Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

Comhpháirteanna agus ábhair feithiclí a athúsáid, a athchúrsáil agus a athshlánú

ACHOIMRE

Ní mór do mhonaróirí feithiclí a dhearadh ionas gur féidir íostairseacha de chomhpháirteanna agus d’ábhair na bhfeithiclí a athúsáid, a athchúrsáil nó a athshlánú ag deireadh a saolré nádúrtha. Féachtar anseo le dramhaíl ó fheithiclí a bhfuil a ré caite, mar a dtugtar orthu, a laghdú.

CÉARD A DHÉANANN AN TREOIR?

Leagtar síos sa treoir rialacha riaracháin agus theicniúla chun a chinntiú go ndéanfar an chuid is mó de chomhpháirteanna agus d’ábhair feithicle a athúsáid, a athchúrsáil nó a athshlánú faoi dheireadh. Cinntíonn an treoir nach mbainfidh aon rioscaí sábháilteachta ná comhshaoil leis na comhpháirteanna athúsáidte.

PRÍOMHPHOINTÍ

  • Cuirtear an reachtaíocht seo de chuid an Aontais Eorpach (AE) i bhfeidhm ar chineálacha nua gluaisteán, gluaisteán fada, gluaisteán mór teaghlaigh agus feithiclí éadroma tráchtála (e.g. veaineanna) agus ar na cinn atá á dtáirgeadh cheana féin.
  • Ní ceadmhach feithiclí nua a dhíol in AE ach amháin más féidir 85 % ar a laghad de mhais na bhfeithiclí sin a athúsáid agus/nó a athchúrsáil nó más féidir 95 % ar a laghad dá mais a athúsáid agus/nó a athshlánú.
  • Ní mór straitéisí a bheith curtha i bhfeidhm ag monaróirí chun ceanglais na reachtaíochta, a bhaineann le feithiclí a athúsáid, a athchúrsáil agus a athshlánú, a bhainistiú i gceart.
  • Má mheasann údaráis náisiúnta gur leor na straitéisí sin, tugtar deimhniú comhlíonta don mhonaróir, atá bailí ar feadh dhá bhliain nó níos mó.
  • Cuirtear cosc ar chomhpháirteanna áirithe a athúsáid, amhail málaí aeir, criosanna sábháilteachta agus glais tiomána. Ní ceadmhach na comhpháirteanna sin a úsáid i bhfeithiclí nua toisc go bhféadfadh rioscaí sábháilteachta agus comhshaoil a bheith ag baint leo.
  • Ní chuirtear an reachtaíocht i bhfeidhm ar fheithiclí sainchuspóireacha amhail gluaisteáin armúrtha agus otharchairr, nó feithiclí nach ndéantar ach líon beag díobh a tháirgeadh, .i. níos lú ná 500 feithicil de chineál áirithe a dhíoltar in aghaidh na bliana i ngach tír den Aontas Eorpach.

Tá bearta leagtha amach i reachtaíocht ar leith chun dramhaíl ó fheithiclí a bhfuil a ré caite agus óna gcomhpháirteanna a chosc agus a theorannú, agus chun a chinntiú go ndéantar iad sin a athúsáid, a athchúrsáil nó a athshlánú más féidir.

CÚLRA

Cruthaíonn feithiclí a bhfuil a ré caite idir 8 agus 9 milliún tonna de dhramhaíl gach bliain in AE.

Féach feithiclí a bhfuil a ré caite ar láithreán gréasáin an Choimisiúin Eorpaigh chun tuilleadh faisnéise a fháil.

GNÍOMH

Treoir 2005/64/CE ó Pharlaimint na hEorpa agus ón gComhairle an maidir le cineálcheadú mótarfheithiclí i ndáil leis na mótarfheithiclí sin a athúsáid, a athchúrsáil agus a athshlánú agus lena leasaítear Treoir 70/156/CEE ón gComhairle

nuashonrú is deireanaí

Top