AN COIMISIÚN EORPACH

An Bhruiséil,4.12.2025

COM(2025) 941 final

2025/0381(COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le críochnaitheacht socraíochta agus lena n‑aisghairtear Treoir 98/26/CE agus lena leasaítear Treoir 2002/47/CE maidir le socruithe comhthaobhachta airgeadais

(Téacs atá ábhartha maidir le LEE)

{SEC(2025) 943 final} - {SWD(2025) 943 final} - {SWD(2025) 944 final}

MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

•Comhsheasmhacht le forálacha beartais atá sa réimse beartais cheana

•Comhsheasmhacht le beartais eile de chuid an Aontais

2.BUNÚS DLÍ, COIMHDEACHT AGUS COMHRÉIREACHT

•Bunús dlí

•Coimhdeacht (i gcás inniúlacht neamheisiach)

•Comhréireacht

Ba cheart a mheas go bhfuil sé comhréireach agus riachtanach an Treoir maidir le Críochnaitheacht Socraíochta a thiontú ina Rialachán — mar aon leis na leasuithe spriocdhírithe ar a forálacha substainteacha — chun cuidiú le cuspóirí an Aontais Coigiltis agus Infheistíochta a bhaint amach. Tá ilroinnt agus éagsúlachtaí i gcur i bhfeidhm na rialacha maidir le críochnaitheacht socraíochta ó Bhallstát go chéile ina mbacainn le fada ar ghníomhaíocht airgeadais trasteorann. Cruthaíonn trasuí éagsúla ar phríomh-shainmhínithe agus ar phríomhchoincheapa, cleachtais náisiúnta neamhréireacha maidir le hainmniú córais agus tráth na críochnaitheachta a chinneadh éiginnteacht dhlíthiúil agus riosca breise oibríochtúil agus dlíthiúil in oibríochtaí trasteorann. Dhéanfadh Rialachán na rialacha sin a chomhchuibhiú go díreach, rud a d’áiritheodh cur i bhfeidhm comhsheasmhach ar fud an Aontais agus a d’éascódh oibríochtaí airgeadais níos rianúla agus níos intuartha. Ar an gcaoi sin, tacaíonn an togra le ceann de phríomhchuspóirí an Aontais Coigiltis agus Infheistíochta, is é sin margadh aonair níos comhtháite agus níos éifeachtúla le haghaidh coigiltis agus infheistíochta.

Mar Rialachán, ní chuirfeadh forálacha maidir le críochnaitheacht socraíochta ualaí díréireacha ar rannpháirtithe sa mhargadh ná ar údaráis. Ina ionad sin, chuirfeadh Rialachán deireadh le hiarrachtaí dúblacha dlíthiúla agus comhlíontachta a eascraíonn faoi láthair as an ngá atá ann dul i ngleic le 27 dtrasuí agus léirmhíniú éagsúla ar an Treoir maidir le Críochnaitheacht Socraíochta. Leis an aonfhoirmeacht dhlíthiúil a bhainfí amach trí Rialachán maidir le Críochnaitheacht Socraíochta, shimpleofaí rannpháirtíocht i gcórais iomadúla, laghdófaí costais a bhaineann le dícheall cuí dlíthiúil, agus chuirfí feabhas ar dheimhneacht dhlíthiúil, go háirithe i gcásanna trasteorann agus i gcás rannpháirtíocht i gcórais tríú tír. Ar deireadh, le leasuithe a bhaineann le neodracht theicneolaíoch a áirithiú, d’fhéadfaí deimhneacht dhlíthiúil níos fearr a bheith ann i gcás ina mbeadh teicneolaíochtaí nua mar bhonn taca le córais agus sócmhainní, rud a laghdódh an gá atá le hobair dhlíthiúil chostasach chun comhlíonadh rialála a áirithiú.

•An rogha ionstraime

3.TORTHAÍ AR MHEASTÓIREACHTAÍ EX POST, AR CHOMHAIRLIÚCHÁIN LEIS NA PÁIRTITHE LEASMHARA AGUS AR MHEASÚNUITHE TIONCHAIR

•Meastóireachtaí ex post/seiceálacha oiriúnachta ar an reachtaíocht atá ann cheana

•Comhairliúcháin leis na páirtithe leasmhara

·Comhairliúchán poiblí 9 maidir le hoibriú na Treorach maidir le Críochnaitheacht Socraíochta, a eagraíodh idir an 12 Feabhra 2021 agus an 7 Bealtaine 2021. Thug 72 pháirtí leasmhara freagra ar an gcomhairliúchán spriocdhírithe. D’ardaigh go leor freagróirí an easpa comhchuibhithe agus deimhneachta dlíthiúla maidir leis an gcaoi a bhfuil feidhm ag rialacha dócmhainneachta na mBallstát maidir le rannpháirtithe an Aontais i gcórais tríú tír. Bhí comhaontú ginearálta ann freisin taisclanna lárnacha urrús a chur le liosta na rannpháirtithe (díreacha) incháilithe i gcórais a rialaítear le dlí Ballstáit.

·Ceardlann do pháirtithe leasmhara 10 maidir le bacainní ar chomhtháthú bonneagair margaidh a shainaithint agus aghaidh a thabhairt orthu agus maidir le cistí infheistíochta a mhéadú san Aontas an 26 Meán Fómhair 2024. Áiríodh san imeacht painéal iarthrádála, inar scrúdaíodh na tairbhí agus na dúshláin a d’fhéadfadh a bheith ag baint le comhdhlúthú iarthrádála chomh maith leis an tírdhreach rialála.

·Eagraíodh comhairliúchán spriocdhírithe 11 maidir le comhtháthú mhargaí caipitil an Aontais idir an 15 Aibreán 2025 agus an 10 Meitheamh 2025. Maidir leis an Treoir maidir le Críochnaitheacht Socraíochta, mheas roinnt freagróirí gur oibrigh an Treoir go maith, agus nach raibh gá le haon mhodhnú, cé is moite de roinnt soiléirithe maidir lena cur i bhfeidhm ar chórais atá bunaithe ar TMD. Mar sin féin, thacaigh freagróirí eile leis an Treoir maidir le Críochnaitheacht Socraíochta a thiontú ina Rialachán chun dul i ngleic le cur chun feidhme neamhréireach na Treorach maidir le Críochnaitheacht Socraíochta ar fud an Aontais. Leag freagróirí béim freisin ar an ngá atá le treoir níos soiléire maidir le rialacha na heasaontachta dlíthe, chomh maith le dul i ngleic le héiginnteacht maidir le rannpháirtithe indíreacha a chosaint agus an chosaint a leathnú chuig rannpháirtithe i gcórais tríú tír agus chuig córais atá bunaithe ar TMD. Thug roinnt freagróirí dá n‑aire go raibh creat reatha na Treorach maidir le Críochnaitheacht Socraíochta róchúng agus go mbeadh cur chuige níos cuimsithí tairbheach (e.g. raon feidhme na rannpháirtithe incháilithe a leathnú). Mhol roinnt freagróirí gur cheart cosaint na Treorach maidir le Críochnaitheacht Socraíochta a leathnú chuig gníomhaíochtaí i ndáil le haon tsócmhainn, ní hamháin airgead tirim agus urrúis, agus gur cheart an sainmhíniú ar ‘chóras’ a leathnú chun níos mó cineálacha córas a áireamh. Ina theannta sin, chuir roinnt freagróirí in iúl gur cheart an fhaisnéis faoi gach córas ainmnithe a fhoilsiú ionas go ndéanfaí tráthanna críochnaitheachta socraíochta laistigh den Treoir maidir le Críochnaitheacht Socraíochta a chomhchuibhiú, agus gur cheart sainmhínithe níos soiléire ar ‘urrús comhthaobhach’ agus ar ‘chomhthaobhacht airgeadais’ sa Treoir maidir le Comhthaobhacht Airgeadais a sholáthar. Luaigh níos mó ná leath de na freagróirí go gcruthaíonn mí-ailíniú na sainmhínithe sin castachtaí le haghaidh bainistíocht éifeachtach comhthaobhachta.

•Bailiú agus úsáid saineolais

·D’fhoilsigh an Grúpa Comhairleach um Bonneagair Mhargaidh le haghaidh Urrús agus Comhthaobhachta (AMI-SeCo) 12 tuarascáil i mí Mheán Fómhair 2025 13 maidir leis na bacainní atá fós ann ar chomhtháthú i seirbhísí iarthrádála urrús. Tugtar faoi deara sa tuarascáil, cé go bhfuil deireadh curtha ag bearta rialála an Aontais le bacainní (lena n‑áirítear saincheisteanna críochnaitheachta), go bhfuil easaontais fós ann mar gheall ar chur chun feidhme nó léirmhínithe náisiúnta éagsúla.

·Staidéar maidir le hilroinnt bonneagar iarthrádála san Eoraip a laghdú, arna choimisiúnú 14 ag an gCoimisiún Eorpach i mí Mheán Fómhair 2024. Bhí an staidéar 15  bunaithe ar fhaisnéis agus ar shonraí a bhí ar fáil go poiblí ach áiríodh ann freisin 98 n‑agallamh struchtúrtha le 76 hinstitiúid ó 21 thír Eorpacha, lena n‑áirítear bonneagair an mhargaidh airgeadais, rannpháirtithe sa mhargadh agus comhlachtaí maoirseachta agus beartais. Tugtar faoi deara sa staidéar go bhfuil an sainmhíniú ar chríochnaitheacht socraíochta ar cheann de na réimsí ina bhfeidhmíonn éagsúlacht na mBallstát maidir le léirmhíniú agus cur chun feidhme mar bhacainn ar chomhtháthú an mhargaidh caipitil. Thairis sin, moltar sa staidéar an Treoir maidir le Críochnaitheacht Socraíochta a thiontú ina Rialachán toisc go n‑áiritheofaí léi cur i bhfeidhm aonfhoirmeach na rialacha maidir le críochnaitheacht socraíochta, go laghdófaí an riosca dlíthiúil agus go neartófaí bunús na mbonneagar margaidh idir-inoibritheach comhdhlúite.

•Measúnú tionchair

·Rogha 1 – Gan aon rud a dhéanamh;

·Rogha 2 – Athbhreithniú cuimsitheach ar an Treoir maidir le Críochnaitheacht Socraíochta chun feabhas a chur ar fheidhmiú bhonneagar an mhargaidh;

·Rogha 3 – Athbhreithniú fairsing ar an Treoir maidir le Críochnaitheacht Socraíochta chun margadh comhtháite a fhorchur.

•Oiriúnacht rialála agus simpliú

•Cearta bunúsacha

4.IMPLEACHTAÍ BUISÉADACHA

5.EILIMINTÍ EILE

•Pleananna cur chun feidhme, agus socruithe faireacháin, meastóireachta agus tuairiscithe

•Doiciméid mhíniúcháin (i gcás treoracha)

•Míniúchán mionsonraithe ar fhorálacha sonracha an togra

2025/0381 (COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le críochnaitheacht socraíochta agus lena n‑aisghairtear Treoir 98/26/CE agus lena leasaítear Treoir 2002/47/CE maidir le socruithe comhthaobhachta airgeadais

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 114 de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ón mBanc Ceannais Eorpach 19  

Ag féachaint don tuairim ó Choiste Eacnamaíoch agus Sóisialta na hEorpa 20 ,

Ag gníomhú dóibh i gcomhréir leis an ngnáthnós imeachta reachtach 21 ,

De bharr an mhéid seo a leanas:

(1)Is cuid de phacáiste é an togra seo a ceapadh chun margadh aonair a bhunú do sheirbhísí airgeadais trí aghaidh a thabhairt ar neamhéifeachtúlachtaí margaidh a eascraíonn as ilroinnt agus chun margaí caipitil Eorpacha fíor-chomhtháite a chruthú a mbeidh rochtain ag gach saoránach agus gnólacht ar fud an Aontais orthu. Leis an bpacáiste, féachtar le hacmhainneacht mhargaí airgeadais an Aontais a scaoileadh trí rochtain a sholáthar ar mhaoiniú níos éifeachtúla atá bunaithe ar an margadh caipitil agus trí shreafaí caipitil trasteorann a éascú, rud ba cheart tacú le geilleagar an Aontais, cruthú post a spreagadh agus feabhas a chur ar iomaíochas.

(2)Le Treoir 98/26/CE ó Pharlaimint na hEorpa agus ón gComhairle 22 , leagtar síos prionsabail agus rialacha arb é is aidhm dóibh laghdú a dhéanamh ar an riosca sistéamach a eascraíonn as dócmhainneacht rannpháirtithe i gcórais íocaíochta agus i gcórais socraíochta urrús trí rialacha náisiúnta dócmhainneachta áirithe a dhífheidhmiú, i gcás ina n‑éiríonn páirtí in idirbheart dócmhainneach, rud a fhágann gur féidir íocaíochtaí agus idirbhearta urrús a dhéanamh agus a shocrú go sábháilte. Le Treoir 98/26/CE, cosnaítear freisin comhthaobhacht dá bhforálann an páirtí dócmhainneach agus soiléirítear an dlí a mbeidh feidhm aige i gcásanna áirithe trasteorann.

(3)Léiríodh i gcomhairliúchán poiblí a rinneadh in 2021 agus i dtuarascáil 2023 ón gCoimisiún 23 go ndearna na Ballstáit na hoibleagáidí a leagtar síos i dTreoir 98/26/CE chomh maith leis na cosaintí a deonaíodh d’institiúidí intíre atá rannpháirteach i gcórais tríú tír a thrasuí ar bhealaí éagsúla, rud a d’fhág nach raibh cothrom iomaíochta ann do chórais agus do rannpháirtithe an Aontais, agus gur cruthaíodh bacainní ar fheidhmiú rianúil an mhargaidh aonair.

(4)Tá ilroinnt an mhargaidh aonair mar thoradh ar chineálacha éagsúla cur chuige náisiúnta. Tá córais agus rannpháirtithe faoi réir rialacha éagsúla i mBallstáit éagsúla. I ndáil leis sin, d’fhéadfadh sé go mbeadh córas ainmnithe i mBallstát amháin ach gan é a bheith ainmnithe i mBallstát eile, nó d’fhéadfadh sé go mbeadh ordú aistrithe cosanta i mBallstát amháin ach gan é a bheith cosanta i mBallstát eile, ag brath ar dhlí an Bhallstáit is infheidhme maidir leis an gcóras. Cruthaíonn na cineálacha éagsúla cur chuige náisiúnta éiginnteacht dhlíthiúil, cuireann siad cosc ar chomhtháthú margaidh agus cuireann siad bac ar idirbhearta trasteorann.

(5)Chun a áirithiú go ndéanfar forálacha lena bhforchuirtear oibleagáidí ar chórais, ar a n‑oibreoirí agus ar a rannpháirtithe a chur i bhfeidhm ar bhealach aonfhoirmeach ar fud an Aontais, agus ar an gcaoi sin comhtháthú margaidh agus idirbhearta trasteorann a éascú, agus deimhneacht dhlíthiúil níos fearr a áirithiú, is iomchuí agus is gá Treoir 98/26/CE a aisghairm agus Rialachán a chur ina hionad.

(6)Ionas go mbeidh raon níos leithne córas in ann tairbhiú de na cosaintí a thugtar do chórais agus d’oibreoirí córais, ba cheart na coincheapa a úsáidtear agus na rialacha a leagtar síos a bheith neodrach a mhéid a bhaineann le húsáid aon teicneolaíochta ar leith, lena n‑áirítear teicneolaíocht mórleabhar dáilte (TMD). Go háirithe, ba cheart a áireamh in aon tagairt do chlár nó do thaifeadtaí cásanna ina bhfuil na cláir sin bunaithe ar TMD nó ar bhealach eile ar mhórleabhair dháilte agus cásanna ina ndéantar taifeadtaí ar chláir atá bunaithe ar mhórleabhair den sórt sin agus, dá bhrí sin, d’fhéadfadh sé go n‑áireofaí nó nach n‑áireofaí leo tiachóga nó léirithe digiteacha eile ar úinéireacht agus ar chearta.

(7)Le Rialachán (AE) 2022/858 ó Pharlaimint na hEorpa agus ón gComhairle 24 , ceadaítear do bhonneagair mhargaidh atá bunaithe ar TMD tástáil agus turgnamh a dhéanamh ar sholáthar seirbhísí áirithe trí TMD, lena n‑áirítear trí chórais a bhunú lena socraítear orduithe aistrithe in ionstraimí airgeadais atá bunaithe ar TMD. Ba cheart é a bheith indéanta na córais sin a ainmniú faoin Rialachán seo, faoi réir a gcomhlíontachta leis na coinníollacha a leagtar amach i Rialachán (AE) 2022/858 agus sa Rialachán seo araon. Ba cheart sainordú a thabhairt don Údarás Eorpach um Urrúis agus Margaí (ESMA) agus don Údarás Baincéireachta Eorpach (ÚBE) chun na rialacha a shonrú a thuilleadh faoin dóigh le críochnaitheacht socraíochta a mheasúnú agus a chinneadh i gcórais ina n‑úsáidtear TMD.

(8)Ós rud é go bhfuil feidhm maidir leis an gcóras sin ag rialacha dócmhainneachta náisiúnta an Bhallstáit a rialaítear córas lena dhlí, ba cheart d’údaráis an Bhallstáit a rialaítear an córas lena dhlí córais a ainmniú, ar bhonn coinníollacha ainmniúcháin aonfhoirmeacha agus nós imeachta comhchuibhithe.

(9)Tá cineálacha éagsúla cur chuige glactha ag na Ballstáit maidir leis an gcineál faisnéise atá le nochtadh go poiblí ar chórais an Aontais agus ar chórais tríú tír ar roghnaigh siad cosaintí Threoir 98/26/CE a leathnú chucu. Chun aghaidh a thabhairt ar an neamhshiméadracht faisnéise atá ann cheana ó Bhallstát go chéile agus chun comhchuibhiú a dhéanamh ar an bhfaisnéis atá le cur ar fáil go poiblí, ba cheart comhchuibhiú a dhéanamh ar an gcineál faisnéise atá le soláthar do na húdaráis atá i gceannas ar chóras a ainmniú nó a chlárú. Thairis sin, ba cheart do ESMA an fhaisnéis a fhoilsiú ar bhealach láraithe chun rochtain ar an bhfaisnéis sin a éascú. Chun deimhneacht dhlíthiúil a áirithiú, ba cheart an fhaisnéis a chuirtear in iúl do ESMA chun críoch a foilsithe a bheith ábhartha, cruinn agus cothrom le dáta.

