(1)

An 6 Aibreán 2022, ghlac Parlaimint na hEorpa agus an Chomhairle Cinneadh (AE) 2022/563 (2) lena soláthraítear cúnamh macrairgeadais an Aontais do Phoblacht na Moldóive (an Mholdóiv) ar mhéid EUR 150 000 000, in iasachtaí meántéarmacha agus i ndeontais. Tháinig an Meabhrán Tuisceana lena leagtar amach cúnamh macrairgeadais an Aontais i bhfeidhm an 18 Iúil 2022 agus beidh an cúnamh sin ar fáil ar feadh tréimhse 2 bhliain go leith. An 1 Lúnasa 2022, tar éis don Mholdóiv na gníomhaíochtaí beartais uile a comhaontaíodh leis an Aontas sa Mheabhrán Tuisceana a chomhlíonadh go rathúil, eisíocadh an chéad tráthchuid de EUR 50 000 000.

(2)

Glacadh Cinneadh (AE) 2022/563 lena soláthraítear cúnamh macrairgeadais an Aontais go comhthreomhar le clár an Chiste Airgeadaíochta Idirnáisiúnta (CAI) don Mholdóiv an 20 Nollaig 2021 faoin socrú maidir leis an tSaoráid Chreidmheasa Shínte/an tSaoráid Chiste Shínte do mhéid USD 564 000 000. An 11 Bealtaine 2022, mar thoradh ar na riachtanais mhaoinithe a bhí ag dul i méid a eascraíonn, den chuid is mó, as tionchair an chogaidh san Úcráin ar gheilleagar na Moldóive, ghlac CAI cinneadh an socrú a mhéadú le USD 267 000 000. An 9 Eanáir 2023, d’fhógair CAI go raibh an dara hathbhreithniú ar an gclár curtha i gcrích go rathúil ag an Moldóiv, agus rinne sé foráil maidir le USD 27 000 000 breise a eisíoc láithreach don Mholdóiv faoin socrú.

(3)

Ba é EUR 518 150 000 leithdháileadh táscach an Aontais don Mholdóiv faoin Ionstraim Eorpach um Chomharsanacht do thréimhse 2014-2020, lena n-áirítear tacaíocht bhuiséadach agus cúnamh teicniúil. Sainaithníodh sna creataí tacaíochta aonair le haghaidh thréimhsí 2014-2017 agus 2017-2020 an earnáil tosaíochta le haghaidh comhar leis an Moldóiv arna maoiniú ag an Ionstraim Eorpach um Chomharsanacht don tréimhse bhuiséadach roimhe sin. Leagtar amach sa chlár táscach ilbhliantúil nua na tosaíochtaí do thréimhse 2021-2027, clár a ullmhaíodh i ndlúthchomhar leis na geallsealbhóirí ábhartha go léir.

(4)

I bhfianaise go bhfuil bearna iarmharach shuntasach fós sa mhaoiniú seachtrach i gcomhardú íocaíochtaí na Moldóive le haghaidh 2023, ar bearna í atá go mór os cionn na n-acmhainní a sholáthraítear le CAI agus le hinstitiúidí iltaobhacha eile, is gá cúnamh macrairgeadais an Aontais a sholáthraítear don Mholdóiv i gcomhréir le Cinneadh (AE) 2022/563 a mhéadú. Meastar, sna himthosca eisceachtúla atá faoi láthair ann, gur freagairt iomchuí ar iarraidh na Moldóive ar thacaíocht dá cobhsú eacnamaíoch, i gcomhar le clár CAI, atá sa mhéadú sin. Thacódh cúnamh macrairgeadais an Aontais le cobhsú eacnamaíoch agus le clár um athchóiriú struchtúrach na Moldóive, agus na hacmhainní a cuireadh ar fáil faoi shocrú airgeadais CAI á bhforlíonadh.

(5)

Déantar méid chúnamh macrairgeadais méadaithe an Aontais a chinneadh ar bhonn measúnú cainníochtúil nuashonraithe ar na riachtanais maoinithe sheachtraigh atá fós ag an Moldóiv, agus cuirtear san áireamh inniúlacht na tíre sin a hacmhainní dílse, go háirithe na cúlchistí idirnáisiúnta atá ar fáil di, a úsáid chun í féin a mhaoiniú. Agus méid an chúnaimh á chinneadh, cuirtear san áireamh, freisin, na ranníocaíochtaí airgeadais a bhfuiltear ag súil leo ó dheontóirí iltaobhacha, lena n-áirítear CAI agus an Banc Domhanda, agus an gá atá leis an ualach a roinnt go cothrom idir an tAontas agus deontóirí eile, mar aon leis an úsáid atá á baint cheana as ionstraimí maoinithe sheachtraigh eile sa Mholdóiv agus an breisluach a bhaineann le rannpháirtíocht an Aontais ina hiomláine.

(6)

Ba cheart an méadú ar chúnamh macrairgeadais an Aontais a bheith faoi réir coinníollacha beartais eacnamaíoch breise, atá le cur leis an Meabhrán Tuisceana atá ann cheana, meabhrán ba cheart, dá thoradh sin, a leasú dá réir. Ina theannta sin, is gá téarmaí airgeadais mionsonraithe chúnamh macrairgeadais an Aontais a leagan síos in aguisín a ghabhann leis an gcomhaontú iasachta agus leis an gcomhaontú deontais a shínigh an Coimisiún agus an Mholdóiv an 22 Meitheamh 2022.

(7)

Ba cheart, dá bhrí sin, Cinneadh (AE) 2022/563 a leasú dá réir,

(1)

in Airteagal 1, cuirtear an méid seo a leanas in ionad mhír 1:

(2)

leasaítear Airteagal 4 mar a leanas:

(1)

I gcomhréir le hAirteagal 50(2), pointe (a), de Rialachán (AE) Uimh. 1151/2012, rinneadh an t-iarratas a thíolaic an Tuirc ar chlárú an ainm ‘Gemlik Zeytini’ a fhoilsiú in Iris Oifigiúil an Aontais Eorpaigh (2).

