Chuir Cúirt Dúiche Réicivíce (Héraðsdómur Reykjavíkur) iarraidh isteach chuig Cúirt CSTE dar dáta 22 Nollaig 2025, iarraidh a fuarthas i gClárlann na Cúirte an 23 Nollaig 2025, ar Thuairim Chomhairleach i gcás Údarás Ioncaim agus Custaim na hÍoslainne (Skatturinn) v ADVEL Attorneys (ADVEL lögmenn ehf.), maidir leis an gceist seo a leanas:

An bhfuil sé comhoiriúnach do Chomhaontú LEE, go háirithe le hAirteagal 36 de maidir leis an tsaoirse chun seirbhísí a sholáthar, dualgas dlíodóirí rúndacht a choinneáil ar bun faoi Airteagal 22 den Acht um Dhlíodóirí Gairmiúla Uimh. 77/1998 a chur ar ceal, bunaithe ar iarraidh ó na húdaráis chánach taifead a cheanglaítear ar dhlíodóirí a choinneáil de bhun Airteagal 94(4) d’Acht um Cháin Ioncaim Uimh. 90/2003 a thabhairt ar láimh, i gcás nach mbeidh aon nasc idir an iarraidh sin agus imscrúdú sonrach atá dírithe ar chliant nó cliaint ar leith dlíodóra?