31995L0021

Id-Direttiva tal-Kunsill 95/21/KE

tad-19 ta' Ġunju 1995

li tikkonċerna l-infurzar, fir-rigward ta' bastimenti li jużaw l-portijiet tal-Komunità u li jbaħħru fl-ibħra taħt il-ġurisdizzjoni ta' l-Istati Membri, ta' standards internazzjonali għas-sigurtà tal-bastimenti, il-prevenzjoni ta' tniġġis u l-kondizzjonijiet ta' l-għajxien u tax-xogħol abbord (kontroll portwali ta' l-Istat)

IL-KUNSILL TA' L-UNJONI EWROPEA,

Wara li kkunsidra it-Trattat li jistabbilixxi l-Komunità Ewropea, u partikolarment l-Artikolu 84(2) tiegħu,

Wara li kkunsidra l-proposta mill-Kummissjoni [1],

Wara li kkunsidra l-opinjoni tal-kumitat Ekonomiku u Soċjali [2],

Waqt li jaġixxi skond l-Artikolu 189ċ tat-Trattat [3],

Billi l-Komunità hija serjament konċernata dwar korrimenti fuq bastimenti u tniġġis ta' l-ibħra u l-kosti ta' l-Istati Membri;

Billi l-Komunità hija ugwalment konċernata fuq il-kondizzjonijiet ta' l-għajxien u tax-xogħol abbord u;

Billi l-Kunsill, fil-laqgħa tiegħu tal-25 ta' Jannar 1993, adotta konklużjonijiet li ħajru l-Komunità u l-Istati Membri biex jassiguraw applikazzjoni aktar effettiva u infurzar ta' standards internazzjonali adegwati dwar sigurtà marittima u standards ta' protezzjoni ambjentali u biex jimplimentaw il-miżuri ġodda meta adottati;

Billi, fir-riżoluzzjoni tagħhom tat-8 ta' Ġunju 1993 fuq politika komuni fuq ibħra siguri [4], il-Kunsill ħeġġeġ il-Kummissjoni biex tissottometti malajr kemm jista' jkun lill-Kunsill suġġermenti għall-azzjoni speċifika dwar kriterji għal spezzjoni ta' bastimenti, inkluża l-armonizzazzjoni ta' regoli ta' detenzjoni, u inkluża l-possibbiltà ta' pubblikazzjoni tar-riżultati ta' l-ispezzjonijiet u rifjut ta' aċċess għall-portijiet tal-Komunità;

Billi sigurtà, prevenzjoni ta' tniġġis u għajxien abbord bastimenti u kondizzjonjiet tax-xogħol jistgħu jkunu miżjuda b'riduzzjoni drastika minn ibħra tal-Komunità, billi tapplika b'mod strett Konvenzjonijiet Internazzjonali, kodiċijiet u riżoluzzjonijiet;

Billi l-monitoraġġ tat-tħaris tal-bastimenti ta' l-istandards internazzjonali għal sigurtà, prevenzjoni tal-tniġġis u kondizzjoniiet tax-xogħol għandhom ikunu primarjament ta' l-Istat tal-bandiera; billi, hemm nuqqas serju fuq numru dejjem jiżdied ta' Stati tal-bandiera biex jimplimentaw u jinforzaw standards internazzjonali; billi mil-lum 'il quddiem l-osservanza ta' standards internazzjonali għal sigurtà, prevenzjoni ta' tniġġis u kondizzjonijiet tax-xogħol għandhom ukoll jiġu osservati mill-Istat tal-port;

Billi ħsieb armonizzat għal infurzar effettiv ta' dawn l-istandards internazzjonali mill-Istati Membri dwar bastimenti li jbaħħru taħt il-ġurisdizzjoni tagħhom u jużaw il-portijiet tagħhom jevitaw tgħawwiġ tal-kompetitività;

Billi qafas fil-liġi tal-Komunità għal proċeduri armonizzati ta' spezzjoni huwa fundamentali għal assigurazzjoni ta' applikazzjoni omoġenja tal-prinċipji ta' sigurtà fit-tbaħħir u prevenzjoni ta' tniġġis li qegħdin fil-qafas ta' transport tal-Komunità u politika ambjentali;

Billi tniġġis ta' l-ibħra hija min-natura fenomenu li m'għandux konfini; billi, skond il-prinċipju ta' sussidarjetà, l-iżvilupp tal-meżżi biex tieħu azzjoni preventiva f'dan il-qasam dwar ibħra maġenb Stati Membri hija aħjar magħmula f'livell Komunitarju, minħabba li Stati Membri ma jistgħux jieħdu azzjoni adegwata u effettiva f'iżolament;

Billi l-adozzjoni ta' Direttiva tal-Kunsill hija l-proċedura approprjata biex tistabbilixxi qafas legali u regoli armonizzati u kriterji għal kontroll ta' port ta' Stat;

Billi għandu jittieħed vantaġġ mill-esperjenza gwadanjata waqt l-operazzjoni tal-Memorandum ta' Pariġi ta' Ftehim (MOU) fuq Kontroll Portwali ta' l-Istat (PSC), iffirmat f'Pariġi fis-26 Jannar 1982;

Billi l-ispezzjoni minn kull Stat Membru ta' l-inqas 25 % tan-numru ta' bastimenti barranin individwali li daħlu fil-portijiet tagħhom f'ċertu sena ifisser li numru kbir ta' bastimenti li joperaw fil-Komunità f'xi ħin għaddew minn inspezzjoni;

Billi għandhom isiru aktar sforzi biex jiżviluppaw sistema aħjar ta' miri;

Billi r-regoli u proċeduri għal spezzjonijiet ta' portijiet ta' Stat, inklużi kriterji għad-detenzjoni tal-bastimenti, għandhom ikunu armonizzati biex jassiguraw effiċjenza konsistenti fil-portijiet kollha, li tnaqqas radikalment ukoll l-użu selettiv ta' ċertu portijiet ta' destinazzjoni biex tevita ix-xibka ta' kontroll xieraq;

Billi l-istatistiċi ta' midruba, detenzjonijiet u defiċjenzi pubblikati fil-komunikazzjoni tal-Kumissjoni msemmija 'Politika komuni fuq ibħra siguri u fir-rapport annwali ta' MOU juri li ċertu kategoriji ta' bastimenti għandhom bżonn ikunu soġġetti għal spezzjoni ikbar;

Billi non-konformità mad-dispożizzjonijiet tal-Konvenzjonijiet relevanti għandha tiġi rranġata; billi bastimenti li jeħtieġ jieħdu azzjoni korrettorja għandhom, meta n-nuqqasijiet f'osservazzjoni huma kjarament perikolużi għas-sigurtà, saħħa, jew l-ambjent, għandhom jinżammu sakemm jiġu kkorreġuti n-nuqqasijiet;

Billi għandu jkun disponibbli dritt ta' appell kontra deċiżjonijiet għal detenzjoni meħuda minn awtoritajiet kompetenti, biex ma jħallux li jittieħdu deċiżjonijiet mhux raġjonevoli li jistgħu jikkawżaw detenzjoni u dewmien mhux dovuti;

Billi l-faċilitajiet fil-port ta' spezzjoni jistgħu jkunu tali li l-awtoritajiet kompetenti jkunu obbligati li jawtorizzaw il-bastiment jipproċedi għal tarzna xierqa, sakemm jiġu osservati l-kondizzjonijiet ta' trasferiment; billi bastimenti li ma jħarsux dawn ir-regolamenti jibqgħu jkunu ta' theddida għas-sigurtà, saħħa u ambjent u biex tgawdi vantaġġi kummerċjali billi ma tkunx konformi ma' dispożizzjonijiet relevanti tal-Konvenzjonijiet u għalhekk għandhom ikunu rifjutati aċċess għal portijiet kollha tal-Komunità;

Billi hemm ċirkostanzi fejn bastiment li ġie rifjutat aċċess għal portijiet fil-Komunità għandu jingħata permess biex jidħol; billi f'dawn iċ-ċirkostanzi l-bastiment għandu jkollu aċċess biss għal port speċifiku jekk il-prekawzjonijiet kollha jittieħdu biex jassiguraw dħul sigur;

Billi, minħabba l-komplessità tar-rekwiżiti tal-Konvenzjonijiet dwar kostruzzjoni ta' bastimenti, tagħmir u maniġġ, il-konsegwenzi severi tad-deċiżjonijiet li jittieħdu minn spetturi, u n-neċessità għall-ispetturi biex jittieħdu deċiżjonijiet kompletament imparzjali, spezzjonijiet jridu jsiru biss minn spetturi li huma ħaddiema tas-servizz pubbliku jew persuni oħra, u huma ta' għarfien u esperjenza kbira;

Billi piloti u awtoritajiet tal-portijiet tista' tkun kapaċi tipprovdi informazzjoni utili fuq in-nuqqasijiet ta' dawn il-bastimenti u ekwipaġġ;

Billi ko-operazzjoni bejn l-awtoritajiet kompetenti ta' l-Istati Membri u awtoritajiet oħra jew organizzazzjonijiet hija neċessarja biex tassigura follow-up effettiv dwar bastimenti b'nuqqasijiet li ġew permessi jipproċedu u għat-tpartit ta' informazzjoni dwar bastimenti fil-port;

Billi s-sistema ta' informazzjoni msejħa "Sirenac E" stabbilita taħt l-MOU tipprovdi ammont kbir ta' informazzjoni addizzjonali meħtieġa għall-applikazzjoni ta' din id-Direttiva;

