IARSCRÍBHINN

1.   RIARACHÁN POIBLÍ EORPACH

1.   Dualgais

Is é ról ginearálta na riarthóirí i réimse an Riaracháin Phoiblí Eorpaigh tacaíocht a thabhairt do na cinnteoirí agus misean a n-institiúide nó a gcomhlachta á chur chun feidhme.

Is iad seo a leanas na príomhdhualgais a bhíonn i gceist (d'fhéadfaidís a bheith éagsúil ó institiúid go chéile):

—	cláir agus pleananna gníomhaíochta a cheapadh, a chur chun feidhme, a rialú agus obair iardain a dhéanamh orthu;

—	acmhainní amhail foireann cúrsaí airgeadais agus trealamh a bhainisitiú;

—	tacú leis na cinnteoirí trí chuidiú scríofa nó cuidiú ó bhéal a thabhairt dóibh;

—	nótaí faisnéise a dhréachtadh i gcomhair anailíse beartais;

—	cumarsáid sheachtrach mar aon le tuairisciú inmheánach agus cumarsáid inmheánach;

—	comhordú agus comhairliúchán idirshéirbhíse agus idirinstitiúideach, mar aon le caidreamh le geallsealbhóirí seachtracha.

2.   Cáilíochtaí

Grád AD 5

Leibhéal oideachais a fhreagraíonn do chúrsa iomlán staidéir ollscoile trí bliana ar a laghad agus céim bainte amach ag a dheireadh.

Féadann mic léinn atá sa bhliain dheireanach de chúrsa ollscoile cur isteach ar an gcomórtas ar choinníoll go mbeidh an chéim bainte amach acu faoin 31 Iúil 2011 ar a dhéanaí.

Grád AD 7

Leibhéal oideachais a fhreagraíonn do chúrsa iomlán ollscoile ceithre bliana nó níos mo agus céim bainte amach ag a dheireadh.

Nó

Leibhéal oideachais a fhreagraíonn do chúrsa iomlán ollscoile trí bliana ar a laghad agus céim bainte amach ag a dheireadh, agus taithí oibre aon bhliain amháin ar a laghad a bhaineann le dualgais an phoist agus a fuarthas ina dhiaidh sin.

NB: Cuid dhílis den chéim is ea an t-íosmhéid bliana amháin taithí oibre, agus ní féidir í a áireamh sa taithí oibre a éilítear thíos.

3.   Taithí oibre

Grád AD 5

Níl aon taithí oibre ag teastáil.

Grád AD 7

Taithí oibre ollscoile a mhair sé bliana ar a laghad agus a bhaineann le dualgais an phoist.

Níl an taithí oibre sin ábhartha más rud é go bhfuarthas í sular baineadh amach an chéim a lig don iarrthóir isteach sa chomórtas.

2.   DLÍ

1.   Dualgais

Is é ról ginearálta na riarthóirí i réimse an dlí tacaíocht a thabhairt do na cinnteoirí agus misean a n-institiúide nó a gcomhlachta á chur chun feidhme, comhairle dlíodóra agus comhairliúchán a thabhairt don lucht bainistíochta agus/nó d'aonaid oibriúcháin laistigh de na ranna atá acu chun a áirithiú go gcomhlíontar dlí an AE agus an dlí náisiúnta.

Is iad seo a leanas na príomhdhualgais a bhíonn i gceist (d'fhéadfaidís a bheith éagsúil ó institiúid go chéile):

—	tacú leis na cinnteoirí trí chuidiú scríofa nó cuidiú ó bhéal a thabhairt dóibh;

—	anailís, taighde, comhairle agus cúnamh dlíthiúil chomh maith le maoirseacht ar shaincheisteanna dlí;

—	doiciméid dhlíthiúla a dhréachtadh;

—	tuairisciú agus cumarsáid inmheánach maidir le cúrsaí dlí;

—	comhordú agus comhairliúchán le seirbhísí eile maidir le cúrsaí dlí;

—	acmhainní amhail foireann, cursaí airgeadais agus trealamh a bhainistiú

—	cláir agus pleananna gníomhaíochta a cheapadh, a chur chun feidhme, a rialú agus obair iardain a dhéanamh orthu

2.   Cáilíochtaí

Grád AD 5

Leibhéal oideachais a fhreagraíonn do chúrsa iomlán ollscoile trí bliana ar a laghad agus céim sa dlí bainte amach ag a dheireadh.

