AN COIMISIÚN EORPACH

An Bhruiséil,12.11.2025

COM(2025) 701 final

2025/0355(NLE)

Togra le haghaidh

CINNEADH ÓN gCOMHAIRLE

maidir le síniú an Choinbhinsiúin lena mbunaítear an Coimisiún Idirnáisiúnta Éileamh don Úcráin

MEABHRÁN MÍNIÚCHÁIN

Leis an togra seo, tá an Coimisiún ag iarraidh údarú ón gComhairle chun an Coinbhinsiún lena mbunaítear Coimisiún Idirnáisiúnta Éileamh don Úcráin agus an Ionstraim Chríochnaitheach a shíniú thar ceann an Aontais.

1.COMHTHÉACS AN TOGRA

·Forais agus cuspóirí an togra

An 14 Samhain 2022, ghlac Comhthionól Ginearálta na Náisiún Aontaithe rún ES‑11/5 1 , dar teideal ‘Leigheas agus cúiteamh a chur chun cinn i leith fogha i gcoinne na hÚcráine’, inar aithin an Comhthionól Ginearálta nach mór Cónaidhm na Rúise a thabhairt chun cuntais as aon sárú ar an dlí idirnáisiúnta san Úcráin nó i gcoinne na hÚcráine, lena n‑áirítear a fogha a sháraigh Cairt na Náisiún Aontaithe, chomh maith le haon sárú ar an dlí daonnúil idirnáisiúnta agus ar an dlí idirnáisiúnta um chearta an duine, agus nach mór di a bheith thíos le hiarmhairtí dlíthiúla a gníomhartha uile ar gníomhartha iad atá ina n‑éagóir ar an leibhéal idirnáisiúnta, lena n‑áirítear cúiteamh a thabhairt i leith na díobhála, lena n‑áirítear aon damáiste, a dhéanann na gníomhartha sin.

Aithníodh sa Rún gur gá sásra idirnáisiúnta a bhunú, i gcomhar leis an Úcráin, chun go gcúiteofar damáiste, caillteanas nó díobháil a eascraíonn as gníomhartha Chónaidhm na Rúise san Úcráin nó ina coinne, ar gníomhartha atá ina n‑éagóir ar an leibhéal idirnáisiúnta; agus moladh ann go ndéanfadh na Ballstáit, i gcomhar leis an Úcráin, clár idirnáisiúnta damáiste a chruthú a d’fheidhmeodh mar thaifead, i bhfoirm dhoiciméadach, ar fhianaise agus ar fhaisnéis maidir le héilimh i ndáil le damáiste, caillteanas nó díobháil a bhain do gach duine nádúrtha agus dlítheanach lena mbaineann, agus do Stát na hÚcráine, de dheasca ghníomhartha Chónaidhm na Rúise san Úcráin nó ina coinne, ar gníomhartha iad atá ina n‑éagóir ar an leibhéal idirnáisiúnta, agus dhéanfaí bailiú fianaise a chur chun cinn agus a chomhordú leis an gclár céanna chomh maith. I gcomhréir le Rún ó Chomhthionól Ginearálta na Náisiún Aontaithe, ghlac na Stáit cur chuige céim ar chéim, agus roghnaigh siad an clár a bhunú ar dtús, rud a bheidh le leanúint ag na gnéithe eile den sásra cúitimh, is iad sin, coimisiún éileamh agus ciste cúitimh.

An 12 Bealtaine 2023, ghlac Coiste Airí Chomhairle na hEorpa Rún CM/Res(2023)3 2 lena mbunaítear an Páirt‑Chomhaontú Méadaithe maidir le Clár an Damáiste arna dhéanamh ag Fogha Chónaidhm na Rúise faoin Úcráin (dá ngairtear anseo feasta: ‘Clár’). Chuaigh an tAontas isteach sa Pháirt‑chomhaontú Méadaithe maidir leis an gClár mar Chomhalta Comhlach bunaidh i mí na Bealtaine 2023 3 agus d’athraigh sé a stádas ó Chomhalta Comhlach go Rannpháirtí i mí Iúil 2024 4 , rud a d’athdhearbhaigh tiomantas daingean an Aontais do ghníomhaíochtaí an Chláir, lena n‑áirítear tríd an ranníocaíocht éigeantach bhliantúil a íoc.

Ar imeall na Comhdhála Aireachta ‘Ceartas don Úcráin a athbhunú’ an 2 Aibreán 2024, sheol an Clár a ghníomhaíochtaí go hoifigiúil. Sa chomhthéacs sin, chomhaontaigh na Stáit leasmhara tús a chur le plé ar dhréachtionstraim maidir le coimisiún éileamh a bhunú mar chomhlacht riaracháin chun éilimh incháilithe a athbhreithniú, a mheasúnú agus a chinneadh agus chun méid an chúitimh atá dlite i ngach cás a chinneadh; agus go háirithe, chun cur le hobair an Chláir.

D’ullmhaigh Rúnaíocht an Chláir ‘dréacht nialais’ den ionstraim lena mbunaítear an Coimisiún Éileamh a bheidh ann amach anseo (dá ngairtear anseo feasta: ‘dréachtionstraim’) agus, in éineacht leis an Úcráin agus leis an Ísiltír, d’eagraigh siad ceithre chruinniú ullmhúcháin idir mí Iúil 2024 agus mí Eanáir 2025 chun réamhthuairimí a mhalartú maidir leis an dréacht sin agus maidir lena leaganacha athbhreithnithe breise. Tugadh cuireadh do na 94 Stát ar fad a vótáil i bhfabhar an rúin thuasluaite ó Chomhthionól Ginearálta na Náisiún Aontaithe freastal ar na cruinnithe.

An 17 Márta 2025, ghlac an Chomhairle Cinneadh 5 lena n‑údaraítear don Choimisiún a bheith rannpháirteach, thar ceann an Aontais, sa chaibidlíocht maidir leis an dréacht‑ionstraim lena mbunaítear an Coimisiún Idirnáisiúnta Éileamh don Úcráin (‘an Coimisiún Éileamh’).

Ghlac thart ar 55 thoscaireacht, lena n‑áirítear an tAontas agus na Ballstáit uile, páirt sna ceithre chruinniú den chaibidlíocht a tionóladh sa Háig idir mí an Mhárta agus mí Mheán Fómhair 2025. Tionóladh na chéad trí chruinniú i gcomhthéacs an Choiste Caibidlíochta Idir-Rialtasaigh maidir le Conradh Idirnáisiúnta chun Coimisiún Éileamh don Úcráin (‘CCI’) a bhunú. Ag a tríú cruinniú, chinn CCI an Conradh Idirnáisiúnta a fhorbairt mar choinbhinsiún de chuid Chomhairle na hEorpa (‘dréacht‑Choinbhinsiún’). Dá bhrí sin, tionóladh an ceathrú babhta caibidlíochta i mí Mheán Fómhair 2025 i gcomhthéacs an chéad chruinnithe den Choiste Ad‑hoc maidir le Coimisiún Idirnáisiúnta Éileamh don Úcráin a Bhunú (CAHEC). Phléigh agus d’fhormheas CAHEC an dréacht‑Choinbhinsiún chomh maith leis na Rialacha Nós Imeachta, an Rún agus an Ionstraim Chríochnaitheach lena nglacadh ag an gComhdháil Taidhleoireachta an 16 Nollaig 2025. Áireofar san Ionstraim Chríochnaitheach an Coinbhinsiún, Rún, agus tuarascáil chruinnithe na Comhdhála Taidhleoireachta mar iarscríbhinní.

Rannchuidigh an Coimisiún go gníomhach, i ndlúthchomhar leis an tSeirbhís Eorpach Gníomhaíochta Seachtraí (SEGS), leis an gcaibidlíocht ar bhonn na gcuspóirí a leagtar amach i dtreoracha caibidlíochta na Comhairle agus tuairiscíodh go rialta é do Mheitheal na Comhairle um an Eagraíocht um Shlándáil agus Comhar san Eoraip agus do Chomhairle na hEorpa (COSCE) de bhun an Chinnidh thuasluaite.

Sonraítear an méid seo a leanas sa Dréachtchoinbhinsiún, atá i gceangal leis an togra seo:

(1)Coimisiún na nÉileamh mar chomhlacht riaracháin neamhspleách ag a bhfuil pearsantacht dhlítheanach idirnáisiúnta laistigh de chreat institiúideach Chomhairle na hEorpa. Is é an Coimisiún Éileamh an dara comhpháirt den sásra cúitimh idirnáisiúnta. Ba cheart leanúint d’fheidhmeanna an Chláir mar chuid den Choimisiún Éileamh, a thagann chun bheith ina chomharba dlíthiúil ar an gClár, a fhaigheann a ardán digiteach, a shonraí agus a chartlanna.

(2)Soiléirítear sa Choinbhinsiún gurb amhlaidh, cé go dtugtar aghaidh leis ar ghníomhartha éagóracha idirnáisiúnta arna ndéanamh ag Cónaidhm na Rúise san Úcráin nó faoin Úcráin an 24 Feabhra 2022 nó ina dhiaidh sin, nach scaoiltear leis sin Cónaidhm na Rúise as aon fhreagracht as na gníomhartha éagóracha idirnáisiúnta a rinne sí san Úcráin nó faoin Úcráin an 20 Feabhra 2014 nó ina dhiaidh sin, ná ní choisceann sé go bhféadfaí an Coinbhinsiún a leasú amach anseo chun a raon feidhme ama a leathnú go dtí an 20 Feabhra 2014.

(3)Féadfaidh aon Stát, an tAontas agus aon Eagraíocht um Chomhtháthú Réigiúnach eile a bheith ina Chomhalta den Choimisiún Éileamh. Ní mór do na comhaltaí ranníocaíochtaí bliantúla a íoc chun Coimisiún na nÉileamh a mhaoiniú go dtí go n‑íocfaidh Cónaidhm na Rúise na costais. Is iondúil nach mbíonn ceart vótála ag breathnóirí, ach faigheann siad siúd a dhéanann ranníocaíochtaí deonacha suntasacha cearta vótála le haghaidh tuarascálacha airgeadais sonracha agus an bhuiséid.