Billi pubblikazzjoni ta' informazzjoni dwar bastimenti li ma josservawx standards internazzjonali fuq sigurtà, saħħa u protezzjoni ta' l-ambjent tal-baħar, tista' tkun deterrent effettiv li taqta' qalb il-baħħara biex jużaw dawn il-bastimenti, u inċentiv għas-sidien biex jieħdu azzjoni korrettiva mingħajr ma jkunu sfurzati;

Billi l-ispejjeż kollha ta' l-ispezzjoni ta' bastimenti li ħaqqhom ikunu detenuti għandhom jitħallsu mis-sid jew l-operatur;

Billi għall-iskopijiet ta' l-implimentazzjoni ta' din id-Direttiva għandu jsir użu tal-Kumitat mwaqqaf skond l-Artikolu 12 tad-Direttiva tal-Kunsill 93/75/KEE tat-13 ta' Settembru 1993 rigward rekwiżiti minimi għal bastimenti sejrin lejn jew ser jitilqu portijiet tal-Komunità u jġorru affarijiet perikolużi jew kontaminati [5] biex tkun assistita l-Kummissjoni bix-xogħol ta' adattament l-obbligi ta' spezzjoni ta' Stati Membri fuq bażi ta' esperjenza miġbura, wara li jkunu konsidrati l-iżviluppi fl-MOU, u tadotta wkoll l-Annessi kif neċessarji fid-dawl ta' l-emendi għal Konvenzjoni, Protokolli, kodiċijiet u reżoluzzjonijiet ta' korpi internazzjonali rilevanti u għal MOU,

ADOTTA DIN ID-DIRETTIVA:

L-Artikolu 1

Skop

L-skop ta' din id-Direttiva hija li tnaqqas b'mod radikali tbaħħir substandard fl-ibħra taħt il-ġurisdizzjoni ta' l-Istati Membri billi:

- iżżid it-tħaris tal-leġislazzjoni tal-Komunità internazzjonali relevanti fuq sigurtà marittima, protezzjoni ta' l-ambjent tal-baħar, u kondizzjonijiet ta' għajxien u xogħol fuq bastimenti ta' kull bandiera,

- li jwaqqaf kriterji komuni għal kontroll ta' bastimenti mill-Istat tal-port u armonizzazzjoni tal-proċeduri fuq spezzjoni u detenzjoni u tittieħed konsiderazzjoni ta' l-impenn meħud mill-awtoritajiet marittimi ta' l-Istati Membri taħt il-Memorandum ta' Ftehim ta' Pariġi ta' Kontroll Portwali ta' l-Istat (MOU).

L-Artikolu 2

Definizzjonijiet

Għall-iskop ta' din id-Direttiva inklużi l-Annessi tagħhom:

1. "Konvenzjonijiet"tfisser:

- il-Konvenzjoni Internazzjonali tal-Linji ta' Tagħbija, 1966 (LL 66),

- il-Konvenzjoni Internazzjonali għal Sigurtà tal-Ħajja fuq il-baħar, 1974 (Solas 74),

- il-Konvenzjoni Internazzjonali dwar il-Prevenzjoni ta' Tniġġis mill-Bastimenti, 1973, u l-Protokoll ta' 1978 dwarhom (Marpol 73/78),

- il-Konvenzjoni Internazzjonali fuq standards ta' Taħriġ, Ċertifikazzjoni u Għassa għal dawk li jaħdmu fuq il-bastimenti, 1978 (STEW 78),

- il-Konvenzjoni fuq Regolamenti Internazzjonali biex tevita Kolliżjonijiet fuq il-Baħar, 1972 (Colreg 72),

- il-Konvenzjoni Internazzjonali fuq Tkejjil ta' kemm Jiżnu l-Bastimenti, 1969 u

- il-Konvenzjoni dwar il-Bastimenti Merkantili (Standards Minimi), 1976 (ILO No 147),

flimkien mal-protokolli u emendi għal dawn il-Konvenzjonijiet u kodiċijiet relatati ta' status mandatarju, fis-seħħ fid-data ta' adozzjoni ta' din id-Direttiva.

2. "MOU" tfisser il-Memorandum ta' Ftehim fuq kontroll portwali ta' l-Istat, ffirmat f'Pariġi fis-26 Jannar 1982, kif ikun fid-data ta' adozzjoni ta' din id-Direttiva.

3. "Bastiment" ifisser kull bastiment li jbaħħar li għalihom tapplika waħda jew iktar mill-Konvenzjonijiet, li jtajru bandiera barra minn dik ta' l-Stat ta' dak il-port.

4. "Installazzjoni Off-shore" tfisser pjattaforma mwaħħla jew li iżżomm f'wiċċ l-ilma li topera fuq jew 'il fuq il-blata kontinentali ta' Stat Membru.

5. "Spettur" ifisser ħaddiem tas-settur pubbliku jew persuna oħra, awtorizzata mill-awtorità kompetenti ta' l-Istat Membru biex jagħmel spezzjonijiet ta' kontroll tal-port ta' Stat, u responsabbli lejn dik l-awtorità kompetenti.

6. "Spezzjoni" tfisser żjara abbord bastiment biex tispezzjona kemm il-validità taċ-ċertifikati relevanti u dokumenti oħra u l-kondizzjoni tal-bastiment, it-tagħmir tiegħu u ekwipaġġ, kif ukoll il-kondizzjonijiet ta' xogħol u għajxien tal-ekwipaġġ.

7. "Spezzjoni aktar dettaljata" tfisser spezzjoni fejn il-bastiment, it-tagħmir u ekwipaġġ tiegħu fil-parti kbira jew, kif xieraq, parti minhom huma soġġetti, fiċ-ċirkostanzi speċifikati fl-Artikolu 6(3), għal spezzjoni kbira li tkopri l-kostruzzjoni tal-bastiment, tagħmir, tħaddim, kondizzjonijiet ta' xogħol u għajxien u konformità ma' proċeduri operazzjonali abbord.

8. "Spezzjoni aktar profonda" tfisser spezzjoni kif speċifikata fl-Artikolu 7.

9. "Detenzjoni" tfisser il-projbizzjoni formali ta' bastiment biex jipproċedi għal baħar minħabba ħsarat stabbiliti, li, individwalment jew flimkien, jagħmlu l-bastiment mhux tajjeb għal baħar.

10. "Twaqqif ta' operazzjoni" tfisser projbizzjoni formali ta' bastiment milli jkompli b'operazzjoni minħabba ħsarat stabbiliti li, individwalment jew flimkien, jagħmlu l-kontinwazzjoni ta' l-operazzjoni perikoluża.

L-Artikolu 3

Kamp ta' applikazzjoni

1. Din id-Direttiva tapplika għal kull bastiment u l-ekwipaġġ tiegħu li:

- jieqaf f'port ta' Stat Membru jew fi stallazzjoni off-shore, jew

- jkun ankrat barra port jew installazzjoni simili.

Xejn f'dan l-Artikolu ma jaffetwa d-drittijiet ta' intervent disponibbli lil Stati Membri taħt il-konvenzjonijiet internazzjonali relevanti.

2. F'każ ta' bastimenti ta' tunnellaġġ inqas minn 500, l-Istati Membri japplikaw dawk ir-rekwiżiti ta' Konvenzjoni relevanti li huma applikabli u safejn ma tapplikax il-konvenzjoni, jieħdu dawk il-miżuri biex jassiguraw li l-bastimenti konċernati mhumiex kjarament perikolużi għas-sigurtà, saħħa u ambjent. Fl-applikazzjoni tagħhom ta' dan il-paragrafu, Stati Membri jkunu gwidati minn Anness 1 għall-MOU.

3. Meta jispezzjonaw bastiment li qiegħed ittajjar bandiera ta' Stat li ma rratifikax il-Konvenzjoni, Stati Membri għandhom jassiguraw li t-trattament mogħti lil dan il-bastiment u l-ekwipaġġ tiegħu mhuwiex aktar favorevoli għal dak mogħti lil bastiment li jtajjar bandiera ta' Stat li ffirma dik il-Konvenzjoni.

4. Bastimenti tas-sajd, bastimenti tal-gwerra, awżiljarji navali, bastimenti ta' l-injam li kostruwiti b'mod primittiv użati għal skopijiet mhux kummerċjali u yachts tad-divertiment li mhumiex użati għan-negozju ikunu esklużi mill-kamp ta' applikazzjoni ta' din id-Direttiva.

L-Artikolu 4

Korp ta' spezzjoni

L-Istati Membri għandhom iżommu amministrazzjonijiet nazzjonali marittimi xierqa, hawn il-quddiem riferiti bħala "awtoritajiet kompetenti", għal spezzjoni ta' bastimenti u jieħdu kull miżura xierqa biex jassiguraw li l-awtoritajiet kompetenti jaqdu d-dmirijiethom kif stabbilit f'din id-Direttiva.

L-Artikolu 5

Impenji ta' spezzjoni

1. L-awtorità kompetenti ta' kull Stat Membru tagħmel numru annwali ta' spezzjonijiet totali li jikkorrispondu għal inqas għal 25 % ta' numru ta' bastimenti individwali li daħlu fil-portijiet tagħhom waqt sena ta' kalendarju rappreżentattiva.

2. Fl-għażla ta' bastimenti għal spezzjoni l-awtorità kompetenti tagħti prijorità lil bastimenti riferiti fl-Anness 1.

3. L-Istati Membri jieqfu milli jisspezzjonaw bastimenti li ġew spezzjonati minn xi Stati Membri fis-sitt xhur ta' qabel, sakemm:

- il-bastiment mhuwiex mniżżel fl-Anness 1, u

- ma ġewx rappurtati defiċjenzi, wara li kienet saret spezzjoni, u

- ma jesiżtux raġunijiet ċari biex saret l-ispezzjoni.

