AN COIMISIÚN EORPACH

An Bhruiséil,4.12.2025

COM(2025) 943 final

2025/0383(COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

lena leasaítear Rialacháin (AE) Uimh. 1095/2010, Uimh. 648/2012, Uimh. 600/2014, Uimh. 909/2014, 2015/2365, 2019/1156, 2021/23, 2022/858, 2023/1114, Uimh. 1060/2009, 2016/1011, 2017/2402, 2023/2631 agus 2024/3005 a mhéid a bhaineann le tuilleadh forbartha a dhéanamh i ndáil leis an gcomhtháthú margaidh caipitil agus maoirseacht laistigh den Aontas

(Téacs atá ábhartha maidir le LEE)

{SEC(2025) 943 final} - {SWD(2025) 943 final} - {SWD(2025) 944 final}

MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

Is é cuspóir ginearálta an tionscnaimh seo margaí caipitil an Aontais a chomhtháthú agus feabhas a chur ar fheidhmiú mhargadh aonair an Aontais i seirbhísí airgeadais chun tairbhe infheisteoirí, gnólachtaí agus gheilleagar an Aontais i gcoitinne. Leis sin, rannchuidítear le príomhchuspóir an Aontais Coigiltis agus Infheistíochta a bhaint amach, is é sin, rochtain ar réimse níos leithne deiseanna airgeadais a chumasú d’infheisteoirí agus do ghnólachtaí, agus coigilteas a shlógadh ar mhaithe le hinfheistíocht tháirgiúil.

Rannchuideoidh an tionscnamh leis an gcuspóir ginearálta a bhaint amach leis na trí chuspóir shonracha seo a leanas.

Is éard atá san athbhreithniú ar chomhaid reachtacha shonracha ná deis simpliúcháin, le laghdú ualaí riaracháin. Is é is aidhm don phacáiste ceanglais rialála a chuíchóiriú, rud a fhágfaidh go mbeidh gníomhaíochtaí trasteorann níos costéifeachtaí. Saothraítear an simpliú sin ar roinnt bealaí: aistrítear forálacha áirithe ó threoracha go rialacháin; laghdaítear an fhéidearthacht i ndáil le forchur beart rórialála ar bhonn náisiúnta; beachtaítear cumhachtaí Leibhéal 2; comhchuibhítear socruithe maoirseachta atá foluiteach, costasach agus neamhéifeachtúil; agus, ar bhealach níos ginearálta, cuirtear deireadh le bacainní d’oibreoirí agus infheisteoirí margaidh i gcreataí an Aontais agus creataí náisiúnta.

•Comhsheasmhacht le forálacha beartais atá sa réimse beartais cheana

•Comhsheasmhacht le beartais eile de chuid an Aontais

2.BUNÚS DLÍ, COIMHDEACHT AGUS COMHRÉIREACHT

•Bunús dlí

•Coimhdeacht (i gcás inniúlacht neamheisiach)

•Comhréireacht

•An rogha ionstraime

3.TORTHAÍ AR MHEASTÓIREACHTAÍ EX POST, AR CHOMHAIRLIÚCHÁIN LEIS NA PÁIRTITHE LEASMHARA AGUS AR MHEASÚNUITHE TIONCHAIR

•Meastóireachtaí ex‑post / seiceálacha oiriúnachta ar reachtaíocht atá ann cheana

Maidir leis an réimse nuálaíochta, tá dhá phríomhbhacainn ann a bhaineann le réitigh atá bunaithe ar TML a chur chun feidhme san Eoraip. Ar an gcéad dul síos, leis an Rialachán maidir le Córas Píolótach TML cuirtear ualach trom comhlíontachta ar ghnólachtaí beaga agus cuideachtaí nua‑thionscanta, go háirithe toisc go mbraitear ar chuid mhór ceanglas sa Rialachán maidir le Taisclanna Lárnacha Urrús agus sa Treoir maidir le Margaí in Ionstraimí Airgeadais, agus b’fhéidir nach mbeidís oiriúnach d’uas-scálú céimneach oibríochtaí agus saintréithe sonracha na teicneolaíochta mórleabhar dáilte. Leis an Rialachán maidir le Córas Píolótach TML, forchuirtear srianta diana ar raon feidhme agus scála ghníomhaíochtaí na rannpháirtithe sa chóras píolótach. Déantar amhlaidh, mar shampla, le tabhairt isteach teorainneacha comhiomlána ar ghníomhaíocht bonneagair a oibríonn de réir an Rialacháin agus le srian a chur le cineál agus méid eisiúna sócmhainní is féidir a idirghabháil faoin Rialachán. Thairis sin, níl soiléireacht ag rannpháirtithe sa mhargadh maidir le féidearthachtaí fadtéarmacha an Chórais Phíolótaigh TML, mar gheall ar a thurgnamhaí atá sé agus na teorainneacha ama a leagtar amach sa Rialachán. Ar an dara dul síos, seachas na heasnaimh i gcreat saincheaptha na hEorpa do theicneolaíocht mórleabhar dáilte, ní sholáthraítear faoi láthair, le creataí rialála caighdeánacha (nach mbaineann le CPTML), go háirithe reachtaíocht iarthrádála, deimhneacht dhlíthiúil dóibh siúd ar mian leo teicneolaíocht mórleabhar dáilte a úsáid lasmuigh de CPTML. Leis na neamhchinnteachtaí sin, méadaítear rioscaí maidir le comhlíontacht agus costais do na rannpháirtithe sa mhargadh atá toilteanach samhlacha gnó nuálacha a fhiosrú.

•Comhairliúcháin leis na páirtithe leasmhara

·An Coimisiún Eorpach ‘Call for evidence on the Savings and Investments Union: Fostering integration and scale and more efficient supervision in EU capital markets’ [Glao ar fhianaise maidir leis an Aontas Coigiltis agus Infheistíochta: Comhtháthú agus scála a chothú agus maoirseacht níos éifeachtúla i margaí caipitil an Aontais], idir an 8 Bealtaine agus an 5 Meitheamh 2025;

·Comhairliúchán spriocdhírithe an Choimisiúin Eorpaigh dar teideal ‘Integration of EU capital markets’ [Comhtháthú mhargaí caipitil an Aontais], idir an 15 Aibreán agus an 10 Meitheamh 2025.

Bhí na grúpaí páirtithe leasmhara uile ar aon tuairim den chuid is mó maidir leis an ngá le margaí caipitil níos comhtháite agus cóineasú maoirseachta feabhsaithe. In éineacht leis sin bhí iarraidh chomhpháirteach ar shimpliú, comhréireacht agus deimhneacht dhlíthiúil. D’aithin na páirtithe leasmhara ar an iomlán go bhfeabhsódh éiceachóras airgeadais níos comhtháite agus níos éifeachtúla iomaíochas na hEorpa, go gcuirfeadh sé feabhas ar an rochtain ar mhaoiniú agus go leathnódh sé deiseanna infheistíochta. Mar sin féin, chuir siad i dtábhacht nach mór do na hathchóirithe a bheith cothrom, trédhearcach agus ionchuimsitheach, agus ba cheart tairbhí inláimhsithe do shaoránaigh agus don fhíorgheilleagar a léiriú. Bhí an leibhéal tacaíochta do lárú na maoirseachta ar leibhéal an Aontais an‑éagsúil i measc na bpáirtithe leasmhara. B’iondúil gurbh fhearr le comhlachais ghnó agus le cuideachtaí dul chun cinn incriminteach laistigh den struchtúr institiúideach reatha, ach bhí eagraíochtaí neamhrialtasacha agus roinnt ball den phobal ar son maoirseacht níos láidre ar leibhéal an Aontais chun comhsheasmhacht agus cuntasacht a áirithiú.

•Bailiú agus úsáid saineolais

•Measúnú tionchair

•Oiriúnacht rialála agus simpliú

•Cearta bunúsacha

4.IMPLEACHTAÍ BUISÉADACHA

5.EILIMINTÍ EILE

•Pleananna cur chun feidhme, agus socruithe faireacháin, meastóireachta agus tuairiscithe

•Doiciméid mhíniúcháin (i gcás treoracha)

•Míniúchán mionsonraithe ar fhorálacha sonracha an togra

·Rialachán (AE) Uimh. 1095/2010 (Rialachán ESMA; Airteagal 1);

·Rialachán (AE) Uimh. 648/2012 (an Rialachán maidir le Bonneagar Margaidh Eorpach; Airteagal 2);

·Rialachán (AE) Uimh. 600/2014 (MiFIR; Airteagal 3);

·Rialachán (AE) Uimh. 909/2014 (an Rialachán maidir le Taisclanna Lárnacha Urrús; Airteagal 4);

·Rialachán (AE) 2015/2365 (STFR; Airteagal 5);

·Rialachán (AE) 2019/1156 (an Rialachán maidir le Dáileadh Trasteorann; Airteagal 6);

·Rialachán (AE) 2021/23 (An Rialachán maidir le Téarnamh agus Réiteach Contrapháirtithe Lárnacha; Airteagal 7);

·Rialachán (AE) 2022/858 (DLTPR; Airteagal 8);

·Rialachán (AE) 2023/1114 (MiCA; Airteagal 9);

·Rialachán (CE) Uimh. 1060/2009 (Rialachán CRA; Airteagal 10);

·Rialachán (AE) 2016/1011 (Rialachán maidir le Tagarmharcanna; Airteagal 11);

·Rialachán (AE) 2017/2402 (Rialachán Urrúsúcháin; Airteagal 12);

·Rialachán (AE) 2023/2631 (Rialachán maidir le Bannaí Glasa Eorpacha; Airteagal 13); agus

·Rialachán (AE) 2024/3005 (Rialachán maidir le Rátálacha ESG; Airteagal 14.

Airteagal 1 – Leasuithe ar Rialachán ESMA

Is é is aidhm do na leasuithe beartaithe ar Rialachán (AE) Uimh. 1095/2010 (Rialachán ESMA) sainordú, rialachas agus cistiú ESMA a neartú chun maoirseacht níos comhsheasmhaí, níos trédhearcaí agus níos cuntasaí a áirithiú ar fud an Aontais. Cruthófar leis sin dálaí níos fearr don chomhtháthú margaidh, ginfear gnóthachain éifeachtúlachta agus méadófar muinín infheisteoirí sa mhargadh aonair.

Maidir le cúraimí agus cumhachtaí, glactar cur chuige, lena ngabhann dhá ghné, leis na leasuithe beartaithe: (i) togra chun cumhachtaí maoirseachta a aistriú chuig ESMA i gcás eintitis mhóra bonneagair margaidh agus SSCSanna; agus (ii) leasuithe chun úsáid agus éifeachtacht uirlisí cóineasaithe margaíochta a mhéadú. Mar bhonn taca faoi na hathruithe sin tá athbhreithniú ar rialachas agus socruithe cistiúcháin ESMA lena áirithiú go mbíonn an chinnteoireacht ar leibhéal an Aontais simplí, neamhspleách agus éifeachtúil, agus go mbíonn acmhainní iomchuí ar fáil chun na cuspóirí nua a chur chun feidhme. 

Cúraimí agus cumhachtaí ginearálta

Is é is aidhm do na leasuithe ar Airteagail 1, 4 agus 8 raon feidhme an Rialacháin a shoiléiriú agus sainmhínithe nuashonraithe a sholáthar chun na freagrachtaí maoirseachta dírí nua a léiriú. Chomh maith leis sin, leis na hathruithe sin cuirtear sainordú ESMA i gcomhréir leis na cuspóirí a bhaineann leis an nuálaíocht a chur chun cinn, maoirseacht atá bunaithe ar shonraí agus forfheidhmiú éifeachtach. 

Leis an airteagal nua, Airteagal 8a maidir le dualgas an chomhair, cuirtear i dtábhacht an comhar idir ESMA agus údaráis. Is é is aidhm dó sin comhar, comhroinnt faisnéise agus tacaíocht fhrithpháirteach níos fearr a chur chun cinn agus creat a chruthú le haghaidh comhar struchtúrtha, ach solúbtha, idir ESMA agus údaráis inniúla nó ábhartha eile. Go sonrach, d’áiritheofaí leis sin gurbh fhéidir le ESMA a chúraimí maoirseachta dírí a dhéanamh go réidh, go héifeachtach agus go comhréireach, fad a chosnódh sé a neamhspleáchas. Moltar go mbunódh ESMA socruithe praiticiúla solúbtha don chomhar, a bheadh saincheaptha d’earnálacha agus do chúraimí sonracha, agus a bheadh faoi stiúir na bprionsabal a bhaineann le héifeachtúlacht, comhréireacht agus iontaoibh fhrithpháirteach. D’fhéadfaí a áireamh ar na socruithe sin comhfhoirne maoirseachta, cigireachtaí comhpháirteacha, nó comhordú oibríochtúil. Ba cheart coigeartuithe céimneacha le himeacht ama a chur san áireamh leo. Leis na socruithe don chomhar ba cheart tús áite a thabhairt do mhaoirseacht éifeachtach atá tíosach ar acmhainní, do leanúnachas agus do chomhsheasmhacht torthaí maoirseachta, agus urramú freagrachtaí reachtúla agus acmhainní údarás eile. Leis an airteagal nua, Airteagal 8a, cuirfear ar chumas ESMA agus údarás eile oibriú ar bhealach níos éifeachtaí lena chéile, agus leas a bhaint as a gcuid saineolais agus acmhainní comhchoiteanna chun dul i ngleic leis na dúshláin chasta atá os comhair chóras airgeadais an Aontais. Dá réir sin, cuirfear le margadh airgeadais Eorpach a bheidh níos comhtháite, níos cobhsaí agus níos rathúla.

Chun maoirseacht éifeachtach a áirithiú, leathnaítear leis na leasuithe ar Airteagal 9a raon feidhme chumhacht ESMA chun ‘litreacha i dtaca le gan gníomhú’ a eisiúint chun imthosca sonracha a chumhdach ina nochtar fadhbanna suntasacha do na rannpháirtithe sa mhargadh le cur i bhfeidhm gnímh reachtaigh. Is é is aidhm dó sin soiléireacht agus treoraíocht a chur ar fáil do na rannpháirtithe sa mhargadh agus an riosca a bhaineann le cur i bhfeidhm neamhsheasmhach dhlí an Aontais a laghdú. 

Leis na leasuithe ar Airteagail 10 agus 15, tugtar an chumhacht don Choimisiún gníomh tarmligthe nó gníomh cur chun feidhme leasaitheach a ghlacadh, fiú mura gcuireann ESMA dréacht ar fáil. Tugtar aghaidh leis sin ar bhearna reatha sa chreat nós imeachta maidir le glacadh caighdeán teicniúil. Bunaítear leis na leasuithe beartaithe freisin nós imeachta chun caighdeáin rialála nó cur chun feidhme (nó codanna díobh) a chur ar fionraí go sealadach faoi choinníollacha sonracha. Is é is aidhm do na nósanna imeachta sin cumhachtaí rialála ESMA a dhéanamh níos solúbtha agus níos inoiriúnaithe, agus ba cheart go gcuirfeadh sé sin ar chumas an Choimisiúin feabhas a chur ar cheapadh rialacha agus freagrúlacht a mhéadú i ndáil le forbairtí margaidh, lena n‑áiritheofar feidhmiú réidh na margaí airgeadais. 

Leis na leasuithe ar Airteagail 8(2), 17 agus 19(4), soiléirítear nach mór do ESMA dlí an Aontais a chur i bhfeidhm, i gcomhréir le breithiúnas Corneli 13 . Áirítear leis sin dlíthe náisiúnta lena gcuirtear chun feidhme Treoracha de chuid an Aontais, ar cheart iad a léirmhíniú ar bhealach atá i gcomhréir leis na Treoracha seo.

Le hAirteagal 17aa tugtar cumhacht nua do ESMA i réimse an chóineasaithe maoirseachta chun é a cheangal ar údarás inniúil a thuairim a lorg i gcásanna ina bhfuil teipeanna tromchúiseacha maoirseachta sainaitheanta ag measúnú piaraí nó imscrúdú. Thairis sin, beidh an chumhacht ag ESMA gníomhaíochtaí ceartaitheacha prasa éifeachtacha a éileamh chun dul i ngleic le heasnaimh mhaoirseachta. Is é is aidhm don bheart coimirce nua sin a chur ar chumas ESMA gníomhú i gcásanna ina ndeonófaí rochtain ar mhargadh an Aontais do tháirgí nó eintitis gan maoirseacht leordhóthanach, nó i gcás ina ndéanfadh arbatráiste maoirseachta dochar don chóras pasanna.

Tugtar isteach le hAirteagal 19a ardáin chomhair idir údaráis inniúla, lena bhfeabhsófar comhoibriú agus maoirseacht ar ghníomhaíochtaí trasteorann. Forbraítear leis sin an rath a ghabhann le hardáin den chineál céanna faoi Threoir Shócmhainneacht II. Éascóidh na hardáin sin malartú faisnéise, molfar réitigh agus cuirfear cultúr an chomhair chun cinn. Beidh sé de chumhacht ag ESMA díospóidí a réiteach.

Le hAirteagail 28a agus 28b déantar foráil maidir le sásra a bhunú le haghaidh aitheantas comhpháirteach fíneálacha riaracháin agus cúnamh lena n‑aisghabháil i gcomhthéacs trasteorann. Is é is aidhm dó sin é a dhéanamh níos éasca na rialacha sa mhargadh aonair a fhorfheidhmiú, i gcodarsnacht leis an gcás mar atá faoi láthair, a fhágann go bhfuil sé an‑chasta, nó dodhéanta fiú, fíneálacha i ndlínse eile a aisghabháil.

Cumhachtaí maoirseachta

Chun maoirseacht éifeachtach chomhsheasmhach a áirithiú ar fud earnálacha, moltar caibidil nua, Caibidil IIa a chur isteach lena gcomhdhlúthófar cumhachtaí nós imeachta ESMA, mar a leagtar amach faoi láthair iad sa reachtaíocht earnálach, i gcreat trasearnála amháin. Leis an gcreat sin, cuíchóirítear na rialacha maidir le hiarrataí ar fhaisnéis, imscrúduithe, cigireachtaí ar an láthair, bearta maoirseachta, agus pionóis, fad a chosnaítear an ceart cosanta, an ceart chun pribhléid ghairmiúil dlíodóra agus an ceart chun cosaint dlí. Toisc go mbunaítear leis tacar comhsheasmhach aonfhoirmeach cumhachtaí nós imeachta, méadaítear leis an Rialachán an deimhneacht dhlíthiúil, cuirtear cóineasú agus éifeachtúlacht mhaoirseachta chun cinn, agus cabhraítear le ESMA a fhreagrachtaí maoirseachta dírí a fheidhmiú go cuntasach. Tá na cumhachtaí sin gan dochar d’aon chumhacht shonrach nó dhifriúil eile a leagtar amach i nGníomhartha eile an Aontais. 

Cistiú

Chun a áirithiú go maoinítear gníomhaíochtaí maoirseachta ESMA ar bhealach cóir trédhearcach, moltar leis an Rialachán na prionsabail lena rialaítear na táillí a ghearrtar ar na rannpháirtithe margaidh airgeadais a chomhchuibhiú faoi mhaoirseacht ESMA (Airteagal 39n). Comhdhlúthaítear leis an Rialachán na prionsabail atá scaipthe ar fud na reachtaíochta earnála faoi láthair chun creat aontaithe a bhunú maidir le ríomh táillí, raon feidhme agus trédhearcacht. Cuirtear chun cinn leis na leasuithe beartaithe deimhneacht dhlíthiúil agus trédhearcacht do na heintitis atá ann cheana agus na heintitis nua araon, lena gcuirfear ar a gcumas a bheith ag súil le táillí maoirseachta, agus pleanáil ina leith. Cabhraíonn na leasuithe beartaithe le ESMA maoirseacht agus rialáil a dhéanamh ar an earnáil airgeadais. 

Tá leasú déanta ar Rialachán (AE) 2015/2365 freisin, chun go mbeidh sé i gcomhréir leis na hathruithe ar na táillí a ghearrann ESMA ar rannpháirtithe margaidh airgeadais.

Rialachas

Soláthraítear leis an togra sin struchtúr rialachais níos éifeachtaí do ESMA. Cuirtear Bord Feidhmiúcháin, ar a bhfuil comhaltaí lánaimseartha neamhspleácha (Airteagail 44a agus 46a), in ionad an Bhoird Bainistíochta atá ann faoi láthair, agus coigeartaítear comhdhéanamh an Bhoird Maoirseoirí (Airteagal 40). Soiléirítear leis an togra freagrachtaí an dá bhord sin faoi seach (Airteagail 43 agus 46a). Ar an mBord Feidhmiúcháin beidh cathaoirleach agus 5 chomhalta lánaimseartha, ag a mbeidh taithí éagsúil ar an maoirseacht, agus, i dteannta a chéile, beidh tuiscint iomchuí acu ar na hearnálacha faoi mhaoirseacht ESMA. Ceapfar na comhaltaí le próiseas lena ngabhfaidh an Coimisiún, Parlaimint na hEorpa agus an Chomhairle. Beidh siad faoi réir rialacha diana maidir le coinbhleacht leasa agus beidh a shainordú teoranta do 5 bliana, agus beidh an fhéidearthacht ann síneadh 2 bhliain a chur leis. Leagtar amach le hAirteagal 46a cúraimí an Bhoird Feidhmiúcháin, a bheidh freagrach go príomha as cinntí a bhaineann le maoirseacht dhíreach ar rannpháirtithe margaidh airgeadais. Beidh réimse cumhachtaí cinnteoireachta ag an mBord Feidhmiúcháin freisin, lena n‑áirítear cinn maidir le húdaráis inniúla ar leithligh i ndáil le hábhair neamhrialála áirithe, amhail réiteach díospóidí, ábhair a bhaineann le sárú ar dhlí an Aontais agus athbhreithnithe neamhspleácha. Leis sin, cuirfear le cinnteoireacht níos éifeachtaí lena n‑áirithítear cothromaíocht mhaith idir sainiúlachtaí náisiúnta agus leasanna comhchoiteanna an Aontais. Glacfaidh an Bord Feidhmiúcháin freagrachtaí an Bhoird Bainistíochta maidir le cláir oibre agus buiséad ESMA a ullmhú, agus scoirfear de ghníomhaíochtaí an Bhoird Bainistíochta. Cuirfear na tagairtí don Bhord Feidhmiúcháin in ionad na dtagairtí uile atá ann faoi láthair don Bhord Bainistíochta. Beidh vóta amháin an duine ag na comhaltaí den Bhord Feidhmiúcháin, lena n‑áirítear an cathaoirleach, agus beidh an vóta réitigh ag an gcathaoirleach.

Is é an Bord Maoirseoirí an príomhchomhlacht de chuid ESMA atá i gceannas fós ar an treoraíocht fhoriomlán agus an chinnteoireacht maidir le hábhair rialála agus cóineasú maoirseachta. Athraítear leis na leasuithe beartaithe ar Airteagal 40 comhdhéanamh an Bhoird Maoirseoirí chun comhaltaí lánaimseartha an Bhoird Feidhmiúcháin a áireamh. Beidh an Bord Maoirseoirí in ann cur in aghaidh na bpríomhchinntí maoirseachta arna ndéanamh ag an mBord Feidhmiúcháin laistigh de 10 lá, nó 48 uair an chloig i gcásanna práinneacha. Féadfaidh an Bord Feidhmiúcháin tuairim a iarraidh ar an mBord Maoirseoirí maidir le hábhair mhaoirseachta agus ní mór dó tuairisciú don Bhord Maoirseoirí i ndáil lena ghníomhaíochtaí maoirseachta faoi dhó in aghaidh na bliana. Ina gcáil mar chomhaltaí vótála den Bhord Maoirseoirí, cuirfidh comhaltaí an Bhoird Feidhmiúcháin a gcuid saineolais ar fáil don Bhord Maoirseoirí agus vótálfaidh siad ar ábhair ghinearálta a bhaineann le cóineasú maoirseachta. 

Airteagal 2 – Leasuithe ar an Rialachán maidir le Bonneagar Margaidh Eorpach

Maoirseacht ar CPLanna suntasacha

Tugtar na hairteagail nua Airteagail 22a go 22c isteach chun maoirseacht dhíreach a thabhairt do ESMA ar CPLanna suntasacha, chun na sonraí uile maidir leis na próisis a bhaineann le cinneadh ESMA, gur CPL suntasach é CPL faoi leith, a shonrú, chun na cumhachtaí, a shanntar do ESMA ar CPLanna suntasacha, a shonrú, agus chun foráil a thabhairt isteach maidir leis na táillí maoirseachta a ghearrann ESMA ar CPLanna a ndéanann sé maoirseacht orthu. Leasaítear Airteagal 12 chun an chumhacht a thabhairt do ESMA pionóis a fhorchur. Tugtar iarscríbhinn nua isteach freisin, Iarscríbhinn V, chun liosta sáruithe a sholáthar ar féidir le ESMA fíneálacha a fhorchur ina leith. Leasaítear Airteagal 2 chun an sainmhíniú ar ‘údarás inniúil’ a oiriúnú agus chun sainmhínithe nua a thabhairt isteach ar na téarmaí ‘CPL suntasach’, ‘údarás inniúil CPL’ agus ‘údarás inniúil náisiúnta’. Ina theannta sin, leasaítear Airteagal 22 chun an rogha a sholáthar do Bhallstáit ESMA a cheapadh mar údarás inniúil CPL, agus é sin a dhéanamh i gcás CPLanna ar lú a suntas freisin. Chun a áirithiú go mbíonn na sainmhínithe sin comhsheasmhach ar fud na gcodanna gaolmhara de na Rialacháin agus chun údarás maoirseachta ESMA ar CPLanna suntasacha a léiriú, tugadh leasuithe isteach ar Rialachán (AE) 2021/23 freisin.

Oiriúnaítear Airteagail 14, 17, 18, 20 chun coláistí do CPLanna suntasacha a dhíothú agus chun na nósanna imeachta éagsúla a choigeartú chun ról nua ESMA a chur san áireamh, mar shampla trí dheireadh a chur leis an ngá atá le tuairimí ESMA, i gcás ina bhfuil CPLanna i gceist, agus chun díothú an Choiste Maoirseachta do CPLanna a chur san áireamh.

Ina theannta sin, leasaítear Airteagal 23 chun forálacha a chur isteach maidir le comhar ESMA leis na ‘údaráis ábhartha do CPLanna suntasacha’. Leis an athrú sin gabhann sainmhíniú nua ar an téarma ‘údaráis ábhartha do CPLanna suntasacha’ in Airteagal 2, agus airteagal nua, Airteagal 22d, chun liosta mionsonraithe de na húdaráis ábhartha do CPLanna den sórt sin a sholáthar. Ina theannta sin, leasaítear Airteagail 17c, 20, 23 agus 24 chun an téarma nua sin a chur san áireamh sna nósanna imeachta agus na sreabha faisnéise ábhartha.

Leasaítear Airteagal 89 chun na forálacha idirthréimhseacha maidir le CPLanna a ailíniú, a bhí údaraithe cheana féin sular tháinig an Rialachán leasaitheach seo i bhfeidhm.

Maoirseacht ar CPLanna ar lú a suntas

Leasaítear Airteagal 2 chun sainmhíniú ar ‘CPL ar lú a shuntas’ a thabhairt isteach. Leasaítear Airteagal 18 chun go mbeidh ESMA ina chathaoirleach aonair ar na coláistí do CPLanna ar lú a suntas. Ina theannta sin, leasaítear Airteagail 24a, 24d agus 25c, agus scriostar Airteagail 24e agus 90 chun na hathruithe ar rialachas inmheánach ESMA a léiriú, go háirithe tabhairt isteach an Bhoird Feidhmiúcháin nua do ESMA agus díothú an Choiste Maoirseachta do CPLanna.

Rochtain oscailte agus próisis idir‑inoibritheachta

Leasaítear Airteagail 7, 8 agus 54 chun an ceart a thabhairt do ESMA chun eadráin a dhéanamh maidir le hiarrataí ar rochtain chuig CPL agus iarrataí ar rochtain chuig ionad trádála agus chun iarrataí ar shocruithe idir‑inoibritheachta a fhormheas.

Airteagal 3 – Leasuithe ar an Rialachán maidir le Margaí i mBonneagar Airgeadais

Déantar maoirseacht ar ionaid trádála ar bhonn náisiúnta faoi láthair. Príomhcholún den togra seo is ea inniúlachtaí maoirseachta a aistriú i gcás ionaid trádála shuntasacha agus Oibreoirí Margaidh Uile‑Eorpacha nó OMUEnna (agus ionaid trádála a oibríonn OMUEnna) chuig ESMA. Measfar go bhfuil ionad trádála suntasach má tá sé tábhachtach do gheilleagar an Aontais nó, anuas ar a mhéid suntasach, má ghabhann gné shuntasach thrasteorann leis. Leis an togra tugtar na cumhachtaí riachtanacha do ESMA chun a chúraimí maoirseachta a dhéanamh, ach baineann cumhachtaí um fhaireachas margaidh áirithe leis an leibhéal náisiúnta fós agus tugtar iad do na húdaráis faireacháin náisiúnta.

I bhfianaise na tábhachta a bhaineann le cóngaracht na n‑éiceachóras margaidh áitiúil, choinneodh údaráis faireacháin náisiúnta na freagrachtaí ar an leibhéal áitiúil chun sláine margaidh na n‑ionad trádála suntasach, nó na n‑ionad trádála arna n‑oibriú ag OMUE, a áirithiú. Mar sin féin, bheadh na freagrachtaí sin teoranta do mhaoirseacht ar thrádáil ordúil agus faireachán a dhéanamh ar dhrochúsáid mhargaidh, agus ní chumhdófaí leo oibleagáidí arna bhforchur go díreach ar ionaid trádála.

Comhchuibhiú na rialacha is infheidhme maidir le hionaid trádála

Le Treoir 2014/65/AE (Treoir II maidir le Margaí in Ionstraimí Airgeadais) leagtar amach na rialacha i ndáil le húdarú agus oibriú ionad trádála. Mar sin féin, ós rud é gur leagadh amach na rialacha sin i dTreoir, fágadh gur trasuíodh agus gur léirmhíníodh dlí an Aontais ar bhealaí éagsúla. Dá thoradh sin freisin, ghlac mórán Ballstát bearta breise i réimsí nach gcomhchuibhítear go daingean faoin Treoir, amhail ceanglais stuamachta maidir le margaí rialáilte. Is réamhchoinníoll le haghaidh maoirseacht éifeachtach ar leibhéal an Aontais é ‘leabhar rialacha aonair’ a chruthú d’ionaid trádála. Dá bhrí sin, cuirtear isteach leis an togra teideal nua, Teideal Ia, i Rialachán (AE) Uimh. 600/2014 (an Rialachán maidir le Margaí in Ionstraimí Airgeadais) chun na rialacha maidir le hionaid trádála a chomhchuibhiú a thuilleadh agus chun deireadh a chur leis na rialacha náisiúnta lena gcuirtear bac ar fheidhmiú an mhargaidh aonair. Aistríodh líon mór beart go díreach ó Threoir II maidir le Margaí in Ionstraimí Airgeadais cheana féin, ach sonraítear a thuilleadh, le Teideal Ia, an teideal nua, an creat infheidhme sna réimsí a d’fhágtaí faoi réir rogha na tíre roimhe seo.

Ina theannta sin, soiléirítear le Teideal Ia atá beartaithe, na cineálacha gníomhaíochtaí trasteorann a fhéadfaidh margadh rialáilte a dhéanamh ar bhonn a cheadúnais aonair. Soiléirítear leis, dá bhrí sin, ní hamháin gur cheart do mhargaí rialáilte a bheith in ann socruithe a sholáthar chun rochtain ar a n‑ionad ó Bhallstáit eile a chumasú (trí ‘scáileáin trádála’), de réir mar a fhoráiltear i dTreoir II maidir le Margaí in Ionstraimí Airgeadais cheana féin, ach gur cheart iad a bheith in ann seirbhísí a bhaineann leis an méid seo a leanas a sholáthar freisin: (i) urrúis a ligean isteach chun trádáil ina n‑ionad; agus (ii) comhaltaí nua ó Bhallstáit eile a ligean isteach. Soiléirítear freisin gur féidir le margaí rialáilte déanamh amhlaidh le bunú brainse nó, in éagmais brainse, leis an tsaoirse chun seirbhísí a sholáthar ar fud mhargadh aonair an Aontais. Tá na cearta céanna ag saoráidí trádála iltaobhacha agus saoráidí trádála eagraithe.

Ar deireadh, is é is aidhm don togra éascaíocht a dhéanamh ar leithdháileadh acmhainní agus feidhmeanna i ngrúpa. Dá bhrí sin, soiléirítear le Teideal Ia, nár cheart a mheas gur seachfhoinsiú atá i gceist, chun críoch an Rialacháin maidir le Margaí in Ionstraimí Airgeadais, le leithdháileadh acmhainní ar eintiteas sa ghrúpa céanna nó brath ar eintiteas den sórt sin feidhmeanna áirithe a dhéanamh. Soiléirítear freisin nár cheart suíomh geografach eintitis, ar a leithdháiltear acmhainní nó ar a mbraitear chun feidhmeanna áirithe a dhéanamh, a bheith ábhartha do mheasúnú an údaráis inniúil ar chomhlíontacht an ionaid trádála lena gceanglais eagraíochtúla.

Stádas ‘Oibreoir Margaidh Uile-Eorpach’ a chruthú

Cruthaítear leis an togra stádas nua mar ‘Oibreoir Margaidh Uile-Eorpach’ (OMUE), lena gceadaítear oibriú roinnt ionaid trádála i mbreis agus Ballstát amháin ar bhonn ceadúnas aonair. Má ghlacann OMUE ionaid trádála atá ann cheana ar láimh, déantar foráil leis an togra go measfaí go bhfuil an t‑údarú/na húdaruithe aonair, faoinar oibrigh na hionaid sin, ar neamhní a luaithe a d’eiseofaí an t‑údarú OMUE nua. Leagtar amach le Teideal Ia an nós imeachta um údarú go mion, chomh maith leis na ceanglais is infheidhme maidir le OMUEnna. Soiléirítear leis an togra chomh maith, gur cheart do OMUE a bheith freagrach as a áirithiú go gcomhlíonann na hionaid trádála a oibríonn sé na ceanglais is infheidhme maidir le margaí rialáilte, saoráidí trádála iltaobhacha nó saoráidí trádála eagraithe, de réir mar is iomchuí. Ar deireadh, maidir leis na réimsí dlí nach bhfuil comhchuibhithe go fóill (e.g. dlí cánachais) nó nach bhfuil comhchuibhithe ina n‑iomláine go fóill (e.g. rialacha maidir le trédhearcacht) faoi dhlí an Aontais, soiléirítear leis an togra, i gcás gach ionaid trádála, gur cheart do OMUE dlí an Bhallstáit, ina meastar go bhfuil an t‑ionad trádála lonnaithe nó á oibriú, a chur i bhfeidhm, agus gur cheart údarás faireacháin an Bhallstáit, ina meastar go bhfuil ionad arna oibriú ag OMUE lonnaithe nó á oibriú, a bheith san údarás faireacháin náisiúnta ábhartha. Anuas air sin, i gcás ina nglacann OMUE oibriú ionaid trádála atá údaraithe cheana féin ar láimh, soiléirítear gur cheart a mheas go bhfuil an t‑ionad trádála sin lonnaithe nó á oibriú sa Bhallstát inar údaraíodh é i dtosach.

Rochtain Oscailte

Faoin togra seo, chuíchóireofaí na rialacha faoina mbeadh rochtain ag ionad trádála ar sheirbhísí CPL (Airteagal 35 den Rialachán maidir le Margaí in Ionstraimí Airgeadais) agus faoina mbeadh rochtain ag CPL ar fhothaí trádála ionaid trádála (Airteagal 36 den Rialachán maidir le Margaí in Ionstraimí Airgeadais) lena áirithiú nach mbeadh moill gan údar le rochtain den sórt sin agus nach ndiúltófaí an rochtain sin ach amháin i gcás ina mbeadh rioscaí córasacha suntasacha nó rioscaí maidir le feidhmiú ordúil na margaí ag gabháil léi. Thairis sin, bheadh an cleachtas margaidh dá ngairtear ‘imréiteach fabhraithe’ toirmiscthe i gcás ina roghnódh dhá pháirtí imréiteach a dhéanamh ag CPLanna difriúla a bhfuil rochtain, ar ionad trádála faoi leith, deonaithe dóibh cheana féin agus a bhfuil socruithe idir‑inoibritheachta curtha i bhfeidhm acu cheana féin.

Feabhsú na teilitéipe comhdhlúite

De réir an Rialacháin maidir le Margaí in Ionstraimí Airgeadais, mar atá faoi láthair, ní thugtar sa teilitéip chomhdhlúite do scaireanna agus cistí arna dtrádáil ar an malartán faisnéis maidir le céannacht an ionaid trádála a bhfuil an tairiscint agus an praghas tairisceana is fearr aige, ná ar dhoimhneacht an leabhair trádála. I bhfianaise a thábhachtaí atá an fhaisnéis sin d’úsáideoirí na teilitéipe comhdhlúite, cuireann an togra leis an teilitéip í. Chomh maith leis sin, leis an togra feabhsaítear an trédhearcacht maidir le luachaintí ó inmheánaitheoirí córasacha maidir le horduithe de thionscnamh cliaint mhiondíola.

Airteagal 4 – Leasuithe ar an Rialachán maidir le Taisclanna Lárnacha Urrús

Nuachóiriú an chreata rialála do sheirbhísí TLU

Leasaítear Airteagal 2 den Rialachán maidir le Taisclanna Lárnacha Urrús chun foráil a dhéanamh maidir le soláthar seirbhísí TLU le teicneolaíocht mórleabhar dáilte. Go sonrach, leasaítear na sainmhínithe atá ann cheana, is iad sin ‘cuntas reatha’, ‘airgead tirim’ agus ‘cuntais urrús’, agus cuirtear na sainmhínithe ‘teicneolaíocht mórleabhar dáilte’ agus ‘comhartha ríomh-airgid’ isteach. Ar an gcaoi chéanna, leasaítear Airteagal 30, a bhaineann le seachfhoinsiú, chun soláthar sheirbhísí TLU le teicneolaíocht mórleabhar dáilte a chumhdach agus tugtar isteach airteagal nua (Airteagal 45a) maidir le rioscaí a bhaineann le húsáid na teicneolaíochta mórleabhar dáilte lasmuigh de shocrú seachfhoinsithe. Ar deireadh, leasaítear an creat a leagtar amach i dTeideal IV le haghaidh shocrú na gné airgid d’idirbheart urrús chun gur féidir socraíocht a dhéanamh, faoi dhálaí sonracha, le comharthaí ríomh-airgid áirithe arna n‑údarú faoin Rialachán maidir le Margaí Cripteashócmhainní.

Maoirseacht ar TLUnna suntasacha 

Leasaítear Airteagal 11 den Rialachán maidir le Taisclanna Lárnacha Urrús chun údarás maoirseachta dírí a thabhairt do ESMA ar TLUnna suntasacha agus cuirtear airteagal nua, Airteagal 11a, isteach chun na coinníollacha agus na nósanna imeachta a leagan amach chun cinneadh a dhéanamh maidir leis na TLUnna AE atá ‘suntasach’. Ós rud é gur ESMA a bheidh ina mhaoirseoir díreach ar TLUnna suntasacha, leasaítear Airteagal 2 chun an sainmhíniú ar ‘údarás inniúil’ a athrú agus cuirtear isteach sainmhíniú nua ar ‘údarás inniúil náisiúnta’. Leasaítear Airteagal 10 chun ról nua ESMA mar mhaoirseoir a léiriú. Leasaítear Teideal V maidir le smachtbhannaí freisin, chun ról nua ESMA a léiriú, agus liostaítear in iarscríbhinn nua, Iarscríbhinn II, na sáruithe ar féidir le ESMA smachtbhannaí a fhorchur ina leith.

Leasaítear Airteagal 24a chun na coláistí do TLUnna suntasacha a dhíothú agus leasaítear Airteagail 15, 16, 17, 19, 20, 21, 21a, 22b, 27b, 60 agus 62 chun na nósanna imeachta éagsúla a choigeartú chun ról nua ESMA a chur san áireamh. Áirítear leis sin mar shampla, deireadh a chur leis an ngá atá le tuairim ó ESMA, i gcás ina bhfuil TLUnna suntasacha i gceist. Le hAirteagal 10 tugtar tuilleadh sonraí maidir le cumhachtaí formhaoirseachta agus maoirseachta ESMA i ndáil le TLUnna suntasacha.

I bhfianaise chumhachtaí nua ESMA i ndáil le TLUnna suntasacha, leagtar amach in airteagal nua, Airteagal 25a, an creat le haghaidh táillí maoirseachta is féidir le ESMA a ghearradh.

Comhtháthú sheirbhísí TLU

Leasaítear Airteagal 14 chun forálacha níos mionsonraithe a sholáthar maidir leis an gcomhar idir ESMA, údaráis ábhartha, agus údaráis inniúla náisiúnta.

Leasaítear Airteagal 2 chun sainmhíniú ar an téarma ‘mol TLU’ a thabhairt isteach, agus leagtar amach in airteagal nua, Airteagal 48a, an nós imeachta lena gcinnfidh ESMA cé na TLUnna de chuid an Aontais a meastar gur moil TLU iad. Chun rochtain ar na hionstraimí airgeadais uile arna n‑eisiúint in TLUnna an Aontais a éascú, tugtar isteach le hAirteagal 48a ceanglas ar mhoil TLU naisc chómhalartacha a bhunú le moil TLU eile, agus ar TLUnna, nach moil iad, naisc chómhalartacha a bhunú le mol TLU.

Chun TLUnna an Aontais a chomhtháthú a thuilleadh, leasaítear Airteagal 40 chun é a chur de cheangal ar TLUnna an Aontais, a shocraíonn an ghné airgid dá n‑idirbhearta in airgeadra atá ar fáil ar ardán comhtháite de chuid an Aontais, nascadh go díreach leis an ardán sin agus é a chur ar a gcumas dá rannpháirtithe an ghné airgid i gcuntais, arna n‑oscailt ar an ardán sin, a shocrú.

Maidir leis na ceanglais a bhfuil feidhm acu nuair is mian le TLU institiúid creidmheasa a ainmniú chun seirbhísí coimhdeacha de chineál baincéireachta a sholáthar, go sonrach nuair a shocraítear an ghné airgid le hairgeadraí nach airgeadraí de chuid an Aontais iad, leasaítear Airteagal 54 chun na ceanglais sin a mhaolú.

Cuirtear Airteagal 19a isteach chun próiseas simplithe a thabhairt isteach maidir le croísheirbhísí a sheachfhoinsiú laistigh de ghrúpa TLUnna.

An córas um nós imeachta an phas do TLUnna a fheabhsú 

Agus an aidhm ann na bacainní atá fágtha, i ndáil le nós imeachta an phas do sheirbhísí TLU san Aontas, a bhaint, leasaítear Airteagal 23 chun na n‑éileofar fógra ex post, ach amháin nuair a thosóidh TLU an Aontais ag tairiscint a sheirbhísí d’eisitheoirí atá bunaithe i mBallstát eile, seachas an Ballstát a d’údaraigh TLU.

Leis an togra seo leasaítear Córas Píolótach TML (Rialachán (AE) 2022/858) freisin chun solúbthacht agus comhréireacht an chórais a mhéadú, chomh maith lena scála agus a raon feidhme a mhéadú agus chun aghaidh a thabhairt ar ábhair imní i ndáil le marthanacht an chórais trí dheireadh a chur le teorainneacha ama na gceadanna arna ndeonú faoin gcóras píolótach.

Raon feidhme ionstraimí incháilithe agus scála gníomhaíochtaí a leathnú agus a dhéanamh níos solúbtha

Leasaítear Airteagal 2 chun coincheapa nua a thabhairt isteach. I measc cinn eile, tá ionad trádála TML á thabhairt ar an mbonneagar trádála sa Chóras Píolótach chun a léiriú go bhféadfaí córas trádála iltaobhach agus saoráid trádála eagraithe araon a oibriú faoin gCóras Píolótach. Leasaítear Airteagal 3 chun teorainneacha reatha an chórais phíolótaigh a dhéanamh níos solúbtha, maidir leis na cineálacha ionstraimí airgeadais atá incháilithe chomh maith le scála na gníomhaíochta is féidir a dhéanamh sna hionstraimí sin. Maidir le scála gníomhaíochtaí, choinneofaí leis an togra luach díola comhiomlánaithe uasta iomlán na n‑ionstraimí airgeadais TML uile is féidir a ligean isteach chun trádáil nó a thaifeadadh ar bhonneagar margaidh TML, ach d’ardófaí é chuig EUR 100 billiún. Ar deireadh, chuirfí deireadh leis an tairseach tháirge‑shonrach.

Córas simplithe a chruthú do bhonneagair mhargaidh TML atá níos lú

Leasaítear Airteagal 3 a thuilleadh agus cuirtear airteagal nua, Airteagal 7a, isteach chun córas simplithe a thabhairt isteach d’oibreoirí bonneagar TML atá níos lú agus a sholáthraíonn seirbhísí TLU, fad agus a fhanann siad faoi bhun na tairsí, arb é atá ann EUR 10 mbilliún, ar a mhéad, de luach díola iomlán ionstraimí airgeadais TML taifeadta. Leis an gcóras simplithe ghabhfadh rialacha a oiriúnaítear do scála na ngníomhaíochtaí arna ndéanamh ag oibreoirí beaga. Ag brath ar na gníomhaíochtaí a bhfuil sé i gceist ag iarratasóirí ar an gcóras simplithe a dhéanamh, cheanglófaí orthu údarú foluiteach a bheith acu, amhail ceadúnas do SSCS, TLU nó gnólacht infheistíochta, ionas go mbeidís incháilithe. Bheadh na heintitis a d’oibreodh faoin gcóras simplithe faoi réir fothacar sonraithe forálacha de Rialachán (AE) Uimh. 909/2014 lena mbaineann cur chuige níos comhréirí a bheadh bunaithe ar phrionsabail i leith na rialála ar sholáthar sheirbhísí TLU ar mhionscála.

Raon feidhme eintiteas incháilithe a leathnú

Leasaítear Airteagal 4 chun raon feidhme na n‑eintiteas, is féidir ionad trádála TML agus córas trádála agus socraíochta TML a oibriú, a leathnú chun soláthraithe seirbhísí cripteashócmhainní (SSCSanna), atá údaraithe chun ardán trádála cripteashócmhainní a oibriú, a áireamh, anuas ar ghnólachtaí infheistíochta agus TLUnna. SSCSanna a bhfuil cead acu bonneagar margaidh TML a oibriú, bheidís faoi réir na gceanglas a leagtar amach i rialacha an Aontais maidir le trádáil agus iarthrádáil (Rialachán (AE) Uimh. 600/2014, Treoir 2014/65/AE agus Rialachán (AE) Uimh. 909/2014) fad a thairbheoidís de dhíolúintí spriocdhírithe agus inchosanta, ar nós oibreoirí eile de bhonneagair mhargaidh TML.

Díolúintí breise maidir le hiarratasóirí a oibríonn ionad trádála TML agus córais socraíochta TML

Tugtar isteach airteagail nua, Airteagail 4a agus 5a, chun an fhéidearthacht a thairiscint d’oibreoirí bonneagar margaidh TML díolúintí a fháil, faoi réir coinníollacha dochta áirithe, ó réimse leathan forálacha de Threoir 2014/65/AE, Rialachán (AE) Uimh. 600/2014 agus Rialachán (AE) Uimh. 909/2014 i gcás ina bhfuarthas nach luíonn siad le húsáid teicneolaíochta mórleabhar dáilte, nó nach bhfuil siad i gcomhréir mórán le húsáid TML. Sula ndeonófaí díolúintí maidir le forálacha sonracha, ní mór d’údaráis inniúla tuairim neamhcheangailteach a lorg ó ESMA.

Rialacha sonracha d’oibreoirí córais socraíochta TML a shocraíonn íocaíochtaí le hairgead bainc tráchtála agus comharthaí ríomh-airgid

Leasaítear Airteagal 5 chun é a chur ar a gcumas d’oibreoirí córais socraíochta TML institiúidí creidmheasa a ainmniú do shocrú íocaíochtaí le hairgead bainc tráchtála a shásaíonn ceanglais stuamachta agus chaipitil Rialachán (AE) Uimh. 909/2014 a bheidh in ann tabhairt faoi ghníomhaíochtaí eile seachas seirbhísí coimhdeacha de chineál baincéireachta chun críche socraíochta. A mhéid a bhaineann le socrú íocaíochtaí le comharthaí ríomh-airgid, soiléirítear gur cheart don chineál céanna institiúidí creidmheasa, is féidir íocaíochtaí a shocrú le hairgead bainc tráchtála, formhór na seirbhísí coimhdeacha baincéireachta lena ngabhann comharthaí ríomh-airgid a sholáthar.

Soláthar sheirbhísí TLU aonair, scéimeanna socraíochta agus idir‑inoibritheacht idir bonneagair mhargaidh TML 

Tugtar isteach na hairteagail nua, Airteagail 10a go 10f, ar an gcéad dul síos, chun foráil a dhéanamh maidir le rialáil sheirbhís-shonrach ar dhá chroísheirbhís TLU, an tseirbhís nótaire agus an tseirbhís cothabhála lárnach, agus, ar an dara dul síos, chun samhail nua don tsocraíocht a thabhairt isteach, a bhraitheann ar leabharchoimeádaithe TML a bhfuil rochtain acu ar airgead bainc ceannais. Áirithítear, leis na hairteagail sin, maoirseacht chuimsitheach ar na bealaí nua sin chun croísheirbhísí TLU a sholáthar. Maidir leis an tseirbhís nótaire TML agus an tseirbhís cothabhála lárnach TML araon, féadann gnólacht infheistíochta, margadh rialáilte, institiúid creidmheasa, TLU, nó SSCS na seirbhísí sin a sholáthar nuair a fhaigheann siad cead sonrach chun an tseirbhís sin a sholáthar, tar éis dóibh comhlíontacht i ndáil leis na forálacha is infheidhme de Rialachán (AE) Uimh. 909/2014 a léiriú. Dá dheasca sin, beidh sé indéanta ionstraimí airgeadais TML a eisiúint agus a thaifeadadh lasmuigh de TLU, ach beidh ceanglas ann na hionstraimí sin a shocrú le bonneagar margaidh rialáilte. Thairis sin, beidh socraíocht ionstraimí airgeadais TML indéanta idir leabharchoimeádaithe TML a bhfuil rochtain acu ar chuntais airgid bainc ceannais. Beidh ar na leabharchoimeádaithe TML sin a bheith ina gcuid de scéim socraíochta, ar tacar rialacha agus nósanna imeachta í arna chomhaontú idir rannpháirtithe chun ionstraimí airgeadais TML a shocrú, agus nach mór do ESMA measúnú a dhéanamh air agus údarú a thabhairt ina leith roimh ré. Beidh ar an scéim socraíochta agus leabharchoimeádaithe TML rannpháirteacha roinnt ceanglas a chomhlíonadh, lena n‑áirithítear torthaí socraíochta téagartha, agus tuairisciú do ESMA go tráthrialta.

Ar deireadh, le hairteagal nua, Airteagal 10g, ceanglaítear ar eintitis atá gníomhach sa slabhra luacha iarthrádála sa Chóras Píolótach, agus lasmuigh de, caighdeáin theicniúla a bhunú lena dtacaítear le hidir‑inoibritheacht idir bonneagair mhargaidh TML, agus oibleagáid ann tuairisciú faoina gcuid oibre do ESMA. Agus iarrachtaí an tionscail á gcur san áireamh, ceanglaítear ar ESMA comhairle theicniúil a sholáthar don Choimisiún maidir le tacú le hidir‑inoibritheacht idir bonneagair mhargaidh TML.

2025/0383 (COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

lena leasaítear Rialacháin (AE) Uimh. 1095/2010, Uimh. 648/2012, Uimh. 600/2014, Uimh. 909/2014, 2015/2365, 2019/1156, 2021/23, 2022/858, 2023/1114, Uimh. 1060/2009, 2016/1011, 2017/2402, 2023/2631 agus 2024/3005 a mhéid a bhaineann le tuilleadh forbartha a dhéanamh i ndáil leis an gcomhtháthú margaidh caipitil agus maoirseacht laistigh den Aontas

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 114 de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa 14 ,

Ag féachaint don tuairim ón mBanc Ceannais Eorpach,

Ag féachaint don tuairim ón Maoirseoir Eorpach ar Chosaint Sonraí,

Ag gníomhú dóibh i gcomhréir leis an ngnáthnós imeachta reachtach,

De bharr an mhéid seo a leanas:

(1)Tá straitéis an Aontais Coigiltis agus Infheistíochta ina cuid de straitéis an Choimisiúin chun fís den Aontas mar cheannasaí láidir eacnamaíoch a sholáthar. Chun na críche sin, is gá margaidh aonair le haghaidh seirbhísí airgeadais a bhunú trí bhíthin aghaidh a thabhairt ar neamhéifeachtúlachtaí a eascraíonn as ilroinnt, agus margaí caipitil Eorpacha, atá comhtháite i bhfírinne agus inrochtana do na saoránaigh agus gnólachtaí uile ar fud an Aontais, a chruthú. Tá sé tábhachtach freisin go mbainfí leas as acmhainneacht mhargaí airgeadais an Aontais le soláthar rochtain ar mhaoiniú níos éifeachtúla bunaithe ar an margadh caipitil agus sreabha caipitil trasteorann a éascú, ar cheart dóibh tacú le geilleagar an Aontais, cruthú fostaíochta a spreagadh agus feabhas a chur ar an iomaíochas.

(2)Is gá margadh caipitil rianúil a chothú ar fud an Aontais ach an creat maoirseachta a neartú agus aghaidh a thabhairt ar ilroinnt rialála, lena n‑áirithítear comhtháthú níos fearr i ndáil le margaí caipitil ar fud an Aontais. Go sonrach, cé gur cheart próiseas faoi stiúir an mhargaidh a bheith i gcomhtháthú margaí caipitil san Aontas, is féidir le bacainní áirithe a eascraíonn as creat reachtach an Aontais, go háirithe, bac a chur ar an dul chun cinn. Dá bhrí sin, ba cheart don Aontas díriú ar dheireadh a chur leis na bacainní san earnáil trádála, san earnáil iarthrádála agus san earnáil bainistíochta sócmhainní, agus ar dheireadh a chur leis na bacainní lena gcuirtear isteach ar ghlacadh teicneolaíochtaí nua. De réir mar a leathnaítear an comhtháthú margaidh, tá sé ríthábhachtach go bhforbródh creat maoirseachta an Aontais i gcomhréir leis.

(3)I gcomhthéacs an chuspóra pholaitiúil lena mbaineann simpliú na reachtaíochta seirbhísí airgeadais agus cur chun feidhme níos éifeachtaí agus níos éifeachtúla i dtaca le beartais an Aontais a sholáthar, sheol an Coimisiún, tar éis dó dul i gcomhairle leis na hÚdaráis Mhaoirseachta Eorpacha, ÚSAC, an Chomhairle agus Parlaimint na hEorpa, litir an 1 Deireadh Fómhair 2025 lenar cealaíodh an tosaíocht a bhain le cumhachtuithe nach bhfuil riachtanach le haghaidh fheidhmiú éifeachtach reachtaíocht Leibhéal 1. I gcás na gcumhachtuithe sin, ar cealaíodh an tosaíocht a bhain leo, i gcás ina mbeadh sé de cheangal dlí ar an gCoimisiún gníomhú (‘déanfaidh + dáta’), d’fheabhsófaí an tsoiléireacht dhlíthiúil do pháirtithe leasmhara nuair a leasófaí an bunghníomh freisin.

(4)Chun margadh caipitil Aontais níos doimhne agus níos comhtháite a fhorbairt, de réir mar atá beartaithe sa Teachtaireacht maidir leis an Aontas Coigiltis agus Infheistíochta, tá gá le maoirseacht chomhsheasmhach agus éifeachtach ó Bhallstát go chéile. Le cleachtais mhaoirseachta náisiúnta éagsúla, cruthaítear éiginnteacht dhlíthiúil, méadaítear an costas a ghabhann le gníomhaíocht trasteorann agus ilroinntear an margadh aonair le haghaidh seirbhísí airgeadais, lena gcuirtear bac ar an gcomhtháthú margaidh agus leithdháileadh éifeachtúil caipitil. Chun aghaidh a thabhairt ar na dúshláin sin, is gá cóineasú maoirseachta a neartú agus, i gcás inarb iomchuí, cúraimí agus cumhachtaí breise a chur ar iontaoibh an Údaráis Eorpaigh um Urrúis agus Margaí (‘ESMA’) chun cur i bhfeidhm aonfhoirmeach dhlí an Aontais a áirithiú, chomh maith le maoirseacht éifeachtach ar eintitis lena mbaineann ábharthacht shuntasach trasteorann.

(5)Chun na críche sin, ba cheart inniúlachtaí breise a thabhairt do ESMA agus ba cheart a creat rialachais agus cistiúcháin a neartú chun cinnteoireacht thrédhearcach, chuntasach agus éifeachtúil ar leibhéal an Aontais a chur chun cinn agus chun a áirithiú go bhfuil acmhainní leordhóthanacha ag ESMA chun a fhreagrachtaí leathnaithe a chomhlíonadh. Aistriú cumhachtaí maoirseachta dírí chuig ESMA i ndáil le heintitis shuntasacha i réimse an bhonneagair margaidh agus chuig soláthraithe seirbhísí cripteashócmhainní (SSCSanna), in éineacht le huirlisí feabhsaithe um chóineasú maoirseachta, ba cheart go gcuirfidís sin le margadh caipitil níos comhtháite, níos iomaíche agus níos athléimní lena soláthraítear torthaí níos fearr d’infheisteoirí, gnólachtaí agus don gheilleagar trí chéile.

(6)De bhun Airteagal 1(2) de Rialachán (AE) Uimh. 1095/2010 ó Pharlaimint na hEorpa agus ón gComhairle( 15 ), ba cheart do ESMA gníomhú de réir na gcumhachtaí arna dtabhairt dó le réimse gníomhartha reachtacha de chuid an Aontais, lena n‑áirítear roinnt Treoracha agus Rialachán a liostaítear ann. Chun a áirithiú go gcuirtear reachtaíocht airgeadais an Aontais i bhfeidhm ina hiomláine, ba cheart do ESMA reachtaíocht náisiúnta lena dtrasuítear treoracha a chur i bhfeidhm ar bhealach atá i gcomhréir le Dlí an Aontais, ar shlí lena n‑urramaítear tosaíocht Dhlí an Aontais,

(7)Ina theannta sin, déantar foráil le hAirteagal 1(2) den Rialachán sin freisin gur cheart do ESMA gníomhú de réir na gcumhachtaí arna dtabhairt dó ag aon ghníomh eile de chuid an Aontais, atá ceangailteach ó thaobh dlí de, lena sanntar cúraimí do ESMA. Is gá a áirithiú go gcuimseofaí go huathoibríoch aon reachtaíocht de chuid an Aontais a leanfadh, lena dtugtar cumhachtaí nó feidhmeanna do ESMA, i raon feidhme fhreagrachtaí agus chúraimí ESMA.

(8)Chun leathnú céimneach fhreagrachtaí ESMA i ndáil le maoirseacht dhíreach, imscrúduithe, forfheidhmiú, agus freagrachtaí eile in earnálacha éagsúla den chóras airgeadais, is gá sainmhíniú ar rannpháirtithe margaidh airgeadais faoi mhaoirseacht ESMA a thabhairt isteach. Ba cheart a chuimsiú leis an sainmhíniú sin gach rannpháirtí margaidh airgeadais, a bhfuil cumhachtaí tugtha ag ESMA ina leith. Leis an sainmhíniú sin ba cheart comhsheasmhacht agus soiléireacht i ndáil le cumhachtaí maoirseachta ESMA a áirithiú, gan beann ar an ionstraim dlí óna n‑eascraíonn na cumhachtaí sin, agus bunú socruithe coiteanna nós imeachta agus eagraíochtúla le haghaidh maoirseachta agus forfheidhmiú a éascú.

(9)Chun a áirithiú go ndéantar a fhreagrachtaí maoirseachta dírí go héifeachtach, ba cheart do ESMA socruithe comhair struchtúrtha, ach atá solúbtha freisin, a bhunú le húdaráis eile. Ba cheart réimse cásanna a chomhfhreagraíonn do ról athraitheach ESMA a chumhdach leis an gcomhar sin. Leis na socruithe sin, ba cheart freastal, i dtús báire, ar chásanna ina bhfuil údaráis inniúla náisiúnta fós freagrach as eintitis nó gníomhaíochtaí áirithe, ach a scoirfidh de bheith i gceannas ar mhaoirseacht ar eintitis áirithe tar éis do ESMA na cumhachtaí maoirseachta dírí a ghlacadh ar láimh, lena n‑éilítear réitigh idirthréimhseacha chun leanúnachas agus aistriú ordúil freagrachtaí a áirithiú. Ar an dara dul síos, ba cheart a chumhdach leis na socruithe comhair sin cásanna ina bhfuil saineolas ábhartha nó cearta comhairliúcháin faoi dhlí an Aontais ag údaráis eile de chuid an Aontais nó údaráis náisiúnta eile nach bhfuil ag gníomhú nó nár ghníomhaigh mar údaráis náisiúnta, in éineacht le cumhachtaí maoirseachta dírí ESMA, amhail an Banc Ceannais Eorpach i ndáil le contrapháirtithe lárnacha. Ar an tríú dul síos, ba cheart a chumhdach leis na socruithe comhair sin cásanna nach n‑aistrítear cúraimí chuig ESMA, amhail faireachas margaidh i gcás ionaid trádála. Chun aghaidh a thabhairt ar na cásanna difriúla sin agus, go háirithe, chun aistriú réidh a áirithiú, ba cheart an tsolúbthacht a bheith ag an Údarás socruithe comhair a bhunú arna n‑oiriúnú don earnáil lena mbaineann, don chineál cúraim agus don mhéid rannpháirtíochta a theastaíonn. D’fhéadfaí a áireamh ar na socruithe sin dlúthchomhar struchtúrtha, lena n‑áirítear bunú comhfhoirne maoirseachta nó déanamh cigireachtaí comhpháirteacha, agus cineálacha níos scaoilte comhordúcháin oibríochtúil agus, de réir a chéile, gníomhaíocht maoirseachta níos féinrialaithí ag an Údarás de réir mar a d’fhorbródh a acmhainneacht. Leis na socruithe comhair sin, ba cheart a bheith in ann iad a choigeartú de réir a chéile le himeacht ama agus, i gcás inarb iomchuí, lonnaíochtaí áitiúla den Údarás a bhunú sna Ballstáit. Leis na socruithe comhair sin, ba cheart maoirseacht éifeachtach atá tíosach ar acmhainní a chur chun cinn, leanúnachas agus comhsheasmhacht torthaí maoirseachta a áirithiú agus freagrachtaí reachtacha agus acmhainní údarás eile a chur san áireamh de réir mar is iomchuí. Ba cheart an comhar a bheith faoi stiúir na bprionsabal a bhaineann le héifeachtúlacht, comhréireacht, iontaoibh fhrithpháirteach agus meon macánta, agus ba cheart úsáid éifeachtach acmhainní a chur chun cinn, fad a chosnaítear neamhspleáchas agus cuntasacht ESMA i ndáil le comhlíonadh a chúraimí. Chun neartú acmhainneachta maoirseachta ESMA de réir a chéile a léiriú agus chun glacadh iomlán éifeachtach a chúraimí maoirseachta a áirithiú, ba cheart do na socruithe comhair a bheith faoi réir athbhreithniú tráthrialta ag ESMA.

(10)In imthosca áirithe, d’fhéadfadh díolúintí sealadacha nó socruithe idirthréimhseacha eile faoi reachtaíocht seirbhísí airgeadais an Aontais dul in éag roimh theacht i bhfeidhm nó roimh fhorfheidhmiú iomlán forálacha nua nó leasaithe lena dtugtar isteach díolúine bhuan, creat athsholáthair, nó cóireáil rialála nua. Ina theannta sin, d’fhéadfadh forbairtí margaidh suntasacha tarlú, a d’fhágfadh comhlíontacht i ndáil le ceanglais shonracha faoi dhlí an Aontais, mar atá, ar neamhréir, dodhéanta go hoibríochtúil, nó a d’fhágfadh go raibh ualach míchuí ag gabháil léi, go sealadach, i bhfianaise ghnáthdhálaí an mhargaidh agus na gcuspóirí rialála taobh thiar díobh. Chun deimhneacht dhlíthiúil agus leanúnachas rialála a áirithiú, agus chun míshocracht neamhriachtanach sa mhargadh a sheachaint, is iomchuí foráil a dhéanamh go bhféadfaidh feidhm a bheith ag an litir i dtaca le gan gníomhú, mar a leagtar amach in Airteagal 9a de Rialachán (AE) Uimh. 1095/2010, i gcás (i) ina dtiocfadh bearna rialála chun cinn agus ceanglais nua á dtabhairt isteach ar bhonn céimneach, nó (ii) ina bhfágfadh dálaí eisceachtúla margaidh go raibh ualaí comhlíontachta neamhréireacha ar rannpháirtithe sa mhargadh.

(11)Chun tacú le comhar idir údaráis agus chun na hardáin nua comhair a éascú, ba cheart don Údarás ardán teicneolaíochta comhfhreagrach a fhorbairt chun bailiú, stóráil, rochtain agus próiseáil sonraí agus faisnéise a éascú. Ba cheart don ardán sonraí sin cur le rialachas sonraí ar ardcháilíocht atá i gcomhréir le prionsabail FAIR (So-aimsithe, Inrochtana, Idir-inoibritheach agus In‑athúsáide) agus ba cheart an teicneolaíocht mhaoirseachta agus uirlisí eile a áireamh ann chun cumais anailíse agus mhaoirseachta na n‑údarás ábhartha a fheabhsú.

(12)Ina cáil mar phróiseálaí sonraí pearsanta, ba cheart don Ghníomhaireacht bearta teicniúla agus eagraíochtúla iomchuí a chur chun feidhme chun slándáil, fáil, cothabháil agus forbairt bhogearraí agus bhonneagar TF an ardáin a áirithiú, agus ba cheart a áirithiú go bhfuil próiseáil sonraí pearsanta, i gcomhthéacs éascú na faisnéise ar an ardán, rochtain ar an bhfaisnéis sin, agus malartú na faisnéise sin, i gcomhréir le dlí an Aontais lena leagtar síos na hoibleagáidí chun na sonraí sin a bhailiú agus a mhalartú, agus i gcomhréir le dlíthe um chosaint sonraí. I gcás ina bhfuil sé d’oibleagáid ar an nGníomhaireacht sonraí pearsanta a phróiseáil de bhun Gníomhartha Comhphobail eile, ba cheart don Ghníomhaireacht a hoibleagáidí mar rialaitheoirí, i ndáil leis an bhfaisnéis sin, a chomhlíonadh.

(13)I bhfianaise chumhachtaí ESMA agus a inniúlacht i ndáil le catagóir leathan eintiteas, agus chun feidhmiú éifeachtach comhsheasmhach a chumhachtaí maoirseachta in earnálacha éagsúla a áirithiú, is iomchuí an creat nós imeachta d’fheidhmiú uirlisí maoirseachta, atá riachtanach ionas gur féidir leis an Údarás a chúraimí a dhéanamh, a chuíchóiriú agus a chomhdhlúthú i Rialachán (AE) Uimh. 1095/2010. Maidir leis na cumhachtaí sin, atá scaipthe ar fud Gníomhartha Comhphobail earnálacha éagsúla, ba cheart, a mhéid is féidir, creat cothrománach aonair, is infheidhme maidir leis na heintitis uile faoi mhaoirseacht dhíreach an Údaráis, a chur ina n‑ionad. Leis an gcreat cothrománach sin, ba cheart tacar comhleanúnach rialacha nós imeachta a sholáthar lena rialaítear iarrataí ESMA ar fhaisnéis, imscrúduithe agus cigireachtaí ar an láthair, chomh maith le glacadh beart maoirseachta, fíneálacha agus íocaíochtaí pionósacha tréimhsiúla. Le hiarrataí den sórt sin ar fhaisnéis, agus le rochtain ar fhaisnéis, lena n‑áirítear le linn imscrúduithe agus cigireachtaí ar an láthair, féadfar sonraí pearsanta a chuimsiú a mhéid atá ábhartha agus riachtanach d’fheidhmiú chúraimí an Údaráis, agus ba cheart do phróiseáil na sonraí sin na rialacha is infheidhme den Aontas maidir le cosaint sonraí pearsanta a chomhlíonadh, go háirithe prionsabal an riachtanais, prionsabal na comhréireachta agus prionsabal an teorannaithe de réir cuspóra. Thairis sin, ba cheart a áirithiú leis an gcreat cothrománach urramú iomlán na gceart cosanta agus na gceart chun pribhléid ghairmiúil dlíodóra, agus ba cheart foráil a dhéanamh maidir le cosaint dlí iomchuí, lena n‑áirítear athbhreithniú ag Cúirt Bhreithiúnais an Aontais Eorpaigh ar chinntí ESMA. Le socrú creat nós imeachta den sórt sin ar bhealach comhleanúnach aonfhoirmeach, agus le díothú forálacha nós imeachta earnáil‑sonracha, ba cheart don Aontas deimhneacht dhlíthiúil a fheabhsú, cóineasú agus éifeachtúlacht mhaoirseachta a chur chun cinn, agus tacú le feidhmiú éifeachtach cuntasach freagrachtaí maoirseachta dírí ESMA. Chun forluí nó neamhréir rialála a sheachaint, chun a áirithiú go bhfeidhmíonn an tÚdarás a chumhachtaí ar bhealach éifeachtach, chun comhleanúnachas acquis an Aontais a chaomhnú agus an prionsabal, lena ngabhann tosaíocht le rialacha sonracha le hais rialacha ginearálta, a urramú, i gcás ina bhfuil forálacha sonracha i reachtaíocht earnálach atá saincheaptha do chumhachtaí nós imeachta an Údaráis in earnálacha nó réimsí áirithe, ba cheart feidhm a bheith ag na forálacha sin fós agus, i gcás inarb iomchuí, ba cheart tosaíocht a bheith acu le hais na gcumhachtaí ginearálta a leagtar síos sa Rialachán sin.

(14)Maidir le maoirseacht éifeachtach agus comhar i measc údaráis inniúla i gcomhthéacs soláthar trasteorann seirbhísí airgeadais, tá siad fíor-riachtanach chun infheisteoirí a chosaint agus chun iontaoibh agus muinín as an gcóras airgeadais laistigh den Aontas a chothú. Chun na críche sin, ba cheart uirlisí cóineasaithe maoirseachta feabhsaithe a bheith ag ESMA, lena n‑áirítear sásraí chun aghaidh a thabhairt ar theipeanna maoirseachta agus uirlisí chun comhar a éascú agus díospóidí idir údaráis inniúla a réiteach chun a áirithiú go mbíonn rannpháirtithe margaidh airgeadais faoi réir maoirseacht ardcháilíochta.

(15)Chun aghaidh a thabhairt ar theipeanna maoirseachta cruthaithe i ndáil le formheas táirgí nó seirbhísí airgeadais, nó eintiteas a oibríonn ar fud an Aontais, is gá é a chur ar a chumas do ESMA ceangal a chur ar údarás inniúil a thuairim a lorg sula ndeonófaí formheas i gcás ina nochtar le hathbhreithniú piaraí nó imscrúdú go bhfuil teipeanna maoirseachta ann a d’fhéadfadh sláine margaí airgeadais, cobhsaíocht airgeadais nó cosaint d’infheisteoirí a chur i mbaol. Le próiseas an athbhreithnithe piaraí nó an imscrúdaithe, mar a leagtar amach in Airteagal 22(4) de Rialachán (AE) Uimh. 1095/2010, soláthraítear creat téagartha trédhearcach maidir le teipeanna maoirseachta a shainaithint agus gníomhaíocht cheartaitheach a dhéanamh. Leis an tuairim ó ESMA ba cheart sraith bhreise grinnscrúdúcháin agus formhaoirseachta a sholáthar, lena n‑áirithítear go gcomhlíonann táirgí agus seirbhísí airgeadais, agus eintitis a oibríonn san Aontas, na caighdeáin mhaoirseachta is airde dá bhfuil ann. Chun cosc a chur ar tháirgí, seirbhísí nó eintitis dul isteach i margadh an Aontais gan maoirseacht leordhóthanach, is gá é a chur ar a chumas do ESMA ceangal a chur, de réir a thuairime féin, ar údaráis inniúla gníomhaíochtaí ceartaitheacha a dhéanamh chun aghaidh a thabhairt ar easnaimh sa mhaoirseacht arna sainaithint ag ESMA.

(16)Chun malartú faisnéise tráthrialta struchtúrtha a éascú, réitigh a mholadh, agus comhar a fheabhsú chun aghaidh a thabhairt ar dhúshláin agus rioscaí coitianta, agus chun tacú leis an sprioc fhoriomlán, is é sin maoirseacht chomhsheasmhach agus éifeachtach, is gá foráil a dhéanamh maidir le hardáin chomhair idir údaráis inniúla. Ba cheart do na hardáin sin a bheith solúbtha, lena gcuirfí ar a chumas do ESMA iarrataí a thionscnamh nó freagairt d’iarrataí ó údaráis inniúla, agus níor cheart dochar a dhéanamh do na sainorduithe maoirseachta agus na freagrachtaí atá ag na húdaráis inniúla sin cheana. Leis na hardáin chomhair sin ba cheart trédhearcacht, cuntasacht agus cultúr comhlíontachta a chur chun cinn i measc rannpháirtithe margaidh airgeadais, agus ESMA ag feidhmiú a chumhachtaí chun díospóidí a réiteach agus comhlíontacht i ndáil le dlí an Aontais a áirithiú.

(17)De thoradh na heaspa sásra le haghaidh aitheantas frithpháirteach ar chinntí riaracháin, tá deacrachtaí suntasacha ag údaráis inniúla náisiúnta i ndáil le haisghabháil fíneálacha riaracháin a fhorfheidhmiú i gcomhthéacs trasteorann. Chun forfheidhmiú éifeachtach rialacha agus fheidhmiú cuí an mhargaidh aonair i réimse na seirbhísí airgeadais a áirithiú, is gá sásra a thabhairt isteach le haghaidh aitheantas frithpháirteach ar chinntí lena ngearrtar fíneáil riaracháin agus le haghaidh cúnaimh i ndáil le hiarrataí a fhorfheidhmiú chun fíneáil den sórt sin a aisghabháil, agus ba cheart sásra den sórt sin a bheith bunaithe ar phrionsabal na hiontaoibhe frithpháirtí. Chuige sin, ba cheart an foras, i ndáil le diúltú d’fhorfheidhmiú na hiarrata ar aisghabháil fíneála riaracháin, a bheith teoranta chomh híseal is gá.

(18)Chun cur chuige comhsheasmhach trédhearcach a áirithiú i leith maoiniú gníomhaíochtaí maoirseachta ESMA, is gá na prionsabail, lena rialaítear gearradh táillí ar eintitis faoi inniúlacht ESMA, a leagtar amach ar leithligh i reachtaíocht earnálach lena dtugtar cumhachtaí maoirseachta dírí do ESMA, a chomhchuibhiú agus a chomhdhlúthú. Le bunú prionsabal coiteann maidir le raon feidhme, ríomh agus trédhearcacht táillí den sórt sin, ba cheart cothroime iomaíochta a chur chun cinn i measc eintiteas ar fud earnálacha, cur i bhfeidhm comhréireach costas maoirseachta a áirithiú, agus deimhneacht dhlíthiúil a sholáthar d’eintitis atá ann cheana, agus d’eintitis nua a thagann faoi inniúlacht ESMA. Sna táillí sin ba cheart na costais uile arna dtabhú ag ESMA i bhfeidhmiú a gcúraimí maoirseachta a chumhach, lena n‑áirítear, ach gan bheith teoranta do na costais ar obair cóineasaithe maoirseachta san earnáil ábhartha, forbairt, oibriú agus cothabháil uirlisí agus córas TF a bhfuil gá leo le haghaidh maoirseacht dhíreach, chomh maith le costas dímheasta córas den sórt sin agus bonneagair ghaolmhair. Ba cheart ESMA a mhaoiniú go hiomchuí. Is gá a leagan síos, dá bhrí sin, gur cheart ESMA a mhaoiniú trí 50 % ó chistí an Aontais agus 50 % ó ranníocaíochtaí ó Bhallstáit, arna dhéanamh i gcomhréir le hualú na vótaí a leagtar amach in Airteagal 3(3) den Phrótacal (Uimh. 36) maidir le forálacha idirthréimhseacha i ndáil leis na cúraimí nua atá beartaithe do ESMA leis an Rialachán seo, nach gcistítear le táillí.

(19)I bhfianaise na n‑inniúlachtaí nua a bheidh ag ESMA, ba cheart a struchtúr rialachais a oiriúnú dá réir. Chun feidhmiú éifeachtach neamhchlaonta ESMA a áirithiú, is gá a rialachas a neartú agus Bord Feidhmiúcháin neamhspleách a thabhairt isteach ar a mbeidh comhaltaí lánaimseartha, rud a d’fheabhsódh a acmhainneacht cinntí gasta dírithe ar an Aontas a dhéanamh, go háirithe i ndáil leis an maoirseacht ar rannpháirtithe margaidh airgeadais. Maidir leis an mBord Feidhmiúcháin, ar a mbeidh Cathaoirleach agus cúigear comhaltaí lánaimseartha neamhspleácha ag a mbeidh taithí éagsúil ar an maoirseacht agus saineolas ar na hearnálacha faoi mhaoirseacht ESMA, ba cheart dó a bheith freagrach as na cinntí do rannpháirtithe margaidh airgeadais i ndáil le hábhair mhaoirseachta. Ba cheart don Bhord Feidhmiúcháin a bheith freagrach freisin as cinntí d’údarás inniúil amháin, nó líon teoranta údarás inniúil, lena n‑áirítear réiteach díospóidí, sáruithe ar dhlí an Aontais agus athbhreithnithe piaraí. Sanntar na cinntí sin don Bhord Feidhmiúcháin chun lúfaireacht agus freagairt na cinnteoireachta a mhéadú agus a áirithiú go gcuirtear leas coiteann Eorpach san áireamh sna cinntí. Ba cheart don Bhord Feidhmiúcháin glacadh le hinniúlacht an Bhoird Bainistíochta reatha freisin, i ndáil le cláir oibre agus buiséad ESMA a ullmhú. Ba cheart a áirithiú leis sin cinntí atá éifeachtach, neamhchlaonta agus dírithe ar an Aontas. Chun trédhearcacht agus rialú daonlathach a áirithiú, ba cheart don Chomhairle comhaltaí lánaimseartha an Bhoird Feidhmiúcháin a cheapadh, bunaithe ar ghearrliosta arna tharraingt suas ag an gCoimisiún agus togra ón mBord Maoirseoirí, tar éis formheas ó Pharlaimint na hEorpa.

(20)Chun scaradh soiléir freagrachtaí agus córas éifeachtach srianta agus ceartúchán a áirithiú, ba cheart don Bhord Maoirseoirí a bheith mar phríomhchomhlacht de chuid ESMA i ndáil le cinntí rialála agus cóineasú maoirseachta. Chun gné an Aontais sa phróiseas cinnteoireachta a fheabhsú laistigh den Bhord Maoirseoirí, ba cheart a chomhdhéanamh a choigeartú chun na comhaltaí lánaimseartha den Bhord Feidhmiúcháin a áireamh mar chomhaltaí vótála i dtaca le cinntí maoirseachta. Chun cur chuige cothrom a áirithiú, chomh maith le dearcthaí náisiúnta a chur san áireamh, ba cheart an chumhacht a bheith ag an mBord Maoirseoirí diúltú do mhórchinntí maoirseachta arna ndéanamh ag an mBord Feidhmiúcháin laistigh de 10 lá (nó 48 uair an chloig i gcásanna práinneacha), fad ba cheart a cheangal ar an mBord Feidhmiúcháin tuairisciú don Bhord Maoirseoirí faoi dhó in aghaidh na bliana i ndáil lena ghníomhaíochtaí maoirseachta agus ba cheart dó a bheith in ann tuairimí maidir le hábhair mhaoirseachta a iarraidh.

(21)Is gá an clásal athbhreithniúcháin de Rialachán (AE) Uimh. 1095/2010 a chuíchóiriú agus a ailíniú le ceanglais mheastóireachta atá ann cheana ar na gníomhaireachtaí, mar a leagtar amach sa Ráiteas Comhpháirteach agus sa Chur Chuige Coiteann  maidir le gníomhaireachtaí láraithe an Aontais í mí Iúil 2012, lena ndéantar foráil maidir le meastóireachtaí tréimhsiúla gach 5 bliana in ionad gach 3 bliana. Maidir leis na hathbhreithnithe spriocdhírithe dá ndéantar foráil sa Rialachán sin, ag tosú 5 bliana tar éis an dáta teacht i bhfeidhm, cuirtear iad in ionad na meastóireachtaí agus cuirtear ar chumas an Choimisiúin measúnú a dhéanamh ar ghnéithe ábhartha fheidhmíocht ESMA tar éis tréimhse leordhóthanach ama. Tá an cur chuige sin i gcomhréir leis an gcuspóir a bhaineann le hualaí rialála a laghdú agus creat rialála níos spriocdhírithe agus níos éifeachtaí a chur chun cinn, lena bhfágtar gur féidir cinntí níos eolasaí a dhéanamh maidir le simplithe agus feabhsuithe féideartha.

(22)Tá contrapháirtithe lárnacha (‘CPLanna’) laistigh den Aontas údaraithe agus faoi mhaoirseacht, faoi láthair, ag údaráis inniúla na mBallstát ina bhfuil siad bunaithe, i gcomhar le ESMA agus coláistí CPL. D’ainneoin an dul chun cinn atá déanta go dtí seo maidir le gníomhaíocht mhaoirseachta a chomhchuibhiú do CPLanna san Aontas, tá cleachtais mhaoirseachta éagsúla fós ann do CPLanna i measc na n‑údarás náisiúnta sin ar fud an Aontais, lena gcruthaítear éagothroime iomaíochta i measc CPLanna laistigh den Aontas. Leis sin méadaítear castacht chreat CPL an Aontais agus cuirtear ualach breise agus costais bhreise ar CPLanna laistigh den Aontas, lena n‑áirítear nuair a chuirtear iad i gcomparáid le CPLanna ar Leibhéal 2 a ndéanann ESMA maoirseacht dhíreach orthu. Le forbairt margaí caipitil an Aontais níos doimhne agus níos leachtaí faoin Aontas Coigiltis agus Infheistíochta, d’fhéadfadh an éagothroime iomaíochta sin an baol go dtarlódh arbatráiste maoirseachta, agus dreasachtaí d’arbatráiste maoirseachta, a mhéadú, a bhféadfadh saincheisteanna cobhsaíochta airgeadais a bheith mar thoradh air faoi seach. Dá bhrí sin, chun a áirithiú go gcuirtear na ceanglais stuamachta, eagraíochtúla agus iompair gnó le haghaidh CPLanna laistigh den Aontas i bhfeidhm ar bhealach aonfhoirmeach, go háirithe i gcás CPLanna a bhfuil gníomhaíocht shubstaintiúil imréitigh acu, ba cheart do CPLanna a bhfuil gné ábhartha trasteorann acu, agus CPLanna atá mar chuid de ghrúpa lena n‑áirítear bonneagair mhargaidh eile a bhfuil maoirseacht ag ESMA orthu, a bheith faoi mhaoirseacht ESMA mar gheall ar a shaineolas agus a thaithí i gcur i bhfeidhm Rialachán (AE) Uimh. 648/2012 ó Pharlaimint na hEorpa agus ón gComhairle 16 . Maidir le CPLanna lena ngabhann gníomhaíocht íseal imréitigh agus seasamh intíre den chuid is mó, a meastar níos lú suntais a bheith ag baint leo, ba cheart dóibh leanúint de thairbhiú de mhaoirseacht údarás áitiúil ag a bhfuil cur amach níos fearr ar mhargaí baile 17 .

