1.

Cinneadh ó Údarás Faireacháin CSTE an 11 Meitheamh 2025 Uimh. 090/25/COL a neamhniú go páirteach, i ndáil le hAirteagal 2, agus ina dhiaidh sin Airteagail 3, 4 agus 5; agus

2.

Ordú a thabhairt d’Údarás Faireacháin CSTE costais agus caiteachais an Iarratasóra a íoc i ndáil leis na himeachtaí seo.

—

Is cuideachta faoi dhliteanas teoranta é Masserud Utvikling AS (Masserud) a dhéanann réadmhaoin a fhorbairt agus a dhíol. Is eintiteas aonchuspóra é nach raibh baint aige ach le forbairt an limistéir chónaithe, Masserud Gaard, atá lonnaithe in Lørenskog. Tá an chuideachta faoi úinéireacht iomlán Olavsgaard Eiendom AS, atá mar chuid den ghrúpa réadmhaoine Olavsgaard Gruppen AS.

—

Is bardas san Iorua é Lørenskog, atá suite thart ar 20 km soir ó Osló. Tá thart ar 46 000 áitritheoir sa Bhardas, rud a fhágann gurb é an cúigiú bardas is mó i réigiún Osló é.

—

I gCinneadh Uimh. 090/25/COL an 11 Meitheamh 2025 (‘an cinneadh atá faoi chonspóid’), a díríodh chuig Ríocht na hIorua, thángthas ar an gconclúid gur státchabhair neamhdhleathach a bhí sa deonú talún poiblí saor in aisce do Masserud, rud a d’eascair as mainneachtain bhardas Lørenskog a éileamh a fhorfheidhmiú faoin gcomhaontú díola le Masserud a tugadh i gcrích i mí Eanáir 2014.

—

Tagann an t-iarratas sna sála ar ghearán a fuair Údarás Faireacháin CSTE an 8 Lúnasa 2022 ó bhardas Lørenskog inar líomhnaíodh gur dheonaigh sé státchabhair neamhdhleathach do Masserud ós rud é go ndearna sé dearmad íocaíocht a éileamh ó Masserud as réadmhaoin a dhíol sula ndeachaigh tréimhse teorann an éilimh in éag. D’iarr an Bardas ar Údarás Faireacháin CSTE imscrúdú foirmiúil a oscailt.

—

Iarrann an t-iarratasóir go ndéanfaí an cinneadh is ábhar agóide a neamhniú go páirteach agus bunaíonn sé a iarratas ar na pléadálacha seo a leanas:

—

Tá na pléadálacha a chuirtear chun cinn bunaithe, inter alia, ar na hargóintí seo a leanas: