This document is an excerpt from the EUR-Lex website
Document 62023TN0040
Case T-40/23: Action brought on 30 January 2023 — Hatherly v EUAA
Cás T-40/23: Caingean arna tabhairt an 30 Eanáir 2023 – Hatherly v EUAA
Cás T-40/23: Caingean arna tabhairt an 30 Eanáir 2023 – Hatherly v EUAA
IO C 127, 11.4.2023, p. 45–46
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
11.4.2023 |
GA |
Iris Oifigiúil an Aontais Eorpaigh |
C 127/45 |
Caingean arna tabhairt an 30 Eanáir 2023 – Hatherly v EUAA
(Cás T-40/23)
(2023/C 127/56)
Teanga an cháis: an Béarla
Páirtithe
Iarratasóir: Xavier James Hatherly (Hamrun, Málta) (ionadaí: A. Grima, Dlíodóir)
Cosantóir: Gníomhaireacht an Aontais Eorpaigh um Thearmann (EUAA)
An t-ordú atá á lorg
Iarrann an t-iarratasóir ar an gCúirt Ghinearálta:
— |
Cinneadh ón mBord Bainistíocht Uimh. 121 an 3 Samhain 2022 a chur ar neamhní; |
— |
an litir lena n-aistarraingítear an tairiscint poist, dar dáta an 8 Aibreán 2022, a chur ar neamhní, de bhun an Nós Imeachta Roghnúcháin leis an uimhir thagartha EASO/2021/TA/007 don phost mar Chúntóir Riaracháin (Próifíl D: Cúntóir Soláthair); |
— |
a ordú do Bhord Bainistíocht EUAA an tairiscint poist atá i gceist a chinntí agus an t-iarratasóir a chur ina ról tráth an 22 Márta 2022; |
— |
a ordú do EUAA an t-iarratasóir a chúiteamh mar gheall ar chaillteanas ioncaim go dtí seo. |
Saincheisteanna dlí agus príomhargóintí
Mar thaca leis an gcaingean, maíonn an t-iarratasóir trí shaincheist dlí.
1. |
An chéad saincheist dlí, lena n-éilítear léiriú earráideach ar an “gcáilíocht” a éilítear don phost atá i gceist.
|
2. |
An dara saincheist dlí, lena n-éilítear nár aithníodh cáilíochtaí an iarratasóra san Fhorlíonadh Dioplóma Oifigiúil arna chur ar fáil ag Ollscoil Mhálta.
|
3. |
An tríú saincheist dlí, lena n-éilítear go bhfuil an mhainneachtain cáilíochtaí an iarratasóra a aithint idirdhealaitheach agus go bhfuil aistarraingt na tairisceana poist a tharla ina dhiaidh sin neamhréireach.
|