This document is an excerpt from the EUR-Lex website
Document 31999L0081
Council Directive 1999/81/EC of 29 July 1999 amending Directive 92/79/EEC on the approximation of taxes on cigarettes, Directive 92/80/EEC on the approximation of taxes on manufactured tobacco other than cigarettes and Directive 95/59/EC on taxes other than turnover taxes which affect the consumption of manufactured tobacco
Id-Direttiva tal-Kunsill 1999/81/KE tad-29 ta' Lulju 1999 li temenda d-direttiva 92/79/KEE dwar it-tqarrib tat-taxxi fuq is-sigaretti, d-Direttiva 92/80/KEE dwar it-tqarrib tat-taxxi fuq it-tabakk maħdum li mhuwiex sigaretti u d-Direttiva 95/59/KE dwar taxxi għajr taxxi fuq id-dħul mill-bejgħ li jaffettwaw il-konsum tat-tabakk maħdum
Id-Direttiva tal-Kunsill 1999/81/KE tad-29 ta' Lulju 1999 li temenda d-direttiva 92/79/KEE dwar it-tqarrib tat-taxxi fuq is-sigaretti, d-Direttiva 92/80/KEE dwar it-tqarrib tat-taxxi fuq it-tabakk maħdum li mhuwiex sigaretti u d-Direttiva 95/59/KE dwar taxxi għajr taxxi fuq id-dħul mill-bejgħ li jaffettwaw il-konsum tat-tabakk maħdum
ĠU L 211, 11.8.1999, p. 47–49
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO)
No longer in force, Date of end of validity: 31/12/2010; Imħassar b' 32011L0064
Relation | Act | Comment | Subdivision concerned | From | To |
---|---|---|---|---|---|
Modifies | 31992L0079 | Żieda | artikolu 2BIS | 01/01/1999 | |
Modifies | 31992L0079 | Żieda | artikolu 3.3 | 01/01/1999 | |
Modifies | 31992L0079 | Sostituzzjoni | artikolu 4 | 01/01/1999 | |
Modifies | 31992L0079 | Żieda | artikolu 3.4 | 01/01/1999 | |
Modifies | 31992L0080 | Sostituzzjoni | artikolu 3.1 | 01/01/1999 | |
Modifies | 31995L0059 | DATE artikolu 4.1 | |||
Modifies | 31995L0059 | Sostituzzjoni | artikolu 16.5 | 01/01/1999 | |
Modifies | 31995L0059 | Żieda | artikolu 16.2 BIS | 01/01/1999 | |
Modifies | 31995L0059 | Emenda | artikolu 16.3 | 01/01/1999 |
Relation | Act | Comment | Subdivision concerned | From | To |
---|---|---|---|---|---|
Corrected by | 31999L0081R(01) | (HU) | |||
Corrected by | 31999L0081R(02) | (DA) | |||
Repealed by | 32011L0064 |
Official Journal L 211 , 11/08/1999 P. 0047 - 0049
Id-Direttiva tal-Kunsill 1999/81/KE tad-29 ta' Lulju 1999 li temenda d-direttiva 92/79/KEE dwar it-tqarrib tat-taxxi fuq is-sigaretti, d-Direttiva 92/80/KEE dwar it-tqarrib tat-taxxi fuq it-tabakk maħdum li mhuwiex sigaretti u d-Direttiva 95/59/KE dwar taxxi għajr taxxi fuq id-dħul mill-bejgħ li jaffettwaw il-konsum tat-tabakk maħdum IL-KUNSILL TA' L-UNJONI EWROPEA, Wara li kkunsidra t-Trattat li jistabbilixxi l-Komunitajiet Ewropej, u b'mod partikolari l-Artikolu 93 tiegħu, Wara li kkunsidra l-proposta mill-Kummissjoni [1], Wara li kkunsidra l-opinjoni tal-Parlament Ewropew [2], Wara li kkunsidra l-opinjoni tal-Kumitat Ekonomiku u Soċjali [3], Billi: (1) fl-ewwel rapport tiegħha dwar l-istruttura u r-rati tat-taxxi tas-sisa, stipulati skond