1.

2.

3.

4.

5.

6.

7.

8.

9.

10.

11.

12.

Anness 1 –

Anness 2 –

Anness 3 –

Anness 4 –

Anness 5 –

Anness 6 –

Anness 7 –

Appendiċi 1 –

Appendiċi 2 –

Anness 8 –

Anness 9 –

1.1.

Tajers b'wiċċ ġdid għal karrozzi privati (tal-passiġġieri) u l-karrijiet tagħhom.

1.2.

Tajers b'wiċċ ġdid b'kapaċità ta' veloċità taħt it-80 km/s.

1.3.

Tajers għar-roti u l-muturi.

1.4.

Tajers li oriġinarjament kienu prodotti mingħajr simboli tal-veloċità u/jew indiċijiet tat-tagħbija.

1.5.

Tajers li oriġinarjament kienu prodotti mingħajr l-approvazzjoni tat-tip u mingħajr il-marka “E” jew “e”.

2.1.

“Firxa ta' tajers pnewmatiċi b'wiċċ ġdid” – tfisser firxa ta' tajers pnewmatiċi b'wiċċ ġdid, kif ikkwotat fil-paragrafu 4.1.4.

2.2.

“Struttura” ta' tajer pnewmatiku tfisser il-karatteristiċi tekniċi tal-qafas tat-tajer. L-istrutturi li ġejjin jingħarfu b'mod partikolari:

2.2.1.

“Djagonali” jew “Ħxuna Mxaqilba” tiddeskrivi struttura ta' tajer pnewmatiku li fih il-kurduni tal-ħxuna jkun jestendu għax-xoffa ta' ġewwa tat-tajer u jitpoġġew f'angoli alternati sostanzjalment ta' inqas minn 90o għal-linja ċentrali tal-wiċċ ta' barra mfellel tat-tajer.

2.2.2.

“Bias-Belted” tiddeskrivi struttura ta' tajer pnewmatiku ta' tip djagonali (ħxuna mxaqilba) li fih il-qafas ikun stabilizzat permezz ta' ċinturin, magħmul minn żewġ saffi jew aktar ta' kurdun ta' materjal li ma jkunx jista' jitwessa' wisq u li jitpoġġa f'angoli alternati qrib dawk tal-qafas tat-tajer.

2.2.3.

“Radjali” tiddeskrivi struttura ta' tajer pnewmatiku li fih il-kurduni tal-ħxuna jkunu jestendu għax-xoffa ta' ġewwa tat-tajer u jitqiegħdu b'mod sostanzjali f'angolu ta' 90o għal-linja taċ-ċentru tal-wiċċ ta' barra mfellel tat-tajer. Il-qafas tat-tajer ikun stabilizzat b'ċinturin mad-dawra li essenzjalment ma jkunx jitwessa' wisq.

2.3.

“Kategorija ta' użu”

2.3.1.

Tajer normali huwa wieħed maħsub għall-użu normali fuq it-triq biss.

2.3.2.

Tajer ta' użu speċjali huwa wieħed maħsub għal użi differenti, kemm fuq u barra t-triq u/jew għal veloċità ristretta.

2.3.3.

Tajer tas-silġ huwa wieħed li l-għamla tal-wiċċ ta' barra mfellel tiegħu, jew l-għamla tal-wiċċ ta' barra mfellel u l-istruttura tiegħu, tkun iddisinjata primarjament biex tiżgura li, fit-tajn u fis-silġ frisk jew li jkun qed jinħall, jkollu rendiment aħjar minn wieħed normali. L-għamla tal-wiċċ ta' barra mfellel ta' tajer tas-silġ ġeneralment tikkonsisti minn kanal (strixxa) u elementi ta' materjal solidu li jkunu spazjati b'mod aktar wiesa' minn dawk fuq tajer normali.

2.4.

“Ix-xoffa ta' ġewwa tat-tajer” tfisser il-parti ta' tajer pnewmatiku li tkun ta' tali għamla u struttura li tkun toqgħod ġor-rimm u żżomm it-tajer fuqha.

2.5.

“Kurdun” tfisser il-ħjut li jiffurmaw il-fibra tal-ħxuniet tat-tajer pnewmatiku.

2.6.

“Ħxuna” tfisser saff ta' kurduni paralleli mgħottija tal-“gomma”.

2.7.

“Ċinturin” tapplika għal ħxuna radjali jew tajer bi ħxuna mxaqilba u tfisser saff jew saffi ta' materjal jew materjali taħt il-wiċċ ta' barra mfellel tat-tajer, impoġġi b'mod sostanzjali fid-direzzjoni tal-linja taċ-ċentru tal-wiċċ ta' barra mfellel tat-tajer biex jirrestrinġi l-qafas f'direzzjoni ċirkonferenzjali.

2.8.

“Interruttur” tapplika għal tajer ta' ħxuna djagonali u tfisser il-ħxuna tan-nofs bejn il-qafas u l-wiċċ ta' barra mfellel tat-tajer.

2.9.

“Interruttur protettiv” tapplika għal tajer ta' ħxuna radjali u tfisser il-ħxuna tan-nofs mhux obbligatorja bejn il-wiċċ ta' barra mfellel tat-tajer u ċ-ċinturin biex inaqqas il-ħsara liċ-ċinturin.

2.10.

“Chafer” tfisser materjal fil-parti tax-xoffa ta' ġewwa tat-tajer biex tipproteġi l-qafas kontra kull għerik jew brix mir-rimm tar-rota.

2.11.

“Qafas” tfisser dik il-parti sturtturali ta' tajer pnewmatiku, ħlief il-wiċċ ta' barra mfellel u l-“gomma” ta' barra nett tal-ħitan tal-ġnub li, meta jintnefaħ, ikun jiflaħ għat-tagħbija.

2.12.

“Il-wiċċ ta' barra mfellel tat-tajer” tfisser dik il-parti ta' tajer pnewmatiku li jkun imfassal biex ikollu kuntatt ma' l-art, jipproteġi l-qafas kontra kull ħsara teknika u jgħin biex it-tajer jaqbad ma' l-art.

2.13.

“Il-ħajt tal-ġenb” tfisser il-parti ta' tajer pnewmatiku bejn il-wiċċ ta' barra mfellel tat-tajer u l-parti maħsuba biex tgħatti l-flanġ tar-rimm.

2.14.

“Il-parti t'isfel tat-tajer” tfisser dik il-parti inkluża bejn il-linja tal-wisa' massima tas-sezzjoni tat-tajer u l-parti mfassla biex tkun mgħottija bix-xoffa tar-rimm.

2.15.

“Il-kanal tal-wiċċ ta' barra mfellel tat-tajer” tfisser l-ispazju bejn l-istrixxi jew il-blokki ħdejn xuxlin fid-disinn tal-wiċċ ta' barra mfellel tat-tajer.

2.16.

“Il-wisa' tas-sezzjoni” tfisser id-distanza lineari bejn il-parti ta' barra tal-ħitan tal-ġenb ta' tajer pnewmatiku minfuħ, meta dan jitwaħħal fuq ir-rimm ta' ċertu qies speċifiku, iżda li teskludi l-elevazzjonijiet minħabba t-tikketti (immarkar), id-dekorazzjoni jew l-istrixxi jew kanali protettivi.

2.17.

“Il-wisa' ġenerali” tfisser id-distanza lineari bejn il-parti ta' barra tal-ħitan tal-ġnub ta' tajer pnewmatiku minfuħ, meta dan jitwaħħal fuq rimm ta' qies speċifiku, u tinkludi it-tikketti (immarkar), id-disinn jew l-istrixxi jew kanali protettivi.

2.18.

“L-għoli tas-sezzjoni” tfisser distanza ugwali għal nofs id-differenza bejn id-dijametru ta' barra tat-tajer u d-dijametru nominali tar-rimm.

2.19.

“Il-proporzjon ta' l-aspett nominali” tfisser mitt darba n-numru miksub billi tiddividi n-numru li jesprimi l-għoli nominali tas-sezzjoni bin-numru li jesprimi l-wisa' nominali tas-sezzjoni, fejn iż-żewġ figuri jkunu fl-istess unitajiet.

2.20.

“Id-dijametru ta' barra” tfisser id-dijametru ġenerali ta' tajer minfuħ li jkun għadu kif kellu l-wiċċ ta' barra mfellel mill-ġdid.

2.21.

“Il-klassifikazzjoni tal-qies tat-tajer” tfisser klassifikazzjoni li turi:

2.21.1.

Il-wisa' nominali tas-sezzjoni. Din trid tkun imfissra f'millimetri, ħlief fil-każijiet ta' tajers li l-klassifikazzjoni tal-qies tagħhom tidher fl-ewwel kolonna tat-tabelli li hemm fl-Anness 5 għal dan ir-Regolament.

