EUR-Lex Access to European Union law
This document is an excerpt from the EUR-Lex website
Document 32002D0772
2002/772/EC,Euratom: Council Decision of 25 June 2002 and 23 September 2002 amending the Act concerning the election of the representatives of the European Parliament by direct universal suffrage, annexed to Decision 76/787/ECSC, EEC, Euratom
Id-Deċiżjoni tal-Kunsill tal-25 ta' Ġunju u tat-23 ta' Settembru 2002 li temenda l-Att li jikkonċerna l-elezzjoni tar-rapreżentanti għall-Parlament Ewropew b'vot dirett universali, Anness mad-Deċiżjoni 76/787/KEFA, KEE, Euratom
Id-Deċiżjoni tal-Kunsill tal-25 ta' Ġunju u tat-23 ta' Settembru 2002 li temenda l-Att li jikkonċerna l-elezzjoni tar-rapreżentanti għall-Parlament Ewropew b'vot dirett universali, Anness mad-Deċiżjoni 76/787/KEFA, KEE, Euratom
ĠU L 283, 21.10.2002, p. 1–4
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, HR)
ĠU L 228, 1.9.2009, p. 47–50
(BG, RO)
In force
Relation | Act | Comment | Subdivision concerned | From | To |
---|---|---|---|---|---|
Modifies | 41976X1008(01) | Tħassir | anness I | 01/04/2004 | |
Modifies | 41976X1008(01) | Tħassir | anness III Test | 01/04/2004 | |
Modifies | 41976X1008(01) | Sostituzzjoni | artikolu 1 | 01/04/2004 | |
Modifies | 41976X1008(01) | Sostituzzjoni | artikolu 10 paragrafu 1 Test | 01/04/2004 | |
Modifies | 41976X1008(01) | Sostituzzjoni | artikolu 10 paragrafu 2 paragrafu mhux numerat 2 Test | 01/04/2004 | |
Modifies | 41976X1008(01) | Tħassir | artikolu 10 paragrafu 3 Test | 01/04/2004 | |
Modifies | 41976X1008(01) | Sostituzzjoni | artikolu 10 paragrafu 3 Test | 01/04/2004 | |
Modifies | 41976X1008(01) | Tħassir | artikolu 11 Test | 01/04/2004 | |
Modifies | 41976X1008(01) | Sostituzzjoni | artikolu 12 | 01/04/2004 | |
Modifies | 41976X1008(01) | Tħassir | artikolu 14 | 01/04/2004 | |
Modifies | 41976X1008(01) | Sostituzzjoni | artikolu 15 | 01/04/2004 | |
Modifies | 41976X1008(01) | Sostituzzjoni | artikolu 2 | 01/04/2004 | |
Modifies | 41976X1008(01) | Żieda | artikolu 2A | 01/04/2004 | |
Modifies | 41976X1008(01) | Żieda | artikolu 2B | 01/04/2004 | |
Modifies | 41976X1008(01) | Tħassir | artikolu 3 paragrafu 1 | 01/04/2004 | |
Modifies | 41976X1008(01) | Emenda | artikolu 3 paragrafu 2 | 01/04/2004 | |
Modifies | 41976X1008(01) | Emenda | artikolu 3 paragrafu 3 | 01/04/2004 | |
Modifies | 41976X1008(01) | Sostituzzjoni | artikolu 4 paragrafu 2 | 01/04/2004 | |
Modifies | 41976X1008(01) | Tħassir | artikolu 5 | 01/04/2004 | |
Modifies | 41976X1008(01) | Żieda | artikolu 6 paragrafu 1 inċiż | 01/04/2004 | |
Modifies | 41976X1008(01) | Żieda | artikolu 6 paragrafu 1 inċiż 3 Test | 01/04/2004 | |
Modifies | 41976X1008(01) | Tħassir | artikolu 6 paragrafu 1 inċiż 6 Test | 01/04/2004 | |
Modifies | 41976X1008(01) | Sostituzzjoni | artikolu 6 paragrafu 1 inċiż 8 | 01/04/2004 | |
Modifies | 41976X1008(01) | Żieda | artikolu 6 paragrafu 2 | 01/04/2004 | |
Modifies | 41976X1008(01) | Emenda | artikolu 6 paragrafu 2 | 01/04/2004 | |
Modifies | 41976X1008(01) | Emenda | artikolu 6 paragrafu 3 | 01/04/2004 | |
Modifies | 41976X1008(01) | Sostituzzjoni | artikolu 6 paragrafu 3 Test | 01/04/2004 | |
