(1)

Is galar tógálach veicteoir-iompartha é ionfhabhtú le víreas ghalar an chraicinn chnapánaigh a bhíonn ar bhó-ainmhithe. D’fhéadfadh tionchar tromchúiseach a bheith aige ar an daonra ainmhithe lena mbaineann agus ar bhrabúsacht na feirmeoireachta, rud a chuirfeadh isteach ar ghluaiseachtaí na n-ainmhithe sin agus a dtáirgí laistigh den Aontas, agus ar onnmhairí go tríú tíortha. I gcás ráig d’ionfhabhtú le víreas ghalar an chraicinn chnapánaigh i mbó-ainmhithe, tá riosca tromchúiseach ann go leathfadh an galar sin go bunaíochtaí eile bó-ainmhithe go háirithe mar gheall ar a phríomh-mhodh tarchurtha trí veicteoirí.

(2)

Le Rialachán Tarmligthe (AE) 2020/687 ón gCoimisiún (2) forlíontar na rialacha maidir le rialú na ngalar liostaithe dá dtagraítear in Airteagal 9(1), pointí (a), (b) agus (c) de Rialachán (AE) 2016/429, agus a shainmhínítear mar ghalair de chatagóirí A, B agus C i Rialachán Cur Chun Feidhme (AE) 2018/1882 ón gCoimisiún (3). Go háirithe, le hAirteagail 21 agus 22 de Rialachán Tarmligthe (AE) 2020/687 déantar foráil maidir le crios srianta a bhunú i gcás ráig de ghalar de chatagóir A, lena n-áirítear ionfhabhtú le víreas ghalar an chraicinn chnapánaigh agus maidir le bearta áirithe a bheidh le cur i bhfeidhm sa chrios srianta sin. Ina theannta sin, foráiltear le hAirteagal 21(1) den Rialachán Tarmligthe sin go gcuimseoidh an crios srianta ar a laghad crios cosanta, crios faireachais, agus, más gá, criosanna srianta breise timpeall ar na criosanna cosanta agus faireachais nó cóngarach dóibh.

(3)

Le Cinneadh Cur Chun Feidhme (AE) 2025/1708 ón gCoimisiún (4) leagtar síos bearta éigeandála áirithe a bhaineann le hionfhabhtú le víreas ghalar an chraicinn chnapánaigh sa Fhrainc. Go sonrach, le hAirteagal 1 de Chinneadh Cur Chun Feidhme (AE) 2025/1708 déantar foráil maidir le crios srianta a bhunú sa Fhrainc ina bhfuil criosanna cosanta agus faireachais i gcomhréir le hAirteagal 21 de Rialachán Tarmligthe (AE) 2020/687, agus crios vacsaínithe i gcomhréir le Cuid 1 d’Iarscríbhinn IX a ghabhann le Rialachán Tarmligthe (AE) 2023/361 ón gCoimisiún (5). Ina theannta sin, le hAirteagal 1 de Chinneadh Cur Chun Feidhme 2025/1708 déantar foráil maidir leis na criosanna cosanta agus faireacháin sin, chomh maith leis an gcrios vacsaínithe, go gcuimseoidh na criosanna sin ar a laghad na limistéir a liostaítear sna hIarscríbhinní a ghabhann leis an gCinneadh sin, agus go gcuirfear i bhfeidhm na bearta is gá a chur i bhfeidhm sna criosanna sin ar a laghad go dtí na dátaí a leagtar amach sna hIarscríbhinní sin.

(4)

Ó rinneadh an leasú deireanach ar Chinneadh Cur Chun Feidhme (AE) 2025/1708 le Cinneadh Cur Chun Feidhme (AE) 2026/127 ón gCoimisiún (6), níl aon fhógra tugtha sa Fhrainc faoi aon ráig bhreise d’ionfhabhtú le víreas ghalar an chraicinn chnapánaigh i mbunaíochtaí ina gcoimeádtar bó-ainmhithe. Mar sin féin, tá fógra tugtha ag an Spáinn faoi ráig nua d’ionfhabhtú le víreas ghalar an chraicinn chnapánaigh i mbunaíocht ina bhfuil bó-ainmhithe ar coimeád i gcúige Girona, pobal na Catalóine, an 7 Eanáir 2026. Mar fhreagairt air sin, tá criosanna cosanta agus faireachais bunaithe ag an bhFrainc i roinn Pyrénées-Orientales, ina bhfuil na bearta rialaithe galar a leagtar síos i Rialachán Tarmligthe (AE) 2020/687 á gcur i bhfeidhm.

