Iarraidh ar réamhrialú ón Fővárosi Törvényszék (an Ungáir) a taisceadh an 27 Samhain 2025 – LN v Országos Idegenrendészeti Főigazgatóság

(Cás C-765/25, Voking  (1) )

(C/2026/1188)

Teanga an cháis: an Ungáiris

An chúirt a rinne an tarchur

Fővárosi Törvényszék

Páirtithe sna príomhimeachtaí

Iarratasóir: LN

Cosantóir: Országos Idegenrendészeti Főigazgatóság

An cheist a tharchuirtear

An bhfuil Airteagal 8(1) agus (2) de Threoir 2011/98/AE (2) ó Pharlaimint na hEorpa agus ón gComhairle le léiriú sa chaoi nach gcuirtear cosc leo ar chleachtas Ballstáit ina scoireann ceadúnas aonair de bheith bailí ar fhoirceannadh na fostaíochta, i bhfianaise fógra ón bhfostóir, gan cinneadh réasúnaithe aonair maidir le tarraingt siar an cheadúnais arna ghlacadh ag na húdaráis inimirce agus gan ráthaíocht a bheith ann maidir le deis an cinneadh sin a achomharc?

(1)  Is ainm bréige é ainm an cháis seo. Ní fhreagraíonn sé d’fhíorainm aon pháirtí sna himeachtaí.

(2)  Treoir 2011/98/AE ó Pharlaimint na hEorpa agus ón gComhairle an 13 Nollaig 2011 maidir le nós imeachta um iarratas aonair le haghaidh ceadúnas aonair do náisiúnaigh tríú tír chun cónaí agus obair a dhéanamh ar chríoch Ballstáit agus maidir le tacar de chearta comhchoiteanna d’oibreoirí tríú tír a chónaíonn go dlíthiúil i mBallstát (IO L 343, 23.12.2011, lch. 1).