This document is an excerpt from the EUR-Lex website
Document 31997R0434
Council Regulation (EC) No 434/97 of 3 March 1997 amending Regulation (EEC) No 2377/90 laying down a Community procedure for the establishment of maximum residue limits of veterinary medicinal products in foodstuffs of animal origin
Ir-Regolament tal-Kunsill (KE) Nru 434/97 tat-3 ta’ Marzu 1997 li jemenda r-Regolament (KEE) Nru 2377/90 li jistabbilixxi proċedura tal-Komunità għat-twaqqif ta’ limiti massimi ta’ residwu għal prodotti mediċinali veterinarji f’oġġetti ta’ l-ikel li ġejjin mill-annimali.
Ir-Regolament tal-Kunsill (KE) Nru 434/97 tat-3 ta’ Marzu 1997 li jemenda r-Regolament (KEE) Nru 2377/90 li jistabbilixxi proċedura tal-Komunità għat-twaqqif ta’ limiti massimi ta’ residwu għal prodotti mediċinali veterinarji f’oġġetti ta’ l-ikel li ġejjin mill-annimali.
ĠU L 67, 7.3.1997, p. 1–1
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO)
No longer in force, Date of end of validity: 05/07/2009; Impliċitament imħassar minn 32009R0470
Relation | Act | Comment | Subdivision concerned | From | To |
---|---|---|---|---|---|
Modifies | 31990R2377 | Tlestija | artikolu 14 | 01/01/1997 |
Official Journal L 067 , 07/03/1997 P. 0001 - 0001
Ir-Regolament tal-Kunsill (KE) Nru 434/97 tat-3 ta’ Marzu 1997 li jemenda r-Regolament (KEE) Nru 2377/90 li jistabbilixxi proċedura tal-Komunità għat-twaqqif ta’ limiti massimi ta’ residwu għal prodotti mediċinali veterinarji f’oġġetti ta’ l-ikel li ġejjin mill-annimali. IL-KUNSILL TA’ L-UNJONI EWROPEJA, Wara li kunsidra t-Trattat li jistabbilixxi il-Komunità Ewropea, u b’mod partikolari l-Artikolu 43 dwar dan, Wara li kunsidra l-proposta mill-Kummissjoni [1], Wara li kunsidra l-fehma tal-Parlament Ewropew [2], Wara li kunsidra l-fehma tal-Kumitat Ekonomiku u Soċjali [3], Billi r-Regolament (KEE) Nru 2377/90 [4] jipprovdi għall-evalwazzjoni progressiva ta’ sustanzi li l-użu tagħhom ġie awtoriżżat fid-data tad-dħul fis-seħħ ta’ dak ir-Regolament u billi l-Artikolu 14 ta’ dan jistabbilixxi li, b’effett mill-1 ta’ Jannar 1997, ‘l-amministrazzjoni ta’ annimali li jipproduċu ikel tal-prodotti mediċinali veterinarji li jkun fihom sustanzi farmakoloġikament attivi li m’humiex imsemmija fl-Annessi I, II jew III għandhom jiġu projbiti fil-Komunità’. Billi, sabiex din il-proċedura tal-Komunità titħalla titkompla fuq sisien xjentifikament sodi u biex l-istess proċedura ma tiċħadx kirurgi veterinarji u talin li jużaw sustanzi meħtieġa milli jħarsu s-saħħa ta’ l-annimali, dan il-limitu ta’ żmien għandu jiġi estiż għal sustanzi għal liema applikazzjonijiet iddokumentati għat-twaqqif ta’ limiti massimi ta’ residwu ġew mogħtija lill-Kummissjoni jew lill-Aġenzija Ewropea għall-Evalwazzjoni ta’ Prodotti Mediċinali qabel l-1 ta’ Jannar 1996, jew il-perijodu ta’ estensjoni li jinbidel skond in-natura tas-sustanza. ADDOTTA DAN IR-REGOLAMENT: Artikolu 1 Il-sottoparagrafi li ġejjin għandhom jiġu miżjuda ma’ l-Artikolu 14 tar-Regolament (KEE) Nru 2377/90: "Madankollu, d-data li għaliha saret referenza fis-sottoparagrafu ta’ qabel għandha tiġi diferita għal sustanzi li l-użu tagħhom ġiet awtorizzat fid-data tad-dħul fis-seħħ ta’ dan ir-Regolament u b’rispett ta’ liema applikazzjonijiet iddokumentati għat-twaqqif ta’ limiti massimi ta’ residwu ġew mogħtija lill-Kummissjoni jew l-Aġenzija Ewropea għall-Evalwazzjoni ta’ Prodotti Mediċinali qabel l-1 ta’ Jannar, 1996: - sa l-1 ta’ Jannar 1998 fil-każ ta’ prodotti li ġejjin minn pyrasolidon, nitroimidazoles, aċiduarsaniliku u phenylubutazone, u - sa l-1 ta’ Jannar 2000 fil-każ ta’ sustanzi oħra. L-Aġenzija għandha tippubblika lista ta’ dawn is-sustanzi qabel is-7 ta’ Ġunju 1997." Artikolu 2 Dan ir-Regolament għandu jidħol fis-seħħ fil-ġurnata tal-pubblikazzjoni tiegħu tal-Ġurnal Uffiċjali tal-Komunitajiet Ewropej. Għandu japplika mill-1 ta’ Jannar 1997. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fit-3 ta’ Marzu 1997. Għall-Kunsill Il-President M. De Boer [1] ĠU C 381, tas-17.12.1996, p. 9. [2] Fehma mogħtija fl-20 ta’ Frar 1997 (għad mhix ippublikata fil-Ġurnal Uffiċjali). [3] Fehma mogħtija fid-27 ta’ Frar 1997 (għad mhix ippubblikata fil-Ġurnal Uffiċjali). [4] ĠU L 224, tat-18.8.1990, p. 1. Regolament kif l-aħħar emendat minn Regolament tal-Kummissjoni (KE) Nru 17/97 (ĠU L 5, tad-9.1.1997, p. 12). --------------------------------------------------