2.21.2.

Ir-ratio ta' l-aspett nominali, ħlief fil-każ ta' tajers li għalihom il-klassifikazzjoni tal-qies tidher fl-ewwel kolonna tat-tabelli li hemm fl-Anness 5 għal dan ir-Regolament.

2.21.3.

Numru konvenzjonali “d” (is-simbolu “d”) li juri d-dijametru nominali tar-rimm u li jikkorrispondi għad-dijametru ta' dan imfisser jew permezz ta' kodiċi (numri taħt il-100) jew f'millimetri (numri aktar minn 100). In-numri li jikkorrispondu għaż-żewġ tipi ta' kejl jistgħu jintużaw fil-klassifikazzjoni.

2.21.3.1.

Il-valuri tas-simboli “d” imfissra f'millimetri qed jidhru hawn taħt:

2.22.

“Id-dijametru nominali tar-rimm (d)” ifisser id-dijametru tar-rimm li fuqu tajer ikun imfassal biex jitwaħħal.

2.23.

“Rimm” ifisser l-appoġġ, jew għal assemblaġġ ta' tajer-u-tubu jew għal tajer mingħajr tubu, li fuqu titpoġġa x-xoffa ta' ġewwa tat-tajer.

2.24.

“Ir-rimm tal-kejl” ifisser ir-rimm speċifikat bħala ’l-wisa' tal-kejl tar-rimm’ jew ’il-wisa' tad-disinn tar-rimm’ għal klassifikazzjoni partikolari tal-qies ta' tajer fi kwalunkwe edizzjoni ta' wieħed mill-Istandards Internazzjonali tat-Tajers jew aktar.

2.25.

“Ir-rimm tat-test” ifisser kwalunkwe rimm speċifikat bħala approvat jew rakkomandat jew awtorizzat f'xi wieħed mill-Istandards Internazzjonali tat-Tajers għal tajer ta' dik il-klassifikazzjoni ta' qies jew tip.

2.26.

“Standard Internazzjonali tat-Tajers” ifisser kwalunkwe wieħed mid-dokumenti standard li ġejjin:

L-istandards tat-tajer jistgħu jinkisbu mill-indirizzi li ġejjin:

2.27.

“Tkissir fi bċejjeċ” tfisser it-tkissir ta' bċejjeċ ta' gomma mill-wiċċ ta' barra mfellel tat-tajer.

2.28.

“Is-separazzjoni tal-kurdun” tfisser il-firda tal-kurduni mill-għata tal-gomma tagħhom.

2.29.

“Is-separazzjoni tal-ħxuna” tfisser il-firda ta' ħxuniet minn maġenb xulxin.

2.30.

“Is-separazzjoni tal-wiċċ ta' barra mfellel tat-tajer” tfisser it-tneħħija tal-wiċċ ta' barra mfellel mill-qafas tat-tajer.

2.31.

“Deskrizzjoni tas-servizz” tfisser il-kumbinazzjoni speċifika ta' l-indiċi tat-tagħbija u s-simbolu tal-veloċità tat-tajer.

2.32.

“L-indiċi tat-tagħbija” tfisser kodiċi numeriku li juri t-tagħbija li t-tajer jista' jgħabbi fil-veloċità li tikkorrispondi għas-simbolu tal-veloċità assoċjat u meta dan jitħaddem skond il-kundizzjonijiet tas-servizz speċifikati mill-manifattur. Tajer pnewmatiku jista' jkollu aktar minn indiċi wieħed tat-tagħbija biex juri l-kapaċità tat-tagħbija tiegħu meta dan jintuża f'formazzjoni waħda jew doppja, jew biex juri kapaċità ta' tagħbija oħra (punt uniku) li fuqu ma tkunx awtorizzata varjazzjoni ta' tagħbija skond il-paragrafu 2.35 u l-Anness 8 għal dan ir-Regolament.

Il-lista ta' indiċijiet tat-tagħbija u t-tagħbijiet li jikkorrispondu magħhom jidhru fl-Anness 4 ta' dan ir-Regolament.

2.33.

“Simbolu tal-veloċità” tfisser:

2.33.1.

Simbolu alfabetiku li juri l-veloċità li fiha t-tajer jista' jgħabbi t-tagħbija mogħtija mill-indiċi tat-tagħbija assoċjat miegħu.

2.33.2.

Is-simboli tal-veloċità u l-veloċitajiet li jikkorrispondu magħhom qed jidhru fit-tabella t'hawn taħt:

2.34.

“Punt uniku” ifisser deskrizzjoni addizzjonali tas-servizz, immarkata maġenb id-deskrizzjoni normali tas-servizz, iżda li ma tistax tintuża biex tkun ikkalkulata varjazzjoni tal-kapaċità tat-tagħbija kif definit fil-paragrafu 2.35 u fl-Anness 8 għal dan ir-Regolament.

2.35.

“Il-varjazzjoni tal-kapaċità tat-tagħbija mal-veloċità” tfisser kapaċità oħra ta' tagħbija għat-tajer meta dan jintuża f'veloċità differenti minn dik murija bis-simbolu tal-veloċità fid-deskrizzjoni normali tas-servizz. Il-varjazzjonijiet awtorizzati qed jidhru fit-tabella fl-Anness 8 għal dan ir-Regolament.

2.36.

“Faċilità ta' produzzjoni ta' tajers b'wiċċ ġdid” tfisser post jew grupp ta' siti lokalizzati fejn ikunu manifatturati tajers b'wiċċ ġdid.

2.37.

“tajers b' wiċċ ġdid” tfisser terminu ġeneriku għar-rikondizzjonar ta' tajers użati billi jinbidlulhom il-wiċċ mikul ta' barra b'wieħed ġdid. Dan jista' jinkludi wkoll it-tiġdid tal-wiċċ l-aktar ta' barra tal-ħitan tal-ġnub. Dan ikopri l-metodi ta' proċess li ġejjin:

2.37.1.

“Il-capping ta' fuq” – il-bdil tal-wiċċ ta' barra;

2.37.2.

“Il-capping mill-ġdid” – il-bdil tal-wiċċ ta' barra fejn il-materjal il-ġdid jibqa' sejjer għal fuq parti mill-ħitan tal-ġenb;

2.37.3.

“Xoffa għal xoffa” – il-bdil tal-wiċċ ta' barra u t-tiġdid tal-wiċċ tal-ġenb, inkluża parti min-naħa t'isfel, jew in-naħa t'isfel kollha, tat-tajer.

2.38.

“Casing” huwa t-tajer użat li jinkludi l-qafas u l-wiċċ ta' barra u l-materjal tal-ħitan tal-ġnub li jkun għad fadal.

2.39.

“Tindif” huwa l-proċess biex jitneħħa l-materjal il-qadim mill-casing biex jitħejja l-wiċċ għall-materjal il-ġdid.

2.40.

“Tiswija” huwa x-xogħol rimedjali li jsir fuq casing bil-ħsara fil-limiti magħrufa.

2.41.

“Il-materjal tat-tiflil tal-wiċċ ta' barra” huwa materjal f'kundizzjoni li tkun tajba biex jitqiegħed minflok il-wiċċ mikul. Dan jista' jkun f'diversi forom, bħal per eżempju:

2.41.1.

“Camel-back” – strixxi ta' materjal maqtugħin minn qabel li jkunu ngħataw is-sura tal-profil sezzjonali meħtieġ u wara jitwaħħlu mingħajr l-użu ta' sħana mal-casing imħejji. Il-materjal il-ġdid għandu jkun vulkanizzat.

2.41.2.

“Mkebbeb bl-istrixxi” – strixxa ta' materjal għat-tiflil tal-wiċċ ta' barra li tingħata s-sura direttament u titkebbeb għal fuq il-casing imħejji u li jinbnew sal-kontorn sezzjonali meħtieġ. Il-materjal il-ġdid irid jiġi vulkanizzat.

2.41.3.

“L-għoti dirett ta' sura” – materjal tat-tiflil tal-wiċċ ta' barra li jitneħħa biex jintlaħaq il-profil sezzjonali meħtieġ u li jingħata sura direttament għal fuq il-casing imħejji. Il-materjal il-ġdid għandu jkun vulkanizzat.

2.41.4.

“Vulkanizzat minn qabel” – wiċċ tat-tiflil ta' barra li ġie ffurmat u vulkanizzat minn qabel li jiġi applikat direttament għall-casing imħejji. Il-materjal il-ġdid għandu jingħaqad mal-casing.

2.42.