Féadann mic léinn atá sa bhliain dheireanach de chúrsa ollscoile cur isteach ar an gcomórtas ar choinníoll go mbeidh an chéim bainte amach acu faoin 31 Iúil 2011 ar a dhéanaí.

Grád AD 7

Leibhéal oideachais a fhreagraíonn do chúrsa iomlán ollscoile ceithre bliana nó níos mó agus céim sa dlí bainte amach ag a dheireadh.

Nó

Leibhéal oideachais a fhreagraíonn do chúrsa iomlán ollscoile trí bliana ar a laghad agus céim sa dlí bainte amach ag a dheireadh, agus taithí oibre aon bhliain amháin ar a laghad a bhaineann le dualgais an phoist agus a fuarthas ina dhiaidh sin.

NB: Cuid dhílis den chéim is ea an t-íosmhéid bliana amháin taithí oibre, agus ní féidir í a áireamh sa taithí oibre a éilítear thíos.

3.   Taithí oibre

Grád AD 5

Níl aon taithí oibre ag teastáil.

Grád AD 7

Taithí oibre ollscoile a mhair sé bliana ar a laghad agus a bhaineann le dualgais an phoist.

Níl an taithí oibre sin ábhartha más rud é go bhfuarthas í sular baineadh amach an chéim a lig don iarrthóir isteach sa chomórtas.

3.   EACNAMAÍOCHT

1.   Dualgais

Is é ról ginearálta na riarthóirí i réimse na heacnamaíochta tacaíocht a thabhairt do na cinnteoirí agus misean a n-institiúide nó a gcomhlachta á chur chun feidhme, an anailís eacnamaíoch agus/nó staitistiúil a thabhairt atá riachtanach chun beartais an AE a thionscnamh, a fhorbairt, a bhainistiú agus/nó a mheasúnú.

Is iad seo a leanas na príomhdhualgais a bhíonn i gceist (d'fhéadfaidís a bheith éagsúil ó institiúid go chéile):

—	tacú leis na cinnteoirí trí chuidiú scríofa nó cuidiú ó bhéal a thabhairt dóibh;

—	anailís straitéiseach chomh maith le modhanna anailísithe agus staidéir a shainiú agus a reáchtáil, go háirithe modhanna eimpíreacha i réimse na heacnamaíochta;

—

beartais eacnamaíocha a anailisiú agus a cheapadh sna réimsí seo a leanas: airgeadas poiblí, athchóirithe struchtúracha (margadh an tsaothair san áireamh), an t-airgeadra aonair, na margaí agus na hinstitiúidí airgeadais, comhtháthú agus forbairt eacnamaíoch tíortha, agus tráchtáil idirnáisiúnta sa chomhthéacs institiúideach atá ann faoin gConradh;

—	cumarsáid sheachtrach a bhaineann le beartais mar aon le tuairisciú agus cumarsáid inmheánach;

—	caidreamh le hinstitiúidí eile an AE agus le ranna inmheánacha eile chomh maith leis an gcaidreamh le geallsealbhóirí seachtracha, agus caidreamh leis na Ballstáit;

—	comhordú agus comhairliúchán le ranna maidir le beartais;

—	measúnú riosca agus tionchair;

—	cláir agus pleananna gníomhaíochta a cheapadh, a chur chun feidhme, a rialú agus obair iardain a dhéanamh orthu;

—	na meithleacha ina bhfuil na Ballstáit, na hinstitiúidí agus grúpaí eile seachtracha a chomhordú;

—	acmhainní amhail foireann, cúrsaí airgeadais agus trealamh a bhainistiú.

2.   Cáilíochtaí

Grád AD 5

Leibhéal oideachais a fhreagraíonn do chúrsa iomlán ollscoile trí bliana ar a laghad agus céim san eacnamaíocht bainte amach ag a dheireadh.

Féadann mic léinn atá sa bhliain dheireanach de chúrsa ollscoile cur isteach ar an gcomórtas ar choinníoll go mbeidh an chéim bainte amach acu faoin 31 Iúil 2011 ar a dhéanaí.

Grád AD 7

Leibhéal oideachais a fhreagraíonn do chúrsa iomlán ollscoile ceithre bliana nó níos mó agus céim san eacnamaíocht bainte amach ag a dheireadh.

Nó

Leibhéal oideachais a fhreagraíonn do chúrsa iomlán ollscoile trí bliana ar a laghad agus céim san eacnamaíocht bainte amach ag a dheireadh, agus taithí oibre aon bhliain amháin ar a laghad a bhaineann le dualgais an phoist agus a fuarthas ina dhiaidh sin.

NB: Cuid dhílis den chéim is ea an t-íosmhéid bliana amháin taithí oibre, agus ní féidir í a áireamh sa taithí oibre a éilítear thíos.

3.   Taithí oibre

Grád AD 5

Níl aon taithí oibre ag teastáil.

Grád AD 7

Taithí oibre ollscoile a mhair sé bliana ar a laghad agus a bhaineann le dualgais an phoist.

Níl an taithí oibre sin ábhartha más rud é go bhfuarthas í sular baineadh amach an chéim a lig don iarrthóir isteach sa chomórtas.

4.   INIÚCHÓIREACHT

1.   Dualgais

Is é ról ginearálta na riarthóirí i réimse na hiniúchóireachta tacaíocht a thabhairt do na cinnteoirí agus misean a n-institiúide nó a gcomhlachta á chur chun feidhme.

Iarrfar orthu freisin a bheith ag obair ar nithe amhail iniúchóireacht airgeadais, iniúchóireacht feidhmíochta agus iniúchóireacht inmheánach. Soláthraíonn iniúchóirí seirbhísí comhairliúcháin agus ráthaíochta sna réimsí go léir ina n-oibríonn an tAontas Eorpach, féachaint rialachas agus bainistiú a fheabhsú. D'fhéadfadh sé go mbeadh i gceist leis sin a bheith ag obair sna 27 Ballstát nó i dtríú tíortha.

Is iad seo a leanas na príomhdhualgais atá i gceist (d'fhéadfaidís a bheith éagsúil ó institiúid go chéile):

—	iniúchóireacht sheachtrach, iniúchtaí airgeadais agus scrúduithe ar bhainistiú airgeadais fónta, lena n-áirítear cur chun feidhme agus tuairisciú;

—	rialú seachtrach agus cigireachtaí seachtracha, córais rialaithe a fheabhsú;

—	iniúchóireacht inmheánach, tacaíocht mhodheolaíoch, comhairle agus oiliúint;

—	comhordú agus comhairliúchán idirsheirbhíse maidir le saincheisteanna iniúchóireachta;

—	faisnéis agus comhairle maidir le saincheisteanna iniúchóireachta.

2.   Cáilíochtaí

Grád AD 5

Leibhéal oideachais a fhreagraíonn do chúrsa iomlán ollscoile trí bliana ar a laghad agus céim a bhaineann le dualgais an phoist bainte amach ag a dheireadh, nó oiliúint/cáilíocht oibre de leibhéal coibhéiseach a bhaineann leis na dualgais sin.

Féadann mic léinn atá sa bhliain dheireanach de chúrsa ollscoile cur isteach ar an gcomórtas ar choinníoll go mbeidh an chéim bainte amach acu faoin 31 Iúil 2011 ar a dhéanaí.

Grád AD 7

Leibhéal oideachais a fhreagraíonn do chúrsa iomlán ollscoile ceithre bliana nó níos mó agus céim a bhaineann le dualgais an phoist bainte amach ag a dheireadh, nó oiliúint/cáilíocht oibre de leibhéal coibhéiseach a bhaineann leis na dualgais sin.

Nó

Leibhéal oideachais a fhreagraíonn do chúrsa iomlán ollscoile trí bliana ar a laghad agus céim a bhaineann le dualgais an phoist bainte amach ag a dheireadh, nó oiliúint/cáilíocht de leibhéal coibhéiseach a bhaineann leis na dualgais sin, agus taithí oibre aon bhliain amháin ar a laghad a bhaineann le dualgais an phoist agus a fuarthas ina dhiaidh sin.

NB: Cuid dhílis den chéim is ea an t-íosmhéid bliana amháin taithí oibre, agus ní féidir í a áireamh sa taithí oibre a éilítear thíos.

Tabhair faoi deara go bhféadfaí a iarraidh ort cruthúnas oifigiúil a sholáthar i dtaobh na n-ábhar ar a ndearna tú staidéar d'fhonn go mbeidh sé níos éasca don bhord roghnúcháin a mheas an bhfuil do chuid cáilíochtaí ábhartha.