Modifies | 41976X1008(01) | Sostituzzjoni | artikolu 6 paragrafu 4 Test | 01/04/2004 | |
Modifies | 41976X1008(01) | Sostituzzjoni | artikolu 7 | 01/04/2004 | |
Modifies | 41976X1008(01) | Sostituzzjoni | artikolu 9 paragrafu 1 Test | 01/04/2004 | |
Modifies | 41976X1008(01) | Sostituzzjoni | artikolu 9 paragrafu 2 Test | 01/04/2004 | |
Modifies | 41976X1008(01) | Tħassir | artikolu 9 paragrafu 3 | 01/04/2004 | |
Modifies | 41976X1008(01) | Sostituzzjoni | Test | 01/04/2004 |
Relation | Act | Comment | Subdivision concerned | From | To |
---|---|---|---|---|---|
Corrected by | 32002D0772R(01) | (NL) | |||
Corrected by | 32002D0772R(02) | (EN, ES, ET, GA, HU, LT, LV, SK, SL) | |||
Corrected by | 32002D0772R(03) | (ES) |
Official Journal L 283 , 21/10/2002 P. 0001 - 0004
Id-Deċiżjoni tal-Kunsill tal-25 ta' Ġunju u tat-23 ta' Settembru 2002 li temenda l-Att li jikkonċerna l-elezzjoni tar-rapreżentanti għall-Parlament Ewropew b'vot dirett universali, Anness mad-Deċiżjoni 76/787/KEFA, KEE, Euratom (2002/772/KE, Euratom) IL-KUNSILL TA' L-UNJONI EWROPEA, Wara li kkunsidra it-Trattat li jistabbilixxi l-Komunità Ewropea, u partikolarment Artikolu 190(4) tiegħu, Wara li kkunsidra t-Trattat li jistabbilixxi l-Komunità Ewropea dwar l-Enerġija Atomika, u partikolarment Artikolu 108(3) u (4) tiegħu, Wara li kkunsidra l-abbozz mill-Parlament Ewropew [1], Wara li kkunsidra l-kunsens tal-Parlament Ewropew [2], Billi: (1) L-Att li jikkonċerna l-elezzjoni tal-membri għall-Parlament Ewropew b'vot dirett universali għandu jkun emendat biex jiffaċilita li l-membri jkunu eletti b'vot dirett universali bi qbil mal-prinċipji komuni għall-Istati Membri kollha waqt li jħalli li l-Istati Membri jkunu ħielsa li japplikaw id-dispożizzjonijiet nazzjonali tagħhom fir-rigward ta' l-aspetti li ma humiex irregolati b'din id-Deċiżjoni. (2) Biex ittejjeb il-leġibilità ta' l-Att kif emendat b'din id-Deċiżjoni, id-dispożizzjonijiet tagħha għandhom ikunu innumerati mill-ġdid, b'hekk jipproduċu test aktar ċar u kkonsolidat, STABBILIXXA d-dispożizzjonijiet li ġejjin li hu jirrakkomanda lill-Istati Membri għall-adozzjoni bi qbil mal-ħtiġiet kostituzzjonali rispettivi tagħhom. Artikolu 1 L-Att li jikkonċerna l-elezzjoni tar-rapreżentanti lejn il-Parlament Ewropew b'vot dirett universali, anness mad-Deċiżjoni tal-Kunsill 76/787/KEFA, KEE, Euratom [3], (minn hawn il-quddiem irreferutt bħala "l-Att tal-1976"), huwa b'hekk emendat bi qbil ma dan artikolu. 1. Fl-Att ta' l-1976, bl-eċċezzjoni ta' Artikolu 13, il-kliem "rappreżentant" jew "rappreżentant fil-Parlament Ewropew" għandhom ikunu mibdula bi "membru tal-Parlament Ewropew". 2. Artikolu 1 għandu jkun mibdul b'dan li ġej: "Artikolu 1 1. F'kull Stat Membru, membri tal-Parlament Ewropew għandhom ikunu eletti fuq il-bażi ta' rapreżentanza proporzjonali, bl-użu tas-sistema ta' lista jew tal-vot wieħed trasferibbli. 2. L-Istati Membri jistgħu jawtorizzaw votazzjoni ibbażata fuq sistema ta' lista preferenzjali bi qbil mal-proċedura li huma jadottaw. 3. L-elezzjonijiet għandhom ikunu b'vot dirett universali u għandhom ikunu ħielsa u sigrieti." 