4. Id-dispożizzjonijiet tal-paragrafu 3 ma japplikawx għal xi kontrolli ta' operazzjonijiet provduti speċifikament fil-Konvenzjonijiet.

5. L-Istati Membri u l-Kummissjoni jikkoperaw biex jippruvaw jiżviluppaw prijoritajiet u taħriġ li jħallu bastimenti jkunu x'aktarx difettużi biex jiġu segwiti b'mod iktar effettiv.

Kull emenda ta' dan l-Artikolu minħabba dan, barra għall-figura ta' 25 % fil-paragrafu 1, jsiru taħt id-dispożizzjonijiet ta' l-Artikolu 19.

L-Artikolu 6

Proċedura ta' spezzjoni

1. L-awtorità kompetenti tassigura li l-ispettur bħala minimu:

(a) jiċċekkja ċ-ċertifikati u dokumenti mniżżla fl-Anness II, sal-limitu applikabbli;

(b) jkun sodisfatt bil-kondizzjoni inġenerali tal-bastiment, inkluża l-kamra tal-magna u l-akkomodazzjoni u inklużi kondizzjonijiet iġeniċi.

2. L-ispettur jista' jeżamina ċ-ċertifikati kollha relevanti u dokumenti, barra dawk mniżżla fl-Anness II, li jeħtieġ jsiru abbord skond il-Konvenzjonijiet.

3. Meta hemm raġunijiet biex taħseb, wara l-ispezzjoni riferita fil-paragrafi 1 u 2, li l-kondizzjoni tal-bastiment jew ta' tagħmir tiegħu jew ekwipaġġ ma jissodisfax sostanzjalment ir-rekwiżiti relevanti tal-Konvenzjoni, issir spezzjoni aktar dettaljata, inkluża spezzjonar ta' konformità ma' rekwiżiti operazzjonali abbord.

"Raġunijiet ċari" jeżistu meta l-ispettur isib evidenza li fil-ġudizzju professjonali tiegħu teħtieġ spezzjoni aktar dettaljata tal-bastiment, it-tagħmir jew l-ekwipaġġ tiegħu.

Eżempji ta' "raġunijiet ċari" huma stabbiliti fl-Anness III.

4. Il-proċeduri u gwida relevanti għal kontroll ta' bastimenti speċifikati fl-Anness IV, tiġi wkoll osservata.

L-Artikolu 7

Spezzjoni aktar profonda ta' ċerti bastimenti

1. Fejn mhemmx raġunijiet ċari għal spezzjoni dettaljata ta' bastiment li jappartjenu lil kategorija mniżżla fl-Anness V, Stati Membri jassiguraw li ssir spezzjoni profonda.

2. L-Anness V, it-Taqsima B, fiha gwidi mhux obbligatorji għal spezzjoni iktar profonda.

3. Il-bastimenti msemmija fil-paragrafu 1 ikunu soġġetti għal spezzjoni iktar profonda minn xi waħda mill-awtoritajiet kompetenti ta' l-Istati Membri darba waħda biss waqt perjodu ta' 12-il xahar. Iżda, dawn il-bastimenti jistgħu jkunu soġġetti għal spezzjoni provduta fl-Artikolu 6(1) u (2).

4. F'każ ta' bastimenti tal-passiġieri li jaħdmu fuq skeda regolari ġewwa jew barra minn port fi Stat Membru, issir spezzjoni dettaljata ta' kull bastiment mill-awtorità kompetenti ta' dak l-Istat Membru. Meta bastiment tal-passiġieri jopera skeda simili bejn portijiet fi Stati Membri, wieħed mill-Istati Membri li bejniethom il-bastiment qiegħed jopera għandu jagħmel l-ispezzjoni profonda.

L-Artikolu 8

Rapport ta' spezzjoni lill-kaptan

1. Meta titlesta spezzjoni, spezzjoni iktar dettaljata, jew spezzjoni profonda, il-kaptan tal-bastiment jiġi provdut b'dokument fil-forma speċifikata fl-Anness 3 ta' l-MOU mill-ispettur, li jagħti r-riżultat ta' l-ispezzjoni u dettalji ta' xi deċiżjonijiet li ttieħdu mill-ispettur, u ta' azzjoni korrettorja li ser tittieħed mill-kaptan, sid jew operatur.

2. Fil-każ ta' defiċjenzi li jeżiġu d-detenzjoni tal-bastiment, id-dokument li għandu jingħata lil kaptan skond il-paragrafu 1 tinkludi informazzjoni dwar il-pubblikazzjoni futura ta' l-ordni ta' detenzjoni skond id-dispożizzjonijiet ta' din id-Direttiva.

L-Artikolu 9

Korrezzjoni u detenzjoni

1. L-awtorità kompetenti tkun sodisfatta li xi defiċjenzi konfermati jew żvelati mill-ispezzjoni msemmija fl-Artikoli 6 u 7 huma jew jiġi korretti skond il-Konvenzjonijiet.

2. F'każ ta' nuqqasijiet illi diġà huma perikolużi għas-sigurtà, saħħa jew l-ambjent, l-awtorità kompetenti ta' l-Istat tal-port fejn qiegħed jiġi spezzjonat il-bastiment jassiguraw li l-bastiment miżmum, jew l-operazzjoni li matula ġew rappurtati n-nuqqasijiet twaqqfet. L-ordni ta' detenzjoni jew twaqqif ta' operazzjoni ma tiqafx sakemm jitneħħa l-perikolu jew sakemm din l-awtorità tista' tistabbilixxi illi l-bastiment jista' soġġett għal kondizzjonijiet neċessarji, jipproċedi lejn il-baħar jew titkompla l-operazzjoni mingħajr riskju għas-sigurtà u saħħa tal-passiġġieri jew ekwipaġġ, jew riskju lil bastimenti oħra, jew mingħajr ma hemm theddida mhux raġjonevoli lill-ambjent tal-baħar.

3. Meta jeżerċita l-ġudizzju professjonali tiegħu dwar jekk bastiment għandux jiġi miżmum jew le, l-ispettur għandu japplika il-kriterji stabbiliti fl-Anness VI.

4. F'ċirkostanżi eċċezzjonali, fejn il-kondizzjoni tal-bastiment inġenerali hija ovvjament substandard, l-awtorità kompetenti tista' tissospendi l-ispezzjoni ta' dak il-bastiment sakemm il-partijiet responsabbli jieħdu l-passi neċessarji biex jassiguraw li tkun konformi ma' rekwiżiti relevanti tal-Konvenzjonijiet.

5. Fil-każ li l-ispezzjonijiet msemmija fl-Artikoli 6 u 7 jagħtu lok għal detenzjoni, l-awtorità kompetenti immedjatament tinforma, bil-miktub, l-amministrazzjoni ta' l-istat li l-bastiment intitolat ittajjar bandiera tiegħu (hawn 'il quddiem imsejjaħ "amministrazzjoni ta' bandiera") jew lill-Konslu, jew fl-assenza tiegħu l-iktar rappreżentattiv diplomatiku viċin ta' l-Istat, ta' ċirkostanzi kollha li fihom huwa meqjus neċessarju intervent. Kif ukoll, periti nominati jew organizzazzjonijiet rikonoxxuti responsabbli għall-ħruġ ta' ċertifikati tal-bastiment ikunu wkoll notifikati fejn relevanti.

6. Id-dispożizzjonijiet ta' din id-Direttiva għandhom ikunu mingħajr preġudizzju għar-rekwiżiti addizzjonali tal-Konvenzjonijiet li jikkonċernaw proċeduri ta' notifikazzjoni u rapurtaġġ dwar kontroll portwali ta' l-Istat.

7. Meta jkun qed jiġi eżerċitat kontroll portwali ta' l-Istat taħt din id-Diretttiva, għandhom isiru l-sforzi kollha possibbli biex ikun evitat li bastiment jinżamm jew jiddewwem ta' xejn. Jekk bastiment jinżamm jew jiddewwem ta' xejn, is-sid jew l-operatur ikun intitolat għal kumpens għal kull ħsara jew telf li jiġġarrab. F'xi każ ta' allegazzjoni ta' detenzjoni mhux meħtieġa jew dewmien, l-oneru tal-prova jkun tas-sid jew operatur tal-bastiment.

L-Artikolu 10

Dritt ta' appell

1. Is-sid jew operatur tal-bastiment jew ir-rappreżentant tiegħu fi Stat Membru ikollu dritt ta' appell kontra deċiżjoni ta' detenzjoni meħuda mill-awtorità kompetenti. Appell m'għandux ikun il-kawża li tiġi sospiża d-detenzjoni.

2. L-Istati Membri għandhom jistabbilixxu u jwaqqfu proċeduri xierqa għal dan l-iskop skond il-leġislazzjoni nazzjonali tagħhom.

3. L-awtorità kompetenti għandha tinforma sewwa lill-kaptan tal-bastiment msemmi fil-paragrafu 1 ta' dritt ta' appell.

L-Artikolu 11

Stħarriġ wara l-ispezzjonijiet u detenzjoni

1. Fejn defiċjenzi kif imsemmija fl-Artikolu 9(2) ma jistgħux jiġu korreġuti fil-port ta' l-ispezzjoni, l-awtorità kompetenti ta' dak l-Istat Membru tista' tħalli l-bastiment konċernat biex jipproċedi lejn it-tarza l-aktar viċina u xierqa disponibbli, kif magħżula mis-sid u l-awtoritajiet konċernati, sakemm il-kondizzjonijiet stabbiliti mill-awtorità kompetenti ta' l-Istat tal-bandiera u aċċettati minn dak l-Istat Memru huma mħarsa. Dawn il-kondizzjonijiet jassiguraw li l-bastiment jista' jipproċedi mingħajr riskju għas-sigurtà jew saħħa tal-passiġġieri jew ekwipaġġ, jew riskju lill-bastimenti oħra, jew mingħajr ma jkun hemm theddida mhux raġjonevoli ta' ħsara għall-ambjent tal-baħar.

