—

Cinneadh (CBES) 2026/696 ón gComhairle an 14 Márta 2026 lena leasaítear Cinneadh 2014/145/CBES a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin a chur ar neamhní, a mhéid a coinníodh an t-iarratasóir ar liosta na ndaoine agus na n-eintiteas atá faoi réir na mbeart sriantach leis an gcinneadh sin;

—

Rialachán Cur Chun Feidhme (AE) 2026/695 ón gComhairle an 14 Márta 2026 lena gcuirtear chun feidhme Rialachán (AE) Uimh. 269/2014 a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin a chur ar neamhní, a mhéid a coinníodh an t-iarratasóir ar liosta na ndaoine agus na n-eintiteas atá faoi réir na mbeart sriantach leis an gcinneadh sin; agus,

—

a ordú don Chomhairle costas na n-imeachtaí seo a íoc.

1.

An chéad saincheist dlí lena n-éilítear sárú ar Airteagail 1 agus 2 de Chinneadh 2014/145/CBES ón gComhairle agus ar Airteagal 3 de Rialachán (AE) Uimh. 269/2014 ón gComhairle an 17 Márta 2014, ós rud é gur ghearr an Chomhairle pionós neamhdhleathach ar an iarratasóir ar bhunús dlí nach ann dó (a bhfuil baint aige le hearnáil a sholáthraíonn ioncam suntasach do rialtas Chónaidhm na Rúise). Mar mhalairt ar sin, ní féidir leis an iarratasóir a bheith ina ‘dhuine gnó’ de bhun an chritéir (g), an tríú gné.

2.

An dara saincheist dlí lena n-éilítear earráid mheasúnaithe, ó tharla gur scoir an t-iarratasóir de bheith bainteach le LME agus Alghaf Marine i bhfad sular tharla na gníomhartha atá faoi chaibidil.