id-disposizzjonijiet tad-Direttiva 92/79/KEE [4] u d-Direttiva 92/80/KEE [5], il-Kummissjoni ġibdet biss l-attenzjoni għal ċerti diffikultajiet li ltaqgħu magħhom fl-implimentazzjoni tad-Direttivi, mingħajr ma pproponiet xi soluzzjonijiet preċiżi; (2) minn dak iż-żmien sar proċess ta' konsultazzjoni li jinvolvi l-awtoritajiet nazzjonali, r-rappreżentanti tal-kummerċ u gruppi nteressati; (3) l-ewwel stadju f'dan il-proċess ta' konsultazzjoni kienet il-Konferenza ta' Lisbona, li l-għan tagħha kien li tkun stmata l-eżekuzzjoni ta' l-arranġamenti Komunitarji u li tassisti lill-Kummissjoni fil-kompitu tagħha li tippjana l-politika tal-futur tat-taxxa tas-sisa; (4) il-proċess ta' konsultazzjoni wassal għal tieni rapport tal-Kummissjoni; (5) il-proċess ta' konsultazzjoni żvela d-diffikultajiet fl-applikazzjoni tar-regola ta' l-inċidenza minima ta' 57 %; (6) ir-regoli għandhom ikunu interpretati u implimentati b'mod iżjed uniformi fl-Istati Membri jekk is-suq intern għandu jitħaddem mingħajr diffikultà; (7) barra dan, regoli li jistgħu jkunu implimentati iżjed faċilment għandhom ikunu stabbiliti jekk is-suq intern għandu jitħaddem mingħajr diffikultà; (8) minkejja dan l-Istati Membri għandhom jitħallew ikollhom flessibiltà biżżejjed sabiex jidentifikaw u jimplimentaw il-politiki mfassla skond iċ-ċirkostanzi nazzjonali; (9) għal raġunijiet prattiċi, l-Istati Membri għandhom jingħataw ftit flessibiltà sabiex jaġġustaw l-inċidenza tat-taxxa tas-sisa minima totali konformi ma' ċerti bidliet, inkluż dawk fir-rati tal-VAT; (10) L-Istati Membri għandhom jingħataw fejn jagħżlu li jinnewtralizzaw l-impatt tal-bidliet fir-rata tal-VAT fuq it-taxxa tas-sisa minima totali; (11) l-eżistenza ta' din l-għażla m'għandhiex twassal għal distorsjoni tal-kompetizzjoni jew għal nuqqas ta' funzjonament tas-suq intern; (12) l-għażliet possibbli għall-Istati Membri li jirrigwardaw l-applikazzjoni tad-Direttivi għandhom ikunu limitati fiż-żmien; (13) is-sitwazzjoni li ġġustifikat id-deroga mir-rata totali tas-sisa minima ta' 57 % li ngħatat lir-Renju ta' l-Isvezja bl-Att ta' Adeżjoni tal-1994 għadha teżisti; billi hu għalhekk neċessarju li tingħata lir-Renju ta' l-Isvezja estensjoni tad-deroga sa' u inkluż il-31 ta' Diċembru 2002; (14) hu għalhekk xieraq li Franza tingħata perjodu addizzjonali sa' u inkluż il-31 ta' Diċembru 2002 għas-sigaretti u għall-prodotti tat-tabakk mibjugħa fil-gżira ta' Korsika; (15) hu xieraq li jingħata perjodu addizzjonali lil Ġermanja sabiex taġġusta r-rati nazzjonali tagħha għar-rollijiet tat-tabakk maqtugħa fini b'konformità mal-leġislazzjoni Komunitarja; (16) ma hemm xejn li jipprevjeni lill-Istati Membri milli jkunu awtorizzati li japplikaw it-taxxa tas-sisa minima lis-sigarri, lis-sigarri żgħar u lit-tabakk tat-tipjip fejn din il-possibiltà ta' għażla diġa teżisti għal sigaretti u tabakk li jinbaram bl-idejn; (17) hemm il-ħtieġa li titwaqqaf proċedura