(23)Chun cinneadh a dhéanamh faoi na CPLanna, a údaraítear faoi Rialachán (AE) Uimh. 648/2012, ar cheart iad a mheas mar CPLanna suntasacha, agus a bheith faoi réir maoirseacht ag ESMA dá réir sin, is gá critéir shoiléire oibiachtúla a sholáthar, ar cheart gníomhaíochtaí agus rioscaí na CPLanna lena mbaineann a léiriú leo. D’fhonn simpliú a dhéanamh agus ualach riaracháin neamhriachtanach a sheachaint, níor cheart athúdarú a thabhairt do CPL atá ann cheana, ar cinneadh ina leith gur CPL suntasach é tráth níos déanaí.

(24)Údaráis inniúla náisiúnta a dhéanann maoirseacht ar CPLanna nach bhfuil chomh suntasach céanna, ba cheart comhar níos láidre a bheith acu le ESMA chun cur chuige comhsheasmhach i leith maoirseachta a áirithiú agus chun cothroime iomaíochta a áirithiú do CPLanna dá réir. I gcás inar mian leo déanamh amhlaidh, ba cheart an rogha a bheith ag na Ballstáit ESMA a ainmniú mar an t‑údarás inniúil do CPLanna nach bhfuil chomh suntasach céanna agus atá bunaithe ina ndlínsí. Thairis sin, i gcás nach gcomhlíonfadh CPL, a bhíodh suntasach tráth, na coinníollacha a thuilleadh chun a mheas gur CPL den sórt sin é, ba cheart idirthréimhse leordhóthanach a dheonú don údarás inniúil náisiúnta chun ligean dó ullmhú sula nglacfaidh sé freagrachtaí maoirseachta go foirmiúil i ndáil leis an CPL sin. De rogha air sin, ba cheart don údarás inniúil náisiúnta a bheith in ann maoirseacht an CPL sin, a bhíodh suntasach tráth, a fhágáil faoi ESMA. Ina theannta sin, chun comhsheasmhacht agus cothroime iomaíochta a áirithiú idir CPLanna suntasacha agus CPLanna ar lú a suntas, ba cheart do ESMA a bheith san údarás atá freagrach as socruithe idir‑inoibritheachta a údarú agus as bheith ina chathaoirleach ar na coláistí do na CPLanna ar lú a suntas. Maidir leis na socruithe maoirseachta nua do CPLanna san Aontas, go háirithe ról ESMA mar údarás inniúil do CPLanna suntasacha, ba cheart é sin a léiriú i Rialachán (AE) 2021/23 ó Pharlaimint na hEorpa agus ón gComhairle 18 .

(25)Ba cheart do ESMA obair a dhéanamh i ndlúthchomhar leis na comhlachtaí atá freagrach as an maoirseacht ar CPLanna a údaraítear san Aontas agus leis na húdaráis a bhfuil taithí acu maidir le maoirseacht ar CPLanna, agus ba cheart do ESMA leas a bhaint as taithí na gcomhlachtaí sin, chun tairbhiú d’eolas na gcomhlachtaí sin. Chun na críche sin, ba cheart do ESMA socruithe comhair cuimsitheacha a fhorbairt leis na comhlachtaí agus údaráis sin, lena n‑áirítear an t‑údarás inniúil náisiúnta sa Bhallstát ina bhfuil an CPL lena mbaineann bunaithe, leis an mBanc Ceannais Eorpach, le bainc cheannais eile a eisíonn na hairgeadraí is ábhartha de chuid an Aontais a phróiseálann CPL, leis na húdaráis inniúla atá freagrach as an maoirseacht ar ionaid trádála agus taisclanna lárnacha urrús a bhfreastalaíonn CPL orthu, agus leis an údarás inniúil atá freagrach as an maoirseacht ar na comhaltaí imréitigh is gníomhaí. Ba cheart a leagan amach leis na socruithe sin na módúlachtaí sonracha agus socruithe oibríochtúla a bhfuil maoirseacht leanúnach á ndéanamh orthu agus in imthosca eisceachtúla, amhail cásanna éigeandála.

(26)Maidir leis na freagrachtaí maoirseachta nua arna ndeonú do ESMA agus na hathruithe ar struchtúr eagrúcháin inmheánaigh ESMA, lena n‑áirítear díothú an Choiste Maoirseachta do CPLanna, ar cheart a chúraimí a shannadh don Bhord Feidhmiúcháin nua arna bhunú, ba cheart iad sin a léiriú i Rialachán (AE) Uimh. 648/2012. Mar gheall ar stádas uathúil CPLanna tríú tír, ba cheart do na forálacha, a bhaineann leis na nósanna imeachta lena gcuirtear i bhfeidhm iad, fanacht i Rialachán (AE) Uimh. 648/2012, seachas na forálacha sin a aistriú chuig Rialachán (AE) Uimh. 1095/2010. Thairis sin, i bhfianaise na n‑athruithe sin, chun an struchtúr eagrúcháin amach anseo agus na socruithe oibre a shimpliú, agus chun deireadh a chur le hualach neamhriachtanach, níor cheart a cheangal ar CPLanna suntasacha coláiste a bheith acu. Ar an gcaoi chéanna, i bhfianaise fhreagrachtaí maoirseachta nua ESMA i ndáil le CPLanna suntasacha, ba cheart deireadh a chur leis na ceanglais maidir le tuairimí ó ESMA i ndáil leis na CPLanna sin. Ba cheart do na socruithe maoirseachta maidir le CPLanna ar lú a suntas fanacht mar a bhí den chuid is mó, ós rud é go mbaineann raon feidhme intíre den chuid is mó leis na CPLanna sin agus ba cheart dóibh tairbhiú d’eolas agus saineolas áitiúil údarás náisiúnta.

(27)Le Rialachán (AE) 2024/791 ó Pharlaimint na hEorpa agus ón gComhairle 19 leasaíodh Rialachán (AE) Uimh. 600/2014 ó Pharlaimint na hEorpa agus ón gComhairle 20 chun deireadh a chur le bacainní ar theacht chun cinn teilitéipeanna comhdhlúite i mbannaí, scaireanna agus cistí arna dtrádáil ar an malartán (‘ETFanna’) agus díorthaigh thar an gcuntar. I gcás sciar faoi leith nó ETF ag stampa ama ar bith, ceanglaítear ar sholáthraí na teilitéipe comhdhlúite an scothphraghas Eorpach tairisceana agus ofrála (‘EBBO’) agus an méid atá ar fáil ar na praghsanna sin ar fud an Aontais a scaipeadh. Mar sin féin, ní nochtfaí leis an teilitéip chomhdhlúite aitheantas ionad trádála an scothphraghais Eorpaigh tairisceana agus ofrála, ós rud é nach nascfaí na méideanna atá ar fáil ar EBBO le hionaid trádála ar leithligh, ná ní áireofaí sonraí tairisceana agus ofrála seachas EBBO agus na méideanna a ghabhann leis. Dá thoradh sin, cuirtear teorainn shuntasach le breisluach na teilitéipe comhdhlúite, a fhágann nach bhfuil sé de chumas ar a úsáideoirí na méideanna atá ar fáil ar EBBO a aimsiú agus nach bhfuil radharc léiritheach acu ar dhoimhneacht na leachtachta atá ar fáil lena trádáil. Dá bhrí sin, chun a tarraingteacht a fheabhsú a thuilleadh, ba cheart a thairiscint leis an teilitéip chomhdhlúite do sciartha agus ETFanna radharc níos doimhne ar leasanna trádála, lena gcumhdaítear na cúig phraghas tairisceana agus díola is fearr, na méideanna atá ar fáil ar na praghsanna sin, agus an tásc ar an ionad trádála ar leithligh ar a bhfuil na méideanna sin ar fáil.

(28)Tá praghas scoir an lae trádála fíor-riachtanach do na margaí cothromais ós rud é go soláthraítear leis príomhphraghas tagartha, a úsáidtear de ghnáth do luacháil cistí, ETFanna agus tagarmharcanna. Formhór an ama, tagann an praghas scoir ón gceant scoir a tharlaíonn ag an ionad trádála ag ar ligeadh na hurrúis isteach ar dtús chun trádála (an ‘bunmhalartán’). Tá méadú suntasach tagtha ar an sciar de mhéideanna cothromais arna dtrádáil ag an gceant scoir le himeacht ama. Mar sin féin, tá an iomaíocht sa chuid a bhaineann leis an gceant scoir fós teoranta, agus gabhann ceantanna scoir an bhunmhalartáin an sciar is mó de thrádáil an cheant scoir fós. Ina theannta sin, baineann ábhair imní i ndáil le hathléimneacht leis an gcás sin, ós rud é go bhféadfadh teagmhais, lena n‑áirítear cliseadh, ag an mbunmhalartán tionchar díreach a imirt ar acmhainneacht rannpháirtithe sa mhargadh a sócmhainní a luacháil. Chun iomaíocht a chothú sa chuid a bhaineann leis an bpraghas scoir agus chun a áirithiú gur féidir le rannpháirtithe sa mhargadh brath ar phraghas scoir atá difriúil leis an bpraghas ceant scoir arna tháirgeadh ag an mbunmhalartán, is gá a cheangal ar sholáthraí na teilitéipe comhdhlúite do sciartha agus ETFanna praghas scoir ualaithe de réir méid, a thagann as na ceantanna scoir uile arna n‑oibriú ag ionaid trádála ar rannchuiditheoirí sonraí iad, a scaipeadh. Ba cheart do ESMA moltaí a eisiúint chun an mhodheolaíocht a shonrú, gur cheart don teilitéip chomhdhlúite a chur i bhfeidhm chun an praghas scoir ualaithe de réir méid a chinneadh.

(29)I dTreoir 2014/65/AE ó Pharlaimint na hEorpa agus ón gComhairle 21 tá rialacha comhchuibhithe maidir le húdarú agus oibriú ionad trádála. Mar sin féin, tá ceanglais náisiúnta éagsúla ann mar gheall ar thrasuí na Treorach sin. Ina theannta sin, chomhlánaigh na Ballstáit na forálacha trasuite le ceanglais náisiúnta i gcásanna nár leagadh amach aon cheanglas sa Treoir. Mar gheall ar an gcur chuige sin, tá éagothroime iomaíochta ann, chomh maith le hilroinnt an mhargaidh aonair, agus ualach agus costais mhéadaithe d’oibreoirí ionad trádála atá lonnaithe i roinnt Ballstát agus, faoi dheireadh, do na heisitheoirí agus do na hinfheisteoirí deiridh a bhfreastalaíonn siad orthu. Dá bhrí sin, tá gá le creat níos aonfhoirmí chun an iomaíocht a dhéanamh níos cothroime, arbatráiste rialála féideartha a sheachaint, agus tacú le forbairt gníomhaíochtaí thar theorainneacha. Is gá, dá bhrí sin, ceanglais maidir le húdarú agus oibriú margaí rialáilte, chomh maith le ceanglais maidir le hoibriú saoráide trádála iltaobhaí nó saoráide trádála eagraithe ag gnólacht infheistíochta nó oibreoir margaidh, a aistriú ó Threoir 2014/65/AE go Rialachán (AE) Uimh. 600/2014 agus na forálacha sin a chomhlánú a thuilleadh, go háirithe rialacha comhchuibhithe a thabhairt isteach sna réimsí a bhíodh faoi réir reachtaíocht náisiúnta roimhe sin.

(30)Leis na ceanglais eagraíochtúla a leagtar síos in Airteagal 19(3) agus in Airteagal 47 de Threoir 2014/65/AE, ní chuirtear san áireamh cé acu atá, nó nach bhfuil, oibreoir margaidh nó gnólacht infheistíochta a oibríonn ionad trádála ina chuid de ghrúpa. Go sonrach, caitear le haon socrú ionghrúpa maidir le leithdháileadh acmhainne nó feidhme idir eintitis ghrúpa ar an mbealach céanna a gcaitear le socrú seachfhoinsithe a dhéantar le heintitis lasmuigh den ghrúpa. Ní aithnítear leis an gcur chuige sin teacht chun cinn grúpaí trasteorann d’ionaid trádála agus, dá réir sin, cuirtear teorainn le cumas na ngrúpaí sin tairbhiú de shineirgí grúpa agus barainneachtaí scála, lena gcruthaítear bacainní ar leithdháileadh trasteorann acmhainní agus feidhmeanna laistigh de ghrúpa. Ina theannta sin, nuair a leithdháiltear acmhainní laistigh de ghrúpa, i gcás ina bhfuil na heintitis uile faoi réir na rialuithe agus na nósanna imeachta inmheánacha céanna, baineann leibhéal níos ísle riosca leis sin i gcomparáid le seachfhoinsiú chuig páirtithe seachtracha. Ní dhéantar idirdhealú leordhóthanach leis an gcur chuige reatha, áfach, idir na rioscaí a bhaineann le leithdháileadh acmhainní inghrúpa agus seachfhoinsiú seachtrach. Dá bhrí sin, ba cheart ceanglais eagrúcháin ar ionaid trádála a shimpliú d’ionaid trádála atá mar chuid de ghrúpa agus a bhfuil sé i gceist acu brath ar acmhainní eintitis eile nó feidhm arna déanamh ag eintiteas eile atá mar chuid den ghrúpa céanna agus atá lonnaithe san Aontas. Níor cheart a mheas gur seachfhoinsiú iad socruithe grúpa den sórt sin chun críoch Rialachán (AE) Uimh. 600/2014, ar choinníoll go gcomhlíontar coinníollacha áirithe chun maoirseacht éifeachtach a áirithiú. Maidir le hionad trádála a bhraitheann ar acmhainní eintitis eile nó feidhm arna déanamh ag eintiteas eile atá mar chuid den ghrúpa céanna, ba cheart dó a bheith go hiomlán freagrach as comhlíonadh a oibleagáidí faoi Rialachán (AE) Uimh. 600/2014. I bhfianaise na rioscaí maoirseachta méadaithe, ba cheart a mheas gur seachfhoinsiú atá i gceist le socrú ionghrúpa lena mbaineann eintiteas atá lonnaithe lasmuigh den Aontas.

(31)Le hAirteagal 53(6) de Threoir 2014/65/AE, leagtar amach an ceart chun margadh rialáilte, arna údarú i mBallstát amháin, socruithe iomchuí a sholáthar ar chríoch Ballstát eile chun rochtain agus trádáil ar an margadh sin a éascú do chomhaltaí nó rannpháirtithe ó chian atá lonnaithe sna Ballstáit eile sin. Ní rialaítear go sainráite le Treoir 2014/65/AE cearta eile faoi nós imeachta an phas do mhargaí rialáilte, lena n‑áirítear an fhéidearthacht brainsí a bhunú i mBallstáit eile. In éagmais foráil fhollasach tá léirmhínithe éagsúla ann i ndáil le cé acu a fhéadfaidh nó nach bhféadfaidh margadh rialáilte brainse a bhunú i mBallstát eile agus i ndáil leis na gníomhaíochtaí is féidir le margadh rialáilte a dhéanamh faoin gcóras um nós imeachta an phas. Is den tábhacht é soiléireacht maidir leis an gcóras um nós imeachta an phas do mhargaí rialáilte a fheabhsú, ach é a dhéanamh níos follasaí gur féidir le margaí rialáilte an ghníomhaíocht a sholáthar go rianúil, ar gníomhaíocht í a bhfuil údarú tugtha dóibh ina leith ar fud an Aontais tríd an tsaoirse chun seirbhísí a sholáthar nó leis an gceart bunaíochta. Áirítear leis sin, anuas ar an bhforáil maidir le socruithe iomchuí chun rochtain agus trádáil ar an margadh rialáilte sin a éascú do chomhaltaí nó rannpháirtithe ó chian atá bunaithe i mBallstát eile, gníomhaíochtaí a bhaineann le ligean isteach comhaltaí nó rannpháirtithe chuig an margadh rialáilte sin agus gníomhaíochtaí a bhaineann le ligean isteach ionstraimí airgeadais chun trádáil ar an margadh rialáilte sin. Chun cothroime iomaíochta a áirithiú idir na hionaid trádála uile, ba cheart feidhm a bheith ag an gcóras céanna um nós imeachta an phas maidir le hoibreoirí margaidh agus gnólachtaí infheistíochta a oibríonn saoráid trádála iltaobhach nó saoráid trádála eagraithe.

(32)Ceanglaítear faoi láthair le Treoir 2014/65/AE go mbeadh gach margadh rialáilte san Aontas faoi réir údarú ar leithligh. Dá réir sin, ní féidir le hoibreoirí margaidh a bhfuil sé beartaithe acu oibriú i margaí rialáilte i mBallstáit difriúla déanamh amhlaidh ach amháin má lorgaíonn siad údarú, do gach margadh rialáilte ar leithligh ina bhfuil sé i gceist acu oibriú, ó údarás inniúil an Bhallstáit baile, atá freagrach as maoirseacht leanúnach an mhargaidh sin freisin. Dá thoradh sin, bhí dlíthe náisiúnta tugtha isteach ag roinnt Ballstát chun a cheangal, mar choinníoll d’údarú margaidh rialáilte, go mbeadh an t‑oibreoir margaidh ina eintiteas dlítheanach bunaithe sa Bhallstát ina lorgaíonn margadh rialáilte údarú. Mar gheall air sin, ní féidir le grúpaí a oibríonn margaí rialáilte i roinnt Ballstát a struchtúr eagraíochtúil agus a gcaidrimh mhaoirseachta a chuíchóiriú ós rud é go bhfuil sé d’oibleagáid orthu roinnt eintitis mhaoirsithe a choinneáil i mBallstáit dhifriúla. Méadaítear go mór leis sin na costais agus an chastacht a bhaineann le margaí rialáilte a oibriú ar fud Bhallstáit dhifriúla. Chun deireadh a chur le bacainní agus costais oibriúcháin a laghdú do ghrúpaí trasteorann, is gá an fhéidearthacht do Bhallstáit, chun bunú eintitis dhlítheanaigh ar leithligh ina gcríocha a cheangal mar choinníoll i ndáil le húdarú margaidh rialáilte, a bhaint. Anuas air sin, chun oibriú trasteorann margaí rialáilte a éascú a thuilleadh, tugtar isteach creat nua chun é a chur ar a gcumas do dhaoine dlítheanacha, ar mian leo níos mó ná ionad trádála amháin a oibriú i mbreis agus Ballstát amháin, déanamh amhlaidh bunaithe ar údarú amháin mar oibreoir margaidh uile-Eorpach (‘OMUE’) arna dheonú ag ESMA. Níor cheart an creat nua sin a chur in ionad an chórais údarúcháin agus oibriúcháin atá ann cheana maidir le margaí rialáilte. Ina ionad sin, ba cheart feidhm a bheith aige ar bhonn deonach maidir leis na heintitis sin ar mian leo oibriú faoi údarú amháin.

(33)Le húdarú OMUE ba cheart na hionaid trádála uile, a bhfuil an OMUE sin údaraithe a oibriú, a liostú. Aon OMUE a bhfuil sé i gceist aige ionaid trádála bhreise a oibriú, ba cheart dó síneadh lena údarú bunaidh a lorg. Chun a áirithiú go simplítear socruithe maoirseachta OMUE go héifeachtach, níor cheart a cheangal ar OMUE údarú ar leithligh a lorg do na hionaid trádála a oibríonn sé sna Ballstáit ina bhfuil na hionaid trádála sin suite nó á n‑oibriú. Ar an gcaoi chéanna, nuair a bhíonn OMUE ina oibreoir ar ionad trádála atá ann cheana, ba cheart a mheas go bhfuil an t‑údarú arna dheonú don mhargadh rialáilte sonrach sin, nó, i gcás saoráidí trádála iltaobhacha nó saoráidí trádála eagraithe, don oibreoir margaidh nó don ghnólacht infheistíochta chun an t‑ionad trádála sin a oibriú, cúlghairthe le teacht i bhfeidhm an údaraithe don OMUE nó teacht i bhfeidhm an údaraithe leathnaithe ina bhfuil liosta leasaithe de na hionaid trádála a oibríonn an OMUE sin.

(34)De réir dhlíthe an Aontais agus dlíthe náisiúnta, is minic a úsáidtear an chríoch, ina bhfuil an t‑ionad trádála suite nó á oibriú, mar an critéar chun an dlí náisiúnta ba cheart a bheith i bhfeidhm, maidir le réimsí nach rialaítear go díreach le dlí an Aontais, a chinneadh, agus chun an t‑údarás inniúil a shainaithint. Áirítear orthu sin Treoir 2004/109/CE ó Pharlaimint na hEorpa agus ón gComhairle, lena mbunaítear ceanglais i ndáil le nochtadh faisnéise tréimhsiúla agus leanúnaí faoi eisitheoirí a bhfuil a n‑urrúis ligthe isteach cheana féin chun a dtrádála ar mhargadh rialáilte atá suite nó á oibriú laistigh de Bhallstát, agus Rialachán (AE) Uimh. 596/2014 ó Pharlaimint na hEorpa agus ón gComhairle, ar dá bhun atá ceangal ar údaráis inniúla náisiúnta a áirithiú go gcuirtear forálacha maidir le drochúsáid mhargaidh i bhfeidhm ar a gcríoch i dtaca leis na gníomhaíochtaí uile arna ndéanamh i ndáil leis na hionstraimí arna ligean isteach chun a dtrádála nó arna dtrádáil ar mhargadh rialáilte, saoráid trádála iltaobhach nó saoráid trádála eagraithe a oibríonn laistigh dá gcríoch. Oibreoidh OMUE, bíodh sé le saoirse chun seirbhísí a sholáthar nó le bunú brainse, ionaid trádála i mBallstáit iomadúla ar bhonn ceadúnas amháin a thugtar don OMUE féin agus ní do na hionaid trádála a oibríonn sé. In éagmais údarú ar leithligh do gach ionad trádála a oibríonn OMUE, agus i bhfianaise go n‑oibreoidh OMUE na hionaid uile trí eintiteas dlítheanach amháin arna bhunú i mBallstát amháin agus a oibreoidh ar bhonn trasteorann, is gá go gcinnfeadh OMUE, i gcás gach ionaid trádála a oibríonn sé, an Ballstát, a meastar an t‑ionad trádála a bheith lonnaithe nó á oibriú ina chríoch. Ba cheart an cinneadh sin a bheith ag brath ar an gcaoi a roghnaíonn OMUE margaíocht a dhéanamh ar a ionad trádála do chuideachtaí atá ag iarraidh go ligfí isteach iad chun trádáil ar an ionad trádála nó do chomhaltaí nó rannpháirtithe a ligeadh isteach chun trádáil ar an ionad trádála sin. Ba cheart feidhm a bheith ag dlíthe náisiúnta an Bhallstáit sin maidir leis na hábhair uile a bhaineann le trádáil nach rialaítear le dlí an Aontais nach bhfuil infheidhme go díreach, i gcás ina mbraitheann an cur i bhfeidhm sin ar chás nó oibriú ionaid trádála. Chun intuarthacht dhlíthiúil a áirithiú, i gcásanna ina mbíonn OMUE ina oibreoir ar ionad trádála atá údaraithe cheana féin, is gá a cheangal gur cheart a mheas go bhfuil an t‑ionad trádála sin lonnaithe nó á oibriú i gcríoch an Bhallstáit inar údaraíodh é i dtosach.

(35)Rinne ESMA measúnú ar ghníomhaíocht trádála díorthach rátaí úis. Ba chosúil ón measúnú go bhfuil na comhaontuithe ar réamhráta agus babhtálacha bonnrátaí úis in airgeadra aonair neamhleachtach den chuid is mó. Chun a áirithiú nach mbíonn ach na díorthaigh rátaí úis is caighdeánaithe agus is leachtaí faoi réir na gceanglas maidir le trédhearcacht, is gá comhaontuithe ar réamhráta agus babhtálacha bonnrátaí úis in airgeadra aonair a eisiamh ó cheanglais maidir le trédhearcacht.

(36)Ceanglaítear, le hAirteagal 14 de Rialachán (AE) Uimh. 600/2014, ar inmheánaitheoirí córasacha a phléann le méideanna suas le dhá oiread an ghnáthmhéid margaidh, agus an méid is mó sin san áireamh, chun luachaintí daingne a phoibliú ar bhonn tráthrialta agus leanúnach le linn gnáthuaireanta trádála i leith na scaireanna sin, na n‑admhálacha taisclainne sin, ETFanna sin, na ndeimhnithe sin agus na n‑ionstraimí airgeadais eile dá samhail a thrádáiltear in ionad trádála agus inar inmheánaitheoirí córasacha iad lena n‑aghaidh agus a mbeidh margadh leachtach ann lena n‑aghaidh. Le hAirteagal 15 de Rialachán (AE) Uimh. 600/2014, ceanglaítear ar inmheánaitheoirí córasacha orduithe a fhaigheann siad óna gcliaint i leith na n‑ionstraimí sin a fhorfheidhmiú ar na praghsanna a luadh an tráth a fuarthas an t‑ordú. Chomh maith leis sin, tugtar cead d’inmheánaitheoirí córasacha orduithe cliant a fhorfheidhmiú ar phraghas níos fearr i gcásanna a mbeidh údar leo, ar choinníoll go dtiocfaidh an praghas laistigh de réimse poiblí a bheidh cóngarach do dhálaí an mhargaidh. Chun praghasmhúnlú a neartú i gcás orduithe miondíola, is gá a áirithiú, i gcás ina bhforfheidhmíonn inmheánaitheoir córasach ordú ó chliant miondíola, a luaitear go sonrach mar sin, ar phraghas atá níos fearr ná an praghas luaite, go dtugann an t‑inmheánaitheoir córasach sin an praghas luaite cothrom le dáta láithreach, agus roimh an bhforfheidhmiú i gcás ar bith, chun an feabhsú praghais sin a léiriú. Anuas air sin, ba cheart ceangal a bheith ar inmheánaitheoirí córasacha na sonraí a fhoilsíonn siad de bhun Airteagal 14 de Rialachán (AE) Uimh. 600/2014 a tharchur chuig an teilitéip chomhdhlúite do scaireanna agus ETFanna chun é a chur ar chumas na teilitéipe comhdhlúite, i gcás sciar nó ETF faoi leith, anuas ar na tairiscintí agus na hofrálacha is fearr do leabhair orduithe leanúnacha, ar leithligh, na cúig luachan tairisceana agus ofrála is fearr a scaipeadh, in éineacht leis an léiriú ar an inmheánaitheoir córasach aonair ag a dtairgtear iad. Ba cheart do na cúig luachan tairisceana agus ofrála is fearr sin a bheith ag teacht leis na cúig luachan tairisceana agus ofrála is fearr ar fud na luachaintí uile i gcás sciar nó ETF faoi leith arna fhoilsiú san Aontas ag inmheánaitheoirí córasacha éagsúla.

(37)Le hAirteagal 21(1) de Rialachán (AE) Uimh. 600/2014 ceanglaítear ar ghnólachtaí infheistíochta, a thugann idirbhearta chun críche, ar a gcuntas féin nó ar son a gcuid cliant, i ndíorthaigh thar an gcuntar dá dtagraítear in Airteagal 8a(2) den Rialachán sin, méid agus praghas na n‑idirbheart, agus an tráth a tugadh i gcrích iad a phoibliú trí Shocrú Formheasta maidir le Foilsiú. Chun an t‑ualach ar ghnólachtaí infheistíochta a íoslaghdú agus chun foilsiú faisnéise míthreoraí a sheachaint, níor cheart a cheangal ar ghnólachtaí infheistíochta foilsiú trí shocrú formheasta maidir le foilsiú na hidirbhearta i ndíorthaigh thar an gcuntar a thugann siad i gcrích ar ionad trádála tríú páirtí, ar choinníoll (i) go n‑oibríonn an t‑ionad trádála tríú tír córas iltaobhach, (ii) go bhfuil sé faoi réir údarú, maoirseacht leanúnach agus forfheidhmiú i gcomhréir le creat dlí agus maoirseachta an tríú tír, agus (iii) go bhfuil sé faoi réir forálacha maidir le trédhearcacht iarthrádála faoina bhfoilsítear idirbhearta a thugtar i gcrích ar an ionad trádála sin a luaithe is féidir tar éis fhorfheidhmiú an idirbhirt nó, i gcásanna a shainítear go soiléir, tar éis tréimhse iarchurtha. Chun deimhneacht dhlíthiúil agus leibhéal ard cóineasaithe maoirseachta a áirithiú san Aontas, ba cheart do ESMA liosta d’ionaid trádála tríú tír, a meastar go gcomhlíonann siad na critéir uile, a fhoilsiú agus a thabhairt cothrom le dáta go tráthrialta. Ba cheart a cheangal ar ghnólachtaí infheistíochta, a thugann idirbhearta i gcrích i ndíorthaigh thar an gcuntar ar ionaid trádála tríú tír nach gcomhlíonann na critéir uile, na hidirbhearta sin a phoibliú san Aontas trí shocrú formheasta maidir le foilsiú.

(38)Leagtar amach in Airteagail 57 agus 58 de Threoir 2014/65/AE rialacha a bhaineann le trádáil díorthach tráchtearraí, lamháltas astaíochtaí, agus díorthach lamháltas astaíochtaí. Tá feidhm ag roinnt de na rialacha sin maidir le hionaid trádála. Ós rud é go n‑aistrítear rialacha maidir le hoibriú ionad trádála ó Threoir 2014/65/AE chuig Rialachán (AE) Uimh. 600/2014, is iomchuí Rialachán (AE) Uimh. 600/2014 a leasú chun a áirithiú go n‑áirítear na rialacha sin sa Rialachán sin.

(39)Le hAirteagail 35 agus 36 de Rialachán (AE) Uimh. 600/2014, déantar foráil maidir leis na coinníollacha, faoinar féidir le hionaid trádála seirbhísí contrapháirtí lárnaigh (‘CPL’) a rochtain, agus faoinar féidir le CPLanna fothaí trádála ionaid trádála a rochtain. Tá cruthaithe gur leagadh na critéir sin amach go míchuí agus go bhfágtar foras dá réir sin do dhiúltuithe nó moilleanna gan údar i ndáil le deonú rochtana. Anuas air sin, fágann rannpháirtíocht chórasach údarás inniúil náisiúnta go mbíonn na nósanna imeachta róchasta agus go mbaineann ualach rómhór leo. Is iomchuí, dá bhrí sin, athbhreithniú a dhéanamh ar na coinníollacha sin maidir le rochtain chun a áirithiú nach dtarlaíonn diúltuithe ach amháin i gcásanna teoranta faoi réir na gcoinníollacha sonracha a bhfuil bonn cirt leo, chun a áirithiú go seachnaítear moilleanna maidir le deonú rochtana, agus nach mbíonn ESMA páirteach ach amháin i gcás coinbhleachtaí idir páirtithe. Ina theannta sin, faoi láthair, féadfaidh ionaid trádála cosc a chur ar dhá rannpháirtí sa mhargadh, atá ag forfheidhmiú idirbhirt ar a n‑ionad, CPLanna éagsúla a roghnú dá ndeoin féin, fiú i gcás ina bhfuil socruithe idir‑inoibritheachta bunaithe ag na CPLanna sin de bhun Rialachán (AE) Uimh. 648/2012, agus go bhfuil siad in ann dá bhrí sin, ar bhealach teicniúil, na hidirbhearta sin a imréiteach go héifeachtúil. Le cleachtais mhargaidh den sórt sin, cuirtear cosc ar leas iomlán a bhaint as sineirgí is féidir a tharraingt as socruithe idir‑inoibritheachta agus méadaítear costais na trádála agus an imréitigh do rannpháirtithe sa mhargadh. Chun imréiteach idir-inoibritheach a éascú, is gá, dá bhrí sin, toirmeasc a chur ar ionaid trádála cosc a chur ar rochtain ar a bhfothaí trádála i gcás idirbheart lena mbaineann dhá chontrapháirtí a roghnaigh idirbheart, arna fhorfheidhmiú ar a n‑ionad, a imréiteach trí dhá CPL dhifriúla a bhfuil socruithe idir‑inoibritheachta bunaithe acu.

(40)De bhun Theideal VI de Threoir 2014/65/AE, tá údaráis inniúla náisiúnta freagrach faoi láthair as an maoirseacht ar ionaid trádála san Aontas. An 20 Márta 2025 22 , ghlac an Chomhairle Eorpach conclúidí inar iarr sí feabhsú éifeachtúlacht na maoirseachta ar mhargaí caipitil an Aontais agus laghdú ar a n‑ilroinnt. Thairis sin, iarraidh maoirseacht níos comhtháite ar leibhéal an Aontais i dtuarascálacha Draghi agus Letta 23 . Chun ilroinnt a laghdú agus comhsheasmhacht i ndáil le torthaí maoirseachta a chothú chun tacú le bunú Aontais Coigiltis agus Infheistíochta, is iomchuí cumhachtaí maoirseachta dírí a thabhairt do ESMA i dtaca le hionaid trádála lena mbaineann gné thábhachtach thrasteorann. Ba cheart cumhachtaí maoirseachta dírí ar OMUEnna a bheith ag ESMA freisin. Chun an méid is ceart a thuiscint le ‘ionaid trádála shuntasacha’ a chinneadh, is gá coinníollacha sonracha a leagan amach. Chun maoirseoirí iomadúla ar eintitis laistigh den ghrúpa céanna a sheachaint, is gá a áirithiú freisin go mbíonn na heintitis uile, a oibríonn ionaid trádála laistigh den ghrúpa céanna, faoi réir maoirseacht ag ESMA, a luaithe a chomhlíonfadh aon eintiteas sa ghrúpa sin na coinníollacha le bheith ina ionad trádála suntasach. Ar an gcaoi chéanna, ba cheart do na heintitis uile, a oibríonn ionaid trádála sa ghrúpa, ina bhfuil CPL nó TLU amháin ar a laghad faoi réir maoirseacht ag ESMA, a bheith faoi réir maoirseacht ag ESMA freisin.

(41)Chun go n‑áiritheoidh ESMA maoirseacht éifeachtach ar OMUEnna agus ionaid trádála shuntasacha, ba cheart na cumhachtaí maoirseachta riachtanacha a bheith ag ESMA, lena n‑áirítear na cumhachtaí chun imscrúduithe agus cigireachtaí ar an láthair a dhéanamh, fíneálacha nó íocaíochtaí pionósacha tréimhsiúla a fhorchur chun deireadh a chur le sárú ar Rialachán (AE) Uimh. 600/2014, agus faisnéis riachtanach a iarraidh. Chun a áirithiú go ndéanann ESMA a dhualgais mhaoirseachta ar OMUEnna agus ionaid trádála shuntasacha go leormhaith, tá sé tábhachtach go ndéanfadh ESMA na dualgais sin i ndlúthchomhar le húdaráis faireachais náisiúnta. Chun cineálacha cur chuige neamhéifeachtúla i ndáil le maoirseacht, a eascraíonn as maoirseacht dhúbailte, a sheachaint, ba cheart rannpháirtíocht údarás faireachais náisiúnta a theorannú do na cumhachtaí agus cúraimí a thugtar go sainráite dóibh le Rialachán (AE) Uimh. 600/2014 agus Treoir 2014/65/AE.

(42)I bhfianaise cóngaracht gheografach maoirseoirí náisiúnta d’éiceachórais áitiúla, is gá, i gcás ionaid trádála shuntasacha agus OMUEnna, go bhfanann an fhreagracht as an bhfaireachas ar mhargaí agus as formhaoirseacht ar eisitheoirí ag údaráis atá inniúil ar an leibhéal náisiúnta. Dá bhrí sin, fad ba cheart do ESMA a bheith i gceannas ar fhorfheidhmiú na rialacha a leagtar síos i Rialachán (AE) Uimh. 600/2014 i leith ionaid trádála shuntasacha agus OMUEnna agus, i gcás inarb ábhartha, na rialacha a leagtar síos i dTreoir 2014/65/AE, lena n‑áirítear i ndáil leis an measúnú ar chórais agus rialuithe éifeachtacha, arb é is aidhm dóibh drochúsáid mhargaidh, nó an measúnú ar pharaiméadair chun an trádáil a stad, a chosc agus a bhrath, ba cheart d’údaráis faireachais náisiúnta roinnt cumhachtaí a choinneáil chun é a chur ar a chumas do na húdaráis sin cúraimí faireachais margaidh a dhéanamh nó dualgais atá riachtanach do chaomhnú shláine an mhargaidh a dhéanamh. Ba cheart a áireamh ar na cumhachtaí sin fáil sonraí idirbheart, an fhéidearthacht sonraí leabhair orduithe a iarraidh, nó glacadh beart práinneach chun stadanna trádála sealadacha a fhorchur i gcásanna práinneacha nó ionstraimí airgeadais a chur ar fionraí ón trádáil. Agus a gcumhachtaí á bhforfheidhmiú, ba cheart do na húdaráis faireachais náisiúnta obair a dhéanamh i ndlúthchomhar le ESMA.

(43)Chun cóir chomhionann a áirithiú a mhéid a bhaineann le formhaoirseacht mhaoirseachta ar oibreoirí ionad trádála, ba cheart do ESMA a bheith san údarás inniúil i ndáil leis na hionaid trádála ábhartha uile, lena n‑áirítear iad siúd arna n‑oibriú ag gnólachtaí infheistíochta. Dá réir sin, ba cheart údarú agus maoirseacht gnólachtaí infheistíochta a chur ar iontaoibh ESMA i gcás inar mian leo a bheith údaraithe go heisiach chun saoráidí trádála iltaobhacha nó saoráidí trádála eagraithe ábhartha a oibriú. Gnólachtaí infheistíochta a oibríonn saoráidí trádála iltaobhacha nó saoráidí trádála eagraithe go comhuaineach, atá faoi réir maoirseacht ESMA, agus a dhéanann gníomhaíochtaí infheistíochta eile nó a sholáthraíonn seirbhísí infheistíochta eile, ba cheart dóibh fanacht faoi mhaoirseacht náisiúnta i gcás na seirbhísí agus gníomhaíochtaí infheistíochta eile sin. Chun a áirithiú go gcoinníonn na gnólachtaí infheistíochta sin pointe iontrála agus pointe teagmhála amháin le húdarás maoirseachta aonair agus iad ag lorg údarú, is gá creat sonrach a thabhairt isteach d’údarú na ngnólachtaí infheistíochta sin. I gcás inar mian leis na gnólachtaí infheistíochta sin a bheith údaraithe i dtosach chun seirbhísí infheistíochta eile a dhéanamh in éineacht le hoibriú saoráidí trádála iltaobhacha nó saoráidí trádála eagraithe, ba cheart údarú a chur ar iontaoibh údarás inniúil náisiúnta an Bhallstáit ina bhfuil na gnólachtaí infheistíochta is iarratasóir lonnaithe, i bhfianaise go gcumhdaítear seirbhísí eile nach bhfuil faoi mhaoirseacht ESMA lena n‑údarú. Mar sin féin, sna cásanna sin, chun a áirithiú gur féidir le ESMA a dhualgais mar údarás inniúil a dhéanamh le haghaidh ionaid trádála ábhartha, ba cheart dó tuairim cheangailteach maidir le húdarú ionad trádála a sholáthar don údarás inniúil náisiúnta.. Níor cheart don údarás inniúil náisiúnta lena mbaineann na gnólachtaí infheistíochta is iarratasóir a údarú chun saoráidí trádála iltaobhacha nó saoráidí trádála eagraithe a oibriú i gcás tuairim dhiúltach ó ESMA. Ba cheart cloí leis an gcur chuige céanna i gcás inar mian le gnólacht infheistíochta, arna údarú i dtosach chun seirbhísí infheistíochta eile a sholáthar, síneadh a chur lena údarú chun saoráidí trádála iltaobhacha nó saoráidí trádála eagraithe atá faoi réir maoirseacht ag ESMA a oibriú. I gcás tuairim dhiúltach ó ESMA, níor cheart don údarás inniúil náisiúnta síneadh leis an údarú a dheonú. Ar deireadh, i gcás ina lorgaíonn gnólacht infheistíochta, arna údarú ag ESMA chun saoráidí trádála iltaobhacha nó saoráidí trádála eagraithe a oibriú go heisiach, síneadh a chur lena údarú chun seirbhísí infheistíochta eile a chumhdach, ba cheart d’údarás inniúil náisiúnta an Bhallstáit ina bhfuil an ghnólacht infheistíochta lonnaithe tuairim cheangailteach a eisiúint do ESMA maidir le soláthar seirbhísí infheistíochta breise. I gcás tuairim dhiúltach, níor cheart do ESMA an t‑údarú a leathnú.

(44)Chun a áirithiú go mbeidh ionaid trádála faoi réir an tsamhail mhaoirseachta is iomchuí, tá sé tábhachtach próiseas a chur i bhfeidhm trína gcuirtear ionaid trádála a mheastar a bheith suntasach faoi mhaoirseacht ESMA, agus ag an am céanna, an fhéidearthacht a thabhairt isteach go bhfillfidh ionaid trádála nach gcomhlíonann na coinníollacha a thuilleadh chun bheith ‘suntasach' ar ais chuig maoirseacht náisiúnta. Sa chomhthéacs sin, ba cheart do ESMA na hionaid trádála a shainaithint a chomhlíonann na coinníollacha chun cáiliú mar ionaid shuntasacha, agus ba cheart dó faireachán tráthrialta a dhéanamh ar cé acu a leanann nó nach leanann ionaid trádála de na coinníollacha sin a chomhlíonadh le himeacht ama. Chun a áirithiú go dtarlóidh an t‑athrú ar an tsamhail mhaoirseachta go réidh agus gan ualach iomarcach a chur ar ionaid trádála, tá sé tábhachtach amlíne iomchuí agus plean aistrithe maoirseachta a bhunú, ar plean é a fhorbrófar trí chomhoibriú críochnúil idir ESMA agus an t‑údarás maoirseachta náisiúnta lena mbaineann. Chun soiléireacht a sholáthar do rannpháirtithe sa mhargadh, ba cheart do ESMA liosta de na hionaid trádála shuntasacha go léir atá faoina mhaoirseacht a bhunú agus a nuashonrú go tráthrialta agus é a fhoilsiú ar a shuíomh gréasáin.

(45)Leagtar amach le Rialachán (AE) Uimh. 909/2014 ó Pharlaimint na hEorpa agus ón gComhairle 24 ceanglais chaighdeánaithe maidir le socraíocht ionstraimí airgeadais agus rialacha maidir le heagrú agus le hiompar na dtaisclann lárnach urrús (TLUnna) chun socraíocht shábháilte, éifeachtúil agus rianúil a chur chun cinn.

(46)In 2025, chuaigh an Coimisiún i gcomhairle le páirtithe leasmhara maidir lena dtuairimí i ndáil leis na bacainní ar chomhtháthú agus ar nuachóiriú bonneagair iarthrádála i gcoitinne, agus i ndáil leis na bacainní ar sholáthar seirbhísí trasteorann i réimse na hiarthrádála go háirithe. Thug an t‑aiseolas le fios go dtacaíonn páirtithe leasmhara le cuspóir Rialachán (AE) Uimh. 909/2014 chun socraíocht shábháilte, éifeachtúil agus rianúil ionstraimí airgeadais a chur chun cinn agus go measann siad go bhfuil sé ábhartha, ach leagadh béim ar an ngá atá ann an Rialachán sin a oiriúnú don nuálaíocht theicneolaíoch agus iomaíocht chóir idir soláthraithe seirbhísí socraíochta a áirithiú ag an am céanna.

(47)Níor cheart go gcuirfeadh na coincheapa a úsáidtear agus na rialacha a leagtar síos i Rialachán (AE) Uimh. 909/2014 bac ar úsáid aon teicneolaíochta ar leith, lena n‑áirítear teicneolaíocht mórleabhar dáilte (TML). Chun nuálaíocht agus cur i bhfeidhm teicneolaíochtaí nua i soláthar seirbhísí TLU a chur san áireamh, go háirithe i gcás ina gcuirtear na seirbhísí sin ar fáil trí úsáid a bhaint as TML, ba cheart Rialachán (AE) Uimh. 909/2014 a leasú chun a áirithiú gur cheart na sainmhínithe, na coincheapa agus na ceanglais go léir a nuashonrú ionas gur féidir iad a chur i bhfeidhm i gcásanna ina soláthraíonn TLU a sheirbhísí agus úsáid á baint as TML. Is gá freisin a áirithiú gur féidir sócmhainní téacschomharthaithe áirithe, lena n‑áirítear comharthaí ríomh-airgid, a úsáid mar mhodh íocaíochta agus idirbhearta urrús á socrú nó chun pionóis a íoc i gcás teipeanna socraíochta.

(48)Ba cheart forbairtí in TML maidir le seirbhísí TLU a sholáthar a chur san áireamh i Rialachán (AE) Uimh. 909/2014 ionas gur féidir le heintitis atá údaraithe faoin gcóras píolótach dá bhforáiltear i Rialachán (AE) 2022/858 25 teacht faoi raon feidhme Rialachán (AE) Uimh. 909/2014 a luaithe a sháróidh siad an córas sin. Ba cheart go gceadófaí le Rialachán (AE) Uimh. 909/2014 freisin do TLUnna atá bunaithe san Aontas agus a bhfuil sé ar intinn acu, ón tús, seirbhísí TLU a sholáthar i ndáil le hurrúis TML-bhunaithe a mbeadh a luach níos mó ná na tairseacha a leagtar amach i Rialachán (AE) 2022/858, údarú a lorg go díreach faoi Rialachán (AE) Uimh. 909/2014.

(49)Agus méideanna agus luachanna suntasacha na n‑idirbheart urrús arna socrú ag inmheánaitheoirí socraíochta á gcur san áireamh, tá sé tábhachtach an faireachán ar na rioscaí dlíthiúla agus oibríochtúla féideartha a bhaineann leis an ngníomhaíocht sin a neartú. Ba cheart, dá bhrí sin, gráinneacht na gceanglas tuairiscithe méid agus luacha le haghaidh inmheánaitheoirí socraíochta a mhéadú agus faisnéis maidir le teipeanna socraíochta a áireamh i dtuarascálacha chun faireachán riosca den sórt sin a éascú. Ina theannta sin, chun a áirithiú gur féidir le rannpháirtithe sa mhargadh comparáid a dhéanamh idir praghsanna na seirbhísí socraíochta a sholáthraíonn inmheánaitheoirí socraíochta agus praghsanna na seirbhísí sin a sholáthraíonn TLUnna, ba cheart d’inmheánaitheoirí socraíochta a bpraghsanna agus a dtáillí a nochtadh dá gcliaint.

(50)Tá TLUnna san Aontas údaraithe agus faoi mhaoirseacht ag údaráis inniúla na mBallstát ina bhfuil siad bunaithe, i gcomhar le coláiste maoirseoirí i gcás ina dtairgeann na TLUnna sin seirbhísí a bhfuil tábhacht shuntasach leo in dhá Bhallstát óstacha nó níos mó. D’ainneoin an dul chun cinn atá déanta go dtí seo, tá cleachtais mhaoirseachta éagsúla maidir le TLUnna i gcónaí i measc na n‑údarás náisiúnta sin, rud a chruthaíonn éagothroime iomaíochta i measc TLUnna san Aontas agus a mhéadaíonn na costais agus an t‑ualach do TLUnna agus do ghrúpaí TLUnna atá ag feidhmiú agus ag iarraidh oibriú ar bhonn trasteorann. Le forbairt margaí caipitil an Aontais atá níos doimhne agus níos leachtaí faoin Aontas Coigiltis agus Infheistíochta, méadaítear leis an éagothroime iomaíochta sin an baol go dtarlódh arbatráiste maoirseachta a bhféadfadh saincheisteanna cobhsaíochta airgeadais a bheith mar thoradh air. Chun a áirithiú go gcuirfear na ceanglais stuamachta, eagrúcháin agus iompair ghnó le haghaidh TLUnna atá bunaithe san Aontas i bhfeidhm ar bhealach aonfhoirmeach, go háirithe i gcás TLUnna a bhfuil gníomhaíocht shubstaintiúil socraíochta acu, ba cheart do TLUnna a bhfuil gné ábhartha thrasteorann acu, agus TLUnna atá mar chuid de ghrúpa lena n‑áirítear bonneagair mhargaidh eile a bhfuil maoirseacht ag ESMA orthu, bheith faoi mhaoirseacht ESMA mar gheall ar a shaineolas agus a thaithí i gcur i bhfeidhm Rialachán (AE) Uimh. 909/2014.

(51)Chun a chinneadh cé acu na TLUnna sin atá údaraithe faoi Rialachán (AE) Uimh. 909/2014 ar cheart a bheith faoi mhaoirseacht ag ESMA, is gá critéir shoiléire oibiachtúla a leagan síos chun iad a shainaithint, lena n‑áirítear critéir atá bunaithe ar mhéid agus ar ghníomhaíocht trasteorann. Chun simpliú a dhéanamh agus ualach riaracháin neamhriachtanach a sheachaint, níor cheart do ESMA TLU atá údaraithe cheana féin a athúdarú a luaithe a bheidh sé suntasach.

(52)I bhfianaise ról lárnach TLUnna i margaí urrús, an nasc atá acu le bonneagair eile an mhargaidh airgeadais agus an bhfíric go dtarlaíonn an chuid is mó de mhéid na n‑idirbheart socraíochta in TLUnna san Aontas in airgead an bhainc cheannais, ba cheart do ESMA socruithe comhair domhain chuimsitheacha a fhorbairt le húdaráis eile, go háirithe le BCE agus le bainc cheannais eile a eisíonn na hairgeadraí is ábhartha de chuid an Aontais, ar airgeadraí iad a socraíonn TLUnna iontu. Le socruithe comhair den sórt sin, ba cheart dlúth-rannpháirtíocht na n‑údarás eile sin i maoirseacht laethúil TLUnna suntasacha a chumhdach agus ba cheart socruithe le haghaidh imeachtaí tráthrialta, amhail cigireachtaí ar an láthair, agus imeachtaí ad hoc, amhail cásanna éigeandála a áireamh.

(53)Ba cheart na leasuithe ar Rialachán (AE) Uimh. 1095/2010, agus go háirithe na hathruithe ar struchtúr eagrúcháin inmheánach ESMA agus an t‑athrú ar fhreagrachtaí maoirseachta, a léiriú i Rialachán (AE) Uimh. 909/2014. Ina theannta sin, agus an t‑athrú ar fhreagrachtaí maoirseachta agus rannpháirtíocht na n‑údarás inniúil náisiúnta i struchtúr rialachais ESMA á gcur san áireamh, agus chun aon sannadh dúblach cúraimí idir ESMA agus an coláiste maoirseachta a sheachaint, níor cheart go gceanglófaí a thuilleadh ar TLUnna suntasacha coláiste a bheith acu.

(54)Murab ionann agus TLUnna suntasacha, níl gníomhaíochtaí suntasacha trasteorann ag TLUnna nach bhfuil chomh substaintiúil sin. Dá bhrí sin, ba cheart dóibh fanacht faoi mhaoirseacht a n‑údarás inniúil náisiúnta. Ba cheart do na socruithe maoirseachta le haghaidh TLUnna nach bhfuil chomh suntasach sin fanacht mar a bhí den chuid is mó. Mar sin féin, chun cur chuige maoirseachta comhsheasmhach a áirithiú do na TLUnna sin, is gá foráil a dhéanamh maidir le comhar níos láidre idir na húdaráis inniúla náisiúnta sin agus ESMA. I gcás gur mian leo déanamh amhlaidh, ba cheart go mbeadh an rogha ag na Ballstáit ESMA a ainmniú mar an t‑údarás inniúil do TLUnna nach bhfuil chomh suntasach sin, ar TLUnna iad atá bunaithe ina ndlínsí. Thairis sin, i gcás nach gcomhlíonann TLU a bhí suntasach roimhe seo na coinníollacha a thuilleadh chun a mheas mar TLU den sort sin, ba cheart idirthréimhse leordhóthanach a dheonú don údarás inniúil náisiúnta chun ligean dó ullmhú sula nglacfaidh sé freagrachtaí maoirseachta go foirmiúil as an TLU sin. De rogha air sin, ba cheart don údarás inniúil náisiúnta a bheith in ann maoirseacht an TLU sin a bhí suntasach roimhe seo a fhágáil faoi ESMA. Ina theannta sin, chun comhsheasmhacht agus iomaíocht chothrom a áirithiú idir TLUnna suntasacha agus TLUnna nach bhfuil chomh suntasach, ba cheart do ESMA a bheith freagrach as socruithe idir‑inoibritheachta a údarú amhail, i gcomhthéacs seirbhísí TLU, naisc idir‑inoibritheacha. Chun na gcríoch sin, ba cheart do ESMA a bheith freagrach freisin as cathaoirleacht a dhéanamh ar na coláistí le haghaidh TLUnna nach bhfuil chomh suntasach sin.

(55)Chun malartú faisnéise a nuachóiriú agus chun nósanna imeachta níos tapúla a éascú, ba cheart do ESMA bunachar sonraí lárnach leictreonach a bhunú agus a chothabháil i bhfoirm ardáin. Ba cheart rochtain a bheith ag na húdaráis inniúla agus na comhlachtaí inniúla ábhartha go léir dá dtagraítear i Rialachán (AE) Uimh. 909/2014 ar an ardán sin le haghaidh na faisnéise a bhaineann lena gcúraimí agus lena bhfreagrachtaí. Ba cheart rochtain a bheith ag eintitis atá faoi réir Rialachán (AE) Uimh. 909/2014 ar an bhfaisnéis agus ar an doiciméadacht a thíolaic siad agus ar aon doiciméadacht atá dírithe chucu. Chun a áirithiú go ndéanfar faisnéis agus doiciméadacht a chomhroinnt go tapa agus go héifeachtúil faoi Rialachán (AE) Uimh. 909/2014, ba cheart an bunachar sonraí lárnach a úsáid chun an oiread faisnéise agus doiciméadacht agus is féidir a roinnt.

(56)Chun ligean do ghrúpaí TLUnna tairbhe a bhaint as a gcomhdhlúthú, ba cheart do Rialachán (AE) Uimh. 909/2014 cur ar chumas TLUnna atá mar chuid de ghrúpa a gcuid croísheirbhísí a sheachfhoinsiú chuig TLUnna atá mar chuid den ghrúpa céanna. Ina theannta sin, níor cheart cásanna inar mian le TLU a croísheirbhísí a sholáthar trí úsáid a bhaint as réiteach TML a d'fhorbair sí a mheas mar sheachfhoinsiú ach mar shíneadh ar údarú TLU.

(57)Tá feidhm ag an gceanglas maidir le sláine eisiúintí urrús a áirithiú go cothrom maidir le TLUnna traidisiúnta agus TLUnna a úsáideann TML. I gcás TLUnna a úsáideann TML, ba cheart do na rialacha na bealaí sonracha ina n‑oibríonn TML a chur san áireamh trí cheadú a thabhairt do nóid bearta iomchuí réitigh a dhéanamh lena bhfíorófar go bhfuil líon na n‑urrús a bheidh i gceist in eisiúint urrús nó i gcuid d’eisiúint urrús a chuirfear faoi bhráid TLU cothrom le suim na n‑urrús a thaifeadtar ar chuntais urrús rannpháirtithe an chórais socraíochta urrús a oibreoidh an TLU.

(58)Ba cheart do TLUnna a bheith in ann leas a bhaint as an bhfeidhmiúlacht a chuirtear ar fáil le comhbhonneagar socraíochta a thugann socraíocht urrús le hairgead an bhainc cheannais, go háirithe i gcás ina bhforáiltear leis an gcomhbhonneagar socraíochta sin uirlisí barrfheabhsú leachtachta agus i gcás ina gcuireann sé socraíocht shábháilte éifeachtúil chun cinn, lena n‑áirítear thar theorainneacha. Chun an deis a thabhairt dá rannpháirtithe a n‑idirbhearta urrús a shocrú ar an gcomhbhonneagar socraíochta sin, ba cheart go gceanglófaí ar TLUnna a thairgeann socraíocht in airgeadraí atá ar fáil ar chomhbhonneagar socraíochta den sórt sin nascadh go díreach leis. Ba cheart don cheanglas nascadh le comhbhonneagar socraíochta na forbairtí teicneolaíochta i réimse na socraíochta airgid bainc cheannais a chur san áireamh.

(59)Leagtar amach le Rialachán (AE) Uimh. 1114/2023 ó Pharlaimint na hEorpa agus ón gComhairle 26 creat maidir le comharthaí ríomh-airgid a eisiúint go sábháilte san Aontas. Chun tacú le nuálaíocht i socraíocht urrús, ba cheart do TLUnna san Aontas a bheith in ann íocaíochtaí idirbheart urrús i gcomharthaí ríomh‑airgid a shocrú, faoi réir coimircí iomchuí. Ba cheart an fhéidearthacht sin a bheith ar fáil do TLUnna atá údaraithe chun seirbhísí coimhdeacha de chineál baincéireachta a sholáthar agus do TLUnna nach bhfuil údaraithe. Ba cheart do TLUnna nach bhfuil údaraithe chun seirbhísí coimhdeacha de chineál baincéireachta a sholáthar a bheith in ann na híocaíochtaí i gcomharthaí ríomh-airgid a shocrú, in aon airgeadra, trí chuntais a osclaítear le TLUnna atá údaraithe chun seirbhísí coimhdeacha de chineál baincéireachta a sholáthar nó trí chuntais a osclaítear le hinstitiúid chreidmheasa, faoi réir na tairsí a chinneann ÚBE chun íocaíochtaí in airgead bainc tráchtála a shocrú.

(60)Leagtar amach i Rialachán (AE) Uimh. 909/2014 rialacha maidir leis na socruithe nasctha a chuirtear ar bun idir TLUnna a bhunú agus a chothabháil. Chun soláthar seirbhísí trasteorann a chothú, ba cheart rochtain ar TLU eile san Aontas trí nasc caighdeánach a éascú agus an próiseas gaolmhar a shimpliú. Ina theannta sin, chun comhtháthú breise mhargaí caipitil an Aontais a chothú, ba cheart ceangal a bheith ar TLUnna íoslíon nasc déthaobhach a bhunú. Chun comhréireacht a áirithiú, ba cheart líon na nasc a cheangal ar TLU a bhunú a bheith ag brath ar thábhacht an TLU.

(61)Leis an Rialachán leasaitheach seo, tugtar isteach leasuithe spriocdhírithe ar Rialachán (AE) 2019/1156 d'fhonn deireadh a chur le bacainní ar mhargú trasteorann CIManna agus GCUInna, rialacha maidir le cumarsáid mhargaíochta a chomhchuibhiú agus cumhachtaí ESMA a neartú chun cultúr maoirseachta comhchoiteann a chothú agus gníomhaíochtaí a chomhordú ar bhealach níos fearr ar fud na n‑údarás inniúil náisiúnta baile agus na n‑údarás inniúil náisiúnta óstach. 

(62)Ní i gcónaí arb é an BCIM, bainisteoir EuVECA nó EuSEF, nó cuideachta bainistíochta GCUInna a dhéanann margaíocht ar CIManna agus GCUInna go díreach ach déanann dáileoir amháin nó níos mó an méid sin thar ceann na mbainisteoirí sin nó thar a gceann féin. Ba cheart socruithe trína ngníomhaíonn dáileoir thar ceann BCIM, bhainisteoir EuVECA nó EuSEF, nó cuideachta bainistíochta GCUInna a mheas mar shocruithe tarmligin atá faoi réir fhorálacha Threoir 2011/61/AE, Rialachán (AE) Uimh. 345/2013, Rialachán (AE) Uimh. 346/2013 agus Threoir 2009/65/CE maidir le tarmligean. Chun soiléireacht dhlíthiúil a áirithiú, leasaítear Rialachán (AE) 2019/1156 chun a shoiléiriú, i gcás ina ndéantar an fheidhm mhargaíochta a tharmligean chuig tríú páirtí atá ag gníomhú thar ceann an BCIM, bhainisteoir EuVECA nó EuSEF, agus na cuideachta bainistíochta GCUInna, go leanfaidh an chuideachta bainistíochta GCUInna de bheith freagrach i gcónaí as a áirithiú go gcomhlíonann an chumarsáid mhargaíochta a ullmhaítear agus a dhírítear chuig infheisteoirí ceanglais an Rialacháin sin. Ar an taobh eile, i gcás ina ngníomhaíonn dáileoir thar a cheann féin agus go ndéanann sé CIM nó GCUI a mhargú faoi Threoir 2014/65/AE nó trí tháirgí infheistíochta atá bunaithe ar árachas saoil i gcomhréir le Treoir (AE) 2016/97, níl feidhm ag forálacha Threoir 2011/61/AE ná Threoir 2009/65/CE maidir le tarmligean. Dá bhrí sin, leasaítear Rialachán (AE) 2019/1156 chun a shoiléiriú, sna cásanna sin ina bhfuil an fheidhm mhargaíochta á feidhmiú ag dáileoir amháin nó ag roinnt dáileoirí atá ag gníomhú thar a gceann féin, go bhfuil na dáileoirí sin (agus ní an BCIM ná an chuideachta bainistíochta GCUI) faoi dhliteanas a áirithiú go gcomhlíonann an chumarsáid mhargaíochta a ullmhaíonn siad agus a dhíríonn siad chuig infheisteoirí ceanglais an Rialacháin seo.

(63)Chun moilleanna neamhriachtanacha agus cleachtais mhaoirseachta éagsúla a laghdú agus chun margaíocht shaoráideach BCIManna agus GCUInna sa Mhargadh Aonair a éascú, is iomchuí go gcuirtear cosc le Rialachán (AE) 2019/1156 ar údaráis inniúla an Bhallstáit óstaigh a cheangal go ndéanfar fógra a thabhairt maidir le cumarsáid mhargaíochta mar réamhchoinníoll chun CIManna agus GCUInna a mhargú ina gcríoch. Chun infheisteoirí sa Bhallstát óstach a chosaint agus chun comhar agus éifeachtacht maoirseachta a fheabhsú, i gcás ina bhfuil foras réasúnach ag údaráis inniúla an Bhallstáit óstaigh chun a chreidiúint nach bhfuil cumarsáid mhargaíochta i gcomhréir le Rialachán (AE) 2019/1156 nó gníomhartha tarmligthe ábhartha an Choimisiúin, coinníonn siad an ceart chun iarraidh ar údaráis inniúla Bhallstát baile an BCIM, bhainisteoir EuVECA nó EuSEF nó an GCUI gach beart iomchuí a ghlacadh chun neamhrialtachtaí breise a chosc nó pionós a ghearradh ina leith. Thairis sin, féadfaidh údaráis inniúla na mBallstát óstach an t‑ábhar a tharchur chuig ESMA mura bhfuil siad sásta leis na gníomhaíochtaí a rinne na húdaráis inniúla baile.

(64)Chun ardleibhéil trédhearcachta a áirithiú maidir leis na táillí nó na muirir a thoibhíonn na húdaráis inniúla óstacha chun a ndualgais a chomhlíonadh i ndáil le CIManna agus GCUInna a mhargaítear ina gcríoch agus chun aisghabháil na dtáillí nó na muirear sin a éascú, ba cheart do ESMA faisnéis cothrom le dáta a fhoilsiú maidir le méid na dtáillí nó na muirear a thoibhíonn gach údarás inniúil óstach, a minicíocht agus modhanna a n‑íocaíochta. Chun comhsheasmhacht na dtáillí nó na muirear a thoibhíonn na húdaráis inniúla a áirithiú, ba cheart do ESMA anailís a dhéanamh gach 2 bhliain ar cé acu atá nó nach bhfuil na táillí nó na muirir sin comhsheasmhach leis an gcostas foriomlán a bhaineann le comhlíonadh feidhmeanna na n‑údarás inniúil agus tuarascáil a chur faoi bhráid an Choimisiúin ar an mbonn sin.

(65)Chun margaíocht CIManna agus GCUInna a éascú ar fud an Aontais agus chun na hidirghníomhaíochtaí agus an malartú faisnéise idir na Ballstáit baile agus na Ballstáit óstacha a bharrfheabhsú, is iomchuí agus is gá do ESMA ‘ionad ilfhreastail’ a bhunú le haghaidh mhargaíocht thrasteorann BCIManna agus GCUI, rud a chuirfeadh ar chumas na n‑údarás inniúil faisnéis agus doiciméadacht maidir le fógraí margaíochta a tharchur agus a mhalartú go héasca. Tá sé ríthábhachtach, dá bhrí sin, go bhforbróidh ESMA ardán sonraí le haghaidh fógraí margaíochta agus dí-fhógraí a bheadh inrochtana ag na húdaráis inniúla go léir. Ba cheart do GCUInna agus do BCIManna an fhaisnéis agus an doiciméadacht uile is gá chun CIManna agus GCUInna a mhargú ar fud an Aontais, lena n‑áirítear aon leasú orthu, a sholáthar d'údaráis inniúla a mBallstát baile agus tarchuirfidh an Ballstát sin iad chuig ESMA tríd an ardán sonraí sin.Ba cheart rochtain láithreach agus dhíreach a bheith ag gach údarás inniúil óstach ábhartha ar an bhfaisnéis agus ar an doiciméadacht i dtaca leis na GCUInna agus na CIManna a mhargaítear ina gcríoch tríd an ardán sonraí. Déanfaidh an t‑ardán sonraí nós imeachta an phas do GCUInna agus do BCIManna a shimpliú agus a bhrostú, rud a fhágfaidh go mbeidh rochtain láithreach acu ar an Margadh Aonair tar éis iad a n‑údarú, chomh maith le trédhearcacht agus comhar a mhéadú idir na húdaráis inniúla. Chun an caiteachas a bhaineann le nós imeachta nua an phas a mhaoiniú, lena n‑áirítear an sciar iomchuí de chostais chothabhála an ardáin sonraí a úsáidtear chun na críche sin, ba cheart do ESMA táille a ghearradh ar GCUInna agus ar BCIManna nuair a bhaineann siad leas as nós imeachta an phas bunaithe ar údarú. Ba cheart struchtúr na dtáillí a bheith i gcomhréir le líon na mBallstát óstach ina ndéantar aonaid GCUInna nó CIManna a mhargú.

(66)Chun cur chun feidhme comhsheasmhach agus comhchuibhiú níos mó a áirithiú maidir le ceanglais mhargaíochta agus nósanna imeachta um fhógra ar fud na mBallstát, aistrítear forálacha Threoir 2011/61/AE agus Threoir 2009/65/CE maidir le margaíocht CIManna de chuid an Aontais arna mbainistiú ag BCIManna de chuid an Aontais d'infheisteoirí gairmiúla agus maidir le margaíocht GCUInna ar fud an Aontais go Rialachán (AE) 2019/1156. 

(67)Tá BCIManna de chuid an Aontais a mhargaíonn CIManna de chuid an Aontais d'infheisteoirí gairmiúla, agus GCUInna a mhargaíonn a n‑aonaid ar fud an Aontais, údaraithe cheana féin agus faoi réir dianchoimircí rialála agus ceanglas stuamachta. Mar sin féin, tá na nósanna imeachta fada um fhógra agus ceanglais náisiúnta agus cleachtais riaracháin éagsúla ag cur bac ar mhargú trasteorann GCUInna agus CIManna, lena n‑áirítear oibleagáidí a bhaineann le haistriúcháin, ceapachán gníomhairí áitiúla agus sprioc-amanna náisiúnta éagsúla. Cuireann na héagsúlachtaí sin bac ar fheidhmiú an mhargaidh inmheánaigh, toisc nach mór do GCUInna agus do BCIManna déileáil le meascán rialacha agus próiseas náisiúnta agus iad ag feidhmiú i roinnt Ballstát. Dá bhrí sin, is gá nósanna imeachta um fhógra margaíochta agus dí-fhógra a chuíchóiriú, agaí próiseála a ghiorrú agus deireadh a chur leis na ceanglais náisiúnta a chruthaíonn bacainní ar mhargú trasteorann cistí infheistíochta. Chun na críche sin, leasaítear Rialachán (AE) 2019/1156 chun cead a thabhairt do GCUInna agus do BCIManna, tráth a n‑údaraithe, fógra a thabhairt dá mBallstát baile go bhfuil sé ar intinn acu aonaid nó scaireanna GCUInna nó CIManna a mhargú i mBallstáit eile trí nós imeachta simplithe. A luaithe a bheidh an fhaisnéis agus an doiciméadacht riachtanach faighte ag an mBallstát baile tríd an iarratas ar údarú, ba cheart dó é a tharchur chuig ardán sonraí ESMA. Ba cheart rochtain uathoibríoch a bheith ag na Ballstáit óstacha ar an bhfaisnéis sin agus, ón tráth a tharchuirtear í chuig an ardán sonraí, ba cheart rochtain neamhshrianta a bheith ag GCUInna agus CIManna ar mhargaí na mBallstát sin.

(68)Ba cheart an dí-fhógra maidir le socruithe margaíochta a bheith faoi réir an nós imeachta simplithe freisin, lena gceadaítear do GCUInna agus do BCIManna fógra a thabhairt dá n‑údarás inniúil baile go bhfuil sé ar intinn acu gníomhaíochtaí margaíochta i mBallstát óstach a fhoirceannadh, agus tabharfaidh an t‑údarás inniúil baile sin fógra do na Ballstáit óstacha ábhartha agus do ESMA tríd an ardán sonraí. 

(69)Cé go bhfuil cosc ar an gceanglas maidir le láithreacht fhisiciúil mar réamhchoinníoll chun GCUInna agus CIManna a mhargú i mBallstát óstach, is minic a cheanglaíonn na Ballstáit, trí chleachtas margaidh nó ar shlí eile, gníomhaire áitiúil a cheapadh chun cúraimí áirithe a dhéanamh go háitiúil. Baineann cleachtais den sórt sin an bonn d'fheidhmiú an Mhargaidh Aonair agus gineann siad costais agus castacht neamhriachtanach do chistí a mhargaítear ar fud an Aontais. Dá bhrí sin, is gá a shoiléiriú nár cheart do na Ballstáit óstacha aon chineál oibleagáide um láithreacht áitiúil fhisiciúil a fhorchur, trí chleachtas margaidh nó ar shlí eile, ar GCUInna agus ar CIManna a mhargaítear ina gcríoch, fiú i gcás nach réamhchoinníoll foirmiúil é láithreacht den sórt sin le haghaidh margaíochta ach go gcruthaíonn sí ualaí breise nó go gcuireann sí na cistí sin faoi mhíbhuntáiste i gcomparáid le cistí intíre.

(70)Chun comhchuibhiú níos mó a áirithiú i bhfeidhmiú cumhachtaí maoirseachta ag údaráis inniúla na mBallstát baile agus na mBallstát óstach, ba cheart forálacha Threoir 2011/61/AE agus Threoir 2009/65/CE maidir le cumhachtaí maoirseachta ar GCUInna agus ar CIManna a mhargaítear ar fud an Aontais a aistriú isteach i Rialachán (AE) 2019/1156. Chun comhar éifeachtach a chur chun cinn idir na húdaráis inniúla baile agus na húdaráis inniúla óstacha agus chun a áirithiú go réiteofar aon easaontas a d'fhéadfadh a bheith ann go héifeachtúil agus gan bacainní a chruthú ar mhargaíocht GCUInna agus CIManna laistigh den Aontas, is gá a shoiléiriú gur cheart d'údaráis inniúla na mBallstát óstach aon ábhar easaontais le húdaráis inniúla Bhallstát baile an GCUI nó an BCIM nó cásanna ina measann an Ballstát óstach gur cheart toirmeasc a chur ar mhargú GCUI nó CIM ina chríoch a tharchur chuig ESMA. I gcásanna den sórt sin, ba cheart do ESMA an t‑ábhar a réiteach i gcomhréir lena chumhachtaí chun aghaidh a thabhairt ar shaincheisteanna trasteorann. 

(71)Chun feidhmiú éifeachtach an Mhargaidh Aonair do chistí infheistíochta a áirithiú agus deireadh a chur le bacainní maoirseachta a chuireann bac ar fheidhmiú trasteorann cearta um nós imeachta an phas, ba cheart go dtabharfaí de chumhacht do ESMA cásanna de chleachtais mhaoirseachta éagsúla, dhúblacha, iomarcacha nó easnamhacha, ar chleachtais iad lena gcuirtear bac ar mhargú trasteorann GCUInna agus CIManna nó cásanna nach gcomhlíonann margaíocht thrasteorann GCUInna nó CIManna dlí an Aontais a bhrath agus aghaidh a thabhairt orthu. Sna cásanna sin, ba cheart do ESMA nós imeachta méadúcháin a chur chun feidhme, ag tosú le dul i ngleic leis na húdaráis inniúla agus le páirtithe leasmhara, comhar níos fearr a chothú eatarthu agus, i gcás inar gá, leas a bhaint as a chumhachtaí cóineasaithe agus idirghabhála ionas go ndéanfar srianta gan údar ar ghníomhaíochtaí trasteorann nó cásanna de neamh-chomhlíonadh dhlí an Aontais a leigheas ar bhealach tráthúil éifeachtach. Ar na cúiseanna céanna, is gá a áirithiú, má leanann na fadhbanna sin in ainneoin an nós imeachta sin, gur cheart do ESMA a chumhachtaí a fheidhmiú ansin chun nósanna imeachta um shárú ar dhlí an Aontais a sheoladh i gcomhréir le hAirteagal 17 de Rialachán (AE) Uimh. 1095/2010, chun an ceart chun GCUInna nó CIManna a mhargú ar bhonn trasteorann a chur ar fionraí i gcomhréir le hAirteagal 17aaa de Rialachán (AE) Uimh. 1095/2010, idirghabháil cheangailteach a shocrú i gcomhréir le hAirteagal 19 de Rialachán (AE) Uimh. 1095/2010 nó ardáin chomhoibrithe a eagrú i gcomhréir le hAirteagal 19a de Rialachán (AE) Uimh. 1095/2010, i gcás inarb iomchuí, chun na fadhbanna sin a leigheas go héifeachtach.

(72)Chun maoirseacht chomhsheasmhach agus comhar éifeachtach a áirithiú idir údaráis inniúla na mBallstát, ba cheart do na húdaráis inniúla a bheith in ann aon easaontas maidir le measúnuithe, gníomhaíochtaí nó easnaimh a tharchur chuig ESMA i réimsí ina gceanglaítear comhordú le Rialachán (AE) 2019/1156, ionas gur féidir le ESMA idirghabháil a dhéanamh trí úsáid a bhaint as na cumhachtaí a thugtar dó faoi Airteagal 19 de Rialachán (AE) Uimh. 1095/2010. 

(73)Is gá Rialachán (AE) 2021/23 a leasú chun cuntas a thabhairt ar ról nua ESMA mar mhaoirseoir ar CPLanna suntasacha agus chun deireadh a chur le coláistí do na CPLanna sin.

(74)De bhrí gur glacadh Rialachán (AE) 2022/858 chun glacadh le teicneolaíocht mórleabhar dáilte (TML) san earnáil airgeadais a chur chun cinn, trí fhoráil a dhéanamh maidir le córas píolótach AE lena gceadaítear do rannpháirtithe sa mhargadh triail a bhaint as úsáid TML chun ionstraimí airgeadais a thrádáil agus a shocrú. 3 bliana tar éis an Rialachán a theacht i bhfeidhm, tá glacadh measartha fós ann, le líon teoranta iarratasóirí formheasta, in ainneoin go bhfuil spéis mhéadaitheach sa mhargadh in úsáid TML le haghaidh seirbhísí airgeadais. I gcomhréir leis an gcuspóir a leagtar amach sna tosaíochtaí chun an tAontas Coigiltis agus Infheistíochta a bhaint amach maidir le hidir‑inoibritheacht, idirnascadh agus éifeachtúlacht bonneagair trádála agus iarthrádála an Aontais a fheabhsú, is cosúil go bhfuil údar maith leis athbhreithniú a dhéanamh ar shuíomh rialála reatha Rialachán (AE) 2022/858 chun a áirithiú go mbeidh an Rialachán Píolótach TML in ann dul in éineacht le gnólachtaí rialáilte ar mian leo TML a ghiaráil don trádáil agus iarthrádáil. Chun an cuspóir sin a bhaint amach, cuimsíonn an t‑athbhreithniú dhá shraith leasuithe go ginearálta: ar an gcéad dul síos, iad siúd a bhfuil sé mar aidhm acu solúbthacht agus comhréireacht an chreata a mhéadú agus, ar an dara dul síos, iad siúd a bhfuil sé mar aidhm acu a scála agus a raon feidhme a leathnú. 

(75)Baintear úsáid as TML, i measc nithe eile, chun ionstraimí airgeadais a eisiúint, a thaifeadadh agus a aistriú. Dá bhrí sin, i gcás ina gcuireann a úsáideoirí bainistíocht riosca oibríochtúil iomchuí chun feidhme, ní fhágann sé go bhfuil riosca níos mó ag baint le hionstraimí airgeadais a bhainistítear trí TML go bunúsach ná na hionstraimí a bhainistítear bunaithe ar theicneolaíochtaí eile atá gaolmhar ó thaobh feidhme de. Dá bhrí sin, ba cheart raon feidhme na sócmhainní incháilithe agus na n‑ionstraimí airgeadais a ligtear isteach i dtrádáíl ar bhonneagar margaidh TML, nó atá le taifeadadh ar bhonneagar margaidh TML faoin Rialachán seo a leathnú chun na hionstraimí airgeadais go léir a chumhdach, beag beann ar a gcineál, faoi réir chur i bhfeidhm iomchuí rialacha cosanta infheisteoirí.

(76)Leagtar síos le Rialachán (AE) 2022/858 teorainneacha éagsúla ar scála na ngníomhaíochtaí a dhéantar faoin gcóras píolótach, le teorainneacha ar mhéid eisiúna agus caipitliú margaidh na sócmhainní atá incháilithe do chóras píolótach TML (uasteorainneacha sócmhainn‑sonracha), agus uasteorainn chomhiomlán lena gcuirtear teorainn le luach iomlán na n‑ionstraimí airgeadais arna n‑idirghabháil ag bonneagar margaidh TML dar luach EUR 6 bhilliún. De bharr na dtairseacha gníomhaíochta sin, tá sé deacair do rannpháirtithe móra áirithe sa mhargadh an creat píolótach a úsáid dá ngníomhaíocht agus samhlacha gnó ar mhórscála a fhorbairt. Dá bhrí sin, ba cheart gach uasteorainn a bhaineann go sonrach le sócmhainní a tharraingt siar, agus ba cheart an uasteorainn chomhiomlán a ardú go EUR 100 billiún. Chun rioscaí a bhaineann le gníomhaíocht mhéadaithe a mhaolú, ba cheart méaduithe spriocdhírithe ar cheanglais stuamachta a bheith ag gabháil leis na hathruithe sin do na rannpháirtithe píolótacha sin a sholáthraíonn seirbhísí TLU ar mian leo tairbhe a bhaint as tairseacha méadaithe. Ag an am céanna, chun é a dhéanamh níos éasca do chuideachtaí beaga nuálacha córas píolótach TML a úsáid dá ngníomhaíochtaí, ba cheart córas simplithe a bhunú ina mbeidh oibleagáidí atá comhréireach le riosca agus le méid na gcuideachtaí sin. Ba cheart go mbeadh an córas simplithe oscailte d’oibreoirí córais trádála agus socraíochta TML nó córais socraíochta TML i gcás nach mó ná EUR 10 mbilliún é luach margaidh comhiomlán na n‑ionstraimí airgeadais TML go léir a ndéanann siad seirbhís orthu tráth a ligin isteach chun a dtrádála, nó tráth a dhéantar taifeadadh ar ionstraim airgeadais nua TML den chéad uair.

(77)Le Rialachán (AE) 2022/858 cuirtear teorainn leis na cineálacha eintiteas incháilithe ar féidir leo páirt a ghlacadh sa chóras píolótach, nach foláir a bheith ina n‑ionaid trádála atá údaraithe faoi Threoir 2014/65 nó bheith ina TLUnna. Leis an gcur chuige sin, eisiatar eintitis airgeadais rialáilte a bhfuil leas agus taithí acu i dtrádáil agus aistrithe sócmhainní digiteacha a eagrú chun páirt a ghlacadh sa chóras píolótach, is é sin na soláthraithe seirbhísí cripteashócmhainní (SSCS) a oibríonn ardáin trádála. Dá bhrí sin, ba cheart cead a thabhairt do na SSCSanna sin, faoi choinníollacha áirithe agus faoi réir a gcomhlíonta leis na ceanglais ábhartha a leagtar amach i dTreoir 2014/65, i Rialachán (AE) Uimh. 600/2014 agus i Rialachán (AE) Uimh. 909/2014, de réir mar is infheidhme, cead sonrach a fháil chun ionad trádála TML nó córas trádála agus socraíochta TML a oibriú. Dá réir sin, ba cheart na rialacha a leagtar síos d'eintitis a oibríonn bonneagar margaidh TML a chur i bhfeidhm maidir le SSCSanna.

(78)Le Rialachán (AE) 2022/858, tugtar an deis dá rannpháirtithe díolúintí ó fhorálacha sonracha na reachtaíochta earnála a iarraidh. Mar sin féin, ní fhéadfaidh ach iarratasóirí áirithe forálacha áirithe de reachtaíocht earnála a shainaithint mar fhorálacha atá neamh‑chomhoiriúnach do TML, mar atá, iarratasóirí ar an gcóras píolótach iad féin de réir mar a fhorbraíonn siad a gcuid samhlacha gnó agus a dhéanann siad iarratas ar chead chun bonneagar margaidh TML a oibriú, nó tar éis dóibh an cead a fháil. Chun solúbthacht an chórais phíolótaigh a áirithiú maidir le tacú leis an nuálaíocht, ba cheart cead a thabhairt do na húdaráis inniúla iarrataí ar dhíolúintí ó fhorálacha a bhaineann leis na codanna sonraithe den reachtaíocht earnála a dheonú faoi choinníollacha áirithe. Ba cheart iarrataí den sórt sin a bheith bunaithe ar údar soiléir ó oibreoirí ionaid trádála TML nó córais socraíochta TML go bhfuil an díolúine riachtanach neamh‑chomhoiriúnach nó díréireach le húsáid TML, agus ba cheart bearta cúiteacha a bheith ag gabháil leo, i gcás inarb iomchuí, lena bhféadfaí cuspóir na forála a n‑iarrtar an díolúine ina leith a bhaint amach. Chun cóineasú maoirseachta a áirithiú idir na húdaráis inniúla a dheonaíonn na díolúintí, ba cheart dlúthbhaint a bheith ag ESMA leis na hiarrataí a dheonú trí thuairimí neamhcheangailteacha a eisiúint maidir leis na hiarrataí agus na measúnuithe arna ndéanamh ag na húdaráis inniúla.

