(1)

Le Rialachán (CE) Uimh. 1831/2003 foráiltear maidir le húdarú breiseán a bhfuiltear lena n-úsáid i gcothú ainmhithe agus maidir leis na forais agus na nósanna imeachta chun údarú den sórt sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le hullmhóid arb é atá inti 6-fíotáis arna táirgeadh le Komagataella phaffii CGMCC 7.370 a údarú. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(3)

Baineann an t-iarratas le hullmhóid arb é atá inti 6-fíotáis arna táirgeadh le Komagataella phaffii CGMCC 7.370 a údarú mar bhreiseán beathaithe le haghaidh gach speicis éanúil agus éin ornáideacha, andúchasacha agus ghéim agus le haghaidh gach muice, agus iarrtar ann an breiseán sin a aicmiú sa chatagóir breiseán ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 23 Samhain 2022 (2) maidir leis an ullmhóid 6-fíotáise arna táirgeadh le Komagataella phaffii CGMCC 7.370, go bhfuil sí sábháilte do na Suidae uile agus do gach speiceas éanúil, do thomhaltóirí agus don chomhshaol, faoi na coinníollacha úsáide atá beartaithe. Tháinig an tÚdarás ar an gconclúid freisin go meastar nach greannaitheoir craicinn ná súl é an breiseán sa dá fhoirmliú, is é sin púdrach agus leachtach, ach gur cheart a mheas gur íogróir craicinn agus riospráide é. Thairis sin, tháinig sé ar an gconclúid go bhféadfadh an breiseán a bheith éifeachtúil maidir le béaróga ag 1 000 U fíotáis/kg d’ábhar beatha iomlán agus gur féidir an chonclúid sin a eachtarshuí chuig éin eile le haghaidh táirgeadh uibheacha nó le haghaidh pórúcháin. Tar éis don Údarás measúnú a dhéanamh ar shonraí a chuir an t-iarratasóir isteach le déanaí, tháinig sé ar an gconclúid sa tuairim uaidh an 26 Meitheamh 2025 (3) go bhféadfadh an breiseán a bheith éifeachtúil mar bhreiseán zóiteicniúil le haghaidh gach speicis éanlaithe clóis lena ramhrú agus a thógtar le bheith ina bhéaróg/le haghaidh pórúcháin agus le haghaidh speicis mhucúla atáirgthe ag 500 U fíotáis/kg d’ábhar beatha iomlán agus le haghaidh gach speicis mhucúil lena ramhrú agus a thógtar le haghaidh atáirgthe ag 750 U fíotáis/kg d’ábhar beatha iomlán. Níor mheas sé go raibh gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil ar na modhanna anailíse ar an mbreiseán beathaithe i mbeatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

I bhfianaise an mhéid thuas, measann an Coimisiún go gcomhlíonann an ullmhóid 6-fíotáise arna táirgeadh le Komagataella phaffii CGMCC 7.370 na coinníollacha dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na hullmhóide sin a údarú le haghaidh speicis mhucúla, éanlaith chlóis agus éin ornáideacha. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(6)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,