(1)

Foráiltear le Rialachán (AE) 2015/2283 nach bhféadfar ach bianna núíosacha a údaraítear agus a áirítear ar liosta an Aontais de bhianna núíosacha a chur ar an margadh laistigh den Aontas.

(2)

De bhun Airteagal 8 de Rialachán (AE) 2015/2283, le Rialachán Cur Chun Feidhme (AE) 2017/2470 ón gCoimisiún (2) bunaíodh liosta Aontais de bhianna núíosacha údaraithe.

(3)

An 19 Lúnasa 2022, chuir an chuideachta NapiFeryn BioTech Sp. z o.o. (‘an t-iarratasóir’) iarratas faoi bhráid an Choimisiúin i gcomhréir le hAirteagal 10(1) de Rialachán (AE) 2015/2283 chun tiúchán snáithín agus próitéine as síol ráibe a chur ar mhargadh an Aontais mar bhia núíosach. D’iarr an t-iarratasóir go n-úsáidfí tiúchán snáithín agus próitéine as síol ráibe mar chomhábhar bia i roinnt táirgí bia don phobal i gcoitinne, i mbia chun críoch speisialta míochaine mar a shainmhínítear i Rialachán (AE) Uimh. 609/2013 ó Pharlaimint na hEorpa agus ón gComhairle (3) don phobal i gcoitinne ó 10 mbliana d’aois, agus i bhforbhianna mar a shainmhínítear i dTreoir 2002/46/CE ó Pharlaimint na hEorpa agus ón gComhairle (4), don phobal i gcoitinne ó 10 mbliana d’aois.

(4)

Maidir le coinníollacha úsáide an bhia núíosaigh i bhforbhianna, mhol an t-iarratasóir ar dtús an t-uasleibhéal iontógála 30 g/lá ach ina dhiaidh sin chomhaontaigh sé é a laghdú go 10 g/lá toisc gur foinse carbaihiodráití neamh-indíleáite í an tsubstaint.

(5)

An 19 Lúnasa 2022, chuir an t-iarratasóir iarraidh faoi bhráid an Choimisiúin chun an staidéar eolaíoch dílsithe agus na sonraí eolaíocha dílsithe a chosaint, is iad sin, an próiseas táirgthe (an plean um anailís ghuaise agus pointe rialúcháin criticiúil (5), sonraí maidir le tuarascálacha anailíseacha (6), céimeanna an phróisis táirgthe (7), an teastas Dea-Chleachtais Monaraíochta (8)), na sonraí comhdhéanaimh (anailísí maidir le próitéin, saill, luaith, taise agus snáithín, aimíonaigéid, glúcóisínealáit, miotail throma, lotnaidicídí, fíotáit, aigéad éarúcach, iomlán na snáithíní cothaitheacha, snáithín cothaitheach dothuaslagtha ardmheáchain mhóilínigh, snáithín cothaitheach intuaslagtha ísealmheáchain mhóilínigh, snáithín glantaigh neodraigh, snáithín glantaigh aigéadaigh, lignin glantaigh aigéadaí, gníomhaíocht coscaire tripsine, íonacht mhiocróbach, tuaslagóirí iarmharacha, beansóáit sóidiam agus dé-ocsaíd sulfair, agus comhdhúile feanólacha, sonraí ó na tuarascálacha anailíseacha ar an mbia núíosach, sonraí maidir le modhanna anailíseacha inmheánacha, sonraí cobhsaíochta an bhia núíosaigh agus an prótacal anailíseach (9), staidéar maidir le díleáiteacht an bhia núíosaigh agus staidéar anailíseach (10), tuarascáil ón eagraíocht taighde ar conradh (11), sonraí ón tuarascáil anailíseach maidir le halúmanaim, fosfán, amhábhair agus gníomhaíocht uisce (12), sonraí ón tuarascáil anailíseach maidir le seanaipín agus tainníní (13)), na húsáidí atá beartaithe agus na leibhéil úsáide, agus an iontógáil atá beartaithe (sonraí amha maidir le nochtadh cothúcháin (14)), an fhaisnéis chothaitheach (anailís leictreafóiréise le sulfáit dóideicile sóidiam agus glóthach polaicriolaimíd (15), tuarascáil maidir le scór na n-aimíonaigéad riachtanach indíleáite (16), sonraí amha (17)), an fhaisnéis thocsaineolaíoch (18), an ailléirgineacht (19), an stair úsáide (20), agus fhaisnéis bhreise (21), a cuireadh isteach chun tacú leis an iarratas.

(6)

An 26 Bealtaine 2023, d’iarr an Coimisiún ar an Údarás Eorpach um Shábháilteacht Bia (‘an tÚdarás’) measúnú a dhéanamh ar thiúchán snáithín agus próitéine as síol ráibe mar bhia núíosach i gcomhréir le hAirteagal 10(3) de Rialachán (AE) 2015/2283.

