21988A0085

Il-Ftehim ta' koperazzjoni

li tikkonċerna t-terminoloġija, fil-forma ta' Skambju ta' Ittri bejn il-Konfederazzjoni Żvizzera rappreżentata mill-Kunsill Federali Żvizzeru, u l-Komunità Ekonomika Ewropea (KEE), il-Komunità Ewropea dwar il-Faħam u l-Azzar (KEFA), u l-Komunità Ewropea dwar l-Enerġija Atomika (EURATOM), rappreżentata mill-Kummissjoni tal-Komunitajiet Ewropej

(88/85/KEFA, KEE, Euratom)

(Ittra mil-Kummissjoni)

Brussell, 13 ta' Novembru 1987

Sinjur,

Ir-relazzjonijiet bejn il-pajjiż tiegħek u l-Komunitajiet Ewropej espandew flimkien mal-bini ta' l-Ewropa. Fil-laqgħa f'Lussemburgu fid-9 ta' April 1984, il-Ministri ta' l-Istati Membri tal-Komunitajiet, il-Ministri ta' l-Istati Membri ta' l-Assoċjazzjoni Ewropea dwar il-Kummerċ Ħieles (EFTA), u l-Kummissjoni kkonkludew li l-interdipendenza dejjem tikber tal-Komunitajiet u l-pajjiżi ta' l-EFTA tiġġustifika koperazzjoni partikolari dwar ir-riċerka u l-iżvilupp.

Mill-1973 ‘l hawn, il-Kummissjoni tal-Komunitajiet Ewropej kienet qiegħda tiżviluppa data bank ta' terminoloġija imsejjaħ Eurodicautom, li jipprovdi termini ekwivalenti fil-lingwi uffiċjali u tax-xogħol tal-Komunitajiet Ewropej.

L-Isvizzera taqsam tlieta mil-lingwi uffiċjali u tax-xogħol tal-Komunità u għamlet sforzi konsiderevoli biex tissistemizza kemm ir-riċerka tagħha ta' terminoloġija u taħriġ u l-koperazzjoni Ewropea f'dan il-qasam.

Fit-28 ta' Settembru 1979, l-Isvizzera u l-Komunità Ekonomika Ewropea skambjaw ittri li jiddefinixxu l-qafas ġenerali għall-koperazzjoni fil-qasam tas-servizzi ta' l-informatika u b'mod partikolari l-estensjoni fit-territorju Svizzeru tan-network tal-Komunità ta' trasmissjoni ta' data (Euronet).

Fi żmien meta l-iżvilupp teknoloġiku u ekonomiku fl-Ewropea qiegħed ikun faċilitat bi żviluppi f'attività ta' terminoloġija multilingwali, huwa fl-interessi tal-Kunsill Federali Svizzeru u l-Kummissjoni tal-Komunitajiet Ewropej li jikkoperaw ma' xulxin fil-qasam tat-terminoloġija u dak lingwistiku u biex jippromwovu l-użu tal-Eurodicautom u s-software oriġinali tiegħu biex tiġi evitata d-duplikazzjoni ta' l-isforzi, biex jiġi żviluppat il-bażi tat-terminoloġija multilingwali offrut mill-Eurodicautom u biex tiġi assigurata l-armonizzazzjoni l-aktar wiesa' possibbli tad-data.

Bil-ħsieb li tintlaħaq din il-koperazzjoni, għandi l-unur li nwassal quddiemek dan li ġej:

Ftehim Ta' Koperazzjoni Li Jikkonċerna T-Teknoloġija Bejn Il-Konfederazzjoni Svizzera, Rappreżentata Mill-Kunisll Federali Svizzeru, U L-Komunità Ekonimika Ewropea (Kee) Il-Komunità Ekonomika Ewropea Dwar Il-Faħam u L-Azzar (Kefa) u L-Komunità Ewropea Dwar Eġerġija Atomika (Euratom), Rappreżentati Mill-Kummissjoni Tal-Komunitajiet Ewropej

A. Definizzjonijiet

Artikolu 1

Għall-finijiet ta' dan il-Ftehim, Eurodicautom għandha tirreferi għad-data bank terminoloġiku tal-Kummissjoni tal-Komunitajiet Ewropej (hanwhekk iżjed 'l quddiem imsejjħa l-Kummissjoni). Il-pakkett tas-software jikkonsisti f'sett oriġinali ta' programmi maħsuba u żviluppati mid-Dipartimenti tal-Kummissjoni u li huma l-proprjetà esklussiva tagħha. Id-database jikkonsisti fid-data kollha mdaħħla taħt ir-responsabbiltà tad-Dipertiment tal-Kummissjoni dwar Terminoloġija u Applikazzjonijiet tal-Kompjuter.