“Il-kisja tal-ħajt tal-ġenb” huwa materjal użat biex jgħatti l-ħitan tal-ġenb tal-casing biex b'hekk ikunu jistgħu jsiru l-marki meħtieġa.

2.43.

“Gomma tal-kuxxin” huwa materjal użat bħala saff biex jgħaqqad il-wiċċ mfellel ta' barra l-ġdid u l-casing u biex jissewwew ħsarat żgħar.

2.44.

“Siment” huwa sustanza likwida adeżiva biex iżomm materjali ġodda f'posthom qabel il-proċess ta' vulkanizzar.

2.45.

“Vulkanizzar” huwa terminu użat biex jiddeskrivi l-bdil fil-karatteristiċi fiżiċi tal-materjal il-ġdid li s-soltu jsir bl-applikazzjoni tas-sħana u l-pressjoni għal perjodu stabbilit ta' ħin taħt kundizzjonijiet kontrollati.

3.1.

Eżempju ta' l-arranġament ta' marki fuq tajer b'wiċċ ġdid qed jidher fl-Anness 3 għal dan ir-Regolament.

3.2.

It-tajers b'wiċċ ġdid għandhom juru, fuq iż-żewġ ħitan tal-ġenb fil-każ ta' tajers simetriċi, u mill-anqas fuq il-ħajt tal-ġenb ta' barra fil-każ ta' tajers mhux simetriċi:

3.2.1.

L-isem tad-ditta jew il-marka tal-fabbrika;

3.2.2.

Il-klassifikazzjoni tal-qies tat-tajer kif definit fil-paragrafu 2.21.;

3.2.3.

Indikazzjoni ta' l-istruttura kif ġej:

3.2.3.1.

Fuq tajers djagonali (ħxuna mxaqilba); l-ebda indikazzjoni, jew l-ittra “D” impoġġija fuq quddiem tal-marka fuq id-dijametru tar-rimm;

3.2.3.2.

Fuq tajers bi ħxuna radjali; l-ittra “R” impoġġija fuq quddiem tal-marka tad-dijametru tar-rimm, u, jekk mixtieq, il-kelma “RADIAL”;

3.2.3.3.

Fuq tajers bias belted, l-ittra “B” impoġġija fuq quddiem tal-marka tad-dijametru tar-rimm flimkien mal-kliem “BIAS-BELTED”;

3.2.4.

Id-deskrizzjoni tas-servizz li tinkludi:

3.2.4.1.

Indikazzjoni tal-kapaċità/kapaċitajiet tat-tagħbija nominali tat-tajer fil-forma ta' l-indiċi tat-tagħbija preskritt fil-paragrafu 2.32;

3.2.4.2.

Indikazzjoni tal-kapaċità tal-veloċità nominali tat-tajer fil-forma tas-simbolu preskritt fil-paragrafu 2.33;

3.2.5.

Jekk jgħodd, deskrizzjoni alternattiva tas-servizz waħda, il-Punt uniku, li tinkludi:

3.2.5.1.

Indikazzjoni tal-kapaċità/kapaċitajiet tat-tagħbija tat-tajer fil-forma ta' l-indiċi tat-tagħbija preskritt fil-paragrafu 2.32.;

3.2.5.2.

Indikazzjoni tal-kapaċità tal-veloċità fil-forma tas-simbolu preskritt fil-paragrafu 2.33;

3.2.6.

Il-kelma “TUBELESS” jekk it-tajer huwa magħmul għal użu mingħajr it-tubu ta' ġewwa.

3.2.7.

Il-kelmiet M+S jew MS jew M.S. jew M & S fil-każ ta' tajer tas-silġ.

3.2.8.

Id-data meta l-wiċċ ta' barra tat-tajer tfellel mill-ġdid, kif ġej:

3.2.8.1.

Sal-31 ta' Diċembru 1999; jew kif spjegat fil-paragrafu 3.2.8.2. jew fil-forma ta' grupp ta' tliet figuri, l-ewwel tnejn juru n-numru tal-ġimgħa, waqt li t-tielet is-sena tad-deċennju tal-manifattura. Il-kodiċi tad-data jista' jkopri perjodu ta' produzzjoni li jibda mill-ġimgħa murija bin-numru tal-ġimgħa sa, u li jinkludi, in-numru tal-ġimgħa u tlieta oħra. Per eżempju, il-marka “253” tista' turi tajer b'wiċċ ġdid li sar fil-ġimgħat 25, 26, 27 jew 28 tas-sena 1993.

Il-kodiċi tad-data għandu jkun immarkat fuq wieħed mill-ħitan tal-ġenb biss.

3.2.8.2.

Mill-1 ta' Jannar 2000; fil-forma ta' grupp ta' erba' figuri, l-ewwel tnejn juru l-ġimgħa u t-tieni tnejn juru s-sena li fiha t-tajer kellu l-wiċċ ta' barra mfellel mill-ġdid. Il-kodiċi tad-data jista' jkopri perjodu ta' produzzjoni mill-ġimgħa murija bin-numru tal-ġimgħa sa, u li jinkludi n-numru tal-ġimgħa miżjuda bi tlieta. Per eżempju, il-marka “2503” tista' turi tajer b'wiċċ ġdid li jkun sar fil-ġimgħat 25, 26, 27 jew 28 tas-sena 2003.

Il-kodiċi tad-data għandu jkun immarkat fuq wieħed mill-ħitan tal-ġenb biss.

3.2.9.

3.2.10.

Indikazzjoni, permezz ta' l-indiċi “PSI”, tal-pressjoni tan-nefħa li għandha tkun adottata għat-testijiet tal-kapaċità tat-tagħbija/veloċità, kif spjegat fl-Anness 7, l-Appendiċi 2 għal dan ir-Regolament.

Din l-indikazzjoni għandha titpoġġa fuq wieħed mill-ħitan tal-ġenb biss.

3.2.11.

It-terminu “RETREAD” jew “REMOULD” (wara l-1 ta' Jannar 1999 il-kelma “RETREAD” biss għandha tintuża). Fuq it-talba ta' min jagħmel it-tajers b'wiċċ ġdid, jista' jiżdied l-istess terminu f'lingwi oħra.

3.2.12.

Il-kelmiet “ET” jew “ML” jew “MPT” għal “Tajers ta' użu speċjali” (7)

3.3.

Qabel ma jkunu approvati, it-tajers għandhom juru spazju liberu sostanzjalment kbir, li fih tkun tista' titpoġġa marka ta' l-approvazzjoni kif imsemmi fil-paragrafu 5.8. u kif muri fl-Anness 2 għal dan ir-Regolament.

3.4.

Wara l-approvazzjoni, il-marki msemmija fil-paragrafu 5.8. u murija fl-Anness 2 għal dan ir-Regolament, għandhom jitwaħħlu fl-ispazju liberu msemmi fil-paragrafu 3.3. Din il-marka għandha titwaħħal fuq wieħed mill-ħitan tal-ġenb biss.

3.5.

Il-marki msemmija fil-paragrafu 3.2. u l-marka ta' l-approvazzjoni preskritta fil-paragrafi 3.4. u 5.8 għandhom ikunu jinqraw b'mod ċar u jkunu ffurmati fuq jew fit-tajer jew inkella jkunu mmarkati b'mod permanenti fuq it-tajer.

3.6.

Sakemm kwalunkwe mill-ispeċifikazzjonijiet oriġinali tal-manifattur ikunu għadhom jinqraw wara li jkun sar il-wiċċ ta' barra mfellel mill-ġdid fuq it-tajer, dawn għandhom jibqgħu jitqiesu bħala speċifikazzjonijiet tal-manifattur tat-tajers b'wiċċ ġdid għal dak it-tajer. Jekk dawn l-ispeċifikazzjonijiet oriġinali ma jkunux jgħoddu wara li jkun sar il-wiċċ ta' barra mfellel mill-ġdid tat-tajer, dawn għandhom jitneħħew kompletament.

3.7.

Il-marka ta' l-approvazzjoni oriġinali “E” jew “e” u n-numru ta' l-approvazzjoni u kwalunkwe marka jew numru ta' l-approvazzjoni oħrajn li jkunu saru wara mill-faċilità tal-produzzjoni tat-tajers b'wiċċ ġdid, jekk ma jkunux jgħoddu aktar, għandhom jitneħħew.

4.1.

L-applikazzjoni għall-approvazzjoni ta' faciltà ta' produzzjoni għandha tkun sottomessa mill-possessur ta' l-isem kummerċjali jew il-marka tal-fabbrika li tkun se titwaħħal fuq it-tajer, jew inkella mir-rappreżentant akkreditat kif suppost. Din għanda tispeċifika:

4.1.1.

