31983R2289

Ir-Regolament tal-Kummissjoni (KEE) Nru 2289/83

tad-29 ta' Lulju 1983

li jniżżel dispożizzjonijiet għall-implimentazzjoni ta' l-Artikoli 70 sa 78 tar-Regolament tal-Kunsill (KEE) Nru 918/83 li jistabilixxi sistema Komunitarja ta' arranġamenti mingħajr dazju

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jwaqqaf il-Komunità Ekonomika Ewropea,

Wara li kkunsidrat ir-Regolamnet tal-Kunsill (KEE) Nru 918/83 tat-28 ta' Marzu 1983 li jwaqqaf sistema Komunitarja ta' arranġamenti mingħajr dazju [1], u b'mod partikolari l-Artikolu 143 tiegħu,

Billi r-Regolament (KEE) Nru 918/83 mibdul, minn l-Artikoli 70 sa 78 tiegħu, r-Regolament tal-Kunsill (KEE) Nru 1028/79 tat-8 ta' Mejju 1979 dwar l-importazzjoni ħielsa minn dazji tat-Tariffa Doganali Komuni ta' oġġetti għall-użu minn persuni b'diżabilità [2]; billi għalhekk hu meħtieġ illi r-Regolament tal-Kummissjoni (KEE) Nru 2783/79 tat-12 ta' Diċembru 1979 li jniżżel dispożizzjonijiet għall-implimentazzjoni tar-Regolament (KEE) Nru 1028/79 [3] jiġi mibdul f'Regolament li jniżżel dispożizzjonijiet għall-implimentazzjoni ta' l-Artikoli 70 sa 78 tar-Regolament (KEE) Nru 918/83;

Billi l-miżuri li hemm dispożizzjoni għalihom f'dan ir-Regolament huma konformi ma' l-opinjoni tal-Kumitat ta' l-Arranġamenti Mingħajr Dazji,

ADOTTAT DAN IR-REGOLAMENT:

Artikolu 1

Dan ir-Regolament jniżżel dispożizzjoni għall-implimentazzjoni ta' l-Artikoli 70 sa 78 tar-Regolament (KEE) Nru 918/83, hawn taħt imsejjaħ "Regolament bażiku".

IL-KAPITOLU I

DISPOSIZZJONIJIET APPLIKABBLI GĦAL IMPORTAZZJONIJIET ESEGWITI MINN ISTITUZZJONIJIET JEW ORGANIZAZZJONIJIET

IT-TITOLU I

DISPOSIZZJONIJIET ĠENERALI

A. Obligazzjonijiet min-naħa ta' l-istituzzjonijiet jew organizazzjonijiet lil min jiġu konsenjati l-oġġetti

Artikolu 2

1. Id-dħul mingħajr dazju ta' oġġetti msemmijin fl-Artikoli 71, 72 (1) u (2) u 74 tar-Regolament bażiku għandu jġib miegħu l-obbligazzjonijiet segwenti min-naħa ta' l-istituzzjonij jew organizazzjoni lil min jiġu kkonsnejati:

- li jibgħatu l-oġġetti msemmija direttament lill-post ta' destinazzjoni ddikjarat,

- li jinżamm rendikont tagħhom fl-inventarju tagħha,

- li jintużaw esklussivament għall-skopijiet speċifikati fl-Artikoli msemmijin,

- li jiffaċilitaw kull verifika li l-awtoritajiet kompetenti jidhrilhom meħtieġa sabiex jiżguraw li l-kundizzjonijiet għal konċessjoni ta' dħul mingħajr dazji fuq l-importazzjoni huma sodisfatti, jew jibqgħu sodisfatti.

2. Il-kap ta' l-istituzzjoni jew organizazzjoni lil min jiġu kkonsenjati, jew ir-rappreżentant awtorizzat tiegħu għandhom jfornu lill-awtoritajiet kompetenti b' dikjarazzjoni li tgħid li huwa konxju ta' l-obbligazzjonijiet varji elenkati fil-paragrafu 1 u tinkludi obbligazzjoni sabiex jikkonforma magħhom.