(10)Ba cheart na samhlacha rannpháirtíochta éagsúla arna nglacadh ag córais a chur san áireamh i liosta na n‑eintiteas is féidir a mheas mar rannpháirtithe i gcóras, agus a áirithiú an tráth céanna go gcomhlíonfar an aidhm an córas airgeadais a chosaint ar riosca sistéamach. Chuige sin, ba cheart do na heintitis a ligfear isteach mar rannpháirtithe coinníollacha áirithe a chomhlíonadh ionas nach gcruthófar rioscaí nach bhfuil gá leo don chóras ina bhfuil siad rannpháirteach. Níor cheart ceanglais bhreise a fhorchur leis na coinníollacha sin, áfach, i gcás ina gcuireann oibreoir an chórais ceanglais maidir le ligean isteach i bhfeidhm cheana féin ar an gcóras faoi dhlí an Aontais agus eintitis nua á ligean isteach aige mar rannpháirtithe ina chórais ainmnithe, mar a tharlaíonn i gcás contrapháirtithe lárnacha (CPLanna) agus taisclanna lárnacha urrús (TLUnna). Ba cheart é a bheith indéanta eintitis a áireamh mar rannpháirtithe i gcóras, ar eintitis iad a dhéanann feidhmeanna bailíochtaithe nó comhthola atá fíor-riachtanach chun sláine socraíochta a choinneáil ar bun.

(11)Chun cur i bhfeidhm éifeachtach na gcosaintí maidir le críochnaitheacht socraíochta a áirithiú, ba cheart do na Ballstáit an t‑údarás nó na húdaráis a ainmniú a bheidh freagrach as imeachtaí dócmhainneachta a ainmniú, a chlárú agus as tionscnamh na n‑imeachtaí sin a chur in iúl. Ba cheart na cumhachtaí is gá a thabhairt do na húdaráis sin chun a bhfeidhmeanna a fheidhmiú. Ba cheart dóibh comhoibriú agus faisnéis a mhalartú de réir mar is gá le chéile agus le ESMA agus le comhaltaí an Chórais Eorpaigh Banc Ceannais (CEBC). Chun a gcúraimí a éascú agus trédhearcacht a mhéadú ar fud an Aontais, ba cheart liosta na n‑údarás sin a chur ar fáil don phobal.

(12)Ba cheart do na Ballstáit a bheith in ann na cosaintí a sholáthraítear do chórais an Aontais a chur i bhfeidhm maidir le heintitis atá bunaithe ar a gcríoch agus atá rannpháirteach go díreach i gcórais tríú tír agus maidir le hurrús comhthaobhach a sholáthraítear i dtaca le rannpháirtíocht i gcórais tríú tír den sórt sin. Chun an éagothroime iomaíochta a leigheas maidir le rannpháirtíocht eintitis an Aontais i gcórais tríú tír a eascraíonn as na córais náisiúnta éagsúla arna bhforbairt ag na Ballstáit chun cosaintí Threoir 98/96/CE a leathnú, ba cheart córas comhchuibhithe a leagan síos le haghaidh na mBallstát chun córais tríú tír a chlárú. Ba cheart an córas a bheith bunaithe ar nós imeachta foirmiúil agus comhchuibhithe lena n‑áirithítear cur i bhfeidhm caighdeán soiléir agus lena ndéantar coinníollacha rochtana a chuíchóiriú le haghaidh eintitis uile an Aontais atá rannpháirteach i gcóras tríú tír ar leith. Maidir le Ballstáit córais tríú tír a chlárú, ba cheart don Ballstát ina bhfuil eintiteas atá rannpháirteach i gcóras den sórt sin bunaithe an clárú sin a dhéanamh. Mar thoradh air sin, áfach, d’fhéadfadh sé go gcláródh roinnt Ballstát an socrú tríú tír céanna má tá comhaltaí bunaithe i roinnt Ballstát. Chun nach mbeidh aon éagothroime iomaíochta ann d’eintitis atá bunaithe i mBallstáit éagsúla, ba cheart na córais sin a chlárú ar bhealach comhordaithe cóineasaithe agus ba cheart do ESMA, ÚBE agus CEBC é sin a éascú.

(13)Chun an riosca sistéamach a laghdú, tá gá, go háirithe, le críochnaitheacht socraíochta agus in-fhorfheidhmitheacht urrúis chomhthaobhaigh. Ba cheart, dá bhrí sin, orduithe aistrithe agus a nglanluacháil a bheith infhorfheidhmithe le dlí i ngach Ballstát agus ceangailteach ar thríú páirtithe. Leis na rialacha maidir le hin-fhorfheidhmitheacht glanluachála, níor cheart cosc a bheith ar chórais tástáil a dhéanamh, sula ndéanfar an ghlanluacháil, cé acu a chomhlíonann nó nach gcomhlíonann orduithe a iontráladh sa chóras rialacha an chórais sin agus cé acu a cheadaítear nó nach gceadaítear leo an córas sin a shocrú.

(14)Ba cheart socraíocht a mheas mar shocraíocht chríochnaitheach nuair a bheidh a n‑oibleagáidí i leith an pháirtí eile comhlíonta go hiomlán ag na páirtithe sa chonradh is bonn leis an tsocraíocht ar bhealach neamhchoinníollach agus neamh-inchúlghairthe. Is tráthanna tábhachtacha iad an tráth a iontráiltear ordú aistrithe i gcóras agus tráth do-athraitheachta ordaithe aistrithe chun an dlí dócmhainneachta a chur i bhfeidhm maidir leis an ordú aistrithe sin. Chun an leibhéal comhsheasmhachta is airde is féidir a áirithiú maidir le críochnaitheacht socraíochta a chosaint ar fud na gcóras, agus chun gníomhaíocht trasteorann sa mhargadh aonair a éascú, is gá prionsabail a leagan síos a bheidh le húsáid chun na tráthanna sin a chinneadh le haghaidh gach cineáil córais. An tráth céanna, ba cheart a cheadú leis na prionsabail sin go bhféadfaí caighdeáin theicniúla rialála a fhorbairt chun na prionsabail sin a chur in oiriúint do shaintréithe sonracha gach córais agus cineálacha éagsúla córas, na teicneolaíochtaí éagsúla a úsáidtear agus meicnic gach córais á gcur san áireamh. Ba cheart do na córais a áireamh ina rialacha ar bhealach soiléir na tráthanna sonracha saincheaptha sin maidir le críochnaitheacht socraíochta, i gcás inarb ann dóibh.

(15)Níor cheart cosc a chur ar rannpháirtithe ná ar thríú páirtithe aon cheart nó éileamh a fheidhmiú a eascraíonn as an idirbheart foluiteach a d’fhéadfadh a bheith acu faoin dlí chun aisghabháil nó aisíoc a fháil maidir le hordú aistrithe a iontráladh i gcóras, lena n‑áirítear i gcás calaoise nó earráid theicniúil, fad is nach mbeidh leachtú glanluachála ná cúlghairm an ordaithe aistrithe sa chóras mar thoradh air sin.

(16)Ba cheart do na Ballstáit fógra a thabhairt dá chéile láithreach faoi imeachtaí dócmhainneachta a thionscnamh in aghaidh rannpháirtí sa chóras. Níor cheart éifeacht chúlghabhálach a bheith ag imeachtaí dócmhainneachta ar chearta agus oibleagáidí rannpháirtithe i gcóras. 

(17)I gcás imeachtaí dócmhainneachta in aghaidh rannpháirtí i gcóras, ba cheart é a bheith soiléir cén dlí dócmhainneachta is infheidhme maidir le cearta agus oibleagáidí an rannpháirtí sin i dtaca lena rannpháirtíocht i gcóras.

(18)Ba cheart urrús comhthaobhach a chosaint ar éifeachtaí an dlí dócmhainneachta is infheidhme maidir leis an rannpháirtí dócmhainneach. Is éard atá in urrús comhthaobhach gach modh a sholáthraíonn rannpháirtí do na rannpháirtithe eile sa chóras socraíochta chun cearta agus oibleagáidí a bhaineann leis an gcóras sin a urrú, lena n‑áirítear comhaontuithe athcheannaigh, liain reachtúla agus aistrithe muiníneacha.

(19)I gcás córais nasctha, is gá cosaint leormhaith a áirithiú d’oibreoir an chórais a sholáthraíonn urrús comhthaobhach d’oibreoir córais ghlactha i gcás imeachtaí dócmhainneachta in aghaidh oibreora an chórais ghlactha sin. 

(20)Is gá riail easaontachta dlíthe a sholáthar maidir le cearta sealbhóirí urrúis chomhthaobhaigh chun a áirithiú go gcinnfear freisin le dlí an Bhallstáit inar cruthaíodh an t‑urrús comhthaobhach go bailí i gclár, i gcuntas nó i gcóras taisce láraithe bailíocht agus in-fhorfheidhmitheacht an urrúis chomhthaobhaigh sin in aghaidh an chórais, in aghaidh an oibreora córais, agus in aghaidh aon duine eile a bheidh ag éileamh go díreach nó go hindíreach tríd an gcóras. Níor cheart feidhm a bheith ag an riail sin ach amháin maidir le clár, cuntas nó córas taisce láraithe lena léirítear gur ann do chearta dílseánaigh i seachadadh nó aistriú an urrúis chomhthaobhaigh lena mbaineann nó le haghaidh sheachadadh nó aistriú an urrúis chomhthaobhaigh sin.

(21)Is gá soiléiriú a dhéanamh cén Ballstát ar cheart feidhm a bheith ag a dhlí chun cearta shealbhóirí an urrúis chomhthaobhaigh sin a chinneadh. Mar sin féin, in imthosca áirithe, go háirithe maidir le húsáid teicneolaíochtaí nua, ní féidir a chinneadh i gcónaí cén Ballstát ina bhfuil an clár, an cuntas nó an córas taisce láraithe lonnaithe, ina ndéantar an t‑urrús comhthaobhach a thaifeadadh go dlíthiúil. I gcásanna den sórt sin, ba cheart cearta shealbhóirí an urrúis chomhthaobhaigh sin a chinneadh leis an dlí lena rialaítear an córas lena mbaineann i dtaca leis an urrús comhthaobhach sin.

(22)Is gá freisin riail easaontachta dlíthe a sholáthar maidir leis an dlí is infheidhme i gcás dócmhainneacht rannpháirtí. Níor cheart don riail sin dochar a dhéanamh d’oibriú agus d’éifeacht dhlí an Bhallstáit faoina mbunaítear na hionstraimí airgeadais nó d’oibriú agus d’éifeacht dhlí an Bhallstáit ina bhféadfadh na hionstraimí airgeadais a bheith lonnaithe ar bhealach eile, lena n‑áirítear, inter alia, an dlí a bhaineann le hionstraimí airgeadais den sórt sin nó cearta in ionstraimí airgeadais den sórt sin a chruthú, a aistriú nó a bhaineann le húinéireacht orthu, agus níor cheart go léireofaí leis go mbeidh aon urrús comhthaobhach den sórt sin in-fhorfheidhmithe go díreach ná go bhféadfaí é a aithint in aon Bhallstát den sórt sin seachas i gcomhréir le dlí an Bhallstáit sin.

(23)I bhfianaise na n‑athruithe a rinneadh ar an Rialachán seo, is gá Treoir 2002/47/CE ó Pharlaimint na hEorpa agus ón gComhairle a leasú 25 chun comhsheasmhacht a áirithiú. Le héagsúlachtaí i raon feidhme an Rialacháin seo agus Threoir 2002/47/CE, chruthófaí éiginnteacht dhlíthiúil agus cur i bhfeidhm contrártha, go háirithe i ndáil le hionstraimí arna n‑eisiúint ar TMD, toisc go n‑aithneofaí ionstraimí den sórt sin mar chomhthaobhacht fhéideartha faoin Rialachán seo ach ní gá go n‑aithneofaí mar sin iad faoi Threoir 2002/47/CE.

(24)Ba cheart ról lárnach a bheith ag ESMA, ÚBE agus CEBC i gcur i bhfeidhm an Rialacháin seo trína áirithiú go gcuireann údaráis inniúla náisiúnta rialacha an Aontais i bhfeidhm go comhsheasmhach.

(25)Ba cheart an chumhacht a thabhairt don Choimisiún caighdeáin theicniúla rialála arna bhforbairt ag ESMA agus ÚBE a ghlacadh maidir leis an méid seo a leanas a shonrú a thuilleadh: an fhaisnéis atá le soláthar in iarratas ar ainmniú; na coinníollacha maidir le hainmniú; an fhaisnéis atá le soláthar in iarratas ar chlárú; an tráth a iontrálfar ordú aistrithe i gcóras nach bhfuil á oibriú ag taisclann lárnach urrús, lena n‑áirítear córais atá bunaithe ar TMD; tráth do-athraitheachta ordaithe aistrithe a iontráiltear i gcóras nach bhfuil á oibriú ag taisclann lárnach urrús, lena n‑áirítear córais atá bunaithe ar TMD; agus tráth na socraíochta críochnaithí i gcórais nach bhfuil á n‑oibriú ag taisclann lárnach urrús, lena n‑áirítear córais atá bunaithe ar TMD. Ba cheart don Choimisiún na caighdeáin theicniúla rialála sin a ghlacadh trí bhíthin gníomhartha tarmligthe de bhun Airteagal 290 den Chonradh ar Fheidhmiú an Aontais Eorpaigh (CFAE) agus i gcomhréir le hAirteagail 10 go 14 de Rialachán (AE) Uimh. 1095/2010 ó Pharlaimint na hEorpa agus ón gComhairle 26 agus le hAirteagail 10 go 14 de Rialachán (AE) Uimh. 1093/2010 ó Pharlaimint na hEorpa agus ón gComhairle 27  

(26)Ba cheart an chumhacht a thabhairt don Choimisiún freisin caighdeáin theicniúla cur chun feidhme arna bhforbairt ag ESMA nó ÚBE a ghlacadh maidir leis na formáidí leictreonacha chun iarratas a dhéanamh ar ainmniú, agus na formáidí leictreonacha chun iarratas a dhéanamh ar chóras tríú tír a chlárú. Ba cheart don Choimisiún na caighdeáin theicniúla cur chun feidhme sin a ghlacadh trí bhíthin gníomhartha cur chun feidhme de bhun Airteagal 291 CFAE agus i gcomhréir le hAirteagal 15 de Rialachán (AE) Uimh. 1095/2010 agus le hAirteagal 15 de Rialachán (AE) Uimh. 1093/2010 ó Pharlaimint na hEorpa agus ón gComhairle.

(27)Ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh (CFAE) a tharmligean chuig an gCoimisiún i dtaca le leasuithe ar an sainmhíniú ar ordú aistrithe chun sócmhainní socraíochta a chur leis nó a bhaint de agus i dtaca le leasuithe ar liosta na rannpháirtithe. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n‑áirítear ar leibhéal na saineolaithe. Nuair a dhéanfaidh an Coimisiún gníomhartha tarmligthe a ullmhú agus a tharraingt suas, ba cheart dó a áirithiú go ndéanfaí doiciméid ábhartha a tharchur go comhuaineach, go tráthúil agus go hiomchuí chuig Parlaimint na hEorpa agus chuig an gComhairle.

(28)Maidir le córais a ainmníodh faoi Threoir 98/26/CE, agus córais tríú tír ar leathnaigh Ballstáit cosaintí na Treorach sin chun iad a chumhdach roimh dháta theacht i bhfeidhm an Rialacháin seo, ba cheart dóibh tairbhiú de roinnt beart idirthréimhseach chun a ndóthain ama a thabhairt do na Ballstáit na córais sin a ainmniú nó a chlárú, de réir mar is infheidhme, i gcomhréir leis na coinníollacha a leagtar amach sa Rialachán seo. Ba cheart, dá bhrí sin, cur i bhfeidhm na gceanglas ainmniúcháin agus clárúcháin do na córais sin a chur siar.

(29)Ós rud é nach féidir leis na Ballstáit cuspóirí an Rialacháin seo, mar atá cur chuige comhchuibhithe a áirithiú maidir le cosaint ar riosca sistéamach a eascraíonn as feidhmiú na gcóras socraíochta, i ndáil le dócmhainneacht aon cheann dá rannpháirtithe, a ghnóthú go leordhóthanach agus ó rud é, de bharr fhairsinge agus éifeachtaí na gníomhaíochta, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a bhaint amach.

(30)Leis an Rialachán seo, tugtar isteach ceanglais cheangailteacha maidir le seirbhísí poiblí digiteacha trasteorann de réir bhrí Rialachán (AE) 2024/903 28 . Is í an chaibidil maidir le Gnéithe Digiteacha den Ráiteas Reachtach Airgeadais agus Digiteach an tuarascáil a eascraíonn as sin. Foilseofar sin freisin ar an Tairseach um Eoraip Idir-inoibritheach tar éis ghlacadh an Ghnímh.

TAR ÉIS AN RIALACHÁN SEO A GHLACADH:

TEIDEAL I

CUSPÓIR, RAON FEIDHME AGUS SAINMHÍNITHE

Airteagal 1

Ábhar agus raon feidhme

1.Leagtar síos leis an Rialachán seo ceanglais maidir le hainmniú córas atá incháilithe chun rialacha maidir le críochnaitheacht socraíochta a chur i bhfeidhm san Aontas mar a leagtar amach in Airteagail 17 go 25.

2.Leagtar síos leis an Rialachán seo freisin ceanglais maidir le córais tríú tír a chlárú i mBallstát amháin nó i roinnt Ballstát chun é a chur ar a gcumas d’institiúidí atá bunaithe sna Ballstáit sin, atá rannpháirteach sna córais tríú tír sin, tairbhiú den leathnú ar an gcosaint ar dhócmhainneacht dá bhforáiltear in Airteagail 17, 19, 22(1), 23, 24 agus 25(1) chun orduithe aistrithe arna n‑iontráil i gcórais tríú tír den sórt sin a chumhdach.

I gcás dócmhainneacht comhalta de chóras den sórt sin, cosnófar orduithe aistrithe arna n‑iontráil ag an gcomhalta sin i gcás ina gcomhlíonfar an dá choinníoll seo a leanas:

(a)tá an comhalta rannpháirteach i gcóras cláraithe mar a shainmhínítear in Airteagal 2(1), pointe (9);

(b)is institiúid é an comhalta mar a shainmhínítear in Airteagal 2(1), pointe (10)(a)(i) go (iv) agus (b), atá bunaithe sa Bhallstát a chláraigh an córas sin faoi Airteagal 12.

3.Beidh feidhm ag an Rialachán seo maidir leis an méid seo a leanas:

(a)aon chóras mar a shainmhínítear in Airteagal 2(1), pointe (1);

(b)aon rannpháirtí mar a shainmhínítear in Airteagal 2(1), pointe (15);

(c)urrús comhthaobhach, dá dtagraítear in Airteagal 25, a sholáthraítear i ndáil le haon cheann díobh seo a leanas agus i ndáil leo:

(i) rannpháirtíocht i gcóras;

(ii) oibríochtaí bhainc cheannais na mBallstát nó an Bhainc Cheannais Eorpaigh i gcomhthéacs a bhfeidhme mar bhainc cheannais.

Airteagal 2

Sainmhínithe

1.Chun críoch an Rialacháin seo, tá feidhm ag na sainmhínithe seo a leanas:

(1)ciallaíonn ‘córas’ socrú foirmiúil, seachas socrú idir-inoibritheachta, lena ngabhann rialacha comhchoiteanna agus nósanna imeachta caighdeánaithe, lena n‑áirítear córas socraíochta urrús, córas imréitigh nó córas íocaíochta, lena ndéantar foráil maidir le horduithe aistrithe idir rannpháirtithe a shocrú, a imréiteach nó a fhorghníomhú;

(2)ciallaíonn ‘córas tríú tír’ córas nach rialaítear le dlí Ballstáit;

(3)ciallaíonn ‘socrú’ socrú mar a shainmhínítear in Airteagal 2(1), pointe (7), de Rialachán (AE) Uimh. 909/2014 ó Pharlaimint na hEorpa agus ón gComhairle 29 ;

(4)ciallaíonn ‘imréiteach’ imréiteach mar a shainmhínítear in Airteagal 2, pointe (3), de Rialachán (AE) Uimh. 648/2012 ó Pharlaimint na hEorpa agus ón gComhairle 30 ;

(5)ciallaíonn ‘córas socraíochta urrús’ córas arb é atá i gceist lena ghníomhaíocht orduithe aistrithe a shocrú;

(6)ciallaíonn ‘córas íocaíochta’ córas íocaíochta mar a shainmhínítear in Airteagal 4, pointe (7), de Threoir (AE) 2015/2366 ó Pharlaimint na hEorpa agus ón gComhairle 31 ;

(7)ciallaíonn ‘córas imréitigh’ córas lena soláthraítear seirbhísí imréitigh arna n‑oibriú ag teach imréitigh;

(8)ciallaíonn ‘córas ainmnithe’ córas arna ainmniú i gcomhréir le hAirteagal 3;

(9)ciallaíonn ‘córas cláraithe’ córas atá cláraithe i gcomhréir le hAirteagal 12;

(10)ciallaíonn ‘institiúid’:

(a)aon cheann de na heintitis seo a leanas, atá rannpháirteach i gcóras ainmnithe, agus atá freagrach as na hoibleagáidí airgeadais a eascraíonn as orduithe aistrithe laistigh den chóras sin a chomhlíonadh:

32 ‑ 33 (i)institiúid creidmheasa mar a shainmhínítear in Airteagal 4(1), pointe (1), de Rialachán (AE) Uimh. 575/2013 ó Pharlaimint na hEorpa agus ón gComhairle, lena náirítear na heintitis a liostaítear in Airteagal 2(5) de Threoir 2013/36/AE ó Pharlaimint na hEorpa agus ón gComhairle;

(ii) gnólacht infheistíochta mar a shainmhínítear in Airteagal 4(1), pointe (1), de Threoir 2014/65/AE ó Pharlaimint na hEorpa agus ón gComhairle 34 , seachas na hinstitiúidí dá dtagraítear in Airteagal 2(1) di;

(iii)údarás poiblí;

(iv)gnóthas arna ráthú go poiblí;

(v)aon ghnóthas a bhfuil a cheannoifig lasmuigh den Aontas agus a gcomhfhreagraíonn a fheidhmeanna do fheidhmeanna institiúidí creidmheasa nó gnólachtaí infheistíochta de chuid an Aontais, dá dtagraítear i bpointe (i) agus (ii);

(b) aon cheann de na heintitis seo a leanas, atá rannpháirteach i gcóras ainmnithe arb é atá ina ghnó orduithe aistrithe a fhorghníomhú mar a shainmhínítear i bpointe (20)(a) agus atá freagrach as na hoibleagáidí airgeadais a chomhlíonadh a eascraíonn as orduithe aistrithe den sórt sin laistigh den chóras sin:

(a)institiúid íocaíochta mar a shainmhínítear in Airteagal 4, pointe (4), de Threoir (AE) 2015/2366, cé is moite de dhuine nádúrtha nó dlítheanach a thairbhíonn de dhíolúine de bhun Airteagal 32 nó Airteagal 33 den Treoir sin;

(b)institiúid ríomh-airgid mar a shainmhínítear in Airteagal 2, pointe (1), de Threoir 2009/110/CE ó Pharlaimint na hEorpa agus ón gComhairle 35 , cé is moite de dhuine dlítheanach a thairbhíonn de tharscaoileadh faoi Airteagal 9 den Treoir sin,

(11)ciallaíonn ‘contrapháirtí lárnach’ nó ‘CPL’ CPL mar a shainmhínítear in Airteagal 2, pointe (1), de Rialachán (AE) Uimh. 648/2012;

(12)ciallaíonn ‘taisclann lárnach urrús’ nó ‘TLU’ taisclann lárnach urrús mar a shainmhínítear in Airteagal 2(1), pointe (1), de Rialachán (AE) Uimh. 909/2014;

(13)ciallaíonn ‘gníomhaire socraíochta’ gnóthas a sholáthraíonn cuntais socraíochta do rannpháirtithe córais;

(14)ciallaíonn ‘teach imréitigh’ eintiteas atá freagrach as glansuíomhanna institiúidí a ríomh, lena n‑áirítear CPL nó gníomhaire socraíochta;

(15)ciallaíonn ‘rannpháirtí’ aon cheann de na heintitis seo a leanas, atá rannpháirteach i gcóras:

(a)i gcás córais ainmnithe, aon cheann díobh seo a leanas: 

(i)institiúid;

(ii)taisclann lárnach urrús;

(iii)gníomhaire socraíochta;

(iv)teach imréitigh;

(v)oibreoir córais;

(vi)comhalta imréitigh de CPL atá údaraithe de bhun Airteagal 17 de Rialachán (AE) Uimh. 648/2012;

(vii)eintiteas seachas na heintitis a liostaítear i bpointí (i) go (vi);

(b)i gcás córais chláraithe, aon chomhalta atá ceadaithe faoi rialacha an chórais chláraithe sin;

(16)ciallaíonn ‘comhalta den chóras’ eintiteas dá dtagraítear i bpointe (15) (a)(vii);

(17)ciallaíonn ‘rannpháirtí indíreach’ aon cheann de na heintitis a liostaítear i bpointe (15)(a)(i) go (v) a bhfuil gaol conarthach aige le rannpháirtí i gcóras ainmnithe a fhorghníomhaíonn orduithe aistrithe a chuireann ar a chumas don eintiteas orduithe aistrithe a chur tríd an gcóras ainmnithe;

(18)ciallaíonn ‘cliant’ aon ghnóthas a bhfuil gaol conarthach aige le rannpháirtí, lena n‑áirítear rannpháirtí indíreach, a chuireann ar a chumas don ghnóthas sin a orduithe aistrithe a shocrú, a imréiteach agus a fhorghníomhú tríd an gcóras ainmnithe tríd an rannpháirtí sin;

(19)ciallaíonn ‘ionstraim airgeadais’ ionstraim airgeadais mar a shainmhínítear in Airteagal 4(1), pointe (15), de Threoir 2014/65/AE;

(20)ciallaíonn ‘ordú aistrithe’ aon cheann de na treoracha seo a leanas, lena n‑áirítear treoracha lena gceanglaítear eochair chripteagrafach nó gaireas nó modh eile a úsáid chun síniú digiteach a dhéanamh:

(a)treoir ó rannpháirtí méid cistí a chur ar fáil d’fhaighteoir nó do chomhalta as a dtagann glacadh nó comhlíonadh oibleagáide íocaíochta mar a leagtar síos i rialacha an chórais;

(b) treoir ó rannpháirtí an teideal chuig ionstraimí airgeadais agus ionstraimí eile, nó an leas iontu, a aistriú, i gcás ina n‑údaraítear sin leis an gcóras, lena n‑áirítear i ndáil le socruithe comhthaobhachta agus imréiteach, arna dtaifeadadh trí chuntas reatha nó trí thaifeadadh leictreonach ar chlár a bhfuil feidhm chomhchosúil aige nó ar shlí eile;

(21)ciallaíonn ‘cistí’ cistí mar a shainmhínítear in Airteagal 3, pointe (30), den [Rialachán maidir le seirbhísí íocaíochta sa mhargadh inmheánach (AE) [RSI] 36 ;

(22)ciallaíonn ‘cuntas reatha’ taifead leictreonach, lena bhfianaítear aon chreidmheas nó dochar nó aon athrú eile a dhéantar ar an taifead leictreonach sin, i gcás inar féidir an taifead leictreonach agus aon athrú air a dhéanamh trí theicneolaíocht mórleabhar dáilte a úsáid;

(23)ciallaíonn ‘imeachtaí dócmhainneachta’ aon bheart comhchoiteann dá bhforáiltear i ndlí Ballstáit, nó i ndlí tríú tír, chun rannpháirtí i gcóras a fhoirceannadh nó chun an rannpháirtí sin a atheagrú, i gcás ina mbaineann an beart sin le haistrithe nó íocaíochtaí a chur ar fionraí nó teorainneacha a fhorchur orthu;

(24)ciallaíonn ‘glanluacháil’ na héilimh agus na hoibleagáidí a eascraíonn as orduithe aistrithe a chomhshó ina nglanéileamh amháin nó ina nglanoibleagáid amháin, ar éilimh agus oibleagáidí iad a eisíonn rannpháirtí nó rannpháirtithe chuig rannpháirtí amháin eile nó níos mó, nó a fhaigheann sé ó rannpháirtí amháin eile nó níos mó, agus é mar thoradh air sin nach féidir ach glanéileamh a éileamh nó glanoibleagáid a bheith dlite;

(25)ciallaíonn ‘cuntas socraíochta’ cuntas a úsáidtear chun orduithe aistrithe a shocrú nó a úsáidtear chun sócmhainní socraíochta a shealbhú, lena n‑áirítear airgead tirim, cistí agus ionstraimí airgeadais, agus, i gcás ina n‑úsáidtear é chun creidmheas a shíneadh chun críoch socraíochta, a oibríonn banc ceannais, gníomhaire socraíochta nó teach imréitigh;

(26)ciallaíonn ‘cuntas’ taifead, lena n‑áirítear taifead digiteach nó leictreonach láraithe nó díláraithe, ar a bhféadfar airgead tirim, ionstraimí airgeadais nó sócmhainní eile a chur chun sochair nó chun dochair nó a thaifeadadh ar shlí eile chun athrú ar an taifead a chlárú;

(27)ciallaíonn ‘comhthaobhacht’ na sócmhainní inréadaithe uile, lena n‑áirítear, gan teorainn, na hionstraimí airgeadais agus na cistí sin, lena n‑áirítear iad siúd a eisítear nó a thaifeadtar trí úsáid a bhaint as teicneolaíocht mórleabhar dáilte, lena n‑áirítear i bhfoirm théacschomharthaithe, agus comhthaobhacht airgeadais dá dtagraítear in Airteagal 1(4), pointe (a), de Threoir 2002/47/CE, a sholáthraítear faoi ghealltanas, socrú aistrithe teidil, comhaontú athcheannaigh nó comhaontú comhchosúil, nó ar bhealach eile, chun cearta agus oibleagáidí a d’fhéadfadh teacht chun cinn i ndáil le córas nó a bhaineann le córas a dhaingniú, nó a sholáthraítear do bhainc cheannais na mBallstát nó don Bhanc Ceannais Eorpach;

(28)ciallaíonn ‘lá gnó’ socraíochtaí lae agus oíche araon agus cuimsítear ann gach teagmhas a tharlaíonn le linn timthriall gnó córais;

(29)ciallaíonn ‘lá oibre’ gach lá seachas laethanta saoire poiblí, an Domhnach agus an Satharn arna ríomh i gcomhréir le Rialachán (CEE, Euratom) Uimh. 1182/71 37 ;

(30)ciallaíonn ‘socrú idir-inoibritheachta’ dhá chóras ainmnithe nó níos mó a bhfuil socrú foirmiúil déanta ag a n‑oibreoirí córais le chéile lena mbaineann forghníomhú traschórais orduithe aistrithe;

(31)ciallaíonn ‘córas idir-inoibritheach’ córas ar cuid de shocrú idir-inoibritheachta é;

(32)ciallaíonn ‘oibreoir córais’ an gnóthas nó na gnóthais, atá freagrach go dlíthiúil as córas a oibriú, a fhéadfaidh gníomhú freisin mar ghníomhaire socraíochta, contrapháirtí lárnach, taisclann lárnach urrús nó teach imréitigh;

(33)ciallaíonn ‘údarás ainmniúcháin’ an t‑údarás inniúil atá freagrach as an gcóras a ainmniú i gcomhréir le hAirteagal 4(1);

(34)ciallaíonn ‘údarás inniúil náisiúnta’ an t‑údarás inniúil sa Bhallstát ina bhfuil oibreoir an chórais bunaithe;

(35)ciallaíonn ‘údarás clárúcháin’ an t‑údarás inniúil atá freagrach as an gcóras a chlárú i gcomhréir le hAirteagal 12;

(36)ciallaíonn ‘bunachar sonraí lárnach’ an bunachar sonraí lárnach arna bhunú i gcomhréir le hAirteagal 26;

(37)ciallaíonn ‘teicneolaíocht mórleabhar dáilte’ nó ‘TMD’ teicneolaíocht mórleabhar dáilte mar a shainmhínítear in Airteagal 2, pointe (1), de Rialachán (AE) 2022/858 ó Pharlaimint na hEorpa agus ón gComhairle.

2.Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 27 chun leasú a dhéanamh ar aon cheann de na nithe seo a leanas:

(a)an sainmhíniú ar ordú aistrithe a leagtar síos i mír 1, pointe (20), i gcás inar gá chun a áirithiú go gcumhdófar cineálacha nua sócmhainní atá faoi réir socraíochta, imréitigh nó íocaíochta i gcórais ainmnithe leis na cosaintí dá bhforáiltear sa Rialachán seo;

(b)an sainmhíniú ar rannpháirtí a leagtar síos i mír 1, pointe (15), chun daoine nádúrtha nó dlítheanacha a chur leis, bunaithe ar thaithí ar chásanna ina gceadaítear do na daoine sin a bheith rannpháirteach i gcóras socraíochta TMD faoi réir Rialachán (AE) 2022/858.

TEIDEAL II

AINMNIÚ CÓRAIS

Airteagal 3

Córas ainmnithe

1.I gcás ina n‑oibríonn gnóthas córas arna rialú ag dlí Ballstáit, nó ina bhfuil sé ar intinn aige córas den sórt sin a oibriú, féadfaidh oibreoir córais den sórt sin iarratas a dhéanamh go n‑ainmneofaí an córas sin i gcomhréir leis an nós imeachta a leagtar síos in Airteagal 4, mar chóras san Aontas a bhfuil feidhm ag na rialacha maidir le críochnaitheacht socraíochta a leagtar síos in Airteagail 17 go 25 i ndáil leis.

Oibreoir córais dá dtagraítear i mír 1 a thairgeann, go pointe teoranta, socraíocht, imréiteach nó forghníomhú treoracha a bhaineann le hionstraimí seachas na hionstraimí sin dá dtagraítear in Airteagal 2(1), pointe (20)(b), féadfaidh sé a iarraidh go mbeidh feidhm freisin ag na rialacha maidir le críochnaitheacht socraíochta a leagtar amach in Airteagail 17 go 25 i ndáil leis na hionstraimí sin. Féadfaidh an t‑údarás ainmniúcháin a cheadú go measfar gur orduithe aistrithe iad na treoracha sin nuair a mheasann sé go bhfuil údar leis an ainmniú sin ar fhorais riosca shistéamaigh.

2.Údarás ainmniúcháin an Bhallstáit a rialaítear an córas lena dhlí, féadfaidh sé an córas a ainmniú, i gcás ina mbeidh ceannoifig rannpháirtí amháin ar a laghad dá chuid sa Bhallstát sin.

Airteagal 4

Nós imeachta chun ainmniú a dheonú agus a dhiúltú 

1.Oibreoir córais a dhéanann iarratas ar ainmniú córais a oibríonn sé, cuirfidh sé iarratas ar ainmniú isteach a bheidh dírithe ar údarás ainmniúcháin an Bhallstáit a rialaítear an córas lena dhlí.

2.Roinnfear an t‑iarratas láithreach le gach ceann díobh seo a leanas:

(a)an t‑údarás ainmniúcháin;

(b)i gcás inarb infheidhme, an t‑údarás inniúil náisiúnta;

(c)ESMA;

(d)ÚBE le haghaidh córais lena n‑oibrítear orduithe aistrithe a leagtar amach in Airteagal 2(1), pointe (20)(a);

(e)CEBC.

3.Áireoidh oibreoir an chórais san iarratas na doiciméid agus an fhaisnéis uile is gá chun a léiriú go gcomhlíonann sé féin agus an córas a oibríonn sé ceanglais an Rialacháin seo, lena n‑áirítear an fhaisnéis a liostaítear in Airteagal 6(2) (a) agus (c) go (g).

4.Seolfar admháil chuig oibreoir an chórais go bhfuarthas an t‑iarratas dá dtagraítear i mír 1 laistigh de 2 lá oibre ón iarratas sin a fháil. Cinnfidh an t‑údarás ainmniúcháin, laistigh de 20 lá oibre ón iarratas a fháil, cé acu atá nó nach bhfuil na doiciméid agus an fhaisnéis a cheanglaítear de bhun mhír 3 san iarratas.

I gcás ina gcinnfidh an t‑údarás ainmniúcháin, le linn na tréimhse is infheidhme a shonraítear faoin gcéad fhomhír, nár cuireadh isteach na doiciméid agus an fhaisnéis uile a cheanglaítear de bhun mhír 3, iarrfaidh sé ar oibreoir an chórais na doiciméid bhreise nó an fhaisnéis bhreise sin a chur isteach. I gcás inar mhainnigh oibreoir an chórais aon iarraidh den sórt sin a chomhlíonadh ina hiomláine, féadfaidh an t‑údarás ainmniúcháin an t‑iarratas a dhiúltú.

5.Faoi dheireadh na dteorainneacha ama dá dtagraítear i mír 4, tabharfaidh an t‑údarás ainmniúcháin fógra d’oibreoir an chórais agus do na húdaráis a liostaítear i mír 2, pointí (b) go (e), de réir mar is infheidhme, cibé acu a ghlacfar leis an iarratas nó a dhiúltófar dó.

6.Tar éis don údarás ainmniúcháin fógra a thabhairt don oibreoir córais go nglactar leis an iarratas, déanfaidh an t‑údarás ainmniúcháin measúnú ar an gcaoi a bhfuil na ceanglais a leagtar síos sa Rialachán seo á gcomhlíonadh ag oibreoir an chórais agus ag an gcóras laistigh de 80 lá oibre ó dháta an fhógra dá dtagraítear i mír 5 (‘an tréimhse mheasúnaithe’).