Deskrizzjoni ġenerali ta' l-istruttura tal-faciltà li tipproduċi t-tajers b'wiċċ ġdid.

4.1.2.

Deskrizzjoni fil-qosor tas-sistema tat-tmexxija tal-kwalità, li tiżgura li l-kontroll effettiv tal-proċeduri tat-tfellil mill-ġdid tal-wiċċ ta' barra tat-tajers jkunu qed jilħqu tabilħaqq il-kriterji ta' dan ir-Regolament.

4.1.3.

L-ismijiet jew il-marki tal-fabbrika li għandhom jitwaħħlu fuq it-tajers b'wiċċ ġdid li jiġu manifatturati.

4.1.4.

It-tagħrif li ġej dwar il-firxa ta' tajers b'wiċċ ġdid:

4.1.4.1.

il-firxa tal-qisien tat-tajers;

4.1.4.2.

l-istruttura tat-tajers (djagonali jew bi ħxuna mxaqilba, bias-belted jew radjali);

4.1.4.3.

il-kategorija ta' l-użu tat-tajers (tajers normali jew tas-silġ eċċ.);

4.1.4.4.

is-sistema tat-tfellil mill-ġdid tal-wiċċ ta' barra tat-tajers u l-metodu ta' l-applikazzjoni tal-materjali l-ġodda li għandhom jintużaw, kif definit fil-paragrafi 2.37 u 2.41;

4.1.4.5.

is-simbolu ta' l-ogħla veloċità tat-tajers b'wiċċ ġdid;

4.1.4.6.

l-indiċi ta' l-ogħla tagħbija tat-tajers b'wiċċ ġdid;

4.1.4.7.

l-Istandard tat-Tajer Internazzjonali magħżul li għalih tkun tgħodd il-firxa tat-tajers.

5.1.

Għal tajers b'wiċċ ġdid, jeħtieġ li l-faciltà tal-produzzjoni ta' dawn it-tajers tikseb l-approvazzjoni meħtieġa mill-awtoritajiet li japprovaw skond il-kriterji ta' dan ir-Regolament. L-awtorità li tapprova għandha tieħu l-miżuri meħtieġa, kif deskritt f'dan ir-Regolament, biex tiżgura li t-tajers b'wiċċ ġdid fil-faciltà tal-produzzjoni rispettiva tabilħaqq tilħaq il-kriterji msemmija f'dan ir-Regolament. Il-faciltà tal-produzzjoni tat-tajers b'wiċċ ġdid għandha tkun responsabbli kompletament biex tiżgura li dawn it-tajers ikunu jilħqu tabilħaqq il-kriterji ta' dan ir-Regolament u li dawn ikollhom turija xierqa meta jintużaw b'mod normali.

5.2.

Barra mill-kriterji normali għall-valutazzjoni tal-bidu ta' din il-faciltà tal-produzzjoni, l-awtorità li tapprova għandha tkun sodisfatta li d-dokumentazzjoni tal-proċeduri, l-operat, l-istruzzjonijiet u ta' l-ispeċifikazzjonijiet pprovduti mill-fornituri tal-materjal ikunu f'lingwa li tkun tista' tiftiehem mill-ewwel mill-operaturi tal-faciltà tal-produzzjoni tat-tajers b'wiċċ ġdid.

5.3.

L-awtorità li tapprova għandha tiżgura li d-dokumenti tal-proċedura u l-operat għal kull taqsima ta' produzzjoni jkun fihom speċifikazzjonijiet li jkunu xierqa għal materjali tat-tiswija u l-proċessi li jintużaw, dwar il-limiti ta' ħsara li tista' tissewwa jew il-penetrazzjonijiet li jistgħu jsiru fil-qafas tat-tajer, dwar jekk din il-ħsara tkunx teżisti jew tkunx ikkawżata matul il-proċessi ta' tħejjija għat-tfellil mill-ġdid tal-wiċċ ta' barra tat-tajer.

5.4.

Qabel ma tagħti l-approvazzjoni tagħha, l-awtorità għandha tkun sodisfatta li t-tajers b'wiċċ ġdid ikunu konformi ma' dan ir-Regolament u li t-testijiet meħtieġa skond il-paragrafi 6.5 u 6.6 ikunu saru b'suċċess fuq mill-anqas 5 u mhux neċessarjament aktar minn 20 kampjun ta' tajers b'wiċċ ġdid li jkunu jirrappreżentaw il-firxa ta' tajers manifatturati fil-faciltà tal-produzzjoni ta' dawn it-tajers.

5.5.

Fil-każ li jkun hemm żewġ riżultati negattivi matul il-provi, għandhom ikunu ttestjati żewġ kampjuni oħra ta' l-istess speċifikazzjoni ta' tajer.

Jekk wieħed minn dawn il-kampjuni jew inkella t-tnejn ifallu, għandhom ikunu sottomessi għall-aħħar darba u jiġu ttestjati żewġ kampjuni oħra.

Jekk wieħed minn dawn il-kampjuni jew it-tnejn ifallu, l-applikazzjoni għall-approvazzjoni tat-taqsima tal-produzzjoni ta' tajers b'wiċċ ġdid għandha tiġi miċħuda.

5.6.

Jekk il-kriterji kollha ta' dan ir-Regolament ikunu ntlaħqu, l-approvazzjoni għandha tingħata u għandu jingħata numru ta' l-approvazzjoni għal kull faciltà ta' produzzjoni ta' dawn it-tajers li tkun ġiet approvata. L-ewwel żewġ figuri ta' dan in-numru għandhom juru s-serje ta' l-emendi li jinkorporaw l-aktar emendi tekniċi kbar u riċenti għar-Regolament meta tkun ħarġet l-approvazzjoni. In-numru ta' l-approvazzjoni għandu jkun ippreċedut bis-simbolu “109R”, li jfisser li l-approvazzjoni tgħodd għal tajer b'wiċċ ġdid kif preskritt f'dan ir-Regolament.

L-istess awtorità ma tistax tassenja l-istess numru lil taqsima ta' produzzjoni oħra li tkun koperta b'dan ir-Regolament.

5.7.

L-avviż ta' l-approvazzjoni jew ta' l-estensjoni, ir-rifjut jew it-tneħħija ta' l-approvazzjoni jew tal-produzzjoni li ma tkunx baqgħet issir skond dan ir-Regolament għandu jkun komunikat lill-Partijiet tal-Ftehim ta' l-1958 li japplika dan ir-Regolament, permezz ta' formola li tkun konformi mal-mudell li jidher fl-Anness 1 għal dan ir-Regolament.

5.8.

Fuq kull tajer li jkun konformi ma' dan ir-Regolament, fl-ispazju msemmi fil-paragrafu 3.3, u f'żieda mal-marki preskritti fil-paragrafu 3.2, għandha titwaħħal b'mod li jidher sew marka internazzjonali ta' l-approvazzjoni li tkun tikkonsisti minn:

5.8.1.

Ċirku li jdur ma' l-ittra “E” segwit bin-numru distintiv tal-pajjiż li jkun ħareġ l-approvazzjoni (8); u

5.8.2.

Numru ta' l-approvazzjoni kif deskritt fil-paragrafu 5.6.

5.9.

L-Anness 2 għal dan ir-Regolament juri eżempju ta' l-arranġamenti tal-marka ta' l-approvazzjoni.

6.1.

It-tajers m'għandhomx ikunu aċċettati għall-ewwel tfellil mill-ġdid tal-wiċċ ta' barra sakemm dawn ma jkunux tat-tip approvat u jkollhom il-marka “E” jew “e”, iżda dan il-kriterju m'għandux ikun obbligatorju sa mhux aktar tard mill-1 ta' Jannar 2000.

6.2.

Il-kundizzjonijiet qabel it-tfellil mill-ġdid tal-wiċċ ta' barra tat-tajers:

6.2.1.

It-tajers għandhom ikunu nodfa u nexfin qabel l-ispezzjoni.

6.2.2.

Qabel it-tindif, kull tajer għandu jkun eżaminat sew kemm minn ġewwa u kemm minn barra biex ikun żgurat li l-wiċċ ta' barra tat-tajer ikun jista' jitfellel mill-ġdid.

6.2.3.

It-tajers li jkollhom ħsara li tidher u li tkun ġejja minħabba tagħbija żejda jew nuqqas ta' nefħa m'għandux jerġa' jitfellel mill-ġdid.

6.2.4.

It-tajers li juru kull wieħed minn dawn it-tipi ta' ħsarat m'għandhomx ikunu aċċettati biex il-wiċċ ta' tagħhom jerġa' jitfellel mill-ġdid:

6.2.4.1.

Ġenerali:

6.2.4.2.

