1.

Cad iad na critéir a bhaineann le hearra amhail an t-earra sna príomhimeachtaí, eadhon ola pailme scagtha, tuartha agus díbholaithe a bhfuil an trádainm PALM FAT MP 36-39 air, a dhéantar, le linn a mhonaraithe teicneolaíochta, “a shuaitheadh, a scagadh, a fhuarú, a fhaghairt agus a phacáil” ag baint úsáid as próisis fhisiciúla amháin nach ndéanann modhnú ceimiceach air, a aicmiú faoi cheannteideal 1511 nó faoi cheannteideal 1517 de Chaibidil 15 den [Ainmníocht Chomhcheangailte]?

2.

Cad is brí leis an téarma “uigiú”, a úsáidtear chun cur síos a dhéanamh ar an bpróiseas lena ndéantar na táirgí ar a nglaotar “shortenings” faoi cheannteideal 1517 i Nótaí Míniúcháin an Chórais Tuairiscithe agus Códaithe Tráchtearraí?

3.

Más rud é go bhfuil “ola pailme agus a codáin, bídís scagtha nó ná bídís, ach nach bhfuil modhnaithe go ceimiceach” tar éis dul trí “phróiseas uigithe”, an leor é sin chun aicmiú an táirge sin faoi cheannteideal 1517 a eisiamh?

4.

In éagmais caighdeán, modhanna, critéar agus táscairí cruthaithe san [Ainmníocht Chomhcheangailte], sna Nótaí Míniúcháin leis an Ainmníocht Chomhcheangailte agus sna Nótaí Míniúcháin leis an gCóras Comhchuibhithe chun comhcháilíocht ola pailme a thástáil agus chun a chruthú go ndearnadh próiseáil uirthi trí “uigiú”, an bhféadfaidh na húdaráis chustaim inniúla, d’fhonn aicmiú taraife earraí faoi cheannteideal 1511 nó faoi cheannteideal 1517, nósanna imeachta anailíseacha amhail, mar a cuireadh i bhfeidhm sa chás seo, RAP 66, leagan 02/17.11.2020 chun uigiú saille trí threá a chruthú, agus an modh sin bunaithe ar an modh AOCS Cc 16-60 a foilsíodh go hoifigiúil, a fhorbairt agus a chur i bhfeidhm go neamhspleách?

Mura bhféadfaí é sin a dhéanamh, cad iad na caighdeáin, na modhanna, na critéir agus na táscairí faoina bhféadfaí an táirge a thástáil chun a chruthú gur cuireadh faoi “phróiseas uigithe” é, is é sin le rá, gurb ionann é agus “brioscóir pailme”?

5.

An gcaithfear an Ainmníocht Chomhcheangailte a leagtar síos in Iarscríbhinn I a ghabhann le Rialachán (CE) Uimh. 2658/87 ón gCoimisiún an 23 Iúil 1987 maidir leis an ainmníocht taraife agus staidrimh agus maidir leis an gComhtharaif Chustaim (1), arna leasú le Rialachán Cur Cun Feidhme (AE) 2018/1602 ón gCoimisiún an 11 Deireadh Fómhair 2018 (2), a léirmhíniú sa chaoi nach mór táirgí ar a nglaotar “brioscóirí”, a dhéantar as ola pailme scagtha trí uigiú, a aicmiú faoi cheannteideal 1517 den Ainmníocht sin agus, go háirithe, faoi fho-cheannteideal 1517 90 99?