ta' reviżjoni; (18) il-perjodu preżenti ta' sentejn hu qasir wisq għall-evalwazzjoni xierqa ta' tibdiliet fil-leġislazzjoni ta' l-Istati Membri; (19) għal din ir-raġuni r-reviżjonijiet għandhom isiru mhux inqas spiss minn kull tliet snin, u għall-ewwel darba mhux iżjed tard mill-31 ta' Diċembru 2000; (20) sabiex tkun evitata waqa fil-valur tar-rati minimi Komunitarji ta' taxxa fuq is-sigarri, is-sigarri żgħar u t-tabakk li jinbaram bl-idejn u tabakk ieħor tat-tipjip, hemm bżonn ta' skeda taż-żidiet; (21) għalhekk id-Direttivi 92/79/KEE, 92/80/KEE u 95/59/KE [6] għandhom ikunu emendati, ADOTTAW DIN ID-DIRETTIVA: Artikolu 1 Id-Direttiva 92/79/KEE hi hawnhekk emendata kif ġej: 1. l-Artikolu li ġej se jkun inkluż: "Artikolu 2a 1. Meta sseħħ bidla fil-prezz tal-bejgħ bl-imnut ta' sigaretti fil-kategorija ta' prezzijiet l-iżjed popolari ssir fi Stat Membru, u b'hekk iġġib l-inċidenza tat-taxxa tas-sisa minima totali taħt il-livell speċifikat fl-ewwel subparagrafu ta' l-Artikolu 2, l-Istat Membru in kwistjoni jista' iżomm milli jaġġusta l-inċidenza tat-taxxa tas-sisa minima totali sa mhux iżjed tard mill-1 ta' Jannar tat-tieni sena wara dik li fiha tkun saret il-bidla. 2. Meta l-Istat Membru jżid ir-rata tat-taxxa fuq il-valur miżjud fuq is-sigaretti, dan jista jnaqqas l-inċidenza tat-taxxa tas-sisa minima totali s'ammont li, imfisser bħala persentaġġ tal-prezz tal-bejgħ bl-imnut, hu ugwali għall-inċidenza taż-żieda fir-rata tat-taxxa fuq il-valur miżjud, imfisser ukoll bħala persentaġġ tal-prezz tal-bejgħ bl-imnut, anki jekk aġġustament bhal dan għandu l-effett li jnaqqas l-inċidenza tat-taxxa tas-sisa minima totali għal inqas mill-livell stipulat fl-Artikoku 2. 3. Jekk, skond il-paragrafu 2, l-Istat Membru jnaqqas l-inċidenza tas-sisa minima totali għal livell iktar baxx minn dak stipulat fl-ewwel subparagrafu ta' l-Artikolu 2, dan għandu jżid dik l-inċidenza sabiex jilħaq mill-anqas dak il-livell mhux iżjed tard mill-1 ta' Jannar tat-tieni sena wara dik li fiha jkun sar it-tnaqqis."; 2. il-paragrafi segwenti għandhom jiżdiedu ma' l-Artikolu 3: "3. Minkejja l-Artikolu 2, ir-Renju ta' l-Isvezja jista' jipposponi, sa u inkluż il-31 ta' Diċembru 2002, l-applikazzjoni ta' taxxa tas-sisa minima totali ekwivalenti għall-prezz tal-bejgħ bl-imnut (inklużi t-taxxi kollha) ta' sigaretti fil-kategorija ta' prezz l-iżjed popolari. Flimkien ma' dan, ir-Renju ta' l-Isvezja ma jistgħax inaqqas it-taxxa tas-sisa totali inqas mill-livell applikat fl-1 ta' Awissu 1998. 