31993L0113

Id-Direttiva tal-Kunsill 93/113/KE

ta’ l-14 ta’ Diċembru 1993

li dwar l-użu u l-bejgħ ta’ l-enżimi, mikro-organiżmi u l-preparazzjoni tagħhom fin-nutrijenti ta’ l-annimali

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ekonomika Ewropea, u partikolarment l-Artikolu 43 tiegħu,

Wara li kkunsidra l-proposta mill-Kummissjoni [1],

Wara li kkunsidra l-opinjoni tal-Parlament Ewropew [2],

Wara li kkunsidra l-Opinjoni tal-Kumitat Ekonomiku u Soċjali [3],

Billi Direttiva tal-Kunsill 70/524/KEE tat-23 ta’ Novembru 1970 li tikkonċerna żidiet fl-affarijiet ta’ l-ikel [4], tfassal il-prinċipji li għandhom x’jaqsmu ma’ l-ammissjoni u l-użu taż-żidiet;

Billi Direttiva tal-Kunsill 87/153/KEE tas-16 ta’ Frar 1987 li tiffissa linji ta’ gwida għall-assessjar fiż-żidiet fl-affarijiet ta’ l-ikel [5] jikkostitwixxu gwida għad-definizzjoni ta’ l-informazzjoni xjentifika neċessarja biex tiddentifika u tikkaratterizza dawn il-prodotti kif ukoll l-istudji neċessarji biex tevalwa, b’mod partikolari, l-effikaċja u jekk jagħmlux ħsara lill-umani, annimali u l-ambjent;

Billi avvanzi fil-għerf xjentifiku u tekniku jippermetti l-użu ta’ ċertu enżimi, mikro-organiżmi u l-preparazzjonijiet fin-nutrizzjoni ta’ l-annimali biex b’mod partikolari titjieb id-diġestibilità tat-tali nutrijenti, jew biex jistabbilizzaw il-flora tas-sistema diġestiva ta’ l-annimali u biex inaqqsu r-rimi ta’ ċertu sustanzi mhux mixtieqa fl-ambjent; billi fil-mument l-ebda kriterja ma teżisti għall-eżami tat-talbiet għall-awtorizazzjoni għall-użu bħala żidiet ta’ din il-ġenerazzjoni ġdida ta’ prodotti;

Billi huwa essenzali, sakemm ssiru l-emendi tal-linji ta’ gwida u biex jippermettu l-preparazzjoni tad-dokumenti għal dawn il-prodotti, biex jippermettu proviżorjament l-użu u l-bejgħ ta’ l-enżimi, mikro-organiżmi u l-preparazzjonijiet fil-livell nazzjonali, dejjem jekk huma ma jirrapreżentawx kwalunkwe’ perikolu għas-saħħa umana jew ta’ l-annimali;

Billi jħallu dawn il-prodotti tirrekjedi inventarju tagħhom f’kull Stat Membru, u t-trasmissjoni lill-Kummissjoni ta’ ċertu informazzjoni li tiġġustifika l-inklużjoni tagħhom fil-listi nazzjonali;

Billi l-Istati Membri ma jistgħux jirrestinġu l-bejgħ tal-prodotti tal-bhejjem miksuba mill-ikel li jkollu enzimi, mikro-organiżmi jew il-preparazzjonijiet tagħhom meta dawn huma inklużi fil-lista nazzjonali stabilita skond din id-Deċiżjoni;

Billi din id-Direttiva ma tapplikax għall-enżimi, mikro-organiżmi, jew għall-preparazzjoni tagħhom meta użati bħala aġenti tal-ħażna;

Billi din id-Direttiva tapplika mingħajr preġudizzju għad-Direttiva tal-Kunsill 90/220/KEE tat-23 ta’ April 1990 dwar il-ħelsien intenzjonat fl-ambjent ta’ organiżmi modifikati ġenitakament [6];

Billi din id-Direttiva għandha tapplika mingħajr preġudizzju għad-Direttiva 70/524/KEE;

Billi Direttiva 87/153/KEE għandha tkun emendata malajr kif meħtieġ, bil-ħsieb li tagħmel disponibbli r-regoli neċessarji għall-eżami speċifiku taż-żidiet li huma ta’ grupp ġdid ta’ enżimi u mikro-organiżmi; billi, fl-istess ħin, id-dokumenti għandhom jkunu sottomessi bil-ħsieb li jiġu assessjati l-prodotti inklużi fil-listi nazzjonali jridu jkunu preparati skond il-linji ta’ gwida stabbiliti għaż-żidiet in ġenerali;