Id-dokumenti wżati fit-twaqqif ta' dan id-data bank ma humiex inklużi.

B. Għan tal-ftehim

Artikolu 2

L-għan ta' dan il-Ftehim huwa li jippermetti lil kull wieħed mill-partiiet li jaqsmu x-xogħol tagħhom fl-iżvilupp tas-settur tat-terminoloġija, partikolarment proċessar awtomat ta' terminoloġija, permezz ta' studju sperimentali akbar tal-bażi Eurodicautom, biex jinkisbu benefiċċi massimi mir-riżorsi disponibbli għall-kompiti rispettivi tagħhom, biex tiġi evitata d-duplikazzjoni ta' sforzi u b'hekk jinħolqu il-kondizzjonijiet ottimi għal kompilazzjoni u l-użu tad-databank terminoloġiku Eurodicautom.

Artikolu 3

Biex jintlaħaq dan il-għan, il-partijiet fil-Ftehim għandhom jassoċjaw il-programmi rispettivi tagħhom ta' riċerka terminoloġika skond proċeduri komunement miftehma.

Artikolu 4

Il-koperazzjoni msemmija fl-Artikolu 2 għandha tinkiseb permezz ta':

- l-użu tal-pakkett tas-software ta' pproċessar ta' data terminoloġika ta' l-Eurodicautom,

- id-dritt ta' aċċess komuni għad-data terminoloġika li diġà tesisti jew li għandha tiġi żviluppata, bl-eċċezzjoni ta' data klassifikata.

Ċ. Korpi stabbiliti biex jilħqu l-għan tal-Ftehim

Artikolu 5

5.1. Kumitat konġunt għandu jitwaqqaf imsejjaħ "il-Kumitat Svizzeru/Kummissjoni Eurodicautom" u għandu jikkonsisti minn rappreżentanti tal-Kummissjoni u ta' l-Isvizzera.

5.2. Il-Kumitat Svizzeru/Kummissjoni Eurodicautom għandu jassiġura l-applikazzjoni kif jixraq ta' dan il-Ftehim. Għandu jistudja kull miżura li x'aktarx ittejjeb u tiżviluppa l-koperazzjoni fil-qasam tat-terminoloġija. Fit-tmiem ta' kull sena għandu jivverifika li l-programmi ikunu qegħdin jitwettqu kif jixraq skond il-5.3.

5.3. Il-Kumitat Svizzeru/Kummissjoni Eurodicautom għandu jkun assistit fir-rigward ta' l-aspetti tekniċi minn korp amministrattiv magħmul minn rappreżentanti dipartimentali nominati mill-Kummissjoni u mill-Kunsill Federali li l-kompitu tagħhom għandu jkun li jiżviluppaw programmi tax-xogħol li jieħdu sewwa in kunsiderazzjoni l-interessi tal-partijiet għal dan il-Ftehim fil-qasam tal-terminoloġija, li jarmonizzaw il-metodi wżati biex tittejjeb u jiġi arrikkit id-data base, u biex tiġi assigurata s-serjetà u l-kompatibilità ta' l-adattazzjonijiet proposti tal-pakkett tas-software.

5.4. Il-Kumitat Svizzera/Kummissjoni ta' l-Eurodicautom għandu jadotta r-regoli tiegħu ta' proċedura. Il-presidenza għandha tinżamm alternattivament mill-Isvizzera u mill-Kummissjoni.

5.5. Il-Kumitat Svizzera/Kummissjoni ta' l-Eurodicautom għandu jiltaqa' fuq it-talba ta' xi wieħed mill-partijiet, ta' l-anqas darba fis-sena.

D. Drittijiet u obbligi fir-rigward ta' proprjetà intellattwali u użu

Artikolu 6

6.1. Taħt it-termini ta' dan il-Ftehim, żviluppi fis-software u kontribuzzjonijiet terminoloġoċi għandhom jibqgħu l-proprjetà tal-parti li tintroduċihom u għandhom ikunu integrati fl-Eurodicautom taħt kondizzjonijiet li għandhom ikunu definiti mill-korp ta' amministrazzjoni.

6.2. Il-Kummissjoni għandha żżomm id-drittijiet ta' proprjetà fil-programm tas-software ta' l-Eurodicautom fil-forma oriġinali tiegħu u verżjonijiet ta' dan il-programm adattati għal ambjenti ta' proċessar ġdid ta' data; hi għandha wkoll iżżomm id-drittijiet kollha fir-rigward tad-data terminoloġika.