(2)

Ós rud é nach bhfuair an Coimisiún aon ráiteas freasúra faoi Airteagal 51 de Rialachán (AE) Uimh. 1151/2012, ba cheart an t-ainm ‘Gemlik Zeytini’ a chlárú,

(1)

Le Rialachán (CE) Uimh. 1831/2003 déantar foráil maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta chun an t-údarú sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le hullmhóid 6-fíotáis arna táirgeadh ag Trichoderma reesei CBS 146250 a údarú. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(3)

Baineann an t-iarratas le hullmhóid 6-fíotáis arna táirgeadh ag Trichoderma reesei CBS 146250 a údarú mar bhreiseán beathaithe maidir le gach speiceas éanlaithe clóis agus gach muc, ullmhóid atá le haicmiú sa chatagóir ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’.

(4)

Chinn an tÚdarás Eorpach um Shábháilteacht Bia (‘an tÚdarás’) ina thuairim an 27 Meán Fómhair 2022 (2) maidir leis an modhnú géiniteach ar an gcineál táirgthe Trichoderma reesei CBS 146250 nach dtagann ábhar imní chun cinn maidir le sábháilteacht, go bhfuil an ullmhóid 6-fíotáis sábháilte do gach speiceas éanlaithe clóis agus do gach muc de réir na ndálaí úsáide atá beartaithe, agus nach dtagann ábhar imní chun cinn maidir le sláinte tomhaltóirí agus leis an gcomhshaol as a úsáid mar bhreiseán beathaithe. Chinn sé freisin go meastar gur íogróir riospráide atá san ullmhóid, mar gheall ar chineál próitéineach na substainte gníomhaí, agus luaigh sé nach bhféadfadh cinneadh a dhéanamh in éagmais sonraí maidir le hacmhainneacht an bhreiseáin bheith ina ghreannaitheoir do na súile nó don chraiceann. Chinn an tÚdarás freisin go bhfuil an ullmhóid éifeachtach maidir le húsáid fosfair a mhéadú ag na dálaí úsáide atá beartaithe. Níor mheas sé go bhfuil gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil ar an modh anailíse ar an mbreiseán beathaithe in ábhar beatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

Léirítear le measúnú ullmhóide de 6-fíotáis arna táirgeadh ag Trichoderma reesei CBS 122001 go gcomhlíontar na coinníollacha maidir le húdarú, dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na hullmhóide sin a údarú. Measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí an bhreiseáin.

(6)

Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha,

(1)

Le Rialachán Cur Chun Feidhme (AE) 2020/996 (2) údaraíodh ullmhóid de charbhacról, tíomól, D-carvón, salaicioláit mheitile agus L-meantól mar bhreiseán beathaithe le haghaidh sicíní lena ramhrú, sicíní a thógtar le bheith ina mbéaróga agus mionspeicis éanlaithe clóis a thógtar le bheith ina mbéaróga (sealbhóir an údaraithe Biomin GmbH)

(2)

Soláthraítear go hearráideach san Iarscríbhinn a ghabhann le Rialachán Cur Chun Feidhme (AE) 2020/996 tuairisc ar an bhfeidhmghrúpa ‘breiseáin zóiteicniúla eile (feabhas a chur ar pharaiméadair zóiteicniúla)’. I dtuairim an Údaráis Eorpaigh um Shábháilteacht Bia (‘an tÚdarás’) an 15 Bealtaine 2019 (3) sonraíodh go bhféadfadh an breiseán feidhmíocht fáis a mhéadú i sicíní lena ramhrú, sicíní a thógtar le bheith ina mbéaróga agus mionspeicis éanlaithe clóis a thógtar le bheith ina mbéaróga. Tá an téarma ‘zóiteicniúil’ róchineálach agus d’fhéadfaí feidhmeanna éagsúla a chuimsiú faoi, ach gan éifeachtaí sonracha an bhreiseáin a chur in iúl. Dá bhrí sin, chun teacht le tuairim an Údaráis, ba cheart d’fheidhmghrúpa an bhreiseáin beathaithe tagairt a dhéanamh d’fheabhas ar na paraiméadair feidhmíochta.

(3)

Dá bhrí sin, ba cheart Rialacháin Cur Chun Feidhme (AE) 2020/996 a cheartú dá réir.

(4)

Ós rud é gur cheart go mbeadh an feidhmghrúpa le feiceáil ar lipéad an bhreiseáin beathaithe, ar lipéad na réamh-mheascán agus ar lipéad na beatha cumaisc ina bhfuil sé, is gá foráil a dhéanamh maidir le hidirthréimhse ina dtugtar deis d’oibreoirí gnólachta beatha na hoiriúnuithe is gá a dhéanamh ar na lipéid.

(5)

Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha,

(1)

Le Rialachán (CE) Uimh. 1831/2003 déantar foráil maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta chun an t-údarú sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le hullmhóid in-1,4-béite-xiolanáise, in-1,4-béite-ghlúcanáise agus in-béite-1,4-glúcanáise a ghníomhaíonn go sonrach ar xileaglúcan arna táirgeadh ag Trichoderma citrinoviride DSM 33578 a údarú. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas.

(3)

Baineann an t-iarratas sin leis an ullmhóid in-1,4-béite-xiolanáise, in-1,4-béite-ghlúcanáise agus in-béite-1,4-glúcanáise a ghníomhaíonn go sonrach ar xileaglúcan arna táirgeadh ag Trichoderma citrinoviride DSM 33578 a údarú mar bhreiseán beathaithe le haghaidh gach speicis éanlaithe clóis, éin ornáideacha agus banbh, ullmhóid atá le haicmiú sa chatagóir ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid, sa tuairim uaidh an 23 Samhain 2022 (2), nach bhfuil éifeachtaí díobhálacha ag ullmhóid in-1,4-béite-xiolanáise, in-1,4-béite-ghlúcanáise agus in-béite-1,4-glúcanáise a ghníomhaíonn go sonrach ar xileaglúcan a tháirgtear le Trichoderma citrinoviride DSM 33578 ar shláinte ainmhithe, ar shábháilteacht tomhaltóirí ná ar an gcomhshaol, faoi na coinníollacha úsáide atá beartaithe. Tháinig an tÚdarás ar an gconclúid freisin gur cheart an ullmhóid a mheas mar íogróir riospráide ach, in éagmais sonraí, nach raibh sé in ann teacht ar chonclúid maidir le greannú craicinn na hullmhóide don chraiceann. Tháinig an tÚdarás ar an gconclúid freisin go bhféadfadh an ullmhóid in-1,4-béite-xiolanáise, in-1,4-béite-ghlúcanáise agus in-béite-1,4-glúcanáise a ghníomhaíonn go sonrach ar xileaglúcan agus arna táirgeadh ag Trichoderma citrinoviride DSM 33578 a bheith éifeachtúil in éanlaith chlóis lena ramhrú, in éanlaith chlóis a thógtar le bheith ina mbéaróga agus a thógtar le haghaidh pórúcháin, agus in éin ornáideacha. I ngeall ar easpa sonraí leordhóthanacha, áfach, ní raibh an tÚdarás in ann teacht ar chonclúid maidir le héifeachtúlacht na hullmhóide le haghaidh béaróg agus bainbh scoite. Mheas an tÚdarás nach raibh gá le ceanglais shonracha maidir le faireachán iarmhargaidh. D’fhíoraigh sé freisin an tuarascáil ar na modhanna a úsáidtear chun anailís a dhéanamh ar an mbreiseán beathaithe agus é i mbeatha, tuarascáil arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

Leis an measúnú ar an ullmhóid in-1,4-béite-xiolanáise, in-1,4-béite-ghlúcanáise agus in-béite-1,4-glúcanáise a ghníomhaíonn go sonrach ar xileaglúcan arna táirgeadh ag Trichoderma citrinoviride DSM 33578, léirítear go gcomhlíontar na coinníollacha maidir le húdarú, dá bhforáiltear in Airteagal 5 de Rialachán (CE) Uimh. 1831/2003, le haghaidh éanlaith chlóis lena ramhrú, le haghaidh éanlaith chlóis a thógtar le bheith ina mbéaróga agus a thógtar le haghaidh pórúcháin, agus le haghaidh éin ornáideacha. Dá réir sin, ba cheart úsáid na hullmhóide sin a údarú le haghaidh na speiceas agus na gcatagóirí ainmhithe sin. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí an bhreiseáin.

(6)

Iarradh ar an iarratasóir, agus ghlac sé leis, faisnéis fhorlíontach a chur isteach a thugann aghaidh ar na heasnaimh a sainaithníodh sa tuairim ón Údarás maidir le héifeachtúlacht na hullmhóide le haghaidh béaróg agus le haghaidh bainbh scoite.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta chun údarú den sórt sin a dheonú. Le hAirteagal 10(2) den Rialachán sin déantar foráil maidir le hathmheastóireacht ar bhreiseáin a údaraítear de bhun Threoir 70/524/CEE ón gComhairle (2).

(2)

Le Rialachán (CE) Uimh. 1200/2005 ón gCoimisiún (3) údaraíodh ullmhóid Saccharomyces cerevisiae CNCM I-1077 gan teorainn ama i gcomhréir le Treoir 70/524/CEE mar bhreiseán beathaithe le haghaidh ba déiríochta agus eallach lena ramhrú. Cuireadh an ullmhóid sin i gClár na mbreiseán beathaithe ina dhiaidh sin mar tháirge a bhí ann cheana, i gcomhréir le hAirteagal 10(1), pointe (b), de Rialachán (CE) Uimh. 1831/2003.

(3)

I gcomhréir le hAirteagal 10(2) de Rialachán (CE) Uimh. 1831/2003, i gcomhar le hAirteagal 7 de, cuireadh isteach iarratas maidir leis an ullmhóid Saccharomyces cerevisiae CNCM I-1077 a údarú mar bhreiseán beathaithe le haghaidh ba déiríochta agus eallach lena ramhrú. I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas eile maidir le húsáid nua na hullmhóide sin a údarú mar bhreiseán beathaithe le haghaidh mionspeicis athchogantacha agus ainmhithe de chineál camaill. Sna hiarratais sin iarradh go n-aicmeofaí an breiseán sin sa chatagóir breiseán ‘breiseáin zóiteicniúla’ agus sna feidhmghrúpaí ‘feabhsaitheoirí díleáiteachta’ agus ‘cobhsaitheoirí fhlóra na stéige’ agus bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leo.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sna tuairimí uaidh an 4 Iúil 2017 (4) agus an 29 Meitheamh 2022 (5) go bhfuil ullmhóid Saccharomyces cerevisiae CNCM I-1077 sábháilte do na sprioc-ainmhithe, do na tomhaltóirí agus don chomhshaol, faoi na coinníollacha úsáide atá beartaithe. Tháinig sé ar an gconclúid freisin nach greannaitheoir craicinn ná íogróir craicinn í an ullmhóid ach gur greannaitheoir súl í, agus nach dócha go dtarlóidh teagmháil ionanálaithe. Tháinig an tÚdarás ar an gconclúid go bhféadfadh an ullmhóid feabhas a chur ar fheidhmíocht eallaigh lena ramhrú nuair a thugtar íosdáileog 6 x 108 CFU/kg d’ábhar beatha iomlán, agus é á thabhairt dá aire an tráth céanna gur léirigh dhá staidéar in vivo go raibh tionchar dearfach ar fhás eallaigh dár tugadh íosdáileog an bhreiseán 5 x 108 CFU/kg d’ábhar beatha iomlán. Leathnaigh sé an chonclúid sin chun mionspeicis athchogantacha agus ainmhithe de chineál camaill a tógadh le haghaidh táirgeadh feola a chuimsiú. Ar bhonn na sonraí a chuir an t-iarratasóir ar fáil ní fhéadfadh an tÚdarás teacht ar chonclúid maidir le héifeachtúlacht an bhreiseáin sin le haghaidh ba déiríochta, ach thug sé dá aire go raibh tionchar dearfach ag an ullmhóid ar fheidhmíocht na mbó déiríochta in 3 staidéar a rinneadh. D’fhíoraigh an tÚdarás freisin an tuarascáil ar na modhanna a úsáidtear chun anailís a dhéanamh ar an mbreiseán beathaithe agus é i mbeatha, tuarascáil arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

An 24 Feabhra 2023 tharraing an t-iarratasóir siar an t-iarratas a bhain le húdarú na hullmhóide faoin bhfeidhmghrúpa ‘feabhsaitheoirí díleáiteachta’ agus lena húsáid le haghaidh mionspeicis athchogantacha déiríochta agus ainmhithe déiríochta de chineál camaill.

