This document is an excerpt from the EUR-Lex website
Document 32026R0367
Commission Implementing Regulation (EU) 2026/367 of 19 February 2026 amending Implementing Regulation (EU) 2019/2030 as regards administrative changes to the Union authorisation of the biocidal product family PAL IPA PRODUCT FAMILY
Rialachán Cur Chun Feidhme (AE) 2026/367 ón gCoimisiún an 19 Feabhra 2026 lena leasaítear Rialachán Cur Chun Feidhme (AE) 2019/2030 a mhéid a bhaineann le hathruithe riaracháin ar an údarú Aontais le haghaidh na fine táirgí bithicídeacha PAL IPA PRODUCT FAMILY
Rialachán Cur Chun Feidhme (AE) 2026/367 ón gCoimisiún an 19 Feabhra 2026 lena leasaítear Rialachán Cur Chun Feidhme (AE) 2019/2030 a mhéid a bhaineann le hathruithe riaracháin ar an údarú Aontais le haghaidh na fine táirgí bithicídeacha PAL IPA PRODUCT FAMILY
C/2026/936
IO L, 2026/367, 20.2.2026, ELI: http://data.europa.eu/eli/reg_impl/2026/367/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Iris Oifigiúil |
GA Sraith L |
|
2026/367 |
20.2.2026 |
RIALACHÁN CUR CHUN FEIDHME (AE) 2026/367 ÓN gCOIMISIÚN
an 19 Feabhra 2026
lena leasaítear Rialachán Cur Chun Feidhme (AE) 2019/2030 a mhéid a bhaineann le hathruithe riaracháin ar an údarú Aontais le haghaidh na fine táirgí bithicídeacha ‘PAL IPA PRODUCT FAMILY’
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) Uimh. 528/2012 ó Pharlaimint na hEorpa agus ón gComhairle an 22 Bealtaine 2012 maidir le táirgí bithicídeacha a chur ar fáil ar an margadh agus a úsáid (1), agus go háirithe Airteagal 50(2) de,
De bharr an mhéid seo a leanas:
|
(1) |
An 29 Samhain 2019, le Rialachán Cur Chun Feidhme (AE) 2019/2030 ón gCoimisiún (2), deonaíodh údarú Aontais, faoi uimhir EU-0020463-0000, do Pal Hygiene Products Limited chun an fhine táirgí bithicídeacha ‘Pal IPA Product Family’ a chur ar fáil ar an margadh agus a úsáid. Soláthraítear san Iarscríbhinn a ghabhann leis an Rialachán Cur Chun Feidhme sin an achoimre ar shaintréithe an táirge le haghaidh na fine táirgí bithicídeacha sin. |
|
(2) |
An 17 Deireadh Fómhair 2024, chuir Pal Hygiene Products Limited fógra faoi bhráid na Gníomhaireachta Eorpaí Ceimiceán (‘an Ghníomhaireacht’), i gcomhréir le hAirteagal 11(1) de Rialachán Cur Chun Feidhme (AE) Uimh. 354/2013 ón gCoimisiún (3), maidir le hathruithe riaracháin ar an údarú Aontais le haghaidh na fine táirgí bithicídeacha ‘PAL IPA PRODUCT FAMILY’, dá dtagraítear i dTeideal 1 den Iarscríbhinn a ghabhann leis an Rialachán sin. Rinneadh taifead den fhógra faoi chás-uimhir BC-KT100508-25 sa Chlár do Tháirgí Bithicídeacha (‘an Clár’). Baineann na hathruithe atá beartaithe ar an údarú sin ar tugadh fógra ina leith le trádainmneacha a chur leis agus le hathrú ar sheoladh shuíomh monaraíochta an táirge bhithicídigh agus le hathrú ar sheoladh an mhonaróra. |
|
(3) |