6.3. Biex ikun konċess lilha li toganizza aċċess għall-Eurodicautom fuq sit wieħed jew aktar tagħha. L-Isvizzera għandha tirċievi kopja tal-pakkett tas-software Eurodicautom u d-data kif teżisti fid-data tad-dħul fis-seħħ ta' dan il-Ftehim u fil-forma miftehma mill-korp ta' amministrazzjoni.

6.4. Id-data Eurodicautom tista' tintuża liberament, kemm għall-użu intern u għall-konsultazzjoni mhux kummerċjali, mill-korpi uffuċjali tal-Konfederazzjoni Svizzera, id-Distretti Awtonomi u l-Komuni u mill-istituzzjonijiet u l-korpi tal-Komunità u l-korpi uffiċjali ta' l-Istati Membri. B'żieda, l-Kummissjoni tista' tkompli toffri aċċess għall-Eurodicautom fuq bażi sperimentali u mhux kummerċjali permezz ta' networks ta' telekomunikazzjonijiet.

Artikolu 7

It-trasferiment lill-partijiet terzi tad-drittijiet l-oħra kollha ta' użu jew konsultazzjoni ta' programmi ta' pproċessar ta' data jew data terminoloġika mħejjija fi ħdan il-qafas ta' dan il-Ftehim għandu jseħħ biss bil-kunsens tal-parti li tkun ħejjiet l-imsemmija programmi jew data.

Artikolu 8

Servizzi kompjuterizzati terminoloġiċi offruti lil xulxin mill-partijiet għal dan il-Ftehim għandhom jissodisfaw fl-aspetti kollha l-ħtiġiet tas-soltu kif definiti mill-korp ta' Amministrazzjoni. Il-partijiet m'għandhomx, iżda, jassumu xi garanzija jew responsabbiltà fir-rigward tar-riżultati ta' l-użu ta' l-ipproċessar tagħhom ta' data jew kontribuzzjonijiet terminoloġiċi.

Artikolu 9

Jekk il-Ftehim jiġi terminat, kull parti għandha tkun meħtieġa li tirritorna lill-oħra l-ipproċessar tad-data u d-data terminoloġika li, taħt il-prinċipji u l-kriterji li għandhom jitħejjew mill-bord ta' amministrazzjoni, ma jitqisux li jkunu l-proprjetà sħiħa tagħha.

E. Dispożizzjonijiet finanzjarji u ta' taxxa tal-ftehim

Artikolu 10

10.1. Il-Kontribuzzjoni finanzjarja waħdanija magħmula mill-Isvizzera għandha tkun proporzjonali għall-prodott ta' l-ekwazzjoni: Il-GDP ta' l-Isvizzera diviż bil-GDPs ta' l-Istati Membri miżjud bil-GDP ta' l-Isvizzera skond il-prezzijiet tas-suq fl-1985, u bażat fuq in-nefqa finanzjarja tal-Kummissjoni fl-iżvilupp ta' l-Eurodicautom, stmata bħala 10500000 ECU. Id-dettalji tal-mezzi tal-ħlas huma annessi ma' dan il-Ftehim.

10.2. In-nefqiet li jirrelataw ma' l-implimentazzjoni ta' dan il-Ftehim għandhom jitħallsu minn kull wieħed mill-partijiet fir-rigward tar-riċerka tiegħu stess. Ebda obbligu finanzjarju ma għandu jinħoloq għall-parti l-oħra, sakemm ma tittieħidx deċiżjoni għall-kuntrarju.

Artikolu 11

11.1. Il-partijiet għal dan il-Ftehim għandhom jieħdu passi biex jiżguraw li ebda wieħed minnhom ma jkun suġġett għal dazji doganali jew dazji oħra fuq importazzjonijiet jew esportazzjonijiet, jew għal projbizzjonijiet u restrizzjonijiet fuq importazzjonijiet jew esportazzjonijiet ta' oġġetti li għandhom jintużaw fl-Isvizzera u l-Komunitajiet fi ħdan il-qafas ta' l-attivitajiet koperti b'dan il-Ftehim.

11.2. Oġġetti importati fi, jew mixtrija fit-territorju ta' parti jista' jsir disponiment minnhom hemm, sew jekk bħala ħlas sew jekk le, biss taħt il-kondizzjonijiet preskritti fil-leġislazzjoni adattata.

F. Dispożizzjonijiet ġenerali

Artikolu 12

L-Annessi li jinsabu ma' dan il-Ftehim, li jikkonċernaw id-dikjarazzjoni konġunta ta' l-intenzjoni u l-mezzi ta' ħlas, għandhom jiffurmaw parti integrali tagħhom.