Kundizzjonijiet barra l-limiti speċifikati ta' grad ta' tiswija – ara l-paragrafu 5.3:

6.3.

Preparazzjoni:

6.3.1.

Wara t-tindif, u qabel l-applikazzjoni tal-materjal il-ġdid, kull tajer għandu jkun eżaminat mill-ġdid, almenu minn barra, biex ikun żgurat li dan ikun għadu tajjeb biex il-wiċċ ta' barra tiegħu jitfellel mill-ġdid.

6.3.2.

Il-wiċċ kollu li fuqu jkun applikat il-materjal il-ġdid għandu jkun tħejja mingħajr ebda sħana żejda. Il-fibra tal-wiċċ imnaddaf m'għandhiex ikollha laċerazzjonijiet fondi ta' tindif jew materjal maħlul.

6.3.3.

Fejn ikollu jintuża materjal vulkanizzat minn qabel, il-kontorn tal-parti ppreparata għandu jilħaq il-kriterji tal-manifattur tal-materjal.

6.3.4.

Ħsara li tkun ikkawżata matul it-tindif m'għandhiex tkun aktar mil-limiti definiti ta' tiswija, ara l-paragrafu 5.3, u din għandha tissewwa.

6.3.5.

Il-ħsara tat-tindif fuq tajers bi ħxuna djagonali m'għandhiex tkun aktar mill-aktar ħxuna ta' barra tal-qafas fil-parti ewlenija. Wieħed għandu jassumi li l-ewwel ħxuna li jiltaqa' magħha tkun dik tal-qafas, sakemm ma jkunx jista' jiġi identifikat interruttur b'mod pożittiv. Jekk jitwaħħal interruttur, ħsara li tkun lokalizzata tkun awtorizzata.

6.3.6.

Ħsara ta' tindif lokalizzat fuq iċ-ċinturin ta' tajers radjali hija awtorizzata. Għal ħsara akbar, wieħed ikun jista' jibdel iċ-ċinturin kollu jew it-taqsimiet taċ-ċinturin. Fejn jitwaħħal interruttur protettiv, u jkun jista' jiġi identifikat b'mod pożittiv bħala tali, u jekk dan ikun bil-ħsara, wieħed ikun jista' jibdlu u mhux bilfors iġeddu.

6.3.7.

Partijiet ta' l-azzar li jkunu esposti għandhom jiġu ttrattati kemm jista' jkun malajr bil-materjal xieraq, kif definit mill-manifattur ta' dak il-materjal apposta.

6.4.

Tfellil mill-ġdid tal-wiċċ ta' barra tat-tajers:

6.4.1.

Min jagħmel it-tfellil mill-ġdid tal-wiċċ ta' barra tat-tajers għandu jiżgura li jew il-manifattur jew il-fornitur tal-materjali tat-tiswija, inklużi l-irqajja, ikun responsabbli għal dan li ġej:

6.4.2.

Min ifellel mill-ġdid il-wiċċ ta' barra tat-tajers għandu jkun responsabbli għall-applikazzjoni tajba tal-materjal tat-tiswija u biex jiżgura li t-tiswija tkun ħielsa min kull difett li jista' jaffettwa l-ħajja sodisfaċenti tas-servizz tat-tajer.

6.4.3.

Il-parti li ddawwar tiswija rinfurzata fuq ħajt ta' ġenb jew fuq il-ġenb ta' ħxuna radjali tista' tintnefaħ ftit meta t-tajer jitwaħħal u jintnefaħ skond il-pressjoni rakkomandata ta' l-operat. Għandhom jintużaw materjali ta' tiswija rinfurzata b'karatteristiċi fiżiċi li jdejqu l-għoli tan-nefħa sa mhux aktar minn 4 mm.

6.4.4.

Min ifellel mill-ġdid il-wiċċ ta' barra tat-tajers għandu jiżgura li jew il-manifattur jew il-fornitur tal-materjal tat-tfellil mill-ġdid tal-wiċċ ta' barra u tal-ħitan tal-ġenb tat-tajers joħroġ speċifikazzjonijiet dwar il-kundizzjonijiet tal-ħażna u l-użu biex jiggarantixxi l-kwalitajiet tal-materjal. Jekk ikun mitlub minn min jagħmel it-tfellil mill-ġdid tal-wiċċ ta' barra tat-tajers, dan it-tagħrif għandu jkun fil-lingwa nazzjonali tal-pajjiż li fih il-materjal ikun se jintuża.

6.4.5.

Min ifellel mill-ġdid il-wiċċ ta' barra tat-tajers għandu jiżgura li l-materjal u/jew il-kompost tat-tiswija jkunu dokumentati f'ċertifikat li joħroġ mill-manifattur jew il-fornitur. Il-kompost tal-materjal għandu jkun adatt għall-użu maħsub tat-tajers.

6.4.6.

It-tajer ipproċessat għandu jkun vulkanizzat kemm jista' jkun malajr wara t-tkomplija tat-tiswijiet kollha u l-operat tal-bini mill-ġdid, u l-aktar skond l-ispeċifikazzjonijiet tal-manifattur tal-materjal.

6.4.7.

It-tajer għandu jkun vulkanizzat għat-tul ta' ħin u skond it-temperatura u l-pressjoni li jkunu xierqa u speċifiċi għall-materjali u t-tagħmir ta' l-ipproċessar li jkunu użati. Il-qisien tal-forma għandhom ikunu tajbin għall-ħxuna tal-materjal il-ġdid u l-qies tat-tajer imnaddaf.

6.4.8.

Il-ħxuna tal-materjal oriġinali wara t-tindif u l-ħxuna medja ta' kwalunkwe materjal ġdid taħt id-disinn tal-wiċċ ta' barra mfellel wara li dan ikun tfellel mill-ġdid, għandu jkun skond kif mogħti fil-paragrafi 6.4.8.1 u 6.4.8.2.

6.4.8.1.

Għal tajers bi ħxuna radjali (mm):

3 ≤ (A+B) ≤ 13 (minimu 3,0 mm; massimu 13,0 mm)

A ≥ 2 (minimu 2,0 mm)

B ≥ 0 (minimu 0,0 mm)

6.4.8.2.

Għal tajers djagonali (ħxuna mxaqilba):

Il-ħxuna tal-materjal oriġinali fuq l-interruttur għandha tkun ≥ 0,80 mm;

Il-ħxuna medja tal-materjal il-ġdid fuq il-linja tal-casing imnaddfa għandha tkun ≥ 2,00 mm;

Magħduda flimkien, il-ħxuna tal-materjal oriġinali u ġdid taħt il-bażi ta' l-iskanalaturi tad-disinn tal-wiċċ ta' barra mfellel tat-tajer għandha tkun ≥ 3,00 mm u ≤ 13,00 mm.

6.4.9.

Id-deskrizzjoni tas-servizz ta' tajer b'wiċċ ġdid m'għandhiex turi la simbolu ta' veloċità ogħla u lanqas indiċi ta' tagħbija ogħla minn dak tat-tajer oriġinali, fl-ewwel ħajja tiegħu. Dan sakemm ma tkunx ingħatat approvazzjoni lill-manifattur tat-tajer oriġinali, fl-ewwel ħajja tiegħu, biex dak l-istess qafas jkun jista' jintuża skond id-deskrizzjoni riveduta tas-servizz.

It-tagħrif dwar qafas oriġinali, fl-ewwel ħajja tiegħu, li jkun ġie aġġornat b'dan il-mod, għandu jkun disponibbli b'xejn minn awtorità li tapprova lil kwalunkwe faciltà ta' produzzjoni ta' tfellil mill-ġdid tal-wiċċ ta' barra tat-tajres, u dan għandu jiġi komunikat lill-partijiet l-oħra tal-Ftehim ta' l-1958 (ara l-Artikolu 5 tal-Ftehim Dwar l-Adozzjoni ta' Preskrizzjonijiet Tekniċi Uniformi għall-Vetturi bir-Roti, Tagħmir u Partijiet li jistgħu Jitwaħħlu u/jew Jintużaw fuq Vetturi bir-Roti u l-Kundizzjonijiet għall-Għarfien Reċiproku ta' l-Approvazzjonijiet Mogħtija fuq il-bażi ta' dawn il-Preskrizzjonijiet – dokument E/ECE/324 - E/ECE/TRANS/505/Rev. 2).

Il-formola standard murija fl-Anness 1 għar-Regolament Nru. 54 għandha tintuża biex dan it-tagħrif ikun komunikat.

6.4.10.

L-aġġornar tad-deskrizzjoni tas-servizz kif mogħti fil-paragrafu 6.4.9. għandu jkun awtorizzat biss għall-ewwel tfellil tal-wiċċ ta' barra ta' tajer oriġinali, fl-ewwel ħajja tiegħu.

