This document is an excerpt from the EUR-Lex website
Document 32004R1923
Council Regulation (EC) No 1923/2004 of 25 October 2004 establishing certain concessions for the Swiss Confederation in the form of Community tariff quotas for certain processed agricultural products
1923/2004/KE: Regolament tal-Kunsill (KE) Nru 1923/2004 tal- 25 ta’ Ottubru 2004 li jistabbilixxi ċerti konċessjonijiet għall-Konfederazzjoni Żvizzera fil-forma ta’ kwoti tariffarji Komunitarji għal ċerti prodotti agrikoli pproċessati
1923/2004/KE: Regolament tal-Kunsill (KE) Nru 1923/2004 tal- 25 ta’ Ottubru 2004 li jistabbilixxi ċerti konċessjonijiet għall-Konfederazzjoni Żvizzera fil-forma ta’ kwoti tariffarji Komunitarji għal ċerti prodotti agrikoli pproċessati
ĠU L 331, 5.11.2004, p. 9–10
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 352M, 31.12.2008, p. 52–53
(MT)
No longer in force, Date of end of validity: 10/12/2011; Imħassar b' 32011R1230
- Date of document:
- 25/10/2004
- Date of effect:
- 01/05/2004; Applikazzjoni Ara Art. 3
- Date of effect:
- 06/11/2004; Dħul fis-seħħ Data tal-pubblikazzjoni +1 Ara Art. 3
- Date of end of validity:
- 10/12/2011; Imħassar b' 32011R1230
- Author:
- Il-Kunsill tal-Unjoni Ewropea
- Form:
- Regolament
- Additional information:
- ACC 2004/0235
- Procedure number:
- Link
- European Parliament - Legislative observatory
- Treaty:
- Trattat li jistabbilixxi l-Komunità Ewropea
- Legal basis:
- Proposal:
- Link
- Link
- Link
- Select all documents mentioning this document No data available in the table
- Modified by:
-
Relation Act Comment Subdivision concerned From To Repealed by 32011R1230 - Instruments cited:
- Link
- Link
- EUROVOC descriptor:
- Subject matter:
- Directory code:
|
31.12.2008 |
MT |
Il-Ġurnal Uffiċjali ta’ l-Unjoni Ewropea |
52 |
REGOLAMENT TAL-KUNSILL (KE) Nru 1923/2004
tal-25 ta’ Ottubru 2004
li jistabbilixxi ċerti konċessjonijiet għall-Konfederazzjoni Żvizzera fil-forma ta’ kwoti tariffarji Komunitarji għal ċerti prodotti agrikoli pproċessati
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea u partikolarment l-Artikolu 133 tiegħu,
Wara li kkunsidra l-Att ta’ l-Adeżjoni tar-Repubblika Ċeka, ta’ l-Estonja, ta’ Ċipru, tal-Latvja, tal-Litwanja, ta’ l-Ungerija, ta’ Malta, tal-Polonja, ta’ l-Islovenja u ta’ l-Islovakkja, u b’mod partikolari, l-Artikolu 6 (1) tiegħu,
Wara li kkunsidra l-proposta tal-Kummissjoni,
Billi:
|
(1) |
Fil-qafas tal-Ftehim preferenzjali bejn il-Komunità Ekonomika Ewropea u l-Konfederazzjoni Żvizzera (1) konkluż permezz tar-Regolament (KEE) Nru 2840/72 (2) ingħatat konċessjoni fuq il-prodotti agrikoli pproċessati lil dak il-pajjiż. |
|
(2) |
Wara l-adeżjoni tar-Repubblika Ċeka, ta’ l-Estonja, ta’ Ċipru, tal-Latvja, tal-Litwanja, ta’ l-Ungerija, ta’ Malta, tal-Polonja, ta’ l-Islovenja u ta’ l-Islovakkja, il-konċessjoni imsemmija għandha tiġi addattata sabiex tieħu kont ta’ l-arranġamenti speċifiċi li eżistew għall-kummerċ fil-prodotti agrikoli pproċessati bejn dawn l-għaxar pajjiżi, minn naħa waħda, u l-Iżvizzera, min-naħa l-oħra. |