Artikolu 13

13.1. Dan il-Ftehim għandu jkun approvat mill-partijiet kontraenti skond il-proċeduri proprji tagħhom Huwa għandu jidħol fis-seħħ malli l-partijiet ikunu nnotifikaw lil xulxin li l-proċedura relevanti tkun ġiet konkluża.

13.2. Dan il-Ftehim għandu jibqa' fis-seħħ indefinittivament. Kull parti tista' f'kull żmien tiċħdu jew titlob ir-reviżjoni tiegħu, bla ħsara li jingħata avviż ta' sitt xhur.

13.3. Dan il-Ftehim huwa mħejji fil-lingwa Daniża, Olandiża, Ingliża, Franċiża, Ġermaniża, Griega, Taljana, Portugiża u Spanjola.

ANNESS I

Dikjarazzjoni konġunta ta' intenzjoni

Bil-ħsieb li tinkiseb il-koperazzjoni msemmija f'dan il-Ftehim, il-partijiet fil-Ftehim ftehmu kif ġej:

Il-partijiet għandhom ifittxu l-mezzi biex jiksbu l-għanijiet ta' dan il-Ftehim. Huma għandhom, b'mod partikolari:

- jipprovdu lil xulxin informazzjoni regolari dwar żviluppi teknoloġiċi u adattazzjonijiet fl-ipproċessar ta' data, jew kull informazzjoni oħra meħtieġa biex tiggarantixxi l-iżvilupp sodisfaċenti u effiċjenza akbar ta' l-Eurodicautom,

- jeżaminaw u jikkonferixxu dwar kwistjonijiet li jirrelataw ma' patti ta' ftehim ta' koperazzjoni ma' pajjiżi oħra, awtoritajiet pubbliċi jew korpi speċjalizzati, fil-qasam tat-terminoloġija u l-lingwistika,

- jeżaminaw il-possibbiltajiet għall-marketing ta' l-Eurodicautom u jipprovdu lil xulxin b'garanziji komuni ta' karattru mhux diskriminatorju u kompletament reċiproku dawk l-opportuntajiet taħt dispożizzjonijiet esistenti internazzjonali u nazzjonali,

- jikkonferixxu flimkien qabel xi deċiżjoni dwar il-marketing mhux kummerċjali ta' l-Eurodicautom, mingħajr ma jipperikolaw id-drittijiet u l-obbligi konnessi ma' l-aministrazzjoni tiegħu,

- iħejju flimkien il-prinċipji ta' sistema ta' proprjetà u użu applikabbli għad-data terminoloġika dwar il-mezz tad-data.

ANNESS II

Mezzi ta' ħlas

1. Taħt l-Artikolu 10.1 il-kontribuzzjoni finanzjarja ta' l-Izvizzera hija ffissata fi 413700 ECU.

2. Din il-kontribuzzjoni għandha titħallas skond id-dispożizzjonijiet li ġejjin:

2.1. Il-ħlas għandu jsir f'għaxar pagament annwali, li għalihom ġew iffissati l-ammonti li ġejjin bi ftehim komuni:

l-ewwel sena: | 80700 |

it-tieni sena: | 60000 |

it-tielet sena: | 45000 |

ir-raba' sena: | 45000 |

il-ħames sena: | 29000 |

is-sitt sena: | 29000 |

is-seba' sena: | 29000 |

it-tmien sena: | 29000 |

id-disa' sena: | 29000 |

l-għaxar sena: | 29000 |

| 413700 |

2.2. L-ewwel pagament għandu jsir pagabbli mat-twassil tal-pakkett tas-software u d-data.

2.3. Jekk il-Ftehim jiġi miċħud qabel it-tmiem tal-perjodu ta' għaxar snin, il-pagamenti dovuti m'għandhomx ikunu aktar pagabbli.

2.4. Ħlasijiet f'ECU għal kull pagament għandhom ikunu kreditati fil-kont tal-bank indikat mil-Kummissjoni mhux aktar minn 12-il xahar wara l-ħlas tal-pagament ta' qabel.

Jekk tikkonferma bil-miktub li taqbel ma' dan ta' hawn fuq, iż-żewġ partijiet jikkonsidraw dan l-iskambju ta' ittri bħala li jiddefinixxu l-għanijiet u l-forom tal-koperazzjoni tagħhom dwar it-terminoloġija.

Jekk jogħġbok aċċetta, sinjur, l-assigurazzjoni ta' l-ogħla konsiderazzjoni tiegħi.

