—

Cinneadh (CBES) 2026/696 ón gComhairle an 14 Márta 2026 lena leasaítear Cinneadh 2014/145/CBES a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin mar a foilsíodh in Iris Oifigiúil an Aontais Eorpaigh an 14 Márta 2026, a chur ar neamhní;

—

Rialachán Cur Chun Feidhme (AE) 2026/695 ón gComhairle an 14 Márta 2026 lena gcuirtear chun feidhme Rialachán (AE) Uimh. 269/2014 a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin mar a foilsíodh in Iris Oifigiúil an Aontais Eorpaigh an 14 Márta 2026, a chur ar neamhní,

dá dtagraítear le chéile mar na ‘Gníomhartha atá faoi Chonspóid’, a mhéid a áirítear na Gníomhartha atá faoi Chonspóid an t-iarratasóir ar liosta na ndaoine agus na n-eintiteas atá faoi réir na mbeart sriantach;

—

a ordú don Chomhairle costais na n-imeachtaí seo a íoc.

1.

An chéad saincheist dlí lena n-éilítear sárú ar an oibleagáid cúiseanna a lua, ar Airteagal 296 den Chonradh ar Fheidhmiú an Aontais Eorpaigh agus ar Airteagal 41(2)(c) den Chairt um Chearta Bunúsacha - Sárú ar an gCeart Chun Cosaint Bhreithiúnach Éifeachtach agus ar Airteagal 47 den Chairt um Chearta Bunúsacha an Aontais Eorpaigh.

2.

An dara saincheist dlí lena n-éilítear earráid fhollasach mheasúnaithe ag an gComhairle, mainneachtain a dualgas cruthúnais a chomhlíonadh – Sárú ar na critéir maidir le liostú a leagtar amach in Airteagal 1(1)(a) agus Airteagal 2(1)(a) de Chinneadh 2014/145/CFAE ón gComhairle an 17 Márta 2014 agus in Airteagal 3(1)(a) de Rialachán (AE) Uimh. 269/2014 ón gComhairle an 17 Márta 2014, a bhaineann le bearta sriantacha i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin – Sárú ar phrionsabal na córa comhionainne.

3.

An tríú saincheist dlí lena n-éilítear sárú ar phrionsabal na comhréireachta agus ar chearta bunúsacha an iarratasóra.

4.

An ceathrú saincheist dlí lena n-éilítear sárú ar phrionsabal na saoirse chun tuairimí a nochtadh a leagtar amach in Airteagal 11 den Chairt um Chearta Bunúsacha an Aontais Eorpaigh, chomh maith le sárú ar phrionsabal saoire na n-ealaíon a leagtar amach in Airteagal 13 den Chairt um Chearta Bunúsacha – Sárú ar Airteagal 10 den Choinbhinsiún Eorpach um Chearta an Duine – Pléadáil neamhdhleathachta faoi Airteagal 277 CFAE de na critéir maidir le liostú a leagtar amach in Airteagal 1(1)(a) agus Airteagal 2(1)(a) de Chinneadh 2014/145/CFAE ón gComhairle an 17 Márta 2014 agus in Airteagal 3(1)(a) de Rialachán (AE) Uimh. 269/2014 ón gComhairle an 17 Márta 2014.

5.

An cúigiú saincheist dlí lena n-éilítear sárú ar na ceanglais fhíor-riachtanacha nós imeachta chun na Gníomhartha atá faoi Chonspóid a ghlacadh a mhéid a bhaineann siad leis an iarratasóir – Sárú ar Airteagal 14(3) de Rialachán (AE) Uimh. 269/2014 ón gComhairle – Sárú ar an tríú habairt d’Airteagal 19(2) de Rialacha Nós Imeachta na Comhairle i gcomhthéacs na mBeart Sriantach – Sárú ar Airteagal 47 den Chairt um Chearta Bunúsacha an Aontais Eorpaigh.