(4)Má lorgaíonn Cónaidhm na Rúise ballraíocht, ní mór di dearbhú a dhéanamh lena n‑aontaítear freagracht a ghlacadh as gach damáiste, cúiteamh a mhaoiniú, agus costais na gComhaltaí agus na mBreathnóirí uile a aisíoc ó dháta theacht i bhfeidhm an Choinbhinsiúin.

An 22 Deireadh Fómhair 2025, ghlac Coiste Airí Chomhairle na hEorpa an dréacht‑Choinbhinsiún go sealadach. Déanfaidh Comhairle na hEorpa agus Ríocht na hÍsiltíre Comhdháil Taidhleoireachta a chomhóstáil ar leibhéal na n‑airí an 16 Nollaig 2025 sa Háig maidir leis an méid seo a leanas: (i) an Coinbhinsiún, an Rún agus an Ionstraim Chríochnaitheach a ghlacadh; agus (ii) síniú na hIonstraime Críochnaithí, lena n‑áirítear an Coinbhinsiún, an Rún, agus tuarascáil chruinnithe na Comhdhála Taidhleoireachta mar iarscríbhinní.

Is é is cuspóir don togra seo, dá bhrí sin, a áirithiú go n‑údarófar don Choimisiún an Ionstraim Chríochnaitheach a shíniú, thar ceann an Aontais, lena n‑áirítear, inter alia, an Coinbhinsiún agus an Rún mar iarscríbhinní, agus an Coinbhinsiún féin faoi réir a thabhairt i gcrích tráth níos déanaí.

·Comhsheasmhacht le forálacha beartais atá sa réimse beartais cheana

Tá an togra seo comhsheasmhach leis na gníomhaíochtaí a rinne an tAontas mar fhreagairt ar chogadh foghach Chónaidhm na Rúise i gcoinne na hÚcráine a seoladh i mí Feabhra 2022. Comhdhlúthaítear leis tiomantas an Aontais seasamh leis an dlí idirnáisiúnta, cuntasacht a áirithiú as coireanna idirnáisiúnta a dhéanamh san Úcráin agus i gcoinne na hÚcráine, agus tacú le ceart na hÚcráine chun ceartais agus chun cúiteamh iomlán a fháil.

Go háirithe, cuireann an togra seo go díreach le tiomantas an Aontais sásra cúitimh a bhunú don Úcráin, lena n‑áirítear a rannpháirtíocht sa Chlár. Fógraíodh an Clár ag an 4ú Cruinniú Mullaigh de Cheannairí Stáit agus Rialtais Chomhairle na hEorpa i Réicivíc (an 16-17 Bealtaine 2023), chun go bhfeidhmeodh sé mar thaifead, i bhfoirm dhoiciméadach, ar fhianaise agus ar fhaisnéis maidir le héilimh i ndáil le damáiste, caillteanas nó díobháil a bhain do gach duine nádúrtha agus dlítheanach lena mbaineann, agus do Stát na hÚcráine, de dheasca ghníomhartha Chónaidhm na Rúise san Úcráin nó ina coinne an 24 Feabhra 2022 nó ina dhiaidh sin ar chríoch na hÚcráine, ar gníomhartha iad atá éagórach go hidirnáisiúnta. Mar a luaitear thuas, chuaigh an tAontas isteach sa Pháirt‑chomhaontú Méadaithe maidir leis an gClár ón tús mar Chomhalta Comhlach bunaidh, rud a chuir lena ghealltanas a thuilleadh i mí Iúil 2024 trí bheith ina Rannpháirtí iomlán.

An 9 Iúil 2025, d’fhormheas Coiste na nAirí síneadh a chur leis an gClár tar éis mhí na Bealtaine 2026 trí Rún CM/Res(2025)3 6 a ghlacadh lena ndeimhnítear bunú an Pháirt‑Chomhaontaithe Mhéadaithe maidir le Clár an Damáiste arna dhéanamh ag Fogha Chónaidhm na Rúise faoin Úcráin.

Mar a fhoráiltear leis an Dréacht‑Choinbhinsiún maidir leis an gCoimisiún Idirnáisiúnta Éileamh don Úcráin, chomh maith le Rún CM/Res(2023)3 lena mbunaítear an Páirt‑chomhaontú Méadaithe maidir le Clár an Damáiste, ba cheart ardán digiteach an Chláir a áireamh in aistriú obair an Chláir chuig an gCoimisiún Éileamh, lena n‑áirítear an fhaisnéis uile faoi éilimh agus fianaise atá ann, doiciméadacht eile, a chartlanna, a mhaoin shochorraithe agus dhochorraithe, lena n‑áirítear, ach gan a bheith teoranta dóibh, cuntais bhainc, trealamh TF, bogearraí agus aon cheadúnas a ghabhann leo, conarthaí, agus socruithe an Chláir, chomh maith le haon sonraí gaolmhara, ar bhealach go mbeidh an Coimisiún Éileamh ina chomharba dlíthiúil ar an gClár.

Tacaíodh go príomha le bunú an tsásra idirnáisiúnta cúitimh don Úcráin tríd an Rialachán maidir leis an tSaoráid don Úcráin 7 , a glacadh ar bhonn Airteagal 212 CFAE. I measc a cuspóirí, tá sé d’aidhm ag an tSaoráid ‘tacú le tionscnaimh agus comhlachtaí agus eagraíochtaí a bhfuil baint acu le tacú leis an daonlathas, leis an gceartas idirnáisiúnta agus le hiarrachtaí frithéillithe san Úcráin agus iad a fhorfheidhmiú’ (Airteagal 3(i)) agus ‘comhlíonadh an dlí idirnáisiúnta a neartú’ (Airteagal 3(h)). I gcomhréir le hAirteagal 34(3) den Rialachán maidir leis an tSaoráid don Úcráin, tá tacaíocht airgeadais á tabhairt ag an Aontas do ‘phróisis lena gcuirtear chun cinn an ceartas, lorg na fírinne, athshlánú cuimsitheach iarchoinbhleachta ar mhaithe le sochaí chuimsitheach shíochánta, chomh maith le fianaise ar choireanna a rinneadh le linn an chogaidh a bhailiú’, amhail an Clár agus an Lárionad Idirnáisiúnta um Ionchúiseamh Choir an Fhogha faoin Úcráin (ICPA).

·Comhsheasmhacht le beartais eile de chuid an Aontais

2.TORTHAÍ Ó CHOMHAIRLIÚCHÁIN LEIS NA PÁIRTITHE LEASMHARA AGUS Ó MHEASÚNUITHE TIONCHAIR

·Meastóireachtaí ex post/seiceálacha oiriúnachta ar an reachtaíocht atá ann cheana

·Comhairliúcháin leis na páirtithe leasmhara

·Bailiú agus úsáid saineolais

·Measúnú tionchair

·Oiriúnacht rialála agus simpliú

·Cearta bunúsacha

3.EILIMINTÍ DLÍ AN TOGRA

·Bunús dlí

Is é Airteagal 212 CFAE an bunús dlí substainteach le glacadh an Chinnidh ón gComhairle lena n‑údaraítear síniú an Choinbhinsiúin. Glacadh Cinneadh (AE) 2025/702 ón gComhairle maidir le rannpháirtíocht an Choimisiúin sa chaibidlíocht ar an gCoimisiún Éileamh thar ceann an Aontais ar bhonn comhionann ar bhunús dlí substainteach Airteagal 212 CFAE.

Thairis sin, tá úsáid an bhunúis dlí sin ailínithe freisin le Cinneadh (AE) 2024/2045 ón gComhairle maidir leis an athrú ar stádas an Aontais i gClár an Damáiste ó Chomhalta Comhlach go Rannpháirtí, Ionstraim Shaoráid na hÚcráine arna bunú le Rialachán (AE) 2024/792 mar fhoinse le haghaidh cúnamh airgeadais don sásra cúitimh don Úcráin.

Is é Airteagal 218(5) CFAE an bunús dlí nós imeachta chun an Cinneadh ón gComhairle lena n‑údaraítear síniú an Choinbhinsiúin a ghlacadh.

Mar a léirítear sna rúin ó Chomhthionól Ginearálta na Náisiún Aontaithe dá dtagraítear thuas agus i mbrollach an Dréachtchoinbhinsiúin, bunófar an Coimisiún Éileamh chun a áirithiú go ndéanfar íospartaigh fhogha Chónaidhm na Rúise faoin Úcráin, ar sárú follasach é ar Airteagal 2(4) de Chairt na Náisiún Aontaithe, a chúiteamh go cuí as an damáiste a d’fhulaing siad mar thoradh ar ghníomhartha na Rúise, gníomhartha atá ina n‑éagóir ar an leibhéal idirnáisiúnta, i gcomhréir leis an dlí idirnáisiúnta. Dá bhrí sin, beidh bunú an tsásra sin mar chuid d’iarrachtaí an chomhphobail idirnáisiúnta urraim do chearta an duine agus do phrionsabail an dlí idirnáisiúnta a áirithiú, chomh maith leis an tsíocháin agus an tslándáil idirnáisiúnta. Ó thaobh an Aontais de, freagraíonn an rannpháirtíocht sa sásra sin do na cuspóirí atá mar bhonn taca faoi ghníomhaíocht sheachtrach an Aontais, mar a leagtar amach in Airteagal 21(2) CAE.

·Coimhdeacht (i gcás inniúlacht neamheisiach)

I gcomhréir le hAirteagal 216(1) CFAE, tagann tabhairt i gcrích an Aontais den Choinbhinsiún lena mbunaítear Coimisiún Idirnáisiúnta Éileamh don Úcráin faoi inniúlacht sheachtrach an Aontais.