7.Le linn na tréimhse measúnaithe, féadfaidh an t‑údarás ainmniúcháin ceisteanna a chur faoi bhráid oibreoir an chórais, nó faisnéis chomhlántach a iarraidh air.

I gcás nár fhreagair oibreoir an chórais na ceisteanna nó nár sholáthair sé an fhaisnéis a iarradh laistigh den sprioc-am arna leagan síos ag an údarás ainmniúcháin, féadfaidh an t‑údarás ainmniúcháin a chinneadh síneadh 10 lá oibre ar a mhéad a chur leis an tréimhse mheasúnaithe ábhartha uair amháin san iomlán i gcás ina measann sé go bhfuil aon cheann de na ceisteanna nó den fhaisnéis ábhartha don mheasúnú. Cuirfidh an t‑údarás ainmniúcháin oibreoir an chórais ar an eolas faoin síneadh arna sholáthar. Féadfaidh an t‑údarás ainmniúcháin cinneadh a dhéanamh maidir leis an iarratas in éagmais fhreagra oibreoir an chórais.

8.Laistigh den tréimhse mheasúnaithe, déanfaidh an t‑údarás ainmniúcháin cinneadh maidir le hainmniú an chórais dá dtagraítear in Airteagal 3 a dheonú nó a dhiúltú. Ní chinnfidh an t‑údarás ainmniúcháin ainmniúchán a dheonú ach amháin i gcás ina bhfuil sé lánsásta go gcomhlíonann an córas agus a oibreoir na ceanglais a leagtar síos sa Rialachán seo.

9.Tar éis don údarás ainmniúcháin cinneadh a dhéanamh dá dtagraítear i mír 8, cuirfidh sé, gan moill mhíchuí, oibreoir an chórais, agus na húdaráis a liostaítear i mír 2, pointí (b) go (e), de réir mar is infheidhme, ar an eolas faoina chinneadh, lena n‑áirítear míniú lánréasúnaithe.

Airteagal 5

Coinníollacha maidir le hainmniú

1.Ní ainmneoidh údarás ainmniúcháin córas i gcomhréir le hAirteagal 3, ach amháin i gcás ina bhfuil an t‑údarás ainmniúcháin sásta gur comhlíonadh gach ceann de na coinníollacha seo a leanas:

(a) go rialaítear an córas le dlí Bhallstát an údaráis ainmniúcháin;

(b) go bhfuil ar a laghad rannpháirtí amháin sa chóras bunaithe i mBallstát an údaráis ainmniúcháin;

(c) go bhfuil rialacha comhchoiteanna agus nósanna imeachta caighdeánaithe ag an gcóras chun orduithe aistrithe idir na rannpháirtithe a shocrú, a imréiteach nó a fhorghníomhú, de réir mar is infheidhme;

(d) gur shainaithin an córas go soiléir ina rialacha comhchoiteanna agus ina nósanna imeachta caighdeánaithe tráthanna na críochnaitheachta lena gcomhlíontar na ceanglais a leagtar amach in Airteagail 18, 20 agus 21.

(e) go sonraítear i rialacha comhchoiteanna agus nósanna imeachta caighdeánaithe an chórais, i gcás inarb ábhartha i gcomhréir le hAirteagal 7, na ceanglais maidir le rannpháirtíocht sa chóras;

(f) nach bhfuil aon easaontacht dhealraitheach idir rialacha comhchoiteanna agus nósanna imeachta caighdeánaithe an chórais agus an dlí lena rialaítear an córas;

(g)go bhfuil oibreoir an chórais in ann a áirithiú go ndéanfar faireachán leormhaith ar chomhlíonadh a chórais le rialacha comhchoiteanna agus nósanna imeachta caighdeánaithe an chórais a oibríonn sé;

(h)go mbeidh oibreoir an chórais in ann an córas a oibriú, go mbeidh dea-cháil leordhóthanach air agus go mbeidh taithí leordhóthanach aige chun bainistiú fónta stuama an chórais a áirithiú;

(i) go bhfuil a dhóthain acmhainní airgeadais ag oibreoir an chórais chun an córas a oibriú;

(j)go bhfuil oibreoir an chórais cuntasach go dlíthiúil, freagrach agus faoi dhliteanas as oibriú an chórais, lena n‑áirítear as aon naisc le córais eile agus as an gcaidreamh le tríú páirtithe agus leis na húdaráis;

(k)go bhfuil bearta leordhóthanacha curtha i bhfeidhm ag oibreoir an chórais chun na rioscaí a bhaineann le hoibriú an chórais a mhaolú;

(l)i gcás ina mbeidh oibreoir an chórais comhdhéanta de líonra nód a oibríonn faoi chreat coiteann rialachais agus maoirseachta, go n‑áiritheofar le rialacha comhchoiteanna agus nósanna imeachta caighdeánaithe an chórais go mbeidh gnóthas amháin cuntasach go dlíthiúil, freagrach agus faoi dhliteanas as oibriú an chórais;

(m)i gcás inar cuibhreannas eintiteas é oibreoir an chórais, go mbeidh na heintitis uile cuntasach, freagrach agus faoi dhliteanas i gcomhpháirt agus go leithleach as oibriú an chórais.

2.Féadfaidh ESMA, i ndlúthchomhar le CEBC, dréachtchaighdeáin theicniúla rialála a fhorbairt chun na coinníollacha dá dtagraítear i mír 1 maidir le córais socraíochta urrús agus córais imréitigh a shonrú a thuilleadh.

Tabharfar de chumhacht don Choimisiún gníomhartha tarmligthe a ghlacadh chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1095/2010 ó Pharlaimint na hEorpa agus ón gComhairle 38 .

3.Féadfaidh ÚBE, i ndlúthchomhar le CEBC, dréachtchaighdeáin theicniúla rialála a fhorbairt chun na coinníollacha dá dtagraítear i mír 1 maidir le córais íocaíochta a shonrú a thuilleadh.

Tabharfar de chumhacht don Choimisiún gníomhartha tarmligthe a ghlacadh chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1093/2010 39 .

Airteagal 6

Fógra a thabhairt faoi chóras ainmnithe

4.Tabharfaidh údarás ainmniúcháin fógra, go comhuaineach agus gan moill mhíchuí, do ESMA agus d’oibreoir an chórais faoina chinneadh arna ghlacadh de bhun Airteagal 4. Beidh feidhm ag an ainmniú ó dháta an fhógra.

5.Beidh an fhaisnéis seo a leanas ar fad ar a laghad san fhógra dá dtagraítear i mír 1, ó dháta an ainmniúcháin:

(a) sainaithint an chórais, an dlí lena rialaítear an córas, oibreoir an chórais agus an t‑údarás ainmniúcháin;

(b) an dáta a ainmníodh an córas;

(c) an Ballstát ina bhfuil oibreoir an chórais bunaithe agus an t‑údarás inniúil náisiúnta, i gcás inarb infheidhme;

(d) cé acu córas socraíochta urrús, córas imréitigh nó córas íocaíochta é an córas;

(e) tráthanna críochnaitheachta an chórais mar a shonraítear ina rialacha i gcomhréir le hAirteagail 18, 20 agus 21;

(f) na rannpháirtithe sa chóras;

(g)rialacha comhchoiteanna agus nósanna imeachta caighdeánaithe an chórais;

(h) measúnú an údaráis ainmniúcháin ar chomhlíontacht oibreoir an chórais agus an chórais leis na ceanglais faoin Rialachán seo, lena n‑áirítear na coinníollacha maidir le hainmniú a leagtar amach in Airteagal 5.

6.Tabharfaidh an t‑údarás ainmniúcháin fógra do ESMA agus do na húdaráis a liostaítear in Airteagal 4(2), pointí (b), (d) agus (e), de réir mar is infheidhme, gan moill mhíchuí, faoi aon cheann de na nithe seo a leanas:

(a)aon fhógra a dhéanfaidh oibreoir an chórais i gcomhréir le hAirteagal 8(2);

(b)aon athrú ar ainmniú an chórais;

(c)aon nuashonrú ar an bhfaisnéis a liostaítear i mír 2.

7.Foilseoidh ESMA, i bhformáid chaighdeánaithe, an fhaisnéis dá dtagraítear i mír 2, pointí (a) go (g), agus aon nuashonrú uirthi i gcomhréir le mír 3, pointe (c), ar a shuíomh gréasáin gan moill mhíchuí agus tráth nach déanaí ná 2 lá oibre tar éis dó an fhaisnéis sin a fháil. Sonróidh ESMA an dáta a rinneadh nuashonruithe ar an bhfaisnéis ar a shuíomh gréasáin agus cén fhaisnéis a nuashonraíodh.

Soláthróidh ESMA, gan moill mhíchuí, faisnéis nuashonraithe do ÚBE agus do CEBC, de réir mar is infheidhme.

Airteagal 7

Rannpháirtithe i gcórais ainmnithe

1.Féadfaidh oibreoir córais cineál amháin rannpháirtithe nó níos mó a liostaítear in Airteagal 2(1), pointe (15)(a)(i) go (vii), a ligean isteach sa chóras ainmnithe a oibríonn sé.

Maidir le córas ainmnithe lena gceadaítear do rannpháirtí gníomhú i roinnt de na hacmhainneachtaí a liostaítear in Airteagal 2(1), pointe (15)(a), nó cuid de na cúraimí nó na cúraimí uile a bhaineann leis na hacmhainneachtaí sin a dhéanamh, sonrófar an méid sin i rialacha comhchoiteanna agus i nósanna imeachta caighdeánaithe an chórais ainmnithe.

Féadfaidh Ballstát, in imthosca eisceachtúla agus chun críocha an Rialacháin seo, rannpháirtí indíreach a ligean isteach mar rannpháirtí i gcás inarb eol d’oibreoir an chórais agus do rannpháirtithe an chórais an rannpháirtí indíreach, agus i gcás ina bhfuil údar leis sin ar fhorais riosca shistéamaigh. Ní chuirfidh an fhéidearthacht sin teorainn, áfach, le freagracht an rannpháirtí trína gcuireann an rannpháirtí indíreach orduithe aistrithe chuig an gcóras ainmnithe.

2.Ní fhéadfaidh oibreoir córais de chuid córas ainmnithe glacadh le comhalta córais sa chóras ach amháin i gcás ina gcomhlíonann an comhalta sin na coinníollacha uile seo a leanas:

(a) go bhfuil sé d’acmhainn agus de chumas aige na hoibleagáidí a eascraíonn as a rannpháirtíocht sa chóras a chomhlíonadh;

(b) go bhfuil sé d’acmhainn agus de chumas aige na rioscaí a eascraíonn as a rannpháirtíocht sa chóras a mhaolú;

(c) go gcomhlíonann sé rialacha an chórais.

Bunóidh oibreoir córais de chuid córas ainmnithe critéir iontrála, agus idirdhealú á dhéanamh de réir chineál an rannpháirtí i gcás inarb ábhartha. Beidh na critéir iontrála sin neamh-idirdhealaitheach, trédhearcach agus oibiachtúil chun rochtain chothrom agus oscailte ar an gcóras ainmnithe a áirithiú.

Áiritheoidh oibreoir córais de chuid córas ainmnithe go gcomhlíonfaidh comhaltaí an chórais na coinníollacha a leagtar amach sa chéad fhomhír ar bhonn leanúnach agus go mbeidh rochtain thráthúil acu ar an bhfaisnéis is ábhartha do mheasúnú den sórt sin.

3.Rannpháirtí a chuireann ar a gcumas dá chliaint rochtain a fháil ar chóras ainmnithe trí threoracha le haghaidh orduithe aistrithe a tharchur tríd an gcóras sin, cuirfidh sé oibreoir an chórais ar an eolas faoin gcóras sin. Beidh na hacmhainní airgeadais breise agus an acmhainn oibríochtúil bhreise is gá ag an rannpháirtí sin chun an ghníomhaíocht sin a dhéanamh agus soláthróidh sé don oibreoir córais an fhaisnéis is gá chun comhchruinnithe riosca ábhartha a bhaineann le soláthar seirbhísí do chliaint a shainaithint, faireachán a dhéanamh orthu agus iad a bhainistiú.

Rannpháirtí a chuireann ar a gcumas dá chliaint rochtain a fháil ar sheirbhísí an chórais, cuirfidh sé oibreoir an chórais ar an eolas, arna iarraidh sin d’oibreoir an chórais, faoi na critéir agus na socruithe a ghlacann sé chun é a chur ar a gcumas dá chliaint rochtain a fháil ar na seirbhísí sin. Gan beann ar an bhfaisnéis sin, is é an rannpháirtí sin amháin a bheidh freagrach i ndáil le hoibreoir an chórais agus le rannpháirtithe eile sa chóras as a áirithiú go gcomhlíonfaidh a chliaint a n‑oibleagáidí.

Airteagal 8

Dualgais oibreora córais i gcóras ainmnithe

1.Beidh oibreoir córais de chuid córas ainmnithe freagrach i gcónaí as comhlíonadh fhorálacha an Rialacháin seo, agus as an gcóras a oibríonn sé forálacha an Rialacháin seo a chomhlíonadh.

2.Tabharfaidh an t‑oibreoir córais fógra, gan moill mhíchuí, don údarás ainmniúcháin faoi aon cheann de na nithe seo a leanas:

(a)aon athrú ábhartha a dhéanann difear, nó a d’fhéadfadh difear a dhéanamh, d’oibreoir an chórais forálacha an Rialacháin seo a chomhlíonadh, agus don chóras a oibríonn sé forálacha an Rialacháin seo a chomhlíonadh;

(b)aon athrú ar an liosta faisnéise dá bhforáiltear in Airteagal 6(2), pointí (a) go (g).

Airteagal 9

Ainmniúchán a tharraingt siar

1.Tarraingeoidh údarás ainmniúcháin siar ainmniú a dheonaigh sé, i gcás ina gcomhlíonfar aon cheann de na coinníollacha seo a leanas:

(a)fuair oibreoir an chórais an t‑ainmniú trí ráitis bhréagacha a dhéanamh nó ar aon mhodh neamhrialta nó neamhdhleathach eile;

(b)ní chomhlíonann oibreoir an chórais nó an córas a oibríonn sé, de réir mar is infheidhme, ceanglais an Rialacháin seo a thuilleadh agus ní dhearna oibreoir an chórais na gníomhaíochtaí feabhais a d’iarr an t‑údarás ainmniúcháin laistigh de thréimhse ama shocraithe;

(c)tá oibreoir an chórais nó an córas a oibríonn sé, de réir mar is infheidhme, tar éis sárú tromchúiseach nó sistéamach a dhéanamh ar na ceanglais a leagtar síos sa Rialachán seo.

2.Ní chinnfidh údarás ainmniúcháin ainmniú córais a tharraingt siar ach amháin tar éis dó an t‑údarás inniúil náisiúnta a chur ar an eolas agus tuairim a iarraidh maidir le cé chomh hiomchuí agus atá sé an t‑ainmniú a tharraingt siar. Iarrfar an tuairim ar ESMA agus ar CEBC maidir leis an ainmniú do chórais socraíochta urrús agus do chórais imréitigh a tharraingt siar, nó ar ÚBE agus ar CEBC maidir leis an ainmniú do chórais íocaíochta a tharraingt siar.

I gcás ina bhfuil ESMA, ÚBE nó CEBC den tuairim go bhféadfadh tarraingt siar an ainmnithe a bheith ina chúis le rioscaí ábhartha do chobhsaíocht airgeadais an Aontais nó do chobhsaíocht airgeadais i mBallstát, cuirfidh sé an t‑údarás ainmniúcháin ar an eolas laistigh de 10 lá oibre tar éis dó a bheith curtha ar an eolas faoi tharraingt siar fhéideartha ainmniúcháin faoin gcéad fhomhír agus déanfaidh an t‑údarás ainmniúcháin, sula ndéanfar ainmniú an chórais a tharraingt siar, cruinniú ad hoc a thionól leis an údarás inniúil náisiúnta, le CEBC agus, ag brath ar chineál an chórais, le ESMA nó ÚBE, chun oibriú i gcomhar le chéile faoin gcaoi leis na rioscaí a sainaithníodh a mhaolú.

I gcás inar taisclann lárnach urrús nó contrapháirtí lárnach é an córas ainmnithe, ní tharraingeoidh an t‑údarás ainmniúcháin an t‑ainmniú siar gan toiliú ón údarás atá freagrach as maoirseacht a dhéanamh ar an taisclann lárnach urrús nó ar an gcontrapháirtí lárnach sin.

3.Déanfaidh údarás ainmniúcháin scrúdú ar cé acu atá nó nach bhfuil córas fós i gcomhréir leis na coinníollacha faoinar deonaíodh an t‑ainmniú nuair a iarrfaidh ESMA agus CEBC air déanamh amhlaidh, maidir le córais socraíochta urrús agus córais imréitigh, nó nuair a iarrfaidh ÚBE agus CEBC air déanamh amhlaidh, maidir le córais íocaíochta.

4.I gcás ina dtarraingeoidh an t‑údarás ainmniúcháin an t‑ainmniú siar, tabharfaidh sé fógra an tráth céanna don oibreoir córais, don údarás inniúil náisiúnta, do ESMA, do ÚBE agus do CEBC faoina chinneadh ainmniú córais a tharraingt siar agus tabharfaidh ESMA a shuíomh gréasáin cothrom le dáta dá réir sin an lá a shonróidh an t‑údarás ainmniúcháin ina fhógra.

5.Beidh éifeacht le tarraingt siar ainmniúcháin ó dháta an fhógra dá dtagraítear i mír 4.

TEIDEAL II

ÚDARÁIS AGUS COMHAR

Airteagal 10

Údarás inniúil

1.Ceapfaidh gach Ballstát na húdaráis inniúla uile a bheidh freagrach as na dualgais a eascraíonn as an Rialachán seo a chomhlíonadh maidir le córais, lena n‑áirítear na húdaráis ainmniúcháin, na húdaráis chlárúcháin agus an t‑údarás inniúil dá dtagraítear in Airteagal 22(2).

I gcás ina gceapfaidh Ballstát níos mó ná údarás inniúil amháin, cinnfidh sé a róil faoi seach.

Ainmneoidh gach Ballstát údarás inniúil aonair a bheidh freagrach as comhar le húdaráis inniúla na mBallstát eile, le ESMA, le ÚBE agus le CEBC.

2.Tabharfaidh na Ballstáit fógra do ESMA, do na húdaráis ainmniúcháin agus do na húdaráis chlárúcháin dá dtagraítear i mír 1, an chéad fhomhír, agus sonróidh siad a róil faoi seach faoin Rialachán seo, agus don údarás inniúil aonair dá dtagraítear i mír 1, an tríú fomhír.