(6)

I bhfianaise na sonraí foriomlána a soláthraíodh, an cumas atá léirithe cheana féin ag an mbreiseán feabhas a chur ar na paraiméadair feidhmíochta in athchogantaigh dhéiríochta eile, mar atá gabhair dhéiríochta agus caoirigh dhéiríochta, agus stair sheanbhunaithe mhargaíocht agus úsáid na hullmhóide sin, measann an Coimisiún go gcomhlíontar na coinníollacha lena léireofaí a éifeachtúla atá an ullmhóid i gcás eallach lena ramhrú, mionspeicis athchogantacha agus ainmhithe de chineál camaill a thógtar le haghaidh táirgeadh feola dá dtugtar an breiseán ag íosdáileog 5 x 108 CFU/kg d’ábhar beatha iomlán, agus i gcás ba déiríochta dá dtugtar an breiseán ag íosdáileog 4 x 108 CFU/kg d’ábhar beatha iomlán.

(7)

Léirítear leis an measúnú ar na breiseáin go gcomhlíontar na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid na hullmhóide sin a údarú. Measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí an bhreiseáin.

(8)

Ós rud é nach gá, ar chúiseanna sábháilteachta, modhnuithe ar na coinníollacha maidir le húdarú na hullmhóide lena mbaineann a chur i bhfeidhm láithreach i ndáil le ba déiríochta agus eallach lena ramhrú, is iomchuí foráil a dhéanamh maidir le hidirthréimhse do na páirtithe leasmhara chun iad féin a ullmhú chun na ceanglais nua a eascraíonn as an údarú a chomhlíonadh.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Le Rialacháin Cur Chun Feidhme (AE) 2018/982 (2) agus (AE) 2021/2097 (3) ón gCoimisiún údaraíodh ullmhóid d’aigéad beansóch, formáit chailciam agus aigéad fúmarach mar bhreiseán beathaithe le haghaidh sicíní lena ramhrú, shicíní a thógtar le bheith ina mbéaróga, le haghaidh turcaithe lena ramhrú agus turcaithe a thógtar le haghaidh pórúcháin ar feadh tréimhse 10 mbliana.

(2)

Foráiltear leis na hIarscríbhinní a ghabhann le Rialacháin Cur Chun Feidhme (AE) 2018/982 agus (AE) 2021/2097, ina gcolún faoi seach, ‘forálacha eile’, nach bhfuil sé ceadaithe an breiseán a úsáid le foinsí eile d’aigéad beansóch nó le beansóáití, formáit chailciam, formáití agus aigéad fúmarach. Déantar amhlaidh ionas nach sárófar an dáileog uasta trí bhreiseáin eile a úsáid ina bhfuil na substaintí sin nó ina bhfuil foinsí díobh.

(3)

Tá údar maith leis an srian sin maidir le haigéad beansóch agus beansóáití toisc go bhfuil ardleibhéal d’aigéad beansóch ina chomhdhéanamh sa bhreiseán, ach níl údar leis maidir leis na substaintí eile, formáit chailciam, formáití agus aigéad fúmarach, toisc go bhfuil leibhéil an-íseal formáite cailciam agus aigéid fhúmaraigh sa bhreiseán. Chun comhréireacht a áirithiú, níor cheart feidhm a bheith ag an toirmeasc ar chomhcheangal le breiseáin eile ach amháin maidir le breiseáin eile ina bhfuil aigéad beansóch agus beinsóáití. Ba cheart go mbeadh cead an breiseán sin a chomhcheangal le breiseáin eile ina bhfuil aigéad formach, foirmáití, aigéad fumarach agus fúmaráití ar choinníoll, in ábhair bheatha iomlána, nach sáraíonn na leibhéil 10 000 mg/kg d’aigéad formach agus 20 000 mg/kg d’aigéad fúmarach le haghaidh sicíní lena ramhrú, sicínía a thógtar le bheith ina mbéaróga, turcaithe lena ramhrú agus turcaithe a thógtar le haghaidh pórúcháin. Nuair a bhíonn salainn as aigéid fhormacha agus fhúmaracha sa bhreiseán, níor cheart na leibhéil sin a shárú ach an oiread.

(4)

Foinsí d’aigéad formach agus fumaráití (salainn d’aigéad fumarach) is ea formáití (salainn d’aigéad formach). Is gá na húdaruithe atá ann cheana a chomhchuibhiú lena áirithiú nach sárófar uasleibhéil na n-aigéad sin agus uasleibhéil foinsí uile a d’fhéadfadh a bheith sna haigéid sin (salainn na n-aigéad sin). I Rialachán Cur Chun Feidhme (AE) 2018/982, tagraíonn an srian sa cholún ‘forálacha eile’ d’úsáid na hullmhóide le breiseáin eile ina bhfuil foinsí formáite cailciam, formáite agus aigéid fhúmaraigh. Ós rud é go gcuimsítear an fhormáit chailciam sa téarma formáit cheana (salann aigéid fhormaigh) agus go bhféadfadh go mbeadh formáití eile ann a d’fhéadfadh a bheith ina bhfoinse aigéid fhormaigh, ba cheart go mbeadh feidhm ag an srian nua maidir le foirmáití i gcoitinne. Ina theannta sin, ba cheart feidhm a bheith ag an srian maidir le haigéad fúmarach agus maidir le fumaráití toisc go bhféadfadh fumaráití a bheith ina bhfoinse aigéid fhúmaraigh freisin. I Rialachán Cur Chun Feidhme (AE) 2021/2097 sa cholún ‘forálacha eile’ tagraíonn an srian d’úsáid na hullmhóide le breiseáin eile ina bhfuil foinsí formáite cailciam nó aigéid fhormaigh agus aigéid fhúmaraigh. Le bheith soiléir, is gá an srian nua atá beartaithe a leathnú chuig formáití agus fúmaráití agus deireadh a chur leis an tagairt d’fhormáit chailciam toisc go bhfuil an tsubstaint sin cumhdaithe cheana sa tagairt d’fhormáití.

(5)

Dá bhrí sin, ba cheart Rialacháin Cur Chun Feidhme (AE) 2018/982 agus (AE) 2021/2097 a leasú dá réir sin.

(6)

Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha,

(1)

Foráiltear le Rialachán (CE) Uimh. 1831/2003 i leith údarú breiseán lena n-úsáid i gcothú ainmhithe agus an foras agus na nósanna imeachta chun an t-údarú sin a dheonú nó a dhiúltú. Le hAirteagal 10(2) den Rialachán sin déantar foráil maidir le rialaithe maidir le hathmheastóireacht ar bhreiseáin a údaraítear de bhun Threoir 70/524/CEE ón gComhairle (2).