I gcomhréir leis an dara fomhír d’Airteagal 212(3) CFAE, ní dhéanann síniú an Choinbhinsiúin ag an Aontas difear d’inniúlacht na mBallstát ‘comhaontuithe idirnáisiúnta a thabhairt i gcrích.’ Deimhníonn an fhoráil seo, arna léamh i gcomhar le hAirteagal 4(4) CFAE, cineál comhthreomhar na hinniúlachta lena mbaineann agus ceadaítear do na Ballstáit a bheith ina bPáirtithe sa Choinbhinsiún in éineacht leis an Aontas, más mian leo déanamh amhlaidh.

Tá an tionscnamh atá beartaithe comhsheasmhach freisin le prionsabal na coimhdeachta, mar a leagtar amach in Airteagal 5(3) CAE, ós rud é gurb é is cuspóir dó céim chomhsheasmhach a bhaint amach i dtreo sprioc níos leithne an Aontais agus na mBallstát sásra a bhunú lena ndéanfar cinneadh maidir le héilimh ar chúiteamh i leith damáiste, caillteanais nó díobhála de dheasca gníomhartha arna ndéanamh ag Cónaidhm na Rúise san Úcráin nó i gcoinne na hÚcráine ar gníomhartha iad atá ina n‑éagóir ar an leibhéal idirnáisiúnta. Baineann breisluach na gníomhaíochta ar leibhéal an Aontais a thuilleadh le cumas an Aontais seasamh comhleanúnach aontaithe a chomhordú ar an leibhéal idirnáisiúnta, gealltanas polaitiúil agus dlíthiúil an Aontais don chuntasacht a threisiú, agus comhsheasmhacht lena ghníomhaíocht sheachtrach níos leithne agus lena thacaíocht don Úcráin a áirithiú.

·Comhréireacht

·An rogha ionstraime

4.IMPLEACHTAÍ BUISÉADACHA

I gcomhréir leis an dlí idirnáisiúnta, ba cheart do Chónaidhm na Rúise na costais a bhaineann le hobair Choimisiún na nÉileamh a íoc. Go dtí go mbeidh Cónaidhm na Rúise ina Comhalta den Choimisiún ar a laghad, foráiltear leis an Dréacht‑Choinbhinsiún gur cheart Coimisiún na nÉileamh a mhaoiniú trí ranníocaíochtaí bliantúla óna Comhaltaí agus trí ranníocaíochtaí deonacha, gan dochar don fhéidearthacht na costais ghaolmhara a aisghabháil ó Chónaidhm na Rúise.

I bhfianaise an mhéid sin, éileoidh rannpháirtíocht an Aontais ina dhiaidh sin mar Chomhalta sa Choinbhinsiún lena mbunaítear Coimisiún Idirnáisiúnta Éileamh go n‑íocfar ranníocaíocht bhliantúil. Mar sin féin, cé nach féidir é a thuar nuair a thiocfaidh an dréacht‑Choinbhinsiún i bhfeidhm, bíodh sin in 2026 nó 2027, níl coinne leis go rithfear buiséad bliantúil iomlán an Choimisiúin Éileamh roimh 2028. Mar a léirítear sa Chinneadh ón gComhairle lena n‑údaraítear don Choimisiún a bheith rannpháirteach sa chaibidlíocht maidir leis an gCoimisiún Éileamh, meastar go sroichfidh ranníocaíocht bhliantúil an Aontais leis an gCoimisiún Éileamh EUR 3 mhilliún le linn buaicbhlianta oibríochtúla.

Idir an dá linn, leanfaidh an tAontas dá ranníocaíocht éigeantach bhliantúil le Clár an Damáiste in 2026 agus 2027 a sholáthar trí Rialachán (AE) 2024/792 lena mbunaítear an tSaoráid don Úcráin. Meastar gurb ionann na costais tosaigh theoranta a bhaineann leis an aistriú ón gClár chuig an gCoimisiún Éileamh, go háirithe na costais sin a bhaineann le cruinnithe an Choiste Ullmhúcháin agus seisiúin tosaigh Thionól an Choimisiúin Éileamh, agus thart ar EUR 500 000 san iomlán le haghaidh 2026-2027, atá le roinnt ar 25 chomhalta bhunaidh ar a laghad. Le Rialachán (AE) 2024/792 soláthraítear freisin an bunús dlí le haghaidh ranníocaíocht den sórt sin ón Aontas go dtí 2027.

Tá tuilleadh sonraí maidir le tionchar airgeadais an togra seo le fáil sa ráiteas airgeadais reachtach atá i gceangal leis an togra seo.

5.EILIMINTÍ ROGHNACHA

·Pleananna cur chun feidhme, agus socruithe faireacháin, meastóireachta agus tuairiscithe

·Doiciméid mhíniúcháin (i gcás treoracha)

·Míniúchán mionsonraithe ar fhorálacha sonracha an togra

·Síniú agus téacs an Choinbhinsiúin

Cuirtear téacs an dréacht‑Choinbhinsiúin faoi bhráid na Comhairle in éineacht leis an togra seo.

I gcomhréir leis na Conarthaí, is faoin gCoimisiún atá sé a áirithiú go síneofar an Coinbhinsiún, faoi réir a thabhairt i gcrích tráth níos faide anonn.

2025/0355 (NLE)

Togra le haghaidh

CINNEADH ÓN gCOMHAIRLE

maidir le síniú an Choinbhinsiúin lena mbunaítear an Coimisiún Idirnáisiúnta Éileamh don Úcráin

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 212, i gcomhar le hAirteagal 218(5) de,

Ag féachaint don togra ón gCoimisiún Eorpach,

De bharr an mhéid seo a leanas:

(1) Tar éis thús an chogaidh fhoghaigh atá Cónaidhm na Rúise a chur ar an Úcráin gan chúis gan údar, sna Conclúidí ón gComhairle Eorpach dar dáta an 24 Feabhra 2022 8 , cháin sí go neamhbhalbh an fogha míleata atá Cónaidhm na Rúise a thabhairt faoin Úcráin, agus dhearbhaigh sí go bhfuil freagracht iomlán ar an Rúis as an bhfogha sin agus as a mbeidh de scrios agus de mharú dá bharr, agus go dtabharfar chun cuntais í as a cuid gníomhaíochtaí.

(2)An 14 Samhain 2022, ghlac Comhthionól Ginearálta na Náisiún Aontaithe Rún A/RES/ES‑11/5 9 , rún inar aithin sé nach mór Cónaidhm na Rúise a thabhairt chun cuntais as aon sárú a dhéanfaidh sí ar an dlí idirnáisiúnta san Úcráin nó ina coinne. Ina theannta sin, d’aithin sí nach mór Cónaidhm na Rúise a bheith thíos le hiarmhairtí dlíthiúla a gníomhartha atá ina n‑éagóir ar an leibhéal idirnáisiúnta, lena n‑áirítear cúiteamh as an díobháil, aon damáiste san áireamh, arb iad na gníomhartha sin is cúis léi 10 .

(3)I bhfianaise an mhéid sin, d’aithin Comhthionól Ginearálta na Náisiún Aontaithe an gá atá le sásra idirnáisiúnta a bhunú, i gcomhar leis an Úcráin, chun damáiste, caillteanas nó díobháil a chúiteamh, a eascraíonn as gníomhartha Chónaidhm na Rúise san Úcráin nó i gcoinne na hÚcráine ar gníomhartha iad atá ina n‑éagóir ar an leibhéal idirnáisiúnta 11 . Chuige sin, mhol sé go gcruthófaí clár idirnáisiúnta damáiste chun feidhmiú mar thaifead, i bhfoirm dhoiciméadach, ar fhianaise agus ar fhaisnéis maidir le héilimh i ndáil le damáiste, caillteanas nó díobháil a bhain do gach duine nádúrtha agus dlítheanach lena mbaineann, chomh maith le Stát na hÚcráine, de dheasca ghníomhartha Chónaidhm na Rúise san Úcráin nó ina coinne, ar gníomhartha iad atá ina n‑éagóir ar an leibhéal idirnáisiúnta, chomh maith le bailiú fianaise a chur chun cinn agus a chomhordú 12 .

(4)An 12 Bealtaine 2023, ghlac Coiste Airí Chomhairle na hEorpa Rún CM/Res(2023) 13 lena mbunaítear an Páirt‑Chomhaontú Méadaithe maidir le Clár an Damáiste arna dhéanamh ag Fogha Chónaidhm na Rúise faoin Úcráin.

(5)Mar a léirítear i Rún CM/Res(2023), is é bunú cláir damáiste an chéad chéim i dtaca le sásra cúitimh idirnáisiúnta a chur ar bun, sásra a bhféadfadh Coimisiún Éileamh agus Ciste Cúitimh a bheith san áireamh ann. Dá réir sin, aithnítear sa Rún go bhfuil sé beartaithe go mbeidh Clár an Damáiste, lena n‑áirítear ardán digiteach an chláir, ina mbeidh na sonraí ar fad faoi éilimh agus fianaise arna dtaifeadadh ann, go mbeidh sé ina chuid lárnach den sásra cúitimh atá le bunú le hionstraim idirnáisiúnta ar leithligh i gcomhar leis an Úcráin agus le heagraíochtaí agus comhlachtaí idirnáisiúnta ábhartha.

(6)Ar dtús, ba Chomhalta Comhlach bunaidh a bhí san Aontas maidir le Clár an Damáiste, ó ghlac sé páirt sa chlár chuige féin ar an 11 Bealtaine 2023, ach d’athraigh sé an stádas sin an 22 Iúil 2024, ionas gur Rannpháirtí iomlán atá ann feasta.

(7)An 29 Feabhra 2024, ghlac Parlaimint na hEorpa agus an Chomhairle Rialachán (AE) 2024/792 lena mbunaítear an tSaoráid don Úcráin 14 , rud lena ndéantar foráil maidir le cistiú tionscnamh agus comhlachtaí a bhfuil baint acu le tacú leis an gceartas idirnáisiúnta san Úcráin agus lena fhorfheidhmiú. Cuimsíonn an cistiú sin, i measc nithe eile, ranníocaíocht airgeadais an Aontais le Clár an Damáiste, rud a mhaoinítear faoin tSaoráid don Úcráin.