An 11 Samhain 2024, i gcomhréir le hAirteagal 11(3) de Rialachán Cur Chun Feidhme (AE) Uimh. 354/2013, chuir an Ghníomhaireacht tuairim (4) faoi bhráid an Choimisiúin maidir leis na hathruithe riaracháin ar tugadh fógra ina leith ar an údarú Aontais le haghaidh na fine táirgí bithicídeacha ‘PAL IPA PRODUCT FAMILY’, in éineacht le hachoimre athbhreithnithe ar shaintréithe an táirge. Sa tuairim uaithi, tháinig an Ghníomhaireacht ar an gconclúid gur athruithe riaracháin iad na hathruithe atá beartaithe dá dtagraítear in Airteagal 50(3), pointe (a), de Rialachán (AE) Uimh. 528/2012 agus a shonraítear i dTeideal 1, Roinn 1, den Iarscríbhinn a ghabhann le Rialachán Cur Chun Feidhme (AE) Uimh. 354/2013, agus go gcomhlíonfar coinníollacha Airteagal 19 de Rialachán Cur Chun Feidhme (AE) Uimh. 528/2012 go fóill tar éis na hathruithe sin a chur chun feidhme. |
|
(4) |
An 11 Samhain 2024, tharchuir an Ghníomhaireacht achoimre athbhreithnithe ar shaintréithe an táirge maidir leis an údarú Aontais le haghaidh na fine táirgí bithicídeacha ‘PAL IPA PRODUCT FAMILY’ chuig an gCoimisiún i dteangacha oifigiúla uile an Aontais ina gcumhdaítear na hathruithe riaracháin uile ar cuireadh iarratas isteach ina leith, i gcomhréir le hAirteagal 11(6) de Rialachán Cur Chun Feidhme (AE) Uimh. 354/2013. |
|
(5) |
Comhaontaíonn an Coimisiún leis an tuairim ón nGníomhaireacht agus dá bhrí sin, measann sé gurb iomchuí an t-údarú Aontais le haghaidh na fine táirgí bithicídeacha ‘PAL IPA PRODUCT FAMILY’ a leasú chun na hathruithe riaracháin a d’iarr Pal Hygiene Products Limited a thabhairt isteach. |
|
(6) |
Ach amháin i gcás na leasuithe a bhaineann leis na hathruithe riaracháin atá beartaithe, fágtar gach faisnéis eile atá san achoimre ar shaintréithe an táirge ‘PAL IPA PRODUCT FAMILY’, mar a leagtar amach í san Iarscríbhinn a ghabhann le Rialachán Cur Chun Feidhme (AE) 2019/2030, gan athrú. |
|
(7) |
Chun an tsoiléireacht a fheabhsú agus chun go mbeidh rochtain níos éasca ag úsáideoirí agus páirtithe leasmhara ar an leagan comhdhlúite den achoimre ar shaintréithe an táirge atá le foilsiú ag an nGníomhaireacht, ba cheart Iarscríbhinn iomlán nua a chur in ionad na hIarscríbhinne a ghabhann le Rialachán Cur Chun Feidhme (AE) 2019/2030. I ngeall ar athrú ar an bhformáid a úsáidtear chun an achoimre ar shaintréithe an táirge a ghiniúint sa Chlár i mí Feabhra 2024, ba cheart roinnt mionathruithe eagarthóireachta agus mionathruithe ar an leagan amach a bheith san achoimre ar shaintréithe an táirge san Iarscríbhinn sin freisin. |
|
(8) |
Dá bhrí sin, ba cheart Rialachán Cur Chun Feidhme (AE) 2019/2030 a leasú dá réir sin, |
TAR ÉIS AN RIALACHÁN SEO A GHLACADH:
Airteagal 1
Cuirtear an téacs atá san Iarscríbhinn a ghabhann leis an Rialachán seo in ionad na hIarscríbhinne a ghabhann le Rialachán Cur Chun Feidhme (AE) 2019/2030.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 19 Feabhra 2026.
Thar ceann an Choimisiúin
An tUachtarán
Ursula VON DER LEYEN
(1) IO L 167, 27.6.2012, lch. 1, ELI: http://data.europa.eu/eli/reg/2012/528/oj.
(2) Rialachán Cur Chun Feidhme (AE) 2019/2030 ón gCoimisiún an 29 Samhain 2019 lena ndeonaítear údarú Aontais le haghaidh na fine táirgí bithicídeacha ‘PAL IPA PRODUCT FAMILY’. (IO L313, 4.12.2019, lch. 51, ELI: http://data.europa.eu/eli/reg_impl/2019/2030/oj).
