1.   Tá feidhm ag an Rialachán seo maidir le forfheidhmiú an toirmisc ar chleachtais éagóracha trádála a bhfuil gné thrasteorann ag baint leo sa chaidreamh gnólacht le gnólacht i slabhra an tsoláthair talmhaíochta agus bia a leagtar síos in Airteagal 3(1) agus (2) de Threoir (AE) 2019/633, ar cleachtais iad a tharlaíonn i ndáil le díolachán táirgí talmhaíochta agus bia idir ceannaitheoirí agus soláthróirí a liostaítear in Airteagal 1(2) den Treoir sin.

Tá feidhm ag Caibidil IV den Rialachán seo freisin maidir le tréimhsí gearrfhógra a leagtar síos ar feadh tréimhse níos giorra ná 30 lá d’earnálacha sonracha ar bhonn Airteagal 3(1), pointe (b), de Threoir (AE) 2019/633 nó rialacha náisiúnta arna gcoinneáil ar bun nó arna nglacadh ar bhonn Airteagal 9(1) den Treoir sin i gcás ina gcinnfidh an Ballstát amhlaidh i gcomhréir le hAirteagail 15 agus 16 den Rialachán seo.

Tá feidhm ag Caibidil VI den Rialachán seo maidir le cleachtais éagóracha trádála lena mbaineann soláthróirí nó ceannaitheoirí atá bunaithe lasmuigh den Aontas.

2.   Tá an Rialachán seo gan dochar do rialacha an Aontais agus do rialacha náisiúnta maidir leis an dlí idirnáisiúnta príobháideach, go háirithe rialacha a bhaineann le dlínse cúirteanna agus na dlíthe is infheidhme.

3.   Tá an Rialachán seo gan dochar do bhearta a chur i bhfeidhm sna Ballstáit a bhaineann le comhar breithiúnach in ábhair shibhialta agus choiriúla, go háirithe feidhmiú an Ghréasáin Bhreithiúnaigh Eorpaigh a bunaíodh le Cinneadh 2008/976/CGB, agus do chur i bhfeidhm Chinneadh Réime 2005/214/CGB agus Threoir 2014/41/AE.

1.   Chun críocha an Rialacháin seo, beidh an chumhacht ag na húdaráis forfheidhmithe faisnéis a sholáthar dá chéile agus aon ábhar fíoras nó dlí, lena n-áirítear faisnéis rúnda, a úsáid mar fhianaise.

2.   Ní úsáidfear an fhaisnéis dá dtagraítear i mír 1 ach amháin mar fhianaise chun an Rialachán seo a chur i bhfeidhm agus i leith an ábhair ar bhailigh an t-údarás forfheidhmithe iarrtha í ina leith.

3.   Is iad na húdaráis forfheidhmithe amháin a úsáidfidh an fhaisnéis dá dtagraítear i mír 1 agus aird chuí á tabhairt ar leasanna dlisteanacha duine nádúrtha nó dhlítheanaigh, lena n-áirítear rúin trádála agus cearta maoine intleachtúla a chosaint.

4.   I gcásanna ina n-iarrann gearánach cosaint faisnéise de bhun Airteagal 5(3) de Threoir (AE) 2019/633, iarrfaidh an t-údarás forfheidhmithe a fhaigheann an gearán toiliú an ghearánaigh a fháil roimh ré sula soláthróidh sé an fhaisnéis faoi chosaint d’údarás forfheidhmithe eile.

1.   Arna iarraidh sin d’údarás forfheidhmithe is iarratasóir, déanfaidh údarás forfheidhmithe iarrtha an fhaisnéis arna hiarraidh a sholáthar, gan mhoill, agus 90 lá ar a dhéanaí ó dháta na hiarrata, don údarás forfheidhmithe is iarratasóir chun a shuí ar tharla cleachtas éagórach trádála a bhfuil gné thrasteorann ag baint leis nó an bhfuil an cleachtas sin ag tarlú i mBallstát an údaráis forfheidhmithe is iarratasóir. Féadfaidh an t-údarás forfheidhmithe is iarratasóir agus an t-údarás forfheidhmithe iarrtha a chomhaontú síneadh a chur leis an tréimhse 90 lá sin ar feadh tréimhse bhreise 30 lá.