(8)In 2024, thug Oifig Uachtarán na hÚcráine, Aireacht Gnóthaí Eachtracha na hÚcráine, Aireacht Gnóthaí Eachtracha Ríocht na hÍsiltíre agus Clár an Damáiste don Úcráin cuireadh do na Stáit a thacaigh le glacadh Rún A/RES/ES‑11/5 ó Chomhthionól Ginearálta na Náisiún Aontaithe chuig cruinnithe ullmhúcháin maidir le hIonstraim Idirnáisiúnta chun Coimisiún Éileamh don Úcráin a bhunú sa Háig.

(9)An 17 Márta 2025, d’údaraigh an Chomhairle an Coimisiún le páirt a ghlacadh, thar ceann an Aontais, sa chaibidlíocht maidir le hionstraim idirnáisiúnta lena mbunaítear Coimisiún Idirnáisiúnta Éileamh don Úcráin 15 .

(10)Idir mí an Mhárta agus mí Mheán Fómhair 2025, ghlac thart ar 55 thoscaireacht páirt i gceithre bhabhta caibidlíochta sa Háig, agus ar na toscaireachtaí sin bhí an tAontas Eorpach agus na Ballstáit ar fad. Tionóladh na chéad trí bhabhta faoi chuimsiú an Choiste Caibidlíochta Idir-Rialtasaigh um Chonradh Idirnáisiúnta chun Coimisiún Éileamh don Úcráin a Bhunú (‘CCI’), coiste inar malartaíodh tuairimí maidir leis an dréachtchonradh, a thug roinnt léamha ar an téacs i gcrích, agus a chuir leaganacha athbhreithnithe de ar fáil ina dhiaidh sin.

(11)Le linn an tríú babhta caibidlíochta i mí Iúil 2025, chinn CCI gur mar Choinbhinsiún de chuid Chomhairle na hEorpa (‘dréacht‑Choinbhinsiún’), a bheadh oscailte freisin do Stáit is Páirtithe nach comhaltaí de Chomhairle na hEorpa agus den Aontas Eorpach iad, a d’fhorbródh sé an Ionstraim Idirnáisiúnta chun Coimisiún Éileamh don Úcráin a bhunú. Dá bhrí sin, tionóladh an ceathrú babhta caibidlíochta faoi chuimsiú an chéad chruinnithe den Choiste Ad hoc maidir le Coimisiún Idirnáisiúnta Éileamh don Úcráin a Bhunú (CAHEC) faoi choimirce Chomhairle na hEorpa. Aistríodh obair CCI ina dhiaidh sin chuig creat CAHEC, agus leanadh den obair sin faoi chuimsiú CAHEC, a scrúdaigh agus a d’fhormheas go sealadach na nithe seo a leanas le haghaidh a nglactha ag Comhdháil Taidhleoireachta a thionólfar sa Háig an 16 Nollaig 2025 – an dréacht‑Choinbhinsiún, na Rialacha Nós Imeachta i ndáil leis an gComhdháil Taidhleoireachta chun an dréacht‑Choinbhinsiún a ghlacadh, an dréacht‑rún lena leagtar síos na socruithe is gá chun tús a chur le feidhmeanna an Choimisiúin Éileamh agus chun a shainordú a chomhlíonadh, agus an dréacht‑Ionstraim Chríochnaitheach. An Coinbhinsiún, an Rún, agus an tuarascáil ar chruinniú na Comhdhála Taidhleoireachta, áireofar san Ionstraim Chríochnaitheach iad i bhfoirm iarscríbhinní.

(12)An 22 Deireadh Fómhair 2025, ghlac Coiste Airí Chomhairle na hEorpa an dréacht‑Choinbhinsiún go sealadach d’fhonn agus go ndéanfar é a ghlacadh agus a oscailt lena shíniú ag an gcomhdháil taidhleoireachta dá dtagraítear in aithris (11).

(13)Meastar sa dréacht‑Choinbhinsiún gurb é an Coimisiún Idirnáisiúnta Éileamh don Úcráin an dara comhpháirt den sásra idirnáisiúnta cúitimh, agus gur rud é a thiocfaidh i gcomharbas ar an gClár Damáiste don Úcráin, sa tslí go dtabharfar obair an chláir sin ar láimh don Coimisiún Éileamh a luaithe is féidir tar éis a bhunaithe. Aithnítear sa dréacht‑Choinbhinsiún freisin go bhféadfaidh an tríú comhpháirt a bheith san áireamh sa Choimisiún Idirnáisiúnta Éileamh don Úcráin, is é sin ciste cúitimh a bheadh ann amach anseo arb é an sainordú a bheadh aige cúiteamh a íoc as damáiste, caillteanas nó díobháil de dheasca ghníomhartha Chónaidhm na Rúise san Úcráin nó ina coinne, ar gníomhartha iad atá ina n‑éagóir ar an leibhéal idirnáisiúnta.

(14)De réir Airteagal 30 den dréacht‑Choinbhinsiún, tá an Coinbhinsiún ar oscailt lena shíniú ag Ballstáit uile Chomhairle na hEorpa, ag an Aontas Eorpach, ag aon Stát eile a ghlac páirt sa chomhdháil taidhleoireachta dá dtagraítear in aithris (11), agus ag aon Stáit eile a vótáil i bhfabhar rún A/RES/ES‑11/5 ó Chomhthionól Ginearálta na Náisiún Aontaithe dar dáta an 14 Samhain 2022.

(15)Tá an tAontas fíor-mheáite ar a áirithiú go mbeidh Cónaidhm na Rúise thíos le hiarmhairtí dlíthiúla a gníomhartha éagóracha idirnáisiúnta i gcoinne na hÚcráine, lena n‑áirítear an oibleagáid cúiteamh a thabhairt in aon damáiste, caillteanas nó díobháil a tharla de dheasca na ngníomhartha sin. Dá bhrí sin, is iomchuí go síneodh an tAontas an Coinbhinsiún lena mbunaítear an Coimisiún Idirnáisiúnta Éileamh don Úcráin, agus Ionstraim Chríochnaitheach na Comhdhála Taidhleoireachta.

(16)Dá bhrí sin, ba cheart an Coinbhinsiún agus an Ionstraim Chríochnaitheach a shíniú thar ceann an Aontais,

TAR ÉIS AN CINNEADH SEO A GHLACADH:

Airteagal 1

An Coinbhinsiún lena mbunaítear Coimisiún Idirnáisiúnta Éileamh don Úcráin agus an Ionstraim Chríochnaitheach, údaraítear leis seo iad a shíniú thar ceann an Aontais, faoi réir thabhairt i gcrích an Choinbhinsiúin sin 16 .

Airteagal 2

Tiocfaidh an Cinneadh seo i bhfeidhm an [an lá tar éis dháta a fhoilsithe san Iris Oifigiúil].

Arna dhéanamh sa Bhruiséil,

RÁITEAS REACHTACH AIRGEADAIS AGUS DIGITEACH

CLÁR

1.LEAGAN AMACH AN TOGRA/TIONSCNAIMH3

1.1.Teideal an togra/tionscnaimh3

1.2.Réimsí beartais lena mbaineann3

1.3.Cuspóirí3

1.3.1.Cuspóirí ginearálta3

1.3.2.Cuspóirí sonracha3

1.3.3.An toradh agus an tionchar a mheastar a bheidh ann3

1.3.4.Táscairí feidhmíochta3

1.4.Baineann an togra/tionscnamh le:4

1.5.Foras an togra/tionscnaimh4

1.5.1.Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh4

1.5.2.Breisluach a bhaineann le rannpháirteachas an Aontais (tá rudaí éagsúla a bhféadfadh an breisluach sin eascairt astu, e.g. gnóthachain de thoradh comhordú, deimhneacht dhlíthiúil, breis éifeachtachta nó comhlántachtaí). Chun críocha na roinne seo, is é a chiallaíonn ‘breisluach a bhaineann le rannpháirteachas an Aontais’ an luach a thagann as idirghabháil an Aontais, ar luach breise é le cois an luacha a bheadh ann dá mbeadh na Ballstáit ag feidhmiú astu féin.4

1.5.3.Ceachtanna a foghlaimíodh ó thaithí eile den sórt sin san am a chuaigh thart5

1.5.4.Comhoiriúnacht don chreat airgeadais ilbhliantúil agus sineirgí a d’fhéadfadh a bheith ann le hionstraimí iomchuí eile5

1.5.5.Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh6

1.6.Fad an togra/tionscnaimh agus an fad a mhairfidh an tionchar airgeadais a bheidh aige6

1.7.Na modhanna atá beartaithe chun an buiséad a chur chun feidhme7

2.BEARTA BAINISTÍOCHTA8

2.1.Rialacha faireacháin agus tuairiscithe8

2.2.Córais bainistíochta agus rialaithe8

2.2.1.An réasúnaíocht atá leis na modhanna cur chun feidhme buiséid atá beartaithe, leis na sásraí cur chun feidhme cistithe atá beartaithe, leis na módúlachtaí íocaíochta atá beartaithe agus leis an straitéis rialaithe atá beartaithe8

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú8

2.2.3.Meastachán ar chostéifeachtacht na rialuithe agus an réasúnaíocht atá leis an gcostéifeachtacht sin (an cóimheas idir na costais rialaithe agus luach na gcistí gaolmhara arna mbainistiú), agus measúnú ar an leibhéal riosca earráide a mheastar a bheidh ann (tráth na híocaíochta agus an tráth a dhúnfar an clár)8

2.3.Bearta chun calaois agus neamhrialtachtaí a chosc8

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH9

3.1.Ceannteidil an chreata airgeadais ilbhliantúil agus na línte buiséid caiteachais ar a n‑imreofar tionchar9