(3) Rialachán Cur Chun Feidhme (AE) Uimh. 354/2013 ón gCoimisiún an 18 Aibreán 2013 maidir le hathruithe táirgí bithicídeacha arna n-údarú i gcomhréir le Rialachán (AE) Uimh. 528/2012 ó Pharlaimint na hEorpa agus ón gComhairle (IO L 109, 19.4.2013, lch. 4, ELI: http://data.europa.eu/eli/reg_impl/2013/354/oj).
(4) Tuairim Uimh. UAD-C-1775477-16-00/F ón nGníomhaireacht Eorpach Ceimiceán an 11 Samhain 2024 maidir leis an athrú riaracháin ar údarú Aontais na fine táirgí bithicídeacha ‘PAL IPA PRODUCT FAMILY’, https://echa.europa.eu/opinions-on-union-authorisation.
IARSCRÍBHINN
Achoimre ar shaintréithe an táirge le haghaidh fine táirgí bithicídeacha
Pal IPA Product Family
Cineál nó cineálacha táirge
PT02: Dífhabhtáin agus ailgicídí nach bhfuil beartaithe le húsáid go díreach ar dhaoine ná ar ainmhithe
PT04: Limistéar bia agus beatha
Uimhir an údaraithe EU-0020463-0000
Uimhir sócmhainne R4BP EU-0020463-0000
CUID I
AN CHÉAD LEIBHÉAL FAISNÉISE
1. FAISNÉIS RIARACHÁIN
1.1. Ainm na fine
|
Ainm |
Pal IPA Product Family |
1.2. Cineál nó cineálacha táirge
|
Cineál nó cineálacha táirge |
PT02: Dífhabhtáin agus ailgicídí nach bhfuil beartaithe le húsáid go díreach ar dhaoine ná ar ainmhithe PT04: Limistéar bia agus beatha |
1.3. Sealbhóir an údaraithe
|
Ainm agus seoladh shealbhóir an údaraithe |
Ainm |
Pal Hygiene Products Limited |
|
Seoladh |
Unit 5B & Unit 5H Fingal Bay Business Park K32 NY57 Balbriggan IE |
|
|
Uimhir an údaraithe |
|
EU-0020463-0000 |
|
Uimhir sócmhainne R4BP |
|
EU-0020463-0000 |
|
Dáta an údaraithe |
|
24.12.2019 |
|
Dáta éaga an údaraithe |
|
30.11.2029 |
1.4. Monaróir/monaróirí an táirge
|
Ainm an mhonaróra |
Pal International Limited |
|
Seoladh an mhonaróra |
Unit 3 Mountpark, Victoria Road, Ellistown LE67 1FA Coalville, Leicestershire Ríocht Aontaithe na Breataine Móire agus Thuaisceart Éireann |
|
Suíomh na láithreán monaraíochta |
Pal International Limited site 1 Unit 3 Mountpark, Victoria Road, Ellistown LE67 1FA Coalville, Leicestershire Ríocht Aontaithe na Breataine Móire agus Thuaisceart Éireann |
1.5. Monaróir/monaróirí na substainte gníomhaí nó na substaintí gníomhacha
|
Substaint ghníomhach |
Própán-2-ól |
|
Ainm an mhonaróra |
Brenntag GmbH |
|
Seoladh an mhonaróra |
Messeallee 11 45131 Essen An Ghearmáin |
|
Suíomh na láithreán monaraíochta |
Brenntag GmbH site 1 Baton Rouge Chemical Plant (BRCP), Exxon Mobil Chemical Plant, 4999 Scenic Highway 70897 Baton Rouge, Louisiana Na Stáit Aontaithe |
|
Substaint ghníomhach |
Própán-2-ól |
|
Ainm an mhonaróra |
Brenntag GmbH |
|
Seoladh an mhonaróra |
Messeallee 11 45131 Essen An Ghearmáin |
|
Suíomh na láithreán monaraíochta |