(79)D'fhéadfadh sé go mbeadh sé níos deacra réitigh láidre a aimsiú chun an ghné airgid a shocrú in airgead na mbanc tráchtála i margadh nuaghinte an bhonneagair margaidh TML. Chun tacú le hoibreoirí córais socraíochta TML nó córais trádála agus socraíochta TML réitigh éifeachtúla a aimsiú chun íocaíochtaí airgid bainc tráchtála a phróiseáil laistigh dá gcórais socraíochta, ba cheart dóibh a bheith in ann institiúidí creidmheasa a ainmniú nach bhfuil a ngníomhaíochtaí baincéireachta teoranta do TLUnna ach a chomhlíonann Teideal IV de Rialachán (AE) Uimh. 909/2014 ar shlí eile. Ina theannta sin, chun deimhneacht dhlíthiúil a mhéadú do thionscadail atá ann cheana arna bhforbairt faoin gcóras píolótach, ba cheart aitheantas sainráite a thabhairt do shocrú in airgead bainc tráchtála arna fhorfheidhmiú ag gnólacht infheistíochta a oibríonn córas trádála agus socraíochta TML, ar choinníoll go ndéanann sé faireachán leordhóthanach ar na rioscaí a eascraíonn as a mhúnla socraíochta. 

(80)Ós rud é go bhfuil comharthaí ríomh-airgid tagtha chun cinn mar cheann de na modhanna socraíochta bunaithe ar TML is mó a úsáidtear, ba cheart tuilleadh soiléireachta dlíthiúla a sholáthar maidir le comharthaí ríomh-airgid a úsáid sa scéim phíolótach. Chun a aithint go rialaítear le Rialachán (AE) 2023/1114, arna ghlacadh tar éis Rialachán (AE) 2022/858, seirbhísí coimeádta comharthaí ríomh-airgid, ba cheart a shonrú go bhféadfaidh tacar institiúidí airgeadais atá rialáilte go cuí, lena n‑áirítear SSCSanna, cuntais airgid le haghaidh comharthaí ríomh‑airgid a sholáthar chun críche na socraíochta. Ba cheart, áfach, a leagan síos nach bhféadfaidh formhór na seirbhísí coimhdeacha de chineál baincéireachta maidir le comharthaí ríomh‑airgid a sholáthar ach amháin ag institiúidí creidmheasa, seachas cuntais airgid a sholáthar agus íocaíochtaí a phróiseáil.Ina theannta sin, chun úsáid comharthaí ríomh‑airgid atá ainmnithe in airgeadraí an Aontais a chur chun cinn agus chun an margadh a chosaint ar riosca malairte eachtraí, ba cheart íocaíochtaí a shocrú le haghaidh sócmhainní atá ainmnithe in airgeadraí an Aontais a dhéanamh i gcomharthaí ríomh‑airgid a thagraíonn d'airgeadraí an Aontais. Chun tacú le forbairt cripteamhonaí cobhsaí atá ainmnithe in euro, ba cheart bonneagair mhargaidh TML a spreagadh chun socraíocht a thairiscint i gcomharthaí ríomh‑airgid atá ainmnithe in euro, fiú má tá an ionstraim airgeadais a shocraítear ainmnithe in airgeadra neamh-Aontais.

(81)Is gá a áirithiú go mbeidh gnólachtaí beaga atá ag iarraidh nuálaíocht a dhéanamh faoi réir cheanglais Rialachán (AE) Uimh. 909/2014 atá comhréireach lena méid agus lena riosca. Ar an gcúis sin, níor cheart d’oibreoirí córais socraíochta TML nó córais trádála agus socraíochta TML a bhaineann tairbhe as an gcóras simplithe a bheith faoi réir fhorálacha Rialachán (AE) Uimh. 909/2014 ach amháin iad siúd atá riachtanach chun soláthar sábháilte agus láidir seirbhísí TLU a áirithiú, agus gan caighdeán comhlíontachta trom a leagan síos ag an am céanna. Ar an gcúis chéanna, agus chun a áirithiú go ndéantar na rialacháin tharmligthe a glacadh de bhun Rialachán (AE) Uimh. 909/2014 comhréireach le riosca agus méid na ngnólachtaí beaga a oibríonn faoin gcóras simplithe, ba cheart treoir a thabhairt do ESMA na rialacháin tharmligthe sin a leasú ar mhaithe le riachtanais an chórais shimplithe. Chun a áirithiú go n‑éireoidh na ceanglais is infheidhme maidir le rannpháirtithe an chórais phíolótaigh níos déine de réir mar a mhéadaíonn gnólachtaí agus de réir mar a mhéadaíonn na rioscaí, ba cheart do bhonneagair mhargaidh TML ar mian leo aistriú ón gcóras simplithe go dtí an gnáthchóras ceanglais uile Rialachán (AE) Uimh. 909/2014 a chomhlíonadh, arna n‑oiriúnú agus arna mhaolú le Rialachán (AE) 2022/858.I bhfianaise nuacht an chórais shimplithe do ghníomhaíochtaí an chórais socraíochta TML nó an chórais trádála agus socraíochta TML a thugtar isteach sa rialachán seo, agus chun cóineasú maoirseachta ag na húdaráis inniúla a áirithiú, ba cheart sainordú a thabhairt do ESMA treoirlínte a eisiúint maidir le cur chun feidhme an chórais shimplithe sin.

(82)Feidhmíonn mórleabhair dháilte mar ardáin ar féidir le hidirghabhálaithe airgeadais seirbhísí airgeadais a sholáthar ar bhealach sioncrónaithe. Chun a chumasú do rannpháirtithe sa mhargadh cineál ardáin na mórleabhar dáilte a ghiaráil, leis an gcóras píolótach ba cheart é a chur ar a gcumas d’eintitis airgeadais incháilithe cead sonrach a fháil chun seirbhís TLU aonair a dhéanamh laistigh de chríoch an Aontais. Dá bhrí sin, ba cheart a cheadú do dhuine dlítheanach atá údaraithe mar ghnólacht infheistíochta, mar mhargadh rialáilte, mar institiúid chreidmheasa, mar TLU, nó mar SSCS seirbhís nótaire TML nó seirbhís cothabhála lárnach TML a dhéanamh faoin gcóras píolótach. Chun a áirithiú go gcuirtear na seirbhísí sin ar fáil i gcomhréir leis na caighdeáin a leagtar síos i Rialachán (AE) Uimh. 909/2014, agus sainiúlachtaí TML á gcur san áireamh, ba cheart do nótairí TML agus do leabharchoimeádaithe TML a bheith faoi réir fhorálacha an rialacháin sin lena rialaítear cur i bhfeidhm an nótaire agus na seirbhíse cothabhála lárnaí agus na gceanglas breise maidir le bonneagair mhargaidh TML a leagtar amach i Rialachán (AE) 2022/858.

(83)Níor cheart ionstraimí airgeadais TML arna n‑eisiúint agus arna gcosaint ag an nótaire TML agus ag coimeádaithe cuntais TML lasmuigh de TLU a shocrú ach amháin trí chóras socraíochta TML, córas trádála agus socraíochta TML nó TLU a oibríonn faoi Rialachán (AE) Uimh. 909/2014 amháin. Ina theannta sin, i bhfianaise nádúr turgnamhach an tsamhail seo maidir le soláthar dáilte seirbhísí TLU, ba cheart luach margaidh na n‑ionstraimí airgeadais TML arna n‑eisiúint agus arna gcosaint ag nótairí TML agus ag coimeádaithe cuntais TML a theorannú trí chead a thabhairt d’oibreoirí córais socraíochta TML, córais trádála agus socraíochta TML nó TLU a oibríonn faoi Rialachán (AE) Uimh. 909/2014 amháin suas le EUR 10 mbilliún de mhargadhluach ionstraimí den sórt sin a ligean isteach chun a socraithe, agus ba cheart an tsuim sin a mhéadú go EUR 30 billiún de mhargadhluach d’urrúis inaistrithe arna n‑eisiúint ag FBManna.

(84)Mar léiriú ar chineál dáilte na ról agus na bhfreagrachtaí a d’fhéadfadh a bheith ann faoin gcóras píolótach le cruthú feidhm nótaire TML agus feidhm coimeádaí cuntais TML, ba cheart a chur in iúl go soiléir i gcás ina soláthraíonn nótaire TML nó leabharchoimeádaí TML croísheirbhísí TLU i gcomhpháirt le córas socraíochta TML, córas trádála agus socraíochta nó TLU a oibríonn faoi Rialachán (AE) Uimh. 909/2014 amháin, níor cheart iad a bheith faoi dhliteanas as na ceanglais sin a leagtar síos i Rialachán (AE) Uimh. 909/2014 a chomhlíonadh ar ceanglais iad a urscaoileann an nótaire TML nó leabharchoimeádaí TML.

(85)Chun trédhearcacht ar an margadh a áirithiú maidir le soláthar comhpháirteach seirbhísí TLU, ba cheart do ESMA an fhaisnéis faoi gach ceann de na seirbhísí nótaire TML agus na seirbhísí cothabhála lárnaí TML arna n‑oibriú ag córas socraíochta TML, córas trádála agus socraíochta nó TLU a oibríonn faoi Rialacháin (AE) Uimh. 909/2014 amháin, a iontráil sa chlár TLU arna choimeád faoi Airteagal 21 de Rialachán (AE) Uimh. 909/2014. 

(86)Ina theannta sin, toisc go gceadaíonn mórleabhair dháilte dá úsáideoirí oibríochtaí a shioncrónú agus a uathoibriú níos éasca, ba cheart go gceadófaí leis an gcóras píolótach do rannpháirtithe sa mhargadh triail a bhaint as samhail ghnó nua nach bhfuil oibreoir aonair de chóras socraíochta i gceist léi, ach ar samhail ghnó í a bhraitheann ar eintitis rialáilte a bhfuil gá leo ina n‑aonar agus go comhpháirteach, torthaí láidre socraíochta a chinntiú trí scéim socraíochta a bhunú. I bhfianaise a gcineáil thurgnamhaigh, ba cheart na samhlacha gnó sin a bheith faoi réir na dtairseacha céanna agus is infheidhme maidir le bonneagair mhargaidh TML lena socraítear ionstraimí airgeadais TML arna n‑eisiúint agus arna gcosaint ag nótairí TML agus ag leabharchoimeádaithe TML. Ina theannta sin, chun na rioscaí a eascraíonn as an tsamhail ghnó nua sin a mhaolú a thuilleadh, ní mór na rannpháirtithe incháilithe i scéimeanna socraíochta a bheith ina leabharchoimeádaithe TML amháin, ba cheart an tsocraíocht a dhéanamh trí chuntais airgid bainc ceannais arna mbainistiú ag na leabharchoimeádaithe TML sin, agus ba cheart í a shocrú ar bhonn ‘seachadadh in áit íocaíochta’. Ina theannta sin, chun feidhmiú fónta na scéime socraíochta a áirithiú, ba cheart do rannpháirtithe socraíocht shábháilte, éifeachtúil agus rianúil, cosaint sócmhainní cliant agus bainistiú riosca láidir oibríochtaí a áirithiú. Go háirithe, chun bainistiú láidir a áirithiú ar rioscaí creidmheasa agus leachtachta a eascraíonn as seirbhísí baincéireachta a sholáthar dá gcliaint, ba cheart do leabharchoimeádaithe TML atá rannpháirteach sa scéim sraith ceanglas stuamachta a chomhlíonadh ar bhonn leanúnach. Chun an comhlíonadh sin a áirithiú, ba cheart do ESMA an scéim socraíochta a údarú agus a mhaoirsiú, i gcomhar le húdaráis inniúla na leabharchoimeádaithe TML atá rannpháirteach sa scéim.

(87)Chun forbairt seirbhísí TLU TML a éascú ar fud na mBallstát, ba cheart a cheadú do nótairí TML agus do leabharchoimeádaithe TML seirbhísí TLU a sholáthar ar fud an Aontais, gan a bheith de cheangal orthu láithreacht fhisiciúil a bheith acu ar chríoch Ballstáit óstaigh ar choinníoll go gcuireann siad liosta de na Ballstáit ina bhfuil sé ar intinn acu seirbhísí TLU a sholáthar faoi bhráid údarás inniúil a mBallstát baile a n‑iarrtar air an liosta sin a roinnt ansin le húdaráis inniúla na mBallstát óstach ábhartha agus le ESMA sula bhféadfaidh an nótaire TML nó an leabharchoimeádaí TML tús a chur le soláthar seirbhísí TLU sna Ballstáit óstacha sin.

(88)Chun a áirithiú nach ndéanfaidh bonneagair mhargaidh TML ilroinnt ar bhonneagar trádála agus iarthrádála an Aontais agus go mbeidh siad ina gcuid de mhargadh caipitil comhtháite, ba cheart do bhonneagair mhargaidh TML atá rannpháirteach sa chóras píolótach, chomh maith le páirtithe leasmhara eile, grúpa tionscail a bhunú chun caighdeáin tionscail a bhunú lena n‑éascaítear socrú ionstraimí airgeadais TML idir bonneagair mhargaidh TML. Ag cur le hobair an ghrúpa tionscail sin, ba cheart do ESMA comhairle theicniúil a chur ar fáil don Choimisiún maidir le tacú le hidir‑inoibritheacht idir bonneagair mhargaidh TML.

(89)Ba cheart coláistí maoirseoirí a bhunú chun maoirseacht éifeachtúil a áirithiú ar na samhlacha gnó nua do sheirbhísí TLU a cheadaítear faoin gcóras píolótach agus an comhar agus an malartú faisnéise is gá idir na maoirseoirí go léir a d’fhéadfadh a bheith i gceist leis na samhlacha gnó sin. Ar an gcéad dul síos, ba cheart coláistí maoirseoirí a bhunú i gcomhréir le hAirteagal 24a de Rialachán (AE) Uimh. 909/2014 i gcás ina soláthraíonn córas socraíochta TML nó córas trádála agus socraíochta TML a oibríonn faoin ngnáthchóras seirbhísí TLU agus ina gcomhlíonann sé na coinníollacha a leagtar amach san Airteagal sin. Chun rannpháirtíocht chuimsitheach na n‑údarás ábhartha go léir a áirithiú, ba cheart cead a thabhairt d’údaráis inniúla an nótaire TML nó an choimeádaí cuntais TML a bhfuil baint aige le seirbhísí TLU a sholáthar agus ÚBE, i gcás ina n‑úsáidtear comharthaí ríomh-airgid chun íocaíochtaí a shocrú, dul isteach i gcoláiste na maoirseoirí. Ar an dara dul síos, ba cheart do ESMA coláiste maoirseoirí do scéimeanna socraíochta a bhunú agus a bheith ina chathaoirleach air freisin, arb é a bheidh ann ESMA, údaráis inniúla leabharchoimeádaithe TML atá rannpháirteach sa scéim socraíochta agus banc ceannais AE an airgeadra a úsáidtear nó a úsáidfear chun íocaíochtaí airgid thirim a shocrú sa scéim socraíochta. Ba cheart d'údaráis inniúla nótairí TML atá rannpháirteach sa scéim socraíochta a bheith in ann páirt a ghlacadh sa choláiste arna iarraidh sin.

(90)Chun deireadh a chur le haon débhríocht i ndáil le hinmharthanacht fhadtéarmach an chórais Phíolótaigh, níor cheart feidhm a bheith a thuilleadh ag na teorainneacha ama maidir le ré na gceadanna a dheonaítear i gcomhréir le Rialachán (AE) 2022/858.

(91)Braitheann margaí cripteashócmhainní an‑chomhtháite ar chreataí maoirseachta comhordaithe chun oibriú go héifeachtúil, agus is féidir le maoirseacht níos láraithe comhtháthú margaidh níos doimhne a chur chun cinn. Is gné ríthábhachtach é cumhachtaí agus cumais mhaoirseachta a lárú ar leibhéal an Aontais, lena n‑áirítear trí fhreagrachtaí maoirseachta dírí a aistriú i réimse na soláthraithe seirbhísí cripteashócmhainní, chun an dinimic atreisithe fhrithpháirteach idir an comhtháthú margaidh agus ailíniú maoirseachta a fhorbairt a thuilleadh.

(92)Ós rud é gur réimse nua gníomhaíochta airgeadais iad soláthraithe seirbhísí cripteashócmhainní nach bhfuil faoi mhaoirseacht ach le déanaí agus toisc go bhfuil sé tábhachtach comhsheasmhacht mhaoirseachta a áirithiú ón tús, ba cheart do ESMA an mhaoirseacht láraithe sin a fheidhmiú, agus ar an gcaoi sin cothrom iomaíochta a ráthú. Is réimse é seirbhísí cripteashócmhainní freisin ina bhfuil gníomhaíocht thrasteorann mhéadaithe a dhéantar trí úsáid a bhaint as modhanna leictreonacha agus teicneolaíocht nua. Ba cheart, dá bhrí sin, faireachán a dhéanamh ar rioscaí agus aghaidh a thabhairt orthu ar bhealach cuimsitheach comhsheasmhach. Ba cheart go n‑áiritheofaí le maoirseacht láraithe cur i bhfeidhm comhsheasmhach na gcaighdeán agus na rialacha, bearnaí maoirseachta ar fud na ndlínsí a mhaolú agus aghaidh a thabhairt ar an tionchar díréireach a d'fhéadfadh a bheith ag teip fhéideartha soláthraithe seirbhísí cripteashócmhainní ar éiceachóras cripteashócmhainní an Aontais. Ba cheart go gciallódh maoirseacht láraithe nach dtarlódh an baol go dtarlódh ilroinnt mhaoirseachta.

(93)Sa chomhrac i gcoinne drochúsáid mhargaidh cripteashócmhainní a ligtear isteach chun trádáil nó a bhfuil iarraidh déanta ina leith ar a ligean isteach chun trádáil, ba cheart don fhaireachas margaidh láraithe ag ESMA agus do chumhachtaí imscrúdaithe i gcás cásanna trasteorann barainneachtaí scála a bhaint amach, an tsaincheist maidir le rochtain ilroinnte ar shonraí a shárú, spleáchas ar chomhar idirnáisiúnta a laghdú agus léargas níos fearr a thabhairt do ESMA ar straitéisí casta atá ar siúl ar fud na ndlínsí.

(94)I dtaca leis sin, ba cheart do ESMA a bheith freagrach as údarú agus maoirseacht a dhéanamh ar sholáthraithe seirbhísí cripteashócmhainní agus as faireachán leanúnach a dhéanamh ar dhrochúsáid mhargaidh in earnáil na gcripteashócmhainní.

(95)Tá cead cheana féin ag gnólachtaí áirithe atá faoi réir ghníomhartha reachtacha an Aontais maidir le seirbhísí airgeadais na seirbhísí cripteashócmhainní uile nó roinnt díobh a sholáthar gan ceangal a bheith orthu údarú a fháil mar sholáthraí seirbhísí criptea‑shócmhainní faoi Rialachán (AE) 2023/1114. Ba cheart do na húdaráis inniúla a dheonaigh údarú do na heintitis sin faoi ghníomhartha eile de chuid an Aontais leanúint de mhaoirseacht a dhéanamh orthu maidir lena ngníomhaíochtaí cripteashócmhainní. Mar sin féin, i gcás ina dtiocfaidh soláthar seirbhísí criptea‑shócmhainní mar phríomhghníomhaíocht na n‑eintiteas sin, ba cheart déileáil leo mar sholáthraithe seirbhísí cripteashócmhainní agus ba cheart an mhaoirseacht ar a gcuid gníomhaíochtaí uile a aistriú chuig ESMA. Chun an dualgas sin a chomhlíonadh, ba cheart do ESMA comhaontuithe comhair a bhunú leis na húdaráis inniúla a d'údaraigh na heintitis sin faoi ghníomhartha reachtacha eile de chuid an Aontais maidir le seirbhísí airgeadais. Ar bhonn an chomhaontaithe comhair, cuirfidh na húdaráis inniúla sin tacaíocht agus cúnamh ar fáil do ESMA maidir le maoirseacht a dhéanamh ar na gníomhaíochtaí nach gcumhdaítear le Rialachán (AE) 2023/1114.

(96)Ós rud é go bhfuil córas láraithe maoirseachta baincéireachta ann cheana féin san Aontas i bhfoirm an tSásra Maoirseachta Aonair, lena n‑áirithítear comhtháthú agus comhsheasmhacht i maoirseacht ghníomhaíochtaí na n‑institiúidí creidmheasa, níor cheart aon aistriú cumhachtaí maoirseachta i gcás inar institiúid chreidmheasa an t‑eintiteas atá ag soláthar seirbhísí cripteashócmhainní.

(97)Chun maoirseacht a dhéanamh ar sholáthraithe seirbhísí cripteashócmhainní, ba cheart do ESMA na cumhachtaí a bheith aige soláthar seirbhíse cripteashócmhainní a chur ar fionraí nó a thoirmeasc, údarú soláthraí seirbhíse criptea‑shócmhainní a tharraingt siar, sáruithe ar na rialacha maidir le drochúsáid mhargaidh a imscrúdú, faisnéis a iarraidh, cigireachtaí agus imscrúduithe ar an láthair a dhéanamh, bearta maoirseachta a dhéanamh agus fíneálacha a ghearradh. Ba cheart do ESMA, agus cineál agus leibhéal na smachtbhannaí agus na mbeart riaracháin agus beart riaracháin eile á gcinneadh acu, na cúinsí ábhartha go léir a chur san áireamh, lena n‑áirítear tromchúiseacht agus fad an tsáraithe agus an ndearnadh d’aon ghnó é. Chun a dhualgais mhaoirseachta a chomhlíonadh, ba cheart do ESMA comhoibriú le húdaráis inniúla eile agus cúnamh a fháil uathu agus ba cheart dó comhoibriú chomh maith leis na húdaráis inniúla atá freagrach as maoirseacht [Treoir (AE) 2015/849] agus cúnamh a fháil uathu.

(98)Ba cheart do ESMA táillí a ghearradh ar sholáthraithe seirbhísí cripteashócmhainní chun a chostais mhaoirseachta a ghlanadh, lena n‑áirítear forchostais, agus an costas a bhaineann le faireachas margaidh a dhéanamh chun drochúsáid mhargaidh a chosc. Ba cheart don táille bheith comhréireach le méid an tsoláthraí seirbhísí cripteashócmhainní. Chun cur isteach ar sholáthraithe seirbhísí cripteashócmhainní atá ann cheana a sheachaint, is gá forálacha idirthréimhseacha a leagan síos do sholáthraithe seirbhísí criptea‑shócmhainní atá údaraithe de bhun Rialachán (AE) 2023/1114 agus d'iarratasóirí a bhfuil a n‑iarratas ar údarú soláthraí seirbhísí cripteashócmhainní á mheas faoi láthair ag na húdaráis inniúla náisiúnta. Ar chúiseanna a bhaineann le deimhneacht dhlíthiúil, is iomchuí bearta idirthréimhseacha soiléire a leagan síos freisin maidir le comhaid agus le doiciméid oibre a tharchur ó na húdaráis inniúla chuig ESMA.

(99)Chun cur isteach ar sholáthraithe seirbhísí cripteashócmhainní atá ann cheana a sheachaint, ba cheart d’údarú soláthraí seirbhísí cripteashócmhainní ag údarás inniúil leanúint de bheith bailí ar fud an Aontais tar éis aistriú na gcumhachtaí maoirseachta ó na húdaráis inniúla go ESMA.

(100)Chun cuspóirí Rialachán (AE) Uimh. 1095/2010 a chomhlíonadh, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i dtaca le rialacha nós imeachta a ghlacadh maidir le feidhmiú chumhacht ESMA táillí a mhuirearú, chun fíneálacha a fhorchur agus le haghaidh nós imeachta socraíochta, lena n‑áirítear cearta cosanta, nochtadh agus éifeachtaí socraíochtaí. Ina theannta sin, chun éifeachtacht Rialachán (AE) Uimh. 648/2012 a áirithiú, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún i ndáil le sonrú na dtáillí atá le híoc le ESMA chun maoirseacht a dhéanamh ar CPLanna suntasacha, na nithe a bhfuil na táillí sin dlite ina leith, méid na dtáillí sin a ríomh, agus an modh ina n‑íocfar na táillí sin, agus i ndáil le leasú a dhéanamh ar liosta na sáruithe ar féidir le ESMA bearta maoirseachta a fhorchur ina leith ar CPLanna suntasacha. Ina theannta sin, chun éifeachtacht agus cur i bhfeidhm comhsheasmhach Rialachán (AE) Uimh. 600/2014 a áirithiú, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún i ndáil le sonrú na dtáillí atá le híoc ag oibreoirí na n‑ionad trádála atá faoi réir maoirseachta ag ESMA, i ndáil leis na coinníollacha agus na modheolaíochtaí a úsáidtear chun a chinneadh ar cheart ionad trádála a mheas a bheith suntasach, agus i dtaca leis na coinníollacha faoinar cheart d’ionad trádála nó do CPL rochtain ar a sheirbhísí a dheonú. Ag an am céanna, d'fhonn éifeachtacht Rialachán (AE) Uimh. 909/2014 a áirithiú, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún i ndáil le sonrú an chineáil táillí atá le híoc le ESMA chun maoirseacht a dhéanamh ar TLUnna suntasacha, na nithe a bhfuil na táillí sin dlite ina leith, méid na dtáillí sin a ríomh agus i ndáil leis an modh ina n‑íocfar iad; liosta na sáruithe ar féidir le ESMA bearta maoirseachta a fhorchur ina leith a leasú; na ceanglais is infheidhme maidir le rannpháirtíocht in TLU a shonrú tuilleadh, agus leasú a dhéanamh ar na coinníollacha faoina mbeidh TLU faoi réir na hoibleagáide naisc dhéthaobhacha a bhunú. Ina theannta sin, chun a áirithiú gur féidir na tairseacha gníomhaíochta a leagtar síos i Rialachán (AE) 2022/858 a mhodhnú i bhfianaise forbairtí margaidh agus foghlaim beartais ón gcóras píolótach arna bhunú leis an ngníomh sin, ba cheart an chumhacht chun gníomhartha tarmligthe a ghlacadh i gcomhréir le hAirteagal 290 CFAE a tharmligean chuig an gCoimisiún i ndáil leis na tairseacha sin a oiriúnú do dhálaí an mhargaidh agus do rioscaí féideartha don chobhsaíocht airgeadais, i measc nithe eile. Ina theannta sin, chun éifeachtacht Rialachán (AE) 2023/1114 a áirithiú, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún i ndáil le cineál agus ríomh na dtáillí maoirseachta is féidir le ESMA a ghearradh ar na soláthraithe seirbhísí cripteashócmhainní a shonrú a thuilleadh. Ar deireadh, chun a áirithiú go gcuirfear na forálacha a aistrítear ó Threoir 2014/65/AE go Rialachán (AE) Uimh. 600/2014 i bhfeidhm go hordúil, is iomchuí a áirithiú go leanfaidh gníomhartha tarmligthe agus gníomhartha cur chun feidhme a glacadh ar bhonn na gcumhachtaí a leagtar síos i dTreoir 2014/65/AE atá le haistriú chuig Rialachán (AE) Uimh. 600/2014 d'fheidhm a bheith acu. Ba cheart go dtabharfaí de chumhacht don Choimisiún an gníomh tarmligthe agus an gníomh cur chun feidhme sin a leasú i gcomhréir leis na nósanna imeachta a leagtar amach in Airteagal 10(4a) nó in Airteagal 15(4a) de Rialachán (AE) Uimh. 1095/1010. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n‑áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr 27 . Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(101)Chun cur i bhfeidhm comhsheasmhach na bhforálacha ábhartha faoi Rialachán (AE) Uimh. 600/2014 a áirithiú, ba cheart go dtabharfaí de chumhacht don Choimisiún caighdeáin theicniúla rialála arna bhforbairt ag ESMA a ghlacadh i gcomhréir le hAirteagal 290 CFAE agus le hAirteagal 10 go hAirteagal 14 de Rialachán (AE) Uimh. 1095/2010, ar caighdeáin iad a bhaineann le húdarú margaí rialáilte agus OMUEnna, agus le hoibriú na n‑ionad trádála. Ina theannta sin, chun comhchuibhiú comhsheasmhach na gcaighdeán a áirithiú, ba cheart go dtabharfaí de chumhacht don Choimisiún caighdeáin theicniúla rialála a ghlacadh i gcomhréir le hAirteagal 290 CFAE agus le hAirteagal 10 go hAirteagal 14 de Rialachán (AE) Uimh. 1093/2010 ó Pharlaimint na hEorpa agus ón gComhairle 28 agus de Rialachán (AE) Uimh. 1095/2010, ar caighdeáin iad arna bhforbairt ag an Údarás Baincéireachta Eorpach (‘ÚBE’) agus ag an Údarás Eorpach um Urrúis agus Margaí (‘ESMA’) maidir leis na nósanna imeachta i dtaca leis na critéir a ríomh chun tábhacht TLU a shuíomh agus an tacar sonraí a thuairisceoidh TLUnna an Aontais do ESMA i ndáil leis an ríomh sin; na bearta atá le cur i bhfeidhm ag TLUnna agus ag rannpháirtithe sa mhargadh chun teipeanna socraíochta a chosc agus chun éifeachtúlacht socraíochta mhargaí caipitil an Aontais a mhéadú; na coinníollacha faoinar féidir socrú seachfhoinsithe a mheas mar sheachfhoinsiú croísheirbhísí TLU; na bearta atá le cur chun feidhme ag TLUnna chun na rioscaí sonracha a eascraíonn as seirbhísí TLU a sholáthar trí úsáid a bhaint as TML a mhaolú; agus na bearta bainistíochta riosca agus na ceanglais stuamachta maidir leis an tsocraíocht in airgead bainc tráchtála agus i gcomharthaí ríomh‑airgid. Ina theannta sin, chun comhchuibhiú comhsheasmhach a áirithiú sna táillí a ghearrfaidh ESMA ar GCUInna agus ar BCIManna i dtaca le nós imeachta an phas agus le cothabháil an ardáin sonraí, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i dtaca le bearta chun an cineál, an méid, an mhinicíocht agus na modhanna lena rialaítear íoc na dtáillí sin a shonrú. Ina theannta sin, chun comhchuibhiú comhsheasmhach a áirithiú sa chumarsáid mhargaíochta a chuirtear ar fáil d'infheisteoirí, ba cheart an chumhacht chun gníomhartha a ghlacadh i gcomhréir le hAirteagal 290 CFAE a tharmligean chuig an gCoimisiún chun inneachar agus formáid na dteachtaireachtaí margaíochta a shonrú. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n‑áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr. Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe. Ar deireadh, chun ceanglais Rialachán (AE) Uimh. 909/2014 a shainaithint ar cheart feidhm a bheith acu maidir le soláthraithe an nótaire TML agus na seirbhíse cothabhála lárnaí cuntais TML, agus iad a chur in oiriúint d'úsáid na teicneolaíochta mórleabhar dáilte agus do shainiúlachtaí na samhlacha gnó a bhaineann le nótairí TML agus le leabharchoimeádaithe TML, ba cheart do ESMA dréachtchaighdeáin theicniúla rialála a fhorbairt chun forálacha Theideal III de Rialachán (AE) Uimh. 909/2014 a fhorlíonadh.

(102)Chun coinníollacha aonfhoirmeacha a áirithiú maidir le cur chun feidhme Rialachán (AE) Uimh. 909/2014, ba cheart cumhachtaí cur chun feidhme a thabhairt don Choimisiún chun caighdeáin theicniúla cur chun feidhme a ghlacadh arna bhforbairt ag ESMA maidir leis na foirmeacha caighdeánacha, na teimpléid agus na nósanna imeachta maidir le nochtadh táillí agus praghsanna ag TLUnna agus ag inmheánaitheoirí socraíochta. Ba cheart na cumhachtaí sin a fheidhmiú i gcomhréir le hAirteagal 15 de Rialachán (AE) Uimh. 1095/2010.

(103)Ba cheart, dá bhrí sin, na Rialacháin (AE) Uimh. 1095/2010, Uimh. 648/2012, Uimh. 600/2014, Uimh. 909/2014, 2015/2365, 2019/1156, 2021/23, 2022/858, 2023/1114, Uimh. 1060/2009, 2016/1011, 2017/2402, 2023/2631 agus 2024/3005 a leasú dá réir.

(104)Is gá dóthain ama a thabhairt do ESMA chun ullmhú dá ról maoirseachta nua, lena ngabhann athruithe ar a rialachas. Ba cheart, dá bhrí sin, tús a bheith le feidhm na leasuithe ar Rialacháin (AE) 1095/2010, 2015/2365, 2019/1156, 2021/23, 2022/858, 2023/1114, (AE) Uimh. 1060/2009, 2016/1011, 2017/2402, 2023/2631, 2024/3005 ó 12 mhí tar éis theacht i bhfeidhm an Rialacháin seo. Mar sin féin, chun a chumasú don Bhord Feidhmiúcháin a bheith oibríochtúil agus na cúraimí a shanntar dó a ghlacadh go héifeachtach, ba cheart tús a bheith ag an nós imeachta roghnúcháin agus ceapacháin do chomhaltaí an Bhoird Feidhmiúcháin amhail ón dáta a thiocfaidh an Rialachán seo i bhfeidhm.

(105)Chun comhsheasmhacht leis na leasuithe ar Rialachán (AE) Uimh. 1095/2010 a áirithiú, ba cheart feidhm a bheith ag na leasuithe ar Rialachán (AE) Uimh. 648/2012 12 mhí tar éis theacht i bhfeidhm an Rialacháin seo. Mar sin féin, chun a chumasú do ESMA tús a chur le measúnú cé acu atá nó nach bhfuil CPL ina CPL suntasach sula dtosaíonn feidhm a bheith ag na hoibleagáidí ar CPLanna suntasacha, ba cheart tús a chur le cur i bhfeidhm na bhforálacha a bhaineann leis an measúnú sin ó dháta theacht i bhfeidhm an Rialacháin seo. Chun a chumasú do ESMA na freagrachtaí maoirseachta nua a thabhairt isteach de réir a chéile agus an acmhainn agus na creataí comhair is gá a bhunú, ba cheart feidhm a bheith ag na leasuithe ar Rialachán (AE) Uimh. 909/2014 a bhaineann le maoirseacht TLUnna suntasacha 24 mhí tar éis theacht i bhfeidhm an Rialacháin seo. Mar sin féin, chun a chumasú do ESMA tús a chur le measúnú cé acu atá nó nach bhfuil TLUnna ina CLP suntasach sula dtosaíonn feidhm a bheith ag na hoibleagáidí ar CPLanna suntasacha, ba cheart tús a chur le cur i bhfeidhm na bhforálacha a bhaineann leis an measúnú sin ó dháta theacht i bhfeidhm an Rialacháin seo.

(106)Chun deimhneacht dhlíthiúil a áirithiú agus chun cur isteach ar bhunú na teilitéipe comhdhlúite le haghaidh scaireanna agus ETFanna a sheachaint ag an gcéad soláthraí teilitéipe comhdhlúite arna údarú i gcomhréir le hAirteagal 27db de Rialachán (AE) Uimh. 600/2014, ba cheart feidhm a bheith ag na leasuithe ar an Rialachán sin a bhaineann leis an teilitéip chomhdhlúite le haghaidh scaireanna agus ETFanna ón [OP cuir isteach an dáta = an lá tar éis dhul in éag na chéad tréimhse 5 bliana dá dtagraítear in Airteagal 27da de Rialachán (AE) Uimh. 600/2014 maidir leis an soláthraí teilitéipe comhdhlúite le haghaidh scaireanna agus ETFanna]. Chun comhsheasmhacht leis na leasuithe ar Rialachán (AE) Uimh. 1095/2010 a áirithiú, ba cheart tosach feidhme a bheith ag na leasuithe ar Rialachán (AE) Uimh. 600/2014 a bhaineann le cumhachtaí ESMA 12 mhí tar éis theacht i bhfeidhm an Rialacháin seo. Ba cheart do ESMA a bheith ina údarás inniúil do na heintitis lena mbaineann 24 mhí tar éis theacht i bhfeidhm an Rialacháin seo chun dóthain ama a thabhairt chun aistriú inniúlachtaí agus dualgais maidir leis na hionaid trádála ábhartha ó údaráis inniúla náisiúnta chuig ESMA a ullmhú.

(107)Leis an gCinneadh seo, tugtar isteach ceanglais cheangailteacha le haghaidh seirbhísí poiblí digiteacha trasteorann de réir bhrí Rialachán (AE) 2024/903. Dá bhrí sin, tá measúnú idir‑inoibritheachta curtha i gcrích. Is í an chaibidil Gnéithe Digiteacha den Ráiteas Reachtach Airgeadais agus Digiteach an tuarascáil mar thoradh air. Foilseofar é sin freisin ar an Tairseach um Eoraip Idir‑inoibritheach tar éis ghlacadh an Ghnímh.

(108)Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle 29 agus thug sé tuairim an [XX].

TAR ÉIS AN RIALACHÁN SEO A GHLACADH:

Airteagal 1
Leasú ar Rialachán (AE) Uimh. 1095/2010

Leasaítear Rialachán (AE) Uimh. 1095/2010 mar a leanas:

(1)Leasaítear Airteagal 1 mar a leanas:

(a)cuirtear an mhír 3b seo a leanas isteach:

‘3b. Feidhmeoidh an tÚdarás cumhachtaí ar rannpháirtithe margaidh airgeadais áirithe, i gcomhréir leis an Rialachán seo agus le gníomhartha eile de chuid an Aontais. Áireofar ar na cumhachtaí sin, i gcás ina dtabharfar iad leis an Rialachán seo agus le gníomhartha eile de chuid an Aontais, clárú, údarú, aithint, maoirseacht leanúnach, imscrúdú lena n‑áirítear an chumhacht chun cigireachtaí ar an láthair a dhéanamh, agus forfheidhmiú i leith na n‑eintiteas sin.’

(b)leasaítear mír 5 mar a leanas:

(1)cuirtear an méid seo a leanas in ionad phointe (a):

‘(a)    feabhas a chur ar fheidhmiú an mhargaidh inmheánaigh, lena n‑áirítear go háirithe leibhéal fónta, éifeachtach agus comhsheasmhach rialála, maoirseachta agus forfheidhmithe,’

(2)cuirtear an méid seo a leanas in ionad phointe (c):

‘(c)    comhordú maoirseachta idirnáisiúnta agus malartú faisnéise a neartú;’

(3)cuirtear leis pointe (h) mar a leanas:

‘(h)    tacú leis an gcomhtháthú margaidh san Aontas agus leis an nuálaíocht san earnáil airgeadais.’

(2)Leasaítear Airteagal 3 mar a leanas:

(a)cuirtear isteach na míreanna 4a agus 4b seo a leanas:

‘4a.    Arna iarraidh sin ag an gComhairle, glacfaidh an Cathaoirleach páirt i seisiún de chuid na Comhairle maidir le feidhmíocht an Údaráis. Déanfaidh an Cathaoirleach ráiteas os comhair Pharlaimint na hEorpa nuair a iarrfar sin air, agus freagróidh sé aon cheist a chuirfidh a feisirí air.

4b. Nuair a bheidh sé ag déanamh ionadaíochta don Údarás os comhair na Comhairle nó Pharlaimint na hEorpa i gcomhréir le mír 4 agus le mír 4a, féadfaidh comhalta amháin nó níos mó den Bhord Feidhmiúcháin a bheith in éineacht leis an gCathaoirleach.;’;

(b)cuirtear an méid seo a leanas in ionad mhír 5:

'5. Déanfaidh an Cathaoirleach tuarascáil i scríbhinn ar ghníomhaíochtaí an Údaráis do Pharlaimint na hEorpa agus don Chomhairle nuair a iarrtar air agus déanfaidh sé é sin 15 lá ar a laghad sula ndéanfaidh sé an ráiteas dá dtagraítear i mír 4 agus i mír 4a.’;

(3)Leasaítear Airteagal 4 mar a leanas:

(a)i bpointe 3, cuirtear an méid seo a leanas in ionad phointe (i):

‘(i)    údaráis inniúla nó údaráis mhaoirseachta mar a shainmhínítear iad, mar atá ainmnithe nó mar a shonraítear sa reachtaíocht dá dtagraítear in Airteagal 1(2);’

(b)cuirtear isteach na pointí 4, 5 agus 6 seo a leanas:

‘(4)    ciallaíonn rannpháirtí margaidh airgeadais faoi mhaoirseacht an Údaráis’ aon rannpháirtí margaidh airgeadais a bhfuil cumhachtaí maoirseachta, imscrúdaithe, forfheidhmithe nó aon chumhachtaí eile tugtha don Údarás ina leith faoin Rialachán seo agus faoi ghníomhartha eile de chuid an Aontais;

(5)    ciallaíonn ‘údarás iarrthach’ údarás inniúil de chuid Ballstáit a bhfuil cinneadh glactha aige fíneáil riaracháin a ghearradh ar dhuine nádúrtha nó dlítheanach mar gheall ar shárú a tharla laistigh dá dhlínse agus a iarrann cúnamh ar údarás inniúil de chuid Ballstáit eile chun an fhíneáil sin a aisghabháil i gcomhréir le hAirteagal 28a agus le hAirteagal 28b;

(6)    ciallaíonn ‘údarás iarrtha’ údarás inniúil a n‑iarrtar air cuidiú le fíneáil riaracháin laistigh dá dhlínse féin a aisghabháil ón údarás iarrthach i gcomhréir le hAirteagal 28a agus le hAirteagal 28b.’;

(4)in Airteagal 6, cuirtear an méid seo a leanas in ionad phointe (2):

‘(2) Bord Feidhmiúcháin a fheidhmeoidh na cúraimí a leagtar amach in Airteagal 46a;’;

(5)cuirtear an méid seo a leanas in ionad theideal Chaibidil II:

‘CÚRAIMÍ AGUS CUMHACHTAÍ GINEARÁLTA AN ÚDARÁIS’

(6)Leasaítear Airteagal 8 mar seo a leanas:

(a)leasaítear mír 1 mar a leanas:

(1)cuirtear an méid seo a leanas in ionad phointe (aa)’:

‘(aa)    lámhleabhar maoirseachta de chuid an Aontais a bheidh cothrom le dáta maidir le maoirseacht ar rannpháirtithe margaidh airgeadais san Aontas agus forfheidhmiú na rialacha lena rialaítear a ngníomhaíocht a fhorbairt agus a chothabháil, ar lámhleabhar é ina leagfar amach dea‑chleachtais agus modheolaíochtaí agus próisis ardchaighdeáin agus lena gcuirfear san áireamh, inter alia, cleachtais ghnó agus samhlacha gnó agus méid na rannpháirtithe margaidh airgeadais agus méid na margaí;’;

(2)cuirtear an méid seo a leanas in ionad phointe (b):

‘(b)    rannchuidiú a thabhairt maidir le gníomhartha an Aontais atá ceangailteach le dlí a chur i bhfeidhm go comhsheasmhach, go háirithe trí rannchuidiú le cultúr coiteann maoirseachta agus forfheidhmiúcháin, a áirithiú go gcuirtear na gníomhartha reachtacha dá dtagraítear in Airteagal 1(2) i bhfeidhm go comhsheasmhach, go héifeachtúil agus go héifeachtach, arbatráiste rialála a chosc, neamhspleáchas maoirseachta a chothú agus faireachán a dhéanamh air, eadráin a dhéanamh ar easaontuithe idir údaráis inniúla agus iad a réiteach, maoirseacht éifeachtach agus chomhsheasmhach rannpháirtithe margaidh airgeadais agus forfheidhmiú na rialacha lena rialaítear a ngníomhaíocht a áirithiú, feidhmiú comhleanúnach coláistí maoirseoirí a áirithiú agus gníomhaíochtaí a dhéanamh, inter alia, i gcásanna éigeandála;’;

(3)cuirtear an méid seo a leanas in ionad phointe (e):

‘(e)    athbhreithnithe piaraí ar údaráis inniúla a eagrú agus a dhéanamh agus, sa chomhthéacs sin, treoirlínte agus moltaí a eisiúint agus dea-chleachtais a shainaithint, agus é mar aidhm comhsheasmhacht sna torthaí maoirseachta agus forfheidhmithe a neartú;’

(4)cuirtear an méid seo a leanas in ionad phointe (ia):

‘(ia)    rannchuidiú le bunú straitéis choiteann sonraí airgeadais an Aontais agus malartú éifeachtúil faisnéise laistigh den Aontas a áirithiú;’

(5)cuirtear an pointe (iaa) seo a leanas isteach:

‘(iaa)    teicneolaíocht mhaoirseachta nó uirlisí eile a fhorbairt i gcomhar le húdaráis inniúla, le CEMA agus, i gcás inarb ábhartha, le comhlachtaí, gníomhaireachtaí nó institiúidí Eorpacha eile chun feabhas a chur ar chumais anailíse agus faireacháin;’

(6)cuirtear isteach na pointí (l), (m) agus (n) seo a leanas:

‘(l)    a dhualgais mhaoirseachta a chomhlíonadh agus cumhachtaí a fheidhmiú i ndáil le rannpháirtithe margaidh airgeadais faoi mhaoirseacht an Údaráis i gcomhréir leis an Rialachán seo agus le dlí eile de chuid an Aontais;

(m)    an mhaoirseacht stuamachta a dhéanamh ar chontrapháirtithe lárnacha agus ar thaisclanna lárnacha urrús agus a chumhachtaí á bhfeidhmiú faoi Rialachán (AE) Uimh. 648/2012 agus Rialachán (AE) Uimh. 909/2014*, agus i ndáil leis sin, comhoibriú leis an mBanc Ceannais Eorpach agus le bainc cheannais eisiúna na n‑airgeadraí AE ábhartha eile;

(n)    measúnú a dhéanamh ar athléimneacht chóras airgeadais an Aontais, agus ar na rioscaí a eascraíonn as gníomhaíochtaí trasteorann rannpháirtithe margaidh airgeadais faoi mhaoirseacht an Údaráis, lena n‑áirítear rioscaí de bharr idircheangailteachta, idirnasc nó rioscaí tiúchana, agus dualgais mhaoirseachta á gcomhlíonadh i gcomhréir leis an Rialachán seo nó le gníomhartha eile de chuid an Aontais.’;

______ 

*Rialachán (AE) Uimh. 909/2014 ó Pharlaimint na hEorpa agus ón gComhairle an 23 Iúil 2014 maidir le socraíocht urrús san Aontas Eorpach a fheabhsú agus maidir le taisclanna lárnacha urrús agus lena leasaítear Treoir 98/26/CE agus Treoir 2014/65/AE agus Rialachán (AE) Uimh. 236/2012 (IO L 257, 28.8.2014, lgh. 1‑72 ELI: http://data.europa.eu/eli/reg/2014/909/oj

(b)leasaítear mír 2 mar a leanas:

(1)Cuirtear an méid seo a leanas in ionad na foclaíochta réamhráití:

‘(a) Chun na cúraimí a leagtar amach i mír 1 a bhaint amach, beidh na cumhachtaí a leagtar amach sa Rialachán seo ag an Údarás agus cuirfidh an tÚdarás an dlí ábhartha uile ón Aontas i bhfeidhm, agus i gcás ina mbeidh an dlí sin ón Aontas comhdhéanta de Threoracha, an reachtaíocht náisiúnta lena dtrasuitear na Treoracha sin agus í léirmhínithe ar bhealach atá comhsheasmhach le dlí an Aontais, maidir leis an méid seo a leanas go háirithe’;

(2)cuirtear an méid seo a leanas in ionad phointe (f):

‘(f)    cinntí aonair a ghlacadh atá dírithe ar rannpháirtithe margaidh airgeadais, sna cásanna sonracha dá dtagraítear in Airteagal 17(6), Airteagal 17aaa, Airteagal 18(4) agus Airteagal 19(4);’;

(3)scriostar pointe (ga);

(4)cuirtear na pointí (k) agus (l) seo a leanas leis:

‘(k)    cinntí aonair a ghlacadh a bheidh dírithe ar rannpháirtithe margaidh airgeadais agus cúraimí maoirseachta díreacha á bhfeidhmiú aige agus bearta maoirseachta, imscrúdaitheacha agus forfheidhmithe a ghlacadh dá dtagraítear i gCaibidil IIa den Rialachán seo agus i ngníomhartha eile de chuid an Aontais;’;

(l)    measúnuithe a dhéanamh agus comhairle theicniúil a eisiúint arna hiarraidh sin;’;

(7)cuirtear an tAirteagal 8a seo a leanas isteach:

‘Airteagal 8a
Dualgas comhair

1.Déanfaidh an tÚdarás a chúraimí i gcomhar leis na húdaráis inniúla ábhartha agus le húdaráis náisiúnta eile, institiúidí de chuid an Aontais nó comhlachtaí de chuid an Aontais atá ábhartha de bhun na reachtaíochta dá dtagraítear in Airteagal 1(2) (dá ngairtear ‘na húdaráis’ anseo feasta). Beidh an tÚdarás freagrach as feidhmiú éifeachtach agus comhsheasmhach na socruithe comhair leis na húdaráis agus áiritheoidh sé ag an am céanna go bhforbróidh agus go gcoimeádfaidh sé an acmhainn is gá chun a chúraimí a chomhlíonadh go neamhspleách.

2.Beidh an tÚdarás agus na húdaráis araon faoi réir dualgais comhar a dhéanamh de mheon macánta, agus faoi réir oibleagáide faisnéis a mhalartú chun a gcúraimí a fheidhmiú go héifeachtach. Agus a chúraimí á bhfeidhmiú aige, féadfaidh an tÚdarás leas a bhaint as saineolas agus eolas na n‑údarás, lena n‑áirítear a dtaithí mhaoirseachta agus a dtuiscint ar shainiúla eacnamaíocha, eagraíochtúla agus cultúrtha. I gcás inarb iomchuí agus gan dochar do fhreagracht agus do chuntasacht an Údaráis as na cúraimí a thugtar dó leis an Rialachán seo agus leis an reachtaíocht dá dtagraítear in Airteagal 1(2), beidh na húdaráis freagrach as cuidiú leis an Údarás, faoi na coinníollacha a leagtar amach sna socruithe a leagtar amach san Airteagal seo. D'fhéadfadh sé go n‑áireofaí leis sin tacaíocht le hullmhú agus cur chun feidhme gníomhartha a bhaineann leis na cúraimí dá dtagraítear i bpointe (l) d’Airteagal 8(1), lena n‑áirítear cúnamh i ngníomhaíochtaí fíorúcháin nó i gcomhlíonadh cúraimí oibríochtúla sonracha. Leanfaidh na húdaráis na treoracha a thabharfaidh an tÚdarás agus iad ag tabhairt tacaíochta agus ag comhlíonadh cúraimí faoi na socruithe sin.

3.D'fhonn cúraimí a chur i gcrích i gcomhréir le pointe (l) d’Airteagal 8(1), agus gan dochar do shocruithe sonracha dá bhforáiltear i ngníomhartha eile de chuid an Aontais, bunóidh an tÚdarás, faoina fhreagracht fhoriomlán, agus tar éis dul i gcomhairle leis na húdaráis, na socruithe praiticiúla maidir le comhar.

4.Íocfaidh an tÚdarás aon chostas a thabhóidh na húdaráis i dtaca leis an gcomhar a sholáthraítear de bhun an Airteagail seo mura gcomhaontófar a mhalairt.

5.Saineofar sna socruithe praiticiúla don chomhar na modhanna tacaíochta, na nósanna imeachta agus na próisis, lena n‑áirítear teorainneacha ama, don chomhar idir an tÚdarás agus na húdaráis agus beidh siad faoi threoir na bprionsabal seo a leanas:

(a)féadfar iad a chur in oiriúint nó a choigeartú d'earnáil lena mbaineann agus do chineál na gcúraimí maoirseachta agus do dhéine an chomhair, lena n‑áirítear eagrú, feidhmiú agus rannpháirtíocht sa chomhar;

(b)ceadófar leo réitigh idirthréimhseacha chun leanúnachas agus aistriú rianúil freagrachtaí a áirithiú ó na húdaráis chuig an Údarás agus ón Údarás chuig na húdaráis;

(c)cuirfear éifeachtúlacht chun cinn leo i dtéarmaí ama agus acmhainní araon agus tabharfar aird chuí leo ar impleachtaí acmhainní agus ar chostéifeachtúlacht;

(d)beidh siad comhréireach agus tabharfar aird chuí leo ar a bhfreagrachtaí reachtúla agus ar acmhainní na n‑údarás;

(e)déanfar iad a bhunú agus a leanúint gan dochar do chumas an Údaráis na cúraimí a thugtar dó leis an Rialachán seo agus le gníomhartha eile de chuid an Aontais a chur i gcrích go héifeachtach, go neamhspleách agus go comhsheasmhach;

(f)áiritheofar leo sreafaí faisnéise a bheidh rianúil agus slán, lena n‑áirítear coimircí rúndachta agus láimhseáil faisnéise tríú páirtí;

(g)leagfar amach iontu modhanna oibríochtúla nó eagraíochtúla i ndáil le cúraimí maoirseachta dírí an Údaráis, lena n‑áirítear socruithe amhail foirne comhpháirteacha, comhar in imscrúduithe, cigireachtaí ar an láthair nó gníomhaíochtaí cur chun feidhme;

(h)i gcás inarb iomchuí, féadfar leo bunaíocht láithreachtaí áitiúla an Údaráis sna Ballstáit a shamhlú;

(i)féadfar leo na rialacha mionsonraithe a chinneadh chun aon chostas arna thabhú ag na húdaráis a ríomh agus a aisíoc, agus difríochtaí idir earnálacha, cineál na gníomhaíochta a ndéantar maoirseacht uirthi nó na gcúraimí a chuirtear i gcrích á gcur san áireamh.

6.Déanfaidh an Bord Feidhmiúcháin na socruithe praiticiúla maidir le comhar a fhormheas. Áiritheoidh an Bord Feidhmiúcháin freisin go gcuirfear chun feidhme iad agus déanfaidh na húdaráis, i gcásanna ina bhfuil cúraimí maoirseachta dírí á bhfeidhmiú ag ESMA, na treoracha a thabharfaidh an Bord Feidhmiúcháin agus na cúraimí a leagtar amach sna socruithe á gcomhlíonadh acu.

7.Beidh na socruithe praiticiúla maidir le comhar arna mbunú de bhun an Airteagail seo faoi réir athbhreithniú tréimhsiúil ag an Údarás, i gcomhairle leis na húdaráis, chun a áirithiú go leanfar a n‑éifeachtacht, a gcomhréireacht agus a gcomhsheasmhacht le cumas maoirseachta an Údaráis a tá ag teacht chun cinn agus le dlí an Aontais.’

(8)Leasaítear Airteagal 9a mar a leanas:

(a)leasaítear mír 1 mar a leanas:

(1)cuirtear an méid seo a leanas in ionad na foclaíochta réamhráití:

‘Ní dhéanfaidh an tÚdarás na bearta dá dtagraítear i mír 2 den Airteagal seo ach amháin faoi chúinsí práinneacha agus gan choinne nuair a mheasann sé gur dócha i gcás ceann amháin de na gníomhartha reachtacha dá dtagraítear in Airteagal 1(2), nó i gcás aon ghníomhartha tarmligthe nó cur chun feidhme bunaithe ar na gníomhartha reachtacha sin, go dtarraingeofaí saincheisteanna móra anuas ar cheann de na cúiseanna seo a leanas:’;

(2)cuirtear na pointí (d) agus (e) seo a leanas leis:

‘(d)    i gcás ina rachadh díolúine shealadach nó foráil, beart nó socrú idirthréimhseach a leagtar amach i gceann de na gníomhartha reachtacha dá dtagraítear in Airteagal 1(2) in éag sula dtiocfadh forálacha nua nó leasaithe i bhfeidhm lena mbunófar díolúine bhuan nó creat rialála nua;

(e)    i gcás ina dtiocfaidh ualach díréireach maidir le ceanglas sonrach a leagtar amach i gceann de na gníomhartha reachtacha dá dtagraítear in Airteagal 1(2) a chomhlíonadh de bharr forbairtí suntasacha sa mhargadh.’;

(b)i mír 2, cuirtear an méid seo a leanas in ionad an dara fomhír:

‘Sna cásanna dá dtagraítear i bpointí (a), (b), (d) agus (e) de mhír 1, tabharfaidh an tÚdarás tuairim don Choimisiún maidir le haon ghníomhaíocht is dóigh leis a bheith iomchuí, i bhfoirm togra reachtach nua nó togra le haghaidh gníomh tarmligthe nó cur chun feidhme nua, agus ar an bpráinn atá ag roinnt leis an gceist dar leis an Údarás. Cuirfidh an tÚdarás a thuairim in iúl don phobal.’;

(c)cuirtear an méid seo a leanas in ionad mhír 4:

‘4. Más rud é, ar bhonn na faisnéise a gheofar, go háirithe ó údaráis inniúla, go measann an tÚdarás, maidir le haon cheann de na gníomhartha reachtacha dá dtagraítear in Airteagal 1(2), nó aon ghníomh tarmligthe nó cur chun feidhme atá bunaithe ar na gníomhartha reachtacha sin, go bhfuil saincheisteanna suntasacha ann a bhaineann le hiontaoibh sa mhargadh, cosaint don chustaiméir nó don infheisteoir, feidhmiú ordúil agus sláine na margaí airgeadais nó na margaí tráchtearraí, nó cobhsaíocht an chórais airgeadais ina iomláine nó cuid den chóras airgeadais san Aontas, cuirfidh sé gan moill mhíchuí cuntas mionsonraithe i scríbhinn chuig na húdaráis inniúla agus chuig an gCoimisiún faoi na saincheisteanna is dóigh leis a bheith ann. Féadfaidh an tÚdarás tuairim a chur in iúl don Choimisiún maidir le haon ghníomhaíocht is dóigh leis a bheith iomchuí, i bhfoirm togra reachtaigh nua nó togra le haghaidh gníomh tarmligthe nó cur chun feidhme nua, agus ar an bpráinn atá ag baint leis an gceist. Cuirfidh an tÚdarás a thuairim in iúl don phobal.’;

(9)Leasaítear Airteagal 10 mar a leanas:

(a)cuirtear an méid seo a leanas in ionad mhír 2:

‘2. I gcás nach ndéanfaidh an tÚdarás dréachtchaighdeán teicniúil rialála a thíolacadh laistigh den teorainn ama atá leagtha amach sna gníomhartha reachtacha dá dtagraítear in Airteagal 1(2), nó nach leagtar amach teorainn ama den sórt sin sna gníomhartha reachtacha dá dtagraítear in Airteagal 1(2), féadfaidh an Coimisiún dréacht den sórt sin a iarraidh laistigh de theorainn ama nua. Cuirfidh an Coimisiún Parlaimint na hEorpa agus an Chomhairle ar an eolas maidir leis an amlíne nua. Cuirfidh an tÚdarás Parlaimint na hEorpa, an Chomhairle agus an Coimisiún ar an eolas, in am trátha, nach gcomhlíonfaidh sé an teorainn ama nua.’;

(b)i mír 3, cuirtear an méid seo a leanas in ionad na chéad fhomhíre:

‘3. I gcás nach ndéanann an tÚdarás dréachtchaighdeán teicniúil rialála a thíolacadh don Choimisiún laistigh de na teorainneacha ama i gcomhréir le mír 2, agus sa chás sin amháin, féadfaidh an Coimisiún caighdeán teicniúil rialála a ghlacadh trí bhíthin gníomh tarmligthe gan dréacht a bheith faighte ón Údarás.’;

(c)cuirtear míreanna 5 agus 6 seo a leanas leis:

‘5. I gcás ina bhfuil an Coimisiún den tuairim go bhfuil gá le leasuithe ar chaighdeán teicniúil rialála, seolfaidh sé litir chuig an Údarás, ina míneofar cúiseanna agus inneachar aon leasaithe is gá. Beidh teorainn ama sa litir chun dréachtchaighdeán teicniúil rialála a thíolacadh. Cuirfidh an tÚdarás dréachtchaighdeáin theicniúla rialála athbhreithnithe faoi bhráid an Choimisiúin lena nglacadh i gcomhréir leis an nós imeachta a leagtar amach i mír 1. I gcás nach mbeidh dréachtchaighdeán teicniúil rialála tíolactha ag an Údarás laistigh den teorainn ama a leagtar amach sa litir ón gCoimisiún, féadfaidh an Coimisiún leasuithe ar an gcaighdeán teicniúil rialála a ghlacadh gan dréacht ón Údarás trí bhíthin gníomh tarmligthe de bhun Airteagal 290 CFAE.

6. I gcás ina bhfuil gá le dul i ngleic le bagairt láithreach ar chosaint infheisteoirí, ar fheidhmiú ordúil agus sláine na margaí airgeadais, ar chobhsaíocht an chórais airgeadais ina iomláine nó ar chuid den chóras airgeadais san Aontas, nó ar iomaíocht chóir idir gnólachtaí atá lonnaithe san Aontas agus gnólachtaí atá lonnaithe i dtríú tíortha, féadfaidh an Coimisiún caighdeán teicniúil rialála a chur ar fionraí ar a thionscnamh féin, gan dréacht ón Údarás, trí bhíthin gníomh tarmligthe de bhun Airteagal 290 CFAE. Agus an gníomh tarmligthe sin á ullmhú, féadfaidh an Coimisiún dul i gcomhairle leis an Údarás nó a ionchur a iarraidh.

Féadfaidh an Coimisiún na caighdeáin theicniúla rialála dá dtagraítear sa mhír seo a ghlacadh trí úsáid a bhaint as an nós imeachta práinne. Agus an nós imeachta práinne á úsáid aige, tabharfaidh an Coimisiún fógra do Pharlaimint na hEorpa agus don Chomhairle maidir leis na caighdeáin theicniúla rialála arna nglacadh, agus luafaidh sé na cúiseanna atá leis an nós imeachta práinne a úsáid. Foilseofar na caighdeáin sin in Iris Oifigiúil an Aontais Eorpaigh, agus tiocfaidh siad i bhfeidhm gan mhoill. Féadfaidh Parlaimint na hEorpa nó an Chomhairle agóid a dhéanamh in aghaidh caighdeáin theicniúla rialála laistigh de thréimhse míosa ón dáta a dtabharfar an fógra i leith an chaighdeáin theicniúil rialála arna ghlacadh ag an gCoimisiún agus má chuirtear agóid in iúl, aisghairfidh an Coimisiún na caighdeáin theicniúla rialála díreach tar éis don Pharlaimint nó don Chomhairle fógra a thabhairt faoin gcinneadh agóid a dhéanamh.

Ar bhonn sealadach a chuirfear forálacha caighdeáin theicniúil rialála ar fionraí agus beidh sé sin teoranta do thréimhse uasta 12 mhí, a bheidh in‑athnuaite uair amháin. Déanfaidh an tÚdarás athbhreithniú ar an ngníomh tarmligthe dá dtagraítear sa mhír seo agus cuirfidh sé tuarascáil faoi bhráid an Choimisiúin maidir le cur i bhfeidhm na fionraí dhá mhí ar a laghad roimh dhul in éag na fionraí, lena n‑áirítear measúnú ar cibé an bhfuil gá leis an bhfionraí i gcónaí.’;

(10)leasaítear Airteagal 15 mar a leanas:

(a)cuirtear an méid seo a leanas in ionad mhír 2:

‘2. I gcás nach ndéanfaidh an tÚdarás dréachtchaighdeán teicniúil cur chun feidhme a thíolacadh laistigh den teorainn ama atá leagtha amach sna gníomhartha reachtacha dá dtagraítear in Airteagal 1(2), nó nach leagtar amach teorainn ama den sórt sin sna gníomhartha reachtacha dá dtagraítear in Airteagal 1(2), féadfaidh an Coimisiún dréacht den sórt sin a iarraidh laistigh de theorainn ama nua. Cuirfidh an tÚdarás Parlaimint na hEorpa, an Chomhairle agus an Coimisiún ar an eolas, in am trátha, nach gcomhlíonfaidh sé an teorainn ama nua.’;

(b)i mír 3, cuirtear an méid seo a leanas in ionad na chéad fhomhíre:

‘3. I gcás nach ndéanfaidh an tÚdarás dréachtchaighdeán teicniúil cur chun feidhme a thíolacadh don Choimisiún laistigh de na teorainneacha ama i gcomhréir le mír 2, agus sa chás sin amháin, féadfaidh an Coimisiún caighdeán teicniúil cur chun feidhme a ghlacadh trí bhíthin gnímh cur chun feidhme gan dréacht a bheith faighte ón Údarás.’;

(c)cuirtear míreanna 5 agus 6 seo a leanas leis:

‘5. I gcás ina bhfuil an Coimisiún den tuairim go bhfuil gá le leasuithe ar chaighdeán teicniúil cur chun feidhme, seolfaidh sé litir chuig an Údarás, ina míneofar na cúiseanna agus inneachar aon leasaithe is gá. Beidh teorainn ama sa litir chun dréachtchaighdeán teicniúil cur chun feidhme a thíolacadh. Cuirfidh an tÚdarás dréachtchaighdeán teicniúil cur chun feidhme athbhreithnithe faoi bhráid an Choimisiúin chun go nglacfaí leis i gcomhréir leis an nós imeachta a leagtar amach i mír 1. I gcás nach mbeidh dréachtchaighdeán teicniúil cur chun feidhme tíolactha ag an Údarás laistigh den teorainn ama a leagtar amach sa litir ón gCoimisiún, féadfaidh an Coimisiún caighdeán teicniúil cur chun feidhme a ghlacadh gan dréacht ón Údarás trí bhíthin gnímh cur chun feidhme de bhun Airteagal 291 CFAE.

6.I gcás ina bhfuil gá le dul i ngleic le bagairt láithreach ar chosaint infheisteoirí, ar fheidhmiú ordúil agus sláine na margaí airgeadais, ar chobhsaíocht an chórais airgeadais go léir nó ar chuid den chóras airgeadais san Aontas, nó ar iomaíocht chóir idir gnólachtaí atá lonnaithe san Aontas agus gnólachtaí atá lonnaithe i dtríú tíortha, féadfaidh an Coimisiún caighdeán teicniúil cur chun feidhme a chur ar fionraí ar a thionscnamh féin, gan dréacht ón Údarás, trí bhíthin gníomh cur chun feidhme de bhun Airteagal 291 CFAE. Agus an gníomh cur chun feidhme sin á ullmhú, féadfaidh an Coimisiún dul i gcomhairle leis an Údarás nó a ionchur a iarraidh.

Ar bhonn sealadach a chuirfear na forálacha caighdeáin theicniúil cur chun feidhme ar fionraí agus é sin teoranta do thréimhse uasta 12 mhí, in‑athnuaite uair amháin. Déanfaidh an tÚdarás athbhreithniú ar an ngníomh cur chun feidhme dá dtagraítear sa mhír seo agus cuirfidh sé tuarascáil faoi bhráid an Choimisiúin maidir le cur i bhfeidhm na fionraí dhá mhí ar a laghad roimh dhul in éag na fionraí, lena n‑áirítear measúnú ar cibé an bhfuil gá leis an bhfionraí i gcónaí.’;

(11)Scriostar Airteagal 16b.

(12)Leasaítear Airteagal 17 mar a leanas:

(a)cuirtear an méid seo a leanas in ionad mhír 2:

‘2. Arna hiarraidh ag údarás inniúil amháin nó níos mó, nó ag Parlaimint na hEorpa, ag an gComhairle, ag an gCoimisiún, nó ag an nGrúpa Geallsealbhóirí um Urrúis agus Margaí, nó dá thionscnamh féin, lena n‑áirítear nuair a bheidh an fhaisnéis sin bunaithe ar fhaisnéis a bhfuil bunús maith léi ó dhaoine nádúrtha nó ó dhaoine dlítheanacha, tar éis dó an t‑údarás inniúil lena mbaineann a chur ar an eolas, míneoidh an tÚdarás an chaoi a bhfuil sé beartaithe aige leanúint ar aghaidh leis an gcás, agus déanfaidh sé imscrúdú ar shárú líomhnaithe ar dhlí an Aontais nó ar an líomhain nár cuireadh dlí an Aontais i bhfeidhm, i gcás ina bhfuil foras réasúnach ann chun a chreidiúint gur tharla sárú nó neamhchur i bhfeidhm dhlí an Aontais agus nach bhfuil bearta leordhóthanacha glactha cheana féin ag an údarás inniúil lena mbaineann chun aghaidh a thabhairt ar shárú líomhnaithe dhlí an Aontais nó ar an líomhain nár cuireadh dlí an Aontais i bhfeidhm.’;

(b)i mír 3, cuirtear an méid seo a leanas in ionad na chéad fhomhíre:

I gcás ina dtagann an t‑imscrúdú ar an gconclúid nach bhfuil an t‑údarás inniúil ag comhlíonadh dhlí an Aontais, déanfaidh an tÚdarás, tráth nach déanaí ná 4 mhí óna imscrúdú a thionscnamh, moladh a dhíriú chuig an údarás inniúil lena mbaineann, ar moladh é ina leagfar amach an ghníomhaíocht is gá a dhéanamh chun dlí an Aontais a chomhlíonadh. Déanfaidh an tÚdarás, a luaithe is féidir, a mholadh a roinnt leis an gCoimisiún.’;

(c)cuirtear an méid a leanas in ionad mhír 6:

‘6. Gan dochar do chumhachtaí an Choimisiúin de bhun Airteagal 258 CFAE, i gcás nach gcomhlíonann údarás inniúil an tuairim fhoirmiúil dá dtagraítear i mír 4 den Airteagal seo laistigh den tréimhse ama a shonraítear ann, agus i gcás inar gá an neamh-chomhlíonadh sin a leigheas go tráthúil chun coinníollacha neodracha iomaíochta sa mhargadh a chothabháil nó a athshlánú, nó chun feidhmiú ordúil agus sláine an chórais airgeadais a áirithiú, déanfaidh an tÚdarás, i gcás ina bhfuil ceanglais ábhartha na ngníomhartha reachtacha dá dtagraítear in Airteagal 1(2) den Rialachán seo infheidhme go díreach ar rannpháirtithe margaidh airgeadais, lena n‑áirítear ceanglais sa dlí náisiúnta lena dtrasuitear treoracha agus iad léirmhínithe ar bhealach atá comhsheasmhach leo, cinneadh ar leith a ghlacadh a bheidh dírithe ar rannpháirtí margaidh airgeadais, cinneadh á cheangal chun gach gníomhaíocht riachtanach a dhéanamh chun a cuid oibleagáidí faoi dhlí an Aontais a chomhlíonadh, lena n‑áirítear scor d’aon chleachtas faoi leith.

Beidh cinneadh an Údaráis ar comhréir leis an tuairim fhoirmiúil arna heisiúint ag an gCoimisiún de bhun mhír 4.’;

(d)cuirtear mír 9 seo a leanas leis:

‘9. Chun dualgais an Choimisiúin a chomhlíonadh, agus arna iarraidh sin dó, soláthróidh na húdaráis inniúla agus an tÚdarás an fhaisnéis agus na doiciméid uile is gá atá ina seilbh don Choimisiún.’

(13)cuirtear an tAirteagal 17aa seo a leanas isteach:

‘Airteagal 17aa

Mainneachtain i maoirseacht ar fhormheas táirgí, seirbhísí nó eintiteas airgeadais

1.I gcás ina léiríonn athbhreithniú piaraí nó fiosrúchán faoi Airteagal 22(4) go bhféadfadh údarás inniúil a bheith ag mainneachtain maoirseacht éifeachtach a dhéanamh ar rannpháirtithe margaidh san earnáil atá faoi réir an athbhreithnithe piaraí nó an fhiosrúcháin, agus go bhféadfadh mainneachtain mhaoirseachta den sórt sin sláine na margaí airgeadais, cobhsaíocht airgeadais nó cosaint infheisteoirí a chur i mbaol, féadfaidh an tÚdarás a cheangal ar údarás inniúil a thuairim a lorg sula ndeonóidh sé formheas do tháirgí airgeadais, seirbhísí, gníomhaíochtaí nó eintitis san earnáil sin.

Gan dochar do na cumhachtaí a leagtar síos in Airteagal 35, soláthróidh an t‑údarás inniúil an fhaisnéis is gá don Údarás chun cinneadh a dhéanamh maidir leis an gcaoi a gcuirtear na gníomhartha dá dtagraítear in Airteagal 1(2) agus, i gcás ina bhfuil dlí an Aontais sin comhdhéanta de Threoracha, an reachtaíocht náisiúnta lena dtrasuitear na Treoracha agus í léirmhínithe ar bhealach atá comhsheasmhach leo a chur i bhfeidhm i gcomhréir le dlí an Aontais. Má theastaíonn faisnéis bhreise ón Údarás, féadfaidh sé í a iarraidh go díreach ó údaráis inniúla eile tar éis dó an t‑údarás inniúil lena mbaineann a chur ar an eolas. Soláthróidh seolaí iarrata den sórt sin faisnéis shoiléir chruinn iomlán don Údarás go pras agus gan aon mhoill mhíchuí.

2.Sula gceanglóidh sé ar an údarás inniúil lena mbaineann a thuairim a lorg sula ndeonóidh sé formheas do tháirgí, seirbhísí, gníomhaíochtaí nó eintitis airgeadais agus i gcás ina measann sé go bhfuil sé riachtanach agus comhréireach, rachaidh an tÚdarás i dteagmháil leis an údarás inniúil lena mbaineann chun aghaidh a thabhairt ar na heasnaimh mhaoirseachta a sainaithníodh agus teacht ar réiteach a chomhaontaítear go frithpháirteach. Féadfaidh an tÚdarás gníomhaíochtaí ceartaitheacha a bheidh le déanamh ag an údarás inniúil a mholadh i ndáil le táirgí, seirbhísí, gníomhaíochtaí nó eintitis airgeadais atá ann cheana a ndearna na heasnaimh mhaoirseachta sainaitheanta difear dóibh.

I gcás nach n‑éireoidh le hiarrachtaí teacht ar réiteach den sórt sin atá inghlactha go frithpháirteach, ceanglóidh an tÚdarás ar an údarás inniúil a thuairim a lorg sula ndeonóidh sé formheas do tháirgí, seirbhísí, gníomhaíochtaí nó eintitis airgeadais. Soláthróidh an tÚdarás míniú cuimsitheach ar a chinneadh, lena n‑áirítear anailís mhionsonraithe ar na heasnaimh mhaoirseachta atá sainaitheanta agus an réasúnaíocht atá leis an gceanglas atá aige le haghaidh tuairime. Féadfaidh an tÚdarás an míniú sin a fhoilsiú freisin agus déanfaidh sé an ceanglas le haghaidh tuairime a thaifeadadh sa chlár a choinníonn an tÚdarás, de bhun na ngníomhartha reachtacha dá dtagraítear in Airteagal 1(2) agus, i gcás ina bhfuil dlí an Aontais sin comhdhéanta de Threoracha, de bhun na reachtaíochta náisiúnta lena dtrasuitear na Treoracha agus í léirmhínithe ar bhealach atá comhsheasmhach leis.

3.I gcás ina mbunaítear ceanglas maidir le tuairim an Údaráis a lorg sula ndeonaítear formheas do tháirgí, seirbhísí, gníomhaíochtaí nó eintitis airgeadais, tíolacfaidh an t‑údarás inniúil togra mionsonraithe chun an táirge, an tseirbhís, an ghníomhaíocht nó an t‑eintiteas airgeadais atá faoi réir thuairim an Údaráis a fhormheas, lena n‑áirítear réasúnú cuimsitheach leis an togra agus an doiciméadacht tacaíochta ábhartha go léir.

Laistigh de chúig lá oibre déag, eiseoidh an tÚdarás a thuairim, a chuimseoidh míniú críochnúil ar aon agóid nó imní a d'fhéadfadh a bheith aige maidir leis an togra. I gcás ina mainneoidh an tÚdarás a thuairim a eisiúint laistigh den tréimhse ama shonraithe, féadfaidh an t‑údarás inniúil an togra a ghlacadh gan tuairim. Déanfaidh an t‑údarás inniúil, laistigh de chúig lá oibre déag ón moladh a fháil, na bearta atá déanta aige nó a bheartaíonn sé a dhéanamh chun an tuairim a chur chun feidhme. I gcás nach mbeidh na bearta is gá glactha ag an údarás inniúil chun an tuairim a chur chun feidhme, glacfaidh an tÚdarás cinneadh de réir mhír 4.

4.Féadfaidh gníomhaíochtaí ceartaitheacha a bheidh le cur chun feidhme ag an údarás inniúil a áireamh i gcinneadh an Údaráis a dhéanfar de bhun an dara fomhír de mhír 2, ar gníomhaíochtaí ceartaitheacha iad a bhféadfadh gníomhaíochtaí a áireamh i ndáil le táirgí, seirbhísí, gníomhaíochtaí nó eintitis airgeadais atá ann cheana a ndearna na heasnaimh mhaoirseachta sainaitheanta difear dóibh. I gcás nach gcuirfear na gníomhaíochtaí ceartaitheacha chun feidhme laistigh den spriocdháta a shonróidh an tÚdarás, glacfaidh an tÚdarás cinneadh lena gceanglófar ar an údarás inniúil cinneadh a ghlac sé a chúlghairm nó a leasú nó leas a bhaint as na cumhachtaí atá aige faoi dhlí ábhartha an Aontais. Tabharfaidh an tÚdarás fógra faoin gcinneadh do na húdaráis inniúla óstacha ábhartha ina gcuirtear na táirgí, na seirbhísí nó na gníomhaíochtaí airgeadais lena mbaineann an cinneadh ar fáil. Beidh cinneadh an Údaráis ina cheangal ar an údarás inniúil lena mbaineann agus cuirfidh sé ar chumas na n‑údarás inniúil óstach bearta iomchuí a dhéanamh chun soláthar na dtáirgí, na seirbhísí nó na ngníomhaíochtaí sin ina gcríoch a chur ar fionraí.’;

(14)Cuirtear an tAirteagal 17aaa seo a leanas isteach:

‘Airteagal 17aaa

Cearta chun seirbhísí a sholáthar ar bhonn trasteorann a chur ar fionraí

1.I gcás ina bhfuil foras réasúnach ag an Údarás chun a mheas go ndearna eintiteas atá údaraithe faoi dhlí an Aontais agus a sholáthraíonn na seirbhísí nó na gníomhaíochtaí a bhfuil sé údaraithe ina leith ar bhonn trasteorann, sárú tromchúiseach ar na hoibleagáidí a leagtar amach sa Rialachán seo nó in aon ghníomh de chuid an Aontais dá dtagraítear in Airteagal 1(2) nó ar na hoibleagáidí a leagtar amach sna forálacha arna nglacadh de bhun dhlí an Aontais dá dtagraítear in Airteagal 1(2) a d'fhéadfadh sláine na margaí airgeadais, cobhsaíocht airgeadais nó cosaint infheisteoirí, a chur i mbaol, déanfaidh sé na torthaí sin a tharchur chuig an údarás inniúil a dheonaigh an t‑údarú don eintiteas sin. Cuirfidh an t‑údarás inniúil faisnéis shoiléir, chruinn agus iomlán ar fáil don Údarás lena léirítear nach bhfuil an sárú líomhnaithe ann, nó, i gcás ina n‑aontaíonn an t‑údarás inniúil le torthaí an Údaráis, leagfar amach na bearta atá glactha cheana féin ag an údarás inniúil sin chun deireadh a chur leis an sárú. Maidir leis an bhfaisnéis sin, cuirfear ar fáil í laistigh d’amlíne réasúnach a shocróidh an tÚdarás.

2.Más rud é, in ainneoin na faisnéise a sholáthraíonn an t‑údarás inniúil de bhun mhír 1, go leanann an tÚdarás d’fhoras réasúnach a bheith aige chun a mheas go leanann an sárú ar aghaidh, déanfaidh an tÚdarás, laistigh de 10 lá oibre ó fhaightear an fhaisnéis de bhun mhír 1 nó ó dhul in éag na tréimhse dá dtagraítear sa mhír sin, cinneadh á cheangal ar an údarás inniúil sin ordú a thabhairt don eintiteas ábhartha soláthar seirbhísí nó gníomhaíochtaí a chur ar fionraí ar bhonn trasteorann.

3.I gcás nach gcomhlíonfaidh an t‑údarás inniúil ábhartha an cinneadh dá dtagraítear i mír 2 laistigh de 2 lá oibre, glacfaidh an tÚdarás laistigh de 5 lá oibre cinneadh lena gceanglófar ar an eintiteas ábhartha a sholáthar seirbhísí nó gníomhaíochtaí a chur ar fionraí ar bhonn trasteorann. Cuirfidh an tÚdarás an t‑údarás inniúil dá dtagraítear i mír 1 agus gach údarás inniúil eile de chuid na mBallstát inar chuir an t‑eintiteas a sheirbhísí nó a ghníomhaíochtaí ar an eolas go comhuaineach faoin gcinneadh sin. Déanfaidh na údaráis inniúla gach beart is iomchuí chun a áirithiú go gcuirfear cinneadh an Údaráis i bhfeidhm laistigh dá gcríocha faoi seach.

4.I gcás ina mbeidh na bearta ceartaitheacha uile is gá glactha ag an eintiteas ábhartha chun deireadh a chur leis an sárú, soláthróidh sé don Údarás agus dá údarás inniúil an fhaisnéis is gá chun éifeachtacht na mbeart sin a mheasúnú.

5.Déanfaidh an tÚdarás, laistigh de 15 lá oibre tar éis an fhaisnéis dá dtagraítear i mír 4 a fháil, measúnú a dhéanamh ar éifeachtacht na mbeart ceartaitheach, i gcomhairle leis an údarás inniúil a dheonaigh an t‑údarú don eintiteas, agus cuirfidh sé in iúl don eintiteas ábhartha agus do na húdaráis inniúla ábhartha go léir cibé an bhfuil na bearta ceartaitheacha leordhóthanach, agus más leordhóthanach iad, cúlghairfidh sé a chinneadh níos luaithe a díríodh chuig an eintiteas ábhartha. Nuair a gheobhaidh an tÚdarás an fógra sin, féadfaidh an t‑eintiteas ábhartha soláthar a sheirbhísí agus a ghníomhaíochtaí trasteorann san Aontas a atosú.

6.Chun na cúraimí a thugtar don Údarás de bhun an Airteagail seo a chur i gcrích, féadfaidh an tÚdarás iarraidh ar fhaisnéis chuí‑réasúnaithe a bhfuil údar cuí léi a dhíriú chuig aon rannpháirtí margaidh airgeadais, chuig aon údarás inniúil náisiúnta nó chuig aon duine ábhartha eile.

