Ordú na Cúirte Ginearálta an 13 Meitheamh 2025 – GK v REA

(Cás T-609/24)  (1)

(Clásal eadrána - Clár Réime um Thaighde agus Nuálaíocht ‘Gníomhaíochtaí taighde agus nuálaíochta HORIZON’ (HORIZON-CL6-2023-BIODIV-01) - Comhaontú deontais - Fionraí íocaíochta i ndiaidh iniúchta airgeadais - Dul in éag ábhar an achomhairc - Cás nach dtéann ar aghaidh chun breithiúnais)

(C/2025/4799)

Teanga an chais: an Béarla

Páirtithe

Iarratasóir: GK (ionadaithe: S. Pappas agus A. Pappas, Dlíodóirí)

Cosantóir: An Ghníomhaireacht Feidhmiúcháin Eorpach um Thaighde (ionadaithe: S. Payan-Lagrou agus V. Canetti, Gníomhairí)

Ábhar

Lena chaingean de bhun Airteagal 272 CFAE, iarrann an t-iarratasóir a dhearbhú, ar an gcéad dul síos, nár chomhlíon an Ghníomhaireacht Feidhmiúcháin Eorpach um Thaighde (REA) a hoibleagáidí conarthacha faoi Chomhaontú Deontais Uimh. 101135088 a chomhlíonadh trí thoirmeasc a chur ar an Consiglio nazionale delle ricerche (CNR, an Chomhairle Náisiúnta um Thaighde, an Iodáil), ag gníomhú mar chomhordaitheoir (‘an comhordaitheoir’) thar ceann comhghuaillíocht lena mbaineann sí, réamh-mhaoiniú tosaigh arb ionann é agus EUR 122 118,75 a aistriú chuici chun críche an tionscadail dar teideal ‘Straitéisí Pórúcháin agus Bainistíochta Lotnaidí Comhtháite chun Spleáchas ar Lotnaidicídí Ceimiceacha i bhFíonghort a Laghdú’ a chur i bhfeidhm agus, ar an dara dul síos, go raibh sí i dteideal an tsuim sin a fháil, ón 22 Eanáir 2024 nó, mar mhalairt air sin, ón tráth a d’íoc REA an tsuim sin isteach i gcuntas bainc an chomhordaitheora agus, ar an tríú dul síos, an fhíric go bhfuil sé de cheangal ar REA ús ar íocaíocht dhéanach a íoc léi ar ráta 8 % do gach lá a chuir sí cosc ar aistriú na suime céanna agus go dtí an lá a tharraingíonn sí siar an treoir a tugadh don chomhordaitheoir.

An chuid oibríochtúil

(1)   IO C C/2025/735, 10.2.2025.