-prestazzjoni huma provduti fil-Kapitolu 4 (Karatterizzazzjoni tas-Subsistema) fejn issir referenza għall-istandards tal-appoġġ.

2.2.    Ħarsa ġenerali

L-interoperabilità tan-netwerk ferrovjarju konvenzjonali trans-Ewropew tiddependi parzjalment fuq l-abilità tat-tagħmir tal-kmand-kontroll abbord biex jaħdem ma’ tagħmir differenti fil-ġenb tal-binarji.

Minħabba l-mobilità tal-parti abbord, is-subsistema tal-kmand-kontroll hi maqsuma f’żewġ partijiet: assemblaġġ abbord u assemblaġġ fil-ġenb tal-binarji (ara l-Figura 8 fl-Anness D).

2.2.1.   Interoperabilità

Din it-TSI tiddefinixxi l-funzjonijiet, interfejsis u rekwiżiti tal-prestazzjoni biex tiġi żgurata l-kisba tal-interoperabilità teknika. L-interoperabilità teknika hi l-prerekwiżit għall-interoperabilità operattiva, li fiha s-sewqan hu bbażat fuq informazzjoni konsisteni murija fil-vaguni u li hu konformi mar-rekwiżiti operattivi unifikati definiti għan-netwerk konvenzjonali. Din it-TSI fiha wkoll funzjonijiet li huma meħtieġa biex tinkiseb l-interoperabilità operattiva (ara t-Taqsima 4.3.1. Interfejs għall-operat u l-maniġment tat-traffiku tas-subsistema).

2.2.2.   Klassijiet ta’ sistemi tal-kmand-kontroll

Fis-subsistema tal-kmand-kontroll, hemm definiti żewġ klassijiet ta' sistemi ta' protezzjoni tal-ferroviji u tal-komunikazzjoni tar-radju; tal-Ferroviji Ċeki

Klassi A	:	Is-sistema tal-kmand-kontroll unifikata.
Klassi B	:	Is-sistemi tal-kmand-kontroll u l-applikazzjonijiet eżistenti qabel id-dħul fis-seħħ tad-Direttiva 2001/16/KE, limitati għal dawk deskritti fl-Anness B.

Sabiex tinkiseb l-interoperabilità, l-assemblaġġ tal-kmand-kontroll abbord il-ferroviji għandu jipprovdi:

—	l-interfejsis tal-komunikazzjoni tar-radju u tad-dejta tal-Klassi A, f’każ ta’ operazzjoni mal-infrastruttura tal-Klassi A,

—

l-interfejsis tal-komunikazzjoni tar-radju u tad-dejta tal-Klassi B mal-infrastruttura, f'każ ta' tħaddim mal-infrastruttura tal-Klassi B. Għas-sinjalar tad-dejta, dan jista’ jinkiseb bl-użu ta’ modulu tat-trażmissjoni speċifiku (STM) li jippermetti sistema Abbord tal-Klassi A li topera fuq linji mgħammra b’sistema fil-ġenb tal-binarji tal-Klassi B bl-użu ta’ dejta fil-Klassi B. L-interfejs bejn is-sistema abbord tal-Klassi A u l-STM hu definit f’dan it-TSI.

L-Istati Membru għandhom ir-responsabbiltà li jiżguraw li s-sistemi tal-Klassi B huma mmaniġġjati matul il-ħajja tagħhom; b’mod partikolari kwalunkwe bidliet għal dawn l-ispeċifikazzjonijiet ma għandhomx ikunu ta' ħsara għall-interoperabilità.

2.2.3.   Livelli ta’ applikazzjoni

L-interfejsis speċifikati minn din it-TSI jiddefinixxu l-mezzi tat-trażmissjoni tad-dejta lejn, u xi kultant minn, ferroviji. L-ispeċifikazzjonijiet fil-Klassi A referenzjati f'din it-TSI jipprovdu għażliet li minnhom proġett jista' jagħżel il-mezzi tat-trażmissjoni li jilħqu r-rekwiżiti tiegħu. Tliet livelli ta’ applikazzjoni huma definiti:

Livell 1	:	It-trasmissjoni tad-dejta tinkiseb bit-trażmissjoni fuq il-post (Eurobalise) u f’xi każijiet bi trażmissjoni semi-kontinwa (Euroloop jew radio in-fill). Id-ditezzjoni tal-ferroviji tinkiseb b'tagħmir ibbażat fuq il-binarji, normalment ċirkwiti tal-binarji jew tagħmir tal-għadd tal-fus. L-informazzjoni tas-sinjalar hi komunikata lix-xufier permezz ta’ tagħmir fil-vagun tas-sewqan u b’għażla, sinjali fil-ġenb tal-linja.
Livell 2	:	It-trażmissjoni tad-dejta tinkiseb bit-trażmissjoni kontinwa tar-radju (GSM-R). Għal xi funzjonijiet, it-trażmissjoni tar-radju tirrikjedi l-kumplimentazzjoni bit-trażmissjoni fuq il-post (Eurobalise). Id-ditezzjoni tal-ferroviji tinkiseb permezz ta’ tagħmir ibbażat fuq il-binarji, normalment ċirkwiti tal-binarji jew tagħmir tal-għadd tal-fus. L-informazzjoni tas-sinjalar tiġi komunikata lix-xufier permezz ta' tagħmir fil-vagun tas-sewqan u, b’għażla, sinjali fil-ġenb tal-linji.
Livell 3	:	It-trażmissjoni tad-dejta tinkiseb permezz ta’ trażmissjoni kontinwa tar-radju (GSM-R). Għal xi funzjonijiet, it-trażmissjoni tar-radju titlob kumplimentazzjoni permezz tat-trażmissjoni fuq il-post (Eurobalise). Id-ditezzjoni tal-ferroviji tinkiseb permezz ta’ tagħmir abbord, rappurtaġġ lill-assemblaġġ tal-kmand-kontroll fil-ġenb tal-binarji. L-informazzjoni tas-sinjalar hi komunikata lix-xufier permezz ta’ tagħmir fil-vagun tas-sewqan.

Ir-rekwiżiti ta’ din it-TSI japplikaw għal-livelli kollha ta’ applikazzjoni. L-implimentazzjoni hi indirizzata fil-Kapitolu 7 (Implimentazzjoni tal-kmand-kontroll tat-TSI). Ferrovija mgħammra b’sistema Abbord tal-Klassi A għal livell ta' applikazzjoni indikat għandha tkun kapaċi topera fuq dak il-livell u kwalunkwe wieħed iżjed baxx.

2.2.4.   Fruntieri tan-netwerk tal-infrastruttura

L-interfejsis tekniċi lokali bejn l-Assemblaġġ tal-kmand-kontroll fil-ġenb tal-binarji tal-infrastrutturi li jmissu magħħom ma għandhomx jirristrinġu l-passaġġ mhux interrott ta' ferroviji meta jaqsmu l-fruntieri bejniethom.

Kwalunkwe ferrovija ta’ veloċità għolja jew konvenzjoni mgħammra b’sistema Abbord tal-Klassi A skont it-TSI korrispondenti ma għandhiex, fuq raġunijiet li jikkonċernaw wieħed miż-żewġ TSIs, tkun ristretta li topera fi kwalunkwe rotta ta' veloċità għolja jew konvenzjonali b'infrastruttura mgħammra b'sistema tal-ġenb tal-binarji tal-Klassi A skont it-TSI korrispondenti, hekk kif ir-reġistru tal-vetturi ferrovjarji ta' dik il-ferrovija u r-reġistru tal-Infrastruttura ta' dik ir-rotta jkunu ġew ivverifikati għall-interoperabilità.

3.   IR-REKWIŻITI ESSENZJALI TAS-SUBSISTEMA TAL-KMAND-KONTROLL

3.1.    Ġenerali

L-Artikolu 4(1) tad-Direttiva tal-interoperabilità 2001/16/KE jirrikjedi li s-sistema ferrovjarja konvenzjonali trans-Ewropea, is-subsistemi u l-kostitwenti tal-interoperabilità inklużi l-interfejsis jilħqu r-rekwiżiti essenzjali stabbiliti fit-termini ġenerali fl-Anness III għad-Direttiva. Ir-rekwiżiti eEssenzjali huma:

—	is-sikurezza,

—	il-kredibbiltà u d-disponibbiltà,

—

is-saħħa,

—	il-protezzjoni ambjentali,

—	il-kompatibbiltà teknika.

Id-Direttiva tippermetti li r-rekwiżiti essenzjali jistgħu jiġu applikati għas-sistema ferrovjarja konvenzjonali trans-Ewropea kollha jew ikunu speċifiċi għal kull subsistema u l-kostitwenti tal-interoperabilità tagħha.

Ir-Rekwiżiti Essenzjali huma diskussi waħda waħda, hawn taħt. Ir-rekwiżiti tas-sistemi tal-Klassi B huma r-responsabbiltà tal-Istat Membru rilevanti.

3.2.    Aspetti Speċifiċi għas-subsistema tal-kmand-kontroll

3.2.1.   Is-sikurezza

Kull proġett li għalih tiġi applikata din l-ispeċifikazzjoni għandu jdaħħal fis-seħħ il-miżuri meħtieġa biex juri li l-livell ta’ riskju li jseħħ inċident li jaqa' fl-ambitu tas-subsistema tal-kmand-kontroll, mhuwiex akbar mill-għan għas-servizz. Sabiex jiġi żgurat li s-soluzzjonijiet għall-kisba tas-sikurezza ma jipperikolawx l-interoperabilità tar-rekwiżiti tal-parametru bażiku definit fit-Taqsima 4.2.1 (Karatteristiċi tas-sikurezza tal-kmand-kontroll rilevanti għall-interoperabilità) jiġu rispettati.

Għal sistema tal-Klassi A, l-għan tas-sikurezza globali għas-subsistema jitqassam bejn l-Assemblaġġi abbord u dawk fil-ġenb tal-Binarji. Ir-rekwiżiti dettaljati huma speċifikati fil-parametru bażiku definit fit-Taqsima 4.2.1 (Karatteristiċi tas-sikurezza tal-kmand-kontroll rilevanti għall-interoperabilità). Dan ir-rekwiżit tas-sikurezza għandu jintlaħaq flimkien mar-rekwiżiti tad-disponibbiltà kif definiti fit-Taqsima 3.2.2 (Kredibbiltà u Disponibbiltà).

Għal sistemi tal-Klassi B użati għal operat ferrovjarju konvenzjonali, hija r-responsabbiltà tal-Istat Membru adattat (definit fl-Anness B) li:

—	jiżgura li d-disinn tas-sistema tal-Klassi B jilħaq il-miri nazzjonali tas-sikurezza biex:

—	jassigura li l-applikazzjoni tas-sistema tal-Klassi B tilħaq il-miri nazzjonali tas-sikurezza,

—	jiddefinixxi l-parametri tal-operat sikur u l-kundizzjonijiet tal-użu tas-sistema tal-Klassi B (inklużi, iżda mhux limitati għal, moduli ta' manutenzjoni u degradati).

3.2.2.   Il-kredibbiltà u d-disponibbiltà

(a)

Għal sistema tal-Klassi A, l-għanijiet tal-kredibbiltà u d-disponibbiltà globali għas-subsistema huma mqassma bejn l-Assemblaġġi Abbord u dawk fil-ġenb tal-Binarji. Ir-rekwiżiti dettaljati huma speċifikati fil-Parametru Bażiku definit fit-Taqsima 4.2.1 (karatteristiċi tas-sikurezza tal-kmand-kontroll rilevanti għall-interoperabilità).

(b)

Il-kwalità tal-organizzazzjoni tal-manutenzjoni għas-sistemi kollha li jinkludu s-subsistema tal-kmand-kontroll għandha tiżgura li l-livell ta’ riskju hu kontrollat malli l-kostitwenti jeqdiemu u jitherrew. Il-kwalità tal-manutenzjoni għandha tiżgura li s-sikurezza ma ssofrix ħsara minħabba dawn l-attivitajiet. Ara t-Taqsima 4.5 (Regoli ta’ manutenzjoni).

3.2.3.   Is-saħħa

Skont ir-regolamenti Ewropej u r-regolamenti nazzjonali li huma kompatibbli mal-leġiżlazzjoni Ewropea, għandhom jittieħdu prekawzjonijiet biex jiżguraw li l-materjali użati ġewwa u fid-disinn tas-subsistemi tal-kmand-kontroll ma jikkostitwixxux periklu għas-saħħa għal persuni li għandhom aċċess għalihom.

3.2.4.   Protezzjoni ambjentali

Skont ir-regolamenti Ewropej u r-regolamenti nazzjonali li huma kompatibbli mal-leġiżlazzjoni Ewropea:

—	it-tagħmir tal-kmand-kontroll, jekk soġġett għal sħana eċċessiva jew nar, ma għandux jeċċedi l-limiti għall-emissjoni tad-dħaħen jew il-gassijiet li huma ta’ ħsara għall-ambjent,

—	it-tagħmir tal-kmand-kontroll ma għandux ikun fih sustanzi li waqt l-użu normali tagħhom, jistgħu jikkontaminaw l-ambjent b’mod anormali,

—	it-tagħmir tal-kmand-kontroll għandu jkun soġġett għal-leġiżlazzjoni Ewropea fis-seħħ li tikkontrolla l-limiti tal-emissjoni ta’ u s-suxxettibbiltà għal interferenza elettromanjetika matul il-konfini tal-proprjetà ferrovjarja,

—	it-tagħmir tal-kmand-kontroll għandu jikkonforma ma’ regolamenti eżistenti fuq it-tniġġiż tal-ħoss,

—	it-tagħmir tal-kmand-kontroll ma għandux jagħti lok għal livell inammissabbli ta' vibrazzjoni li tista' tikkawża ħsara għall-integrità tal-infrastruttura (meta l-infrastruttura hi fi stat korrett ta' manutenzjoni).

3.2.5.   Il-kompatibbiltà teknika

Il-kompatibbiltà teknika tinkludi l-funzjonijiet, l-interfejsis u l-prestazzjonijiet rikjesti għall-kisba tal-interoperabilità.

Ir-rekwiżiti tal-kompatibbiltà teknika huma subdiviżi fit-tliet kategoriji li ġejjin:

—	l-ewwel kategorija tistabbilixxi r-rekwiżiti tal-inġinerija ġenerali għall-interoperabilità, jiġifieri, il-kundizzjonijiet ambjentali, il-kompatibbltà elettromanjetika interna (EMC) fil-konfini tal-ferroviji, u l-installazzjoni. Dawn ir-rekwiżiti tal-kompatibbiltà huma definiti f’dan il-Kapitolu,

—	it-tieni kategorija tiddeskrivi kif għandha tiġi applikata s-subsistema tal-kmand-kontroll u liema funzjonijiet għandha twettaq sabiex tinkiseb l-interoperabilità. Din il-kategorija hi definita fil-Kategorija 4,

—	it-tielet kategorija tiddeskrivi kif is-subsistema tal-kmand-kontroll għandha tiġi operata sabiex tinkiseb l-interoperabilità. Din il-kategorija hi definita fil-Kapitolu 4.

3.2.5.1.   Il-kompatibbiltà tal-inġinerija

3.2.5.1.1.   Il-kundizzjonijiet ambjentali fiżiċi

Sistemi li jikkonformaw mar-rekwżiti tas-sistemi tal-Klassi A għandhom ikunu kapaċi li joperaw skont il-kundizzjonijiet klimatiċi u fiżiċi li jeżistu matul il-parti rilevanti tan-netwerk konvenzjonali trans-Ewropew. Għall-interfejsis għall-vetturi ferrovjarji ara t-Taqsima 4.3.2.5 (Kundizzjonijiet ambjentali fiżiċi) u għall-interfejsis għall-infrastruttura ara t-Taqsima 4.3.3.3 (Kundizzjonijiet ambjentali fiżiċi).

Is-sistemi li jikkonformaw mar-rekwiżiti tas-sistemi tal-Klassi B għandhom jikkonformaw mill-inqas mal-ispeċifikazzjonijiet ambjentali fiżiċi li japplikaw għas-sistema korrispondenti tal-Klassi B, sabiex ikunu kapaċi joperaw skont il-kundizzjonijiet klimatiċi u fiżiċi li jeżistu matul il-linji konvenzjonali kkonċernati.

3.2.5.1.2.   Il-kompatibbiltà elettromanjetika interna ferrovjarja

Il-Parametru Bażiku hu deskritt fit-Taqsima 4.2.12 (Kompatibbiltà elettromanjetika). Għall-interfejsis għall-vetturi ferrovjarji ara t-Taqsima 4.3.2.6 (Kompatibbiltà elettromanjetika), għall-interfejsis tal-infrastruttura ara t-Taqsima 4.3.3.4 (Kompatibbiltà elettromanjetika) u għall-interfejsis għall-Enerġija ara t-Taqsima 4.3.4.1 (Kompatibbiltà elettromanjetika).

3.2.5.2.   Il-kompatibbiltà tal-kmand-kontroll.

Il-Kapitolu 4, appoġġjat mill-Annessi A u B, jiddefinixxi r-rekwiżiti għall-interoperabilità tas-subsistema tal-kmand-kontroll.

Barra minn hekk, din it-TSI flimkien mat-TSI tal-kmand-kontroll għas-sistema ferrovjarja ta' veloċità għolja trans-Ewropea tiżgura, safejn is-subsistema tal-kmand-kontroll hi kkonċernata, l-interoperabbiltà teknika bejn sistemi ferrovjarji ta' veloċità għolja u dawk konvenzjonali trans-Ewropej meta t-tnejn ikunu mgħammra b'sistema tal-Klassi A.

4.   KARATTERIZZAZZJONI TAS-SUBSISTEMA

4.1.    Introduzzjoni

Is-sistema ferrovjarja konvenzjonali trans-Ewropea, li għaliha tapplika d-Direttiva 2001/16/KE u li minnha tifforma parti s-subsistema tal-kmand-kontroll, hi sistema integrata li l-konsistenza tagħha għandha tiġi verifikata. Din il-konsistenza għandha tiġi verifikata b’mod partikolari fir-rigward tal-ispeċifikazzjonijiet tas-subsistema, l-interfejsis tagħha fir-rigward tas-sistema li fiha hi integrata, kif ukoll ir-regoli tal-operat u tal-manutenzjoni.

Meta wieħed iqis ir-rekwiżiti essenzjali rilevanti, is-subsistema tal-kmand-kontroll hi karatterizzata bil-parametri bażiċi li ġejjin:

—	karatteristiċi tas-sikurezza tal-kmand-kontroll rilevanti għall-interoperabilità (it-Taqsima 4.2.1),

—	funzjonalità tal-ETCS abbord (it-Taqsima 4.2.2),

—	funzjonalità tal-ETCS fil-ġenb tal-binarji (it-Taqsima 4.2.3),

—	funzjonijiet EIRENE (it-Taqsima 4.2.4),

—	interfejsis tal-ispazju tal-arja tal-ETCS u EIRENE (it-Taqsima 4.2.5),

—	interfejsis abbord interni għall-kmand-kontroll (it-Taqsima 4.2.6),

—	interfejsis fil-ġenb tal-binarji interni għall-kmand-kontroll (it-Taqsima 4.2.7),

—	maniġment ewlieni (it-Taqsima 4.2.8),

—	maniġment tal-ETCS-ID (it-Taqsima 4.2.9),

—	HABD (ditekter tal-kaxxa tal-fus sħun) (it-Taqsima 4.2.10),

—	kompatibbiltà mas-Sistemi tad-Ditezzjoni tal-Ferrovija fil-ġenb tal-binarji (it-Taqsima 4.2.11),

—	Kompatibbiltà elettromanjetika (it-Taqsima 4.2.12),

—	ETCS DMI (interfejs tal-magna max-xufier) (it-Taqsima 4.2.13),

—	EIRENE DMI (interfejs tal-magna max-xufier) (it-Taqsima 4.2.14),

—	interfejs għar-reġistrazzjoni tad-dejta għal skopijiet regolatorji (it-Taqsima 4.2.15),

—	Viżibbiltà ta' oġġetti tal-kmand-kontroll fil-ġenb tat-trakk (it-Taqsima 4.2.16).

Ir-rekwiżiti tat-taqsimiet

—	4.2.10 (HABD (Ditekter tal-kaxxa tal-fus sħun)),

—	4.2.11 (Kompatibbiltà ma’ sistemi tad-ditezzjoni tal-ferroviji fil-ġenb tal-binarji),

—	4.2.12 (Kompatibbiltà elettromanjetika),

—	4.2.16 (Viżibbiltà ta’ oġġetti tal-kmand-kontroll fil-ġenb tal-binarji),

għandhom jiġu applikati dejjem, indipendentament mill-klassi tas-sistema.

Ir-rekwiżiti l-oħra kollha fit-Taqsima 4.2 (Speċifikazzjonijiet funzjonali u tekniċi tas-subsistema) għandhom jiġu applikati dejjem għas-sistema tal-Klassi A biss. Ir-rekwiżiti tas-sistemi tal-Klassi B huma r-responsabbiltà tal-Istat Membru adattat. L-Anness B jittratta mal-karatteristiċi tas-sistema tal-Klassi B u jiddefinixxi l-Istati Membri responsabbli.

L-STMs, li jippermettu s-sistema abbord tal-Klassi A li topera fuq infrastruttura tal-Klassi B, huma suġġetti għar-rekwiżiti fil-Klassi B.

Sabiex tintlaħaq l-interoperabilità, mhuwiex meħtieġ li jiġu standardizzati l-funzjonijiet kollha fis-subsistema kollha tal-kmand-kontroll. Il-funzjonalità għall-protezzjoni awtomatika tal-ferrovija u l-kontroll awtomatiku tal-ferrovija meqjusa fil-Kapitolu 4 hi:

—	funzjonijiet standard abbord, li jiżguraw li kull ferrovija għandha tirreaġixxi għad-dejta rċevuta mill-ġenb tal-binarji b’mod prevedibbli,

—	funzjonijiet standard fil-ġenb tal-binarji, kapaċi li jipproċessaw id-dejta mis-sistemi nazzjonali tal-imblukkar awtomatiku u tas-sinjalar u li jittraduċi din id-dejta f’messaġġi standard għall-ferroviji,

—	interfejsis standard għal komunikazzjoni mill-binarji għall-ferrovija u mill-ferrovija għall-binarji.

Il-funzjonijiet tal-kmand-kontroll huma klassifikati f’kategoriji li jindikaw, pereżempju, jekk humiex għażla jew obbligatorji. Il-kategoriji huma definiti fl-Anness A, l-Indiċi 1 u l-Anness A, l-Indiċi 32 u l-klassifikazzjoni tal-funzjonijiet huma indikati fit-test tagħhom.

L-Anness A, l-Indiċi 3 jipprovdi l-Glossarju tat-termini u d-definizzjonijiet tal-ETCS li huma użati fl-ispeċifikazzjonijiet definiti fl-Anness A.

Fid-dawl tar-rekwiżiti essenzjali fil-Kapitolu 3, l-ispeċifikazzjonijiet funzjonali u tekniċi tas-subsistema tal-kmand-kontroll huma dawn li ġejjin:

4.2.    Speċifikazzjonijiet funzjonali u tekniċi tas-subsistema

4.2.1   Karatteristiċi tal-kmand-kontroll rilevanti għall-interoperabilità

Il-parametru bażiku jiddeskrivi r-rekwiżiti tas-sikurezza f’assemblaġġi Abbord u r-rekwiżiti tas-sikurezza f’assemblaġġi fil-ġenb tal-Binarji.

B’referenza għar-rekwiżit essenzjali tas-sikurezza (ara t-Taqsima 3.2.1, Sikurezza), dan il-parametru bażiku jistabbilixxi r-rekwiżiti mandatorji għall-interoperabilità:

—	li jiżgura li s-soluzzjonijiet biex tinkiseb is-sikurezza ma jipperikolawx ir-rekwiżiti tal-interoperabilità tal-Anness A, l-Indiċi 48 li għandhom jiġu rispettati,

—

għall-parti relatata mas-sikurezza ta’ assemblaġġ wieħed abbord kif ukoll għal assemblaġġ wieħed fil-ġenb tal-binarji, ir-rekwiżit tas-sikurezza għal livell tal-ETCS 1 jew 2 (1) hu: ir-rata ta’ periklu tollerabbli (THR) ta’ 10-9/siegħa (għal ħsarat aleatorji) li tikkorrispondi mal-Livell tal-Integrità tas-Sikurezza 4. Ir-rekwiżiti dettaljati għal tagħmir tal-Klassi A huma speċifikati fl-Anness A, l-Indiċi 27. Jistgħu jiġu adottati rekwiżiti tas-sikurezza inqas ristrettivi fuq il-valuri THR għal tagħmir fil-ġenb tal-binarji, sakemm l-għan tas-sikurezza għas-servizz ikun intlaħaq.

—	Ir-rekwiżiti tal-kredibbiltà u d-disponibbiltà tal-Anness A, l-Indiċi 28 għandhom jiġu rispettati.

4.2.2.   Funzjonalità tal-ETCS abbord

Dan il-parametru bażiku jiddeskrivi il-funzjonalità abbord tal-ETCS. Fih il-funzjonijiet kollha biex ferrovija titħaddem b’mod sikur. Il-prestazzjoni tal-funzjonijiet għandha tikkonforma mal-Anness A, l-Indiċi 14. Dawn il-funzjonijiet għandhom jiġu implimentati skont l-Anness A, l-Indiċi 1, 2, 4, 13, 23, 24, 53 u l-ispeċifikazzjonijiet tekniċi indikati hawn taħt:

—

Komunikazzjoni mal-assemblaġġ tal-kmand-kontroll fil-ġenb tal-binarji. Il-funzjoni tat-trażmissjoni tad-dejta li timtela f'applikazzjonijiet fil-Livell tal-ETCS 1 hi obbligatorja biss abbord skont il-kundizzjonijiet definiti fil-Kapitolu 7. Il-funzjonalità tar-radju tad-dejta għall-ETCS hi obbligatorja biss għal applikazzjonijiet tal-ETCS fil-Livell 2 jew fil-Livell 3. — Riċezzjoni Eurobalise. Ara l-Anness A, l-Indiċi 9, 36, 43 — Riċezzjoni Euroloop. Ara l-Anness A, l-Indiċi 15, 16, 50 — Maniġment tal-protokoll tat-trażmissjoni tar-radju u tal-messaġġi tar-radju. Ara l-Anness A, l-Indiċi 10, 11, 12, 18, 19, 22, 39, 40.

—	Komunikazzjoni max-xufier — Sewqan appoġġjat. Ara l-Anness A, l-Indiċi 51 — Provvista ta’ informazzjoni tal-odometrija. Ara l-Anness A, l-Indiċi 51.

—	Komunikazzjoni mal-STMs. Ara l-Anness A, l-Indiċi 8, 25, 26, 36, 52. Din il-funzjoni tinkludi: — Maniġment tal-output tal-STMs — Provvista tad-dejta li għandha tintuża mill-STM — Maniġment tat-tranżizzjonijiet tal-STM.

—

Provvista ta’ funzjoni tal-protezzjoni awtomatika tal-ferrovija u s-sinjalar tal-vaguni. Ara l-Anness A, l-Indiċi 6, 7, 31, 37. Din il-funzjoni tinkludi: — Sejba tal-pożizzjoni tal-ferrovija f’sistema tal-koordinazzjoni Eurobalise, li hi l-bażi għas-superviżjoni tal-profil dinamiku tal-veloċità — Kalkolu tal-profil tal-veloċità dinamika għall-missjoni tagħha — Superviżjoni tal-profil tal-veloċità dinamika matul il-missjoni tagħha — L-għażla tal-modulu tas-superviżjoni tal-veloċità — Superviżjoni tal-ferrovija skont il-valuri nazzjonali — Definizzjoni u provvista tal-funzjoni tal-intervent — Issettjar tal-karatteristiċi tal-ferrovija.

—	Dimostrazzjoni tal-kompletezza tal-ferrovija (integrità tal-ferrovija) – obbligatorja għal-livell 3, mhux meħtieġa għal-livell 1 jew 2.

—	Monitoraġġ tas-saħħa tat-tagħmir u appoġġ għall-modulu tal-ħsara. Din il-funzjoni tinkludi: This function includes: — Inizjalizzazzjoni tal-funzjonalità tal-ETCS abbord. — Provvista ta’ appoġġ tal-modulu tal-ħsara. — Iżolament tal-funzjonalità tal-ETCS abbord.

—	Reġistrazzjoni ta’ dejta tal-appoġġ għal skopijiet regolatorji. Ara l-Anness A, l-Indiċi 5, 41, 55.

—	Il-funzjoni ta’ viġilanza. Ara l-Anness A, l-Indiċi 42. L-implimentazzjoni tista’ tkun: — Barra l-ERTMS/ETCS Abbord, il-kostitwent tal-interoperabilità (ara l-Kapitolu 5), b’interfejs tal-għażla għall-ERTMS/ETCS Abbord, jew — Ġewwa l-ERTMS/ETCS Abbord.