3.Foilseoidh ESMA, gan moill mhíchuí, liosta de na húdaráis ainmniúcháin agus de na húdaráis chlárúcháin dá dtagraítear i mír 1, an chéad fhomhír, agus a róil faoi seach, agus an t‑údarás inniúil aonair dá dtagraítear i mír 1, an tríú fomhír, ar a shuíomh gréasáin agus cuirfidh sé ÚBE agus CEBC ar an eolas faoi aon athrú ar an liosta sin.

Airteagal 11

Malartú faisnéise

1.Déanfaidh údaráis ainmniúcháin, údaráis chlárúcháin, údaráis inniúla náisiúnta, údaráis inniúla dá dtagraítear in Airteagal 22(2), ESMA, ÚBE agus CEBC faisnéis a chomhroinnt agus a sholáthar dá chéile i gcás ina n‑iarrtar sin chun a ndualgais faoi seach a dhéanamh faoin Rialachán seo gan moill mhíchuí.

2.Déanfar an iarraidh ar fhaisnéis agus an freagra ar an iarraidh araon a chur isteach tríd an mbunachar sonraí lárnach.

3.Ní úsáidfear aon fhaisnéis rúnda a fhaightear de bhun an Rialacháin seo ach amháin chun aon dualgas a eascraíonn as an Rialachán seo a fheidhmiú.

TEIDEAL III

CÓRAIS TRÍÚ TÍR

Airteagal 12

Córais tríú tír a chlárú

Féadfaidh gach ceann de na húdaráis chlárúcháin in aon cheann de na Ballstáit ina bhfuil comhalta atá rannpháirteach i gcóras tríú tír bunaithe a chinneadh córas tríú tír den sórt sin a chlárú i gcomhréir leis an nós imeachta a leagtar amach in Airteagal 13, ar choinníoll gur institiúid é an comhalta mar a shainmhínítear in Airteagal 2(1), pointí (10)(a)(i) go (iv), nó in Airteagal 2(1), pointe (10)(b). Déanfaidh gach ceann de na húdaráis chlárúcháin sin measúnú ar an iarratas ar chlárú an chórais tríú tír.

Airteagal 13

Nós imeachta chun clárú a dheonú agus a dhiúltú

1.I gcás inar mian le hoibreoir córais de chuid córas tríú tír (‘oibreoir córais tríú tír’) an córas sin a chlárú mar chóras cláraithe, cuirfidh sé isteach iarratas ar chlárú, agus é dírithe chuig ESMA.

2.Roinnfidh ESMA an t‑iarratas láithreach leis na faighteoirí uile seo a leanas:

(a)ar a laghad, gach údarás clárúcháin dá dtagraítear in Airteagal 12;

(b)ÚBE le haghaidh córais lena n‑oibrítear orduithe aistrithe a leagtar amach in Airteagal 2(1), pointe (20)(a);

(c)CEBC.

3.Áireoidh an t‑oibreoir córais tríú tír san iarratas na doiciméid agus an fhaisnéis uile is gá chun a léiriú go gcomhlíonann sé féin agus an córas a oibríonn sé na coinníollacha maidir le clárú a leagtar síos in Airteagal 14, lena n‑áirítear an fhaisnéis faoi chomhaltaí an chórais sin atá bunaithe san Aontas, arna miondealú de réir Ballstáit.

4.Seolfar admháil chuig oibreoir an chórais tríú tír go bhfuarthas an t‑iarratas dá dtagraítear i mír 1 laistigh de 2 lá oibre ón iarratas sin a fháil. Cinnfidh na húdaráis chlárúcháin, laistigh de 20 lá oibre ón iarratas a fháil, cé acu atá nó nach bhfuil na doiciméid agus an fhaisnéis is gá de bhun mhír 3 san iarratas.

I gcás ina dtiocfaidh aon cheann de na húdaráis chlárúcháin ar an gconclúid, le linn na tréimhse is infheidhme a shonraítear faoin gcéad fhomhír, nár cuireadh isteach na doiciméid nó an fhaisnéis uile a cheanglaítear de bhun mhír 3, iarrfaidh an t‑údarás sin ar an oibreoir córais tríú tír na doiciméid bhreise nó an fhaisnéis bhreise sin a chur isteach. I gcás nár chomhlíon oibreoir an chórais tríú tír aon iarraidh den sórt sin ina hiomláine, féadfaidh aon cheann de na húdaráis chlárúcháin an t‑iarratas a dhiúltú.

5.Faoi dheireadh na dteorainneacha ama dá dtagraítear i mír 4, tabharfaidh gach údarás clárúcháin fógra do ESMA, d’oibreoir an chórais tríú tír agus do na húdaráis a liostaítear i mír 2, pointí (a), (b) agus (c), cibé acu a ghlacfar leis an iarratas nó a dhiúltófar dó.

6.Tar éis do gach údarás clárúcháin a ghlac leis an iarratas fógra a thabhairt don oibreoir córais tríú tír go nglactar leis an iarratas, déanfaidh sé measúnú ar chomhlíonadh oibreoir an chórais tríú tír agus agus ar chomhlíonadh an chórais leis na coinníollacha maidir le clárú a leagtar síos in Airteagal 14 laistigh de 80 lá oibre ón bhfógra a leagtar amach i mír 5 (‘an tréimhse mheasúnaithe’).

7.Le linn na tréimhse measúnaithe, féadfaidh aon údarás clárúcháin ceisteanna a chur faoi bhráid an oibreora córais tríú tír nó faisnéis chomhlántach a iarraidh air.

I gcás nár fhreagair oibreoir an chórais tríú tír na ceisteanna nó nár sholáthair sé an fhaisnéis a iarradh laistigh den sprioc-am arna leagan síos ag údarás clárúcháin iarrthach, féadfaidh ESMA, arna iarraidh sin d’aon cheann de na húdaráis chlárúcháin a ghlac leis an iarratas, síneadh 10 lá oibre ar a mhéad a chur leis an tréimhse mheasúnaithe ábhartha uair amháin san iomlán i gcás ina measann siad go bhfuil aon cheann de na ceisteanna ábhartha don mheasúnú. Cuirfidh ESMA oibreoir an chórais tríú tír ar an eolas faoin síneadh arna sholáthar. Féadfaidh údarás clárúcháin cinneadh a dhéanamh maidir leis an iarratas in éagmais freagra ó oibreoir an chórais tríú tír.

8.Le linn na tréimhse measúnaithe, déanfaidh ESMA agus CEBC i gcás córais socraíochta urrús agus córais imréitigh, agus ÚBE agus CEBC i gcás córais íocaíochta, gach beart iomchuí, lena n‑áirítear cruinnithe ad hoc a thionól, chun cur chuige cóineasaithe a áirithiú maidir leis na cinntí a dhéanann na húdaráis chlárúcháin ina mBallstát faoi seach clárú córais tríú tír a dheonú nó a dhiúltú.

9.Le linn an phróisis measúnaithe, cuirfidh ESMA, ÚBE agus CEBC malartú agus plé tráthrialta chun cinn i measc na n‑údarás clárúcháin, chun comhar na n‑údarás clárúcháin a áirithiú i bpróiseas clárúcháin an chórais tríú tír sin agus chun ionchur a sholáthar do phróiseas measúnaithe na n‑údarás clárúcháin.

10.Laistigh den tréimhse mheasúnaithe, déanfaidh gach údarás clárúcháin cinneadh maidir le clárú an chórais tríú tír a dheonú nó a dhiúltú. Ní chinnfidh gach údarás clárúcháin an clárú a dheonú ach amháin i gcás ina bhfuil sé lánsásta go gcomhlíonann oibreoir an chórais tríú tír agus an córas tríú tír na coinníollacha a leagtar síos in Airteagal 14.

11.Tar éis do gach údarás clárúcháin cinneadh dá dtagraítear i mír 10 a dhéanamh, cuirfidh sé, gan moill mhíchuí, oibreoir an chórais tríú tír, ESMA agus na húdaráis a liostaítear i mír 2, pointí (a), (b) agus (c) de réir mar is infheidhme, ar an eolas faoina chinneadh, lena n‑áirítear míniú lánréasúnaithe.

12.Forbróidh ESMA, i ndlúthchomhar le CEBC, dréachtchaighdeáin theicniúla rialála le haghaidh córais imréitigh agus socraíochta urrús chun an fhaisnéis atá le soláthar sna nithe seo a leanas a shonrú a thuilleadh:

(a) iarratas ar chlárú dá dtagraítear i mír 1, d’fhonn a léiriú go gcomhlíonann oibreoir an chórais tríú tír is iarratasóir agus an córas tríú tír na ceanglais ábhartha uile a leagtar amach san Airteagal seo, lena n‑áirítear na coinníollacha a leagtar amach in Airteagal 14, agus d’fhonn an fhaisnéis a shonrú a bheidh san iarratas maidir le comhaltaí an chórais tríú tír, atá bunaithe san Aontas;

(b) iarratas ar ainmniú dá dtagraítear in Airteagal 4(1), d’fhonn a léiriú go gcomhlíonann oibreoir an chórais is iarratasóir agus an córas ceanglais ábhartha uile an Rialacháin seo.

Agus na caighdeáin theicniúla rialála á bhforbairt, cuirfidh ESMA agus CEBC san áireamh go mbeidh an fhaisnéis a iarrfar comhréireach agus ábhartha don chineál córais atá ag iarraidh a bheith cláraithe nó ainmnithe.

Cuirfidh ESMA na dréachtchaighdeáin theicniúla rialála dá dtagraítear sa chéad fhomhír faoi bhráid an Choimisiúin faoin [Oifig na bhFoilseachán: cuir isteach an dáta = 1 bhliain amháin tar éis dháta theacht i bhfeidhm an Rialacháin seo].

Tabharfar de chumhacht don Choimisiún gníomhartha tarmligthe a ghlacadh chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1095/2010.

13.Forbróidh ESMA, i ndlúthchomhar le CEBC, dréachtchaighdeáin theicniúla cur chun feidhme chun an méid seo a leanas a shonrú maidir le córais socraíochta urrús agus córais imréitigh:

(a) na formáidí leictreonacha aonfhoirmeacha le haghaidh an iarratais ar chlárú dá dtagraítear i mír 1, atá le cur isteach sa bhunachar sonraí lárnach;

(b) na formáidí leictreonacha aonfhoirmeacha le haghaidh an iarratais ar ainmniú dá dtagraítear in Airteagal 4(1), atá le cur isteach sa bhunachar sonraí lárnach.

Cuirfidh ESMA na dréachtchaighdeáin theicniúla cur chun feidhme dá dtagraítear sa chéad fhomhír faoi bhráid an Choimisiúin faoin [Oifig na bhFoilseachán: cuir isteach 1 bhliain amháin tar éis dháta theacht i bhfeidhm an Rialacháin seo].

Tabharfar de chumhacht don Choimisiún gníomhartha cur chun feidhme a ghlacadh chun an Rialachán seo a fhorlíonadh trí na caighdeáin theicniúla cur chun feidhme dá dtagraítear sa chéad fhomhír den mhír seo a ghlacadh i gcomhréir le hAirteagal 15 de Rialachán (AE) Uimh. 1095/2010.

14.Forbróidh ÚBE, i ndlúthchomhar le CEBC, dréachtchaighdeáin theicniúla rialála le haghaidh córais íocaíochta chun an fhaisnéis atá le soláthar sna nithe seo a leanas a shonrú a thuilleadh:

(a) iarratas ar chlárú dá dtagraítear i mír 1 d’fhonn a léiriú go gcomhlíonann oibreoir an chórais tríú tír is iarratasóir agus an córas tríú tír na ceanglais ábhartha uile a leagtar amach san Airteagal seo, lena n‑áirítear na coinníollacha a leagtar amach in Airteagal 14, agus d’fhonn an fhaisnéis a shonrú a bheidh san iarratas maidir le comhaltaí an chórais tríú tír, atá bunaithe san Aontas;

(b) iarratas ar ainmniú dá dtagraítear in Airteagal 4(1), d’fhonn a léiriú go gcomhlíonann oibreoir an chórais is iarratasóir agus an córas ceanglais ábhartha uile an Rialacháin seo.

Agus na caighdeáin theicniúla rialála á bhforbairt, cuirfidh ÚBE agus CEBC san áireamh go mbeidh an fhaisnéis a iarrfar comhréireach agus ábhartha don chineál córais atá ag iarraidh a bheith cláraithe nó ainmnithe. 

Cuirfidh ÚBE na dréachtchaighdeáin theicniúla rialála dá dtagraítear sa chéad fhomhír faoi bhráid an Choimisiúin faoin [Oifig na bhFoilseachán: cuir isteach an dáta = 1 bhliain amháin tar éis dháta theacht i bhfeidhm an Rialacháin seo]. 

Tabharfar de chumhacht don Choimisiún gníomhartha tarmligthe a ghlacadh chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír den mhír seo a ghlacadh i gcomhréir le hAirteagail 10 go 14 de Rialachán (AE) Uimh. 1093/2010. 

15.Forbróidh ÚBE, i ndlúthchomhar le CEBC, dréachtchaighdeáin theicniúla cur chun feidhme chun an méid seo a leanas a shonrú maidir le córais íocaíochta:

(a) na formáidí leictreonacha aonfhoirmeacha le haghaidh an iarratais ar chlárú dá dtagraítear i mír 1 den Airteagal seo atá le cur isteach sa bhunachar sonraí lárnach;

(b) na formáidí leictreonacha aonfhoirmeacha le haghaidh an iarratais ar ainmniú dá dtagraítear in Airteagal 4(1), atá le cur isteach sa bhunachar sonraí lárnach.

Cuirfidh ÚBE na dréachtchaighdeáin theicniúla cur chun feidhme dá dtagraítear sa chéad fhomhír faoi bhráid an Choimisiúin faoin [Oifig na bhFoilseachán: cuir isteach an dáta = 1 bhliain amháin tar éis dháta theacht i bhfeidhm an Rialacháin seo].

Tabharfar de chumhacht don Choimisiún gníomhartha cur chun feidhme a ghlacadh chun an Rialachán seo a fhorlíonadh trí na caighdeáin theicniúla cur chun feidhme dá dtagraítear sa chéad fhomhír den mhír seo a ghlacadh i gcomhréir le hAirteagal 15 de Rialachán (AE) Uimh. 1093/2010.

Airteagal 14

Coinníollacha maidir le clárú

Ní fhéadfaidh údarás clárúcháin córas tríú tír a chlárú ina Bhallstát ach amháin i gcás ina gcomhlíontar gach ceann de na coinníollacha seo a leanas:

(a) go bhfuil rialacha comhchoiteanna agus nósanna imeachta caighdeánaithe ag an gcóras chun orduithe aistrithe idir na rannpháirtithe a shocrú, a imréiteach nó a fhorghníomhú;

(b) go n‑údaraítear an córas nó go ndéantar maoirseacht air i dtír a bhunaithe nó sa tír ar faoina dlí a rialaítear an córas tríú tír;

(c) go rialaítear an córas le dlí lena seastar le prionsabail na críochnaitheachta socraíochta;

(d) go sainaithnítear go soiléir sa chóras ina rialacha comhchoiteanna agus ina nósanna imeachta caighdeánaithe na tráthanna uile seo a leanas:

(i) an tráth a iontráiltear ordú aistrithe sa chóras dá dtagraítear in Airteagal 18(1);

(ii) tráth do-athraitheachta ordaithe aistrithe a iontráladh sa chóras dá dtagraítear in Airteagal 20(1);

(iii) tráth a dhéantar socraíocht chríochnaitheach ar ordú aistrithe a iontráladh i gcóras dá dtagraítear in Airteagal 21(1).

(e) go bhfuil oibreoir córais an chórais struchtúrtha go leormhaith agus maoinithe go leordhóthanach;

(f) go gcomhlíonann an córas, ar gach slí ábhartha, prionsabail dhomhanda bhonneagair an mhargaidh airgeadais.

Airteagal 15

Fógra a thabhairt faoi chórais chláraithe

1.Tar éis dó cinneadh a dhéanamh dá dtagraítear in Airteagal 13(10), tabharfaidh gach údarás clárúcháin fógra, go comhuaineach agus gan moill mhíchuí, d’oibreoir an chórais tríú tír is iarratasóir, do ESMA, do ÚBE, do CEBC agus do na húdaráis chlárúcháin eile, de réir mar is infheidhme, faoina chinneadh. Beidh feidhm ag an gclárú ó dháta an fhógra.

2.Beidh an fhaisnéis seo a leanas ar fad ar a laghad san fhógra dá dtagraítear i mír 1, ó dháta an chlárúcháin:

(a) sainaithint an chórais chláraithe agus a oibreora córais;

(b) dáta clárúcháin an chórais chláraithe;

(c) an tír ina bhfuil oibreoir an chórais tríú tír bunaithe;

(d) na Ballstáit inar cláraíodh an córas cláraithe agus gach ceann de na húdaráis chlárúcháin a dheonaigh an clárú;

(e) cé acu an córas socraíochta urrús, córas imréitigh, nó córas íocaíochta é an córas;

(f) an dlí lena rialaítear an córas cláraithe;

(g) tráthanna críochnaitheachta socraíochta an chórais chláraithe;

(h) rannpháirtithe an Aontais sa chóras cláraithe.

3.Tabharfaidh údarás clárúcháin córais chláraithe fógra, gan moill mhíchuí, do ESMA agus do na húdaráis a liostaítear in Airteagal 13(2), pointí (a), (b) agus (c), de réir mar is infheidhme, faoi aon cheann díobh seo a leanas:

(a) aon athrú substainteach a dhéanann difear ábhartha, nó a d’fhéadfadh difear ábhartha a dhéanamh, do chomhlíonadh na gcoinníollacha maidir le clárú a leagtar amach in Airteagal 14;

(b) aon nuashonrú ar an bhfaisnéis a liostaítear i mír 2.

4.Déanfaidh ESMA an fhaisnéis dá dtagraítear i mír 2 agus aon nuashonrú uirthi i gcomhréir le mír 3, pointe (b), a fhoilsiú i bhformáid chaighdeánaithe ar a shuíomh gréasáin, gan moill mhíchuí agus tráth nach déanaí ná 2 lá oibre tar éis dó an fhaisnéis sin a fháil sonróidh ESMA an dáta a rinneadh nuashonruithe ar an bhfaisnéis ar a shuíomh gréasáin agus cén fhaisnéis a nuashonraíodh.

Déanfaidh ESMA, gan moill mhíchuí, faisnéis nuashonraithe a sholáthar do na húdaráis chlárúcháin, do ÚBE agus do CEBC, de réir mar is infheidhme.