2.   I gcás nach bhfuil an fhaisnéis uile a iarrtar faoi mhír 1 i seilbh an údaráis forfheidhmithe iarrtha, ní fhéadfaidh ach faisnéis pháirteach a bheith ina fhreagra ar an iarraidh sin nó féadfar a lua ann nach ann don fhaisnéis a iarradh. I gceachtar cás, cuirfidh an t-údarás forfheidhmithe iarrtha in iúl an chúis ar seoladh an freagra sin. Féadfaidh an t-údarás forfheidhmithe iarrtha cinneadh a dhéanamh an fhaisnéis atá in easnamh a bhailiú, agus sa chás sin cuirfidh sé an t-údarás forfheidhmithe is iarratasóir ar an eolas faoina chinneadh agus déanfaidh sé an fhaisnéis a bailíodh a chomhroinnt leis an údarás sin.

3.   Is é an t-údarás forfheidhmithe iarrtha a bhaileoidh an fhaisnéis a sholáthrófar de bhun iarraidh faoi mhír 1 agus ní úsáidfidh an t-údarás forfheidhmithe is iarratasóir í ach amháin i gcomhréir lena ndlí náisiúnta faoi seach.

1.   Arna iarraidh sin d’údarás forfheidhmithe is iarratasóir agus thar a cheann, déanfaidh an t-údarás forfheidhmithe iarrtha bearta imscrúdaitheacha, i gcomhréir leis na cumhachtaí a leagtar amach in Airteagal 6(1), an chéad fhomhír, pointí (a), (b) agus (c), de Threoir (AE) 2019/633 agus i gcomhréir lena dhlí náisiúnta, chun a chinneadh ar tharla cleachtas éagórach trádála a bhfuil gné thrasteorann ag baint leis nó an bhfuil cleachtas den chineál sin ag tarlú.

2.   I gcás ina bhfeidhmeoidh údarás forfheidhmithe iarrtha na cumhachtaí a leagtar amach in Airteagal 6(1), an chéad fhomhír, pointí (a), (b) agus (c), de Threoir (AE) 2019/633 arna iarraidh sin d’údarás forfheidhmithe is iarratasóir agus thar a cheann, beidh cead ag oifigigh agus daoine tionlacain eile arna n-údarú nó arna gceapadh ag an údarás forfheidhmithe is iarratasóir an t-údarás forfheidhmithe iarrtha a thionlacan agus cúnamh a thabhairt dó agus é ag feidhmiú a chumhachtaí, faoi mhaoirseacht a oifigigh agus ar choinníoll gur chuir an t-údarás forfheidhmithe is iarratasóir an t-údarás forfheidhmithe iarrtha ar an eolas faoin rún atá aige a bheith rannpháirteach.

3.   Cuirfidh an t-údarás forfheidhmithe iarrtha an t-údarás forfheidhmithe is iarratasóir ar an eolas gan mhoill faoi na céimeanna agus na bearta atá déanta aige, nó atá beartaithe aige a dhéanamh, faoi mhír 1.

1.   Arna iarraidh sin d’údarás forfheidhmithe is iarratasóir, déanfaidh an t-údarás forfheidhmithe iarrtha, i gcomhréir lena dhlí náisiúnta, cinntí críochnaitheacha a fhorfheidhmiú nó, gan mhoill, imeachtaí a thionscnamh chun cinntí críochnaitheacha a fhorfheidhmiú, ar cinntí iad lena bhforchuirtear fíneálacha nó pionóis atá chomh héifeachtach céanna agus bearta eatramhacha eile arna nglacadh i gcomhréir le hAirteagal 6(1), an chéad fhomhír, pointe (e), de Threoir (AE) 2019/633 ag Ballstát an údaráis forfheidhmithe is iarratasóir.

2.   Ní bheidh feidhm ag mír 1 ach amháin má fhaigheann an t-údarás forfheidhmithe is iarratasóir amach nach bhfuil sócmhainní leordhóthanacha i gcríoch Bhallstát an údaráis forfheidhmithe is iarratasóir ag an gceannaitheoir a bhfuil an fhíneáil agus pionóis atá chomh héifeachtach céanna agus bearta eatramhacha eile infhorfheidhmithe ina choinne.