L-awtoritajiiet kompetenti jistgħu jirrikjedu li d-dikjarazzjoni msemmija fis-subparagrafu preċedenti tiġi prodotta għal kull importazzjoni, jew għal diversi importazzjonijiet jew għall-importazzjonijiet kollha esegwiti mill-istituzzjoni jew organiazzjoni lil min jiġu kkonsenjati l-oġġetti.

B. Dispożizzjonijiet li jiġu applikati fil-każ li l-oġġetti jinsilfu, jinkrew jew jiġu trasferiti

Artikolu 3

1. Fejn id-dispożizzjonijiet ta' l-ewwel sentenza tat-tieni subparagrafu ta' l-Artikolu 77(2) tar-regolament bażiku jiġu applikati, l-istituzzjoni jew organizazzjoni lil min jinsilef, jinkera jew jiġi trasferit oġġett għall-użu ta' persuni b'diżabilità għandha, mid-data ta' meta irċeviet l-oġġett, tikkonforma ma' l-istess obbligazzjonijiet bħal dwak stipulati fl-Artikolu 2

2. Fejn l-istituzzjoni jew organizazzjoni lil min jinsilef, jinkera jew jiġi trasferit oġġett jinsab fi Stat Membru li mhuwiex dak li fih tinsab l-istituzzjoni jew organizazzjoni li silfet, kriet jew ittrasferiet l-oġġetti, ma' l-ispedizzjoni ta' dawn l- oġġetti lil dak l-Istat Membru l-uffiċju doganali kompetenti ta' l-Istat Membru ta' spedizzjoni għandha toħroġ Kopja ta' Kontroll T Nru 5 skond ir-regoli stipulati fir-Regolament Nru 223/77 sabiex jiġi żgurat li dawn l- oġġetti jiġu adoperati għal użu li jagħtihom jedd li jkomplu jikkwalifikaw għal dħul mingħajr dazji fuq l-importazzjoni.

Għal dan il-għan, l-imsemmija kopja ta' kontroll għandha tinkludi, fil-kaxxa 104 taħt l-intestatura "oħrajn", waħda mid-daħliet li ġejjin:

- ,

- ,

- ,

- ,

- ,

- ,

- .

3. Id-dispożizzjonijiet tal-paragrafi 1 u 2 għandha tapplika mutatis mutandis għas-self, kirja jew trasferiment ta' partijiet ta' rikambju jew aċċessorji speċifikament għal oġġetti għall-użu minn persuni b'diżabilità u għal għodda għal manutenzjoni, kontroll, kalibrazzjoni jew tiswija ta' l-oġġetti msemmijin li jkunu ddaħħlu mingħajr dazji taħt it-tieni subparagrafu ta' l-Artikoli 71 u 72 (2) tar-Regolament bażiku.

IT-TITOLU II

DISPOSIZZJONIJIET SPEĊIFIĊI LI GĦANDHOM X'JAQSMU MAD-DĦUL MINGĦAJR DAZJI FUQ L-IMPORTAZZJONI TA' OĠĠETTI MSEMMIJIN FL-EWWEL SUBPARAGRAFU TA' L-ARTIKLU 71 TAR-REGOLAMENT BAŻIKU

Artikolu 4

1. Sabiex jinkiseb dħul mingħajr dazzji fuq l-importazzjoni ta' oġġett għall-użu ta' l-għomja skond l-ewwel subparagrafu ta' l-Artikolu 71 tar-Regolamaent bażiku, il-kap ta' l-istituzzjoni jew organizazzjoni lil min jiġi kkonsenjat l-oġġett, jew rappreżentant awtorizzat tiegħu, għandu jissottometti applikazzjoni lill-awtorità kompetenti ta' l-Istat Membru li fih tinstab l-istituzzjoni jew organizazzjoni.

Tali applikazzjoni għandha tiġi akkumpanjata minn kull tagħrif li l-awtorità kompetenti tqis meħtieġa sabiex jiġi ddtereminat jekk il-kundizzjonijiet stipulati għall-konċessjoni ta' dħul mingħajr dazji fuq l-importazzjoni humiex sodisfatti.

2. L-awtorità kompetenti ta' l-Istat Membru fejn tinstab l-istituzzjoni jew l-organizazzjoni lil min jiġi kkonsnejat l-oġġett għandu jieħu deċiżjoni diretta dwar l-applikazzjoni msemmija fil-paragrafu 1.

