31973R3083

Ir-Regolament (KEE) Nru 3083/73 Tal-Kummissjoni

ta’ l-14 ta’ Novembru 1973

dwar il-komunikazzjoni ta’ l-informazzjoni meħtieġa għall-implimentazzjoni tar-Regolament (KEE) Nru 2358/71 dwar l-organizazzjoni komuni tas-suq taż-żrieragħ

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat ir-Regolament (KEE) Nru 2358/71 [1] tal-Kunsill tas-26 t’Ottubru 1971 dwar l-organiżazzjoni komuni tas-suq taż-żrieragħ, kif emendat l-aħħar bir-Regolament (KEE) Nru 1707/73 [2], u b’mod partikolari Artikolu 9 tiegħu,

Billi Artikolu 9 tar-Regolament (KEE) Nru 2358/71 jistabbilixxi li l-Istati Membri u l-Kummissjoni għandhom jikkomunikaw lil xulxin l-informazzjoni meħtieġa għall-implimentazzjoni tar-Regolament; billi safejn għandha x’taqsam l-informazzjoni li trid tiġi komunikata lill-Kummissjoni mill-Istati Membri huwa xieraq li tiġi ffissata n-natura tagħha u l-limiti ta’ żmien li fihom għandha tingħata;

Billi l-miżuri stabbiliti f’dan ir-Regolament huma skond l-Opinjoni tal-Kumitat ta’ Ġestjoni għaż-żrieragħ,

ADDOTTAT DAN IR-REGOLAMENT:

Artikolu Uniku

L-Istati Membri jikkomunikaw lill-Kummissjoni, għal kull speċi jew grupp ta’ varjetajiet li għalihom tkun ġiet iffissata għajnuna u għal kull tip ta’ qamħirrun ibridu għaż-żriegħ li għalih ikun ġie ffissat prezz ta’ preferenza, l-informazzjoni elenkata fl-Anness sad-dati speċifikati hemmhekk.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fl-14 ta’ Novembru 1973.

Għall-Kummissjoni

François-Xavier Ortoli

Il-President

[1] ĠU L 246, tal-5.11.1971, p. 1.

[2] ĠU L 175, tad-29.6.1973, p. 5.

--------------------------------------------------

-ANNESS

Nru | In-natura ta’ l-informazzjoni (skond l-ispeċji u grupp ta’ varjetà) | Data sa meta għandha tingħata l-informazzjoni |

Sena tal-ħsad | Sena kalendarja wara l-ħsad |

1 | Żona totali mdaħħla għaċ-ċertifikazzjoni (f’ettari) | 1 ta’ Lulju | |

2 | Żona totali aċċettata għaċ-ċertifikazzjoni (f’ettari) | 15 ta’ Diċembru | |

3 | Ħsad stmat (f’100 kg) | 15 ta’ Diċembru | |

4 | Kwantitajiet stmati li aktarx ikunu sejrin jiġu preżentati għaċ-ċertifikazzjoni (l-istima għandha ssir fuq il-bażi tal-kwantitajiet ċertifikati qabel) (data proviżorja f’100 kg) | | 1 ta’ Mejju |

5 | Prezz tal-bejgħ nett riċevut minn min ikabbar (figuri proviżorji f’100 kg) | | 1 ta’ Mejju |

6 | Kwantitajiet totali maħsuda (f’100 kg) | | 1 ta’ Ottubru |

7 | Prezz tal-bejgħ nett riċevut minn min ikabbar (figuri finali f’100 kg) | | 1 ta’ Ottubru |

8 | Total ta’ importazzjonijiet u esportazzjonjiet | | 1 ta’ Ottubru |

9 | Ħażniet miżmuma minn min ikabbar u mill-bejjiegħa bl-ingrossa fit-tmiem tas-sena tal-marketing (f’100 kg) | | 1 ta’ Ottubru |

10 | Prezzijiet free-at-frontier (qamħirrum ibridu għaż-żriegħ) (f’100 kg) | 1 ta’ Diċembru, 1 ta’ Jannar, 1 ta’ Frar, 1 ta’ Marzu, 1 ta’ April |

--------------------------------------------------