3.2.An tionchar airgeadais a mheastar a bheidh ag an togra ar leithreasuithe10

3.2.1.Achoimre ar an tionchar a mheastar a imreofar ar leithreasuithe faoi chomhair oibríochtaí10

3.2.1,1.Leithreasuithe ón mbuiséad ar vótáladh ina fhabhar10

3.2.1,2.Leithreasuithe ó ioncaim shannta sheachtracha14

3.2.2.An t‑aschur a mheastar a chisteofar ó leithreasuithe faoi chomhair oibríochtaí18

3.2.3.Achoimre ar an tionchar a mheastar a bheidh aige ar leithreasuithe de chineál riaracháin20

3.2.3,1.Leithreasuithe ón mbuiséad ar vótáladh ina fhabhar20

3.2.3,2.Leithreasuithe ó ioncaim shannta sheachtracha20

3.2.3,3.Iomlán na leithreasuithe20

3.2.4.Na hacmhainní daonna a mheastar a bheidh riachtanach21

3.2.4,1.Nithe arna maoiniú ón mbuiséad ar vótáladh ina fhabhar21

3.2.4,2.Nithe arna maoiniú ó ioncaim shannta sheachtracha21

3.2.4,3.Iomlán na n‑acmhainní daonna a bheidh riachtanach22

3.2.5.Forléargas ar an tionchar a mheastar a imreofar ar infheistíochtaí a bhaineann le teicneolaíochtaí digiteacha23

3.2.6.Comhoiriúnacht don chreat airgeadais ilbhliantúil reatha23

3.2.7.Ranníocaíochtaí ó thríú páirtithe24

3.3.An tionchar a mheastar a bheidh ar ioncam24

4.Gnéithe digiteacha24

4.1.Riachtanais a bhaineann le hábhar maidir le cúrsaí digiteacha24

4.2.Sonraí24

4.3.Réitigh dhigiteacha24

4.4.Measúnú idir-inoibritheachta24

4.5.Bearta chun tacú le cur chun feidhme digiteach24

1.LEAGAN AMACH AN TOGRA/TIONSCNAIMH 

1.1.Teideal an togra/tionscnaimh

1.2.Réimsí beartais lena mbaineann 

1.3.Cuspóirí

1.3.1.Cuspóirí ginearálta

1.3.2.Cuspóirí sonracha

1.3.3.An toradh agus an tionchar a mheastar a bheidh ann

Sonraigh an tionchar a bheadh ag an togra/tionscnamh ar na tairbhithe / grúpaí ar a bhfuil sé dírithe.

1.3.4.Táscairí feidhmíochta

Sonraigh na táscairí chun faireachán a dhéanamh ar dhul chun cinn agus ar ghnóthachain.

1.4.Baineann an togra/tionscnamh le: 

 beart nua 

 beart nua a leanann treoirthionscadal / réamhbheart 17  

 síneadh ar bheart atá ann cheana 

 beart nó bearta a chumasc nó a atreorú i dtreo beart eile/beart nua

1.5.Foras an togra/tionscnaimh 

1.5.1.Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh

1.5.2.Breisluach a bhaineann le rannpháirteachas an Aontais (tá rudaí éagsúla a bhféadfadh an breisluach sin eascairt astu, e.g. gnóthachain de thoradh comhordú, deimhneacht dhlíthiúil, breis éifeachtachta nó comhlántachtaí). Chun críocha na roinne seo, is é a chiallaíonn ‘breisluach a bhaineann le rannpháirteachas an Aontais’ an luach a thagann as idirghabháil an Aontais, ar luach breise é le cois an luacha a bheadh ann dá mbeadh na Ballstáit ag feidhmiú astu féin.

1.5.3.Ceachtanna a foghlaimíodh ó thaithí eile den sórt sin san am a chuaigh thart

1.5.4.Comhoiriúnacht don chreat airgeadais ilbhliantúil agus sineirgí a d’fhéadfadh a bheith ann le hionstraimí iomchuí eile

1.5.5.Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh

 tréimhse theoranta

–    i bhfeidhm ó 2026 go 2035.

–    tionchar airgeadais ó 2028 go 2038 18 maidir le leithreasuithe faoi chomhair gealltanas agus ó 2028 go 2038 maidir le leithreasuithe faoi chomhair íocaíochtaí.

 tréimhse neamhtheoranta

–Cuirfear chun feidhme é le linn na tréimhse tosaigh BBBB go BBBB,

–agus cuirfear ag feidhmiú go hiomlán ina dhiaidh sin é.

1.7.Na modhanna atá beartaithe chun an buiséad a chur chun feidhme 

 Bainistíocht dhíreach a dhéanann an Coimisiún

– ina ranna, lena n‑áirítear an chuid sin den fhoireann atá i dtoscaireachtaí an Aontais;

–    a dhéanann na gníomhaireachtaí feidhmiúcháin

 Bainistíocht atá comhroinnte leis na Ballstáit

 Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

– tríú tíortha nó na comhlachtaí a d’ainmnigh siad

– eagraíochtaí idirnáisiúnta agus a ngníomhaireachtaí (tabhair sonraí)

– an Banc Eorpach Infheistíochta agus an Ciste Eorpach Infheistíochta

– comhlachtaí dá dtagraítear in Airteagail 70 agus 71 den Rialachán Airgeadais

– comhlachtaí dlí poiblí

– comhlachtaí arna rialú ag an dlí príobháideach agus a bhfuil misean seirbhíse poiblí acu sa mhéid go soláthraítear ráthaíochtaí airgeadais leordhóthanacha dóibh

– comhlachtaí arna rialú ag dlí príobháideach Ballstáit, ar comhlachtaí iad a bhfuil sé de chúram orthu comhpháirtíocht phríobháideach phoiblí a chur chun feidhme agus dá soláthraítear ráthaíochtaí airgeadais leordhóthanacha

– comhlachtaí nó daoine a bhfuil sé de chúram orthu bearta sonracha de chuid an chomhbheartais eachtraigh agus slándála a chur chun feidhme de bhun Theideal V den Chonradh ar an Aontas Eorpach, ar comhlachtaí nó daoine iad a aithnítear sa bhunghníomh ábhartha

– comhlachtaí arna mbunú i mBallstát, arna rialú ag dlí príobháideach Ballstáit nó ag dlí an Aontais agus atá incháilithe le go gcuirfear de chúram orthu, i gcomhréir le rialacha earnáilsonracha, cistí an Aontais nó ráthaíochtaí buiséadacha a chur chun feidhme, a mhéid a bhíonn na comhlachtaí sin á rialú ag comhlachtaí dlí poiblí nó ag comhlachtaí arna rialú ag an dlí príobháideach a bhfuil misean seirbhíse poiblí acu, agus a mhéid a sholáthraíonn na comhlachtaí rialúcháin ráthaíochtaí airgeadais leordhóthanacha dóibh i bhfoirm dliteanas comhpháirteach agus leithleach nó ráthaíochtaí airgeadais coibhéiseacha, agus ar ráthaíochtaí iad a d’fhéadfadh, le haghaidh gach birt, a bheith teoranta d’uasmhéid thacaíocht an Aontais.

Nótaí

2.BEARTA BAINISTÍOCHTA 

2.1.Rialacha faireacháin agus tuairiscithe 

2.2.Córais bainistíochta agus rialaithe 

2.2.1.An réasúnaíocht atá leis na modhanna cur chun feidhme buiséid atá beartaithe, leis na sásraí cur chun feidhme cistithe atá beartaithe, leis na módúlachtaí íocaíochta atá beartaithe agus leis an straitéis rialaithe atá beartaithe

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú

2.2.3.Meastachán ar chostéifeachtacht na rialuithe agus an réasúnaíocht atá leis an gcostéifeachtacht sin (an cóimheas idir na costais rialaithe agus luach na gcistí gaolmhara arna mbainistiú), agus measúnú ar an leibhéal riosca earráide a mheastar a bheidh ann (tráth na híocaíochta agus an tráth a dhúnfar an clár)

2.3.Bearta chun calaois agus neamhrialtachtaí a chosc 

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH 

3.1.Ceannteidil an chreata airgeadais ilbhliantúil agus na línte buiséid caiteachais ar a n‑imreofar tionchar 

·Línte buiséid atá ann cheana

In ord cheannteidil agus línte buiséid an chreata airgeadais ilbhliantúil.

·Línte nua buiséid atá á n‑iarraidh

In ord cheannteidil agus línte buiséid an chreata airgeadais ilbhliantúil.

3.2.An tionchar airgeadais a mheastar a bheidh ag an togra ar leithreasuithe 

3.2.1.Achoimre ar an tionchar a mheastar a imreofar ar leithreasuithe faoi chomhair oibríochtaí 

–    Ní éilíonn an togra/tionscnamh go n‑úsáidfear leithreasuithe faoi chomhair oibríochtaí

–    The proposal/initiative requires the use of operational appropriations, as explained below

3.2.1.1.Leithreasuithe ón mbuiséad ar vótáladh ina fhabhar

Is méideanna táscacha amháin iad na méideanna uile ó 2028 ar aghaidh agus tá siad faoi réir thoradh na caibidlíochta leanúnaí maidir leis an gcéad Chreat Airgeadais Ilbhliantúil eile. Ní dhéanann siad réamhbhreith ar thoradh na caibidlíochta sin.