Għall-Kummissjoni

Willy De Clercq

Membru tal-Kummissjoni

(Ittra mill-Kunsill Federali Svizzeru)

Brussel, 13 ta' Novembru 1987

Sinjur,

Għandi l-unur nikkonferma li rċevejt l-ittra tiegħek bid-data ta' llum, li taqra kif ġej:

"Ir-relazzjonijiet bejn il-pajjiż tiegħek u l-Komunitajiet Ewropej espandew flimkien mal-bini ta' l-Ewropa. Fil-laqgħa f'Lussemburgu fid-9 ta' April 1984, il-Ministri ta' l-Istati Membri tal-Komunitajiet, il-Ministri ta' l-Istati Membri ta' l-Assoċjazzjoni Ewropea dwar il-Kummerċ Ħieles (EFTA), u l-Kummissjoni kkonkludew li l-interdipendenza dejjem tikber tal-Komunitajiet u l-pajjiżi ta' l-EFTA tiġġustifika koperazzjoni partikolari dwar ir-riċerka u l-iżvilupp.

Mill-1973 ‘l hawn, il-Kummissjoni tal-Komunitajiet Ewropej kienet qiegħda tiżviluppa data bank ta' terminoloġija imsejjaħ Eurodicautom, li jipprovdi termini ekwivalenti fil-lingwi uffiċjali u tax-xogħol tal-Komunitajiet Ewropej.

L-Isvizzera taqsam tlieta mil-lingwi uffiċjali u tax-xogħol tal-Komunità u għamlet sforzi konsiderevoli biex tissistemizza kemm ir-riċerka tagħha ta' terminoloġija u taħriġ u l-koperazzjoni Ewropea f'dan il-qasam.

Fit-28 ta' Settembru 1979, l-Isvizzera u l-Komunità Ekonomika Ewropea skambjaw ittri li jiddefinixxu l-qafas ġenerali għall-koperazzjoni fil-qasam tas-servizzi ta' l-informatika u b'mod partikolari l-estensjoni fit-territorju Svizzeru tan-network tal-Komunità ta' trasmissjoni ta' data (Euronet).

Fi żmien meta l-iżvilupp teknoloġiku u ekonomiku fl-Ewropea qiegħed ikun faċilitat bi żviluppi f'attività ta' terminoloġija multilingwali, huwa fl-interessi tal-Kunsill Federali Svizzeru u l-Kummissjoni tal-Komunitajiet Ewropej li jikkoperaw ma' xulxin fil-qasam tat-terminoloġija u dak lingwistiku u biex jippromwovu l-użu tal-Eurodicautom u s-software oriġinali tiegħu biex tiġi evitata d-duplikazzjoni ta' l-isforzi, biex jiġi żviluppat il-bażi tat-terminoloġija multilingwali offrut mill-Eurodicautom u biex tiġi assigurata l-armonizzazzjoni l-aktar wiesa' possibbli tad-data.

Bil-ħsieb li tintlaħaq din il-koperazzjoni, għandi l-unur li nwassal quddiemek dan li ġej:

Ftehim Ta' Koperazzjoni Li Jikkonċerna T-Teknoloġija Bejn Il-Konfederazzjoni Svizzera, Rappreżentata Mill-Kunisll Federali Svizzeru, u L-Komunità Ekonimika Ewropea (Kee) Il-Komunità Ekonomika Ewropea Dwar Il-Faħam U L-Azzar (Kefa) u L-Komunità Ewropea Dwar Eġerġija Atomika (Euratom), Rappreżentati Mill-Kummissjoni Tal-Komunitajiet Ewropej

A. Definizzjonijiet

Artikolu 1

Għall-finijiet ta' dan il-Ftehim, Eurodicautom għandha tirreferi għad-data bank terminoloġiku tal-Kummissjoni tal-Komunitajiet Ewropej (hanwhekk iżjed ‘l quddiem imsejjħa l-Kummissjoni). Il-pakkett tas-software jikkonsisti f'sett oriġinali ta' programmi maħsuba u żviluppati mid-Dipartimenti tal-Kummissjoni u li huma l-proprjetà esklussiva tagħha. Id-database jikkonsisti fid-data kollha mdaħħla taħt ir-responsabbiltà tad-Dipertiment tal-Kummissjoni dwar Terminoloġija u Applikazzjonijiet tal-Kompjuter.

Id-dokumenti wżati fit-twaqqif ta' dan id-data bank ma humiex inklużi.