IT-TITOLU III

DISPOSIZZJONIJIET SPEĊIFIĊI LI GĦANDHOM X'JAQSMU MA' L-IMPORTAZZJONI MINGĦAJR DAZJI FUQ L-IMPORTAZZJONI TA' OĠĠETTI MSEMMIJIN FL-ARTIKOLU 72(1) TAR-REGOLAMENT BAŻIKU

Artikolu 5

Sakemm ma jiġix stabbilit minn deċiżjoni tal-Kummissjoni adottata skond il-proċedura stipulata fl-Artikolu 8(3) u (4) li d-dħul mingħajr dazji fuq l-importazzjoni ta' oġġetti msemmija fl-Artikolu 72(1) tar-Regolament bażiku hija responsabbli għal ħsara lil produzzjoni ta' oġġetti ekwivalenti fi ħdan il-Komunità, għandu jiġi konċess id-dħul mingħajr dazji fuq l-importazzjoni mingħajr ma jiġi kkontrollat jekk il-kundizzjoni stipulata fl-Artikolu 72(1) (b) ta' dak ir-Regolament hijiex sodisfatta.

Artikolu 6

1. Sabiex jinkiseb dħul mingħajr dazji ta' oġġett għall użu minn persuni b'diżabilità skond id-dispożizzjonijiet ta' l-Artikolu 72(1) tar-Regolament bażiku l-kap ta' l-istituzzjoni jew organizazzjoni lil min jiġi kkonsenjat l-oġġett, jew rappreżentant awtorizzat tiegħu, għandu jissottometti applikazzjoni lill-awtorità kompetnenti ta' l-istat Membru li fih tinstab l-istituzzzjoni jew organizazzjoni.

2. L-applikazzjoni msemmija fil-paragrafu 1 għandhu jkollha t-tagħrif li ġej dwar l-oġġett msemmija:

(a) id-deskrizzjoni kummerċjali preċiża ta' l-oġġett użat mill-fabbrikant, il-klassifikazzjoni preżunta tat-Tariffa Doganali Komuni u l-karatteristiċi tekniċi oġġettivi li jindikaw li l-oġġett huwa mfassal speċifikatement għall-edukazzjoni, avvanz tax-xogħol jew soċjali ta' persuni b'diżabilità

(b) l-isem jew isem tal-kummerċ u l-indirizz tal-fabbrikant u, jekk disponibbli, tal-fornitur;

(ċ) il-pajjiż ta' l-oriġini ta' l-oġġett;

(d) il-post ta' destinazzjoni ta' l-oġġett;

(e) l-użu li għalih kien maħsub l-oġġett;

(f) il-prezz ta' l-oġġett jew il-valur tiegħu għal għanijiet doganali;

(g) il-kwantità ta' l-oġġett ikkunsidrat;

(h) il-perijodu stmat tal-kunsinna;

(i) id-data ta' meta ġie ordnat l-oġġett jekk diġa ġie ordnat.

Xhieda dokumentarja li tipprovdi t-tagħrif kollu meħtieġ dwar il-karatteristiċi u speċifikazzjonijet tekniċi ta' l-oġġett għandhom jiġu forniti ma' l-applikazzjoni.

Artikolu 7

Mingħajr preġudizzju għad-dispożizzjonijiet ta' l-Artikolu 9, l-awtorità kompetenti ta' l-Istat Membru li fih tinstab l-istituzzjoni jew organizazzjoni lil min jiġu kkonsenjati l-oġġetti, għandha tieħu deċiżjoni diretta dwar applikazzjonijet taħt l-Artikolu 6.

Artikolu 8

1. L-awtorijiet kompetenti ta' l-Istati Membri għandhom jipprovdu l-Kummissjoni, fuq inizjattiva tagħhom jew fuq talba ta' din ta' l-aħħar, b'kull tagħrif f'pussess tagħhom, inklużi d-dokumenti tekniċi rilevanti, sabiex tkun tista' tistma jekk id-dħul mingħajr dazji fuq l-importazzjoni ta' oġġett partikolari jistgħax jippreġudika l-produzzjoni ta' oġġetti ekwivalenti fi ħdan il-Komunità.