Brenntag GmbH site 1 Haven 3222, Vondelingenweg 601 3196 KK Vondelingenplaat An Ísiltír |
2. COMHDHÉANAMH AGUS FOIRMLIÚ NA FINE TÁIRGÍ
2.1. Faisnéis cháilíochtúil agus chainníochtúil faoi chomhdhéanamh na fine
|
Gnáthainm |
Ainm IUPAC |
Feidhm |
Uimhir CAS |
Uimhir CE |
Cion (%) |
|
Própán-2-ól |
|
Active substance |
67-63-0 |
200-661-7 |
62,9 - 62,9 % (w/w) |
2.2. Cineál/cineálacha foirmlithe
|
Cineál nó cineálacha foirmlithe |
AL (aon leacht eile) - Wipe RTU |
CUID II
AN DARA LEIBHÉAL FAISNÉISE MEITEA-SPC(ANNA)
1. MEITEA-SPC 1 FAISNÉIS RIARACHÁIN
1.1. Meitea-SPC 1 aitheantóir
|
Aitheantóir |
Meta SPC: Meta SPC 1 - Pal IPA Product Family Wipes |
1.2. Iarmhír na huimhreach údaraithe
|
Uimhir |
1-1 |
1.3. Cineál nó cineálacha táirge
|
Cineál nó cineálacha táirge |
PT02: Dífhabhtáin agus ailgicídí nach bhfuil beartaithe le húsáid go díreach ar dhaoine ná ar ainmhithe PT04: Limistéar bia agus Beatha |
2. COMHDHÉANAMH META SPC 1
2.1. Faisnéis cháilíochtúil agus chainníochtúil faoi chomhdhéanamh meitea-SPC 1
|
Gnáthainm |
Ainm IUPAC |
Feidhm |
Uimhir CAS |
Uimhir CE |
Cion (%) |
|
Própán-2-ól |
|
Active substance |
67-63-0 |
200-661-7 |
62,9 - 62,9 % (w/w) |
2.2. Cineál/cineálacha foirmlithe meitea-SPC 1
|
Cineál nó cineálacha foirmlithe |
AL (aon leacht eile) - Wipe RTU |
3. RÁITIS GHUAISE AGUS RÉAMHCHÚRAIM MEITEA-SPC 1
|
Ráitis ghuaise |
H225: Leacht an-inadhainte agus gal an-inadhainte. H319: Ina chúis le greannú tromchúiseach don tsúil. H336: D’fhéadfadh sé a bheith ina chúis le codlatacht nó le meadhrán. EUH066: D’fhéadfadh tirimeacht craicinn nó scoilteadh craicinn a bheith mar thoradh ar ilnochtadh. |
|
Ráitis réamhchúraim |
P101: Más gá comhairle liachta, bíodh coimeádán nó lipéad an táirge ina aice láimhe. P102: Coimeád as aimsiú leanaí. P210: Coimeád ó theas, dromchlaí te, splancacha, lasair gan chosaint agus foinsí eile adhainte. Ná caitear tobac. P233: Coimeád an coimeádán dúnta go docht. P261: Seachain gala a análú. P264: Nigh lámha go lánchúramach tar éis láimhsithe. P271: Úsáid amuigh faoin aer nó i limistéar dea-aerálaithe amháin. P280: Caith cosaint súl. P303+P361+P353: I gCÁS TEAGMHÁIL LEIS AN gCRAICEANN (nó le gruaig): Bain díot láithreach na héadaí éillithe go léir. Sruthlaítear an craiceann le huisce [nó glac cithfholcadh]. P304+P340: MÁ IONANÁLAÍTEAR É: Tabhair an duine amach faoin aer úr agus cinntigh go bhfuil an duine in ann análú go compordach. P305+P351+P338: I gCÁS TEAGMHÁIL LEIS NA SÚILE: Sruthlaítear go faichilleach le huisce ar feadh roinnt nóiméad. Bain amach lionsaí tadhaill, má tá siad á gcaitheamh agus más féidir iad a bhaint amach go héasca. Lean leis an sruthlú. P312: Cuir glao ar IONAD NIMHE má bhraitheann tú tinn. P337+P313: Má mhaireann an greannú súile: Faigh comhairle liachta. P370+P378: I gcás dóiteáin: Úsáid alcól-frithsheasmhach le haghaidh múchta. P403+P235: Stóráil in áit dhea-aeráilte. Coimeád fionnuar é. P405: Stóráil faoi ghlas. P501: Diúscair diúscair an t-ábhar/coimeádán i gcomhréir le rialacháin áitiúla. |
4. ÚSÁID/ÚSÁIDÍ ÚDARAITHE MEITEA-SPC
4.1. Tuairisc úsáide
Tábla 1
Úsáid ghairmiúil
|
An cineál táirge |
PT02: Dífhabhtáin agus ailgicídí nach bhfuil beartaithe le húsáid go díreach ar dhaoine ná ar ainmhithe PT04: Limistéar bia agus beatha |
||||||||
|
I gcás inarb ábhartha, tuairisc bheacht ar an úsáid údaraithe |
- |
||||||||
|
Spriocorgánach (nó spriocorgánaigh) (lena n-áirítear céim na forbartha) |
Ainm eolaíoch: Bacteria Gnáthainm: Bacteria Céim na forbartha: - Ainm eolaíoch: Yeast Gnáthainm: Yeast Céim na forbartha: - Ainm eolaíoch: Mycobacteriaceae Gnáthainm: Mycobacteria Céim na forbartha: - |
||||||||
|
Réimse (nó réimsí) úsáide |
úsáid laistigh Díghalrán lena n-úsáid i gcoinne baictéir, micobhaictéir agus giosta ar dhromchlaí crua, neamh-scagacha i seomraí glana le haghaidh biteicneolaíochta, cógaisíochta, monarú feistí leighis neamh-ionracha, tionscail cúraim sláinte agus feidhmeanna eolaíochta beatha criticiúla eile, agus i réimsí ullmhúcháin bia agus beatha tionsclaíocha. |
||||||||
|
Modh (nó modhanna) úsáide |
Airí modha: Cuimilt Tuairisc mhionsonraithe ar an airí: - |
||||||||
|
Ráta (nó rátaí) agus minicíocht feidhmithe |
Ráta úsáide: - Airí uainithe: Am teagmhála 1 nóiméad do bhaictéir Am teagmhála nóiméad 1 do micobhaictéir Am teagmhála nóiméad 3 le haghaidh giosta |
||||||||
|
Catagóir (nó catagóirí) úsáideoirí |
gairmiúil |
||||||||
|
Méideanna paca agus ábhar pacáistíochta |
Ceirtíní polapróipiléine líonta 100 % i:
Ceirtíní poileistear 100 % tuilithe i:
|
4.1.1. Treoracha úsáidsonracha úsáide
Féach rannán 5.1
4.1.2. Bearta úsáidsonracha maolaithe riosca
Féach rannán 5.2
4.1.3. I gcás ina mbaineann sé go sonrach le húsáid, sonraí maidir le héifeachtaí díreacha nó indíreacha dóchúla, treoracha garchabhrach agus bearta éigeandála chun an comhshaol a chosaint
Féach rannán 5.3
4.1.4. I gcás ina mbaineann sé go sonrach le húsáid, na treoracha chun an táirge agus a phacáistiú a dhiúscairt go sábháilte
Féach rannán 5.4
4.1.5. I gcás ina mbaineann sé go sonrach le húsáid, coinníollacha stórála agus seilfré an táirge de réir na ngnáthdhálaí stórála
Féach rannán 5.5
5. TREORACHA GINEARÁLTA ÚSÁIDE MAIDIR LE MEITEA-SPC 1
5.1. Treoracha úsáide
Ná húsáid ar dhromchlaí atá íogair d’alcól.
Teocht úsáide inghlactha (10-20 °C)
Déan an dromchla a ghlanadh go cúramach roimh úsáid
|
1. |
Lean treoirlínte beartais measúnaithe riosca comhaontaithe maidir le húsáid Trealaimh Chosanta Phearsanta (PPE). |
|
2. |
Roghnaigh an cineál dáileoir agus tóg amach an ceirtín. |
|
3. |
Cuimil an dromchla i gCruth S ag gluaiseacht ó ghlan go salach. Bain úsáid as taobh an cheirtín nach bhfuil lúbtha. Ná téigh thar an limistéar céanna faoi dhó leis an gceirtín céanna. |
|
4. |
Bain úsáid as ceirtín úr má éiríonn do cheirtín salach nó tirim. |
|
5. |
Cinntigh go ndéantar na dromchlaí a fhluichadh ina n-iomlána. |
|
6. |
Ní foláir ceirtíní a úsáideadh a dhiúscairt i gcoimeádán dúnta. |
|
7. |
Lig don dromchla triomú roimh úsáid. |
5.2. Bearta maolaithe riosca
Nigh lámha agus craiceann nochta roimh bhéilí agus tar éis iad a úsáid.
Seachain teagmháil le súile.
Agus díghalrú á dhéanamh i gceantair ina bhféadfadh an pobal a bheith i láthair, ba cheart cosc a chur ar dhaoine dul isteach sa seomra go dtí go mbeidh an seomra aeráilte go maith.
5.3. Sonraí maidir le héifeachtaí díreacha nó indíreacha dóchúla, treoracha garchabhrach agus bearta éigeandála chun an comhshaol a chosaint
Teagmháil leis na súile: I gCÁS TEAGMHÁLA LEIS NA SÚILE: Sruthlaigh go cúramach le huisce ar feadh roinnt nóiméad. Tóg amach na tadhall-lionsaí, más ann dóibh agus más furasta é sin a dhéanamh. Lean ar aghaidh ag sruthlú. Má mhaireann an greannú súile: Faigh comhairle/cúram liachta.
5.4. Treoracha chun an táirge agus a phacáistiú a dhiúscairt go sábháilte
Diúscair an t-ábhar/coimeádán i gcomhréir le rialacháin áitiúla.
Ná sruthlaigh ciarsúir síos an leithreas. Ná maothaigh.
Is ceart alcóil iarmharach a fholmhú roimh dhiúscairt an choimeádáin.
Caith amach ceirtíní úsáidte sa bhosca bruscair dramhaíola cuí de réir treoirlínte comhaontaithe áitiúla.
5.5. Coinníollacha stórála agus seilfré an táirge de réir na ngnáthdhálaí stórála
Stóráil in áit fhionnuar, thirim, dhea-aeraithe sa choimeádán bunaidh.
Coimeád an coimeádán dúnta go docht.
Seilfré: 2 bhliain
6. FAISNÉIS EILE
Ceirtíní polapróipiléine nó poileistear, 20-45 gsm, ina bhfuil táirge 1.7 - 7.5 ml (0.93 - 4.12 g própán-2-ol)
Tá própán-2-ól sa táirge (CAS Uimh.: 67-63-0), dár comhaontaíodh luach tagartha Eorpach de 129.28 mg/m3 don úsáideoir gairmiúil agus úsáideadh é le haghaidh measúnú riosca an táirge.
7. AN TRÍÚ LEIBHÉAL FAISNÉISE: TÁIRGÍ AONAIR I MEITEA-SPC 1
7.1. Trádainm (nó trádainmneacha), uimhir údaraithe agus comhdhéanamh sonrach gach táirge aonair
|
Trádainm/trádainmneacha |
Sirafan Alco Wipes |
Réimse margaidh: AE |
|||||
|
Alcodes GF maxi wipes |
Réimse margaidh: AE |
||||||
|
Medipal Alcohol Disinfectant Wipes |
Réimse margaidh: AE |
||||||
|
Pal Tech Precision 70% IPA Wipes |
Réimse margaidh: AE |
||||||
|
Pal TX IPA Surface Disinfectant Wipes |
Réimse margaidh: AE |
||||||
|
Uimhir an údaraithe |
|
EU-0020463-0001 1-1 |
|||||
|
Gnáthainm |
Ainm IUPAC |
Feidhm |
Uimhir CAS |
Uimhir CE |
Cion (%) |
||
|
Própán-2-ól |
|
Active substance |
67-63-0 |
200-661-7 |
62,9 % (w/w) |
||
ELI: http://data.europa.eu/eli/reg_impl/2026/367/oj
ISSN 1977-0839 (electronic edition)