7.Ní bheidh feidhm ag na forálacha a leagtar amach san Airteagal seo maidir le cásanna inarb é an tÚdarás údarás inniúil eintitis.’;

(15)Leasaítear Airteagal 19 mar a leanas:

(a)i mír 1, cuirtear an méid seo a leanas in ionad na chéad fhomhíre:

‘I ndáil leis na gníomhartha reachtacha dá dtagraítear in Airteagal 1(2) agus sa chás a leagtar amach faoi Airteagal 28b(6) agus gan dochar do na cumhachtaí a leagtar síos in Airteagal 17, féadfaidh an tÚdarás cuidiú leis na húdaráis inniúla comhaontú a bhaint amach i gcomhréir leis an nós imeachta a leagtar amach i míreanna 2 go 4 den Airteagal seo i gceachtar den dá chás seo a leanas:

(a)arna iarraidh sin ag údarás inniúil amháin nó níos mó lena mbaineann i gcás nach n‑aontóidh údarás inniúil leis an nós imeachta nó leis an ábhar a bhaineann le gníomhaíocht, gníomhaíocht atá beartaithe nó neamhghníomhaíocht de chuid údaráis inniúil eile;

(b)ar a thionscnamh féin i gcás inar féidir a dhéanamh amach ar bhonn cúiseanna oibiachtúla go bhfuil easaontas idir údaráis inniúla.’;

(b)cuirtear an méid seo a leanas in ionad mhír 3:

‘3. Más rud é, laistigh den chéim idir‑réitigh dá dtagraítear i mír 2, nár tháinig na húdaráis inniúla lena mbaineann ar chomhaontú, déanfaidh an tÚdarás cinneadh a dhéanamh lena gcuirfear de cheangal ar na húdaráis sin gníomhaíocht shonrach a dhéanamh nó staonadh ó ghníomhaíocht chun an t‑ábhar a réiteach agus a áirithiú go gcomhlíonfar dlí an Aontais. Beidh cinneadh ón Údarás ceangailteach ar na húdaráis inniúla lena mbaineann. Féadfaidh ceanglas a bheith sa chinneadh ón Údarás gur gá do na húdaráis inniúla cinneadh a ghlac siad a chúlghairm nó a leasú nó úsáid a bhaint as na cumhachtaí atá acu faoi dhlí ábhartha an Aontais.’;

(c)cuirtear an méid seo a leanas in ionad mhír 4:

‘4. Gan dochar do chumhachtaí an Choimisiúin faoi Airteagal 258 CFAE, i gcás nach gcomhlíonann údarás inniúil cinneadh an Údaráis agus, ar an dóigh sin, go mainníonn sé a áirithiú go gcomhlíonann institiúid airgeadais na ceanglais atá infheidhme go díreach maidir léi, de bhua na ngníomhartha reachtacha dá dtagraítear in Airteagal 1(2) den Rialachán seo, agus i gcás ina bhfuil dlí an Aontais seo comhdhéanta de Threoracha, an reachtaíocht náisiúnta lena ndéantar na Treoracha sin a thrasuí agus í léirmhínithe ar bhealach atá comhsheasmhach le dlí an Aontais, féadfaidh an tÚdarás cinneadh ar leith a ghlacadh a bheidh dírithe ar an rannpháirtí margaidh airgeadais sin á cheangal go ndéanfar gach gníomhaíocht is gá a dhéanamh chun a cuid oibleagáidí faoi dhlí an Aontais a chomhlíonadh, lena n‑áirítear scor d’aon chleachtas faoi leith.’;

(16)cuirtear an tAirteagal 19a seo a leanas isteach:

‘Airteagal 19a

Ardáin chomhair

1.Féadfaidh an tÚdarás, i gcás ina bhfuil údar dea‑bhunaithe imní air i ndáil le héifeachtaí diúltacha ar infheisteoirí, ar chobhsaíocht airgeadais nó i gcás ina bhfuil foras réasúnach amhrais ann go bhfuil fadhb aige maidir le comhlíonadh dhlí an Aontais, nó go bhfuil cleachtais mhaoirseachta éagsúla nó easnamhacha ann a bhaineann leis an tsaoirse chun seirbhísí a sholáthar, gníomhaíochtaí rannpháirtithe margaidh airgeadais nó an tsaoirse bhunaíochta dá bhforáiltear sna gníomhartha reachtacha dá dtagraítear in Airteagal 1(2) a shaothrú, ar a thionscnamh féin nó arna iarraidh sin do cheann amháin nó níos mó d’údaráis inniúla, ardán comhoibrithe a chur ar bun agus a chomhordú chun an malartú faisnéise a neartú, réitigh a mholadh agus chun an comhoibriú idir na húdaráis mhaoirseachta ábhartha a fheabhsú.

Má chuirtear ardán comhoibrithe ar bun arna iarraidh sin d’údarás inniúil, tabharfaidh an t‑údarás inniúil sin fógra don Údarás agus do na húdaráis inniúla eile lena mbaineann faoi na hábhair imní atá aige, a bhfuil údar maith leo, agus dá dtagraítear i mír 1.

2.Ní dochar bunú ardáin comhoibrithe de bhun mhír 1 do shainordú maoirseachta na n‑údarás inniúil dá bhforáiltear sna gníomhartha reachtacha dá dtagraítear in Airteagal 1(2).

3.Gan dochar d’Airteagal 35, déanfaidh na húdaráis inniúla ábhartha, arna iarraidh sin don Údarás nó d'aon údarás inniúil, an fhaisnéis riachtanach go léir a sholáthar go tráthúil ionas go bhfeidhmeoidh an t‑ardán comhair go cuí.

4.I gcás ina mbeidh easaontú laistigh den ardán faoi nós imeachta nó ábhar gníomhaíochta atá le déanamh, nó neamhghníomhú, i ndáil le rannpháirtí sa mhargadh agus i gcás ina bhfuil imní thromchúiseach ann faoi thionchar staid dá dtagraítear i mír 1, féadfaidh an tÚdarás a iarraidh ar an údarás inniúil imscrúdú ar an láthair a dhéanamh de bhun na ngníomhartha reachtacha dá dtagraítear in Airteagal 1(2). Déanfaidh an t‑údarás inniúil an t‑imscrúdú ar an láthair a sheoladh gan mhoill agus iarrfaidh sé ar an Údarás agus ar na húdaráis inniúla ábhartha eile lena mbaineann páirt a ghlacadh ann.

5.I gcás ina n‑easaontóidh dhá údarás ábhartha nó níos mó, de chuid ardáin comhair, maidir leis an nós imeachta nó le hábhar gníomhaíochta atá le déanamh nó le heaspa gníomhaíochta, i ndáil le rannpháirtí sa mhargadh nó maidir le comhroinnt faisnéise de bhun an Airteagail seo, féadfaidh an tÚdarás an chumhacht a thugtar dó faoi Airteagal 19(1) a fheidhmiú.’;

(17)in Airteagal 21(2), scriostar an dara fomhír.;

(18)in Airteagal 22(4), cuirtear an méid seo a leanas in ionad an dara fomhír:

‘Tar éis fiosrúchán de bhun na chéad fhomhíre, féadfaidh an Bord Feidhmiúcháin moltaí iomchuí a dhéanamh maidir le gníomhaíocht do na húdaráis inniúla lena mbaineann.’;

(19)Leasaítear Airteagal 28 mar a leanas:

(a)i mír 1, cuirtear an méid seo a leanas in ionad na chéad abairte:

‘1. Féadfaidh údaráis inniúla, le toiliú an tarmligin, cúraimí nó freagrachtaí a tharmligean chuig an Údarás nó chuig údaráis inniúla eile, ach sin faoi réir na gcoinníollacha a leagtar amach san Airteagal seo.’;

(b)cuirtear na míreanna 1a go 1e seo a leanas isteach:

‘1a. Féadfaidh údarás inniúil cúraimí nó freagrachtaí sonracha maoirseachta a tharmligean chuig an Údarás, i gcás ina bhfuil sé sin riachtanach chun aon chúram nó freagracht maoirseachta den sórt sin a chomhlíonadh i gceart.

1b. Sula ndéanfar cúram maoirseachta a tharmligean chuig an Údarás, rachaidh an t‑údarás inniúil i gcomhairle leis an Údarás. Bainfidh an comhairliúchán sin leis na nithe seo a leanas:

(a)raon feidhme an chúraim nó na freagrachta a bheidh le tarmligean;

(b)an tráthchlár chun an cúram nó an fhreagracht a bheidh le tarmligean a chomhlíonadh;

(c)an fhaisnéis atá riachtanach a bheith á tarchur ag an údarás inniúil agus chuige.

1c. Feidhmeoidh an tÚdarás aon chúram nó freagracht tharmligthe i gcomhréir leis na forálacha a leagtar amach i gCaibidil IIa, i ngníomhartha ábhartha eile de chuid an Aontais agus faoi réir aon choinníollacha a chomhaontófar leis an údarás inniúil.

1d. Déanfaidh an t‑údarás inniúil an tÚdarás a aisíoc as na costais a thabhaítear mar thoradh ar chúraimí nó freagrachtaí tarmligthe a chur i gcrích.

1e. Déanfaidh an t‑údarás inniúil athbhreithniú ar an tarmligean dá dtagraítear i mír 1a ag eatraimh iomchuí. Féadfar tarmligean cúraimí nó freagrachtaí maoirseachta a chúlghairm tráth ar bith.’;

(20)cuirtear na hAirteagail 28a agus 28b seo a leanas isteach:

‘Airteagal 28a

Cúnamh frithpháirteach idir na húdaráis inniúla

1.Cabhróidh na húdaráis inniúla lena chéile chun fíneálacha riaracháin a fhorchuirtear mar gheall ar shárú aon fhorála a leagtar síos sna gníomhartha dá dtagraítear in Airteagal 1(2) a ghnóthú, nuair nach mór an fhíneáil riaracháin a ghnóthú laistigh de dhlínse Ballstáit seachas an Ballstát inar eisíodh an fhíneáil sin.

2.Nuair a bheidh an cinneadh lena bhforchuirtear an fhíneáil riaracháin ar an duine nádúrtha nó dlítheanach lena mbaineann i mBallstát an údaráis iarrthaigh tar éis éirí críochnaitheach agus infhorfheidhmithe agus nach mbeidh an fhíneáil íoctha, cuideoidh an t‑údarás iarrtha, arna iarraidh sin don údarás iarrthach, leis na méideanna gaolmhara a ghnóthú ina dhlínse féin.

3.Déanfar an iarraidh dá dtagraítear i mír 2 a tharchur chuig an údarás iarrtha trí bhíthin foirme digití ina mbeidh na heilimintí seo a leanas go léir:

(a)ainm, seoladh agus sonraí teagmhála eile an údaráis iarrtha;

(b)ainm, seoladh aitheanta sheolaí an chinnidh lena bhforchuirtear an fhíneáil riaracháin, agus aon fhaisnéis ábhartha eile chun an seolaí a shainaithint;

(c)achoimre ar na fíorais ábhartha agus ar na fiosrúcháin as ar eascair glacadh an chinnidh lenar gearradh an fhíneáil riaracháin;

(d)achoimre ar an gcinneadh lenar gearradh an fhíneáil riaracháin agus cóip de;

(e)faisnéis faoi infhorfheidhmitheacht an chinnidh agus an dáta a tháinig an cinneadh chun bheith críochnaitheach agus infhorfheidhmithe;

(f)méid na fíneála a bheidh le híoc;

(g)an tréimhse ar cheart forfheidhmiú a chur i gcrích, amhail spriocdhátaí reachtúla nó tréimhsí teorann;

(h)faisnéis lena taispeántar na hiarrachtaí réasúnacha atá déanta ag an údarás iarrthach chun an cinneadh a fhorfheidhmiú ina dhlínse féin, lena n‑áirítear easpa sócmhainní leordhóthanacha sainaitheanta de chuid an duine nádúrtha nó dhlítheanaigh lena mbaineann chun an fhíneáil riaracháin a fhorfheidhmiú;

(i)faisnéis ar dá réir a bhfuil a dhóthain sócmhainní ag an duine nádúrtha nó dlítheanach lena mbaineann i mBallstát an údaráis iarrtha chun go bhféadfar an fhíneáil riaracháin a fhorfheidhmiú.

4.Déanfaidh an t‑údarás iarrthach an fhoirm dhigiteach a sheoladh chuig an údarás iarrtha i dteanga oifigiúil, nó i gceann de theangacha oifigiúla Bhallstát an údaráis iarrtha, mura rud é go gcomhaontaíonn an t‑údarás iarrtha agus an t‑údarás iarrthach go bhféadfar an fhoirm dhigiteach a sheoladh i dteanga eile.

I gcás ina gceanglaítear sin faoi dhlí náisiúnta Bhallstát an údaráis iarrtha, soláthróidh an t‑údarás iarrthach aistriúchán ar an gcinneadh an fhíneáil a ghearradh go teanga oifigiúil, nó go ceann de theangacha oifigiúla Bhallstát an údaráis iarrtha, mura rud é go gcomhaontaíonn an t‑údarás iarrtha agus an t‑údarás iarrthach go bhféadfar an t‑aistriúchán sin a sholáthar i dteanga eile.

Airteagal 28b

Prionsabail ghinearálta is infheidhme maidir le cinntí lena bhforchuirtear fíneálacha riaracháin a fhorfheidhmiú

1.Is í an iarraidh chun cuidiú le fíneálacha riaracháin a aisghabháil a sheoltar i gcomhréir le míreanna 3 agus 4 d’Airteagal 28a an t‑aon bhunús dlí amháin do na bearta forfheidhmithe arna nglacadh ag an údarás iarrtha gan aon fhoirmiúlacht, forlíonadh nó athsholáthar breise a bheith ag teastáil. Déanfaidh an t‑údarás iarrtha, tar éis dó an iarraidh a fháil, na bearta uile is gá a dhéanamh láithreach chun í a fhorfheidhmiú i gcomhréir leis na rialacha agus na nósanna imeachta a leagtar síos lena dhlí náisiúnta, mura rud é go ndéanann an t‑údarás iarrtha mír 4 a agairt. Cuirfidh an t‑údarás iarrtha an t‑údarás is iarratasóir ar an eolas le dícheall cuí faoi aon bheart a rinne sé i leith na hiarrata ar aisghabháil.

2.Fabhróidh an méid a ghnóthófar as forfheidhmiú an chinnidh an fhíneáil riaracháin a fhorchur chuig Ballstát an údaráis iarrthaigh ina airgeadra féin, mura gcomhaontóidh Ballstát an údaráis iarrthaigh agus Ballstát an údaráis iarrtha a mhalairt. Déanfaidh an t‑údarás iarrtha, más gá sin le haghaidh na haisghabhála an fhíneáil riaracháin a chomhshó go dtí airgeadra an Bhallstáit de réir an ráta tagartha malairte eachtraí euro arna fhoilsiú ag an mBanc Ceannais Eorpach a bhfuil feidhm aige ar an dáta a forchuireadh an fhíneáil riaracháin.

3.Féadfaidh an t‑údarás iarrtha na costais iomlána a tabhaíodh i ndáil le gníomhaíochtaí a rinneadh dá dtagraítear i mír 1 a aisghabháil ón bhfíneáil a bhailigh sé thar ceann an údaráis iarrthaigh, lena n‑áirítear costais aistriúcháin, saothair agus riaracháin, beag beann ar thoradh na n‑imeachtaí aisghabhála.

4.Ní fhéadfaidh an t‑údarás iarrtha diúltú cinneadh an údaráis iarrthaigh fíneáil riaracháin a ghearradh a fhorfheidhmiú ach amháin má tá aon cheann de na nithe seo a leanas bunaithe aige:

(a)ní chomhlíonann an iarraidh na ceanglais uile a leagtar amach i mír 3 agus i mír 4 d'Airteagal 28a;

(b)níl an cinneadh infhorfheidhmithe a thuilleadh faoi dhlí Bhallstát an údaráis iarrtha mar gheall ar imeacht ama.

(c)bheadh forfheidhmiú an chinnidh contrártha leis an bprionsabal ne bis in idem;

(d)tá foras réasúnach ann lena léirítear go mbeadh forfheidhmiú na hiarrata contrártha go follasach don bheartas poiblí sa Bhallstát ina n‑iarrtar an forfheidhmiú.

5.Ní chuirfidh Airteagal 28b agus míreanna 1 go 4 den Airteagal seo bac ar chur i bhfeidhm Cinneadh Réime 2005/214/CGB ón gComhairle ( 30 ) comhaontuithe nó socruithe déthaobhacha nó iltaobhacha idir na Ballstáit a mhéid a chuidíonn na comhaontuithe nó na socruithe sin na nósanna imeachta maidir le fíneálacha riaracháin a thagann faoi raon feidhme Airteagal 28a a shimpliú nó a éascú tuilleadh.

6.Déanfaidh an tÚdarás cúnamh frithpháirteach idir na húdaráis inniúla a spreagadh agus a éascú chun fíneálacha riaracháin a fhorchuirtear lasmuigh dá ndlínsí a fhorfheidhmiú i gcomhréir le hAirteagal 28a agus leis an Airteagal seo.

I gcás ina ndiúltóidh an t‑údarás iarrtha cuidiú leis an údarás iarrthach i gcomhréir le hAirteagal 28a agus nach mbunófar aon cheann de na forais faoi mhír 4 den Airteagal seo, beidh feidhm ag Airteagal 17.

I gcás ina ndiúltóidh an t‑údarás iarrtha cuidiú leis an údarás iarrthach trí cheann de na cúiseanna faoi mhír 4, litreacha (a) go (c) den Airteagal seo a agairt, féadfaidh an tÚdarás cabhrú leis na húdaráis inniúla teacht ar chomhaontú, más iomchuí, i gcomhréir leis an nós imeachta a leagtar amach faoi Airteagal 19.

7.Déanfaidh an tÚdarás formáid leictreonach na foirme digití dá dtagraítear i mír 3 d’Airteagal 28a a fhorbairt.’;

(21)Leasaítear Airteagal 29 mar a leanas:

(a)cuirtear an méid seo a leanas in ionad an teidil:

‘Cultúr coiteann maoirseachta agus forfheidhmithe’;

(b)leasaítear mír 1 mar a leanas:

(1)cuirtear an méid seo a leanas in ionad na chéad abairte:

Beidh ról gníomhach ag an Údarás maidir le cultúr coiteann maoirseachta agus forfheidhmithe Aontais agus maidir le cleachtais chomhsheasmhacha mhaoirseachta agus fhorfheidhmithe a fhorbairt agus, chomh maith leis sin, maidir lena áirithiú go bhfuil nósanna imeachta aonfhoirmeacha agus cur chuige comhsheasmhach ann ar fud an Aontais.’;

(2)cuirtear an méid seo a leanas in ionad phointe (ab):

‘(ab) grúpaí comhordaithe a bhunú i gcomhréir le hAirteagal 45b chun cóineasú maoirseachta agus forfheidhmithe a chur chun cinn agus chun na dea-chleachtais a shainaithint;’

(3)cuirtear an méid seo a leanas in ionad phointe (c):

‘(c) rannchuidiú le forbairt a dhéanamh ar chaighdeáin mhaoirseachta agus fhorfheidhmithe aonfhoirmeacha agus ardcháilíochta, lena n‑áirítear caighdeáin maidir le tuairisciú, agus ar chaighdeáin chuntasaíochta idirnáisiúnta i gcomhréir le hAirteagal 1(3);’

(c)i mír 2, cuirtear an méid seo a leanas in ionad an dara fomhír:

‘Chun cultúr maoirseachta coiteann a chur ar bun, forbróidh agus coimeádfaidh an tÚdarás lámhleabhar maoirseachta don Aontas a bheidh cothrom le dáta maidir le maoirseacht ar rannpháirtithe margaidh airgeadais agus ar fhorfheidhmiú na rialacha lena rialaítear a gcuid gníomhaíochtaí san Aontas, ina gcuirtear san áireamh go cuí cineál, scála agus castacht na rioscaí, na cleachtais ghnó, samhlacha gnó agus méid na n‑institiúidí agus sna margaí airgeadais, lena n‑áirítear athruithe de thoradh nuálaíocht teicneolaíochta, na rannpháirtithe margaidh airgeadais agus na margaí. Leagfar amach i lámhleabhar maoirseachta an Aontais dea-chleachtais maoirseachta, agus sonrófar ann modheolaíochtaí agus próisis ardcháilíochta. I gcás ina gcinnfidh údarás inniúil gan lámhleabhar maoirseachta an Aontais nó eilimintí substaintiúla de a chomhlíonadh, cuirfidh sé an fhíric sin in iúl don Údarás agus soláthróidh sé na cúiseanna atá aige é sin a dhéanamh.’;

(d)cuirtear an mhír 3 seo a leanas leis:

‘3. Cuirfidh an tÚdarás ceisteanna ar aghaidh chuig an gCoimisiún, ceisteanna lena dteastaíonn léirmhíniú maidir le dlí an Aontais. Foilseoidh an tÚdarás aon fhreagra a chuirfidh an Coimisiún ar fáil.’;

(22)Leasaítear Airteagal 30 mar a leanas:

(a)cuirtear an méid seo a leanas in ionad mhír 2:

‘2. Chun críocha an Airteagail seo, bunóidh an tÚdarás coistí um athbhreithniú piaraí ad hoc ar a mbeidh baill foirne an Údaráis i gcomhar le comhaltaí na n‑údarás inniúil. Déanfaidh ball foirne ón Údarás cathaoirleacht ar na coistí um athbhreithniú piaraí. Déanfaidh Cathaoirleach an Údaráis, tar éis glao oscailte ar rannpháirtíocht, an cathaoirleach agus comhaltaí coiste um athbhreithniú piaraí a mholadh, ar moladh é a fhormheasfaidh an Bord Feidhmiúcháin. Measfar an togra a bheith formheasta mura rud é, laistigh de 10 lá óna mholadh sin ag an gCathaoirleach, go ndéanann an Bord Feidhmiúcháin cinneadh é a dhiúltú.’;

(b)i mír 4, cuirtear an méid seo a leanas in ionad na chéad fhomhíre:

‘Ullmhóidh an tÚdarás tuarascáil ina leagfar amach torthaí an athbhreithnithe piaraí. Is an coiste um athbhreithniú piaraí a ullmhóidh an tuarascáil athbhreithnithe piaraí sin agus is é an Bord Feidhmiúcháin a ghlacfaidh é. Agus an tuarascáil sin á dréachtú aige, rachaidh an coiste um athbhreithniú piaraí i gcomhairle leis an mBord Feidhmiúcháin chun comhsheasmhacht le tuarascálacha piar-athbhreithniúcháin eile agus cothrom iomaíochta a áirithiú. Measúnóidh an Bord Feidhmiúcháin go háirithe ar cuireadh an mhodheolaíocht i bhfeidhm ar an dóigh chéanna. Tabharfar míniú agus léiriú sa tuarascáil ar na bearta leantacha a mheastar a bheith iomchuí, comhréireach agus riachtanach de thoradh an athbhreithnithe piaraí. Féadfar na bearta leantacha sin a ghlacadh i bhfoirm treoirlínte agus moltaí de bhun Airteagal 16 agus i bhfoirm tuairimí de bhun pointe (a) d’Airteagal 29(1) agus Airteagal 17aa.’;

(c)cuirtear an méid a leanas in ionad mhír 6:

‘6. Cuirfidh an tÚdarás tuarascáil leantach le chéile dhá bhliain tar éis fhoilsiú na tuarascála maidir le hathbhreithniú piaraí. Ullmhóidh an coiste um athbhreithniú piaraí an tuarascáil leantach agus glacfaidh an Bord Feidhmiúcháin í. Agus an tuarascáil sin á dréachtú aige, rachaidh an coiste um athbhreithniú piaraí i gcomhairle leis an mBord Feidhmiúcháin chun comhsheasmhacht le tuarascálacha piar-athbhreithniúcháin eile a áirithiú. Cuimseofar sa tuarascáil leantach, ach ní bheidh sí teoranta dó sin amháin, measúnú ar leordhóthanacht agus éifeachtacht na ngníomhaíochtaí arna ndéanamh ag na húdaráis inniúla atá faoi réir an athbhreithnithe piaraí mar fhreagairt ar bhearta leantacha na tuarascála maidir le hathbhreithniú piaraí.’;

(d)cuirtear an méid seo a leanas in ionad mhír 8:

‘8. Chun críocha an Airteagail seo, glacfaidh an Bord Feidhmiúcháin plean oibre d’athbhreithniú piaraí don dá bhliain atá romhainn, ina léireofar inter alia na ceachtanna a foghlaimíodh ó na próisis athbhreithniúcháin a bhí ann go dtí seo mar aon leis an bplé a rinneadh sna grúpaí comhordaithe dá dtagraítear in Airteagal 45b. Cuid ar leithligh den chlár oibre bliantúil agus ilbhliantúil a bheidh i bplean oibre d’athbhreithniú piaraí. Déanfar é a chur ar fáil don phobal. I gcás práinne nó teagmhais gan choinne, féadfaidh an tÚdarás cinneadh athbhreithnithe piaraí breise a dhéanamh.’;

(23)Leasaítear Airteagal 33 mar a leanas:

(a)i mír 1, cuirtear an méid seo a leanas in ionad na chéad fhomhíre:

‘1. Gan dochar d’inniúlachtaí na mBallstát agus institiúidí an Aontais faoi seach, féadfaidh an tÚdarás teagmhálaithe a fhorbairt agus socruithe riaracháin a dhéanamh le húdaráis mhaoirseachta agus rialála tríú tíortha agus le heagraíochtaí idirnáisiúnta chun comhar maoirseachta idirnáisiúnta a chothú, lena n‑áirítear trí fhaisnéis agus/nó foireann a mhalartú.

Sula rachaidh an tÚdarás i mbun caibidlíochta maidir le haon socrú riaracháin dá dtagraítear sa chéad fhomhír, cuirfidh sé an Coimisiún ar an eolas i scríbhinn go bhfuil sé ar intinn aige déanamh amhlaidh, lena n‑áirítear raon feidhme agus cuspóirí beartaithe an tsocraithe sin.

Faoi na coinníollacha a leagtar amach sna socruithe riaracháin dá dtagraítear sa chéad fhomhír agus lena n‑áireofar forálacha lena rialaítear sicréideacht ghairmiúil agus a thabharfaidh aird chuí ar an reachtaíocht is infheidhme maidir le cosaint sonraí, féadfaidh an tÚdarás, go háirithe, faisnéis agus doiciméid a mhalartú chun tacú le rioscaí trasteorann a shainaithint, faireachán a dhéanamh orthu agus iad a mhaolú, lena n‑áirítear rioscaí do chobhsaíocht airgeadais agus do shláine an mhargaidh.

Ní chruthófar oibleagáidí dlíthiúla leis na socruithe riaracháin dá dtagraítear sna fomhíreanna roimhe seo i dtaca leis an Aontas agus lena Bhallstáit, ná ní choiscfidh siad Ballstáit agus a n‑údaráis inniúla ó shocruithe déthaobhacha nó ó shocruithe iltaobhacha a thabhairt i gcrích leis na tríú tíortha sin.

(b)leasaítear mír 4 mar a leanas:

(1)sa chéad fhomhír, cuirtear an méid seo a leanas in ionad na chéad abairte:

‘Gan dochar do cheanglais shonracha a leagtar amach sna gníomhartha reachtacha dá dtagraítear in Airteagal 1(2) agus do na socruithe riaracháin a dhéantar de bhun mhír 1 den Airteagal seo, comhoibreoidh an tÚdarás, i gcás inar féidir, le húdaráis ábhartha tríú tíortha ar sainaithníodh a gcórais rialála agus maoirseachta a bheith coibhéiseach.’;

(2)sa chéad fhomhír, cuirtear an méid seo a leanas in ionad phointe (b):

‘(b) a mhéid is gá chun an obair leantach a dhéanamh i dtaca le cinntí coibhéise den sórt sin, na nósanna imeachta maidir le comhordú na ngníomhaíochtaí maoirseachta lena n‑áirítear, i gcás inar gá agus dá bhforáiltear i ngníomhartha eile de chuid an Aontais, cigireachtaí ar an láthair.’;

(3)cuirtear an méid seo a leanas in ionad an tríú fomhír:

‘Cuirfidh an tÚdarás an Coimisiún ar an eolas má dhiúltaíonn údarás ábhartha tríú tír na socruithe riaracháin sin a thabhairt i gcrích nó má dhiúltaíonn sé comhoibriú go héifeachtach.’;

(24)in Airteagal 35, cuirtear an méid seo a leanas in ionad mhír 1:

‘1. Arna iarraidh sin don Údarás, déanfaidh na húdaráis inniúla an fhaisnéis uile is gá a sholáthar don Údarás, gan moill mhíchuí, chun go mbeidh sé in ann na dualgais a shanntar dó faoin Rialachán seo agus faoi ghníomhartha eile de chuid an Aontais a chur i gcrích, ar choinníoll go bhfuil rochtain dhlíthiúil acu ar an bhfaisnéis ábhartha. I gcás ina ndiúltaíonn údarás inniúil an fhaisnéis a iarrtar a sholáthar, léireoidh sé nach féidir an fhaisnéis a roinnt go dlíthiúil leis an Údarás.’;

(25)cuirtear an tAirteagal 35c seo a leanas isteach:

‘Airteagal 35c

Ardán sonraí

1.Déanfaidh an tÚdarás ardán sonraí a bhunú agus a choinneáil ar bun chun bailiú, stóráil, agus próiseáil faisnéise, agus rochtain ar fhaisnéis, a éascú dá bhforáiltear faoin Rialachán seo nó i ngníomhartha eile de chuid an Aontais lena sainordaítear an t‑ardán sin a úsáid.

2.Áireofar san ardán sonraí teicneolaíocht mhaoirseachta agus uirlisí ábhartha eile chun cumais anailíse agus faireacháin a fheabhsú agus chun comhar idir údaráis a éascú.

3.Áiritheoidh an tÚdarás go ndéanfar an t‑ardán a dhearadh agus a oibriú ar an mbealach is éifeachtúla agus go seachnófar dúbláil bailithe sonraí i gcás inar féidir, agus go n‑áiritheoidh sé cruinneas agus idir‑inoibritheacht na sonraí.

4.Áiritheoidh an tÚdarás go gcomhlíonfaidh bailiú, stóráil, rochtain ar aon sonraí ar an ardán agus próiseáil na sonraí sin na hoibleagáidí maidir le sicréideacht agus rúndacht ghairmiúil a leagtar síos in Airteagal 70 den Rialachán seo agus in aon ghníomh eile de chuid an Aontais.

5.Beidh an tÚdarás freagrach go háirithe as slándáil, infhaighteacht, cothabháil agus forbairt bhonneagar bogearraí agus TF an ardáin a áirithiú.

6.Nuair a dhéantar sonraí pearsanta a phróiseáil san ardán sonraí, ní dhéanfaidh an tÚdarás iad a phróiseáil ach amháin a mhéid is gá chun bailiú, stóráil, rochtain ar an bhfaisnéis agus próiseáil na faisnéise a thíolacadh a éascú i gcomhréir le gníomhartha infheidhme an Aontais dá dtagraítear i mír 1.’;

(26)Leasaítear Airteagal 39 mar a leanas:

(a)cuirtear an méid seo a leanas in ionad mhír 1:

‘1. Is i gcomhréir le míreanna 2 go 6 den Airteagal seo a ghníomhóidh an tÚdarás agus aon chinneadh de bhun Airteagal 17, 17aa, 17aaa, 18, 19 agus 19a á ghlacadh aige.’

(b)cuirtear an méid a leanas in ionad mhír 6:

‘6. Poibleofar glacadh na gcinntí a dhéanfaidh an tÚdarás de bhun Airteagal 17, Airteagal 17aa, Airteagal 17aaa, Airteagal 18, Airteagal 19 nó Airteagal 19a. Nochtfar san fhoilsiú céannacht an údaráis inniúil nó an rannpháirtí margaidh airgeadais lena mbaineann mar aon le príomhábhar an chinnidh, mura rud é go bhfuil an foilsiú sin ag teacht salach ar leas dlisteanach na rannpháirtithe margadh airgeadais sin, nó lena rúin ghnó a chosaint nó go bhféadfadh sé feidhmiú ordúil agus sláine na margaí airgeadais nó cobhsaíocht an chórais airgeadais ina iomláine san Aontas, nó cuid den chóras airgeadais sin, a chur i mbaol go mór.’

(27)Cuirtear isteach an Chaibidil IIa seo a leanas:

‘CAIBIDIL IIa

CUMHACHTAÍ AN ÚDARÁIS MAIDIR LE RANNPHÁIRTITHE MARGAIDH AIRGEADAIS FAOI MHAOIRSEACHT AN ÚDARÁIS

Airteagal 39a

Raon feidhme

1.Beidh feidhm ag an gCaibidil seo maidir le gach rannpháirtí margaidh airgeadais faoi mhaoirseacht an Údaráis mura sonraítear a mhalairt sa Chaibidil seo. Ní bheidh feidhm aige, áfach, maidir le contrapháirtithe lárnacha a aithnítear faoi Airteagal 25 de Rialachán (AE) Uimh. 648/2012.

2.Má bhíonn forálacha na Caibidle seo ar neamhréir le foráil de ghníomh eile de chuid an Aontais lena rialaítear gnéithe sonracha de chumhachtaí nós imeachta an Údaráis in earnáil nó i réimse sonrach, beidh forlámhas ag foráil an ghnímh eile de chuid an Aontais agus beidh feidhm aici maidir leis an earnáil nó leis an réimse sonrach sin. Maidir leis na cumhachtaí a thugtar don Údarás nó d'aon oifigeach dá chuid nó d'aon duine eile arna údarú aige, ní úsáidfear iad chun a éileamh go nochtfaí faisnéis nó doiciméid atá faoi réir pribhléide dlíthiúla.

Airteagal 39b

Iarrataí ar fhaisnéis

1.Chun a chúraimí a fheidhmiú, féadfaidh an tÚdarás a iarraidh ar rannpháirtithe margaidh airgeadais faoi mhaoirseacht an Údaráis, ar dhaoine a bhfuil baint acu le gníomhaíochtaí rannpháirtithe margaidh airgeadais faoi mhaoirseacht an Údaráis nó a ndéanann siad difear dóibh, ar thríú páirtithe gaolmhara, ar tríú páirtithe iad a bhfuil feidhmeanna nó gníomhaíochtaí oibríochtúla seachfhoinsithe chucu ag na rannpháirtithe margaidh airgeadais faoi mhaoirseacht an Údaráis agus ar dhaoine a bhfuil gaolmhaireacht nó baint dhlúth shubstainteach ar shlí eile acu leis na rannpháirtithe margaidh airgeadais faoi mhaoirseacht an Údaráis nó lena ngníomhaíochtaí agus ar aon daoine eile dá bhforáiltear i ngníomhartha eile de chuid an Aontais, an fhaisnéis uile is gá a sholáthar chun a dhualgais faoin Rialachán seo agus faoi ghníomhartha eile de chuid an Aontais a chomhlíonadh.

2.Agus iarraidh shimplí ar fhaisnéis á seoladh aige faoi mhír 1, déanfaidh an tÚdarás tagairt don Airteagal seo mar bhunús dlí na hiarrata, luafaidh sé cuspóir na hiarrata, sonróidh sé an fhaisnéis a theastaíonn, agus socróidh sé teorainn ama ar laistigh di nach mór an fhaisnéis a sholáthar agus cuirfidh sé eolas faoi na fíneálacha a d'fhéadfadh a bheith ann i gcás freagraí míchearta nó míthreoracha.

3.Maidir leis an Údarás, agus an fhaisnéis faoi mhír 1 á hiarraidh aige trí chinneadh:

(a)déanfaidh sé tagairt don Airteagal seo mar bhunús dlí leis an iarraidh;

(b)luafaidh sé cuspóir na hiarrata;

(c)sonróidh sé an fhaisnéis atá ag teastáil;

(d)socróidh sé teorainn ama ar laistigh di nach mór an fhaisnéis a sholáthar;

(e)léireoidh sé íocaíochtaí pionósacha tréimhsiúla a d'fhéadfadh a bheith ann as faisnéis neamhiomlán a sholáthar;

(f)cuirfidh sé eolas ann faoi na fíneálacha a d'fhéadfadh a bheith ann i gcás freagraí míchearta nó míthreoracha;

(g)cuirfidh sé eolas ann faoi chearta seoltóirí achomhairc a dhéanamh faoin Rialachán seo.

4.Maidir leis na daoine dá dtagraítear i mír 1 nó a n‑ionadaithe agus, i gcás daoine dlítheanacha nó comhlachais nach bhfuil aon phearsantacht dhlítheanach acu, déanfaidh na daoine atá údaraithe chun ionadaíocht a dhéanamh thar a gceann de réir dlí nó de réir a mbunreachta an fhaisnéis a iarrtar a sholáthar.

5.I gcás daoine dá dtagraítear i mír 1 lena mbaineann an fhaisnéis, déanfaidh an tÚdarás, gan mhoill, cóip den chinneadh a sheoladh chuig údarás inniúil an Bhallstáit ina bhfuil siad lonnaithe nó bunaithe.

Airteagal 39c

Imscrúduithe

1.Chun a dhualgais a chur i gcrích faoin Rialachán seo, féadfaidh an tÚdarás gach imscrúdú riachtanach a dhéanamh maidir leis na daoine dá dtagraítear in Airteagal 39b(1). Sula dtionscnóidh sé imscrúdú faoin Airteagal seo, glacfaidh an tÚdarás cinneadh imscrúdú a sheoladh. Sonrófar sa chinneadh ábhar agus cuspóir an imscrúdaithe, an dáta a gcuirfear tús leis agus na híocaíochtaí pionósacha tréimhsiúla dá bhforáiltear faoin Rialachán seo agus faoi ghníomhartha eile de chuid an Aontais i gcás nach ngéilleann na daoine lena mbaineann don imscrúdú, na leigheasanna dlí atá ar fáil faoin Rialachán seo chomh maith leis an gceart an cinneadh a chur faoi bhráid Chúirt Bhreithiúnais an Aontais Eorpaigh lena athbhreithniú.

2.Tabharfar de chumhacht don Údarás an méid seo a leanas a dhéanamh:

(a)scrúdú a dhéanamh ar thaifid, sonraí, nósanna imeachta agus ar aon ábhar eile atá ábhartha i ndáil le forfheidhmiú a chúraimí, gan beann ar an meán ar a bhfuil siad stóráilte;

(b)cóipeanna deimhnithe a dhéanamh nó a fháil de na taifid sin, de na sonraí sin, de na nósanna imeachta sin agus den ábhar eile sin, nó sleachta astu a thógáil nó a fháil;

(c)aon duine dá dtagraítear in Airteagal 39b(1) nó a n‑ionadaithe nó daoine dá bhfoireann a thoghairm agus a iarraidh orthu mínithe ó bhéal nó i scríbhinn a thabhairt ar fhíorais nó ar dhoiciméid a bhaineann le hábhar agus le cuspóir na cigireachta, agus na freagraí a thaifeadadh;

(d)agallamh a chur ar aon duine nádúrtha nó duine dlítheanach eile a thoilíonn go gcuirfí agallamh air chun faisnéis a bhailiú i ndáil le hábhar imscrúdaithe;

(e)taifid de thrácht teileafóin agus de thrácht sonraí a iarraidh.

3.Féadfaidh an tÚdarás a údarú dá oifigigh agus do dhaoine eile na himscrúduithe dá dtagraítear i mír 1 a sheoladh. Déanfaidh siad a gcumhachtaí a fheidhmiú ar údarú i scríbhinn a thabhairt ar aird ina sonraítear ábhar agus cuspóir an imscrúdaithe. Sonróidh an t‑údarú sin freisin na híocaíochtaí pionósacha tréimhsiúla dá bhforáiltear in Airteagal 39g i gcás nach soláthrófar na taifid, na sonraí, na nósanna imeachta, nó aon ábhar eile a éilítear nó na freagraí ar na ceisteanna a cuireadh ar na daoine dá dtagraítear in Airteagal 39b(1) nó má tá na nithe sin neamhiomlán, agus sonróidh sé na fíneálacha dá bhforáiltear faoin Rialachán seo nó faoi agus faoi ghníomhartha eile de chuid an Aontais i gcás ina bhfuil na freagraí ar na ceisteanna a cuireadh ar na daoine dá dtagraítear in Airteagal 39b(1) mícheart nó míthreorach.

4.In am trátha sula ndéanfar an t‑imscrúdú, cuirfidh an tÚdarás údarás inniúil an Bhallstáit ina bhfuil an t‑imscrúdú le déanamh ar an eolas faoi. Ar iarraidh a fháil ón Údarás, tabharfaidh oifigigh de chuid údaráis inniúla lena mbaineann cúnamh don Údarás agus a dhualgais a chur i gcrích. Féadfaidh oifigigh de chuid an údaráis inniúil lena mbaineann freastal ar na himscrúduithe freisin arna iarraidh sin.

5.Más rud é, maidir le hiarraidh ar thaifid ar thrácht teileafóin nó ar thrácht sonraí dá dtagraítear i bpointe (e) de mhír 1, go gceanglaítear údarú a fháil ina leith ó údarás breithiúnach de réir rialacha náisiúnta, déanfar iarratas ar an údarú sin. Féadfar iarratas a dhéanamh ar an údarú sin freisin mar bheart réamhchúraim.

6.I gcás ina ndéanfar iarratas ar údarú, ar ábhar é sin dá dtagraítear i mír 5, déanfaidh an t‑údarás breithiúnach náisiúnta a fhíorú i dtaobh an bhfuil cinneadh an Údaráis barántúil agus nach bhfuil na bearta comhéigneacha a shamhlaítear treallach ná iomarcach ag féachaint d'ábhar na cigireachta. Le linn dó measúnú a dhéanamh i dtaobh chomhréireacht na mbeart comhéigneach, féadfaidh an t‑údarás breithiúnach náisiúnta a iarraidh ar an Údarás mínithe mionsonraithe a thabhairt, go háirithe maidir leis na forais atá ag an Údarás chun drochamhras a bheith air go ndearnadh sárú ar an Rialachán seo nó ar ghníomhartha eile de chuid an Aontais agus maidir le tromchúis an tsáraithe a bhfuil drochamhras ann ina leith agus maidir le cineál na rannpháirtíochta ar thaobh an duine atá faoi réir na mbeart comhéigneach. Ní dhéanfaidh an t‑údarás breithiúnach náisiúnta athbhreithniú, áfach, ar an ngá atá leis an imscrúdú ná ní éileoidh sé go ndéanfar an fhaisnéis atá ar chomhad an Údaráis a sholáthar dó. Ní bheidh dlíthiúlacht chinneadh an Údaráis faoi réir a athbhreithnithe ach amháin ag an gCúirt Bhreithiúnais agus i gcomhréir leis an nós imeachta a leagtar amach sa Rialachán seo.

Airteagal 39d

Cigireachtaí ar an láthair

1.Chun a dhualgais a chur i gcrích faoin Rialachán seo, féadfaidh an tÚdarás cigireachtaí ar an láthair a dhéanamh in áitreabh na ndaoine dá dtagraítear in Airteagal 39b(1). Sula dtionscnóidh sé an chigireacht ar an láthair faoin Airteagal seo, glacfaidh an tÚdarás cinneadh cigireacht ar an láthair a dhéanamh. Sonrófar sa chinneadh ábhar agus cuspóir na cigireachta, an dáta a gcuirfear tús leis agus na híocaíochtaí pionósacha tréimhsiúla dá bhforáiltear faoin Rialachán seo agus faoi ghníomhartha eile de chuid an Aontais le haghaidh daoine nach ngéilleann don chigireacht, na leigheasanna dlí atá ar fáil faoin Rialachán seo chomh maith leis an gceart chun an cinneadh a chur faoi bhráid na Cúirte Breithiúnais lena athbhreithniú. I gcás inar gá sin ar mhaithe leis na cigireachtaí a dhéanamh go cuí agus go héifeachtúil, féadfaidh an tÚdarás an chigireacht ar an láthair a dhéanamh gan fógra a thabhairt roimh ré do na daoine atá faoi réir na cigireachta sin.

2.Féadfaidh oifigigh an Údaráis agus daoine eile arna n‑údarú aige chun cigireacht ar an láthair a dhéanamh dul isteach in aon áitreabh gnó nó ar aon talamh de chuid na ndaoine dlítheanacha atá faoi réir cinnidh maidir le himscrúdú dá dtagraítear i mír 1 agus beidh na cumhachtaí go léir atá sonraithe in Airteagal 39c acu. Beidh sé de chumhacht acu freisin aon áitreabh gnó nó aon leabhar nó aon taifead a shéalú ar feadh thréimhse na cigireachta agus a mhéid is gá don chigireacht.

3.Déanfaidh oifigigh an Údaráis agus daoine eile arna n‑údarú aige chun cigireacht ar an láthair a dhéanamh a gcumhachtaí a fheidhmiú ar údarú i scríbhinn a thabhairt ar aird ina sonraítear ábhar agus cuspóir na cigireachta agus na híocaíochtaí tréimhsiúla pionóis dá bhforáiltear in Airteagal 39g i gcás nach dtéann na daoine lena mbaineann faoin gcigireacht.

4.In am trátha sula ndéanfar an chigireacht, cuirfidh an tÚdarás údarás inniúil an Bhallstáit ina bhfuil an t‑imscrúdú le déanamh agus rannpháirtithe margaidh airgeadais faoi mhaoirseacht an Údaráis ar an eolas faoin gcinneadh an t‑iniúchadh ar an láthair a dhéanamh.

5.Arna iarraidh sin ag an Údarás, déanfaidh údarás inniúil an Bhallstáit ina bhfuil an chigireacht le déanamh cúnamh gníomhach a thabhairt don Údarás. Chuige sin, beidh na cumhachtaí a leagtar amach i mír 2 ag údarás inniúil an Bhallstáit lena mbaineann. Féadfaidh údarás inniúil an Bhallstáit lena mbaineann freastal ar na cigireachtaí ar an láthair freisin arna iarraidh sin dó.

6.Féadfaidh an tÚdarás a cheangal freisin ar údarás inniúil ábhartha an Bhallstáit cúraimí sonracha imscrúdaithe a chomhlíonadh agus cigireachtaí ar an láthair a dhéanamh thar a cheann mar a fhoráiltear dóibh san Airteagal seo agus in Airteagal 39c. Chuige sin, beidh na cumhachtaí céanna ag údarás inniúil an Bhallstáit lena mbaineann agus atá ag an Údarás de réir mar atá leagtha amach san Airteagal seo agus in Airteagal 39c.

7.I gcás ina suíonn an tÚdarás go bhfuil duine ag cur i gcoinne cigireachta a ordaíodh de bhun an Airteagail seo, tabharfaidh údarás inniúil an Bhallstáit lena mbaineann gach cúnamh is gá ón Údarás agus, i gcás inarb iomchuí, iarrfaidh sé cúnamh na bpóilíní nó cúnamh údaráis choibhéisigh forfheidhmiúcháin, ionas go mbeidh sé ar a chumas cigireacht ar an láthair a dhéanamh.

8.Más rud é, maidir leis an gcigireacht ar an láthair dá bhforáiltear i mír 1 nó maidir leis an gcúnamh dá bhforáiltear i mír 7, go gceanglaítear údarú a fháil ó údarás breithiúnach de réir rialacha náisiúnta, déanfar iarratas ar an údarú sin. Féadfar iarratas a dhéanamh ar an údarú sin freisin mar bheart réamhchúraim.

9.I gcás ina ndéanfar iarratas ar an údarú dá dtagraítear i mír 8, fíoróidh an t‑údarás breithiúnach náisiúnta an bhfuil cinneadh an Údaráis barántúil agus measfaidh sé nach bhfuil na bearta comhéigneacha atá beartaithe treallach ná iomarcach ag féachaint d’ábhar na cigireachta. Le linn dó measúnú a dhéanamh i dtaobh chomhréireacht na mbeart comhéigneach, féadfaidh an t‑údarás breithiúnach náisiúnta a iarraidh ar an Údarás mínithe mionsonraithe a thabhairt, go háirithe maidir leis na forais atá ag an Údarás chun drochamhras a bheith air go ndearnadh sárú ar an Rialachán seo nó ar ghníomhartha eile de chuid an Aontais agus maidir le tromchúis an tsáraithe a bhfuil drochamhras ann ina leith agus maidir le cineál na rannpháirtíochta ar thaobh an duine atá faoi réir na mbeart comhéigneach. Ní dhéanfaidh an t‑údarás breithiúnach náisiúnta athbhreithniú, áfach, ar an ngá atá leis an gcigireacht ná ní éileoidh sé go ndéanfar an fhaisnéis atá ar chomhad an Údaráis a sholáthar dó. Ní bheidh dlíthiúlacht chinneadh an Údaráis faoi réir a athbhreithnithe ach amháin ag an gCúirt Bhreithiúnais agus i gcomhréir leis an nós imeachta a leagtar amach sa Rialachán seo.

Airteagal 39e

Rialacha nós imeachta maidir le bearta maoirseachta agus fíneálacha

1.Más rud é go suíonn an tÚdarás go bhfuil tásca tromchúiseacha ann a léiríonn go bhféadfadh sé gurbh ann d'fhíorais ar dóigh maidir leo gurb ionann iad agus ceann amháin nó níos mó de sháruithe ar an Rialachán seo nó ar ghníomhartha eile de chuid an Aontais atá faoina inniúlacht, seolfaidh sé imscrúdú i gcomhréir le hAirteagal 39c agus ceapfaidh sé oifigeach neamhspleách imscrúdúcháin laistigh den Údarás chun an t‑ábhar a imscrúdú. Ní bheidh an t‑oifigeach imscrúdúcháin rannpháirteach ná tar éis a bheith rannpháirteach i maoirseacht dhíreach ná indíreach an rannpháirtí margaidh airgeadais faoi mhaoirseacht an Údaráis lena mbaineann agus comhlíonfaidh sé a chuid feidhmeanna go neamhspleách ar an mBord Feidhmiúcháin.

2.Déanfaidh an t‑oifigeach imscrúdúcháin na sáruithe líomhnaithe a imscrúdú, agus tabharfaidh sé aird ar aon bharúil a chuirfidh na daoine isteach atá faoi réir an imscrúdú agus déanfaidh sé comhad iomlán ina mbeidh torthaí an imscrúdaithe a chur faoi bhráid an Bhoird Feidhmiúcháin. Chun a chuid cúraimí a chur i gcrích, féadfaidh an t‑oifigeach imscrúdúcháin an chumhacht a fheidhmiú chun faisnéis a iarraidh i gcomhréir le hAirteagal 39b agus chun imscrúduithe a sheoladh agus chun cigireachtaí ar an láthair a dhéanamh i gcomhréir le hAirteagal 39c agus le hAirteagal 39d. Nuair atá na cumhachtaí sin á n‑úsáid aige, comhlíonfaidh an t‑oifigeach imscrúdúcháin Airteagal 39a.

Le linn an imscrúdaithe, beidh rochtain ag an oifigeach imscrúdúcháin ar gach doiciméad agus ar an bhfaisnéis uile atá bailithe ag an Údarás trína ghníomhaíochtaí maoirseachta.

3.Tar éis don oifigeach imscrúdúcháin an t‑imscrúdú a chríochnú agus sula ndéanfaidh sé an comhad ina bhfuil na torthaí a chur faoi bhráid Bhord Feidhmiúcháin an Údaráis, tabharfaidh sé deis do na daoine atá faoi réir imscrúdú éisteacht a fháil maidir leis na hábhair atá á n‑imscrúdú. Ní dhéanfaidh an t‑oifigeach imscrúdúcháin a chuid cinntí a bhunú ar fhíorais seachas fíorais a raibh deis ag na daoine a bhí faoi réir imscrúdúcháin barúil a thabhairt ina leith.

Déanfar cearta cosanta na ndaoine lena mbaineann a urramú go hiomlán le linn imscrúduithe faoin Airteagal seo.

4.Nuair a bheidh an comhad ina bhfuil na torthaí á gcur faoi bhráid an Bhoird Feidhmiúchán ag an oifigeach imscrúdúcháin, tabharfaidh sé fógra faoin méid sin do na daoine atá faoi réir imscrúdú. Beidh na daoine atá faoi réir imscrúdúcháin i dteideal rochtain a bheith acu ar an gcomhad, ach sin faoi réir an leasa dhlisteanaigh atá ag daoine eile maidir lena rúin ghnó a chosaint. Ní shínfidh an ceart rochtana ar an gcomhad chuig faisnéis rúnda a dhéanann difear do thríú páirtithe.

5.Ar bhonn an chomhaid ina bhfuil cinntí an oifigigh imscrúdúcháin agus, arna iarraidh sin do na daoine lena mbaineann, déanfaidh an Bord Feidhmiúcháin, tar éis éisteacht a thabhairt do na daoine atá faoi réir imscrúdúcháin, a chinneadh an bhfuil ceann amháin nó níos mó de na sáruithe atá faoi imscrúdú déanta ag na daoine a bhí faoi réir imscrúduithe, agus más amhlaidh an cás, déanfaidh sé beart maoirseachta i gcomhréir leis an Rialachán seo agus le gníomhartha ábhartha de chuid an Aontais agus gearrfaidh sé fíneáil i gcomhréir leis an Rialachán seo agus le gníomhartha ábhartha an Aontais.

6.Ní bheidh an t‑oifigeach imscrúdúcháin rannpháirteach i bpléití an Bhoird Feidhmiúcháin ná ní dhéanfaidh sé idiragairt ar aon bhealach eile i bpróiseas cinnteoireachta an Bhoird Feidhmiúcháin.

7.Déanfaidh an Coimisiún, trí bhíthin gníomhartha tarmligthe i gcomhréir le hAirteagal 75a, rialacha nós imeachta breise a ghlacadh maidir le feidhmiú na cumhachta chun fíneálacha nó íocaíochtaí tréimhsiúla pionóis a ghearradh, lena n‑áirítear forálacha maidir le cearta cosanta, forálacha ama, agus fíneálacha nó íocaíochtaí tréimhsiúla pionóis a bhailiú, agus déanfaidh sé rialacha mionsonraithe a ghlacadh maidir leis na tréimhsí teorann i dtaca le pionóis a fhorchur agus a fhorfheidhmiú.

8.Déanfaidh an tÚdarás ábhair i gcomhair ionchúiseamh coiriúil a tharchur chuig na húdaráis náisiúnta ábhartha i gcás ina suífidh sé, agus a dhualgais faoin Rialachán seo nó gníomhartha eile Comhphobail á ndéanamh aige, comharthaí tromchúiseacha gur féidir gur ann d’fhíorais a léireodh cionta coiriúla. Ina theannta sin, staonfaidh an tÚdarás ó fhíneálacha nó íocaíochtaí pionósacha tréimhsiúla a fhorchur más rud é go ndearnadh breithiúnas críochnaitheach roimh ré i gcás a d’eascair as fíorais chomhionanna, nó as fíorais atá comhionann go substaintiúil mar thoradh ar imeachtaí coiriúla faoin dlí náisiúnta.

Airteagal 39f

Fíneálacha

1.Más rud é, i gcomhréir le hAirteagal 39e(5), go bhfaighidh an Bord Feidhmiúcháin amach go ndearna rannpháirtí margaidh airgeadais faoi mhaoirseacht an Údaráis, d’aon ghnó nó go faillíoch, an Rialachán seo nó gníomh ábhartha eile de chuid an Aontais faoi inniúlacht an Údaráis a shárú, glacfaidh sé cinneadh lena bhforchuirfear fíneáil i gcomhréir le mír 2.

Measfar go ndearnadh sárú d’aon ghnó má thagann an tÚdarás ar thosca oibiachtúla lena léirítear gur ghníomhaigh an rannpháirtí margaidh airgeadais faoi mhaoirseacht an Údaráis d’aon ghnó chun an sárú a dhéanamh.

2.Mura bhforáiltear a mhalairt i ngníomhartha eile de chuid an Aontais is infheidhme maidir le hearnáil nó limistéar sonrach, ní rachaidh an fhíneáil thar:

(a)i gcás duine dhlítheanaigh, EUR 1 000 000 ar a laghad nó, sna Ballstáit nach é an euro an t‑airgeadra atá acu, an luach comhfhreagrach san airgeadra náisiúnta de réir an ráta tagartha malairte eachtraí euro arna fhoilsiú ag an mBanc Ceannais Eorpach a bhfuil feidhm aige ar an dáta a fhorchuirtear an fhíneáil.

(b)nó 10 % de láimhdeachas bliantúil an rannpháirtí margaidh airgeadais faoi mhaoirseacht an Údaráis agus atá faoi réir imscrúdaithe lena mbaineann sa bhliain ghnó roimhe sin, cibé acu is airde;

(c)i gcás duine nádúrtha, EUR 500 000 ar a laghad nó, sna Ballstáit nach é an euro an t‑airgeadra atá acu, an luach comhfhreagrach san airgeadra náisiúnta de réir an ráta tagartha malairte eachtraí euro arna fhoilsiú ag an mBanc Ceannais Eorpach a bhfuil feidhm aige ar an dáta a fhorchuireadh an fhíneáil.

3.Le linn an leibhéal fíneála a ríomh de bhun mhír 1, cuirfidh an tÚdarás na critéir a leagtar amach in Airteagal 39g(2) san áireamh.

4.D’ainneoin mhír 3, i gcás inar bhain an duine dlítheanach tairbhe airgeadais as an sárú go díreach nó go hindíreach, beidh méid na fíneála cothrom leis an tairbhe sin ar a laghad.

Airteagal 39g

Íocaíochtaí pionósacha tréimhsiúla

1.Féadfaidh an Bord Feidhmiúcháin, trí chinneadh a dhéanamh, íocaíocht phionósach thréimhsiúil a fhorchur chun iallach a chur orthu seo a leanas:

(a)rannpháirtithe margaidh airgeadais faoi mhaoirseacht an Údaráis chun deireadh a chur le sárú, i gcomhréir le cinneadh arna ghlacadh de bhun phointe (d) d'Airteagal 39h(1);

(b)chun iallach a chur ar dhuine dá dtagraítear in Airteagal 39b(1) faisnéis iomlán a sholáthar, ar faisnéis í arna héileamh le cinneadh de bhun Airteagal 39b;

(c)duine dá dtagraítear in Airteagal 39b(1) géilleadh d’imscrúdú, taifid iomlána, sonraí, nósanna imeachta nó aon ábhar eile is gá a thabhairt ar aird nó aon fhaisnéis eile arna soláthar le linn imscrúdú arna sheoladh le cinneadh arna ghlacadh de bhun Airteagal 39c a iomlánú agus a cheartú;

(d)chun iallach a chur ar dhuine dá dtagraítear in Airteagal 39b(1) géilleadh do chigireacht ar an láthair arna sainordú le cinneadh arna ghlacadh de bhun Airteagal 39d.

2.Beidh íocaíocht phionósach thréimhsiúil éifeachtach, comhréireach, agus athchomhairleach. Déanfar an íocaíocht phionósach thréimhsiúil a fhorchur ar bhonn laethúil go dtí go ndéanfaidh an rannpháirtí margaidh airgeadais faoi mhaoirseacht an Údaráis nó an duine lena mbaineann an cinneadh ábhartha dá dtagraítear i mír 1 a chomhlíonadh.

3.D'ainneoin mhír 2, is é a bheidh i méid na híocaíochta pionósaí tréimhsiúla ná 3 % den mheánláimhdeachas laethúil sa bhliain ghnó roimhe sin nó, i gcás daoine nádúrtha, 2 % den mheánioncam laethúil sa bhliain féilire roimhe sin. Déanfar é a ríomh ón dáta a shonraítear sa chinneadh lena ngearrtar an íocaíocht phionósach thréimhsiúil.

4.Féadfar íocaíocht phionósach thréimhsiúil a ghearradh ar feadh tréimhse nach faide ná sé mhí tar éis an fhógra faoin gcinneadh ón mBord Feidhmiúcháin.

Airteagal 39h

Bearta maoirseachta

1.Más rud é, i gcomhréir le hAirteagal 39e(4), go suíonn an tÚdarás go ndearna rannpháirtí margaidh airgeadais faoi mhaoirseacht an Údaráis sárú ar an Rialachán seo nó ar ghníomhartha ábhartha eile de chuid an Aontais faoina inniúlacht, lena n‑áirítear i gcás ina bhfuil sé liostaithe in Iarscríbhinn de ghníomhartha ábhartha eile de chuid an Aontais faoina inniúlacht, glacfaidh sé cinneadh ceann amháin nó níos mó de na gníomhaíochtaí seo a leanas a dhéanamh de réir mar is iomchuí don earnáil nó don réimse ábhartha de bhun an Rialacháin seo, nó, i gcás ina bhforáiltear dóibh, laistigh de theorainneacha a chumhachtaí faoi reachtaíocht an Aontais is infheidhme:

(a)clárú, aitheantas nó údarú an rannpháirtí margaidh airgeadais faoi mhaoirseacht an Údaráis a tharraingt siar, ag brath ar an earnáil ina n‑oibríonn an rannpháirtí margaidh airgeadais faoi mhaoirseacht an Údaráis;

(b)toirmeasc a chur ar an rannpháirtí margaidh airgeadais faoi mhaoirseacht an Údaráis maidir leis na gníomhaíochtaí faoin Rialachán seo a shaothrú ar fud an Aontais, go dtí go gcuirtear deireadh leis an sárú;

(c)a éileamh go scoirfear go sealadach nó go buan d’aon chleachtas nó iompraíocht a mheasann an t‑údarás inniúil a bheith contrártha d’fhorálacha an Rialacháin seo agus do ghníomhartha ábhartha eile de chuid an Aontais;

(d)clárú, aitheantas nó údarú rannpháirtí margaidh airgeadais faoi mhaoirseacht an Údaráis a chur ar fionraí;

(e)a cheangal ar an rannpháirtí margaidh airgeadais faoi mhaoirseacht an Údaráis deireadh a chur leis an sárú;

(f)fíneálacha a fhorchur de bhun Airteagal 39f;

(g)íocaíochtaí pionósacha tréimhsiúla a fhorchur de bhun Airteagal 39g;

(h)fógra poiblí a eisiúint;

(i)a cheangal go mbainfear duine nádúrtha de bhord bainistíochta rannpháirtí margaidh airgeadais faoi mhaoirseacht an Údaráis;

(j)a cheangal go ndéanfar calcadh nó forlámhú sócmhainní, nó an dá cheann;

(k)a cheangal ar iniúchóirí nó ar shaineolaithe fíorúcháin nó imscrúduithe a dhéanamh;

(l)aon chineál birt a ghlacadh chun a áirithiú go leanfaidh an rannpháirtí margaidh airgeadais faoi mhaoirseacht an Údaráis de bheith ag comhlíonadh na gceanglas dlí.

2.Déanfaidh an tÚdarás clárú, údarú nó aitheantas rannpháirtí margaidh airgeadais faoi mhaoirseacht an Údaráis a tharraingt siar in aon cheann de na himthosca seo a leanas mura sonraítear a mhalairt i ngníomhartha eile de chuid an Aontais a mbeidh tosaíocht acu:

(a)tá an rannpháirtí margaidh airgeadais faoi mhaoirseacht an Údaráis tar éis an clárú, an t‑údarú nó an t‑aitheantas a thréigean go sainráite nó níor bhain sé leas as an gclárú, as an údarú nó as an aitheantas laistigh de 36 mhí tar éis an clárú, an t‑údarú nó an t‑aitheantas a dheonú;

(b)tá an rannpháirtí margaidh airgeadais faoi mhaoirseacht an Údaráis tar éis an clárú, an t‑údarú nó an t‑aitheantas a fháil trí ráitis bhréagacha a dhéanamh nó trí aon mhodh neamhrialta eile;

(c)ní chomhlíonann an rannpháirtí margaidh airgeadais faoi mhaoirseacht an Údaráis na coinníollacha faoinar cláraíodh, faoina údaraíodh nó faoinar aithníodh é a thuilleadh.

I gcás ina dtarraingeoidh an tÚdarás siar clárú, údarú nó aitheantas an rannpháirtí margaidh airgeadais faoi mhaoirseacht an Údaráis, soláthróidh sé na cúiseanna iomlána ina chinneadh.

Beidh éifeacht láithreach ag an aistarraingt.

Chun críocha mhír 1, beidh an beart éifeachtach, comhréireach agus athchomhairleach agus déanfaidh an tÚdarás cineál agus tromchúis an tsáraithe a chur san áireamh, ag féachaint do na critéir seo a leanas:

(a)fad agus minicíocht an tsáraithe;

(b)cibé acu a bhí nó nach raibh an sárú ina chúis le coireacht airgeadais, cé acu a éascaíodh nó nár éascaíodh coireacht airgeadais leis an sárú nó cé acu a bhí nó nach raibh coireacht airgeadais inchurtha i leith an tsáraithe ar shlí eile;

(c)cibé acu d’aon ghnó nó le faillí a rinneadh an sárú;

(d)leibhéal freagrachta as an sárú;

(e)láidreacht airgeadais an duine atá freagrach as an sárú, arna léiriú le láimhdeachas iomlán an duine dhlítheanaigh atá freagrach nó le hioncam bliantúil agus glansócmhainní an duine nádúrtha atá freagrach;

(f)an tionchar atá ag an sárú ar leasanna infheisteoirí;

(g)tábhacht na mbrabús a ghnóthaigh nó na gcaillteanas a sheachain an rannpháirtí margaidh airgeadais faoi mhaoirseacht an Údaráis agus atá freagrach as an sárú nó na caillteanais do thríú páirtithe de bharr an tsáraithe, a mhéid is féidir iad a chinneadh;

(h)leibhéal comhoibrithe leis an Údarás an rannpháirtí margaidh airgeadais faoi mhaoirseacht an Údaráis agus atá freagrach as an sárú, gan dochar don ghá atá le forghéilleadh na mbrabús a ghnóthaigh an duine sin, nó le forghéilleadh na gcaillteanas a sheachain an duine sin, a áirithiú;

(i)sáruithe roimhe seo ar an Rialachán seo nó ar ghníomhartha ábhartha eile de chuid an Aontais ag rannpháirtí margaidh airgeadais faoi mhaoirseacht an Údaráis agus atá freagrach as an sárú;

(j)aon bheart arna dhéanamh tar éis an tsáraithe ag an rannpháirtí margaidh airgeadais faoi mhaoirseacht an Údaráis atá freagrach as an sárú chun a áirithiú nach dtarlaíonn an sárú sin arís.

3.I gcás ina bhfuil foras réasúnach ann le hamhras a bheith ag an Údarás go bhféadfadh rannpháirtí margaidh airgeadais faoina mhaoirseacht a bheith ag gabháil d'iompar a d'fhéadfadh a bheith ina shárú faoin Rialachán seo nó faoi ghníomhartha ábhartha eile de chuid an Aontais faoina inniúlacht, féadfaidh sé aon cheann de na bearta dá dtagraítear i bpointe (b), (h), (j), (k) agus (l) de mhír 1 a ghlacadh trí chinneadh, arna choigeartú go cuí lena n‑úsáid i gcásanna nach mbaineann ach le sáruithe amhrasta nach bhfuil bunaithe fós.

4.Gan moill mhíchuí, tabharfaidh an tÚdarás fógra faoi aon ghníomhaíocht a dhéantar de bhun mhíreanna 1 agus 4 don rannpháirtí margaidh airgeadais faoi mhaoirseacht an Údaráis agus atá freagrach as an sárú, agus cuirfidh sé an ghníomhaíocht sin in iúl d’údaráis inniúla ábhartha na mBallstát agus don Choimisiún. Déanfaidh sé aon ghníomhaíocht den sórt sin a nochtadh go poiblí ar a shuíomh gréasáin laistigh de 10 lá oibre ón dáta a glacadh an cinneadh dá dtagraítear i mír 1 nó i mír 4.

Áireofar an méid seo a leanas leis an nochtadh don phobal dá dtagraítear sa chéad fhomhír:

(a)ráiteas lena ndearbhófar ceart an rannpháirtí margaidh airgeadais faoi mhaoirseacht an Údaráis atá freagrach as an sárú chun achomharc a dhéanamh in aghaidh an chinnidh;

(b)I gcás inarb ábhartha, ráiteas lena ndearbhófar gur taisceadh achomharc agus lena sonrófar nach bhfuil éifeacht fionraíochta ag an achomharc sin;

(c)ráiteas lena ndearbhófar go bhfuil Bord Achomhairc an Údaráis in ann cur i bhfeidhm an chinnidh a fhionraí i gcomhréir le hAirteagal 60(3) den Rialachán seo.

Airteagal 39i

Smachtbhannaí riaracháin agus bearta riaracháin i gcoinne daoine nádúrtha

1.Beidh feidhm ag an Airteagal seo maidir le daoine nádúrtha:

(a)is comhaltaí den chomhlacht bainistíochta, bainisteoirí sinsearacha, nó sealbhóirí feidhme is ríthábhachtaí de chuid rannpháirtithe margaidh airgeadais faoi mhaoirseacht an Údaráis i gcomhréir leis na gníomhartha reachtacha ábhartha dá dtagraítear in Airteagal 1(2);

(b)a bhfuil tionchar suntasach acu ar chinnteoireacht nó ar phróifíl riosca na rannpháirtithe margaidh airgeadais sin; nó

(c)atá ag gabháil ar shlí eile do ghníomhaíochtaí rialáilte atá faoi réir mhaoirseacht an Údaráis.

2.Tar éis an nós imeachta a leagtar amach in Airteagal 39h, forchuirfidh an tÚdarás smachtbhannaí riaracháin nó bearta eile ar dhuine dá dtagraítear i mír 1 i gcás ina suífear, maidir leis an duine sin:

(a)gur mhainnigh sé nó sí caighdeáin ghairmiúla a chomhlíonadh, lena n‑áirítear na caighdeáin sin a bhaineann le hionracas, inniúlacht agus dícheall cuí; nó

(b)go raibh sé nó sí ag gabháil d'iompar a dhéanann dochar do bhainistíocht fhónta stuama an eintitis faoi mhaoirseacht.

3.Féadfaidh na nithe seo a leanas a bheith san áireamh sna smachtbhannaí agus sna bearta dá dtagraítear i mír 2:

(a)fíneálacha riaracháin i gcomhréir le hAirteagal 39f;

(b)toirmeasc sealadach nó buan ar fheidhmeanna bainistíochta a fheidhmiú i rannpháirtithe margaidh airgeadais faoi mhaoirseacht an Údaráis i gcomhréir leis na gníomhartha reachtacha ábhartha dá dtagraítear in Airteagal 1(2);

(c)údarú chun gníomhaíochtaí rialáilte a dhéanamh a chur ar fionraí nó a tharraingt siar;

(d)ráitis phoiblí ina sainaithnítear an duine atá freagrach agus cineál an tsáraithe, i gcás ina measann an tÚdarás gur gá an foilsiú sin chun cobhsaíocht na margaí airgeadais a chosaint nó chun forfheidhmiú éifeachtach an Rialacháin seo nó gníomhartha eile de chuid an Aontais dá dtagraítear in Airteagal 1(2) a áirithiú, ar choinníoll go bhfuil an foilsiú teoranta don mhéid atá fíor‑riachtanach chun na cuspóirí sin a áirithiú agus go bhfuil údar cuí leis.

Airteagal 39j

Éisteacht na ndaoine lena mbaineann

1.Sula ndéanfaidh an Bord Feidhmiúcháin aon chinneadh faoi Airteagail 39k, 39h agus 39i, tabharfaidh sé deis don rannpháirtí margaidh airgeadais faoi mhaoirseacht an Údaráis nó don duine atá faoi réir na n‑imeachtaí éisteacht a fháil maidir le torthaí an Údaráis. Is ar na cinntí sin a raibh deis ag an rannpháirtí margaidh airgeadais faoi mhaoirseacht an Údaráis nó ag an duine atá faoi réir na n‑imeachtaí a dtuairimí a thabhairt ina leith, agus orthu sin amháin, a bhunóidh an Bord Feidhmiúcháin a chuid cinntí.

2.Ní bheidh feidhm ag an gcéad fhomhír má tá gá le gníomhaíocht phráinneach chun damáiste suntasach agus gar-dhamáiste don chóras airgeadais a chosc. Sa chás sin, féadfaidh an Bord Feidhmiúcháin cinneadh eatramhach a ghlacadh agus tabharfaidh sé deis don rannpháirtí margaidh airgeadais faoi mhaoirseacht an Údaráis nó don duine lena mbaineann éisteacht a fháil a luaithe is féidir tar éis dó a chinneadh a dhéanamh.

3.Déanfar cearta cosanta an rannpháirtí margaidh airgeadais faoi mhaoirseacht an Údaráis nó na ndaoine atá faoi réir na n‑imeachtaí a urramú go hiomlán le linn na n‑imeachtaí. Beidh na daoine sin i dteideal rochtain a bheith acu ar chomhad an Údaráis, ach sin faoi réir an leasa dhlisteanaigh atá ag daoine eile maidir lena rúin ghnó a chosaint. Ní shínfear an ceart rochtana ar an gcomhad chuig faisnéis rúnda ná doiciméid ullmhúcháin an Údaráis.

Airteagal 39k

Fíneálacha agus íocaíochtaí pionósacha tréimhsiúla a nochtadh, a fhorfheidhmiú agus a leithdháileadh agus cineál na bhfíneálacha agus na n‑íocaíochtaí sin

1.Déanfaidh ESMA gach fíneáil agus gach íocaíocht phionósach thréimhsiúil a ghearrtar de bhun Airteagail 39f, 39g agus 39i a nochtadh don phobal, mura rud é go ndéanfadh an nochtadh sin don phobal dochar mór do na margaí airgeadais nó go mbeadh sé ina chúis le damáiste díréireach do na páirtithe lena mbaineann. Sa nochtadh sin, ní bheidh sonraí pearsanta de réir bhrí Rialachán (AE) 2018/1725 ó Pharlaimint na hEorpa agus ón gComhairle.

2.Is de chineál riaracháin a bheidh na fíneálacha agus na híocaíochtaí pionósacha tréimhsiúla a ghearrtar de bhun Airteagail 39f, 39g agus 39i.

3.Beidh cinntí maidir le fíneálacha agus le híocaíochtaí tréimhsiúla pionósacha a ghearrtar de bhun Airteagail 39f, 39g agus 39i infhorfheidhmithe.

Déanfar forfheidhmiú a rialú leis na rialacha nós imeachta shibhialta atá i bhfeidhm sa Stát a ndéantar an forfheidhmiú ar a chríoch. An t‑ordú maidir le forfheidhmiú an chinnidh fíneálacha nó íocaíochtaí tréimhsiúla pionósacha a fhorchur, is ordú é a chuirfear i gceangal leis an gcinneadh gan aon fhoirmiúlacht eile a bheith ag teastáil seachas barántúlacht an chinnidh a fhíorú ag an údarás a bheidh ainmnithe chun na críche sin ag rialtas gach Ballstáit, agus cuirfear an tÚdarás agus Cúirt Bhreithiúnais an Aontais Eorpaigh ar an eolas ina leith.

Nuair atá an fhoirmiúlacht sin curtha i gcrích, féadfaidh an t‑údarás arna ainmniú ag an mBallstát dul i mbun an fhorfheidhmiúcháin i gcomhréir leis an dlí náisiúnta tríd an ábhar a thabhairt go díreach os comhair an chomhlachta inniúil.

Ní fhéadfar forfheidhmiú a fhionraí ach amháin trí bhreith ón gCúirt Bhreithiúnais. Beidh dlínse ag cúirteanna an Bhallstáit lena mbaineann, áfach, i dtaca le gearáin go bhfuil an forfheidhmiúchán á chur i gcrích ar dhóigh neamhdhleathach.

4.Déanfar méideanna na bhfíneálacha agus na n‑íocaíochtaí pionósacha tréimhsiúla a leithdháileadh chuig buiséad ginearálta an Aontais Eorpaigh.

Airteagal 39l
Socrú

1.Nuair a dhéanfaidh an tÚdarás cinneadh de bhun Airteagal 39e(5), féadfaidh sé imeachtaí forfheidhmithe a thabhairt i gcrích trí shocrú leis an rannpháirtí margaidh airgeadais faoi mhaoirseacht an Údaráis, daoine nádúrtha nó dlítheanacha, faoi réir téarmaí lena n‑áirithítear éifeachtacht, comhréireacht agus díspreagadh.

2.Déanfaidh an Coimisiún gníomhartha tarmligthe a ghlacadh i gcomhréir le hAirteagal 75a, lena sonrófar an nós imeachta socraíochta, lena n‑áirítear cearta cosanta, foilsiú agus éifeachtaí socraíochtaí.

3.Le linn a imscrúdaithe féadfaidh an t‑oifigeach imscrúdúcháin neamhspleách féachaint an bhféadfadh socrú a bheith ann leis an rannpháirtí margaidh airgeadais faoi mhaoirseacht an Údaráis nó leis an duine atá faoi réir imscrúdú, má mheasann an t‑oifigeach go bhféadfadh an cás a bheith oiriúnach le haghaidh socraíochta. Má chomhaontaíonn an rannpháirtí margaidh airgeadais faoi mhaoirseacht an Údaráis nó an duine atá faoi réir imscrúdú socrú a dhéanamh, féadfar an fhíneáil bhunaidh a mheastar a bheith gearrtha ag an Údarás a laghdú.

4.Féadfaidh rannpháirtí margaidh airgeadais faoi mhaoirseacht an Údaráis nó le haon duine atá faoi réir imscrúdú, a iarraidh go ndéanfaí an fhéidearthacht socraíochta. Ní chuirfidh iarraidh den sórt sin iallach ar an Údarás dul i mbun pléití socraíochta ná teacht ar réiteach. Déanfaidh an t‑oifigeach imscrúdúcháin neamhspleách measúnú ar an iarraidh i bhfianaise imthosca an cháis, lena n‑áirítear tromchúis agus cineál an tsáraithe líomhnaithe, agus féadfaidh sé nó sí pléití socraíochta a thionscnamh i gcás ina measann sé nó sí go bhféadfadh an cás a bheith oiriúnach le haghaidh réiteach.

Airteagal 39m

Athbhreithniú de chuid Chúirt Bhreithiúnais an Aontais Eorpaigh

Beidh dlínse neamhtheoranta ag Cúirt Bhreithiúnais an Aontais Eorpaigh chun athbhreithniú a dhéanamh ar chinntí ar dá réir a ghearr an tÚdarás fíneáil nó íocaíocht phionósach thréimhsiúil i gcomhréir leis an Rialachán seo nó le gníomhartha eile de chuid an Aontais i gcás inarb infheidhme. Féadfaidh sí an fhíneáil nó an íocaíocht phionósach thréimhsiúil a forchuireadh a neamhniú, a laghdú nó a mhéadú.

Airteagal 39n

Táillí maoirseachta

1.Déanfaidh an tÚdarás táillí a ghearradh ar rannpháirtithe margaidh airgeadais faoi mhaoirseacht an Údaráis i leith aon chostais a thabhóidh an tÚdarás agus é ag cur a chúraimí i gcrích faoin Rialachán seo agus faoi ghníomhartha ábhartha an Aontais dá dtagraítear in Airteagal 1(2).

2.Cumhdófar leis na táillí dá dtagraítear i mír 1 na costais riaracháin a thabhóidh an tÚdarás ina ghníomhaíochtaí i ndáil leis an gclárú, an t‑údarú, an deimhniú, an aitheantas, an forfheidhmiú, an mhaoirseacht agus gníomhaíochtaí eile a bhaineann le maoirseacht, go háirithe cóineasú maoirseachta agus forbairt agus cothabháil uirlisí, lena n‑áirítear costas dímheasta, chun na gcríoch sin mar is infheidhme maidir le rannpháirtithe margaidh airgeadais faoi mhaoirseacht an Údaráis.

3.I gcás ina bhfuil cúnamh nó tacaíocht iarrtha ag an Údarás chun cúraimí maoirseachta a chur i gcrích d'údarás inniúil i gcomhréir leis an Rialachán seo agus le gníomhartha eile de chuid an Aontais, cumhdófar leis na táillí freisin aisíocaíocht aon chostais a d'fhéadfadh na húdaráis inniúla a thabhú agus na cúraimí sin á gcur i gcrích acu.

4.Beidh na táillí maoirseachta comhréireach le láimhdeachas bliantúil an rannpháirtí margaidh airgeadais faoi mhaoirseacht an Údaráis lena mbaineann.

5.De mhaolú ar mhír 4, féadfar rannpháirtithe margaidh airgeadais faoi mhaoirseacht an Údaráis a dhíolmhú ón oibleagáid táille a íoc nó féadfaidh siad a bheith faoi réir táille laghdaithe, sheasta, uasteorannaithe nó shealadach, i gcás inarb iomchuí.

6.Cuirfidh an tÚdarás an fhaisnéis ar fáil do gach rannpháirtí margaidh airgeadais faoi mhaoirseacht an Údaráis ina míneofar conas a ríomhadh an táille dá dtagraítear i mír 1.

7.Foilseoidh an tÚdarás, ar bhonn bliantúil, ar a shuíomh gréasáin tuarascáil trédhearcachta táillí ina leagfar amach catagóirí na rannpháirtithe margaidh airgeadais faoi mhaoirseacht an Údaráis agus an mhodheolaíocht a chuirtear i bhfeidhm chun costais a leithdháileadh.

8.Tabharfar an chumhacht don Choimisiún gníomh tarmligthe a ghlacadh i gcomhréir le hAirteagal 75a trí chineál na dtáillí, na nithe a mbeidh na táillí dlite ina leith, méid na dtáillí agus an tslí a mbeidh siad le híoc a shonrú tuilleadh.

9.Beidh feidhm ag an Airteagal seo freisin maidir le rannpháirtithe margaidh airgeadais dá dtagraítear in Airteagal 4(1) mar a shonraítear i ngníomhartha eile de chuid an Aontais.‘;

(28)Leasaítear Airteagal 40 mar a leanas:

(a)i mír 1, cuirtear an pointe ba seo a leanas isteach:

‘(ba) 5 chomhalta neamhspleácha den Bhord Feidhmiúcháin;’;

(b)cuirtear an méid seo a leanas in ionad mhír 3:

‘3. Beidh gach údarás dá dtagraítear i mír 1 freagrach as malartach ardleibhéil a ainmniú óna údarás, agus féadfaidh an malartach sin ionad an chomhalta dá dtagraítear i mír 1(b) a ghlacadh, nuair nach féidir leis an duine sin freastal ar chruinniú.’;

(29)Cuirtear an méid seo a leanas in ionad Airteagal 41 :

‘Féadfaidh an Bord Maoirseoirí, ar a thionscnamh féin nó ar iarraidh ón gCathaoirleach coistí inmheánacha a bhunú le haghaidh cúraimí sonracha a tugadh dó. Féadfaidh an Bord Maoirseoirí foráil a dhéanamh maidir le cúraimí agus cinntí áirithe atá sainithe go soiléir a tharmligean chuig coistí inmheánacha, chuig an Stiúrthóir Feidhmiúcháin nó chuig an gCathaoirleach.