2. Fiċ-ċirkostanzi msemmija fil-paragrafi 1, l-awtorità kompetenti ta' l-Istat Membru fil-port ta' spezzjoni jinnotifika lill- awtorità kompetenti ta' l-Istat fejn tkun qiegħda t-tarzna, il-partijiet imsemmija fl-Artikolu 9(5) u kull awtorità oħra kif xieraq tal-kondizzjonijiet kollha għall-vjaġġ.

3. In-notifika tal-partijiet msemmija fil-paragrafi 2 tkun skond l-Anness 2 tal-MOU.

L-awtorità kompetenti ta' Stat Membru li tirċievi din in-notifika għandha tinforma lill-awtorità li notifikata tal-azzjoni li ttieħdet.

4. L-Istati Membri għandhom jieħdu miżuri biex jassiguraw li l-bastimenti msemmija fil-paragrafu 1 li jitilqu biex ibaħħru:

(i) mingħajr ħarsien tal-kondizzjonijiet stabbiliti mill-awtorità kompetenti ta' l-Istat Membru fil-port ta' spezzjoni; jew

(ii) li tirrifjuta li tosserva ir-rekwiżiti applikabbli tal-Konvenzjonijiet billi ma jmurx fit-tarzna indikata;

jkun rifjutat aċċess lejn kull port fil-Komunità, sakemm is-sid jew l-operatur produċew evidenza għas-sodisfazzjon ta' l-Istat Membru fejn instab li l-bastiment kien difettuż li l-bastiment jikkonforma mar-rekwiżiti applikabbli tal-Konvenzjonijiet.

5. Fiċ-ċirkostanzi msemmija fil-paragrafi 4(i), l-awtorità kompetenti ta' l-Istat Membru fejn instab difettuż il-bastiment għandha tinfurma immedjatament lill-awtoritajiet kompetenti ta' l-Istati Membri kollha.

Fiċ-ċirkostanzi msemmija fil-paragrafi 4(ii), l-awtorità kompetenti ta' l-Istat Membru fejn tinsab it-tarzna immedjatament għandha tinforma lill-awtoritajiet kompetenti bl-Istati Membri kollha.

Qabel ma jkun rifjutat id-dħul, l-Istat Membru jista' jitlob konsultazzjonijiet ma' l-amministrazzjoni tal-bandiera tal-bastiment konċernat.

6. Minkejja d-dispożizzjonijiet tal-paragrafu 4, jista' jiġi permess aċċess għall-port speċifiku mill-awtorità relevanti ta' dak l-Istat ta' port fil-każ ta' forza maġġuri jew konsiderazzjonijiet ta' sigurtà aktar importanti, jew biex tnaqqas jew timminimizza r-riskju ta' tniġġis jew ikollha ħsarat korretti, tipprovdi miżuri adegwati għas-sodisfazzjon ta' l-awtorità kompetenti ta' dak l-Stat Membru ġew implimentati mis-sid, l-operatur jew il-kaptan tal-bastiment biex tassigura dħul sigur.

L-Artikolu 12

Profil professjonali ta' l-ispetturi

1. L-ispezzjonijiet isiru biss mill-ispetturi li jaderixxu għall-kriterji ta' kwalifikazzjoni speċifikati fl-Anness VII.

2. Meta l-ħila professjonali meħtieġa ma tistax tiġi provduta mill-awtoritajiet kompetenti ta' l-Istat tal-port, l-ispettur ta' dik l-awtorità kompetenti jista' jkun assistit minn kull persuna bil-ħila rikjesta.

3. L-ispetturi li jagħmlu kontroll portwali ta' l-Istat u l-persuni li jassistuhom ma jkollhomx interess kummerċjali jew fil-port ta' spezzjoni jew fil-bastimenti spezzjonati, u lanqas l-ispetturi ma jkunu mqabbda minn jew jagħmlu xogħol f'isem organizzazzjonijiet mhux governattivi li joħorġu ċertifikati statutorji u ta' klassifikazzjoni jew li jagħmlu spezzjonijiet neċessarji għal ħruġ ta' dawk iċ-ċertifkati għall-bastimenti.

4. Kull spettur iġorr dokument personali fil-forma ta' karta ta' l-identità maħruġ mill-awtorità kompetenti skond leġislazzjoni nazzjonali, li jindika li l-ispettur huwa awtorizzat biex jagħmel dawn l-ispezzjonijiet.

Mudell komuni għal karta ta' l-identità simili għandu jiġi stabbilit skond il-proċedura fl-Artikolu 19.

L-Artikolu 13

Rapport minn piloti u awtoritajiet tal-port

1. Piloti ta' Stati Membri, imqabbda biex jankraw jew iħollu bastimenti jew imqabbda biex jaħdmu fuq bastimenti li sejrin lejn port fl-Istat Membru, immedjatament jinfurmaw lill-awtorità kompetenti ta' l-Istat tal-port jew Stat kostali, kif xieraq, meta jsiru jafu li waqt il-qadi ta' dmirijiethom li hemm defiċjenzi li jistgħu jippreġudikaw in-navigazzjoni sigura tal-bastiment, jew li tista' tkun ta' theddida għal ambjent tal-baħar.

2. Jekk awtoritajiet tal-port, meta qed jaqdu dmirijiethom, isiru jafu li bastiment fil-port tagħhom għandu ħsarat li jistgħu jaffettwaw is-sigurtà tal-bastiment jew huwa ta' theddida ta' ħsara mhux raġjonevoli għall-ambjent tal-baħar, din l-awtorità immedjatament tinfoma lill-awtorità kompetenti ta' l-Istat tal-port konċernat.

L-Artikolu 14

Ko-operazzjoni

1. Kull Stat Membru jagħmel dispożizzjonijiet għall-ko-operazzjoni bejn l-awtoritajiet kompetenti, l-awtoritajiet tal-port, u awtoritajiet relevanti oħra jew organizzazzjonijiet kummerċjali biex jassiguraw li l-awtorità kompetenti tagħhom tista' tikseb l-informazzjoni relevanti kollha fuq bastimenti li jidħlu fil-portijiet tagħhom.

2. L-Istati Membri jżommu dispożizzjonijiet għat-tpartit ta' informazzjoni u ko-operazzjoni bejn l-awtoritajiet kompetenti tagħhom u l-awtoritajiet kompetenti ta' l-Stati Membri kollha u jżommi r-relazzjoni eżistenti bejn l-awtoritajiet kompetenti, il-Kummissjoni u s-sistema ta' informazzjoni Sirenac E mwaqqfa f'St Malo, Franza.

3. L-informazzjoni msemmija fil-paragrafi 2 tkun dik speċifikata fl-Anness 4 għal MOU, u dak rikjest biex tkun konformi ma' l-Artikolu 15 ta' din id-Direttiva.

L-Artikolu 15

Pubblikazzjoni ta' detenzjonijiet

Kull awtorità kompetenti bħala minimu kull tliet xhur għandha tippubblika informazzjoni dwar bastimenti miżmuma waqt it-tliet xhur ta' qabel u li nżammu iktar minn darba waqt l-aħħar 24 xahar. L-informazzjoni pubblikata jkolllha dan li ġej:

- isem tal-bastiment,

- isem sid il-bastiment jew l-operatur tal-bastiment,

- numru IMO,

- stat ta' reġistrazzjoni,

- is-soċjetà ta' klassifikazzjoni, fejn relevanti, u fejn applikabli, kull persuna oħra li ħarġet ċertifikati lil dan il-bastiment skond il-Konvenzjoni f'isem l-istat ta' reġistrazzjoni,

- raġuni għal detenzjoni,

- port u data ta' detenzjoni.

L-Artikolu 16

Rimbors ta' spejjeż

1. Jekk l-ispezzjonijiet imsemmija fl-Artikoli 6 u 7 jikkonfermaw jew jikxfu defiċjenzi rigward ir-rekwiżiti tal-Konvenzjoni li teżiġi id-detenzjoni ta' bastiment, l-ispejjeż kollha relatati ma' l-ispezzjonijiet f'perjodu normali ta' tagħrif normali tkun koperti mis-sid tal-bastiment jew l-operatur jew mir-rappreżentant tiegħu fil-port ta' Stat tiegħu.

2. L-ispejjeż kollha dwar l-ispezzjonijiet miżmuma mill-awtorità kompetenti ta' Stat Membru taħt id-dispożizzjonijiet ta' l-Artikolu 11(4) ikunu fuq is-sid jew operatur tal-bastiment.

3. Id-detenzjoni ma titneħħiex sakemm isir il-ħlas totali jew garanzija suffiċjenti għar-rimbors ta' l-ispejjeż.

L-Artikolu 17

Informazzjoni biex issegwi l-implimentazzjoni

1. L-Istati Membri jagħtu din l-informazzjoni lill-Kummissjoni u s-segretarjat ta' l-MOU:

- numru ta' spetturi li jaħdmu f'isimhom fuq spezzjoni ta' port ta' Stat skond din id-Direttiva. Għal awtoritajiet fejn l-ispetturi jagħmlu spezzjonijiet ta' port ta' Stat fuq bażi part-time, it-total jrid ikun konvertit f'numru ta' ħaddiema li jaħdmu 'full-time',

- numru ta' bastimenti individwali li jidħlu fil-portijiet tagħhom f'kalendarju rappreżentattiv ta' sena fil-perjodu preċedenti ta' ħames snin.