Airteagal 16

Clárúchán a tharraingt siar

1.Déanfaidh údarás clárúcháin clárú córais chláraithe a tharraingt siar i gcás ina gcomhlíontar aon cheann de na coinníollacha seo a leanas:

(a)go bhfuair an t‑oibreoir córais tríú tír an clárú trí ráitis bhréagacha a dhéanamh nó ar aon mhodh neamhrialta nó neamhdhleathach eile;

(b)i gcás nach gcomhlíonann oibreoir an chórais tríú tír nó an córas a oibríonn sé, de réir mar is infheidhme, na coinníollacha a leagtar amach in Airteagal 14 a thuilleadh;

(c)go bhfuil oibreoir an chórais tríú tír nó an córas a oibríonn sé, de réir mar is infheidhme, tar éis na coinníollacha maidir le clárú a leagtar síos in Airteagal 14 a shárú go tromchúiseach nó go córasach.

2.Ní chinnfidh údarás clárúcháin clárú oibreora córais tríú tír a tharraingt siar ach amháin tar éis dó ESMA a chur ar an eolas agus an fhaisnéis ábhartha uile a sholáthar do ESMA chun go mbeidh sé in ann a liosta de chórais chláraithe atá cláraithe i mBallstát a thabhairt cothrom le dáta. Roinnfidh ESMA an fhaisnéis sin le ÚBE, le CEBC agus le húdaráis chlárúcháin eile, de réir mar is infheidhme.

3.I gcás ina bhfuil ceann de na húdaráis chlárúcháin, ESMA, ÚBE nó CEBC, de réir mar is infheidhme, den tuairim go bhféadfadh tarraingt siar an chláraithe a bheith ina chúis le rioscaí ábhartha do chobhsaíocht airgeadais an Aontais nó do chobhsaíocht airgeadais i mBallstát, cuirfidh sé an t‑údarás cláraithe ábhartha ar an eolas laistigh de 10 lá oibre ón dáta a chuirfear ar an eolas é faoi tharraingt siar fhéideartha clárúcháin faoi mhír 2 agus tionólfaidh an t‑údarás clárúcháin ábhartha cruinniú ad hoc leis na húdaráis chlárúcháin eile, ESMA, ÚBE agus CEBC, de réir mar is infheidhme, chun oibriú i gcomhar le chéile faoin dóigh leis na rioscaí a shainaithnítear a mhaolú sula ndéanfaidh an t‑údarás clárúcháin an clárú a tharraingt siar.

I gcás inar CPL é an córas cláraithe a chinneann ESMA é a bheith ina CPL Leibhéal 2 faoi Rialachán (AE) Uimh. 648/2012, ní dhéanfaidh an t‑údarás clárúcháin an clárú a tharraingt siar gan toiliú ESMA.

4.I gcás ina ndéanann an t‑údarás clárúcháin an clárú a tharraingt siar, tabharfaidh sé fógra go comhuaineach d’oibreoir an chórais, do ESMA, do ÚBE, do CEBC agus d’údaráis chlárúcháin eile, de réir mar is infheidhme, faoina chinneadh clárú an chórais a tharraingt siar agus tabharfaidh ESMA a shuíomh gréasáin cothrom le dáta dá réir sin an lá a shonróidh an t‑údarás clárúcháin ina fhógra.

5.Beidh feidhm ag tarraingt siar chlárú an chórais ó dháta an fhógra dá dtagraítear i mír 4.

TEIDEAL IV

GLANLUACHÁIL AGUS CRÍOCHNAITHEACHT SOCRAÍOCHTA

Airteagal 17

Glanluacháil agus orduithe aistrithe

1.Beidh orduithe aistrithe agus glanluacháil, lena n‑áirítear glanluacháil socraíochta, in-fhorfheidhmithe le dlí agus ceangailteach ar thríú páirtithe, ar choinníoll gur iontráladh orduithe aistrithe sa chóras ainmnithe nó sa chóras cláraithe roimh thráth tionscanta na n‑imeachtaí dócmhainneachta dá dtagraítear in Airteagal 22(1), fiú i gcás imeachtaí dócmhainneachta in aghaidh aon cheann díobh seo a leanas:

(a) rannpháirtí sa chóras ainmnithe nó sa chóras cláraithe;

(b) rannpháirtí i gcóras idir-inoibritheach i gcóras ainmnithe;

(c) oibreoir an chórais i gcóras idir-inoibritheach i gcóras ainmnithe, nach rannpháirtí é.

Maidir le horduithe aistrithe a iontráiltear i gcóras ainmnithe nó i gcóras cláraithe tar éis thráth tionscanta na n‑imeachtaí dócmhainneachta agus a dhéantar laistigh den lá gnó, mar a leagtar síos i rialacha comhchoiteanna agus i nósanna imeachta caighdeánaithe an chórais sin, ar lena linn a tharlóidh tionscnamh na n‑imeachtaí sin, ní bheidh siad in-fhorfheidhmithe le dlí ná ceangailteach ar thríú páirtithe ach amháin i gcás inar féidir le hoibreoir an chórais a chruthú, tráth a thiocfaidh na horduithe aistrithe sin chun bheith neamh-inchúlghairthe, nach raibh sé ar an eolas faoi thionscnamh na n‑imeachtaí sin, ná nár cheart dó a bheith ar an eolas faoi sin.

2.Ní bheidh leachtú glanluachála ná dífheidhmiú forálacha glanluachála socraíochta dá dtagraítear in Airteagal 2(1), pointe (n), de Threoir 2002/47/CE ó Pharlaimint na hEorpa agus ón gComhairle mar thoradh ar aon dlí, rialachán, riail nó cleachtas maidir le conarthaí agus idirbhearta a cuireadh i gcrích roimh thráth tionscanta na n‑imeachtaí dócmhainneachta, dá bhforáiltear in Airteagal 22(1), a chur i leataobh.

Airteagal 18

An tráth a iontrálfar ordú aistrithe i gcóras ainmnithe

1.Is le rialacha comhchoiteanna agus nósanna imeachta caighdeánaithe an chórais sin a chinnfear an tráth a iontrálfar ordú aistrithe i gcóras ainmnithe. Cuirfear san áireamh sa chinneadh sin go bhfuair agus gur chláraigh an córas an t‑ordú aistrithe.

2.I gcás córas idir-inoibritheach, cinnfidh gach córas ainmnithe ina rialacha comhchoiteanna agus ina nósanna imeachta caighdeánaithe féin an tráth a iontrálfar ordú aistrithe ina chóras, agus áiritheoidh sé, a mhéid is féidir, go gcomhordófar rialacha comhchoiteanna agus nósanna imeachta caighdeánaithe na gcóras idir-inoibritheach uile lena mbaineann. Mura ndéantar foráil maidir leis go sainráite le rialacha comhchoiteanna agus nósanna imeachta caighdeánaithe na gcóras uile ar páirtithe iad sa socrú idir-inoibritheachta, ní dhéanfar difear do rialacha córais amháin maidir leis an tráth a iontráiltear ordú aistrithe le haon riail de chuid na gcóras eile lena bhfuil sé idir-inoibritheach.

Airteagal 19

Cistí agus ionstraimí airgeadais a úsáid

1.Ní chuirfidh tionscnamh imeachtaí dócmhainneachta in aghaidh rannpháirtí nó oibreoir córais córais idir-inoibrithigh cosc ar chistí nó ionstraimí airgeadais atá le fáil sa chuntas socraíochta nó i gcuntais ina bhfuil comhthaobhacht, lena n‑áirítear ranníocaíochtaí i leith ciste mainneachtana amhail ranníocaíochtaí le ciste mainneachtana réamh-mhaoinithe atá i seilbh CPL i gcomhréir le hAirteagal 42 de Rialachán Uimh. 648/2012 agus corrlaigh dá dtagraítear in Airteagal 41 de Rialachán Uimh. 648/2012, i gcás inarb infheidhme, de chuid an rannpháirtí nó oibreoir an chórais sin a úsáid chun oibleagáidí an rannpháirtí sin sa chóras ainmnithe nó sa chóras cláraithe sa Bhallstát ina bhfuil an rannpháirtí bunaithe a chomhlíonadh, nó i socrú idir-inoibritheachta ar an lá gnó a thionscnaítear na himeachtaí dócmhainneachta.

2.Saoráid chreidmheasa rannpháirtí den sórt sin atá nasctha leis an gcóras ainmnithe nó leis an gcóras cláraithe, de réir mar is infheidhme, beidh sí inúsáidte in aghaidh urrús comhthaobhach atá ann cheana atá ar fáil chun oibleagáidí an rannpháirtí sin a chomhlíonadh sa chóras ainmnithe, nó sa chóras cláraithe sa Bhallstát ina bhfuil an rannpháirtí bunaithe, nó i socrú idir-inoibritheachta.

Airteagal 20

Tráth do-athraitheachta na n‑orduithe aistrithe

1.Cinnfidh gach córas ainmnithe an tráth sonrach ina chóras nach féidir le rannpháirtí nó tríú páirtí ordú aistrithe a chúlghairm. Cuirfear san áireamh sa chinneadh sin an tráth a dhearbhaigh an córas ordú aistrithe a iontráladh sa chóras agus i gcás nárbh fhéidir próiseáil an ordaithe a fhreaschur.

2.I gcás córais idir-inoibritheacha, cinnfidh gach córas ina rialacha comhchoiteanna agus ina nósanna imeachta caighdeánaithe féin tráth na do-athraitheachta, agus áiritheoidh sé, a mhéid is féidir, go gcomhordófar rialacha comhchoiteanna agus nósanna imeachta caighdeánaithe na gcóras idir-inoibritheach uile lena mbaineann. Mura ndéantar foráil maidir leis go sainráite le rialacha comhchoiteanna agus nósanna imeachta caighdeánaithe na gcóras uile ar páirtithe iad i socrú idir-inoibritheachta, ní dhéanfar difear do rialacha córais amháin maidir le tráth na do-athraitheachta le haon riail de chuid na gcóras eile lena bhfuil sé idir-inoibritheach.

Airteagal 21

Socraíocht chríochnaitheach

1.Beidh an tsocraíocht críochnaitheach nuair a chuirfear comhlíonadh oibleagáidí na bpáirtithe in idirbheart i gcrích ar bhealach neamhchoinníollach agus neamh-inchúlghairthe mar a chinntear le rialacha comhchoiteanna agus nósanna imeachta caighdeánaithe gach córais ainmnithe, i gcomhréir leis an dlí is infheidhme maidir le haistriú úinéireachta agus ceart eile. Déanfaidh córas ainmnithe atá bunaithe ar TMD sásraí a chur chun feidhme lena ráthófar tráthanna críochnaitheachta cinnteachaíocha agus atá in-fhorfheidhmithe le dlí.

2.I gcás córais idir-inoibritheacha, cinnfidh gach córas ina rialacha comhchoiteanna agus ina nósanna imeachta caighdeánaithe féin tráth na socraíochta críochnaithí. Áiritheoidh gach oibreoir córais, a mhéid is féidir, go gcomhordófar rialacha na gcóras idir-inoibritheach uile lena mbaineann. Mura bhforáiltear go sainráite dó le rialacha comhchoiteanna agus nósanna imeachta caighdeánaithe na gcóras uile ar páirtithe iad i socrú idir-inoibritheachta, ní dhéanfar difear do rialacha comhchoiteanna ná nósanna imeachta caighdeánaithe de chuid córais amháin tráth an tsocraithe chríochnaithigh le haon riail chomhchoiteann ná aon nós imeachta caighdeánaithe de chuid na gcóras eile lena bhfuil sé idir-inoibritheach.

3.Féadfaidh ESMA, i ndlúthchomhar le CEBC, maidir le córais imréitigh agus socraíochta urrús nach bhfuil á n‑oibriú ag taisclann lárnach urrús, agus sainiúlachtaí na gcineálacha éagsúla córas á gcur san áireamh, agus sásraí na gcóras sin, dréachtchaighdeáin theicniúla rialála a fhorbairt chun na rialacha a shonrú maidir leis na nithe uile seo a leanas a chinneadh:

(a) an tráth a iontráiltear orduithe aistrithe i gcóras ainmnithe, dá dtagraítear in Airteagal 18(1);

(b) i gcás córais ainmnithe atá bunaithe ar TMD, cathain agus conas a tharlaíonn an tráth a iontráiltear ordú aistrithe sa chóras, dá dtagraítear in Airteagal 18(1), nuair a thaifeadtar idirbheart sa mhórleabhar de réir rialacha comhthola an chórais;

(c) an tráth, dá dtagraítear in Airteagal 20(1), nach féidir ordú aistrithe a iontráladh sa chóras ainmnithe a chúlghairm;

(d) i gcás córais ainmnithe atá bunaithe ar TMD, an chaoi a bhfuil an tráth, dá dtagraítear in Airteagal 20(1), nach féidir le rannpháirtí nó tríú páirtí ordú aistrithe a iontráladh sa chóras a chúlghairm ag teacht leis an tráth ag a bhfuil an chomhthoil críochnaitheach agus nach féidir an taifead a fhreaschur faoi phrótacal teicniúil an chórais sin;

(e)tráth na socraíochta críochnaithí dá dtagraítear i mír 1;

(f)maidir le córais ainmnithe atá bunaithe ar TMD, conas a d’fhéadfaí tráth na socraíochta críochnaithí dá dtagraítear i mír 1 a shainiú le haghaidh samhlacha críochnaitheachta dóchúlaíocha nó srathacha, a bhféadfadh sé nach gcomhlíontar leo an dearbhdheimhneacht dhlíthiúil ach a d’fhéadfadh fós a bheith in ann deimhneacht dhlíthiúil a bhaint amach ag brath ar struchtúr agus ar rialacha an chórais.

Tabharfar de chumhacht don Choimisiún gníomhartha tarmligthe a ghlacadh chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 10 go 14 de Rialachán (AE) Uimh. 1095/2010.

4.Féadfaidh ÚBE, i ndlúthchomhar le CEBC, agus sainiúlachtaí na gcineálacha éagsúla córas íocaíochta agus sásraí na gcóras á gcur san áireamh aige, dréachtchaighdeáin theicniúla rialála a fhorbairt chun na rialacha a shonrú maidir leis na nithe seo a leanas uile a chinneadh:

(a) an tráth a iontráiltear orduithe aistrithe i gcóras ainmnithe dá dtagraítear in Airteagal 18(1);

(b)i gcás córais ainmnithe atá bunaithe ar TMD, cathain agus conas a tharlaíonn an tráth a iontráiltear ordú aistrithe sa chóras, dá dtagraítear in Airteagal 18(1), nuair a thaifeadtar idirbheart sa mhórleabhar de réir rialacha comhthola an chórais;

(c) an tráth, dá dtagraítear in Airteagal 20(1), nach féidir ordú aistrithe a iontráladh sa chóras ainmnithe a chúlghairm;

(d)i gcás córais ainmnithe atá bunaithe ar TMD, cathain agus conas atá forluí idir an tráth sonrach nach féidir le rannpháirtí nó tríú páirtí ordú aistrithe a iontráladh sa chóras a chúlghairm agus an pointe ag a bhfuil an chomhthoil críochnaitheach agus nach féidir an taifead a fhreaschur faoi phrótacal teicniúil an chórais sin;

(e) tráth na socraíochta críochnaithí dá dtagraítear i mír 1;

(f) i gcás córais ainmnithe atá bunaithe ar TMD, conas a d’fhéadfaí tráth na socraíochta críochnaithí, dá dtagraítear i mír 1, a shainiú le haghaidh samhlacha críochnaitheachta dóchúlaíocha nó srathacha, a bhféadfadh sé nach gcomhlíontar leo an dearbhdheimhneacht dhlíthiúil ach a d’fhéadfadh fós a bheith in ann deimhneacht dhlíthiúil a bhaint amach ag brath ar struchtúr agus ar rialacha an chórais.

Tabharfar de chumhacht don Choimisiún gníomhartha tarmligthe a ghlacadh chun an Rialachán seo a fhorlíonadh trí na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagail 10 go 14 de Rialachán (AE) Uimh. 1093/2010.

TEIDEAL V

FORÁLACHA MAIDIR LE hIMEACHTAÍ DÓCMHAINNEACHTA

Airteagal 22

Tráth tionscanta imeachtaí dócmhainneachta

1.Chun críoch an Rialacháin seo, is é tráth tionscanta na n‑imeachtaí dócmhainneachta an tráth a thugann an t‑údarás breithiúnach nó riaracháin lena mbaineann a chinneadh.

2.Nuair a bheidh cinneadh déanta i gcomhréir le mír 1, tabharfaidh an t‑údarás breithiúnach nó riaracháin lena mbaineann fógra faoin gcinneadh sin láithreach d’údarás inniúil atá freagrach as an bhfaisnéis sin a bhailiú, arna cheapadh de bhun Airteagal 10(1). Tabharfaidh sé fógra láithreach, tríd an mbunachar sonraí lárnach, do ESMA, ÚBE, CEBC, don Bhord Eorpach um Riosca Sistéamach agus do Bhallstáit eile faoi sin.

Airteagal 23

Gan aon éifeacht chúlghabhálach

Ní bheidh éifeachtaí cúlghabhálacha ag imeachtaí dócmhainneachta ar chearta agus oibleagáidí rannpháirtí a eascraíonn as a rannpháirtíocht i gcóras ainmnithe, nó i gcóras cláraithe dá rannpháirtithe atá bunaithe i mBallstáit ina bhfuil an córas tríú tír cláraithe, nó a bhaineann leis an rannpháirtíocht sin, sula dtionscnófar imeachtaí den sórt sin de bhun Airteagal 22(1). Ní bheidh éifeacht chúlghabhálach ag imeachtaí den sórt sin ar chearta agus oibleagáidí rannpháirtí i gcóras idir-inoibritheach, ná ar oibreoir córais i gcóras idir-inoibritheach i gcás nach rannpháirtí é oibreoir an chórais sin.

Airteagal 24

An dlí lena rialaítear cearta agus oibleagáidí na rannpháirtithe

I gcás ina dtionscnófar imeachtaí dócmhainneachta in aghaidh rannpháirtí i gcóras, is leis an dlí lena rialaítear an córas sin a chinnfear na cearta agus na hoibleagáidí a eascraíonn as rannpháirtíocht an rannpháirtí sin nó a bhaineann leis an rannpháirtíocht sin.

TEIDEAL VI

CEARTA SEALBHÓIRÍ URRÚIS CHOMHTHAOBHAIGH A INSLIÚ Ó ÉIFEACHTAÍ DHÓCMHAINNEACHT AN tSOLÁTHRAÍ

Airteagal 25

Urrús comhthaobhach

1.Maidir le cearta oibreora córais nó rannpháirtí ar urrús comhthaobhach a sholáthraítear dóibh i dtaca le córas ainmnithe, córas cláraithe dá rannpháirtithe atá bunaithe sna Ballstáit ina bhfuil an córas cláraithe, nó socrú idir-inoibritheachta, agus cearta bhainc cheannais na mBallstát nó an Bhainc Cheannais Eorpaigh ar urrús comhthaobhach a sholáthraítear dóibh, ní dhéanfaidh imeachtaí dócmhainneachta in aghaidh aon cheann de na nithe seo a leanas difear dóibh:

(a) an rannpháirtí sa chóras ainmnithe nó cláraithe lena mbaineann nó i socrú idir-inoibritheachta;

(b) oibreoir an chórais i gcóras idir-inoibritheach nach rannpháirtí é;

(c) contrapháirtí bainc ceannais Ballstáit;

(d) contrapháirtí an Bhainc Ceannais Eorpaigh;

(e) aon tríú páirtí a sholáthair an t‑urrús comhthaobhach.