2. Billi l-Kummissjoni hija ta' l-opinjoni, fid-dawl tat-tagħrif fil-pussess tagħha, li d-dħul mingħajr dazji fuq l-importazzjoni ta' oġġett jista' jkun ta' ħsara għall-produzzjoni ta' oġġetti ekwivalenti fi ħdan il-Komunità, għandha minnufih tinnotifika grupp ta' esperti magħmulin minn rappreżentanti ta' l-Istati Membri kollha, li għandhom jiltaqgħu fi ħdan l-istruttura tal-Kumitat ta' l-Arranġamenti Mingħajr Dazju sabiex jeżamina l-kwistjoni jew kwistjonijiet involuti.

It-tagħrif f' dispożizzjoni tal-Kummissjoni għandu jiġi komunikat lill-esperti minnufih.

3. Fejn l-eżaminazzjoni li saret skond il-paragrafu 2 turi li l-importazzjoni mingħajr dazji fuq l-importazzjoni ta' oġġett jista' jkun ta' ħsara lill-produzzzjoni ta' oġġetti ekwivalenti fi ħdan il-Komunità, il-Kummissjoni għandha tadotta deċiżjoni li tistabbilixxi li l-kundizzjonijiet għad-dħul mingħajr dazji fuq l-importazzjoni ta' l-oġġett imsemmi mhumiex sodisfatti.

4. F' każijiet urġenti l-Kummissjoni tista' tadotta d-deċiżjoni msemmija fil-paragrafu 3 mingħajr ma tistenna konsultazzjoni ta' l-esperti mill-Istati Membri kif stipulat fil-paragrafu 2.

Tali deċiżjoni għandha tkun proviżorja u għandha tiġi kkonfermata jew revokata mill-Kummissjoni meta tkun saret l-eżaminazzjoni li hemm dispożizzjoni għaliha fil-paragrafu 2.

Sakemm tintemm din il-proċedura, l-awtoritajiet kompetenti jistgħu jawtorizzaw l-importazzjoni mingħajr dazju proviżorju ta' l-oġġett msemmi b'obbligazzjoni min naħa ta' l-istituzzjoni jew organizazzjoni lil min jiġi kkonsenjat l-oġġett li tħallas id-dazji fuq l-importazzjoni rilevanti fil-każ li d-deċiżjoni tal-Kummissjoni tiġi kkonfermata.

L-awtoritajiet kompetenti jistgħu jimponu l-kundizzjoni ta' għotja ta' sigurtà skond termini stipulati minnhom fuq tali importazzjoni mingħajr dazji fuq l-importazzjoni.

5. Il-Kummissjoni għandha tinnotifika l-Istat Membru involut bid-deċiżjonijiet tagħha malli jittieħdu. Din in-notifikazzjoni għandha, mill-aktar fis possibbli, tiġi ppubblikata fejn meħtieġ f'forma mqassra, fil-Ġurnal Uffiċjali tal-Komunitajiet Ewropej, serje C.

6. Ta' l-inqas darba kull sena, il-Kummissjoni għandha, fuq it-tagħrif mogħti mill-Istati Membri involuti, teżamina s-sitwazzjoni fil-fond mall-grupp ta' esperti msemmi fil-paragrafu 2 sabiex tiddetermina jekk hu meħtieġ li jiġu revokati d-deċiżjonijiet kollha jew parti minnhom li jeskludu ċerti oġġetti mid-dħul mingħajr dazji fuq l-importazzjoni.

Artikolu 9

1. Fejn l-awtorità kompetenti ta' l-Istat Membru li fih tinstab l-istituzzjoni jew organizazzjoni lil min jiġu kkonsenjati l-oġġetti mhix f'pożizzjoni li tiddetermina jekk l-oġġett li għalih saret applikazzjoni skond l-Artikolu 6 għandu jitqies bħala wieħed ddisinjat speċifikament għall-edukazzjoni, avvanz fl-impjieg jew soċjali ta' persuni b'diżabilità, l-applikazzjoni, bid-dokumenti rilevanti tekniċi, għandhom jintbagħtu lill-Kummissjoni sabiex din ta' l-aħħar tkun tista' tniehdi l-proċedura stipulata fil-paragrafi 2 sa 6 hawn taħt.

