This document is an excerpt from the EUR-Lex website
Document 32005D0132
2005/132/EC: Commission Decision of 16 February 2005 repealing Commission Decision 2000/137/EC accepting undertakings offered in connection with imports into the Community of certain seamless pipes and tubes of iron or non-alloy steel originating in Croatia and Ukraine
Id-Deċiżjoni tal-Kummissjoni tas- 16 ta' Frar 2005 li tirrevoka d-Deċiżjoni tal-Kummissjoni 2000/137/KE li taċċetta garanziji offruti marbuta ma' importazzjonijiet fil-Komunità ta' ċerti pajpijiet u tubi mingħajr ġonot tal-ħadid jew azzar pur li joriġinaw mill-Kroazja u l-Ukrajna
Id-Deċiżjoni tal-Kummissjoni tas- 16 ta' Frar 2005 li tirrevoka d-Deċiżjoni tal-Kummissjoni 2000/137/KE li taċċetta garanziji offruti marbuta ma' importazzjonijiet fil-Komunità ta' ċerti pajpijiet u tubi mingħajr ġonot tal-ħadid jew azzar pur li joriġinaw mill-Kroazja u l-Ukrajna
ĠU L 46, 17.2.2005, p. 44–45
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 272M, 18.10.2005, p. 88–89
(MT)
In force
Relation | Act | Comment | Subdivision concerned | From | To |
---|---|---|---|---|---|
Repeal | 32000D0137 |
18.10.2005 |
MT |
Il-Ġurnal Uffiċjali ta’ l-Unjoni Ewropea |
88 |
ID-DEĊIŻJONI TAL-KUMMISSJONI
tas-16 ta' Frar 2005
li tirrevoka d-Deċiżjoni tal-Kummissjoni 2000/137/KE li taċċetta garanziji offruti marbuta ma' importazzjonijiet fil-Komunità ta' ċerti pajpijiet u tubi mingħajr ġonot tal-ħadid jew azzar pur li joriġinaw mill-Kroazja u l-Ukrajna
(2005/132/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 384/96 tat-22 ta' Diċembru 1995 dwar il-ħarsien kontra importazzjonijiet mibjugħa taħt il-prezz (dumped) minn pajjiżi li m'humiex membri tal-Komunità Ewropea (“ir-Regolament bażiku”) (1), u b'mod partikolari l-Artikolu 8 tiegħu,
Wara li kkonsultat il-Kumitat Konsultattiv,
Billi:
A. PROĊEDURA TA' QABEL
(1) |
Bir-Regolament (KE) Nru 348/2000 (2), il-Kunsill impona dazji defninittivi kontra d-dumping fuq importazzjonijiet fil-Komunità ta' ċerti pajpijiet u tubi mingħajr ġonot tal-ħadid jew azzar pur li joriġinaw mill-Kroazja u l-Ukrajna. Bid-Deċiżjoni 2000/137/KE (3), il-Kummissjoni aċċettat garanziji offruti minn esportaturi li joriġinaw mill-Kroazja u l-Ukrajna. Bid-Deċiżjoni 2002/669/KE, il-Kummissjoni aċċettat l-irtirar volontarju tal-garanzija konġunta tal-produtturi ta' l-Ukrajna. |
(2) |
Minħabba talba mressqa mill-Kumitat għall-Ħarsien ta' l-Industrija tat-Tubi ta' l-Azzar mingħajr ġonot ta' l-Unjoni Ewropea, il-Kummissjoni bdiet reviżjoni interim tal-miżuri fis-seħħ kontra d-dumping, li tinkludi l-forma tal-miżura, bi qbil ma' l-Artikolu 11(3) tar-Regolament bażiku. (4) |
B. IRTIRAR TA' L-AĊĊETTAZZJONI TA' IMPENN
(3) |
Il-Kunsill, bir-Regolament (KE) Nru 258/2005 (5), iffinalizza r-reviżjoni. |
(4) |
Kif stipulat fil-premessa (137) tar-Regolament (KE) Nru 258/2005, u wara li kkonsulta l-partijiet kollha kkonċernati, l-impenn fil-forma preżenti ma għadux xieraq. Fuq din il-bażi, u anki skond il-klawsoli rilevanti ta' l-impenn li fuqu qed nitkellmu, li jawtorizza lill-Kummissjoni biex tirtira l-aċċettazzjoni ta' l-impenn unilateralment, il-Kummissjoni kkonkludiet li tirtira l-aċċettazzjoni ta' l-impenn. |
(5) |
Il-Kummissjoni infurmat f'Diċembru 2004 lill-kumpanija mill-Kroazja Mechel Željezara Ltd, li pproponiet li tirtira l-aċċettazzjoni ta' l-impenn preżenti. Wara din in-notifika, il-gvern tal-Kroazja informa lill-Kummissjoni li l-kumpanija, bħala l-unika produttriċi fil-Kroazja tal-prodott ikkonċernat, ġiet likwidata u waqqfet il-produzzjoni fil-ħarifa ta' l-2004. Għalhekk, apparti dan, l-impenn huwa kkunsidrat li mhuwiex validu aktar. |
C. REVOKA TAD-DEĊIŻJONI 2000/137/KE
(6) |
Minħabba dak kollu li ġie msemmi, id-Deċiżjoni tal-Kummissjoni 2000/137/KE, kif emendata mid-Deċiżjoni tal-Kummissjoni 2002/669/KE, għandha tiġi revokata. |
(7) |
Fl-istess żmien ta' din id-Deċiżjoni, il-Kunsill, bir-Regolament (KE) 258/2005 impona dazju definittiv kontra d-dumping fuq skala nazzjonali fuq importazzjonijiet għall-Komunità ta' ċerti pajpijiet u tubi mingħajr ġonot tal-ħadid jew azzar pur li joriġinaw mill-Kroazja. |
ADOTTAT DIN ID-DEĊIŻJONI:
Artikolu 1
Id-Deċiżjoni tal-Kummissjoni 2000/137/KE, kif emendata mid-Deċiżjoni tal-Kummissjoni 2002/669/KE, hija hawnhekk irrevokata.
Artikolu 2
Dan ir-Regolament għandu jidħol fis-seħħ fil-jum ta' wara l-jum tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Magħmula fi Brussell, fis-16 ta' Frar 2005.
Għall-Kummissjoni
Peter MANDELSON
Membru tal-Kummissjoni
(1) ĠU L 56, tas-6.3.1996, p.1. Regolament kif emendat l-aħħar mir-Regolament (KE) Nru 461/2004 (ĠU L 77, tat-13.3.2004, p.12).
(2) ĠU L 45, tas-17.2.2000, p. 1. Regolament emendat bir-Regolament (KE) Nru 1515/2002 (ĠU L 228, ta' l-24.8.2002, p. 20).
(3) ĠU L 46, tat-18.2.2000, p. 34. Deċiżjonidemendata bid-Deċiżjoni 2002/669/KE (ĠU L 228, ta' l-24.8.2002, p. 20).
(4) ĠU Ċ 288, tat-23.11.2002, p. 11.
(5) Ara paġna 7 ta' dan il-Ġurnal Uffiċjali.