I gcás ina bpléifidh coiste inmheánach nithe i ndáil le contrapháirtí lárnach nó le taisclann urrús lárnach, beidh sé de cheart ag an mBanc Ceannais Eorpach agus ag na bainc cheannais eile eisiúna airgeadraí de chuid an Aontais a bheith ina gcomhaltaí gan vótáil .‘;

(30)Leasaítear Airteagal 43 mar a leanas:

(a)cuirtear an méid seo a leanas in ionad mhír 1:

‘1. Tabharfaidh an Bord Maoirseoirí treoraíocht i ndáil le hobair an Údaráis agus beidh sé i gceannas ar na cinntí i gcomhréir le hAirteagail 9a go 16a den Rialachán seo. Glacfaidh an Bord Maoirseoirí gach cinneadh de chuid an Údaráis, lena n‑áirítear na cinntí sin a shanntar dó go sonrach i ngníomhartha eile an Aontais, cé is moite de na cinntí atá le glacadh ag an mBord Feidhmiúcháin i gcomhréir le hAirteagal 46a. Más infheidhme, glacfaidh an Bord Maoirseoirí tuairimí, moltaí, treoirlínte agus cinntí an Údaráis, agus eiseoidh sé an chomhairle dá dtagraítear i gCaibidil II, ar bhonn togra ón gcoiste nó ón bpainéal inmheánach ábhartha, ón gCathaoirleach nó ón mBord Bainistíochta, de réir mar is iomchuí.’;

(b)i mír 4, cuirtear an méid seo a leanas in ionad na chéad fhomhíre:

‘Roimh an 30 Meán Fómhair gach bliain, déanfaidh an Bord Maoirseoirí, ar bhonn togra ón mBord Feidhmiúcháin, clár oibre an Údaráis a ghlacadh don bhliain dár gcionn, agus cuirfidh sé ar aghaidh é mar fhaisnéis chuig Parlaimint na hEorpa, chuig an gComhairle agus chuig an gCoimisiún.’;

(c)cuirtear an méid seo a leanas in ionad mhír 5:

‘5. Glacfaidh an Bord Maoirseoirí, ar bhonn togra ón mBord Feidhmiúcháin, an tuarascáil bhliantúil ar ghníomhaíochtaí an Údaráis, lena n‑áirítear an t‑ábhar a bhaineann le feidhmiú dhualgais an Chathaoirligh, agus tarchuirfidh sé an tuarascáil sin chuig Parlaimint na hEorpa, chuig an gComhairle, chuig an gCoimisiún, chuig an gCúirt Iniúchóirí agus chuig Coiste Eacnamaíoch agus Sóisialta na hEorpa faoin 15 Meitheamh gach bliain. Cuirfear an tuarascáil ar fáil go poiblí.’;

(31)Leasaítear Airteagal 44 mar a leanas:

(a)leasaítear mír 1 mar a leanas:

(1)cuirtear an méid seo a leanas in ionad an tríú mír:

Ní vótálfaidh an Cathaoirleach ná na 5 chomhalta neamhspleácha den Bhord Feidhmiúcháin ar na cinntí dá dtagraítear sa dara fomhír seo.’;

(2)scriostar an ceathrú fomhír agus an cúigiú fomhír;

(3)cuirtear an fhomhír seo a leanas isteach:

‘Maidir le cinntí a shonraítear in Airteagal 44b(2), de mhaolú ar an gcéad fhomhír den mhír seo, cinnfidh an Bord Maoirseoirí le tromlach dhá thrian dá chomhaltaí vótála.’;

(b)i mír 4, scriostar an chéad fhomhír.

(32)cuirtear é seo a leanas in ionad theideal Roinn 2:

‘An Bord Feidhmiúcháin’

(33)cuirtear an tAirteagal 44a seo a leanas isteach:

‘Airteagal 44a

Comhdhéanamh agus ceapadh an Bhoird Feidhmiúcháin

1.Beidh an Bord Feidhmiúcháin comhdhéanta díobh seo a leanas:

(a)Cathaoirleach an Údaráis

(b)5 chomhalta neamhspleácha lánaimseartha

I gcás ina ndéanann an Bord Feidhmiúcháin na cúraimí dá dtagraítear in Airteagal [46a (8)], beidh ionadaí ón gCoimisiún i dteideal a bheith rannpháirteach sna díospóireachtaí agus beidh rochtain aige ach ar na doiciméid a bhaineann leis na cúraimí sin.

Glacfaidh Stiúrthóir Feidhmiúcháin agus Leas-Chathaoirleach an Údaráis páirt i gcruinnithe an Bhoird Feidhmiúcháin, ach ní bheidh an ceart vótála ag acu.

2.I gcás ina ndéantar plé ar na cinntí dá dtagraítear i bpointe l d'Airteagal 8 mír 1, pointe l i ndáil le heintiteas faoi mhaoirseacht dhíreach, féadfaidh comhalta an Bhoird Maoirseoirí ón mBallstát ina bhfuil an t‑eintiteas ábhartha bunaithe páirt a ghlacadh sa phlé le linn chruinnithe ábhartha an Bhoird Feidhmiúcháin.

I gcás ina bpléitear nithe maoirseachta i ndáil le contrapháirtí lárnach nó le taisclann lárnach urrús, beidh sé de cheart ag ionadaí BCE freastal ar an bplé.

Ní bheidh na breathnóirí a shonraítear i bhfomhíreanna 1 agus 2 i láthair le linn na vótála tar éis an phlé sin.

Féadfaidh an Bord Feidhmiúcháin cinneadh a dhéanamh breathnóirí eile a ligean isteach ar na pléití.

3.Roghnófar comhaltaí an Bhoird Feidhmiúcháin dá dtagraítear i mír 1, pointe (b), ar bhonn fiúntais, scileanna, eolais, sláine, taithí aitheanta i réimse na maoirseachta ar mhargaí airgeadais, agus ar bhonn cáilíochtaí ábhartha eile, tar éis nós imeachta roghnúcháin oscailte a fhoilseofar in Iris Oifigiúil an Aontais Eorpaigh. Ullmhóidh an Coimisiún gearrliosta iarrthóirí do phost chomhaltaí an Bhoird Feidhmiúcháin dá dtagraítear i mír 1, pointe (b). Féadfaidh Parlaimint na hEorpa éisteachtaí na n‑iarrthóirí atá ar an ngearrliosta sin a stiúradh.

Cuirfidh an Bord Maoirseoirí togra maidir le ceapadh chomhaltaí an Bhoird Feidhmiúcháin dá dtagraítear i mír 1, pointe (b), faoi bhráid Pharlaimint na hEorpa, bunaithe ar an ngearrliosta atá ullmhaithe ag an gCoimisiún. Tar éis do Pharlaimint na hEorpa an togra sin a fhormheas, glacfaidh an Chomhairle cinneadh cur chun feidhme chun comhaltaí sin an Bhoird Feidhmiúcháin a cheapadh. Gníomhóidh an Chomhairle trí thromlach cáilithe.

4.Le linn an phróisis ceapacháin, cuirfear prionsabail na cothromaíochta inscne agus geografaí san áireamh a mhéid is féidir. Ba cheart ionadaíocht a bheith ann i measc chomhaltaí an Bhoird Feidhmiúcháin ar chineálacha éagsúla taithí maoirseachta, lena n‑áirítear maoirseacht stuamachta, agus, a mhéid is féidir, ba cheart dóibh tuiscint iomchuí a bheith acu i dteannta a chéile ar na hearnálacha ina bhfeidhmíonn an tÚdarás cúraimí maoirseachta dírí.

5.5 bliana a bheidh i dtéarma oifige chomhaltaí an Bhoird Feidhmiúcháin dá dtagraítear i mír 1, pointe (b). Le linn an 12 mhí roimh dheireadh a dtéarma oifige 5 bliana, déanfaidh an Bord Maoirseoirí sa dá chomhdhéanamh nó coiste níos lú a roghnófar as measc chomhaltaí an Bhoird Maoirseoirí, lena n‑áirítear ionadaí ón gCoimisiún, measúnú ar na comhaltaí sin den Bhord Feidhmiúcháin. Tabharfar san áireamh sa mheasúnú meastóireacht ar fheidhmíocht chomhaltaí an Bhoird Feidhmiúcháin agus cúraimí agus dúshláin an Údaráis amach anseo. Ar bhonn an mheasúnaithe, féadfaidh an Bord Maoirseoirí a mholadh do Pharlaimint na hEorpa síneadh a chur lena dtéarma oifige go ceann dhá bhliain. Ní fhéadfar síneadh den sórt sin a dheonú ach aon uair amháin. Tar éis do Pharlaimint na hEorpa an togra ón mBord a fhormheas, glacfaidh an Chomhairle cinneadh cur chun feidhme chun síneadh a chur le téarma oifige chomhalta nó chomhaltaí an Bhoird Feidhmiúcháin lena mbaineann.

6.Ní fhéadfaidh aon duine aonair fónamh níos faide ná seacht mbliana i cibé ról mar Chathaoirleach, mar Stiúrthóir Feidhmiúcháin, nó mar chomhalta neamhspleách den Bhord Feidhmiúcháin. Áireofar oifig roimhe seo i ról amháin i dtreo na teorann téarma do ról eile beag beann ar ord na bpost a sealbhaíodh.

(34)cuirtear an tAirteagal 44b seo a leanas isteach:

Airteagal 44b

Cinnteoireacht

1.Le tromlach simplí dá chomhaltaí a ghlacfar cinntí an Bhoird Feidhmiúcháin agus gach iarracht á déanamh teacht ar chomhaontú. Beidh aon vóta amháin ag gach comhalta. Má tá comhionannas vótaí ann, is le vóta an Chathaoirligh a dhéanfar an cinneadh.

2.Measfar go bhfuil cinneadh i gcomhréir le hAirteagal 17(3) agus (6), Airteagal 17aa, Airteagal 17aaa, Airteagal 18(3) agus (4), Airteagal 22(4), Airteagal 30(4) agus (8), Airteagal 39h (a), (b), (f), (g), (i), Airteagal 39i, agus Airteagal 65 agus aon chinneadh atá bunaithe ar reachtaíocht earnála a thagraíonn don mhír seo a bheith glactha mura ndéanfaidh an Bord Maoirseachta agóid laistigh de thréimhse a bheidh le sainiú sna rialacha nós imeachta ach nach faide ná uastréimhse deich lá oibre, mura rud é go bhfuil údar cuí leis mar gheall ar chastacht an chinnidh agus mura gcomhaontaíonn an dá Bhord é. I gcásanna éigeandála, ní rachaidh an tréimhse thuasluaite thar 48 uair an chloig.

3.Beidh ceart vótála ag an ionadaí ón gCoimisiún maidir le hábhair dá dtagraítear in Airteagal 63. I gcás ina gcuirfidh an Coimisiún ábhair imní thromchúiseacha in iúl maidir le togra le haghaidh cinnidh a cuireadh faoi bhráid an Bhoird Feidhmiúcháin maidir le hábhair a bhaineann leis an Rialachán maidir leis an gCreat Airgeadais agus leis na Rialacháin Foirne Oifigeach agus Coinníollacha Fostaíochta Seirbhíseach Eile an Aontais Eorpaigh, cuirfidh an Bord Feidhmiúcháin glacadh an chinnidh lena mbaineann siar. Laistigh de 15 lá, déanfaidh an Bord Feidhmiúcháin é a athscrúdú agus a ghlacadh, agus leasú a bheith déanta uirthi más iomchuí, ar an dara léamh trí thromlach dhá thrian, lena n‑áirítear ionadaithe an Choimisiúin i gcás inarb infheidhme. Glacfaidh an Bord Feidhmiúcháin a rialacha nós imeachta féin agus poibleoidh sé iad.’;

(35)Scriostar Airteagal 45 agus Airteagal 45a;

(36)in Airteagal 45b, cuirtear an méid seo a leanas in ionad mhíreanna 1, 2 agus 3:

‘1. Féadfaidh an Bord Feidhmiúcháin grúpaí comhordaithe a bhunú ar a thionscnamh féin nó ar iarraidh ó údarás inniúil maidir le hábhair shainithe a bhféadfadh gá a bheith ann lena gcomhordú ag féachaint d’fhorbairtí sonracha sa mhargadh. Bunóidh an Bord Feidhmiúcháin grúpaí comhordaithe maidir le hábhair shainithe ar iarraidh ó chúigear comhaltaí den Bhord Maoirseoirí.

2. Glacfaidh gach údarás inniúil ábhartha páirt sna grúpaí comhordaithe agus tabharfaidh siad an fhaisnéis is gá do na grúpaí comhordaithe, i gcomhréir le hAirteagal 35, chun go bhféadfaidh na grúpaí comhordaithe sin a gcúraimí comhordúcháin a dhéanamh i gcomhréir lena sainordú. Is bunaithe ar fhaisnéis ó na húdaráis inniúla ábhartha agus ar aon toradh a shainaithneoidh an tÚdarás a bheidh obair na ngrúpaí comhordaithe sin.

3. Déanfaidh comhalta den Bhord Feidhmiúcháin cathaoirleacht ar na grúpaí. Gach bliain, déanfaidh an comhalta den Bhord Feidhmiúcháin a bheidh i bhfeighil an ghrúpa comhordaithe tuarascáil a chur chuig an mBord Maoirseoirí maidir le príomhghnéithe an phlé agus na dtorthaí agus, i gcás inarb ábhartha, déanfaidh an comhalta moladh maidir le hobair leantach rialála nó le hathbhreithniú piaraí sa réimse lena mbaineann. Tabharfaidh na húdaráis inniúla fógra don Údarás faoin gcaoi a bhfuil obair na ngrúpaí comhordaithe curtha san áireamh acu ina gcuid gníomhaíochtaí.’;

(37)cuirtear an tAirteagal 45c seo a leanas isteach:

‘Airteagal 45c

Coistí inmheánacha

1.Féadfaidh an Bord Feidhmiúcháin, ar a thionscnamh féin, ar iarraidh ón gCathaoirleach, nó i gcás ina sonraítear i ngníomhartha eile de chuid an Aontais, coistí inmheánacha a bhunú le haghaidh cúraimí sonracha a shanntar dó. Féadfaidh an Bord Feidhmiúcháin foráil a dhéanamh maidir le cúraimí agus cinntí áirithe atá sainithe go soiléir a tharmligean chuig coistí inmheánacha, chuig an mBord Feidhmiúcháin, chuig an Stiúrthóir Feidhmiúcháin nó chuig an gCathaoirleach.

I gcás ina bpléifidh coiste inmheánach nithe maoirseachta i ndáil le contrapháirtí lárnach nó le taisclann urrús lárnach, beidh sé de cheart ag an mBanc Ceannais Eorpach agus ag na bainc cheannais eile eisiúna airgeadraí de chuid an Aontais a bheith ina gcomhaltaí gan vótáil.‘;

(38)Cuirtear an méid seo a leanas in ionad Airteagal 46:

Airteagal 46

Neamhspleáchas an Bhoird Feidhmiúcháin

1.Gníomhóidh comhaltaí an Bhoird Feidhmiúcháin go neamhspleách oibiachtúil chun leasa an Aontais ina iomláine, agus chuige sin amháin, agus ní lorgóidh siad ná ní ghlacfaidh siad treoracha ó institiúidí ná ó chomhlachtaí an Aontais, ó aon rialtas ná ó aon chomhlacht príobháideach nó poiblí eile.

Ní dhéanfaidh na Ballstáit, institiúidí, gníomhaireachtaí, oifigí ná comhlachtaí an Aontais, ná aon chomhlacht poiblí nó príobháideach eile, iarracht tionchar a imirt ar chomhaltaí an Bhoird Feidhmiúcháin i leith chomhlíonadh a gcúraimí.

2.Maidir le comhalta den Bhord Feidhmiúcháin dá dtagraítear i mír 1, pointe (ba) d’Airteagal 40, más rud é nach gcomhlíonann sé a thuilleadh na coinníollacha a cheanglaítear chun dualgais an chomhalta sin a fheidhmiú nó má bhí sé ciontach i mí-iompar tromchúiseach, féadfaidh an Chomhairle, ag gníomhú di ar a tionscnamh féin nó tar éis togra ó Pharlaimint na hEorpa, cinneadh cur chun feidhme a ghlacadh chun an comhalta sin den Bhord Feidhmiúcháin a chur as oifig. Gníomhóidh an Chomhairle trí thromlach cáilithe.

3.Le linn tréimhse 18 mí tar éis dóibh scor d’oifig a shealbhú, toirmeascfar ar iarchomhaltaí an Bhoird Feidhmiúcháin, lena n‑áirítear Cathaoirleach an Údaráis, gabháil do ghníomhaíocht ghairme shochrach leis na heintitis seo a leanas:

(a)eintiteas atá faoi mhaoirseacht dhíreach ag an Údarás;

(b)aon eintiteas eile, i gcás ina mbeadh coinbhleacht le leasanna dlisteanacha an Údaráis a bheith mar thoradh air sin.

Ina rialacha maidir le coinbhleachtaí leasa a chosc agus a bhainistiú i leith a chomhaltaí, i gcomhréir le hAirteagal 46a(8), pointe d), sonróidh an Bord Feidhmiúcháin na himthosca faoina bhfuil coinbhleacht leasa den sórt sin ann nó faoina bhféadfaí a mheas gur ann do choinbhleacht leasa den sórt sin.’

(39)Cuirtear Airteagal 46a leis:

‘Airteagal 46a

Cúraimí an Bhoird Feidhmiúcháin

1.Beidh an Bord Feidhmiúcháin freagrach as pleanáil fhoriomlán agus as cur i gcrích na gcúraimí a thugtar don Údarás i gcomhréir leis an Rialachán seo.

2.Féadfaidh an Bord Feidhmiúcháin na ceisteanna ar fad atá le socrú ag an mBord Maoirseoirí a scrúdú, tuairim a thabhairt fúthu agus togra a dhéanamh maidir leo.

3.Féadfaidh an Bord Feidhmiúcháin tuairim a iarraidh ar an mBord Maoirseachta maidir le gach ábhar maoirseachta. Tabharfaidh an Bord Maoirseachta a thuairim ag a chéad chruinniú eile tar éis na hiarrata nó de réir mar a chomhaontófar leis an mBord Feidhmiúcháin.

4.Glacfaidh an Bord Feidhmiúcháin cinntí i gcomhréir le Caibidil IIa agus cuirfidh sé cúraimí maoirseachta i gcrích i ndáil le rannpháirtithe aonair margaidh airgeadais faoi mhaoirseacht an Údaráis de bhun an Rialacháin seo agus gníomhartha eile de chuid an Aontais.

5.Glacfaidh an Bord Feidhmiúcháin na cinntí de bhun Airteagal 9(5), Airteagal 17(3) agus (6), Airteagal 17aa, Airteagal 17aaa, Airteagal 18(3) agus (4), Airteagal 19, Airteagal 19a(1) agus (4), Airteagal 22(4), agus Airteagal 30. Ina theannta sin, déanfaidh an Bord Feidhmiúcháin cúraimí nó bearta a ghlacadh i ndáil le húdaráis inniúla náisiúnta aonair agus le rannpháirtithe margaidh airgeadais aonair nach bhfuil faoi mhaoirseacht an Údaráis, i gcás ina sonraítear é sa Rialachán seo nó i ngníomhartha eile de chuid an Aontais. .

De mhaolú ar an gcéad fhomhír, i gcásanna a leagtar amach i Rialachán (AE) 2021/23, is é an Bord Maoirseoirí a dhéanfaidh na cinntí atá bunaithe ar Airteagal 19.

6.Glacfaidh an Bord Feidhmiúcháin na socruithe oibre i gcomhréir le hAirteagal 8a(4).

7.Cuirfidh an Bord Feidhmiúcháin faisnéisiú débhliantúil faoi bhráid an Bhoird Maoirseachta ar ábhair mhaoirseachta.

8.Ina theannta sin, feidhmeoidh an Bord Feidhmiúcháin na cúraimí seo a leanas:

(a)    déanfaidh an Bord Feidhmiúcháin clár oibre bliantúil agus ilbhliantúil a mholadh lena ghlacadh ag an mBord Maoirseoirí;

(b)feidhmeoidh an Bord Feidhmiúcháin a chumhachtaí buiséadacha i gcomhréir le hAirteagal 63 agus le hAirteagal 64;

(c)glacfaidh an Bord Feidhmiúcháin plean beartais fhoireann an Údaráis agus, de bhun Airteagal 68(2), glacfaidh sé na bearta cur chun feidhme is gá ó Rialacháin Foirne Oifigigh na gComhphobal Eorpach (‘na Rialacháin Foirne’ anseo feasta);

(d)rialacha a ghlacadh lena ndéanfar cosc agus bainistíocht ar choinbhleachtaí leasa i gcás a chomhaltaí;

(e)glacfaidh an Bord Feidhmiúcháin na forálacha speisialta a bhaineann le ceart rochtana ar dhoiciméid an Údaráis, i gcomhréir le hAirteagal 72;

(f)    glacfaidh an Bord Feidhmiúcháin a rialacha nós imeachta féin agus poibleoidh sé iad;

(g)déanfaidh an Bord Feidhmiúcháin comhaltaí an Bhoird Achomhairc a cheapadh agus a chur as oifig i gcomhréir le hAirteagal 58(3) agus (5), agus moladh ón mBord Maoirseoirí á chur san áireamh go cuí.

9.Poibleoidh comhaltaí an Bhoird Feidhmiúcháin na cruinnithe uile a eagrófar agus aon fháilteachas a fuarthas. Taifeadfar caiteachais go poiblí i gcomhréir leis na Rialacháin Foirne.’;

(40)Scriostar Airteagal 47;

(41)Leasaítear Airteagal 48 mar a leanas:

(a)i mír 1, cuirtear an méid seo a leanas in ionad an tríú fomhír agus an ceathrú fomhír:

‘Is é an Cathaoirleach a bheidh freagrach as clár oibre an Bhoird Feidhmiúcháin a shocrú, ar clár oibre é a bheidh le glacadh ag an mBord Feidhmiúcháin, agus beidh sé ina chathaoirleach ar chruinnithe an Bhoird Feidhmiúcháin.

Féadfaidh an Cathaoirleach a iarraidh ar an mBord Feidhmiúcháin féachaint ar ghrúpa comhordaithe i gcomhréir le hAirteagal 45b a bhunú.’

(b)i mír 2, cuirtear an méid seo a leanas in ionad na chéad fhomhíre:

Déanfaidh an Bord Feidhmiúcháin Leas-Chathaoirleach a thoghadh freisin, as measc a chomhaltaí féin, agus comhlíonfaidh an Leas-Chathaoirleach sin feidhmeanna an Chathaoirligh i gcás ina bhfuil an Cathaoirleach as láthair.’

(c)cuirtear an méid seo a leanas in ionad mhír 3:

‘3. 5 bliana a bheidh i dtéarma oifige an Chathaoirligh agus féadfar an téarma sin a fhadú uair amháin go ceann 2 bhliain.’;

(d)i mír 4, cuirtear an méid seo a leanas in ionad na habairte deiridh:

‘Ag gníomhú di ar thogra ón mBord Maoirseoirí agus le cúnamh ón gCoimisiún, agus an mheastóireacht dá dtagraítear sa chéad fhomhír á cur san áireamh, féadfaidh an Chomhairle síneadh a chur le téarma oifige an Cathaoirligh uair amháin go ceann dhá bhliain.’;

(e)cuirtear an mhír 6 seo a leanas isteach:

‘6. Ní fhéadfaidh aon duine aonair fónamh níos faide ná 7 mbliana i cibé ról mar Chathaoirleach, mar Stiúrthóir Feidhmiúcháin, nó mar chomhalta neamhspleách den Bhord Feidhmiúcháin. Áireofar oifig roimhe seo i ról amháin i dtreo na teorann téarma do ról eile beag beann ar ord na bpost a sealbhaíodh.’

(42)Leasaítear Airteagal 51 mar a leanas:

(a)cuirtear an méid seo a leanas in ionad mhír 3:

‘5 bliana a bheidh i dtéarma oifige an Stiúrthóra Feidhmiúcháin agus féadfar an téarma sin a fhadú uair amháin go ceann 2 bhliain.’;

(b)i mír 4, cuirtear an méid seo a leanas in ionad na habairte deiridh:

‘Féadfaidh an Bord Maoirseoirí, agus aird á tabhairt ar an meastóireacht dá dtagraítear sa chéad fhomhír, téarma oifige an Stiúrthóra Feidhmiúcháin a fhadú uair amháin go ceann dhá bhliain.’,

(c)cuirtear an mhír 6 seo a leanas isteach:

‘6. Ní fhéadfaidh aon duine aonair fónamh níos faide ná 7 mbliana i gcíbe ról mar Chathaoirleach, mar Stiúrthóir Feidhmiúcháin, nó mar chomhalta neamhspleách den Bhord Feidhmiúcháin. Áireofar oifig roimhe seo i ról amháin i dtreo na teorann téarma do ról eile beag beann ar ord na bpost a sealbhaíodh.’;

(43)in Airteagal 52, cuirtear an méid seo a leanas in ionad na chéad mhíre:

Gan dochar do ról an Bhoird Feidhmiúcháin agus an Bhoird Maoirseoirí faoi seach maidir le cúraimí an Stiúrthóra Feidhmiúcháin, ní lorgóidh ná ní ghlacfaidh an Stiúrthóir Feidhmiúcháin treoracha ó institiúidí ná ó chomhlachtaí an Aontais, ó aon rialtas Ballstáit ná ó aon chomhlacht príobháideach nó poiblí eile.’;

(44)in Airteagal 53, cuirtear an méid seo a leanas in ionad mhíreanna 1 agus 2:

‘1. Beidh an Stiúrthóir Feidhmiúcháin i gceannas ar mhaoirseacht a dhéanamh ar oibríochtaí laethúla an Údaráis agus ar a áirithiú go gcuirfear a chuspóirí agus a chinntí chun feidhme go cuí. Cabhróidh sé leis an mBord Feidhmiúcháin agus leis an mBord Maoirseachta an treo straitéiseach don Údarás a leagan síos.Ullmhóidh an Stiúrthóir Feidhmiúcháin obair an Bhoird Feidhmiúcháin maidir le hábhair a shonraítear in Airteagal 46a(7).

2. Beidh an Stiúrthóir Feidhmiúcháin freagrach as clár oibre bliantúil an Údaráis a chur chun feidhme faoi threoraíocht ón mBord Maoirseoirí agus faoi rialú an Bhoird Feidhmiúcháin.’

(45)in Airteagal 57, cuirtear an méid seo a leanas in ionad mhír 3:

‘3. Beidh cathaoirleach ag gach fochoiste. Mura bhforáiltear a mhalairt i ngníomhartha eile de chuid an Aontais, beidh an cathaoirleach ar dhuine de na daoine aonair dá dtagraítear in Airteagal 55(1) nó ar dhuine d'ionadaithe na n‑údarás inniúil ábhartha, agus beidh an cathaoirleach ina bhreathnóir ar an gComhchoiste freisin.’;

(46)Leasaítear Airteagal 58 mar a leanas:

(a)i mír 3, cuirtear an méid seo a leanas in ionad na chéad fhomhíre:

‘Déanfaidh Bord Feidhmiúcháin an Údaráis beirt chomhaltaí den Bhord Achomhairc agus beirt mhalartach a cheapadh as gearrliosta arna mholadh ag an gCoimisiún, tar éis glao poiblí ar léiriú spéise a fhoilsiú in Iris Oifigiúil an Aontais Eorpaigh, agus tar éis dul i gcomhairle leis an mBord Maoirseoirí.’;

(b)cuirtear an méid seo a leanas in ionad mhír 5:

‘5. Ní dhéanfar comhalta den Bhord Achomhairc arna cheapadh ag Bord Feidhmiúcháin an Údaráis a chur as oifig le linn a théarma oifige, mura rud é go bhfuarthas ciontach é i mí-iompar tromchúiseach agus go ndéanann an Bord Bainistíochta cinneadh chuige sin tar éis dó dul i gcomhairle leis an mBord Maoirseoirí.’

(47)in Airteagal 59, cuirtear an méid seo a leanas in ionad mhír 1:

‘1. Beidh comhaltaí an Bhoird Achomhairc neamhspleách agus cinntí á ndéanamh acu. Ní bheidh siad faoi cheangal ag aon treoracha. Ní dhéanfaidh siad aon dualgas eile i ndáil leis an Údarás, lena Bhord Feidhmiúcháin ná lena Bhord Maoirseoirí.’;

(48)in Airteagal 60, cuirtear an méid seo a leanas in ionad mhír 1:

‘1. Féadfaidh aon duine nádúrtha nó dlítheanach, lena n‑áirítear údaráis inniúla, achomharc a dhéanamh in aghaidh aon chinneadh a rinne an tÚdarás i gcomhréir leis an Rialachán seo nó le gníomhartha Comhphobail eile dá dtagraítear in Airteagal 1(2), ar cinneadh é a díríodh chuig an duine sin, nó in aghaidh cinnidh ar de chúram an duine sin é go díreach agus go leithleach cé go bhfuil sé i bhfoirm cinnidh a díríodh chuig duine eile.’;

(49)in Airteagal 62, leasaítear mír 1 mar a leanas:

(a)cuirtear an méid seo a leanas in ionad phointe (c):

‘(c) aon táille a íocfar leis an Údarás sna cásanna a shonraítear sa Rialachán seo agus sna hionstraimí ábhartha de dhlí an Aontais;’;

(b)(c) cuirtear an pointe (f) seo a leanas leis:

‘(f) cistiú féideartha ón Aontas i bhfoirm comhaontuithe ranníocaíochta nó deontas ad hoc i gcomhréir le rialacha airgeadais an Údaráis dá dtagraítear in Airteagal 65 agus le forálacha na n‑ionstraimí ábhartha a thacaíonn le beartais an Aontais.’;

(50)Leasaítear Airteagal 63 mar a leanas:

(a)cuirtear an méid seo a leanas in ionad mhír 1, mhír 2 agus mhír 3:

‘1. Gach bliain, tarraingeoidh an Stiúrthóir Feidhmiúcháin suas dréachtdoiciméad clársceidealaithe aonair sealadach den Údarás do na trí bliana airgeadais ina dhiaidh sin ina leagfar amach an t‑ioncam agus an caiteachas measta, chomh maith le faisnéis faoin bhfoireann, óna chlársceidealú bliantúil agus ilbhliantúil agus cuirfidh sé ar aghaidh é chuig an mBord Feidhmiúcháin agus chuig an mBord Maoirseoirí, mar aon leis an bplean bunaíochta.

2. Ar bhonn an dréachta a bheidh formheasta ag an mBord Feidhmiúcháin, glacfaidh an Bord Maoirseoirí an dréachtdoiciméad clársceidealaithe aonair do na trí bliana airgeadais ina dhiaidh sin.

3. Déanfaidh an Bord Feidhmiúcháin an doiciméad clársceidealaithe aonair a tharchur chuig an gCoimisiún, chuig Parlaimint na hEorpa agus chuig an gComhairle agus chuig Cúirt Iniúchóirí na hEorpa faoin 31 Eanáir.’;

(b)cuirtear an méid seo a leanas in ionad mhír 7:

‘7. Tabharfaidh an Bord Feidhmiúcháin fógra, gan moill mhíchuí, do Pharlaimint na hEorpa agus don Chomhairle go bhfuil sé ar intinn aige aon tionscadal a chur chun feidhme a bhféadfadh impleachtaí suntasacha airgeadais a bheith aige ar chistiú a bhuiséid, go háirithe aon tionscadal a bhaineann le maoin, amhail foirgnimh a fháil ar cíos nó a cheannach.’

(51)in Airteagal 64, cuirtear an méid seo a leanas in ionad mhír 8:

‘8. Seolfaidh an Stiúrthóir Feidhmiúcháin freagra ar bharúlacha na Cúirte Iniúchóirí chuig an gCúirt Iniúchóirí faoin 30 Meán Fómhair agus seolfaidh sé cóip den fhreagra sin chuig an mBord Maoirseoirí, chuig an mBord Feidhmiúcháin agus chuig an gCoimisiún freisin.’;

(52)in Airteagal 65, cuirtear an méid seo a leanas in ionad na chéad abairte:

Déanfaidh an Bord Feidhmiúcháin na rialacha airgeadais a mbeidh feidhm acu maidir leis an Údarás a ghlacadh tar éis dó dul i gcomhairle leis an gCoimisiún.’;

(53)Leasaítear Airteagal 68 mar a leanas:

(a)cuirtear an méid seo a leanas in ionad mhír 1:

‘1. Beidh feidhm ag na Rialacháin Foirne, ag Coinníollacha Fostaíochta Seirbhíseach Eile agus ag na rialacha arna nglacadh go comhpháirteach ag institiúidí an Aontais chun iad a chur i bhfeidhm maidir le foireann an Údaráis, lena n‑áirítear a Stiúrthóir Feidhmiúcháin, a Chathaoirleach agus comhaltaí an Bhoird Feidhmiúcháin.’;

(b)cuirtear an méid seo a leanas in ionad mhír 2:

‘2. Glacfaidh an Bord Feidhmiúcháin, i gcomhaontú leis an gCoimisiún, na bearta cur chun feidhme is gá, i gcomhréir leis na socruithe dá bhforáiltear in Airteagal 110 de na Rialacháin Foirne.’;

(c)cuirtear an méid seo a leanas in ionad mhír 4:

‘4. Glacfaidh an Bord Feidhmiúcháin forálacha chun go bhféadfar saineolaithe náisiúnta ó na Ballstáit a thabhairt ar iasacht don Údarás.’;

(54)in Airteagal 70, cuirtear an méid seo a leanas in ionad mhír 2a:

‘2a. Áiritheoidh an Bord Feidhmiúcháin agus an Bord Maoirseoirí maidir le daoine aonair a sholáthraíonn aon seirbhís, go díreach nó go hindíreach, go buan nó anois is arís, a bhaineann le cúraimí an Údaráis, lena n‑áirítear oifigigh agus daoine eile a bheidh údaraithe ag an mBord Feidhmiúcháin agus ag an mBord Maoirseoirí nó arna gceapadh ag na húdaráis inniúla chun na críche sin, go mbeidh siad faoi réir cheanglais na rúndachta gairmiúla atá coibhéiseach leo sin i mír 1 agus i mír 2.

Beidh feidhm ag na ceanglais chéanna i ndáil le sicréideacht ghairmiúil freisin maidir le breathnóirí a bhíonn ag freastal ar chruinnithe den Bhord Feidhmiúcháin agus maidir leis an mBord Maoirseoirí a ghlacann páirt i ngníomhaíochtaí an Údaráis.’;

(55)in Airteagal 72, cuirtear an méid seo a leanas in ionad mhír 2:

‘2. Glacfaidh an Bord Feidhmiúcháin bearta praiticiúla chun Rialachán (CE) Uimh. 1049/2001 a chur i bhfeidhm.’;

(56)in Airteagal 73, cuirtear an méid seo a leanas in ionad mhír 2:

‘2. Déanfaidh an Bord Feidhmiúcháin cinneadh maidir leis na socruithe inmheánacha teanga don Údarás.’;

(57)in Airteagal 74, cuirtear an méid seo a leanas in ionad na chéad fhomhíre:

‘Na socruithe riachtanacha maidir leis an gcóiríocht a sholáthrófar don Údarás sa Bhallstát ina bhfuil a oifig chláraithe suite agus na háiseanna a chuirfidh an Ballstát sin ar fáil, mar aon leis na rialacha sonracha is infheidhme sa Bhallstát sin maidir le foireann an Údaráis agus le baill dá dteaghlach, leagfar síos na socruithe sin i gcomhaontú maidir le ceanncheathrú idir an tÚdarás agus an Ballstát sin a thug siad i gcrích tar éis formheas an Bhoird Feidhmiúcháin a fháil.’

(58)Cuirtear isteach an Chaibidil VIIa seo a leanas:

‘CAIBIDIL VIIa

GNÍOMHARTHA TARMLIGTHE

Airteagal 75a

An tarmligean a fheidhmiú

1.Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.Déanfar an chumhacht chun gníomhartha tarmligthe a ghlacadh dá dtagraítear sa Rialachán seo 39e agus 39n a thabhairt don Choimisiún go ceann tréimhse neamhchinntithe ama amhail ón [dáta theacht i bhfeidhm an bhunghnímh reachtaigh].

3.Féadfaidh Parlaimint na hEorpa nó an Chomhairle tarmligean na cumhachta dá dtagraítear san Airteagal seo a chúlghairm tráth ar bith. Le cinneadh chun cúlghairm a dhéanamh, cuirfear deireadh le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana.

4.Sula nglacfaidh sé gníomh tarmligthe, rachaidh an Coimisiún i mbun comhairliúchán le saineolaithe arna n‑ainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.Ní thiocfaidh gníomh tarmligthe a ghlactar de bhun an Rialacháin seo i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse 2 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 2 mhí ar thionscnamh Pharlaimint na hEorpa nó na Comhairle.’;

(59)Leasaítear Airteagal 81 mar a leanas:

(a)cuirtear an méid seo a leanas in ionad mhír 1:

‘1. Faoin [Oifig na bhFoilseachán, cuir isteach an dáta: 5 bliana tar éis an dáta theacht i bhfeidhm], agus gach 5 bliana ina dhiaidh sin, foilseoidh an Coimisiún tuarascáil ar an taithí a fuarthas mar thoradh ar oibriú an Údaráis agus ar na nósanna imeachta agus na cúraimí a leagtar síos sa Rialachán seo. Déanfar meastóireacht sa tuarascáil sin ar an méid seo a leanas, inter alia:

(a)leibhéal cuntasachta agus trédhearcachta an Údaráis lena n‑áirítear maidir le húsáid a acmhainní;

(b)éifeachtacht agus cóineasú i gcleachtais mhaoirseachta;

(c)leithdháileadh na bhfreagrachtaí i réimse na maoirseachta dírí lena n‑áirítear a iomchuí atá sé tuilleadh freagrachtaí maoirseachta a chur ar iontaoibh an Údaráis;

(d)an tsamhail rialachais;

(e)an bhfuil acmhainní an Údaráis leordhóthanach chun a fhreagrachtaí a chomhlíonadh;

(f)feidhmiú an Chomhchoiste;

(g)cur i bhfeidhm an chlásail coimirce a leagadh síos in Airteagal 38;

(h)ról an Údaráis a mhéid a bhaineann le riosca sistéamach;

(i)an bhfuil sé iomchuí go simpleofaí agus go neartófaí struchtúr an CEMA chun go mbeadh méadú ar chomhleanúnachas idir na macraileibhéil agus na micrileibhéil agus idir na ÚMEnna.

Déanfar an tuarascáil agus aon togra a ghabhann léi, de réir mar is iomchuí, a chur ar aghaidh chuig Parlaimint na hEorpa agus chuig an gComhairle.’;

(b)scriostar míreanna 2 go 3.

Airteagal 2
Leasú ar Rialachán (AE) Uimh. 648/2012

Leasaítear Rialachán (AE) Uimh. 648/2012 mar a leanas:

(1)Leasaítear Airteagal 2 mar a leanas:

(a)cuirtear na pointí (1a) agus (1b) seo a leanas isteach:

‘(1a) ciallaíonn ‘CPL suntasach’ CPL údaraithe faoi Airteagal 14 a cháilíonn mar CPL suntasach de bhun Airteagal 22a(1);

‘(1b) ciallaíonn ‘CPL is lú tábhacht’ CPL údaraithe faoi Airteagal 14 nach CPL suntasach é;’;

(b)cuirtear an méid seo a leanas in ionad phointe (13):

‘(13) ciallaíonn ‘údarás inniúil’ an t‑údarás inniúil dá dtagraítear sa reachtaíocht dá dtagraítear i bpointe (8) den Airteagal seo, an t‑údarás inniúil dá dtagraítear in Airteagal 10(5), an t‑údarás náisiúnta inniúil nó, údarás inniúil an CPL;’;

(c)cuirtear na pointí (13a), (13b) agus (13c) seo a leanas isteach:

‘(13a) ciallaíonn ‘údarás inniúil an CPL’ an t‑údarás náisiúnta inniúil i gcás CPLanna nach bhfuil chomh suntasach sin nó ESMA i gcás CPLanna suntasacha;

(13b) ciallaíonn ‘údarás náisiúnta inniúil’ údarás náisiúnta an Bhallstáit ina bhfuil an CPL bunaithe, arna ainmniú de bhun Airteagal 22(1);

(13c) ciallaíonn ‘údarás ábhartha’ aon údarás dá dtagraítear in Airteagal 22d;’;

(d)cuirtear an méid seo a leanas in ionad phointe (31):

‘(31) ciallaíonn ‘eintiteas bannaí faoi chumhdach’ eisitheoir na mbannaí faoi chumhdach nó comhthiomsú cumhdaigh banna faoi chumhdach;’,

(e)cuirtear isteach an pointe 32 seo a leanas:

ciallaíonn ‘(32) bunachar sonraí lárnach’ an bunachar sonraí lárnach arna bhunú ag ESMA de bhun Airteagal 17c.’;

(f)cuirtear an fhomhír seo a leanas isteach:

Chun críoch Airteagal 5(1), Airteagal 6(1) pointe (f), Airteagal 14(4), Airteagal 17(3a), Airteagal 17(3b), an tríú fomhír, (4) agus (5), Airteagal 21(3), an chéad fhomhír, (4) an tríú fomhír, (4a) agus (5), Airteagal 27(3), Airteagal 28 (1), (4) agus (5), Airteagal 29 (1) agus (3), Airteagal 30 (1) go (5), Airteagal 31(1) go (8), Airteagal 32(1) cé is moite den dá thagairt dheireanacha sa tríú fomhír, Airteagal 32(2) go (6), Airteagal 32(7) cé is moite den dara tagairt dheireanach, Airteagal 35(1), (2) agus (3), Airteagal 37(1a) agus (2), Airteagal 38(1), (3) agus (5), Airteagal 41(2), Airteagal 45a(1) agus (2), Airteagal 48 (3), Airteagal 49(1), (1d) agus (1g), léifear an téarma ‘údarás inniúil’ mar ‘údarás inniúil an CPL’.’;

(2)Leasaítear Airteagal 6a mar a leanas:

(a)i mír 1, cuirtear an méid a leanas in ionad an dara fomhír:

‘Chun críocha phointe (c) den chéad fhomhír, sula ndéanfar an iarraidh dá dtagraítear sa chéad fhomhír, rachaidh ESMA i gcomhairle le BERS agus le húdaráis inniúla an CPL.’;

(b)i mír 2, cuirtear an méid seo a leanas in ionad na chéad abairte sa chéad fhomhír:

‘Faoi na coinníollacha a leagtar amach i mír 1 den Airteagal seo, féadfaidh na húdaráis inniúla atá freagrach as maoirseacht a dhéanamh ar chomhaltaí imréitigh agus údaráis inniúla an CPL a iarraidh go ndéanfadh ESMA iarraidh ar fhionraí an oibleagáid imréitigh a chur faoi bhráid an Choimisiúin.’;

(c)i mír 8, an tríú fomhír, cuirtear an méid seo a leanas in ionad an dara habairt:

‘Chun críocha phointe (c) den chéad fhomhír de mhír 1 den Airteagal seo, rachaidh ESMA i gcomhairle le BERS agus le húdaráis inniúla an CPL.’;

(3)in Airteagal 6b(1), an chéad fhomhír, cuirtear an méid seo a leanas in ionad na foclaíochta réamhráití:

‘I gcás ina gcomhlíonann CPL na coinníollacha a leagtar síos in Airteagal 22 de Rialachán (AE) 2021/23 ó Pharlaimint na hEorpa agus ón gComhairle 31 , féadfaidh údarás réitigh an CPL a ainmnítear faoi Airteagal 3(1) den Rialachán sin nó údarás inniúil an CPL, ar a dtionscnamh féin nó arna iarraidh sin d’údarás inniúil atá freagrach as maoirseacht a dhéanamh ar chomhalta imréitigh den CPL faoi réiteach, a iarraidh ar an gCoimisiún an oibleagáid imréitigh dá dtagraítear in Airteagal 4(1) den Rialachán seo a chur ar fionraí i gcás aicmí sonracha ionstraimí díorthacha thar an gcuntar nó i gcás cineál sonrach contrapháirtí i gcás ina gcomhlíontar na coinníollacha seo a leanas:’;

(4)Leasaítear Airteagal 7 mar a leanas:

(a)i mír 1, cuirtear an méid seo a leanas in ionad na chéad abairte:

‘1. Maidir le CPL atá údaraithe chun conarthaí díorthacha thar an gcuntar a imréiteach, glacfaidh sé leis na conarthaí sin a imréiteach ar bhonn neamh‑idirdhealaitheach agus trédhearcach, lena n‑áirítear a mhéid a bhaineann le ceanglais chomhthaobhachta, agus maidir le táillí nascachta agus rochtana tosaigh, gan beann ar an ionad trádála ar a bhforfheidhmítear idirbheart.’;

(b)cuirtear an méid seo a leanas in ionad mhíreanna 2 go 6:

‘2. Ionad trádála atá ag iarraidh rochtain a fháil ar sheirbhís CPL a bhaineann le conarthaí díorthacha thar an gcuntar a imréiteach, cuirfidh sé a iarraidh faoi bhráid an CPL. Sonrófar san iarraidh na conarthaí díorthacha thar an gcuntar a n‑iarrtar an t‑imréiteach ina leith. Cuirfidh an t‑ionad trádála ESMA, údarás inniúil an CPL agus údarás inniúil an ionaid trádála ar an eolas faoi iarraidh den sórt sin.

3. Soláthróidh an CPL freagra i scríbhinn don ionad trádála laistigh de 3 mhí ón iarraidh dá dtagraítear i mír 2 a fháil, cé acu rochtain a cheadú nó diúltú di.

4. Ní fhéadfaidh an CPL iarraidh ar rochtain a dhiúltú ach amháin i gcás ina ndéanfadh an rochtain sin difear d’fheidhmiú rianúil agus ordúil na margaí nó ina mbeadh sí ina cúis le riosca sistéamach, bunaithe ar mheasúnú riosca cuimsitheach faoi réir na gcoinníollacha a leagtar síos i mír 7.

Ní dhiúltóidh an CPL iarraidh ar chaillteanas féideartha ioncaim a d’fhéadfadh a bheith ann ina leith féin nó i leith eintiteas eile a bhaineann leis an ngrúpa céanna.

I gcás ina mainneoidh an CPL freagra i scríbhinn a sholáthar don ionad trádála laistigh den teorainn ama dá dtagraítear i mír 3, féadfaidh ESMA fógra a thabhairt don CPL agus faisnéis bhreise a iarraidh ón CPL.

I gcás nach léirítear go bhfuil na coinníollacha maidir le diúltú don iarraidh dá dtagraítear i mír 7 á gcomhlíonadh, féadfaidh ESMA cinneadh a eisiúint lena gceanglófar ar an CPL sin rochtain a dheonú ar a sheirbhísí laistigh de mhí amháin tar éis fógra faoin gcinneadh sin a fháil.

I gcás ina ndiúltóidh an CPL rochtain ar an ionad trádála, soláthrófar sa fhreagra i scríbhinn míniú mionsonraithe ar na cúiseanna ar diúltaíodh rochtain, bunaithe ar an measúnú riosca cuimsitheach dá dtagraítear sa chéad fhomhír. Cuirfidh an t‑ionad trádála, díreach tar éis dó an freagra i scríbhinn a thabhairt don CPL, agus i scríbhinn, ESMA agus na húdaráis inniúla dá dtagraítear i mír 2 ar an eolas faoin gcinneadh sin.

5. I gcás inar dhiúltaigh an CPL rochtain, féadfaidh an t‑ionad trádála gearán a chur faoi bhráid ESMA.

Déanfaidh ESMA measúnú ar na cúiseanna ar diúltaíodh rochtain agus, laistigh de mhí amháin ó dháta an ghearáin, soláthróidh sé freagra réasúnaithe don ionad trádála. Féadfaidh ESMA dul i gcomhairle leis na húdaráis inniúla dá dtagraítear i mír 2. I gcás ina gcinnfidh ESMA nach bhfuil údar maith le diúltú ón CPL rochtain a dheonú, i gcás nach bhfuil aon léiriú ann go bhfuil na coinníollacha maidir le hiarraidh a dhiúltú dá dtagraítear i mír 7 á gcomhlíonadh, eiseoidh ESMA cinneadh lena gceanglófar ar an CPL rochtain a dheonú ar a sheirbhísí laistigh de mhí amháin tar éis fógra a fháil faoin gcinneadh sin.

6. Áiritheoidh CPL a dheonaíonn rochtain ar an ionad trádála go mbeidh an rochtain sin lánfheidhmiúil laistigh de thrí mhí ó dháta an fhreagra dhearfaigh ar an iarraidh ar rochtain.’;

(c)cuirtear an mhír 7 seo a leanas leis:

‘7. Sonrófar tuilleadh sna gníomhartha tarmligthe arna nglacadh de bhun Airteagal 36(6) de Rialachán (AE) Uimh. 600/2014 na coinníollacha a leagtar síos i mír 1 maidir le láimhseáil neamh-idirdhealaitheach i dtéarmaí conas a láimhseáiltear conarthaí a thrádáiltear ar an ionad trádála sin i dtéarmaí ceanglais chomhthaobhachta agus glanluacháil conarthaí atá coibhéiseach go heacnamaíoch agus traséarlaisiú le conarthaí comhchoibhneasacha arna n‑imréiteach ag an CPL céanna, agus na rioscaí sonracha atá le cur san áireamh ag CPLanna agus measúnú riosca cuimsitheach dá dtagraítear i mír 4 á dhéanamh acu.

Agus measúnú riosca cuimsitheach dá dtagraítear i mír 4 agus i mír 5 á dhéanamh, cuirfidh an CPL agus ESMA, faoi seach, na coinníollacha ábhartha a leagtar amach sna gníomhartha tarmligthe arna nglacadh de bhun Airteagal 36(4) de Rialachán (AE) Uimh. 600/2014 san áireamh.’;

(5)Cuirtear an méid seo a leanas in ionad Airteagal 8:

Airteagal 8

Rochtain ar ionad trádála

‘1. Soláthróidh ionad trádála, arna iarraidh sin, fothaí trádála ar bhonn neamh-idirdhealaitheach agus trédhearcach d’aon CPL a údaraítear chun conarthaí díorthacha thar an gcuntar a thrádáil ar an ionad trádála sin a imréiteach, lena n‑áirítear a mhéid a bhaineann le nascacht tosaigh agus táillí rochtana.’;

2. Aon CPL a bhfuil sé beartaithe aige rochtain a fháil ar sheirbhís ionaid trádála a bhaineann leis na conarthaí díorthacha thar an gcuntar, cuirfidh sé a iarraidh faoi bhráid an ionaid trádála go foirmiúil. Cuirfidh an CPL ESMA, údaráis inniúla an ionaid trádála agus údarás inniúil an CPL ar an eolas faoin iarraidh sin.

3. Soláthróidh an t‑ionad trádála freagra i scríbhinn don CPL laistigh de 3 mhí ón iarraidh dá dtagraítear i mír 2 a fháil, cé acu rochtain a cheadú nó diúltú di.

4. Ní fhéadfaidh an t‑ionad trádála iarraidh ar rochtain a dhiúltú ach amháin i gcás ina ndéanfadh an rochtain sin difear d’fheidhmiú rianúil agus ordúil na margaí nó ina mbeadh sí ina cúis le riosca sistéamach, bunaithe ar mheasúnú riosca cuimsitheach faoi réir na gcoinníollacha a leagtar síos i mír 7.

Ní dhiúltóidh an t‑ionad trádála iarraidh ar chaillteanas féideartha ioncaim a d’fhéadfadh a bheith ann ina leith féin nó i leith eintiteas eile a bhaineann leis an ngrúpa céanna.

Ní chuirfidh an t‑ionad trádála srian le rochtain ar fhothaí trádála sonracha ar an bhforas nár roghnaigh na contrapháirtithe in idirbheart sonrach an CPL céanna, i gcás ina bhfuil socrú idir‑inoibritheachta déanta cheana féin ag na CPLanna is rogha leo de bhun Airteagal 51.

I gcás ina mainneoidh an t‑ionad trádála freagra i scríbhinn a sholáthar don CPL laistigh den teorainn ama dá dtagraítear i mír 3, féadfaidh ESMA fógra a thabhairt don ionad trádála agus faisnéis bhreise a iarraidh.

I gcás nach bhfuil aon léiriú ann go bhfuil na coinníollacha maidir le diúltú don iarraidh dá dtagraítear i mír 7 á gcomhlíonadh, féadfaidh ESMA cinneadh a eisiúint lena gceanglófar ar an ionad trádála sin rochtain a dheonú ar a sheirbhísí laistigh de mhí amháin tar éis an fógra faoin gcinneadh a fháil.

I gcás ina ndiúltóidh an t‑ionad trádála do rochtain, soláthrófar leis an bhfreagra i scríbhinn míniú mionsonraithe ar na cúiseanna ar diúltaíodh rochtain, bunaithe ar an measúnú riosca cuimsitheach dá dtagraítear sa chéad fhomhír. Déanfaidh an t‑ionad trádála, díreach tar éis dó an freagra i scríbhinn a thabhairt don CPL, agus i scríbhinn, ESMA agus na húdaráis inniúla dá dtagraítear i mír 2 a chur ar an eolas faoin gcinneadh sin.

5. I gcás inar dhiúltaigh an t‑ionad trádála rochtain, féadfaidh an CPL gearán a chur faoi bhráid ESMA.

Déanfaidh ESMA measúnú ar na cúiseanna ar diúltaíodh rochtain a thabhairt agus, laistigh de mhí amháin ó dháta an ghearáin, soláthróidh sé freagra réasúnaithe don CPL. Féadfaidh ESMA dul i gcomhairle leis na húdaráis inniúla dá dtagraítear i mír 2 agus a fhreagra á ullmhú aige. I gcás ina gcinnfidh ESMA nach bhfuil údar maith le diúltú an ionaid trádála rochtain a dheonú, i gcás nach bhfuil aon léiriú ann go bhfuil na coinníollacha maidir le diúltú don iarraidh dá dtagraítear i mír 7 á gcomhlíonadh, eiseoidh ESMA cinneadh lena gceanglófar ar an ionad trádála rochtain a dheonú ar a fhothaí trádála laistigh de mhí amháin ón dáta a dtabharfar fógra faoin gcinneadh sin.

6. Áiritheoidh ionad trádála a dheonaíonn rochtain ar an CPL go mbeidh an rochtain lánfheidhmiúil laistigh de thrí mhí ón bhfreagra dearfach ar an iarraidh ar rochtain a fháil.

7. Agus measúnú riosca cuimsitheach dá dtagraítear i mír 4 agus i mír 5 den Airteagal seo á dhéanamh, cuirfidh an t‑ionad trádála agus ESMA, faoi seach, na coinníollacha ábhartha a leagtar amach sna gníomhartha tarmligthe arna nglacadh de bhun Airteagal 36(6) de Rialachán (AE) Uimh. 600/2014 san áireamh.’;

(6)in Airteagal 12, cuirtear isteach an mhír 1b seo a leanas:

‘1b. Beidh sé de chumhacht ag ESMA fíneálacha agus íocaíochtaí pionósacha tréimhsiúla a fhorchur a bheidh infheidhme maidir le CPLanna suntasacha a sháraigh na rialacha faoin Teideal seo i gcomhréir le Caibidil IIa de Rialachán (AE) Uimh 1095/2010 agus déanfaidh sé na bearta uile is gá chun a áirithiú go gcuirfear na rialacha sin chun feidhme. Ina theannta sin, forchuirfidh ESMA fíneálacha nó íocaíochtaí pionósacha tréimhsiúla ar na CPLanna suntasacha atá faoi réir na hoibleagáide tuairiscithe de bhun Airteagal 9 i gcás ina bhfuil earráidí follasacha córasacha sna mionsonraí a thuairiscítear arís agus arís eile.’;

(7)in Airteagal 14, cuirtear an méid seo a leanas in ionad mhír 1:

‘1. I gcás ina bhfuil sé beartaithe ag duine dlítheanach atá bunaithe san Aontas seirbhísí imréitigh a sholáthar mar CPL, déanfaidh sé iarratas ar údarú chuig údarás inniúil an CPL, i gcomhréir leis an nós imeachta a leagtar amach in Airteagal 17.’;

(8)Leasaítear Airteagal 17 mar a leanas:

(a)i mír 1, an chéad fhomhír, cuirtear an méid seo a leanas in ionad na chéad abairte:

‘Gan dochar d’Airteagal 22a(6), cuirfidh an CPL is iarratasóir iarratas isteach ar údarú dá dtagraítear in Airteagal 14(1) nó iarratas ar shíneadh a chur le húdarú atá ann cheana dá dtagraítear in Airteagal 15(1).’;

(b)i mír 3c, an tríú fomhír, cuirtear an méid seo a leanas in ionad na chéad abairte:

‘I gcás nach gcomhlíonann údarás inniúil an CPL tuairim ó ESMA nó aon choinníoll nó aon mholadh a áirítear inti, nó nach bhfuil sé beartaithe aige an tuairim sin a chomhlíonadh, cuirfidh an Bord Feidhmiúcháin an Bord Maoirseoirí ar an eolas.’;

(9)Leasaítear Airteagal 17b mar a leanas:

(a)i mír 1, cuirtear an méid seo a leanas in ionad na chéad fhomhíre:

‘Cuirfidh údarás inniúil an CPL iarraidh isteach ar thuairim:

(a) ó ESMA, de bhun Airteagal 23a(2), i gcás ina bhfuil sé beartaithe ag údarás inniúil an CPL cinneadh, tuarascáil nó beart eile a ghlacadh i ndáil le hAirteagail 7, 8, 20, 21, 29 go 33, 35, 36, 37 agus 41;

(b) ón gcoláiste dá dtagraítear in Airteagal 18, de bhun Airteagal 19, i gcás ina bhfuil sé beartaithe ag údarás inniúil an CPL cinneadh, tuarascáil nó beart eile a ghlacadh i ndáil le hAirteagail 20, 21, 30, 31, 32, 35, 37, 41, 49 agus 51.’;

(b)i mír 3, cuirtear an méid seo a leanas in ionad phointe (b):

‘(b) Féadfaidh ESMA, i ndáil le hAirteagail 7, 8, 29 go 33, 35, 36 agus 41, tuairim a ghlacadh i gcomhréir le hAirteagal 23a agus le hAirteagal 24a(7), an chéad fhomhír, pointe (bc), maidir leis an dréachtchinneadh, an tuarascáil nó an beart eile sin i gcás ina bhfuil gá leis an tuairim sin chun cur i bhfeidhm comhsheasmhach agus comhleanúnach airteagail ábhartha a chur chun cinn; agus’;

(c)i mír 4, an tríú fomhír, cuirtear an méid seo a leanas in ionad na chéad abairte:

‘Chun críoch mhír 3, an chéad fhomhír, pointí (a) agus (b), den Airteagal seo, i gcás nach gcomhlíonann údarás inniúil an CPL an tuairim ó ESMA nó aon choinníoll nó moladh a áirítear inti nó nach bhfuil sé beartaithe aige an tuairim sin a chomhlíonadh, cuirfidh an Bord Feidhmiúcháin an Bord Maoirseoirí ar an eolas.’;

(10)Leasaítear Airteagal 17c mar a leanas:

(a)i mír 1, cuirtear an méid seo a leanas in ionad na chéad fhomhíre:

‘Déanfaidh ESMA bunachar sonraí lárnach a bhunú agus a choinneáil ar bun i gcomhréir le hAirteagal 35c de Rialachán (AE) Uimh. 1095/2010. Ar leithligh i gcás gach CPL, beidh rochtain ag údarás inniúil an CPL, údaráis ábhartha an CPL agus ESMA chomh maith le comhaltaí choláiste an CPL dá dtagraítear in Airteagal 18, i gcás ina gceanglaítear sin faoi airteagal ábhartha (‘faighteoirí cláraithe’), ar an bhfaisnéis agus ar na doiciméid uile dá dtagraítear i mír 2 atá cláraithe laistigh den bhunachar sonraí lárnach don CPL sin i gcás inarb ábhartha nó inar gá chun a ndualgais a chomhlíonadh. Beidh rochtain ag CPL ar an mbunachar sonraí lárnach a mhéid a bhaineann leis an bhfaisnéis agus na doiciméid a chuir sé isteach sa bhunachar sonraí lárnach sin nó maidir leis na doiciméid a tharchuir aon cheann de na faighteoirí cláraithe chuige tríd an mbunachar sonraí lárnach sin. Déanfaidh faighteoirí eile doiciméid shonracha áirithe nó faisnéis shonrach áirithe atá cláraithe sa bhunachar sonraí lárnach a chur isteach freisin agus beidh rochtain acu orthu, i gcás ina sonraítear sin faoin Rialachán seo. Áiritheoidh ESMA go ndéanfaidh an bunachar sonraí lárnach na feidhmeanna faoin Airteagal seo. Cuirfidh ESMA an fhaisnéis a chomhroinntear tríd an mbunachar sonraí lárnach faoin Rialachán seo ar fáil d’aon údarás atá ábhartha chun críoch Rialachán (AE) Uimh. 909/2014 agus Rialachán (AE) [.../... maidir le críochnaitheacht socraíochta], i gcás inarb ábhartha nó inar gá chun a ndualgais a chomhlíonadh.’;

(b)cuirtear an méid seo a leanas in ionad mhír 2:

‘Déanfaidh CPLanna agus faighteoirí cláraithe an fhaisnéis agus na doiciméid uile, lena n‑áirítear iarratais, cinntí, moltaí, faisnéis, iarrataí, ceisteanna, freagraí agus fógraí, dá dtagraítear sa Rialachán seo, a uaslódáil chuig an mbunachar sonraí lárnach, i bhformáid leictreonach, mura sonraítear a mhalairt.

Seolfar admháil fála tríd an mbunachar sonraí lárnach laistigh de 2 lá oibre tar éis an fhaisnéis nó na doiciméid a chur isteach.

Áiritheoidh ESMA go gcumasófar sonraí taifeadta TML leis an mbunachar sonraí, lena n‑áirítear léamh sonraí ar an slabhra agus rochtain ar na sonraí sin.’;

(c) scriostar míreanna 3, 4, 5 agus 7;

(11)Leasaítear Airteagal 18 mar a leanas:

(a)cuirtear an méid seo a leanas in ionad mhír 1:

‘1. Gan dochar d’Airteagal 22a(6), laistigh de 30 lá féilire ó thíolacadh an fhógra dá dtagraítear in Airteagal 17(2), an dara fomhír, pointe (a), nó roimh dheireadh na tréimhse oiriúnaithe dá dtagraítear in Airteagal 22a(7), bunóidh údarás inniúil an CPL coláiste chun feidhmiú na gcúraimí dá dtagraítear in Airteagail 15, 17, 17a, 20, 21, 30, 31, 32, 35, 37, 41, 49 agus 51 a éascú. Is é ESMA (an ‘cathaoirleach’) a dhéanfaidh cathaoirleacht agus bainistiú ar an gcoláiste sin.’;

(b)i mír 2, cuirtear an méid seo a leanas in ionad phointe (a):

‘(a) ESMA’;

(c)i mír 4, cuirtear an méid seo a leanas in ionad an dara fomhír:

‘Cinnfidh an cathaoirleach dátaí chruinnithe an choláiste agus bunóidh sé clár oibre na gcruinnithe sin.’;

(d)i mír 5, an tríú fomhír, scriostar an abairt dheireanach;

(12)in Airteagal 20, cuirtear an méid seo a leanas in ionad mhíreanna 3 agus 4:

‘3. Sula ndéanfaidh údarás inniúil an CPL cinneadh údarú an CPL a tharraingt siar ina iomláine nó i bpáirt, lena n‑áirítear le haghaidh seirbhís imréitigh amháin nó níos mó nó gníomhaíocht imréitigh amháin nó níos mó in aicme amháin nó níos mó de dhíorthaigh, d'urrúis, d’ionstraimí airgeadais eile nó d’ionstraimí neamhairgeadais faoi mhír 1, déanfaidh sé ceann amháin de na céimeanna seo a leanas:

(a)i gcás CPL nach bhfuil chomh suntasach céanna, iarrfaidh sé, i gcomhréir le hAirteagal 17b, tuairim ESMA agus an choláiste dá dtagraítear in Airteagal 18 maidir leis an ngá atá le húdarú an CPL a tharraingt siar, go hiomlán nó go páirteach;

(b)i gcás CPL suntasach, rachaidh sé i gcomhairle le húdaráis ábhartha an CPL sin maidir leis an ngá atá le húdarú an CPL a tharraingt siar, go hiomlán nó go páirteach.

Ní bheidh feidhm ag an gcéad fhomhír i gcás ina bhfuil gá práinneach le cinneadh.

4. I gcás CPLanna nach bhfuil chomh suntasach céanna, féadfaidh ESMA, nó aon chomhalta den choláiste dá dtagraítear in Airteagal 18, agus i gcás CPLanna suntasacha, aon cheann de na húdaráis ábhartha, a iarraidh, tráth ar bith, go scrúdóidh údarás inniúil an CPL an bhfuil na coinníollacha faoinar deonaíodh an t‑údarú fós á gcomhlíonadh ag an CPL.’;

(13)in Airteagal 21(1), cuirtear an méid seo a leanas in ionad na foclaíochta réamhráití:

‘Déanfaidh údarás inniúil an CPL gach ceann de na nithe seo a leanas ar a laghad i ndáil le CPL:’;

(14)Leasaítear Airteagal 22 mar a leanas:

(a)cuirtear an méid seo a leanas in ionad an teidil:

‘Údaráis inniúla arna n‑ainmniú ag na Ballstáit’;

(b)cuirtear an méid seo a leanas in ionad mhír 1:

‘1. Ainmneoidh gach Ballstát údarás náisiúnta inniúil amháin nó níos mó chun na cúraimí agus na dualgais a leagtar síos faoin Rialachán seo a dhéanamh maidir le húdarú agus maoirseacht CPLanna ar lú a suntas agus atá bunaithe nó le bunú ar a chríoch agus maidir leis na feidhmeanna tacaíochta agus cúnaimh dá dtagraítear in Airteagal 23(3). Cuirfidh gach Ballstát an Coimisiún agus ESMA ar an eolas faoi sin.

I gcás ina n‑ainmneoidh Ballstát níos mó ná údarás náisiúnta inniúil amháin i gcomhréir leis an gcéad fhomhír, cinnfidh sé na róil faoi seach agus ainmneoidh sé údarás aonair a bheidh freagrach as comhar agus malartú faisnéise a chomhordú leis an gCoimisiún, le ESMA, le húdaráis inniúla na mBallstát eile, le ÚBE agus le comhaltaí ábhartha CEBC, i gcás ina dtagraítear go sonrach dó sin sa Rialachán seo.’;

(c)cuirtear an mhír 1a seo a leanas isteach:

‘1a. Gan dochar d’Airteagal 22a(1), féadfaidh Ballstát ESMA a ainmniú mar an t‑údarás inniúil le haghaidh CPLanna amháin nó níos mó ar lú a shuntas agus atá bunaithe ar a chríoch. I gcás ina bhfeidhmíonn sé an rogha sin, tabharfaidh an Ballstát fógra ina leith sin don Choimisiún, do ESMA agus don údarás náisiúnta inniúil tríd an mbunachar sonraí lárnach.’;

(d)cuirtear an méid seo a leanas in ionad mhír 2:

‘2. Áiritheoidh gach Ballstát go mbeidh na cumhachtaí maoirseachta agus imscrúdaitheacha is gá ag an údarás náisiúnta inniúil chun a fheidhmeanna a fheidhmiú.’;

(e)cuirtear an méid seo a leanas in ionad mhír 4:

‘4. Foilseoidh ESMA ar a shuíomh gréasáin liosta d’údaráis inniúla an CPL le haghaidh gach CPL, arna ainmniú i gcomhréir leis an Airteagal seo nó arna shainaithint i gcomhréir le hAirteagal 22a(1).’;

(15)cuirtear na hAirteagail 22a go 22e seo a leanas isteach:

‘Airteagal 22a

Údarás inniúil na CPLanna suntasacha

1.Beidh ESMA ina údarás inniúil le haghaidh an CPL ar CPLanna suntasacha agus déanfaidh sé na cúraimí maoirseachta agus na dualgais mhaoirseachta a leagtar síos sa Rialachán seo maidir lena n‑údarú agus lena maoirseacht.

2.Measfar CPL a bheith suntasach i gcás ina gcomhlíonann sé ceann amháin ar a laghad de na coinníollacha seo a leanas:

(a)is mó ná EUR 100 billiún meánleas oscailte na n‑idirbheart urrús, lena n‑áirítear idirbhearta um maoiniú urrús, díorthaigh arna dtrádáil ar an malartán nó ionstraimí neamhairgeadais arna n‑imréiteach ag an CPL i gcaitheamh thréimhse bliana roimh an measúnú;

(b)is mó ná EUR 500 billiún oll-luach meánach barúlach gan íoc na n‑idirbheart díorthach thar an gcuntar arna n‑imréiteach ag an CPL i gcaitheamh thréimhse bliana roimh an measúnú;

(c)is mó ná EUR 25 bhilliún an meáncheanglas corrlaigh tosaigh comhiomlánaithe agus na ranníocaíochtaí ciste mainneachtana le haghaidh cuntais atá i seilbh chomhaltaí imréitigh an CPL, arna ríomh ar bhonn glan ar leibhéal chuntas an chomhalta imréitigh, i gcaitheamh thréimhse bliana roimh an measúnú;

(d)baineann sé leis an ngrúpa céanna le haon cheann díobh seo a leanas:

(i) CPL atá údaraithe faoi Airteagal 14 nó CPL Leibhéal 2;

(ii) TLU nó ionad trádála arb é ESMA an t‑údarás inniúil ina leith.

(e)tá ESMA ainmnithe ag an mBallstát ina bhfuil an CPL bunaithe mar údarás inniúil an CPL i gcomhréir le mír 1a d’Airteagal 22, i gcás ina bhfuil feidhm ag an ainmniú sin maidir leis an CPL sin.

Cinnfidh ESMA ar cé acu an gcomhlíonann nó nach gcomhlíonann CPL na coinníollacha chun cáiliú mar CPL suntasach i gcomhréir leis an Airteagal seo.

3.Déanfaidh ESMA measúnú, gach 12 mhí ar a laghad, ar cé acu a chomhlíonann nó nach gcomhlíonann aon CPL údaraithe ceann amháin ar a laghad de na coinníollacha a leagtar amach i mír 2.

4.I gcás ina gcinnfidh ESMA go gcomhlíonann CPL arna údarú faoi Airteagal 14 den Rialachán seo ceann amháin ar a laghad de na coinníollacha a leagtar síos i mír 2 den Airteagal seo, cáileoidh an CPL sin mar chontrapháirtí lárnach suntasach. I gcás nach ndéanann ESMA maoirseacht ar an CPL go fóill, féadfaidh ESMA tréimhse oiriúnaithe fhéideartha a shocrú nach rachaidh thar 6 mhí, agus ina dhiaidh sin déanfaidh ESMA maoirseacht ar an CPL.

5.Tabharfaidh ESMA fógra don CPL lena mbaineann, dá údarás náisiúnta inniúil, do na húdaráis ábhartha, do BCE, i gcás ina n‑imréitíonn CPL ionstraimí airgeadais agus neamhairgeadais atá ainmnithe in euro, agus do bhainc cheannais eisiúna na n‑airgeadraí eile is ábhartha den Aontas, i gcás ina n‑imréitíonn CPL ionstraimí airgeadais agus neamhairgeadais atá ainmnithe in airgeadra seachas an euro, faoi thoradh an chinnidh agus faoi aon tréimhse oiriúnaithe dá dtagraítear i mír 4 laistigh de 2 lá oibre ó dháta an chinnidh sin.

6.Sula ndéanfaidh duine dlítheanach atá bunaithe san Aontas iarratas ar údarú i gcomhréir le hAirteagal 17, iarrfaidh sé ar ESMA tríd an mbunachar sonraí lárnach a chinneadh cé acu an chomhlíonann nó nach gcomhlíonann sé aon cheann de na coinníollacha a leagtar síos i mír 2 den Airteagal seo.

Féadfaidh ESMA tuilleadh faisnéise a iarraidh ar an duine dlítheanach sin chun na críche sin. Soláthróidh an duine dlítheanach an fhaisnéis arna hiarraidh laistigh den sprioc‑am arna leagan síos ag ESMA. Cinnfidh ESMA, laistigh de 20 lá oibre ón bhfaisnéis ábhartha uile a fháil, cé acu an gcomhlíonann nó nach gcomhlíonann an duine dlítheanach sin aon cheann de na coinníollacha dá dtagraítear sa chéad fhomhír.

I gcás ina gcinnfidh ESMA go gcomhlíonann an duine dlítheanach ceann amháin ar a laghad de na coinníollacha a leagtar síos i mír 2 den Airteagal seo, cáileoidh an duine dlítheanach sin mar dhuine suntasach agus déanfaidh ESMA maoirseacht air, agus beidh sé freagrach as údarú an eintitis sin i gcomhréir le hAirteagal 17.

I gcás inar chinn ESMA nach gcomhlíonann an duine dlítheanach aon cheann de na coinníollacha a leagtar síos i mír 2 den Airteagal seo, cáileoidh sé mar dhuine nach bhfuil chomh suntasach céanna agus déanfaidh údaráis náisiúnta inniúla an Bhallstáit, dá dtagraítear in Airteagal 22(1), ina bhfuil an duine dlítheanach bunaithe, maoirseacht air. Beidh na húdaráis náisiúnta inniúla sin freagrach as an CPL a údarú i gcomhréir le hAirteagal 17. Cuirfidh ESMA, tríd an mbunachar sonraí lárnach, an duine dlítheanach, údarás náisiúnta inniúil an Bhallstáit ina bhfuil an duine dlítheanach bunaithe agus BCE i gcás ina bhfuil sé beartaithe ag an eintiteas dlítheanach ionstraimí airgeadais agus neamhairgeadais atá ainmnithe in euro, nó bainc cheannais eisiúna na n‑airgeadraí is ábhartha den Aontas, seachas an euro, na n‑ionstraimí airgeadais agus neamhairgeadais a bhfuil sé beartaithe ag an duine dlítheanach a imréiteach, ar an eolas faoi thoradh a chinnidh laistigh de 2 lá oibre ó dháta an chinnidh sin.

7.I gcás ina gcinnfidh ESMA nár chomhlíon CPL a cinneadh roimhe sin a bheith suntasach aon cheann de na coinníollacha a leagtar amach i mír 2 le 36 mhí anuas, cinnfidh sé nach gcáileoidh an CPL a thuilleadh mar CPL suntasach. Tabharfaidh ESMA fógra láithreach don CPL lena mbaineann, dá údaráis náisiúnta inniúla, do BCE, i gcás ina n‑imréitíonn CPL ionstraimí airgeadais agus neamhairgeadais atá ainmnithe in euro, agus do bhainc cheannais eisiúna na n‑airgeadraí eile is ábhartha den Aontas, i gcás ina n‑imréitíonn CPL ionstraimí airgeadais agus neamhairgeadais atá ainmnithe in airgeadra seachas an euro, faoin gcinneadh sin. Beidh éifeacht leis an gcinneadh sin tar éis tréimhse oiriúnaithe a bheidh le cinneadh ag ESMA, ar tréimhse í nach rachaidh thar 24 mhí. Bunóidh an t‑údarás náisiúnta inniúil coláiste de bhun Airteagal 18 roimh dheireadh na tréimhse oiriúnaithe.

8.Déanfaidh ESMA, gan moill mhíchuí, liosta na CPLanna suntasacha a bhunú agus a fhoilsiú ar a shuíomh gréasáin agus coinneoidh sé cothrom le dáta é.

9.Gearrfaidh ESMA táillí ar CPLanna suntasacha as a chúraimí maoirseachta agus a dhualgais mhaoirseachta a leagtar síos sa Rialachán seo a dhéanamh maidir le CPLanna suntasacha a údarú agus maoirseacht a dhéanamh orthu agus i gcomhréir leis an ngníomh tarmligthe arna ghlacadh de bhun mhír 10.

10.Tabharfar de chumhacht don Choimisiún gníomh tarmligthe a ghlacadh i gcomhréir le hAirteagal 82 chun an Rialachán seo a fhorlíonadh trí na táillí dá dtagraítear i mír 9 a shonrú, tríd an méid seo a leanas a leagan amach:

(a)na cineálacha táillí;

(b)na hábhair a bhfuil táillí dlite ina leith;

(c)an modh a ríomhtar na dtáillí; agus

(d)an bealach ar a n‑íocfar táillí.

Airteagal 22b

Forálacha sonracha maidir le CPLanna suntasacha

1.De mhaolú ar Airteagal 18, ní bhunófar aon choláiste do CPLanna suntasacha. Más rud é, i gcás CPL a thagann chun bheith suntasach, gur bunaíodh coláiste de bhun Airteagal 18, déanfar an coláiste sin a dhíscaoileadh ar a dhéanaí laistigh de bhliain tar éis don CPL cáiliú mar CPL suntasach.

I ndáil le CPL suntasach, beidh feidhm ag na nósanna imeachta dá dtagraítear in Airteagail 7e, 15a, 17, 17a, 17c, 20, 21, 24, 30, 31, 32, 35, 37, 41 agus 49 gan an coláiste a áireamh.

2.De mhaolú ar Airteagail 6a, 6b, 17, 17a, 17c, 20, 21, 24, 28, 29, 31, 32, 35, 38, 41, 48, 49 agus 49a, ní bheidh feidhm maidir le CPLanna suntasacha ag aon cheanglas ar CPL nó ar údarás inniúil CPL idirghníomhú le ESMA nó ESMA chun idirghníomhú le CPL nó le húdarás inniúil CPL dá dtagraítear sna hAirteagail sin.

3.Ní bheidh feidhm ag Airteagal 17b maidir le CPLanna suntasacha.

Airteagal 22c

Cumhachtaí ESMA ar CPLanna suntasacha faoin Rialachán seo

1.Beidh ESMA freagrach as a dhualgais a chur i gcrích faoin Rialachán seo maidir le CPLanna suntasacha a údarú agus a mhaoirsiú.

2.Áiritheoidh ESMA ar bhonn leanúnach go gcomhlíonfaidh CPLanna suntasacha Airteagail 7, Airteagal 7e, Airteagal 8, Airteagail 14 go 17c, Airteagal 20, Airteagal 21, agus Airteagal 24 agus Teidil IV agus V.

3.Tabharfar na cumhachtaí is gá do ESMA chun a fheidhmeanna a fheidhmiú ar CPLanna suntasacha faoin Rialachán seo agus faoi Rialachán (AE) Uimh. 1095/2010.

Bainfidh ESMA úsáid as na cumhachtaí sin, ar CPLanna suntasacha agus i gcás ina sonraítear sin faoin Rialachán seo, ar pháirtithe gaolmhara, lena n‑áirítear chun an méid seo a leanas a dhéanamh:

(a)maoirseacht a dhéanamh ar chomhlíonadh na gceanglas a leagtar síos sa Rialachán seo ag na CPLanna suntasacha;

(b)cinntí a ghlacadh agus measúnuithe maoirseachta a dhéanamh agus bearta a dhéanamh i ndáil le hAirteagail 7, Airteagal 7e, Airteagal 8, Airteagail 14 go 17c, Airteagal 20, Airteagal 21, Airteagal 24 agus Teidil IV agus V;

(c)a iarraidh ar CPLanna suntasacha, agus ar thríú páirtithe gaolmhara a ndearna na CPLanna sin feidhmeanna nó gníomhaíochtaí oibríochtúla a sheachfhoinsiú chucu, an fhaisnéis nó na sonraí ábhartha uile a sholáthar, laistigh den teorainn ama dá bhforáiltear san iarraidh, chun é a chur ar a chumas do ESMA faireachán a dhéanamh ar sholáthar seirbhísí agus gníomhaíochtaí imréitigh na CPLanna sin agus cúraimí agus dualgais ESMA a dhéanamh faoin Rialachán seo. Déanfaidh faighteoir iarrata den sórt sin an fhaisnéis uile arna hiarraidh ag ESMA a sholáthar do ESMA laistigh den teorainn ama arna soláthar. Féadfaidh an iarraidh ar fhaisnéis a bheith de chineál tréimhsiúil nó aonuaire;

(d)féadfaidh sé ceangal a chur ar iniúchóirí CPLanna suntasacha faisnéis nó sonraí a sholáthar;

(e)cinneadh a ghlacadh lena bhforchuirtear fíneálacha, i gcás ina ndearna CPL suntasach ceann de na sáruithe a liostaítear in Iarscríbhinn V, d’aon ghnó nó le faillí. Beidh fíneálacha den sórt sin suas le dhá oiread mhéid na mbrabús a gnóthaíodh nó na gcaillteanas a seachnaíodh mar gheall ar an sárú i gcás inar féidir iad sin a chinneadh, nó suas le 10 % de láimhdeachas bliantúil iomlán duine dhlítheanaigh sa bhliain ghnó roimhe sin agus inar féidir fachtóirí géaraitheacha nó maolaithe a chur san áireamh i gcomhréir leis na comhéifeachtaí ábhartha a leagtar amach in Iarscríbhinn IV;

(f)cinneadh a ghlacadh lena gceanglófar ar CPL suntasach deireadh a chur le sárú a liostaítear in Iarscríbhinn V.

4.Ina theannta sin, chun a chúraimí a dhéanamh maidir le CPLanna suntasacha, beidh na cumhachtaí ag ESMA na bearta sealadacha a leagtar amach sa dara fomhír a dhéanamh in aon cheann de na himthosca seo a leanas:

(a)tá fianaise faighte ag ESMA a thugann le fios go sáraíonn an t‑eintiteas na ceanglais lena rialaítear a chuid oibríochtaí, nó gur dócha go sáróidh sé iad, laistigh de na 3 mhí atá le teacht;

(b)Tá fianaise ag ESMA nach n‑áirithítear leis na socruithe, na straitéisí, na próisis agus na sásraí arna gcur chun feidhme ag an eintiteas go ndéanfar a rioscaí a bhainistiú agus a chumhdach ar bhealach fónta.

Chun críocha na chéad fhomhíre, beidh na cumhachtaí ag ESMA, go háirithe, na bearta sealadacha seo a leanas a dhéanamh:

(a)a cheangal go ndéanfar socruithe, próisis, sásraí agus straitéisí an eintitis a choigeartú i gceart chun bainistíocht agus cumhdach fónta a rioscaí a áirithiú;

(b)ceangal a chur ar an CPL suntasach cruinniú dá scairshealbhóirí a thionól nó, mura gcomhlíonann an CPL suntasach an ceanglas sin, an cruinniú a chomóradh é féin. Sa dá chás, socróidh ESMA an clár oibre, lena n‑áirítear na cinntí a bheidh le meas lena nglacadh ag na scairshealbhóirí;

(c)ceangal a chur ar eintitis plean a chur i láthair chun comhlíonadh na gceanglas maoirseachta a athbhunú agus sprioc‑am a leagan síos dá chur chun feidhme, lena n‑áirítear feabhsuithe ar raon feidhme agus sprioc‑am an phlean sin;

(d)gnó, oibríochtaí nó líonra an eintitis a shrianadh nó a theorannú, nó dífheistiú gníomhaíochtaí lena mbaineann rioscaí iomarcacha dá fhóntacht a iarraidh;

(e)ceangal a chur ar an CPL maolú a dhéanamh ar an riosca a bhaineann leis an sárú nó leis an sárú dóchúil ar na ceanglais faoin Rialachán seo agus ar na rioscaí bunúsacha gaolmhara i ngníomhaíochtaí, i dtáirgí agus i gcórais an eintitis;

(f)ceanglais tuairiscithe bhreise nó níos minice a fhorchur;

(g)nochtaí breise a cheangal;

(h)a cheangal go gcuirfear comhaltaí ar fionraí ó chomhlacht bainistíochta na n‑eintiteas nach gcomhlíonann na ceanglais lena rialaítear a n‑oibríochtaí a leagtar amach sa Rialachán seo.

Luafar i gcinntí ESMA na cúiseanna ar a bhfuil siad bunaithe.

5.Diúltóidh ESMA ceapachán an duine nó na ndaoine dá dtagraítear in Airteagal 27 nó tarraingeoidh sé siar é ina dhiaidh sin mura deimhin leis go bhfuil dea‑cháil leordhóthanach ar an duine, nó má tá foras oibiachtúil agus inléirithe ann lena chreidiúint go mbeadh an ceapachán nó na hathruithe atá beartaithe ina mbagairt ar bhainistíocht fhónta stuama an eintitis, ar bhreithniú leordhóthanach ar leas na gcliant agus ar shláine an mhargaidh.

6.Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 82 chun liosta na sáruithe faoi Iarscríbhinn V a leasú i gcás inar gá sin chun leasuithe ar na ceanglais ar CPLanna faoin Rialachán seo a chur san áireamh agus go háirithe mar a leagtar síos in Airteagal 7, Airteagal 9, Airteagal 16 agus Teidil IV agus V nó i gcás inar gá sin chun a áirithiú go gcomhfhreagraíonn na sáruithe faoi Iarscríbhinn III do na ceanglais faoin Rialachán seo agus go háirithe mar a leagtar síos in Airteagal 7, Airteagal 9, Airteagal 16 agus Teidil IV agus V.

Airteagal 22d

Údaráis ábhartha le haghaidh CPLanna suntasacha

Beidh na heintitis seo a leanas rannpháirteach in údarú agus i maoirseacht arna ndéanamh ag údarás inniúil CPL shuntasaigh agus tagrófar dóibh mar údaráis ábhartha le haghaidh CPL den sórt sin:

(a)údarás náisiúnta inniúil an Bhallstáit ina bhfuil an CPL suntasach bunaithe;

(b)na húdaráis inniúla atá freagrach as maoirseacht a dhéanamh ar chomhaltaí imréitigh an CPL shuntasaigh, atá bunaithe sna trí Bhallstát a dhéanann na ranníocaíochtaí is mó leis an gciste mainneachtana dá dtagraítear in Airteagal 42 den Rialachán seo ar bhonn comhiomlán thar thréimhse bliana, lena n‑áirítear, i gcás inarb ábhartha, BCE faoi chuimsiú na gcúraimí a bhaineann le maoirseacht stuamachta ar institiúidí creidmheasa laistigh den sásra maoirseachta aonair a thugtar dó i gcomhréir le Rialachán (AE) Uimh. 1024/2013 ón gComhairle;

(c)na húdaráis inniúla atá freagrach as maoirseacht a dhéanamh ar ionaid trádála a bhfreastalaíonn an CPL suntasach orthu;

(d)na húdaráis inniúla a dhéanann maoirseacht ar thaisclanna lárnacha urrús a bhfuil an CPL suntasach nasctha leo;

(e)BCE i gcás ina n‑imréitíonn an CPL suntasach ionstraimí airgeadais agus neamhairgeadais atá ainmnithe in euro nó i gcás ina bhfuil sé ar intinn aige na hionstraimí sin a imréiteach;

(f)bainc cheannais eisiúna na n‑airgeadraí is ábhartha de chuid an Aontais seachas an euro, na n‑ionstraimí airgeadais agus neamhairgeadais a imréitíonn an CPL suntasach nó atá le himréiteach aige.

Airteagal 22e

Comhairliúchán le bainc cheannais eisiúna maidir le CPLanna suntasacha

1.Maidir le measúnuithe maoirseachta a dhéantar de bhun Airteagail 41, 44, 46, 49, 50 agus 54, agus cinntí atá le déanamh dá mbun, i ndáil le CPLanna suntasacha, rachaidh an Bord Feidhmiúcháin i gcomhairle leis na bainc cheannais eisiúna dá dtagraítear in Airteagal 22d, pointí (e) agus (f), sula gcuirfidh sé bailchríoch ar a mheasúnú. Féadfaidh gach banc ceannais eisiúna freagra a thabhairt. I gcás ina gcinnfidh an banc ceannais eisiúna freagra a thabhairt, tabharfaidh sé freagra laistigh de 10 lá oibre ón dréachtchinneadh a fháil. I gcásanna éigeandála, ní rachaidh an tréimhse sin thar 24 uair an chloig. I gcás ina molfaidh banc ceannais eisiúna leasuithe ar mheasúnuithe nó ina gcuirfidh sé i gcoinne measúnuithe nó dréachtchinntí de bhun Airteagail 41, 44, 46, 49, 50 agus 54, soláthróidh sé cúiseanna iomlána mionsonraithe leis sin, i scríbhinn. Nuair a chríochnaíonn an tréimhse chomhairliúcháin, breithneoidh an Bord Feidhmiúcháin go cuí an freagra agus aon leasuithe arna moladh ag na bainc cheannais eisiúna agus soláthróidh sé a mheasúnú don bhanc ceannais eisiúna.

2.I gcás nach léiríonn an Bord Feidhmiúcháin ina chinneadh na leasuithe arna moladh ag banc ceannais eisiúna, cuirfidh an Bord Feidhmiúcháin an banc ceannais eisiúna sin ar an eolas i scríbhinn agus luafaidh sé na cúiseanna iomlána atá aige gan na leasuithe arna moladh ag an mbanc ceannais eisiúna sin a chur san áireamh, agus tabharfaidh sé míniú ar aon diall ó na leasuithe sin.’;

(16)in Airteagal 23, cuirtear mír 3 seo a leanas isteach:

‘3. I gcás gach CPL shuntasaigh, bunóidh ESMA agus na húdaráis ábhartha socruithe comhair mar a leagtar síos in Airteagal 8a de Rialachán (AE) Uimh. 1095/2010, lena n‑áirítear i ndáil le maoirseacht dhíreach ESMA ar an CPL. Léireofar sna socruithe sin dáileadh na n‑inniúlachtaí agus na bhfreagrachtaí de bhun an Rialacháin seo agus leagfar amach iontu módúlachtaí praiticiúla comhair i bhfianaise ESMA a bheith ag feidhmiú a inniúlachtaí agus a fhreagrachtaí maidir le CPLanna suntasacha. Go háirithe, féadfaidh socruithe den sórt sin tacaíocht agus cúnamh ó na húdaráis ábhartha a chumhdach, de réir mar is ábhartha, i leith na nithe uile seo a leanas:

(a)cúraimí maoirseachta a dhéanamh ar CPL suntasach, lena n‑áirítear imscrúduithe agus cigireachtaí ar an láthair;

(b)cinntí, tuarascálacha nó bearta eile a ullmhú faoin Rialachán seo i ndáil leis an CPL suntasach, lena n‑áirítear i gcás ina sonraítear sin faoi Airteagail 14, 15, 17, 17a, 20, 21, 24, 30, 31, 32, 35, 37, 41, 49, 49a agus 51;

(c)aon chúram maoirseachta chun cobhsaíocht airgeadais a áirithiú agus faireachán a dhéanamh ar athléimneacht oibríochtúil agus iompar margaidh an CPL shuntasaigh, lena n‑áirítear tástáil struis;

(d)aghaidh a thabhairt ar chásanna éigeandála i ndáil leis an CPL suntasach.’;

(17)Leasaítear Airteagal 23a mar a leanas:

(a)cuirtear an méid seo a leanas in ionad an teidil:

‘Comhar maoirseachta idir údaráis náisiúnta inniúla agus ESMA maidir le CPLanna nach bhfuil chomh suntasach céanna’;

(b)cuirtear an méid seo a leanas in ionad mhír 2:

‘2. Cuirfidh na húdaráis inniúla a ndréachtchinntí, a dtuarascálacha nó a mbearta eile faoi bhráid ESMA chun a thuairim a fháil sula nglacfaidh siad aon ghníomh nó beart a dhéantar de bhun Airteagail 7, 8 agus 14, Airteagal 15(1), an dara fomhír, Airteagal 21, Airteagail 29 go 33, agus Airteagail 35, 36, 37, 41 agus, seachas i gcás ina bhfuil géarghá le cinneadh, de bhun Airteagal 20.

Féadfaidh údaráis inniúla dréachtchinntí a chur faoi bhráid ESMA freisin chun a thuairim a fháil sula nglacfaidh siad aon ghníomh nó beart eile i gcomhréir lena ndualgais faoi Airteagal 22(1). Aon tuairim, aon chinneadh, aon ionchur, aon bhailíochtú nó aon bheart eile a dhéanann ESMA, déanfar é i gcomhréir le hAirteagal 46a de Rialachán (AE) Uimh. 1095/2010.’;

(18)Leasaítear Airteagal 24 mar a leanas:

(a)i mír 1, cuirtear an méid seo a leanas in ionad na foclaíochta tosaigh:

‘Aon údarás dá dtagraítear sa Rialachán seo a thagann ar an eolas faoi aon staid éigeandála a bhaineann le CPL, cuirfidh sé údarás inniúil an CPL, ESMA, an coláiste dá dtagraítear in Airteagal 18, comhaltaí ábhartha CEBC, an Coimisiún agus údaráis ábhartha na CPLanna suntasacha ar an eolas gan moill mhíchuí faoin staid éigeandála, lena n‑áirítear:’;

(b)cuirtear an méid seo a leanas in ionad mhíreanna 2 go 4:

‘2. I gcás éigeandála, cuirfear faisnéis ar fáil agus tabharfar cothrom le dáta í gan moill mhíchuí ionas go mbeidh comhaltaí an choláiste dá dtagraítear in Airteagal 18 nó údaráis ábhartha na CPLanna suntasacha, de réir mar is infheidhme, in ann anailís a dhéanamh ar thionchar na staide éigeandála sin go háirithe ar a gcomhaltaí imréitigh agus ar a gcliaint. Féadfaidh comhaltaí an choláiste dá dtagraítear in Airteagal 18 nó údaráis ábhartha na CPLanna suntasacha, de réir mar is infheidhme, an fhaisnéis a chur ar aghaidh chuig na comhlachtaí poiblí atá freagrach as cobhsaíocht airgeadais a margaí, faoi réir oibleagáid na rúndachta gairmiúla a leagtar amach in Airteagal 83. Beidh feidhm ag oibleagáid na rúndachta gairmiúla i gcomhréir le hAirteagal 83 maidir leis na comhlachtaí sin a fhaigheann an fhaisnéis sin.

3. I gcás staid éigeandála ag CPL amháin nó níos mó a bhfuil éifeachtaí díchobhsaitheacha aici nó ar dócha go mbeidh éifeachtaí díchobhsaitheacha aici ar mhargaí trasteorann, comhordóidh an Bord Feidhmiúcháin údaráis inniúla, na húdaráis réitigh arna n‑ainmniú de bhun Airteagal 3(1) de Rialachán (AE) 2021/23 agus na coláistí dá dtagraítear in Airteagal 18 den Rialachán seo nó údaráis ábhartha na CPLanna suntasacha, de réir mar is infheidhme, chun freagairt chomhordaithe a fhorbairt ar chásanna éigeandála a bhaineann le CPL agus chun comhroinnt éifeachtach faisnéise a áirithiú i measc na n‑údarás inniúil, na gcoláistí dá dtagraítear in Airteagal 18 den Rialachán seo agus na n‑údarás réitigh.

4. I gcás éigeandála, seachas i gcás ina bhfuil gníomhaíocht réitigh á déanamh nó déanta ag údarás réitigh i ndáil le CPL de bhun Airteagal 21 de Rialachán (AE) 2021/23, féadfar na cruinnithe ad hoc seo a leanas a thionól chun freagairtí na n‑údarás inniúil a chomhordú:

(a)cruinnithe ad hoc den Bhord Feidhmiúcháin, arna dtionól ag a Chathaoirleach ar a thionscnamh nó ar a tionscnamh féin nó arna iarraidh sin do bheirt chomhaltaí den Bhord Feidhmiúcháin nó den Bhord Maoirseoirí;

(b)cruinnithe ad hoc leis na húdaráis ábhartha le haghaidh CPLanna suntasacha, arna dtionól ag an mBord Feidhmiúcháin.;’

(c)leasaítear mír 5 mar a leanas:

(i)cuirtear an méid seo a leanas in ionad phointe (f):

‘(f) aon chomhalta den choláiste dá dtagraítear in Airteagal 18 nach gcumhdaítear cheana le pointí (a) go (d) den mhír seo;’

(ii)cuirtear isteach an pointe (g) seo a leanas:

‘aon cheann de na húdaráis ábhartha de chuid na CPLanna suntasacha, nach gcumhdaítear cheana féin le pointí (a) go (e).’;

(c) cuirtear an méid seo a leanas in ionad mhír 6:

‘6. I gcás ina dtionólfar cruinniú ad hoc de bhun mhír 4, cuirfidh an Bord Feidhmiúcháin ÚBE, ÚEÁPC, BERS, an Bord Réitigh Aonair arna bhunú faoi Rialachán (AE) Uimh. 806/2014 ó Pharlaimint na hEorpa agus ón gComhairle agus an Coimisiún ar an eolas faoi sin agus iarrfar orthu freisin páirt a ghlacadh sa chruinniú sin arna iarraidh sin dóibh.

I gcás ina dtionólfar cruinniú tar éis staid éigeandála mar a shonraítear i mír 1, pointe (c), iarrfaidh an Bord Feidhmiúcháin ar na bainc cheannais eisiúna ábhartha a bheith rannpháirteach sa chruinniú sin.’;

(d) cuirtear an méid seo a leanas in ionad mhír 8:

‘8. Féadfaidh ESMA moltaí a eisiúint de bhun Airteagal 16 de Rialachán (AE) Uimh. 1095/2010 a bheidh dírithe ar údarás inniúil amháin nó níos mó ina molfar dóibh cinntí maoirseachta sealadacha nó buana a ghlacadh i gcomhréir leis na ceanglais a leagtar amach in Airteagal 16 agus i dTeideal IV agus Teideal V den Rialachán seo chun éifeachtaí díobhálacha suntasacha ar chobhsaíocht airgeadais an Aontais a sheachaint nó a mhaolú. Ní fhéadfaidh ESMA moltaí den sórt sin a eisiúint ach amháin i gcás ina ndéantar difear do níos mó ná CPL amháin atá údaraithe i gcomhréir le hAirteagal 14 nó i gcás ina bhfuil teagmhais ar fud an Aontais ag díchobhsú margaí imréitithe trasteorann.’;

(19)i gCaibidil 3A, cuirtear an méid seo a leanas in ionad an teidil:

‘Cúraimí maoirseachta i ndáil le CPLanna’;

(20)Leasaítear Airteagal 24a mar a leanas:

(a)cuirtear an méid seo a leanas in ionad an teidil:

‘Cúraimí maoirseachta i ndáil le CPLanna’;

(b)cuirtear an méid seo a leanas in ionad mhír 1:

‘1. Déanfaidh ESMA i gcomhréir le hAirteagal 46a de Rialachán (AE) Uimh. 1095/2010 aon chinneadh agus déanfaidh sé aon chúram a chuirtear ar iontaoibh air faoin Rialachán seo, agus go háirithe mar a leagtar amach i míreanna 10 agus 11 den Airteagal seo.’;

(c)scriostar míreanna 2 go 6;

(d)leasaítear mír 7 mar a leanas:

(i)cuirtear an méid seo a leanas in ionad na foclaíochta réamhráití;

‘I ndáil le CPLanna, déanfaidh ESMA an méid seo a leanas:’;

(ii)scriostar pointí (a), (b), (ba);

(iii)cuirtear an méid seo a leanas in ionad phointe (bc):

‘(bc) i ndáil le CPLanna nach bhfuil chomh suntasach céanna, tuairimí a ghlacadh i gcomhréir le hAirteagail 17 agus 17b, bailíochtú a dhéanamh i gcomhréir le hAirteagal 49 agus cinntí a ghlacadh i gcomhréir le hAirteagal 49a agus, maidir le CPLanna suntasacha, aon chinneadh nó beart eile a dhéanamh i gcomhréir le hAirteagal 22c;’;

(iv) scriostar pointe (be);

(e)scriostar míreanna 8 agus 9;

(f)cuirtear an méid seo a leanas in ionad mhíreanna 10 agus 11:

‘10. Déanfaidh an Bord Feidhmiúcháin, i ndáil le CPLanna tríú tír, cinntí agus cuirfidh sé i gcrích na cúraimí a chuirtear ar iontaoibh ar ESMA in Airteagail 25, 25a, 25b, 25f go 25q agus 85(6).

11. Déanfaidh an Bord Feidhmiúcháin, i ndáil le CPLanna tríú tír, cláir oibre a chruinnithe a chomhroinnt leis an gcoláiste do CPLanna tríú tír dá dtagraítear in Airteagal 25c sula dtionólfar na cruinnithe sin, mar aon le miontuairiscí a chruinnithe, na dréachtchinntí iomlána a bhfuil sé beartaithe aige a ghlacadh agus na cinntí críochnaitheacha atá glactha aige’;

(g)scriostar míreanna 12 agus 13;

(21)in Airteagal 24b, cuirtear an méid seo a leanas in ionad mhíreanna 2 agus 3:

‘2. I gcás nach léireoidh an Bord Feidhmiúcháin ina chinneadh na leasuithe arna moladh ag banc ceannais eisiúna, cuirfidh an Bord Feidhmiúcháin an banc ceannais eisiúna sin ar an eolas i scríbhinn agus luafaidh sé na cúiseanna iomlána atá aige gan na leasuithe arna moladh ag an mbanc ceannais eisiúna sin a chur san áireamh, agus tabharfaidh sé míniú ar aon diall ó na leasuithe sin.

3. Maidir le cinntí atá le déanamh de bhun Airteagail 25(2c) agus 85(6), lorgóidh an Bord Feidhmiúcháin comhaontú na mbanc ceannais eisiúna dá dtagraítear in Airteagal 25(3), pointe (f), maidir le hábhair a bhaineann leis na hairgeadraí a eisíonn siad. Measfar comhaontú gach bainc ceannais eisiúna a bheith tugtha, mura molfaidh an banc ceannais eisiúna leasuithe nó mura gcuirfidh sé ina choinne laistigh de 10 lá oibre ón tráth a tharchuirfear an dréachtchinneadh. I gcás ina molfaidh banc ceannais eisiúna leasuithe ar dhréachtchinneadh nó ina gcuirfidh sé ina choinne, soláthróidh sé cúiseanna iomlána mionsonraithe leis sin, i scríbhinn. I gcás ina molann banc ceannais eisiúna leasuithe i ndáil le hábhair a bhaineann leis an airgeadra a eisíonn sé, leasófar an cinneadh i ndáil leis na hábhair sin. I gcás ina ndéanfaidh banc ceannais eisiúna agóid in aghaidh nithe a bhaineann leis an airgeadra a eisíonn sé, ní chumhdófar na nithe sin sa chinneadh.’;

(22)Scriostar Airteagal 24c;

(23)Cuirtear an méid seo a leanas in ionad Airteagal 24d:

‘Airteagal 24d

Cinnteoireacht laistigh den Bhord Feidhmiúcháin i ndáil le CPLanna tríú tír

I gcás ina ndéanfaidh an Bord Feidhmiúcháin cinntí nó bearta eile de bhun Airteagail 25(2), 25(2a), 25(2b), 25(2c), 25(5), 25p, 85(6), 89(3b) agus, i gcás CPLanna Leibhéal 2, i gcomhréir freisin le hAirteagail 25a, 25b, 25f go 25o, 25q, 41, 44, 46, 50 agus 54, déanfaidh an Bord Feidhmiúcháin na cinntí agus na bearta sin laistigh de 10 lá oibre.

I gcás ina ndéanfaidh an Bord Feidhmiúcháin cinntí nó bearta eile de bhun Airteagail seachas na hAirteagail sin dá dtagraítear sa chéad fhomhír, lena n‑áirítear Airteagal 22c, déanfaidh sé na cinntí agus na bearta sin laistigh de 3 lá oibre.’;

(24)Scriostar Airteagal 24e;

(25)Leasaítear Airteagal 25c mar a leanas:

(a)i mír 2, cuirtear an méid seo a leanas in ionad phointe (a):

‘(a) Cathaoirleach an Bhoird Feidhmiúcháin, a bheidh ina chathaoirleach ar an gcoláiste’;

(b)i mír 2, scriostar pointe (b);

(c)cuirtear an méid seo a leanas in ionad mhír 3;

‘3. Féadfaidh comhaltaí an choláiste a iarraidh go bpléifidh an Bord Feidhmiúcháin ábhair shonracha i ndáil le CPL atá bunaithe i dtríú tír. Déanfar an iarraidh sin i scríbhinn agus áireofar inti réasúnaíocht mhionsonraithe maidir leis an iarraidh. Breithneoidh an Bord Feidhmiúcháin iarrataí den sórt sin go cuí agus soláthróidh sé freagra iomchuí.’;

(26)Leasaítear Airteagal 54 mar a leanas:

(a)cuirtear an méid seo a leanas in ionad mhír 1, mhír 2 agus mhír 3:

‘1. Beidh socrú idir‑inoibritheachta, nó aon athrú ábhartha ar shocrú idir‑inoibritheachta formheasta faoi Theideal V, faoi réir formheas a fháil roimh ré ó ESMA.

2. Ní thabharfaidh ESMA formheas don socrú idir‑inoibritheachta ach amháin i gcás inar údaraíodh na CPLanna lena mbaineann imréiteach a dhéanamh faoi Airteagal 17 nó inar aithníodh iad faoi Airteagal 25 nó inar údaraíodh iad faoi chóras údarúcháin náisiúnta a bhí ann cheana ar feadh tréimhse trí bliana ar a laghad, i gcás ina gcomhlíontar na ceanglais a leagtar síos in Airteagal 52 agus ina gceadaítear leis na coinníollacha teicniúla maidir le hidirbhearta a imréiteach faoi théarmaí an tsocraithe feidhmiú rianúil ordúil na margaí airgeadais agus nach ndéanann an socrú dochar d’éifeachtacht na maoirseachta.

3. I gcás ina measfaidh ESMA nach gcomhlíontar na ceanglais a leagtar síos i mír 2, soláthróidh sé mínithe i scríbhinn maidir lena bhreithnithe riosca do na húdaráis inniúla eile agus do na CPLanna atá rannpháirteach.’;

(b)scriostar mír 4;

(c)i mír 5, cuirtear an méid seo a leanas in ionad na chéad fhomhíre:

‘Déanfaidh ESMA, tar éis dó dul i gcomhairle le comhaltaí CEBC agus BERS, dréachtchaighdeáin theicniúla rialála a fhorbairt chun sonrú breise a dhéanamh ar na ceanglais atá ar CPLanna na rioscaí a eascraíonn as socruithe idir‑inoibritheachta a bhainistiú go leordhóthanach. Chun na críche sin, déanfaidh ESMA measúnú i dtaobh cé acu an bhfuil nó nach bhfuil na forálacha a áirítear ann iomchuí i gcás socruithe idir‑inoibritheachta lena gcumhdaítear gach cineál táirge nó conartha, lena n‑áirítear conarthaí díorthacha agus ionstraimí neamhairgeadais.’;

(27)Scriostar Airteagail 60 go 63;

(28)Cuirtear an méid seo a leanas in ionad Airteagal 64:

‘Airteagal 64

Bearta maoirseachta

Más rud é, agus a dhualgais faoin Rialachán seo á ndéanamh aige, go bhfaigheann ESMA amach go bhfuil tásca tromchúiseacha ann a léiríonn go bhféadfadh sé gurb ann d’fhíorais a léireodh ceann amháin nó níos mó de na sáruithe a liostaítear in Iarscríbhinn I, déanfaidh ESMA bearta i gcomhréir le hAirteagal 39e de Rialachán (AE) Uimh. 1095/2010.’;

(29)in Airteagal 65, cuirtear an méid seo a leanas in ionad mhír 1:

‘1. I gcás ina gcinnfidh ESMA go ndearna stór trádála, d’aon ghnó nó le faillí, ceann de na sáruithe a liostaítear in Iarscríbhinn I, déanfaidh sé bearta i gcomhréir le hAirteagal 39f de Rialachán (AE) Uimh. 1095/2010 trí chinneadh a ghlacadh lena bhforchuirfear fíneáil i gcomhréir le mír 2 den Airteagal seo agus le Rialachán (AE) Uimh. 1095/2010.’;

(30)Scriostar Airteagail 66 go 69;

(31)in Airteagal 72, cuirtear an méid seo a leanas in ionad mhíreanna 1 agus 2:

‘1. Gearrfaidh ESMA táillí ar na stórtha trádála i gcomhréir leis an Rialachán seo, le hAirteagal 39n de Rialachán (AE) Uimh. 1095/2010 agus i gcomhréir leis na gníomhartha tarmligthe arna nglacadh de bhun mhír 3.

2. Beidh méid aon táille a ghearrfar ar stór trádála comhréireach le láimhdeachas an stóir trádála lena mbaineann agus leis an gcineál clárúcháin agus maoirseachta a fheidhmeoidh ESMA.’;

(32)Cuirtear an méid seo a leanas in ionad Airteagal 73:

‘Airteagal 73

Bearta maoirseachta á ndéanamh ag ESMA

I gcás ina gcinnfidh ESMA go ndearna stór trádála ceann de na sáruithe a liostaítear in Iarscríbhinn I, déanfaidh sé ceann amháin nó níos mó de na cinntí a luaitear in Airteagal 39h de Rialachán (AE) Uimh. 1095/2010.’;

(33)in Airteagal 74(1), cuirtear an méid seo a leanas in ionad an dara habairt:

‘Féadfar a áireamh ar na cúraimí maoirseachta sonracha sin, go háirithe, an chumhacht chun iarrataí ar fhaisnéis a dhéanamh agus imscrúduithe agus cigireachtaí ar an láthair a dhéanamh i gcomhréir le hAirteagail 39b go 39d de Rialachán (AE) Uimh. 1095/2010.’;

(34)Leasaítear Airteagal 82 mar a leanas:

(a)cuirtear an mhír 2a seo a leanas isteach:

‘2a. Déanfar an chumhacht chun gníomhartha tarmligthe a ghlacadh dá dtagraítear in Airteagal 22a(10) agus Airteagal 22c(6) a thabhairt don Choimisiún go ceann tréimhse neamhchinntithe ama amhail ón [Oifig na bhFoilseachán: cuir isteach an dáta = dáta theacht i bhfeidhm an Rialacháin leasaithigh seo].’;

(b)cuirtear an méid seo a leanas in ionad mhír 3:

‘3. Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 1(6), Airteagal 3(5), Airteagal 4(3a), Airteagal 7a(7), Airteagal 11(3a), Airteagal 11(12a), Airteagal 22a(10), Airteagal 22c(6), Airteagal 25(2a), Airteagal 25(6a), Airteagal 25a(3), Airteagal 25d(3), Airteagal 25i(7), Airteagal 25o, Airteagal 70 agus Airteagal 72(3) a chúlghairm tráth ar bith. Le cinneadh chun cúlghairm a dhéanamh, cuirfear deireadh le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sin difear do bhailíocht aon ghníomhartha tarmligthe atá i bhfeidhm cheana féin.’;

(c)cuirtear an méid a leanas in ionad mhír 6:

‘6. Ní thiocfaidh gníomh tarmligthe a ghlactar de bhun Airteagal 1(6), Airteagal 3(5), Airteagal 4(3a), Airteagal 7a(7), Airteagal 11(3a), Airteagal 11(12a), Airteagal 22a(10), Airteagal 22c(6), Airteagal 25(2a), Airteagal 25(6a), Airteagal 25a(3), Airteagal 25d(3), Airteagal 25i(7), Airteagal 25o, Airteagal 70 nó Airteagal 72(3) isteach ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse 3 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 3 mhí ar thionscnamh Pharlaimint na hEorpa nó na Comhairle.’;

(35)in Airteagal 84, cuirtear an méid seo a leanas in ionad mhíreanna 1 agus 2:

‘1. Déanfaidh na húdaráis inniúla, ESMA agus údaráis iomchuí eile, gan moill mhíchuí, an fhaisnéis a cheanglaítear chun a ndualgais a chomhlíonadh a sholáthar dá chéile.

2. Údaráis inniúla, ESMA, údaráis eile agus comhlachtaí eile nó daoine nádúrtha agus dlítheanacha a fhaigheann faisnéis rúnda i bhfeidhmiú a ndualgas faoin Rialachán seo, ní úsáidfidh siad í ach amháin le linn dóibh a ndualgais a chomhlíonadh.’;

(36)in Airteagal 88(1), cuirtear an méid seo a leanas in ionad phointe (c):

‘(c) CPLanna atá údaraithe chun seirbhísí nó gníomhaíochtaí a thairiscint san Aontas agus atá bunaithe san Aontas, agus na seirbhísí nó na gníomhaíochtaí a bhfuil siad údaraithe a sholáthar nó a dhéanamh, lena n‑áirítear aicmí na n‑ionstraimí airgeadais nó na n‑ionstraimí neamhairgeadais a chumhdaítear lena n‑údarú;’;

(37)in Airteagal 89, cuirtear an mhír 14 seo a leanas isteach:

‘14. Tar éis theacht i bhfeidhm na leasuithe ar Airteagal 24a, leanfaidh Cathaoirleach an Choiste Maoirseachta do CPLanna agus na comhaltaí neamhspleácha arna gceapadh i gcomhréir le Rialachán (AE) 2019/2099 de bheith ag rannchuidiú le hobair ESMA a bhaineann le maoirseacht agus rialáil CPLanna go dtí deireadh a dtéarma oifige nó go dtí go gcinnfidh siad éirí as go deonach, cibé dáta is túisce.’;

(38)Scriostar Airteagal 90;

(39)Leasaítear Iarscríbhinn II a ghabhann le Rialachán (AE) Uimh. 648/2012 i gcomhréir le hIarscríbhinn IV a ghabhann leis an Rialachán seo;

(40)Cuirtear Iarscríbhinn III a ghabhann leis an Rialachán seo in ionad Iarscríbhinn V a ghabhann le Rialachán (AE) Uimh. 648/2012.

Airteagal 3
Leasuithe ar Rialachán (AE) Uimh. 600/2014

Leasaítear Rialachán (AE) Uimh. 600/2014 mar a leanas:

(1)Leasaítear Airteagal 1 mar a leanas:

(a)i mír 1, cuirtear isteach na pointí (h) go (j) seo a leanas:

‘(h)    ionaid trádála a údarú, a oibriú agus a mhaoirsiú, lena n‑áirítear ionaid trádála shuntasacha;

(i)    údarú agus maoirseacht Oibreoirí Margaidh Uile‑Eorpacha;

(j)    rialuithe bainistíochta suímh agus tuairisciú suímh le haghaidh ionaid trádála.’;

(b)cuirtear an méid seo a leanas in ionad mhír 2:

‘2. Tá feidhm ag an Rialachán seo maidir le gnólachtaí infheistíochta, atá údaraithe faoi Threoir 2014/65/AE agus institiúidí creidmheasa atá údaraithe faoi Threoir 2013/36/AE ó Pharlaimint na hEorpa agus ón gComhairle* le linn seirbhísí infheistíochta á soláthar acu agus/nó gníomhaíochtaí infheistíochta á ndéanamh acu, maidir le hoibreoirí margaidh agus maidir le OMUEnna, lena n‑áirítear aon ionaid trádála a oibríonn siad.’;

(c)cuirtear an méid seo a leanas in ionad mhír 4:

‘4. Tá feidhm ag Teideal VI den Rialachán seo freisin maidir le TLUnna, CPLanna, saoráidí imréitigh eile agus daoine a bhfuil cearta dílseánaigh acu ar thagarmharcanna.’;

(d)cuirtear an méid seo a leanas in ionad mhír 5b:

‘5b. Oibreoidh gach córais iltaobhaigh i gcomhréir le forálacha Theideal Ia, Caibidil 1, den Rialachán seo maidir le margadh rialáilte nó i gcomhréir le forálacha Theideal Ia, Caibidil 2, den Rialachán seo maidir le saoráidí trádála iltaobhacha nó saoráidí trádála eagraithe.

_______________________________

*    Treoir 2013/36/AE ó Pharlaimint na hEorpa agus ón gComhairle an 26 Meitheamh 2013 maidir le rochtain ar ghníomhaíochtaí institiúidí creidmheasa agus maoirseacht stuamachta ar institiúidí creidmheasa agus gnólachtaí infheistíochta, lena leasaítear Treoir 2002/87/CE agus lena n‑aisghairtear Treoir 2006/48/CE agus Treoir 2006/49/CE (IO L 176, 27.6.2013, lch. 338). ELI:  http://data.europa.eu/eli/dir/2013/36/oj ).’;

(2)Leasaítear Airteagal 2 mar a leanas:

(a)leasaítear mír 1 mar a leanas:

(i)cuirtear an méid seo a leanas in ionad phointe (8a):

‘(8a)ciallaíonn ‘margadh fáis FBManna’ saoráid trádála iltaobhach atá cláraithe mar mhargadh fáis FBManna i gcomhréir le hAirteagal 2y;’;

(ii)cuirtear pointe (8b) seo a leanas isteach:

‘(8b) ciallaíonn ‘fiontair bheaga agus mheánmhéide’ nó ‘FBM’ cuideachtaí a raibh meánchaipitliú margaidh níos lú ná EUR 200 000 000 acu ar bhonn luachana dheireadh na bliana do na 3 bliana féilire roimhe sin;’;

(iii)cuirtear an méid seo a leanas in ionad phointe 10:

‘(10)    ciallaíonn ‘oibreoir margaidh’ duine nó daoine a bhainistíonn agus/nó a oibríonn gnó margaidh rialáilte;’;

(iv)cuirtear pointe (10a) seo a leanas isteach:

‘(10a)    ciallaíonn ‘oibreoir margaidh uile-Eorpach’ nó ‘OMUE’ duine nó daoine a bhainistíonn agus/nó a oibríonn níos mó ná ionad trádála amháin i níos mó ná Ballstát amháin, agus atá údaraithe agus a fheidhmíonn i gcomhréir le Caibidil 3 de Theideal Ia den Rialachán seo;’;

(v)cuirtear an méid seo a leanas in ionad phointí (13) go (16):

‘(13)    ciallaíonn ‘margadh rialáilte’ córas iltaobhach arna oibriú agus/nó arna bhainistiú ag oibreoir margaidh nó ag OMUE, lena dtugtar le chéile nó lena n‑éascaítear roinnt leasanna ceannaigh agus díola tríú páirtithe in ionstraimí airgeadais – sa chóras agus i gcomhréir lena rialacha neamhroghnacha – ar bhealach a mbíonn conradh ann dá bharr, i leith na n‑ionstraimí airgeadais a ligtear isteach chun a dtrádála faoina rialacha agus/nó faoina chórais;

(14)    ciallaíonn ‘saoráid trádála iltaobhach’ córas iltaobhach, arna oibriú ag gnólacht infheistíochta nó ag oibreoir margaidh nó ag OMUE, lena dtugtar le chéile roinnt leasanna ceannaigh agus díola tríú páirtithe in ionstraimí airgeadais – sa chóras agus i gcomhréir le rialacha neamhroghnacha – ar bhealach a mbíonn conradh ann dá bharr;

(15)    ciallaíonn ‘saoráid trádála eagraithe’ córas iltaobhach nach margadh rialáilte ná saoráid trádála iltaobhach é agus ina bhfuil roinnt leasanna ceannaigh agus díola tríú páirtithe i mbannaí, i dtáirgí airgeadais struchtúraithe, i lamháltais astaíochtaí nó i ndíorthaigh in ann idirghníomhú sa chóras ar bhealach a mbíonn conradh ann dá bharr;

(16)    ciallaíonn ‘ionad trádála’ margadh rialáilte, saoráid trádála iltaobhach nó saoráid trádála eagraithe;’;

(vi)cuirtear pointí (16b) go (16d) seo a leanas isteach:

‘(16b)    ciallaíonn ‘ionad trádála suntasach’ ionad trádála a mheastar a bheith suntasach i gcomhréir le hAirteagal 38fa;

(16c)    ciallaíonn ‘grúpa’ grúpa mar a shainmhínítear i bpointe (34) d’Airteagal 4(1) de Threoir 2014/65/AE;

(16d)    ciallaíonn ‘rochtain leictreonach dhíreach’ rochtain leictreonach dhíreach mar a shainmhínítear i bpointe (41) d’Airteagal 4(1) de Threoir 2014/65/AE;’;

(vii)cuirtear an méid a leanas in ionad phointe (18):

‘(18)    ciallaíonn ‘údarás inniúil’ aon cheann díobh seo a leanas:

(a)    údarás inniúil mar a shainmhínítear in Airteagal 4(1), pointe (26), de Threoir 2014/65/AE;

(b)    ESMA, sna cásanna a leagtar amach in Airteagal 38fa agus in Airteagail 2q(1), 2r(1), agus 2t(1);

(c)    ESMA, maidir le húdarú agus maoirseacht soláthraithe seirbhísí tuairiscithe sonraí, cé is moite de na sásraí tuairiscithe formheasta agus na socruithe formheasta maidir le foilsiú sin a bhfuil maolú acu i gcomhréir le mír 3 den Airteagal seo;’;

(viii)cuirtear an pointe (18a) seo a leanas isteach:

‘(18a)    ciallaíonn ‘údarás náisiúnta faireachais’ an t‑údarás arna ainmniú de bhun Airteagal 67 de Threoir 2014/65/AE den Bhallstát ina bhfuil ionad trádála lonnaithe nó ina n‑oibrítear é, agus inarb é ESMA an t‑údarás inniúil de bhun Airteagal 38fa;’;

(ix)cuirtear an méid seo a leanas in ionad phointe (20):

‘(20) ciallaíonn ‘brainse’ áit ghnó seachas an cheannoifig ar cuid de ghnólacht infheistíochta nó de mhargadh rialáilte í, nach bhfuil aon phearsantacht dhlítheanach aici agus a sholáthraíonn na seirbhísí nó an ghníomhaíocht a bhfuil an gnólacht infheistíochta nó an margadh rialáilte údaraithe ina leith; measfar gur brainse aonair iad na háiteanna gnó uile arna mbunú sa Bhallstát céanna ag gnólacht infheistíochta nó ag margadh rialáilte a bhfuil a cheanncheathrú i mBallstát eile;’;

(x)cuirtear isteach an pointe 20a seo a leanas:

‘(20a)    ciallaíonn ‘sealúchas cáilitheach’ sealúchas díreach nó indíreach ar bith i gcontrapháirtí lárnach nó i stór trádála ina bhfuil ar a laghad 10 % nó níos mó den chaipiteal nó de na cearta vótála i gceist, mar a leagtar amach in Airteagail 9 agus 10 de Threoir 2004/109/CE ó Pharlaimint na hEorpa agus ón gComhairle*, agus na coinníollacha maidir le comhiomlánú de a leagtar síos in Airteagal 12(4) agus (5) den Treoir sin á gcur san áireamh, nó a chiallaíonn gur féidir tionchar suntasach a imirt ar bhainistiú an chontrapháirtí lárnaigh nó an stóir thrádála ina bhfuil an sealúchas sin ar marthain;’;

(xi)cuirtear an méid seo a leanas in ionad phointe (31):

‘(31)    ciallaíonn ‘CPL’ CPL mar a shainmhínítear in Airteagal 2, pointe (1), de Rialachán (AE) Uimh. 648/2012;’;

(xii)cuirtear pointe (31a) seo a leanas isteach:

‘(31a)    ciallaíonn ‘taisclann lárnach urrús’ nó ‘TLU’ taisclann lárnach urrús mar a shainmhínítear in Airteagal 2(1), pointe (1), de Rialachán (AE) Uimh. 909/2014;’;

(xiii)cuirtear an méid seo a leanas in ionad phointe (36b):

‘(36b)    ciallaíonn ‘croí‑shonraí margaidh’:

(a)    na sonraí uile seo a leanas maidir le scair ar leith nó ETF ag aon stampa ama ar leith:

(i)    i gcás leabhair orduithe leanúnacha, na cúig thairiscint agus tairiscint is fearr lena n‑imleabhar comhfhreagrach;

(ii)    i gcás córais trádála bunaithe ar cheant, an praghas is oiriúnaí don algartam trádála agus an méid a d’fhéadfadh rannpháirtithe sa chóras sin a fhorfheidhmiú ar an bpraghas sin;

(iia)    i gcás inmheánaitheoirí córasacha, na cúig luachan tairgthe agus tairisceana is fearr a fhoilsítear de bhun Airteagal 14 lena méid comhfhreagrach;

(iii)    an praghas idirbhirt agus an méid a forfheidhmíodh ag an bpraghas sin;

(iiia)    an praghas scoir atá ualaithe ó thaobh méid de a leanann as na ceantanna dúnta uile arna n‑oibriú ag ionaid trádála ar rannchuiditheoirí sonraí iad; 

(iv)    i gcás idirbheart, an cineál córais trádála agus na tarscaoiltí agus na hiarchuir is infheidhme;

(v)    an cód aitheantais margaidh lena sainaithnítear go huathúil an t‑ionad trádála agus, i gcás ionaid forfheidhmiúcháin eile, an cód aitheantóra lena sainaithnítear an cineál ionaid forfheidhmiúcháin;

(vi)    an t‑aitheantóir ionstraime caighdeánaithe a bhfuil feidhm aige ar fud na n‑ionad forfheidhmiúcháin;

(vii)    an fhaisnéis stampa ama maidir leis an méid seo a leanas, de réir mar is infheidhme:

(1)    forfheidhmiú an idirbhirt agus aon leasú air;

(2)    iontráil na gcúig thairiscint ceannaigh agus díola is fearr sa leabhar orduithe;

(3)    na praghsanna nó na méideanna a shonrú i gcóras trádála do cheantáil,

(4)    foilsiú na n‑eilimintí a liostaítear i bpointí (1), (2) agus (3) ag na hionaid trádála;

(5)    iontráil na gcúig luachan tairisceana ceannaigh agus tairisceana díola is fearr ag an inmheánaitheoir córasach;

(6)    croí‑shonraí margaidh a scaipeadh;

(b)    na sonraí uile seo a leanas maidir le banna ar leith nó díorthach thar an gcuntar ar leith ag aon stampa ama ar leith:

(i)    an praghas idirbhirt agus an chainníocht nó an mhéid a forghníomhaíodh ag an bpraghas sin;

(ii)    an cód aitheantais margaidh lena sainaithnítear go huathúil an t‑ionad trádála agus, i gcás ionaid forfheidhmiúcháin eile, an cód aitheantóra lena sainaithnítear an cineál ionaid forfheidhmiúcháin;

(iii)    i gcás bannaí, an t‑aitheantóir ionstraime caighdeánaithe a bhfuil feidhm aige ar fud na n‑ionad forghníomhaithe;

(iv)    i gcás díorthaigh thar an gcuntar, na sonraí tagartha sainaitheanta dá dtagraítear in Airteagal 27(1), an dara fomhír;

(v)    an fhaisnéis stampa ama maidir leis an méid seo a leanas:

(1)    forfheidhmiú an idirbhirt agus aon leasú air;

(2)    foilsiú an idirbhirt ag na hionaid trádála;

(3)    croí‑shonraí margaidh a scaipeadh;

(vi)    cineál an chórais trádála agus na tarscaoiltí agus na hiarchuir is infheidhme;’;

(xiv)cuirtear na pointí (51) go (54) seo a leanas isteach:

‘(51)    ciallaíonn ‘seachfhoinsiú’ socrú d’aon chineál idir eintiteas ar gnólacht infheistíochta, oibreoir margaidh nó OMUE é a bhfuil ionad trádála á oibriú aige agus soláthraí seirbhíse trína ndéanann an soláthraí seirbhíse sin próiseas, seirbhís nó gníomhaíocht i ndáil leis an ionad trádála sin a dhéanfadh an t‑eintiteas féin ina mhalairt de chás;

(52)    ciallaíonn ‘trádáil bhunairgid mheaitseáilte’ idirbheart ina n‑idirchuireann an t‑éascaitheoir é féin idir an ceannaitheoir agus díoltóir an idirbhirt ar bhealach nach mbeidh sé neamhchosanta riamh ar riosca margaidh le linn fhorfheidhmiú an idirbhirt, agus an dá thaobh á bhforfheidhmiú go comhuaineach, agus i gcás ina dtugtar an t‑idirbheart i gcrích ar phraghas nach ndéanann an t‑éascaitheoir aon bhrabús ná aon chaillteanas, seachas coimisiún, táille nó muirear a nochtadh roimhe sin i leith an idirbhirt;

(53)    ciallaíonn ‘trádáil algartamach’ trádáil algartamach mar a shainmhínítear in Airteagal 4(1), pointe (39), de Threoir 2014/65/AE;

(54)    ciallaíonn ‘trádáil algartamach ardmhinicíochta’ trádáil algartamach ardmhinicíochta mar a shainmhínítear in Airteagal 4(1), pointe (40), de Threoir 2014/65/AE.’;

(b)cuirtear an mhír 4 seo a leanas leis:

‘4. Eiseoidh ESMA moltaí chun an mhodheolaíocht a shonrú chun an praghas dúnta atá ualaithe ó thaobh méide a ríomh dá dtagraítear i mír 1, pointe 36b(a)(iiia), i gcomhréir leis an nós imeachta a leagtar síos in Airteagal 16 de Rialachán (AE) Uimh. 1095/2010.

_________________________________________

*    Treoir 2004/109/CE ó Pharlaimint na hEorpa agus ón gComhairle an 15 Nollaig 2004 maidir le comhchuibhiú ceanglas trédhearcachta i ndáil le faisnéis i dtaobh eisitheoirí a ligtear isteach a gcuid urrús chun a dtrádála ar mhargadh rialaithe agus lena leasaítear Treoir 2001/34/CE (IO L 390, 31.12.2004, lch. 38, ELI: http://data.europa.eu/eli/dir/2004/109/oj ).’;

(3)cuirtear an Teideal Ia seo a leanas isteach:

‘TEIDEAL Ia
IONAID TRÁDÁLA

CAIBIDIL 1

Ceanglais maidir le margaí rialáilte

Airteagal 2a 
Údarú margaidh rialáilte agus an dlí is infheidhme

1. Aon chóras a thagann faoin sainmhíniú ar mhargadh rialáilte, gheobhaidh sé údarú ó údarás inniúil an Bhallstáit i gcás ina bhfuil sé suite nó ina n‑oibrítear é, nó ó ESMA sna cásanna dá dtagraítear in Airteagal 38fa, sula gcuirfidh sé tús lena ghníomhaíochtaí.

2. Údaróidh an t‑údarás inniúil margadh rialáilte sna cásanna seo a leanas:

(a)comhlíonann an t‑oibreoir margaidh agus an margadh rialáilte atá sé beartaithe ag an oibreoir margaidh a oibriú na ceanglais a leagtar síos sa Chaibidil seo;

(b)gur duine dlítheanach atá bunaithe san Aontas é an t‑oibreoir margaidh.

3. Déanfaidh an t‑oibreoir margaidh cúraimí a bhaineann le heagrú agus oibriú an mhargaidh rialáilte faoi mhaoirseacht údarás inniúil an Bhallstáit ina bhfuil an margadh rialáilte suite nó ina n‑oibrítear é, nó ESMA sna cásanna dá dtagraítear in Airteagal 38fa, agus, i gcás ina bhforáiltear go sainráite dó leis an Rialachán seo, faoi mhaoirseacht an údaráis náisiúnta faireachais. Féadfaidh an t‑oibreoir margaidh gníomhaíochtaí coimhdeacha a dhéanamh atá nasctha le hoibriú margaidh rialáilte.

Ní fhorchuirfidh na Ballstáit aon cheanglais bhreise maidir le húdarú agus oibriú margaí rialáilte seachas na ceanglais a leagtar amach sa Rialachán seo.

4. Beidh an t‑oibreoir margaidh freagrach as a áirithiú go gcomhlíonann sé féin agus an margadh rialáilte a oibríonn sé na ceanglais a leagtar síos sa Rialachán seo i gcónaí.

5. Beidh an t‑oibreoir margaidh i dteideal na cearta a fheidhmiú a chomhfhreagraíonn don mhargadh rialáilte a oibríonn sé de bhua an Rialacháin seo.

6. Cuirfidh oibreoir margaidh an t‑údarás inniúil ar an eolas, gan moill mhíchuí, faoi aon athruithe substainteacha a dhéanann difear do chomhlíontacht na gcoinníollacha maidir le húdarú a leagtar síos sa Chaibidil seo.

7. Gan dochar d’aon fhoráil ábhartha de Rialachán (AE) Uimh. 596/2014 nó de Threoir 2014/57/AE, is é dlí an Bhallstáit áit a bhfuil an margadh rialáilte suite nó ina n‑oibrítear é an dlí poiblí lena rialaítear an trádáil a dhéantar faoi chórais an mhargaidh rialáilte.

Airteagal 2b 
Nósanna imeachta maidir le hiarratais ar údarú margaí rialáilte a dheonú agus a dhiúltú

1. Cuirfidh an t‑oibreoir margaidh is iarratasóir iarratas isteach ina soláthrófar an fhaisnéis uile is gá chun é a chur ar a chumas don údarás inniúil a dheimhniú go bhfuil na socruithe uile is gá curtha i bhfeidhm ag an oibreoir margaidh, tráth údaraithe tosaigh an mhargaidh rialáilte, chun a áirithiú go gcomhlíonann an t‑oibreoir margaidh agus córais an mhargaidh rialáilte araon a bhfuil sé beartaithe ag an oibreoir margaidh iad a oibriú na ceanglais a leagtar síos sa Chaibidil seo, lena n‑áirítear clár oibríochtaí ina leagtar amach, inter alia, na cineálacha seirbhísí atá beartaithe agus an struchtúr eagraíochtúil.

2. Laistigh de 20 lá oibre ón iarratas a fháil, déanfaidh an t‑údarás inniúil measúnú i dtaobh an bhfuil an t‑iarratas iomlán.

I gcás nach bhfuil an t‑iarratas iomlán, cuirfidh an t‑údarás inniúil an t‑iarratasóir ar an eolas i scríbhinn faoin fhaisnéis bhreise atá le soláthar agus leagfaidh sé síos sprioc‑am faoina mbeidh ar an oibreoir margaidh faisnéis bhreise a sholáthar.

Tar éis don údarás inniúil a mheas go bhfuil an t‑iarratas iomlán, tabharfaidh sé fógra don oibreoir margaidh dá réir sin.

3. Déanfaidh an t‑údarás inniúil, laistigh de 6 mhí tar éis dó iarratas comhlánaithe a fháil, measúnú ar chomhlíonadh na Caibidle seo ag an oibreoir margaidh agus ag córais an mhargaidh rialáilte a bhfuil sé beartaithe ag an oibreoir margaidh iad a oibriú. Glacfaidh sé cinneadh réasúnaithe lena ndeonaítear nó lena ndiúltaítear údarú agus tabharfaidh sé fógra don oibreoir margaidh is iarratasóir dá réir sin laistigh de chúig lá oibre tar éis a ghlactha. Tabharfaidh sé fógra freisin don údarás náisiúnta faireachais.

Airteagal 2c 
Údarú a tharraingt siar

1. Féadfaidh an t‑údarás inniúil an t‑údarú a eisíodh do mhargadh rialáilte a tharraingt siar sna cásanna seo a leanas:

(a)mura n‑úsáideann sé an t‑údarú laistigh de 12 mhí, go dtréigeann sé an t‑údarú go sainráite nó nár oibrigh sé ar feadh na 6 mhí roimhe sin;

(a)má fuair sé an t‑údarú trí ráitis bhréige nó ar aon mhodhanna neamhrialta eile;

(b)mura gcomhlíonann sé a thuilleadh na coinníollacha faoinar deonaíodh an t‑údarú;

(c)má sháraigh sé an Rialachán seo go tromchúiseach agus go córasach.

2. I gcás inarb é ESMA an t‑údarás inniúil, tabharfaidh sé fógra, gan moill mhíchuí, don údarás náisiúnta faireachais faoi chinneadh údarú margaidh rialáilte a tharraingt siar.

Airteagal 2d 
Ceanglais maidir le comhlacht bainistíochta oibreora margaidh

1. Beidh dea‑cháil leordhóthanach ar gach comhalta de chomhlacht bainistíochta oibreora margaidh i gcónaí, agus beidh eolas, scileanna agus taithí leordhóthanach acu chun a ndualgais a chomhlíonadh. Léireoidh comhdhéanamh foriomlán an chomhlachta bainistíochta raon leathan leordhóthanach taithí.

2. Comhlíonfaidh comhaltaí an chomhlachta bainistíochta na ceanglais seo a leanas:

(a)tiomnóidh gach comhalta den chomhlacht bainistíochta am leordhóthanach chun a bhfeidhmeanna a chomhlíonadh in oibreoir an mhargaidh. Maidir leis an líon stiúrthóireachtaí is féidir le comhalta den chomhlacht bainistíochta a shealbhú, in aon eintiteas dlíthiúil, ag an tráth céanna cuirfear san áireamh imthosca aonair agus cineál, scála agus castacht ghníomhaíochtaí an oibreora margaidh.

Ach amháin má dhéanann siad ionadaíocht ar an mBallstát ina bhfuil an t‑oibreoir margaidh bunaithe, comhaltaí de chomhlacht bainistíochta na n‑oibreoirí margaidh atá suntasach i dtéarmaí a méide, a n‑eagrúcháin inmheánaigh agus chineál, raon feidhme agus chastacht a ngníomhaíochtaí, ní bheidh poist acu ag an tráth céanna ar mó iad ná ceann amháin de na teaglamaí seo a leanas:

(i)stiúrthóireacht feidhmiúcháin amháin le dhá stiúrthóireacht neamhfheidhmiúcháin;

(ii)ceithre stiúrthóireacht neamhfheidhmiúcháin.

Measfar gur stiúrthóireacht aonair amháin iad stiúrthóireachtaí feidhmiúcháin nó neamhfheidhmiúcháin arna sealbhú laistigh den ghrúpa céanna nó de na gnóthais chéanna i gcás ina bhfuil sealúchas cáilitheach faoi úinéireacht an oibreora margaidh.

Féadfaidh an t‑údarás inniúil comhaltaí an chomhlachta bainistíochta a údarú stiúrthóireacht neamhfheidhmiúcháin bhreise amháin a bheith acu. I gcás nach é ESMA an t‑údarás inniúil, cuirfidh na húdaráis inniúla ESMA ar an eolas go tráthrialta faoi na húdaruithe sin.

Beidh stiúrthóireachtaí in eagraíochtaí nach saothraíonn cuspóirí tráchtála den chuid is mó díolmhaithe ón teorainn ar líon na stiúrthóireachtaí is féidir le comhalta de chomhlacht bainistíochta a shealbhú.

(b)Beidh eolas, scileanna agus taithí chomhchoiteann leordhóthanach ag an gcomhlacht bainistíochta chun go mbeidh sé in ann gníomhaíochtaí an oibreora margaidh a thuiscint, lena n‑áirítear na príomhrioscaí.

(c)Gníomhóidh gach comhalta den chomhlacht bainistíochta le macántacht, ionracas agus neamhspleáchas intinne chun measúnú éifeachtach a dhéanamh ar chinntí na hardbhainistíochta agus chun agóid a dhéanamh ina aghaidh i gcás inar gá agus chun maoirseacht agus faireachán éifeachtach a dhéanamh ar chinnteoireacht.

3. Cuirfidh oibreoirí margaidh acmhainní daonna agus airgeadais leordhóthanacha ar fáil d’ionduchtú agus d’oiliúint chomhaltaí an chomhlachta bainistíochta.

4. I gcás ina bhfuil inniúlacht ag an gcomhlacht bainistíochta, faoin dlí náisiúnta, i bpróiseas roghnúcháin agus ceapacháin aon duine dá chomhaltaí, déanfaidh an t‑údarás inniúil a mheas, agus méid agus eagrúchán inmheánach an oibreora margaidh á gcur san áireamh, chomh maith le cineál, raon feidhme agus castacht a ghníomhaíochtaí, an mbunóidh an t‑oibreoir margaidh coiste ainmniúcháin a bheidh comhdhéanta de chomhaltaí den chomhlacht bainistíochta nach gcomhlíonann aon fheidhm feidhmiúcháin san oibreoir margaidh lena mbaineann.

I gcás ina mbunófar é, déanfaidh an coiste ainmniúcháin an méid seo a leanas:

(a)iarrthóirí a shainaithint agus a mholadh, i gcomhar iad a fhormheas ag an gcomhlacht bainistíochta nó ag an gcruinniú ginearálta, chun folúntais ar an gcomhlacht bainistíochta a líonadh. Agus é sin á dhéanamh aige, déanfaidh an coiste ainmniúcháin meastóireacht ar chothromaíocht eolais, scileanna, éagsúlachta agus taithí an chomhlachta bainistíochta. Ina theannta sin, ullmhóidh an coiste tuairisc ar na róil agus ar na cumais le haghaidh ceapachán ar leith, agus déanfaidh sé measúnú ar an ngealltanas ama a bhfuil coinne leis. Thairis sin, déanfaidh an coiste ainmniúcháin cinneadh maidir le sprioc le haghaidh ionadaíocht na hinscne tearcionadaithe sa chomhlacht bainistíochta agus ullmhóidh sé beartas maidir le conas líon na hinscne tearcionadaithe sa chomhlacht bainistíochta a mhéadú chun an sprioc sin a bhaint amach;

(b)go tréimhsiúil, agus uair sa bhliain ar a laghad, measúnú a dhéanamh ar struchtúr, ar mhéid, ar chomhdhéanamh agus ar fheidhmíocht an chomhlachta bainistíochta, agus moltaí a chur faoi bhráid an chomhlachta bainistíochta maidir le haon athruithe;

(c)go tréimhsiúil, agus uair sa bhliain ar a laghad, measúnú a dhéanamh ar eolas, scileanna agus taithí chomhaltaí aonair an chomhlachta bainistíochta agus an chomhlachta bainistíochta i gcomhpháirt, agus tuairisciú don chomhlacht bainistíochta dá réir sin;

(d)athbhreithniú tréimhsiúil a dhéanamh ar bheartas an chomhlachta bainistíochta maidir leis an ardbhainistíocht a roghnú agus a cheapadh agus moltaí a dhéanamh don chomhlacht bainistíochta.

Agus a dhualgais á gcomhlíonadh aige, cuirfidh an coiste ainmniúcháin san áireamh, a mhéid is féidir agus ar bhonn leanúnach, an gá atá lena áirithiú nach mbeidh ceannas ag aon duine aonair ná ag aon ghrúpa beag daoine aonair ar chinnteoireacht an chomhlachta bainistíochta ar bhealach a dhéanfaidh dochar do leasanna an oibreora margaidh ina iomláine.

Agus a dhualgais á gcomhlíonadh aige, beidh an coiste ainmniúcháin in ann úsáid a bhaint as aon chineál acmhainní a mheasann sé a bheith iomchuí, lena n‑áirítear comhairle sheachtrach.

5. Fostóidh oibreoirí margaidh agus a gcoistí ainmniúcháin faoi seach tacar leathan cáilíochtaí agus inniúlachtaí le linn comhaltaí á n‑earcú acu chuig an gcomhlacht bainistíochta agus, chun na críche sin, cuirfidh siad beartas i bhfeidhm lena gcuirfear éagsúlacht chun cinn maidir leis an gcomhlacht bainistíochta.

6. Déanfaidh comhlacht bainistíochta oibreora margaidh cur chun feidhme na socruithe rialachais lena n‑áirithítear bainistíocht éifeachtach stuama eagraíochta a shainiú agus a mhaoirsiú, lena n‑áirítear leithscaradh dualgas san eagraíocht agus coinbhleachtaí leasa a chosc, agus ar bhealach a chuireann sláine an mhargaidh chun cinn.

Déanfaidh an comhlacht bainistíochta faireachán agus measúnú tréimhsiúil ar éifeachtacht shocruithe rialachais an oibreora margaidh agus déanfaidh sé bearta iomchuí chun aghaidh a thabhairt ar aon easnaimh.

Beidh rochtain leordhóthanach ag comhaltaí an chomhlachta bainistíochta ar fhaisnéis agus ar dhoiciméid a bhfuil gá leo chun maoirseacht agus faireachán a dhéanamh ar chinnteoireacht na bainistíochta.

7. Diúltóidh an t‑údarás inniúil údarú i gcás nach bhfuil sé sásta go bhfuil dea‑cháil leordhóthanach ar chomhaltaí chomhlacht bainistíochta an oibreora margaidh, go bhfuil eolas, scileanna agus taithí leordhóthanach acu agus go dtugann siad dóthain ama chun a bhfeidhmeanna a chomhlíonadh, nó i gcás ina bhfuil forais oibiachtúla agus inléirithe ann lena chreidiúint go bhféadfadh comhlacht bainistíochta an oibreora margaidh a bheith ina bhagairt dá bhainistíocht éifeachtach, fhónta agus stuama agus do bhreithniú leordhóthanach ar ionracas an mhargaidh.

I bpróiseas údaraithe margaidh rialáilte, meastar go gcomhlíonann an duine nó na daoine a stiúrann an gnó agus oibríochtaí margaidh rialáilte eile go héifeachtach, atá údaraithe cheana féin san Aontas na ceanglais a leagtar síos i mír 1.

I gcás inar dócha go ndéanfaidh iompar comhalta de chomhlacht bainistíochta oibreora margaidh dochar dá bhainistíocht éifeachtach, fhónta agus stuama agus do bhreithniú leordhóthanach ar shláine an mhargaidh, déanfaidh an t‑údarás inniúil bearta iomchuí, lena bhféadfar a áireamh an comhalta sin a bhaint den chomhlacht bainistíochta.

8. Tabharfaidh oibreoir margaidh fógra don údarás inniúil faoi ainmneacha chomhaltaí uile a chomhlachta bainistíochta agus faoi aon athrú ar a bhallraíocht, mar aon leis an bhfaisnéis uile is gá chun a mheas cé acu an gcomhlíonann nó nach gcomhlíonann an t‑oibreoir margaidh míreanna 1 go 6.

9. Eiseoidh ESMA treoirlínte maidir leis an méid seo a leanas:

(a)coincheap an ghealltanais ama leordhóthanaigh ó chomhalta den chomhlacht bainistíochta chun feidhmeanna an chomhalta sin a chomhlíonadh, i ndáil leis na himthosca aonair agus cineál, scála agus castacht ghníomhaíochtaí an oibreora margaidh;

(b)coincheap eolas comhchoiteann, scileanna agus taithí leordhóthanach a bheith ag an gcomhlacht bainistíochta ina iomláine dá dtagraítear i mír 2, pointe (b);

(c)coincheapa macántachta, ionracais agus neamhspleáchais intinne comhalta den chomhlacht bainistíochta dá dtagraítear i mír 2, pointe (c);

(d)coincheap na n‑acmhainní leordhóthanacha daonna agus airgeadais a thiomnaítear d’ionduchtú agus d’oiliúint chomhaltaí an chomhlachta bainistíochta dá dtagraítear i mír 3;

(e)coincheap na héagsúlachta atá le cur san áireamh agus comhaltaí an chomhlachta bainistíochta dá dtagraítear i mír 5 á roghnú.

Airteagal 2e

Ceanglais a bhaineann le daoine a bhfuil tionchar suntasach acu ar bhainistíocht an mhargaidh rialáilte

1. Beidh na daoine atá in ann tionchar suntasach a fheidhmiú, go díreach nó go hindíreach, ar bhainistíocht an mhargaidh rialáilte oiriúnach.

2. Déanfaidh oibreoir margaidh an mhargaidh rialáilte an méid seo a leanas:

(a)faisnéis a sholáthar don údarás inniúil, agus í a phoibliú, maidir le húinéireacht an oibreora margaidh, agus, i gcás inarb ábhartha, maidir le margaí rialáilte arna n‑údarú de bhun Threoir 2014/65/AE de réir mar is infheidhme roimh [Oifig na bhFoilseachán: cuir isteach dáta theacht i bhfeidhm an Rialacháin seo], úinéireacht an mhargaidh rialáilte, agus go háirithe, céannacht agus scála leasanna aon pháirtí atá in ann tionchar suntasach a imirt ar an mbainistíocht;

(b)an t‑údarás inniúil a chur ar an eolas faoi aon aistriú úinéireachta as a n‑eascraíonn athrú ar chéannacht na ndaoine a bhfuil tionchar suntasach acu ar oibriú an mhargaidh rialáilte agus an t‑aistriú sin a phoibliú.

3. Diúltóidh an t‑údarás inniúil na hathruithe atá beartaithe ar leasanna urlámhais an oibreora margaidh agus, i gcás inarb ábhartha, an mhargaidh rialáilte a fhormheas, i gcás ina bhfuil foras oibiachtúla agus inléirithe ann lena chreidiúint go mbeidís ina mbagairt ar bhainistíocht fhónta stuama an mhargaidh rialáilte.

Má dhéantar athruithe ar leasanna urlámhais an oibreora margaidh agus, i gcás inarb ábhartha, an mhargaidh rialáilte, d’ainneoin chur in aghaidh an údaráis inniúil, beidh an t‑údarás inniúil sin in ann a ordú go ndéanfar na vótaí comhfhreagracha caite a neamhniú.

4. I gcás ina n‑imríonn na daoine dá dtagraítear i mír 1 tionchar ar dócha go ndéanfaidh sé dochar do bhainistíocht fhónta agus stuama margaidh rialáilte, déanfaidh an t‑údarás inniúil bearta iomchuí chun deireadh a chur leis an staid sin. Féadfar a áireamh ar na bearta sin iarratais ar orduithe breithiúnacha, smachtbhannaí a fhorchur in aghaidh stiúrthóirí agus iad sin atá freagrach as an mbainistíocht, agus feidhmiú na gceart vótála a ghabhann leis na scaireanna atá i seilbh na scairshealbhóirí nó na gcomhaltaí i gceist a chur ar fionraí.

5. Ní fhorchuirfidh na Ballstáit aon cheanglais bhreise maidir le haistrithe úinéireachta as a n‑eascraíonn athruithe ar leasanna urlámhais an oibreora margaidh agus, i gcás inarb ábhartha, ar leasanna rialaithe an mhargaidh rialáilte.

Airteagal 2f 
Ceanglais eagraíochtúla

1. Áiritheoidh oibreoirí margaidh an méid seo a leanas maidir le margadh rialáilte a oibríonn siad:

(a)go bhfuil socruithe aige chun na hiarmhairtí díobhálacha a d’fhéadfadh a bheith ann d’oibriú an mhargaidh rialáilte nó dá chomhaltaí nó dá rannpháirtithe a shainaithint go soiléir agus a bhainistiú, ar iarmhairtí iad a bhaineann le haon choinbhleacht leasa idir leas an mhargaidh rialáilte, an t‑oibreoir margaidh agus a úinéirí, agus feidhmiú fónta an mhargaidh rialáilte, agus go háirithe i gcás ina bhféadfadh coinbhleachtaí leasa den sórt sin dochar a dhéanamh do chomhlíonadh aon fheidhmeanna arna dtarmligean chuig an margadh rialáilte ag an údarás inniúil;

(b)go bhfuil sé feistithe go leormhaith chun na rioscaí ar a bhfuil sé neamhchosanta a bhainistiú, lena n‑áirítear chun riosca TFC a bhainistiú i gcomhréir le Caibidil II de Rialachán (AE) 2022/2554, chun socruithe agus córais iomchuí a chur chun feidhme chun rioscaí suntasacha dá oibriú a shainaithint, agus chun bearta éifeachtacha a chur i bhfeidhm chun na rioscaí sin a mhaolú;

(c)go bhfuil rialacha agus nósanna imeachta trédhearcacha agus neamhroghnacha aige lena ndéantar foráil maidir le trádáil chóir ordúil agus lena mbunaítear critéir oibiachtúla chun orduithe a fhorfheidhmiú go héifeachtúil;

(d)go bhfuil socruithe éifeachtacha aige chun tabhairt chun críche éifeachtúil agus tráthúil na n‑idirbheart a fhorfheidhmítear faoina chórais a éascú;

(e)go bhfuil acmhainní airgeadais leordhóthanacha ar fáil aige, tráth an údaraithe agus ar bhonn leanúnach, chun a fheidhmiú ordúil a éascú, ag féachaint do chineál agus do mhéid na n‑idirbheart a thugtar i gcrích ar an margadh agus do raon agus do mhéid na rioscaí a bhfuil sé neamhchosanta orthu;

(f)go bhfuil socruithe i bhfeidhm aige chun a áirithiú go gcomhlíonann sé caighdeáin cháilíochta sonraí de bhun Airteagal 22b;

(g)go bhfuil ar a laghad triúr comhaltaí nó úsáideoirí aige atá gníomhach go hábhartha, agus deis ag gach duine acu idirghníomhú leis na daoine eile go léir maidir le praghasmhúnlú.

Más rud é, chun críocha chomhlíonadh na gceanglas faoin gcéad fhomhír, pointí (a), (b), (d), agus (f), go n‑úsáideann oibreoir margaidh acmhainní eintiteas eile atá suite san Aontas, nó go mbraitheann sé ar fheidhmiú feidhmeanna ag eintiteas eile atá suite san Aontas, ar eintiteas é ar leis an ngrúpa céanna leis an oibreoir margaidh sin é, ní mheasfar gur seachfhoinsiú chun críocha an Rialacháin seo é spleáchas ar an eintiteas sin, ar choinníoll go gcomhlíontar na coinníollacha a leagtar amach i mír 1a.Suíomh an eintitis laistigh den Aontas a úsáideann acmhainní nó a chomhlíonann feidhmeanna chun go gcomhlíonfaidh oibreoir margaidh na ceanglais dá dtagraítear sa chéad fhomhír, pointí (a), (b), (d) agus (f), ní bheidh sé ábhartha sa mheasúnú ar an gcomhlíonadh sin ag an údarás inniúil.

1a. Spleáchas oibreora margaidh ar eintiteas eile atá suite san Aontas agus a bhaineann leis an ngrúpa céanna leis an oibreoir margaidh sin, ní mheasfar gur seachfhoinsiú é de bhun mhír 1, ar choinníoll go gcomhlíontar na coinníollacha seo a leanas:

(a)tá socruithe curtha i bhfeidhm ag an oibreoir margaidh agus ag eintiteas eile sa ghrúpa a acmhainní a chur in úsáid nó a chomhlíonfaidh feidhmeanna don mhargadh rialáilte sin chun a áirithiú go gcomhoibreoidh an t‑eintiteas sin laistigh den ghrúpa céanna leis an údarás inniúil agus, i gcás inarb ábhartha, le húdarás náisiúnta faireachais an mhargaidh rialáilte i dtaca leis na hacmhainní sin a chur in úsáid nó leis an bhfeidhmiú feidhmeanna sin;

(b)tá sásraí leordhóthanacha curtha i bhfeidhm ag an oibreoir margaidh chun na hiarmhairtí díobhálacha féideartha d’oibriú an mhargaidh rialáilte nó dá chomhaltaí nó dá rannpháirtithe a shainaithint go soiléir agus a bhainistiú, ar iarmhairtí iad a bhaineann le haon choinbhleacht leasa idir an margadh rialáilte, an t‑oibreoir margaidh agus eintiteas eile sa ghrúpa a úsáidfidh a acmhainní nó a chomhlíonfaidh feidhmeanna don mhargadh rialáilte sin.

Nuair a bheidh acmhainní á n‑úsáid ag eintiteas eile laistigh den ghrúpa céanna nó nuair a bheidh siad ag brath ar fheidhmíocht feidhmeanna ag eintiteas eile laistigh den ghrúpa céanna, leanfaidh oibreoirí margaidh de bheith freagrach go hiomlán as a n‑oibleagáidí uile a chomhlíonadh faoin Rialachán seo agus faoi Threoir 2014/65/AE.

Ní fhorchuirfidh na Ballstáit aon cheanglais bhreise maidir le húsáid acmhainní nó spleáchas ar fheidhmíocht feidhmeanna, de bhun mhír 1, ag eintiteas eile atá suite san Aontas laistigh den ghrúpa céanna leis an oibreoir margaidh.

2. Ní dhéanfaidh oibreoirí margaidh orduithe cliant a fhorfheidhmiú in aghaidh caipitl dílsithe, ná ní ghabhfaidh siad do thrádáil bhunairgid mheaitseáilte ar aon cheann de na margaí rialáilte a oibríonn siad.

Airteagal 2g 
Athléimneacht córas, scoradáin chiorcaid agus trádáil leictreonach

1. Áiritheoidh oibreoir margaidh de mhargadh rialáilte go mbunóidh agus go gcoinneoidh an margadh rialáilte a athléimneacht oibríochtúil ar bun i gcomhréir leis na ceanglais a leagtar síos i gCaibidil II de Rialachán (AE) 2022/2554 chun a áirithiú go mbeidh a chórais trádála athléimneach, go mbeidh acmhainneacht leordhóthanach acu chun déileáil le buaic‑ord agus le méideanna teachtaireachtaí, go mbeidh siad in ann trádáil ordúil a áirithiú faoi dhálaí dianstruis sa mhargadh, go ndéanfar tástáil iomlán orthu chun a áirithiú go gcomhlíonfar na coinníollacha sin agus go mbeidh siad faoi réir socruithe éifeachtacha leanúnachais gnó, lena n‑áirítear beartas agus pleananna leanúnachais gnó TFC agus pleananna freagartha agus athshlánaithe TFC arna mbunú i gcomhréir le hAirteagal 11 de Rialachán (AE) 2022/2554, chun leanúnachas a sheirbhísí a áirithiú má tharlaíonn aon chliseadh ar a chórais trádála.

2. Áiritheoidh oibreoir margaidh de mhargadh rialáilte go bhfuil an méid seo a leanas i bhfeidhm ag an margadh rialáilte:

(a)comhaontuithe i scríbhinn leis na gnólachtaí infheistíochta uile a bhfuil straitéis cruthaithe margaidh á saothrú acu ar an margadh rialáilte;

(b)scéimeanna chun a áirithiú go mbeidh líon leordhóthanach gnólachtaí infheistíochta rannpháirteach i gcomhaontuithe den sórt sin lena gceanglaítear orthu luachaintí daingne a phostáil ar phraghsanna iomaíocha agus é mar thoradh air sin leachtacht a sholáthar don mhargadh ar bhonn tráthrialta intuartha, i gcás inarb iomchuí ceanglas den sórt sin do chineál agus do scála na trádála ar an margadh rialáilte sin.

3. Sonrófar an méid seo a leanas ar a laghad sa chomhaontú i scríbhinn dá dtagraítear i mír 2:

(a)oibleagáidí an ghnólachta infheistíochta i ndáil le leachtacht a sholáthar agus, i gcás inarb infheidhme, aon oibleagáid eile a eascraíonn as rannpháirtíocht sa scéim dá dtagraítear i mír 2, pointe (b);

(b)gan dochar d’Airteagal 39a, aon dreasachtaí i dtéarmaí lacáistí nó ina mhalairt de chás arna dtairiscint ar shlí eile ag an margadh rialáilte do ghnólacht infheistíochta chun leachtacht a sholáthar don mhargadh ar bhonn tráthrialta intuartha agus, i gcás inarb infheidhme, aon chearta eile a fhabhraíonn don ghnólacht infheistíochta mar thoradh ar rannpháirtíocht sa scéim dá dtagraítear i mír 2, pointe (b).

Déanfaidh oibreoir margaidh an mhargaidh rialáilte faireachán agus forfheidhmiú ar chomhlíonadh cheanglais na gcomhaontuithe ceangailteacha sin i scríbhinn ag gnólachtaí infheistíochta. Cuirfidh oibreoir margaidh an mhargaidh rialáilte an t‑údarás inniúil ar an eolas faoi ábhar an chomhaontaithe cheangailteach i scríbhinn agus, arna iarraidh sin, soláthróidh sé an fhaisnéis bhreise uile is gá don údarás inniúil chun é a chur ar a chumas don údarás inniúil a dheimhniú dó féin go bhfuil an mhír seo á comhlíonadh ag an margadh rialáilte. I gcás inarb é ESMA an t‑údarás inniúil, féadfaidh an t‑údarás náisiúnta faireachais a iarraidh ar ESMA ábhar na gcomhaontuithe ceangailteacha i scríbhinn atá ábhartha do ghníomhaíocht mhaoirseachta an údaráis náisiúnta faireachais sin a chomhroinnt.

4. Áiritheoidh oibreoir margaidh de mhargadh rialáilte go bhfuil córais, nósanna imeachta agus socruithe éifeachtacha i bhfeidhm ag an margadh rialáilte gur féidir leo orduithe a sháraíonn na tairseacha réamhchinntithe maidir le méid agus praghas nó ar léir go bhfuil siad earráideach a dhiúltú;.

5. Áiritheoidh oibreoir margaidh de mhargadh rialáilte go mbeidh an margadh rialáilte in ann stop nó srian sealadach a chur le trádáil i gcásanna éigeandála nó i gcás gluaiseacht shuntasach praghsanna in ionstraim airgeadais ar an margadh sin nó ar mhargadh gaolmhar le linn tréimhse ghearr agus, i gcásanna eisceachtúla, go mbeidh sé in ann aon idirbheart a chealú, a athrú nó a cheartú. Áiritheoidh oibreoir de mhargadh rialáilte go socróidh an margadh rialáilte na paraiméadair chun stop nó srian a chur le trádáil atá calabraithe go hiomchuí ar bhealach lena gcuirtear san áireamh leachtacht aicmí agus fo‑aicmí sócmhainní éagsúla, cineál na samhla margaidh agus na cineálacha úsáideoirí, agus ar leor iad chun suaitheadh suntasach ar ordúlacht na trádála a sheachaint.

Áiritheoidh oibreoir margaidh de mhargadh rialáilte go ndéanfaidh an margadh rialáilte na paraiméadair chun stop a chur le trádáil agus aon athrú ábhartha ar na paraiméadair sin a thuairisciú don údarás inniúil ar bhealach comhsheasmhach inchomparáide. I gcás nach ESMA an t‑údarás inniúil, tuairisceoidh an t‑údarás inniúil na paraiméadair sin do ESMA. I gcás ina gcuireann margadh rialáilte atá ábhartha ó thaobh leachtachta de san ionstraim airgeadais sin stop le trádáil, in aon Bhallstát, áiritheoidh oibreoir margaidh an mhargaidh rialáilte sin go bhfuil na córais agus na nósanna imeachta is gá i bhfeidhm ag an margadh rialáilte chun fógra a thabhairt dá údarás inniúil, dá údarás náisiúnta faireachais agus do ESMA, i gcás nach é ESMA a údarás inniúil. Tabharfaidh an t‑údarás inniúil agus, i gcás inarb é ESMA an t‑údarás inniúil, an t‑údarás náisiúnta faireachais fógra ansin do gach údarás inniúil eile agus, i gcás inarb ábhartha, do gach údarás náisiúnta faireachais san Aontas ionas go mbeidh siad in ann freagairt ar fud an mhargaidh a chomhordú agus a chinneadh an iomchuí stop a chur le trádáil ar ionaid eile ar a dtrádáiltear an ionstraim airgeadais go dtí go n‑atosófar an trádáil ar an margadh bunaidh.

Áiritheoidh oibreoir margaidh de mhargadh rialáilte go nochtfaidh an margadh rialáilte go poiblí ar a shuíomh gréasáin faisnéis faoi na himthosca is cúis le stop nó srian a chur le trádáil agus faoi na prionsabail chun na príomhpharaiméadair theicniúla a shuigh a úsáidtear chun é sin a dhéanamh.

I gcás nach gcuirfidh margadh rialáilte stop nó srian le trádáil dá dtagraítear sa chéad fhomhír, d’ainneoin go bhfuil coinníollacha trádála mí‑ordúla ar mhargadh amháin nó ar roinnt margaí mar thoradh ar ghluaiseacht shuntasach praghsanna in ionstraim airgeadais nó in ionstraimí airgeadais gaolmhara, beidh an t‑údarás inniúil nó, i gcás inarb é ESMA an t‑údarás inniúil, an t‑údarás náisiúnta faireachais in ann bearta iomchuí a dhéanamh chun gnáthfheidhmiú na margaí a athbhunú, lena n‑áirítear úsáid a bhaint as na cumhachtaí maoirseachta dá dtagraítear in Airteagal 69(2), pointí (m) go (p) de Threoir 2014/65/AE. Tabharfaidh an t‑údarás náisiúnta faireachais fógra do ESMA faoi na bearta a rinneadh gan moill mhíchuí.

6. Áiritheoidh oibreoir margaidh de mhargadh rialáilte go mbeidh córais, nósanna imeachta agus socruithe éifeachtacha i bhfeidhm ag an margadh rialáilte, lena n‑áirítear ceangal a chur ar chomhaltaí nó ar rannpháirtithe tástáil iomchuí a dhéanamh ar algartaim agus timpeallachtaí a sholáthar chun tástáil den sórt sin a éascú i gcomhréir leis na ceanglais a leagtar síos i gCaibidlí II agus IV de Rialachán (AE) 2022/2554, chun a áirithiú nach féidir le córais trádála algartamacha coinníollacha trádála mí‑ordúla ar an margadh a chruthú ná cur leo agus chun bainistiú a dhéanamh ar aon choinníoll trádála mí‑ordúil a eascraíonn as córais trádála algartamacha den sórt sin, lena n‑áirítear córais chun teorainn a chur leis an gcóimheas idir orduithe neamh‑fhorfheidhmithe agus idirbhearta a a fhéadfaidh comhalta nó rannpháirtí a iontráil sa chóras, ionas go mbeidh siad in ann sreabhadh na n‑orduithe a mhoilliú má tá riosca ann go sroichfear a acmhainneacht córais agus chun teorainn a chur leis an íosmhéid ticeanna a fhéadfar a fhorfheidhmiú ar an margadh agus an íosmhéid sin a fhorfheidhmiú.