(2)

Údaraíodh le Rialachán (CE) Uimh. 1455/2004 ón gCoimisiún (3) ullmhóidí sóidiam lasalaicid A (Avatec 15 % cc) agus sóidiam lasalaicid A (Avatec 150 G) ar feadh 10 mbliana mar bhreiseáin bheathaithe a bhaineann leis an ngrúpa ‘coicideastait agus substaintí íocshláinte eile’ lena n-úsáid le haghaidh sicíní lena ramhrú agus le haghaidh sicíní a a thógtar le bheith ina mbéaróga. Rinneadh na breiseáin sin a iontráil ina dhiaidh sin i gClár na mbreiseán beathaithe mar tháirgí a bhí ann cheana, i gcomhréir le hAirteagal 10(1) de Rialachán (CE) Uimh. 1831/2003.

(3)

I gcomhréir le hAirteagal 10(2) de Rialachán (CE) Uimh. 1831/2003 i gcomhar le hAirteagal 7 de, rinneadh iarratas a thíolacadh chun ullmhóid sóidiam lasalaicid A (Avatec 150 G) a údarú mar bhreiseán beathaithe le haghaidh sicíní lena ramhrú agus sicíní a a thógtar le bheith ina mbéaróga, agus iarradh go n-aicmeofaí an breiseán i gcatagóir an bhreiseáin ‘coicideastait agus histeamonastait’. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin. Níor cuireadh aon iarratas den sórt sin isteach maidir le húdarú ullmhóide sóidiam lasalaicid A (Avatec 15 % cc).

(4)

Luaigh an tÚdarás Eorpach um Shábháilteacht Bia (‘an tÚdarás’) ina thuairimí an 16 Bealtaine 2017 (4) agus an 1 Iúil 2020 (5) nach bhféadfadh sé teacht ar chonclúid maidir le sábháilteacht agus éifeachtúlacht na hullmhóide sóidiam lasalaicid A (Avatec 150 G) le haghaidh sicíní lena ramhrú agus le haghaidh sicíní a a thógtar le bheith ina mbéaróga, lena léirítear nach bhféadfaí aon leibhéal sábháilte den tsubstaint ghníomhach sóidiam lasalaicid A shainaithint le haghaidh na spriocspeiceas sin nuair a chuirtear le beatha í. Chinn an tÚdarás nár léiríodh go leor d’éifeachtúlacht coicideastait na hullmhóide ar an leibhéal dáileoige is ísle a moladh, is é sin 75 mg sóidiam lasalaicid A in aghaidh an kg de bheatha iomlán. Dá bhrí sin, níor suíodh é nach bhfuil éifeacht dhíobhálach ag an ullmhóid sóidiam lasalaicid A (Avatec 150 G) ar shláinte ainmhithe agus go bhfuil éifeacht choicideastatach aige ar na spriocspeicis, nuair a úsáidtear é faoi na coinníollacha atá beartaithe. Dá bhrí sin, cuireadh an t-údarú atá ann cheana maidir le hullmhóid sóidiam lasalaicid A (Avatec 150 G) ar fionraí le Rialachán Cur Chun Feidhme (AE) 2021/932 ón gCoimisiún (6).

(5)

Cuireadh údarú na hullmhóide sóidiam lasalaicid A (Avatec 150 G) ar fionraí go dtí go gcuirfí isteach na sonraí forlíontacha atá le táirgeadh ag an iarratasóir de réir sceideal ama lena liostaítear na staidéir is gá a dhéanamh, arb éard atá iontu staidéir fulaingthe agus staidéir éifeachtúlachta ‘talamh an chró’ le haghaidh sicíní lena ramhrú agus sicíní a thógtar le bheith ina mbéaróga, agus go dtí go ndéanfaí measúnú ar na sonraí sin.

(6)

I gcomhréir le Rialachán Cur Chun Feidhme (AE) 2021/932, déanfar athbhreithniú ar an mbeart fionraí faoin 31 Nollaig 2023, agus in aon chás, i ndiaidh don Údarás tuairim neamhfhabhrach a ghlacadh maidir le sábháilteacht agus éifeachtúlacht ullmhóide sóidiam lasalaicid A (Avatec 150 G) lena húsáid le haghaidh sicíní lena ramhrú agus sicíní a thógtar le bheith ina mbéaróga.

(7)

Ó glacadh tuairim an Údaráis an 1 Iúil 2020, chuir an t-iarratasóir sonraí forlíontacha faoi bhráid an Choimisiúin an 29 Meitheamh 2022, agus cuireadh na sonraí sin ar aghaidh chuig an Údarás.

(8)

An 23 Samhain 2022, ghlac an tÚdarás tuairim i ndiaidh measúnú (7) a dhéanamh ar na sonraí forlíontacha a chuir an t-iarratasóir isteach agus chinn sé go bhfuil ullmhóid sóidiam lasalaicid A (Avatec 150 G) sábháilte agus éifeachtúil le haghaidh sicíní lena ramhrú ar an leibhéal dáileoige uasta agus íosta de 90 mg sóidiam lasalaicid A in aghaidh an kg de bheatha iomlán. Mheas sé freisin, áfach, nach féidir eachtarshuíomh a dhéanamh ar thorthaí na staidéar ar fhulaingt, iad uile maidir le sicíní lena ramhrú, chuig na sicíní a thógtar le bheith ina mbéaróga, ag cur san áireamh, cé gur cosúil gurb é feidhmíocht zóiteicniúil an críochphointe is íogaire chun meastóireacht a dhéanamh ar an an bhfulaingt i leith sóidiam lasalaicid A, breathnaíodh éifeachtaí diúltacha ar fheidhmíocht ainmhithe ag a bhfuil ráta fáis íseal agus tugadh faoi deara éifeacht dhiúltach fhéideartha ar an tréimhse phórúcháin le sóidiam lasalaicid A nuair a thugtar do sicíní a thógtar le haghaidh pórúcháin mar bhia é. Dá bhrí sin, ní fhéadfadh an tÚdarás cinneadh a dhéanamh fós maidir le sábháilteacht an bhreiseáin sin do shicíní a thógtar le bheith ina mbéaróga.