Billi huwa għaqli li l-industrija tingħata żmien suffiċjenti biex tapplika dispożizzjonijiet ġodda ta tikkettjar stabbiliti għall-enżimi, mikro-organiżmi u l-preparazzjonijiet tagħhom kif ukoll it-taħlit minn qabel u l-affarijiet ta’ l-ikel li jkunu jinsabu fihom,

ADDOTTA DIN ID-DIRETTIVA:

Artikolu 1

1. Din id-Direttiva għandha tapplika għall-użu u l-bejgħ ta’ enżimi, mikro-organiżmi u l-preparazzjonijiet fin-nutrizzjoni ta’ l-annimali.

2. Din id-Direttiva għandha tapplika mingħajr preġudizzju għal Direttiva 70/524/KEE u partikolarment għad-dispożizzjonijiet li jikkonċernaw l-awtorizzazzjoni ta’ l-enżimi, mikro-organiżmi u l-preparazzjonijiet tagħhom għall-użu taż-żidiet.

Artikolu 2

1. Permezz ta’ deroga minn l-Artikolu 3 tad-Direttiva 70/524/KEE, l-Istati Membri għandhom temporanjament jippermettu l-użu u l-bejgħ ta’ l-enżimi, mikro-organiżmi u l-preparazzjonijet tagħhom fin-nutrizzjoni ta’ l-annimali fit-territorju tagħhom, dejjem jekk, fuq il-bażi ta’ l-informazzjoni disponibbli, l-prodotti ma jippreżentawx perikolu lis-saħħa umana jew ta’ l-annimali, u li huma inklużi fil-lista stabbilita bis-saħħa ta’ l-Artikolu 3.

2. Il-forom kollha għall-użu tan-nutrizzjoni ta’ l-annimli għajr l-inkorporazzjoni tat-tali prodotti fl-affarijiet ta’ l-ikel, għandhom jkunu pprojbiti.

Artikolu 3

Fuq il-bażi ta’ l-informazzjoni li hemm provduta mill-persuni responsabbli għat-tpoġġija tal-prodotti fiċ-ċirkulazzjoni Stati Membri għandhom igħaddu:

(a) lill-Kummissjoni qabel l-1 ta’ Novembru 1994:

- lista ta’ enżimi u mikro-organiżmi u l-preparazzjoni tagħhom b’mod konformi mal-mudell mogħti fl-Anness I,

- nota ta’ identifikazzjoni mfassla għal kull prodott b’mod konformi mal-mudell mogħti fl-Anness II mill-persuna responsabbli għat-tpoġġija tal-prodott fiċ-ċirkulazzjoni;

(b) lill-Kummissjoni u l-Istati Membri l-oħrajn qabel l-1 ta’ Jannar 1996, id-dokumenti biex jiġġustifikaw dawn l-awtorizzazzjonijiet minn persuna(i) responsabbli li titlob l-inklużjoni tal-prodott(i) fil-lista riferuta fl-ewwel daħla ta’ punt (a).

Artikolu 4

1. Kif u meta l-informazzjoni mitluba tasal għandha, il-Kummissjoni għandha tikkomunika lill-Istati Membri l-lista ta’ l-enzimi, mikro-organiżmi jew il-preparazzjoni tagħhom mibgħuta lilha b’mod konformi ma’ l-Artikolu 3.

2. Fejn enzimi, mikro-organiżmi jew preparazzjonijiet fabbrikati minnhom huma inklużi f’diversi listi nazzjonali, jista’ jkun mifthiem bejn l-Istati Membri konċernati li għandu jkun sottomess dokument wieħed minn wieħed minnhom. F’dan il-każ l-Istat Membru maħtur biex jagħti d-dokument għandu jinforma lill-Kummissjoni kif meħtieġ.

3. Qabel il-31 ta’ Marzu 1996 fuq il-bażi tad-dokumenti ġew mibgħuta lilha b’mod konformi ma’ l-Artikolu 3, il-Kummissjoni għandha tippubblika fis-serje ’¬' tal-Ġurnal Uffiċjali tal-Komunitajiet Ewropej lista ta’ enzemi, mikro-organiżmi u l-preparazzjonijiet tagħhom permessi fid-diversi Stati Membri.

Artikolu 5

Qabel l-1 ta’ Jannar 1997, għandu jkun mogħti digriet b’mod konformi mal-proċedura stabilita fl-Artikolu 24 tad-Direttiva 70/524/KEE fuq id-dokumenti riferuti fl-Artikolu 3(b) li jikkonċerna l-awtorizzazzjoni taż-żidiet fin-nutrizzjoni ta’ l-annimali.