7. Áiritheoidh oibreoir margaidh de mhargadh rialáilte a cheadaíonn rochtain leictreonach dhíreach go bhfuil nósanna imeachta agus socruithe éifeachtacha i bhfeidhm ag an margadh rialáilte chun a áirithiú nach gceadaítear do chomhaltaí ná do rannpháirtithe rochtain leictreonach dhíreach a sholáthar ach amháin más gnólachtaí infheistíochta iad atá údaraithe faoi Threoir 2014/65/AE nó institiúidí creidmheasa atá údaraithe faoi Threoir 2013/36/AE, go socraítear agus go gcuirtear i bhfeidhm critéir iomchuí maidir le hoiriúnacht na ndaoine a bhféadfaidh rochtain den sórt sin a sholáthar dóibh agus go gcoinníonn an comhalta nó an rannpháirtí freagracht as orduithe agus trádálacha a fhorfheidhmítear trí úsáid a bhaint as an tseirbhís sin i ndáil le ceanglais an Rialacháin seo.

Áiritheoidh oibreoir margaidh de mhargadh rialáilte go socróidh an margadh rialáilte caighdeáin iomchuí maidir le rialuithe riosca agus tairseacha i ndáil le trádáil trí rochtain den sórt sin agus beidh sé in ann idirdhealú a dhéanamh agus, más gá, stop a chur le horduithe nó trádáil ag duine a úsáideann rochtain leictreonach dhíreach ar leithligh ó orduithe nó trádáil eile ag an gcomhalta nó ag an rannpháirtí.

Áiritheoidh oibreoir margaidh de mhargadh rialáilte go bhfuil socruithe i bhfeidhm ag an margadh rialáilte chun soláthar rochtana leictreonaí dírí ag comhalta nó rannpháirtí ar chliant a chur ar fionraí nó a fhoirceannadh i gcás neamhchomhlíonadh na míre seo.

8. Áiritheoidh oibreoir margaidh de mhargadh rialáilte go mbeidh rialacha an mhargaidh rialáilte maidir le seirbhísí comhlonnaithe trédhearcach, cothrom agus neamh‑idirdhealaitheach.

9. Áiritheoidh oibreoir margaidh de mhargadh rialáilte go bhfuil struchtúir táillí ag an margadh rialáilte lena n‑áirítear táillí forfheidhmiúcháin, táillí coimhdeacha agus aon lacáiste atá trédhearcach, cothrom agus neamh‑idirdhealaitheach agus nach gcruthaíonn siad dreasachtaí chun orduithe a chur, a mhodhnú nó a chealú nó chun idirbhearta a fhorfheidhmiú ar bhealach a chuireann le coinníollacha trádála mí‑ordúla nó le drochúsáid mhargaidh. Go háirithe, áiritheoidh oibreoir margaidh de mhargadh rialáilte go bhforchuirfidh an margadh rialáilte oibleagáidí cruthaithe margaidh i scaireanna aonair nó i mbascaed oiriúnach scaireanna mar mhalairt ar aon lacáistí a dheonaítear.

Féadfaidh margadh rialáilte a tháillí ar orduithe cealaithe a choigeartú de réir na tréimhse ama ar lena linn a coinníodh an t‑ordú ar bun agus na táillí a chalabrú do gach ionstraim airgeadais a bhfuil feidhm acu ina leith.

Féadfaidh margadh rialáilte táille níos airde a fhorchur as ordú a chur ar ceal ina dhiaidh sin ná ordú a fhorfheidhmítear agus táille níos airde a fhorchur ar rannpháirtithe a chuireann cóimheas ard idir orduithe cealaithe agus orduithe forfheidhmithe agus orthu sin a oibríonn teicníc trádála algartamaí ardmhinicíochta chun an t‑ualach breise ar acmhainneacht an chórais a léiriú.

10. Áiritheoidh oibreoir margaidh de mhargadh rialáilte go mbeidh an margadh rialáilte in ann orduithe arna nginiúint ag trádáil algartamach, na halgartaim éagsúla a úsáidtear chun orduithe a chruthú agus na daoine ábhartha a thionscnaíonn na horduithe sin a shainaithint, trí bhíthin bratach a fháil ó chomhaltaí nó ó rannpháirtithe. Beidh an fhaisnéis sin ar fáil, arna iarraidh sin, d’údaráis inniúla agus, i gcás inarb é ESMA an t‑údarás inniúil, d’údaráis náisiúnta faireachais

Áiritheoidh oibreoir margaidh de mhargadh rialáilte go gcuirfidh an margadh rialáilte sonraí a bhaineann leis an leabhar orduithe ar fáil don údarás inniúil nó, i gcás inarb é ESMA an t‑údarás inniúil, don údarás náisiúnta faireachais nó go dtabharfaidh sé rochtain ar an leabhar orduithe don údarás inniúil nó, i gcás inarb ábhartha don údarás faireachais náisiúnta, arna iarraidh sin dó, ionas go mbeidh sé in ann faireachán a dhéanamh ar thrádáil. Déanfaidh an t‑údarás náisiúnta faireachais, ar a uain, na sonraí sin a thuairisciú do ESMA, arna iarraidh sin dó.

Airteagal 2h 
Méideanna ticeanna

1. Áiritheoidh oibreoir margaidh de mhargadh rialáilte go nglacfaidh an margadh rialáilte córais de mhéid ticeanna i scaireanna, in admhálacha taisclainne, i gcistí arna dtrádáil ar an malartán, i ndeimhnithe agus in ionstraimí airgeadais comhchosúla eile agus in aon ionstraim airgeadais eile dá bhforbraítear caighdeáin theicniúla rialála i gcomhréir le hAirteagal 2zg(3), pointe (k). Ní chuirfidh cur i bhfeidhm méideanna ticeanna cosc ar mhargaí rialáilte orduithe ar scála mór a mheaitseáil ag lárphointe laistigh de na praghsanna tairgthe agus tairisceana reatha.

2. Maidir leis na córais méideanna ticeanna dá dtagraítear i mír 1:

(a)déanfar iad a chalabrú chun próifíl leachtachta na hionstraime airgeadais i margaí éagsúla agus an meánraon difríochta idir tairiscint agus iarraidh a léiriú, agus a inmhianaithe atá sé praghsanna réasúnta cobhsaí a chumasú á chur san áireamh gan srian míchuí a chur ar chúngú breise na raonta difríochta;

(b)déanfar méid an tic a oiriúnú do gach ionstraim airgeadais mar is iomchuí.

Maidir le scaireanna ag a bhfuil Uimhir Aitheantais Urrús Idirnáisiúnta (ISIN) arna heisiúint lasmuigh den Limistéar Eorpach Eacnamaíoch (LEE), nó scaireanna ag a bhfuil ISIN LEE agus a thrádáiltear ar ionad tríú tír san airgeadra áitiúil nó in airgeadra neamh-LEE, dá dtagraítear in Airteagal 23(1), pointe (a), a bhfuil an t‑ionad arb é an margadh is ábhartha i dtéarmaí leachtachta é i dtríú tír, féadfaidh margaí rialáilte foráil a dhéanamh maidir leis an méid tic chéanna is infheidhme ar an ionad sin.

Airteagal 2i 
Ionstraimí airgeadais a ligean isteach chun a dtrádála

1. Áiritheoidh oibreoir margaidh i margadh rialáilte go bhfuil rialacha soiléire agus trédhearcacha ag an margadh rialáilte maidir le hionstraimí airgeadais a ligean isteach chun a dtrádála.

Áiritheofar leis na rialacha sin gur féidir aon ionstraim airgeadais a ligtear isteach chun a trádála ar mhargadh rialáilte a thrádáil ar bhealach cóir, ordúil agus éifeachtúil agus, i gcás urrús inaistrithe, go mbeidh sí soshannta go neamhshrianta.

Ní chuirfidh na Ballstáit srian ar raon feidhme ionstraimí airgeadais is féidir a ligean isteach chun a dtrádála ar mhargadh rialáilte ar an bhforas nach gcuirfear na hionstraimí sin ar fáil d’infheisteoirí miondíola ina ndlínse.

2. I gcás díorthach, áiritheofar leis na rialacha dá dtagraítear i mír 1 go háirithe go gceadófar le dearadh an chonartha díorthach a phraghsáil ordúil chomh maith le coinníollacha socraíochta éifeachtacha a bheith ann.

3. I dteannta na n‑oibleagáidí a leagtar amach i míreanna 1 agus 2, áiritheoidh oibreoir margaidh i margadh rialáilte go mbunóidh agus go gcoinneoidh an margadh rialáilte socruithe éifeachtacha ar bun chun a fhíorú go gcomhlíonann eisitheoirí urrús inaistrithe a ligtear isteach chun a dtrádála ar an margadh rialáilte a n‑oibleagáidí faoi dhlí an Aontais i leith oibleagáidí nochta tosaigh, leanúnacha nó ad hoc.

Áiritheoidh oibreoir margaidh i margadh rialáilte go mbunóidh an margadh rialáilte socruithe lena n‑éascófar dá chomhaltaí nó dá rannpháirtithe rochtain a fháil ar fhaisnéis a cuireadh ar fáil go poiblí faoi dhlí an Aontais.

4. Áiritheoidh oibreoir margaidh i margadh rialáilte go mbunóidh an margadh rialáilte na socruithe is gá chun athbhreithniú tráthrialta a dhéanamh ar chomhlíonadh na gceanglas maidir le ligean isteach na n‑ionstraimí airgeadais a ligeann sé isteach chun a dtrádála.

5. Féadfar urrús inaistrithe a ligeadh isteach chun a thrádála ar mhargadh rialáilte a ligean isteach ina dhiaidh sin chun a thrádála ar mhargaí rialáilte eile, fiú gan toiliú an eisitheora agus i gcomhréir le forálacha ábhartha Rialachán (AE) 2017/1129. Cuirfidh an margadh rialáilte an t‑eisitheoir ar an eolas go bhfuil a chuid urrús á dtrádáil ar an margadh rialáilte sin. Ní bheidh an t‑eisitheoir faoi réir aon oibleagáid faisnéis a cheanglaítear faoi mhír 3 a sholáthar go díreach d’aon mhargadh rialáilte a lig urrúis an eisitheora isteach chun a dtrádála gan a thoiliú.

Airteagal 2j 
Coinníollacha sonracha maidir le scaireanna a ligean isteach chun a dtrádála

1. Áiritheoidh oibreoir margaidh i margadh rialáilte go n‑éileoidh an margadh rialáilte gur EUR 1 000 000 ar a laghad, nó méid coibhéiseach in airgeadra náisiúnta eile seachas an euro, a bheidh i gcaipitliú margaidh intuartha na cuideachta a bhfuil ligean isteach chun trádála scaireanna á lorg ina leith, nó mura féidir é sin a mheasúnú, i gcaipiteal agus cúlchistí na cuideachta sin, lena n‑áirítear brabús agus caillteanas, ón mbliain airgeadais dheireanach.

2. Maidir le scaireanna a ligeadh isteach cheana chun a dtrádála, ní bheidh feidhm ag mír 1 maidir le scaireanna atá idirmhalartach leis na scaireanna sin a ligean isteach chun a dtrádála.

3. Más rud é, mar thoradh ar choigeartú ar an méid coibhéiseach in airgeadra náisiúnta eile seachas an euro, go bhfanann an caipitliú margaidh arna shloinneadh san airgeadra náisiúnta ar feadh tréimhse 1 bhliain amháin ar a laghad 10 % níos mó, nó ar a laghad 10 % níos lú, ná EUR 1 000 000, áiritheoidh an t‑oibreoir margaidh, laistigh de na 12 mhí tar éis dhul in éag na tréimhse sin, go gcoigeartóidh an margadh rialáilte a rialacha chun mír 1 a chomhlíonadh.

4. Áiritheoidh oibreoir margaidh i margadh rialáilte go gceanglóidh an margadh rialáilte go mbeidh 10 % ar a laghad den chaipiteal suibscríofa, atá comhionann leis an aicme scaireanna lena mbaineann an t‑iarratas ar ligean isteach chun a dtrádála, i seilbh an phobail tráth a ligtear isteach chun a dtrádála é.

5. De mhaolú ar mhír 4, féadfaidh na Ballstáit a cheangal go mbunóidh margaí rialáilte, tráth an ligin isteach, ceann amháin ar a laghad de na ceanglais seo a leanas maidir le hiarratas ar scaireanna a ligean isteach chun a dtrádála:

(a)go bhfuil líon leordhóthanach scaireanna i seilbh an phobail;

(b)go bhfuil na scaireanna i seilbh líon leordhóthanach scairshealbhóirí;

(c)go bhfuil margadhluach na scaireanna atá i seilbh an phobail ag leibhéal leordhóthanach caipitil shuibscríofa san aicme scaireanna lena mbaineann.

6. I gcás ina lorgaítear scaireanna atá idirmhalartach le scaireanna a iarradh go ligfí isteach iad cheana chun a dtrádála, déanfaidh margaí rialáilte measúnú, chun an ceanglas a leagtar síos i mír 4 a chomhlíonadh, ar cé acu a dáileadh nó nár dáileadh líon leordhóthanach scaireanna ar an bpobal i ndáil leis na scaireanna uile a eisíodh agus ní hamháin i ndáil leis na scaireanna atá idirmhalartach le scaireanna a iarradh go ligfí isteach iad cheana chun a dtrádála.

Airteagal 2k 
Ionstraimí airgeadais a chur ar fionraí agus a bhaint as trádáil ar mhargadh rialáilte

1. Gan dochar do cheart an údaráis inniúil nó, i gcás inarb é ESMA an t‑údarás inniúil, an údaráis náisiúnta faireachais faoi Airteagal 69(2) de Threoir 2014/65/AE a éileamh go ndéanfaí ionstraim airgeadais a chur ar fionraí nó a bhaint as trádáil, féadfaidh oibreoir margaidh ionstraim airgeadais nach gcomhlíonann rialacha an mhargaidh rialáilte a thuilleadh a chur ar fionraí nó a bhaint as trádáil mura rud é gur dócha go ndéanfadh fionraí nó baint den sórt sin dochar suntasach do leasanna na n‑infheisteoirí nó d’fheidhmiú ordúil an mhargaidh.

2. Oibreoir margaidh a chuireann ionstraim airgeadais ar fionraí nó a bhaineann ionstraim as trádáil, déanfaidh sé na díorthaigh dá dtagraítear i bpointí (4) go (10) de Roinn C d’Iarscríbhinn I a ghabhann le Treoir 2014/65/CE a bhaineann leis an ionstraim airgeadais sin nó a ndéantar tagairt dóibh don ionstraim airgeadais sin a chur ar fionraí nó a bhaint freisin i gcás inar gá chun tacú leis na cuspóirí i ndáil leis an ionstraim airgeadais foluiteach a chur ar fionraí nó a bhaint. Poibleoidh an t‑oibreoir margaidh fionraí nó baint na hionstraime airgeadais agus aon díorthaigh ghaolmhair agus cuirfidh sé an méid sin in iúl dá údarás inniúil agus, i gcás inarb é ESMA an t‑údarás inniúil, dá údarás náisiúnta faireachais.

Oibreoirí margaidh a oibríonn margaí rialáilte eile, agus oibreoirí margaidh agus gnólachtaí infheistíochta a oibríonn saoráidí trádála iltaobhacha, saoráidí trádála eagraithe agus inmheánaitheoirí córasacha, a thrádálann an ionstraim airgeadais chéanna dá dtagraítear i mír 1 nó díorthaigh dá dtagraítear i bpointí (4) go (10) de Roinn C d’Iarscríbhinn I a ghabhann le Treoir 2014/65/CE a bhaineann leis an ionstraim airgeadais dá dtagraítear i mír 1, nó a ndéantar tagairt dóibh, déanfaidh siad, tar éis dóibh eolas a fháil faoin bhfionraí nó faoin mbaint sin agus gan moill mhíchuí, an ionstraim airgeadais nó na díorthaigh sin a chur ar fionraí nó a bhaint ó thrádáil freisin, i gcás inarb é drochúsáid mhargaidh amhrasta is cúis leis an bhfionraí nó leis an mbaint, tairiscint táthcheangail nó neamhnochtadh faisnéise ón taobh istigh faoin eisitheoir nó faoin ionstraim airgeadais a sháraíonn Airteagail 7 agus 17 de Rialachán (AE) Uimh. 596/2014, mura rud é go measann an t‑údarás inniúil nó, i gcás inarb é ESMA an t‑údarás inniúil, an t‑údarás náisiúnta faireachais go bhféadfadh an fhionraí nó an bhaint damáiste suntasach a dhéanamh do leasanna na n‑infheisteoirí nó d’oibriú ordúil an mhargaidh.

Poibleoidh na hoibreoirí margaidh, na gnólachtaí infheistíochta agus na hinmheánaitheoirí córasacha dá dtagraítear san fhomhír roimhe seo fionraí nó baint na hionstraime airgeadais agus aon díorthaigh ghaolmhair. Tá feidhm ag an mír seo freisin nuair a chuirtear deireadh le fionraí ó thrádáil ionstraime airgeadais nó díorthach dá dtagraítear i bpointí (4) go (10) de Roinn C d’Iarscríbhinn I a ghabhann le Treoir 2014/65/CE a bhaineann leis an ionstraim airgeadais sin nó a ndéantar tagairt dóibh don ionstraim airgeadais sin.

Beidh feidhm ag an mír seo freisin i gcás inarb é an t‑údarás inniúil nó, i gcás inarb é ESMA an t‑údarás inniúil, an t‑údarás náisiúnta faireachais de bhun Airteagal 69(2), pointí (m) agus (n), de Threoir 2014/65/AE a dhéanfaidh an cinneadh ionstraim airgeadais nó díorthaigh dá dtagraítear i bpointí (4) go (10) de Roinn C d’Iarscríbhinn I a ghabhann le Treoir 2014/65/CE a bhaineann leis an ionstraim airgeadais sin nó a ndéantar tagairt dóibh leis an ionstraim airgeadais sin a chur ar fionraí nó a bhaint as trádáil.

Airteagal 2l 
Rochtain ar mhargadh rialáilte

1. Áiritheoidh oibreoir margaidh i margadh rialáilte go ndéanfaidh an margadh rialáilte rialacha trédhearcacha agus neamh-idirdhealaitheacha a leagan síos, a chur chun feidhme agus a choinneáil ar bun, bunaithe ar chritéir oibiachtúla, lena rialaítear rochtain ar an margadh rialáilte nó ballraíocht ann.

2. Sonrófar sna rialacha dá dtagraítear i mír 1 aon oibleagáid do na comhaltaí nó do na rannpháirtithe a eascraíonn as an méid seo a leanas:

(a)comhdhéanamh agus riar an mhargaidh rialáilte;

(b)rialacha a bhaineann le hidirbhearta ar an margadh;

(c)caighdeáin ghairmiúla arna bhforchur ar fhoireann na ngnólachtaí infheistíochta nó na n‑institiúidí creidmheasa atá ag oibriú ar an margadh;

(d)na coinníollacha arna leagan síos, do chomhaltaí nó do rannpháirtithe seachas gnólachtaí infheistíochta agus institiúidí creidmheasa, faoi mhír 3;

(e)na rialacha agus na nósanna imeachta maidir le himréiteach agus socrú idirbheart arna dtabhairt i gcrích ar an margadh rialáilte.

3. Féadfaidh margaí rialáilte gnólachtaí infheistíochta, institiúidí creidmheasa arna n‑údarú faoi Threoir 2013/36/AE, agus daoine eile a ligean isteach mar chomhaltaí nó mar rannpháirtithe más rud é:

(a)go bhfuil dea-cháil leordhóthanach orthu;

(b)go bhfuil leibhéal leordhóthanach cumais, inniúlachta agus taithí trádála acu;

(c)go bhfuil socruithe eagraíochtúla leormhaithe acu, i gcás inarb infheidhme;

(d)go bhfuil acmhainní leordhóthanacha acu don ról atá le comhlíonadh acu, agus na socruithe airgeadais éagsúla a d’fhéadfadh a bheith bunaithe ag an margadh rialáilte chun socrú leordhóthanach idirbheart a ráthú á gcur san áireamh.

3a. Agus daoine atá ina gcomhaltaí nó ina rannpháirtithe cheana féin i margadh rialáilte eile á ligean isteach mar chomhaltaí nó mar rannpháirtithe, measfaidh margaí rialáilte go gcomhlíonann na daoine sin mír 3, pointe (a), gan aon mheasúnú breise. Measfaidh margaí rialáilte freisin go gcomhlíonann na daoine sin mír 2, pointe (c), nó mír 3, pointí (b) agus (c), de réir mar is infheidhme, gan aon mheasúnú breise, i gcás ina n‑iarrann siad a bheith ina gcomhaltaí nó ina rannpháirtithe i ndáil le trádáil in aicme ionstraimí airgeadais a bhfuil siad ina gcomhaltaí nó ina rannpháirtithe cheana féin i margadh rialáilte eile ina leith.

4. I gcás na n‑idirbheart a thugtar i gcrích ar mhargadh rialáilte, níl sé d’oibleagáid ar chomhaltaí ná ar rannpháirtithe na hoibleagáidí a leagtar síos in Airteagail 24, 25, 27 agus 28 de Threoir 2014/65/AE a chur i bhfeidhm maidir lena chéile. Mar sin féin, cuirfidh comhaltaí nó rannpháirtithe an mhargaidh rialáilte na hoibleagáidí dá bhforáiltear in Airteagail 24, 25, 27 agus 28 de Threoir 2014/65/AE i bhfeidhm maidir lena gcliaint nuair a dhéanfaidh siad, ag gníomhú dóibh thar ceann a gcliant, a n‑orduithe a fhorfheidhmiú ar mhargadh rialáilte.

5. Leis na rialacha maidir le rochtain ar mhargadh rialáilte nó ballraíocht ann nó rannpháirtíocht ann, déanfar foráil maidir le rannpháirtíocht dhíreach nó chianda gnólachtaí infheistíochta agus institiúidí creidmheasa. Leis na rialacha sin, ní dhéanfar idirdhealú idir rannpháirtíocht dhíreach nó chianda ná ní fhorchuirfear aon srian breise ar cheachtar den dá chineál rannpháirtíochta.

6. Cuirfidh oibreoirí margaidh in iúl, ar bhonn tráthrialta, don údarás inniúil agus, i gcás inarb é ESMA an t‑údarás inniúil, don údarás náisiúnta faireachais, liosta de chomhaltaí nó de rannpháirtithe na margaí rialáilte a oibríonn siad.

Airteagal 2m 
Fógra a thabhairt faoi leasuithe ar rialacha an mhargaidh rialáilte

1. Tabharfaidh oibreoir margaidh fógra don údarás inniúil faoi aon leasú ar rialacha an mhargaidh rialáilte a oibríonn sé 30 lá ar a laghad sula ngabhfaidh éifeacht leis an leasú sin.

2. Beidh sé de chumhacht ag an údarás inniúil a cheangal ar oibreoir margaidh rialacha an mhargaidh rialáilte a oibríonn sé a leasú i gcás ina gcinnfidh sé nach gcomhlíonann na rialacha sin na ceanglais faoin Rialachán seo.

Airteagal 2n
Faireachán a dhéanamh ar chomhlíonadh rialacha an mhargaidh rialáilte agus oibleagáidí dlíthiúla eile

1. Áiritheoidh oibreoir margaidh i margadh rialáilte go mbunóidh agus go gcoinneoidh an margadh rialáilte ar bun socruithe agus nósanna imeachta éifeachtacha lena n‑áirítear na hacmhainní is gá chun faireachán tráthrialta a dhéanamh ar chomhlíonadh a rialacha ag a chomhaltaí nó ag a rannpháirtithe. Déanfaidh margaí rialáilte faireachán ar orduithe a sheoltar lena n‑áirítear cealúcháin agus na hidirbhearta a dhéanann a gcomhaltaí nó a rannpháirtithe faoina gcórais chun sáruithe ar na rialacha sin, coinníollacha trádála mí-ordúla nó iompar a shainaithint a d’fhéadfadh iompraíocht a thoirmisctear faoi Rialachán (AE) Uimh. 596/2014 nó suaitheadh córais i ndáil le hionstraim airgeadais a léiriú agus úsáidfidh siad na hacmhainní is gá chun a áirithiú go mbeidh an faireachán sin éifeachtach.

2. Cuirfidh oibreoir margaidh i margadh rialáilte a údarás inniúil agus, i gcás inarb é ESMA an t‑údarás inniúil, an t‑údarás náisiúnta faireachais, ar an eolas láithreach faoi sháruithe suntasacha ar a rialacha nó ar choinníollacha nó iompar trádála mí-ordúla a d’fhéadfadh iompraíocht a thoirmisctear faoi Rialachán (AE) Uimh. 596/2014 nó cur isteach ar an gcóras i ndáil le hionstraim airgeadais a léiriú.

Déanfaidh an t‑údarás inniúil nó, i gcás inarb é ESMA an t‑údarás inniúil, an t‑údarás náisiúnta faireachais an fhaisnéis dá dtagraítear sa chéad fhomhír a chur in iúl do ESMA agus do na húdaráis arna n‑ainmniú i gcomhréir le hAirteagal 67(1) de Threoir 2014/65/AE ó na Ballstáit eile.

I ndáil le hiompar a d’fhéadfadh iompraíocht a thoirmisctear faoi Rialachán (AE) Uimh. 596/2014 a léiriú, beidh an t‑údarás inniúil nó, i gcás inarb é ESMA an t‑údarás inniúil, an t‑údarás náisiúnta faireachais cinnte go bhfuil an iompraíocht sin á déanamh nó déanta sula dtabharfaidh sé fógra do na húdaráis arna n‑ainmniú i gcomhréir le hAirteagal 67(1) de Threoir 2014/65/AE ó na Ballstáit eile.

I gcás inarb é ESMA an t‑údarás inniúil, tabharfaidh ESMA aird chuí ar an bhfaisnéis a fhaightear de bhun na míre seo, go háirithe agus measúnú á dhéanamh aige ar shárú féideartha ar mhír 1 ag an margadh rialáilte. Féadfaidh ESMA a cheangal ar an údarás náisiúnta faireachais aon fhaisnéis bhreise is gá chun críche an mheasúnaithe sin a chur isteach.

I gcás inarb é ESMA an t‑údarás inniúil, i gcásanna ina measann údarás náisiúnta faireachais nár chuir an t‑oibreoir margaidh an fhaisnéis dá dtagraítear sa mhír seo ar fáil nó nár chuir sé ar fáil go tráthúil í, cuirfidh an t‑údarás sin ESMA ar an eolas. Déanfaidh ESMA measúnú, laistigh de 20 lá oibre, ar cé acu a sháraigh nó nár sháraigh an t‑oibreoir margaidh a oibleagáidí faoin gcéad fhomhír, agus déanfaidh sé na bearta iomchuí.

3. Soláthróidh an t‑oibreoir margaidh an fhaisnéis ábhartha gan moill mhíchuí don údarás atá inniúil ar dhrochúsáid mhargaidh ar an margadh rialáilte a imscrúdú agus a ionchúiseamh agus tabharfaidh sé lánchúnamh don údarás sin maidir le drochúsáid mhargaidh a tharlaíonn ar chórais an mhargaidh rialáilte nó trí na córais sin a imscrúdú agus a ionchúiseamh.

I gcás inarb é ESMA údarás inniúil an mhargaidh rialáilte, i gcásanna ina measann údarás atá inniúil chun drochúsáid mhargaidh ar mhargadh rialáilte den sórt sin a imscrúdú agus a ionchúiseamh nár soláthraíodh an fhaisnéis nó an cúnamh dá dtagraítear sa mhír seo nó nár soláthraíodh go tráthúil iad, cuirfidh an t‑údarás sin ESMA ar an eolas. Déanfaidh ESMA measúnú, laistigh de 20 lá oibre, ar cé acu a sháraigh nó nár sháraigh an t‑oibreoir margaidh a oibleagáidí faoin gcéad fhomhír, agus déanfaidh sé na bearta iomchuí.

Airteagal 2o 
Gníomhaíocht trasteorann margaí rialáilte

1. Féadfaidh margadh rialáilte údaraithe a ghníomhaíocht a dhéanamh gan bhac laistigh den Aontas, tríd an tsaoirse chun seirbhísí a sholáthar nó trí bhrainse a chur ar bun. Áireofar ar na gníomhaíochtaí sin an méid seo a leanas ar a laghad:

(a)socruithe iomchuí a sholáthar chun rochtain ar an margadh rialáilte sin agus trádáil air ag comhaltaí nó rannpháirtithe cianda atá bunaithe in aon Bhallstát a éascú;

(b)gníomhaíochtaí a bhaineann le comhaltaí nó rannpháirtithe a ligean isteach ar an margadh rialáilte sin;

(c)gníomhaíochtaí a bhaineann le hionstraimí airgeadais a ligean isteach chun a dtrádála ar an margadh rialáilte sin.

2. Áiritheoidh oibreoir margaidh i margadh rialáilte údaraithe, nó oibreoir margaidh rialáilte a rinne iarratas ar údarú de bhun Airteagal 2b a bhfuil sé beartaithe aige a ghníomhaíocht a dhéanamh laistigh de chríoch Ballstáit eile, go gcuirfidh an margadh rialáilte an Ballstát ina bhfuil sé beartaithe aige a ghníomhaíocht a dhéanamh in iúl dá údarás inniúil. Cuirfidh an t‑údarás inniúil an fhaisnéis sin in iúl don údarás arna ainmniú de bhun Airteagal 67 den Threoir 2014/65/AE an Bhallstáit i gcás ina bhfuil sé i gceist ag an margadh rialáilte a ghníomhaíocht a fheidhmiú, laistigh de 7 lá oibre. I gcás nach é ESMA an t‑údarás inniúil, féadfaidh ESMA rochtain ar an bhfaisnéis sin a iarraidh i gcomhréir leis an nós imeachta agus leis na coinníollacha a leagtar amach in Airteagal 35 de Rialachán (AE) Uimh. 1095/2010.

Údarás inniúil an mhargaidh rialáilte, arna iarraidh sin don údarás arna ainmniú de bhun Airteagal 67 en Threoir 2014/65/AE an Bhallstáit i gcás ina bhfuil sé i gceist ag an margadh rialáilte a ghníomhaíocht a fheidhmiú nó ina bhfeidhmíonn sé a ghníomhaíocht, cuirfidh an t‑údarás sin in iúl, gan moill mhíchuí, aitheantas na gcomhaltaí nó na rannpháirtithe sa mhargadh rialáilte atá bunaithe sa Bhallstát sin.

I gcás ina mbunaíonn an margadh rialáilte brainse, áireofar an méid seo a leanas san fhaisnéis dá dtagraítear sa chéad fhomhír:

(a)na tascanna a dhéanfaidh an brainse;

(b)struchtúr eagraíochtúil an bhrainse;

(c)an seoladh sa Bhallstát ina bhfuil sé i gceist ag an margadh rialáilte brainse a bhunú;

(d)ainmneacha na ndaoine atá freagrach as bainistíocht an bhrainse.

3. I gcás athrú ar aon chuid de na sonraí a chuirfear in iúl i gcomhréir le mír 2, áiritheoidh oibreoir margaidh an mhargaidh rialáilte go dtugann an margadh rialáilte fógra i scríbhinn maidir leis an athrú sin dá údarás inniúil 7 lá oibre ar a laghad sula gcuirfear an t‑athrú chun feidhme. Fógróidh an t‑údarás inniúil don údarás arna ainmniú de bhun Airteagal 67 den Threoir 2014/65/AE an Bhallstáit i gcás ina bhfeidhmíonn an margadh rialáilte a ghníomhaíocht.

4. Ní fhorchuirfidh Ballstáit aon cheanglas dlíthiúil ná riaracháin breise i ndáil le gníomhaíocht thrasteorann margaí rialáilte ina gcríoch.

CAIBIDIL 2 
Ceanglais maidir le saoráidí trádála iltaobhacha agus saoráidí trádála eagraithe

Airteagal 2p 
Ceanglas maidir le húdarú saoráidí trádála iltaobhacha agus saoráidí trádála eagraithe arna n‑oibriú ag oibreoir margaidh

Údaróidh údarás inniúil oibreoir margaidh chun saoráid trádála iltaobhach nó saoráid trádála eagraithe a oibriú faoi réir réamhfhíorú ar a chomhlíontacht leis na forálacha a leagtar amach sa Chaibidil seo.

Airteagal 2q 
Údarú, maoirseacht leanúnach agus údarú a tharraingt siar ó ghnólachtaí infheistíochta chun saoráidí trádála iltaobhacha nó saoráidí trádála eagraithe a oibriú

1. I gcás inarb é ESMA an t‑údarás inniúil de bhun Airteagal 38fa maidir le gnólacht infheistíochta nó oibreoir margaidh a oibríonn ionad trádála suntasach, agus i gcás inar leis an ngrúpa céanna an gnólacht infheistíochta is iarratasóir agus ar leo an gnólacht infheistíochta sin nó an t‑oibreoir margaidh sin a oibríonn ionad trádála suntasach, beidh sé de chumhacht ag ESMA an gnólacht infheistíochta sin a údarú i gcás ina bhfuil sé i gceist aige oibriú saoráide trádála iltaobhaí nó saoráide trádála eagraithe, nó an dá rud a oibriú go heisiach.

2. Coinneoidh ESMA faoi athbhreithniú tráthrialta comhlíontacht an ghnólachta infheistíochta arna údarú i gcomhréir le mír 1 leis na ceanglais a leagtar amach sa Rialachán seo agus Teideal II de Threoir 2014/65/AE.

3. Féadfaidh ESMA an t‑údarú arna eisiúint do ghnólacht infheistíochta i gcomhréir le mír 1 a aistarraingt i gcás ina gcomhlíontar na coinníollacha maidir le haistarraingt a leagtar amach in Airteagal 8 de Threoir 2014/65/AE.

4. Chun críocha chur i gcrích na dtascanna a thugtar dóibh leis an Airteagal seo, cuirfidh ESMA i bhfeidhm na forálacha náisiúnta lena dtrasuitear Treoir 2014/65/AE de chuid Bhallstát baile an ghnólachta infheistíochta sin, arna léirmhíniú ar bhealach comhsheasmhach le dlí an Aontais.

5. I gcás inarb é ESMA an t‑údarás inniúil de bhun Airteagal 38fa maidir le gnólacht infheistíochta nó oibreoir margaidh a oibríonn ionad trádála suntasach, cuirfidh gnólacht infheistíochta ar leis an ngrúpa céanna é leis an ngnólacht infheistíochta sin nó leis an oibreoir margaidh sin a oibríonn ionad trádála suntasach agus a lorgaíonn údarú chun seirbhísí infheistíochta a sholáthar nó gníomhaíochtaí infheistíochta a fheidhmiú, lena n‑áirítear ach gan a bheith teoranta d’oibriú saoráide trádála iltaobhaí nó saoráide trádála eagraithe, iarraidh isteach i gcomhair údarú chuig údarás inniúil a Bhallstáit baile.

Tarchuirfidh údarás inniúil an Bhallstáit baile, gan moill mhíchuí, an iarraidh sin chuig ESMA agus aon fhaisnéis a chuir an gnólacht infheistíochta ar fáil chun críche údarú a lorg chun saoráid trádála iltaobhach nó saoráid trádála eagraithe a oibriú.

Laistigh de 10 lá oibre ón iarratas a fháil, déanfaidh ESMA measúnú i dtaobh cé acu atá nó nach bhfuil an t‑iarratas ar údarú chun saoráid trádála iltaobhach nó saoráid trádála eagraithe a oibriú iomlán.

Mura bhfuil an t‑iarratas comhlánaithe ina iomláine, leagfaidh ESMA síos sprioc-am faoina mbeidh ar an ngnólacht infheistíochta faisnéis bhreise a sholáthar.

Tar éis do ESMA a mheas go bhfuil an t‑iarratas comhlánaithe, tabharfaidh sé fógra don ghnólacht infheistíochta dá réir.

Laistigh de 60 lá oibre ón iarratas comhlánaithe a fháil, tabharfaidh ESMA tuairim maidir le húdarú chun saoráid trádála iltaobhach agus saoráid trádála eagraithe a oibriú agus tarchuirfidh siad an tuairim sin gan moill mhíchuí chuig údarás inniúil an Bhallstáit baile.

Glacfaidh údarás inniúil an Bhallstáit baile cinneadh réasúnaithe údarú a dheonú nó a dhiúltú ar bhonn na tuairime a tharchuirfidh ESMA agus tabharfaidh sé fógra don ghnólacht infheistíochta dá réir sin laistigh de 5 lá oibre tar éis a ghlactha. Diúltóidh an t‑údarás inniúil an t‑údarú chun saoráid trádála iltaobhach nó saoráid trádála eagraithe a oibriú i gcás ina dtugann ESMA tuairim dhiúltach.

6. Féadfaidh údarás inniúil an Bhallstáit baile an t‑údarú dá dtagraítear i míreanna roimhe seo a aistarraingt, i gcás ina gcuireann ESMA in iúl dó go bhfuil ceann ar bith de na coinníollacha a leagtar amach in Airteagal 8 de Threoir 2014/65/AE comhlánaithe i ndáil le hoibriú saoráide trádála iltaobhaí nó saoráide trádála eagraithe. I gcás ina n‑aistarraingíonn údarás inniúil an t‑údarú, cuirfidh sé an gnólacht infheistíochta ar an eolas dá réir.

7. Beidh feidhm ag míreanna 1 go 6 freisin maidir le gnólacht infheistíochta ar leis an ngrúpa céanna é leis an CPL agus TLU atá faoi réir maoirseachta ó ESMA.

8. Beidh feidhm ag míreanna 1 go 7 ó thagann ESMA chun bheith ina údarás inniúil de bhun Airteagal 38fa.

Airteagal 2r 
Síneadh le húdarú do ghnólachtaí infheistíochta a oibríonn saoráidí trádála iltaobhacha nó saoráidí trádála eagraithe cheana féin

1. Cuirfidh gnólacht infheistíochta atá údaraithe ag ESMA de bhun Airteagal 2q(1) agus a bhfuil údarú á lorg aige chun a ghnó a shíneadh chuig seirbhísí nó gníomhaíochtaí infheistíochta nó seirbhísí coimhdeacha nach raibh beartaithe tráth an údaraithe tosaigh iarraidh isteach chun síneadh a chur lena údarú chuig ESMA.

2. I gcás ina mbaineann an iarraidh dá dtagraítear i mír 1 le seirbhísí nó gníomhaíochtaí infheistíochta seachas oibriú saoráide trádála iltaobhaí nó saoráide trádála eagraithe, tarchuirfidh ESMA gan moill mhíchuí an iarraidh sin agus aon fhaisnéis a chuir an gnólacht infheistíochta ar fáil chun na críche sin chuig údarás inniúil Bhallstát baile an ghnólachta infheistíochta.

Laistigh de 10 lá oibre ón iarratas a fháil, déanfaidh an t‑údarás inniúil dá dtagraítear i bhfomhír 1 measúnú i dtaobh cé acu atá nó nach bhfuil an t‑iarratas ar údarú iomlán.

Mura bhfuil an t‑iarratas comhlánaithe ina iomláine, leagfaidh an t‑údarás inniúil síos sprioc-am faoina mbeidh ar an ngnólacht infheistíochta faisnéis bhreise a sholáthar.

Tar éis don údarás inniúil a mheas go bhfuil an t‑iarratas iomlán, tabharfaidh sé fógra don ghnólacht infheistíochta dá réir sin.

Laistigh de 60 lá oibre ón iarratas comhlánaithe a fháil, tabharfaidh an t‑údarás inniúil tuairim maidir le síneadh a chur leis an údarú agus tarchuirfidh siad an tuairim sin gan moill mhíchuí chuig ESMA.

Glacfaidh ESMA cinneadh réasúnaithe chun údarú a dheonú nó a dhiúltú ar bhonn na tuairime a tharchuir an t‑údarás inniúil agus tabharfaidh sé fógra don ghnólacht infheistíochta dá réir sin laistigh de chúig lá oibre tar éis a ghlactha. Diúltóidh ESMA an síneadh leis an údarú i gcás ina dtugann an t‑údarás inniúil tuairim dhiúltach.

3. Gan dochar d’Airteagal 2q(3), aistarraingeoidh ESMA an t‑údarú dá dtagraítear in Airteagal 2q i ndáil le seirbhísí nó gníomhaíochtaí dá dtagraítear i mír 1, i gcás ina dtugann údarás inniúil Bhallstát baile an ghnólachta infheistíochta tuairim réasúnaithe ina gcinntear go bhfuil ceann ar bith de na coinníollacha a leagtar amach in Airteagal 8 de Threoir 2014/65/AE comhlánaithe i ndáil leis na seirbhísí nó gníomhaíochtaí infheistíochta dá dtagraítear i mír 1. I gcás ina n‑aistarraingíonn ESMA an t‑údarú, cuirfidh sé an gnólacht infheistíochta ar an eolas dá réir.

4. I gcás ina bhfuil na tascanna á ndéanamh a thugtar dóibh leis an Airteagal seo, cuirfidh ESMA i bhfeidhm na forálacha náisiúnta lena dtrasuitear Treoir 2014/65/AE Bhallstáit baile na gnólachta infheistíochta sin, arna léirmhíniú ar bhealach comhsheasmhach le dlí an Aontais.

5. Beidh feidhm ag míreanna 1 go 4 ó thagann ESMA chun bheith ina údarás inniúil de bhun Airteagal 38fa.

Airteagal 2s 
Síneadh le húdarú do ghnólachtaí infheistíochta a bhfuil sé i gceist acu saoráidí trádála iltaobhacha nó saoráidí trádála eagraithe a oibriú

1. I gcás inarb é ESMA an t‑údarás inniúil de bhun Airteagal 38fa maidir le gnólacht infheistíochta nó oibreoir margaidh a oibríonn ionad trádála suntasach, cuirfidh gnólacht infheistíochta ar leis an ngrúpa céanna é leis an ngnólacht infheistíochta sin nó leis an oibreoir margaidh sin a oibríonn ionad trádála suntasach agus a lorgaíonn údarú chun saoráid trádála iltaobhach nó saoráid trádála eagraithe a oibriú, iarraidh isteach i gcomhair síneadh chuig údarás inniúil a Bhallstáit baile.

Déanfaidh údarás inniúil an Bhallstáit baile, gan moill mhíchuí, an iarraidh sin agus aon fhaisnéis a chuir an gnólacht infheistíochta ar fáil chun na críche sin a tharchur chuig ESMA.

Laistigh de 10 lá oibre ón iarratas a fháil, déanfaidh ESMA measúnú i dtaobh cé acu atá nó nach bhfuil an t‑iarratas ar údarú iomlán.

Mura bhfuil an t‑iarratas comhlánaithe ina iomláine, leagfaidh ESMA síos sprioc-am faoina mbeidh ar an ngnólacht infheistíochta faisnéis bhreise a sholáthar.

Tar éis do ESMA a mheas go bhfuil an t‑iarratas comhlánaithe, tabharfaidh sé fógra don ghnólacht infheistíochta dá réir.

Laistigh de 60 lá oibre ón iarratas comhlánaithe a fháil, tabharfaidh ESMA tuairim maidir le síneadh a chur leis an údarú agus tarchuirfidh sé an tuairim sin gan moill mhíchuí chuig údarás inniúil an Bhallstáit baile.

Glacfaidh údarás inniúil an Bhallstáit baile cinneadh réasúnaithe údarú a dheonú nó a dhiúltú ar bhonn na tuairime a tharchuirfidh ESMA agus tabharfaidh sé fógra don ghnólacht infheistíochta dá réir sin laistigh de 5 lá oibre tar éis a ghlactha. Diúltóidh an t‑údarás inniúil an síneadh leis an údarú i gcás ina dtugann ESMA tuairim dhiúltach.

2. Gan dochar d’Airteagal 8 den Threoir 2014/65/AE, aistarraingeoidh údarás inniúil an Bhallstáit baile an t‑údarú i ndáil le hoibriú saoráide trádála iltaobhaí agus saoráide trádála eagraithe, i gcás ina dtugann ESMA tuairim réasúnaithe ina gcinntear go bhfuil ceann ar bith de na coinníollacha a leagtar amach in Airteagal 8 de Threoir 2014/65/AE comhlánaithe i ndáil le hoibriú saoráide trádála iltaobhaí nó saoráide trádála eagraithe. I gcás ina n‑aistarraingíonn údarás inniúil an t‑údarú, cuirfidh sé an gnólacht infheistíochta ar an eolas dá réir.

3. Beidh feidhm ag míreanna 1 agus 2 freisin maidir le gnólacht infheistíochta ar leis an ngrúpa céanna é leis an CCPL agus TLU atá faoi réir maoirseachta ó ESMA, i gcás ina lorgaíonn gnólacht infheistíochta síneadh lena údarú chun saoráid trádála iltaobhach nó saoráid trádála eagraithe a oibriú.

4. Beidh feidhm ag míreanna 1 go 3 ó thagann ESMA chun bheith ina údarás inniúil de bhun Airteagal 38fa.

Airteagal 2t 
Maoirseacht leanúnach

1. Maidir le gnólachtaí infheistíochta atá údaraithe i gcomhréir le hAirteagal 2q(5), Airteagal 2r agus Airteagal 2s, coinneoidh ESMA faoi athbhreithniú tráthrialta comhlíontacht an ghnólachta infheistíochta leis na ceanglais a leagtar amach sa Teideal seo agus, as gnéithe ábhartha le hoibriú saoráide trádála iltaobhaí nó saoráide trádála eagraithe, leis na forálacha náisiúnta lena dtrasuitear Airteagal 16 de Threoir 2014/65/AE de chuid Bhallstát baile an ghnólachta infheistíochta sin arna léirmhíniú ar bhealach comhsheasmhach le dlí an Aontais.

2. Maidir le gnólachtaí infheistíochta atá údaraithe i gcomhréir le hAirteagal 2q(5), Airteagal 2r agus Airteagal 2s, coinneoidh údarás inniúil Bhallstát baile an ghnólachta infheistíochta faoi athbhreithniú tráthrialta comhlíontacht an ghnólachta infheistíochta leis na ceanglais a leagtar amach sna forálacha náisiúnta arna nglacadh i bhforfheidhmiú Theideal II de Threoir 2014/65/AE ag Ballstát baile an ghnólachta infheistíochta sin.

3. Chun críocha údarú éifeachtach agus éifeachtúil agus maoirseacht leanúnach gnólachtaí infheistíochta a áirithiú i gcomhréir le hAirteagal 2q(5), Airteagal 2r, agus Airteagal 2s, bunóidh ESMA agus údarás inniúil Bhallstát baile an ghnólachta infheistíochta socrú comhair.

4. Beidh feidhm ag míreanna 1 go 3 ó thagann ESMA chun bheith ina údarás inniúil de bhun Airteagal 38fa.

Airteagal 2u 
Comhlíontacht le rialacha na saoráide trádála iltaobhaí nó na saoráide trádála eagraithe agus le hoibleagáidí dlíthiúla eile

1. Bunóidh gnólachtaí infheistíochta agus oibreoirí margaidh a oibríonn saoráid trádála iltaobhach nó saoráid trádála eagraithe rialacha agus nósanna imeachta trédhearcacha le haghaidh trádáil chóir agus ordúil agus bunóidh siad critéir oibiachtúla chun orduithe a fhorfheidhmiú go héifeachtach. Beidh socruithe ann chun oibríochtaí teicniúla an chórais a bhainistiú go fónta, lena n‑áirítear socruithe teagmhasacha éifeachtacha a bhunú chun déileáil le rioscaí a bhaineann le briseadh córas.

2. Bunóidh gnólachtaí infheistíochta agus oibreoirí margaidh a oibríonn saoráid trádála iltaobhach nó saoráid trádála eagraithe rialacha trédhearcacha maidir leis na critéir chun na hionstraimí airgeadais a fhéadtar a thrádáil faoina gcórais a chinneadh.

I gcás inarb infheidhme, soláthróidh gnólachtaí infheistíochta agus oibreoirí margaidh a oibríonn saoráid trádála iltaobhach nó saoráid trádála eagraithe go leor faisnéise atá ar fáil go poiblí, nó beidh siad sásta go bhfuil rochtain ar go leor faisnéise atá ar fáil go poiblí, chun go mbeidh a n‑úsáideoirí in ann breithiúnas infheistíochta a dhéanamh, agus cineál na n‑úsáideoirí agus na cineálacha ionstraimí a thrádáiltear á gcur san áireamh araon.

3. Cloífidh gnólachtaí infheistíochta agus oibreoirí margaidh a oibríonn saoráid trádála iltaobhach nó saoráid trádála eagraithe le hAirteagal 2f(1), pointí (a), (f) agus (g), Airteagal 2g, Airteagal 2h, Airteagal 2l(1), Airteagal 2m(1), Airteagal 2n(1), Airteagal 2n(2), an chéad fhomhír, agus Airteagal 2n(3), an chéad fhomhír, agus beidh na córais, nósanna imeachta agus socruithe éifeachtacha riachtanacha uile i bhfeidhm acu chun dhéanamh amhlaidh.

4. Beidh feidhm ag Airteagal 2m(2), Airteagal 2n(2), an dara, tríú, ceathrú agus cúigiú fomhír, agus Airteagal 2n(3), an dara fomhír, mutatis mutandis i ndáil le gnólachtaí infheistíochta agus oibreoirí margaidh a oibríonn saoráid trádála iltaobhach nó saoráid trádála eagraithe.

5. Cuirfidh gnólachtaí infheistíochta agus oibreoirí margaidh a oibríonn saoráid trádála iltaobhach nó saoráid trádála eagraithe a gcuid freagrachtaí faoi seach maidir le socrú na n‑idirbheart a fhorfheidhmítear sa tsaoráid sin in iúl go soiléir dá gcomhaltaí nó dá rannpháirtithe faoi seach. Cuirfidh gnólachtaí infheistíochta agus oibreoirí margaidh a oibríonn saoráid trádála iltaobhach nó saoráid trádála eagraithe comhaontuithe riachtanacha i bhfeidhm chun socrú éifeachtúil na n‑idirbheart a cuireadh i gcrích faoi chórais na saoráide trádála iltaobhaí nó na saoráide trádála eagraithe sin a éascú.

6. I gcás ina ndéantar urrús inaistrithe a ceadaíodh chun trádáil ar mhargadh rialáilte a thrádáil ar shaoráid trádála iltaobhach nó ar shaoráid trádála eagraithe freisin gan toiliú an eisitheora, ní bheidh an t‑eisitheoir faoi réir aon oibleagáide maidir le nochtadh airgeadais tosaigh, leanúnach ná ad hoc le maidir leis an tsaoráid trádála iltaobhach nó leis an tsaoráid trádála eagraithe sin.

7. Comhlíonfaidh aon ghnólacht infheistíochta agus oibreoir margaidh a oibríonn saoráid trádála iltaobhach nó saoráid trádála eagraithe láithreach le haon treoir óna údarás inniúil nó, i gcás inarb é ESMA an t‑údarás inniúil, a údarás faireachais náisiúnta de bhun Airteagal 69(2) de Treoir 2014/65/AE chun ionstraim airgeadais a chur ar fionraí nó a bhaint as trádáil.

8. Cuirfidh gnólachtaí infheistíochta agus oibreoirí margaidh a oibríonn saoráid trádála iltaobhach nó saoráid trádála eagraithe tuairisc mhionsonraithe ar fáil don údarás inniúil ar oibriú saoráide trádála iltaobhaí nó saoráide trádála eagraithe, lena n‑áirítear, gan dochar d’Airteagal 2z(1), (4) agus (5), aon nasc le margadh rialáilte, saoráid trádála iltaobhach, saoráid trádála eagraithe nó inmheánaitheoir córasach atá faoi úinéireacht an ghnólachta infheistíochta chéanna nó an oibreora margaidh chéanna, agus liosta dá gcomhaltaí, rannpháirtithe agus/nó úsáideoirí, nó rannpháirtíocht acu. Cuirfidh údaráis inniúla an fhaisnéis sin ar fáil do ESMA agus, i gcás inarb é ESMA an t‑údarás inniúil, do na húdaráis faireachais náisiúnta arna iarraidh sin.

Airteagal 2v 
Ionstraimí airgeadais a chur ar fionraí agus a bhaint as trádáil ar shaoráid trádála iltaobhach nó saoráid trádála eagraithe

1. Gan dochar do cheart an údaráis inniúil nó, i gcás inarb é ESMA an t‑údarás inniúil, an t‑údarás faireachais náisiúnta chun fionraíocht nó baint ionstraime airgeadais as trádáil a éileamh de bhun Airteagal 69(2) de Treoir 2014/65/AE, féadfaidh gnólacht infheistíochta nó oibreoir margaidh a oibríonn saoráid trádála iltaobhach nó saoráid trádála eagraithe ionstraim airgeadais a chur ar fionraí nó a bhaint as trádáil faoi na himthosca a leagtar amach in Airteagal 2k(1).

2. Beidh feidhm ag Airteagal 2k(2) mutatis mutandis i gcás ina ndéanann gnólacht infheistíochta nó oibreoir margaidh a oibríonn saoráid trádála iltaobhach nó saoráid trádála eagraithe ionstraim airgeadais agus na díorthaigh dá dtagraítear i bpointí (4) go (10) de Roinn C d’Iarscríbhinn I le Treoir 2014/65/CE a bhaineann leis an ionstraim airgeadais sin nó a ndéantar tagairt dóibh leis an ionstraim airgeadais sin a chur ar fionraí nó a bhaint as trádáil.

Airteagal 2w 
Gníomhaíocht thrasteorann saoráidí trádála iltaobhacha agus saoráidí trádála eagraithe

Beidh feidhm ag Airteagal 2o mutatis mutandis i ndáil le gnólacht infheistíochta agus oibreoir margaidh a oibríonn saoráid trádála iltaobhach nó saoráid trádála eagraithe.

Airteagal 2x 
Ceanglais shonracha maidir le saoráidí trádála iltaobhacha

1. Déanfaidh gnólachtaí infheistíochta agus oibreoirí margaidh a oibríonn saoráid trádála iltaobhach, i dteannta na gceanglas a leagtar síos in Airteagal 16 de Threoir 2014/65/AE agus den Rialachán seo, rialacha neamhroghnacha chun orduithe a fhorfheidhmiú sa chóras a bhunú agus a chur chun feidhme.

2. Agus iad ag comhlíonadh Airteagal 2l(1), áiritheoidh gnólachtaí infheistíochta agus oibreoirí margaidh a oibríonn saoráid trádála iltaobhach go gcomhlíonann na rialacha lena rialaítear rochtain ar shaoráid trádála iltaobhach na coinníollacha a bhunaítear in Airteagal 2l(3).

Agus iad ag ligean isteach mar chomhalta nó mar rannpháirtithe daoine ar comhaltaí nó rannpháirtithe iad cheana féin i margadh rialáilte nó saoráid trádála iltaobhach eile, measfaidh gnólachtaí infheistíochta agus oibreoirí margaidh a oibríonn saoráid trádála iltaobhach go gcomhlíonann na daoine sin Airteagal 2l(3), pointe (a), gan aon mheasúnú breise. Measfaidh gnólachtaí infheistíochta agus oibreoirí margaidh a oibríonn saoráid trádála iltaobhach freisin go gcomhlíonann na daoine sin Airteagal 2l(3), pointí (b) agus (c), gan aon mheasúnú breise, i gcás ina n‑iarrann siad le bheith mar chomhaltaí nó rannpháirtithe i ndáil le trádáil in aicme ionstraimí airgeadais lena bhfuil siad ina gcomhaltaí nó rannpháirtithe cheana féin i margadh rialáilte nó saoráid trádála iltaobhach eile.

3. Beidh na nithe a leanas ag gnólachtaí infheistíochta agus oibreoirí margaidh a oibríonn saoráid trádála iltaobhach:

(a)socruithe le bheith feistithe go leordhóthanach chun na rioscaí a bhfuil sé nochta dóibh a bhainistiú, chun socruithe agus córais iomchuí a chur chun feidhme chun gach riosca suntasach dá oibríocht a shainaithint, agus chun bearta éifeachtacha a chur i bhfeidhm chun na rioscaí sin a mhaolú;

(b)socruithe chun tabhairt chun críche éifeachtach agus tráthúil na n‑idirbheart arna bhforfheidhmiú faoina chórais a éascú; agus

(c)acmhainní airgeadais leordhóthanacha a bheith ar fáil dóibh, tráth an údaraithe agus ar bhonn leanúnach, chun a fheidhmiú ordúil a éascú, ag féachaint do chineál agus do mhéid na n‑idirbheart arna dtabhairt i gcrích ar an margadh agus do raon agus méid na rioscaí a bhfuil sé nochta dóibh.

I gcás, chun críocha comhlíontachta leis na ceanglais faoi phointí (a), agus (b) den chéad fhomhír den mhír seo, go n‑úsáideann gnólacht infheistíochta nó oibreoir margaidh a oibríonn saoráid trádála iltaobhach acmhainní nó go mbraitheann siad ar fheidhmíocht feidhmeanna ag eintiteas eile lonnaithe san Aontas ar leis an ngrúpa céanna é leis an ngnólacht infheistíochta nó an oibreoir margaidh, ní bheidh brath ar an eintiteas sin ina sheachfhoinsiú chun críoch an Rialacháin seo, ar choinníoll go gcomhlíontar na coinníollacha a leagtar amach i mír 3a. Ní bheidh suíomh an eintitis laistigh den Aontas, ar eintiteas é a úsáideann acmhainní nó a chomhlíonann feidhmeanna chun go gcomhlíonfaidh oibreoir margaidh na ceanglais faoi phointí (a), agus (b), den chéad fhomhír den mhír seo ábhartha sa mheasúnú a dhéanfaidh an t‑údarás inniúil ar an gcomhlíontacht sin.

3a. Ní hionann brath gnólacht infheistíochta nó oibreoir margaidh a oibríonn saoráid trádála iltaobhach ar eintiteas eile lonnaithe san Aontas ar leis an ngrúpa céanna é leis an ngnólacht infheistíochta nó an oibreoir margaidh agus seachfhoinsiú de bhun mhír 3, ar choinníoll go gcomhlíontar na coinníollacha a leanas:

(a)go bhfuil socruithe curtha i bhfeidhm ag an ngnólacht infheistíochta nó ag an oibreoir margaidh a oibríonn saoráid trádála iltaobhach agus eintiteas eile sa ghrúpa a úsáidfidh a acmhainní nó a fheidhmeoidh feidhmeanna don ghnólacht infheistíochta nó oibreoir margaidh sin lena áirithiú go gcomhoibríonn an t‑eintiteas laistigh den ghrúpa céanna le húdarás inniúil an ghnólachta infheistíochta nó an oibreora margaidh a oibríonn saoráid trádála iltaobhach i gceangal le húsáid acmhainní nó le feidhmiú sin na bhfeidhmeanna;

(b)go bhfuil sásraí leordhóthanacha curtha i bhfeidhm ag an ngnólacht infheistíochta nó ag an oibreoir margaidh a oibríonn saoráid trádála iltaobhach chun na hiarmhairtí díobhálacha a d’fhéadfadh a bheith ann a shainaithint go soiléir agus a bhainistiú, maidir le hoibriú na saoráide trádála iltaobhaí nó dá chomhaltaí nó rannpháirtithe, a bhaineann le coinbhleacht leasa idir an gnólacht infheistíochta nó an t‑oibreoir margaidh a oibríonn saoráid trádála iltaobhach agus eintiteas eile sa ghrúpa a úsáidfidh a acmhainní nó a fheidhmeoidh feidhmeanna don tsaoráid trádála iltaobhach sin.

I gcás ina bhfuil acmhainní á n‑úsáid nó ina bhfuiltear ag brath ar fheidhmiú feidhmeanna ag eintiteas eile laistigh den ghrúpa céanna, beidh an gnólacht infheistíochta nó an t‑oibreoir margaidh a oibríonn saoráid trádála iltaobhach fós iomlán freagrach as a n‑oibleagáidí uile a chomhlíonadh faoin Rialachán seo agus faoi Threoir 2014/65/AE.

Ní fhorchuirfidh Ballstáit aon cheanglas breise maidir le húsáid acmhainní nó brath ar fheidhmiú feidhmeanna, de bhun mhír 3, ag eintiteas eile lonnaithe san Aontas laistigh den ghrúpa céanna leis an ngnólacht infheistíochta nó an oibreoir margaidh a oibríonn saoráid trádála iltaobhach.

4. Ní bheidh feidhm ag Airteagail 24, 25, Airteagal 27(1), (2) agus (4) go (10) agus Airteagal 28 de Threoir 2014/65/AE maidir leis na hidirbhearta arna dtabhairt i gcrích faoi na rialacha lena rialaítear saoráid trádála iltaobhach idir a chomhaltaí nó a rannpháirtithe nó idir an tsaoráid trádála iltaobhach agus a chomhaltaí nó a rannpháirtithe maidir le húsáid na saoráide trádála iltaobhaí. Mar sin féin, comhlíonfaidh comhaltaí nó rannpháirtithe sa tsaoráid trádála iltaobhach na hoibleagáidí dá bhforáiltear in Airteagail 24, 25, 27 agus 28 de Threoir 2014/65/AE maidir lena gcliaint nuair a dhéanann siad, ag gníomhú thar ceann a gcliant, a n‑orduithe a chur i gcrích trí chórais saoráide trádála iltaobhaí.

5. Ní chuirfidh gnólachtaí infheistíochta agus oibreoirí margaidh a oibríonn saoráid trádála iltaobhach orduithe cliaint i gcrích in aghaidh caipitil dhílsithe, ná ní thabharfaidh siad faoi thrádáil bunairgid mheaitseáilte.

Airteagal 2y 
Margaí fáis FBM

1. Féadfaidh oibreoir saoráide trádála iltaobhaí iarratas a dhéanamh ar a údarás inniúil go mbeadh an tsaoráid trádála iltaobhach, nó deighleog di, cláraithe mar mhargadh fáis FBM.

2. Féadfaidh an t‑údarás inniúil an tsaoráid trádála iltaobhach, nó deighleog de, a chlárú mar mhargadh fáis FBManna má fhaigheann an t‑údarás inniúil iarratas dá dtagraítear i mír 1 agus má tá sé sásta go bhfuil na coinníollacha a leagtar amach i mír 3 á gcomhlíonadh i ndáil leis an tsaoráid trádála iltaobhach, nó go bhfuil na coinníollacha i mír 3a á gcomhlíonadh i ndáil le deighleog di.

3. Áiritheoidh saoráidí trádála iltaobhacha an méid seo a leanas:

(a)gur FBManna iad 50 % ar a laghad de na heisitheoirí a ligtear a n‑ionstraimí airgeadais isteach chun a dtrádála ar an tsaoráid trádála iltaobhach tráth atá an tsaoráid trádála iltaobhach cláraithe mar mhargadh fáis FBM agus in aon bhliain féilire ina dhiaidh sin;

(b)go socraítear critéir iomchuí chun ligean isteach tosaigh agus leanúnach chun trádáil a thabhairt d’ionstraimí airgeadais d’eisitheoirí ar an margadh;

(c)ar ligean isteach tosaigh chun trádáil a thabhairt d’ionstraimí airgeadais ar an margadh, go bhfuil a dhóthain faisnéise foilsithe chun ligean d’infheisteoirí breithiúnas eolach a dhéanamh maidir le cé acu a dhéanfaidh siad nó nach ndéanfaidh siad infheistíocht sna hionstraimí airgeadais, bíodh sé trí dhoiciméad iontrála iomchuí nó réamheolaire más rud é go bhfuil feidhm ag na ceanglais a leagtar síos i Rialachán (AE) 2017/1129 maidir le tairiscint phoiblí atá á déanamh i gcomhar le ligean isteach tosaigh chun trádáil na hionstraime airgeadais ar an tsaoráid trádála iltaobhach;

(d)go bhfuil tuairisciú tréimhsiúil airgeadais leanúnach iomchuí á dhéanamh ag eisitheoir ar an margadh nó thar a cheann, mar shampla tuairiscí bliantúla iniúchta;

(e)go gcomhlíonann eisitheoirí ar an margadh mar a shainmhínítear in Airteagal 3(1), pointe (21) de Rialachán (AE) Uimh. 596/2014, daoine a chomhlíonann freagrachtaí bainistíochta mar a shainmhínítear in Airteagal 3(1), pointe (25) de Rialachán (AE) Uimh. 596/2014, agus daoine a bhfuil dlúthbhaint acu leo mar atá sainmhínithe in Airteagal 3(1), pointe (26) de Rialachán (AE) Uimh. 596/2014, na ceanglais ábhartha is infheidhme maidir leo faoi Rialachán (AE) Uimh 596/2014;

(f)go stóráiltear agus go scaiptear faisnéis rialála maidir leis na heisitheoirí ar an margadh ar an bpobal;

(g)go bhfuil córais agus rialuithe éifeachtacha ann arb é is aidhm dóibh drochúsáid mhargaidh a chosc agus a bhrath ar an margadh sin mar a cheanglaítear faoi Rialachán (AE) Uimh. 596/2014.

3a. Beidh an deighleog ábhartha den tsaoráid trádála iltaobhach faoi réir rialacha, córais agus nósanna imeachta éifeachtacha lena n‑áirithítear gur comhlíonadh na coinníollacha a leagtar amach i mír 3 agus na coinníollacha seo a leanas uile:

(a)tá an deighleog den tsaoráid trádála iltaobhach atá cláraithe mar ‘margadh fáis FBManna’ deighilte go soiléir ó na codanna eile de na deighleoga margaidh atá á n‑oibriú ag an ngnólacht infheistíochta nó oibreoir margaidh a oibríonn saoráid trádála iltaobhach, rud a léirítear inter alia le hainm difriúil, le leabhar rialacha difriúil, le straitéis mhargaíochta dhifriúil, agus le poiblíocht dhifriúil, chomh maith le leithdháileadh sonrach den chód sainaitheantais margaidh ar an deighleog atá cláraithe mar dheighleog margaidh fáis FBManna;

(b)déantar idirdhealú soiléir idir na hidirbhearta a dhéantar ar an deighleog margaidh fáis FBManna lena mbaineann agus gníomhaíocht mhargaidh eile a dhéantar laistigh de dheighleoga eile den tsaoráid trádála iltaobhach;

(c)arna iarraidh sin d’údarás inniúil , soláthróidh an tsaoráid trádála iltaobhach sin liosta cuimsitheach de na hionstraimí atá liostaithe ar an deighleog margaidh fáis FBManna lena mbaineann, chomh maith le haon fhaisnéis faoi oibriú na deighleoige margaidh fáis FBManna a fhéadfaidh an t‑údarás inniúil a iarraidh.

4. Tá comhlíonadh na gcoinníollacha a leagtar síos i míreanna 3 agus 3a arna dhéanamh ag an ngnólacht infheistíochta nó ag an oibreoir margaidh a oibríonn saoráid trádála iltaobhach, nó deighleog di, gan dochar do chomhlíonadh na n‑oibleagáidí eile faoin Rialachán seo agus faoi Threoir 2014/65/AE a bhaineann le hoibriú saoráidí trádála iltaobhacha arna dhéanamh ag an ngnólacht infheistíochta sin nó ag an oibreoir margaidh sin. Gan dochar do mhír 7, féadfaidh an gnólacht infheistíochta nó an t‑oibreoir margaidh a oibríonn saoráid trádála iltaobhach, nó deighleog di, coinníollacha breise a fhorchur.

5. Féadfaidh údarás inniúil saoráide trádála iltaobhaí an tsaoráid trádála iltaobhach, nó deighleog di, a dhíchlárú mar mhargadh fáis FBM in aon cheann de na cásanna a leanas:

(a)cuireann an gnólacht infheistíochta nó an t‑oibreoir margaidh a oibríonn saoráid trádála iltaobhach, nó deighleog di, iarratas isteach chun é a dhíchlárú;

(b)ní chomhlíontar na coinníollacha i mír 3 ná i mír 3a a thuilleadh i ndáil le saoráid trádála iltaobhach, nó le deighleog di.

6. Má chláraíonn nó má dhíchláraíonn údarás inniúil saoráide trádála iltaobhaí an tsaoráid trádála iltaobhach, nó deighleog di, mar mhargadh fáis FBM faoin Airteagal seo, tabharfaidh an t‑údarás sin, i gcás ina bhfuil sé éagsúil ó ESMA, fógra do ESMA faoin gclárú nó díchlárú sin. Foilseoidh ESMA liosta de mhargaí fáis FBManna ar a shuíomh gréasáin agus coinneoidh sé an liosta sin cothrom le dáta.

7. I gcás ina gceadaítear ionstraim airgeadais eisitheora le trádáil ar mhargadh fáis FBM amháin, ní féidir an ionstraim airgeadais sin a thrádáil freisin ar ionad trádála eile ach amháin i gcás inar cuireadh an t‑eisitheoir ar an eolas agus nach ndearna siad agóid. I gcás inar margadh fáis FBManna eile nó deighleog de mhargadh fáis FBManna, é an t‑ionad trádála eile, ní bheidh an t‑eisitheoir faoi réir aon oibleagáide a bhaineann le rialachas corparáideach, ná le nochtadh tosaigh, leanúnach nó ad hoc, maidir leis an margadh fáis FBManna eile sin. I gcás nach margadh fáis FBManna é an t‑ionad trádála eile, cuirfear an t‑eisitheoir ar an eolas faoi aon oibleagáid a mbeidh an t‑eisitheoir faoina réir a bhaineann le rialachas corparáideach, nó le nochtadh tosaigh, leanúnach nó ad hoc, maidir leis an ionad trádála eile.

Airteagal 2z 
Ceanglais shonracha maidir le saoráidí trádála eagraithe

1. Bunóidh gnólachtaí infheistíochta agus oibreoirí margaidh a oibríonn saoráid trádála eagraithe socruithe lena gcoiscfear forfheidhmiú na n‑orduithe cliant i saoráid trádála eagraithe in aghaidh chaipiteal dílseánaigh an ghnólachta infheistíochta nó an oibreora margaidh a oibríonn an tsaoráid trádála eagraithe nó ó aon eintiteas atá mar chuid den ghrúpa céanna nó duine dlítheanach atá mar ghnólacht infheistíochta nó mar oibreoir margaidh.

2. Féadfaidh gnólachtaí infheistíochta agus oibreoirí margaidh a oibríonn saoráid trádála eagraithe dul i mbun trádála bunairgid mheaitseáilte i mbannaí, i dtáirgí airgeadais struchtúrtha, i lamháltais astaíochtaí agus i ndíorthaigh áirithe ach amháin sa chás gur thoiligh an cliant leis an bpróiseas.

Ní úsáidfidh gnólachtaí infheistíochta ná oibreoirí margaidh a oibríonn saoráid trádála eagraithe trádáil bhunairgid mheaitseáilte chun orduithe cliant a fhorfheidhmiú i saoráid trádála eagraithe i ndíorthaigh a bhaineann le haicme díorthach a dearbhaíodh faoi réir na hoibleagáide imréitigh i gcomhréir le hAirteagal 5 de Rialachán (AE) Uimh. 648/2012.

Bunóidh gnólachtaí infheistíochta nó oibreoirí margaidh a oibríonn saoráid trádála eagraithe socruithe lena n‑áiritheofar comhlíonadh an tsainmhínithe ar thrádáil bhunairgid mheaitseáilte in Airteagal 4(1), pointe (38), de Threoir 2014/65/AE.

3. Féadfaidh gnólachtaí infheistíochta agus oibreoirí margaidh a oibríonn saoráid trádála eagraithe dul i mbun déileála ar a gcuntas féin seachas dul i mbun trádáil bhunairgid mheaitseáilte amháin i ndáil le hionstraimí fiachais cheannasaigh nach bhfuil margadh leachtach ann dóibh.

4. Ní tharlóidh oibriú saoráide trádála eagraithe agus inmheánaitheora chórasaigh laistigh den eintiteas dlítheanach céanna. Ní dhéanfaidh saoráid trádála eagraithe nasc le hinmheánaitheoir córasach ar bhealach a fhágann go mbeidh orduithe i saoráid trádála eagraithe agus orduithe nó luachana in inmheánaitheoir córasach in ann idirghníomhú. Ní dhéanfaidh saoráid trádála eagraithe ceangal le saoráid trádála eagraithe eile ar bhealach a fhágann go mbeidh orduithe in saoráidí trádála eagraithe éagsúla in ann idirghníomhú.

5. Féadfaidh gnólacht infheistíochta nó oibreoir margaidh a oibríonn saoráid trádála eagraithe gnólacht infheistíochta eile a úsáid chun déanamh margaí a dhéanamh ar an tsaoráid trádála eagraithe sin ar bhonn neamhspleách.

Chun críocha an Airteagail seo, ní mheasfar go bhfuil gnólacht infheistíochta ag cruthú margaidh ar shaoráid trádála eagraithe ar bhonn neamhspleách má tá dlúthnaisc aige leis an ngnólacht infheistíochta nó leis an oibreoir margaidh a oibríonn an tsaoráid trádála eagraithe.

6. Déanfar forfheidhmiú orduithe ar shaoráid trádála eagraithe ar bhonn lánroghnach.

Ní fheidhmeoidh gnólacht infheistíochta ná oibreoir margaidh a oibríonn saoráid trádála eagraithe go lánroghnach ach i gceann amháin nó sa dá chás seo a leanas:

(a)agus cinneadh á dhéanamh aige ordú ar an tsaoráid trádála eagraithe a oibríonn siad a chur nó a aistarraingt;

(b)i gcás ina bhfuil cinneadh á dhéanamh chun ordú cliant ar leith a mheaitseáil le horduithe eile atá ar fáil sna córais ag am ar leith, ar choinníoll go gcomhlíonann sé na treoracha sonracha a fhaightear ó chliant agus a oibleagáidí i gcomhréir le hAirteagal 27.

I gcás an chórais ina gcrosáiltear orduithe cliant, d’fhéadfadh an gnólacht infheistíochta nó an t‑oibreoir margaidh a oibríonn an tsaoráid trádála eagraithe cinneadh a dhéanamh, an dteastaíonn nó nach dteastaíonn uaidh dhá ordú nó níos mó a mheaitseáil sa chóras, agus an uair nó an méid a theastaíonn uaidh iad a mheaitseáil sa chóras. I gcomhréir le míreanna 1, 2, 4 agus 5 agus gan dochar do mhír 3, a mhéid a bhaineann le córas a shocraíonn idirbhearta i neamh-chothromais, féadfaidh an gnólacht infheistíochta nó an t‑oibreoir margaidh a oibríonn an tsaoráid trádála eagraithe idirbheartaíocht a éascú idir cliaint chun dhá leas trádála nó níos mó a thabhairt le chéile in idirbheart, a d’fhéadfadh a bheith comhoiriúnach.

Beidh an oibleagáid sin gan dochar d’Airteagal 2u agus 27 de Threoir 2014/65/AE.

7. D’fhéadfadh an t‑údarás inniúil a cheangal ar ghnólacht infheistíochta nó ar oibreoir margaidh, nuair a iarrann an gnólacht infheistíochta nó an t‑oibreoir margaidh sin go n‑údarófar é chun saoráid trádála eagraithe a oibriú nó ar bhonn ad hoc, míniú mionsonraithe a thabhairt maidir leis an bhfáth nach bhfreagraíonn an córas do mhargadh rialáilte agus nach féidir leis oibriú mar mhargadh rialáilte, saoráid trádála iltaobhach, nó inmheánaitheoir córasach, tuairisc mhionsonraithe maidir leis an bhfáth a ndéanfar rogha, go háirithe nuair a fhéadfar ordú le haghaidh na saoráide trádála eagraithe a aistarraingt agus an uair agus conas a dhéanfar dhá ordú cliaint nó níos mó a mheaitseáil laistigh den tsaoráid trádála eagraithe. Ina theannta sin, cuirfidh gnólacht infheistíochta nó oibreoir margaidh de shaoráid trádála eagraithe faisnéis ar fáil don údarás inniúil lena mínítear a úsáid trádála bunairgid mheaitseáilte. Déanfaidh an t‑údarás inniúil faireachán ar rannpháirtíocht gnólachta infheistíochta nó oibreora margaidh i dtrádáil bunairgid mheaitseáilte chun a áirithiú go leanann sé de bheith ag teacht faoin sainmhíniú ar thrádáil den sórt sin agus nach n‑eascróidh coinbhleachtaí leasa idir an gnólacht infheistíochta nó oibreoir margaidh agus a chliaint as an trádáil bunairgid mheaitseáilte.

8. Beidh feidhm ag Airteagail 24, 25, 27 agus 28 de Threoir 2014/65/AE leis na hidirbhearta arna gcur i gcrích ar shaoráid trádála eagraithe.

CAIBIDIL 3 
Oibreoirí Margaidh Uile-Eorpacha

Airteagal 2za 
Údarú Oibreoirí Margaidh Uile-Eorpacha

1. Féadfaidh aon duine dlítheanach a bhfuil sé i gceist aige níos mó ná ionad trádála amháin a fheidhmiú i níos mó ná Ballstát amháin iarratas a dhéanamh ar ESMA chun údarú a fháil mar oibreoir margaidh uile-Eorpach (‘OMUE’) amhail an [PO: cuir isteach an dáta óna bhfeidhmíonn ESMA mar údarás inniúil de bhun Airteagal 38fa]. 

2. Déanfaidh ESMA OMUE a údarú chun críocha an Teidil seo i gcás: 

(a)inar duine dlítheanach atá bunaithe san Aontas é an OMUE; agus 

(b)go gcomhlíonann an OMUE agus na hionaid trádála araon ina bhfuil sé beartaithe aige feidhmiú ann ceanglais a leagtar síos sa Teideal seo.

3. Sonrófar san údarú dá dtagraítear i mír 2 na hionaid trádála ina bhfuil an OMUE údaraithe le feidhmiú agus na Ballstáit ina bhfuil siad sin lonnaithe nó á bhfeidhmiú. I gcás ina lorgaíonn OMUE síneadh a chur lena ghnó chun ionaid trádála bhreise a fheidhmiú, cuirfidh sé isteach iarraidh chuig ESMA ar shíneadh leis an údarú sin. 

4. Déanfaidh OMUE na coinníollacha d’údarú dá dtagraítear sa Teideal seo a chomhlíonadh i gcónaí. Tabharfaidh OMUE fógra, gan aon mhoill mhíchuí, do ESMA i dtaobh aon athruithe ábhartha ar choinníollacha an údaraithe, lena n‑áirítear leis an liosta ionad trádála a bhfuil sé i gceist aige feidhmiú.

5. Déanfaidh ESMA clár de na OMUEnna uile san Aontas a bhunú. Beidh an clár ar fáil ar bhonn inrochtana don phobal agus beidh liosta ann de na hionaid trádála uile arna bhfeidhmiú ag OMUE agus ag Ballstáit ina bhfuil na hionaid trádála sin lonnaithe nó á bhfeidhmiú. Déanfar é a thabhairt cothrom le dáta ar bhonn tráthrialta. 

Airteagal 2zb 
Nósanna imeachta maidir le húdarú a dheonú mar OMUE

1. Cuirfidh iarratasóir a bhfuil údarú á lorg aige mar OMUE iarratas isteach chuig ESMA. Beidh an fhaisnéis go léir atá riachtanach san iarratas sin chun go mbeidh ESMA in ann a mheas cé acu atá nó nach bhfuil, tráth an údaraithe tosaigh, na socruithe riachtanacha uile i bhfeidhm ag an OMUE chun a oibleagáidí a chomhlíonadh de bhun an Teidil seo.

2. Laistigh de 20 lá oibre ón iarratas a fháil, déanfaidh ESMA measúnú i dtaobh cé acu atá nó nach bhfuil an t‑iarratas iomlán. 

3. Mura bhfuil an t‑iarratas comhlánaithe ina iomláine, leagfaidh ESMA síos sprioc-am faoina mbeidh ar an OMUE is iarratasóir faisnéis bhreise a sholáthar. 

Tar éis do ESMA a mheasúnú go bhfuil an t‑iarratas comhlánaithe, tabharfaidh sé fógra don OMUE dá réir. Tabharfaidh sé fógra freisin do na húdaráis náisiúnta faireachais ábhartha. 

4. Déanfaidh ESMA, laistigh de 6 mhí tar éis dó iarratas comhlánaithe a fháil, measúnú ar chomhlíonadh an OMUE agus na hionaid trádála a bhfuil sé beartaithe an OMUE a fheidhmiú leis an Teideal seo. Glacfaidh sé cinneadh réasúnaithe lena ndeonaítear nó lena ndiúltaítear údarú agus tabharfaidh sé fógra don OMUE is iarratasóir dá réir sin laistigh de chúig lá oibre tar éis a ghlactha. Tabharfaidh sé fógra freisin do na húdaráis náisiúnta faireachais ábhartha.

5. De mhaolú ar Airteagail 2b agus 2p, ní lorgóidh ionaid trádála arna bhfeidhmiú ag OMUE údarú sa Bhallstát ina bhfuil siad lonnaithe nó ina bhfeidhmítear iad de bhun Caibidil 1 agus Caibidil 2 den Teideal seo.

6. I gcásanna ina bhfuil sé beartaithe ag OMUE bheith ina oibreoir ar ionad trádála atá á fheidhmiú ag oibreoir margaidh nó gnólacht infheistíochta ar eintiteas dlítheanach difriúil é agus nach mbaineann leis an ngrúpa lena mbaineann an OMUE, cuirfidh an OMUE isteach, mar chuid dá iarratas ar údarú nó a iarraidh chun a ghnó a shíneadh chun ionaid trádála bhreise a fheidhmiú, ráiteas isteach ón oibreoir margaidh nó ón ngnólacht infheistíochta sin ag deimhniú a rúin chun feidhmiú an ionaid trádála a oibríonn sé a aistriú chuig an OMUE. Leasófar an t‑údarú dá dtagraítear in Airteagal 2za(2) dá réir. 

7. Measfar go mbeidh an t‑údarú a dheonaítear ar mhargadh rialáilte de bhun Airteagal 2a nó ar oibreoir margaidh nó gnólacht infheistíochta chun saoráid trádála iltaobhach nó saoráid trádála eagraithe a oibriú de bhun Airteagal 2p den Rialachán seo nó Airteagal 7 de Threoir 2014/65/AE cúlghairthe tráth a thagann an t‑údarú nó plean leasaithe oibríochtaí OMUE i bhfeidhm a chumhdaíonn oibriú an ionaid trádála, i gcomhréir le mír 6.Ní féidir údarú OMUE a mheascadh le húdaruithe eile maidir le hoibriú margaidh rialáilte, saoráide trádála iltaobhaí nó saoráide trádála eagraithe laistigh den ghrúpa céanna.

Airteagal 2zc 
Údarú a tharraingt siar

1. Féadfaidh ESMA údarú OMUE a aistarraingt sna cásanna dá dtagraítear in Airteagal 2c(1).

2.   Nuair a aistarraingítear an t‑údarú, tabharfaidh ESMA fógra do na húdaráis faireachais náisiúnta ábhartha chomh maith le, i gcás inarb ábhartha, d’údarás arna ainmniú de bhun Airteagal 67 den Threoir 2014/65/AE an Bhallstáit i gcás ina soláthraíonn na hionaid trádála arna bhfeidhmiú ag an OMUE a ngníomhaíochtaí.