(9)

Ina thuairim an 16 Bealtaine 2017, chinn an tÚdarás freisin go bhfuil ullmhóid sóidiam lasalaicid A (Avatec 150 G) sábháilte don úsáideoir, don chomhshaol agus don tomhaltóir ar choinníoll go gcuirfear tréimhse tarraingthe siar trí lá i bhfeidhm chun na huasteorainneacha iarmhar (‘MRL’) a chomhlíonadh. Go sonrach, shonraigh an tÚdarás nárbh éigean athbhreithniú a dhéanamh ar a chonclúidí roimhe sin, nach dócha go mbeadh aon riosca ann don úsáideoir a bheidh ag láimhseáil an bhreiseáin, a leagtar síos ina thuairim an 7 Aibreán 2010 (8). Shonraigh an tÚdarás freisin gur cheart riar comhthráthach sóidiam lasalaicid A le tiamúilin agus substaintí íocshláinte áirithe eile a sheachaint, agus mhol sé go ndéanfaí faireachán iarmhargaidh ar fhrithsheasmhacht Eimeria spp. in aghaidh sóidiam lasalaicid.

(10)

Ina theannta sin, d’fhíoraigh an tÚdarás an tuarascáil maidir leis an modh chun anailís a dhéanamh ar an mbreiseán beathaithe arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003, lena n-áirítear an t-aguisín a soláthraíodh an 23 Eanáir 2023, inar moladh modh nua ilanailíte a chur leis bunaithe ar chrómatagrafaíocht leachtach mar aon le mais-speictriméadracht (LC-MS/MS) chun sóidiam lasalocid A i mbeatha cumaisc a dhearbhú.

(11)

Léirítear leis an measúnú ar an ullmhóid lasalocid A sóidiam (Avatec 150 G) go gcomhlíontar na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003 maidir le húsáid sicíní lena ramhrú. Dá réir sin, ba cheart úsáid an bhreiseáin sin a údarú don úsáid sin. Is iomchuí foráil a dhéanamh d’fhaireachán iarmhargaidh ar fhrithsheasmhacht Eimeria spp in aghaidh sóidiam lasalocid A. Ba cheart go mbeadh feidhm ag an MRL le haghaidh lasalocid A sóidiam arna bhunú le Rialachán (AE) Uimh. 37/2010 (9) ón gCoimisiún maidir le hiarmhair na substainte sin nó a meitibilítí a thionscnaíonn as a húsáid mar bhreiseán beatha, sna hearraí bia ábhartha de bhunadh ainmhíoch.

(12)

I dtuairimí an Údaráis an 16 Bealtaine 2017, an 1 Iúil 2020 agus an 23 Samhain 2022, áfach, léirítear nár suíodh nach bhfuil éifeacht dhíobhálach ag ullmhóid sóidiam lasalaicid A (Avatec 150 G) ar shláinte ainmhithe, nuair a úsáidtear é do shicíní a thógtar le bheith ina mbéaróg. Dá bhrí sin, léirítear leis an measúnú ar an mbreiseán sin nach gcomhlíontar na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003, maidir le húsáid sicíní a thógtar le bheith ina mbéaróga agus dá réir sin, ba cheart údarú ullmhóide lasalocid A sóidiam (Avatec 150 G) mar bhreiseán beathaithe a bhaineann leis an gcatagóir ‘coicideastait agus histeamastait’ a dhiúltú le haghaidh sicíní a thógtar le bheith ina mbéaróga.

(13)

Le hAirteagal 10(5) de Rialachán (CE) Uimh. 1831/2003, forchuirtear oibleagáid ar an gCoimisiún Rialachán a ghlacadh lena dtarraingítear siar ón margadh breiseáin bheathaithe nár cuireadh iarratais isteach ina leith mar a cheanglaítear le hAirteagal hAirteagal 10(2) den Rialachán sin roimh an spriocdháta dá bhforáiltear san fhoráil sin. Dá bhrí sin, ba cheart an ullmhóid sóidiam lasalocid A (Avatec 15 % cc) a tharraingt siar ón margadh. Ós rud é nach ndéantar idirdhealú in Airteagal 10(5) de Rialachán (CE) Uimh. 1831/2003 idir údaruithe a eisíodh le teorainn ama agus údaraithe a eisíodh gan teorainn ama, ar mhaithe le soiléireacht is iomchuí foráil a dhéanamh maidir le breiseáin bheathaithe a tharraingt siar ón margadh, breiseáin bheathaithe a bhfuil na tréimhsí údaraithe teoranta a bhaineann leo imithe in éag cheana, is é sin tréimhsí údaraithe de bhun Threoir 70/524/CEE.

(14)

Mar thoradh ar an athbhreithniú thuas agus ar údarú na hullmhóide sóidiam lasalaicid A (Avatec 150 G) le haghaidh sicíní lena ramhrú, ar dhiúltú don údarú le haghaidh sicíní a thógtar le bheith ina mbéaróga, agus ar an ullmhóid sóidiam lasalaicid A (Avatec 15 % cc) a tharraingt siar ón margadh, ba cheart Rialachán (CE) Uimh. 1455/2004 agus Rialachán Cur Chun Feidhme (AE) 2021/932 a aisghairm.

(15)

Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha,

(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta chun údarú den sórt sin a dheonú. Go háirithe, le hAirteagal 10(2) den Rialachán sin déantar foráil maidir le rialaithe maidir le athmheastóireacht ar bhreiseáin a údaraítear de bhun Threoir 70/524/CEE ón gComhairle (2).

(2)

Le hAirteagal 10(5) de Rialachán (CE) Uimh. 1831/2003, forchuirtear oibleagáid ar an gCoimisiún Rialachán a ghlacadh lena dtarraingítear siar ón margadh breiseáin bheathaithe nár cuireadh iarratais isteach ina leith mar a cheanglaítear le hAirteagal 10, le mír 2 agus le mír 7 de Rialachán (CE) Uimh. 1831/2003 roimh an spriocdháta dá bhforáiltear sna forálacha sin, nó ar cuireadh iarratas isteach ina leith ach a tarraingíodh siar ina dhiaidh sin.

(3)

Dá bhrí sin, ba cheart na breiseáin bheathaithe mar a liostaítear san Iarscríbhinn a tharraingt siar ón margadh.

