Caingean arna tabhairt an 19 Nollaig 2025 – an Coimisiún Eorpach v Poblacht na Polainne

(Cás C-861/25)

(C/2026/1197)

Teanga an cháis: an Pholainnis

Páirtithe

Iarratasóir: an Coimisiún Eorpach (ionadaithe: J. Hottiaux, H. Leupold agus J. Vondung, i gcáil Gníomhairí)

Cosantóir: Poblacht na Polainne

An t-ordú atá á lorg

Iarrann an t-iarratasóir ar an gCúirt Bhreithiúnais:

Saincheisteanna dlí agus príomhargóintí

Leis an gcéad saincheist dlí dá chuid, áitíonn an Coimisiún gur thug Poblacht na Polainne isteach ina reachtaíocht náisiúnta forais sa bhreis le diúltú barántas gabhála Eorpach a fhorfheidhmiú, dá bhrí gur sháraigh sí an Cinneadh Réime: ar an gcéad dul síos, maidir le náisiúnaigh de chuid na Polainne agus ar an dara dul síos, maidir le coireanna arna ndéanamh ar chúiseanna polaitíochta gan dul i muinín an fhoiréigin.

Leis an dara saincheist dlí dá chuid, áitíonn an Coimisiún gur thrasuigh an Pholainn go mícheart Airteagal 4(6) den Chinneadh Réime trí fhoras éigeantach a dhéanamh den Airteagal sin le diúltú barántas gabhála Eorpach a fhorfheidhmiú maidir le náisiúnaigh de chuid na Polainne nó le daoine a bhfuil ceart tearmainn acu i bPoblacht na Polainne. Tá an Coimisiún den tuairim nach bhfuil Airteagal 4(6) den Chinneadh Réime le trasuí ach mar fhoras roghnach le diúltú barántas gabhála Eorpach a fhorfheidhmiú, rud a fhágann corrlach lánroghnach áirithe ag an údarás breithiúnach a bhfuil an barántas á fheidhmiú aige, ina n-áirítear i gcás nach dtoileann an duine lena mbaineann leis an tabhairt suas.

Leis an tríú saincheist dlí dá chuid, áitíonn an Coimisiún gur thrasuigh an Pholainn go mícheart Airteagal 5(3) den Chinneadh Réime (coimircí), trína ndéanamh nach féidir ach le náisiúnaigh de chuid na Polainne nó daoine a bhfuil ceart tearmainn sa Pholainn acu a thabhairt suas go coinníollach, dá bhrí go n-eisiatar saoránaigh de chuid an Aontais Eorpaigh atá ina gcónaí i gcríoch na Polainne agus go ndéantar leatrom orthu.

Leis an gceathrú saincheist dlí dá chuid, áitíonn an Coimisiún gur thrasuigh an Pholainn go mícheart an dara fhomhír d’Airteagal 25(1) den Chinneadh Réime (idirthuras), ós rud é nach mbaineann an fhoráil náisiúnta ábhartha ach le náisiúnaigh de chuid na Polainne a bhfuil ceart tearmainn acu sa Pholainn, dá bhrí go n-eisiatar saoránaigh de chuid an Aontais Eorpaigh atá ina gcónaí i gcríoch na Polainne agus go ndéantar leatrom orthu.

Leis an gcúigiú saincheist dlí dá chuid, arb í an tsaincheist dlí dheireanach, áitíonn an Coimisiún gur thrasuigh an Pholainn go mícheart Airteagal 18 den Chinneadh Réime (cás roimh an gcinneadh), ós amhlaidh nach féidir de réir na bhforálacha náisiúnta ábhartha an duine atá á iarraidh a aistriú go sealadach chuig an mBallstát eisiúna, mar a leagtar amach in Airteagal 18(1)(b) den Chinneadh Réime, ach éisteacht leis i gcomhréir le hAirteagal 18(1)(a) agus Airteagal 19 den Chinneadh Réime. Mar sin, ní thrasuítear trí na forálacha sin na ceanglais arna leagan síos in Airteagal 18(2) agus (3) den Chinneadh Réime maidir le haistriú sealadach.

(1)   IO 2002, L190, lch. 1.