—

Rialachán Cur Chun Feidhme (AE) 2026/316 ón gCoimisiún an 12 Feabhra 2026 lena bhforchuirtear dleacht frithdhumpála chinntitheach agus lena mbailítear go cinntitheach an dleacht shealadach arna forchur ar allmhairí Roisíní Stiréin Bhútaidhé-éine Aicrilinítríle de thionscnamh Phoblacht na Cóiré agus na Téaváine (‘an Rialachán atá faoi chonspóid’) a chur ar neamhní.

—

A ordú don Choimisiún costais na n-imeachtaí a íoc.

1.

An chéad saincheist dlí lena n-éilítear, agus an coigeartú préimhe glaise á chur i bhfeidhm ar phraghas onnmhairiúcháin chineál táirge A, go sáraítear leis an Rialachán atá faoi chonspóid Airteagail 2(3), 2(6), 2(8), 2(9) agus 2(10) den bhun-Rialachán agus nach luaitear ann na cúiseanna nár leor ríomh an ghnáthluacha chun comparáid chothrom a áirithiú.

2.

An dara saincheist dlí lena n-éilítear, agus an coigeartú préimhe glaise á chur i bhfeidhm ar phraghas onnmhairiúcháin chineál táirge B, go sáraíonn an Rialachán atá faoi chonspóid Airteagail 2(2), 2(3), 2(8), 2(9) agus 2(10) den bhun-Rialachán a mhéid a chuireann sé coigeartú préimhe glaise nach bhfuil gá leis i bhfeidhm ar an bpraghas onnmhairiúcháin agus, in aon chás, go ndéanann sé an coigeartú sin a chainníochtú go hearráideach.

3.

An tríú saincheist dlí lena n-éilítear go bhfuil an Rialachán atá faoi chonspóid neamhdhleathach a mhéid a thugann sé neamhaird ar chorrlach brabúis iarbhír na n-allmhaireoirí comhoibríocha neamhghaolmhara agus an praghas onnmhairiúcháin á ríomh de bhun Airteagal 2(9) den Bhun-Rialachán le haghaidh díolacháin leis an Aontas arna ndéanamh trí thrádálaí gaolmhar an Iarratasóra LG Chem Europe GmbH, de shárú freisin ar phrionsabal an dea-riaracháin.