—

a dhearbhú go bhfuil údar le foirceannadh Comhaontú Deontais Renato (Tionscadal 101179454 – Catalina – InnovFund-2023-AUC-RFNBO-Hydrogen an 24 Meán Fómhair 2024) (nó gur thuig Renato i gceart ó dhearbhuithe CINEA gur measadh go raibh údar leis an bhfoirceannadh) agus dá bhrí sin nach féidir le CINEA tarraingt go dleathach ar an Ráthaíocht Chomhlíonta;

—

ar bhonn tánaisteach, dearbhú nach féidir le CINEA tarraingt ar an Ráthaíocht Chomhlíonta ach go páirteach, a mhéid is gá chun cúiteamh a dhéanamh ar na costais a d’eascair as foirceannadh an Chomhaontaithe Deontais; nó sa chás go dtarraingítear ar an Ráthaíocht Chomhlíonta ina iomláine, dearbhú go gcaithfidh CINEA an chuid den mhéid ráthaithe a sháraíonn an costas a tabhaíodh i ndáiríre mar thoradh ar fhoirceannadh an Chomhaontaithe Deontais a aisíoc le Renato;

—

ar bhonn tánaisteach amháin i gcás ina ndearbhaítear go bhfuil an chaingean seo neamh-inghlactha faoi Airteagal 272 CFAE, a dhearbhú go bhfuil na gníomhartha a chonspóidtear ar neamhní go hiomlán faoi Airteagal 263 CFAE ar na cúiseanna céanna a leagtar amach san Iarratas seo, a bhfuil feidhm iomlán acu mutatis mutandis, sa chás seo agus mar gheall ar chineál na saincheisteanna dlí, maidir le caingean faoi Airteagal 263 CFAE (i.e. force majeure, sárú ar Chairt an Aontais agus ar na prionsabail ghinearálta lena gcuirtear bonn eolais faoi ghníomhaíocht Chomhphobail); agus,

—

a ordú do CINEA costais na n-imeachtaí a íoc; ar bhonn tánaisteach nach ndéantar aon daoradh ar chostais nó nach ndéantar aon dámhachtain ar bhonn cothromasach mar gheall ar chastacht an cháis.

1.

Ar an gcéad dul síos, measann Renato go raibh sé i dteideal dlíthiúil deireadh a lorg leis an gComhaontú Deontais mar thoradh ar force majeure a choisceann ar CINEA tarraingt go dleathach ar an Ráthaíocht Chomhlíonta; agus ar bhonn tánaisteach nach gceadódh na téarmaí conarthacha do CINEA aon airgead a ghabháil seachas an costas a thabharfadh an fhoirceannadh luath leis.

2.

Ar an dara dul síos, ar bhonn tánaisteach, iarrann Renato go gcuirfí an clásal i bhfeidhm rebus sic stantibus, toisc gur athrú imthosca iad na moilleanna a fhágann go bhfuil feidhmiú an chonartha i bhfad níos troime do Renato.

3.

Ar an tríú dul síos, éilíonn an maíomh chuig dlínse na Cúirte faoi Airteagal 272 CFAE léiriú ar an gcreat conarthach. Mar sin féin, tá dlínse ag an gCúirt freisin i gcomhthéacs ghníomhaíocht Airteagal 272 CFAE chun scrúdú a dhéanamh ar cé acu a chomhlíon nó nár chomhlíon CINEA (mar ghníomhaireacht de chuid an Aontais) an Chairt um Chearta Bunúsacha an Aontais Eorpaigh agus prionsabail ghinearálta dhlí an Aontais is infheidhme maidir le hInstitiúidí an Aontais, ós rud é go bhfuil CINEA faoi cheangal acu. Maidir leis seo, áitíonn Renato, mura sainítear fíricí an cháis mar force majeure, gur cheart a mheas go bhfuil ionchas dlisteanach tagtha chun cinn i bhfabhar Renato, a choisceann ar CINEA tarraingt ar an Ráthaíocht Chomhlíonta.

4.

Sa cheathrú háit, de bhun phrionsabal na comhréireachta, prionsabal a bhfuil CINEA faoi cheangal aige mar ghníomhaireacht feidhmiúcháin, níor cheart do CINEA tarraingt ar an Ráthaíocht Chomhlíonta ar chor ar bith, nó mar mhalairt air sin, níor cheart go mbeadh gníomhú na Ráthaíochta Comhlíonta ach páirteach chun cúiteamh a dhéanamh as na costais riaracháin nó costais eile a tabhaíodh de thoradh fhoirceannadh an Chomhaontaithe Deontais.