(4)

Maidir le breiseáin bheathaithe ar cuireadh iarratais isteach ina leith le haghaidh speicis áirithe ainmhithe nó catagóirí áirithe ainmhithe agus le haghaidh na speiceas nó na gcatagóirí sin amháin, nó maidir le breiseáin bheathaithe ar tarraingíodh siar iarratais ina leith le haghaidh speicis áirithe ainmhithe nó catagóirí áirithe ainmhithe agus le haghaidh na speiceas nó na gcatagóirí sin amháin, níor cheart go mbainfeadh an tarraingt siar ón margadh ach leis na speicis ainmhithe agus na catagóirí ainmhithe nár cuireadh iarratas isteach ina leith nó ar tarraingíodh an t-iarratas siar ina leith.

(5)

Mar thoradh ar tharraingt siar na mbreiseán beathaithe liostaithe ón margadh, is iomchuí na forálacha lena n-údaraítear iad a aisghairm. Dá bhrí sin, ba cheart Rialachán (CE) Uimh. 1810/2005 ón gCoimisiún (3) a leasú dá réir sin agus ba cheart Rialacháin (CE) Uimh. 1453/2004 (4), (CE) Uimh. 2148/2004 (5) agus Uimh. 943/2005 ón gCoimisiún (6) a aisghairm.

(6)

Is iomchuí idirthréimhse a thabhairt inar féidir stoic atá ann cheana de na breiseáin, réamh-mheascáin, ábhair bheatha agus beatha cumaisc lena mbaineann a táirgeadh leis na breiseáin sin a ídiú, chun gur féidir le páirtithe leasmhara oiriúnú do tharraingt siar na dtáirgí sin ón margadh.

(7)

Maidir le tarraingt siar na dtáirgí ón margadh a liostaítear sa Iarscríbhinn, ní chiallaíonn sin nach gcuirfear cosc ar a n-údarú ná nach mbeidh siad faoi réir beart maidir lena stádas i gcomhréir le Rialachán (CE) Uimh. 1831/2003.

(8)

Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha,

(1)

Scriostar Airteagal 3;

(2)

Scriostar Iarscríbhinn III.

(1)

Le Rialachán Cur Chun Feidhme (AE) 2018/2019 ón gCoimisiún (2) bunaítear, ar bhonn réamh-mheasúnú riosca, liosta plandaí, táirgí plandaí agus réad eile a mbaineann ardriosca leo.

(2)

Tar éis réamh-mheasúnú a dhéanamh, liostaíodh 34 ghéineas agus speiceas amháin de phlandaí le haghaidh plandú de thionscnamh tríú tíortha go sealadach i Rialachán Cur Chun Feidhme (AE) 2018/2019 mar phlandaí a mbaineann ardriosca leo. Áirítear an géineas Crataegus L. ar an liosta sin.

(3)

An 3 Bealtaine 2022, chuir an Ríocht Aontaithe (3) iarraidh faoi bhráid an Choimisiúin maidir le plandaí Crataegus monogynale haghaidh plandú atá suanach, fréamhlom agus saor ó dhuilleoga agus atá suas le 7 mbliana d’aois agus a bhfuil trastomhas uasta 6,5 cm acu ag bun an ghais, agus plandaí Crataegus monogyna le haghaidh plandú agus iad i ndamhna fáis atá suas le 15 bliana d’aois agus a bhfuil trastomhas 13 cm ar a mhéad acu ag bun an ghais (‘na plandaí ábhartha’) a onnmhairiú isteach an Aontas. Cuireadh an sainchomhad teicniúil ábhartha isteach leis an iarraidh sin.

(4)

An 30 Márta 2023, ghlac an tÚdarás Eorpach um Shábháilteacht Bia (‘an tÚdarás’) tuairim eolaíoch maidir leis an measúnú riosca ar na plandaí ábhartha de thionscnamh na Ríochta Aontaithe (4). Shainaithin sé Erwinia amylovora mar an lotnaid a bhaineann leis na plandaí sin.

(5)

A mhéid a bhaineann le Erwinia amylovora, rinne an tÚdarás meastóireacht féachaint an gcomhlíontar na ceanglais speisialta maidir le plandaí Crataegus L., seachas torthaí agus síolta, a thabhairt isteach sna criosanna cosanta sonraithe agus maidir lena ngluaiseacht laistigh de na criosanna sin, criosanna a liostaítear i bpointe 9 d’Iarscríbhinn X a ghabhann le Rialachán Cur Chun Feidhme (AE) 2019/2072 ón gCoimisiún (5).

(6)

Ar bhonn na tuairime sin, meastar an riosca fíteashláintíochta a eascraíonn as tabhairt isteach na bplandaí ábhartha ón Ríocht Aontaithe i gcríoch an Aontais a bheith laghdaithe go leibhéal inghlactha.

(7)

Maidir leis na plandaí ábhartha atá suas le 7 mbliana d’aois agus fréamhlom, mar a áirítear sa sainchomhad a chuir an Ríocht Aontaithe isteach, tá riosca fíteashláintíochta níos ísle ag baint leo de bharr a saintréithe. Dá bhrí sin, níor cheart a mheas a thuilleadh gur plandaí a mbaineann ardriosca leo iad na plandaí ábhartha uile atá suas le 15 bliana d’aois agus a bhfuil trastomhas uasta 13 cm acu ag bun an ghais, ar plandaí de thionscnamh na Ríochta Aontaithe iad.

(8)

Dá bhrí sin, na plandaí ábhartha uile atá suas le 15 bliana d’aois agus a bhfuil trastomhas uasta 13 cm acu ag bun an ghais, ar plandaí de thionscnamh na Ríochta Aontaithe iad, ba cheart iad a bhaint den liosta plandaí, táirgí plandaí agus réad eile a mbaineann ardriosca leo san Iarscríbhinn a ghabhann le Rialachán Cur Chun Feidhme (AE) 2018/2019.

(9)

Dá bhrí sin, ba cheart Rialachán Cur Chun Feidhme (AE) 2018/2019 a leasú dá réir.