(5)

An 5 Feabhra 2026 chuir an Fhrainc faisnéis bhreise isteach lenar féidir athmheasúnú a dhéanamh ar an staid eipidéimeolaíoch ina críoch. Léiríonn an fhaisnéis sin feabhas foriomlán mór, le tacaíocht ó mheasúnú riosca fabhrach maidir le leathadh víreas ghalar an chraicinn chnapánaigh, cur chun feidhme éifeachtach na mbeart a leagtar síos i Rialachán Tarmligthe (AE) 2020/687, agus baint amach an chumhdaigh vacsaínithe íosta a cheanglaítear i gcomhréir le hIarscríbhinn IX a ghabhann le Rialachán Tarmligthe (AE) 2023/361. Sa chomhthéacs sin, na criosanna srianta a bunaíodh in iarthar ranna Hautes-Pyrénées, Gers agus Pyrénées-Atlantiques, mar a liostaítear in Iarscríbhinn I a ghabhann le Cinneadh Cur Chun Feidhme (AE) 2025/1708, ba cheart athmheasúnú a dhéanamh orthu d’fhonn deireadh páirteach a chur leis na srianta a chuirtear i bhfeidhm iontu.

(6)

I bhfianaise na staide eipidéimeolaíche atá ag teacht chun cinn, go háirithe an ráig nua de víreas ghalar an chraicinn chnapánaigh a deimhníodh sa Spáinn agus an t-athmheasúnú ar an staid in iarthar ranna Hautes-Pyrénées, Gers agus Pyrénées-Atlantiques sa Fhrainc, ba cheart na limistéir a liostaítear mar chriosanna cosanta agus faireachais sa Fhrainc in Iarscríbhinn I a ghabhann le Cinneadh Cur Chun Feidhme (AE) 2025/1708 a leasú a mhéid a bhaineann lena raon feidhme geografach agus lena fad tréimhse araon. Dá bhrí sin, is gá liosta na gcriosanna srianta agus tréimhse chur i bhfeidhm na mbeart a leagtar amach san Iarscríbhinn sin a leasú chun leathadh breise víreas ghalar an chraicinn chnapánaigh laistigh den Fhrainc agus chuig an gcuid eile den Aontas a chosc.

(7)

Méid na limistéar a shonraítear mar chriosanna cosanta agus faireachais agus fad tréimhse na mbeart atá le cur i bhfeidhm laistigh de na criosanna sin, tá siad bunaithe ar na critéir a leagtar síos in Airteagal 64(1) de Rialachán (AE) 2016/429 agus ar na rialacha a leagtar síos i Rialachán Tarmligthe (AE) 2020/687 freisin. Ar na critéir a chuirtear i bhfeidhm maidir le rogha mhéid na gcriosanna cosanta agus faireachais, chomh maith le fad tréimhse na mbeart atá le cur i bhfeidhm laistigh de na criosanna sin, cuimsítear breithniú ar an staid eipidéimeolaíoch a mhéid a bhaineann le hionfhabhtú le víreas ghalar an chraicinn chnapánaigh sna limistéir atá buailte ag an ngalar sin, agus ní hamháin sin ach breithniú ar thosca eipidéimeolaíocha eile lena n-áirítear paraiméadair gheografacha agus an riosca atá ann maidir le leathadh breise an ghalair i bhfianaise láithreacht veicteoirfheithidí. Cuireadh san áireamh freisin caighdeáin idirnáisiúnta an Chóid um Shláinte na nAinmhithe Talún ón Eagraíocht Dhomhanda um Shláinte Ainmhithe agus fad tréimhse na mbeart dá bhforáiltear sa Chinneadh seo á chinneadh (7).