B. Għan tal-ftehim

Artikolu 2

L-għan ta' dan il-Ftehim huwa li jippermetti lil kull wieħed mill-partiiet li jaqsmu x-xogħol tagħhom fl-iżvilupp tas-settur tat-terminoloġija, partikolarment proċessar awtomat ta' terminoloġija, permezz ta' studju sperimentali akbar tal-bażi Eurodicautom, biex jinkisbu benefiċċi massimi mir-riżorsi disponibbli għall-kompiti rispettivi tagħhom, biex tiġi evitata d-duplikazzjoni ta' sforzi u b'hekk jinħolqu il-kondizzjonijiet ottimi għal kompilazzjoni u l-użu tad-databank terminoloġiku Eurodicautom.

Artikolu 3

Biex jintlaħaq dan il-għan, il-partijiet fil-Ftehim għandhom jassoċjaw il-programmi rispettivi tagħhom ta' riċerka terminoloġika skond proċeduri komunement miftehma.

Artikolu 4

Il-koperazzjoni msemmija fl-Artikolu 2 għandha tinkiseb permezz ta':

- l-użu tal-pakkett tas-software ta' pproċessar ta' data terminoloġika ta' l-Eurodicautom,

- id-dritt ta' aċċess komuni għad-data terminoloġika li diġà tesisti jew li għandha tiġi żviluppata, bl-eċċezzjoni ta' data klassifikata.

Ċ. Korpi stabbiliti biex jilħqu l-għan tal-Ftehim

Artikolu 5

5.1. Kumitat konġunt għandu jitwaqqaf imsejjaħ "il-Kumitat Svizzeru/Kummissjoni Eurodicautom" u għandu jikkonsisti minn rappreżentanti tal-Kummissjoni u ta' l-Isvizzera.

5.2. Il-Kumitat Svizzeru/Kummissjoni Eurodicautom għandu jassiġura l-applikazzjoni kif jixraq ta' dan il-Ftehim. Għandu jistudja kull miżura li x'aktarx ittejjeb u tiżviluppa l-koperazzjoni fil-qasam tat-terminoloġija. Fit-tmiem ta' kull sena għandu jivverifika li l-programmi ikunu qegħdin jitwettqu kif jixraq skond il-5.3.

5.3. Il-Kumitat Svizzeru/Kummissjoni Eurodicautom għandu jkun assistit fir-rigward ta' l-aspetti tekniċi minn korp amministrattiv magħmul minn rappreżentanti dipartimentali nominati mill-Kummissjoni u mill-Kunsill Federali li l-kompitu tagħhom għandu jkun li jiżviluppaw programmi tax-xogħol li jieħdu sewwa in kunsiderazzjoni l-interessi tal-partijiet għal dan il-Ftehim fil-qasam tal-terminoloġija, li jarmonizzaw il-metodi wżati biex tittejjeb u jiġi arrikkit id-data base, u biex tiġi assigurata s-serjetà u l-kompatibilità ta' l-adattazzjonijiet proposti tal-pakkett tas-software.

5.4. Il-Kumitat Svizzera/Kummissjoni ta' l-Eurodicautom għandu jadotta r-regoli tiegħu ta' proċedura. Il-presidenza għandha tinżamm alternattivament mill-Isvizzera u mill-Kummissjoni.

5.5. Il-Kumitat Svizzera/Kummissjoni ta' l-Eurodicautom għandu jiltaqa' fuq it-talba ta' xi wieħed mill-partijiet, ta' l-anqas darba fis-sena.

D. Drittijiet u obbligi fir-rigward ta' proprjetà intellattwali u użu

Artikolu 6

6.1. Taħt it-termini ta' dan il-Ftehim, żviluppi fis-software u kontribuzzjonijiet terminoloġoċi għandhom jibqgħu l-proprjetà tal-parti li tintroduċihom u għandhom ikunu integrati fl-Eurodicautom taħt kondizzjonijiet li għandhom ikunu definiti mill-korp ta' amministrazzjoni.

6.2. Il-Kummissjoni għandha żżomm id-drittijiet ta' proprjetà fil-programm tas-software ta' l-Eurodicautom fil-forma oriġinali tiegħu u verżjonijiet ta' dan il-programm adattati għal ambjenti ta' proċessar ġdid ta' data; hi għandha wkoll iżżomm id-drittijiet kollha fir-rigward tad-data terminoloġika.

6.3. Biex ikun konċess lilha li toganizza aċċess għall-Eurodicautom fuq sit wieħed jew aktar tagħha. L-Isvizzera għandha tirċievi kopja tal-pakkett tas-software Eurodicautom u d-data kif teżisti fid-data tad-dħul fis-seħħ ta' dan il-Ftehim u fil-forma miftehma mill-korp ta' amministrazzjoni.