3. Artikolu 2 għandu jkun mibdul bl-Artikoli segwenti: "Artikolu 2 Bi qbil mas-sistwazzjoni nazzjonali speċifika, kull Stat Membru jista jistabbilixxi kostitwenti għall-elezzjonijiet għall-Parlament Ewropew jew jissuddividi iż-żona elettorali tiegħu f'maniera differenti, mingħajr ma ġeneralment jaffettwa n-natura proporzjonali tas-sistema tal-votazzjoni. Artikolu 2A L-Istati Membri jistgħu jistabbilixxu limitu minimu għall-allokazzjoni ta' siġġijiet. F'livell nazzjonali dan il-limitu ma jistax jeċċedi 5 fil-mija tal-voti mitfuha. Artikolu 2B Kull Stat Membru jista jistabbilixxi limitu massimu għall-ispejjeż tal-kampanja elettorali tal-kandidati." 4. Artikolu 3 għandu jiġi emendat kif ġej: (a) il-paragrafu 1 għandu jkun imħassar u l-paragrafi 2 u 3 għandhom isiru l-paragrafi 1 u 2; (b) fil-paragrafu 1 il-ġdid, il-kliem "Dan il-perijodu ta' ħames-snin" ghandhom ikunu mibdula bi "It-terminu ta' ħames snin li għalih il-membri tal-Parlament Ewropew huma eletti"; (ċ) fil-paragrafu 2 il-ġdid, ir-referenza lejn "il-paragrafu 2" għandha tkun mibdula b'referenza lejn "il-paragrafu 1". 5. Artikolu 4(2) għandu jkun mibdul b'dan li ġej: "2. Il-Membri tal-Parlament Ewropew għandhom igawdu l-privileġġi u l-immunitajiet applikabbli lilhom bis-saħħa tal-Protokoll tat-8 ta' April 1965 dwar il-privileġġi u l-immunitajiet tal-Komunitajiet Ewropej." 6. Artikolu 5 għandu jkun imħassar. 7. Artikolu 6 għandu jkun emendat kif ġej: (a) fil-paragrafu 1: (i) fit-tmiem tat-tielet subinċiż, il-kelmiet "jew fil-Qorti tal-Prima Istanza" għandhom jiġu miżjuda; (ii) bejn it-tielet u r-raba' subinċiżi preżenti, is-subinċiż segwenti għandu jkun miżjud: "— membru tal-Bord tad-Diretturi tal-Bank Ċentrali Ewropew,"; (iii) bejn ir-raba' u l-ħames subinċiżi preżenti, is-subinċiż segwenti għandu jkun miżjud: "— Ombudsman tal-Komunitajiet Ewropej,"; (iv) fil-ħames subinċiż preżenti, il-kliem "membru tal-Kumitat Konsultattiv tal-Komunità Ewropea tal-Faħam u l-Azzar jew" għandhom ikunu mħassra; (v) fis-sitt subinċiż preżenti, il-kliem "Il-Komunità Ewropea tal-Faħam u l-Azzar" għandhom ikunu mħassra; (vi) it-tmien subinċiż preżenti għandu jiġi mibdul b'dan li ġej: "— uffiċjal jew impjegat attiv ta' l-istituzzjonijiet tal-Komunitajiet Ewropew jew tal-korpi speċjalizzati marbuta magħhom jew tal-Bank Ċentrali Ewropew."; (b) wara l-paragrafu 1, il-paragrafu segwenti għandu jkun miżjud u l-paragrafi 2 u 3 preżenti għandhom isiru l-paragrafi 3 u 4: "2. Mill-elezzjonijiet tal-Parlament Ewropew fl-2004, l-uffiċċju ta' membru tal-Parlament Ewropew għandu jkun inkompattibli ma dak ta' membru tal-Parlament nazzjonali. Bħala derogazzjoni minn dik ir-regola u mingħajr preġudizzju lejn il-paragrafu 3: - membri tal-Parlament Nazzjonali Irlandiż li huma eletti lejn il-Parlament Ewropew f'votazzjoni sussegwenti jistgħu jkollhom mandatt doppju sa l-elezzjoni li tmiss tal-Parlament Nazzjonali Irlandiż, meta allura l-ewwel sub-paragrafu ta' dan il-paragrafu jsir applikabbli; - membri tal-Parlament tar-Renju Unit li huma wkoll membri tal-Parlament Ewropew ma tul it-terminu ta' ħames snin li jippreċiedu l-elezzjonijiet tal-Parlament Ewropew fl-2004 jistgħu jkollhom mandat doppju sa l-elezzjonijiet tal-Parlament Ewropew tal-2009, meta l-ewwel sub-paragrafu ta' dan il-paragrafu għandu jkun applikabbli.", (ċ) fil-paragrafu 3 l-ġdid il-kliem "jistabbilixxi" għandhom ikunu mibdula bi "jestendi" u r-referenza lejn Artikolu 7(2) għandha tkun mibdula b'referenza lejn "Artikolu 7"; (d) fil-paragrafu 4 il-ġdid, "il-paragrafi 1 u 2" għandha tkun mibdula bi "il-paragrafi 1, 2 u 3". 