3.   Ní fhéadfaidh an t-údarás forfheidhmithe is iarratasóir iarraidh ar fhorfheidhmiú a dhéanamh ach amháin i gcás cinneadh críochnaitheach.

4.   Is le dlí náisiúnta Bhallstát an údaráis forfheidhmithe iarrtha a rialófar ceisteanna maidir le tréimhsí teorann i dtaca le fíneálacha, pionóis atá chomh héifeachtach céanna agus bearta eatramhacha eile a fhorfheidhmiú.

1.   Ní fhorchuirfidh údaráis forfheidhmithe aon táillí ar sholáthróirí chun costais a aisghabháil a bhaineann leis an ngné thrasteorann de chleachtas éagórach trádála.

2.   Tarscaoilfidh na húdaráis forfheidhmithe gach éileamh eatarthu ar aisíocaíocht costas arna dtabhú agus an Rialachán seo á chur i bhfeidhm, cé is moite de chostais arna dtabhú ina gcáil mar údarás forfheidhmithe iarrtha i ndáil le bearta arna ndéanamh de bhun Airteagail 7, 8, 9, 15 nó 16, dá dtagraítear i míreanna 3 agus 4 den Airteagal seo.

3.   I ndáil le bearta arna ndéanamh de bhun Airteagail 7, 8, 15 nó 16, féadfaidh an t-údarás forfheidhmithe iarrtha a iarraidh ar an údarás forfheidhmithe is iarratasóir costais bhreise réasúnta a sheasamh ina n-iomláine nó i bpáirt, lena n-áirítear costais aistriúcháin, costais saothair agus costais riaracháin. Sna cásanna sin, seasfaidh an t-údarás forfheidhmithe is iarratasóir na costais sin, arna iarraidh sin dó.

4.   Maidir le bearta arna ndéanamh de bhun Airteagal 9, féadfaidh an t-údarás forfheidhmithe iarrtha na costais iomlána arna dtabhú ó íocaíocht na bhfíneálacha arna mbailiú thar ceann an údaráis forfheidhmithe is iarratasóir a aisghabháil, lena n-áirítear costais aistriúcháin, saothair agus riaracháin. Mura gcumhdaíonn méid na bhfíneálacha na costais bhreise réasúnta a thabhaítear, nó mura n-éiríonn leis an údarás forfheidhmithe iarrtha na fíneálacha a bhailiú in ainneoin go ndearna sé gach iarracht réasúnta chun iad a bhailiú, féadfaidh an t-údarás forfheidhmithe iarrtha a iarraidh ar an údarás forfheidhmithe is iarratasóir na costais arna dtabhú a sheasamh go hiomlán nó i bpáirt. Sa chás sin, seasfaidh an t-údarás forfheidhmithe is iarratasóir na costais sin, arna iarraidh sin dó.

5.   Aisghabhfaidh an t-údarás forfheidhmithe iarrtha na méideanna atá dlite faoin Airteagal seo in airgeadra a Bhallstáit, i gcomhréir lena dhlí náisiúnta.

6.   Más gá, déanfaidh an t-údarás forfheidhmithe iarrtha na fíneálacha a chomhshó in airgeadra a Bhallstáit ag an ráta malairte is infheidhme ar an dáta a forchuireadh na fíneálacha, i gcomhréir lena dhlí náisiúnta.

1.   Agus cúnamh frithpháirteach á iarraidh aige, déanfaidh an t-údarás forfheidhmithe is iarratasóir an méid seo a leanas:

2.   Na hiarrataí ar chúnamh frithpháirteach agus gach cumarsáid a bhaineann leo, déanfar iad i scríbhinn. Úsáidfear foirmeacha caighdeánacha le haghaidh iarrataí ar chúnamh frithpháirteach i gcás ina mbeidh siad leagtha síos ag an gCoimisiún.

3.   Féadfaidh an Coimisiún gníomhartha cur chun feidhme a ghlacadh lena leagtar síos foirmeacha caighdeánacha le haghaidh na n-iarrataí ar chúnamh frithpháirteach dá dtagraítear i mír 2. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 32.