EUR milliúin (go dtí an tríú deachúil)

EUR milliúin (go dtí an tríú deachúil)

3.2.1.2.Leithreasuithe ó ioncaim shannta sheachtracha

EUR milliúin (go dtí an tríú deachúil)

Má thuairiscíonn tú úsáid leithreasuithe faoi Cheannteideal 7, is ceanglas éigeantach é Iarscríbhinn 5 a líonadh isteach)

EUR milliúin (go dtí an tríú deachúil)

EUR milliúin (go dtí an tríú deachúil)

3.2.2.An t‑aschur a mheastar a chisteofar ó leithreasuithe faoi chomhair oibríochtaí (gan chomhlánú le haghaidh gníomhaireachtaí díláraithe)

Leithreasuithe faoi chomhair gealltanas in EUR milliúin (go dtí an tríú deachúil)

3.2.3.Achoimre ar an tionchar a mheastar a imreofar ar leithreasuithe riaracháin 

–    Ní éilíonn an togra/tionscnamh go n‑úsáidfear leithreasuithe de chineál riaracháin

–    Éilíonn an togra/tionscnamh go n‑úsáidfear leithreasuithe de chineál riaracháin, mar a mhínítear thíos

3.2.3.1. Leithreasuithe ón mbuiséad ar vótáladh ina fhabhar

3.2.3.2.Leithreasuithe ó ioncaim shannta sheachtracha

3.2.3.3.Iomlán na leithreasuithe

Cumhdófar na leithreasuithe is gá le haghaidh acmhainní daonna agus caiteachas eile de chineál riaracháin le leithreasuithe ón Ard‑Stiúrthóireacht a bhfuil bainistíocht an bhirt faoina gcúram cheana agus/nó atá ath‑imlonnaithe laistigh den Ard‑Stiúrthóireacht, mar aon, más gá, le haon leithdháileadh breise a d’fhéadfaí a thabhairt don Ard‑Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

3.2.4.Na hacmhainní daonna a mheastar a bheidh riachtanach 

–    Ní éilíonn an togra/tionscnamh go n‑úsáidfear acmhainní daonna

–    Éilíonn an togra/tionscnamh go n‑úsáidfear acmhainní daonna, mar a mhínítear thíos

3.2.4.1.Nithe arna maoiniú ón mbuiséad ar vótáladh ina fhabhar

Sloinnfear an meastachán in aonaid de choibhéis lánaimseartha

3.2.4.2.Nithe arna maoiniú ó ioncaim shannta sheachtracha

3.2.4.3.Iomlán na n‑acmhainní daonna a bheidh riachtanach

Chun an t‑ualach oibre agus riachtanais foirne a mheas, féadfaidh tú úsáid a bhaint as an treoraíocht maidir le measúnú ar an ualach oibre arna hullmhú ag an AS um Acmhainní Daonna agus um Shlándáil)

[I bhfianaise an bhrú fhoriomláin atá i gCeannteideal 7, maidir le soláthar foirne agus leibhéal na leithreasuithe araon, is baill foirne ón Ard‑Stiúrthóireacht a bhfuil bainistíocht an bhirt faoina gcúram cheana agus/nó atá athshannta laistigh den Ard‑Stiúrthóireacht nó de sheirbhísí eile de chuid an Choimisiúin a chomhlíonfaidh na hacmhainní daonna is gá.]

Tabhair do d’aire nach mór eisceacht den sórt sin a chomhaontú leis na seirbhísí lárnacha sula seolfar an comhairliúchán idirsheirbhíse) 

An fhoireann is gá chun an togra a chur chun feidhme (in aonaid de choibhéis lánaimseartha):

*

Cur síos ar na cúraimí a bheidh le déanamh ag:

3.2.5.Forléargas ar an tionchar a mheastar a imreofar ar infheistíochtaí a bhaineann le teicneolaíochtaí digiteacha

Éigeantach: na hinfheistíochtaí atá i gceist leis an togra/tionscnamh seo arb infheistíochtaí iad a bhaineann le teicneolaíochtaí digiteacha, ba cheart meastachán chomh maith agus is féidir ina dtaobh a chur sa tábla thíos.

Go heisceachtúil, ba cheart na leithreasuithe faoi Cheannteideal 7 a chur sa líne atá ainmnithe chuige sin, i gcásanna inar gá sin chun an togra/tionscnamh a chur chun feidhme.

Is mar ‘Chaiteachas beartais ar uirlisí TF i dtaca le cláir oibríochtúla’ is ceart na leithreasuithe faoi Cheannteidil 1-6 a chur in iúl. Is é rud dá dtagraíonn an caiteachas sin an buiséad oibríochtúil atá le húsáid i gcomhair athúsáid/ ceannach/ forbairt ardán/uirlisí TF atá nasctha go díreach le cur chun feidhme an tionscnaimh, agus i gcomhair na n‑infheistíochtaí a bhaineann leis na hardáin/uirlisí sin (e.g. ceadúnais, staidéir, stóráil sonraí etc). An fhaisnéis a sholáthraítear sa tábla seo, ba cheart í a bheith comhsheasmhach leis na mionsonraí a chuirtear i láthair faoi Roinn 4 ‘Gnéithe digiteacha’.

3.2.6.Comhoiriúnacht don chreat airgeadais ilbhliantúil reatha 

I gcás an togra/tionscnaimh seo:

–    is féidir é a mhaoiniú ina iomláine trí athshannadh laistigh den cheannteideal ábhartha den chreat airgeadais ilbhliantúil (CAI)

–    is gá an corrlach gan leithdháileadh faoin gceannteideal ábhartha de CAI a úsáid agus/nó na hionstraimí speisialta a shainítear sa Rialachán maidir le CAI a úsáid

–    is gá athbhreithniú a dhéanamh ar CAI

3.2.7.Ranníocaíochtaí ó thríú páirtithe 

I gcás an togra/tionscnaimh seo:

–    ní dhéantar foráil maidir le cómhaoiniú le tríú páirtithe

–    déantar foráil maidir leis an gcómhaoiniú le tríú páirtithe atá réamh‑mheasta thíos:

3.3.    An tionchar a mheastar a imreofar ar ioncam

–    Ní bheidh aon tionchar airgeadais ag an togra/tionscnamh ar ioncam.

–    Beidh an tionchar airgeadais seo a leanas ag an togra/tionscnamh:

–    ar acmhainní dílse

–    ar ioncam eile

–    má tá an t‑ioncam sannta do línte caiteachais, sonraigh sin

4.Gnéithe digiteacha

4.1.Ceanglais a bhaineann le cúrsaí digiteacha

4.2.Sonraí

4.3.Réitigh dhigiteacha

4.4.Measúnú idir-inoibritheachta

4.5.Bearta chun tacú le cur chun feidhme digiteach

(1)    Rún A/RES/ES‑11/5 ó Chomhthionól Ginearálta na Náisiún Aontaithe, OP2-OP.

(2)    Rún CM/Res(2023)3 lena mbunaítear an Páirt‑chomhaontú Méadaithe maidir le Clár an Damáiste arna dhéanamh ag Fogha Chónaidhm na Rúise faoin Úcráin (arna ghlacadh ag Coiste na nAirí an 12 Bealtaine 2023 ag an 1466ú cruinniú d’Ionadaithe na nAirí). 0900001680ab2595.

(3)    Cinneadh ón gCoimisiún an 11.5.2023 maidir le rannpháirtíocht an Aontais mar Chomhalta Comhlach Bunaidh sa Pháirt‑chomhaontú Méadaithe maidir le Clár an Damáiste arna dhéanamh ag Fogha Chónaidhm na Rúise faoin Úcráin laistigh de chreat institiúideach Chomhairle na hEorpa. C(2023) 3241.

(4)    Cinneadh (AE) 2024/2045 ón gComhairle an 22 Iúil 202 maidir leis an seasamh atá le glacadh thar ceann an Aontais i gcomhlachtaí Chomhairle na hEorpa i ndáil le stádas an Aontais Eorpaigh sa Pháirt‑chomhaontú Méadaithe maidir le Clár an Damáiste arna dhéanamh ag Fogha Chónaidhm na Rúise i gcoinne na hÚcráine. IO L 2024/2045, 24.7.2024.

(5)    Cinneadh (AE) 2025/702 ón gComhairle an 17 Márta 2025 lena n‑údaraítear an Coimisiún Eorpach páirt a ghlacadh, thar ceann an Aontais, sa chaibidlíocht maidir le hionstraim idirnáisiúnta lena mbunaítear Coimisiún Idirnáisiúnta Éileamh don Úcráin. IO L 2025/702, 8.4.2025.

(6)    Rún CM/Res(2025)3 lena ndearbhaítear bunú an Páirt‑chomhaontaithe Mhéadaithe maidir le Clár an Damáiste arna dhéanamh ag Fogha Chónaidhm na Rúise faoin Úcráin arna ghlacadh ag Coiste na nAirí an 9 Iúil 2025 ag an 1534ú cruinniú d’Ionadaithe na nAirí.

(7)    Rialachán(AE) 2024/792 ó Pharlaimint na hEorpa agus ón gComhairle an 29 Feabhra 2024 lena mbunaítear an tSaoráid don Úcráin. IO L 2024/792, 29.2.2024.

(8)    Conclúidí ón gComhairle Eorpach maidir leis an bhfogha míleata atá an Rúis a thabhairt faoin Úcráin gan chúis gan údar, EUCO 18/22, an 24 Feabhra 2022.

(9)    Doiciméad A/RES/ES‑11/5 ó na Náisiúin Aontaithe.

(10)    Ibid. mír 2.

(11)    Ibid. mír 3.

(12)    Ibid. mír 4.

(13)    Rún CM/Res(2023)3 lena mbunaítear an Páirt‑Chomhaontú Méadaithe maidir le Clár an Damáiste arna dhéanamh ag Fogha Chónaidhm na Rúise faoin Úcráin.

(14)    Rialachán (AE) 2024/792 ó Pharlaimint na hEorpa agus ón gComhairle an 29 Feabhra 2024 lena mbunaítear an tSaoráid don Úcráin (IO L, 2024/792, 29.2.2024, ELI:  http://data.europa.eu/eli/reg/2024/792/oj ).

(15)    Cinneadh (AE) 2025/702 ón gComhairle an 17 Márta 2025 lena n‑údaraítear an Coimisiún Eorpach páirt a ghlacadh, thar ceann an Aontais, sa chaibidlíocht maidir le hionstraim idirnáisiúnta lena mbunaítear Coimisiún Idirnáisiúnta Éileamh don Úcráin (IO L, 2025/702, 8.4.2025, ELI:  http://data.europa.eu/eli/reg/2025/702/oj ).