Tajers li kellhom diġà il-wiċċ ta' barra tagħhom imfellel mill-ġdid m'għandhomx ikollhom la s-simbolu tal-veloċità u lanqas l-indiċi tat-tagħbija ogħla minn dak muri fuq il-casing użat.

6.5.

Spezzjoni:

6.5.1.

Wara li jkun ġie vulkanizzat, waqt li jinżamm grad ta' sħana fih, kull tajer b'wiċċ ġdid għandu jiġi eżaminat biex ikun żgurat li dan ikun ħieles minn kwalunkwe difettt li jkun jidher. Waqt jew wara t-tfellil mill-ġdid tal-wiċċ ta' barra, it-tajer għandu jintnefaħ għal mill-anqas 1,5 linja għall-eżami. Fejn ikun hemm difett li jidher fil-profil tat-tajer (eż. brix, depressjoni, eċċ.), it-tajer għandu jiġi eżaminat speċifikament biex tkun stabbilita l-kawża ta' dan id-difett.

6.5.2.

Qabel, waqt jew wara t-tfellil mill-ġdid tal-wiċċ ta' barra, it-tajer għandu jkun verifikat mill-inqas darba għall-integrità ta' l-istruttura tiegħu permezz ta' metodu ta' spezzjoni.

6.5.3.

Għall-għanijiet tal-kontroll tal-kwalità, numru ta' tajers bil-wiċċ ta' barra tagħhom imfellel mill-ġdid għandhom ikunu sottomessi għal provi jew eżami distruttivi jew non-distruttivi. Il-kwantità ta' tajers verifikati u r-riżultati għandhom jiġu reġistrati.

6.5.4.

Wara t-tfellil mill-ġdid tal-wiċċ ta' barra, il-qisien tat-tajer b'wiċċ ġdid, meta dan ikun tkejjel skond l-Anness 6 għal dan ir-Regolament, għandhom ikunu skond jew il-qisien ikkalkulati skond il-proċeduri tal-paragrafu 7 jew għal dawk mogħtija fl-Anness 5 għal dan ir-Regolament.

Wieħed għandu jinnota li d-dijametru massimu ta' barra ta' tajer b'wiċċ ġdid jista' jkun sa 1,5 % akbar mid-dijametru massimu ta' barra ta' tajer ġdid u oriġinali awtorizzat bir-Regolament Nru. 54.

6.6.

It-test tat-turija:

6.6.1.

Tajers, li l-wiċċ tagħhom ikun tfellel mill-ġdid biex ikunu konformi ma' dan ir-Regolament, għandhom ikunu kapaċi jgħaddu mit-test tat-tagħbija/veloċità kif speċifikat fl-Anness 7 għal dan ir-Regolament.

6.6.2.

Tajer b'wiċċ ġdid, li wara li jkun ġie sottomess għat-test tat-tagħbija/veloċità ma jurix kwalunkwe separazzjoni fil-wiċċ ta' barra jew fil-ħxuna jew fil-kurdun, tkissir fi bċejjeċ jew inkella xi kurduni miksura, għandu jitqies li jkun għadda mit-test.

6.6.3.

Id-dijametru ta' barra tat-tajer, imkejjel sitt sigħat wara li jkun sar fuqu t-test tat-tagħbija/veloċità, m'għandux ivarja b'aktar minn ± 3,5 % mid-dijametru ta' barra meta dan ikun tkejjel qabel it-test.

7.1.

It-tajers, li l-wiċċ ta' barra tagħhom ikunu tfellel mill-ġdid biex ikunu konformi ma' dan ir-Regolament, għandhom ikunu skond il-qisien li ġejjin:

7.1.1.

Il-wisa' tas-sezzjoni:

7.1.1.1.

Il-wisa' tas-sezzjoni għandha tkun ikkalkulata bil-formula li ġejja:

S = S1 + K (A – A1)

fejn:

7.1.2.

Id-dijametru ta' barra:

7.1.2.1.

Id-dijametru teoretiku ta' barra ta' tajer b'wiċċ ġdid għandu jkun ikkalkulat bil-formula li ġejja:

D = d + 2H

fejn:

fejn:

Is-simboli kollha t'hawn fuq huma skond kif ikkwotati fil-klassifikazzjoni tal-qies tat-tajer, kif muri fuq il-ħajt tal-ġenb tat-tajer, skond il-kriterji tal-paragrafu 3.2.2 u definit fil-paragrafu 2.21.

7.1.2.2.

Madankollu, għal tajers li il-klassifikazzjoni tidher fl-ewwel kolonna tat-tabelli li hemm fl-Anness 5 għar-Regolament ECE Nru. 54, id-dijametru ta' barra għandu jkun dak mogħti f'dawk it-tabelli.

7.1.3.

Il-metodu ta' kif jitkejlu tajers b'wiċċ ġdid:

7.1.3.1.

Il-qisien ta' tajers b'wiċċ ġdid għandhom jitkejlu skond il-proċeduri mogħtija fl-Anness 6 għal dan ir-Regolament.

7.1.4.

L-ispeċifikazzjonijiet tal-wisa' tas-sezzjoni:

7.1.4.1.

Il-wisa' ġenerali attwali tista' tkun anqas mill-wisa' jew il-wisgħat tas-sezzjoni stabbiliti fil-paragrafu 7.1.

7.1.4.2.

Il-wisa' ġenerali attwali tista' wkoll tkun aktar mill-valur jew il-valuri stabbiliti fil-paragrafu 7.1 b':

Madankollu, għal tajers b'sezzjoni li tkun aktar minn 305 mm, u maħsuba biex jitwaħħlu f'formazzjoni doppja, il-valur jew il-valuri nominali m'għandhomx ikunu aktar minn:

7.1.5.

L-ispeċifikazzjonijiet tad-dijamentru ta' barra:

7.1.5.1.

Id-dijametru attwali ta' barra ta' tajer b'wiċċ ġdid m'għandux ikun barra l-valuri ta' Dmin u Dmass miksuba bil-formuli li ġejjin:

Dmin = d + (2H x a)

Dmass = 1,015 x [d + (2H x b)]

fejn:

7.1.5.1.1.

Għal qisien mhux mogħtija fit-tabelli fl-Anness 5 għal dan ir-Regolament, “H” u “d” huma kif definit fil-paragrafu 7.1.2.1.

7.1.5.1.2.

Għall-qisien imsemmija fil-paragrafu 7.1.2.2 fuq:

H = 0,5 (D – d)

fejn “D” huwa d-dijametru ta' barra u “d” id-dijametru nominali tar-rimm kwotat fit-tabelli msemmija fuq għall-qies in kwistjoni.

7.1.5.1.3.

Il-ko-effiċjent “a” = 0,97

7.1.5.1.4.

Il-ko-effiċjent “b” huwa:

7.1.5.2.

Għal tajers tas-silġ, id-dijametru massimu ta' barra (Dmass), ikkalkulat fil-paragrafu 7.1.5.1, jista' jiżdied sa mhux aktar minn 1 %.

8.1.

Kull modifika dwar faciltà ta' produzzjoni ta' tajers b'wiċċ ġdid, li temenda kwalunkwe tagħrif mogħti mill-faciltà tal-produzzjoni ta' dawn it-tajers fl-Applikazzjoni għall-Approvazzjoni, ara l-paragrafu 4, għandha tkun notifikata lill-awtorità li tapprova li tkun approvat dik it-taqsima ta' produzzjoni. Dik l-awtorità, imbagħad, tista' jew:

8.1.1.

Tikkunsidra li l-modifikazzjonijiet li jkunu saru x'aktarx ma jkollhomx effett sostanzjalment ħażin u li fi kwalunkwe każ il-faciltà tal-produzzjoni ta' dawn it-tajers għandha tilħaq il-kriterji; jew

8.1.2.

Titlob biex isir aktar stħarriġ ta' l-approvazzjoni.

8.2.

Il-konferma jew ir-rifjut ta' approvazzjoni, li tkun tispeċifika l-modifikazzjonijiet, għandha tkun mgħarrfa lill-Partijiet tal-Ftehim li japplikaw dan ir-Regolament skond il-proċedura speċifikata fil-paragrafu 5.7.

9.1.

Il-faciltà tal-produzzjoni ta' tajers b'wiċċ ġdid, approvata skond dan ir-Regolament, għandha tkun konformi mal-kriterji stabbiliti fil-paragrafu 6.

9.2.

Id-detentur ta' l-approvazzjoni għandu jiżgura li, matul kull sena ta' produzzjoni, u b'firxa matul is-sena kollha, mill-inqas in-numru ta' tajers li ġejjin, li jkunu rappreżentattivi tal-firxa li tkun qed tiġi manifatturata, ikunu verifikati u ttestjati kif preskritt f'dan ir-Regolament:

9.2.1.