4.2.3.   Funzjonalità tal-ETCS fil-ġenb tal-binarji

Dan il-parametru bażiku jiddeskrivi l-funzjonalità tal-ETCS fil-ġenb tal-binarji. Fih il-funzjonalità kollha tal-ETCS biex jipprovdi mogħdija sikura għal ferrovija speċifika. Il-prestazzjoni tal-funzjonijiet għandha tikkonforma mal-Anness A, l-Indiċi 14. Dawn il-funzjonijiet għandhom jiġu implimentati skont l-Anness A, l-Indiċi 1, 2, 4, 13, 23, 24, 31, 37, 53 u l-ispeċifikazzjonijiet tekniċi indikati hawn taħt:

—	Komunikazzjoni b’tagħmir tas-sinjalar fil-ġenb tal-binarji (imblukkar awtomatiku, sinjalar).

—	Sejba tal-pożizzjoni ta’ ferrovija speċifika f’sistema ta’ koordinazzjoni Eurobalise (livelli 2 u 3).

—	It-traduzzjoni tal-informazzjoni minn tagħmir tas-sinjalar fil-ġenb tal-binarji f'format standard għall-Assemblaġġ Abbord tal-kmand-kontroll.

—	Ġenerazzjoni ta’ awtoritajiet ta’ moviment inkluża deskrizzjoni tal-binarji u ordnijiet assenjati lil ferrovija speċifika.

—

Komunikazzjoni mal-Assemblaġġ Abbord tal-kmand-kontroll. Dan jinkludi: — Trażmissjoni Eurobalise. Ara l-Anness A, l-Indiċi 9, 43 — In-fill tar-radju. Ara l-Anness A, l-Indiċi 18, 19, 21. L-in-fill tar-radju hu rilevanti biss fil-livell li fih hu għażla. (ara wkoll it-Taqsima 7.2.6) — Euroloop. Ara l-Anness A, l-Indiċi 16, 50. L-Euroloop hu rilevanti biss fil-livell 1 li fih hu b’għażla (ara wkoll it-Taqsima 7.2.6) — Komunikazzjoni tar-radju RBC. Ara l-Anness A, l-Indiċi 10, 11, 12, 39, 40. Il-komunikazzjoni tar-radju RBC hi rilevanti biss għal-livell 2 u l-livell 3.

—	Provvista ta’ informazzjoni għall-ikklerjar tal-binarji lis-sistema tal-imblukkar awtomatiku. Din il-funzjoni hi meħtieġa biss għal-livell 3.

4.2.4.   Funzjonijiet tal-EIRENE

Dan il-parametru bażiku jiddeskrivi l-funzjonijiet tal-komunikazzjoni vokali u tad-dejta tal-EIRENE:

—	Funzjonijiet relatati mas-sejħiet tax-xufiera

—	Funzjonijiet tar-radju operattivi

—	Komunikazzjoni tad-dejta.

Dawn il-funzjonijiet għandhom jiġu implimentati skont l-ispeċifikazzjonijiet tekniċi indikati fl-Anness A, l-Indiċi 32, 33 u 48 u l-prestazzjoni tagħhom għandha tikkonforma mal-Indiċi 54 tal-Anness A.

4.2.5.   Interfejsis tal-ispazju tal-arja tal-ETCS u EIRENE

L-ispeċifikazzjoni kompluta ta’ dawn l-interfejsis tikkonsisti f’żewġ partijiet:

—	speċifikazzjoni tal-protokolli għat-trasport tal-informazzjoni minn/lejn funzjonijiet tal-ERTMS u għall-iżgurar tas-sikurezza fil-komunikazzjoni.

—	speċifikazzjoni tal-interfejsis bejn biċċiet tat-tagħmir. L-interfejsis bejn it-tagħmir huma deskritti fi: — It-Taqsima 4.2.6 (interfejsis abbord interni għall-kmand-kontroll) għal abbord — It-Taqsima 4.2.7 (interfejsis fil-ġenb tal-binarji interni għall-kmand-kontroll) għall-ġenb tal-binarji

Dan il-parametru bażiku jiddeskrivi l-ispazju tal-arja bejn l-assemblaġġi tal-kmand tal-kontroll fil-ġenb tal-binarji u abbord. Jinkludi:

—	il-valuri fiżiċi, elettriċi u elettromanjetiċi li għandhom jiġu rispettati biex jippermettu funzjonament sikur,

—	il-protokoll tal-komunikazzjoni li għandu jintuża,

—	id-disponibbiltà tal-istazzjon tal-komunikazzjoni.

L-ispeċifikazzjonijiet li ġejjin japplikaw:

—	komunikazzjonijiet tar-radju mal-ferrovija. L-interfejsis tal-komunikazzjoni tar-radju fil-Klassi A għandhom joperaw fil-Band R-GSM. Ara l-Anness A, l-Indiċi 35. Il-protokolli għandhom jikkonformaw mal-Anness A, l-Indiċi 10, 18, 19, 39, 40

—	Komunikazzjoni tal-Eurobalise u l-Euroloop mal-ferrovija. L-interfejsis tal-komunikazzjoni Eurobalise għandhom jikkonformaw mal-Anness A, l-Indiċi 9, 43. L-interfejsis tal-komunikazzjoni Euroloop għandhom jikkonformaw mal-Anness A, l-Indiċi 16, 59.

4.2.6.   Interfejsis abbord interni għall-kmand-kontroll

Dan il-parametru bażiku jikkonsisti fi tliet partijiet.

4.2.6.1.   Interfejs bejn l-ECTS u l-STM

Il-modulu tat-trażmissjoni speċifiku (STM) jippermetti lill-ETCS abbord li joperaw fuq binarji mgħammra bis-sistemi tal-Klassi B.

L-interfejs bejn il-funzjonalità tal-ETCS abbord u l-STMs għal sistemi tal-Klassi B hu definit fl-Anness A, l-Indiċi 4, 8, 25, 26. L-Anness A, l-Indiċi 45 jispeċifika l-interfejs K. L-implimentazzjoni tal-interfejs K hi għażla iżda jekk issir, għandha tkun skont l-Anness A, l-Indiċi 45.

4.2.6.1.   GSM-R/ETCS

L-interfejs bejn ir-radju tal-Klassi A u l-funzjonalità tal-ETCS abbord. Dawn ir-rekwiżiti huma speċifikati fl-Anness A, l-Indiċi 4, 7, 20, 22, 34.

4.2.6.2.    Odometrija

L-interfejs bejn il-funzjoni tal-odometrija u l-ERTMS/ETCS abbord għandu jilħaq ir-rekwiżiti tal-Anness A, l-Indiċi 44. Dan l-interfejs jikkontribwixxi għal dan il-parametru bażiku biss meta t-tagħmir tal-odometrija jkun provdut bħala kostitwent tal-interoperabilità separat (ara t-Taqsima 5.2.2, Iggruppjar tal-kostitwenti tal-interoperabilità).

4.2.7.   Interfejsis fil-ġenb tal-binarji interni għall-kmand-kontroll

Dan il-parametru bażiku jikkonsisti f’sitt partijiet.

4.2.7.1.   Interfejs funzjonali bejn l-RBCs

Dan l-interfejs hu użat biex jiddefinixxi d-dejta li għandha tiġi skambjata bejn iċ-ċentri tal-blokka tar-radju (RBC) tal-viċinat biex ferrovija tkun tista' timxi b'mod sikur minn żona waħda tal-RBC għal oħra. Jiddeskrivi:

—	informazzjoni mill-RBC “li jittrażmetti’ għall-RBC ‘li jirċievi”,

—	Informazzjoni mill-RBC “li jirċievi” għall-RBC “li jittrażmetti”

Dawn ir-rekwiżiti huma speċifikati fl-Anness A, l-Indiċi 12.

4.2.7.2.   Interfejs tekniku bejn l-RBCs

Dan hu l-interfejs tekniku bejn żewġ RBCs. Dawn ir-rekwiżiti huma speċifikati fl-Anness A, l-Indiċi 58.

4.2.7.3.   GSM-R/RBC

Dan hu l-interfejs bejn is-sistema tar-radju tal-Klassi A u l-funzjonalità tal-ETCS fil-ġenb tal-binarji. Dawn ir-rekwiżiti huma speċifikati fl-Anness A, l-Indiċi 4, 20, 22, 34.

4.2.7.4.   Eurobalise/LEU

Dan hu l-interfejs bejn l-Eurobalise u l-unità elettronika fil-ġenb tal-linja (LEU). Dawn ir-rekwiżiti huma speċifikati fl-Anness A, l-Indiċi 9. Dan l-interfejs jikkontribwixxi biss għal dan il-parametru bażiku meta l-Eurobalise u l-LEUs jiġu provduti bħala kostitwenti tal-interoperabilità separati (ara t-Taqsima 5.2.2, Iggruppjar tal-kostitwenti tal-interoperabilità).

4.2.7.5.   Euroloop/LEU

Dan hu l-interfejs bejn l-Euroloop u l-LEU. Dawn ir-rekwiżiti huma speċifikati fl-Anness A, l-Indiċi 16. Dan l-interfejs jikkontribwixxi għal dan il-parametru bażiku biss meta l-Euroloop u l-LEUs huma provduti bħala kostitwenti tal-interoperabilità separati (ara t-Taqsima 5.2.2., Iggruppjar tal-kostitwenti tal-interoperabilità).

4.2.7.6.   Rekwiżiti dwar it-twaħħil minn qabel ta' tagħmir fil-ġenb tal-binarji ERTMS

Dan hu l-interfejs bejn it-tagħmir tal-Klassi A fil-ġenb tal-binarji u l-infrastruttura tal-kmand-kontroll fil-ġenb tal-binarji. Dawn ir-rekwiżiti huma speċifikati fl-Anness A, l-Indiċi 59. Dan l-Indiċi jiddeskrivi l-mezzi għat-twaħħil minn qabel fil-ġenb tal-binarji ta’ tagħmir tal-Klassi A.

4.2.8.   Maniġment tal-imfietaħ

Dan il-parametru jikkonċerna d-dejta relatata mas-sikurezza trażmessa permezz tar-radju li hi protetta permezz ta' mekkaniżmi li jeħtieġu mfietaħ kriptografiċi. Il-maniġers tal-infrastruttura u l-impriżi ferrovjarji għandhom jipprovdu sistema ta’ maniġment li tikkontrolla u timmnaiġġja l-imfietaħ. Hemm bżonn ta’ interfejs tal-maniġment tal-imfietaħ:

—	bejn is-sistemi tal-maniġment tal-imfietaħ ta’ maniġers tal-infrastruttura differenti,

—	bejn is-sistemi tal-maniġment tal-imfietaħ ta’ impriżi ferrovjarji u l-maniġers tal-infrastruttura,

—	bejn is-sistema tal-maniġment tal-imfietaħ u t-tagħmir tal-ETCS abbord u fil-ġenb tal-binarji.

Ir-rekwiżiti għall-maniġment tal-imfietaħ bejn is-sistemi tal-maniġment tal-imfietaħ ta’ reġjuni interoperabbli huma speċifikati fl-Anness A, l-Indiċi 11.

4.2.9.   Maniġment ETCS-ID

Dan il-parametru bażiku jikkonċerna l-identitajiet tal-ETCS uniċi għal tagħmir f’assemblaġġi fil-ġenb tal-binarji u abbord. Ir-rekwiżiti huma speċifikati fl-Anness A, l-Indiċi 23. L-allokazzjoni tal-elementi varjabbli hi definita fl-Anness A, l-Indiċi 53.

Il-fornituri tat-tagħmir tal-kmand-kontroll abbord huma responsabbli għall-maniġment ta’ identitajiet uniċi fil-firxa allokata kif definiti fl-Anness A, l-Indiċi 53. Dawk li jżommu l-vetturi ferrovjarji għandhom jipprovdu sistema ta’ maniġment li tikkontrolla u timmaniġġja l-identitajiet matul iċ-ċiklu tal-ħajja tal-assemblaġġ.

Fl-Anness A, l-Indiċi 53, l-Istati Membri huma allokati firxiet tal-identitajiet. L-Istati Membri huma responsabbli għall-maniġment tal-allokazzjoni ta’ dawn il-firxiet lill-entitajiet kontraenti fl-Istat tagħhom.

L-entitajiet kontraenti tal-assemblaġġi fil-ġenb tal-binarji huma responsabbli għall-maniġment ta’ identitajiet uniċi fil-firxa allokata tagħhom. Il-maniġer tal-infrastruttura għandu jipprovdi sistema ta’ maniġment li tikkontrolla u timmaniġġja l-identitajiet matul iċ-ċiklu tal-ħajja tal-assemblaġġ.

4.2.10.   HABD (Ditekter tal-kaxxa tal-fus sħun)

Dan il-parametru bażiku jispeċifika r-rekwiżiti għat-tagħmir fil-ġenb tal-binarji, użat biex jivverifika jekk it-temperatura tal-berings tal-fusien tal-vetturi ferrovjarji li jgħaddu tkunx qabżet ċertu valur u għat-trażmissjoni ta’ din l-informazzjoni lil ċentru tal-kontroll. Ir-rekwiżiti huma definiti fl-Anness A, l-Appendiċi 2.

It-trattament tal-vetturi ferrovjarji mgħammra b’ditekters abbord hu deskritt wkoll fit-TSI TS HS, it-Taqsima 4.2.11.

4.2.11.   Kompatibbiltà ma’ sistemi tad-ditezzjoni tal-ferrovija fil-ġenb tal-binarji

Dan il-parametru bażiku jiddeskrivi l-karatteristiċi tas-sistemi tad-ditezzjoni tal-ferroviji fil-ġenb tal-binarji li għandhom jiġu attivati minn vetturi ferrovjarji li jikkonformaw mat-TSI tal-vetturi ferrovjarji.

Il-vetturi ferrovjarji għandu jkollhom il-karatteristiċi meħtieġa għall-operat tas-sistemi tad-ditezzjoni tal-ferrovija fil-ġenb tal-binarji. Fl-Anness A, l-Appendiċi 1, huma speċifikati r-rekwiżiti relatati mal-karatteristiċi ta’ vettura. Dawn il-karatteristiċi huma definiti fit-TSI tal- vetturi ferrovjarji HS u t-TSI tal-vaguni tal-merkanzija tal-vetturi ferrovjarji fit-taqsimiet indikati fit-tabella, u għandhom jiġu inklużi f'TSIs tal-vetturi ferrovjarji futuri.

Parametru	L-Appendiċi 1 TSI tal-kmand-kontroll	TSI tal-vetturi ferrovjarji HS	TSI tal-vaguni tal-merkanzija tal-vetturi ferrovjarji	TSI tal-unitajiet taċ-ċaqliq tal-vetturi ferrovjarji – lokomottivi, EMUs, DMUs- u kowċijiet	TSI tal-operazzjonijiet u l-maniġment tat-traffiku	TSI tal-operazzjonijiet u l-maniġment tat-traffiku (CR)
Distanzi tal-fus	2.1 inkl. Figura 6	Għadha mhix speċifikata	4.2.3.2	?		—
Ġeometrija tar-roti	2.2 inkl. Figura 7	4.2.10	5.4.2.3	?		—
Massa tal-vettura (tagħbija minima tal-fus)	3.1	4.1.2	4.2.3.2	?		—
Spazju mingħjar metall madwar ir-roti	3.2	Għadu mhux speċifikat	Il-Kapitolu 6 (2)	?		—
Massa tal-metall tal-vettura	3.3	Għadu mhux speċifikat	Punt miftuħ	?		—
Materjal tar-roti	3.4	Għadu mhux speċifikat	5.4.2.3	?		—
Impedenza bejn ir-roti	3.5	4.2.10e	4.2.3.3.1	?		—
Impedenza bejn il-vetturi	3.6	Għadu mhux speċifikat	L-ebda	?		—
Użu ta’ tagħmir tal-ixkatlar	4.1	Għadu mhux speċifikat	L-ebda	?		Użu ta’ blokok tal-brejkijiet komposti
Użu ta’ blokok tal-brejkijiet komposti	4.2	Għadu mhux speċifikat	Punt miftuħ	?		—
Kurrent taċ-ċaqliq	5.1	Għadu mhux speċifikat	L-ebda	?		—
Użu ta’ brejks elettriċi/manjetiċi	5.2	4.1.5, 4.2.15, 4.3.6	L-ebda	?		(3)
Kampi elettriċi, manjetiċi, elettromanjetiċi	5.3	4.1.9	L-ebda	?		—

4.2.12.   Kompatibbiltà elettromanjetika

Dan il-parametru bażiku hu maqsum f’żewġ partijiet.

4.2.12.1.   Kompatibbiltà elettromanjetika interna tal-kmand-kontroll

It-tagħmir tal-kmand-kontroll ma għandux jinterferixxi ma’ tagħmir ieħor tal-kmand-kontroll.

4.2.12.2.   Il-kompatibbiltà elettromanjetika bejn il-vetturi ferrovjarji u t-tagħmir tal-kmand-kontroll fil-ġenb tal-binarji

Dan jinkludi l-firxa tal-emissjonijiet tal-kompatibbiltà elettromanjetika (EMC) (kurrent taċ-ċaqliq kondott u indott u kurrenti oħra li joriġinaw mill-ferrovija, karatteristiċi tal-kamp elettromanjetiku kif ukoll kampijiet statiċi) li għandhom jiġu rispettati minn vetturi ferrovjarji sabiex jiżguraw il-funzjonament korrett tat-tagħmir tal-kmand-kontroll fil-ġenb tal-binarji. Dan jinkludi d-deskrizzjoni għall-kejl tal-valuri.

Is-sistemi tad-ditezzjoni tal-ferrovija fil-ġenb tal-binarji għandu jkollhom il-karatteristiċi meħtieġa biex ikunu kompatibbli mal-vetturi ferrovjarji li jikkonformaw mat-TSI tal-vetturi ferrovjarji.

L-Anness A, l-Appendiċi 1 jispeċifika l-karatteristiċi tas-sistemi tad-ditezzjoni tal-ferroviji meħtieġa biex ikunu kompatibbli mal-vetturi ferrovjarji. Dawn il-karatteristiċi għandhom ikunu inklużi fit-TSI tal-vetturi ferrovjarji.

4.2.13.   ETCS DMI (interfejs tal-magna tax-xufier)

Dan il-parametru bażiku jiddeskrivi l-informazzjoni provduta mis-sistema tal-ETCS Abbord lix-xufier u li tiddaħħal fl-ERTM/ETCS Abbord mix-xufier. Ara l-Anness A, l-Indiċi 51.

Jinkludi:

—	l-ergonomija (inkluża l-viżibbiltà),

—	il-funzjonijiet tal-ETCS li għandhom jintwerew,

—	il-funzjonijiet tal-ETCS riżultanti mill-input tax-xufier.

4.2.14.   EIRENE DMI (interfejs tal-magna tax-xufier)

Dan il-parametru bażiku jiddeskrivi l-informazzjoni provduta mis-sistema abbord tal-EIRENE lix-xufier u mdaħħla fis-sistema abbord tal-EIRENE mix-xufier. Ara l-Anness A, l-Indiċi 32, 33, 51.

Jinkludi:

—	l-ergonomija (inkluża viżibbiltà),

—	il-funzjonijiet tal-EIRENE li għandhom jintwerew,

—	l-informazzjoni relatata mas-sejħiet li tkun ħierġa,

—	l-informazzjoni relatata mas-sejħiet li tkun dieħla.

4.2.15.   Interfejs għar-reġistrazzjoni tad-dejta għal skopijiet regolatorji

Dan il-parametru bażiku jiddeskrivi:

—	l-iskambju tad-dejta bejn ir-reġistratur ġuridiku u l-għodda tat-tniżżil,

—	il-protokolli tal-komunikazzjoni,

—	l-interfejs fiżiku,

—	ir-rekwiżiti funzjonali għal, u l-użu tar-reġistrazzjoni tad-dejta.

Għandu jkun possibbli għall-awtoritajiet investigattivi f’kull Stat Membru li jkollhom aċċess għad-dejta rreġistrata li tilħaq ir-rekwiżiti tar-reġistrazzjoni tad-dejta obbligatorji għal skopijiet uffiċjali u investigattivi.

Ara l-Anness A, l-Indiċi 4, 5, 41, 55.

4.2.16.   Viżibbiltà tal-oġġetti tal-kmand-kontroll fil-ġenb tal-binarji

Dan il-parametru bażiku jiddeskrivi:

—	il-karatteristiċi ta’ sinjali li jixgħelu minn wara,

—	il-veduta esterna tax-xufier. Oġġetti tal-kmand-kontroll fil-ġenb tal-binarji li jeħtieġu li jiġu osservati mix-xufier għandhom ikunu jinsabu f’post li jikkunsidra l-veduta esterna tax-xufier kif definit fit-TSI tal-Operazzjonijiet u l-Maniġment tat-Traffiku.

4.3.    Speċifikazzjonijiet funzjonali u tekniċi tal-interfejs għal subsistemi oħra

4.3.1.   Interfejs għall-operat u l-maniġment tas-subsistema tat-traffiku

Ir-referenzi kollha għat-TSI OPE CR huma punti miftuħa u għad iridu jiġu konfermati, meta dan it-TSI jiġi approvat.

4.3.1.1.   Regoli operattivi

In-netwerk konvenzjonali Ewropew għandu jibqa’ soġġett għal xi rekwiżiti operattivi unifikati, li għandhom jiġu deskritti fis-CR TSI “Operat u maniġment tat-traffiku” (it-Taqsima 4.4 Regoli operattivi tas-CCS TSI).

TSI OPE CR: Taqsima 4.4. (li għad trid tiġi konfermata)

4.3.1.2.   Interfejs tal-magna tax-xufier tal-ETCS

Dan l-interfejs jiddeskrivi l-informazzjoni provduta mill-ERTMS ETCS Abbord lix-xufier u mdaħħla fl-ERTMS ETCS Abbord mix-xufier. Il-parametru bażiku tal-kmand-kontroll hu deskritt fit-Taqsima 4.2.14 (ETCS DMI (interfejs tal-magna tax-xufier)).

Dan l-interfejs hu rilevanti għas-sistema tal-Klassi A. Ir-rekwiżiti għal sistemi tal-Klassi B huma definiti mill-Istat Membru adattat (ara l-Anness B).

TSI OPE CR: Taqsima 4.4 (li għad trid tiġi konfermata)

4.3.1.3.   Interfejs tal-magna max-xufier tal-EIRENE

Dan l-interfejs jiddeskrivi l-informazzjoni provduta mis-sistema abbord tal-EIRENE lix-xufier u mdaħħla fis-sistema abbord tal-EIRENE mix-xufier. Il-parametru bażiku tal-kmand-kontroll hu deskritt fit-Taqsima 4.2.14 (EIRENE DMI (Interfejs tal-Magna max-Xufier))

Dan l-interfejs hu rilevanti għal sistemi tal-Klassi A. Ir-rekwiżiti ekwivalenti għal sistemi tal-Klassi B huma definiti mill-Istat Membru adattat (ara l-Anness B).

TSI OPE CR: Taqsima 4.4 (li għad trid tiġi kkonfermata)

4.3.1.4.   Interfejs għar-reġistrazzjoni tad-dejta għal skopijiet regolatorji

Dan l-interfejs jirreferi għar-rekwiżiti funzjonali għal, u l-użu ta', reġistrazzjoni tad-dejta. Dan il-parametru bażiku tal-kmand-kontroll hu deskritt fit-Taqsima 4.2.15 (Interfejs għar-reġistrazzjoni tad-dejta għal skopijiet regolatorji).

Dan l-intefejs hu rilevanti għal sistemi tal-Klassi A. Rekwiżiti ekwivalenti għal sistemi tal-Klassi B huma definiti mill-Istat Membru adattat (ara l-Anness B).

TSI OPE CR: Taqsima 4.2.3.5 (li għad trid tiġi kkonfermata)

4.3.1.5.   Prestazzjoni u karatteristiċi garantiti tal-ibbrejkjar tal-ferrovija

Is-subsistema tal-kmand-kontroll tirrikjedi provvista tal-prestazzjoni garantita tal-ibbrejkjar tal-ferrovija. It-TSI tal-operat u l-maniġment tat-traffiku għandha tiddefinixxi r-regoli sabiex tiġi determinata l-prestazzjoni garantita tal-ibbrejkjar ta' ferrovija. It-TSIs tal-vetturi ferrovjari għandhom jiddefinixxu l-metodu tad-determinazzjoni tal-prestazzjoni tal-ibbrejkjar tal-vetturi.

Dan l-interfejs hu rilevanti għal sistema tal-Klassi A. Ir-rekwiżiti ekwivalenti għal sistemi tal-Klassi B huma definiti mill-Istat Membru xieraq (ara l-Anness B).

TSI OPE CR: Taqsima 4.2.2.4 (li għad trid tiġi konfermata)

4.3.1.6.   Iżolament tal-funzjonalità tal-ETCS abbord

Dan l-interfejs jirreferi għar-rekwiżiti operattivi għall-iżolament tal-funzjonalità tal-ETCS abbord f’każ ta’ ħsara. Ir-rekwiżiti tal-kmand-kontroll jinsabu fit-Taqsima 4.2.2. (Funzjonalità tal-ETCS abbord).

Dan l-interfejs hu rilevanti għal sistema tal-Klassi A. Rekwiżiti ekwivalenti għal sistemi tal-Klassi B huma definiti mill-Istat Membru xieraq (ara l-Anness B).

TSI OPE CR: Taqsima 4.4 (li għad trid tiġi kkonfermata)

4.3.1.7.   Maniġment tal-imfietaħ

Dan l-interfejs jirreferi għar-rekwiżiti operattivi għall-Maniġment tal-Imfietaħ. Il-parametru bażiku tal-kmand-kontroll hu deskritt fit-Taqsima 4.2.8 (Maniġment tal-Imfietaħ).

Dan l-interfejs hu rilevanti għal sistema tal-Klassi A.

TSI OPE CR Li għad irid jiġi kkonfermat

4.3.1.8.   Ditekters tal-Kaxxa tal-Fus Sħun

Dan l-interfejs jirreferi għar-rekwiżiti operattivi għal ditekters tal-kaxxa tal-fus sħun. Il-parametru bażiku tal-kmand-kontroll hu deskritt fit-Taqsima 4.2.10 (HABD (Ditekter tal-kaxxa tal-fus sħun)).

TSI OPE CR: Taqsima 4.2.3.5.1 (li għad trid tiġi kkonfermata)

4.3.1.9.   Viġilanza tax-Xufier

Dan l-interfejs jirreferi għar-rekwiżiti operattivi għall-viġilanza tax-xufier. Il-parametru bażiku tal-kmand-kontroll hu deskritt fit-Taqsima 4.2.2 (Funzjonalità tal-ETCS abbord).

TSI OPE CR: Taqsima 4.3.3.7 (li għad trid tiġi kkonfermata)

4.3.1.10.   Użu ta’ tqegħid tar-ramel

Dan l-interfejs jirreferi għar-rekwiżiti operattivi għal xufiera sabiex ir-ramel ma jaffettwax ħażin il-prestazzjoni tat-tagħmir tad-ditezzjoni tal-ferrovija fil-ġenb tal-binarji. Il-parametru bażiku tal-kmand-kontroll hu deskritt fit-Taqsima 4.2.11 (Kompatibbiltà ma’ sistemi tad-ditezzjoni tal-ferrovija fil-ġenb tal-binarji).

TSI OPE CR: Preżentament mhux indirizzat fl-OPE TSI għax il-livell ta’ dettall hu differenti: għad irid jiġi kkonfermat

4.3.1.11.   Veduta esterna tax-xufier

Dan l-interfejs jirreferi għall-veduta tax-xufier mill-windskrin tal-kabina. Ir-rekwiżiti dwar il-kmand-kontroll huma deskritti fit-Taqsima 4.2.16 (Viżibbiltà tal-oġġetti tal-kmand-kontroll fil-ġenb tal-binarji).

TSI OPE CR: Taqsima 4.3.2.2 (li għad trid tiġi kkonfermata)

4.3.2.   Interfejs għall-vetturi ferrovjarji tas-subsistema

Ir-referenzi kollha għall-interfejsis mas-CR TSI tal-unitajiet taċ-ċaqliq tal-vetturi ferrovjarji u l-kowċijiet jibqgħu punti miftuħa. L-unitajiet taċ-ċaqliq ifissru lokomotivi, unitajiet multipli elettriċi u unitajiet multipli tad-diżil.

4.3.2.1.   Kompatibbiltà ma' sistemi ta’ ditezzjoni tal-ferrovija fil-ġenb tal-binarji

Is-sistemi ta’ ditezzjoni tal-ferroviji fil-ġenb tal-binarji għandu jkollhom il-karatteristiċi meħtieġa li permezz tagħhom jiġu attivati minn vetturi ferrovjarji li jikkonformaw mat-TSI tal-vetturi ferrovjarji. Il-parametru bażiku tal-kmand-kontroll u r-referenzi għat-TSIs rilevanti tal-vetturi ferrovjarji huma deskritti fit-Taqsima 4.2.11 (Kompatibbiltà ma’ sistemi tad-ditezzjoni tal-ferrovija fil-ġenb tal-binarji).

