This document is an excerpt from the EUR-Lex website
Document 62023CN0100
Case C-100/23 P: Appeal brought on 20 February 2023 by PNB Banka AS against the judgment of the General Court (Fourth Chamber, Extended Composition) delivered on 7 December 2022 in Case T-301/19, PNB Banka v ECB
Cás C-100/23 P: Achomharc arna thabhairt an 20 Feabhra 2023 ag PNB Banka AS in aghaidh bhreithiúnas na Cúirte Ginearálta (an Ceathrú Dlísheomra, Comhdhéanamh Méadaithe) a tugadh an 7 Nollaig 2022 i gCás T-301/19, PNB Banka v BCE
Cás C-100/23 P: Achomharc arna thabhairt an 20 Feabhra 2023 ag PNB Banka AS in aghaidh bhreithiúnas na Cúirte Ginearálta (an Ceathrú Dlísheomra, Comhdhéanamh Méadaithe) a tugadh an 7 Nollaig 2022 i gCás T-301/19, PNB Banka v BCE
IO C 155, 2.5.2023, p. 37–37
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
2.5.2023 |
GA |
Iris Oifigiúil an Aontais Eorpaigh |
C 155/37 |
Achomharc arna thabhairt an 20 Feabhra 2023 ag PNB Banka AS in aghaidh bhreithiúnas na Cúirte Ginearálta (an Ceathrú Dlísheomra, Comhdhéanamh Méadaithe) a tugadh an 7 Nollaig 2022 i gCás T-301/19, PNB Banka v BCE
(Cás C-100/23 P)
(2023/C 155/48)
Teanga an cháis: an Béarla
Páirtithe
Achomharcóir: PNB Banka AS (ionadaí: O. Behrends, Rechtsanwalt)
Páirtí eile sna himeachtaí: An Banc Ceannais Eorpach (BCE)
An t-ordú atá á lorg
Iarann an t-achomharcóir ar an gCúirt Bhreithiúnais:
— |
an breithiúnas atá faoi achomharc a chur ar leataobh; |
— |
cinneadh an BCE, ar tugadh fógra dó i litir ón 1 Márta 2019, an t-achomharcóir a aicmiú mar eintiteas suntasach faoi réir a mhaoirseacht stuamachta dhírigh a dhearbhú a bheith ar neamhní; |
— |
a ordú don BCE costais an achomharcóra agus costais an achomhairc seo a íoc, agus |
— |
a mhéid nach bhfuil an Chúirt Bhreithiúnais in ann rialú a dhéanamh ar an tsubstaint, an cás a tharchur ar ais chuig an gCúirt Ghinearálta. |
Saincheisteanna dlí agus príomhargóintí
Mar thaca leis an achomharc, maíonn an t-achomharcóir saincheist dlí amháin lena líomhnaítear go bhfuil an breithiúnas faoi achomharc lochtach ó thaobh nós imeachta de toisc nár dhéileáil an Chúirt Ghinearálta go cuí leis an tsaincheist maidir le hionadaíocht an achomharcóra i gcomhthéacs an nós imeachta os comhair na Cúirte Ginearálta.
Rinne an Chúirt Ghinearálta earráid nuair a ghlac sí leis nach fadhb í saincheist maidir le sláine an nós imeachta os comhair na Cúirte Ginearálta chomh fada agus is féidir a áitiú nach mbeadh an fhadhb ann dá gcomhlíonfadh an Laitvia, go hipitéiseach, a cuid oibleagáidí. Mar sin sháraigh sí an prionsabal nach ceart do chosaint dhlíthiúil a bheith teoiriciúil agus míthreorach amháin agus ar an gcaoi sin sháraigh sí Airteagal 47 den Chairt.