(16)    Foilseofar an Coinbhinsiún in éineacht leis an gcinneadh maidir lena thabhairt i gcrích.

(17)    Mar a thagraítear dó in Airteagal 58(2), pointe (a) nó (b) den Rialachán Airgeadais.

(18)    De réir Airteagal 36(1) den Choinbhinsiún lena mbunaítear Coimisiún Idirnáisiúnta Éileamh don Úcráin, meastar saolré 10 mbliana an Choimisiúin Idirnáisiúnta Éileamh faoi láthair.

(19)    LD = Leithreasuithe difreáilte / LN = Leithreasuithe neamhdhifreáilte.

(20)    CSTE: Comhlachas Saorthrádála na hEorpa.

(21)    Tíortha is iarrthóirí agus, i gcás inarb infheidhme, tíortha ó na Balcáin Thiar arb iarrthóirí ionchasacha iad.

(22)    Tá úsáid na líne buiséid sin agus na leithreasuithe buiséadacha measta faoi réir ghlacadh an chéad Rialacháin CAI eile agus an Rialacháin maidir leis an Eoraip Dhomhanda agus faoi réir infhaighteacht na leithreasuithe dá bhforáiltear i mbuiséad ginearálta an Aontais le haghaidh na mblianta lena mbaineann.

(23)    Tá úsáid na líne buiséid sin agus na leithreasuithe buiséadacha measta faoi réir ghlacadh an chéad Rialacháin CAI eile agus an Rialacháin maidir leis an Eoraip Dhomhanda agus faoi réir infhaighteacht na leithreasuithe dá bhforáiltear i mbuiséad ginearálta an Aontais le haghaidh na mblianta lena mbaineann

(24)    Tá úsáid na líne buiséid sin agus na leithreasuithe buiséadacha measta faoi réir ghlacadh an chéad Rialacháin CAI eile agus an Rialacháin maidir leis an Eoraip Dhomhanda agus faoi réir infhaighteacht na leithreasuithe dá bhforáiltear i mbuiséad ginearálta an Aontais le haghaidh na mblianta lena mbaineann.

(25)    Is éard atá in aschuir táirgí agus seirbhísí atá le soláthar (e.g. an líon malartuithe mac léinn a fhaigheann maoiniú, an líon iomlán km de bhóithre a tógadh, etc.).

(26)    Mar a thuairiscítear i Roinn 1.3.2. ‘Cuspóirí sonracha’

AN COIMISIÚN EORPACH

An Bhruiséil,12.11.2025

COM(2025) 701 final

IARSCRÍBHINNÍ

a ghabhann leis an

Togra le haghaidh CINNEADH ÓN gCOMHAIRLE

maidir le síniú an Choinbhinsiúin lena mbunaítear an Coimisiún Idirnáisiúnta Éileamh don Úcráin

IARSCRÍBHINN [1]

COINBHINSIÚN LENA mBUNAÍTEAR COIMISIÚN IDIRNÁISIÚNTA ÉILEAMH DON ÚCRÁIN

[An Háig, 16.XII.2025].

Brollach

[Liosta de na Stáit agus an tAontas Eorpach],

Ag meabhrú dóibh na hoibleagáidí atá ar gach Stát faoi Airteagal 2 de Chairt na Náisiún Aontaithe, lena n‑áirítear an oibleagáid staonadh, ina gcaidreamh idirnáisiúnta, ó fhorneart a bhagairt nó a úsáid in aghaidh iomláine chríochach nó neamhspleáchas polaitiúil aon Stáit, nó ar aon slí eile ar neamhréir le cuspóirí na Náisiún Aontaithe, agus a ndíospóidí idirnáisiúnta a réiteach go síochánta;

Ag cur in iúl dóibh gur cúis mhór imní dóibh an bás, an t‑easáitiú sibhialtach, scriosadh tubaisteach an bhonneagair agus na n‑acmhainní nádúrtha, cailliúint maoine poiblí agus príobháidí, agus an tubaiste eacnamaíoch mar thoradh ar fhogha Chónaidhm na Rúise faoin Úcráin;

Ag meabhrú dóibh a thábhachtaí atá sé an tsíocháin idirnáisiúnta atá bunaithe ar shaoirse, ar chomhionannas, ar cheartas agus ar urraim do chearta an duine a chothabháil agus a neartú, agus a thábhachtaí atá sé caidreamh cairdiúil a fhorbairt idir náisiúin beag beann ar a gcórais pholaitiúla, eacnamaíocha agus shóisialta nó ar leibhéil a bhforbartha;

Ag meabhrú dóibh Rún ES‑11/1 ó Chomhthionól Ginearálta na Náisiún Aontaithe an 2 Márta 2022, dar teideal ‘Fogha faoin Úcráin’, inar cháin an Comhthionól Ginearálta go láidir fogha Chónaidhm na Rúise faoin Úcráin de shárú ar Airteagal 2(4) de Chairt na Náisiún Aontaithe;

Ag meabhrú dóibh Airteagail an Choimisiúin Dlí Idirnáisiúnta maidir le Freagracht Stát i leith Gníomhartha Éagóracha ar Leibhéal Idirnáisiúnta agus an oibleagáid atá ar an Stát freagrach cúiteamh iomlán a thabhairt i leith na díobhála a rinne an gníomh éagórach idirnáisiúnta;

Ag meabhrú dóibh Rún 60/147 ó Chomhthionól Ginearálta na Náisiún Aontaithe an 16 Nollaig 2005, inar ghlac an Comhthionól Ginearálta na Bunphrionsabail agus na Treoirlínte maidir leis an gCeart chun Leighis agus Cúitimh d’Íospartaigh na Sáruithe Tromchúiseacha ar an Dlí Idirnáisiúnta um Chearta an Duine agus na Sáruithe Tromchúiseacha ar an Dlí Daonnúil Idirnáisiúnta;

Ag meabhrú dóibh Rún ES‑11/5 ó Chomhthionól Ginearálta na Náisiún Aontaithe an 14 Samhain 2022, dar teideal ‘Leigheas agus cúiteamh a chur chun cinn as an bhfogha faoin Úcráin’, inar aithin an Comhthionól Ginearálta nach mór Cónaidhm na Rúise a thabhairt chun cuntais as aon sárú ar an dlí idirnáisiúnta san Úcráin nó faoin Úcráin, lena n‑áirítear a fogha de shárú ar Chairt na Náisiún Aontaithe, chomh maith le haon sárú ar an dlí daonnúil idirnáisiúnta agus ar an dlí idirnáisiúnta um chearta an duine;

Ag meabhrú dóibh gur aithin an Comhthionól Ginearálta freisin i Rún ES‑11/5 nach mór do Chónaidhm na Rúise iarmhairtí dlíthiúla a gníomhartha éagóracha idirnáisiúnta uile a sheasamh, lena n‑áirítear cúiteamh a dhéanamh i leith na díobhála, lena n‑áirítear aon damáiste a rinneadh mar gheall ar ghníomhartha den sórt sin;

Ag meabhrú dóibh gur aithin an Comhthionól Ginearálta freisin gur gá sásra idirnáisiúnta a bhunú, i gcomhar leis an Úcráin, chun damáiste, caillteanas nó díobháil a chúiteamh, agus a eascraíonn as gníomhartha éagóracha idirnáisiúnta de chuid Chónaidhm na Rúise san Úcráin nó faoin Úcráin;

Ag meabhrú dóibh gur mhol an Comhthionól Ginearálta go gcruthódh na Ballstáit, i gcomhar leis an Úcráin, clár idirnáisiúnta damáiste chun feidhmiú mar thaifead, i bhfoirm dhoiciméadach, ar fhianaise agus faisnéis faoi éilimh maidir le damáiste, caillteanas nó díobháil do gach duine nádúrtha agus dlítheanach lena mbaineann, chomh maith le Stát na hÚcráine, arb iad gníomhartha éagóracha idirnáisiúnta de chuid Chónaidhm na Rúise san Úcráin nó faoin Úcráin is cúis leo, chomh maith le bailiú fianaise a chur chun cinn agus a chomhordú;

Is díol sásaimh dóibh gur cruthaíodh Clár an Damáiste arna dhéanamh ag Fogha Chónaidhm na Rúise faoin Úcráin trí Rún CM/Res(2023)3 Choiste Airí Chomhairle na hEorpa an 12 Bealtaine 2023 lena mbunaítear an Páirt‑Chomhaontú Méadaithe maidir le Clár an Damáiste arna dhéanamh ag Fogha Chónaidhm na Rúise faoin Úcráin mar a dheimhnítear le Rún CM/Res(2025)3 Choiste Airí Chomhairle na hEorpa an 9 Iúil 2025;

Ag tabhairt dá n‑aire freisin go bhfuil Clár an Damáiste arna dhéanamh ag Fogha Chónaidhm na Rúise faoin Úcráin oibríochtúil agus go bhfaigheann, go bpróiseálann agus go dtaifeadann sé éilimh i gcomhréir lena Reacht;

Ag meabhrú dóibh Reacht Chlár an Damáiste arna dhéanamh ag Fogha Chónaidhm na Rúise faoin Úcráin, ina sonraítear go bhfuil obair an Chláir, lena n‑áirítear a ardán digiteach leis na sonraí uile faoi éilimh agus fianaise a thaifeadtar ann, ceaptha a bheith ina chéad chuid de shásra idirnáisiúnta cúitimh a bheidh ann amach anseo a bhunófar le hionstraim idirnáisiúnta ar leithligh i gcomhar leis an Úcráin;

