EUR-Lex Access to European Union law
This document is an excerpt from the EUR-Lex website
Document 62022CN0701
Case C-701/22: Request for a preliminary ruling from the Curtea de Apel Cluj (Romania) lodged on 15 November 2022 — SC AA SRL v MFE
Cás C-701/22: Iarraidh ar réamhrialú ón Curtea de Apel Cluj (an Rómáin) arna taisceadh an 15 Samhain 2022 — SC AA SRL v MFE
Cás C-701/22: Iarraidh ar réamhrialú ón Curtea de Apel Cluj (an Rómáin) arna taisceadh an 15 Samhain 2022 — SC AA SRL v MFE
IO C 94, 13.3.2023, p. 12–13
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
13.3.2023 |
GA |
Iris Oifigiúil an Aontais Eorpaigh |
C 94/12 |
Iarraidh ar réamhrialú ón Curtea de Apel Cluj (an Rómáin) arna taisceadh an 15 Samhain 2022 — SC AA SRL v MFE
(Cás C-701/22)
(2023/C 94/13)
Teanga an cháis: an Rómáinis
An chúirt a rinne an tarchur
Curtea de Apel Cluj
Páirtithe sna príomhimeachtaí
Iarratasóir: SC AA SRL
Cosantóir: MFE
Na ceisteanna a tharchuirtear
1) |
An gá prionsabal na bainistíochta fónta airgeadais a léiriú, i gcomhar le prionsabal na coibhéise, sa chiall go gcuirtear cosc ar dhuine dlítheanach a oibríonn gnóthas brabúsach, a fhaigheann maoiniúchán neamh-inaisíoctha ó CFRE, a bheith in ann ús mainneachtana a fháil ó údarás poiblí Ballstáit (ús pionósach) ar íocaíocht dhéanach caiteachais incháilithe ar feadh tréimhse ama ina raibh gníomh riaracháin lenar eisiadh an aisíocaíocht i bhfeidhm, agus a cuireadh ar neamhní ina dhiaidh sin le cinneadh breithiúnach? |
2) |
I gcás freagra diúltach ar an gcéad cheist, an bhfuil locht thairbhí an chistithe a dhámhtar, locht a bhunaítear leis an gCinneadh sin, ábhartha maidir le méid an úis mainneachtana, ar an gcoinníoll gur dhearbhaigh an t-údarás poiblí céanna atá freagrach as bainistiú cistí Eorpacha go raibh na costais go léir incháilithe ar deireadh tar éis an breithiúnas sin a thabhairt? |
3) |
Agus prionsabal na coibhéise á léiriú maidir leis an bpointe ábhartha ama a dhámhtar an t-ús mainneachtana do thairbhí an mhaoiniúcháin neamh-inaisíoctha ó CFRE, an bhfuil sé ábhartha go bhforáiltear sa dlí náisiúnta i gcás neamhrialtacht a bheith suite, gurb é an t-aon iarmhairt amháin uirthi sin ná nach ndeonaítear an tairbhe airgeadais atá i gceist nó, de réir mar a bheidh, go n-aistarraingítear é (suimeanna nach bhfuil dlite a aisíoc), a mhéid ar deonaíodh é, gan ús a mhuirearú, cé go raibh sé de bhuntáiste ag an tairbhí iad a úsáid go dtí dáta na haisíocaíochta, agus nach ach sa chás nach ndéantar an aisíocaíocht sin laistigh den tréimhse reachtúil de 30 lá tar éis an t-ionstram fiachais a fhógairt, an gceadaítear le forálacha Airteagal 42(1) agus (2) de Ordonanța de urgență a Guvernului 66/2011d (Ordú Éigeandála an Rialtais 66/2011) ús a bhailiú tar éis don tréimhse sin dul in éag? |
4) |
An gcuirtear cosc le forálacha an tríú mír d’Airteagal 288 CFAE, in imthosca amhail imthosca an cháis seo, infheidhmeacht Threoir 2011/7/AE (1) a leathnú le riail náisiúnta chuig conradh le haghaidh maoiniúcháin neamh-inaisíoctha arna dheonú ag CFRE, conradh arna thabhairt i gcrích idir an t-údarás poiblí atá freagrach as bainistiú cistí Eorpacha agus duine dlítheanach a oibríonn gnóthas brabúsach? |
(1) Treoir 2011/7/AE ó Pharlaimint na hEorpa agus ón gComhairle an 16 Feabhra 2011 maidir le cur in aghaidh íocaíochtaí déanacha in idirbhearta tráchtála (athmhúnlú) (IO 2011 L 48, lch. 1).