2. l-informazzjoni mniżżla fil-paragrafi 1 għandha tiġi mibgħuta fi tliet xhur wara dħul fis-seħħ ta' din id-Direttiva u wara dan sa l-1 ta' Ottubru darba kul tliet snin.

L-Artikolu 18

Kumitat Regolatorju

Il-Kummissjoni tkun assistita mill-Kumitat imwaqqaf skond l-Artikolu 12 ta' Direttiva 93/75/KEE skond il-proċedura mniżżla f'dak l-Artikolu.

L-Artikolu 19

Proċedura ta' emenda

Din id-Direttiva tista' tiġi emendata skond il-proċedura mniżżla fl-Artikolu 18, biex:

(a) tadatta l-ispezzjoni u l-obligazzjonijiet ta' pubblikazzjoni ta' Stati Membri msemmija fl-Artikolu 5 (barra l-figura ta' 25 % msemmija fil-paragrafi 1 tiegħu), u fl-Artikolu 6, 7 u 15 fuq il-bażi ta' esperjenza miksuba mill-implimentazzjoni ta' din id-Direttiva u tieħu kont ta' l-iżviluppi fil-MOU;

(b) tadatta l-Annessi biex tieħu kont ta' l-emendi li daħlu fis-seħħ għal Konvenzjonijiet, Protokolli, kodiċijiet u reżoluzzjonijiet ta' organizzazzjonijiet internazzjonali rilevanti għall-MOU.

L-Artikolu 20

Implimentazzjoni

1. L-Istati Membri jadottaw il-liġijiet, ir-regolamenti u d-dispożizzjonijiet amministrattivi neċessarji biex jimplimentaw din id-Direttiva mhux aktar tard minn 30 ta' Ġunju 1996 u minnufih jinfurmaw lill-Kummissjoni b'dan kollu.

2. Meta l-Istati Membri jadottaw dawn il-miżuri, ikollhom referenza għal din id-Direttiva jew ikunu akkumpanjati b'tali referenza fl-okkażjoni tal-pubblikazzjoni uffiċjali tagħhom. Il-metodi biex issir tali referenza tiġi stabbilita mill-Istati Membri.

3. L-Istati Membri jikkomunikaw lill-Kummisjoni it-test tad-dispożizzjonijiet ta' liġi nazzjonali li adottaw fis-settur governat minn din id-Direttiva.

L-Artikolu 21

Din id-Direttiva għandha tidħol fis-seħħ fl-20 ġurnata wara l-pubblikazzjoni tagħha.

L-Artikolu 22

Din id-Direttiva hija indirizzata lill-Istati Membri.

Magħmula fil-Lussemburgu, fid-19 ta' Ġunju 1995.

Għall-Kunsill

Il-President

B. Pons

[1] ĠU C 107, tal-15.4.1994, p. 14 u ĠU C 347, tat-8.12.1944, p. 15.

[2] ĠU 393, tal- 31.12.1994, p. 50.

[3] L-Opinjoni tal-Parlament Ewropew tas-27 ta' Ottubru 1994 (ĠU Nru C 347, tat-8.12.1994, p. 15), il-pożizzjoni komuni tal-Kunsill ta' l-14 ta' Marzu 1995 (ĠU C 93, tat-13.4.1995, p. 25) u id-deċiżjoni tal-Parlament Ewropew tat-18 ta' Mejju 1995 (mhux ippubblikata fil-Ġurnal Uffiċjali).

[4] ĠU C 271, tas-7.10.1993, p. 1.

[5] ĠU L 247, tal-5.10.1993, p. 19.

--------------------------------------------------

L-ANNESS I

BASTIMENTI LI JKUNU KKUNSIDRATI GĦALL-ISPEZZJONI TA' PRIJORITÀ

(kif imsemmi fl-Artikolu 5(2)) [1]

1. Bastimenti li jmorru f'port ta' Stati Membru għall-ewwel darba jew wara assenza ta' 12-il xahar jew aktar. Fl-applikazzjoni ta' dawn il-kriterji Stati Membri jieħdu akkont ukoll dawk l-ispezzjonijiet li jsiru minn membri ta' l-MOU. Fl-assenza ta' informazzjoni xierqa għal dan l-iskop, Stati Membri joqogħdu fuq l-informazzjoni disponibbli ta' Sirenac E u jispezzjonaw dawk il-bastimenti li ma ġewx reġistrati fid-database ta' Sirenac E wara dħul fis-seħħ ta' dak id-database fl-1 ta' Jannar 1993.

2. Bastimenti li jtajru l-bandiera ta' Stat li jidher fit-tabella ta' detenzjonijiet bejn wieħed u ieħor kull tliet snin u dewmien ippubblikat fir-rapport annwali ta' l-MOU.

3. Bastimenti li tħallew iħallu l-port ta' Stat Membru b'kondizzjoni li n-nuqqasijiet li nstabu jiġu korreġuti f'perjodu speċifikat wara skadenza ta' dan il-perjodu.

4. Bastimenti li ġew rappurtati minn piloti jew awtoritajiet tal-port li għandhom nuqqasijiet li jistgħu jippreġudikaw in-navigazzjoni sigura tagħhom (skond Direttiva tal-Kunsill 93/75/KEE tat-13 ta' Settembru 1993 u l-Artikolu 13 ta' din id-Direttiva).

5. Bastimenti li ċ-ċertifikati statutorji tagħhom fuq il-kostruzzjoni u tagħmir tal-bastiment, maħruġa skond il-Konvenzjonijiet, u ċ-ċertifikati ta' klassifikazzjoni, inħarġu minn organizzazzjoni li mhijiex rikonoxxuta taħt it-terminini ta' din id-Direttiva tal-Kunsill 94/57/KE tat-22 ta' Novembru 1994 [2] dwar ir-regoli u l-istandards komuni għall-ispezzjoni tal-bastimenti u l-organizzazzjonijiet tal-perizji u għall-attivitajiet rilevanti ta' l-amministrazzjonijiet marittimi.

6. Bastimenti li naqqsu li josservaw l-obligazzjonijiet imfassla minn Direttiva tal-Kunsill 93/75/KEE.

7. Bastimenti li qegħdin f'kategorija li għalihom ġiet deċiża spezzjoni dettaljata (skond l-Artikolu 7 ta' din id-Direttiva).

8. Bastimenti li ġew sospiżi mill-klassi tagħhom għal raġunijiet ta' sigurtà waqt is-sitt xhur preċedenti.

[1] Is-sekwenza tal-kriterji mhijiex indikattiva ta' l-ordni ta' l-importanza tagħhom.

[2] ĠU L 319, tat-12.12.1994, p. 20.

--------------------------------------------------

L-ANNESS II

LISTA TA' ĊERTIFIKATI U DOKUMENTI

(imsemmi fl-Artikolu 6 (1))

1. Ċertifikat ta' Tunnellaġġ Internazzjonali (1969)

2. - Ċertifikat ta' sigurtà tal-passiġġieri tal-bastiment,

- Ċertifikat ta' kostruzzjoni sigurtà ta' tagħbija tal-bastiment,

- Ċertifikat ta' Sigurtà ta' Tagħmir ta' Tagħbija,

- Ċertifikat ta' Radjutelegrafija ta' sigurtà ta' bastiment ta' tagħbija,

- Ċertifikat ta' Radjutelefonija ta' sigurtà ta' bastiment ta' tagħbija;

- Ċertifikat ta' Radju ta' sigurtà ta' bastiment ta' tagħbija,

- Ċertifkat ta' eżenzjoni,

- Ċertifikat ta' sigurtà għal bastiment ta' tagħbija.

3. Ċertifikat Internazzjonali ta' addazzjoni għal tagħbija ta' gassijiet likwidi fil-massa;

- Ċertifikat ta' Idonjetà għat-tagħbija ta' Gassijiet Likwefatti fil-massa.

4. Ċertifikat Internazzjonali ta' Idonejetà għat-Tagħbija ta' Kimiċi Perikolużi fil-Massa;

- Ċertifikat ta' Idonjetà għat-tagħbija ta' kimiċi perikolużi fil-massa.

5. Ċertifikat Internazzjonali ta' Prevenzjoni mill-tniġġis ta' żejt.

6. Ċertifikat Internazzjonali ta' Prevenzjoni ta' tniġġis għat-tagħbija ta' sustanzi likwidi perikolużi fil-massa.

7. Ċertifikat Internazzjonali Load Line (1966);

- Ċertifikat Internazzjonali ta' eżenzjoni Load Line.

8. Ktieb ta' tagħrif taż-żejt, partijiet I u II.

9. Ktieb ta' rekord ta' tagħbija.

10. Dokument ta' maneġġjar minimu sigur;

- Ċertifikati ta' kompetenza.

11. Ċertifikati mediċi, (Ara ILO Konvenzjoni Nru 73 li tikkonċerna eżami mediku ta' baħrin).

12. Informazzjoni ta' stabbilita.

13. Kopja ta' dokument ta' osservazzjoni u ċertifikat maħruġ skond il-kodiċi ta' tmexxija Internazzjonali għall-operazzjoni sigura tal-bastimenti u għal prevenzjoni ta' tniġġis (Reżoluzzjoni IMO A.741 (18)).

14. Ċertifikati dwar il-qawwa tal-qafas tal-bastiment u stallazzjonijiet makkinarji maħruġa mis-soċjetà ta' klassifikazzjoni konċernata (meħtieġa biss jekk il-bastiment iżomm il-klassi tiegħu ma' soċjetà ta' klassifikazzjoni).