(10)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

Is galar víreasach tógálach é an fliú éanúil ardphataigineach (HPAI) in éin agus d’fhéadfadh tionchar tromchúiseach a bheith aige ar bhrabúsacht na feirmeoireachta éanlaithe clóis, rud a chuirfeadh isteach ar thrádáil laistigh den Aontas agus ar onnmhairí chuig tríú tíortha. Is féidir le víris HPAI éin imirceacha a ionfhabhtú, rud a fhágann gur féidir leo na víris sin a leathadh thar achair fhada le linn a n-imircí san fhómhar agus san earrach. Dá bhrí sin, is bagairt leanúnach é víris HPAI a bheith in éin fhiáine maidir le tabhairt isteach na víreas sin go díreach agus go hindíreach i mbunaíochtaí ina gcoimeádtar éanlaith chlóis nó éin i mbraighdeanas. I gcás ráig HPAI, tá baol ann go bhféadfaidh an t-oibreán galair leathadh go bunaíochtaí eile ina gcoimeádtar éanlaith chlóis nó éin i mbraighdeanas.

(2)

Le Rialachán (AE) 2016/429 bunaítear creat reachtach nua chun galair a chosc agus a rialú, ar galair iad atá in-tarchurtha chuig ainmhithe nó chuig daoine. Tagann HPAI faoin sainmhíniú ar ghalar liostaithe sa Rialachán sin, agus tá sé faoi réir na rialacha coisctheacha agus rialaithe galar a leagtar síos ann. Ina theannta sin, le Rialachán Tarmligthe (AE) 2020/687 ón gCoimisiún (2) déantar forlíonadh ar Rialachán (AE) 2016/429 a mhéid a bhaineann leis na rialacha maidir le galair liostaithe áirithe a chosc agus a rialú, lena n-áirítear bearta rialaithe galar le haghaidh HPAI.

(3)

Glacadh Cinneadh Cur Chun Feidhme (AE) 2021/641 ón gCoimisiún (3) faoi chuimsiú Rialachán (AE) 2016/429 agus leagtar síos leis bearta éigeandála ar leibhéal an Aontais i ndáil le ráigeanna HPAI.

(4)

Go háirithe, le Cinneadh Cur Chun Feidhme (AE) 2021/641 déantar foráil maidir leis na criosanna cosanta agus faireachais agus na criosanna srianta breise arna mbunú ag na Ballstáit tar éis ráigeanna HPAI, i gcomhréir le Rialachán Tarmligthe (AE) 2020/687, go gcuimseoidh siad ar a laghad na limistéir a liostaítear mar chriosanna cosanta agus faireachais agus criosanna srianta breise san Iarscríbhinn a ghabhann leis an gCinneadh Cur Chun Feidhme sin.

(5)

Leasaíodh an Iarscríbhinn a ghabhann le Cinneadh Cur Chun Feidhme (AE) 2021/641 le déanaí le Cinneadh Cur Chun Feidhme (AE) 2023/1083 ón gCoimisiún (4) tar éis ráigeanna HPAI in éanlaith chlóis nó in éin i mbraighdeanas sa Ghearmáin, sa Fhrainc, agus sa Pholainn, ar ráigeanna iad is gá a léiriú san Iarscríbhinn sin.

(6)

Ó bhí dáta glactha Cinneadh Cur Chun Feidhme (AE) 2023/1083 ann, thug an Fhrainc fógra don Choimisiún faoi ráigeanna nua HPAI i mbunaíochtaí inar coimeádadh éanlaith chlóis nó éin i mbraighdeanas, ar bunaíochtaí iad atá lonnaithe i réigiúin riaracháin Nouvelle-Aquitaine agus Occitanie.

(7)

Rinne údarás inniúil na Fraince na bearta rialaithe galar is gá i gcomhréir le Rialachán Tarmligthe (AE) 2020/687, lena n-áirítear bunú criosanna cosanta agus faireachais timpeall ar na ráigeanna sin.

(8)

Ina theannta sin, chinn údarás inniúil na Fraince criosanna srianta breise a bhunú sa bhreis ar na criosanna cosanta agus faireachais a bunaíodh le haghaidh ráigeanna áirithe atá lonnaithe sa Bhallstát sin.

(9)

Tá scrúdú déanta ag an gCoimisiún ar na bearta rialaithe galar a rinne an Fhrainc i gcomhar leis an mBallstát sin agus tá sé sásta go bhfuil teorainneacha na gcriosanna cosanta agus faireachais sa Fhrainc arna mbunú ag údarás inniúil an Bhallstáit sin, go bhfuil siad fada go leor ó na bunaíochtaí inar deimhníodh na ráigeanna HPAI.

(10)

Chun aon chur isteach nach bhfuil gá leis ar thrádáil laistigh den Aontas a chosc agus chun nach bhforchuirfidh tríú tíortha bacainní gan údar ar thrádáil, is gá tuairisc a thabhairt go mear ar leibhéal an Aontais, i gcomhar leis an bhFrainc, ar na criosanna cosanta agus faireachais agus ar na criosanna srianta breise arna mbunú go cuí ag an mBallstát sin i gcomhréir le Rialachán Tarmligthe (AE) 2020/687.

(11)

Dá bhrí sin, na limistéir a liostaítear mar chriosanna cosanta agus faireachais agus mar chriosanna srianta breise le haghaidh na Fraince san Iarscríbhinn a ghabhann le Cinneadh Cur Chun Feidhme (AE) 2021/641, ba cheart iad a leasú.

(12)

Dá réir sin, ba cheart an Iarscríbhinn a ghabhann le Cinneadh Cur Chun Feidhme (AE) 2021/641 a leasú chun an réigiúnú a thabhairt cothrom le dáta ar leibhéal an Aontais chun aird a thabhairt ar na criosanna cosanta agus faireachais agus ar na criosanna srianta breise arna mbunú go cuí ag an bhFrainc i gcomhréir le Rialachán Tarmligthe (AE) 2020/687, agus fad na mbeart is infheidhme ann.

(13)

Dá bhrí sin, ba cheart Cinneadh Cur Chun Feidhme (AE) 2021/641 a leasú dá réir.

(14)

I bhfianaise phráinn na staide eipidéimeolaíche san Aontas a mhéid a bhaineann le leathadh HPAI, tá sé tábhachtach go dtiocfaidh na leasuithe atá le déanamh ar Chinneadh Cur Chun Feidhme (AE) 2021/641 leis an gCinneadh seo i bhfeidhm a luaithe is féidir.

(15)

Tá na bearta dá bhforáiltear sa Chinneadh seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,