4.3.2.2.   Kompatibbiltà elettromanjetika bejn il-vetturi ferrovjarji u t-tagħmir tal-kmand-kontroll fil-ġenb tal-binarji.

Dan l-interfejs hu l-firxa tal-emissjonijiet tal-kompatibbiltà elettromanjetika (EMC) (kurrent taċ-ċaqliq kondott u indott u kurrenti oħra li joriġinaw mill-ferrovija, karatteristiċi tal-kamp elettromanjetiku kif ukoll kampi statiċi) li għandhom jiġu rispettati mill-vetturi ferrovjarji sabiex jiġi żgurat il-funzjonament korrett tat-tagħmir tal-kmand-kontroll fil-ġenb tal-binarji. Il-parametru bażiku tal-kmand-kontroll hu deskritt fit-Taqsima 4.2.12.2 (Kompatibbiltà elettromanjetika bejn il-vetturi ferrovjarji u t-tagħmir tal-kmand-kontroll fil-ġenb tal-binarji).

TSI tal-Vaguni tal-merkanzija tal-vetturi ferrovjarji: mhux ikkonċernati.

TSI tal-Vetturi ferrovjarji HS: Taqsima 4.1.9

TSI tal-Unitajiet taċ-ċaqliq u l-kowċijiet tal-vetturi ferrovjarji

4.3.2.3.   Prestazzjoni u karatteristiċi garantiti tal-ibbrejkar tal-ferroviji

Is-sistema tal-kmand-kontroll tirrikjedi provvista tal-prestazzjoni garantita tal-ibbrejkjar tal-ferroviji. It-TSI tal-vetturi ferrovjarji għandha tiddefinixxi l-metodu tad-determinazzjoni tal-prestazzjoni tal-ibbrejkjar tal-vetturi. It-TSI tal-operat u l-maniġment tat-traffiku għandha tiddefinixxi r-regoli li jiddeterminaw il-prestazzjoni garantita ta’ ferrovija.

Dan l-interfejs hu rilevanti għal sistema tal-Klassi A. Ir-rekwiżiti ekwivalenti għal sistemi tal-Klassi B huma definiti mill-Istat Membru xieraq (ara l-Anness B).

TSI tal-Vaguni tal-merkanzija tal-vetturi ferrovjarji: Taqsima 4.2.4.1.2

TSI tal-Vetturi ferrovjarji HS: Taqsima 4.1.5, 4.3.7, 4.3.9

TSI tal-Unitajiet taċ-ċaqliq u l-kowċijiet tal-vetturi ferrovjarji

4.3.2.4.   Pożizzjoni tal-antenni abbord tal-kmand-kontroll

Il-pożizzjoni tal-antenni tal-Eurobalise u l-Euroloop fuq il-vetturi ferrovjarji għandhom ikunu tali li komunikazzjoni kredibbli tad-dejta tiġi żgurata fl-estremi tal-ġeometrija tal-binarji kapaċi li jiġu traversati mill-vetturi ferrovjarji. Il-moviment u l-aġir tal-vetturi ferrovjarji għandu jitqies. Il-parametru bażiku tal-kmand-kontroll hu deskritt fit-Taqsima 4.2.2. (Funzjonalità tal-ETCS abbord).

Dan l-interfejs hu rilevanti għas-sistema tal-Klassi A. Ir-rekwiżiti għal sistemi tal-Klassi B huma definiti mill-Istat Membru xieraq (ara l-Anness B).

Il-pożizzjoni tal-erjil tal-GSM-R fuq is-saqaf tal-vetturi tiddependi l-iżjed fuq kejl li jrid jitwettaq għal kwalunkwe tip ta’ vettura li jqisu wkoll il-pożizzjoni ta’ erjils oħra (ġodda jew eżistenti). Skont il-kundizzjonijiet ta’ test, l-output tal-erjil għandu jikkonforma mar-rekwiżiti deskritti fit-Taqsima 4.2.5 (interfejsis tal-ispazju tal-arja tal-ETCS u EIRENE). Il-kundizzjonijiet tat-test huma deskritti wkoll fit-Taqsima 4.2.5 (interfejsis tal-ispazju tal-arja tal-ETCS u EIRENE).

TSI tal-Vaguni tal-merkanzija tal-vetturi ferrovjarji mhux ikkonċernati.

TSI tal-Vetturi ferrovjarji HS: l-Anness 0, 0.5, it-Taqsima 4.2.4

TSI tal-unitajiet taċ-ċaqliq tal-vetturi ferrovjarji u l-kowċijiet

4.3.2.5.   Kundizzjonijiet ambjentali fiżiċi

Il-kundizzjonijiet ambjentali klimatiċi u fiżiċi tat-tagħmir tal-kmand-kontroll mistennija fuq il-ferrovija għandhom jiġu definiti b’referenza għar-Reġistri tal-Infrastruttura tal-linji fejn il-ferrovija hi maħsuba li topera u b’referenza għall-Anness A, l-Indiċi A4.

TSI tal-Vetturi ferrovjarji HS: Taqsima 4.3.12

TSI tal-Vaguni tal-merkanzija tal-vetturi ferrovjarji mhux ikkonċernati

TSI tal-Unitajiet taċ-ċaqliq u l-kowċijiet tal-vetturi ferrovjarji

4.3.2.6.   Kompatibbiltà elettromanjetika

Biex jiġi faċilitat l-użu universali tat-tagħmir għall-Assemblaġġ abbord tal-kmand-kontroll fuq vetturi ferrovjarji ġodda aċċettati għall-operat fuq in-netwerk konvenzjonali trans-Ewropew, il-kundizzjonijiet elettromanjetiċi mistennija fuq il-ferrovija għandhom ikunu definiti skont l-Anness A, l-Indiċi A6. Għal sistema tal-komunikazzjoni tal-Eurobalise, japplikaw dispożizzjonijiet speċifiċi fl-Anness A, l-Indiċi 9.

Ir-rekwiżiti għal sistemi tal-Klassi B huma definiti mill-Istat Membru xieraq (ara l-Anness B).

TSI tal-Vetturi ferrovjarji HS:

TSI tal-Vaguni tal-merkanzija tal-vetturi ferrovjarji mhux ikkonċernati.

TSI tal-Unitajiet taċ-ċaqliq u l-kowċijiet tal-Vetturi Ferrovjarji

4.3.2.7.   Iżolament tal-funzjonalità tal-ETCS abbord

Dan l-interfejs jirreferi għall-iżolament tal-funzjonalità tal-ETCS abbord. Ir-rekwiżiti tal-kmand-kontroll jinsabu f’4.2.2 (Funzjonalità tal-ETCS abbord).

Dan l-interfejs hu rilevanti għas-sistema tal-Klassi A. Ir-rekwiżiti ekwivalenti għal subsistemi tal-Klassi B huma definiti mill-Istati Membri responsabbli (ara l-Anness B).

TSI tal-Vetturi ferrovjarji HS: Taqsima 4.2.4 (li għandhom jiġu miżjuda)

TSI tal-Vaguni tal-merkanzija tal-vetturi ferrovjarji mhux ikkonċernati.

TSI tal-Unitajiet taċ-ċaqliq u l-kowċijiet tal-vetturi ferrovjarji

4.3.2.8.   Interfejsis tad-dejta

L-interfejs tad-dejta bejn il-ferrovija u l-assemblaġġ abbord tal-kmand-kontroll hu definit fl-Anness A, l-Indiċi 7.

Dan l-interfejs hu rilevanti għal sistema tal-Klassi A. Ir-rekwiżiti ekwivalenti għal sistemi tal-Klassi B huma definiti mill-Istat Membru xieraq (ara l-Anness B).

TSI tal-Vetturi ferrovjarji HS: Taqsima 4.2.4, 4.3.13

TSI tal-Vaguni tal-merkanzija tal-vetturi ferrovjarji mhumiex ikkonċernati għal-livell 1 u livell 2 tal-ETCS.

TSI tal-Unitajiet taċ-ċaqliq u kowċijiet tal-vetturi ferrovjarji

Ir-rekwiżiti tal-interfejs bejn il-komunikazzjonijiet tar-radju u s-subsistema tal-vetturi ferrovjarji huma speċifikati fl-Anness A, l-Indiċi 33.

Dan l-interfejs hu rilevanti għal sistema tal-Klassi A. Ir-rekwiżiti ekwivalenti għal sistemi tal-Klassi B huma definiti mill-Istat Membru xieraq (ara l-Anness B).

L-ispeċifikazzjoni korrispondenti rispettiva hi stabbilita f’

—	TSI tal-Vaguni tal-merkanzija tal-vetturi ferrovjarji: mhux ikkonċernati.

—	TSI tal-Vetturi ferrovjarji HS: Taqsima

—	TSI tal-Unitajiet taċ-ċaqliq u l-kowċijiet tal-vetturi ferrovjarji

4.3.2.9.   Ditekters tal-kaxxa tal-fus sħun

Dan l-interfejs jirreferi għar-rekwiżiti tekniċi għal ditekters tal-kaxxa tal-fus sħun. Il-parametru bażiku tal-kmand-kontroll hu deskritt fit-Taqsima 4.2.10 (HABD (Ditekter tal-kaxxa tal-fus sħun)).

L-ispeċifikazzjoni korrispondenti rispettiva hi stabbilita fit-

—	TSI tal-Vaguni tal-merkanzija tal-vetturi ferrovjarji: it-Taqsima 4.2.3.3.2

—	TSI tal-Vetturi ferrovjarji HS: it-Taqsima 4.2.11, 4.3.13

—	TSI tal-Unitajiet taċ-ċaqliq u l-kowċijiet tal-vetturi ferrovjarji

4.3.2.10.   Dwal ta’ quddiem tal-vetturi

Dan l-interfejs jirreferi għar-rekwiżiti tekniċi għall-kromatiċità u l-luminożità tad-dwal ta’ quddiem tal-vetturi biex jiżgura l-viżibbiltà korretta ta’ sinjali riflessivi fil-ġenb tal-linja u lbies riflessiv. Ir-rekwiżiti tal-kmand-kontroll huma deskritti fit-Taqsima 4.2.16 (Viżibbiltà tal-oġġetti tal-kmand-kontroll fil-ġenb tal-binarji).

TSI tal-Vaguni tal-merkanzija tal-vetturi ferrovjarji mhux ikkonċernati.

TSI tal-Vetturi ferrovjarji HS: Taqsima: 4.2.20

TSI tal-Unitajiet taċ-ċaqliq u l-kowċijiet tal-vetturi ferrovjarji

4.3.2.11.   Viġilanza tax-xufier

Dan l-interfejs jirreferi għar-rekwiżiti tekniċi għall-viġilanza tax-xufier. Il-parametru bażiku tal-kmand-kontroll hu deskritt fit-Taqsima 4.2.2 (Funzjonalità tal-ETCS abbord).

TSI tal-Vaguni tal-merkanzija tal-vetturi ferrovjarji mhux ikkonċernati.

TSI tal-Vetturi ferrovjarji HS: Taqsima 4.2.2

TSI tal-Unitajiet taċ-ċaqliq u l-kowċijiet tal-vetturi ferrovjarji

4.3.2.12.   Odometrija

Dan hu l-interfejs bejn l-istrument tal-odometrija u l-funzjonalità tal-odometrija meħtieġa għal funzjonijiet tal-ETCS abbord.

Dan l-interfejs għat-TSIs tal-vetturi ferrovjarji hu rilevanti biss għall-parametru bażiku deskritt fit-Taqsima 4.2.6.2 (Odometrija) meta t-tagħmir tal-odometrija hu provdut bħala kostitwent tal-interoperabilità separat (ara t-Taqsima 5.2.2 Iggruppjar ta’ kostitwenti tal-interoperabilità).

Dan l-interfejs hu rilevanti għal sistema tal-Klassi A. Ir-rekwiżiti ekwivalenti għal sistemi fital-Klassi B huma definiti mill-Istat Membru xieraq (ara l-Anness B).

TSI tal-Vaguni tal-merkanzija tal-vetturi ferrovjarji mhux ikkonċernati.

TSI tal-Unitajiet taċ-ċaqliq u l-kowċijiet tal-vetturi ferrovjarji

4.3.2.13.   Interfejs għar-reġistrazzjoni tad-dejta għal skopijiet regolatorji

Dan l-interfejs jirreferi għar-rekwiżiti tekniċi għar-reġistrazzjoni tad-dejta. Il-parametru bażiku tal-kmand-kontroll hu deskritt fit-Taqsima 4.2.15 (Interfejs għar-reġistrazzjoni tad-dejta għal skopijiet regolatorji).

Dan l-interfejs hu rilevanti għal sistema tal-Klassi A. Ir-rekwiżiti għal sistemi tal-Klassi B huma definiti mill-Istat Membru xieraq (ara l-Anness B).

TSI tal-Vaguni tal-merkanzija tal-vetturi ferrovjarji mhux ikkonċernati.

TSI tal-Vetturi ferrovjarji HS: Taqsima 4.3.13

TSI tal-Unitajiet taċ-ċaqliq u l-kowċijiet tal-vetturi ferrovjarji

4.3.2.14.   Attrezzar minn qabel abbord

Dan l-interfejs jirreferi għal attrezzar minn qabel ta’ vetturi ferrovjarji b’tagħmir tal-Klassi A kif deskritt fl-Anness A, l-Indiċi 57.

Dan l-interfejs hu rilevanti għal sistemi tal-Klassi A.

TSI tal-Vetturi ferrovjarji HS: Taqsima 4.2.4

4.3.3.   Interfejsis għall-infrastruttura tas-subsistema

4.3.3.1.   Sistemi tad-ditezzjoni tal-ferroviji

L-installazzjoni tal-infrastruttura għandha tiżgura li s-sistema tad-ditezzjoni tal-ferrovija tirrispetta r-rekwiżiti msemmija fit-Taqsima 4.2.11 (Kompatibbiltà ma’ sistemi tad-ditezzjoni tal-ferrovija fil-ġenb tal-binarji).

TSI tal-Infrastruttura: għandha tiġi inkluża referenza għal TSI tas-CCS f’TSI futur sabiex ir-rekwiżiti tas-CCS ikunu jistgħu jiġu rispettati mill-Infrastruttura.

4.3.3.2.   Erjils fil-ġenb tal-binarji

Erjils tas-subsistemi fil-ġenb tal-binarji għandhom ikunu pożizzjonati sabiex tiġi żgurata komunikazzjoni affidabbli tad-dejta fil-limiti tal-ġeometrija tal-binarji li kapaċi tiġi traversata mill-vetturi ferrovjarji. Il-moviment u l-aġir tal-vetturi ferrovjarji għandhom jitqiesu. Ara t-Taqsima 4.2.5 (interfejsis tal-ispazju tal-arja tal-ETCS u EIRENE).

Dan l-interfejs hu rilevanti għal sistema tal-Klassi A. Ir-rekwiżiti ekwivalenti għal sistemi tal-Klassi B huma definiti mill-Istat Membru xieraq (ara l-Anness B).

TSI tal-Infrastruttura: tbd relattiv għall-gejġ

4.3.3.3.   Kundizzjonijiet ambjentali fiżiċi

Il-kundizzjonijiet ambjentali klimatiċi u fiżiċi mistennija fl-infrastruttura għandhom jiġu indikati fir-Reġistru tal-Infrastruttura, b’referenza għall-Anness A, l-Indiċi A5.

4.3.3.4.   Kompatibbiltà elettromanjetika

Il-kundizzjonijiet elettromanjetiċi mistennija fl-infrastruttura għandhom jiġu definiti b’referenza għall-Anness A, l-Indiċi A7. Għas-sistema tal-komunikazzjoni tal-Eurobalise, japplikaw id-dispożizzjonijiet speċifiċi fl-Anness A, l-Indiċi 9. Assemblaġġ abbord tal-kmand-kontroll li jikkonforma mal-Anness A, l-Indiċi A6 u r-rekwiżiti speċifiċi għall-Eurobalise fl-Anness A, l-Indiċi 9 għandu jitqies konformi mar-rekwiżiti essenzjali rilevanti.

4.3.4.   Interfejsis għall-enerġija tas-subsistema

4.3.4.1.   Kompatibbiltà elettromanjetika

Il-kundizzjonijiet elettromanjetiċi mistennija mill-installazzjonijiet fissi għandhom jiġu definiti b’referenza għall-Anness A, l-Indiċi A7. Għas-sistema tal-komunikazzjoni tal-Eurobalise, japplikaw id-dispożizzjonijiet speċifiċi fl-Anness A, l-Indiċi 9. Assemblaġġ abbord tal-kmand-kontroll li jikkonforma mal-Anness A, l-Indiċi A6 u r-rekwiżiti speċifiċi għall-Eurobalise fl-Anness A, l-Indiċi 9, għandu jitqies li hu konformi mar-rekwiżiti essenzjali rilevanti.

4.4.    Regoli operattivi

Ir-regoli operattivi speċifiċi għas-subsistema tal-kmand-kontroll huma dettaljati fit-TSI tal-Operat u l-maniġment tat-traffiku.

4.5.    Regoli ta’ manutenzjoni

Ir-regoli ta’ manutenzjoni tas-subsistema koperta minn dan it-TSI għandhom jiżguraw li l-valuri kkwotati fil-parametri bażiċi indikati fil-Kapitolu 4 huma miżmuma skont il-limiti meħtieġa matul il-ħajja tal-assemblaġġi. Madankollu, matul il-manutenzjoni preventiva jew korrettiva, is-subsistema jista' jkun ma tkunx kapaċi li tikseb il-valuri kkwotati fil-parametri bażiċi; ir-regoli ta' manutenzjoni għandhom jiżguraw li ma jkunx hemm ħsara għas-sikurezza matul dawn l-attivitajiet.

Sabiex jinkisbu dawn ir-riżultati, għandhom jiġu rispettati dawn li ġejjin.

4.5.1.   Responsabbiltà tal-manifattur tat-tagħmir

Il-manifattur tat-tagħmir inkorporat fis-subsistema għandu jispeċifika:

—

ir-rekwiżiti u l-proċeduri tal-manutenzjoni kollha (inkluża s-superviżjoni tal-funzjonament tajjeb, id-dijanjożi u l-metodi u l-għodod tal-ittestjar) meħtieġa għall-kisba ta’ rekwiżiti u valuri essenzjali kkwotati fir-rekwiżiti mandatorji ta’ dan it-TSI matul iċ-ċiklu tal-ħajja tat-tagħmir kollu (trasport u ħżin qabel l-installazzjoni, l-operat normali, ħsarat, azzjonijiet ta’ tiswija, verifiki u interventi tal-manutenzjoni, dekummissjonar eċċ.),

—	ir-riskju kollu għas-saħħa u s-sikurezza li jistgħu jaffettwaw il-pubbliku u l-persunal tal-manutenzjoni,

—

il-kundizzjonijiet għal manutenzjoni tal-ewwel linja (jiġifieri d-definizzjoni ta’ unitajiet li jinbidlu tal-linja (LRUs), id-definizzjoni ta’ verżjonijiet kompatibbli approvati ta’ ħardwer u softwer, is-sostituzzjoni ta’ LRUs li ssirilhom il-ħsara, u eż. il-kundizzjonijiet għall-ħżin ta’ LRUs u għat-tiswija ta’ LRUs difettużi,

—	il-kundizzjonijiet tekniċi għat-tħaddim ta’ ferrovija b’tagħmir bil-ħsara sal-aħħar tal-missjoni tagħha jew sal-workshop (modalità degradata minn aspettativa teknika, eż. funzjonijiet parzjalment jew kompletament mitfija, iżolament minn funzjonijiet oħra eċċ.).

—	il-verifiki li għandhom jitwettqu f’każ li t-tagħmir ikun soġġett għal stress eċċezzjonali (eż. eċċess tal-kundizzjonijiet ambjentali jew xokkijiet anormali)

4.5.2.   Responsabbiltà ta’ entitajiet kontraenti

L-entitajiet kontraenti għandhom:

—	jiżguraw li, għall-komponenti kollha fl-ambitu ta’ dan it-TSI (irrispettivament jekk humiex kostitwenti tal-interoperabilità jew le), jiġu definiti r-rekwiżiti tal-manutenzjoni kif deskritti fit-Taqsima 4.5.1 (Responsabbiltà tal-manifattur tat-tagħmir).

—	iwaqqfu r-regoli ta’ manutenzjoni meħtieġa rilevanti għall-komponenti kollha fl-ambitu ta’ dan it-TSI filwaqt li jikkunsidraw ir-riskji minħabba l-interazzjonijiet ta’ tagħmir differenti ġewwa s-subsistema u interfejsis għal subsistemi oħra.

4.5.3.   Responsabbiltà tal-maniġer tal-infrastruttura jew impriża ferrovjarja

Il-maniġer tal-infrastruttura jew l-impriża ferrovjarja responsabbli għall-operat tal-assemblaġġ abbord jew fil-ġenb tal-binarji:

—	Għandu jistabbilixxi pjan ta’ manutenzjoni kif speċifikat fit-Taqsima 4.5.4 (Pjan ta’ manutenzjoni).

4.5.4.   Pjan ta’ manutenzjoni

Il-pjan ta’ manutenzjoni għandu jkun ibbażat fuq id-dispożizzjonijiet speċifikati fit-Taqsima 4.5.1. (Responsabbiltà tal-manifattur tat-tagħmir), it-Taqsima 4.5.2 (Responsabbiltà tal-entitajiet kontraenti) u t-Taqsima 4.5.3 (Responsabbiltà tal-maniġer tal-infrastruttura jew l-impriża ferrovjarja) u jkopru, mill-inqas:

—	kundizzjonijiet għall-użu ta’ tagħmir, skont ir-rekwiżiti indikati mill-manifatturi,

—

speċifikazzjoni tal-programmi ta’ manutenzjoni (eż. definizzjoni ta’ kategoriji ta’ manutenzjoni preventiva u korrettiva, ħin massimu bejn azzjonijiet ta’ manutenzjoni preventiva u prekawzjonijiet korrispondenti li għandhom jittieħdu għas-sikurezza tas-subsistema u l-persunal tal-manutenzjoni, meta wieħed iqis l-interferenza tal-azzjonijiet ta' manutenzjoni mal-operat tas-subsistema tal-Kmand-kontroll),

—	rekwiżiti għall-ħżin ta’ partijiet tal-bdil,

—	definizzjoni tal-manutenzjoni tal-ewwel linja,

—	regoli għall-maniġment ta’ tagħmir bil-ħsara,

—	rekwiżiti relatati mal-kompetenza minima tal-persunal tal-manutenzjoni, b’referenza għar-riskji għas-saħħa u s-sikurezza,

—	definizzjoni tar-responsabbiltajiet u l-awtorizzazzjoni tal-persunal ta' manutenzjoni (eż. għal aċċess għal tagħmir, maniġment tal-limitazzjonijiet u/jew interruzzjonijiet tal-operat tas-sistema, tibdil ta' LRUs, tiswija ta' LRUs bil-ħsara, restawr tal-operat normali ta' sistema),

—	proċeduri għall-maniġment ta’ identitajiet tal-ETCS. Ara t-Taqsima 4.2.9 (Maniġment tal-ETCS-ID),

—	metodi għar-rappurtaġġ ta' informazzjoni lill-manifattur tat-tagħmir dwar difetti kritiċi għas-sikurezza u ħsarat frekwenti fis-sistema.

4.6.    Kwalifiki professjonali

Il-kwalifiki professjonali meħtieġa għall-operat tas-subsistema tal-kmand-kontroll huma koperti mit-TSI tal-Operat u l-Maniġment tat-Traffiku.

Ir-rekwiżiti ta’ kompetenza għall-manutenzjoni tas-subsistema tal-kmand-kontroll għandhom jiġu deskritti fil-pjan ta’ manutenzjoni (ara t-Taqsima 4.5.4 Pjan ta' manutenzjoni).

4.7.    Kundizzjonijiet tas-saħħa u s-sikurezza

Minbarra r-rekwiżiti speċifikati fil-pjanijiet ta’ manutenzjoni, ara t-Taqsima 4.5 (Regoli ta’ manutenzjoni), għandhom jittieħdu prekawzjonijiet li jiżguraw is-saħħa u s-sikurezza għall-manutenzjoni u l-persunal tal-operat, skont ir-regolamenti Ewropej u r-regolamenti nazzjonali li huma kompatibbli mal-leġiżlazzjoni Ewropea.

4.8.    Infrastruttura u reġistri tal-vetturi ferrovjarji

Is-subsistema tal-kmand-kontroll hi trattata bħala żewġ assemblaġġi:

—	l-assemblaġġ abbord,

—	l-assemblaġġ fil-ġenb tal-binarji.

Ir-rekwiżiti għall-infrastruttura tal-ferrovija konvenzjonali u l-kontenut tar-reġistru tal-vetturi ferrovjarji fir-rigward tal-assemblaġġi tal-kmand-kontroll huma speċifikati fl-Anness C (karatteristiċi speċifiċi għal-linji u għall-ferrovija).

5.   KOSTITWENTI TAL-INTEROPERABILITÀ

5.1.    Definizzjonijiet

Skont l-Artikolu 2(d) tad-Direttiva 2001/16/KE:

Il-kostitwenti tal-interoperabilità huma “kwalunkwe komponent elementari, grupp ta’ komponenti, subassemblaġġ jew assemblaġġ komplut ta’ tagħmir inkorporat jew intiż li jiġi inkorporat f’subsistema li fuqha tiddependi l-interoperabilità tas-sistema ferrovjarja konvenzjonali trans-Ewropea direttament jew indirettament. Il-kunċett ta’ kostitwent ikopri kemm oġġetti tanġibbli kif ukoll oġġetti intanġibbli bħal softwer.”

Kif deskritt fil-Kapitolu 2, is-subsistema tal-kmand-kontroll hi maqsuma f'żewġ assemblaġġ u għaldaqstant id-definizzjoni ġenerali tad-Direttiva tista' tiġi adattata kif ġej:

Il-kostitwenti tal-interoperabilità tal-kmand-kontroll huma kwalunkwe komponent elementari, grupp ta’ komponenti jew subassemblaġġ ta’ tagħmir inkorporati jew intiżi li jiġu inkorporati fl-assemblaġġ fil-ġenb tal-binarji jew ġewwa assemblaġġ abbord, u li fuqhom tiddependi l-interoperabilità tas-sistema ferrovjarja konvenzjonali trans-Ewropea direttament jew indirettament. Il-kunċett ta’ kostitwent ikopri kemm oġġetti tanġibbli kif ukoll oġġetti intanġibbli bħal softwer.

5.2.    Lista ta’ kostitwenti tal-interoperabilità

5.2.1.   Kostitwenti tal-interoperabilità bażiċi

Il-kostitwenti tal-interoperabilità fis-subsistema tal-kmand-kontroll huma mniżżla f’:

—	Tabella 5.1.a għall-assemblaġġ abbord,

—	Tabella 5.2.a għall-assemblaġġ fil-ġenb tal-binarji.

Il-kostitwent tal-interoperabilità “pjattaforma tas-sikurezza” hu definit bħala blokk tal-bini (prodott ġeneriku, indipendenti mill-applikazzjoni) magħmul minn ħardwer u softwer ta’ bażi (fermwer u/jew sistema operattiva u/jew għodod tal-appoġġ), li jista’ jintuża għall-bini ta’ sistemi iżjed kumplessi (applikazzjonijiet ġeneriċi, jiġifieri klassijiet tal-applikazzjonijiet).

5.2.2.   Iggruppjar ta’ kostitwenti tal-interoperabilità

Il-kostitwenti tal-interoperabilità bażiċi tal-kmand-kontroll definiti fit-Tabella 5.1.a u 5.2.a jistgħu jiġu kkombinati biex jiffurmaw unità ikbar. Il-grupp hu mbagħad definit mill-funzjonijiet tal-kostitwenti tal-interoperabilità integrati u l-interfejsis li jifdal għall-parti ta’ barra l-grupp. Jekk grupp jiġi ffurmat b’dan il-mod, għandu jitqies bħala kostitwent tal-interoperabilità.

—	It-Tabella 5.1.b. tniżżel il-gruppi tal-kostitwenti tal-interoperabilità tal-assemblaġġ abbord

—	It-Tabella 5.2.b tniżżel il-gruppi tal-kostitwenti tal-interoperabilità tal-assemblaġġ fil-ġenb tal-binarji

Meta l-ispeċifikazzjonijiet mandatorji indikati f’din it-TSI ma jkunux disponibbli għall-appoġġ ta’ interfejs, id-dikjarazzjoni ta’ konformità tista’ tkun possibbli billi jiġu ggruppjati l-kostitwenti tal-interoperabilità.

5.3.    Prestazzjonijiet u speċifikazzjonijiet tal-kostitwenti

Għal kull kostitwent tal-interoperabilità bażiku jew grupp ta’ kostitwenti tal-interoperabilità, it-tabelli fil-Kapitolu 5 jiddeskrivu:

—	fil-kolonna 3, il-funzjonijiet u l-interfejsis. Kun af li xi kostitwenti tal-interoperabilità għandhom funzjonijiet u/jew interfejsis li mhumiex obbligatorji,

—	fil-kolonna 4, l-ispeċifikazzjonijiet mandatorji għall-valutazzjoni tal-konformità ta’ kull funzjoni jew interfejs, safejn huma rilevanti, permezz ta’ referenza għat-taqsima rilevanti tal-Kapitolu 4,

—	fil-kolonna 5, il-moduli li għandhom jiġu applikati għall-valutazzjoni tal-konformità, li huma deskritti fil-Kapitolu 6 ta’ dan it-TSI.