Artikolu 6

Fejn Stati Membri jsibuha impossibli li jissodisfaw waħda mill-kondizzjonijiet li hemm riferenza għalihom fl-Artikolu 3, għall-enżema, mikro-organiżmi jew preparazzjoni użati fit-territorju tagħhom, huma għandhom jieħdu l-miżuri neċessarji kollha biex jassiguraw li l-enżemi, mikro-organiżmi jew preparazzjoni miksuba minnhom m’humiex iżjed użati jew mibjugħa fit-territorju tagħhom.

Artikolu 7

1. Enżemi, mikro-organiżmi u l-preparazzjonijiet tagħhom, kif ukoll it-taħlit minn qabel tal-komponenti ta’ l-affarijiet ta’ l-ikel li fihom ġew inkorporati, jistgħu ikunu mibjugħa biss jekk il-partikolaritajiet mniżżlin taħt, li jridu jkunu viżibbli b’mod ċar, leġibbli u indelibbli u li għalihom l-ebda produttur, dak li jippakkja, importatur, bejjiegħ jew distributur stabbilit fil-Komunità m’għandu jinżamm responsabbli, huma murija fuq l-ippakkjar, il-kontenitur jew fuq it-tikketta annessa magħhom:

A. għall-enzimi u l-preparazzjoni tagħhom:

(a) l-isem speċifiku tal-kostitwent(i) attiv skond l-attivita(ijiet) enżimatiċi tagħhom u n-numru(i) ta’ identifikazzjonijiet b’mod konformi ma’ l-Unjoni Internazzjonali tal-Bijokimika;

(b) il-units ta’ attività (units ta’ attività [7] għal kull g jew units ta’ attività għal kull ml);

(ċ) l-isem jew l-isem tan-negozju u l-indirizz jew il-post tar-reġistrazzjoni tan-negozju tal-persuna responsabbli għall-partikolaritajiet f’dan im-paragrafu;

(d) l-isem jew l-isem tan-negozju u l-indirizz tal-post tar-reġistrazzjoni tan-negozju tal-fabrikant jekk hu m’hux responsabbli għall-partikolaritajiet fuq it-tikketti;

(e) id-data ta’ l-iskadenza tal-garanzija jew tal-ħajja tal-ħażna mid-data tal-fabbrikazzjoni;

(f) in-numru tar-riferenza tal-grupp u d-data tal-fabbrikazzjoni;

(g) direzzjonijiet għall-użu u fejn jixraq, rakkomandazzjoni ta’ sigurtà;

(h) il-piż nett u għal-addittivi tal-likwidu jew tal-volumm net jew tal-piż net;

(i) It-tagħrif ‘biex tkun użata esklussivament għall-fabrikazzjoni ta’ l-affarijiet ta’ l-ikel’;

B. Għal mikro-organiżmi u l-preparazzjonijiet tagħhom:

(a) l-identifikazzjonijiet ta’ l-istejn(s) skond kodiċi ta’ nomneklatura internazzjonali rikonoxxuta u n-numru tad-depożitu ta’ l-istrejn(s);

(b) in-numru ta’ colony-forming units (CFU/g);

(ċ) l-isem jew l-isem tan-negozju u l-indirizz jew il-post tar-reġistrazzjoni tan-negozju tal-persuna responsabbli għall-partikolaritajiet f’dan il-paragrafu;

(d) l-isem jew l-isem tan-negozju u l-indirizz tal-post tar-reġistrazzjoni tan-negozju tal-fabrikant jekk hu m’hux responsabbli għall-partikolaritajiet fuq it-tikketti;

(e) id-data ta’ l-iskadenza tal-garanzija jew tal-ħajja tal-ħażna mid-data tal-fabbrikazzjoni;

(f) in-numru tar-riferenza tal-grupp u d-data tal-fabbrikazzjoni;

(g) id-direzzjonijiet għall-użu u fejn jixraq, rakkomandazzjoni ta’ sigurtà;

(h) il-piż nett u għall-addittivi tal-likwidu jew tal-volumm nett jew tal-piż net;

(i) it-tagħrif ‘biex tkun użata esklussivament għall-fabrikazzjoni ta’ l-affarijiet ta’ l-ikel’;

(j) fejn jixraq, indikazzjoni ta’ kwalunkwe karatteristiċi partikolari sinjifikanti dovuti minħabba l-proċess tal-manifattura;