6.4. Id-data Eurodicautom tista' tintuża liberament, kemm għall-użu intern u għall-konsultazzjoni mhux kummerċjali, mill-korpi uffuċjali tal-Konfederazzjoni Svizzera, id-Distretti Awtonomi u l-Komuni u mill-istituzzjonijiet u l-korpi tal-Komunità u l-korpi uffiċjali ta' l-Istati Membri. B'żieda, l-Kummissjoni tista' tkompli toffri aċċess għall-Eurodicautom fuq bażi sperimentali u mhux kummerċjali permezz ta' networks ta' telekomunikazzjonijiet.

Artikolu 7

It-trasferiment lill-partijiet terzi tad-drittijiet l-oħra kollha ta' użu jew konsultazzjoni ta' programmi ta' pproċessar ta' data jew data terminoloġika mħejjija fi ħdan il-qafas ta' dan il-Ftehim għandu jseħħ biss bil-kunsens tal-parti li tkun ħejjiet l-imsemmija programmi jew data.

Artikolu 8

Servizzi kompjuterizzati terminoloġiċi offruti lil xulxin mill-partijiet għal dan il-Ftehim għandhom jissodisfaw fl-aspetti kollha l-ħtiġiet tas-soltu kif definiti mill-korp ta' Amministrazzjoni. Il-partijiet m'għandhomx, iżda, jassumu xi garanzija jew responsabbiltà fir-rigward tar-riżultati ta' l-użu ta' l-ipproċessar tagħhom ta' data jew kontribuzzjonijiet terminoloġiċi.

Artikolu 9

Jekk il-Ftehim jiġi terminat, kull parti għandha tkun meħtieġa li tirritorna lill-oħra l-ipproċessar tad-data u d-data terminoloġika li, taħt il-prinċipji u l-kriterji li għandhom jitħejjew mill-bord ta' amministrazzjoni, ma jitqisux li jkunu l-proprjetà sħiħa tagħha.

E. Dispożizzjonijiet finanzjarji u ta' taxxa tal-ftehim

Artikolu 10

10.1. Il-Kontribuzzjoni finanzjarja waħdanija magħmula mill-Isvizzera għandha tkun proporzjonali għall-prodott ta' l-ekwazzjoni: Il-GDP ta' l-Isvizzera diviż bil-GDPs ta' l-Istati Membri miżjud bil-GDP ta' l-Isvizzera skond il-prezzijiet tas-suq fl-1985, u bażat fuq in-nefqa finanzjarja tal-Kummissjoni fl-iżvilupp ta' l-Eurodicautom, stmata bħala 10500000 ECU. Id-dettalji tal-mezzi tal-ħlas huma annessi ma' dan il-Ftehim.

10.2. In-nefqiet li jirrelataw ma' l-implimentazzjoni ta' dan il-Ftehim għandhom jitħallsu minn kull wieħed mill-partijiet fir-rigward tar-riċerka tiegħu stess. Ebda obbligu finanzjarju ma għandu jinħoloq għall-parti l-oħra, sakemm ma tittieħidx deċiżjoni għall-kuntrarju.

Artikolu 11

11.1. Il-partijiet għal dan il-Ftehim għandhom jieħdu passi biex jiżguraw li ebda wieħed minnhom ma jkun suġġett għal dazji doganali jew dazji oħra fuq importazzjonijiet jew esportazzjonijiet, jew għal projbizzjonijiet u restrizzjonijiet fuq importazzjonijiet jew esportazzjonijiet ta' oġġetti li għandhom jintużaw fl-Isvizzera u l-Komunitajiet fi ħdan il-qafas ta' l-attivitajiet koperti b'dan il-Ftehim.

11.2. Oġġetti importati fi, jew mixtrija fit-territorju ta' parti jista' jsir disponiment minnhom hemm, sew jekk bħala ħlas sew jekk le, biss taħt il-kondizzjonijiet preskritti fil-leġislazzjoni adattata.

F. Dispożizzjonijiet ġenerali

Artikolu 12

L-Annessi li jinsabu ma' dan il-Ftehim, li jikkonċernaw id-dikjarazzjoni konġunta ta' l-intenzjoni u l-mezzi ta' ħlas, għandhom jiffurmaw parti integrali tagħhom.

Artikolu 13

13.1. Dan il-Ftehim għandu jkun approvat mill-partijiet kontraenti skond il-proċeduri proprji tagħhom Huwa għandu jidħol fis-seħħ malli l-partijiet ikunu nnotifikaw lil xulxin li l-proċedura relevanti tkun ġiet konkluża.

