This document is an excerpt from the EUR-Lex website
Document 32000R1040
Council Regulation (EC) No 1040/2000 of 16 May 2000 amending Regulation (EC) No 1255/1999 on the common organisation of the market in milk and milk products
Ir-Regolament tal-Kunsill (KE) Nru 1040/2000 tas-16 ta’ Mejju 2000 li jemenda r-Regolament (KE) Nru 1255/1999 dwar l-organizzazzjoni komuni tas-suq fil-ħalib u l-prodotti mill-ħalib
Ir-Regolament tal-Kunsill (KE) Nru 1040/2000 tas-16 ta’ Mejju 2000 li jemenda r-Regolament (KE) Nru 1255/1999 dwar l-organizzazzjoni komuni tas-suq fil-ħalib u l-prodotti mill-ħalib
ĠU L 118, 19.5.2000, p. 1–1
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO)
No longer in force, Date of end of validity: 30/06/2008; Impliċitament imħassar minn 32007R1234
Relation | Act | Comment | Subdivision concerned | From | To |
---|---|---|---|---|---|
Modifies | 31999R1255 | Sostituzzjoni | artikolu 31.14 | 26/05/2000 |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32007R1234 | 01/07/2008 |
Official Journal L 118 , 19/05/2000 P. 0001 - 0001
Ir-Regolament tal-Kunsill (KE) Nru 1040/2000 tas-16 ta’ Mejju 2000 li jemenda r-Regolament (KE) Nru 1255/1999 dwar l-organizzazzjoni komuni tas-suq fil-ħalib u l-prodotti mill-ħalib IL-KUNSILL TA’ L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikoli 36 u 37 tiegħu, Wara li kkunsidra l-proposta mill-Kummissjoni [1], Wara li kkunsidra l-opinjoni tal-Parlament Ewropew [2], Wara li kkunsidra l-opinjoni tal-Kumitat Ekonomiku u Soċjali [3], Billi: (1) L-Artikolu 31 tar-Regolament (KE) Nru 1255/1999 [4] jipprovdi għal rifużjonijiet dwar ċerti prodotti koperti bir-Regolament jekk ikunu esportati bħala oġġetti elenkati fl-Anness II ta’ miegħu, imsejsa fuq il-prezzijiet ta’ dawn il-prodotti fil-kummerċ dinji u d-differenza bejn dawn il-prezzijiet u l-prezzijiet fil-Komunità, fil-limiti li jirriżultaw mill-ftehim konklużi skond l-Artikolu 300 tat-Trattat. (2) F’numru ta’ setturi agrikoli, b’mod partikolari fiċ-ċereali, iz-zokkor, ir-ross u l-bajd, il-Kummissjoni ingħatat ir-responsabbiltà li tidentifika l-oġġetti li jistgħu jikkwalifikaw għar-rifużjonijiet fuq l-esportazzjoni, inkluzi l-oġġetti li ma jidħlux fl-Anness I mat-Trattat, sabiex tiġi żgurata l-flessibbiltà meħtieġa sabiex isir l-użu l-iktar effiċjenti possibbli tar-riżorsi disponibbli; huwa għalhekk approprjat illi l-Kummissjoni tingħata l-istess responsabbiltajiet sabiex jiġu identifikati l-oġġetti eliġibbli għar-rifużjonijiet fis-settur tal-prodotti mill-ħalib, ADOTTA DAN IR-REGOLAMENT: Artikolu 1 L-Artikolu 31 (14) ta’ Regolament (KE) Nru 1255/1999 għandu jiġi mibdul b’dan li ġej: "14. Ir-regoli ddettaljati sabiex jiġi applikat dan l-Artikolu, inklużi l-arranġamenti għat-tqassim mill-ġdid tal-kwantitajiet esportabbli mhux allokati jew mhux użati, u kull emenda għal l-Anness II għandhom jiġu adottati mill-Kummissjoni skond il-proċedura stabbilita fl-Artikolu 42. Madanakollu, ir-regoli ddettaljati sabiex jiġu applikati l-paragrafi 8, 10, 11 u 12 għall-prodotti riferiti fl-Artikolu 1 u esportati fil-għamla ta’ l-oġġetti elenkati fl-Anness II ma’ dan ir-Regolament għandhom jiġu adottati skond il-proċedura stabbilita fl-Artikolu 16 tar-Regolament (KE) Nru 3448/93." Artikolu 2 Dan ir-Regolament għandu jidħol fis-seħħ fis-seba’ jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Dan ir-Regolament għandu jorbot fl-intier tiegħu u jkun japplika direttament fl-Istati Membri kollha. Magħmul fi Brussel, is-16 Mejju 2000. Għall-Kunsill Il-President L. Capoulas Santos [1] ĠU C Nru L 89 E, tat-28.3.2000, p. 31. [2] Opinjoni mogħtija fit-3 Mejju 2000 (għadha mhix ippubblikata fil-Ġurnal Uffiċċjali). [3] ĠU C 75, tal-15.3.2000, p. 14. [4] ĠU L160, tas- 26.6.1999, p. 48. --------------------------------------------------