1.   Ní fhéadfaidh údarás forfheidhmithe iarrtha diúltú iarraidh ar fhaisnéis arna déanamh faoi Airteagal 7(1) a chomhlíonadh ach amháin más fíor ar a laghad ceann amháin de na ráitis seo a leanas:

2.   Ní fhéadfaidh údarás forfheidhmithe iarrtha diúltú iarraidh ar bhearta forfheidhmiúcháin faoi Airteagal 8 a chomhlíonadh, tar éis dó dul i gcomhairle leis an údarás forfheidhmithe is iarratasóir, ach amháin más fíor ceann amháin de na cásanna seo a leanas ar a laghad:

3.   Féadfaidh údarás forfheidhmithe iarrtha diúltú iarraidh ar bhearta forfheidhmiúcháin a chuirtear isteach faoi Airteagal 9 a chomhlíonadh, tar éis dó dul i gcomhairle leis an údarás forfheidhmithe is iarratasóir, más fíor ceann amháin de na cásanna seo a leanas ar a laghad:

4.   Cuirfidh an t-údarás forfheidhmithe iarrtha an t-údarás forfheidhmithe is iarratasóir ar an eolas gan mhoill faoi aon diúltú iarraidh ar chúnamh frithpháirteach a chomhlíonadh mar aon leis na forais atá leis an diúltú sin.

1.   Na teangacha a bheidh le húsáid ag na húdaráis forfheidhmithe le haghaidh iarrataí, fógraí agus gach cumarsáid eile a chumhdaítear leis an gCaibidil seo agus atá nasctha leis an sásra um chúnamh frithpháirteach, déanfaidh na húdaráis forfheidhmithe lena mbaineann iad a chomhaontú.

2.   Mura féidir leis na húdaráis forfheidhmithe lena mbaineann teacht ar chomhaontú maidir leis na teangacha a bheidh le húsáid, seolfar iarrataí ar chúnamh frithpháirteach i dteanga oifigiúil nó i gceann de theangacha oifigiúla Bhallstát an údaráis forfheidhmithe is iarratasóir, mar aon le haistriúchán cúirtéise i mBéarla má iarrtar sin. Seolfar freagraí i dteanga oifigiúil, nó i gceann de theangacha oifigiúla, Bhallstát an údaráis forfheidhmithe iarrtha, mar aon le haistriúchán cúirtéise i mBéarla má iarrtar sin.

1.   Féadfaidh na Ballstáit a chinneadh gur féidir leis na húdaráis forfheidhmithe úsáid a bhaint as na féidearthachtaí dá bhforáiltear in Airteagal 7 den Rialachán seo i ndáil le tréimhsí gearrfhógra a shocraítear ar feadh tréimhse níos giorra ná 30 lá le haghaidh earnálacha sonracha ar bhonn Airteagal 3(1), pointe (b), de Threoir (AE) 2019/633 nó rialacha náisiúnta arna gcoinneáil ar bun nó arna nglacadh ar bhonn Airteagal 9(1) den Treoir sin.

2.   I gcás ina gcinnfidh Ballstát amhlaidh agus ina mbainfidh údarás forfheidhmithe is iarratasóir leas as ceann amháin de na roghanna nó as an dá rogha dá dtagraítear i mír 1, ní fhéadfaidh an t-údarás forfheidhmithe iarrtha ach faisnéis pháirteach a chur ar fáil nó diúltú faisnéis a chur ar fáil. Cuirfidh an t-údarás forfheidhmithe iarrtha na cúiseanna leis an bhfreagra páirteach sin nó leis an diúltú sin in iúl. Sna cásanna sin, ní bheidh feidhm ag Airteagal 13.

1.   I gcás inar shocraigh Ballstát tréimhsí gearrfhógra níos giorra ná 30 lá le haghaidh earnálacha sonracha ar bhonn Airteagal 3(1), pointe (b), de Threoir (AE) 2019/633 agus ina ndearna Ballstát eile an rud céanna, as a n-eascraíonn tréimhsí gearrfhógra atá ar comhfhad le haghaidh na n-earnálacha sonracha céanna, féadfaidh údaráis forfheidhmithe na mBallstát sin a chomhaontú leas a bhaint as na féidearthachtaí dá bhforáiltear in Airteagal 8(1) den Rialachán seo.

