This document is an excerpt from the EUR-Lex website
Document C2009/303A/02
Notice of open competition: Operations Officer — Reference: EF/TA/09/16
Fógra um chomórtas oscailte: oifigeach oibríochtaí — Tagairt: EF/TA/09/16
Fógra um chomórtas oscailte: oifigeach oibríochtaí — Tagairt: EF/TA/09/16
IO C 303A, 15.12.2009, pp. 3–4
(BG, ES, CS, DA, DE, ET, EL, EN, FR, GA, IT, LV, LT, HU, MT, NL, PL, PT, RO, SK, SL, FI, SV)
|
15.12.2009 |
GA |
Iris Oifigiúill an Aontais Eorpaigh |
C NaN/3 |
FÓGRA UM CHOMÓRTAS OSCAILTE: OIFIGEACH OIBRÍOCHTAÍ
TAGAIRT: EF/TA/09/16
(2009/C 303 A/02)
Tá an Foras Eorpach chun Dálaí Maireachtála agus Oibre a Fheabhsú (Eurofound), atá lonnaithe i mBaile Átha Cliath, Éire, ag iarraidh Oifigeach Oibríochtaí a earcú.
Ag tuairisciú don Cheannaire Oibríochtaí, oibreoidh an t-iarrthóir rathúil san fhoireann Tacaíochta Oibríochtúla a thacaíonn le gníomhaíochtaí oibríochtúla agus le saotharshreabhadh gaolmhar Eurofound, go háirithe sna réimsí a bhaineann le bainistiú cláir agus bainistiú tionscadail, soláthar agus conraitheoireacht chomh maith le monatóireacht agus measúnú feidhmíochta. Beidh sé nó sí freagrach go sonrach as:
|
— |
Tacaíocht a thabhairt do phróisis agus do chórais bhainistithe thionscadail mar riarthóir an bhunachair shonraí um bainistiú tionscadail — Projex — agus mar bhall foirne maidir le gníomhaíochtaí forbraíochta agus cothabhála, |
|
— |
Saineolas a thabhairt do bhainisteoirí tionscadail Eurofound maidir le soláthar poiblí agus chun an luach is fearr ar airgead a bhaint amach maidir le seirbhísí agus soláthar a fhoinsiú agus chun comhlánú iomlán le Rialachán Airgeadais agus le Rialacha Forfheidhmithe Eurofound a dheimhniú, |
|
— |
Ríomhoiliúint a fhorbairt agus comhairle a thabhairt do chomhoibrithe ar ábhair ghaolmhara sna réimsí oibre seo, |
|
— |
Coinneáil suas chun dáta leis na forbairtí is déanaí i rialacháin soláthair agus i gcásdlí, chomh maith leis na treochtaí is déanaí i mbainistiú tionscadail agus i monatóireacht feidhmíochta d'fhonn éifeachtacht agus éifeachtúlacht oibríochtaí Eurofound a fheabhsú sna réimsí seo, |
|
— |
Ról an Oifigigh Fíoraithe a ghlacadh i saotharshreabhadh airgeadais Eurofound maidir le ceangaltais agus íocaíochtaí, |
|
— |
Cúnamh a thabhairt don Cheannaire Oibríochtaí maidir le dualgais eile a d'fhéadfaí a shannadh. |
Tá an comórtas seo oscailte d'iarrthóirí a:
|
— |
bhfuil saoránacht de cheann amháin de Bhallstáit an Aontais Eorpaigh acu, |
|
— |
bhfuil teideal gach ceart mar shaoránach acu, |
|
— |
bhfuil gach dualgas de réir an dlí maidir le seirbhís mhíleata comhlíonta acu, |
|
— |
bheidh in ann teistiméireachtaí carachtair a thabhairt maidir lena n-oiriúnacht chun na dualgais atá sainithe a chomhlíonadh, |
|
— |
bhfuil eolas críochnúil acu ar theanga oifigiúil amháin an Aontais Eorpaigh agus eolas sásúil ar theanga eile an Aontais, chomh maith le heolas sármhaith ar an mBéarla ós é sin príomhtheanga Eurofound, |
|
— |
bhfuil ardleibhéal meánoideachais bainte amach acu agus sin fianaithe ag dioplóma a thugann rochtain ar staidéir ollscoile, |
|
— |
bhfuil cáilíocht ghairmiúil ábhartha acu i mbainistiú tionscadail nó i riarachán poiblí nó riarachán gnó, |
|
— |
bhfuil ar a laghad 3 bliana de thaithí oibre ábhartha acu i mbainistiú tionscadail, i mbainistiú soláthair agus conraitheoireachta nó i measúnú agus monatóireacht feidhmíochta. |
Earcófar an té a cheapfar chuig Grúpa Feidhmíochta AST, Grád 3, mar Ghníomhaire Sealadach ar conradh aga éiginnte.
Is féidir sonraí iomlána an phoist chomh maith leis na nósanna imeachta iarratais agus roghnaithe a íoslódáil ón leathanach folúntas ar shuíomh gréasáin Eurofound: www.eurofound.europa.eu/about/vacancies/. Ba chóir d'iarrthóirí an fógra folúntais a léamh go cúramach mar dícháileofar iarratais neamhiomlána.
Ba chóir gach iarratas a chur isteach ar an bhfoirm iarratais oifigiúil ar féidir í a íoslódáil ón suíomh gréasáin freisin.
Spriocdháta le haghaidh iarratas: an 18 Eanáir 2010.