Kun af li r-rekwiżiti tat-Taqsima 4.5.1 (Responsabbiltà tal-manifattur tat-tagħmir) japplikaw għal kull kostitwent tal-interoperabilità bażiku jew grupp ta’ kostitwenti tal-interoperabilità.

Tabella 5.1.a

Kostitwenti tal-interoperabilità bażiċi fl-assemblaġġ tal-kmand-kontroll abbord

1	2	3	4	5
Nru	Kostitwent tal-interoperabilità IC	Karatteristiċi	Rekwiżiti speċifiċi li għandhom jiġu evalwati b’referenza	Modulu
1.	ERTMS ETCS abbord	Sikurezza	4.2.1
		Funzjonalità tal-ETCS abbord	4.2.2	H2 jew B ma’ D jew B ma’ F
		Esklużi: — Odometry — Reġistrazzjoni tad-dejta għal skopijiet regolatorji
		Interfejsis tal-ispazju tal-arja tal-ETCS u EIRENE	4.2.5
		RBC (level 2 and 3)
		Unità tal-in-fill tar-radju (livell ta’ għażla 1)
		Spazju tal-arja tal-Eurobalise
		Spazju tal-arja tal-Euroloop (il-livell ta’ għażla 1)
		Interfejsis
		STM (implementation of interface K optional)	4.2.6.1
		ERTMS GSM-R abbord	4.2.6.2
		Odometrija	4.2.6.3
		Sistema tal-maniġment tal-imfietaħ	4.2.8
		Maniġment tal-ETCS ID	4.2.9
		Interfejs tal-Magna max-Xufier ETCS	4.2.13
		Maniġment tal-Imfietaħ	4.3.1.7
		Kundizzjonijiet ambjentali fiżiċi	4.3.2.5
		EMC	4.3.2.6
		Interfejs tad-dejta. Dan jinkludi wkoll il-viġilanza (b’għażla) u l-integrità tal-ferroviji (il-livell 3 biss)	4.3.2.8
		Reġistratur tal-Informazzjoni tas-Sikurezza	l-ebda
2.	Pjattaforma tas-sikurezza abbord	Sikurezza	4.2.1	H2 jew B ma’ D jew B ma’ F
3.	Reġistratur tal-informazzjoni tas-sikurezza	Funzjonalità tal-ETCS abbord	4.2.2	H2 jew B ma’ D jew B ma’ F
		Reġistrazzjoni tad-dejta għal skopijiet regolatorji biss
		Interfejsis
		Għodda tat-tniżżil tal-JRU	4.2.15
		ERTMS/ETCS abbord	l-ebda
		Kundizzjonijiet ambjentali	4.3.2.5
		EMC	4.3.2.6
4.	Odometrija	Sikurezza	4.2.1	H2 jew B ma’ D jew B ma’ F
		Funzjonalità tal-ETCS abbord	4.2.2
		Odometrija biss
		Interfejsis
		ERTMS ETCS abbord	4.2.6.3
		Kundizzjonijiet ambjentali	4.3.2.5
		EMC	4.3.2.6
5.	STM estern	Funzjonijiet u sikurezza	-ebda	H2 jew B ma’ D jew B ma' F
		Skont speċifikazzjonijiet nazzjonali
		Interfejsis
		ERTMS ETCS abbord	4.2.6.1
		Spazju tal-arja fis-sistema tal-Klassi B Skont speċifikazzjonijiet nazzjonali	l-ebda
		Kundizzjonijiet ambjentali Skont speċifikazzjonijiet nazzjonali	l-ebda
		EMC Skont speċikazzjonijiet nazzjonali	l-ebda
6.	ERTMS/GSM-R abbord	Funzjonijiet tal-EIRENE	4.2.4	H2 jew B ma’ D jew B ma’ F
		Komunikazzjoni tad-dejta biss fil-livell 2 jew 3 jew fil-livell 1 bl-in-fill tar-radju
		Interfejsis
		ERTMS ETCS abbord Fil-livell 2 jew 3 il-livell 1 bl-in-fill tar-radju	4.2.6.2
		GSM-R	4.2.5
		Interfejs tal-Magna max-Xufier tal-EIRENE	4.2.14
		Kundizzjonijiet ambjentali	4.3.2.5
		EMC	4.3.2.6

Tabella 5.1.b

Gruppi ta’ kostitwenti tal-interoperabilità fl-assemblaġġ tal-kmand-kontroll abbord

Din it-tabella hi eżempju li turi l-istruttura. Jistgħu jiġu proposti gruppi oħra

1	2	3	4	5
Nru	Kostitwent tal-interoperabilità IC	Karatteristiċi	Rekwiżiti speċifiċi li għandhom jiġu evalwati b’referenza għall-Anness A l-Indiċi n	Modulu
1.	Pjattaforma tas-sikurezza abbord ERTMS ETCS abbord reġistratur tal-informazzjoni tas-sikurezza Odometrija	Sikurezza	4.2.1
		Funzjonalità tal-ETCS abbord	4.2.2	H2 jew B ma’ D jew B ma’ F
		Interfejsis tal-ispazju tal-arja tal-ETCS u EIRENE	4.2.5
		RBC (il-livell 2 u 3)
		Unità tal-in-fill tar-radju (livell ta’ għażla 1)
		Spazju tal-arja tal-Eurobalise
		Spazju tal-arja tal-Euroloop (il-livell ta’ għażla 1)
		Interfejsis
		STM (l-implimentazzjoni tal-interfejs K hija għażla)	4.2.6.1
		ERTMS GSM-R abbord	4.2.6.2
		Sistema tal-maniġment tal-imfietaħ	4.2.8
		Maniġment tal-ETCS ID	4.2.9
		Interfejs tal-Magna max-Xufier tal-ETCS	4.2.13
		Kundizzjonijiet ambjentali fiżiċi	4.3.2.5
		EMC	4.3.2.6
		Għodda tat-tniżżil JRU	4.2.15
		Interfejs tad-dejta. Dan jinkludi wkoll il-viġilanza (b’għażla) u l-integrità tal-ferrovija (fil-livell 3 biss)	4.3.2.8

Tabella 5.2.a

Kostitwenti tal-interoperabilità bażiċi fl-assemblaġġ tal-kmand-kontroll fil-ġenb tal-binarji

1	2	3	4	5
Nru	Kostitwent tal-interoperabilità IC	Karatteristiċi	Rekwiżiti speċifiċi li għandhom jiġu evalwati b’referenza għall-Kapitolu 4	Modulu
1.	RBC	Sikurezza	4.2.1
		Funzjonalità tal-ETCS fil-ġenb tal-binarji	4.2.3	H2 jew B ma’ D jew B ma’ F
		Komunikazzjoni eskluża permezz tal-Eurobalises, in-fill tar-radju u Euroloop
		Interfejsis tal-ispazju tal-arja tal-ETCS u EIRENE	4.2.5
		Komunikazzjoni tar-radju mal-ferrovija biss
		Interfejsis
		RBC tal-madwar	4.2.7.1, 4.2.7.2
		ERTMS GSM-R fil-ġenb tal-binarji	4.2.7.3
		Sistema ta’ maniġment tal-imfietaħ	4.2.8
		Maniġment tal-ETCS-ID	4.2.9
		Sistema ta’ mblukkar awtomatiku	l-ebda
		Kundizzjonijiet ambjentali	4.3.3.3
		EMC	4.3.3.4
2.	Unità tal-in-fill tar-radju	Sikurezza	4.2.1
		Funzjonalità tal-ETCS fil-ġenb tal-binarji	4.2.3	H2 jew B ma’ D jew B ma’ F
		Komunikazzjoni eskluża permezz tal-Eurobalises, Euroloop u funzjonalità fil-livell 2/3
		Interfejsis tal-ispazju tal-arja tal-ETCS u EIRENE	4.2.5
		Komunikazzjoni tar-radju mal-ferrovija biss
		Interfejsis
		ERTMS GSM-R fil-ġenb tal-binarji	4.2.7.3
		Sistema tal-maniġment tal-imfietaħ	4.2.8
		Maniġment tal-ETCS-ID	4.2.9
		Sistema ta’ imblukkar awtomatiku u LEU	4.2.3
		Kundizzjonijiet ambjentali	4.3.3.3
		EMC	4.3.3.4
3.	Eurobalise	Sikurezza	4.2.1
		Interfejsis tal-ispazju tal-arja tal-ETCS u EIRENE	4.2.5	H2 jew B ma’ D jew B ma’ F
		Komunikazzjoni tal-Eurobalise mal-ferrovija
		Interfejsis
		LEU Eurobalise	4.2.7.4
		Maniġment tal-ETCS-ID	4.2.9
		Kundizzjonijiet ambjentali	4.3.3.3
		EMC	4.3.3.4
4.	Euroloop	Sikurezza	4.2.1
		Interfejsis tal-ispazju tal-arja tal-ETCS u EIRENE	4.2.5	H2 jew B ma’ D jew B ma’ F
		Komunikazzjoni tal-Euroloop mal-ferrovija biss
		Interfejsis
		Euroloop LEU	4.2.7.5
		Maniġment tal-ETCS-ID	4.2.9
		Kundizzjonijiet ambjentali	4.3.3.3
		EMC	4.3.3.4
5.	Eurobalise LEU	Sikurezza	4.2.1
		Funzjonalità tal-ETCS fil-ġenb tal-binarji	4.2.3	H2 jew B ma’ D jew B ma’ F
		Minbarra komunikazzjoni permezz ta’ in-fill tar-radju, Euroloop u funzjonalità fil-livell 2 u l-livell 3
		Interfejsis
		Sinjalar fil-ġenb tal-binarji	l-ebda
		Eurobalise	4.2.7.4
		Maniġment tal-ETCS-ID	4.2.9
		Kundizzjonijiet ambjentali	4.3.3.3
		EMC	4.3.3.4
6.	Euroloop tal-LEU	Sikurezza	4.2.1
		Funzjonalità tal-ETCS fil-ġenb tal-binarji	4.2.3	H2 or B with D or B with F
		Minbarra komunikazzjoni permezz ta’ in-fill tar-radju, Eurobalise u funzjonalità fil-livell 2 u 3
		Interfejsis
		Sinjalar fil-ġenb tal-binarji	l-ebda
		Euroloop	4.2.7.5
		Maniġment tal-ETCS-ID	4.2.9
		Kundizzjonijiet ambjentali	4.3.3.3
		EMC	4.3.3.4
7.	Pjattaforma tas-sikurezza fil-ġenb tal-binarji	Sikurezza	4.2.1	H2 jew B ma’ D jew B ma’ F

Tabella 5.2.b

Gruppi ta’ kostitwenti tal-interoperabilità fl-assemblaġġ tal-kmand-kontroll fil-ġenb tal-binarji

Dan it-tabella hi eżempju li juri l-istruttura. Jistgħu jiġu proposti gruppi oħra

1	2	3	4	5
Nru	Kostitwent tal-interoperabilità IC	Karatteristiċi	Rekwiżiti speċifiċi li għandhom jiġu evalwati b’referenza għall-Kapitolu 4	Modulu
1.	Pjattaforma tas-sikurezza fil-ġenb tal-binarji Eurobalise Eurobalise tal-LEU	Sikurezza	4.2.1
		Funzjonalità tal-ETCS fil-ġenb tal-binarji	4.2.3	H2 jew B ma’ D Jew B ma’ F
		Minbarra komunikazzjoni permezz tal-Euroloop u funzjonalità fil-livell 2 u 3
		Interfejsis tal-ispazju tal-arja tal-ETCS u EIRENE	4.2.5
		Komunikazzjoni tal-Eurobalise mal-ferrovija biss
		Interfejsis
		Sinjalar fil-ġenb tal-binarji	l-ebda
		Maniġment tal-ETCS-ID	4.2.9
		Kundizzjonijiet ambjentali	4.3.3.3
		EMC	4.3.3.4
2.	Pjattaforma tas-sikurezza fil-ġenb tal-binarji Euroloop LEU tal-Euroloop	Sikurezza	4.2.1
		Funzjonalità tal-ETCS fil-ġenb tal-binarji	4.2.3	H2 jew B ma’ D jew B ma’ F
		Minbarra komunikazzjoni permezz tal-Eurobalise u funzjonalità fil-livell 2 u 3
		Interfejsis tal-ispazju tal-arja tal-ETCS u EIRENE	4.2.5
		Komunikazzjoni tal-Euroloop mal-ferrovija biss
		Interfejsis
		Sinjalar fil-ġenb tal-binarji	l-ebda
		Maniġment tal-ETCS-ID	4.2.9
		Kundizzjonijiet ambjentali	4.3.3.3
		EMC	4.3.3.4

6.   EVALWAZZJONI TAL-KONFORMITÀ U/JEW IL-KONVENJENZA GĦALL-UŻU TAL-KOSTITWENTI U L-VERIFIKA TAS-SUBSISTEMA

6.0.    Introduzzjoni

Fl-ambitu ta’ din it-TSI, is-sodisfazzjon tar-rekwiżiti essenzjali rilevanti kkwotati fil-Kapitolu 3 ta’ din it-TSI għandha tiġi żgurata bil-konformità mal-ispeċifikazzjoni msemmija fil-Kapitolu 4 u, bħala segwitu, fil-Kapitolu 5 għall-kostitwenti tal-interoperabilità, kif muri permezz ta’ riżultat pożittiv tal-evalwazzjoni tal-konformità u/jew l-konvenjenza tal-użu tal-kostitwent tal-interoperabilità u l-verifika tas-subsistema kif deskritt fil-Kapitolu 6.

Minkejja dan, meta parti mir-rekwiżiti essenzjali jintlaħqu permezz ta’ regoli nazzjonali, minħabba:

(a)	użu tas-sistemi tal-Klassi B (inklużi funzjonijiet nazzjonali f’STMs);

(b)	punti miftuħa fit-TSI;

(c)	deroga skont l-Artikolu 7 tad-Direttiva 2001/16/KE;

(d)	każijiet speċifiċi deskritti fit-Taqsima 7.3.

allura l-evalwazzjoni tal-konformità għandha titwettaq taħt ir-responsabbiltà tal-Istati Membri kkonċernati skont proċeduri notifikati.

6.1.    Kostitwenti tal-interoperabilità

6.1.1.   Proċeduri tal-evalwazzjoni

Il-manifattur ta’ Kostitwent tal-interoperabilità (IC) (u/jew gruppi ta’ kostitwenti tal-interoperabilità) jew ir-rappreżentant awtorizzat tiegħu stabbilit fil-Komunità għandu jfassal dikjarazzjoni tal-konformità KE skont l-Artikolu 13.1 u l-Anness IV tad-Direttiva 2001/16/KE qabel ma jpoġġihom fuq is-suq.

Il-proċedura ta’ evalwazzjoni għall-konformità tal-kostitwenti tal-interoperabilità u/jew gruppi ta’ kostitwenti tal-interoperabilità kif definiti fil-Kapitolu 5 ta’ din it-TSI għandha titwettaq bl-applikazzjoni tal-moduli kif speċifikati fit-Taqsima 6.1.2 (Moduli).

Uħud mill-ispeċifikazzjonijiet f’din it-TSI fihom funzjonijiet mandatorji u/jew b’għażla. Il-korp notifikat għandu:

—	jivverifika li l-funzjonijiet mandatorji kollha rilevanti għall-kostitwent tal-interoperabilità jiġu implimentati;

—	jivverifika liema funzjonijiet b’għażla huma implimentati,

u jwettaq l-evalwazzjoni tal-konformità.

Il-fornitur għandu jindika fid-dikjarazzjoni KE liema funzjonijiet b’għażla huma implimentati.

Il-korp notifikat għandu jivverifika, li l-ebda funzjonijiet addizzjonali, implimentati fil-kostitwent, ma jwasslu għal kunflitti ma' funzjonijiet mandatorji jew b’għażla implimentati.

6.1.1.1.   Il-modulu speċifiku tat-trażmissjoni (specific transmission module, STM)

L-STM għandu jilħaq rekwiżiti nazzjonali, u l-approvazzjoni tiegħu hi responsabbiltà tal-Istat Membru xieraq kif imsemmi fl-Anness B.

Il-verifika tal-interfejs tal-STM għall-ERTMS/ETCS abbord tirrikjedi evalwazzjoni tal-konformità mwettqa minn korp notifikat. Il-korp notifikat għandu jivverifika li l-Istat Membru approva l-parti nazzjonali tal-STM.

6.1.1.2.   Dikjarazzjoni KE tal-konvenjenza għall-użu

Dikjarazzjoni KE tal-konvenjenza għall-użu mhijiex meħtieġa għall-kostitwenti tal-interoperabilità tas-subsistema tal-kmand-kontroll.

6.1.2.   Moduli

Għall-evalwazzjoni tal-kostitwenti tal-interoperabilità fis-subsistema tal-kmand-kontroll, il-manifattur, jew ir-rappreżentant awtorizzat tiegħu stabbilit fil-Komunità, jista’ jagħżel il-moduli skont it-Tabelli 5.1A, 5.1B, 5.2A u 5.2B:

—	jew il-proċedura tal-eżaminar tat-tip (il-Modulu B) għall-fażi tad-disinn u l-iżvilupp b’kombinazzjoni mal-proċedura ta’ sistema tal-maniġment tal-kwalità tal-produzzjoni (il-Modulu D) għall-fażi tal-produzzjoni, jew

—	il-proċedura tal-eżaminar tat-tip (il-Modulu B) għall-fażi tad-disinn u l-iżvilupp b'kombinazzjoni mal-proċedura tal-verifika tal-prodott (il-Modulu F), jew

—	is-sistema sħiħa tal-maniġment tal-kwalità bi proċedura tal-eżaminar tad-disinn (il-Modulu H2).

Id-deskrizzjoni tal-moduli tinsab fl-Anness E ta’ din it-TSI.

Il-Modulu D (sistema tal-maniġment tal-kwalità tal-produzzjoni) jista’ jintgħażel biss meta l-manifattur jopera sistema ta’ kwalità għall-produzzjoni, spezzjoni u ttestjar tal-prodott finali, approvati u analizzati minn korp notifikat.

Il-Modulu H2 (sistema tal-maniġment tal-kwalità tal-produzzjoni b’eżaminar tad-disinn) jista’ jintgħażel biss meta l-manifattur jopera sistema ta’ kwalità għad-disinn, produzzjoni, spezzjoni u ttestjar tal-prodott finali, approvati u analizzati minn korp notifikat.

Il-kjarifiki addizzjonali li ġejjin japplikaw għall-użu ta’ wħud mill-moduli:

—

b’referenza għall-Kapitolu 4 tad-deskrizzjoni tal-Modulu B (eżaminar tat-tip) fl-Anness E: (a) hi mitluba reviżjoni tad-disinn; (b) reviżjoni tal-proċess ta’ manifattura mhijiex mitluba jekk il-Modulu B (eżaminar tat-tip) jintuża flimkien mal-Modulu D (sistema tal-maniġment tal-kwalità tal-produzzjoni) (c) reviżjoni tal-proċess ta’ manifattura hu mitlub jekk il-Modulu B (eżaminar tat-tip) jintuża flimkien mal-Modulu F (verifika tal-prodott),

—	B’referenza għall-Kapitolu 3 tad-deskrizzjoni tal-Modulu F (verifika tal-prodott) fl-Anness E, verifika statistika mhijiex permessa, jiġifieri, il-kostitwenti kollha tal-interoperabilità għandhom jiġu eżaminati individwalment,

—	B’referenza għat-Taqsima 6.3 tal-Modulu H2 (sistema ta’ maniġment tal-kwalità sħiħa b’eżaminar tad-disinn), hu meħtieġ test tat-tip.

Indipendentament mill-modulu magħżul, id-dispożizzjonijiet tal-Anness A, l-Indiċi 47, l-Indiċi A1, l-Indiċi A2 u l-Indiċi A3 għandhom jiġu applikati għaċ-ċertifikazzjoni tal-kostitwenti tal-interoperabilità, li għalihom japplikaw ir-rekwiżiti tas-sikurezza bażika tal-parametru (it-Taqsima 4.2.1 Karatteristiċi tas-sikurezza tal-kmand-kontroll rilevanti għall-interoperabilità).

Indipendentament mill-modulu magħżul, għandu jiġi vverifikat li l-indikazzjonijiet tal-manifattur għall-manutenzjoni tal-kostitwent tal-interoperabilità huma konformi mar-rekwiżiti tat-Taqsima 4.5 (Regoli ta’ manutenzjoni) ta’ din it-TSI.

Jekk jintuża l-Modulu B (eżaminar tat-tip), dan għandu jsir fuq il-bażi tal-eżaminar tad-dokumentazzjoni teknika (ara t-Taqsima 3 u 4.1 tad-deskrizzjoni tal-Modulu B (eżaminar tat-tip)).

Jekk jintuża il-Modulu H2 (sistema sħiħa tal-maniġment tal-kwalità bl-eżaminar tad-disinn), l-applikazzjoni għal eżaminar tad-disinn għandha tinkludi l-elementi kollha li jappoġġjaw l-evidenza li r-rekwiżiti tat-Taqsima 4.5 (Regoli ta' manutenzjoni ta' din it-TSI) ġew osservati

6.2.    Subsistema tal-kmand-kontroll

6.2.1.   Proċeduri tal-evalwazzjoni

Dan il-Kapitolu jittratta mad-dikjarazzjoni tal-verifika KE tas-subsistema tal-kmand-kontroll. Kif imsemmi fil-Kapitolu 2, l-applikazzjoni tas-subsistema tal-kmand-kontroll hi trattata bħala żewġ assemblaġġi:

—	l-assemblaġġ abbord,

—	l-assemblaġġ fil-ġenb tal-binarji.

Għal kull assemblaġġ, hemm bżonn ta’ dikjarazzjoni tal-verifika KE.

B'talba tal-entità kontraenti jew ir-rappreżentant tagħha stabbilit fil-Komunità, il-korp notifikat iwettaq verifika KE ta' assemblaġġ abbord jew fil-ġenb tal-binarji skont l-Anness VI għad-Direttiva 2001/16/KE.

L-entità kontraenti għandha tħejji dikjarazzjoni tal-verifika KE għall-assemblaġġ tal-kmand-kontroll skont l-Artikolu 18(1) u l-Anness V tad-Direttiva 2001/16/KE.

Il-kontenut tad-dikjarazzjoni tal-verifika KE għandu jikkonforma mal-Anness V tad-Direttiva 2001/16/KE. Dan jinkludi l-verifika tal-integrazzjoni tal-kostitwenti tal-interoperabilità li huma parti mill-assemblaġġ; it-Tabelli 6.1 u 6.2 jiddefinixxu l-karatteristiċi li għandhom jiġu vverifikati u r-referenza għall-ispeċifikazzjonijiet mandatorji li għandhom jiġu applikati.

Uħud mill-ispeċifikazzjonijiet f’din it-TSI fihom funzjonijiet mandatorji u/jew b’għażla. Il-korp notifikat għandu:

—	jivverifika li l-funzjonijiet mandatorji kollha meħtieġa għall-Assemblaġġ huma implimentati,

—	jivverifika li l-funzjonijiet b’għażla kollha meħtieġa bl-implimentazzjoni speċifika fil-ġenb tal-binarji jew abbord huma implimentati.

Il-korp notifikat għandu jivverifika li l-ebda funzjonijiet addizzjonali, implimentati fl-assemblaġġ, ma jwasslu għal kunflitti ma’ funzjonijiet mandatorji jew b'għażla implimentati.

Għandha tiġi provduta informazzjoni dwar l-implimentazzjoni speċifika tal-assemblaġġ fil-ġenb tal-binarji u abbord fir-Reġistru tal-Infrastruttura u fir-Reġistru tal-Vetturi Ferrovjarji skont l-Anness C.

Id-dikjarazzjoni tal-verifika KE tal-assemblaġġ fil-ġenb tal-binarji jew l-assemblaġġ abbord għandha tipprovdi l-informazzjoni kollha meħtieġa għall-inklużjoni fir-reġistri msemmija. Ir-Reġistri għandhom ikunu mmaniġġjati skont l-Artikolu 24 tad-Direttiva 2001/16/KE

Id-dikjarazzjoni tal-verifika KE tal-assemblaġġi abbord u fil-ġenb tal-binarji, flimkien maċ-ċertifikati tal-konformità, huma biżżejjed biex jiżguraw li assemblaġġ fil-ġenb tal-binarji għandu jopera ma’ assemblaġġ abbord mgħammar b’karatteristiċi korrispondenti kif definit fir-Reġistru tal-Vetturi Ferrovjarji u fir-Reġistru tal-Infrastruttura mingħajr dikjarazzjoni ta’ verifika KE ta’ subsistema addizzjonali.

6.2.1.1.   Verifika tal-integrazzjoni funzjonali ta’ assemblaġġ abbord

Il-verifika għandha ssir għal assemblaġġ tal-kmand-kontroll abbord installat fuq vettura. Għat-tagħmir tal-kmand-kontroll li mhuwiex definit bħala tal-Klassi A, huma biss ir-rekwiżiti tal-verifika assoċjati mal-interoperabilità biss (pereżempu interfejs abbord tal-STM/ERTMS ETCS) li huma inklużi f’dan it-TSI.

Qabel ma tkun tista’ sseħħ verifika funzjonali abbord, il-kostitwenti tal-interoperabilità inklużi fl-assemblaġġ għandhom ikunu ġew evalwati skont it-Taqsima 6.1 hawn fuq li jirriżulta f’dikjarazzjoni tal-konformità KE. Il-korp notifikat għandu jevalwa li dawn huma xierqa għall-applikazzjoni (eż. funzjonijiet b’għażla implimentati).

Il-funzjonalità fil-Klassi A diġà verifikata fil-livell tal-kostitwent tal-interoperabilità ma tirrikjedi l-ebda verifika addizzjonali.

It-testijiet ta’ verifika tal-integrazzjoni għandhom jitwettqu biex juru li l-komponenti tal-assemblaġġ ikunu ġew korrettament interkonnessi u interfejsjati mal-ferrovija biex jiżguraw li l-funzjonalità meħtieġa u l-prestazzjoni meħtieġa għal dik l-applikazzjoni tal-assemblaġġ tintlaħaq. Meta jiġu installati assemblaġġi abbord tal-kmand-kontroll identiċi fuq oġġetti identiċi tal-vetturi ferrovjarji, il-verifika tal-integrazzjoni għandha ssir darba biss fuq oġġett wieħed tal-vetturi ferrovjarji.

Dawn li ġejjin għandhom jiġu verifikati:

—	il-korrettezza tal-installazzjoni tal-assemblaġġ tal-kmand-kontroll abbord (eż. konformità ma’ regoli tal-inġinerija, kooperazzjoni ta' tagħmir interkonness, nuqqas ta' interazzjonijiet mhux sikuri u, fejn meħtieġ, ħzin ta' dejta speċifika tal-applikazzjoni),

—	korrettezza tal-operazzjonijiet fl-interfejsis mal-vetturi ferrovjarji (eż. brejkijiet tal-ferroviji, viġilanza, integrità tal-ferrovija),

—	abilità ta’ interfejs ma’ assemblaġġ tal-kmand-kontroll fil-ġenb tal-binarji b’karatteristiċi korrispondenti (eż. livell tal-applikazzjoni tal-ETCS, funzjonijiet installati b'għażla),

—	abilità ta’ qari u ħżin fir-reġistru tad-dejta tas-sikurezza tal-informazzjoni kollha meħtieġa (provduta wkoll minn sistemi mhux tal-ETCS, jekk meħtieġa).

Din il-verifika tista’ ssir f’depot.

Il-verifika tal-abilità tal-assemblaġġ abbord għal interfejs ma’ assemblaġġ fil-ġenb tal-binarji tikkonsisti fil-verifika tal-abilità li taqra Eurobalise u (jekk il-funzjonalità tkun installata abbord) Europloop ċertifikat u l-abilità li jiġu stabbiliti konnessjonijiet tal-GSM-R għall-vuċi u (jekk il-funzjonalità tiġi installata) għad-dejta.

Jekk it-tagħmir tal-Klassi B hu inkluż ukoll, il-korp notifikat għandu jivverifika li r-rekwiżiti tat-test tal-integrazzjoni maħruġa mill-Istat Membru xieraq ikunu ntlaħqu.

6.2.1.2.   Verifika tal-integrazzjoni funzjonali tal-assemblaġġ fil-ġenb tal-binarji

Il-verifika għandha ssir għal assemblaġġ tal-kmand-kontroll fil-ġenb tal-binarji installat fuq infrastruttura. Għat-tagħmir tal-kmand-kontroll li mhuwiex definit bħala tal-Klassi A, huma biss ir-rekwiżiti ta' verifika assoċjati mal-interoperabilità (pereżempju EMC) li huma inklużi f'din it-TSI.