Sakemm tintemm dik il-proċedura, l-awtorità kompetenti tista' tawtorizza l-importazzjoni mingħajr dazji proviżorja ta' l-oġġett taħt obbligazzjoni min-naħa ta' l-istituzzjoni jew organizazzjoni lil min jiġi kkonsenjat l-oġġett li tħallas id-dazji doganali rilevanti fil-każ li d-dħul mingħajr dazji fuq l-importazzjoni ma jiġix konċess.

L-awtorità kompetenti tista' timponi l-kondizzjoni ta' għotja ta' sigurtà skond termini stipulati minnha fuq tali importazzjoni mingħajr dazji proviżorji.

2. Fi żmien ġimgħatejn minn meta tirċievi l-applikazzjoni, l-Kummissjoni għandha tibgħat kopja lill-Istati Membri l-oħra kollha flimkien mad-dokumentazzjoni rilevanti.

3. Jekk, fi tmiem perijodu ta' tlett xhur mid-data ta' tali dispaċċ l-ebda Stat Membru ma jibgħat oġġezzjonijiet lill-Kummissjoni dwar id-dħul mingħajr dazji fuq l-importazzjoni ta' l-oġġett li qed jiġi meqjus, l-oġġett imsemmi għandu jkun iddikjarat li jissodisfa l-kondizzjonijiet għall-importazzjoni mingħajr dazji. Il-Kummissjoni għandha tinnotifika l-Istat Membru nvolut bid-deċiżjoni fi żmien ġimgħatejn wara tmiem il-perijodu msemmi qabel. Din in-notifika għandha, mill-aktar fis possibbli, tiġi ippubblikata jekk meħtieġ f'forma mqassra, fil-Ġurnal Uffiċjali tal-Komunitajiet Ewropej, serje C.

4. Jekk, fiż-żmien ta tlett xhur stipulat fil-paragrafu 3, Stat Membru jibgħat oġġezzjonijiet lill-Kummissjoni dwar l-importazzjoni mingħajr dazji ta' l-oġġett li qed jiġi kkonsidrat, il-Kummissjoni għandha mill-aktar fis possibbli tinnotifika grupp ta' esperti magħmul minn rappreżentanti ta' l-Istati Membri kollha, li għandhom jiltaqgħu fi ħdan l-istruttura tal-Kumitat ta' l-Arranġament Mingħajr Dazju sabiex jeżaminaw il-kwistjoni.

L-oġġezzjonijiet msemmijin fis-subparagrafu preċedenti għandhom jinkludu dikjarazzjoni tar-raġunijiet għalihom. Tali raġunijiet għandhom jindikaw għalfejn l-oġġett involut m'għandux jitqies li huwa ddisinjat speċifikament għall-edukazzjoni, impjieg jew avvanz soċjali ta' persuni b'diżabilità.

Il-Kummissjoni għandha tibgħat dawn l-oġġezzjonijiet lill-Istati Membri hekk kif tirċievihom.

5. Fejn l-eżaminazzjoni li tkun saret skond il-paragrafu 4 turi li l-oġġett li għalih intalab id-dħul mingħajr dazji għandu jitqies li huwa ddisinjat għall-edukazzjoni, impjieg jew avvanz soċjali ta' persuni b'diżabilità, il-Kummissjoni għandha tadotta deċiżjoni li tiddikjara li l-imsemmi oġġett jissodisfa l-kundizzjonijiet rikjesti għal dħul mingħajr dazji fuq l-importazzjoni.

Fil-każ kuntrarju l-Kummissjoni għandha tadotta deċiżjoni li tiddikjara li l-imsemmi oġġett ma jissodisfax il-kundizzjonijiet rikjesti għal dħul mingħajr dazji.

Il-Kummissjoni għandha tinnotifika l-Istat Membru involut bid-deċiżjoni fi żmien ġimgħatejn. Din id-deċiżjoni għandha, mill-aktar fis possibbli, tiġi ippublikata f'forma mqassra, fil-Ġurnal Uffiċjali tal-Komunitajiet Ewropej, serje C.

