(1)

Le Rialachán (CE) Uimh. 1831/2003 foráiltear maidir le húdarú breiseán a bhfuiltear lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú. Le hAirteagal 10(2) den Rialachán sin foráiltear maidir le hathmheastóireacht a dhéanamh ar bhreiseáin a údaraíodh de bhun Threoir 70/524/CEE ón gComhairle (2).

(2)

Rinneadh an tsubstaint bláthola tíme ó Thymus vulgaris L. agus/nó Thymus zygis L. a údarú gan teorainn ama, i gcomhréir le Treoir 70/524/CEE, mar bhreiseán beathaithe le haghaidh gach speicis ainmhíoch. Ina dhiaidh sin cuireadh an tsubstaint sin isteach i gClár na mBreiseán Beathaithe mar tháirge a bhí ann cheana, i gcomhréir le hAirteagal 10(1), pointe (b), de Rialachán (CE) Uimh. 1831/2003.

(3)

I gcomhréir le hAirteagal 10(2) de Rialachán (CE) Uimh. 1831/2003 i gcomhar le hAirteagal 7 de, cuireadh isteach iarratas maidir le bláthola tíme ó Thymus vulgaris L. agus/nó Thymus zygis L. a údarú mar bhreiseán beathaithe le haghaidh gach speicis ainmhíoch, agus iarradh an breiseán sin a aicmiú sa chatagóir breiseán ‘breiseáin chéadfacha’ agus san fheidhmghrúpa ‘comhdhúile blaistithe’. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas.

(4)

D’iarr an t-iarratasóir an breiseán a údarú lena úsáid in uisce óil freisin. Mar sin féin, le Rialachán (CE) Uimh. 1831/2003 ní cheadaítear ‘comhdhúile blaistithe’ a údarú lena n-úsáid in uisce óil. Dá bhrí sin, níor cheart úsáid an bhreiseáin seo in uisce óil a cheadú.

(5)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 18 Samhain 2025 (3) go bhfuil bláthola tíme ó Thymus vulgaris L. agus/nó Thymus zygis L. sábháilte suas le tiúchain uasta áirithe, rud a shonraítear a thuilleadh sa tuairim sin le haghaidh gach speicis ainmhíoch. Thairis sin, tháinig sé ar an gconclúid, maidir le húsáid bláthola tíme ó Thymus vulgaris L. agus/nó Thymus zygis L. i mbeatha ainmhithe, faoi na coinníollacha úsáide atá beartaithe, go bhfuil an úsáid sin sábháilte do thomhaltóirí agus don chomhshaol. Tháinig an tÚdarás ar an gconclúid gur cheart bláthola tíme ó Thymus vulgaris L. agus/nó Thymus zygis L. a mheas mar ghreannaitheoir craicinn agus súl, agus mar íogróir deirmeach agus riospráide. Chuir an tÚdarás in iúl go meastar go bhfuil riosca i gceist le nochtadh úsáideoirí leis an mbreiseán ar bhealach ar bith. Tháinig an tÚdarás ar an gconclúid freisin, ós rud é go bhfuil duilleoga Thymus vulgaris L. agus Thymus zygis L. agus ullmhóidí díobh aitheanta mar bhlastáin bhia agus ós rud é go mbeadh an fheidhm chéanna acu i mbeatha, go bunúsach, is atá acu i mbia, nach raibh gá le haon léiriú éifeachtúlachta breise. D’fhíoraigh sé freisin an tuarascáil ar an modh anailíse ar na breiseáin bheathaithe i mbeatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(6)

I bhfianaise an mhéid thuas, measann an Coimisiún go gcomhlíonann \bláthola tíme ó Thymus vulgaris L. agus/nó Thymus zygis L. na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na substainte sin a údarú mar a shonraítear san Iarscríbhinn a ghabhann leis an Rialachán seo. Measann an Coimisiún gur gá uaschion don bhreiseáin beathaithe sin a shocrú in ábhar beatha iomlán mar gheall ar láithreacht tíomóil ag 35-60 % i mbláthola tíme ó Thymus vulgaris L. agus/nó Thymus zygis, ar substaint é atá gníomhach ó thaobh na cógaseolaíochta de de réir Rialachán (AE) Uimh. 37/2010 ón gCoimisiún (4). Measann sé freisin nach n-úsáidfear bláthola tíme ó Thymus vulgaris L. agus/nó Thymus zygis L. in éineacht le foinsí eile tíomóil. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(7)

Ós rud é nach gá na modhnuithe ar choinníollacha údaraithe na substainte lena mbaineann a chur i bhfeidhm láithreach ar chúiseanna sábháilteachta, is iomchuí foráil a dhéanamh maidir le hidirthréimhse do pháirtithe leasmhara ionas gur féidir leo iad féin a ullmhú chun na ceanglais nua a eascraíonn as an údarú a chomhlíonadh.

(8)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,