8. Artikolu 7 għandu jiġi mibdul b'dan li ġej: "Artikolu 7 Suġġett għad-dispożizzjonijiet ta' dan l-Att, il-proċedura elettorali għandha tkun regolata f'kull Stat Membru bid-dispożizzjonijiet nazzjonali tiegħu. Dawn id-dispożizzjonijiet nazzjonali, li jistgħu, jekk xieraq, jieħdu akkont tas-sitwazzjoni speċifika fl-Istati Membri, m'għandhomx jaffettwaw in-natura proporzjonali essenzjali tas-sistema tal-votazzjoni." 9. Artikolu 9 għandu jkun emendat kif ġej: (a) fil-paragrafu 1, il-kliem "fid-data stabbilita" għandhom ikunu mibdula bi "fid-data u l-ħinijiet stabbiliti"; (b) fil-paragrafu 2, il-kliem "L-għadd tal-voti ma jistax jibda" għandhom ikunu mibdula bi "L-Istati Membri ma jistgħux uffiċjalment jippubblikaw ir-riżultati ta' l-għadd tagħhom"; (ċ) il-paragrafu 3 għandu jkun imħassar; 10. Artikolu 10 għandu jkun emendat kif ġej: (a) fil-paragrafu 1, il-kliem "perijodu li hemm referenza għalih fartikolu 9(1)" għandhom ikunu mibdula bi "perijodu elettorali"; (b) fit-tieni sub-paragrafu tal-paragrafu 2, il-kliem "jiddettermina perijodu ieħor li m'għandux ikun aktar minn xhar wieħed qabel" għandhom ikunu mibdula bi "jiddetermina, mill-anqas xhar wieħed qabel it-tmiem tat-terminu ta' ħames snin li hemm hemm referenza għalih f'Artikolu 3, perijodu elettorali ieħor li m'għandux ikun aktar minn xharejn qabel"; (ċ) fil-paragrafu 3, il-kliem "lejn Artikolu 22 tat-Trattat li jistabbilixxi l-Komunità Ewropea tal-Faħam u l-Azzar" għandhom ikunu mħassra, il-kliem "Il-Komunità Ekonomika Ewropea" għandhom ikunu mibdula bi "Il-Komunità Ewropea", u l-kliem "il-perijodu li hemm referenza għalih f'Artikolu 9(1)" għandhom ikunu mibdula bi "il-perijodu elettorali". 11. F'Artikolu 11, il-kliem "Sakemm tidħol fis-seħħ il-proċedura elettorali uniformi li hemm referenza għaliha f'Artikolu 7(1)" għandhom ikunu mħassra. 12. Artikolu 12 għandu jkun mibdul b'dan li ġej: "Artikolu 12 1. Siġġu li jispiċċa vojt meta l-mandat ta' membru tal-Parlament Ewropew jispiċċa bħala riżultat ta' riżenja, mewt jew tneħħija ta' dak il-mandatt. 2. Suġġett għad-dispożizzjonijiet l-oħra ta' dan l-Att, kull Stat Membru jista jistabbilixxi l-proċeduri xierqa għall-mili ta' kwalunkwe siġġu li jispiċċa vojt ma tul it-terminu ta' ħames snin tal-offiċċju li hemm referenza għalih f'Artikolu 3 għall-kumplament ta' dak il-perijodu. 3. Meta l-liġi ta' Stat Membru tgħamel dispożizzjoni espliċita għat-tneħħija tal-mandatt ta' membru tal-Parlament Ewropew, dak il-mandatt għandu jispiċċa permezz ta' dawk id-dispożizzjonijiet legali. L-awtoritajiet nazzjonali kompetenti għandhom jinfurmaw lil-Parlament Ewropew b'dan. 4. Meta siġġu jsir vojt bħala riżultat ta' riżenja jew mewt, il-President tal-Parlament Ewropew għandu immedjatament jinforma b'dan lil-awtoritajiet kompetenti ta' l-Istat Membru konċernat." 