13.2. Dan il-Ftehim għandu jibqa' fis-seħħ indefinittivament. Kull parti tista' f'kull żmien tiċħdu jew titlob ir-reviżjoni tiegħu, bla ħsara li jingħata avviż ta' sitt xhur.

13.3. Dan il-Ftehim huwa mħejji fil-lingwa Daniża, Olandiża, Ingliża, Franċiża, Ġermaniża, Griega, Taljana, Portugiża u Spanjola.

ANNESS I

Dikjarazzjoni konġunta ta' intenzjoni

Bil-ħsieb li tinkiseb il-koperazzjoni msemmija f'dan il-Ftehim, il-partijiet fil-Ftehim ftehmu kif ġej:

Il-partijiet għandhom ifittxu l-mezzi biex jiksbu l-għanijiet ta' dan il-Ftehim. Huma għandhom, b'mod partikolari:

- jipprovdu lil xulxin informazzjoni regolari dwar żviluppi teknoloġiċi u adattazzjonijiet fl-ipproċessar ta' data, jew kull informazzjoni oħra meħtieġa biex tiggarantixxi l-iżvilupp sodisfaċenti u effiċjenza akbar ta' l-Eurodicautom,

- jeżaminaw u jikkonferixxu dwar kwistjonijiet li jirrelataw ma' patti ta' ftehim ta' koperazzjoni ma' pajjiżi oħra, awtoritajiet pubbliċi jew korpi speċjalizzati, fil-qasam tat-terminoloġija u l-lingwistika,

- jeżaminaw il-possibbiltajiet għall-marketing ta' l-Eurodicautom u jipprovdu lil xulxin b'garanziji komuni ta' karattru mhux diskriminatorju u kompletament reċiproku dawk l-opportuntajiet taħt dispożizzjonijiet esistenti internazzjonali u nazzjonali,

- jikkonferixxu flimkien qabel xi deċiżjoni dwar il-marketing mhux kummerċjali ta' l-Eurodicautom, mingħajr ma jipperikolaw id-drittijiet u l-obbligi konnessi ma' l-aministrazzjoni tiegħu,

- iħejju flimkien il-prinċipji ta' sistema ta' proprjetà u użu applikabbli għad-data terminoloġika dwar il-mezz tad-data.

ANNESS II

Mezzi ta' ħlas

1. Taħt l-Artikolu 10.1 il-kontribuzzjoni finanzjarja ta' l-Izvizzera hija ffissata fi 413700 ECU.

2. Din il-kontribuzzjoni għandha titħallas skond id-dispożizzjonijiet li ġejjin:

2.1. Il-ħlas għandu jsir f'għaxar pagament annwali, li għalihom ġew iffissati l-ammonti li ġejjin bi ftehim komuni:

l-ewwel sena: | 80700 |

it-tieni sena: | 60000 |

it-tielet sena: | 45000 |

ir-raba' sena: | 45000 |

il-ħames sena: | 29000 |

is-sitt sena: | 29000 |

is-seba' sena: | 29000 |

it-tmien sena: | 29000 |

id-disa' sena: | 29000 |

l-għaxar sena: | 29000 |

| 413700 |

2.2. L-ewwel pagament għandu jsir pagabbli mat-twassil tal-pakkett tas-software u d-data.

2.3. Jekk il-Ftehim jiġi miċħud qabel it-tmiem tal-perjodu ta' għaxar snin, il-pagamenti dovuti m'għandhomx ikunu aktar pagabbli.

2.4. Ħlasijiet f'ECU għal kull pagament għandhom ikunu kreditati fil-kont tal-bank indikat mil-Kummissjoni mhux aktar minn 12-il xahar wara l-ħlas tal-pagament ta' qabel.

Jekk tikkonferma bil-miktub li taqbel ma' dan ta' hawn fuq, iż-żewġ partijiet jikkonsidraw dan l-iskambju ta' ittri bħala li jiddefinixxu l-għanijiet u l-forom tal-koperazzjoni tagħhom dwar it-terminoloġija."

Għandi l-unur li nikkonferma li l-Kunsill Federali Svizzeru huwa fi qbil mal-kontenut ta' l-ittra tiegħek.

Jekk jogħġbok aċċetta, sinjur, l-assigurazzjoni ta' l-ogħla konsiderazzjoni tiegħi.

Għall-Konfederazzjoni Svizzera

Jean-Pascal Delamuraz

Membru tal-Kunsill Federali

--------------------------------------------------