0,01 % tal-produzzjoni annwali sħiħa, iżda fi kwalunkwe każ mhux inqas minn 2 u mhux aktar minn 10.

9.3.

Jekk il-kriterji tal-paragrafu 9.2 jitwettqu minn jew taħt il-kontroll ta' l-awtorità li tapprova, ir-riżultati jistgħu jintużaw bħala parti minn, jew minflok, dawk preskritti fil-paragrafu 9.4.

9.4.

L-awtorità li tkun approvat il-faciltà tal-produzzjoni tat-tfellil mill-ġdid tal-wiċċ ta' barra tat-tajers tista', f'kull żmien, tivverifika l-metodi tal-kontroll tal-konformità applikati f'kull faċilità tal-produzzjoni. Għal kull faċilità tal-produzzjoni, l-awtorità li tapprova t-tip għandha tiġbor kampjuni bl-addoċċ matul kull sena ta' produzzjoni, u mill-inqas in-numru ta' tajers li ġejjin, li jkunu rappreżentattivi tal-firxa li tkun qed tiġi manifatturata, għandhom jiġu verifikati u ttestjati kif preskritt f'dan ir-Regolament:

9.4.1.

0,01 % tal-produzzjoni annwali sħiħa, iżda f'kull każ mhux inqas minn 2 u mhux aktar minn 10.

9.5.

It-testijiet u l-verifiki tal-paragrafu 9.4 jistgħu jieħdu post dawk meħtieġa fil-paragrafu 9.2.

10.1.

L-approvazzjoni mogħtija lil faċilità ta' produzzjoni ta' tfellil mill-ġdid tal-wiċċ ta' barra tat-tajers skond dan ir-Regolament, tista' titneħħa jekk il-kriterji tal-paragrafu 9 ma jiġux osservati jew jekk din il-faċilità tal-produzzjoni jew it-tajers b'wiċċ ġdid manifatturati minnha jkunu naqsu milli jilħqu l-kriterji preskritti fil-paragrafu 9.

10.2.

Jekk Parti għall-Ftehim li tapplika dan ir-Regolament tirtira approvazzjoni li tkun tat diġà, din għandha tavża minnufih lill-Partijiet Kontraenti l-oħra għall-Ftehim ta' l-1958 li jkunu qed japplikaw dan ir-Regolament. Dan għandha tagħmlu permezz ta' formola ta' komunikazzjoni li tkun konformi għall-mudell muri fl-Anness 1 għal dan ir-Regolament.

12.1.

Il-Partijiet għall-Ftehim ta' l-1958 li japplikaw dan ir-Regolament għandhom jgħaddu lis-Segretarjat tan-Nazzjonijiet Uniti l-ismijiet u l-indirizzi tas-servizzi tekniċi li huma responsabbli li jwettqu testijiet ta' l-approvazzjoni u, fejn ikun jgħodd, tal-laboratorji approvati li fihom isiru t-testijiet, kif ukoll ta' dipartimenti amministrattivi li jagħtu l-approvazzjoni u li lilhom għandhom jintbagħtu l-formoli li jiċċertifikaw l-approvazzjoni jew ir-rifjut jew l-irtirar ta' approvazzjoni tal-produzzjoni li żgur tkun twaqqfet, liema approvazzjonijiet ikunu ħarġu f'pajjiżi oħra.

12.2.

Il-Partijiet għall-Ftehim ta' l-1958 li japplikaw dan ir-Regolament, jistgħu jużaw laboratorji ta' manifatturi ta' tajers jew ta' faciltàjiet ta' produzzjoni ta' tajers b'wiċċ ġdid u jistgħu jagħżlu, bħala laboratorji approvati tat-test, dawk li jinstabu jew fit-territorju ta' dik il-Parti jew fit-territorju ta' Parti oħra għall-Ftehim ta' l-1958. Dan ikun jiddependi minn jekk id-dipartiment amministrattiv kompetenti ta' dan ta' l-aħħar ikunx aċċetta b'mod preliminari din il-proċedura.

12.3.

Fejn Parti għall-Ftehim ta' l-1958 tapplika l-paragrafu 12.2, din tista', jekk tkun tixtieq, tkun rappreżentata waqt it-testijiet.

(a)

Il-klassifikazzjoni tal-qies, li tinkludi l-wisa' nominali tas-sezzjoni, il-proporzjon ta' l-aspett nominali, is-simbolu tat-tip ta' l-istruttura (fejn ikun jgħodd) u d-dijametru nominali tar-rimm, għandhom ikunu fi grupp kif muri fl-eżempju ta' fuq, jiġifieri: 295/80 R 22,5;

(b)

Id-deskrizzjoni tas-servizz, li tinkludi l-indiċi tat-tagħbija u s-simbolu tal-veloċità, għandhom jitpoġġew flimkien ħdejn il-klassifikazzjoni tal-qies. Din tista' tiġi qabel il-klassifikazzjoni tal-qies jew wara din, jew inkella titpoġġa fuqha jew taħtha;

(ċ) Is-simbolu “TUBELESS” u “M+S” jistgħu jkunu xi ftit 'il bogħod mis-simbolu ta' il-klassifikazzjoni tal-qies.

(d)

Il-kelma “RETREAD” tista' tkun ftit 'il bogħod mis-simbolu tal-klassifikazzjoni tal-qies.

(e)

Jekk il-paragrafu 3.2.5 ta' dan ir-Regolament ikun applikat, id-deskrizzjoni addizzjonali tas-servizz (il-Punt Uniku), li tinkludi l-indiċi tat-tagħbija u s-simbolu tal-veloċità, għandha tintwera ġewwa ċirku ħdejn id-deskrizzjoni nominali tas-servizz li tkun tidher fuq il-ħajt tal-ġenb tat-tajer.

1.

It-tajer għandu jitwaħħal fuq ir-rimm tat-test speċifikat minn dak li jfellel il-wiċċ ta’ barra tat-tajers mill-ġdid u jintnefaħ skond il-pressjoni nominali tan-nefħa kkwotata fl-Istandard tat-Tajers Internazzjonali msemmi (ara l-paragrafu 4.1.4.7 ta’ dan ir-Regolament), f’relazzjoni mal-kapaċità massima tal-ġarr tat-tagħbija għal dak il-qies u l-indiċi tat-tagħbija.

2.

It-tajer, imwaħħal fuq ir-rimm apposta, għandu jkun kundizzjonat għat-temperatura ta’ l-ambjent tal-laboratorju għal mill-inqas 24 siegħa, ħlief fejn meħtieġ mod ieħor mill-paragrafu 6.6.3 ta’ dan ir-Regolament.

3.

Il-pressjoni għandha tkun aġġustata mill-ġdid għall-valur li hemm fil-paragrafu 1 ta’ dan l-Anness.

4.

Il-wisa’ ġenerali għandha titkejjel f’sitt punti spajzati b’mod ugwali madwar it-tajer, waqt li titqies il-ħxuna ta’ kwalunkwe strixxi protettivi. L-ogħla qari miksub għandu jitqies bħala l-wisa’ ġenerali.

5.

Id-dijametru ta’ barra għandu jkun ikkalkulat mill-kejl taċ-ċirkonferenza massima tat-tajer minfuħ.

1.

It-tħejjija tat-tajer

1.1.

Arma tajer b’wiċċ ġdid fuq ir-rimm tat-test speċifikat minn min ifellel il-wiċċ ta’ barra tat-tajers mill-ġdid.

1.2.

Uża tubu ta’ ġewwa ġdid jew kumbinazzjoni ta’ tubu ta’ ġewwa, valv u perpura (skond kif meħtieġ) meta jkunu ttestjati tajers bit-tubu ta’ ġewwa.

1.3.

Onfoħ it-tajer għall-pressjoni li tikkorrispondi għall-indiċi tal-pressjoni kif speċifikat fil-paragrafu 3.2.10 ta’ dan ir-Regolament.

1.4.

Ikkundizzjona t-tajer u l-assemblaġġ tar-rota fit-temperatura ta’ l-ambjent għal mhux inqas minn 3 sigħat.

1.5.

Aġġusta mill-ġdid il-pressjoni tat-tajer għal dik speċifikata fil-paragrafu 1.3 ta’ dan l-Anness.

2.

Il-Proċedura tat-Test

2.1.