(8)

Tá gá fós leis na criosanna vacsaínithe a bunaíodh in Iarscríbhinn II a ghabhann le Cinneadh Cur Chun Feidhme (AE) 2025/1708, agus ba cheart leanúint den vacsaíniú i gcomhréir le plean oifigiúil vacsaínithe na Fraince a cuireadh isteach de bhun Airteagal 6(4), pointí (a) agus (b), de Rialachán Tarmligthe (AE) 2023/361.

(9)

Maidir leis na criosanna vacsaínithe I agus II a leagtar amach i gCodanna B agus A d’Iarscríbhinn II a ghabhann le Cinneadh Cur Chun Feidhme (AE) 2025/1708, tá a gcineáil, a méid agus a bhfad tréimhse bunaithe ar an staid eipidéimeolaíoch a mhéid a bhaineann le víreas ghalar an chraicinn chnapánaigh agus ar dhul chun cinn na bhfeachtas vacsaínithe sa Fhrainc, agus aird á tabhairt go háirithe ar leibhéal athraitheach an chumhdaigh vacsaíne a bhaintear amach, ar phlean oifigiúil vacsaínithe an Bhallstáit, agus ar na tuarascálacha ar dhul chun cinn arna gcur isteach i gcomhréir le hAirteagal 11 de Rialachán Tarmligthe (AE) 2023/361, agus ar na ceanglais a leagtar síos in Iarscríbhinn IX a ghabhann leis an Rialachán Tarmligthe sin.

(10)

Le hAirteagal 2 de Chinneadh Cur Chun Feidhme (AE) 2025/1708 cuirtear toirmeasc ar ghluaiseachtaí bó-ainmhithe ó na criosanna cosanta agus faireachais a leagtar amach in Iarscríbhinn I a ghabhann leis an gCinneadh Cur Chun Feidhme sin chuig cinn scríbe lasmuigh d’imlíne sheachtrach na gcriosanna sin sa Fhrainc nó lasmuigh den Bhallstát sin go dtí na dátaí a liostaítear san Iarscríbhinn sin. I bhfianaise na gcriosanna srianta atá ann cheana agus a bhaineann le hionfhabhtú le víreas ghalar an chraicinn chnapánaigh i gcríoch na Fraince, is gá an toirmeasc sin a chur i bhfeidhm sna criosanna cosanta agus faireachais a liostaítear in Iarscríbhinn I a ghabhann leis an gCinneadh Cur Chun Feidhme sin.

(11)

I bhfianaise na gcriosanna cosanta agus faireachais atá tugtha cothrom le dáta, lena n-áirítear na criosanna sin atá imithe in éag agus a bhfuil deireadh curtha leo in iarthar ranna Hautes-Pyrénées, Gers agus Pyrénées-Atlantiques sa Fhrainc, is gá coigeartú a dhéanamh ar na criosanna vacsaínithe I agus II le haghaidh ionfhabhtú le víreas ghalar an chraicinn chnapánaigh atá ann faoi láthair, i gcás an Bhallstáit sin, a leagtar amach in Iarscríbhinn II a ghabhann le Cinneadh Cur Chun Feidhme (AE) 2025/1708.

(12)

Dá bhrí sin, ba cheart na hIarscríbhinní a ghabhann le Cinneadh Cur Chun Feidhme (AE) 2025/1708 a leasú dá réir.

(13)

I bhfianaise na staide eipidéimeolaíche atá ann faoi láthair sa Fhrainc a mhéid a bhaineann le hionfhabhtú le víreas ghalar an chraicinn chnapánaigh, ba cheart feidhm a bheith ag na leasuithe atá le déanamh ar Iarscríbhinní I agus II a ghabhann le Cinneadh Cur Chun Feidhme (AE) 2025/1708 leis an gCinneadh seo a luaithe is féidir chun leathadh breise an ghalair sin laistigh den Fhrainc, chuig na Ballstáit eile, nó chuig tríú tíortha a chosc, agus chun aon chur isteach nach bhfuil gá leis ar thrádáil laistigh den Aontas nó aon bhacainn gan údar ar thrádáil le tríú tíortha a sheachaint.

(14)

Tá na bearta dá bhforáiltear sa Chinneadh seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,