Iarraidh ar réamhrialú ó Višje sodiščagus v Kopru (an tSlóivéin) a taisceadh an 7 Bealtaine 2026 – KERAMIK IN ZAKLJUČNA GRADBENA DELA, TB, s.p. V WORK4YOU, gradbeništvo, trgovina, inženiring in storitve, d.o.o.

(Cás C-455/26, Keramik)

(C/2026/3984)

Teanga an cháis: an tSlóivéinis

An chúirt a rinne an tarchur

Višje sodišče v Kopru

Páirtithe sna príomhimeachtaí

Iarratasóir: KERAMIK IN ZAKLJUČNA GRADBENA DELA, TB, s.p.

Cosantóir: WORK4YOU, gradbeništvo, trgovina, inženiring in storitve, d.o.o.

An cheist a tharchuirtear

An bhfuil léiriú ar an dlí náisiúnta ar dá réir nach féidir Ordú Forfheidhmiúcháin Eorpach a eisiúint ar bhonn ordú forfheidhmiúcháin críochnaitheach bunaithe ar dhoiciméad barántúil ar neamhréir le Rialachán Uimh. 805/2004 (1) toisc, fiú má luann an creidiúnaí bunús a iarratais san iarratas forfheidhmiúcháin (nach seirbheáiltear ar an bhféichiúnaí ach amháin ag an am céanna a sheirbheáiltear an t-ordú forfheidhmiúcháin), nach gcomhlíontar an ceanglas chun a áirithiú go gcuirfear an féichiúnaí ar an eolas go leordhóthanach faoin éileamh a dhearbhaítear?

(1)  Rialachán ó Pharlaimint na hEorpa agus ón gComhairle an 21 Aibreán 2004 lena gcruthaítear Ordú Forfheidhmiúcháin Eorpach d’éilimh neamhchonspóidithe (IO 2004 L 143, lch. 15).