(7)

An 27 Lúnasa 2025, ghlac an tÚdarás tuairim eolaíoch maidir le Sábháilteacht tiúcháin snáithín agus próitéine as síol ráibe mar Bhia núíosach (22) i gcomhréir le hAirteagal 11 de Rialachán (AE) 2015/2283.

(8)

Sa tuairim eolaíoch uaidh, tháinig an tÚdarás ar an gconclúid go bhfuil tiúchán snáithín agus próitéine as síol ráibe sábháilte faoi na coinníollacha úsáide atá beartaithe, áfach, ar choinníoll nach n-itheann daoine aonair os cionn 10 mbliana d’aois bianna ina bhfuil an bia nuíosach agus forbhianna ina bhfuil an bia nuíosach an lá céanna. Dá bhrí sin, is leor na forais sa tuairim eolaíoch sin chun a shuí go gcomhlíonann tiúchán snáithín agus próitéine as síol ráibe na coinníollacha maidir lena cur ar an margadh i gcomhréir le hAirteagal 12(1) de Rialachán (AE) 2015/2283, nuair a úsáidtear é faoi na coinníollacha úsáide atá beartaithe.

(9)

Sa tuairim eolaíoch uaidh, thug an tÚdarás dá aire freisin go raibh a chonclúid maidir le sábháilteacht an bhia núíosaigh bunaithe ar na sonraí dílseánaigh seo a leanas: an próiseas táirgthe (an plean um anailís ghuaise agus pointe rialúcháin criticiúil, agus céimeanna an phróisis táirgthe), na sonraí comhdhéanaimh (anailísí maidir le próitéin, saill, luaith, taise agus snáithín, aimíonaigéid, glúcóisínealáit, miotail throma, lotnaidicídí, fíotáit, aigéad éarúcach, iomlán na snáithíní cothaitheacha, snáithín cothaitheach dothuaslagtha ardmheáchain mhóilínigh, snáithín cothaitheach intuaslagtha ísealmheáchain mhóilínigh, snáithín glantaigh neodraigh, snáithín glantaigh aigéadaigh, lignin glantaigh aigéadaí, gníomhaíochta coscaire tripsine, íonacht mhiocróbach, tuaslagóirí iarmharacha, beansóáit sóidiam agus dé-ocsaíd sulfair, agus comhdhúile feanólacha, sonraí ó na tuarascálacha anailíseacha ar an mbia nuíosach, sonraí maidir le modhanna anailíseacha inmheánacha, sonraí cobhsaíochta an bhía nuíosaigh agus an prótacal anailíseach, staidéar maidir le díleáiteacht an bhia nuíosaigh agus staidéar anailíseach, tuarascáil ón eagraíocht taighde ar conradh, sonraí ón tuarascáil anailíseach maidir le halúmanaim, fosfán, amhábhair agus gníomhaíocht uisce, sonraí ón tuarascáil anailíseach maidir le seanaipín agus tainníní), na húsáidí atá beartaithe agus na leibhéil úsáide, agus an iontógáil atá beartaithe (sonraí amha maidir le nochtadh cothúcháin), an fhaisnéis chothaitheach (tuarascáil maidir le scór na n-aimíonaigéad riachtanach indíleáite), an fhaisnéis thocsaineolaíoch, an ailléirgineacht, agus fhaisnéis bhreise a ghabhann leis an gcomhad teicniúil, nach bhféadfaí sé anailís a dhéanamh ar an mbia núíosach agus teacht ar a chonclúid gan iad.

(10)

Dhearbhaigh an t-iarratasóir go raibh, tráth déanta an iarratais, cearta dílseánaigh eisiacha aige chun tagairt a dhéanamh do na staidéir eolaíocha agus na sonraí sin.

(11)