Ar an gcaoi chéanna, i gcás inar choimeád Ballstáit rialacha náisiúnta níos déine nó inar ghlac sé rialacha náisiúnta níos déine, ar bhonn Airteagal 9(1) de Threoir (AE) 2019/633, agus go ndearna Ballstát eile amhlaidh, agus go mbeidh na rialacha náisiúnta chomh dian céanna i gcás an líon céanna oibreoirí nó na gcineálacha céanna cleachtas éagórach trádála, féadfaidh údaráis forfheidhmithe na mBallstát sin a chomhaontú leas a bhaint as na féidearthachtaí dá bhforáiltear in Airteagal 8(1) den Rialachán seo.

2.   I gcás ina mbainfidh údarás forfheidhmithe is iarratasóir leas as ceann amháin de na roghanna nó as an dá rogha dá bhforáiltear i mír 1, féadfaidh an t-údarás forfheidhmithe iarrtha diúltú bearta imscrúdaitheacha a dhéanamh, gan na cúiseanna leis an diúltú sin á lua aige. Sna cásanna sin, ní bheidh feidhm ag Airteagal 13.

1.   I gcás ina bhfuil amhras réasúnach ann go bhféadfadh cleachtas éagórach trádála forleathan a bhfuil gné thrasteorann ag baint leis a bheith ann, seolfaidh na húdaráis forfheidhmithe lena mbaineann an cleachtas amhrasta sin gníomhaíocht chomhordaithe a bheidh bunaithe ar chomhaontú eatarthu. Tabharfar fógra don Choimisiún gan mhoill faoi sheoladh na gníomhaíochta comhordaithe sin.

2.   Ainmneoidh na húdaráis forfheidhmithe lena mbaineann an cleachtas éagórach trádála forleathan amhrasta a bhfuil gné thrasteorann ag baint leis údarás forfheidhmithe le bheith ina chomhordaitheoir. Chun teacht ar chomhaontú maidir leis an gcomhordaitheoir a ainmniú, féadfaidh an Coimisiún, i gcás inar gá, an plé a éascú idir na húdaráis forfheidhmithe lena mbaineann. Mura bhfuil na húdaráis forfheidhmithe in ann teacht ar chomhaontú faoin ainmniúchán sin, is é an t-údarás forfheidhmithe a d’eisigh an foláireamh de bhun Airteagal 24 a bheidh ina chomhordaitheoir.

3.   Na húdaráis forfheidhmithe lena mbaineann an cleachtas éagórach trádála forleathan amhrasta a bhfuil gné thrasteorann ag baint leis, seolfaidh siad imscrúduithe ar bhonn na faisnéise atá ar fáil dóibh. Cuirfidh siad na húdaráis forfheidhmithe eile lena mbaineann ar an eolas faoi thorthaí na n-imscrúduithe sin, de bhun Airteagal 24.

4.   Glacfaidh údarás forfheidhmithe páirt sa ghníomhaíocht chomhordaithe más léir le linn na gníomhaíochta comhordaithe sin, maidir leis an gcleachtas éagórach trádála forleathan amhrasta a bhfuil gné thrasteorann ag baint leis, go mbaineann sé leis an údarás forfheidhmithe.

5.   Chun a shuí go mbaineann cleachtas éagórach trádála forleathan amhrasta a bhfuil gné thrasteorann ag baint leis le húdarás forfheidhmithe, cuirfear na gnéithe uile san áireamh, an méid seo a leanas go háirithe:

1.   Ní fhéadfaidh údarás forfheidhmithe diúltú páirt a ghlacadh i ngníomhaíocht chomhordaithe ach amháin má bhíonn feidhm ag ceann amháin nó níos mó de na ráitis seo a leanas:

2.   I gcás ina ndiúltóidh údarás forfheidhmithe páirt a ghlacadh sa ghníomhaíocht chomhordaithe, cuirfidh sé an Coimisiún agus na húdaráis forfheidhmithe eile lena mbaineann an cleachtas éagórach trádála forleathan a bhfuil gné thrasteorann ag baint leis ar an eolas faoina chinneadh gan mhoill, agus sonróidh sé na cúiseanna lena chinneadh agus cuirfidh sé aon doiciméid tacaíochta is gá ar fáil.

