Caingean arna tabhairt an 27 Márta 2026 – an Coimisiún Eorpach v an Phoblacht Heilléanach

(Cás C-253/26)

(C/2026/2717)

Teanga an cháis: an Ghréigis

Páirtithe

Iarratasóir: An Coimisiún Eorpach (ionadaithe: D. Triantafyllou, R. Álvarez Vinagre)

Cosantóir: An Phoblacht Heilléanach

An t-ordú atá á lorg

Iarrann an t-iarratasóir ar an gCúirt a dhearbhú, de bhun Airteagal 258 CFAE, trí mhainneachtain na bearta is gá a ghlacadh chun a áirithiú go gcomhlíonann an soláthraí seirbhíse ATM/ANS arna dheimhniú ag an bPoblacht Heilléanach, de bhun Airteagal 41 de Rialachán (AE) 2018/1139 (1), Airteagal 3 de Rialachán Cur Chun Feidhme (AE) 2018/1048 (2) ón gCoimisiún agus AUR.PBN.2005 (8), pointe 1, den Iarscríbhinn a ghabhann leis an Rialachán sin, nár chomhlíon an Poblacht Heilléanach a hoibleagáidí faoi Airteagal 62(2)(d) de Rialachán (AE) 2018/1139.

Saincheisteanna dlí agus príomhargóintí

Measann an Coimisiún Eorpach nach gcomhlíonann an soláthraí seirbhíse ATM/ANS arna dheimhniú ag an bPoblacht Heilléanach, de bhun Airteagal 41 de Rialachán 2018/1139, Airteagal 3 de Rialachán Cur Chun Feidhme 2018/1048 ón gCoimisiún agus AUR.PBN.2005, pointe 1, den Iarscríbhinn a ghabhann leis an Rialachán sin, a mhéid a bhaineann le cur i bhfeidhm na loingseoireachta feidhmíochtbhunaithe mar a shonraítear le haghaidh an nós imeachta ascnaimh ag deireadh gach rúidbhealaigh uirlisí.

Bhí an oibleagáid sin le comhlíonadh ón 3 Nollaig 2020.

(1)  Rialachán (AE) 2018/1139 ó Pharlaimint na hEorpa agus ón gComhairle an 4 Iúil 2018 maidir le rialacha comhchoiteanna i réimse na heitlíochta sibhialta agus lena mbunaítear Gníomhaireacht Sábháilteachta Eitlíochta na hEorpa, agus lena leasaítear Rialachán (CE) Uimh. 2111/2005, Rialachán (CE) Uimh. 1008/2008, Rialachán (AE) Uimh. 996/2010, Rialachán (AE) Uimh. 376/2014 agus Treoir 2014/30/AE agus Treoir 2014/53/AE ó Pharlaimint na hEorpa agus ón gComhairle agus lena n-aisghairtear Rialachán (CE) Uimh. 552/2004 agus Rialachán (CE) Uimh. 216/2008 ó Pharlaimint na hEorpa agus ón gComhairle agus Rialachán (CEE) Uimh. 3922/91 ón gComhairle (IO 2018 L 212, lch. 1).

(2)  Rialachán Cur Chun Feidhme (AE) 2018/1048 ón gCoimisiún an 18 Iúil 2018 lena leagtar síos ceanglais úsáide aerspáis agus nósanna imeachta oibriúcháin a bhaineann le loingseoireacht fheidhmíochtbhunaithe (IO 2018 L 189, lch. 3).