Qabel ma tkun tista’ sseħħ il-verifika funzjonali fil-ġenb tal-binarji, il-kostitwenti tal-interoperabilità inklużi fl-assemblaġġ għandhom ikunu ġew evalwati skont it-Taqsima 6.1 (kostitwenti tal-interoperabilità) hawn fuq u jkollhom dikjarazzjoni ta' konformità KE. Il-korp notifikat għandu jivverifika li dawn huma adattati għall-applikazzjoni (eż. funzjonijiet implimentati b'għażla).

Il-funzjonalità fil-Klassi A diġà verifikata fil-livell tal-kostitwent tal-interoperabilità ma tirrikjedi l-ebda verifika addizzjonali.

Għad-disinn tal-parti tal-ERTMS/ETCS tal-assemblaġġ tal-kmand-kontroll fil-ġenb tal-binarji, ir-rekwiżiti tat-TSI għandu jkollhom magħhom speċifikazzjonijiet nazzjonali li jkopru eż:

—	id-deskrizzjoni tal-linja, karatteristiċi bħal inklinazzjonijiet, distanzi, pożizzjonijiet tal-elementi tar-rotta u Eurobalises/Euroloops, lokazzjonijiet li għandhom jiġu protetti, eċċ.

—	id-dejta u r-regoli tas-sinjalar li jeħtieġ li jiġu mmaniġġjati mis-sistema tal-ERTMS/ETCS.

It-testijiet tal-verifika tal-integrazzjoni għandhom jitwettqu biex juru li l-komponenti tal-assemblaġġ ġew korrettament interkonnessi u interfejsjati ma’ tagħmir nazzjonali fil-ġenb tal-binarji biex jiżguraw li l-funzjonalità u l-prestazzjoni meħtieġa tal-assemblaġġ meħtieġ għal dik l-applikazzjoni jintlaħqu.

Għandhom jiġu kkunsidrati l-interfejsis fil-ġenb tal-binarji li ġejjin:

—	bejn is-sistema tar-radju tal-Klassi A u l-ERTMS/ETCS (RBC jew unità tal-in-fill tar-radju, jekk rilevanti),

—	bejn Eurobalise u l-LEU,

—	bejn Euroloop u l-LEU,

—	bejn RBCs maġenb xulxin,

—	bejn l-ERTMS/ETCS (RBC, LEU, unità tal-in-fill tar-radju) u sistema tal-imblukkar awtomatika jew sinjalar nazzjonali, kif rilevanti.

Dawn li ġejjin għandhom jiġu verifikati:

—

il-korrettezza tal-installazzjoni tal-parti tal-ERTMS/ETCS tal-assemblaġġ tal-kmand-kontroll fil-ġenb tal-binarji (eż. konformità ma' regoli tal-inġinerija, kooperazzjoni tal-biċċiet interkonnessi tat-tagħmir, nuqqas ta' interazzjonijiet mhux sikuri u, fejn meħtieġ, ħżin ta' dejta speċifika tal-applikazzjoni skont l-ispeċifikazzjonijiet nazzjonali fuq imsemmija),

—	il-korrettezza tal-operazzjonijiet fl-interfejsis ma’ tagħmir nazzjonali fil-ġenb tal-binarji,

—	l-abilità ta’ interfejs ma’ assemblaġġ abbord b’karatteristiċi korrispondenti (eż. livell ta’ applikazzjoni tal-ETCS).

6.2.1.3.   Evalwazzjoni fi stadji ta’ migrazzjoni

It-titjib ta’ ġenb ta’ assemblaġġ tal-kmand-kontroll fil-ġenb tal-binarji u abbord jista’ jitwettaq fi stadji suċċessivi skont it-Taqsima 7.2.3 u t-Taqsima 7.2.4. F'kull stadju, tinkiseb biss konformità mar-rekwiżiti tat-TSI rilevanti għall-istadju, filwaqt li r-rekwiżiti l-oħra tal-istadji li jifdal ma jintlaħqux.

L-entità kontraenti tista’ titfa’ applikazzjoni għall-evalwazzjoni tal-assemblaġġ f’dan l-istadju minn korp notifikat.

Indipendentament mill-moduli magħżula mill-entità kontraenti, il-korp notifikat għandu jivverifika li:

—	ir-rekwiżiti tat-TSI rilevanti għal dan l-istadju huma rispettati,

—	ir-rekwiżiti tat-TSI diġà evalwati mhumiex affettwati.

Funzjonijiet li diġà ġew evalwati u baqgħu mhux mibdula u mhux affettwati minn dan l-istadju ma għandhomx għalfejn jerġgħu jiġu vverifikati.

Iċ-ċertifikat(i) maħruġa mill-korp notifikat wara l-evalwazzjoni pożittiva tal-assemblaġġ huma akkumpanjati minn riservazzjonijiet li jindikaw il-limiti taċ-ċertifikat(i), liema rekwiżiti tat-TSI intlaħqu u liema ma ntlaħqux.

Ir-riservazzjonijiet għandhom jiġu indikati fir-Reġistru tal-Vetturi Ferrovjarji u/jew ir-Reġistru tal-Infrastruttura kif xieraq.

6.2.2.   Moduli

Il-moduli kollha indikati hawn taħt huma speċifikati fl-Anness E ta’ din it-TSI.

6.2.2.1.   Assemblaġġ abbord

Għall-proċedura ta’ verifika tal-assemblaġġ Abbord, l-entità kontraenti jew ir-rappreżentant awtorizzat tagħha stabbilit fil-Komunità jista’ jagħżel jew:

—	il-proċedura tal-eżaminar tat-tip (Modulu SB) għall-fażi tad-disinn u l-iżvilupp b'kombinazzjoni mal-proċedura ta' sistema tal-maniġment tal-kwalità tal-produzzjoni (il-Modulu SD) għall-fażi ta' produzzjoni, jew

—	il-proċedura tal-eżaminar tat-tip (Modulu SB) għall-fażi tad-disinn u l-iżvilupp b’kombinazzjoni mal-proċedura tal-verifika tal-prodott (Modulu SF), jew

—	is-sistema sħiħa tal-maniġment tal-kwalità mal-proċedura tal-eżaminar tad-disinn (il-Modulu SH2).

6.2.2.2.   Assemblaġġ fil-ġenb tal-binarji

Għall-proċedura ta’ verifika tal-assemblaġġ fil-ġenb tal-binarji, l-entità kontraenti jew ir-rappreżentant awtorizzat tagħha stabbilit fil-Komunità jista' jagħżel jew:

—	il-proċedura tal-verifika tal-unità (il-Modulu SG), jew

—	il-proċedura tal-eżaminar tat-tip (il-Modulu SB) għall-fażi ta’ disinn u żvilupp b’kombinazzjoni mal-proċedura ta’ sistema tal-maniġment tal-kwalità tal-produzzjoni (il-Modulu SD)) għall-fażi tal-produzzjoni, jew

—	il-proċedura tal-eżaminar tat-tip (il-Modulu SB) għall-fażi tad-disinn u l-iżvilupp b’kombinazzjoni mal-proċedura tal-verifika tal-prodott (il-Modulu SF), jew

—	is-sistema sħiħa tal-maniġment tal-kwalità mal-proċedura tal-eżaminar tad-disinn (il-Modulu SH2).

6.2.2.3.   Kundizzjonijiet għall-użu ta’ moduli għal assemblaġġi abbord u fil-ġenb tal-binarji

Il-Modulu SD (sistema tal-maniġment tal-kwalità tal-produzzjoni) jista’ jintgħażel biss meta l-entità kontraenti tikkuntratta biss mal-manifatturi, li joperaw sistema ta’ kwalità għall-produzzjoni, spezzjoni u ttestjar finali tal-prodott, approvati u analizzati minn korp notifikat.

Il-Modulu SH2 (sistema sħiħa tal-maniġment tal-kwalità bl-eżaminar tad-disinn) jista’ jintgħażel biss meta l-attivitajiet kollha li jikkontribwixxu għall-proġett tas-Subsistema li għandhom verifikati (disinn, manifattura, assemblaġġ, installazzjoni) huma soġġetti għal sistema ta' kwalità għad-disinn, produzzjoni, spezzjoni u ttestjar tal-prodott finali, approvati u analizzati minn korp notifikat.

Indipendentament mill-modulu magħżul, ir-reviżjoni tad-disinn tinkludi l-verifika li r-rekwiżiti tat-Taqsima 4.5 (ir-Regoli ta’ manutenzjoni) ta’ din it-TSI ġew rispettati.

Indipendentament mill-modulu magħżul, id-dispożizzjonijiet tal-Anness A, l-Indiċi 47, l-Indiċi A1, u fejn rilevanti l-Indiċi A2 u A3 għandhom jiġu applikati.

B’referenza għall-Kapitolu 4 tal-Modulu SB (eżaminar tat-tip), hi mitluba r-reviżjoni tad-disinn.

B’referenza għat-Taqsima 4.3 tal-Modulu SH2 (sistema sħiħa tal-maniġment tal-kwalità b'eżaminar tad-disinn), hemm bżonn ta' test tat-tip.

B’referenza għal:

—	it-Taqsima 5.2 tal-Modulu SD (sistema ta’ maniġment tal-kwalità tal-produzzjoni),

—	il-Kapitolu 7 tal-Modulu SF (verifika tal-prodott),

—	il-Kapitolu 4 tal-Modulu SG (verifika tal-unità),

—	it-Taqsima 5.2 tal-Modulu SH2 (sistema sħiħa tal-maniġment tal-kwalità bl-eżaminar tad-disinn), il-validazzjoni skont kundizzjonijiet operattivi sħaħ hi definita fit-Taqsima 0 (validazzjoni tal-assemblaġġ abbord) u t-Taqsima 0 (validazzjoni tal-assemblaġġ fil-ġenb tal-binarji).

Validazzjoni tal-assemblaġġ abbord

Għal assemblaġġ abbord, il-validazzjoni skont kundizzjonijiet operattivi sħaħ għandha tkun test tat-tip. Hu aċċettabbli li titwettaq fuq każ wieħed tal-assemblaġġ, u għandha titwettaq permezz ta’ testijiet bl-għan li jiġi verifikat dan li ġej:

—	il-prestazzjonijiet tal-funzjonijiet tal-odometrija,

—	il-kompatibbiltà tal-assemblaġġ tal-kmand-kontroll bit-tagħmir u l-ambjent tal-vetturi ferrovjarji (eż. EMC) sabiex tkun tista’ tiġi multiplikata l-implimentazzjoni tal-assemblaġġ Abbord fuq lokomotivi oħra tal-istess tip,

—	il-kompatibbiltà tal-vetturi ferrovjarji mal-assemblaġġ tal-kmand-kontroll fil-ġenb tal-binarji (eż. aspetti tal-EMC, operat taċ-ċirkwiti tal-binarji u tagħmir tal-għadd tal-fus).

Dawn it-testijiet għandhom jitwettqu fuq infrastruttura li tippermetti għal verifiki fil-kundizzjonijiet rappreżentattivi tal-karatteristiċi li jistgħu jinstabu fin-netwerk tal-ferrovija konvenzjonali Ewropea (eż. inklinazzjonijiet, veloċità tal-ferroviji, vibrazzjonijiet, saħħa taċ-ċaqliq, temperatura).

Jekk it-testijiet jippermettu li l-ispeċifikazzjonijiet ma jinkisbux fil-każijiet kollha (eż. konformità mat-TSI sa ċerta veloċità biss), il-konsegwenzi fir-rigward tal-konformità mat-TSI għandhom jiġu rreġistrati fuq iċ-ċertifikat tal-konformità u fir-reġistru tal-vetturi ferrovjarji.

Validazzjoni tal-assemblaġġ fil-ġneb tal-binarji

Għal assemblaġġ fil-ġenb tal-binarji, il-validazzjoni skont il-kundizzjonijiet operattivi sħaħ għandha titwettaq permezz ta' provi ta' vetturi ferrovjarji ta’ karatteristiċi magħrufa u għandu jkollha l-ambitu għall-verifika tal-kompatibbiltà bejn il-vetturi ferrovjarji u l-assemblaġġ fil-ġenb tal-binarji (eż. aspetti tal-EMC, operat ta’ ċirkwiti tal-binarji u tagħmir tal-għadd tal-fus). Dawn il-provi għandhom jitwettqu b’vetturi ferrovjarji adattati ta’ karatteristiċi magħrufa li jippermettu l-verifiki f'kundizzjonijiet li jistgħu jseħħu waqt is-servizz (eż. veloċità tal-ferroviji, saħħa taċ-ċaqliq).

Il-provi għandhom jivvalidaw ukoll il-kompatibbiltà tal-informazzjoni provduta lix-xufier tal-ferrovija mill-assemblaġġ fil-ġenb tal-binarji mar-rotta fiżika (eż. limiti ta’ veloċità, eċċ.).

Jekk l-ispeċifikazzjonijiet li huma previsti minn, iżda li għadhom mhux disponibbli, f’din it-TSI għall-verifika ta’ assemblaġġ fil-ġenb tal-binarji, l-assemblaġġ fil-ġenb tal-binarji għandu jkun valididat minn testijiet xierqa fuq il-post (li għandhom jiġu definiti mill-entità kontraenti ta' dan l-assemblaġġ fil-ġenb tal-binarji).

6.2.2.4.   Evalwazzjoni tal-manutenzjoni

L-evalwazzjoni tal-konformità tal-manutenzjoni hi r-responsabbiltà ta’ korp awtorizzat mill-Istat Membru. L-Anness F jiddeskrivi l-proċedura li permezz tagħha dan il-korp jaċċerta li l-arranġamenti tal-manutenzjoni jilħqu d-dispożizzjonijiet ta’ din it-TSI u jiżguraw rispett tal-parametri bażiċi u r-rekwiżiti essenzjali matul il-ħajja tas-subsistema.

Tabella 6.1

Rekwiżiti tal-verifika għal assemblaġġ tal-kmand-kontroll abbord

1	2	2a	3	4	5
Nru	Deskrizzjoni	Rimarki	Interfejsis tas-CC	Subsistemi tat-TSI tal-interfejs	Karatteristiċi li għandhom jiġu evalwati b’referenza għall-Kapitolu 4 ta’ din it-TSI
1.	Sikurezza	Il-korp notifikat għandu jiżgura l-kompletezza tal-proċess tal-approvazzjoni tas-sikurezza, inkluż il-każ tas-sikurezza			4.2.1
2.	Funzjonalità tal-ETCS abbord	Din il-funzjonalità hi mwettqa mill-IC tal-ERTMS/ETCS abbord			4.2.2
		Noti:
		Superviżjoni tal-viġilanza	Jekk is-superviżjoni tal-viġilanza hi esterna, jista’ jkun jeżisti interfejs bejn l-istrument tal-viġilanza u l-ERTMS/ETCS abbord għar-restrizzjoni	OPE RST	4.3.1.9 4.3.2.11
		Superviżjoni tal-integrità tal-ferroviji: Fil-każ, fejn il-ferrovija hi konfigurata għal-Livell 3, is-superviżjoni tal-integrità tal-ferrovija għandha tkun appoġġjata permezz ta’ tagħmir tad-ditezzjoni fil-ġenb tal-vetturi ferrovjarji	Interfejs bejn l-ERTMS/ETCS abbord u t-tagħmir tad-ditezzjoni	RST	4.3.2.8
3.	Funzjonijiet tal-EIRENE	Din il-funzjonalità hi mwettqa mill-IC tal-ERTMS/GS M-R abbord			4.2.4
		Komunikazzjoni tad-dejta għal-livell 1 biss b’in-fill tar-radju (b'għażla) jew il-livell 2 u l-livell 3
4.	Interfejsis tal-ispazju tal-arja tal-ETCS u EIRENE	Din il-funzjonalità hi mwettqa minn ERTMS/ETCS abbord u l-ICs tal-ERTMS/GSM-R abbord	Assemblaġġ tas-CC fil-ġenb tal-binarji		4.2.5
		Komunikazzjoni tar-radju mal-ferrovija biss għal-livell 1 bl-in-fill tar-radju (b'għażla) jew il-livell 2 u l-livell 3
		Il-komunikazzjoni tal-Euroloop hi b'għażla
5.	Maniġment tal-imfietaħ	Politika ta’ sikurezza għall-maniġment tal-imfietaħ		OPE	4.2.8 4.3.1.7
6.	Maniġment tal-ETCS-ID	Politika għall-maniġment tal-ETCS-ID		OPE	4.2.9
7.	Interfejsis
	STM	Il-korp notifikat għandu jivverifika li r-rekwiżiti tat-test tal-integrazzjoni maħruġa mill-Istat Membru xierqa ntlaħqu	ERTMS/ETCS on-board and external STM IC’s		4.2.6.1
	ERTMS/GSM-R abbord		ERTMS/ETCS abbord u ICs tal-ERTMS/GSM-R abbord		4.2.6.2
	Odometrija	Dan l-interfejs mhuwiex rilevanti jekk it-tagħmir jiġi kunsinnat bħala iggruppjar tal-kostitwenti	ERTMS/ETCS abbord u ICs tal-odometrija	MR	4.2.6.3
					4.3.2.12
	ETCS DMI	Parti minn IC tal-ERTMS/ETCS abbord		OPE	4.2.13
	EIRENE DMI	Parti minn IC tal-ERTMS/GSM-R abbord			4.3.1.2 4.2.14
				OPE	4.3.1.3
	Interfejs għar-reġistrazzjoni tad-dejta għal skopijiet regolatorji	Parti mill-IC tar-reġistratur tal-informazzjoni			4.2.15
				OPE	4.3.1.4
				RST	4.3.2.13
	Prestazzjonijiet tal-ibbrejkjar tal-ferrovija	Verifika tal-adattament għall-vetturi ferrovjarji kkonċernati		OPE	4.3.1.5
				RST	4.3.2.3
	Iżolament			OPE	4.3.1.6
				RST	4.3.2.7
	Installazzjoni tal-antenna			RST	4.3.2.4
	Kundizzzjonijiet ambjentali	Verifika tal-operat korrett tal-assemblaġġ tal-kmand-kontroll fil-kundizzjonijiet ambjentali. Din il-verifika għandha ssir fil-validazzjoni skont kundizzjonijiet operattivi sħaħ.		RST	4.3.2.5
	EMC	Verifika tal-operat korrett tal-assemblaġġ tal-kmand-kontroll fil-kundizzjonijiet ambjentali Din il-verifika għandha ssir fil-validazzjoni skont kundizzjonijiet operattivi sħaħ.		RST	4.3.2.6
	interfejsis tad-dejta	Parti minn IC tal-ERTMS/ETCS abbord.		RST	4.3.2.8; 4.3.2.11
		Operazzjoni korretta tal-interfejs mal-ferrovija Dan l-interfejs jinklużi viġilanza (b'għażla) u integrità tal-ferroviji (fil-livell 3 biss)		OPE	4.3.1.9

Tabella 6.2

Rekwiżiti tal-verifika għal assemblaġġ tal-kmand-kontroll fil-ġenb tal-binarji

1	2	2a	3	4	5
Nru	Deskrizzjoni	Rimarki	Interfejsis tas-CC	Subsistemi tat-TSI tal-interfejs	Karatteristiċi li għandhom jiġu evalwati b’referenza għall-Kapitolu 4 ta’ din it-TSI
1.	Sikurezza	Il-korp notifikat għandu jiżgura l-kompletezza tal-proċess tal-approvazzjoni tas-sikurezza, inkluż il-każ tas-sikurezza			4.2.1
2.	Funzjonalità tal-ETCS fil-ġenb tal-binarji	Din il-funzjonalità titwettaq mill-unitajiet tal-RBC, LEUs u l-unitajiet tal-in-fill tar-radju, skont l-implimentazzjoni			4.2.3
3.	Funzjonijiet tal-EIRENE	Komunikazzjoni tad-dejta biss għal-livell 1 bl-in-fill tar-radju jew il-livell 2/3			4.2.4
4.	Interfejsis tal-ispazju tal-arja tal-ETCS u EIRENE	Din il-funzjonalità hi mwettqa mill-RBC, l-unitajiet tal-in-fill tar-radju, it-tagħmir fil-ġenb tal-binarji tal- Eurobalises, Euroloops u GSM-R, skont l-implimentazzjoni.	Assemblaġġ abbord is-CC		4.2.5
		Komunikazzjoni tar-radju mal-ferrovija biss għal-livell 1 bl-in-fill tar-radju (b'għażla) jew il-livell 2/3
		Il-komunikazzjoni tal-Euroloop hi b'għażla
5.	Maniġment tal-imfietaħ	Politika tas-sikurezza għall-maniġment tal-imfietaħ		OPE	4.2.8 4.3.1.7
6.	ETCS ID management	Policy for ETCS-ID management		OPE	4.2.9
7.	HABD			OPE	4.2.10
				RST	4.3.1.8 4.3.2.9
8.	Interfejsis RBC/RBC	Għal-livell 2/3 biss	Bejn RBCs tal-madwar		4.2.7.1
	GSM-R fil-ġenb tal-binarji	Għal-livell 2/3 jew il-livell 1 bl-in-fill tar-radju biss (b'għażla)	Bejn RBCs jew unitajiet tal-in-fill tar-radju u GSM-R fil-ġenb tal-binarji		4.2.7.3
	Eurobalise/LEU	Dan l-interfejs mhuwiex rilevanti jekk it-tagħmir hu kunsinnat bħala ggruppjar tal-kostitwenti	Bejn ICs tal-kmand-kontroll		4.2.7.4
	Euroloop/LEU	Euroloop hu b'għażla	Bejn ICs tal-kmand-kontroll		4.2.7.5
		Dan l-interfejs mhuwiex rilevanti jekk it-tagħmir hu kunsinnat bħala ggruppjar tal-kostitwenti
	Installazzjoni tal-antenni			IN	4.3.3.2
	Kundizzjonijiet ambjentali	Verifika tal-operat korrett tal-assemblaġġ tal-kmand-kontroll fil-kundizzjonijiet ambjentali Din il-verifika għandha ssir fil-validazzjoni skont kundizzjonijiet operattivi sħaħ		IN	4.3.3.3
	EMC	Verifika tal-operat korrett tal-assemblaġġ tal-kmand-kontroll fil-kundizzjonijiet ambjentali Din il-verifika għandha ssir fil-validazzjoni skont kundizzjonijiet operattivi sħaħ		IN ENE	4.3.3.4 4.3.4.1
9.	Kompatibbiltà tas-sistemi tad-ditezzjoni tal-ferroviji	Karatteristiċi li għandhom jiġu attivati minn vetturi ferrovjarji		RST	4.2.11 4.3.1.10
				IN	4.3.2.1 4.3.3.1
10.	Kompatibbiltà tal-EM bejn vetturi ferrovjarji u sistemi tad-ditezzjoni tal-ferroviji			RST	4.2.12.2 4.3.2.2
	Kompatibbiltà mad-dwal ta’ quddiem tal-ferroviji	Karatteristiċi ta’ sinjali fil-ġenb tal-binarju u lbies li jirrifletti		RST	4.2.16 4.3.2.10
	Kompatibbiltà mal-veduta esterna tax-xufier	Installazzjoni tat-tagħmir fil-ġenb tal-binarji li x-xufier għandu jkun jista’ jara		OPE	4.2.16 4.3.1.11

7.   IMPLIMENTAZZJONI TAT-TSI TAL-KMAND-KONTROLL

7.1.    Ġenerali

Dan il-kapitolu jiddeskrivi l-istrateġija u s-soluzzjonijiet tekniċi assoċjati għall-implimentazzjoni tat-TSI, notevolment il-kundizzjonijiet li fuqhom hi bbażata l-migrazzjoni għal sistemi tal-Klassi A. Għandu jiġi kkunsidrat il-fatt li l-implimentazzjoni ta’ TSI okkażjonalment għandha tkun koordinata mal-implimentazzjoni ta’ TSIs oħra.

Il-Kapitoli minn 2 sa 6 u kwalunkwe dispożizzjonijiet speċifiċi fil-paragrafu 7.3 hawn taħt japplikaw b’mod sħiħ għal subsistema tal-kmand-kontroll kif definita mid-Direttiva 2001/16/KE.

7.2.    Kwistjonijiet speċifiċi tal-implimentazzjoni tat-TSI tal-kmand-kontroll

7.2.1.   Kriterji tal-migrazzjoni ġenerali

Fis-subsistema tal-kmand-kontroll, iż-żewġ klassijiet (A u B) tas-sistemi tal-protezzjoni tal-ferrovija u tal-komunikazzjoni tar-radju huma definiti.

Hu rikonoxxut li l-Klassi A ma tistax tiġi installata fuq ir-rotot konvenzjonali eżistenti kollha minnufih għal raġunijiet li jinkludu kunsiderazzjonijiet ekonomiċi u aspetti ta’ kapaċità tal-installazzjoni. Fil-perjodu ta’ migrazzjoni bejn is-sitwazzjoni attwali (pre-unifikata) (tal-Klassi B) u l-applikazzjoni tal-Klassi A, se jkun hemm numru ta’ soluzzjonijiet tal-interoperabilità possibbli li jistgħu jiġu implimentat fil-kwadru ta’ din it-TSI. Dawn is-soluzzjonijiet japplikaw kemm għall-infrastruttura ferrovjarja konvenzjonali Ewropea, inklużi l-linji tal-konnessjoni, u għal ferroviji konvenzjonali Ewropej. Numru ta’ eżempji illustrattivi huma mogħtija hawn taħt:

—

fl-ERTMS/ETCS, hemm lok għal moduli magħrufa bħala STMs (Moduli tat-Trasmissjoni Speċifiċi) li għandhom jiżdiedu mal-ETCS sabiex jippermettu li ferrovija mgħammra b’STMs xierqa topera fuq infrastruttura pre-unifikata eżistenti. Soluzzjoni oħra hi li infrastruttura tista’ tiġi mgħammra b’sistemi tal-Klassi A kif ukoll tal-Klassi B,

—

Diġà bdiet l-implimentazzjoni ta’ sistemi tal-GSM-R fuq bażi nazzjonali f’numru sinjifikanti ta’ pajjiżi tal-EU15 ta’ qabel. L-ewwel interkonnessjonijiet ta' dawn in-netwerks nazzjonali huma dovuti fl-2004. Fil-futur qrib għandu jkun hemm netwerks oħra. Xi linji ferrovjarji għażlu soluzzjoni fejn it-tagħmir mobbli jkun iddisinjat b’mod li jista’ jaħdem fiż-żewġ sistemi (modulu doppju = GSM-R u >=1 radju analogu), oħrajn ħadu s-soluzzjoni li jkollhom kopertura doppja fuq in-naħa tan-netwerk iżda tagħmir singolari biss fuq il-ferroviji. GSM-R ma għandhiex “STMs”. Ir-radjijiet tal-kabini li għandhom unitajiet tal-interfejs addizzjonali għal sistemi tar-radju tal-Klassi B (Modulu doppju) huma kapaċi jaħdmu wkoll fuq linji f’netwerk tal-Klassi B jekk ikunu ddisinjati b’mod speċjali. Din is-soluzzjoni hi biss soluzzjoni temporanja li tippermetti skambju bikri ta’ ferroviji internazzjonali.

7.2.1.1.   Mogħdijiet tal-migrazzjoni

Is-sistemi eżistenti kif ukoll is-sistema unifikata tal-futur għandhom komponenti tas-sistema fuq in-naħa tal-infrastruttura u abbord. Għaldaqstant l-istrateġiji tal-migrazzjoni għandhom jiġu definiti għaż-żewġ assemblaġġi. Dan il-paragrafu jittratta mal-mogħdijiet ta’ migrazzjoni mill-Klassi B għall-Klassi A billi jagħti eżempji.

L-istrateġiji tal-migrazzjoni għandhom jagħtu attenzjonali speċjali lid-distinzjoni li ġejja:

—	radju tal-ferrovija (mill-Klassi B għall-Klassi A),

—	protezzjoni tal-ferrovija (mill-Klassi B għall-Klassi A),

—	is-sistema tad-ditezzjoni tal-ferrovija,

—	is-sistema tad-ditezzjoni tal-kaxxa b’fus sħun,

—

EMC.

Kull waħda minn dawn tista’ ssegwi mogħdija tal-migrazzjoni differenti.

Il-mogħdijiet tal-migrazzjoni possibbli mill-Klassi B għall-Klassi A huma spjegati permezz tal-eżempji li ġejjin għas-sistema tal-protezzjoni tal-ferroviji.

Figura 1

Test ta 'immaġni

Il-Figura 1 turi l-istat tal-bidu, fejn jeżistu biss sistemi mhux kompatibbli (BIDU denominat) għall-istat finali (MIRA denominata).

Iż-żewġ figuri li ġejjin jiddeskrivu ż-żewġ mogħdijiet tal-migrazzjoni estremi possibbli mill-istat preżenti għal dak futur.