Ċ. għat-taħlit li jkollhom enzemi:

(a) id-deskrizzjoni ta’ ‘taħlita minn qabel’;

(b) l-indikazzjoni ‘biex tkun użata esklussivament fil-fabrikazzjoni ta’ l-affarijiet ta’ l-ikel’;

(ċ) id-direzzjonijiet għall-użu u kwalunkwe rakkomandazzjonijiet ta’ sigurtà li jirrigwardaw l-użu tat-taħlit minn qabel;

(d) l-ispeċi ta’ l-annimali jew kategorija ta’ annimalii li għalihom it-taħlit minn qabel hu maħsub;

(e) l-isem jew l-isem tan-negozju u l-indirizz jew il-post tar-reġistrazzjoni tan-negozju tal-persuna responsabbli għall-partikolaritajiet li hemm riferenza għalihom f’dan il-paragrafu;

(f) il-piż nett u għal-likwidi jew tal-volumm net jew tal-piż nett;

(g) l-isem speċifiku tal-kostitwent(i) attiv skond l-attivita(ijiet) enżimatiċi tagħhom u n-numru(i) ta’ identifikazzjonijiet b’mod konformi ma’ l-Unjoni Internazzjonali tal-Bijokimika;

(h) il-units ta’ attività (units ta’ attività għal kull g jew units ta’ attività għal kull ml);

(i) id-data ta’ l-iskadenza tal-garanzija jew tal-ħajja tal-ħażna mid-data tal-fabbrikazzjoni;

(j) l-isem jew l-isem tan-negozju u l-indirizz tal-post tar-reġistrazzjoni tan-negozju tal-fabbrikant jekk hu m’hux responsabbli għall-partikolaritajiet fuq it-tikketti;

D. għat-taħlit minn qabel li jkollhom mikro-organiżmi:

(a) id-deskrizzjoni ‘taħlit minn qabel’;

(b) l-indikazzjoni ‘biex tkun użata esklussivament fil-fabrikazzjoni ta’ l-affarijiet ta’ l-ikel’;

(ċ) id-direzzjonijiet għall-użu u kwalunkwe rakkomandazzjonijiet ta’ sigurtà li jirrigwardaw l-użu tat-taħlit minn qabel;

(d) l-ispeċi ta’ l-annimali jew kategorija ta’ annimali li għalihom it-taħlit minn qabel hu maħsub;

(e) l-isem jew l-isem tan-negozju u l-indirizz jew il-post tar-reġistrazzjoni tan-negozju tal-persuna responsabbli għall-partikolaritajiet li hemm riferenza għalihom f’dan il-paragrafu;

(f) il-piż nett u għal-likwidi jew tal-volumm net jew tal-piż net;

(g) l-identifikazzjonijiet ta’ l-istrejn(s) skond kodiċi ta’ nomenklatura internazzjonali rikonoxxuta u n-numru tad-depożitu ta’ l-istrejn(s);

(h) in-numru ta’ colony-forming units (CFU/g);

(i) id-data ta’ l-iskadenza tal-garanzija jew tal-ħajja tal-ħażna mid-data tal-fabbrikazzjoni;

(j) l-isem jew l-isem tan-negozju u l-indirizz tal-post tar-reġistrazzjoni tan-negozju tal-fabbrikant jekk hu m’hux responsabbli għall-partikolaritajiet fuq it-tikketti;

(k) fejn jixraq, indikazzjoni ta’ kwalunkwe karatteristiċi partikolari sinjifikanti dovuti minħabba l-proċess tal-manifattura;

E. għal komponenti ta’ ikel li fihom ġew inkorporati enżemi:

(a) l-isem speċifiku tal-kostitwent(i) attiv skond l-attivita(ijiet) enżimatiċi tagħhom u n-numru ta’ identifikazzjoni b’mod konformi ma’ l-Unjoni Internazzjonali tal-Bijokimkika;

(b) l-units ta’ attività (units ta’ attività għal kull kg jew units ta’ attività għal kull wieħed) dejjem jekk it-tali units b’metodu validu uffiċjalment jew xjentifikament);

(ċ) id-data ta’ l-iskadenza tal-garanzija jew tal-ħajja tal-ħażna mid-data tal-fabbrikazzjoni;

F. Għal komponenti ta’ ikel li fihom ġew inkorporati mikro-organiżmi:

(a) l-identifikazzjonijiet ta’ l-istrejn(s) skond kodiċi ta’ nomenklatura internazzjonali rikonoxxuta u n-numru tad-depożitu ta’ l-istrejn(s);

(b) in-numru ta’ colony-forming units (CFU/kg) dejjem jekk in-numru hu mkejjel b’metodu uffiċjali jew xjentifikament validu;

(ċ) id-data ta’ l-iskadenza tal-garanzija jew tal-ħajja tal-ħażna mid-data tal-fabbrikazzjoni;

(d) fejn jixraq, indikazzjoni ta’ kwalunkwe karartteristiċI sinjifikanti partikolari minħabba l-proċess tal-manifattura.

