1)

Cén chaoi ar cheart Airteagal 15 de Threoir (AE) 2016/797 ó Pharlaimint na hEorpa agus ón gComhairle an 11 Bealtaine 2016 maidir le hidir-inoibritheacht an chórais iarnróid laistigh den Aontas Eorpach (athmhúnlú) (1), a léiriú i gcás ina n-ainmnítear le reachtaíocht Ballstáit comhlacht um measúnú comhréireachta? Cá mhéad a ráthaítear leis an Treoir sin ceart an iarratasóra rogha a dhéanamh?

2)

Cad ba cheart a bheith i gceist leis na ceanglais maidir le neamhspleáchas agus neamhchlaontacht arna leagan síos in Airteagal 31 de Threoir 2016/797 i gcás ina bhfuil an comhlacht a ainmníodh bunaithe ag an údarás conarthach?

3)

An bhfuil cleachtas na hUngáire, mar Bhallstát, lena n-údaraítear do chomhlacht amháin gníomhaíochtaí deimhniúcháin a chur i gcrích i gcomhthéacs infheistíocht ar leith i ndáil leis na cúraimí arna leagan amach i dTreoir 2016/797, ag teacht le prionsabal na saoirse chun seirbhísí a sholáthar, a ráthaítear le hAirteagal 56 CFAE?

4)

An bhfuil Airteagail 15 agus 31 de Threoir 2016/797 infheidhme go díreach i gcás ina bhfuil foráil sa dlí náisiúnta atá éagsúil uathu agus nach bhfuil an chúirt náisiúnta atá freagrach as an dlí a chur i bhfeidhm in ann ceist na léirithe a réiteach í féin?