Féadfar an t‑urrús comhthaobhach sin a réadú chun na cearta sin a shásamh.

Ní dhéanfaidh imeachtaí dócmhainneachta in aghaidh oibreoir an chórais is faighteoir difear do chearta oibreora córais ar an urrús comhthaobhach a sholáthair sé d’oibreoir córais eile i dtaca le socrú idir-inoibritheachta.

2.Cearta na rannpháirtithe, oibreoirí córais, bainc ceannais Ballstáit, an Bhainc Ceannais Eorpaigh agus aon ainmnithigh, gníomhaire nó tríú páirtí atá ag gníomhú thar a gceann i leith na n‑ionstraimí airgeadais, lena n‑áirítear cearta sna hionstraimí airgeadais sin, a sholáthraítear mar urrús comhthaobhach a thaifeadtar go dlíthiúil ar chlár, lena n‑áirítear i gcás ina dtaifeadtar iad ar mhórleabhar dáilte, ar chuntas nó ar chóras taisce láraithe atá lonnaithe i mBallstát, déanfar iad a rialú le dlí an Bhallstáit sin.

Chun críocha na chéad fhomhíre, is é suíomh cláir, cuntais nó taisce láraithe atá i seilbh eintitis dhlítheanaigh an Ballstát ina bhfuil a oifig chláraithe ag an eintiteas sin.

3.I gcás nach féidir suíomh cláir, cuntais nó córais taisce láraithe a chinneadh i gcomhréir le mír 2, beidh cinneadh chearta na rannpháirtithe, oibreoirí an chórais, bainc ceannais Ballstáit nó an Bhainc Ceannais Eorpaigh, agus cearta aon ainmnithigh, gníomhaire nó tríú páirtí atá ag gníomhú thar a gceann, i ndáil leis na hionstraimí airgeadais a sholáthraítear mar urrús comhthaobhach, faoi rialú ag an dlí lena rialaítear an córas nó an socrú idir-inoibritheachta dá dtagraítear i mír 1.

4.Chun críocha mhír 2 agus mhír 3, is tagairt do dhlí náisiúnta Ballstáit í an tagairt do dhlí Ballstáit, gan aird a thabhairt ar aon riail faoina ndéantar tagairt do dhlí tíre eile agus an cheist ábhartha á cinneadh.

TEIDEAL VII

BUNACHAR SONRAÍ LÁRNACH AGUS TARMLIGEAN A FHEIDHMIÚ

Airteagal 26

An bunachar sonraí lárnach

1.Déanfaidh ESMA bunachar sonraí lárnach a bhunú agus a choinneáil ar bun i gcomhréir le hAirteagal 35c de Rialachán (AE) 1095/2010. Beidh rochtain ar leithligh i gcás gach córais lena mbaineann, ag na húdaráis ainmniúcháin, na húdaráis chlárúcháin, na húdaráis inniúla náisiúnta agus an t‑údarás inniúil dá dtagraítear in Airteagal 22(2), ESMA, ÚBE agus CEBC (‘faighteoirí cláraithe’), ar an bhfaisnéis agus ar na doiciméid uile dá dtagraítear i mír 3, atá cláraithe sa bhunachar sonraí don chóras sin agus, i gcás inarb ábhartha nó inar gá chun a ndualgais a chomhlíonadh.

2.Beidh rochtain ag oibreoir córais ar an mbunachar sonraí lárnach a mhéid a bhaineann leis an bhfaisnéis agus na doiciméid a chuir sé isteach sa bhunachar sonraí lárnach sin nó a mhéid a bhaineann leis na doiciméid a tharchuireann aon cheann de na faighteoirí cláraithe chuige tríd an mbunachar sonraí lárnach sin.

Déanfaidh faighteoirí eile doiciméid shonracha áirithe nó faisnéis shonrach áirithe a chur isteach freisin agus beidh rochtain acu orthu, i gcás ina sonraítear sin faoin Rialachán seo, ar doiciméid nó faisnéis iad atá cláraithe sa bhunachar sonraí lárnach. Áiritheoidh ESMA go gcomhlíonfaidh an bunachar sonraí lárnach na feidhmeanna faoin Airteagal seo.

3.Déanfaidh oibreoirí córais, lena n‑áirítear le haghaidh córais ainmnithe agus chláraithe chomh maith leis na faighteoirí cláraithe, an fhaisnéis agus na doiciméid uile, lena n‑áirítear iarratais, cinntí, moltaí, iarrataí, faisnéis, ceisteanna, freagraí agus fógraí, dá dtagraítear sa Rialachán seo a uaslódáil chuig an mbunachar sonraí lárnach, i bhformáid leictreonach, mura sonraítear a mhalairt.

Seolfar admháil go bhfuarthas sin tríd an mbunachar sonraí lárnach laistigh de 2 lá oibre ón bhfaisnéis nó na doiciméid a chur isteach.

4.Áiritheoidh ESMA go gcumasófar leis an mbunachar sonraí sonraí taifeadta TMD, lena n‑áirítear léamh sonraí ar an slabhra agus rochtain ar na sonraí sin.

5.Dearfaidh ESMA an bunachar sonraí lárnach chun na faighteoirí cláraithe a chur ar an eolas go huathoibríoch nuair a dhéanfar athruithe ar a inneachar, lena n‑áirítear doiciméid a uaslódáil, a scriosadh nó a athsholáthar, agus ceisteanna nó iarrataí ar fhaisnéis a chur isteach.

6.Cuirfidh ESMA an fhaisnéis a chomhroinntear tríd an mbunachar sonraí lárnach faoin Rialachán seo ar fáil do na húdaráis ábhartha chun críoch Rialachán (AE) Uimh. 648/2012 agus Rialachán (AE) Uimh. 909/2014 i gcás inarb ábhartha nó i gcás inar gá chun a ndualgais a chomhlíonadh.

Airteagal 27

An tarmligean a fheidhmiú

1.Tarmligtear an chumhacht chuig an gCoimisiún gníomhartha tarmligthe a ghlacadh faoi réir na gcoinníollacha a leagtar síos san Airteagal seo.

2.Déanfar an chumhacht chun gníomh tarmligthe a ghlacadh dá dtagraítear in Airteagal 2(2) a thabhairt don Choimisiún go ceann tréimhse neamhchinntithe ama ón [Oifig na bhFoilseachán cuir isteach dáta = dáta theacht i bhfeidhm an Rialacháin seo].

3.Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 2(2) a chúlghairm tráth ar bith. Le cinneadh chun cúlghairm a dhéanamh, cuirfear deireadh le tarmligean na cumhachta a shonraítear sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana.

4.Sula nglacfaidh an Coimisiún gníomh tarmligthe, féachfaidh sé le dul i gcomhairle le ESMA agus ÚBE agus le saineolaithe arna n‑ainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.A luaithe a ghlacfaidh an Coimisiún gníomh tarmligthe, tabharfaidh sé fógra, an tráth céanna, do Pharlaimint na hEorpa agus don Chomhairle faoi.

6.Ní thiocfaidh gníomh tarmligthe a ghlactar de bhun Airteagal 2(2) i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse 3 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis an Coimisiún a chur ar an eolas nach ndéanfaidh siad aon agóid. Déanfar an tréimhse sin a fhadú 3 mhí ar thionscnamh Pharlaimint na hEorpa nó na Comhairle.

TEIDEAL VII

FORÁLACHA CRÍOCHNAITHEACHA

Airteagal 28

Forálacha idirthréimhseacha 

1.De mhaolú ar Airteagal 3, córas a ainmnítear faoi Threoir 98/26/CE roimh [Oifig na bhFoilseachán: cuir isteach dáta = teacht i bhfeidhm an Rialacháin seo], leanfar dá ainmniú chun críocha an Rialacháin seo go dtí go n‑athainmneofar é faoin Airteagal sin nó go dtí [Oifig na bhFoilseachán: cuir isteach dáta = 5 bliana tar éis theacht i bhfeidhm an Rialacháin seo], cibé acu is túisce. Idir an dá linn, leanfaidh dlí an Bhallstáit maidir le córas a ainmniú d’fheidhm a bheith aige.

2.De mhaolú ar Airteagal 12, córas tríú tír a bhfuil na cosaintí arna ndeonú faoi Threoir 98/26/CE leathnaithe ag Ballstát chuige roimh [Oifig na bhFoilseachán: cuir isteach dáta = teacht i bhfeidhm an Rialacháin seo], measfar é a bheith cláraithe sa Bhallstát sin chun críocha an Rialacháin seo go dtí go gclárófar é i gcomhréir leis an Airteagal sin sa Bhallstát céanna sin nó go dtí [Oifig na bhFoilseachán: cuir isteach dáta = 5 bliana tar éis dháta theacht i bhfeidhm an Rialacháin seo], cibé acu is túisce.

3.Maidir le hordú aistrithe a iontráiltear i gcóras roimh [Oifig na bhFoilseachán: cuir isteach an dáta = dáta theacht i bhfeidhm an Rialacháin seo], ach a shocraítear ina dhiaidh sin, measfar gur ordú aistrithe é chun críocha an Rialacháin seo.

4.Go dtí go mbunófar an bunachar sonraí lárnach i gcomhréir le hAirteagal 26, malartú na faisnéise agus na ndoiciméad, lena n‑áirítear iarratais, cinntí, moltaí, iarrataí, faisnéis, ceisteanna, freagraí agus aon fhógra, a cheanglaítear a sholáthar agus úsáid á baint as an mbunachar sonraí lárnach, déanfar é trí shocruithe malartacha a úsáid.

Airteagal 29

Athbhreithniú

1.Faoin [Oifig na bhFoilseachán cuir isteach an dáta = 6 bliana tar éis dháta theacht i bhfeidhm an Rialacháin seo], déanfaidh an Coimisiún measúnú ar chur i bhfeidhm an Rialacháin seo agus ullmhóidh sé tuarascáil ghinearálta. Cuirfidh an Coimisiún an tuarascáil sin faoi bhráid Pharlaimint na hEorpa agus na Comhairle, mar aon le haon togra iomchuí.

2.Faoin [Oifig na bhFoilseachán: cuir isteach an dáta = 5 bliana tar éis dháta theacht i bhfeidhm an Rialacháin seo] cuirfidh ESMA, i ndlúthchomhar le ÚBE agus CEBC, tuarascáil faoi bhráid an Choimisiúin maidir le feidhmiú an chórais críochnaitheachta socraíochta a leagtar síos sa Rialachán seo.

Airteagal 30

Aisghairm

1.Aisghairtear Treoir 98/26/CE le héifeacht ón [Oifig na bhFoilseachán cuir isteach dáta = dáta theacht i bhfeidhm an Rialacháin seo].

2.Déanfar tagairtí do Threoir 98/26/CE a fhorléiriú mar thagairtí don Rialachán seo agus léifear iad i gcomhréir leis an tábla comhghaoil in Iarscríbhinn 1 a ghabhann leis an Rialachán seo.

Airteagal 31

Leasuithe ar Threoir 2002/47/CE 

Leasaítear Treoir 2002/47/CE mar a leanas:

(1)in Airteagal 1(4), cuirtear na fomhíreanna seo a leanas isteach i bpointe (a):

‘Chun críoch na Treorach seo, áireofar le tagairtí d’airgead tirim, d’ionstraimí airgeadais agus d’éilimh chreidmheasa an cás ina ndéantar iad a eisiúint nó a thaifeadadh trí TMD a úsáid.

Féadfaidh na Ballstáit raon feidhme na n‑ionstraimí airgeadais atá le cumhdach leis an Treoir seo a leathnú chun na hionstraimí dá dtagraítear mar ‘ionstraim airgeadais’ in Airteagal 4(1), pointe (15), de Threoir 2014/65/AE a áireamh i gcás ina bhfuil siad soshannta ar an margadh caipitil.’;

(2)Leasaítear Airteagal 2 mar a leanas:

(a) i mír 1, cuirtear isteach an pointe seo a leanas:

‘(p) ciallaíonn ‘cuntas’ cuntas mar a shainmhínítear in Airteagal 2(1), pointe (26), de [Rialachán (AE).../... maidir le críochnaitheacht socraíochta]’;

(b) cuirtear isteach an mhír seo a leanas:

‘4. Aon tagairt do ‘cuntas’, ‘clárú’ nó ‘clár’, tuigfear go n‑áirítear léi aon chineál taifid leictreonaigh, lena n‑áirítear taifead atá bunaithe ar TMD, lena gcomhlíontar an fheidhm chéanna. Ina theannta sin, le haon treoir nó fógra beifear in ann eochair chripteagrafach nó gaireas nó modh eile a úsáid chun an treoir nó an fógra sin a shíniú go leictreonach.’.

(3)in Airteagal 11, cuirtear isteach an fhomhír seo a leanas i ndiaidh na chéad fhomhíre:

‘De mhaolú ar an gcéad fhomhír, na dlíthe, na rialacháin, agus na forálacha reachtaíochta is gá chun Airteagal 1(4), pointe (a), an chéad fhomhír agus an dara fomhír, Airteagal 2(1), pointe (p), agus Airteagal 2(4) a chomhlíonadh, déanfaidh na Ballstáit iad a thabhairt i bhfeidhm faoin [Oifig na bhFoilseachán: cuir isteach an dáta = 18 mí tar éis dháta theacht i bhfeidhm an Rialacháin seo] ar a dhéanaí. Cuirfidh siad an Coimisiún ar an eolas faoin méid sin láithreach.’.

Airteagal 32

Teacht i bhfeidhm

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh sé ina cheangal go huile agus go hiomlán agus infheidhme go díreach i ngach Ballstát.

Arna dhéanamh sa Bhruiséil,

RÁITEAS REACHTACH AIRGEADAIS AGUS DIGITEACH

1.LEAGAN AMACH AN TOGRA/TIONSCNAIMH3

1.1.Teideal an togra/tionscnaimh3

1.2.Réimsí beartais lena mbaineann3

1.3.Cuspóirí3

1.3.1.Cuspóirí ginearálta3

1.3.2.Cuspóirí sonracha3

1.3.3.An toradh agus an tionchar a mheastar a bheidh ann3

1.3.4.Táscairí feidhmíochta3

1.4.Baineann an togra/tionscnamh le:4

1.5.Foras an togra/tionscnaimh4

1.5.1.Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh4

1.5.2.Breisluach a bhaineann le rannpháirteachas an Aontais (tá rudaí éagsúla a bhféadfadh an breisluach sin eascairt astu, e.g. gnóthachain de thoradh comhordú, deimhneacht dhlíthiúil, breis éifeachtachta nó comhlántachtaí). Chun críocha na roinne seo, is é a chiallaíonn ‘breisluach a bhaineann le rannpháirteachas an Aontais’ an luach a thagann as idirghabháil an Aontais, ar luach breise é le cois an luacha a bheadh ann dá mbeadh na Ballstáit ag feidhmiú astu féin.4

1.5.3.Ceachtanna a foghlaimíodh ó thaithí eile den sórt sin san am a chuaigh thart4

1.5.4.Comhoiriúnacht don chreat airgeadais ilbhliantúil agus sineirgí a d’fhéadfadh a bheith ann le hionstraimí iomchuí eile5

1.5.5.Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh5

1.6.Fad an togra/tionscnaimh agus an fad a mhairfidh an tionchar airgeadais a bheidh aige6

1.7.Na modhanna atá beartaithe chun an buiséad a chur chun feidhme6

2.BEARTA BAINISTÍOCHTA8

2.1.Rialacha faireacháin agus tuairiscithe8

2.2.Córais bainistíochta agus rialaithe8

2.2.1.An réasúnaíocht atá leis na modhanna cur chun feidhme buiséid atá beartaithe, leis na sásraí cur chun feidhme cistithe atá beartaithe, leis na módúlachtaí íocaíochta atá beartaithe agus leis an straitéis rialaithe atá beartaithe8

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú8

2.2.3.Meastachán ar chostéifeachtacht na rialuithe agus an réasúnaíocht atá leis an gcostéifeachtacht sin (an cóimheas idir na costais rialaithe agus luach na gcistí gaolmhara arna mbainistiú), agus measúnú ar an leibhéal riosca earráide a mheastar a bheidh ann (tráth na híocaíochta agus an tráth a dhúnfar an clár)8

2.3.Bearta chun calaois agus neamhrialtachtaí a chosc9

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH10

3.1.Ceannteidil an chreata airgeadais ilbhliantúil agus na línte buiséid caiteachais ar a n‑imreofar tionchar10

3.2.An tionchar airgeadais a mheastar a bheidh ag an togra ar leithreasuithe12

3.2.1.Achoimre ar an tionchar a mheastar a imreofar ar leithreasuithe faoi chomhair oibríochtaí12

3.2.1.1.Leithreasuithe ón mbuiséad ar vótáladh ina fhabhar12

3.2.1.2.Leithreasuithe ó ioncaim shannta sheachtracha17

3.2.2.An t‑aschur a mheastar a chisteofar ó leithreasuithe faoi chomhair oibríochtaí22

3.2.3.Achoimre ar an tionchar a mheastar a imreofar ar leithreasuithe riaracháin24

3.2.3.1. Leithreasuithe ón mbuiséad ar vótáladh ina fhabhar24

3.2.3.2.Leithreasuithe ó ioncaim shannta sheachtracha24

3.2.3.3.Iomlán na leithreasuithe24

3.2.4.Na hacmhainní daonna a mheastar a bheidh riachtanach25

3.2.4.1.Nithe arna maoiniú ón mbuiséad ar vótáladh ina fhabhar25

3.2.4.2.Nithe arna maoiniú ó ioncaim shannta sheachtracha26

3.2.4.3.Iomlán na n‑acmhainní daonna a bheidh riachtanach26

3.2.5.Forléargas ar an tionchar a mheastar a imreofar ar infheistíochtaí a bhaineann le teicneolaíochtaí digiteacha28

3.2.6.Comhoiriúnacht don chreat airgeadais ilbhliantúil reatha28

3.2.7.Ranníocaíochtaí ó thríú páirtithe28

3.3.An tionchar a mheastar a imreofar ar ioncam29

4.Gnéithe digiteacha29

4.1.Ceanglais a bhaineann le cúrsaí digiteacha30

4.2.Sonraí30

4.3.Réitigh dhigiteacha31

4.4.Measúnú idir-inoibritheachta31

4.5.Bearta chun tacú le cur chun feidhme digiteach32

1.LEAGAN AMACH AN TOGRA/TIONSCNAIMH 

1.1.Teideal an togra/tionscnaimh

1.2.Réimsí beartais lena mbaineann 

1.3.Cuspóirí

1.3.1.Cuspóirí ginearálta

1.3.2.Cuspóirí sonracha

1.3.3.An toradh agus an tionchar a mheastar a bheidh ann

Sonraigh an tionchar a bheadh ag an togra/tionscnamh ar na tairbhithe/grúpaí ar a bhfuil sé dírithe.