4. Sa u inkluż il-31 Diċembru 2002, ir-Repubblika Franċiża tista tapplika l-istess rati bħal dawk fis-seħħ fil-31 ta' Diċembru 1997 għal sigaretti mibjugħa fuq il-gżira ta' Korsika."; 3. Artikolu 4 għandu jinbidel b'dan li ġej: "Artikolu 4 Mhux inqas frekwenti minn kull tliet snin, u għall-ewwel darba mhux iżjed tard mill-31 ta' Diċembru 2000, il-Kunsill, fuq il-bażi ta' rapport u, fejn xieraq, ta' proposta mill-Kummissjoni, għandu jeżamina t-taxxa tas-sisa minima totali stipulata fl-Artikolu 2 u fl-Artikolu 3(2) u l-istruttura tat-taxxi tas-sisa kif imsemmija fl-Artikolu 16 tad-Direttiva tal-Kunsill 95/59/KE tas-27 ta' Novembru 1995 dwar taxxi li mhumiex dawk ta' valur tal-bejgħ li jaffettwaw il-konsum tat-tabakk prodott [7] u, b'mod unanimu wara li jikkonsulta lill-Parlament Ewropew, għandu jadotta l-miżuri meħtieġa. Ir-rapport mill-Kummissjoni u l-eżami mill-Kunsill għandu jieħu in kunsiderazzjoni t-tħaddim kif suppost tas-suq intern u l-iskopijiet iżjed wiesgħa tat-Trattat." Artikolu 2 Id-Direttiva 92/80/KEE hawnhekk qed tkun emendata kif ġej: 1. L-Artikolu 3 għandu jkun emendat kif ġej: (a) il-paragrafu 1 għandu jinbidel b'dan li ġej: "1. L-Istati Membri għandhom japplikaw taxxa tas-sisa li tista tkun: (a) jew taxxa ad valorem ikkalkulata fuq il-bażi tal-prezz tal-bejgħ bl-imnut ta' kull prodott, stabbilit b'mod liberu mill-produtturi stabbiliti fil-Komunità u minn importaturi minn pajjiżi mhux membri skond l-Artikolu 9 tad-Direttiva tal-Kunsill 95/59/KE tas-27 ta' Novembru 1995 dwar it-taxxi li mhumiex taxxi ta' valur tal-bejgħ li jaffettwaw il-konsum tat-tabakk prodott [8], (b) jew taxxa speċifika mfissra bħala ammont għal kull kilogramma jew fil-każ ta' sigarri u sigarri żgħar alternattivament għal numru mogħti ta' oġġetti, (ċ) jew taħlita tat-tnejn, li tgħaqqad element ad valorem u element speċifiku. Fil-każijiet fejn it-taxxa tas-sisa tkun jew ad valorem jew imħallta, l-Istati Membri jistgħu jistabbilixxu ammont minimu ta' taxxa tas-sisa. It-taxxa tas-sisa totali mfissra bħala persentaġġ, bħala ammont għal kull kilogramma jew għal numru mogħti ta' oġġetti għandha tkun mill-anqas ekwivalenti għar-rati jew għall-ammonti minimi stipulati għal: - sigarri u sigarri żgħar: 5 % tal-prezz tal-bejgħ bl-imnut inklużi t-taxxi kolha, jew EUR 9 għal kull 1000 oġġett jew kull kilogramma, - tabakk tat-tipjip imqatta rqiq maħsub għall-brim tas-sigaretti: 30 % tal-prezz tal-bejgħ bl-imnut inklużi t-taxxi kollha, jew EUR 24 għal kull kilogramma, - tabakk ieħor tat-tipjip: 20 % tal-prezz tal-bejgħ bl-imnut inklużi t-taxex kollha, jew EUR 18 għal kull kilogramma. Mill-1 ta' Jannar 2001, l-ammonti ta' EUR 9, EUR 24 u EUR 18 fit-tliet inċiżi preċedenti għandhom ikunu sostitwiti b' EUR 10, EUR 25 u EUR 19 rispettivament."; (b) il-paragrafu segwenti għandu jiżdied: "4. Sal-31 ta' Diċembru 2002, ir-Repubblika Franċiża tista' tapplika l-istess rati li kien hemm fis-seħħ fil-31 ta' Diċembru 1997 lill-prodotti tat-tabakk koperti minn din id-Direttiva u mibjugħa fuq il-gżira ta' Korsika."; 2. L-Artikolu 4 għandu jinbidel b'dan li ġej: "Artikolu 4 Mhux inqas frekwenti minn kull tliet snin, u għall-ewwel darba mhux iżjed tard mill-31 ta' Diċembru 2000, il-Kunsill, fuq il-bażi ta' rapport u, fejn xieraq, proposta mill-Kummissjoni, għandu jeżamina r-rati tat-taxxa stipulati hawn u, b'mod unanimu wara li