Airteagal 2zd 
Ceanglais don OMUE

1. Comhlíonfaidh an OMUE na ceanglais uile atá i bhfeidhm maidir le hoibreoir margaidh, de bhun an Rialacháin seo.

2. Beidh an OMUE freagrach, faoi mhaoirseacht ESMA agus, i gcás ina bhforáiltear go sonrach sa Rialachán seo, na húdaráis faireachais náisiúnta, as a áirithiú go gcomhlíonann na hionaid trádála a oibríonn sé na ceanglais a leagtar síos sa Rialachán seo.

Tá an OMUE i dteideal na cearta a fheidhmiú a chomhfhreagraíonn do na margaí rialáilte a oibríonn sé de bhua an Rialacháin seo. 

Maidir le hionaid trádála a oibríonn OMUE, tuigfear gach tagairt a dhéantar sa rialachán seo d’údarás inniúil an ionaid trádála mar thagairt do ESMA.

Airteagal 2ze 
Feidhmiú ionad trádála i mBallstát eile agus dlí is infheidhme

1. Ceadóidh Ballstáit, gan ceanglais dlí nó riaracháin bhreise, do OMUE atá údaraithe de bhun Airteagal 2za chun ionaid trádála a fheidhmiú ar a gcríoch, tríd an tsaoirse chun seirbhísí a sholáthar nó trí bhrainse a bhunú, ar choinníoll go bhfuil feidhmiú na n‑ionad trádála cumhdaithe ag údarú an OMUE.  

2. Cinnfidh an OMUE, san iarratas ar údarú de bhun Airteagal 2zb, nó san iarraidh ar shíneadh leis an údarú de bhun Airteagal 2za(3), maidir le gach ionad trádála a bhfuil sé i gceist aige feidhmiú, an Ballstát sa chríoch ina measfar go mbeidh an t‑ionad trádála lonnaithe nó feidhmithe. I gcásanna ina mbíonn OMUE ina oibreoir ar ionad trádála atá údaraithe cheana féin, measfar go mbeidh an t‑ionad trádála sin lonnaithe nó feidhmithe i gcríoch an Bhallstáit inar údaraíodh an t‑ionad trádála sin i dtosach.

Maidir le cúrsaí nach gcumhdaítear go díreach le dlí an Aontais, is é dlí náisiúnta an Bhallstáit ina measfar go bhfuil an t‑ionad trádála lonnaithe nó feidhmithe an dlí náisiúnta a rialaíonn an trádáil arna déanamh faoi chórais ionaid trádála arna fheidhmiú ag OMUE.

3. Féadfaidh OMUE úsáid a bhaint as cearta nós imeachta an phas faoi Airteagail 2o agus 2w i ndáil le gach ionad trádála a oibríonn sé.

CAIBIDIL 4

Liosta ionad trádála agus cumhachtuithe

Airteagal 2zf 
Liosta ionad trádála

Cuirfidh údaráis inniúla in iúl do ESMA liosta ionad trádála atá údaraithe ina ndlínse, lena n‑áirítear aon athrú air. Foilseoidh agus coinneoidh ESMA liosta cothrom le dáta de na hionaid trádála uile, lena n‑áirítear ionaid trádála arb é ESMA an t‑údarás inniúil ina leith, ar a shuíomh gréasáin.

Airteagal 2zg

Caighdeáin theicniúla rialála agus tarmligean

1.Forbróidh ESMA dréacht‑chaighdeáin theicniúla rialála chun an méid seo a leanas a shonrú:

(a)na gníomhaíochtaí coimhdeacha dá dtagraítear in Airteagal 2a(3) a shonrú tuilleadh;

(b)an fhaisnéis le soláthar faoi Airteagal 2b(1), an fhaisnéis le háireamh sna fógraí dá dtagraítear in Airteagal 2d(8), chomh maith leis na foirmeacha caighdeánacha, na teimpléid agus na nósanna imeachta maidir leis an bhfaisnéis atá le tabhairt a chinneadh;

(c)an cás ina measfar go mbeidh duine in ann tionchar suntasach a fheidhmiú, go díreach nó go hindíreach, ar bhainistíocht an mhargaidh rialáilte, i gcomhréir le hAirteagal 2e a shonrú a thuilleadh;

(d)ceanglais a shonrú a thuilleadh lena áirithiú go bhfuil acmhainní airgeadais leordhóthanacha ag oibreoir margaidh chun feidhmiú ordúil an mhargaidh rialáilte a oibríonn sé a éascú i gcomhréir le hAirteagal 2f;

(e)an fhaisnéis atá le soláthar de bhun Airteagal 2zb(1) a shonrú.

Déantar cumhacht a tharmligean don Choimisiún chun na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 10 go 14 de Rialachán (AE) Uimh. 1095/2010.

2. Beidh sé de chumhacht ag an gCoimisiún gníomhartha tarmligthe a ghlacadh i gcomhréir le hAirteagal 50 chun an méid seo a leanas a dhéanamh:

(a)an Rialachán seo a leasú trí na tairseacha dá dtagraítear in Airteagal 2j(1) agus (3) nó an tairseach dá dtagraítear i mír 4 den Airteagal seo, nó iad uile a mhodhnú, i gcás ina gcuireann na tairseacha is infheidhme bac ar leachtacht ar mhargaí poiblí ag tabhairt forbairtí airgeadais san áireamh;

(b)an Rialachán seo a fhorlíonadh trí liosta cúinsí a shonrú ar ionann iad agus damáiste le leasanna infheisteoirí agus feidhmiú ordúil an mhargaidh dá dtagraítear in Airteagal 2k(1) agus (2);

(c)an Rialachán seo a fhorlíonadh trí chúinsí a chinneadh lena spreagtar ceanglas faisnéise dá dtagraítear in Airteagal 2n(2);

(d)an Rialachán seo a fhorlíonadh trí na coinníollacha a leagtar síos in Airteagal 2y(3) agus (3a) a shonrú. Cuirfear san áireamh leis na coinníollacha sin an gá atá le hardleibhéal cosanta infheisteoirí a choinneáil chun muinín infheisteora sna margaí sin a chur chun cinn agus, an tráth céanna, na hualaí riaracháin atá ar eisitheoirí ar an margadh a íoslaghdú. Cuirfidh siad san áireamh freisin nach bhfuil díchlárú le déanamh ná nach bhfuil clárú le diúltú de dheasca nár comhlíonadh, ar bhonn sealadach, an coinníoll a leagtar síos i mír 3, pointe (a), den Airteagal sin.

3. Féadfaidh ESMA dréachtchaighdeáin theicniúla rialála a fhorbairt chun na nithe seo a leanas a shonrú:

(a)na ceanglais chun a áirithiú go mbeidh córais trádála margaí rialáilte athléimneach agus go mbeidh acmhainneacht leordhóthanach acu, seachas na ceanglais a bhaineann le hathléimneacht oibríochtúil dhigiteach;

(b)an cóimheas dá dtagraítear in Airteagal 2g(6), agus tosca á gcur san áireamh, amhail luach na n‑orduithe neamh-fhorfheidhmithe i ndáil le luach na n‑idirbheart forfheidhmithe;

(c)na rialuithe a bhaineann le rochtain dhíreach leictreonach ar bhealach lena n‑áiritheofar go mbeidh na rialuithe a chuirtear i bhfeidhm maidir le rochtain urraithe comhionann ar a laghad leis na rialuithe a chuirtear i bhfeidhm maidir le rochtain dhíreach ar an margadh;

(d)na ceanglais lena áirithiú go bhfuil na seirbhísí comhlonnaithe agus na struchtúir táillí cothrom agus neamh-idirdhealaitheach agus nach gcruthaítear dreasachtaí chun dálaí trádála mí-ordúla nó drochúsáid mhargaidh leis na struchtúir táillí;

(e)cinneadh i gcás ina bhfuil margadh rialáilte ábhartha ó thaobh leachtachta de in ionstraim airgeadais;

(f)na ceanglais lena áirithiú go bhfuil scéimeanna cruthaithe margaidh cothrom agus neamh-idirdhealaitheach agus oibleagáidí íosta maidir le cruthú margaidh a bhunú nach mór do mhargaí rialáilte foráil a dhéanamh maidir leo nuair a dhéantar scéim cruthaithe margaidh a cheapadh agus na coinníollacha nach iomchuí faoina bhfuil an ceanglas scéim cruthaithe margaidh a bheith ann, agus cineál agus scála na trádála ar an margadh rialaithe sin a chur san áireamh, lena n‑áirítear an gceadaíonn nó an gcumasaíonn margadh rialáilte trádáil algartamach a bheith ann trína chórais;

(g)na ceanglais chun a áirithiú go ndéanfar tástáil iomchuí ar algartaim, seachas tástáil ar athléimneacht dhigiteach oibríochtúil, chun a áirithiú nach féidir le córais trádála algartamaí lena n‑áirítear córais trádála algartamaí ardmhinicíochta, dálaí trádála mí-ordúla ar an margadh a chruthú nó cur leo;

(h)na prionsabail atá le breithniú ag margaí rialáilte agus a sásraí á mbunú chun stop nó srian a chur le trádáil i gcomhréir le hAirteagal 2g(5), agus leachtacht aicmí sócmhainní difriúla agus fo-aicmí sócmhainní difriúla, cineál na samhla margaidh agus na cineálacha úsáideoirí á gcur san áireamh, agus gan dochar do lánrogha na margaí rialáilte maidir leis na sásraí sin a shocrú;

(i)an fhaisnéis atá le nochtadh ag margaí rialáilte, lena n‑áirítear na paraiméadair chun stop a chur le trádáil a bhfuil margaí rialáilte le tuairisciú do na húdaráis inniúla, de bhun Airteagal 2g(5);

(j)na híosmhéideanna ticeanna nó córas na méideanna ticeanna maidir le scaireanna ar leithligh, fáltais taisclainne, cistí arna dtrádáil ar an malartán, deimhnithe sonracha, agus ionstraimí airgeadais eile dá samhail i gcás inar gá chun feidhmiú ordúil margaí a áirithiú, i gcomhréir leis na tosca in Airteagal 2h(2) agus praghas, raonta difríochta agus doimhneacht leachtachta na n‑ionstraimí airgeadais;

(k)na híosmhéideanna ticeanna nó córas na méideanna ticeanna maidir le hionstraimí airgeadais sonracha seachas iad sin a liostaítear in Airteagal 2h(1) i gcás inar gá chun feidhmiú ordúil margaí a áirithiú, i gcomhréir leis na tosca in Airteagal 2h(2) agus praghas, raonta difríochta agus doimhneacht leachtachta na n‑ionstraimí airgeadais.

(l)saintréithe aicmí éagsúla na n‑ionstraimí airgeadais atá le cur san áireamh ag margadh rialáilte agus measúnú á dhéanamh ar cibé acu a eisítear ionstraim airgeadais ar bhealach atá comhsheasmhach leis na coinníollacha a leagtar síos sa dara fomhír d’Airteagal 2i(1) maidir le ligean isteach chun trádáil a thabhairt ar na deighleoga margaidh difriúla a oibríonn sé;

(m)soiléireofar na socruithe a cheanglaítear ar mhargadh rialáilte a chur i bhfeidhm ionas go measfar gur chomhlíon sé an oibleagáid chun a fhíorú go gcomhlíonann eisitheoir urrúis inaistrithe a oibleagáidí faoi dhlí an Aontais maidir le hoibleagáidí um nochtadh tosaigh, leanúnach nó ad hoc;

(n)na socruithe a shoiléiriú a chaithfidh an margadh rialáilte a bhunú de bhun Airteagal 2i(3) chun a chomhaltaí nó a rannpháirtithe a éascú chun rochtain a fháil ar fhaisnéis a cuireadh ar fáil go poiblí faoi na coinníollacha arna mbunú le dlí an Aontais;

(o)na cásanna ina dtuigtear leis an gceangal idir díorthach a bhaineann le hionstraim airgeadais ná a thagraítear léi ar fionraí nó bainte ó thrádáil agus an ionstraim airgeadais bhunaidh go bhfuil na díorthaigh le cur ar fionraí nó le baint as trádáil freisin, chun cuspóir fhionraí nó bhaint na hionstraime airgeadais foluití a bhaint amach agus, maidir leis an oibleagáid díorthaigh dá dtagraítear in Airteagail 2k(2) agus 2v(2) a chur ar fionraí nó a bhaint as trádáil, chun a áirithiú go gcuirfear an oibleagáid sin i bhfeidhm go comhréireach;

Déantar an chumhacht a tharmligean chuig an gCoimisiún chun na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 10 go 14 de Rialachán (AE) Uimh. 1095/2010.

4. Féadfaidh ESMA dréachtchaighdeáin theicniúla cur chun feidhme a fhorbairt chun na nithe seo a leanas a chinneadh:

(a)formáid agus uainiú na cumarsáide agus na bhfoilseachán dá dtagraítear in Airteagail 2k(2) agus 2v(2);

(b)ábhar agus formáid na tuairisce agus an fhógra dá dtagraítear in Airteagal 2g(10).

Tugtar cumhacht don Choimisiún na caighdeáin theicniúla cur chun feidhme dá dtagraítear sa chéad fhomhír a ghlacadh i gcomhréir le hAirteagal 15 de Rialachán (AE) Uimh. 1095/2010.’;

(4)in Airteagal 4, cuirtear an méid seo a leanas in ionad mhír 4:

‘4. Sula ndeonófar tarscaoileadh i gcomhréir le mír 1, déanfaidh údaráis inniúla fógra a thabhairt do ESMA agus d’údaráis inniúla eile maidir le húsáid bheartaithe gach tarscaoilte aonair agus míniú a sholáthar maidir lena fheidhmiú, lena n‑áirítear mionsonraí an ionaid trádála ina bhfuil an praghas tagartha bunaithe dá dtagraítear dó i mír 1(a). Tabharfar fógra faoin rún tarscaoileadh a dheonú tráth nach lú ná 4 mhí sula mbeartófar go dtiocfaidh an tarscaoileadh i bhfeidhm. Laistigh de 2 mhí tar éis dó an fógra a fháil, eiseoidh ESMA tuairim neamhcheangailteach chuig an údarás inniúil faoi thrácht, i gcás ina bhfuil sé difriúil ó ESMA, ina ndéanfar measúnú ar a mhéid atá gach aon tarscaoileadh ag luí leis na ceanglais a leagtar síos i mír 1 agus a shonraítear sna caighdeáin theicniúla rialála arna nglacadh de bhun mhír 6. I gcás ina ndeonaíonn údarás inniúil tarscaoileadh agus go n‑easaontaíonn údarás inniúil Bhallstát eile, féadfaidh an t‑údarás inniúil sin an cheist a chur ar ais chuig ESMA, a fhéadfaidh gníomhú i gcomhréir leis na cumhachtaí a thugtar dó faoi Airteagal 19 de Rialachán (AE) Uimh. 1095/2010. Déanfaidh ESMA faireachán ar chur i bhfeidhm na dtarscaoiltí agus cuirfidh sé tuarascáil bhliantúil faoi bhráid an Choimisiúin faoin gcaoi a gcuirtear i bhfeidhm iad sa chleachtas.’;

(5)in Airteagal 7(1), cuirtear an méid seo a leanas in ionad an cheathrú fomhír:

‘I gcás ina ndéanfaidh údarás inniúil nach ESMA atá ann foilsiú iarchurtha a údarú agus ina n‑easaontóidh údarás inniúil Ballstáit eile leis an iarchur sin nó ina n‑easaontaíonn sé le cur i bhfeidhm iarbhír an údaraithe a deonaíodh, féadfaidh an t‑údarás inniúil sin an cheist a chur ar ais chuig ESMA, a fhéadfaidh gníomhú i gcomhréir leis na cumhachtaí a thugtar dó faoi Airteagal 19 de Rialachán (AE) Uimh. 1095/2010.’;

(6)in Airteagal 8a(2), cuirtear an méid seo a leanas in ionad na foclaíochta réamhráití:

‘Agus leabhar orduithe teorann lárnaí nó córas trádála do cheantáil thréimhsiúil á chur i bhfeidhm acu, poibleoidh oibreoirí margaidh agus gnólachtaí infheistíochta a bhfuil saoráid trádála eagraithe nó saoráid trádála iltaobhach á oibriú acu praghsanna reatha tairgthe agus tairisceana agus leibhéal na leasanna trádála ag na praghsanna sin a fhógrófar trína gcórais maidir le díorthaigh thar an gcuntar atá ainmnithe in euro, yen na Seapáine, dollar Mheiriceá nó punt steirling, nach comhaontuithe ar réamhráta ná babhtálacha bonnrátaí úis airgeadra aonair iad, agus go bhfuil an méid seo a leanas i gceist:’;

(7)Leasaítear Airteagal 9 mar a leanas:

(a)cuirtear an méid seo a leanas in ionad mhír 2:

‘2. Sula ndeonófar tarscaoileadh i gcomhréir le mír 1, tabharfaidh údaráis inniúla fógra do ESMA agus d’údaráis inniúla eile maidir le húsáid bheartaithe gach iarratais aonair ar tharscaoileadh agus míniú a sholáthar maidir lena bhfeidhmiú. Tabharfar fógra faoin rún tarscaoileadh a dheonú tráth nach lú ná 4 mhí sula mbeartófar go dtiocfaidh an tarscaoileadh i bhfeidhm. Laistigh de 2 mhí tar éis dó an fógra a fháil, eiseoidh ESMA tuairim chuig an údarás inniúil i dtrácht, i gcás ina bhfuil sé éagsúil ó ESMA, ina ndéanfar measúnú ar a mhéid atá an tarscaoileadh ag luí leis na ceanglais a leagtar síos i mír 1 agus a shonraítear sna caighdeáin theicniúla rialála arna nglacadh de bhun mhír 5. I gcás ina ndeonaíonn údarás inniúil nach ESMA atá ann tarscaoileadh agus go n‑easaontaíonn údarás inniúil Bhallstát eile, féadfaidh an t‑údarás inniúil sin an cheist a chur ar ais chuig ESMA, a fhéadfaidh gníomhú i gcomhréir leis na cumhachtaí a thugtar dó faoi Airteagal 19 de Rialachán (AE) Uimh. 1095/2010. Déanfaidh ESMA faireachán ar chur i bhfeidhm na dtarscaoiltí agus cuirfidh sé tuarascáil bhliantúil faoi bhráid an Choimisiúin faoin gcaoi a gcuirtear i bhfeidhm iad sa chleachtas.’;

(b)i mír 4, cuirtear an méid seo a leanas in ionad an tríú fomhír:

‘Sula ndéanfar fionraí shealadach na n‑oibleagáidí dá dtagraítear in Airteagal 8 a chur ar fionraí nó a athnuachan, déanfaidh an t‑údarás inniúil ábhartha, i gcás ina bhfuil sé éagsúil ó ESMA, a mbeidh ar intinn aige a chur in iúl do ESMA agus cuirfidh sé míniú ar fáil. Cuirfidh ESMA a thuairim in iúl don údarás inniúil a luaithe is indéanta i dtaobh an mbeidh údar leis an bhfionraí shealadach a chur ar fionraí nó a athnuachan i gcomhréir leis an gcéad fhomhír agus leis an dara fomhír den mhír seo.’;

(8)in Airteagal 11(2), cuirtear an méid seo a leanas in ionad an chúigiú fomhír:

‘Sula ndéanfar an fhionraí shealadach dá dtagraítear sa chéad fhomhír a chur ar fionraí nó a athnuachan, déanfaidh an t‑údarás inniúil ábhartha, i gcás ina bhfuil sé éagsúil ó ESMA, a mbeidh ar intinn aige a chur in iúl do ESMA agus cuirfidh sé míniú ar fáil. Cuirfidh ESMA a thuairim in iúl don údarás inniúil a luaithe is indéanta i dtaobh an mbeidh údar leis an bhfionraí shealadach a chur ar fionraí nó a athnuachan i gcomhréir leis an gcéad fhomhír agus leis an gcéad agus an ceathrú fomhír.’;

(9)in Airteagal 11a(2), cuirtear an méid seo a leanas in ionad an chúigiú fomhír:

‘Sula ndéanfar an fhionraí shealadach dá dtagraítear sa chéad fhomhír a chur ar fionraí nó a athnuachan, déanfaidh an t‑údarás inniúil ábhartha, i gcás ina bhfuil sé éagsúil ó ESMA, a mbeidh ar intinn aige a chur in iúl do ESMA agus cuirfidh sé míniú ar fáil. Cuirfidh ESMA a thuairim in iúl don údarás inniúil a luaithe is indéanta i dtaobh an mbeidh údar leis an bhfionraí shealadach a chur ar fionraí nó a athnuachan i gcomhréir leis an gcéad fhomhír agus leis an gcéad agus an ceathrú fomhír.’;

(1)in Airteagal 14, cuirtear an méid seo a leanas in ionad mhír 7:

‘7. Chun luacháil éifeachtúil scaireanna, admhálacha taisclainne, ETFanna, deimhnithe agus ionstraimí airgeadais eile dá samhail a áirithiú agus an deis is fearr is féidir a thabhairt do ghnólachtaí infheistíochta an margadh is fearr is féidir a bhaint amach dá gcliaint, d’fhéadfadh ESMA dréachtchaighdeáin theicniúla rialála a fhorbairt chun an méid seo a leanas a shonrú:

(a)na socruithe maidir le foilsiú na luachana daingne dá dtagraítear i mír 1;

(b)cinneadh na tairsí dá dtagraítear i mír 2, lena gcuirfear san áireamh na dea-chleachtais idirnáisiúnta, iomaíochas ghnólachtaí an Aontais, tábhacht an tionchair ar an margadh agus éifeachtúlacht múnlaithe praghsanna agus nach mbeidh sé sin faoi bhun dhá oiread mhéid chaighdeánach an mhargaidh;

(c)cinneadh na híosmhéide luachana dá dtagraítear i mír 3, ar méid é nach sáróidh 90 % den tairseach dá dtagraítear i mír 2 agus nach mbeidh faoi bhun mhéid chaighdeánach an mhargaidh;

(d)cinneadh i dtaobh an léiríonn na praghsanna dálaí an mhargaidh atá i réim dá dtagraítear i mír 3;

(e)méid chaighdeánach an mhargaidh dá dtagraítear i mír 4;

(f)na socruithe maidir le haitheantas orduithe miondíola dá dtagraítear in Airteagal 15(2).

Tarmligtear an chumhacht chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 10 go 14 de Rialachán (AE) Uimh. 1095/2010.’;

(2)in Airteagal 15, cuirtear an méid seo a leanas in ionad mhír 2:

‘2. Agus Airteagal 27 de Threoir 2014/65/AE á chomhlíonadh acu, forfheidhmeoidh inmheánaitheoirí córasacha na horduithe a gheobhaidh siad óna gcuid cliant i ndáil le scaireanna, admhálacha taisclainne, ETFanna, deimhnithe agus ionstraimí airgeadais eile dá samhail ar inmheánaitheoirí córasacha iad ina leith ag na praghsanna a luaitear an tráth fála an ordaithe.

Féadfaidh siad, áfach, na horduithe sin a fhorfheidhmiú ar phraghas níos fearr i gcásanna a mbeidh údar leo ar choinníoll:

(a)go dtagann an praghas laistigh de réimse poiblí a bheidh cóngarach do dhálaí an mhargaidh; agus

(b)i gcás orduithe miondíola, go ndéanann siad láithreach, agus in aon chás roimh fhorfheidhmiú, a luachana poiblí a thabhairt cothrom le dáta chun an feabhas ar an bpraghas a léiriú.

Chun críocha an dara fomhír, ordú is ea ordú miondíola a thionscnaítear ó chliant miondíola mar a shainmhínítear in Airteagal 4(1), pointe (11) de Threoir 2014/65/AE agus atá de mhéid suas go dtí an tairseach dá dtagraítear in Airteagal 14(2) agus an tairseach sin san áireamh.’;

(3)Cuirtear an méid seo a leanas in ionad Airteagal 17a:

‘Airteagal 17a 
Méideanna na dticeanna le haghaidh inmheánaitheoirí córasacha

1. Luachana ó inmheánaitheoirí córasacha, feabhsuithe praghais ar na luachana sin agus praghsanna forfheidhmiúcháin, comhlíonfaidh siad na méideanna ticeanna a leagtar amach i gcomhréir le hAirteagal 2h.

2. Ní dhéanfaidh na ceanglais a leagtar síos in Airteagal 2h agus in Airteagal 15(2) cosc a chur ar inmheánaitheoirí córasacha orduithe a mheaitseáil ag lárphointe laistigh de na praghsanna tairgthe agus tairisceana reatha.’;

(4)in Airteagal 21(1), cuirtear na fomhíreanna seo a leanas leis:

‘Ní bheidh feidhm ag an gcéad fhomhír maidir le gnólachtaí infheistíochta, a thabharfaidh i gcrích, bíodh sé ar a gcuntas féin nó ar son a gcuid cliant, idirbhearta i ndíorthaigh thar an gcuntar dá dtagraítear in Airteagal 8a(2) ar ionad trádála tríú tír a chomhlíonann na coinníollacha uile a leanas:

(a)oibríonn sé córas nó saoráid, ina bhfuil an iliomad leasanna ceannaigh agus díola tríú páirtithe in ionstraimí airgeadais in ann idirghníomhú;

(b)go bhfuil sé faoi réir údarú i gcomhréir le creat dlí agus maoirseachta an tríú tír;

(c)go bhfuil sé faoi réir maoirseachta nó forfheidhmithe ar bhonn leanúnach i gcomhréir le creat dlí agus maoirseachta an tríú tír ag údarás inniúil atá ina shínitheoir iomlán le Meabhrán Comhthuisceana Iltaobhach de chuid IOSCO maidir le Comhairliúchán agus Comhar agus Malartú Faisnéise;

(d)go bhfuil córas nochta iarthrádála i bhfeidhm aige a áirithíonn go bhfoilsítear idirbhearta a chuirtear i gcrích ar an ionad trádála sin a luaithe is féidir tar éis an t‑idirbheart a fhorfheidhmiú nó, i gcásanna a sainítear go soiléir, tar éis tréimhse iarchurtha;

(e)go bhfuil sé áirithe ar an liosta a d’fhoilsigh ESMA, de bhun an tríú fomhír.

Foilseoidh ESMA agus tabharfaidh sé cothrom le dáta go tráthrialta liosta d’ionaid trádála a chomhlíonann na coinníollacha a leagtar síos i bpointí (a) go (d) den dara fomhír.’;

(5)in Airteagal 22, cuirtear an méid seo a leanas in ionad mhír 1:

‘Chun ríomhanna a dhéanamh leis na ceanglais a chinneadh maidir leis an trédhearcacht réamhthrádála agus iarthrádála agus na córais oibleagáide trádála dá dtagraítear in Airteagail 3 go 11a, 14 go 21 agus 32 atá infheidhme maidir le hionstraimí airgeadais, agus chun tuarascálacha a ullmhú don Choimisiún i gcomhréir le hAirteagal 4(4), Airteagal 7(1), Airteagal 9(2), Airteagal 11(3) agus Airteagal 11a(1), féadfaidh ESMA agus údaráis inniúla eile faisnéis a éileamh ón méid seo a leanas: 

(a)ionaid trádála;

(b)socruithe formheasta maidir le foilsiú; agus

(c)soláthraithe teilitéipe comhdhlúite.’;

(6)in Airteagal 22a(1), cuirtear an abairt seo a leanas isteach:

‘Seolfaidh inmheánaitheoirí córasacha, maidir le scaireanna agus ETFanna a thrádáiltear ar ionad trádála, chuig lárionaid sonraí an tsoláthraí teilitéipe comhdhlúite, chomh gar don fhíor-am agus is féidir go teicniúil, na sonraí is gá de bhun Airteagal 14(1), i gcomhréir leis na ceanglais a shonraítear sna caighdeáin theicniúla rialála arna nglacadh de bhun Airteagal 22b(3), pointe (d). Déanfar na sonraí sin a tharchur i bhformáid chomhchuibhithe, trí phrótacal tarchurtha d’ardchaighdeán.’;

(7)in Airteagal 22b, cuirtear an méid seo a leanas in ionad mhír 1:

‘1. Na sonraí a tharchuirfear chuig an soláthraí teilitéipe comhdhlúite de bhun Airteagal 22a(1) agus na sonraí a scaipfidh an soláthraí teilitéipe comhdhlúite de bhun Airteagal 27h(1), pointe (d), comhlíonfaidh siad na caighdeáin theicniúla rialála arna nglacadh de bhun Airteagal 4(6), pointe (a), Airteagal 7(2), pointe (a), Airteagal 11(4), pointe (a), Airteagal 11a(3), pointe (a), agus Airteagal 14(7), mura bhforáiltear a mhalairt sna caighdeáin theicniúla rialála arna nglacadh de bhun mhír 3, pointí (b) agus (d), den Airteagal seo.’;

(8)Cuirtear an méid seo a leanas in ionad Airteagal 23a:

‘Airteagal 23a 
Inrochtaineacht faisnéise ar an bpointe rochtana aonair Eorpach

1. Ón 10 Eanáir 2030, déanfar an fhaisnéis dá dtagraítear in Airteagal 2y(3) pointí (c), (d), agus (f), Airteagal 14(6), Airteagal 15(1), an dara fomhír, Airteagail 27(1), Airteagal 34, Airteagail 40(5), 42(5), 44(2), 45(6) agus Airteagal 48 den Rialachán seo a chur ar fáil ar bhonn inrochtana ar an bpointe rochtana aonair Eorpach (ESAP) arna bhunú faoi Rialachán (AE) 2023/2859 ó Pharlaimint na hEorpa agus ón gComhairle*. Is é ESMA a bheith sa chomhlacht bailiúcháin mar a shainmhínítear é in Airteagal 2, pointe (2), de Rialachán (AE) 2023/2859.

Comhlíonfaidh an fhaisnéis sin na ceanglais seo a leanas:

(a)déanfar an fhaisnéis a thíolacadh i bhformáid ónar féidir sonraí a asbhaint mar a shainmhínítear in Airteagal 2, pointe (3), de Rialachán (AE) 2023/2859;

(b)beidh na meiteashonraí seo a leanas ag gabháil léi:

(i)ainmneacha uile an ghnólachta infheistíochta, OMUE nó an oibreora margaidh lena mbaineann an fhaisnéis;

(ii)i gcás ina bhfuil sé ar fáil, aitheantóir eintitis dhlítheanaigh an ghnólachta infheistíochta, OMUE nó oibreoir margaidh, mar a shonraítear de bhun Airteagal 7(4), pointe (b), de Rialachán (AE) 2023/2859;

(iii)an cineál faisnéise, mar a aicmítear de bhun Airteagal 7(4), pointe (c), den Rialachán sin;

(iv)léiriú i dtaobh an bhfuil sonraí pearsanta san fhaisnéis.

2. Chun críocha mhír 1, pointe (b)(ii), gheobhaidh gnólachtaí infheistíochta, OMUEnna agus oibreoirí margaidh aitheantóir eintitis dhlítheanaigh.

3. Faoin 9 Eanáir 2030, chun an fhaisnéis dá dtagraítear in Airteagal 2y(3) pointí (c), (d) agus (f), den Rialachán seo a chur ar fáil ar bhonn inrochtana ar ESAP, ainmneoidh na gnólachtaí infheistíochta, OMUEnna agus oibreoirí margaidh comhlacht bailiúcháin amháin ar a laghad mar a shainmhínítear in Airteagal 2, pointe (2), de Rialachán (AE) 2023/2859 agus tabharfaidh siad fógra do ESMA ina leith sin.

4. Ón 10 Eanáir 2030, déanfar an fhaisnéis dá dtagraítear in Airteagal 2v(2) a chur ar fáil ar bhonn inrochtana ar ESAP. Chun na críche sin, is é an t‑údarás inniúil a bheidh sa chomhlacht bailiúcháin mar a shainmhínítear in Airteagal 2, pointe (2), de Rialachán (AE) 2023/2859.

Comhlíonfaidh an fhaisnéis sin na ceanglais seo a leanas:

(a)déanfar an fhaisnéis a thíolacadh i bhformáid ónar féidir sonraí a asbhaint mar a shainmhínítear in Airteagal 2, pointe (3), de Rialachán (AE) 2023/2859;

(b)beidh na meiteashonraí seo a leanas ag gabháil léi:

(i)ainmneacha uile an ghnólachta infheistíochta, OMUE nó an oibreora margaidh lena mbaineann an fhaisnéis;

(ii)i gcás ina bhfuil sé ar fáil, aitheantóir eintitis dhlítheanaigh an ghnólachta infheistíochta, OMUE nó oibreoir margaidh, mar a shonraítear de bhun Airteagal 7(4), pointe (b), de Rialachán (AE) 2023/2859;

(iii)an cineál faisnéise, mar a aicmítear de bhun Airteagal 7(4), pointe (c), den Rialachán sin;

(iv)léiriú i dtaobh an bhfuil sonraí pearsanta san fhaisnéis.

5. Ón 10 Eanáir 2030, déanfar an fhaisnéis dá dtagraítear in Airteagal 2u(8) agus Airteagal 34b(1) pointe (a) den Rialachán seo a chur ar fáil ar bhonn inrochtana ar ESAP. Chun na críche sin, is é ESMA a bheidh ina chomhlacht bailiúcháin mar a shainmhínítear in Airteagal 2, pointe (2), de Rialachán (AE) 2023/2859.

Comhlíonfaidh an fhaisnéis sin na ceanglais seo a leanas:

(a)déanfar an fhaisnéis a thíolacadh i bhformáid ónar féidir sonraí a asbhaint mar a shainmhínítear in Airteagal 2, pointe (3), de Rialachán (AE) 2023/2859;

(a)beidh na meiteashonraí seo a leanas ag gabháil léi:

(i)ainmneacha uile an ghnólachta infheistíochta, OMUE nó an oibreora margaidh lena mbaineann an fhaisnéis;

(ii)i gcás ina bhfuil sé ar fáil, aitheantóir eintitis dhlítheanaigh an ghnólachta infheistíochta, OMUE nó oibreoir margaidh, mar a shonraítear de bhun Airteagal 7(4), pointe (b), de Rialachán (AE) 2023/2859;

(iii)an cineál faisnéise, mar a aicmítear de bhun Airteagal 7(4), pointe (c), den Rialachán sin;

(iv)léiriú i dtaobh an bhfuil sonraí pearsanta san fhaisnéis.

_________________________________________

*Rialachán (AE) 2023/2859 ó Pharlaimint na hEorpa agus ón gComhairle an 13 Nollaig 2023 lena mbunaítear pointe rochtana aonair Eorpach lena soláthraítear rochtain láraithe ar fhaisnéis atá ar fáil don phobal agus atá ábhartha do sheirbhísí airgeadais, do mhargaí caipitil agus don inbhuanaitheacht (IO L, 2023/2859, 20.12.2023, ELI: http://data.europa.eu/eli/reg/2023/2859/oj ).’;

(9)Leasaítear Airteagal 25 mar a leanas:

(a)cuirtear an méid seo a leanas in ionad mhír 2:

‘2. Coimeádfaidh oibreoir ionaid trádála faoi réir an údaráis inniúil nó, i gcás inarb é ESMA an t‑údarás inniúil, an t‑údarás faireachais náisiúnta, go ceann 5 bliana ar a laghad, na sonraí ábhartha a bhaineann le gach ordú in ionstraimí airgeadais a fhógrófar trína chórais i bhformáid a bheidh inléite ag meaisín agus trí úsáid a bhaint as teimpléad coiteann. Féadfaidh údarás inniúil an ionaid trádála nó, i gcás inarb é ESMA an t‑údarás inniúil, údarás faireachais náisiúnta an ionaid trádála, na sonraí sin a iarraidh ar bhonn leanúnach. Beidh na sonraí ábhartha is ionann agus saintréithe an ordaithe le fáil sna taifid, lena n‑áirítear na saintréithe sin a nascfaidh ordú leis na hidirbhearta forfheidhmithe a eascraíonn as an ordú sin agus a ndéanfar sonraí an ordaithe ina leith a thuairisciú i gcomhréir le hAirteagal 26(1) agus (3). Comhlíonfaidh ESMA ról éascaithe agus comhordaithe i ndáil le rochtain a bheith ag údaráis inniúla agus údaráis faireachais náisiúnta ar fhaisnéis faoin mír seo. I gcás inarb é ESMA údarás inniúil an ionaid trádála, beidh sé de chumas aige iarraidh ar an údarás faireachais náisiúnta rochtain a fháil ar an bhfaisnéis sin, chun a ghníomhaíochtaí maoirseachta a dhéanamh.’;

(b)i mír 3, scriostar an tríú fomhír;

(1)leasaítear Airteagal 26 mar a leanas:

(a)leasaítear mír 1 mar a leanas:

(i)(ii) sa dara fomhír, cuirtear an méid seo a leanas in ionad na foclaíochta réamhráití:

‘Bunóidh na húdaráis inniúla, i gcomhréir le hAirteagal 85 de Threoir 2014/65/AE, na socruithe is gá chun a áirithiú go bhfaighidh na húdaráis seo a leanas an fhaisnéis sin freisin:’;

(ii)sa dara fomhír, cuirtear an méid seo a leanas in ionad phointe (a):

‘(a) údarás inniúil an mhargaidh is ábhartha i dtéarmaí leachtachta do na hionstraimí airgeadais sin nó, i gcás inarb é ESMA an t‑údarás inniúil, an t‑údarás faireachais náisiúnta;’;

(iii)sa dara fomhír, cuirtear an méid seo a leanas in ionad phointe (d):

‘(d) an t‑údarás inniúil atá freagrach as maoirseacht a dhéanamh ar na hionaid trádála a úsáidtear nó, i gcás inar é ESMA an t‑údarás inniúil, an t‑údarás faireachais náisiúnta.’;

(b)cuirtear an méid seo a leanas in ionad mhír 5:

‘5. Tuairisceoidh oibreoir ionaid trádála chuig a údarás inniúil nó, i gcás inarb é ESMA an t‑údarás inniúil, chuig a údarás faireachais náisiúnta, mionsonraí idirbheart in ionstraimí airgeadais a thrádáiltear ar a ardán a bhforfheidhmeoidh aon chomhalta, rannpháirtí nó úsáideoir nach bhfuil faoi réir an Rialacháin seo i gcomhréir le míreanna 1 agus 3 iad trína gcórais.’;

(c)i mír 7, cuirtear an méid seo a leanas in ionad an chúigiú fomhír:

‘Ceanglóidh an t‑údarás inniúil ar an ionad trádála, agus tuairiscí á dtabhairt aige ar son an ghnólachta infheistíochta, go mbeadh sásraí fónta slándála i bhfeidhm aige chun ráthaíocht a thabhairt maidir le slándáil agus le fíordheimhniú aistriú faisnéise, an riosca maidir le truailliú sonraí agus rochtain neamhúdaraithe a íoslaghdú agus sceitheadh faisnéise a chosc chun rúndacht na sonraí a chothabháil i gcónaí. Ceanglóidh an t‑údarás inniúil ar an ionad trádála acmhainní leordhóthanacha a chothabháil agus saoráidí cúltaca a bheith aige chun a sheirbhísí a thairiscint agus a chothabháil i gcónaí.’;

(d)i mír 9, scriostar an tríú fomhír;

(2)Leasaítear Airteagal 27 mar a leanas:

(a)i mír 1, an ceathrú fomhír, cuirtear an méid seo a leanas in ionad na habairte deiridh:

‘Tabharfaidh ESMA rochtain do na húdaráis inniúla agus do na húdaráis faireachais náisiúnta gan moill mhíchuí ar na sonraí tagartha sin.’;

(b)i mír 2, leasaítear an chéad fhomhír mar a leanas:

(i)cuirtear an méid seo a leanas in ionad na foclaíochta réamhráití:

‘Chun a chumasú d’údaráis inniúla faireachán a dhéanamh, de bhun Airteagal 26, ar ghníomhaíochtaí gnólachtaí infheistíochta chun a áirithiú go ngníomhóidh siad go hionraic, go cothrom agus go gairmiúil agus ar mhodh a chuirfidh sláine an mhargaidh chun cinn, déanfaidh ESMA, tar éis dó dul i gcomhairle leis na húdaráis inniúla agus leis na húdaráis faireachais náisiúnta, na socruithe is gá a leagan síos chun an méid seo a leanas a áirithiú:’;

(ii)cuirtear an méid seo a leanas in ionad phointí (c) agus (d):

‘(c) déantar na sonraí tagartha ionstraime airgeadais a gheofar de bhun mhír 1 a tharchur go héifeachtúil agus gan moill mhíchuí chuig na húdaráis inniúla agus na húdaráis faireachais náisiúnta ábhartha;

(d) tá sásraí éifeachtacha i bhfeidhm idir ESMA agus na húdaráis inniúla nó, i gcás inarb ábhartha, na húdaráis faireachais náisiúnta chun saincheisteanna um sholáthar sonraí nó cháilíocht sonraí a réiteach.’;

(c)i mír 4, cuirtear an méid seo a leanas in ionad an tríú fomhír:

‘Sula ndéantar cinneadh chun an beart dá dtagraítear sa chéad fhomhír a ghlacadh, tabharfaidh ESMA fógra do na húdaráis inniúla nó, i gcás inarb ábhartha, do na húdaráis faireachais náisiúnta.’;

(3)in Airteagal 27h(1), scriostar an dara fomhír;

(4)in Airteagal 27ha(2), scriostar an dara fomhír;

(5)in Airteagal 31(3), cuirtear an méid seo a leanas in ionad na habairte deiridh:

‘Cuirfidh na gnólachtaí infheistíochta agus na hoibreoirí margaidh sin na taifid sin ar fáil go pras don údarás inniúil ábhartha, don údarás faireachais náisiúnta ábhartha nó do ESMA arna iarraidh sin dóibh.’;

(6)cuirtear na hAirteagail 34a agus 34b seo a leanas isteach:

‘Airteagal 34a 
Rialuithe bainistíochta suímh i ndíorthaigh tráchtearra agus i ndíorthaigh lamháltais astaíochtaí

1. Gnólacht infheistíochta nó oibreoir margaidh a oibríonn ionad trádála a thrádálann i ndíorthaigh tráchtearraí nó díorthaigh lamháltas astaíochtaí, cuirfidh siad rialuithe ar bhainistiú suímh i bhfeidhm, lena n‑áirítear cumhachtaí don ionad trádála chun na nithe seo a leanas a dhéanamh:

(a)faireachán a dhéanamh ar shuíomhanna leasa oscailte na ndaoine;

(b)faisnéis, lena n‑áirítear an doiciméadacht ábhartha uile, a fháil ó dhaoine faoi mhéid agus cuspóir suímh nó neamhchosanta a rinneadh, faisnéis faoi úinéirí tairbhiúla nó úinéirí foluiteacha, aon socrú comhbheartaithe, agus aon sócmhainn ghaolmhar nó aon dliteanas gaolmhar sa mhargadh foluiteach, lena n‑áirítear, i gcás inarb iomchuí, suíomhanna arna sealbhú i ndíorthaigh lamháltas astaíochtaí nó suíomhanna arna sealbhú i ndíorthaigh tráchtearraí atá bunaithe ar an luach foluiteach céanna agus a bhfuil na saintréithe céanna acu ar ionaid trádála eile agus i gconarthaí arna dtrádáil lasmuigh d’ionad trádála atá coibhéiseach go heacnamaíoch trí chomhaltaí agus rannpháirtithe;

(c)a iarraidh ar dhuine suíomh a fhoirceannadh nó a laghdú, ar bhonn sealadach nó buan, agus gníomh a dhéanamh go haontaobhach chun a áirithiú go ndéanfar an suíomh a fhoirceannadh nó a laghdú i gcás nach gcomhlíonann an duine an iarraidh sin; agus

(d)ceangal a chur ar dhuine leachtacht a chur ar ais sa mhargadh ar phraghas agus ar mhéid comhaontaithe, ar bhonn sealadach, leis an rún sainráite maolú a dhéanamh ar na héifeachtaí a bhaineann le suíomh mór nó ceannasach.

Féadfaidh ESMA dréachtchaighdeáin theicniúla rialála a fhorbairt chun inneachar rialuithe ar bhainistiú suímh a shonrú, agus ar an gcaoi sin, saintréithe na n‑ionad trádála lena mbaineann a chur san áireamh.

Déantar an chumhacht a tharmligean chuig an gCoimisiún chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1095/2010.

2. Beidh na rialuithe bainistíochta suímh trédhearcach agus neamh-idirdhealaitheach, lena sonrófar conas atá siad infheidhme do dhaoine agus cuirfear san áireamh cineál agus comhdhéanamh na rannpháirtithe margaidh agus an úsáid a bhaineann siad as na conarthaí a chuirtear faoi thrádáil.

3. Cuirfidh an gnólacht infheistíochta nó an t‑oibreoir margaidh a oibríonn an t‑ionad trádála na sonraí maidir le rialuithe bainistíochta suímh in iúl dá údarás inniúil.

I gcás nach é ESMA an t‑údarás inniúil, cuirfidh an t‑údarás inniúil an fhaisnéis chéanna in iúl do ESMA, a fhoilseoidh agus a chothóidh ar a shuíomh gréasáin bunachar sonraí ina mbeidh achoimrí ar rialuithe bainistíochta suímh.

Airteagal 34b 
Tuairisciú suímh ag ionaid trádála de réir catagóirí sealbhóirí suímh

1. Gnólacht infheistíochta nó oibreoir margaidh a oibríonn ionad trádála a thrádálann i ndíorthaigh tráchtearraí nó i ndíorthaigh lamháltas astaíochtaí, déanfaidh sé:

(a)an méid seo a leanas a phoibliú:

(i)i gcás ionaid trádála a dtrádáiltear roghanna iontu, dhá thuarascáil sheachtainiúla, a bhfuil roghanna le heisiamh i gceann amháin acu, leis na suíomhanna comhiomlána atá i seilbh na gcatagóirí éagsúla de dhaoine maidir leis na díorthaigh tráchtearraí nó na díorthaigh éagsúla lamháltas astaíochtaí a thrádáiltear ar a n‑ionad trádála, lena sonraítear an líon suíomhanna fada agus gearra de réir catagóirí den sórt sin, athruithe a rinneadh orthu sa tréimhse ón tuarascáil roimhe sin, an céatadán den ús oscailte iomlán arna léiriú ag gach catagóir, agus an líon daoine a bhfuil suíomh acu i ngach catagóir i gcomhréir le mír 4;

(ii)i gcás ionaid trádála nach dtrádáiltear roghanna iontu, tuarascáil sheachtainiúil ar na gnéithe a leagtar amach i bpointe (i);

(b)miondealú iomlán ar na suíomhanna atá ag gach duine, lena n‑áirítear comhaltaí nó rannpháirtithe agus a gcliaint, ar an ionad trádála sin a sholáthar don údarás inniúil nó, i gcás gurb é ESMA an t‑údarás inniúil, an t‑údarás faireachais náisiúnta, ar bhonn laethúil ar a laghad.

Ní bheidh feidhm ag an oibleagáid a leagtar síos i bpointe (a) ach amháin nuair a sháraíonn an líon daoine agus a suíomhanna oscailte íostairseacha.

Ní bheidh feidhm ag tuairisciú suímh maidir le haon urrús eile amhail dá dtagraítear i bpointe (c) de phointe (44) d’Airteagal 4(1) de Threoir 2014/65/AE a bhaineann le tráchtearra nó bunús amhail dá dtagraítear i Roinn C.10 d’Iarscríbhinn I den Treoir sin.

Gnólacht infheistíochta nó oibreoir margaidh a oibríonn ionad trádála a thrádálann i ndíorthaigh tráchtearraí nó i ndíorthaigh lamháltas astaíochtaí, cuirfidh sé na tuarascálacha dá dtagraítear i bpointe (a) den chéad fhomhír in iúl don údarás inniúil agus, i gcás nach é ESMA an t‑údarás inniúil, do ESMA. Rachaidh ESMA ar aghaidh leis an bhfaisnéis atá sna tuarascálacha sin a fhoilsiú ar bhonn láraithe.

2. Maidir le daoine a shealbhaíonn suíomhanna i ndíorthach tráchtearraí nó i ndíorthach lamháltas astaíochtaí, aicmeoidh an gnólacht infheistíochta nó an t‑oibreoir margaidh a oibríonn an t‑ionad trádála sin iad de réir chineál a bpríomhghnó, agus aon údarú is infheidhme á chur san áireamh, mar cheann amháin díobh seo a leanas:

(a)gnólachtaí infheistíochta nó institiúidí creidmheasa;

(b)cistí infheistíochta, bíodh sé ina ghnóthas le haghaidh comhinfheistíochtaí in urrúis inaistrithe (GCUI) mar a shainmhínítear i dTreoir 2009/65/CE, nó ina bhainisteoir ciste infheistíochta malartach mar a shainmhínítear i dTreoir 2011/61/CE i gceist leis sin;

(c)institiúidí airgeadais eile, lena n‑áirítear gnóthais árachais agus gnóthais athárachais mar a shainmhínítear iad i dTreoir 2009/138/CE, agus institiúidí um sholáthar scoir ceirde mar a shainmhínítear i dTreoir (AE) 2016/2341;

(d)gnóthais tráchtála;

(e)i gcás díorthaigh lamháltas astaíochtaí, oibreoirí a bhfuil oibleagáidí comhlíonta orthu faoi Threoir 2003/87/CE.

Sonrófar sna tuarascálacha dá dtagraítear i mír 1, pointe (a) an líon suíomhanna fada agus gearra de réir catagóire daoine, aon athrú orthu ón tuarascáil roimhe sin, céatadán den leas oscailte iomlán a léiríodh le gach catagóir, agus an líon daoine i gach catagóir.

Déanfar idirdhealú sna tuarascálacha dá dtagraítear i mír 1, pointe (a), idir an méid seo a leanas:

(a)suíomhanna a shainaithnítear mar shuíomhanna a laghdaíonn ar bhealach atá intomhaiste go hoibiachtúil rioscaí a bhaineann go díreach le gníomhaíochtaí tráchtála; agus

(b)suíomhanna eile.

3. Féadfaidh ESMA dréachtchaighdeáin theicniúla cur chun feidhme a fhorbairt chun formáid na dtuarascálacha dá dtagraítear i mír 1, pointe (a) a chinneadh.

Tugtar cumhacht don Choimisiún na caighdeáin theicniúla cur chun feidhme dá dtagraítear sa chéad fhomhír a ghlacadh i gcomhréir le hAirteagal 15 de Rialachán (AE) Uimh. 1095/2010.

I gcás díorthaigh lamháltas astaíochtaí, ní dhéanfar dochar leis an tuairisciú do na hoibleagáidí comhlíonta faoi Threoir 2003/87/CE.

4. Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 50 chun an Rialachán seo a fhorlíonadh trí na tairseacha dá dtagraítear sa dara fomhír de mhír 1 den Airteagal seo a shonrú, ag féachaint don líon iomlán suíomhanna oscailte agus a méid agus an líon iomlán daoine a bhfuil suíomh ina seilbh acu.

5. Féadfaidh ESMA dréachtchaighdeáin theicniúla cur chun feidhme a fhorbairt chun na bearta a shonrú lena gceanglófar na tuarascálacha go léir dá dtagraítear i mír 1, pointe (a) a chur chuig ESMA ag am sonraithe gach seachtain, dá bhfoilseachán láraithe ag ESMA.

Tugtar cumhacht don Choimisiún na caighdeáin theicniúla cur chun feidhme dá dtagraítear sa chéad fhomhír a ghlacadh i gcomhréir le hAirteagal 15 de Rialachán (AE) Uimh. 1095/2010.’;

(7)leasaítear teideal Theideal VI mar a leanas:

ROCHTAIN NEAMH-IDIRDHEALAITHEACH AR IONAID TRÁDÁLA, TLUnna AGUS CPLanna’;

(8)cuirtear an tAirteagal 34c seo a leanas isteach:

‘Airteagal 34c 
An ceart chun TLU a ainmniú

Tairgfidh oibreoirí margaidh agus gnólachtaí infheistíochta a oibríonn ionad trádála an ceart dá gcomhaltaí nó rannpháirtithe uile chun aon TLU a bunaíodh san Aontas a ainmniú le haghaidh socrú idirbheart in ionstraimí airgeadais arna ndéanamh ar an ionad trádála sin.’;

(9)Cuirtear an méid seo a leanas in ionad Airteagail 35 agus 36:

‘Airteagal 35 
Rochtain neamh-idirdhealaitheach ag ionad trádála ar CPL

1. Gan dochar d’Airteagal 7 de Rialachán (AE) Uimh. 648/2012, glacfaidh CPL le hionstraimí airgeadais soiléire a imréiteach ar bhonn neamh-idirdhealaitheach agus trédhearcach, lena n‑áirítear maidir le ceanglais chomhthaobhachta agus nascacht tosaigh agus táillí rochtana, gan beann ar an ionad trádála ar a bhforfheidhmítear idirbheart.

Ní bheidh feidhm ag an gceanglas sa chéad fhomhír maidir le díorthaigh arna dtrádáil ar mhalartán.

Áiritheoidh an CPL go háirithe go mbeidh an ceart ag ionad trádála ar láimhseáil neamh-idirdhealaitheach ar chonarthaí arna dtrádáil ar an ionad trádála sin sna téarmaí seo a leanas:

(a)ceanglais chomhthaobhachta agus glanluacháil conarthaí atá coibhéiseach, i gcás nach mbeadh cuimsiú na gconarthaí sin sa dún‑amach agus i nósanna imeachta glanluachála eile de chuid CPL atá bunaithe ar an dlí dócmhainneachta is infheidhme ina bhaol ar fheidhmiú réidh agus ordúil, ar bhailíocht agus/nó ar in‑fhorfheidhmitheacht na nósanna imeachta sin; agus

(b)traséarlaisiú le conarthaí comhchoibhneasacha arna n‑imréiteach ag an CPL céanna faoi shamhail riosca a chomhlíonann Airteagal 41 de Rialachán (AE) Uimh. 648/2012.

Féadfaidh CPL a éileamh go ndéanfaidh ionad trádála na ceanglais oibríochtúla agus teicniúla arna mbunú leis an CPL, lena n‑áirítear na ceanglais um bainistíocht riosca, a chomhlíonadh. Níl feidhm ag an gceanglas sa mhír sin maidir le hidirbheart díorthach ar bith atá faoi réir na n‑oibleagáidí rochtana faoi Airteagal 7 de Rialachán (AE) Uimh 648/2012 cheana féin.

2. Ionad trádála atá ag iarraidh rochtain a fháil ar sheirbhís CPL, cuirfidh sé a iarraidh faoi bhráid an CPL. Sonrófar san iarraidh na hionstraimí airgeadais a n‑iarrtar an t‑imréiteach ina leith. Cuirfidh an t‑ionad trádála ESMA, údarás inniúil an CPL agus an ionaid trádála, i gcás ina bhfuil sé éagsúil ó ESMA, ar an eolas faoi iarraidh den sórt sin.

3. Soláthróidh CPL freagra i scríbhinn don ionad trádála laistigh de 3 mhí ón iarraidh dá dtagraítear i mír 2 a fháil, ag ceadú nó ag diúltú rochtana.

4. Ní fhéadfaidh an CPL iarraidh ar rochtain a dhiúltú ach amháin i gcás ina ndéanfadh an rochtain sin difear d’fheidhmiú rianúil agus ordúil na margaí nó ina mbeadh sí ina cúis le riosca sistéamach, bunaithe ar mheasúnú riosca cuimsitheach faoi réir na gcoinníollacha a leagtar síos sa ghníomh tarmligthe de bhun mhír 6, pointe (a) d’Airteagal 36. Ní dhiúltóidh an CPL iarraidh ar fhorais chaillteanas féideartha ioncaim a d’fhéadfadh a bheith ann ina leith féin nó i leith eintiteas eile a bhaineann leis an ngrúpa céanna.

I gcás ina mainneoidh an CPL freagra i scríbhinn a sholáthar don ionad trádála laistigh den teorainn ama dá dtagraítear i mír 3, féadfaidh ESMA fógra a thabhairt don CPL agus faisnéis bhreise a iarraidh ar an CPL. I gcás nach léirítear go bhfuil na coinníollacha maidir le diúltú don iarraidh mar a leagtar síos sa ghníomh tarmligthe arna ghlacadh de bhun mhír 6 d’Airteagal 36 á gcomhlíonadh, féadfaidh ESMA cinneadh a eisiúint lena gceanglófar ar an CPL sin rochtain a dheonú ar a sheirbhísí laistigh de 1 mhí amháin tar éis fógra faoin gcinneadh a fháil.

I gcás ina ndiúltóidh an t‑ionad trádála rochtain, soláthrófar leis an bhfreagra i scríbhinn míniú mionsonraithe ar na cúiseanna ar diúltaíodh rochtain, bunaithe ar an measúnú riosca cuimsitheach dá dtagraítear sa chéad fhomhír. Cuirfidh an t‑ionad trádála, díreach tar éis dó an freagra i scríbhinn a thabhairt don CPL, agus i scríbhinn, ESMA agus na húdaráis inniúla dá dtagraítear i mír 2 ar an eolas faoin gcinneadh sin.

5. I gcás inar dhiúltaigh an CPL rochtain, féadfaidh an t‑ionad trádála gearán a chur faoi bhráid ESMA.

Déanfaidh ESMA measúnú ar na cúiseanna ar diúltaíodh rochtain agus, laistigh de 1 mhí amháin ó dháta an ghearáin, soláthróidh sé freagra réasúnaithe don ionad trádála. Féadfaidh ESMA dul i gcomhairle leis na húdaráis inniúla dá dtagraítear i mír 2 le linn dó a fhreagra a ullmhú. I gcás ina gcinnfidh ESMA nach bhfuil údar maith le diúltú an CPL rochtain a dheonú, i gcás nach bhfuil aon léiriú ann go bhfuil na coinníollacha maidir le hiarraidh a dhiúltú mar a leagtar síos sa ghníomh tarmligthe de bhun mhír 6 d’Airteagal 36 á gcomhlíonadh, eiseoidh ESMA cinneadh lena gceanglófar ar an CPL rochtain a dheonú ar a sheirbhísí laistigh de 1 mhí amháin tar éis fógra a fháil faoin gcinneadh sin.

Áiritheoidh CPL a dheonaíonn rochtain ar an ionad trádála go mbeidh an rochtain lánfheidhmiúil laistigh de 3 mhí ón bhfreagra dearfach ar an iarraidh ar rochtain a fháil.

Airteagal 36 
Rochtain neamh-idirdhealaitheach ar ionaid trádála ag CPLanna

1. ‘Gan dochar d’Airteagal 8 de Rialachán (AE) Uimh. 648/2012, soláthróidh ionad trádála fothaí trádála ar bhonn neamh-idirdhealaitheach trédhearcach arna iarraidh sin, lena n‑áirítear táillí a bhaineann le nascacht tosaigh agus le rochtain, d’aon CPL atá údaraithe nó aitheanta de bhun an Rialacháin sin, CPL ar mian leis idirbhearta in ionstraimí airgeadais a tugadh i gcrích ar an ionad trádála sin a imréiteach. Ní bheidh feidhm ag an gceanglas sin maidir leo seo a leanas:

(a)aon chonradh díorthach atá faoi réir na n‑oibleagáidí rochtana a leagtar síos in Airteagal 8 de Rialachán (AE) Uimh. 648/2012 cheana féin;

(b)díorthaigh arna dtrádáil ar mhalartán.

2. CPL atá ag iarraidh rochtain a fháil ar ionad trádála, cuirfidh sé a iarraidh faoi bhráid an ionaid trádála. Cuirfidh an CPL ESMA agus údarás inniúil an ionaid trádála agus an CPL, i gcás ina bhfuil sé éagsúil ó ESMA, ar an eolas faoin iarraidh sin.

3. Soláthróidh an t‑ionad trádála freagra i scríbhinn don CPL laistigh de 3 mhí ón iarraidh dá dtagraítear i mír 2 a fháil, ag ceadú nó ag diúltú rochtana.

4. Ní fhéadfaidh an t‑ionad trádála iarraidh ar rochtain a dhiúltú ach amháin i gcás ina ndéanfadh an rochtain sin difear d’fheidhmiú rianúil agus ordúil na margaí nó ina mbeadh sí ina cúis le riosca sistéamach, bunaithe ar mheasúnú riosca cuimsitheach faoi réir na gcoinníollacha a leagtar síos i mír 6, pointe (a). Ní dhiúltóidh an t‑ionad trádála iarraidh ar fhorais chaillteanas féideartha ioncaim a d’fhéadfadh a bheith ann ina leith féin nó i leith eintiteas eile a bhaineann leis an ngrúpa céanna. Ina theannta sin, ní chuirfidh sé srian le rochtain ar fhothaí trádála sonracha ar an bhforas nár roghnaigh na contrapháirtithe in idirbheart sonrach an CPL céanna, i gcás ina bhfuil socrú idir-inoibritheachta déanta cheana féin ag na CPLanna is rogha leo de bhun Airteagal 51 de Rialachán (AE) Uimh. 648/2012.

I gcás ina mainneoidh an t‑ionad trádála freagra i scríbhinn a sholáthar don CPL laistigh den teorainn ama dá dtagraítear i mír 3, féadfaidh ESMA fógra a thabhairt don ionad trádála agus faisnéis bhreise a iarraidh. I gcás nach léirítear go bhfuil na coinníollacha maidir le diúltú don iarraidh mar a leagtar síos sa ghníomh tarmligthe arna ghlacadh de bhun mhír 6 á gcomhlíonadh, féadfaidh ESMA cinneadh a eisiúint lena gceanglófar ar an ionad trádála sin rochtain a dheonú ar a sheirbhísí laistigh de 1 mhí amháin tar éis fógra faoin gcinneadh a fháil.

I gcás ina ndiúltóidh an t‑ionad trádála rochtain, soláthrófar leis an bhfreagra i scríbhinn míniú mionsonraithe ar na cúiseanna ar diúltaíodh rochtain, bunaithe ar an measúnú riosca cuimsitheach dá dtagraítear sa chéad fhomhír. Cuirfidh an t‑ionad trádála, díreach tar éis dó an freagra i scríbhinn a thabhairt don CPL, agus i scríbhinn, ESMA agus na húdaráis inniúla dá dtagraítear i mír 2 ar an eolas faoin gcinneadh sin.

5. I gcás inar dhiúltaigh an t‑ionad trádála rochtain, féadfaidh an CPL gearán a chur faoi bhráid ESMA.

Déanfaidh ESMA measúnú ar na cúiseanna ar diúltaíodh rochtain a thabhairt agus, laistigh de 1 mhí amháin ó dháta an ghearáin, soláthróidh sé freagra réasúnaithe don CPL. Féadfaidh ESMA dul i gcomhairle leis na húdaráis inniúla dá dtagraítear i mír 2 le linn dó a fhreagra a ullmhú. I gcás ina gcinnfidh ESMA nach bhfuil údar maith le diúltú an ionaid trádála rochtain a dheonú, i gcás nach bhfuil aon léiriú ann go bhfuil na coinníollacha maidir le hiarraidh a dhiúltú mar a leagtar síos sa ghníomh tarmligthe de bhun mhír 6 á gcomhlíonadh, eiseoidh ESMA cinneadh lena gceanglófar ar an ionad trádála rochtain a dheonú ar a fhothaí trádála laistigh de 1 mhí amháin tar éis fógra a fháil faoin gcinneadh sin.

Áiritheoidh ionad trádála a dheonaíonn rochtain ar an CPL go mbeidh rochtain lánfheidhmiúil laistigh de 3 mhí ón bhfreagra dearfach ar an iarraidh ar rochtain a fháil.

6. Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 50, chun an Rialachán seo a fhorlíonadh agus an méid seo a leanas a shonrú:

(a)na rioscaí sonracha a chuirfidh CPLanna agus ionaid trádála san áireamh i gcás ina bhfuil measúnú riosca cuimsitheach dá dtagraítear in Airteagal 35(3) agus i mír 3 den Airteagal seo á dhéanamh;

(b)déanfar na coinníollacha faoina ndeonóidh CPL rochtain faoi Airteagal 35, lena n‑áirítear an bunús neamh-idirdhealaitheach agus trédhearcach a mhéid a bhaineann le nascacht tosaigh agus táillí rochtana, táillí imréitigh, ceanglais chomhthaobhachta agus ceanglais oibríochtúla maidir le socrú corrlaigh, agus na coinníollacha faoina ndeonóidh ionad trádála rochtain faoin Airteagal seo, lena n‑áirítear an bunús neamh-idirdhealaitheach agus trédhearcach a mhéid a bhaineann le nascacht agus táillí rochtana;

(c)déanfar na coinníollacha maidir le cóireáil neamh-idirdhealaitheach maidir leis an gcaoi a dhéileálfar le conarthaí a thrádáiltear ar an ionad trádála sin i dtéarmaí na gceanglas comhthaobhachta agus glanluacháil conarthaí atá coibhéiseach go heacnamaíoch agus maidir le traséarlaisiú le conarthaí comhchoibhneasacha arna n‑imréiteach ag an CPL céanna, dá dtagraítear in Airteagal 35.

(d)paraiméadair maidir le nascacht tosaigh agus táillí rochtana lena áirithiú nach gcoisceann táillí den sórt sin go díreach nó go hindíreach rochtain éifeachtach ar fhothaí trádála, i gcomhréir leis an Airteagal seo, nó rochtain éifeachtach ar CPLanna, i gcomhréir le hAirteagal 35.’;

(10)i dTeideal VIa, cuirtear an méid seo a leanas in ionad theideal Chaibidil 1:

‘CAIBIDIL 1 
Raon feidhme, inniúlachtaí agus nósanna imeachta’;

(11)Scriostar Airteagail 38a go 38f;

(12)cuirtear an tAirteagal 38fa seo a leanas isteach:

‘Airteagal 38fa 
Raon feidhme mhaoirseacht ESMA le haghaidh ionaid trádála shuntasacha agus OMUEnna

1. Beidh ESMA ar an údarás inniúil le haghaidh:

(a)OMUEnna;

(b)oibreoirí margaidh a oibríonn ionad trádála suntasach amháin ar a laghad nó atá mar chuid den ghrúpa céanna TLU nó CPL dá bhfuil ESMA ina údarás inniúil dó de bhun Rialachán (AE) Uimh. 909/2014 nó Rialachán (AE) Uimh. 648/2012;

(c)gnólachtaí infheistíochta a oibríonn ionad trádála suntasach amháin ar a laghad nó atá mar chuid den ghrúpa céanna TLU nó CPL dá bhfuil ESMA ina údarás inniúil dó de bhun Rialachán (AE) Uimh. 909/2014 nó Rialachán (AE) Uimh. 648/2012 i ndáil le hoibriú saoráidí trádála iltaobhacha ó saoráidí trádála eagraithe.

Measfar go bhfuil ionad trádála suntasach i gcás ina gcomhlíontar na coinníollacha uile seo a leanas:

(a)tá an t‑ionad trádála tábhachtach do gheilleagar an Aontais dá dtagraítear in Airteagal 38fb(1); agus

(b)tá gné shuntasach trasteorann ag an ionad trádála dá dtagraítear in Airteagal 38fb(2).

I gcás inarb é ESMA an t‑údarás inniúil do OMUE, oibreoir nó gnólacht infheistíochta de bhun na chéad fomhíre, beidh ESMA ina údarás inniúil freisin do na hionaid trádála uile a oibríonn na heintitis sin.

I gcás inarb é ESMA an t‑údarás inniúil de bhun na chéad fomhíre maidir le gnólacht infheistíochta nó oibreoir margaidh a oibríonn ionad trádála suntasach, agus i gcás ina mbaineann an gnólacht infheistíochta nó oibreoir margaidh le grúpa atá comhdhéanta d’ionaid trádála eile, beidh ESMA ina údarás inniúil maidir le gach ionad trádála, chomh maith le hoibreoirí margaidh nó gnólachtaí infheistíochta a oibríonn na hionaid trádála sin, atá mar chuid de ghrúpa an ghnólachta infheistíochta nó an oibreora margaidh sin a oibríonn ionad trádála suntasach.

Beidh ESMA cumhachtaithe leis na cumhachtaí maoirseachta, imscrúdaitheacha agus forfheidhmiúcháin is gá chun a fheidhmeanna a fheidhmiú ar na heintitis dá dtagraítear sa mhír seo le feidhmiú i gcomhréir le Rialachán (AE) Uimh. 1095/2010.

2. De mhaolú ar mhír 1, beidh údaráis faireachais náisiúnta mar a shainmhínítear in Airteagal 2(1), pointe (18a), freagrach as faireachán a dhéanamh ar chomhlíontacht le hAirteagail 2g(5), an ceathrú fomhír, Airteagal 2k(1) agus (2), Airteagal 2u(7), Airteagal 2v(1) agus (2), Airteagal 25(2), Airteagal 26(5), Airteagal 26(7), an chéad fhomhír agus an fomhír deiridh, agus Airteagal 34b ag eintitis faoi réir mhaoirseacht ESMA.

Beidh údaráis faireachais náisiúnta in ann na cumhachtaí a thugtar d’údaráis náisiúnta inniúla faoi Theideal VI de Threoir 2014/65/AE a fheidhmiú, lena n‑áirítear an chumhacht chun glacadh le smachtbhannaí agus bearta riaracháin eile i gcás sáruithe ar na forálacha dá dtagraítear san fhomhír roimhe seo.’;

(13)cuirtear an tAirteagal 38fb seo a leanas isteach:

‘Airteagal 38fb 
Modheolaíocht, pleananna idirthréimhseacha agus liosta d’ionaid trádála suntasacha

1. Chun críocha Airteagal 38fa(1), measfar go bhfuil ionad trádála tábhachtach do gheilleagar an Aontais i gcás ina bhfuil an cóimheas idir an méid trádála ar an ionad trádála sin nó, i gcás ina bhfuil an t‑ionad trádála mar chuid de ghrúpa, an méid trádála comhiomlánaithe ar leibhéal grúpa, agus an méid trádála iomlán ar ionaid trádála san Aontas níos mó ná 5 % nó cothrom leis maidir le ceann ar bith de na haicmí ionstraimí airgeadais a leanas:

(a)scaireanna;

(b)ETFanna;

(c)bannaí;

(d)díorthaigh a bhaineann le ceann ar bith díobh seo a leanas:

(i)cothromas;

(ii)creidmheas;

(iii)ráta úis;

(iv)airgeadra; nó

(v)tráchtearraí.

2. Chun críocha Airteagal 38fa(1), measfar go mbeidh gné shuntasach trasteorann ag ionad trádála i gcás ina gcomhlíonann sé ar a laghad ceann amháin de na coinníollacha a leanas:

(a)tá an t‑ionad trádála mar chuid de ghrúpa ina n‑áirítear ceann amháin ar a laghad de na gnóthais a leanas atá údaraithe le hoibriú i mBallstát seachas an Ballstát ina bhfuil an t‑ionad trádála sin lonnaithe nó oibriú:

(i)ionad trádála eile;

(ii)TLU; nó

(iii)CPL;

(b)maidir leis na haicmí d’ionstraimí airgeadais dá dtagraítear i mír 1, pointí (a), (b) agus (c), tá an cóimheas idir an méid trádála ar an ionad trádála sna hionstraimí airgeadais sin dá bhfuil údarás inniúil an mhargaidh is ábhartha dá dtagraítear in Airteagal 26 éagsúil ó údarás inniúil an ionaid trádála, agus go bhfuil an méid trádála iomlán i ngach ionstraim airgeadais a bhaineann leis an aicme chéanna ar an ionad trádála sin níos mó ná 50 % nó cothrom leis;

(c)maidir leis na haicmí d’ionstraimí airgeadais dá dtagraítear i mír 1, pointe (d), tá an cóimheas idir an líon idirbheart ar an ionad trádála sna hionstraimí airgeadais sin dá bhfuil ar a laghad contrapháirtí amháin leis an idirbheart lonnaithe i mBallstát atá éagsúil ón gceann ina bhfuil an t‑ionad trádála lonnaithe nó á oibriú agus go bhfuil an líon iomlán idirbheart i ngach ionstraim airgeadais a bhaineann leis an aicme chéanna ar an ionad trádála sin níos mó ná 50 % nó cothrom leis.

3. Gan dochar d’Airteagal 38fa(1), agus míreanna 1 agus 2 den Airteagal seo, measfar go bhfuil ionad trádála suntasach i gcás ina bhfuil an cóimheas idir an méid trádála in aon aicme ionstraimí airgeadais, dá dtagraítear i mír 1 den Airteagal seo, ar an ionad trádála sin nó, i gcás ina bhfuil an t‑ionad trádála mar chuid de ghrúpa, ar leibhéal grúpa, agus go bhfuil an méid trádála iomlán san Aontas san aicme sin d’ionstraimí airgeadais níos mó ná 50 % nó cothrom leis.

4. Sainaithneoidh ESMA na hionaid trádála a mheastar a bheith suntasach de bhun na modheolaíochta a leagtar amach míreanna 1, 2 agus 3. Déanfaidh ESMA anailís ar fhorbairtí margaidh gach 12 mhí ag tosú ón [Oifig na bhFoilseachán: cuir isteach dáta = 24 mhí tar éis theacht i bhfeidhm an Rialacháin seo] lena chinneadh cé acu a chomhlíonann nó nach gcomhlíonann ionaid trádála a oibríonn san Aontas na coinníollacha a leagtar amach i míreanna 1 agus 2, nó an coinníoll a leagtar amach i mír 3.

Má thagann ESMA ar an gconclúid go gcomhlíonann ionad trádála na coinníollacha a leagtar amach i míreanna 1 agus 2, nó an coinníoll a leagtar amach i mír 3, tabharfaidh sé fógra, gan moill mhíchuí, don ionad trádála agus d’údarás inniúil an ionaid trádála sin. Bunóidh ESMA agus údarás inniúil ionaid trádála a mheastar a bheith suntasach plean aistrithe maoirseachta chun aistriú réidh agus ordúil inniúlachtaí agus dualgas chuig ESMA a áirithiú. Beidh dáta éifeachtach an aistrithe inniúlachtaí nach déanaí ná 1 bhliain amháin tar éis an dáta ar thug ESMA an fógra dá dtagraítear sa mhír seo, agus in aon chás nach luaithe ná [Oifig na bhFoilseachán: cuir isteach dáta = 2 bhliain tar éis theacht i bhfeidhm an Rialacháin seo].

5. Fíoróidh ESMA cé acu an leanann nó nach leanann ionaid trádála faoina mhaoirseacht ag comhlíonadh na gcoinníollacha a leagtar amach i míreanna 1 agus 2, nó an coinníoll a leagtar amach i mír 3, gach 12 mhí ag tosú sa bhliain tar éis an chéad bhliain féilire tar éis an dáta a bhíonn ESMA ina údarás inniúil le haghaidh ionaid trádála suntasacha.

Má thagann ESMA ar an gconclúid nach gcomhlíonann ionad trádála na coinníollacha a leagtar amach i míreanna 1 agus 2, nó an coinníoll a leagtar amach i mír 3 a thuilleadh feadh tréimhse 3 bliana as a chéile, tabharfaidh sé fógra, gan moill mhíchuí, don ionad trádála agus d’údarás faireachais náisiúnta an ionaid trádála sin maidir leis an gcás sin.

6. Tabharfaidh an t‑údarás faireachais náisiúnta, laistigh de 3 mhí ó fhaightear an fógra dá dtagraítear sa dara fomhír de mhír 5, fógra do ESMA agus don ionad trádála maidir lena bhfanfaidh an t‑ionad trádála faoi mhaoirseacht ESMA nó an mbeidh sé faoi réir maoirseacht náisiúnta go heisiach.

I gcás ina gcinneann an t‑údarás faireachais náisiúnta go mbeidh ionad trádála faoi réir maoirseacht náisiúnta, ullmhóidh sé, i bpáirt le ESMA, plean aistrithe maoirseachta sula nglacfaidh sé le hinniúlachtaí agus dualgais mhaoirseachta ESMA. Áireofar sa phlean aistrithe maoirseachta gach socrú idirthréimhseach is gá chun aistriú réidh agus ordúil inniúlachtaí agus dualgas idir ESMA agus údaráis faireachais náisiúnta a áirithiú chomh maith le dáta éifeachtach, faoina mbeidh feidhm ag aistriú inniúlachtaí agus dualgas den sórt sin.

Beidh an t‑údarás faireachais náisiúnta ina údarás inniúil don ionad trádála ar dháta éifeachtach an aistrithe inniúlachtaí agus dualgas chuig an údarás faireachais náisiúnta sin. Ionas go mbeidh aistriú maoirseachta éifeachtach, comhaontóidh ESMA agus an t‑údarás faireachais náisiúnta go foirmiúil gur comhlíonadh na coinníollacha maidir le haistriú réidh agus ordúil inniúlachtaí. Beidh dáta éifeachtach an aistrithe inniúlachtaí nach déanaí ná 1 bhliain amháin tar éis an dáta ar thug an t‑údarás faireachais náisiúnta an fógra dá dtagraítear sa dara fomhír de mhír 5.

7. Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 50, chun an Rialachán seo a fhorlíonadh tríd an méid a leanas:

(a)an mhodheolaíocht a shonrú chun na cóimheasa a ríomh dá dtagraítear i míreanna 1 go 3, lena n‑áirítear na tréimhsí ama le húsáid do ríomh den sórt sin, lena chinneadh cé acu atá nó nach bhfuil ionad trádála suntasach á oibriú ag gnólacht infheistíochta nó ag oibreoir margaidh;

(b)na haicmí ionstraimí airgeadais dá dtagraítear i mír 1 a shonrú agus a fhorlíonadh;

(c)na céimeanna nós imeachta riachtanacha a shonrú, lena n‑áirítear ábhar na bpleananna aistrithe maoirseachta dá dtagraítear sa dara fomhír de mhíreanna 5 agus 6, chun aistriú réidh agus ordúil inniúlachtaí agus dualgas a áirithiú.

8. Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 50 chun na tairseacha dá dtagraítear i mír 1, mír 2, pointe (b), agus mír 3 a leasú i bhfianaise forbairtí margaidh.

9. Bunóidh ESMA liosta de na hionaid trádála suntasacha uile agus a n‑oibreoirí a bheidh faoi réir a mhaoirseachta de bhun Airteagal 38fa(1) agus foilseoidh sé é ar a shuíomh gréasáin.

Tabharfaidh ÚEÚM go tráthrialta, an liosta a fhoilsítear ar a shuíomh gréasáin dá dtagraítear sa chéad fhomhír, cothrom le dáta.’;

(14)cuirtear na hAirteagail 38fc agus 38fd seo a leanas isteach:

‘Airteagal 38fc 
Imscrúduithe ginearálta agus cumhachtaí maoirseachta

1. Chun a dhualgais a dhéanamh faoin Rialachán seo, féadfaidh ESMA, i gcomhréir leis an nós imeachta a leagtar amach in Airteagal 39c de Rialachán (AE) Uimh. 1095/2010, imscrúduithe is gá a dhéanamh maidir leis na daoine a leanas:

(a)socrú formheasta maidir le foilsiú, soláthraí teilitéipe comhdhlúite, sásra tuairiscithe formheasta, agus gnólacht infheistíochta nó oibreoir margaidh a oibríonn ionad trádála agus a chuireann seirbhísí socraithe fhormheasta maidir le foilsiú, soláthraí teilitéipe comhdhlúite nó sásra tuairiscithe formheasta ar fáil, i gcás ina bhfuil siad faoi mhaoirseacht ag ESMA, agus na daoine a rialaíonn iad nó atá á rialú acu;

(b)gnólacht infheistíochta, oibreoir margaidh, OMUE i gcás ina bhfuil siad faoi mhaoirseacht ag ESMA, agus na daoine a rialaíonn iad nó atá á rialú acu;

(c)bainisteoirí na ndaoine dá dtagraítear i bpointí (a) agus (b);

(d)iniúchóirí agus comhairleoirí na ndaoine dá dtagraítear i bpointí (a) agus (b).

Chuige sin, beidh ESMA in ann na cumhachtaí dá dtagraítear in Airteagal 39c de Rialachán (AE) Uimh. 1095/2010 a fheidhmiú.

2. Chomh maith leis na cumhachtaí dá dtagraítear in Airteagal 39c agus Airteagal 39h(4) de Rialachán (AE) Uimh. 1095/2010, agus chun a dhualgais a chomhlíonadh faoin Rialachán seo a mhéid a bhaineann le gnólachtaí infheistíochta, oibreoirí margaidh agus OMUEnna, beidh sé de chumhacht ag ESMA:

(a)glacadh le haon chineál birt lena áirithiú go leanann gnólachtaí infheistíochta, oibreoirí margaidh, OMUEnna agus daoine eile lena bhfuil feidhm ag an Rialachán seo nó ag Treoir 2014/65/AE ag comhlíonadh ceanglas faoin Rialachán agus faoin Treoir sin;

(b)feidhmiú na gceart vótála a bhaineann leis na scaireanna atá i seilbh daoine a imríonn tionchar suntasach ar bhainistiú margaí rialáilte, oibreoirí margaidh agus OMUEnna nach gcomhlíonann forálacha an Rialacháin seo a chur ar fionraí;

(c)ordú breithiúnach a lorg maidir le neamhniú na vótaí a chaitear nó dá neamhniú i gcás athrú a fháil ar leasanna rialaithe margaí rialáilte agus/nó oibreoirí margaidh nó OMUE a sháraíonn Airteagal 2e;

(d)a cheangal ar ghnólachtaí infheistíochta, oibreoirí margaidh agus OMUEnna rialacha margadh rialáilte, saoráide trádála iltaobhaí nó saoráide trádála eagraithe a leasú.

Airteagal 38fd 
Bunachar sonraí lárnach

1. Déanfaidh ESMA bunachar sonraí lárnach a bhunú agus a choinneáil ar bun, i gcomhréir le hAirteagal 35c de Rialachán (AE) Uimh. 1095/2010, lena áirithiú gur féidir leis na heintitis agus na húdaráis a leanas a ndoiciméid a chur isteach agus rochtain a fháil ar a ndoiciméid agus doiciméid a bheidh dírithe orthu, mar dhoiciméid atá cláraithe laistigh den bhunachar sonraí sin:

(a)OMUEnna;

(b)oibreoirí margaidh a oibríonn ionad trádála suntasach amháin ar a laghad nó atá mar chuid den ghrúpa céanna TLU nó CPL dá bhfuil ESMA ina údarás inniúil dó de bhun Rialachán (AE) Uimh. 909/2014 nó Rialachán (AE) Uimh. 648/2012;

(c)gnólachtaí infheistíochta a oibríonn ionad trádála suntasach amháin ar a laghad nó atá mar chuid den ghrúpa céanna TLU nó CPL a bhfuil ESMA ina údarás inniúil dó de bhun Rialachán (AE) Uimh. 909/2014 nó Rialachán (AE) Uimh. 648/2012 i ndáil le hoibriú saoráidí trádála iltaobhacha ó saoráidí trádála eagraithe;

(d)ionaid trádála eile a bhaineann leis an ngrúpa céanna mar oibreoirí margaidh agus gnólachtaí infheistíochta dá dtagraítear i bpointí (b) agus (c);

(e)údaráis faireachais náisiúnta ábhartha na n‑eintiteas dá dtagraítear i bpointí (a) go (d);