--------------------------------------------------

L-ANNESS III

EŻEMPJI TA' 'RAĠUNIJIET SERJI' GĦAL SPEZZJONI IKTAR DETTALJATA

(kif imsemmija fl-Artikolu 6 (3))

1. Bastimenti identifikati fl-Anness I, bl-eċċezzjoni ta' Nru 1.

2. Rapport ta' notifika minn Stat Membru ieħor.

3. Rapport jew ilment mill-kaptan, membru ta' l-ekwipaġġ, jew xi persuna jew organizzazzjoni b'interess leġittimu fit-tħaddim sigur tal-bastiment, għajxien abbord il-bastiment u kondizzjonijiet tax-xogħol jew prevenzjoni ta' tniġġis, sakemm l-Stat Membru konċernat jirritjeni li rapport jew ilment huma manifestament bla bażi; l-identità tal-persuna li tagħmel ir-rapport jew l-ilment ma tridx tiġi żvelata lill-kaptan jew sid tal-bastiment konċernat.

4. Il-bastiment kien involut f'kolliżjoni fit-triq tiegħu lejn il-port.

5. Il-ktieb tar-rekords taż-żejt ma ġiex miżmum sewwa.

6. Il-bastiment ġie akkużat bi vjolazzjoni allegata ta' rimi ta' sustanzi perikolużi.

7. Waqt l-eżami taċ-ċertifikati u dokumentazzjoni oħra, (Ara l-Artikolu 6(1)(a) u (2)), nuqqasijiet ġew żvelati.

8. Indikazzjonijiet li l-membri ta' l-ekwipaġġ ma jistgħux josservaw ir-rekwiżiti ta' l-Artikolu 8 ta' Direttiva 94/58/KE tat-22 ta' Novembru 1994 fuq il-livell minimu ta' taħriġ tal-baħrin [1].

9. Evidenza ta' tagħbija u operazzjonijiet oħra li mhumiex kondotti sewwa, jew skond il-gwidi ta' l-IMO, eż. il-kontenut ta' ossiġnu fil-mains ta' gas ta' ġewwa għat-tankijiet ta' tagħbija huwa iktar għoli mil-livell massimu preskritt.

10. Nuqqas tal-kaptan ta' tanker taż-żejt li jipproduċi r-rekord monitorjat ta' tnixxija ta' żejt u sistema tal-kontroll għall-aħħar vjaġġ bla tagħbija.

11. Assenza ta' lista miġbura tajba, jew membri ta' l-ekwipaġġ li ma jafux l-obbligi tagħhom fil-każ ta' nar jew ordni biex iħallu l-bastiment.

[1] ĠU L 319, tat-12.12.1994, p. 28.

--------------------------------------------------

L-ANNESS IV

PROĊEDURI GĦALL-KONTROLL TAL-BASTIMENTI

(kif imsemmija fl-Artikolu 6 (4))

1. Proċeduri għal kontroll ta' bastimenti (Riżoluzzjoni IMO A.466 (XII)), kif emendata.

2. Prinċipji ta' maneġġjar sigur (Riżoluzzjoni IMO A.481 (XII) u Annessi li huma Werrejja ta' Dokument ta' maneġġjar siguri minimi (l-Anness 1) u gwidi għal applikazzjoni ta' prinċipji ta' maneġġjar sigur (l-Anness 2).

3. Proċeduri għal kontroll ta' bastimenti u tnixxijiet taħt l-Anness I għal Marpol 73/78 (Reżoluzjoni IMO A.542 (13)).

4. Proċeduri għal kontroll ta' bastimenti u tnixxijiet taħt Anness II għal Marpol 73/78 (Reżoluzjoni IMO MEPC 26 (23)).

5. Proċeduri għal kontroll ta' rekwiżiti operazzjonali dwar sigurtà ta' bastimenti u prevenzjoni ta' tniġġis (Reżoluzzjoni IMO A.742 (18)).

6. Id-dispożizzjonijiet tal-Kodiċi Internazzjonali Marittimu dwar oġġetti perikolużi.

7. Organizzazzjoni Internazzjonali tax-Xogħol (ILO) pubblikazzjoni "Spezzjoni ta' kondizzjonijiet tax-xogħol abbord il-bastimenti: Gwidi għal proċedura".

8. L-Anness I għal Pariġi MOU gwidi għal periti.

--------------------------------------------------

L-ANNESS V

A. KATEGORIJI TA' BASTIMENTI SOĠĠETTI GĦAL SPEZZJONI PROFONDA

(kif imsemmi fl-Artikolu 7 (1))

1. Tankers taż-żejt, ħames snin jew inqas mid-data li jinqatgħu skond Marpol 73/78, l-Anness I, ir-Regolament 13G, i.e.

- tanker taż-żejt mhux raffinat ta' 20000 elf kilogramma toqol u fuqhom jew wieħed li jġorr il-prodotti ta' 30000 elf kilogramma toqol u fuqhom, ma josservawx ir-rekwiżiti ta' tanker taż-żejt ġdid kif definit f'Regolament 1(26) ta' l-Anness I ta' Marpol 73/78, ikun soġġett għal spezzjoni dettaljata 20 sena wara d-data ta' konsenja kif indikat fuq is-Suppliment, FORMA B, għaċ-ċertifikat IOPP, jew 25 sena wara dik id-data, jew it-tankijiet tal-ġnub tal-bastiment jew il-qiegħ mhumiex użati għat-tagħbija ta' żejt li josserva r-rekwiżiti ta' Regolament 13G(4) ta' dak l-Anness, kemm-il darba ma ġiex rikostruwit biex josserva Regolament 13F ta' l-istess Anness,

- tanker taż-żejt kif imsemmi li josserva r-rekwiżiti ta' tanker ġdid taż-żejt kif definit f'Regolament 1(26) ta' Anness I to Marpol 73/78 ikun soġġett għal spezzjoni dettaljata 25 sena wara d-data tal-konsenja kif indikat fis-Suppliment, Formola B, għaċ-ċertifikat IOPP, kemm-il darba tosserva jew ġie rikostruwit biex josserva Regolament 13F ta' dak l-Anness.

2. Bulk carriers li għandhom iktar minn 12-il sena, kif determinat fuq il-bażi tad-data tal-kostruzzjoni indikata fiċ-ċertifkati ta' sigurtà tal-bastiment.

3. Bastimenti tal-passiġieri.

4. Tankers tal-gas u kimiċi li għandhom iktar minn 10 snin, kif stabbilit fuq il-bażi ta' kostruzzjoni kif indikata fiċ-ċertifikati ta' sigurtà tal-bastimenti.

B. GWIDI MHUX OBLIGATORJI GĦAL SPEZZJONI PROFONDA TA' ĊERTI KATEGORIJI TA' BASTIMENTI

(kif imsemmi fl-Artikolu 7 (2))

Safejn applikabbli dawn l-affarijiet jistgħu jiġu kunsidrati bħala parti minn spezzjoni profonda. Spetturi jridu jkunu jafu li tista' tipperikola l-eżekuzzjoni sigura ta' ċerti operazzjonijiet abbord, eż. operazzjoni ta' tagħbija, jekk testijiet għandhom effett dirett fuqhom, huma meħtieġa biex isiru waqt dawn l-operazzjonijiet.

1. BASTIMENTI INĠENERALI (kategoriji f'Taqsima A)

- Black-out u tqabbid tal-ġeneratur ta' l-emerġenza,

- Spezzjoni tad-dawl ta' l-emerġenza,

- Tħaddim ta' pompi tan-nar ta' l-emerġenza b'żewġ pompi tat-tifi tan-nar li huma mqabbda mal-mainline prinċipali,

- Tħaddim ta' pompi tar-rfigħ ta' l-ilma mis-sentini,

- Għeluq tal-watertight doors,

- Tbaxxi lifeboat tal-baħar fl-ilma,

- Test ta' remote emergency stop eż. boilers, ventilazzjoni u pompi tal-karburanti,

- Testing ta' steering gear inklużi steering gear awżiljarju,

- Spezzjoni ta' sors ta' emerġenza ta' enerġija għal stallazzjonijiet tar-radju,

- Spezzjoni u, sal-limitu possibli, test ta' engine-room separator.

2. TANKERS TAŻ-ŻEJT

B'żieda ma' l-affarijiet imniżżla taħt taqsima 1, dawn l-oġġetti jistgħu wkoll jiġu kunsidrati bħala parti mill-ispezzjoni dettaljata għal tankijiet taż-żejt:

- Fixed-deck foam system,

- Tagħmir inġenerali ta' kontra t-tifi tan-nar,

- Spezzjoni ta' fire dampers tal-kamra tal-magni, pump-room u akkomodazzjoni,

- Kontroll ta' pressjoni ta' gas minn ġewwa u l-kontenut ta' l-ossiġinu tiegħu,

- Spezzjoni ta' Survey Report File (Ara Reżoluzzjoni IMO A.744(18)) biex tidentifika żoni suspetti possibbli li jeħtieġu spezzjoni.

3. BULK CARRIERS

Kif ukoll ma' l-affarijiet mniżżla taħt taqsima 1, dawn l-affarijiet jistgħu wkoll jiġu kunsidrati bħala parti mill-ispezzjoni dettaljata għal bulk carriers:

- Tmermir possibbli għal makkinarju tal-gverta tal-bastiment,

- Deformazzjoni possibbli u/jew tmermir ta' hatch covers,

- Xquq possibli għal tmermir fi transverse bulkheads,

- Aċċess għall-istivi tat-tagħbija,

- Spezzjonar tar-rapport tal-perit, (Ara Rżoluzzjoni IMO A.744(18)) biex tidentifika arji suspettużi li jeħtieġu spezzjoni.

