30.9.2005   

MT

Il-Ġurnal Uffiċjali ta’ l-Unjoni Ewropea

143

(1)

Ir-riċerka wriet li l-użu ta' ċinturini tas-sigurtà u ta' sistemi ta' restrizzjoni jista' jikkontribwixxi għal tnaqqis sostanzjali fin-numru ta' mwiet u fil-gravità tal-korrimenti fil-każ ta' aċċident, anki dak ta' qlib ta' karozza. L-installazzjoni tagħhom fil-kategoriji kollha ta' vetturi ikun żgur pass importanti 'l quddiem sabiex tiżdied is-sigurtà fit-toroq u b'konsegwenza jiġu salvati iktar ħajjiet.

(2)

Jista' jinkiseb benefiċċju sostanzjali għas-soċjetà, li kieku l-vetturi kollha jkunu mgħammra b'ċinturini tas-sigurtà.

(3)

Fir-Riżoluzzjoni tiegħu tat-18 ta' Frar 1986 dwar miżuri komuni sabiex jitnaqqsu l-aċċidenti fit-toroq, bħala parti mill-programm tal-Komunità għas-sigurtà fit-toroq (3), il-Parlament Ewropew saħaq fuq il-ħtieġa li jsir obbligatorju għal kull passiġġier, inklużi t-tfal, l-użu taċ-ċinturin tas-sigurtà, ħlief f'vetturi tas-servizz pubbliku. Għaldaqstant, għandha ssir distinzjoni bejn karrozzi tal-linja tat-trasport pubbliku u vetturi oħra rigward l-installazzjoni obbligatorja ta' ċinturini tas-sigurtà u/jew sistemi ta' restrizzjoni.

(4)

Skond id-Direttiva tal-Kunsill 70/156/EEC tas-6 ta' Frar 1970 dwar l-approssimazzjoni tal-liġijiet ta' l-Istati Membri li għandhom x'jaqsmu ma' l-approvazzjoni tat-tip ta' vetturi bil-mutur u l-karrijiet tagħhom (4) , is-sistema Komunitarja ta' l-approvazzjoni tat-tip ġiet implementata biss għall-vetturi ġodda kollha tal-kategorija M1 mill-1 ta' Jannar 1998. B'konsegwenza, il-vetturi biss tal-kategorija M1 tat-tip approvat wara dik id-data għandhom ikunu mgħammra b'sedili, ankoraġġi tas-sedili u restrizzjonijiet għar-ras li jissodisfaw id-dispożizzjonijiet tad-Direttiva 74/408/KEE (5).

(5)

Sa meta s-sistema Komunitarja ta' l-approvazzjoni tat-tip tiġi estiża għall-kategoriji kollha ta' vetturi, għandha tibqa' meħtieġa l-installazzjoni ta' sedili u ankoraġġi ta' sedili kompatibbli ma' l-installazzjoni ta' ankoraġġi ta' ċinturini tas-sigurtà, fl-interess tas-sigurtà fit-toroq, f'vetturi li jaqgħu f'kategoriji oħra minbarra l-kategorija M1.

(6)

Id-Direttiva 74/408/KEE diġa tipprovdi għad-dispożizzjonijiet tekniċi u amministrattivi kollha li jippermettu l-approvazzjoni tat-tip ta' vetturi ta' kategoriji oħra minbarra l-kategorija M1. Għaldaqstant, l-Istati Membri ma jeħtieġux l-introduzzjoni ta' dispożizzjonijiet ulterjuri.

(7)

Mid-dħul fis-seħħ tad-Direttiva tal-Kummissjoni 96/37/KE tas-17 ta' Ġunju 1996 li tadatta għall-progress tekniku d-Direttiva tal-Kunsill 74/408/KEE (6), diversi Stati Membri diġa għamlu obbligatorji d-dispożizzjonijiet li hemm fiha fir-rigward ta' ċerti kategoriji oħra ta' vetturi minbarra dawk tal-kategorija M1. Għaldaqstant, il-manifatturi u l-fornituri tagħhom żviluppaw it-teknoloġija xierqa.

(8)

Ir-riċerka wriet li mhux possibbli tipprovdi sedili li jħarsu lejn il-ġenb tal-vettura b'ċinturini tas-sigurtà li jiżguraw l-istess livell ta' sigurtà lill-okkupanti daqs sedili li jħarsu 'l quddiem. Għal raġunijiet ta' sigurtà, jeħtieġ li dawk is-sedili jiġu projbiti f'ċerti kategoriji ta' vetturi.

(9)

Id-dispożizzjonijiet li jippermettu sedili li jħarsu lejn il-ġenb mgħammra b'ċinturini ta' żewġ punti ta' ankoraġġ f'ċerti klassijiet ta' vettura tal-kategorija M1 għandhom ikunu ta' natura temporanja, sa meta tidħol fis-seħħ leġislazzjoni Komunitarja li tirriforma d-Direttiva 70/156/EEC u testendi s-sistema Komunitarja ta' l-approvazzjoni tat-tip lill-vetturi kollha, inklużi vetturi tal-kategorija M1.