Rinne an Coimisiún measúnú ar an bhfaisnéis uile a sholáthair an t-iarratasóir agus mheas sé go bhfuil bunús leordhóthanach tugtha aige gur comhlíonadh na ceanglais a leagtar síos in Airteagal 26(2) de Rialachán (AE) 2015/2283. Dá bhrí sin, na staidéir agus sonraí eolaíochta, is iad sin an próiseas táirgthe (an plean um anailís ghuaise agus pointe rialúcháin criticiúil, agus céimeanna an phróisis táirgthe), na sonraí comhdhéanaimh (anailísí maidir le próitéin, saill, luaith, taise agus snáithín, aimíonaigéid, glúcóisínealáit, miotail throma, lotnaidicídí, fíotáit, aigéad éarúcach, iomlán na snáithíní cothaitheacha, snáithín cothaitheach dothuaslagtha ardmheáchain mhóilínigh, snáithín cothaitheach intuaslagtha ísealmheáchain mhóilínigh, snáithín glantaigh neodraigh, snáithín glantaigh aigéadaigh, lignin glantaigh aigéadaí, gníomhaíochta coscaire tripsine, íonacht mhiocróbach, tuaslagóirí iarmharacha, beansóáit sóidiam agus dé-ocsaíd sulfair, agus comhdhúile feanólacha, sonraí ó na tuarascálacha anailíseacha ar an mbia nuíosach, sonraí maidir le modhanna anailíseacha inmheánacha, sonraí cobhsaíochta an bhía nuíosaigh agus an prótacal anailíseach, staidéar maidir le díleáiteacht an bhia nuíosaigh agus staidéar anailíseach, tuarascáil ón eagraíocht taighde ar conradh, sonraí ón tuarascáil anailíseach maidir le halúmanaim, fosfán, amhábhair agus gníomhaíocht uisce, sonraí ón tuarascáil anailíseach maidir le seanaipín agus tainníní), na húsáidí atá beartaithe agus na leibhéil úsáide, agus an iontógáil atá beartaithe (sonraí amha maidir le nochtadh cothúcháin), an fhaisnéis chothaitheach (tuarascáil maidir le scór na n-aimíonaigéad riachtanach indíleáite), an fhaisnéis thocsaineolaíoch, an ailléirgineacht, agus fhaisnéis bhreise a ghabhann leis an gcomhad teicniúil, ba cheart iad a chosaint i gcomhréir le hAirteagal 27(1) de Rialachán (AE) 2015/2283. Dá réir sin, is é an t-iarratasóir amháin ba cheart a údarú chun púdar beacán ina bhfuil tiúchán snáithín agus próitéine as síol ráibe a chur ar an margadh laistigh den Aontas ar feadh tréimhse 5 bliana ó theacht i bhfeidhm an Rialacháin seo.

(12)

Mar sin féin, maidir le húdarú tiúcháin snáithín agus próitéine as síol ráibe agus an tagairt do na sonraí atá i gcomhad an iarratasóra a shrianadh d’úsáid an iarratasóra amháin, ní chuirfidh an srianadh sin cosc ar iarratasóirí eile ina dhiaidh sin cur isteach ar údarú chun an bia núíosach céanna a chur ar an margadh ar choinníoll gur ar fhaisnéis a fuarthas go dlíthiúil agus atá ina taca leis an údarú sin atá a n-iarratas bunaithe.

(13)

Ní léiríonn an t-ainmniú ‘tiúchán snáithín agus próitéine as síol ráibe’ comhdhéanamh iarbhír an bhia núíosaigh, ós rud é go bhfanann a chion próitéine faoi bhun 50 % agus nár léiríodh go gcomhlíonann an chomhpháirt snáithín an sainmhíniú a leagtar amach in Iarscríbhinn I a ghabhann le Rialachán (AE) Uimh. 1169/2011 ó Pharlaimint na hEorpa agus ón gComhairle (23). Dá bhrí sin, d’fhéadfadh úsáid an téarma ‘tiúchán snáithín próitéine’ in ainmniú an bhia núíosaigh tomhaltóirí a chur amú maidir lena airíonna cothaitheacha agus lena chomhdhéanamh. Dá bhrí sin, is iomchuí ainm a léiríonn go cruinn fíorchineál agus fíor-chomhdhéanamh an bhia núíosaigh a chur in ionad an téarma ‘tiúchán snáithín próitéine’. Ghlac an t-iarratasóir leis an ainmniú beartaithe ‘púdar síl ráibe díshaillithe’.

(14)

I gcomhréir le coinníollacha úsáide comhábhar bia agus forbhianna ina bhfuil púdar síl ráibe díshaillithe, mar a mhol an t-iarratasóir agus a ndearna an tÚdarás measúnú air, is gá tomhaltóirí a chur ar an eolas le lipéad iomchuí nár cheart comhábhair bia agus forbhianna ina bhfuil púdar síl ráibe díshaillithe a úsáid má dhéanann daoine atá os cionn 10 mbliana d’aois bianna eile arna mbreisiú le púdar síl ráibe díshaillithe a thomhailt an lá céanna.

(15)

Measann an tÚdarás freisin gur dócha go spreagfaidh an bia núíosach frithghníomhuithe ailléirgeacha i ndaoine a bhfuil ailléirge orthu le síol ráibe agus i ndaoine a bhfuil ailléirge orthu le mustaird freisin mar gheall ar thrasimoibríocht. Dá bhrí sin, is gá foráil a dhéanamh maidir leis an gceanglas lipéadaithe chun go mbeidh daoine a bhfuil ailléirge orthu le mustard in ann caitheamh an bhia núíosaigh a sheachaint.

(16)

Is iomchuí go mbeadh an fhaisnéis dá dtagraítear in Airteagal 9(3) de Rialachán (AE) 2015/2283 san iontráil a bhaineann le púdar síol ráibe díshaillithe mar bhia núíosach ar liosta an Aontais de bhianna núíosacha.

(17)

Ba cheart púdar síl ráibe díshaillithe a áireamh i liosta an Aontais de bhianna núíosacha a leagtar amach i Rialachán Cur Chun Feidhme (AE) 2017/2470. Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir.

(18)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,