Figura 2

Test ta 'immaġni

Il-Figura 2 turi proċess ta’ migrazzjoni, fejn l-investiment inizjali kollu jsir abbord. Soluzzjoni teknika possibbli hi l’hekk imsejħa STM, li tista’ tiġi konnessa man-nukleju tal-ETCS abbord u li tittraduċi informazzjoni mis-sistemi eżistenti għal forma li tista’ tiġi proċessata min-nukleju tal-ETCSs. Wara li t-tagħmir tal-vetturi kollha ta’ flotta ta’ ferroviji li qed jiġu kkunsidrati bil-kombinazzjoni tan-nukleju tal-ETCS u s-sistemi rispettivi tal-Klassi B, it-tagħmir tal-linja jista’ jinbidel għal ETCS jew linji mgħammra ġodda jistgħu jinbnew fuq il-bażi tas-sistema tal-ETCS. Is-sistema eżistenti fil-Klassi B fuq dawn il-linji tista' titneħħa.

Figura 3

Test ta 'immaġni

Il-Figura 3 turi l-proċess ta’ migrazzjoni estrema l-oħra. F’dan il-każ, il-linja ferrovjarja tattrezza l-linji eżistenti bis-sistema tal-ETCS. Wara li l-linji kollha jkollhom ETCS flimkien mas-sistema nazzjonali, it-tagħmir abbord il-vetturi ferrovjarji jista' jinbidel għal ETCS. Meta l-vetturi kollha meqjusa jkunu mgħammra bl-ETCS, it-tagħmir tal-linja għas-sistema nazzjonali jista’ mbagħad jitneħħa.

Figura 4

Test ta 'immaġni

Il-Figura 4 turi l-kombinazzjoni taż-żewġ estremi deskritti hawn fuq. Il-mogħdijiet ta’ migrazzjoni possibbli għandhom ikunu bejn dawn iż-żewġ limiti. F’termini prattiċi, għandu jkun hemm taħlita taż-żewġ metodi.

Figura 5

Test ta 'immaġni

Il-Figura 5 turi eżempju, fejn it-tagħmir abbord tal-ETCS fil-vetturi u t-tagħmir tal-linja tal-ETCS fuq partijiet tal-linji jiġu installati alternattivament. Dan il-metodu jnaqqas l-investiment tal-bidu meħtieġ biex jittieħed vantaġġ mis-sistema in ġenerali (jiġifieri t-tagħmir abbord u fil-ġenb tal-binarji fit-taqsimiet fejn dawn ikunu mgħammra). Min-naħa l-oħra, jimplika ċerta ristrezzjoni fl-użu tal-vetturi ferrovjarji fuq in-netwerk.

L-għażla tal-istrateġija xierqa tal-migrazzjoni tiddependi l-iżjed fuq it-taħlita bejn il-linji mgħammra, il-vetturi ferrovjarji mgħammra u x-xiri ppjanat ta’ vetturi ferrovjarji ġodda u tagħmir ta’ linji addizzjonali.

Għandhom jiġu kkunsidrati ukoll kurituri internazzjonali u użu internazzjonali tal-vetturi ferrovjarji. Fil-każ li linja mhijiex prevista għall-migrazzjoni u li hi mgħammra biss bil-Klassi B, l-operat interoperabbli jista' jiġi żgurat minn STM għas-sistema tal-Klassi B kkonċernata.

L-istadji tal-migrazzjoni, madankollu, għandhom jippermettu aċċess ta’ impriżi oħra ferrovjarji għan-netwerk fi kwalunkwe ħin. Vettura mgħammra b’tagħmir tal-ETCS abbord xieraq abbord u s-sistema eżistenti kif deskritt fl-Annessi B u C għandhom dejjem ikunu kapaċi li jaħdmu fuq il-linji li qed jiġu kkunsidrati.

7.2.2.   Kriterji tal-kronometraġġ

7.2.2.1.   Introduzzjoni

L-ETCS u l-GSM-R huma sistemi informatiċi b’evoluzzjoni teknoloġika iżjed veloċi u tul tal-ħajja potenzjalment iżjed baxx mill-faċilitajiet tas-sinjalar u tat-telekomunikazzjoni ferrovjarji attwali u tradizzjonali. Għaldaqstant, isejħu għal strateġija tal-iskjerament pro-attiva iżjed milli reattiva biex tiġi evitata l-iskadenza potenzjali tas-sistemi qabel mal-iskjerament tas-sistemi jilħaq il-maturità.

Minkejja dan il-fatt, l-adozzjoni ta’ skjerament wisq frammentat madwar in-netwerk ferrovjarju Ewropew, l-iżjed fil-kuruturi ferrovjarji trans-Ewropej, twassal għal spejjeż kbar u spejjeż ġenerali li jirriżultaw mill-bżonnijiet li tiġi żgurata kompatibbiltà retroattiva u interkonnessjoni ma’ diversità ta’ faċilitajiet ta’ legacy. Barra minn hekk, jistgħu jintlaħqu sinerġiji f’termini ta’ tnaqqis ta' ħin, spejjeż u riskju permezz tar-rikonċiljazzjoni ta’ elementi komuni ta’ strateġiji ta’ implimentazzjoni nazzjonali differenti – eż. permezz ta’ inizjattivi konġunti tal-ksib, kollaborazzjoni f’attivitajiet ta’ validazzjoni u ċertifikazzjoni ta’ sistemi.

Filwaqt li din l-istrateġija tal-implimentazzjoni pro-attiva tidher li hi obbligatorja biex tgħaqqad il-proċess ta' migrazzjoni kollu, il-modalitajiet speċifiċi li għandhom jiġu adottati għan-netwerk ferrovjarju konvenzjonali għandhom jikkunsidraw il-livell attwali u r-rata ppjanata ta' skjerament ta' dawn it-teknoloġiji kif ukoll il-fatturi ekonomiċi, operattivi, tekniċi u finanzjarji rilevanti li jinfluwenzaw tali implimentazzjoni.

F’dan il-kuntest, hu evidenti li għandha ssir distinzjoni ċara bejn ETCS u GSM-R minħabba l-istat attwali tal-migrazzjoni fl-Ewropa u l-kobor u l-limiti tal-ostakli li għandha tali migrazzjoni, fatt li jirrikjedi raġunar differenti għall-implimentazzjoni tal-GSM-R u tal-ETCS fuq in-netwerk konvenzjonali. Dan ir-raġunar distint għandu jkun delineat f’iżjed dettall fil-paragrafi li ġejjin:

7.2.2.2.   GSM-R — Raġunar għall-Iskjerament

Il-kobor attwali tal-attività tal-iskjerament tal-GSM-R matul in-netwerk ferrovjarju Ewropew kollu (madwar 100 000 km illum fi 11 mill-15-il Stat tal-UE15 ta’ qabel) u l-perjodu ta’ żmien ta’ erba’ sa ħames snin li normalment ikunu l-bażi tal-konklużjoni ta’ dan ix-xogħol ta’ skjerament jindika li kwalunkwe raġunar ta’ skjerament għandu jaffronta tliet tħassibiet prinċipali:

—	li jiżgura l-kontinwità tas-servizz tal-GSM-R fuq il-fruntieri biex jevita t-twaqqif ta' “black spots” f’xi reġjuni tal-Komunità,

—	li jirrikonċilja ż-żmien tal-migrazzjoni madwar l-Ewropa sabiex inaqqas b’mod sinjifikanti l-ispejjeż ġenerali u tal-ħin assoċjati mal-bżonnijiet potenzjali sabiex jinżammu infrastrutturi tat-telekomunikazzjoni analogi/diġitali doppji u faċilitajiet abbord,

—	li jevita Ewropa “b’żewġ veloċitajiet” bejn l-UE15 ta’ qabel u l-Istati Membri ġodda. Il-konverġenza għandha tintlaħaq u dan hu mira li hu faċilitat bil-programmi kontinwi għat-titjib ewlieni tan-netwerks ferrovjarji tal-Istati Membri ġodda.

7.2.2.3.   GSM-R — Regoli ta’ implimentazzjoni

Fuq dan l-isfond, u wara li jiġi kkunsidrat li l-infrastruttura tal-GSM-R hu ġarrier tat-telekomunikazzjoni kemm għal applikazzjonijiet ferrovjarji ta’ veloċità għolja u konvenzjonali, il-kriterji tal-implimentazzjoni li jinsabu issa fis-seħħ għall-applikazzjonijiet ta’ qabel għandhom japplikaw bl-istess mod għal ferrovji konvenzjonali, eż.

Installazzjonijiet fil-ġenb tal-binarji: L-iffittjar ta' GSM-R hu obbligatorji fil-każ ta' — installazzjonijiet ġodda tal-parti tar-radju tal-assemblaġġ tas-CCS, — titjib tal-parti tar-radju tal-assemblaġġ tas-CCS li diġà hu użat li tbiddel il-funzjonijiet jew il-prestazzjoni tas-subsistema. Installazzjonijiet abbord: L-iffittjar ta’ GSM-R fil-Vetturi Ferrovjarji intiżi għall-użu fuq binarju jinkludi mill-inqas taqsima mgħammra b’interfejsis tal-Klassi A (anki jekk sovraimposti għal sistema tal-Klassi B), hu obbligatorji fil-każ ta’: — installazzjonijiet ġodda tal-parti tar-radju ta’ assemblaġġ tas-CCS, — titjib tal-parti tar-radju ta’ assemblaġġ tas-CCS diġà fis-servizz li tibdel il-funzjonijiet jew il-prestazzjoni tas-subsistema. Sistemi ta’ legacy: L-Istati Membri għandhom jiżguraw li l-funzjonalità tas-sistemi ta’ legacy imsemmija fl-Anness B mat-TSI kif ukoll l-interfejsis tagħhom jibqgħu kif attwalment speċifikati, minbarra dawk il-modifiki li jistgħu jitqiesu meħtieġa sabiex jitnaqqsu id-difetti relatati mas-sikurezza ta’ dawn is-sistemi. L-Istati Membri għandhom jagħmlu disponibbli l-informazzjoni meħtieġa rigward is-sistemi ta’ legacy tagħhom li huma meħtieġa għal skopijiet ta’ żvilupp u ċertifikazzjoni ta’ apparat li jippermetti l-interoperabilità tat-tagħmir tal-Klassi A mal-faċilitajiet tal-Klassi B tal-legacy tagħhom.

Sabiex tiġi permessa implimentazzjoni pro-attiva, l-Istati Membri huma inkoraġġiti wkoll biex jippromwovu u jappoġġjaw l-iffittjar ta’ GSM-R fi kwalunkwe xogħol ta’ tiġdid jew relatat mal-manutenzjoni li jaffettwa l-infrastruttura kollha diġà użata li jitlob investiment ta' mill-inqas ordni waħda ta' kobor ogħla minn dawk assoċjati mal-installazzjoni tal-faċilitajiet GSM-R.

7.2.2.4.   ERTMS/ETCS — raġunar għall-iskjerament

7.2.2.4.1.   Introduzzjoni

Kif inhu issa, il-każ ta’ ERTMS/ETCS fuq applikazzjonijiet konvenzjonali għandu jiġi sottolineat b’raġunar ta’ skjerament differenti li jieħu ħsieb tal-kumplessità ta’ bosta suriet assoċjata mal-migrazzjoni ta’ sistemi tas-sinjalar, mal-ispejjeż assoċjati magħha u ma' ħajja itwal mistennija tal-assi meta mqabbla ma' dawk ta' GSM-R. Madankollu, bl-ebda mod ma għandhom dawn l-ostakli jnaqqsu mill-prinċipji tal-iskjerament ġeneriċi esposti fil-paragrafu 7.2.2.1, b'mod partikolari, il-bżonn li jinżamm il-momentum tal-implimentazzoni f'livelli aċċettabbli notevolment fuq il-kurituri ewlenin u l-linji prinċipali tan-netwerk ferrovjarju trans-Ewropew (TEN).

7.2.2.4.2.   Il-kunċett ta’ kuritur ETCS-Net

Sabiex jiġu rikonċiljati l-għanijiet kunfliġġenti tal-evitar ta' approċċ frammentat mar-restrizzjonijiet perċepiti fuq l-investiment, hu meqjus neċessarju li jiġi definit nukleju tal-bidu ta’ proġetti ferrovjarji fejn l-iskjerament tal-ERTMS/ETCS jista’ jiġi ġustifikat fuq perspettiva ta’ negozju/servizz “end-to-end” filwaqt li ma jiġux rikjesti ostakli mhux aċċettabbli f’termini tal-ispejjeż tal-implimentazzjoni. Bis-saħħa ta' dawn l-għanijiet prinċipali, u wara konsultazzjoni tas-settur, ġie rikonoxxut li dan in-nukleju għandu jinbena fuq sett koerenti ta’ kurituri ta’ prijorità tan-netwerk ferrovjarju trans-Ewropew. L-għanijiet li għandhom jintlaħqu b’dan l-approċċ huma tlieta:

(i)

li jiġi permess il-ħolqien ta’ qafas strutturali ferrovjarju interoperabbli fl-Ewropa (minn hawn ’il quddiem imsemmi l-ETCS-Net) li jippermetti l-iżvilupp ta’ servizzi ferrovjarji ta’ kwalità ġodda u mtejba li jistgħu fl-aħħar mill-aħħar jgħollu l-profil kompetittiv tat-trasport ferrovjarju notevolment f’dawk is-segmenti tas-suq ta’ potenzjal ta’ tkabbir ewlieni – eż. trasport tal-merkanzija internazzjonali;

(ii)	li tinħoloq attenzjoni għal sforzi ta' koordinazzjoni transnazzjonali u għall-konċentrazzjoni ta' strumenti finanzjarji minħabba l-iskjerament aċċellerat u ta' firxa wiesgħa tal-ERTMS/ETCS fir-rotot ewlenin tan-netwerk ferrovjarju trans-Ewropew;

(iii)

li nersqu lejn il-kundizzjonijiet tal-‘massa kritika’ biex l-ERTMS/ETCS issir is-soluzzjoni naturali tal-għazla tas-suq għal proġetti tas-sinjalar ġodda u tat-titjib tan-netwerk ferrovjarju konvenzjonali fl-Ewropa.

Deskrizzjoni tal-ETCS-NET hi murija hawn taħt. Lista dettaljata tal-kurituri inklużi hawn hi mwaħħla mal-Anness H.

Sabiex jiġi żgurat l-iżvilupp ta’ netwerk koerenti li jipprovdi l-qafas għall-iżvilupp ta’ servizzi mtejba end-to-end, l-ETCS-Net kif preżentata hawn fuq tibni kemm fuq binarji ta’ veloċità għolja (4) kif ukoll konvenzjonali. L-iskjerament ta’ ERTMS/ETCS fuq dawn hu rregolata bid-Deċiżjoni 2002/731/KE filwaqt li l-prinċipji tal-implimentazzjoni deskritti hawn taħt jappartjenu għal dawn tal-aħħar.

Sabiex dan il-qafas jikkontribwixxi għal ri-inġinerija ewlenija ta’ servizzi tat-trasport ferrovjarju internazzjonali f’orizzont taż-żmien kredibbli mill-perspettiva tal-klijent, hu meħtieġ li jiġi identifikat perjodu ta’ żmien relattivament ambizzjuż għat-twettiq sħiħ tiegħu. Meta wieħed iqis il-firxa ta’ parametri li jolqtu dan tal-aħħar (eż. livell ta’ riżorsi tal-investiment, kapaċità tal-maniġment tal-inġinerija/proġett tal-binarji ferrovjarji u l-industrija tal-provvista, bżonnijiet għal koordinazzjoni transkonfinali tal-attivitajiet), perjodu ta’ minn 10 sa 12-il sena jista’ jiġi assenjat bħala perjodu ta’ żmien indikattiv għal dan l-iskop.

7.2.2.4.3.   In-nukleju tal-bidu

Sabiex ikun permess it-twettiq tal-implimentazzjoni tal-ETCS-Net sħiħ f’dan il-perjodu ta’ żmien, hu neċessarju li jingħata bidu għall-proċess ta’ skjerament billi jiġi identifikat sub-sett ta’ proġetti (minn hawn ’il quddiem imsejjaħ bħala n-nukleju tal-bidu) fejn l-iskjerament tal-ETCS ikun mandatorju. L-adozzjoni ta’ dan l-approċċ bażikament imur lura għall-iskjerament ta’ perspettiva fuq tliet livelli, kif muri hawn taħt:

Sabiex jiġi minimizzat l-impatt finanzjarju ta’ dan l-istadju mandatorju, il-kriterji tal-għażla għall-inklużjoni tal-proġetti fin-Nukleju tal-Bidu għandhom notevolment japplikaw għad-disponibbiltà tal-fondi tal-Komunità għal livell ’il fuq sew mill-ammonti li normalment jistgħu jiġu assenjati għal xogħlijiet tas-sinjalar. Is-sett ta’ proġetti ta’ prijorità għall-ferrovija konvenzjonali fil-linji gwida tan-Netwerk Trans-Ewropew (id-Deċiżjoni Nru 884/2004/KE tal-Parlament Ewropew u tal-Kunsill (5) kif ukoll dawk ix-xogħlijiet kollha ta’ kostruzzjoni/titjib ewlenin li jieħdu fondi fil-kwadru tal-Fondi Strutturali (ir-Regolament tal-Kunsill (KE) Nru 1260/1999 (6) u/jew taħt il-Fondi ta' Koeżjoni (ir-Regolament tal-Kunsill (KE) Nru 1264/1999 (7) għandhom jitqiesu li jiffurmaw dan in-nukleju tal-bidu.

In-Nukleju tal-Bidu għandu jikkostitwixxi pass 'il quddiem fid-direzzjoni tal-kisba tax-xenarju tal-iskjerament sħiħ tal-ETCS-Net kif deskritt hawn fuq. Madankollu, il-kisba ta' dan l-aħħar għan jirrikjedi l-viżibbiltà tal-istrateġija tal-iskjerament (kronometraġġ u ppjanar tax-xogħlijiet) li se jsejjes dawk it-taqsimiet nazzjonali tal-kurituri differenti mhux inklużi fil-kriterji tan-“Nukleju tal-Bidu”. Sabiex jipprovdu għal din il-viżibbiltà, l-Istati Membri huma mitluba li jelaboraw pjanijiet ta’ implimentazzjonali nazzjonali ERTMS li jindirizzaw firxa ta’ kwistjonijiet ta’ skjerament li huma deskritti fil-paragrafu 7.2.2.6.

L-iskop tal-qafas tal-ETCS-Net attwali jista' jiġi rivedut f'fażi sussegwenti (potenzjalment waqt reviżjoni futura ta' din it-TSI) biex ikopri l-progress reali tal-implimentazzjoni tagħha u għall-bżonnijiet li dejjem qed jevolvu tas-swieq tat-trasport.

Ir-raġunar f’dak li jirrigwarda l-vetturi ferrovjarji għandu jikkunsidra li l-ERTMS/ETCS hu kunċett ta’ sistema magħmul minn infrastruttura u elementi abbord. Għaldaqstant, hu kruċjali li kwalunkwe raġunar tal-iskjerament riżultanti jqis dawn iż-żewġ elementi ta' sistema b'mod koerenti għax it-tnejn jaqblu biex jippermettu l-operat ta' sistema. Barra minn hekk, bħal fil-każ għall-infrastruttura, għandha tingħata kunsiderazzjoni xierqa għall-minimizzazzjoni tal-impatt finanzjarju ta’ kwalunkwe stadju obbligatorju li jista’ jiġi impost.

Approċċ ta’ “spiża marġinali”, konnessa mal-iffittjar ta' ERTMS/ETCS abbord b’deċiżjonijiet tal-investiment ewlenin, jikkostitwixxi l-aħjar rotta disponibbli biex jiġi żgurat dan l-għan. Dan japplika notevolment għall-kisba ta’ vetturi ferrovjarji ġodda jew operazzjonijiet ta’ installazzjoni sussegwenti ewlenin li għalihom il-valur tat-tagħmir tas-sinjalar u tal-installazzjoni tiegħu jirrappreżentaw biss perċentwal limitat tal-investiment sħiħ li jrid jitpoġġa. L-adozzjoni ta’ din il-politika għandha tagħfas fuq il-perjodu ta’ żmien itwal għax-xenarju tat-tagħmir abbord tal-ETCS bħala ass tal-kommodità f’dak li jirrigwarda vetturi ferrovjarji.

7.2.2.4.4.   Strateġija tal-iffittjar minn qabel

L-iffittjar minn qabel ikopri l-installazzjoni ta’ kwalunkwe tagħmir tal-ERTMS/ETCS u tal-GSM-R abbord jew fil-ġenb tal-binarji jew tagħmir ieħor li jippermetti l-ETCS u GSM-R (eż. installazzjoni ta’ kejbils u wajers, tubi, tagħmir fiss mekkaniku, interfejsis, provvista tal-elettriku jew faċilitajiet oħra speċifiċi ta’ sinjalar jew tat-telekomunikazzjoni) immirati biex jilħqu ċertu stadju ta' prontezza tal-ERTMS mingħajr ma jiġu implimentati b'mod sħiħ ir-rekwiżiti tal-Klassi A.

L-għan ta’ dan l-approċċ hu li tiġi żgurata din il-prontezza tal-ERTMS permezz ta’ piggybacking ta’ dawn l-attivitajiet ta’ iffittjar minn qabel fuq operazzjonijiet ewlenin ta’ kostruzzjoni jew titjib ta’ assi tal-infrastruttura jew fuq assi tal-vetturi ferrovjarji magħmula fil-fabbriki (8). Dan għandu jippermetti t-tnaqqis tal-ispiża tal-implimentazzjoni ta’ faċilitajiet tal-ERTMS/ETCS jew GSM-R żviluppati b’mod sħiħ li jikkonformaw mar-rekwiżiti tal-Klassi A fi stadju aktar avvanzat. Madankollu, l-ambitu tal-prontezza tal-ERTMS għandu jiġi stabbilit fuq l-ispeċifiċitajiet ta' kull proġett minn aspett tekniku, operattiv u ekonomiku kif ukoll għall-perjodu taż-żmien għall-installazzjoni tal-faċilitajiet konformi mal-Klassi A.

Għaldaqstant hu neċessarju li jiġi stabbilit approċċ ġerarkiku għal iffittjar minn qabel ibbażat fuq il-kunċett ta' stadji tal-iffittjar minn qabel. Hu mistenni li dawn għandhom ivarjaw mis-sempliċi riservazzjoni ta’ spazju, tubi, u ffittjar ta’ tagħmir fiss mekkaniku (Stadju 1) ’l fuq sal-installazzjoni tal-komponenti kollha li mhumiex affettwati mill-iskadenza fil-perjodu ta’ żmien nominali tal-installazzjoni (Stadju 3). Id-dettalji tal-iffittjar minn qabel għandhom jiġu definiti bis-subsett 57 (abbord) u s-subsett 59 (tagħmir fil-ġenb tal-binarji) li għandhom jiġu mehmuża mal-Anness A.

7.2.2.5.   ERTMS/ETCS — Regoli tal-Implimentazzjoni

L-implikazzjonijiet kollha enumerati fil-paragrafu preċedenti għandhom eventwalment jiġu kwalifikati kif ġej:

Installazzjonijiet fil-ġenb tal-binarji: L-iffittjar tal-ERTMS/ETCS hu obbligatorju fil-każ ta': — installazzjonijiet ġodda tal-protezzjoni tal-ferroviji bħala parti minn assemblaġġ tas-CCS, — titjib tal-protezzjoni tal-ferroviji bħala parti minn assemblaġġ tas-CCS li diġà jinsab fis-servizz li jibdel il-funzjonijiet jew il-prestazzjoni tas-subsistema. għas-sett ta’ proġetti tal-infrastruttura ferrovjarja li jaqgħu taħt wieħed minn dawn il-kriterji: — li huma parti mis-sett ta’ proġetti ta’ prijorità ferrovjarji konvenzjonali stabbiliti skont il-linji gwida tan-Netwerk Trans-Ewropew inklużi fl-Anness II tad-Deċiżjoni Nru 884/2004/KE, — li jirrikjedu appoġġ finanzjarju minn Fondi Strutturali (ir-Regolament (KE) Nru 1260/1999) u/jew Fondi ta' Koeżjoni (ir-Regolament (KE) Nru 1264/1999) li jaqbżu t-30 % tal-ispejjeż tal-proġetti totali. Għal kwalunkwe proġett ieħor ġdid jew ta’ titjib mhux kopert skont dawn il-kriterji tal-aħħar u li huma parti min-netwerk ferrovjarju konvenzjonali Trans-Ewropew, kif definit mir-Rettifika tas-7 ta’ Ġunju 2004 għad-Deċiżjoni Nru 884/2004/KE, għandu jitwettaq l-iffittjar minn qabel tat-tagħmir għall-istadju 1 tal-iffittjar minn qabel kif definit skont il-paragrafi 7.2.2.4.4 u 7.2.3.2. Dawk il-binarji inklużi fil-qafas tal-ETCS-Net li huma barra min-Nukleju tal-Bidu għandhom jikkonformaw mal-Istadju 3 tal-iffittjar minn qabel f’dak li jirrigwarda l-iffittjar minn qabel. Sabiex tiġi permessa implimentazzjoni pro-attiva, l-Istati Membri huma inkoraġġiti li jippromwovu u jappoġġjaw l-iffittjar ta’ ERTMS/ETCS fi kwalunkwe xogħol ta’ tiġdid jew relatat mal-manutenzjoni tal-infrastruttura li jitlob investimenti ta’ mill-inqas grad wieħed ta’ kobor ogħla minn dawk assoċjati mal-installazzjoni tal-faċilitajiet ERTMS/ETCS. Installazzjonijiet abbord: L-iffittjar tal-vetturi ferrovjarji intiżi għall-operat fuq l-infrastrutturi tal-ferroviji konvenzjonali meta l-iffittjar tal-ERTMS/ETCS hu obbligatorju għandu jkun skont l-istrateġija ta’ migrazzjoni nazzjonali ladarba din tkun ġiet rikonċiljata mal-pjan ewlieni tal-UE kif deskritt fil-paragrafu 7.2.2.6 bl-eċċezzjoni ta' dak imsemmi hawn taħt. L-iffittjar tal-ERTMS/ETCS, akkompanjat fejn meħtieġ bil-Moduli tat-Trażmissjoni Speċifiċi (STM) rileventi biex jippermettu l-operat fuq sistemi tal-Klassi B, hu obbligatorju fuq: — installazzjonijiet ġodda tal-parti tal-protezzjoni tal-ferrovija ta' assemblaġġ tas-CCS, — titjib tal-parti tal-protezzjoni tal-ferrovija ta’ assemblaġġ tas-CCS diġà użat li tibdel il-funzjonijiet jew il-prestazzjoni tas-subsistema, — kwalunkwe “installazzjoni suċċessiva” fuq vetturi ferrovjarji diġà użati (9); għal vetturi ferrovjarji għal operazzjonijiet transkonfinali fin-nukleju tal-bidu. ERTMS/ETCS tal-iffittjar minn qabel għall-Istadju 1 tal-iffittijar minn qabel kif definit skont il-paragrafi 7.2.2.4.4 u 7.2.4.4 fuq — Installazzjonijiet ġodda tal-parti tal-protezzjoni tal-ferrovija ta’ assemblaġġ tas-CCS; — Titjib tal-parti tal-protezzjoni tal-ferrovija ta’ assemblaġġ tas-CCS diġà użata li tibdel il-funzjonijiet jew il-prestazzjoni tas-subsistema. għal dawk l-assi tal-vetturi ferrovjarji identifikati għal operat fin-netwerk tal-ferroviji konvenzjonali tat-trasport trans-Ewropej kif definiti mir-rettifika tas-7 ta’ Ġunju 2004 għad-Deċiżjoni Nru 884/2004/KE. L-Istadju 3 ta’ qabel l-iffittjar għandu japplika għal dawk l-assi indirizzati għall-operat fuq il-qafas ETCS-Net. Sistemi ta’ legacy: L-Istati Membri għandhom jiżguraw li l-funzjonalità tas-sistemi ta’ legacy imsemmija fl-Anness B tat-TSI kif ukoll l-interfejsis tagħhom għandha tibqa’ kif attwalment speċifikata, minbarra dawk il-modifiki li jistgħu jitqiesu neċessarji sabiex jitnaqqsu d-difetti relatati mas-sikurezza ta’ dawn is-sistemi. L-Istati Membri għandhom jagħmlu disponibbli l-informazzjoni meħtieġa dwar is-sistemi ta’ legacy li huma meħtieġa għal skopijiet ta’ żvilupp u ċertifikazzjoni tas-sikurezza ta’ apparat li jippermetti l-interoperabilità tat-tagħmir tal-Klassi A mal-faċilitajiet ta’ legacy tal-Klassi B.

7.2.2.6.   Pjanijiet ta’ implimentazzjoni tal-ERTMS nazzjonali u pjan ewlieni tal-UE

Fuq il-bażi tar-raġunar tal-iskjerament spjegat hawn fuq u r-regoli obbligatorji speċifikati fit-Taqsimiet 7.2.2.3 u 7.2.2.4.4, l-Istati Membri huma meqjusa li jippreparaw pjan ta’ implimentazzjoni tal-ERTMS nazzjonali formali għan-netwerk ferrovjarju konvenzjonali li jindirizza l-iskjerament ta' kemm l-ERTMS/ETCS u l-GSM-R.