1.   Áiritheoidh na húdaráis forfheidhmithe a bheidh rannpháirteach sa ghníomhaíocht chomhordaithe go ndéanfaidh siad imscrúduithe agus cigireachtaí ar bhealach tráthúil, éifeachtach agus comhordaithe. Féachfaidh na húdaráis forfheidhmithe le himscrúduithe agus le cigireachtaí a dhéanamh i gcomththráth leis na cinn a dhéanfaidh údaráis forfheidhmithe eile agus, a mhéid a cheadaítear faoin dlí náisiúnta, chun bearta eatramhacha a chur i bhfeidhm.

2.   Déanfaidh na húdaráis forfheidhmithe a bheidh rannpháirteach sa ghníomhaíocht chomhordaithe toradh an imscrúdaithe agus an mheasúnaithe ar an gcleachtas éagórach trádála forleathan a bhfuil gné thrasteorann ag baint leis a leagan amach i ráiteas comhchoiteann, ina ndéanfar achoimre ar na bearta náisiúnta a rinneadh agus, i gcás inarb infheidhme, ar thuairimí éagsúla na n-údarás forfheidhmithe.

3.   Gan dochar do na rialacha maidir le rúndacht agus rúndacht trádála a leagtar síos i dTreoir (AE) 2016/943 ó Pharlaimint na hEorpa agus ón gComhairle (9), foilseoidh na húdaráis forfheidhmithe lena mbaineann an ghníomhaíocht chomhordaithe an ráiteas comhchoiteann dá dtagraítear i mír 2 den Airteagal seo nó codanna de ar a suíomh gréasáin agus cuirfidh siad an Coimisiún ar an eolas faoin bhfoilsiú.

1.   Glacfaidh na húdaráis forfheidhmithe a bhfuil páirt á glacadh acu sa ghníomhaíocht chomhordaithe, laistigh dá ndlínse, na bearta forfheidhmiúcháin uile is gá faoi Airteagal 6 de Threoir (AE) 2019/633 i gcoinne an cheannaitheora nó na gceannaitheoirí atá freagrach as an gcleachtas éagórach trádála forleathan a bhfuil gné thrasteorann ag baint leis chun go scoirfear den chleachtas éagórach trádála sin.

2.   Glacfaidh na húdaráis forfheidhmithe bearta forfheidhmiúcháin de bhun mhír 1 i gcomhréir le rialacha náisiúnta a mBallstát agus ar bhealach comhordaithe chun an cleachtas éagórach trádála forleathan a bhfuil gné thrasteorann ag baint leis a scor. Féachfaidh na húdaráis forfheidhmithe a bhfuil páirt á glacadh acu sa ghníomhaíocht chomhordaithe le bearta forfheidhmiúcháin a ghlacadh go comhuaineach sna Ballstáit a bhfuil baint acu leis an gcleachtas éagórach trádála forleathan sin a bhfuil gné thrasteorann ag baint leis.

1.   Scoirfear de ghníomhaíocht chomhordaithe má thagann na húdaráis forfheidhmithe a bhfuil páirt á glacadh acu sa ghníomhaíocht chomhordaithe ar an gconclúid go bhfuil deireadh tagtha leis an gcleachtas éagórach trádála forleathan a bhfuil gné thrasteorann ag baint leis sna Ballstáit uile lena mbaineann, nó nach ndearnadh aon chleachtas éagórach trádála den chineál sin.

2.   Tabharfaidh an comhordaitheoir arna ainmniú i gcomhréir le hAirteagal 18(2) fógra, i gcás inarb infheidhme agus gan mhoill, d’údaráis forfheidhmithe na mBallstát lena mbaineann an ghníomhaíocht chomhordaithe agus an Coimisiún faoi scor na gníomhaíochta comhordaithe sin.

1.   Déanfaidh an comhordaitheoir arna ainmniú i gcomhréir le hAirteagal 18(2) na nithe seo a leanas go háirithe:

Tabharfaidh na húdaráis forfheidhmithe eile a bhfuil páirt á glacadh acu sa ghníomhaíocht chomhordaithe cúnamh don chomhordaitheoir i bhfeidhmiú na gcúraimí a leagtar amach i mír 1, pointí (b), (c), (e), (f) agus (g).