3.   Taithí oibre

Grád AD 5

Níl aon taithí oibre ag teastáil.

Grád AD 7

Taithí oibre ollscoile a mhair sé bliana ar a laghad agus a bhaineann le dualgais an phoist.

Níl an taithí oibre sin ábhartha más rud é go bhfuarthas í sular baineadh amach an chéim a lig don iarrthóir isteach sa chomórtas.

5.   AIRGEADAS

1.   Dualgais

Is é ról ginearálta na riarthóirí i réimse an airgeadais tacaíocht a thabhairt do na cinnteoirí agus misean a n-institiúide nó a gcomhlachta á chur chun feidhme.

Iarrfar orthu freisin a bheith ag obair ar nithe amhail nósanna imeachta airgeadais, nósanna imeachta buiséadacha, tuarascálacha agus cuntais bhliantúla a ullmhú agus cúraimí éagsúla iniúchóireachta.

Soláthraíonn siad do na seirbhísí an fhaisnéis is gá chun faisnéis airgeadais a ullmhú nó chun rialú a dhéanamh ar bhainistiú na gcuntas agus tíolacadh na gcuntas a áirithiú sna réimsí go léir ina n-oibríonn an tAontas Eorpach, féachaint rialachas agus bainistiú a fheabhsú. D'fhéadfadh sé go mbeadh i gceist leis sin a bheith ag obair sna 27 Ballstát nó i dtríú tíortha.

Is iad seo a leanas na príomhdhualgais a bhíonn i gceist; féadfaidh siad athrú ó institiúid go hinstitiúid:

—	cigireacht sheachtrach agus rialú seachtrach, agus córais rialaithe a fheabhsú;

—	monatóireacht a dhéanamh ar nósanna imeachta airgeadais agus buiséadacha (creidmheasanna, leithreasaí, íocaíochtaí);

—	páirt a ghlacadh in ullmhú réamhaisnéisí buiséadacha agus na tuarascálacha bliantúla agus na cuntais bhliantúla a ullmhú;

—	rioscaí na heagraíochta a bhainistiú, agus rioscaí oibríochtúla, straitéiseacha, sóisialta, dlíthiúla, polaitiúla agus comhshaoil a bhainistiú;

—	tíolacadh na gcuntas a áirithiú;

—	acmhainní a úsáid ar bhealach barainneach éifeachtach éifeachtúil;

—	cúraimí éagsúla a dhéanamh a bhaineann le hiniúchóireacht sheachtrach agus inmheánach agus le comhairle a thabhairt;

—	féachaint chuige go bhfuil idirbhearta airgeadais ionchódaithe mar is ceart agus go ndéantar monatóireacht orthu i gcórais airgeadais/chuntasaíochta.

2.   Cáilíochtaí

Grád AD 5

Leibhéal oideachais a fhreagraíonn do chúrsa iomlán ollscoile trí bliana ar a laghad agus céim a bhaineann le dualgais an phoist bainte amach ag a dheireadh.

Féadann mic léinn atá sa bhliain dheireanach de chúrsa ollscoile cur isteach ar an gcomórtas ar choinníoll go mbeidh an chéim bainte amach acu faoin 31 Iúil 2011 ar a dhéanaí.

Grád AD 7

Leibhéal oideachais a fhreagraíonn do chúrsa iomlán ollscoile ceithre bliana nó níos mó agus céim a bhaineann le dualgais an phoist bainte amach ag a dheireadh.

Nó

Leibhéal oideachais a fhreagraíonn do chúrsa iomlán ollscoile trí bliana ar a laghad agus céim a bhaineann le dualgais an phoist bainte amach ag a dheireadh, agus taithí oibre aon bhliain amháin ar a laghad a bhaineann le dualgais an phoist agus a fuarthas ina dhiaidh sin.

NB: Cuid dhílis den chéim is ea an t-íosmhéid bliana amháin taithí oibre, agus ní féidir í a áireamh sa taithí oibre a éilítear thíos..

3.   Taithí oibre

Grád AD 5

Níl aon taithí oibre ag teastáil.

Grád AD 7

Taithí oibre ollscoile a mhair sé bliana ar a laghad agus a bhaineann le dualgais an phoist.