Rigward l-ERTMS/ETCS, it-twettiq tal-qafas tal-ETCS-Net kif deskritt fil-paragrafu 7.2.2.4 għandu jikkostitwixxi l-linja bażi ta’ referenza għall-elaborazzjoni ta’ dan il-pjan nazzjonali. L-għan aħħari għal dan tal-aħħar hu li jiddefinixxi sett individwalizzat ta’ obbligi li jirrigwardaw l-iskjerament tal-ERTMS/ETCS minflok il-preskrizzjonijiet ġeneriċi li attwalment jinsabu inkorporati fin-nukleju tal-bidu. Madankollu, din il-flessibbiltà interna ma tistax tnaqqas mil-livell tal-obbligu (10) li diġà hu inkorporat fin-nukleju tal-bidu.

Il-pjanijiet nazzjonali għandhom jipprovdu, b’mod partikolari, l-elementi li ġejjin:

—

binarji fil-mira: identifikazzjoni ċari tal-binarji nazzjonali jew taqsimiet destinati għall-implimentazzjoni. Dan japplika notevolment għat-taqsimiet nazzjonali tal-kurituri transnazzjonali destinati fil-bluprint ETCS-net (11). Għandha tingħata attenzjoni xierqa f’dan il-kuntest lill-pjanijiet ta’ implimentazzjoni nazzjonali ERTMS/ETCS notifikati bid-Deċiżjoni 2002/731/KE li jirreferu għat-taqsimiet ta’ veloċità għolja koperti mill-qafas ETCS-Net,

—	rekwiżiti tekniċi: il-karatteristiċi tekniċi essenzjali tal-implimentazzjonijiet differenti (eż. netwerk ta’ vuċi jew ta’ kwalità tad-dejta għal implimentazzjonijiet GSM-R, livell funzjonali ta’ ERTMS/ETCS, ERTMS/ETCS biss jew installazzjonijiet overlaid),

—	strateġija u ppjanar tal-iskjerament: ħarsa ġenerali tal-pjan tal-implimentazzjoni (inklużi sekwenzjar u żamma tal-ħin tax-xogħlijiet),

—

strateġija ta’ migrazzjoni: l-istrateġija prevista għall-migrazzjoni kemm tal-infrastruttura u kif ukoll tas-subsistemi tal-vetturi ferrovjarji tal-binarji jew it-taqsimiet nazzjonali destinati (eż. superimpożizzjoni ta’ sistemi fil-Klassi A u Klassi B, qlib minn faċilitajiet fil-Klassi B għall-Klassi A f’data ppjanata, migrazzjoni bbażata fuq l-implimentazzjoni ta’ soluzzjonijiet għall-mili tal-ispazju bbażati fuq ETCS bħal SCMT (12) jew superviżjoni limitata),

—	restrizzjonijiet potenzjali: ħarsa ġenerali tal-elementi potenzjali li jistgħu jaffettwaw it-twettiq tal-pjan ta’ implimentazzjoni (eż. sinjalar ta’ xogħlijiet li jintegraw xogħlijiet tal-infrastruttura bi skop akbar, żgurar ta’ kontinwità ta’ servizz fuq il-fruntieri).

Dawn il-pjanijiet nazzjonali għandhom jiġu finalment aggregati fi pjan ewlieni tal-UE fi żmien sitt xhur tan-notifika tagħhom. Dan il-pjan ewlieni għandu l-għan li jipprovdi bażi ta’ għarfien xieraq għal appoġġ tad-deċiżjonijiet lill-partijiet interessati differenti – b’mod partikolari, lill-Kummissjoni fl-allokazzjoni tal-appoġġ finanzjarju tagħha għal proġetti ferrovjarji - u, fejn xieraq, fir-rikonċiljazzjoni ta' implimentazzjonijiet nazzjonali differenti f'termini ta' żmien jew strateġiji tal-implimentazzjoni fejn dan jitqies li hu meħtieġ għall-kisba ta’ xi ħaġa sħiħa koerenti. Dan il-proċess globali jista' jiġi rappreżentant kif muri hawn taħt:

Barra minn hekk, il-pjan ewlieni tal-UE għandu jinkludi deskrizzjoni ta' programm ta' implimentazzjoni li jipprovdi l-bażi għal attivitajiet tal-implimentazzjoni previsti mill-ippjanar tagħhom sat-twettiq.

Il-pjan ewlieni tal-UE għandu jiġi mehmuż ma’ din it-TSI permezz ta’ proċedura ta’ reviżjoni li tieħu post il-qasam tal-implimentazzjonijiet obbligatorji issa definiti fin-nukleju tal-bidu. Konsegwentament,

—	l-attivitajiet relatati mal-installazzjoni tas-subsistemi tal-kmand-kontroll għandhom jiġu ġustifikati mill-entitajiet tal-għoti li huma kontra l-Pjan Ewlieni tal-UE flimkien mar-rekwiżiti leġiżlattivi applikabbli oħra li huma fis-seħħ,

—

L-Istati Membri se jintalbu li puntwalment jadattaw il-pjanijiet tal-implimentazzjoni tal-ERTMS nazzjonali fejn dan jitqies li hu meħtieġ biex jiżgura r-rikonċiljazzjoni mal-Pjan Ewlieni tal-UE. B’mod partikolari, dain ir-reviżjoni għandha tiżgura li l-istrateġija tal-migrazzjoni adottata minn Stat Membru - notevolment għal vetturi ferrovjarji - ma tostakolax it-twettiq tal-għan strateġiku tal-ETCS-Net u l-aċċess ta’ parteċipanti ġodda skont il-kronometraġġ u r-rekwiżiti mitluba mill-pjan ta’ ewlieni tal-UE,

—	kull meta r-rikonċiljazzjoni ta’ pjan nazzjonali u l-pjan ewlieni tal-UE mhijiex fattibbli, il-preskrizzjonijiet mandatorji tan-Nukleju tal-Bidu għandhom jibqgħu japplikaw għal dak l-Istat Membru partikolari.

Neċessarjament, il-pjan ewlieni tal-UE u l-pjanijiet tal-implimentazzjoni tal-ERTMS nazzjonali għandhom ikunu dokumenti li jevolvu li għandhom jiġu aġġornati sabiex jirriflettu l-evoluzzjoni reali tal-iskjerament f'kull Stat Membru u matul in-netwerk ferrovjarju Ewropew.

7.2.3.   Implimentazzjoni: infrastruttura (tagħmir wieqaf)

Ir-rekwiżiti li ġejjin japplikaw għall-kategoriji ta’ binarji definiti fid-Direttiva 2001/16/KE:

—	binarji intiżi għal servizzi tal-passiġġieri,

—	binarji intiżi għal traffiku mħallat (passiġġieri u merkanzija),

—	binarji ddisinjati b’mod speċjali jew aġġornati għal servizzi tal-merkanzija,

—	hubs tal-passiġġieri,

—	hubs tal-merkanzija inklużi terminali intermodali,

—	binarji konnessi mal-komponenti msemmija.

Is-subsistema tal-kmand-kontroll tikkonċerna żewġ klassijiet (A u B) tal-protezzjoni tal-ferrovija u sistemi tal-komunikazzjoni tar-radju. Il-binarji msemmija hawn fuq li mhumiex preżentament mgħammra bil-Klassi A għandhom ikunu mgħammra jew:

—	b’funzjonijiet u interfejsis tal-Klassi A skont l-ispeċifikazzjonijiet imsemmija fl-Anness A, jew

—	b’funzjonijiet u interfejsis tal-Klassi A skont l-ispeċifikazzjonijiet imsemmija fl-Anness A u b’funzjonijiet u interfejsis tal-Klassi B skont l-Anness B, jew

—	b’funzjonijiet u interfejsis tal-Klassi B skont l-Anness B u l-iffittjar minn qabel għall-Klassi A, jew

—	b’funzjonijiet u interfejsis tal-Klassi B biss skont l-Anness B.

F’każ li binarji skont l-ambitu tat-TSI attwali mhumiex mgħammra b’sistemi tal-Klassi A, l-Istat Membru għandu jagħmel kull sforz għad-disponibbiltà ta’ modulu tat-trażmissjoni speċifiku (STM) estern għas-sistema jew sistemi tal-Klassi B tal-legacy tiegħu. F’dan il-kuntest, għandha tingħata attenzjoni partikolari lill-assiguranza ta' suq miftuħ għal STM f'kundizzjonijiet kummerċjali ġusti. F’dawk il-każijiet li minħabba raġunijiet tekniċi jew kummerċjali (13), id-disponibbiltà ta’ STM ma tistax tiġi żgurata fil-perjodu taż-żmien (14) xieraq, l-Istat Membru rilevanti jitqies li jinforma lill-Kumitat bir-raġunijiet wara din il-problema u l-miżuri ta’ tnaqqis li għandu l-intenzjoni li jdaħħal sabiex jippermetti l-aċċess - notevolment ta’ operaturi barranin - għall-infrastruttura tiegħu.

7.2.3.1.   Tagħmir addizzjonali tal-Klassi B fuq binarju mgħammar bil-Klassi A

Fuq binarju mgħammar bl-ETCS u/jew GSM-R, tagħmir addizzjonali tal-Klassi B hu possibbli sabiex ikun permess l-operat ta’ vetturi ferrovjarji li mhumiex kompatibbli mal-Klassi A waqt il-fażi tal-migrazzjoni. Hu permess li jintuża tagħmir eżistenti tal-Klassi B abbord bħala arranġament ta’ riserva għal sistema tal-Klassi A: dan ma jippermettix lill-maniġer tal-infrastruttura li jirrikjedi sistemi tal-Klassi B abbord il-ferroviji interoperabbli għat-tħaddim ta’ dan il-binarju.

Meta jkun hemm iffittjar u tħaddim dupliċi tas-sistemi tal-Klassi A u B, iż-żewġ sistemi jistgħu jkunu simultanjament attivi abbord, sakemm ir-rekwiżiti tekniċi nazzjonali u r-regoli tal-operat jappoġġjaw dan u l-interoperabilità ma tiġix kompromessa. Ir-rekwiżiti tekniċi nazzjonali u r-regoli tal-operat għandhom jiġu provduti mill-Istat Membru.

7.2.3.2.   Iffittjar minn qabel għall-Klassi A

L-iffittjar minn qabel fil-ġenb tal-binarji hu definit bħala l-installazzjoni ta’ kwalunkwe tagħmir tal-ETCS u GSM-R jew tagħmir ieħor li jippermetti għall-ETCS u GSM-R (eż. installazzjoni ta' kejbils u wajers, interfejsis tas-sistema tal-imblukkar minn qabel, LEU jew oqsfa tal-fibra ottika) li huma ffittjati iżda mhux neċessarjament użati bl-għan li titnaqqas l-ispiża ta’ faċilitajiet tal-ERTMS/ETCS jew GSM-R kompluti li jikkonformaw ma’ rekwiżiti tal-Klassi A fi stadju iżjed tard. Għal ETCS l-ambitu tal-iffittjar minn qabel għall-istruttura fi tliet livelli ta’ stadji tal-iffittjar minn qabel definiti fil-paragrafu 7.2.2.4.4 għandu jikkonforma mar-rekwiżiti stabbiliti fl-Indiċi 59 tal-Anness A (pendenti).

Il-limitu tal-iffittjar minn qabel li għandu jsir għandu jiġi stabbilit matul l-ippjanar tal-implimentazzjoni tal-faċilitajiet tas-sinjalar jew tat-telekomunikazzjoni li għandhom jiġu skjerati. B’mod partikolari, l-ippjanar tan-netwerk għal GSM-R għandu jikkunsidra fl-iżjed stadju bikri l-inklużjoni tas-servizzi kollha li għandhom jiġu previsti anki fil-futur (vuċi, dejta kritika mhux tas-sikurezza, ETCS).

7.2.3.3.   Aġġornament jew tiġdid tal-assemblaġġ fil-ġenb tal-binarji tal-kmand-kontroll jew partijiet tiegħu

L-aġġornament jew tiġdid tal-assemblaġġ fil-ġenb tal-binarji jista’ jikkonċerna separatament:

—	sistema tar-radju (għall-Klassi B, it-tiġdid biss hu possibbli),

—	sistema tal-protezzjoni tal-ferrovija,

—	interfejs tas-sistema tad-ditezzjoni tal-ferrovija,

—	sistema tad-ditezzjoni tal-kaxxa tal-fus sħun,

—	karatteristiċi tal-EMC.

Għaldaqstant il-partijiet differenti tal-assemblaġġ tal-kmand-kontroll fil-ġenb tal-binarji jistgħu jkunu aġġornati jew imġedda separatament (jekk l-interoperabilità mhix milquta) u jikkonċernaw:

—	funzjonijiet u interfejsis tal-EIRENE (ara t-Taqsimiet 4.2.4 u 4.2.5),

—	funzjonijiet u interfejsis tal-ETCS/ERTMS (ara t-Taqsimiet 4.2.1, 4.2.3, 4.2.5, 4.2.7, 4.2.8),

—	sistema ta’ ditezzjoni tal-ferrovija (ara t-Taqsima 4.2.11),

—	ditekter tal-kaxxa tal-fus sħun (ara t-Taqsima 4.2.10),

—	karatteristiċi tal-EMC (ara t-Taqsimiet 4.2.12).

Wara t-titjib għal sistema tal-Klassi A, it-tagħmir eżistenti tal-Klassi B jista' jibqa' jintuża simultanjament mal-Klassi A.

7.2.3.4.   Reġistri tal-Infrastruttura

Ir-Reġistru tal-Infrastruttura għandu jipprovdi l-impriżi ferrovjarji b’informazzjoni dwar il-Klassi A u l-Klassi B, li ssegwi r-rekwiżiti fl-Anness C. Ir-Reġistru tal-Infrastruttura jindika jekk humiex ikkonċernati funzjonijiet obbligatorji jew b'għażla (15); ir-ristrezzjonijiet fuq konfigurazzjoni abbord għandhom jiġu identifikati.

F’każ ta’ speċifikazzjonijiet Ewropew għal xi interfejs(is) bejn il-kmand-kontroll u s-sinjalar u subsistemi oħra mhux disponibbli fil-mument tal-installazzjoni (eż. kompatibbiltà elettromanjetika bejn id-ditezzjoni tal-ferroviji u l-vetturi ferrovjarji), il-karatteristiċi korrispondenti u l-istandards applikati għandhom jiġu indikati fir-Reġistri tal-Infrastruttura. Dan għandu jkun possibbli, fi kwalunkwe każ, għal dawk l-oġġetti mniżżla fl-Anness C biss.

7.2.4.   Implimentazzjoni: vetturi ferrovjarji (tagħmir abbord)

Skont id-Direttiva 2001/16/KE kull waħda mill-kategoriji tal-vetturi ferrovjarji li huma probabbli li jivvjaġġaw fuq in-netwerk ferrovjarju konvenzjonali trans-Ewropew jew parti minnu għandha tkun subdiviża f’:

—	vetturi ferrovjarji għal użu internazzjonali,

—	vetturi ferrovjarji għal użu nazzjonali,

wara li jitqies l-użu tal-vetturi lokali, reġjonali jew fuq distanza twila tal-vetturi.

Il-vetturi ferrovjarji msemmija hawn fuq għandhom ikunu mgħammra jew:

—	b’funzjonijiet u interfejsis tal-Klassi A skont l-ispeċifikazzjonijiet referenzjati fl-Anness A, jew

—	b’funzjonijiet u interfejsis tal-Klassi A skont l-ispeċifikazzjonijiet referenzjati fl-Anness A u b’'funzjonijiet u interfejsis tal-Klassi B skont l-Anness B, jew

—	b’funzjonijiet u interfejsis fil-Klassi B skont l-Anness B u ffittjar minn qabel għal Klassi A, jew

—	b’funzjonijiet u interfejsis tal-Klassi B biss skont l-Anness B, jew

—	bħal fit-Taqsima 7.2.5.2.

li jippermettuhom li jivvjaġġaw fuq kull binarju li fuqu huma mistennija li joperaw.

7.2.4.1.   Vetturi ferrovjarji b’tagħmir tal-Klassi A biss

L-assemblaġġ tal-Klassi A għandu jiżgura li l-funzjonijiet abbord, l-interfejsis u l-prestazzjoni minima meħtieġa minn din it-TSI jkunu mqabbla mal-binarji kkonċernati kif deskritt fl-Anness C. L-installazzjoni tat-tagħmir tal-Klassi A tista’ tieħu vantaġġ minn speċifikazzjonijiet tal-interfejs addizzjonali bejn il-vetturi ferrovjarji u l-kmand-kontroll.

7.2.4.2.   Vetturi ferrovjarji bit-tagħmir tal-Klassi B biss

It-tagħmir tal-Klassi B għandu jiżgura li l-funzjonijiet abbord, l-interfejsis u l-prestazzjoni minima meħtieġa minn din it-TSI huma mqabbla mal-binarji kkonċernati kif deskritt fl-Anness C.

7.2.4.3.   Vetturi ferrovjarji b’tagħmir tal-Klassi A u l-Klassi B

Il-vetturi ferrovjarji jistgħu jkunu mgħammra kemm b’sistemi tal-Klassi A kif ukoll tal-Klassi B biex jippermettu l-operat fuq diversi binarji. Is-sistemi tal-Klassi B jistgħu jiġu implimentati

—	bl-użu ta’ STM li jista’ jiġi plaggjat fl-assemblaġġ tal-Klassi A (STM estern), jew

—	mibnija fl-assemblaġġ tal-Klassi A.

Barra minn hekk, is-sistema tal-Klassi B tista’ tiġi implimentata indipendentament (jew, fil-każ ta’ aġġornament jew tiġdid, titħalla kif inhi), f’każ ta' sistemi tal-Klassi B li għalihom l-STM mhijiex alternattiva ekonomikament vijabbli, mill-aspettattiva tas-sid tal-vetturi ferrovjarji. Madankollu, jekk ma tintużax STM, l-Impriża Ferrovjarja għandha madankollu tiżgura li n-nuqqas ta’ “handshake” (= maniġment, mill-ETCS, ta’ tranżizzjonijiet bejn il-Klassi A u l-Klassi B fil-ġenb tal-binarji) ikun immaniġġjat kif xieraq. L-Istat Membru jista’ jagħmel rekwiżiti fuq dan fir-Reġistru tal-Infrastruttura.

Meta jkunu għaddejjin fuq binarju li hu mgħammar b'sistemi kemm tal-Klassi A u tal-Klassi B, is-sistemi tal-Klassi B jistgħu jaġixxu bħala arranġament ta' riserva għas-sistema tal-Klassi A jekk il-ferrovija tkun mgħammra b’sistemi kemm tal-Klassi A kif ukoll tal-Klassi B. Dan ma jistax ikun rekwiżit għall-interoperabilità u mhuwiex validu għal GSM-R.

7.2.4.4.   Iffittjar mill-ġdid għall-Klassi A

L-iffittjar mill-ġdid abbord hu definit bħala l-installazzjoni ta’ kwalunkwe tagħmir tal-ETCS u GSM-R jew tagħmir ieħor li jippermetti għal ETCS u GSM-R (eż. installazzjoni ta’ kejbils u fili, antenni, sensers, provvista tal-elettriku jew tagħmir fiss tal-installazzjoni) li huma mgħammra iżda mhux neċessarjament użati bl-għan li titnaqqas l-ispiża tal-implimentazzjoni ta’ faċilijiet tal-ERTMS/ETCS jew GSM-R operattivi bi sħiħ li jikkonformaw mar-rekwiżiti tal-Klassi A fi stadju aktar tard. Għal ETCS l-ambitu tal-iffittjar mill-ġdid għall-istruttura bi tliet livell ta’ stadji tal-iffittjar minn qabel definiti fil-paragrafu 7.2.2.4.4. għandu jikkonforma mar-rekwiżiti stabbiliti fl-Indiċi 57 tal-Anness A (pendenti).

Il-limitu tal-iffittjar minn qabel li għandu jitwettaq għandu jiġi stabbilit matul il-fażi tal-inġinerija tal-faċilitajiet tas-sinjalar jew tat-telekomunikazzjonijiet abbord. L-iffittjar minn qabel jista’ jieħu vantaġġ minn speċifikazzjonijiet tal-interfejs addizzjonali bejn il-vetturi ferrovjarji u l-kmand-kontroll tas-subsistema.

7.2.4.5.   STM bil-kontra

Ara t-Taqsima 7.2.5.2.

7.2.4.6.   Aġġornament jew tiġdid tal-assemblaġġ abbord tal-kmand-kontroll jew partijiet minnu

Aġġornament jew tiġdid tal-assemblaġġ abbord tal-kmand-kontrol jista’ jikkonċerna separatament:

—	sistema tar-radju (Klassi B sa Klassi A),

—	sistema tal-protezzjoni tal-ferrovija (Klassi B sal-Klassi A).

Għaldaqstant partijiet differenti tal-assemblaġġ abbord tal-kmand-kontroll jistgħu jitwettqu jew jiġu aġġornati separatament (jekk l-interoperabilità mhix affettwata ħażina) u jikkonċernaw:

—	funzjonijiet u interfejsis tal-EIRENE (ara t-Taqsimiet 4.2.4 u 4.2.5),

—	funzjonijiet u interfejsis tal-ERCS/ERTMS (ara t-Taqsimiet 4.2.1, 4.2.3, 4.2.5, 4.2.7, 4.2.8).

Wara l-aġġornament għal sistema tal-Klassi A, it-tagħmir eżistenti tal-Klassi B jista’ jibqa’ jintuża simultanjament mal-Klassi A.

7.2.4.7.   Reġistri tal-vetturi ferrovjarji

Ir-Reġistru tal-Vetturi Ferrovjarji għandu jipprovdi informazzjoni wara r-rekwiżiti tal-Anness C.

Fil-każ li r-rekwiżiti tat-TSI għal xi interfejs(is) bejn il-kmand-kontroll u s-sinjalar u sub-sistemi oħra mhumiex disponibbli fil-mument tal-installazzjoni (eż. kompatibbiltà elettromanjetika bejn id-ditezzjoni tal-ferroviji u l-Vetturi Ferrovjarji, il-kundizzjonijiet klimatiċi u fiżiċi li fihom tista' taħdem il-ferrovija, il-parametri ġeometriċi tal-ferrovija bħal tul, distanza massima tal-fusien fil-ferrovija, tul tal-parti ta' quddiem tal-ewwel u tal-aħħar vagun tal-ferrovija, parametri tal-ibbrejkjar), il-karatteristiċi korrispondenti u l-istandards applikati għandhom ikunu indikati fir-Reġistri tal-Vetturi Ferrovjarji. Dan għandu jkun possibbli biss għall-oġġetti mniżżla fl-Anness C.

Kumment: għal kull implimentazzjoni tas-subsistema tal-kmand-kontroll fuq binarju indikat, l-Anness C jagħti l-lista tar-rekwiżiti għall-abbord, li għandhom jiġu indirizzati fir-Reġistri tal-Infrastruttura, li jindikaw jekk dawn ir-rekwiżiti jikkonċernawx funzjonijiet obbligatorji jew b'għażla (16) u jidentifikaw restrizzjonijiet fuq il-konfigurazzjoni tal-ferroviji.

7.2.5.   Mogħdijiet tal-migrazzjoni partikolari

7.2.5.1.   Soluzzjoni speċifika għal użu addizzjonali parzjali tas-sistema tal-Klassi A

Fi stadju ta’ migrazzjoni fejn parti biss mill-flotta hi mgħammra b’sistema abbord li kapaċi timmaniġġja l-Klassi A, jista’ jkun meħtieġ li ż-żewġ sistemi jiġu kompletament jew parzjalment installati fuq binarju.

Għal ETCS ma hemmx konnessjoni funzjonali bejn iż-żewġ sistemi abbord minbarra għall-maniġment ta’ tranżizzjonijiet waqt l-operat tal-ferrovija (u bl-eċċezzjoni li jiġu sodisfatti l-bżonnijiet tal-STMs għal sistemi tal-Klassi B meta jintużaw l-STMs).

Għal ETCS minn aspett purament funzjonali, tista’ tinbena wkoll sistema li tikkombina komponenti mis-sistema unifikata u pre-unifikata. Eżempju hu l-kombinazzjoni ta’ ETCS fil-Livell 1 bl-użu ta’ Eurobalise bħala mezz tat-trażmissjoni u funzjoni infill mhux ibbażata fuq soluzzjoni unifikata, iżda fuq sistema nazzjonali. Din is-soluzzjoni tirrikjedi konnessjoni tad-dejta abbord bejn is-sistema unifikata u pre-unifikata. Għaldaqstant, is-soluzzjoni mhix skont il-Klassi A jew il-Klassi B u mhix interoperabbli.

Madankollu, hemm il-possibbiltà li tintuża kombinazzjoni bħala titjib nazzjonali ta’ binarju interoperabbli. Dan hu permess biss jekk il-ferroviji mhux mgħammra bil-konnessjoni tad-dejta bejn iż-żewġ sistemi jkunu jistgħu joperaw fuq is-sistema unifikata jew pre-unifikata mingħajr informazzjoni mis-sistema l-oħra. Jekk dan mhuwiex possibbli, il-binarju ma jistax jiġi ddikjarat interoperabbli għas-subsistema tal-kmand-kontroll.

7.2.5.2.   Soluzzjoni speċifika għal użu alternattiv parzjali tal-ispazju tal-arja tal-ETCS tal-Klassi A

Tista’ tintuża wkoll infrastruttura għaċ-ċaqliq tal-ferroviji mhux konformi mar-rekwiżiti ta' din it-TSI, skont l-Artikolu 5(6) tad-Direttiva 2001/16/KE, sakemm dan mhux jikkawżax ħsara għat-twettiq tar-rekwiżiti essenzjali.

Dawn il-ferroviji jirċievu informazzjoni minn infrastruttura tas-sinjalar tal-Klassi B permezz ta’ komunikazzjoni mill-binarji għall-ferrovija tal-Klassi A.

7.2.5.3.   Kriterji ta’ kompetizzjoni

Kwalunkwe azzjoni li tippermetti ċ-ċaqliq tal-ferroviji interoperabbli fuq infrastrutturi oħra jew iċ-ċaqliq ta’ ferroviji mhux interoperabbli għandha tiżgura li l-kompetizzjoni libera bejn il-fornituri mhix affettwata negattivament.

B’mod speċjali, l-għarfien dwar l-interfejsis rilevanti bejn tagħmir diġà installat u tagħmir ġdid li għandu jinxtara għandu jitpoġġa għad-dispożizzjoni tal-fornituri kollha interessati.

7.2.6.   Kundizzjonijiet li skonthom huma meħtieġa funzjonijiet b'għażla

Skont il-karatteristiċi tal-assemblaġġ tal-kmand-kontroll fil-ġenb tal-binarji u l-interfejsis tiegħu ma’ subsistemi oħra, xi funzjonalità fil-ġenb tal-binarji mhux klassifikata bħala obbligatorja, tista’ neċessarjament tiġi implimentata f’ċerti applikazzjonijiet għall-konformità mar-rekwiżiti essenzjali.

L-implimentazzjoni fil-ġenb tal-binarji ta’ funzjonijiet nazzjonali jew b'għażla ma għandhiex tipprevjeni d-dħul f’dik l-infrastruttura għal ferrovija li tikkonforma biss mar-rekwiżiti obbligatorji tas-sistema tal-Klassi A Abbord kif meħtieġ għall-funzjonijiet b'għażla abbord li ġejjin:

—	applikazzjoni fil-ġenb tal-binarji tal-ETCS tal-Livell 3 tirrikjedi superviżjoni tal-integrità tal-ferroviji abbord,

—	applikazzjoni tal-ETCS fil-ġenb tal-binarji tal-Livell 1 bl-infill tirrikjedi funzjonalità in-fill abbord, korrispondenti jekk il-veloċità tar-rilaxx tkun stabbilita għal żero għal raġunijiet ta’ sikurezza (eż. protezzjoni ta’ punti ta’ periklu),

—	meta l-ETCS jirrikjedi trażmissjoni tad-dejta bir-radju, is-servizzi tat-trażmissjoni tad-dejta tal-GSM-R għandhom jilħqu r-rekwiżiti tat-trażmissjoni tad-dejta tal-ETCS,

—	assemblaġġ abbord, li jinkorpora KER STM, jista' jirrikjedi li jiġi implimentat l-interfejs-K.

7.3.    Maniġment tal-bidla

7.3.1.   Introduzzjoni

Il-bidla hi aspett inerenti fi kwalunkwe xorta ta’ sistemi informatiċi użati f’ambjenti fid-dinja reali. Din tirriżulta mill-ħruġ ta’ rekwiżiti ġodda jew minn bidliet għal rekwiżiti eżistenti jew minħabba żbalji rappurtati fl-operat jew il-bżonn ta' titjib fil-prestazzjoni jew karatteristiċi oħra mhux funzjonali.