4. TANKERS TAL-GAS U KIMIĊI

Kif ukoll ma' l-affarijiet imniżżla taħt it-taqsima 1, dawn l-affarijiet jistgħu wkoll jiġu kkunsidrati bħala parti minn spezzjoni dettaljata għal tankers tal-gas u kimiċi:

- Monitoring ta' tagħbija ta' tanker u tagħmir ta' sigurtà dwar temperatura, pressa u likwidu,

- Analiżi ta' l-ossiġinu u tagħmir dwar explosimeter inklużi l-kalibrazzjoni tagħhom. Disponibilità ta' tagħmir ta' detenzjoni tal-kimika (minfaħ) b'numru xieraq ta' tubi xierqa li jgħarrfu l-preżenza tal-gas għal oġġett speċifiku li qiegħed jinġarr,

- cabin escape sets' li jagħtu protezzjoni respiratorja u għall-għajnejn, għal kull persuna abbord (jekk meħtieġ mill-prodotti mniżżla fiċ-ċertifikat Internazzjonali ta' qagħda tajba jew ċertifikati ta' qagħda tajba għal ġarr ta' kimiċi perikolużi fil-massa jew gassijiet likwidi fil-massa kif applikabli),

- Iċċekkja li l-prodott li qiegħed jinġarr huwa mniżżel fiċ-Ċertifikat Internazzjonali ta' Qagħda tajba jew Ċertifikat ta' Qagħda tajba għal Ġarr ta' kimiċi perikolużi fil-massa jew gasijiet likwidi fil-massa kif applikabbli,

- L-installazzjonijiet mwaħħla ta' tifi li jinsabu fuq il-gverta tal-bastiment sew jekk ikunu rawa sew jekk kimiċi niexfa jew oħra kif meħtieġ mill-prodotti li qed jinġarru.

5. BASTIMENTI TAL-PASSIĠIERI

Kif ukoll ma' l-affarijiet imniżżla taħt it-taqsima 1, dawn l-affarijiet jistgħu wkoll jiġu kunsidrati bħala parti mill-ispezzjoni wiesgħa għall-bastimenti tal-passiġġieri.

- Testing għal skopeta ta' nar u sistema ta' alarm,

- Testing ta' għeluq sewwa tal-bibien tal-ħruġ ta' emerġenza,

- Test ta s-sistema ta' indirizz pubbliku,

- Fire drill fejn, bħala minimu, it-tibdiliet kollha tal-pompieri jirdu jintwerew u parti mill-ekwipaġġ tal-catering' jieħu sehem,

- Demonstrazzjoni li membri prinċipali ta' l-ekwipaġġ jafu l-pjan ta' kontroll tal-ħsara.

Jekk jidher xieraq l-ispezzjoni xierqa tista' titkompla waqt li l-bastiment ikun ġej jew sejjer minn port fl-Istat Membru, bil-kunsens tal-kaptan tal-bastiment jew l-operatur. L-ispetturi ma jridux ixekklu l-operazzjoni tal-bastiment, u lanqas m'għandhom joħolqu sitwazzjonjiet, fejn fid-diskrezzjoni tal-kaptan, jista' jipperikola is-sigurtà tal-passiġieri, l-ekwipaġġ u l-bastiment.

--------------------------------------------------

L-ANNESS VI

KRITERJI GĦAD-DETENZJONI TA' BASTIMENT

(kif imsemmi fl-Artikolu 9 (3))

Introduzzjoni

Qabel tistabbilixxi jekk defiċjenzi misjuba waqt spezzjoni jeżiġu detenzjoni tal-bastiment involut, l-ispettur irid japplika l-kriterji msemmija aktar 'l isfel f'taqsima 1 u 2.

Taqsima 3 tinkludi eżempji ta' defiċjenzi li jistgħu minnhom infushom jeżiġu detenzjoni tal-bastiment involut (Ara l-Artikolu 9 (3)).

1. Kriterji prinċipali

Meta jeżerċita diskrezzjoni professjonali tiegħu dwar jekk bastiment għandux jinżamm jew le, l-ispettur irid japplika dawn il-kriterji:

Ħin:

Bastimenti li mhumiex siguri biex jbaħħru jridu jinżammu wara l-ewwel spezzjoni irrispettivament ta' kemm ser jinżamm fil-port il-bastiment.

Kriterji:

Il-bastiment jinżamm jekk il-ħsarat tiegħu huma daqshekk serji li jimmeritaw ritorn ta' spettur biex ikun ċert li dawn ġew ikkorreġuti qabel ma jsalpa l-bastiment.

Il-ħtieġa biex jirritorna l-ispettur hija miżura tas-sigurtà tan-nuqqasijiet. Iżda, ma timponix obbligazzjoni għal kull każ. Timplika li l-awtorità trid tivverifika mod jew ieħor, preferibilment b'viżita oħra, li n-nuqqasijiet ġew ikkorreġuti qabel it-tluq.

2. Applikazzjoni tal-kriterji prinċipali

Meta tiddeċiedi jekk il-ħsarat misjuba fil-bastiment huma daqshekk serji li jeħtieġu detenzjoni l-ispettur irid jiċċertifika jekk:

1. il-bastiment għandux dokumentazzjoni relevanti u valida;

2. il-bastiment għandux l-ekwipaġġ meħtieġ fid-Dokument ta' sigurtà minima ta' ekwipaġġ.

Waqt l-ispezzjoni l-ispettur irid jara jekk il-bastiment u/jew l-ekwipaġġ hux kapaċi:

3. ibaħħar b'mod sigur fil-vjaġġ li ġej;

4. jimmaniġġa b'mod sigur, iwassal u jiċċekkja l-kondizzjoni tat-tagħbija waqt il-vjaġġ li ġej;

5. iħaddem il-kamra tal-magni b'mod sigur waqt il-vjaġġ li jmiss;

6. iżomm propulsjoni tajba u steering waqt il-vjaġġ li jmiss;

7. jiġġieled nirien b'mod effettiv f'kull parti tal-bastiment jekk neċessarju waqt il-vjaġġ li jmiss;

8. jabbandunaw il-bastiment malajr u b'sigurtà u jagħmlu salvataġġwaqt il-vjaġġ li jmiss;

9. jipprevienu tniġġis ta' l-ambjent waqt il-vjaġġ li jmiss;

10. iżommu stabbilità adegwata waqt il-vjaġġ li jmiss;

11. iżommu integrità watertight adegwata waqt il-vjaġġ li jmiss;

12. jikkomunikaw f'sitwazzjoni ta' inkwiet jekk neċessarju waqt il-vjaġġ li jmiss;

13. jipprovdu kondizzjonijiet siguri u sani abbord waqt il-vjaġġ li jmiss.

Jekk ir-risposta għal xi waħda minn dawn il-verifiki hija negattiva, wara li jkunu kkonsidrati l-ħsarat kollha misjuba, il-bastiment għandu jiġi kunsidrat biex jinżamm. Kombinazzzjoni ta' ħsarat ta' natura inqas serja tista' wkoll teżiġi d-detenzjoni tal-bastiment.

3. Biex tassisti l-ispettur fl-użu ta' dawn il-gwidi, hemm lista ta' defiċjenzi, mniżżla flimkien taħt konvenzjonijiet relevanti u/jew kodiċi, li huma kunsidrati ta' natura hekk serja li jistgħu jeżiġu d-detenzjoni tal-bastiment involut. Din il-lista mhix maħsuba biex tkun esklussiva.

3.1. Ġenerali

In-nuqqas ta' ċertifikati validi kif meħtieġa mill-instrumenti relevanti. Iżda, bastimenti li jtajru l-bandiera ta' Stati li ma jadirixxux mal-konvenzjoni (strument relevanti) jew li ma implimentawx dokument ieħor relevanti, mhumiex intitolati għal ċertifikati provduti mill-Konvenzjoni jew strument ieħor relevanti. Għalhekk, assenza ta' ċertifikati meħtieġa m'għandhiex minnha nnifisha tikkonstitwixxi raġuni biex iżżomm dawn il-bastimenti; iżda, meta tapplika il-klawżola ta' "mhemmx iktar trattament favorevoli", konformitàsostanzjali mad-dispożizzjonijiet hija meħtieġa qabel isalpa l-bastiment.

3.2. Postijiet taħt il-Konvenzjoni Solas (Referenzi jingħataw fil-parentesi)

1. Nuqqas ta' l-operazzjoni serja ta' propulsjoni u makkinarju essenzjali ieħor, kif ukoll stallazzjonijiet elettriċi.

2. Nuqqas ta' ndafa fil-kamra tal-magni, ammont eċċessiv ta' taħlit ta' ilma biż-żejt fil-qiegħ tal-bastiment, insulazzjoni tal-katusi fil-kamra tal-magni kontaminati biż-żejt, operazzjoni ħażina ta' arranġamenti ta' pumpjar mill-qiegħ tal-bastiment.

3. Nuqqas ta' tħaddim tajjeb tal-ġeneratur ta' l-emerġenza, dwal, batteriji u switches.

4. Nuqqas ta' tħaddim tajjeb ta' steering gear prinċipali u awżiljarju.

5. Assenza, kapaċità insuffiċjenti jew deterjorazzjoni serja ta' tagħmir ta' salvataġġ, survival craft u tagħmir minn fejn wieħed jaqbeż.

6. Assenza, nuqqas ta' osservanza jew deterjorazzjoni sostanzjali ta' sistemi ta' kxif tan-nar, fire-alarms tagħmir ta' kontra t-tifi tan-nar, installazzjoni mwaħħla ta' kontra tifi tan-nar, valves tal-ventilazzjoni, fire damper's, tagħmir li jingħalaq malajr sal-limitu li ma jistgħux iħarsu l-użu maħsub tagħhom.