6. Jekk, ma tmiem il-perijodu ta' sitt xhur mid-data li fih il-Kummissjoni tirċievi l-applikazzjoni, din ta' l-aħħar ma tkun adottat l-ebda deċiżjoni taħt il-paragrafu 5, l-oġġett mistħarreġ għandu jitqies li jissodisfa il-kundizzjonijiet rikjesti għal dħul mingħajr dazzji.

Artikolu 10

Awtorizazzjonijiet għal dħul mingħajr dazji għandhom jibqgħu validi għal perijodu ta' sitt xhur.

L-awtoritajiet kompetenti jistgħu, madankollu, jħejju perijodu itwal fid-dawl taċ-ċirkostanzi partikolari ta' kull każ.

IT-TITOLU IV

DISPOSIZZJONIJIET SPEĊIFIĊI LI GĦANDHOM X'JAQSMU MAD-DĦUL MINGĦAJR DAZJI TA' OĠĠETTI MSEMMIJIN FL-ARTIKOLU 74 TAR-REGOLAMENT BAŻIKU

Artikolu 11

1. Sabiex jinkiseb dħul mingħajr dazji fuq l-importazzjoni ta' oġġetti għall-użu minn persuni b'diżabilità taħt id-dispożizzjonijiet ta' l-Artikolu 74 tar-Regolament bażiku, il-kap ta' l-istituzzjoni jew organizazzjoni lil min jiġi kkonsenjat l-oġġett, jew rappreżentant awtorizzat tiegħu, għandu jissottometti applikazzjoni lill-awtorità kompetenti ta' l-Istat Membru li fih tinstab l-istituzzjoni jew organizazzjoni.

2. Tali applikazzjoni għandha ġġorr t-tagħrif speċifikat fl-Artikolu 6(2)(a) sa (e) u għandha tkun akkumpanjata minn dokument jew dokumenti li jagħtu t-tagħrif kollu rilevanti dwar il-karatteristiċi u speċifikazzjonijiet tekniċi ta' l-oġġett involut.

Għandha tinkludi wkoll:

(a) l-isem jew isem kummerċjali u l-indirizz tad-donatur;

(b) dikjarazzjoni mill-applikant li l-oġġetti li għalihom jintalab dħul mingħajr dazji fuq l-importazzjoni tassew qed jiġu offruti lill-istituzzjoni jew organizazzjoni mingħajr konċessjoni kummerċjali reċiproka ta' kwalunkwe tip, b'mod partikolari mingħajr ma tiġi involuta pubbliċità.

Artikolu 12

1. L-awtorità kompetenti ta' l-Istat Membru li fih tinstab l-istituzzjoni jew organizazzjoni lil min jiġu kkonsenjati dawn l- oġġetti għandha tieħu deċiżjoni diretta dwar applikazzjonijiet taħt l-Artikolu 11.

2. L-awtorità kompetenti għandha tawtorizza dħul ta' dak l-oġġett mingħajr dazji fuq l-importazzjoni biss jekk ikun ġie stabbilit li d-donatur ma jkunx qed jieħu l-ebda vantaġġ kummerċjali dirett jew indirett mir-rigal tiegħu lill-istituzzjoni jew organiazzjoni lil min jiġi kkonsenjat l-oġġett.

3. Fejn l-awtorità kopetenti ta' l-Istat Membru li fih tinstab l-istituzzjoni jew l-organizazzjoni lil min jiġi kkonsenjat l-oġġett mhijiex f'pożizzjoni li tiddeċiedi permess tat-tagħrif fil-pussess tagħha jekk l-oġġett li għalih qed jintalab id-dħul mingħajr dazji fuq l-importazzjoni għandux jitqies bħal wieħed ddisinjat speċifikament għall-edukazzjoni, impjieg jew avvanz soċjali ta' persuni b'diżabilià, għandha tapplika l-proċedura stipulata fl-Artikolu 9.