2. Partikolaritajiet għajr dawk preskritti fil-paragrafu 1, taħt A, B, C u D tali bħal l-isem tal-kummerċ, jista’ jkun inkluż fuq l-ippakkjar, kontenituri jew fuq tikketta magħhom, dejjem jekk huma separati b’mod ċar mill-imsemmija partikolaritajiet.

Artikolu 8

1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma’ din id-Direttiva mhux iktar tard mill-:

- 1 Jannar 1995 fil-każ ta’ l-Artikolu 7, and

- l-1 ta’ Ottubru 1994 fil-każ ta’ dispożizzjonijiet oħrajn.

Għandhom jgħarrfu bihom lill-Kummissjoni fil-pront.

Meta l-Istati Membri jadottaw dawn id-dispożizzjonijiet, dawn għandhom ikollhom riferenza għal din id-Direttiva jew għandhom ikunu akkumpanjati bit-tali riferenza fiż-żmien tal-pubblikazzjoni uffiċjali tagħhom. Il-metodi biex issir it-tali referenza għandhom ikunu stabbiliti mill-Istati Membri.

2. L-Istati Membri għandhom jikkomunikaw lill-Kummissjoni t-testi tad-dispożizzjonijiet fil-liġijiet nazzjonali li huma jadottaw fil-qasam kopert b’din id-Direttiva. Il-Kummissjoni għandha tinforma lill-Istati Membri l-oħra bihom.

Artikolu 9

Din id-Direttiva għandha tidħol fis-seħħ fil-ġurnata tal-pubblikazzjoni tagħha fil-Ġurnal Uffiċjali tal-Komunitajiet Ewropej.

Artikolu 10

Din id-Direttiva hi ndirizzata lill-Istati Membri.

Magħmula fi Brussel, fl-14 ta’ Diċembru 1993.

Għall-Kunsill

A. Bourgeois

Il-President

[1] ĠU C 116, tas-27.4.1993, p. 6.

[2] ĠU C 329, tas-6.12.1993.

[3] ĠU C 201, tas-26.7.1993, p. 34.

[4] ĠU L 270, ta’ l-14.12.1970, p. 1. Direttiva kif l-aħħar emendata b’Direttiva 93/114/KE (ara paġna 24 ta’ dan il-Ġurnal Uffiċjali).

[5] ĠU L 64, tas-7.3.1987, p. 19.

[6] ĠU L 117, tat-8.5.1990, p. 15.

[7] Units ta’ attività espressi bħala mole tal-prodott meħlusa kull minuta għal kull gramma ta’ preparazzjoni enżemika.

--------------------------------------------------

L-ANNESS I

+++++ TIFF +++++

--------------------------------------------------

L-ANNESS II

MUDELL TA’ NOTA TA’ IDENTIFIKAZZJONI RIFERUTA FL-ARTIKOLU 3(a) TIENI INĊIŻ

(biex tkun mimlija mill-persuna responsabbli għat-tpoġġija tal-prodott fiċ-ċirkulazzjoni)

1. Identità tal-prodott

Isem tas-sengħa.

Komposizzjoni kwalitativa u kwantitattiva:

- sustanza attiva [1],

- komponenti oħrajn,

- impuritajiet,

- sustanzi mhux mixtieqa.

Isem jew isem tan-negozju u indirizz jew post reġistrat tan-negozju tal-manifattur.

Post tal-fabbrikant

Isem jew l-isem tan-negozju u l-indirizz tal-post tar-reġistrazzjoni tan-negozju tal-persuna responsabbli għat-tpoġġija tal-prodott fis-suq, jekk hu m’hux il-fabbrikant;

2. Speċifikazzjonijiet li jikkonċernaw sustanza attiva

2.1. Għal mikro-organiżmi:

- isem u deskrizzjoni taksonomika skond il-kodiċi internazzjonali tan-nomenklatura [2],

- isem u post tal-ġbir tal-koltura fejn l-istrejn hi reġistrata u depożitata u n-numru tar-reġistrazzjoni u d-depożitu,

- iddikjara jekk il-manipulazzjoni ġenetika saritx,

- in-numru ta’ colony-forming units (CFU/g).

