—

nár chuir siad san áireamh go leordhóthanach na cúinsí ar leith a d’eascair as an gcaoi a bhfuil a chuid idirbheart urrúsúcháin leagtha amach ag ABN AMRO;

—

Airteagal 70 de Rialachán Uimh. 806/2014 a léiriú ar bhealach atá contrártha le foclaíocht, cuspóirí agus comhthéacs an Rialacháin sin, a mhéid nach iad oibleagáidí iarbhír AAHG amháin a chuir sé san áireamh sa bhonn measúnachta;

—

Cur chun feidhme mícheart agus earráideach ar an sainmhíniú ar ‘Dhliteanais iomlána’ in Airteagal 3(11) de Rialachán Tarmligthe 2015/63 chun an chuid sheasta den ranníocaíocht le CRA a chinneadh, cé nach bhfuil feidhm ag an sainmhíniú sin ach amháin maidir le ranníocaíochtaí riosca-choigeartaithe; agus

—

Rialachán Uimh. 806/2014 agus Rialachán Tarmligthe 2015/63 a chur chun feidhme ar bhealach atá ar neamhréir lena gcuspóirí, lena ndéantar comhaireamh dúbailte nach bhfuil bonn cirt leis agus nach féidir a mhíniú.

—

Contrártha leis an dlí, rinne BRA na cinntí muirearaithe a glacadh go foirmiúil roimhe sin do na blianta 2016-2022 i ndáil le AAHG a tharraingt siar de facto.

—

Chuaigh BRA — i ndáil le 2023 freisin — siar ar chleachtas seanbhunaithe maidir le ranníocaíochtaí AAHG a chinneadh agus ó na hionchais a chothaigh BRA agus De Nederlandsche Bank N. V (‘DNB’) ionchas ar thaobh ABN AMRO ar feadh na mblianta, ag éirí as comhfhreagras le BRA agus DNB agus as na cinntí foirmiúla maidir le ranníocaíochtaí do na blianta 2016-2022.

—

Ghníomhaigh ABN AMRO de réir an ionchais a cothaíodh. Mar thoradh air sin, baineadh an fhéidearthacht de ABN AMRO idirbhearta urrúsúcháin a thaifeadadh ar bhealach eile sa chlár comhardaithe, nó iad a fhoirceannadh nó a láimhseáil ar bhealach eile, agus, leis sin, an ítim choigeartaithe a bhaint de chlár comhardaithe AAHG agus an comhaireamh dúbailte gan údar a sheachaint dá réir.

—

Bhí ar ABN AMRO ranníocaíocht i bhfad ró-ard a íoc le BRA ar son AAHG.

—

Tá éifeachtaí diúltacha an chinnidh atá faoi chonspóid ar ABN AMRO díréireach leis an gcuspóir atá le saothrú ag BRA.