Arma t-tajer u l-assemblaġġ tar-rota fuq il-fus tat-test u ppressah kontra l-wiċċ lixx ta’ barra ta’ ċilindru ta’ test li jaħdem bil-qawwa, b’dijametru ta’ 1.70 m ± 1 %, u li jkollu mill-inqas wiċċ wiesa’ daqs il-wiċċ ta’ barra mfellel tat-tajer. F’ċerti każijiet jista’ jintuża ċilindru li jkollu dijametru ta’ 2.00 m ± 1 %.

2.2.

Applika għal fuq il-fus tat-test sensiela ta’ tagħbijiet tat-test ugwali għal persentaġġ tat-tagħbija murija fl-Anness 4 għal dan ir-Regolament, li tikkorrispondi għall-indiċi tat-tagħbija murija fuq it-tajer, u skond il-programm tat-test hawn taħt. Fejn it-tajer ikollu indiċi ta’ kapaċitajiet ta’ tagħbija biex jintuża kemm f’formazzjoni waħidha jew doppja, it-tagħbija li tikkorrispondi għall-indiċi tat-tagħbija f’operat waħdu għandha tintuża għat-test.

2.2.1.

Fil-każ ta’ tajer li jkollu indiċi ta’ tagħbija ≤ 121 u simbolu ta’ veloċità ≥ Q (160 km/s), il-proċedura tat-test għandha tkun bħal dik speċifikata fil-paragrafu 3 ta’ dan l-Anness.

2.2.2.

Għat-tajers l-oħra kollha, il-proċedura tat-test hija kif muri fl-Appendiċi 1 għal dan l-Anness.

2.3.

Il-Programm tat-Test tal-Kapaċità – Ara wkoll l-Appendiċi 1 għal dan l-Anness.

2.3.1.

Il-pressjoni tat-tajer m’għandhiex tkun ikkoreġurta waqt it-test u t-tagħbija tat-test għandha tinżamm l-istess f’kull wieħed mit-tliet taqsimiet tat-test.

2.3.2.

Matul it-test it-temperatura tal-kamra fejn isir it-test għandha tinżamm bejn 20 oC u 30 oC, sakemm il-manifattur tat-tajer jew min infellel mill-ġdid il-wiċċ ta’ barra tat-tajers ma jaqbilx li juża temperatura ogħla.

2.4.

Il-programm tat-test tal-kapaċità għandu jsir mingħajr interruzzjoni.

3.

Il-proċedura tat-test tat-Tagħbija/Veloċità għal tajers b’indiċi ta’ tagħbija ≤ 121 u simbolu tal-veloċità ≥ Q (160 km/s):

3.1.

It-tagħbija fuq ir-rota u t-tajer għandhom ikunu tal-persentaġġ li ġej ta’ dak li jikkorrispondi għall-indiċi tat-tagħbija tat-tajer:

3.1.1.

90 % meta dan ikun ittestjat fuq ċilindru b’dijametru ta’ 1,70 m ± 1 %;

3.1.2.

92 % meta dan ikun ittestjat fuq ċilindru b’dijametru ta’ 2.00 m ± 1 %.

3.2.

Il-veloċità tal-fażi tal-bidu tat-test għandha tkun 20 km/s inqas minn dik murija bis-simbolu tal-veloċità għat-tajer.

3.2.1.

Il-ħin meħud biex tintlaħaq il-veloċità inizjali tat-test għandu jkunu ta’ 10 min.

3.2.2.

Il-ħin ta’ l-ewwel fażi għandu jkun ta’ 10 min.

3.3.

Il-veloċità tat-tieni fażi tat-test għandha tkun ta’ 10 km/s inqas minn dik murija bis-simbolu tal-veloċità għat-tajer.

3.3.1.

Il-ħin tat-tieni fażi għandu jkun ta’ 10 min.

3.4.

Il-veloċità tal-fażi ta’ l-aħħar tat-test għandha tkun il-veloċità li tikkorrispondi għal dik murija bis-simbolu tal-veloċità għat-tajer.

3.4.1.

Il-ħin tal-fażi finali għandha tkun ta’ 30 min.

3.5.

Il-ħin tat-test kollu għandu jkun ta’ siegħa.

4.

Metodu ekwivalenti tat-test:

Jekk jintuża metodu ta’ test għajr dak deskritt fil-paragrafi 2 jew 3 ta’ dan l-Anness, għandha tintwera l-ekwivalenza tiegħu.

1.

2.

3.

4.

5.

6.

7.

8.

9.

10.

11.

12.

Anness 1 –

Anness 2 –

Anness 3 –

Anness 4 –

Anness 5 –

Anness 6 –

Anness 7 –

Annex 8 –

1.1.

Tajers b’wiċċ ġdid għal karrozzi kummerċjali u l-karrijiet tagħhom.

1.2.

Tajers b’wiċċ ġdid b’kapaċità ta’ veloċità taħt il-120 km/s jew ‘il fuq minn 300 km/s.

1.3.

Tajers għar-roti u l-muturi.

1.4.

Tajers li oriġinarjament kienu prodotti mingħajr simboli tal-veloċità u indiċijiet tat-tagħbija.

1.5.

Tajers li oriġinarjament kienu prodotti mingħajr l-approvazzjoni tat-tip u mingħajr il-marka “E” jew “e”.

1.6.

Tajers iddisinjati għat-tagħmir tal-karrozzi manifatturati qabel l-1939.

1.7.

Tajers iddisinjati esklussivament għall-kompetizzjonijiet jew għall-użu off road u li jkunu mmarkati hekk.

1.8.

Tajers żejda ta’ użu temporanju tat-“tip T”.

2.1.

“Firxa ta’ tajers pnewmatiċi b’wiċċ ġdid” – tfisser firxa ta’ tajers pnewmatiċi b’wiċċ ġdid, kif ikkwotat fil-paragrafu 4.1.4.

2.2.

“Struttura” ta’ tajer pnewmatiku tfisser il-karatteristiċi tekniċi tal-qafas tat-tajer. L-istrutturi li ġejjin jingħarfu b’mod partikolari:

2.2.1.

“Djagonali” jew “il-Ħxuna Mxaqilba” tiddeskrivi struttura ta’ tajer pnewmatiku li fih il-kurduni tal-ħxuna jkunu jestendu għax-xoffa ta’ ġewwa tat-tajer u jitpoġġew f’angoli alternati sostanzjalment ta’ inqas minn 90o għal-linja ċentrali tal-wiċċ ta’ barra mfellel tat-tajer.

2.2.2.

“Bias-Belted” tiddeskrivi struttura ta’ tajer pnewmatiku ta’ tip djagonali (ħxuna mxaqilba) li fih il-qafas ikun stabilizzat permezz ta’ ċinturin, magħmul minn żewġ saffi jew aktar ta’ kurdun ta’ materjal li ma jkunx jista’ jitwessa wisq u li jitpoġġa f’angoli alternati qrib dawk tal-qafas tat-tajer.

2.2.3.

“Radjali” tiddeskrivi struttura ta’ tajer pnewmatiku li fih il-kurduni tal-ħxuna jkunu jestendu għax-xoffa ta’ ġewwa tat-tajer u jitqiegħdu b’mod sostanzjali f’angolu ta’ 90o għal-linja taċ-ċentru tal-wiċċ ta’ barra mfellel tat-tajer. Il-qafas tat-tajer ikun stabilizzat b’ċinturin mad-dawra li essenzjalment ma jkunx jitwessa wisq.

2.3.

“Kategorija ta’ użu”

2.3.1.

Tajer normali huwa wieħed maħsub għall-użu normali fuq it-triq biss.

2.3.2.

Tajer tas-silġ huwa wieħed li l-għamla tal-wiċċ ta’ barra mfellel tiegħu, jew l-għamla tal-wiċċ ta’ barra mfellel u l-istruttura tiegħu, tkun iddisinjata primarjament biex tiżgura li, fit-tajn u fis-silġ frisk jew li jkun qed jinħall, jkollu turija aħjar minn wieħed normali. L-għamla tal-wiċċ ta’ barra mfellel ta’ tajer tas-silġ ġeneralment tikkonsisti minn kanal (strixxa) u elementi ta’ materjal solidu li jkunu spazjati b’mod aktar wiesa’ milli fuq tajer normali.

2.3.3.

Tajer ta’ użu temporanju huwa wieħed differenti minn dak li jitwaħħal fuq kwalunkwe vettura għal kundizzjonijiet ta’ sewqan normali; dan huwa maħsub biss għal użu temporanju taħt kundizzjonijiet ristretti ta’ sewqan.

2.3.4.

Tajer żejjed ta’ użu temporanju tat-tip “T” huwa tip ta’ tajer żejjed ta’ użu temporanju biex jintuża fi pressjonijiet ta’ nefħa ogħla minn dawk stabbiliti għal tajers standard u rinfurzati.