Níl an taithí oibre sin ábhartha más rud é go bhfuarthas í sular baineadh amach an chéim a lig don iarrthóir isteach sa chomórtas.

6.   STAIDREAMH

1.   Dualgais

Is é ról ginearálta riarthóirí i réimse an staidrimh cuidiú a thabhairt ó thaobh cheapadh agus chur chun feidhme an chláir staidrimh sna réimsí seo a leanas: modheolaíocht staidrimh, bainistiú agus anailísiú sonraí, gníomhaíochtaí rialála agus comhordúcháin i réimsí an staidrimh, faisnéis staidrimh a chraobhscaoileadh agus tionscadail/próisis staidrimh a bhainistiú.

Is iad seo a leanas na príomhdhualgais:

—	obair a dhéanamh ar mhodheolaíochtaí ginearálta staidrimh, úsáid modhanna matamaitice sa staidreamh oifigiúil san áireamh;

—	obair a dhéanamh sna réimsí seo: staidrimh eacnamaíoch agus airgeadais, staidreamh sóisialta, staidreamh talmhaíochta agus comhshaoil, córais chuntasaíochta staidrimh;

—	éileamh agus úsáid sonraí agus táscairí staidrimh a anailísiú, tionscadail agus próisis a cheapadh agus a bhainistiú;

—	spriocanna a shainiú agus gníomhaíochtaí a chomhordú a bhaineann le bailiú, cóiriú, anailísiú agus craobhscaoileadh faisnéise staidrimh, agus cáilíocht a fheabhsú;

—	sonraí staidrimh a bhailíochtú agus anailís chainníochtúil agus cháilíochtúil a dhéanamh orthu;

—	samhaltú staidrimh agus eacnaiméadrach;

—	anailís chainníochtúil, anailís shochmhéadrach agus eacnaiméadrach go háirithe.

Chun na dualgais sin a dhéanamh ní mór a bheith in ann déileáil le hobair a bhaineann le go leor réimsí éagsúla. Tá scileanna maithe cumarsáide agus dréachtaithe ag teastáil freisin.

2.   Cáilíochtaí

Grád AD 5

Leibhéal oideachais a fhreagraíonn do chúrsa iomlán ollscoile trí bliana ar a laghad agus céim sa staidreamh, san eacnamaíocht, sa mhatamaitic nó in ábhar eile a bhaineann le dualgais an phoist bainte amach ag a dheireadh.

Féadann mic léinn atá sa bhliain dheireanach de chúrsa ollscoile cur isteach ar an gcomórtas ar choinníoll go mbeidh an chéim bainte amach acu faoin 31 Iúil 2011 ar a dhéanaí.

Grád AD 7

Leibhéal oideachais a fhreagraíonn do chúrsa iomlán ollscoile ceithre bliana nó níos mó agus céim sa staidreamh, san eacnamaíocht, sa mhatamaitic nó in ábhar eile a bhaineann le dualgais an phoist bainte amach ag a dheireadh.

Nó

Leibhéal oideachais a fhreagraíonn do chúrsa iomlán ollscoile trí bliana ar a laghad agus céim sa staidreamh, san eacnamaíocht, sa mhatamaitic nó in ábhar eile a bhaineann le dualgais an phoist bainte amach ag a dheireadh, agus taithí oibre aon bhliain amháin ar a laghad a bhaineann le dualgais an phoist agus a fuarthas ina dhiaidh sin.

NB: Cuid dhílis den chéim is ea an t-íosmhéid bliana amháin taithí oibre, agus ní féidir í a áireamh sa taithí oibre a éilítear thíos.

Tabhair faoi deara go bhféadfaí a iarraidh ort cruthúnas oifigiúil a sholáthar i dtaobh na n-ábhar ar a ndearna tú staidéar d'fhonn go mbeidh sé níos éasca don bhord roghnúcháin a mheas an bhfuil do chuid cáilíochtaí ábhartha.

3.   Taithí oibre

Grád AD 5

Níl aon taithí oibre ag teastáil.

Grád AD 7

Taithí oibre ollscoile a mhair sé bliana ar a laghad agus a bhaineann le dualgais an phoist.

Níl an taithí oibre sin ábhartha más rud é go bhfuarthas í sular baineadh amach an chéim a lig don iarrthóir isteach sa chomórtas.