2.2. Għall-enżemi:

- isem skond l-attivitajiet enżematiċi prinċipali u numru tal-Komunità [3],

- tistqar l-oriġini bijoloġika. Fil-każ ta’ oriġini mikrobijali, trid tkun mogħtija l-informazzjoni meħtieġa fl-ewwel żewġ inċiżi ta’ punt 2.1.

- iddikjara jekk l-organiżmi ta’ l-oriġini ġewx ġenetikament manipulati,

- attivitajiet relattivi fir-rigward ta’ tipi xierqa ta’ substrati kimiċi puri (espressi f’units ta’ attività [4] għal kull g).

NB:

Jekk is-sustanza attiva hi taħlita tal-komponenti attivi, il-komponenti kollha jridu jkunu deskritti separatment bl-indikazzjoni tal-proporzjon tagħhom fit-taħlita.

3. Propretajiet tal-prodott

Effetti prinċipali:

- informazzjoni li tikkonċerna l-effettivita’,

- ġustifikazzjoni għall-preżenza ta’ kull komponent jekk is-sustanza hi taħlita tal-komponenti attivi.

Effetti oħrajn.

4. Sigurtà tal-prodott

Informazzjoni disponibbli fuq is-sigurtà.

5. Kondizzjonijiet għall-użu tal-prodott

Użi provduti fin-nutrijent ta’ l-annimali (speċi jew kategoriji ta’ l-annimali, tipi ta’ l-affarijiet ta’ l-ikel, perjodu ta’ l-użu, eċċ).

Doża proposta għat-taħlit minn qabel u affarijiet ta’ l-ikel (units xierqa ta’ l-attività bijoloġika tali bħal CFU għal kull gramma ta’ prodott għall-mikro-organiżmi jew units ta’ attività għal kull gramma ta’ preparazzjonijiet ta’ enżemi).

Użi oħrajn magħrufa tas-sustanza attiva jew il-preparazzjoni (fl-affarijiet ta’ l-ikel, umana jew mediċini veterinarja, industrija eċċ).

Rakkomandazzjonijiet li jikkonċernaw is-sigurtà tal-prodott f’relazzjoni ma’ l-ispeċi fil-mira, il-konsumatur u l-ambjent.

Jekk ikun meħtieġ, miżuri għall-prevenzjoni tar-riskju u l-mezzi ta’ protezzjoni matul il-fabbrikazzjoni u l-użu.

6. Informazzjoni teknoloġika

Stabilità tal-prodott:

- fir-rigward ta’ aġenti atmosferiċi,

- matul il-preparazzjoni tat-taħlit minn qabel u l-affarijiet ta’ l-ikel,

- matul il-ħażna tat-taħit minn qabel u l-affarijiet ta’ l-ikel,

- deskrizzjoni tal-proċess tal-manifattura u l-metodi wżati li jikkonċernaw il-kontroll tal-kwalità tal-prodott matul il-fabbrikazzjoni tiegħu.

7. Kontroll

Metodu(i) ta’ l-analiżi li jistabbilixxu l-komponent(i) attiv fi:

- il-prodott innifsu,

- taħlit minn qabel,

- affarijiet ta’ l-ikel.

8. Attestazzjonijiet tal-persuna responsabbli biex tiċċertifika l-eżattezza ta’ l-informazzjoni mogħtija.

[1] Jekk is-sustanza attiva hi taħlita ta’ komponenti attivi ċarament definiti, jindikaw il-komponenti prinċipali.

[2] Tali bħal "Il-Manwal tal-Batteroloġija Sistematika ta’ Bergey", "Il-Ħmira, studju taksonomiku" minn Lodder u Kreger van Rij, "Dizzjunarju ta’ Ainsworth u Bisby fuq il-Faqqigħ" minn Hawksworth, Sutton u Ainsworth jew "Il-Ġenju Asperigillus" minn Raper u Fennel.

[3] Rakkomandazzjonijiet dwar Nomenklaturi ta’ Enżemi (1984) tal-Kumitat tan-Nomenklatura ta’ l-Unjoni Internazzjonali tal-Bijokimika, Academic Press 1984.

[4] Units ta’ attività espressi bħala mole tal-prodott meħlusa kull minuta għal kull gramma ta’ preparazzjoni enżemika.

--------------------------------------------------