13.6.2006   

MT

Il-Ġurnal Uffiċjali ta’ l-Unjoni Ewropea

285

(1)

Fin-Nomenklatura Magħquda, stabbilit fl-Anness I mar-Regolament tal-Kunsill (KEE) Nru 2658/87 (1), il-kodiċi NM għal monitors huma 8471 u 8528.

(2)

Għall-klassifikazzjoni ta' monitors ’il barra mit-titolu 8528 jeħtieġ li ċerti kondizzjonijiet jiġu sodisfatti. Il-konverġenza tat-teknoloġija ta’ l-informatika, l-industriji ta’ l-elettronika tal-konsumatur u teknoloġiji ġodda ħolqot sitwazzjoni fejn qed isir impossibbli, meta wieħed jikklassifika l-video monitors, li jkun determinat, b’referenza għall karatteristiċi tekniċi sempliċi, l-iskop prinċipali ta’ monitor speċifiku Mill-ġurisprudenza tal-Qorti tal-Ġustizzja tal-Komunitajiet Ewropej jirriżulta li l-klassifikazzjoni ma tistax tkun ibbażata fuq l-użu li jsir minnu. Il-klassifikazzjoni korretta ta' kull prodott hija bbażata fuq data oġġettiva u kwantifikabbli. Bħalissa mhux possibbli li jkunu stabbiliti kriterji li jissodisfaw din il-ħtieġa mingħajr ambigwitajiet.

(3)

Id-data kummerċjali qed turi li bħalissa l-video monitors li jużaw it-teknoloġija ta' l-iscreen bi kristalli likwidi, bi screen ta' daqs djagonali ta' 48.5 cm jew inqas, u ta' screen aspect ratio ta’ 4:3 jew 5:4, qed jintużaw l-aktar bħala unitajiet ta’ output ta’ magni awtomatiċi li jipproċessaw id-data. Iżda, dawn il-monitors ta’ sikwiet huma kapaċi jirriproduċu stampi video minn għejun oħra differenti mill-magni awtomatiċi li jipproċessaw id-data u għalhekk ma jissodisfawx il-kondizzjoni li jkunu biss jew prinċipalment użati ma’ magni bħal dawn. Għalhekk dawn il-monitors mhumiex koperti mill-Ftehim dwar il-kummerċ fil-prodotti tat-teknoloġija ta’ l-informatika (2), jew mill-Komunikazzjoni dwar l-implimentazzjoni tiegħu, li ġew it-tnejn li huma approvati f’isem il-Komunità permezz tad-Deċiżjoni tal-Kunsill 97/359/KE ta’ l-24 ta’ Marzu 1997 li tirrigwarda t-tneħħija ta’ dazji minn fuq prodotti tekonoloġiċi ta’ l-informatika (3).

(4)

Huwa fl-interess tal-Komunità li tissospendi għal kollox, għal perijodu limitat, it-tariffi awtonomi tad-Dazji Doganali Komuni għall-monitors li jużaw it-teknoloġija ta' l-iscreen bi kristalli likwidi, bi screen ta' daqs djagonali ta' 48.5 cm jew inqas, u ta' screen aspect ratio ta’ 4:3 jew 5:4 u li huma klassifikabbli taħt il-kodiċi NM 8528 21 90. Għalhekk din il-miżura għandha tiskadi fil-31 ta’ Diċembru 2006, sakemm il-Kunsill ma jiddeċidix li jestendiha.

(5)

Ir-Regolament (KEE) Nru 2658/87 għandu għalhekkjiġi emendat.

(6)

Minħabba li l-emenda introdotta permezz ta’ dan ir-Regolament għandha tiġi applikata mill-istess data tan-Nomenklatura Magħquda għas-sena 2005 stabbilita fir-Regolament tal-Kummissjoni (KE) Nru 1810/2004 (4), dan ir-Regolament għandu jidħol fis-seħħ immedjatament u japplika mill-1 ta’ Jannar 2005,