Iżda l-bidla trid tiġi mmaniġġjata għax hi msejsa fuq kunsiderazzjonijiet kritiċi għas-sikurezza u b’għanijiet ta’ kompatibbiltà retroattiva sabiex tipprovoka spejjeż minimi tal-ħin u ġenerali għall-operat ta’ tagħmir tal-ERTMS (17) diġà skjerat (jiġifieri faċilitajiet tal-ERTMS ta’ legacy). Għaldaqstant hu kruċjali li tiġi definita strateġija ċara ta’ kif għandha tiġi implimentata u mmaniġġjata l-bidla għal tagħmir tal-ERTMS ta’ legacy biex jiġi evitat t-tfixkil għal operazzjonijiet ferrovjarji mingħajr ħsara għall-għanijiet sottostanti li jiggarantixxu s-sikurezza u l-interoperabilità. Żewġ kwistjonijiet ewlenin isejsu d-definizzjoni ta’ din l-istrateġija.

—

it-twaqqif ta’ kwadru tal-Maniġment tal-Konfigurazzjoni li jiddefinixxi l-istandards u proċeduri għal maniġment ta’ evoluzzjoni ta’ sistema. Dan għandu jinkludi kif għandhom jiġu rreġistrati u proċessati bidliet proposti fis-sistema, kif għandhom ikunu relatati ma’ komponenti tas-sistema u kif għandu jiġi traċċat l-ħruġ tas-sistema,

—	politika għall-ħruġ ta’ linji bażi tas-sistema.

7.3.2.   Linji bażi

System stability is essential so that actual implementation and deployment can be realistic.L-istabbiltà tas-sistema hi essenzjali sabiex l-implimentazzjoni u l-iskjerament attwali jkunu realistiċi. Dan il-bżonn għall-istabbiltà hu simili għall-partijiet kollha:

—	il-maniġers tal-infrastruttura u l-operaturi ferrovjarji li għandhom jimmaniġġjaw il-verżjonijiet differenti ta’ ERTMS/ETCS jew GSM-R,

—	-industrija li għandha bżonn żmien biex tispeċifika, tiżviluppa u tipprova l-interoperabilità kontinwa.

Linja bażi fl-essenza fiha l-kunċett ta’ nukleju stabbli f’termini ta’ funzjonalità, prestazzjoni u karatteristiċi oħra mhux funzjonali (eż. RAMS) (18) tas-sistema. Madankollu, l-esperjenza flimgħoddi ma’ dan it-tip ta’ sistemi wriet li l-ħruġ ta’ numru ta’ verżjonijiet (19) huma meħtieġa biex tinkiseb linja bażi stabbli u xierqa għall-implimentazzjoni. Dan jista’ jiġi illustrat bħala proċess kaskata kif ġej:

Permezz taċ-ċirkwiti ta’ retroazzjoni, dan il-proċess hu magħqud ferm. Dan jipprekludi t-tqegħid ta' diversi minn dawn il-proċessi b'mod parallel ma' approċċ li jwassal għal sitwazzjonijiet operattivi mhux stabbli u li jikkawżaw konfużjoni. Il-linji bażi għandhom imbagħad jiġu proċessati f’serje iżjed milli b’mod parallel kif muri hawn taħt għall-każ speċifiku ta’ ERTMS/ETCS (20):

7.3.3.   Il-fażi ta’ konsolidazzjoni tal-ERTMS

L-ewwel linja bażi tal-ispeċifikazzjonijiet tal-ERTMS (kemm ETCS u GSM-R) ġiet mehmuża mat-TSI tal-Kmand/Kontroll u tas-Sinjalar għal veloċità għolja (id-Deċiżjoni ta’ referenza 2002/731/KE). Verżjoni ġdida ta' dawn l-ispeċifikazzjonijiet inħarġet reċentament (id-Deċiżjoni 2004/447/KE). Din tinkludi bidliet żgħar funzjonali u fis-sistema filwaqt li jiġu stabbiliti l-pedamenti ta' approċċ strutturat għal evalwazzjoni tal-konformità tat-tagħmir tal-kmand/kontroll abbord.

Il-proċess ta’ konsolidazzjoni kontinwu għall-ERTMS (kemm ETCS u GSR-R) jiffoka b’mod ċar fuq żewġ kwistjonijiet ewlenin:

—	il-konsolidazzjoni tal-linja bażi attwali sabiex issir referenza iżjed robusta għall-interoperabilità, u

—	l-għeluq ta’ numru ta’ punti miftuħa operattiva u tekniċi li għadhom wieqfa.

Dan ix-xogħol jiddependi fuq il-feedback mill-piloti kummerċjali, applikazzjonijiet kummerċjali bikrija kif ukoll programm strutturat ta' testijiet inkroċjati ma' prodotti minn fornituri differenti. Dan għandu eventwalment iwassal għall-ħruġ ta’ linja bażi li għandha titqiegħed taħt maniġment tal-konfigurazzjoni matul l-ewwel nofs tal-2005.

Matul din il-fażi, hu meħtieġ li jsir ftehim speċjali, reċiproku bejn maniġers tal-infrastruttura u l-impriżi ferrovjarji għall-użu ta' sistemi tal-Klassi A.

7.3.4.   Ħruġ tal-linja bażi

Fuq il-bażi tal-esperjenza attwali, iż-żmien bejn il-linji bażi differenti jista’ jiġi stmat li hu madwar erba’ sa ħames snin għal ETCS u madwar sentejn għal GSM-R.

Linja bażi ġdida għandha bħala prinċipju tkun konnessa ma' modifiki sinifikanti tal-funzjonalità tas-sistema jew il-prestazzjoni tas-sistema. Din tista’ tinkludi aspetti bħal:

—	l-inkorporazzjoni ta’ sett ta’ funzjonijiet nazzjonali ta’ llum, fejn dawn jistgħu jkunu ġeneralizzati, fin-nukleju interoperabbli,

—	it-twaqqif ta' kostitwenti tal-interoperabilità addizzjonali fuq l-ETCS abbord u fil-ġenb tal-binarji,

—	servizzi ta’ valur miżjud ibbażati fuq GSM-R.

Kull linja bażi għandha tħaddan ukoll il-funzjonalità tal-linja bażi preċedenti. Il-verżjonijiet tat-tneħħija tad-difetti għat-tiswija ta’ ħsarat fis-sistema jew nuqqasijiet ta’ sikurezza għandhom jiġu mmaniġġjati bħala ħruġ ta’ verżjoni ta’ linja bażi partikolari. Sakemm mhux prekluż minn implikazzjonijiet tas-sikurezza, dan il-ħruġ tal-verżjonijiet fl-istess linja bażi għandu jkun kompatibbli retroattivament.

Il-funzjonalità miżjuda li tista’ tiġi inkorporata fil-linji bażi differenti neċessarjament timplika li linji bażi differenti mhumiex kompatibbli retroattivament. Madankollu, sabiex tiffaċilita l-migrazzjoni u safejn possibbli minn aspett tekniku, linji bażi differenti għandhom jinkludu nukleju komuni ta' funzjonalità li għaliha għandha tiġi żgurata l-kompatibbiltà retroattiva. Dan in-nukleju komuni għandu jipprovdi nukleju minimu li jippermetti l-operat interoperabbli taħt prestazzjoni aċċettabbli.

7.3.5.   Skjerament ta’ linji bażi ġodda

Il-maniġers tal-infrastruttura u l-operaturi ferrovjarji qatt ma għandhom ikunu f'pożizzjoni li jaqilbu minn linja bażi waħda għal li jmiss f’daqqa. Għaldaqstant, kull linja bażi għandha tiġi żviluppata id f'id ma' strateġija tal-migrazzjoni xierqa. Dan għandu jindirizza problemi bħal ko-eżistenza ta' faċilitajiet tal-ETCS u GSM-R konformi ma' verżjonijiet differenti tal-ispeċifikazzjonijiet tal-ETCS jew GSM-R, mogħdijiet ta' migrazzjoni preferuti (eż. prijorità fil-ġenb tal-binarji, prijorità tal-vetturi ferrovjarji jew simultanji) kif ukoll perjodi taż-żmien indikattivi u l-prijoritajiet għall-migrazzjoni.

7.3.6.   Proċess tal-maniġment tal-bidla – ir-rekwiżiti

Kif diskuss qabel, il-bidla hi fatt aċċettat għal sistemi kbar bbażati fuq is-softwer. Għaldaqstant, il-proċeduri tal-maniġment tal-bidla għandhom jiġu ddisinjati sabiex jiżguraw li l-ispejjeż u l-benefiċċji tal-bidla jiġu analizzati b’mod xieraq u li l-bidliet huma implimentat b’mod ikkontrollat. Dan jirrikjedi l-proċess definit tal-maniġment tal-bidla u għodod assoċjati li jiżguraw li l-bidliet huma mmaniġġjati u applikati għall-ispeċifikazzjonijiet b’mod kost-effettiv. Ikunu xi jkunu d-dettalji speċifiċi eventwali ta' dan il-proċess, dan tal-aħħar għandu jiġi ppjanat b'mod estensiv fuq approċċ strutturat kif ġej:

Pjan ta' maniġment tal-konfigurazzjoni li jinkorpora s-sett ta’ standards u proċeduri għal maniġment tal-bidla għandu jsejjes il-proċess kollu tal-maniġment tal-bidla kif deskritt hawn fuq. Ir-rekwiżiti ġeneriċi għal dan il-pjan huma deskritti fil-paragrafu 7.3.7 hawn taħt. L-istrateġija tal-implimentazzjoni għall-bidliet approvati għandha tiġi formalizzata (fuq il-bażi tal-proċess dovut u d-dokumentazzjoni dovuta) fi pjan tal-maniġment tal-bidla li jinkludi notevolment:

—	l-identifikazzjoni tar-ristrezzjonijiet tekniċi li fuqhom hi bbażata l-bidla,

—	dikjarazzjoni ta’ min jerfa’ r-responsabbiltà għall-proċeduri tal-implimentazzjoni tal-bidla,

—	il-proċedura ta’ validazzjoni għall-bidliet li għandhom jiġu implimentati,

—	il-politika għall-maniġment tal-bidla, il-ħruġ, il-migrazzjoni u r-roll-out.

7.3.7.   Pjan ta’ maniġment tal-konfigurazzjoni – ir-rekwiżiti

Il-pjan ta' maniġment tal-konfigurazzjoni għandu jiddeskrivi s-sett ta' standards u proċeduri għal maniġment tal-bidla u jinkorpora notevolment:

—	id-definizzjoni ta' liema entitajiet għandhom jiġu mmaniġġjati u skema formali għall-identifikazzjoni ta’ dawn l-entitajiet,

—	dikjarazzjoni ta’ min jerfa’ r-responsabbiltà għall-proċeduri ta’ maniġment tal-konfigurazzjoni u għas-sottomissjoni ta’ entitajiet ikkontrollati lill-istruttura tad-deċiżjoni tal-maniġment tal-konfigurazzjoni,

—	il-politika tal-maniġment tal-konfigurazzjoni li għandha tintuża għall-kontroll tal-bidla u l-maniġment tal-verżjoni,

—	deskrizzjoni tar-rekords tal-proċess tal-maniġment tal-konfigurazzjoni li għandhom jinżammu,

—	deskrizzjoni tal-għodod li għandhom jintużaw għall-maniġment tal-konfigurazzjoni u l-proċess li għandu jiġi applikat meta jintużaw dawn l-għodod,

—	definizzjoni tad-dejtabejż tal-konfigurazzjoni li għandha tintuża biex tirreġistra l-informazzjoni tal-konfigurazzjoni.

Id-dettalji speċifiċi tal-proċessi tal-maniġment tal-konfigurazzjoni għal ETCS u GSM-R għandhom jiġu formalizzati permezz ta’ speċifikazzjonijiet li għandhom jiġu inkorporati fil-lista inkluża fl-Anness A ma’ din it-TSI, rispettivament, fl-Indiċi 60 (għal ETCS) u l-Indiċi 61 (għal GSM-R).

7.3.8.   Regolamentazzjoni

Il-maniġment tal-bidla tal-ispeċifikazzjonijiet tal-ERTMS/ETCS u GSM-R għandha titpoġġa taħt il-patronċonju tal-Aġenzija Ferrovjarja Ewropea (ERA) stabbilita mir-Regolament (KE) Nru 881/2004. L-ERA se tkun responsabbli għat-tmexxija tal-proċess tal-maniġment tal-bidla, inkluża l-kunsinna tal-ispeċifikazzjonijiet, l-assigurazzjoni tal-kwalità u l-maniġment tal-konfigurazzjoni.

B’dan il-mod l-ERA għandha tilgħab rwol ċentrali ta' awtorità tas-sistema li tiċċentralizza u tiżgura l-koerenza globali ta’ proċess li hu llum frammentat permezz ta' numru ta' partijiet differenti kif evidenzjat fit-tabella hawn taħt:

Responsabbiltà	ERTMS/ETCS	GSM-R
Kunsinna ta’ speċifikazzjonijiet	Grupp tal-utenti tal-ERTMS, UIC u UNISIG	Grupp tal-EIRENE, grupp industrijali tal-EIRG u GSM-R
Assigurazzjoni tal-kwalità	Grupp tal-utenti tal-ERTMS	Grupp tal-EIRENE, grupp tal-utenti tal-ERIG u ERTMS
Maniġment tal-konfigurazzjoni	AEIF

Fl-irwol ta’ awtorità ta’ sistema, l-ERA għandha tiżgura l-kooperazzjoni ta’ taqsima rappreżentattiva tal-partijiet interessati fil-proċess – eż. maniġers tal-infrastruttura, impriżi ferrovjarji, industrija tal-provvista, korpi notifikati u awtoritajiet tas-sikurezza – għat-twettiq tad-doveri tagħha. Dawn il-partijiet għandhom notevolment:

(i)

Jipprovdu input għall-proċess f'termini ta': — speċifikazzjoni ta’ rekwiżiti tal-interoperabilità funzjonali u operattiva. Dan għandu jkun primarjament l-irwol li għandhom jieħdu l-impriżi ferrovjarji u l-maniġers tal-infrastruttura, — definizzjoni ta’ standards tekniċi inklużi dawk li jiżguraw l-interoperabilità teknika għal ERTMS/ETCS u GSM-R li joħorġu minn gruppi industrijali rappreżentattivi bħal UNISIG u l-grupp industrijali tal-GSM-R.

(ii)	Ikunu parti mill-bord tal-kontroll tal-bidla (CCB) li għandu jiġi stabbilit għall-maniġment tat-talbiet tal-bidla kif imsemmija fil-paragrafu 7.3.6. Dan il-bord għandu jiżgura perspettiva tas-sistema dwar il-bidliet li għandhom isiru u evalwazzjoni globali tal-implikazzjonijiet tagħhom.

Għandu jiġi żgurat trasferiment koordinat bejn l-istrutturi tal-maniġment tal-bidla attwali mmexxija mill-AIEF u dawk immexxija mill-ERA. Biex iseħħ dan it-trasferiment b’mod effiċjenti, hu meqjus essenzjali:

—	li jiġi formalizzat u dokumentat il-proċess tal-maniġment tal-bidla attwali fi ħdan is-sett ta’ dokumentazzjoni msemmi fl-Anness A sabiex dan jitqies bħala linja bażi għall-iżgurar tal-kontinwità u l-kwalità tax-xogħol tal-maniġment tal-bidla,

—	li jiġu prevedut perjodu ta’ tranżizzjoni ta’ madwar 12-il xahar meta ż-żewġ strutturi joperaw b’mod parallel u jsegwu modus operandi li għandu jiġi maqbul bejn iż-żewġ partijiet.

L-ERA għandha tibda l-attività tal-maniġment ta’ bidla formali tagħha mil-linja bażi tal-2005 li toħroġ mill-fażi ta’ konsolidazzjoni kif imsemmi fil-paragrafu 7.3.3.

7.4.    Każijiet speċifiċi

7.4.1.   Introduzzjoni

Id-dispożizzjonijiet speċjali li ġejjin huma permessi fil-każijiet speċifiċi hawn taħt.

Dawn il-każijiet speċifiċi jappartjenu għal żewġ kategoriji: id-dispożizzjonijiet japplikaw jew b’mod permanenti (il-każ P), jew temporanjament (il-każ T). F’każijiet temporanji, hu rakkomandat li l-Istati Membri kkonċernati għandhom jikkonformaw mas-subsistema rilevanti jew sal-2010 (il-każ T1), għan stabbilit fid-Deċiżjoni Nru 1692/96/KE tal-Parlament Ewropew u l-Kunsill tat-23 ta' Lulju 1996 fuq linji gwida tal-Komunità għall-iżvilupp tan-netwerk tat-trasport trans-Ewropew (21), jew sal-2020 (il-każ T2) (22).

F’din it-TSI il-każ temporanju T3 hu definit bħala każijiet temporanji li għandhom jibqgħu jeżistu wara l-2020.

7.4.2.   Lista ta’ każijiet speċifiċi

7.4.2.1.   Il-kategorija ta’ kull każ speċifiku tingħata fl-Anness A, l-Appendiċi 1.

Nru	Każ speċifiku	Ġustifikazzjoni	Dewmien
1	L-interdipendenza bejn id-distanza tal-fus u d-dijametru tar-rota tal-vetturi li joperaw fil-Ġermanja tingħata fl-Anness A, l-Appendiċi 1, il-paragrafu 2.1.5	Tagħmir tal-għadd tal-fus eżistenti, identifikat fir-reġistru tal-infrastruttura.	P
2	It-tul massimu tal-isporġiment (nose) tal-vetturi li joperaw fil-Polonja hu mogħti fl-Anness A, l-Appendiċi 1, il-paragrafu 2.1.6	Ġeometrija eżistenti tat-tagħmir taċ-ċirkwit tal-binarji	T3
3	Id-distanzi minimi bejn l-ewwel ħames fusien ta’ ferroviji li joperaw fil-Ġermanja huma mogħtija fl-Anness A, l-Appendiċi 1 il-paragrafu 2.1.7	Rilevanti fuq il-binarji b’intersezzjonijiet fuq l-istess livell skont ir-reġistru tal-infrastruttura.	T3
4	Id-distanza minima bejn l-ewwel u l-aħħar fus ta’ vettura waħedha jew sett ferrovjarju li joperaw fuq binarji ta’ veloċità għolja fi Franza u fuq binarju ta’ veloċità għolja L1 fil-Belġju hi mogħtija fl-Anness A, l-Appendiċi 1, il-paragrafu 2.1.8	Tagħmir eżistenti taċ-ċirkwit tal-binarji identifikat fir-reġistru tal-infrastruttura.	Franza T3 il-Belġju T3
5.	Id-distanza minima bejn l-ewwel u l-aħħar fus ta’ vettura waħedha jew sett tal-ferrovija li joperaw fil-Belġju hi mogħtija fit-TSI CCS CR Anness A, l-Appendiċi 1, il-paragrafu 2.1.9	It-tagħmir eżistenti taċ-ċirkwit tal-binarji, identifikat fir-reġistru tal-infrastruttura.	T3
6.	Id-dijametru minimu tar-roti tal-vetturi li joperaw fi Franza hu mogħti fl-Anness A, l-Appendiċi 1, il-paragrafu 2.2.2	Tagħmir tal-għadd tal-fus eżistenti, identifikat fir-reġistru tal-infrastruttura.	T3
7.	It-tagħbija minima tal-fus għal vetturi li joperaw fil-Ġermanja, l-Awstrija, l-Isvezja hi mogħtija fl-Anness A, l-Appendiċi 1, il-paragrafu 3.1.3	It-tagħbija minima tal-fus għaċ-ċaqliq ta’ ċerti ċirkwiti tal-binarji hi determinata f’rekwiżit tal-EBA (Eisenbahn-Bundesamt), rilevanti fuq xi linji ewlenin fil-Ġermanja fil-qasam tad-DR (Deutsche Reichsbahn) ta’ qabel b’ċirkwiti tal-binarji ta’ 42 Hz u 100 Hz skont ir-reġistru tal-infrastruttura. L-ebda tiġdid Għandu jitlesta għall-Awstrija u l-Isvezja	T3
8.	Il-massa minima ta’ vettura waħedha jew sett ferrovjarju li joperaw fuq binarji ta’ veloċità għolja fi Franza u fuq binarji ta’ veloċità għolja L1 fil-Belġju tingħata fl-Anness A, Appendiċi 1, paragrafu 3.1.4.	Tagħmir taċ-ċirkwit tal-binarji eżistenti	Franza T3 Belġju T3
9.	Il-massa minima ta’ vettura waħedha jew sett ferrovjarju li joperaw fuq binarji ta’ veloċità għolja fil-Belġju (minbarra binarju ta’ veloċità għolja L1) tingħata fit-TSI CCS CR, Anness A, l-Appendiċi 1, il-paragrafu 3.1.5	Il-veturi ferrovjarji huma iżjed omoġenji fuq il-binarji ta’ veloċità għolja. Il-wiċċ tal-ġiri fuq il-binarju hu iżjed limitat milli fuq netwerk konvenzjonali. Id-ditezzjoni tal-preżenza ta’ kwalunkwe tip ta’ ċirkolazzjoni meta tkun miexja jew meta wieqfa tingħata fi kwalunkwe żmien jekk il-massa ta’ vettura waħedha jew sett ferrovjarju jkun ikbar minn 90 tunnellata.	T3
10.	Id-dimensjoni minima tal-massa tal-metall u l-kundizzjonijiet tal-approvazzjoni tal-vetturi li joperaw fil-Ġermanja u l-Polonja huma mogħtija fl-Anness A, Appendiċi 1 paragrafu 3.3.1	Rilevanti fuq binarji b’intersezzjonijiet fuq l-istess livell b'ċirkwiti tad-ditezzjoni skont ir-reġistru tal-infrastruttura.	il-Ġermanja P il-Polonja P
11.	Ir-reazzjoni massima bejn l-uċuħ tal-ġiri ta’ sett tar-roti ta’ vetturi li joperaw fil-Polonja hi mogħtija fl-Anness A, l-Appendiċi 1, il-paragrafu 3.5.3	Tagħmir taċ-ċirkwit tal-binarju eżistenti	T3
12.	Ir-reazzjoni massima bejn l-uċuħ tal-ġiri ta’ sett tar-roti ta’ vetturi li joperaw fi Franza hi mogħtija fl-Anness A, l-Appendiċi 1, il-paragrafu 3.5.4	Tagħmir taċ-ċirkwit tal-binarju eżistenti	T3
13.	Ir-rekwiżiti addizzjonali fuq parametri taċ-ċaqliq ta’ vettura li topera fil-Pajjiżi l-Baxxi huma mogħtija fl-Anness A, l-Appendiċi 1, il-paragrafu 3.5.5	Tagħmir taċ-ċirkwit tal-binarju ta’ vultaġġ baxx eżistenti, identifikat fir-reġistru tal-infrastruttura.	T3
14.	L-impedenza minima bejn il-pantografu u r-roti tal-vetturi li joperaw fil-Belġju hi mogħtija fl-Anness A, l-Appendiċi 1, il-paragrafu 3.6.1	Tagħmir eżistenti tal-Klassi B	T3
15.	Il-brejk manjetiku u l-brejk tal-eddy current mhumiex permessi fl-ewwel karru ta’ vettura ewlenija li topera fil-Ġermanja, hu definit fl-Anness A, l-Appendiċi 1, il-paragrafu 5.2.3	Rilevanti fuq binarji b’intersezzjonijiet fuq l-istess livell skont ir-reġistru tal-infrastruttura.	T3
16.	Tqegħid ta’ ramel għal skopijiet ta’ ċaqliq fuq diversi unitajiet mhux permess quddiem il-fus ewlieni taħt l-40 km/siegħa fir-Renju Unit, kif definit fl-Anness A, l-Appendiċi 1, il-paragrafu 4.1.4	Iċ-ċirkwiti tal-binarju mhumiex affidabbli għall-operat sikur meta jitpoġġa r-ramel qabel fus ewlieni fuq unità multipla	T3

7.4.2.2.   Każ speċifiku għall-Greċja

Il-Kategorija T1 – temporanja: vetturi ferrovjarji għal gejġ tal-binarju ta’ 1 000 mm jew inqas, u binarji bil-gejġ tal-binarju ta’ 1 000 mm jew inqas. Għandhom japplikaw ir-regoli nazzjonali fuq dawn il-binarji

7.4.2.3.   Każ speċifiku għall-Istati Baltiċi (il-Latvja, il-Litwanja, l-Estonja)

Il-Kategorija T miftuħa – l-aġġornament funzjonali u tekniku tal-faċilitajiet tal-Klassi B attwali skjerata fuq il-kurituri tal-gejġ tal-binarju ta’ 1 520 mm hu permess jekk dan jitqies neċessarju biex ikun permess l-operat tal-lokomottivi tal-impriżi ferrovjarji kemm tal-Federazzjoni Russa u kif ukoll tal-Belarus. It-tagħmir abbord ta’ dan tal-aħħar hu eskluż mill-konformità mar-rekwiżiti tal-paragrafu 7.2.2.5. Dawn il-kurituri għandhom jissemmew fir-reġistru tal-infrastruttura.

7.5.   Dispożizzjonijiet tranżitorji

Il-punti miftuħa indikati f’din it-TSI għandhom ikunu mmaniġġjati fil-proċess tar-reviżjoni.

---

(1)  Ir-rekwiżiti tas-sikurezza għal ERTMS/ETCS Livell 3 għad iridu jiġu stabbiliti.

(2)  Dan ir-rekwiżiti għandu jiġi rispettat bħala parametru tad-disinn RS u għal valutazzjoni tas-subsistema RS.

(3)  Livelli differenti ta’ speċifikazzjonijiet: għandhom ikunu parti mit-taħriġ tax-xufiera u mill-għarfien tar-rotta.

(4)  Il-binarji ta’ veloċità għolja huma identifikati b’disinn bit-tikek.

(5)  ĠU L 167, 30.4.2004, p. 1, ikkoreġut b’ĠU L 201, 7.6.2004, p. 1.

(6)  ĠU L 161, 26.6.1999, p. 1. Ir-Regolament kif emendat bir-Regolament (KE) Nru 173 (ĠU L 29, 2.2.2005, p. 3).

(7)  ĠU L 161, 26.6.1999, p. 57.

(8)  Dan jinkludi l-operazzjonijiet tat-tip ta’ fabbrika assoċjati ma’ eżerċizzji ta’ manutenzjoni ewlenin.

(9)  Għall-finijiet tat-tgħammir ta’ tagħmir ETCS “retro-tgħammir ewlieni” hu definit bħala dawk l-operazzjonijiet ta’ manutenzjoni li jinvolvu investiment mill-inqas 10 darbiet ogħla mill-valur tal-iffittjar tat-tagħmir ETCS fuq dak it-tip speċifiku ta’ vetturi ferrovjarji.

(10)  Il-livell tal-obbligu għandu jiġi definiti f’termini tal-kriterji li ġejjin: (i) rilevanza tas-suq tal-kurituri mmirati għal implimentazzjoni ERTMS/ETCS; (ii) kopertura tal-binarji b’ERTMS/ETCS.

(11)  Hu mistenni li dan se jkun ir-riżultat ta’ analiżi b’kuritur kuritur li għandu jitwettaq b’mod konġunt mill-partijiet interessati rilevanti — jiġifieri l-Istati Membri, maniġers tal-infrastruttura, impriżi ferrovjarji u potenzjalment l-industrija tal-provvista.

(12)  Sistema Controllo Marcia Treno. Sistema Taljana fil-Klassi B mibnija fuq komponenti ETCS.

(13)  Eż. il-konvenjenza tal-kunċett estern tal-STM ma tistax tiġi teknikament garantita jew kwistjonijiet potenzjali relatati mas-sjieda tad-drittijiet tal-proprjetà intellettwali tas-sistemi fil-Klassi B jipprevjenu żvilupp fil-ħin ta’ prodott STM.

(14)  31 ta’ Diċembru 2007.

(15)  Klassifikazzjoni tal-funzjoni: ara t-Taqsima 4.

(16)  Klassifikazzjoni tal-funzjoni: ara t-Taqsima 4.

(17)  Kemm l-ERTMS/ETCS u GSM-R.

(18)  Linja bażi taġixxi bħala punt ta’ bidu ta’ referenza għal maniġment kkontrollata tal-evoluzzjoni tas-sistema.

(19)  Edizzjoni ta’ verżjoni hi verżjoni tas-sistema li titqassam lill-klijenti ferrovjarji. Il-verżjonijiet tas-sistema jista’ jkollhom funzjonalità differenti, twettiq jew jistgħu jsewwu difetti fis-sistema jew nuqqasijiet tas-sikurezza.

(20)  Elementi addizzjonali dwar din il-verżjoni huma inklużi fil-paragrafi li ġejjin.

(21)  ĠU L 228, 9.9.1996, p. 1. Id-Deċiżjoni kif ġiet emendata l-aħħar bid-Deċiżjoni Nru 884/2004/KE (ĠU L 167, 30.4.2004, p. 1, ikkoreġuta b’ĠU L 201, 7.6.2004, p. 1).

(22)  Dati oħra (Tx) jistgħu jiġu speċifikati skont it-TSI u l-każ speċifiku.