1.3.4.Táscairí feidhmíochta

Sonraigh na táscairí chun faireachán a dhéanamh ar dhul chun cinn agus ar ghnóthachain.

1.4.Baineann an togra/tionscnamh le: 

 beart nua 

 beart nua a leanann treoirthionscadal / réamhbheart 40  

 síneadh ar bheart atá ann cheana 

 beart nó bearta a chumasc nó a atreorú i dtreo beart eile/beart nua

1.5.Foras an togra/tionscnaimh 

1.5.1.Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh

1.5.2.Breisluach a bhaineann le rannpháirteachas an Aontais (tá rudaí éagsúla a bhféadfadh an breisluach sin eascairt astu, e.g. gnóthachain de thoradh comhordú, deimhneacht dhlíthiúil, breis éifeachtachta nó comhlántachtaí). Chun críocha na roinne sin, is é a chiallaíonn ‘breisluach a bhaineann le rannpháirteachas an Aontais’ an luach a thagann as idirghabháil an Aontais, ar luach breise é le cois an luacha a bheadh ann dá mbeadh na Ballstáit ag feidhmiú astu féin.

1.5.3.Ceachtanna a foghlaimíodh ó thaithí eile den sórt sin san am a chuaigh thart

1.5.4.Comhoiriúnacht don chreat airgeadais ilbhliantúil agus sineirgí a d’fhéadfadh a bheith ann le hionstraimí iomchuí eile

1.5.5.Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh

1.6.Fad an togra/tionscnaimh agus an fad a mhairfidh an tionchar airgeadais a bheidh aige

 tréimhse theoranta

–    i bhfeidhm ón [LL/MM]BBBB go dtí an [LL/MM]BBBB

–    tionchar airgeadais ó BBBB go BBBB maidir le leithreasuithe faoi chomhair gealltanas agus ó BBBB go BBBB maidir le leithreasuithe faoi chomhair íocaíochtaí.

 tréimhse neamhtheoranta

–Cuirfear chun feidhme é le linn na tréimhse tosaigh 2028

–agus cuirfear ag feidhmiú go hiomlán ina dhiaidh sin é.

1.7.An modh/na modhanna atá beartaithe chun an buiséad a chur chun feidhme 41   

 Bainistíocht dhíreach a dhéanann an Coimisiún

– ina ranna, lena n‑áirítear an chuid sin den fhoireann atá i dtoscaireachtaí an Aontais;

–trí na gníomhaireachtaí feidhmiúcháin

 Bainistíocht atá comhroinnte leis na Ballstáit

 Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

– tríú tíortha nó na comhlachtaí a d’ainmnigh siad

– eagraíochtaí idirnáisiúnta agus a ngníomhaireachtaí (tabhair sonraí)

– an Banc Eorpach Infheistíochta agus an Ciste Eorpach Infheistíochta

– comhlachtaí dá dtagraítear in Airteagail 70 agus 71 den Rialachán Airgeadais

– comhlachtaí dlí poiblí

– comhlachtaí arna rialú ag an dlí príobháideach agus a bhfuil misean seirbhíse poiblí acu sa mhéid go soláthraítear ráthaíochtaí airgeadais leordhóthanacha dóibh

– comhlachtaí arna rialú ag dlí príobháideach Ballstáit, ar comhlachtaí iad a bhfuil sé de chúram orthu comhpháirtíocht phríobháideach phoiblí a chur chun feidhme agus dá soláthraítear ráthaíochtaí airgeadais leordhóthanacha

– comhlachtaí nó daoine a bhfuil sé de chúram orthu bearta sonracha de chuid an chomhbheartais eachtraigh agus slándála a chur chun feidhme de bhun Theideal V den Chonradh ar an Aontas Eorpach, ar comhlachtaí nó daoine iad a aithnítear sa bhunghníomh ábhartha

–comhlachtaí arna mbunú i mBallstát, arna rialú ag dlí príobháideach Ballstáit nó ag dlí an Aontais agus atá incháilithe le go gcuirfear de chúram orthu, i gcomhréir le rialacha earnáilsonracha, cistí an Aontais nó ráthaíochtaí buiséadacha a chur chun feidhme, a mhéid a bhíonn na comhlachtaí sin á rialú ag comhlachtaí dlí poiblí nó ag comhlachtaí arna rialú ag an dlí príobháideach a bhfuil misean seirbhíse poiblí acu, agus a mhéid a sholáthraíonn na comhlachtaí rialúcháin ráthaíochtaí airgeadais leordhóthanacha dóibh i bhfoirm dliteanas comhpháirteach agus leithleach nó ráthaíochtaí airgeadais coibhéiseacha, agus ar ráthaíochtaí iad a d’fhéadfadh, le haghaidh gach birt, a bheith teoranta d’uasmhéid thacaíocht an Aontais.

Nótaí

2.BEARTA BAINISTÍOCHTA 

2.1.Rialacha faireacháin agus tuairiscithe 

2.2.Córais bainistíochta agus rialaithe 

2.2.1.An bonn cirt atá leis an modh/na modhanna cur chun feidhme buiséid atá beartaithe, leis na módúlachtaí íocaíochta agus leis an straitéis rialaithe atá beartaithe

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú

2.2.3.Meastachán ar chostéifeachtacht na rialuithe agus an réasúnaíocht atá leis an gcostéifeachtacht sin (an cóimheas idir na costais rialaithe agus luach na gcistí gaolmhara arna mbainistiú), agus measúnú ar an leibhéal riosca earráide a mheastar a bheidh ann (tráth na híocaíochta agus an tráth a dhúnfar an clár) 

2.3.Bearta chun calaois agus neamhrialtachtaí a chosc 

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH 

3.1.Ceannteidil an chreata airgeadais ilbhliantúil agus na línte buiséid caiteachais ar a n‑imreofar tionchar 

·Línte buiséid atá ann cheana

In ord cheannteidil agus línte buiséid an chreata airgeadais ilbhliantúil.

·Línte nua buiséid atá á n‑iarraidh

In ord cheannteidil agus línte buiséid an chreata airgeadais ilbhliantúil.

3.2.An tionchar airgeadais a mheastar a bheidh ag an togra ar leithreasuithe 

3.2.1.Achoimre ar an tionchar a mheastar a imreofar ar leithreasuithe faoi chomhair oibríochtaí 

–    Ní éilíonn an togra/tionscnamh go n‑úsáidfear leithreasuithe faoi chomhair oibríochtaí

–    Éilíonn an togra/tionscnamh go n‑úsáidfear leithreasuithe faoi chomhair oibríochtaí, mar a mhínítear thíos

3.2.1.1.Leithreasuithe ón mbuiséad ar vótáladh ina fhabhar

EUR milliúin (go dtí an tríú deachúil)

EUR milliúin (go dtí an tríú deachúil)

Tuairisc ar acmhainní breise:

Tugtar le tuiscint leis an tionscnamh acmhainní breise chun na cúraimí arna sannadh ag na comhreachtóirí a chur i gcrích, go háirithe maidir le ról nua ÚBE agus ESMA sna cúraimí seo a leanas: cúnamh maidir le hainmniú córas de chuid an Aontais ag an Rialachán maidir le Críochnaitheacht Socraíochta a bheith á chur chun feidhme ar bhealach cóineasaithe ag na Ballstáit agus cumarsáid le hoibreoirí córais agus comhordú i measc na mBallstát maidir le húdarú córas tríú tíortha ag an Rialachán maidir le Críochnaitheacht Socraíochta. Chuige sin, meastar go mbeadh gá le 2 choibhéiseach lánaimseartha oilte agus bhuana chun na cúraimí sin a dhéanamh, 1 ag ÚBE agus 1 ag ESMA. Éilíonn na cúraimí sin eolas maith ar an dlí dócmhainneachta agus ar reachtaíocht maidir le bonneagar an mhargaidh airgeadais. Ní mór do choibhéisigh lánaimseartha a bheith in ann measúnú a dhéanamh ar réasúnaíocht údaráis inniúla na mBallstát maidir leis an gcaoi a bhfuil comhoiriúnacht rialacha córais i gcomhréir leis an dlí dócmhainneachta (náisiúnta) agus a áirithiú go bhfuil córais an Aontais ainmnithe ar bhealach comhsheasmhach ag na Ballstáit, agus reachtaíocht earnálach á cur san áireamh freisin. Is amhlaidh atá i gcás chórais an Aontais chomh maith le córais tríú tír.

Ceanglaítear ar ESMA bunachar sonraí lárnach leictreonach a bhunú agus a reáchtáil le himeacht ama mar a cheanglaítear faoi Airteagal 26 den Rialachán maidir le Críochnaitheacht Socraíochta. Leis an mbunachar sonraí lárnach, éascaítear malartú faisnéise agus doiciméad atá ábhartha do na faighteoirí faoin Rialachán seo, lena n‑áirítear córais an Aontais agus córais tríú tíortha a ainmniú agus a chlárú, chomh maith le faisnéis áirithe a fhoilsiú. Déantar foráil in Airteagal 26 freisin maidir le rochtain do na húdaráis inniúla, do na húdaráis chlárúcháin agus do na húdaráis inniúla náisiúnta ar chórais íocaíochta, socraíochta agus imréitigh. Ós rud é go bhfuil ÚBE, i ndlúthchomhar le CEBC, freagrach as córais íocaíochta, beidh rochtain ag teastáil ó bhainc cheannais agus ó ÚBE freisin.

Leis an mbunachar sonraí lárnach, ceanglófar ar ESMA bonneagar iomchuí TF a chur ar bun chun tarchur agus stóráil shábháilte, éifeachtúil agus éifeachtach na faisnéise, na ndoiciméad agus na cumarsáide idir páirtithe leasmhara ábhartha (e.g. córais ainmnithe, údaráis inniúla, etc.) a áirithiú mar a fhorordaítear faoin Rialachán maidir le Críochnaitheacht Socraíochta. Ba cheart an bunachar sonraí lárnach a cheanglaítear faoin Rialachán maidir le Críochnaitheacht Socraíochta a bheith mar an gcéanna leis an gcóras a cheanglaítear faoi Airteagal 17c de EMIR, Airteagal 21a de CSDR, Airteagal 38ea de MiFIR, agus Airteagal 35c de Rialachán ESMA. Ós rud é go mbunaítear an bunachar sonraí lárnach sin faoi shainordú níos luaithe, i.e. Rialachán (AE) 2024/2987 (‘EMIR 3’), níor cheart go léireodh na costais a bhaineann leis an mbunachar sonraí lárnach a chur ar bun agus a chothabháil go leanúnach faoin Rialachán maidir le Críochnaitheacht Socraíochta ach an méadú coibhneasta ar na costais sin chun an bunachar sonraí lárnach a chur chun feidhme mar a cheanglaítear faoin Rialachán maidir le Críochnaitheacht Socraíochta. Áirítear leis sin an costas breise a bhaineann le rochtain a éascú do na páirtithe leasmhara breise a gceanglaítear orthu rochtain a bheith acu ar an mbunachar sonraí lárnach faoin Rialachán maidir le Críochnaitheacht Socraíochta (thart ar 60 eintiteas), chomh maith leis an gcostas stórála le haghaidh na faisnéise, na doiciméadachta agus na cumarsáide breise a choinneofaí sa bhunachar sonraí agus/nó a tharchuirfí tríd an mbunachar sonraí. Ionchorpraítear na costais sin sna figiúirí a sholáthraítear i ndoiciméad an Mháistir-Rialacháin 46 a bhaineann le “Bunachar Sonraí Lárnach agus ardán maoirseachta ESMA do chontrapháirtithe lárnacha, do thaisclanna lárnacha urrús agus d’ionaid trádála” (féach Roinn 4.3 den Mháistir-Rialachán, chomh maith le Codanna D agus E den roinn maidir le Toimhdí Sonracha san Iarscríbhinn a ghabhann leis an Rialachán sin) agus dá bhrí sin ní chuirtear i láthair ar leithligh anseo iad.

Meastacháin chostais:

Tá ríomh na gcostas bunaithe ar threoir ó Ard-Stiúrthóireacht an Bhuiséid don chatagóir pearsanra: Gníomhaire ar conradh, bunaithe ar mheánchostas gníomhaire shealadaigh in 2025 (i.e. EUR 0.084 milliún) agus ina bhfuil:

Ráta boilscithe 2 % ag tosú in 2027;

Comhéifeacht cheartúcháin tuarastail 114.2 % do Pháras, i gcás ina bhfuil ESMA agus ÚBE araon lonnaithe;

Áirítear méid EUR 30.000 in aghaidh na bliana a chomhfhreagraíonn do chaiteachas oibriúcháin, costais a bhaineann le foirgnimh agus TF go príomha, de réir phraghas caighdeánach 2025, faoi réir bhoilsciú 2 %.

Maoineofar an caiteachas thuas: 1/ i gcás ÚBE, suas le 40 % trí fhóirdheontas ón gCoimisiún agus suas le 60 % ó na húdaráis inniúla náisiúnta (ÚINanna), i gcomhréir le Rialachán bunaidh na ÚMEnna seo; 2/ i gcás ESMA, suas le 50 % trí fhóirdheontas ón gCoimisiún agus suas le 50 % ó na húdaráis inniúla náisiúnta (ÚIN) go docht toisc go mbaineann sé le cúraimí breise nua a cheanglaítear le pacáiste an Aontais Coigiltis agus Infheistíochta.

Bunaithe ar dháta teacht i bhfeidhm sa bhliain 2027 agus i bhfianaise na moille 12 mhí do ghníomhaireachtaí dréachtaí de ghníomhartha tarmligthe tosaigh a chur isteach, is é an toimhde a choinnítear go mbeidh coibhéisí lánaimseartha breise i bhfeidhm ó thús na bliana 2028.

EUR milliúin (go dtí an tríú deachúil)

3.2.2.An t‑aschur a mheastar a chisteofar ó leithreasuithe faoi chomhair oibríochtaí

Leithreasuithe faoi chomhair gealltanas in EUR milliúin (go dtí an tríú deachúil)

3.2.3.Achoimre ar an tionchar a mheastar a imreofar ar leithreasuithe riaracháin

–Ní éilíonn an togra/tionscnamh go n‑úsáidfear leithreasuithe de chineál riaracháin

–    Éilíonn an togra/tionscnamh go n‑úsáidfear leithreasuithe de chineál riaracháin, mar a mhínítear thíos

3.2.3.1. Leithreasuithe ón mbuiséad ar vótáladh ina fhabhar

3.2.4.Na hacmhainní daonna a mheastar a bheidh riachtanach

–    Ní éilíonn an togra/tionscnamh go n‑úsáidfear acmhainní daonna

–    Éilíonn an togra/tionscnamh go n‑úsáidfear acmhainní daonna, mar a mhínítear thíos

3.2.4.1.Nithe arna maoiniú ón mbuiséad ar vótáladh ina fhabhar

Sloinnfear an meastachán in aonaid de choibhéis lánaimseartha 50

3.2.5.Forléargas ar an tionchar a mheastar a imreofar ar infheistíochtaí a bhaineann le teicneolaíochtaí digiteacha

Éigeantach: na hinfheistíochtaí atá i gceist leis an togra/tionscnamh seo arb infheistíochtaí iad a bhaineann le teicneolaíochtaí digiteacha, ba cheart meastachán chomh maith agus is féidir ina dtaobh a chur sa tábla thíos.

Go heisceachtúil, ba cheart na leithreasuithe faoi Cheannteideal 4 a chur sa líne atá ainmnithe chuige sin, i gcásanna inar gá sin chun an togra/tionscnamh a chur chun feidhme.

Is mar ‘Chaiteachas beartais ar uirlisí TF i dtaca le cláir oibríochtúla’ is ceart na leithreasuithe faoi Cheannteidil 1-3 a chur in iúl. Is é rud dá dtagraíonn an caiteachas sin an buiséad oibríochtúil atá le húsáid i gcomhair athúsáid/ ceannach/ forbairt ardán/uirlisí TF atá nasctha go díreach le cur chun feidhme an tionscnaimh, agus i gcomhair na n‑infheistíochtaí a bhaineann leis na hardáin/uirlisí sin (e.g. ceadúnais, staidéir, stóráil sonraí etc). An fhaisnéis a sholáthraítear sa tábla seo, ba cheart í a bheith comhsheasmhach leis na mionsonraí a chuirtear i láthair faoi Roinn 4 ‘Gnéithe digiteacha’.

3.2.6.Comhoiriúnacht don chreat airgeadais ilbhliantúil reatha

I gcás an togra/tionscnaimh seo:

–    is féidir é a mhaoiniú ina iomláine trí athshannadh laistigh den cheannteideal ábhartha den chreat airgeadais ilbhliantúil (CAI)

–    is gá an corrlach gan leithdháileadh faoin gceannteideal ábhartha de CAI a úsáid agus/nó na hionstraimí speisialta a shainítear sa Rialachán maidir le CAI a úsáid

–    is gá athbhreithniú a dhéanamh ar CAI

3.2.7.Ranníocaíochtaí ó thríú páirtithe

I gcás an togra/tionscnaimh seo:

–    ní dhéantar foráil maidir le cómhaoiniú le tríú páirtithe

–    déantar foráil maidir leis an gcómhaoiniú le tríú páirtithe atá réamh-mheasta thíos:

Leithreasuithe in EUR milliúin (go dtí an tríú deachúil)

3.2.8.Na hacmhainní daonna a mheastar atá riachtanach agus na leithreasuithe a mheastar is gá a úsáid i ngníomhaireacht dhíláraithe

Riachtanais foirne (in aonaid de choibhéis lánaimseartha)

Leithreasuithe a chumhdaítear leis an ranníocaíocht ó bhuiséad an Aontais in EUR milliúin (go dtí an tríú deachúil)

Leithreasuithe a chumhdaítear le táillí, más infheidhme, in EUR milliúin (go dtí an tríú deachúil)

Ní bhaineann le hábhar

Leithreasuithe a chumhdaítear le cómhaoiniú, más infheidhme, in EUR milliúin (go dtí an tríú deachúil)

Rannchuidiú na n‑údarás inniúil náisiúnta leis an Údarás Baincéireachta Eorpach 51  

Rannchuidiú na n‑údarás inniúil náisiúnta leis an Údarás Eorpach um Urrúis agus Margaí 52  

Forbhreathnú/achoimre ar na hacmhainní daonna agus na leithreasuithe (in EUR milliún) atá riachtanach i gcomhair an togra/tionscnaimh i ngníomhaireacht dhíláraithe