jikkonsulta mal-Parlament Ewropew, għandu jadotta l-miżuri neċessarji. Ir-rapport mill-Kummissjoni u l-eżami mill-Kunsill għandhom jieħdu in kunsiderazzjoni t-tħaddim kif suppost tas-suq intern, il-valur proprju tar-rati tat-taxxa u l-għanijiet iżjed wiesgħa tat-Trattat." Artikolu 3 Id-Direttiva 95/59/KE hawnhekk qed tkun emendata kif ġej: 1. fit-tieni subparagrafu ta' l-Artikolu 4(1), il-kliem "Sal-31 ta' Diċembru 1998" għandhom ikunu sostitwiti b' "Sa u inkluż il-31 ta' Diċembru 2001"; 2. l-Artikolu 16 għandu jkun emendat kif ġej: (a) il-paragrafu segwenti għandu jkun inkluż: "2a. B'deroga mill-paragrafu 2, fejn bidla fil-prezz tal-bejgħ bl-imnut tas-sigaretti fil-kategorija ta' prezz l-iżjed popolari tinsab fi Stat Membru, b'hekk iġġib il-komponent speċifiku tat-taxxa tas-sisa, imfisser bhala persentaġġ tal-piż totali tat-taxxa, taħt il-5 % jew fuq il-55 % tal-piż totali tat-taxxa, l-Istat Membru in kwistjoni jista jżomm ruħu milli jaġġusta l-ammont tat-taxxa tas-sisa speċifika sa mhux iżjed tard mill-1 ta' Jannar tat-tieni sena li tiġi wara dik li fiha tkun saret il-bidla."; (b) fil-paragrafu 3, il-frażi "jekk it-taxxa tas-sisa jew it-taxxa tal-valur tal-bejgħ intaxxat" għandha tkun sostitwita b' "jekk it-taxxa tas-sisa ntaxxata"; (ċ) il-paragrafu 5 għandu jinbidel b'dan li ġej: "5. L-Istati Membri jistgħu jintaxxaw taxxa tas-sisa minima fuq is-sigaretti, iżda din m'għandhiex ikollha l-effett li tgħolli t-taxxa totali għal iżjed minn 90 % tat-taxxa totali fuq il-kategorija ta' prezzijiet tas-sigaretti l-iżjed popolari." Artikolu 4 1. L-Istati Membri għandhom idaħħlu fis-seħħ il-liġijiet, ir-regolamenti u l-provvedimenti amministrattivi meħtieġa sabiex ikunu jistgħu jħarsu din id-Direttiva mill-1 ta' Jannar 1999. Għandhom jinfurmaw lill-Kummissjoni b'dan minnufih. Meta l-Istati Membri jadottaw dawn il-miżuri, għandhom ikollhom fihom riferenza għal din id-Direttiva jew għandhom ikunu akkumpanjati b'dik ir-riferenza fiż-żmien tal-pubblikazzjoni uffiċjali tagħhom. Il-metodi li bihom għandha ssir din ir-riferenza għandhom ikunu stipulati mill-Istati Membri. 2. L-Istati Membri għandhom jikkomunikaw lill-Kummissjoni t-test tad-disposizzjonijiet tal-liġi nazzjonali li huma jadottaw fis-suġġett kopert b'din id-Direttiva. Artikolu 5 Din id-Direttiva għandha tidħol fis-seħħ fil-jum li fiħ tkun ippubblikata fil-Ġurnal Uffiċjali tal-Komunitajiet Ewropej. Għandha tibda tgħodd mill-1 ta' Jannar 1999. Artikolu 6 Din id-Direttiva hi indirizzata lill-Istati Membri. Magħmula fi Brussel, fid-29 ta' Lulju 1999. Għall-Kunsill Il-President S. Hassi [1] ĠU C 203, tat-30.6.1998, p. 16. [2] ĠU C 153, ta' l-1.6.1999. [3] ĠU C 410, tal-31.12.1998, p. 1. [4] ĠU L 316, tal-31.10.1992, p. 8. [5] ĠU L 316, tal-31.10.1992, p. 10. [6] ĠU L 291, tas-6.12.1995, p. 40. [7] ĠU L 291, tas-6.12.1995, p. 40. [8] ĠU L 291, tas-6.12.1995, p. 40. --------------------------------------------------