2.   Ní mheasfar go mbeidh an comhordaitheoir freagrach as gníomhaíochtaí nó neamhghníomhaíochtaí na n-údarás forfheidhmithe eile a bhfuil páirt á glacadh acu sa ghníomhaíocht chomhordaithe sa chás ina mbainfidh siad úsáid as na cumhachtaí a leagtar amach in Airteagal 6 de Threoir (AE) 2019/633 agus sa Rialachán seo.

1.   Cuirfidh údarás forfheidhmithe an Coimisiún agus na húdaráis forfheidhmithe eile uile ar an eolas gan mhoill go bhféadfadh cleachtas trádála éagórach forleathan a bhfuil gné thrasteorann ag baint leis a bheith ag tarlú, gan beann ar cé acu laistigh den Aontas amháin atá sé ag tarlú nó laistigh den Aontas agus i dtríú tír amháin nó níos mó araon. Féadfaidh an Coimisiún an foláireamh sin a fhorlíonadh le haon fhaisnéis ar dócha go n-éascóidh sí gníomhaíocht mhear iomchuí na n-údarás forfheidhmithe.

2.   Agus an foláireamh dá dtagraítear i mír 1 á eisiúint aige, soláthróidh an t-údarás forfheidhmithe faisnéis faoin gcleachtas éagórach trádála forleathan amhrasta a bhfuil gné thrasteorann ag baint leis agus a chumhdaítear leis an Rialachán seo, lena n-áirítear an méid seo a leanas:

3.   Féadfaidh an t-údarás forfheidhmithe, agus foláireamh á eisiúint aige, a iarraidh ar údaráis forfheidhmithe i mBallstáit eile a fhíorú, bunaithe ar fhaisnéis atá ar fáil nó a bhfuil rochtain ag na húdaráis forfheidhmithe ábhartha uirthi, an bhféadfadh an cleachtas éagórach trádála forleathan céanna a bhfuil gné thrasteorann ag baint leis a bheith ar siúl i gcríoch na mBallstát eile sin nó an bhfuil aon imeacht ar feitheamh nó an ndearnadh aon bheart forfheidhmiúcháin cheana i gcoinne an chleachtais éagórach trádála sin sna Ballstáit sin. Tabharfaidh na húdaráis forfheidhmithe sna Ballstáit eile sin freagra ar an iarraidh gan mhoill.

1.   Na teangacha a bheidh le húsáid ag na húdaráis forfheidhmithe le haghaidh fógraí agus gach cumarsáid eile a chumhdaítear leis an gCaibidil seo agus atá nasctha leis na gníomhaíochtaí comhordaithe, déanfaidh na húdaráis forfheidhmithe lena mbaineann iad a chomhaontú.

2.   Mura féidir leis na húdaráis forfheidhmithe lena mbaineann teacht ar chomhaontú maidir leis na teangacha a bheidh le húsáid, seolfar fógraí agus cumarsáidí eile i dteanga oifigiúil nó i gceann de theangacha oifigiúla an Bhallstáit a bhfuil an fógra nó an chumarsáid eile á dhéanamh aige, mar aon le haistriúchán cúirtéise i mBéarla má iarrtar sin.

1.   I gcás ina ndéanfaidh údarás forfheidhmithe bearta imscrúdaitheacha i gcoinne ceannaitheoir atá bunaithe lasmuigh den Aontas i ndáil le cleachtas éagórach trádála a leagtar síos in Airteagal 3(1) agus (2) de Threoir (AE) 2019/633, agus má mheasann sé nach bhfuil an ceannaitheoir sin ag comhoibriú leis, féadfaidh sé a cheangal ar an gceannaitheoir duine nádúrtha nó dlítheanach atá bunaithe laistigh de chríoch an Aontais a ainmniú mar a dhuine teagmhála atá freagrach as an Aontas.