(10)

Id-Direttiva 74/408/KEE għandha tiġi emendata fejn dan huwa meħtieġ.

(11)

Peress li l-għan ta' din id-Direttiva, jiġifieri t-titjib tas-sigurtà fit-toroq bl-installazzjoni obbligatorja taċ-ċinturini tas-sigurtà f'ċerti kategoriji ta' vetturi, ma jistax jintlaħaq suffiċjentement mill-Istati Membri u jista', għalhekk, minħabba l-iskala ta' l-azzjoni, jintlaħaq aħjar fil-livell Komunitarju, il-Komunità tista' tadotta miżuri, konformement mal-prinċipju ta' sussidjarjetà kif stabbilit fl-Artikolu 5 tat-Trattat. Konformement mal-prinċipju ta' proporzjonalitá, kif stabbilit f'dak l-Artikolu, din id-Direttiva ma tmurx lil hinn minn dak li huwa meħtieġ sabiex jinkiseb dak il-għan,

1)

L-Artikolu 1 għandu jiġi emendat kif ġej:

2)

Għandu jiddaħħal l-Artikolu li ġej:

“L-Artikolu 3a

1.   Għandha tkun projbita l-installazzjoni ta' sedili li jħarsu lejn il-ġenb tal-vettura f'vetturi tal-kategoriji M1, N1, M2 (tal-klassi III jew B) u M3 (ta' klassi III jew B).

2.   Il-paragrafu 1 ma għandux japplika għal ambulanzi jew għal vetturi elenkati fl-ewwel inċiż ta' l-Artikolu 8(1) tad-Direttiva 70/156/KEE.

3.   Barra minn hekk, il-paragrafu 1 ma għandux japplika għal vetturi tal-kategorija M3 (tal-klassi III jew B) ta' massa teknikament permissibbli, b'tagħbija massima ta' aktar minn għaxar tunnellati metriċi, li fihom sedili li jħarsu lejn il-ġenb ikunu raggruppati flimkien fin-naħa ta' wara tal-vettura sabiex jiffurmaw berlina integrata ta' mhux aktar minn għaxar sedili. Sedili bħal dawn li jħarsu lejn il-ġenb għandhom ikunu mgħammra għall-inqas b'restrizzjonijiet għar-ras u b'ċinturin ta' żewġ punti ta' ankoraġġ u b'retractor li jkollhom approvazzjoni tat-tip skond id-Direttiva tal-Kunsill 77/541/KEE (**). L-ankoraġġi għaċ-ċinturini tas-sigurtà tagħhom għandhom jikkonformaw mad-Direttiva tal-Kunsill 76/115/KEE (***).

Din l-eżenzjoni għandha jkollha effett għal ħames snin minn 20 Ottubru 2005. Din l-eżenzjoni tista' tiġi estiża jekk tkun disponibbli statistika affidabbli dwar l-aċċidenti u jekk ikun sar żvilupp ulterjuri tas-sistemi ta' restrizzjoni.

(**)  ĠU L 220, tad-29.8.1977, p. 95. Direttiva kif l-aħħar emendata mill-Att ta' l-Adeżjoni ta' l-2003."

(***)  ĠU L 24, tat-30.1.1976, p. 6. Direttiva kif l-aħħar emendata bid-Direttiva tal-Kummissjoni 96/38/KE (ĠU L 187, tas-26.7.1996, p. 95).”"

3)

L-Anness II għandu jiġi emendat kif ġej:

4)

Fl-Anness III, il-punt 2.5 għandu jinbidel b'dan li ġej:

Skond l-orjentazzjoni tiegħu, sedil huwa definit kif ġej:

5)

L-Anness IV għandu jiġi emendat kif ġej:

(a)

jirrifjutaw li jagħtu l-approvazzjoni tat-tip tal-KE, jew l-approvazzjoni tat-tip nazzjonali, fir-rigward ta' xi tip ta' vettura;

(b)

jipprojbixxu r-reġistrazzjoni, bejgħ jew il-bidu ta' l-użu ta' vetturi ġodda.

(a)

ma jibqgħux jagħtu approvazzjoni tat-tip tal-KE;

(b)

jirrifjutaw li jagħtu approvazzjoni tat-tip nazzjonali.

(a)

jikkunsidraw bħala mhux aktar validi, għall-finijiet ta' l-Artikolu 7(1) tad-Direttiva 70/156/KEE, iċ-ċertifikati ta' konformità li jakkumpanjaw vetturi ġodda;

(b)

jirrifjutaw ir-reġistrazzjoni, bejgħ jew il-bidu ta' l-użu ta' vetturi ġodda, ħlief f'każijiet fejn jiġu invokati d-dispożizzjonijiet ta' l-Artikolu 8(2) tad-Direttiva 70/156/KEE.