|
(3) |
Sabiex jinkiseb dan, fil-25 ta’ Ġunju 2004 ġew konklużi negozjati rigward l-iffirmar ta’ ftehim, li minħabba fih huwa neċessarju li jsiru adattamenti għall-ftehim preferenzjali msemmi hawn fuq, sabiex dan jieħu kont ta' l-effetti tat-tkabbir ta’ l-Unjoni Ewropea. |
|
(4) |
Iżda, peress li ż-żmien kien qasir wisq, il-ftehim ma setax jidħol fis-seħħ sa l-1 ta’ Mejju 2004, u f’ċirkostanzi bħal dawn, il-Komunità għandha tadotta l-miżuri neċessarji sabiex issolvi s-sitwazzjoni. |
|
(5) |
Il-miżuri ser jieħdu l-forma ta’ kwota tariffarja Komunitajra awtonoma li tkopri l-konċessjonijiet tariffarji preferenzjali li skond il-ftehim japplikaw għar-Repubblika Ċeka, għall-Estonja, għal Ċipru, għal-Latvja, għal-Litwanja, għall-Ungerija, għal Malta, għall-Polonja, għall-Islovenja u għall-Islovakkja. |
|
(6) |
Ġiet stabbilita kwota tariffarja fl-2004 għall-istess prodotti bl-ordni Nru 09.0914 mir-Regolament tal-Kummissjoni (KE) Nru 2232/2003 (3). Il-kwota tariffarja ġdida hija addizzjonali għall-konċessjoni eżistenti. |
|
(7) |
Il-Konfederazzjoni Żvizzera ngħatat ukoll responsabbiltà politika, soġġetta għar-reċiproċità, sabiex tadotta miżuri tranżitorji indipendenti favur il-Komunità li jkollhom effett legali mill-1 ta’ Mejju 2004, |
ADOTTA DAN IR-REGOLAMENT:
Artikolu 1
Mill-1 ta’ Mejju sal-31 ta’ Diċembru 2004, il-merkanzija li toriġina mill-Iżvizzera li hija elentaka fl-Anness hija suġġetta għal kwota tariffarja miftuħa skond il-kundizzjonijiet speċifikati.
Artikolu 2
Il-kwota msemmija fl-Artikolu 1 għandha tiġi amministrata mill-Kummissjoni skond l-Artikoli 308a, 308b u 308c tar-Regolament tal-Kummissjoni (KEE) Nru 2454/93 tat-2 ta’ Lulju 1993 (4).
Artikolu 3
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali ta’ l-Unjoni Ewropea.
Għandu japplika mill-1 ta’ Mejju 2004.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 25 ta’ Ottubru 2004.
Għall-Kunsill,
Il-President
R. VERDONK
(1) ĠU L 300, 31.12.1972, p. 189.
(2) ĠU L 300, 31.12.1972, p. 188.
(3) ĠU L 339, 24.12.2003, p. 20.
(4) ĠU L 253, 11.10.1993, p. 1. Ir-Rergolament kif emendat bir-Regolament (KE) Nru 2286/2003 (ĠU L 343, 31.12.2003, p. 1).
ANNESS
KWOTA TARIFFARJA PREFERENZJALI MIFTUĦA
|
Numru ta’ l-Ordni |
Kodiċi NM |
Deskrizzjoni ta’ l-oġġetti |
Kwota awtonoma 1.5.2004 to 31.12.2004 |
Rata ta’ taxxa applikabbli |
Kwota Awtonoma Is-Sena ta’ wara |
|
09.0914 |
2106 90 92 |
Il-preparazzjonijiet ta’ l-ikel mhux speċifikati jew inklużi f’post ieħor li ma fihom l-ebda xaħam tal-ħalib, sukrożju, isoglukożju, glukożju jew lamtu jew li fihom piż ta’ anqas minn 1,5 % xaħam tal-ħalib, 5 % sukrożju jew isoglukożju, 5 % glukożju jew lamtu |
187 t. |
eżenzjoni |
1 309 t. |