7. Assenza, deterjorazzjoni sostanzjali jew nuqqas ta' operazzjoni tajba ta' l-arji fejn hemm it-tagħbija mill-protezzjoni tan-nar fuq tankers.

8. Assenza, non-konformità jew deterjorazzjoni serja ta' dwal, forom jew sinjali tal-ħoss.

9. Assenza jew nuqqas ta' tħaddim serju ta' tagħmir tar-radju għall-ajjut u sigurtà u komunikazzjoni sigura.

10. Assenza jew nuqqas ta' l-operazzjoni serja ta' tagħmir ta' navigazzjoni, u akkont jittieħed ta' d-dispożizzjonijiet tar-regolament ta' Solas V/12(o).

11. Assenza ta' charts ta' navigazzjoni kkorreġuti, u/jew pubblikazzjonijiet nawtiċi oħra relevanti neċessarji għal vjaġġ maħsub, u jkun ikkonsidrat li charts elettroniċi jistgħu jintużaw bħala sostituzzjoni għaċ-charts.

12. Assenza ta' ventilazzjoni ta' exhaust non-sparking għal cargo pump rooms (Regolament Solas II-2/59.3.1).

3.3. Żoni taħt il-kodiċi IBC (Referenzi jingħataw fil-parentesi)

1. Trasport ta' sustanza li mhix imsemmija fiċ-ċertifikat ta' qagħda tajba jew informazzjoni nieqsa dwar tagħbija (16.2).

2. Tagħmir ta' sigurtà ta' pressa għolja mitlufa jew imħassra. (8.2.3).

3. Installazzjonijiet elettriċi li mhux intrinsikament siguri jew li ma jikkorispondux għar-rekwiżiti tal-kodiċi (10.2.3).

4. Sorsi ta' taqbid f'postijiet perikolużi msemmija f'10.2 (11.3.15).

5. Kontravenzjonijiet ta' rekwiżiti speċjali (15).

6. Qabża ta' tagħbija ta' kwalità massima permessa kull tank (16.1).

7. Protezzjoni insuffiċjenti mis-sħana għal prodotti sensittivi (16.6).

3.4. Żoni taħt il-kodiċi IGC (Referenzi jingħataw fil-parentesi)

1. Trasport ta' sustanza li mhix imsemmija fiċ-ċertifikat ta' qagħda tajba jew informazzjoni nieqsa dwar tagħbija (18.1).

2. Apparati ta' għeluq għal akkomodazzjoni jew spazji ta' servizz nieqsa (3.2.6).

3. Bulkhead mhux gastight (3.3.2).

4. Air locks difettużi (3.6).

5. Valvoli li jingħalqu malajr nieqsa jew difettużi (5.6).

6. Safety valves mitlufa jew difettużi (8.2).

7. Installazzjonijiet elettriċi li mhux intrinsikament siguri jew li ma jikkorispondux mar-rekwiżiti tal-kodiċi (10.2.4).

8. Ventilaturi fiż-żona ta' tagħbija ma jaħdmux (12.1).

9. Pressure alarms għal tankijiet ta' tagħbija ma jitħadmux (13.4.1).

10. Impjant ta' sejba tal-gas u/jew impjant ta' sejba ta' gas tossiku difettuż (13.6).

11. Trasport ta' sustanzi jridu jinżammu mingħajr ċertifkat validu ta' permess (17/19).

3.5. Żoni taħt il-Konvenzjoni Load Lines

1. Żoni sinifikanti ta' ħsara jew tmermir, jew pitting tal-plating u ebusija assoċjata fil-gverti u qafas li jaffetwaw seaworthiness jew saħħa biex tieħu tagħbija lokali, sakemm ma sarux tiswijiet temproanji proprji għal vjaġġ ġewwa port għal tiswijiet permanenti.

2. Każ rikonoxxut ta' stabbilità insuffiċjenti.

3. L-assenza ta' informazzjoni suffiċjenti u ta' min joqgħod fuqha, f'forma approvata, li b'mezzi rapidi u sempliċi, tħalli lill-kaptan jirranġa għat-tagħbija ballasting tal-bastiment b'tali manjiera li jinżamm marġini sigur ta' stabbilità f'kull stadju u kondizzjonijiet varji tal-vjaġġ, u l-kreazzjoni ta' stresses mhux aċċettabli fl-istruttura tal-bastiment huma evitati.

4. Assenza, deterjorazzjoni sostanzjali jew closing devices difettużi, hatch closing arrangements u bibien watertight.

5. Tagħbija żejda.

6. Assenza ta' draft mark jew draft mark li impossibbli biex taqraha.

3.6. Żoni taħt il-Konvenzjoni Marpol, l-Anness I (Referenzi mogħtija fil-parentesi)

1. Assenza, deterjorazzjoni serja jew nuqqas ta' operazzjoni proprja ta' oily-water filtering equipment, il-monitoring tat-tnixxija taż-żejt u sistema ta' kontroll jew l-arranġamenti ta' l-alarm 15 ppm.

2. Kapaċità li fadal ta' slop and/or sludge tank insuffiċjenti għall-vjaġġ maħsub.

3. Ktieb tar-rekords taż-żejt mhux disponibbli (20 (5)).

4. Unauthorized discharge bypass imwaħħal.

3.7. Żoni taħt il-Konvenzjoni Marpol, l-Anness II (Referenżi mogħtija fil-parentesi)

1. Assenza tal-manwali P & A.

2. Tagħbija mhux kategorizzata (3 (4)).

3. M'hemm ebda ktieb dwar tagħbija disponibbli (9 (6)).

4. Trasport ta' sostanzi li qishom żejt mingħajr ma tissodisfa r-rekwiżiti jew mingħajr ċertifikat adegwatament emendat (14).

5. Discharge bypass mhux awtorizzat imwaħħal.

3.8. Żoni taħt il-konvenzjoni STCW

Numru, kompożizzjoni jew ċertifikazzjoni ta' ekwipaġġ li ma jikkorispondux ma' dokument sigur ta' ekwipaġġ.

3.9. Żoni taħt il-Konvenzjonijiet ILO

1. Ikel mhux suffiċjenti għall-vjaġġ lejn il-port li jmiss.

2. Ilma mhux suffiċjenti għall-vjaġġ lejn il-port li jmiss.

3. Kondizzjonijiet eċċessivament mhux sanitarji abbord.

4. M'hemmx sħana fl-akkomodazzjoni ta' bastiment li jopera f'żoni fejn temperaturi jistgħu ikunu baxxi b'mod eċċessiv.

5. Żibel eċċessiv, blockage mit-tagħmir jew tagħbija jew altrimenti kondizzjonijiet perikolużi fil-passaġġi/akkomodazzjonijiet.

3.10. Żoni li ma jirrikjedux detenzjoni, iżda fejn eż. operazzjonijiet ta' tagħbija jridu jiġu sospiżi.

Nuqqas ta' tħaddim serju (jew manutenzjoni) tas-sistema ta' gas ta' ġewwa, cargo-related gear jew makkinarju huma kunsidrati raġuni suffiċjenti biex twaqqaf operazzjoni ta' tagħbija.

--------------------------------------------------

L-ANNESS VII

KRITERJI MINIMI GĦALL-ISPETTURI

(kif riferit fl-Artikolu 12(1))

1. L-ispettur irid ikun awtorizzat biex jagħmel kontroll ta' portijiet ta' stat minn awtorità kompetenti ta' l-Stat Membru.

2. Jew:

- l-ispettur irid ikun għamel minimu ta' sena servizz bħala spettur ta' Stat ta' reġistrazzjoni u jieħu ħsieb perizji u ċertifkazzjoni skond il-Konvenzjonijiet,

- u jkollu:

(a) ċertifikat ta' kompetenza bħala kap, li tippermetti lil dik il-persuna tieħu l-kmand ta' bastiment ta' 1600 TG jew aktar (Ara STCW, Regolament II/2); jew

(b) ċertifkat ta' kompetenza bħal "chief engineer" li tippermettilu jagħmel dak ix-xogħol abbord bastiment li l-qawwa ta' l-impjant prinċipali tiegħu għandha saħħa daqs jew aktar minn 3000 KW, (Ara STCW, Regolament III/2); jew

(c) għadda minn eżami ta' arkitett navali, "mechanical engineer" jew perit relat mas-settur marittimu u ħadem f'dak il-qasam mill-inqas għal ħames snin,

- L-ispetturi msemmija taħt (a) u (b) jridu jkunu servew għal perjodu mhux anqas minn ħames snin fuq il-baħar bħala uffiċjal fid-departiment tal-gverta jew tal-magna rispettivament.

Jew:

L-ispettur irid:

- ikollu lawrea relevanti mill-università jew taħriġ ekwivalenti, u

- ġie mħarreġ u kkwalifika fi skola ta' spetturi ta' sigurtà tal-bastimenti, u

- serva mill-inqas għal sentejn bħala spettur ta' stat ta' reġistrazzjoni u għandu x'jaqsam ma' perizji u ċertifikazzjoni skond il-Konvenzjonijiet.

3. Abbilità biex jikkomunika oralment u bil-miktub ma' nies li jaħdmu fuq il-bastimenti fil-lingwa l-aktar mitkellma fuq il-baħar.

4. Għarfien xieraq tad-dispożizzjonijiet ta' Konvenzjonijiet Internazzjonali u fuq il-proċeduri relevanti fuq kontroll ta' stat ta' port.

5. Spetturi li ma josservawx il-kriterji fuq imsemmija jiġu aċċettati wkoll jekk imqabbda minn awtorità kompetenti ta' Stat Membru għal kontroll ta' port ta' stat fid-data ta' adozzjoni ta' din id-Direttiva.

--------------------------------------------------