IT-TITOLU V

DISPOSIZZJONIJIET SPEĊJALI LI GĦANDHOM X'JAQSMU MAD-DĦUL MINGĦAJR DAZJI TA' PARTIJIET TA' RIKAMBJU, KOMPONENTI, AĊĊESSORJI SPEĊIFIĊI JEW GĦODDA TAĦT IT-TIENI SUBPARAGRAFU TA' L-ARTIKOLU 71 U L-ARTIKOLU 72(2) TAR-REGOLAMENT BAŻIKU

Artikolu 13

Għall-għanijiet tat-tieni subparagrafu ta' l-Artikolu 71 u 72(2) tar-Regolament bażiku, "aċċessorji speċifiċi" jfisser oġġetti ddisinjati speċifikatament għall-użu ma oġġett speċifiku għall-għan li jtejjeb il-prestazzjoni u l-iskop tiegħu.

Artikolu 14

Sabiex jinkiseb dħul mingħajr dazji ta' partijiet ta' rikambju, komponenti, aċċessorji speċifiċi jew għodda taħt it-tieni subparagrafu ta' l-Artikolu 71 jew 72(2) tar-Regolament bażiku, il-kap ta' l-istituzzjoni jew organizazzjoni lil min jiġu kkonsenjati l-oġġetti, jew rappreżentant awtorizzat tiegħu, għandu jissottometti applikazzjoni lill-awtoritajiet kompetenti ta' l-_istat Membru li fih tinstab l-istituzzjoni jew organizazzjoni.

Din l-applikazzjoni għandha tkun akkumpanjata mit-tagħrif kollu meqjus meħtieġ mill-awtorità kompetenti għall-għan li jiġu ddterminati l-kundizzjonijiet stipulati fit-tieni subparagrafu ta' l-Artikolu 71 jew fl-Artikolu 72(2) tar-Regolament bażiku humiex sodisfatti.

Artikolu 15

L-awtorità kompetenti ta' l-Istat Membru li fih tinstab l-istituzzjoni jew l-organizazzjoni lil min jiġu kkonsenjati tali oġġetti għandha tieħu deċiżjoni diretta dwar applikazzjonijiet taħt l-Artikolu 14.

IL-KAPITOLU II

DISPOSIZZJONIJIET APPLIKABBLI GĦAL IMPORTAZZJONI LI JSIRU MINN GĦOMJA U PERSUNI OĦRA B'DIŻABILITA

Artikolu 16

L-Artikoli 4, 13, 14 u 15 għandhom japplikaw mutatis mutandis għal eżenzjoni minn dazji fuq l-importazzjoni ta' l-oġġetti msemmijin fl-ewwel u t-tieni subparagrafi ta' l-Artikolu 71 tar-Regolament bażiku impurtati minn persuni għomja nnifishom jew għall-użu tagħhom.

Artikolu 17

Dan li ġej għandu japplika mutatis mutandis għal eżenzjoni minn dazji fuq l-importazzjoni ta' oġġetti impurtati minn persuni b'diżabilità nnifishom jew għall-użu tagħhom:

- L-Artikoli 5 sa 10 fil-każ ta' oġġetti msemmijin fl-Artikolu 72(1) tar-Regolament bażiku,

- l-Artikoli 11 u 12 fil-każ ta' oġġetti msemmijin fl-Artikolu 74 tar-Regolament bażiku.

- l-Artikoli 13, 14 u 15 fil-każ ta' oġġetti msemmijn fl-Artikolu 72(2) tar-Regolament bażiku.

Artikolu 18

L-awtoritajiet kompetenti jistgħu jippermettu li l-applikazzjoni li hemm dispożizzjoni għaliha fl-Artikoli 4, 6 u 11 isiru b'mod semplifikat, fejn għandha x'taqsam ma oġġetti impurtati taħt il-kundizzjonijiet imsemmijin fl-Artikoli 16 u 17.

IL-KAPITOLU III

DISPOSIZZJONIJIET FINALI

Artikolu 19

Ir-Regolament (KEE) Nru 2783/79 huwa mħassar permezz tal-preżenti.

Artikolu 20

Dan ir-Regolament għandu jidħol fis-seħħ fl-1 ta' Lulju 1984.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fid-29 ta' Lulju 1983.

Għall-Kummissjoni

Karl-Heinz Narjes

Membru tal-Kummissjoni

[1] ĠUNru L 105, tat-23.4.1983, p. 1.

[2] ĠU L 134, tal-31.5.1979, p. 8.

[3] ĠU L 318, tat-13.12.1979, p. 27.

--------------------------------------------------