2.   Déanfaidh an teagmhálaí atá freagrach as an Aontas dá dtagraítear i mír 1 an méid seo a leanas:

3.   I gcás nach gcomhlíonann an ceannaitheoir atá bunaithe lasmuigh den Aontas an iarraidh dá dtagraítear i mír 1, cuirfidh an t-údarás forfheidhmithe a d’eisigh an iarraidh an Coimisiún agus gach údarás forfheidhmithe eile ar an eolas gan mhoill gur mhainnigh an ceannaitheoir sin duine teagmhála a ainmniú a bheidh freagrach as an Aontas. Féadfaidh an Coimisiún an fógra a fhorlíonadh le haon fhaisnéis ar dócha go n-éascóidh sí gníomhaíocht mhear iomchuí na n-údarás forfheidhmithe.

1.   Faoin 11 Meán Fómhair 2031, cuirfidh an Coimisiún tuarascáil maidir le cur i bhfeidhm na Treorach seo faoi bhráid Pharlaimint na hEorpa agus na Comhairle, chomh maith le Coiste Eacnamaíoch agus Sóisialta na hEorpa agus le Coiste na Réigiún. Cuirfidh an Coimisiún an tuarascáil sin san áireamh agus an mheastóireacht á déanamh aige ar Threoir (AE) 2019/633. Beidh togra reachtach ag gabháil leis an meastóireacht, más iomchuí, maidir leis an Rialachán seo.

2.   Déanfaidh an Coimisiún an tuarascáil dá dtagraítear i mír 1 den Airteagal seo a bhunú ar na tuarascálacha bliantúla dá dtagraítear in Airteagal 10(2) de Threoir (AE) 2019/633. Féadfaidh an Coimisiún, más gá, faisnéis bhreise a iarraidh ar na Ballstáit.

3.   Déanfar cur síos sa tuarascáil dá dtagraítear i mír 1 ar éabhlóid na sásraí comhair a bhunaítear faoin Rialachán seo agus ar fhorbairt na gníomhaíochta forfheidhmiúcháin, go háirithe sainaithint na gcineálacha cleachtas éagórach trádála trasteorann is minice, na n-earnálacha is mó a ndéantar difear dóibh, agus na gcineálacha ceannaitheora, lena n-áirítear iad siúd atá bunaithe lasmuigh den Aontas, is mó atá i gceist.

1.   Úsáidfear Córas Faisnéise an Mhargaidh Inmheánaigh (IMI), a bunaíodh le Rialachán (AE) Uimh. 1024/2012 ó Pharlaimint na hEorpa agus ón gComhairle (10), chun críocha Airteagail 7, 8, 9, 11, 12 agus 13, Airteagail 15 go 22 agus Airteagail 24, 26 agus 27 den Rialachán seo.

2.   Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 31 chun mír 1 a leasú a mhéid a bhaineann leis an uirlis atá le húsáid chun na fógraí agus an chumarsáid i measc na n-údarás forfheidhmithe a bhainistiú chun riachtanais theicniúla amach anseo a chur san áireamh.

1.   Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.   Déanfar an chumhacht chun gníomhartha tarmligthe a ghlacadh dá dtagraítear in Airteagal 30(2) a thabhairt don Choimisiún go ceann tréimhse 5 bliana ón 9 Márta 2026. Déanfaidh an Coimisiún, tráth nach déanaí ná 9 mí roimh dheireadh na tréimhse 5 bliana, tuarascáil a tharraingt suas maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.

3.   Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 30(2) a chúlghairm aon tráth. Déanfaidh cinneadh chun cúlghairm a dhéanamh deireadh a chur le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana.

4.   Roimh dó gníomh tarmligthe a ghlacadh, rachaidh an Coimisiún i mbun comhairliúchán le saineolaithe arna n-ainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.   A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.   Ní thiocfaidh gníomh tarmligthe a ghlactar de bhun Airteagal 30(2) i bhfeidhm ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse 2 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 2 mhí ar thionscnamh Pharlaimint na hEorpa nó na Comhairle.

1.   Déanfaidh an Coiste um Chomheagrú na Margaí Talmhaíochta arna bhunú le hAirteagal 229 de Rialachán (AE) Uimh. 1308/2013 ó Pharlaimint na hEorpa agus ón gComhairle cúnamh a thabhairt don Choimisiún (11). Beidh an Coiste sin ina choiste de réir bhrí Rialachán (AE) Uimh. 182/2011.

2.   I gcás ina ndéanfar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.