13. Artikolu 14 għandu jkun imħassar. 14. Artikolu 15 għandu jkun mibdul b'dan li ġej: "Artikolu 15 Dan l-Att huwa mħejji fil-lingwi Danis, Olandiż, Inglis, Finlandiż, Franċiż, Ġermaniż, Griek, Irlandiz, Taljan, Portugiż, Spanjol u Svediż, it-test f'kull waħda minn dawn il-lingwi huwa ugwalment awtentiku. Annesi II u III għandhom jiffurmaw parti integrali minn dan l-Att." 15. Anness I għandu jkun imħassar. 16. F'Anness III, id-dikkjarazzjoni mill-Gvern tar-Repubblika Federali tal-Ġermanja għandha tkun imħassra. Artikolu 2 1. Artikoli ta' u l-Annessi ta' l-Att tal-1976, kif emendati b'din id-Deċiżjoni, għandhom ikunu innumerati mill-ġdid bi qbil mat-tabella ta' ekwivalenza stabbilita fl-Anness ta' din id-Deċiżjoni, li għandu jifforma parti integrali tagħha. 2. Ir-referenzi mill- u għall-Artikoli ta' u l-Annessi ta' l-Att tal-1976 għandhom b'konsegwenza jkunu addattati. L-istess għandu japplika f'dak li jirrigwardja referenzi għal dawk l-artikoli u s-sub-diviżjonijiet tagħhom li jinstabu fit-Trattati tal-Komunità. 3. Ir-referenzi għall-artikoli ta' l-Att tal-1976 li jinsabu fi strumenti jew atti oħra għandhom jinfthiemu bħala referenzi għall-artikoli ta' l-Att tal-1976 kif innumerati mill-ġdid bis-saħħa tal-paragrafu 1 u, rispettivament, il-paragrafi ta' dawk l-artikoli, kif innumerati mill-ġdid b'din id-Deċiżjoni. Artikolu 3 1. L-emendi li hemm referenza għalihom f'Artikoli 1 u 2 għandhom ikollhom effett fl-ewwel jum tax-xhar li jsegwi l-adozzjoni tad-dispożizzjonijiet ta' din id-Deċiżjoni mill-Istati Membri, bi qbil mal-ħtiġiet kostituzzjonali rispettivi tagħhom. 2. L-Istati Membri għandhom jinnotifikaw lis-Segretarjat Ġenerali tal-Kunsill bit-twettiq tal-proċedura nazzjonali tagħhom. Artikolu 4 Din id-Deċiżjoni għandha tkun ippubblikata fil-Ġurnal Uffiċjali tal-Komunitajiet Ewropej. Magħmula fil-Lussemburgu, fil-25 ta' Ġunju 2002. Għall-Kunsill Il-President J. Matas I Palou Magħmula fi Brussel, it-23 Settembru 2002. Għall-Kunsill Il-President M. Fischer Boel [1] ĠU Ċ 292, tal- 21.9.1998, p. 66. [2] L-Opinjoni mogħtija fit-12 Ġunju 2002 (li għadha mhix ippubblikata fil-Ġurnal Uffiċċjali). [3] ĠU L 278, tat-8.10.1976, p. 1. -------------------------------------------------- ANNESS Tabella ta' ekwivalenzi li hemm referenza għaliha f'Artikolu 2 tad-Deċiżjoni tal-Kunsill 2002/772/KE, Euratom tal-25 ta' Ġunju u tat-23 ta' Settembru 2002 li temenda l-Att li jikkonċerna l-elezzjoni tar-rapreżentanti għall-Parlament Ewropew b'vot dirett universali, anness mad-Deċiżjoni 76/787/KEFA, KEE, Euratom Kif kien numerat | Kif numerat mill-ġdid | Artikolu 1 | Artikolu 1 | Artikolu 2 | Artikolu 2 | Artikolu 2A | Artikolu 3 | Artikolu 2B | Artikolu 4 | Artikolu 3 | Artikolu 5 | Artikolu 4 | Artikolu 6 | Artikolu 5 (imħassar) | - | Artikolu 6 | Artikolu 7 | Artikolu 7 | Artikolu 8 | Artikolu 8 | Artikolu 9 | Artikolu 9 | Artikolu 10 | Artikolu 10 | Artikolu 11 | Artikolu 11 | Artikolu 12 | Artikolu 12 | Artikolu 13 | Artikolu 13 | Artikolu 14 | Artikolu 14 (imħassar) | - | Artikolu 15 | Artikolu 15 | Anness I (imħassar) | - | Anness II | Anness I | Anness III | Anness II | --------------------------------------------------