EUR-Lex Access to European Union law
This document is an excerpt from the EUR-Lex website
Document 32001D0027
2001/27/EC: Commission Decision of 27 December 2000 amending Decision 92/160/EEC with regard to imports of equidae from Brazil (Text with EEA relevance) (notified under document number C(2000) 4145)
Id-Deċiżjoni tal-Kummissjoni tas-27 ta’ Diċembru 2000 li temenda d-Deċiżjoni 92/160/KEE dwar l-importazzjonijiet ta’ żwiemel mill-Brażil (notifikata taħt id-dokument numru Ċ(2000) 4145)Test b’relevanza għaż-ŻEE
Id-Deċiżjoni tal-Kummissjoni tas-27 ta’ Diċembru 2000 li temenda d-Deċiżjoni 92/160/KEE dwar l-importazzjonijiet ta’ żwiemel mill-Brażil (notifikata taħt id-dokument numru Ċ(2000) 4145)Test b’relevanza għaż-ŻEE
ĠU L 6, 11.1.2001, p. 20–20
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
No longer in force, Date of end of validity: 30/04/2004; Impliċitament imħassar minn 32004D0211
Relation | Act | Comment | Subdivision concerned | From | To |
---|---|---|---|---|---|
Modifies | 31992D0160 | Emenda | anness | DATNOT |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32004D0211 |
Official Journal L 006 , 11/01/2001 P. 0020 - 0020
Id-Deċiżjoni tal-Kummissjoni tas-27 ta’ Diċembru 2000 li temenda d-Deċiżjoni 92/160/KEE dwar l-importazzjonijiet ta’ żwiemel mill-Brażil (notifikata taħt id-dokument numru Ċ(2000) 4145) (Test b’relevanza għaż-ŻEE) (2001/27/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 90/426/KEE tas-26 ta’ Ġunju 1990 dwar il-kondizzjonijiet tas-saħħa ta’ l-annimali li jirregolaw il-moviment u l-importazzjonijiet ta’ żwiemel minn pajjiżi terzi [1], kif l-aħħar emendata bl-Att ta’ Adeżjoni ta’ l-Awstrija, il-Finlandja u l-Isvezja, u b’mod partikolari Artikoli 13(2) tagħha, Billi: (1) Skond il-leġislazzjoni tal-Komunità, l-Istati Membri huma awtorizzati jimportaw żwiemel minn pajjiżi terzi jew fil-każ ta’ reġjonalizzazzjoni uffiċjali minn partijiet tat-territorju ta’ pajjiż terz, li kienu ħielsa mill-mard taż-żwiemel għall-aħħar sitt xhur qabel l-esportazzjoni. (2) Id-Deċiżjoni tal-Kummissjoni 92/160/KEE [2], kif l-aħħar emendata bid-Deċiżjoni 2000/508/KE [3], tistabbilixxi r-reġjonalizzazzjoni ta’ ċerti pajjiżi terzi għall-importazzjonijiet taż-żwiemel. (3) Id-Deċiżjoni 92/160/KEE ġiet emendata fir-rigward ta’ importazzjonijiet għal ġewwa l-Komunità ta’ żwiemel mill-Brażil bid-Deċiżjonjiet 2000/163/KE [4] u 2000/508/KE minħabba rapporti ta’ mard taż-żwiemel fuq żwiemel lokali fl-Istati ta’ Pernambuco u Alagoas u Sergipe u Ceará rispettivament. (4) Il-Brażil irrapporta każijiet kliniċi ġodda ta’ mard taż-żwiemel fi żwiemel indiġeni tax-xogħol f’ċerti distretti ta’ l-Istati ta’ Maranhão u Piaui fil-grigal tal-pajjiż. Fi ħdax-il Stat l-aktar fil-grigal tal-pajjiż qiegħed isir stħarriġ seroloġiku biex tiġi stmata s-sitwazzjoni tal-marda. (5) Huwa għalhekk xieraq li r-reġjonalizzazzjoni tiġi addattata għas-sitwazzjoni tal-marda fil-pajjiż konċernat, waqt li jingħata kas ta’ l-istħarriġ li huwa għaddej bħalissa. (6) Il-miżuri li għalihom hemm provdut f’din id-Deċiżjoni huma skond l-opinjoni tal-Kumitat Veterinarju Permanenti, ADOTTAT DIN ID-DEĊIŻJONI: Artikolu 1 Il-kliem "Maranhão", "Piaui", "Rio Grande do Norte", "Paraiba", "Bahia" u "Tocantins" huma mneħħija mil-lista ta’ l-Istati tal-Brażil fl-Anness għad-Deċiżjoni 92/160/KEE. Artikolu 2 Din id-Deċiżjoni hija indirizzata lill-Istati Membri. Magħmula Brussel, fis-27 ta’ Diċembru 2000. Għall-Kummissjoni David Byrne Membru tal-Kummissjoni [1] ĠU L 224, tat-18.8.1990, p. 42. [2] ĠU L 71, tat-18.3.1992, p. 27. [3] ĠU L 204, tal-11.8.2000, p. 44. [4] ĠU L 51, ta’ l-24.2.2000, p. 46. --------------------------------------------------