Ag tabhairt dá n‑aire gur ionstraim idirnáisiúnta den sórt sin é an Coinbhinsiún seo agus go mbunaítear leis an gCoimisiún Idirnáisiúnta Éileamh don Úcráin, arb é an dara cuid den sásra idirnáisiúnta cúitimh é lena bhféadfaí a áireamh freisin, mar an tríú comhpháirt, ciste cúitimh amach anseo a mbeidh sainordú aige cúiteamh a íoc as damáiste, caillteanas nó díobháil arb iad gníomhartha éagóracha idirnáisiúnta Chónaidhm na Rúise san Úcráin nó faoin Úcráin ba chúis leis;

Ag tabhairt dá n‑aire, cé go dtugtar aghaidh leis an gCoinbhinsiún seo ar ghníomhartha éagóracha idirnáisiúnta arna ndéanamh ag Cónaidhm na Rúise san Úcráin nó faoin Úcráin an 24 Feabhra 2022 nó ina dhiaidh sin, ní scaoiltear leis sin Cónaidhm na Rúise as aon fhreagracht as na gníomhartha éagóracha idirnáisiúnta a rinne sí san Úcráin nó faoin Úcráin an 20 Feabhra 2014 nó ina dhiaidh sin, ná ní choisceann sé go bhféadfaí an Coinbhinsiún seo a leasú amach anseo chun a raon feidhme ama a leathnú go dtí an 20 Feabhra 2014;

Gealltanas a thabhairt forálacha an Choinbhinsiúin seo a chur chun feidhme i gcomhréir leis an dlí idirnáisiúnta,

Tar éis Coinbhinsiún Oscailte Chomhairle na hEorpa a chomhaontú mar a leanas:

CUID I – TÉARMAÍ A ÚSÁID

Airteagal 1 – Sainmhínithe

Chun críocha an Choinbhinsiúin seo:

(a)Ciallóidh ‘Tionól’ Tionól Chomhaltaí an Choimisiúin arna bhunú i gcomhréir le hAirteagal 7 den Choinbhinsiún seo;

(b)Ciallóidh ‘éilimh’ de réir bhrí Airteagal 3 den Choinbhinsiún seo éilimh arna gcur faoi bhráid Chlár an Damáiste arna dhéanamh ag Fogha Chónaidhm na Rúise faoin Úcráin i gcomhréir lena rialacha agus, tar éis obair an Chláir a aistriú chuig an gCoimisiún faoi Chuid VII den Choinbhinsiún seo, na héilimh arna gcur isteach i gcomhréir leis na rialacha agus na nósanna imeachta dá dtagraítear in Airteagal 25 den Choinbhinsiún seo;

(c)Ciallóidh ‘Coimisiún’ an Coimisiún Idirnáisiúnta Éileamh don Úcráin arna bhunú leis an gCoinbhinsiún seo;

(d)Ciallóidh ‘Coimisinéir’ duine aonair arna thoghadh mar chomhalta de Phainéal i gcomhréir le hAirteagal 11 den Choinbhinsiún seo;

(e)Ciallóidh ‘an Chomhairle’ Comhairle an Choimisiúin arna bunú i gcomhréir le hAirteagal 10 den Choinbhinsiún seo;

(f)Ciallóidh ‘Stiúrthóir Feidhmiúcháin’ Stiúrthóir Feidhmiúcháin an Choimisiúin arna cheapadh de réir Airteagal 14 den Choinbhinsiún seo;

(g)Ciallóidh ‘Coiste Airgeadais’ Coiste Airgeadais an Choimisiúin arna bhunú i gcomhréir le hAirteagal 8 den Choinbhinsiún seo;

(h)Ciallóidh ‘Mór-Ranníocóir’ aon Chomhalta a ranníocann, in aon bhliain airgeadais, an leibhéal is airde ranníocaíochtaí éigeantacha le buiséad an Choimisiúin bunaithe ar na critéir atá leagtha amach i Rún (94)31 Choiste Airí Chomhairle na hEorpa an 4 Samhain 1994;

(i)Ciallóidh ‘comhalta’ aon Stát nó Eagraíocht Lánpháirtíochta Réigiúnaí atá tagtha chun bheith ina Chomhalta den Choimisiún trí bheith ina Pháirtí sa Choinbhinsiún seo i gcomhréir le hAirteagail 28, 30, nó 31 den Choinbhinsiún seo;

(j)Ciallóidh ‘breathnóir’ aon Stát, Eagraíocht Lánpháirtíochta Réigiúnaí, nó eagraíocht idirnáisiúnta atá tagtha chun bheith ina Bhreathnóir ar an gCoimisiún i gcomhréir le hAirteagal 27(2) den Choinbhinsiún seo;

(k)Ciallóidh ‘painéal’ Painéal Coimisinéirí a bhunófar de réir Airteagal 12 den Choinbhinsiún seo;

(l)Ciallóidh ‘Eagraíocht Lánpháirtíochta Réigiúnaí’ eagraíocht atá comhdhéanta de Stáit cheannasacha réigiúin áirithe, a bhfuil inniúlacht aistrithe ag a Ballstáit chuici i leith ábhair atá faoi rialú ag an gCoinbhinsiún seo;

(m)Ciallóidh ‘Clár an Damáiste arna dhéanamh ag Fogha Chónaidhm na Rúise faoin Úcráin’ nó ‘Clár’ Clár an Damáiste arna dhéanamh ag Fogha Chónaidhm na Rúise faoin Úcráin arna bhunú le Rún CM/Res(2023)3 Choiste Airí Chomhairle na hEorpa an 12 Bealtaine 2023 mar a dheimhnítear le Rún CM/Res(2025)3 Choiste Airí Chomhairle na hEorpa an 9 Iúil 2025;

(n)Ciallóidh ‘Rialacha agus Rialacháin’ na rialacha agus na rialacháin lena rialaítear obair an Choimisiúin arna nglacadh ag an gComhairle de réir fhomhír 2(c) d’Airteagal 10 den Choinbhinsiún seo agus arna bhformheas ag an Tionól de réir fhomhír 4(c) d’Airteagal 7 den Choinbhinsiún seo;

(o)Ciallóidh ‘Rúnaíocht’ Rúnaíocht an Choimisiúin arna bunú i gcomhréir le hAirteagal 13 den Choinbhinsiún seo.

CUID II – BUNÚ, SAINORDÚ AGUS FEIDHMEANNA AN CHOIMISIÚIN IDIRNÁISIÚNTA ÉILEAMH DON ÚCRÁIN

Airteagal 2 – Bunú an Choimisiúin Idirnáisiúnta Éileamh don Úcráin

Bunaítear leis seo an Coimisiún Idirnáisiúnta Éileamh don Úcráin mar chomhlacht neamhspleách laistigh de chreat institiúideach Chomhairle na hEorpa.

Airteagal 3 – Sainordú agus Feidhmeanna an Choimisiúin

1.Beidh an Coimisiún ina chomhlacht riaracháin a chinneann Éilimh ar chúiteamh i leith damáiste, caillteanais nó díobhála arna ndéanamh ag Cónaidhm na Rúise san Úcráin nó faoin Úcráin de bharr gníomhartha éagóracha idirnáisiúnta, lena n‑áirítear an fogha atá á thabhairt aici de shárú ar Chairt na Náisiún Aontaithe, chomh maith le haon sárú ag Cónaidhm na Rúise ar an dlí daonnúil idirnáisiúnta agus ar an dlí idirnáisiúnta um chearta an duine:

(a)an 24 Feabhra 2022 nó ina dhiaidh sin;

(b)(i) ar chríoch na hÚcráine laistigh dá teorainneacha a aithnítear go hidirnáisiúnta, lena n‑áirítear a talamh, a aerspás, a huiscí inmheánacha agus a farraige theorann;

(ii) i limistéar eacnamaíoch eisiach na hÚcráine agus ar a scairbh ilchríochach, i gcomhréir leis an dlí idirnáisiúnta agus, de réir mar is infheidhme, le reachtaíocht náisiúnta na hÚcráine; nó

(iii) chuig aon aerárthach nó soitheach atá faoi dhlínse na hÚcráine; agus

(c)do gach duine nádúrtha agus dlítheanach lena mbaineann, chomh maith le Stát na hÚcráine, lena n‑áirítear a údaráis réigiúnacha agus áitiúla agus a eintitis faoi úinéireacht nó faoi rialú an stáit.

2.Chun críocha an Choinbhinsiúin seo, ciallóidh sainordú an Choimisiúin faoi mhír 1 thuas go ndéanfaidh an Coimisiún éilimh a athbhreithniú, a mheasúnú agus a chinneadh agus go gcinnfidh sé aon mhéid cúitimh a bheidh dlite i ngach cás.

3.Tabharfaidh an Coimisiún aghaidh ar na saincheisteanna riaracháin, airgeadais, nós imeachta, fíorasacha, dlíthiúla agus beartais uile de réir mar is gá chun éilimh a chinneadh agus chun aon mhéid cúitimh atá dlite i ngach cás a chinneadh.

4.Oibreoidh an Coimisiún ar an mbonn go bhfuil Cónaidhm na Rúise, faoin dlí idirnáisiúnta, freagrach as gach damáiste, caillteanas nó díobháil arb iad a gníomhartha éagóracha idirnáisiúnta san Úcráin nó faoin Úcráin ba chúis leo i gcomhréir le mír 1 thuas.

5.Cinntí críochnaitheacha a bheidh i gcinntí an Choimisiúin, lena n‑áirítear cinntí maidir le méideanna cúitimh a chinnfear agus a dhámhfar i gcomhréir leis an gCoinbhinsiún seo. Beidh cinntí maidir le méideanna cúitimh ina léiriú ar mheasúnú cóir cothrom ar luach Éilimh agus ar luach Éilimh a chinneadh.

6.Déanfaidh Comhaltaí uile an Choimisiúin cinntí an Choimisiúin, a mhéid a bhaineann le hoibriú an Choimisiúin, a mheas mar chinntí a réitíonn go críochnaitheach gach ceist fhíorasach agus dhlíthiúil i ndáil le hÉileamh.

CUID III – STÁDAS DLÍTHIÚIL AGUS SUÍOMH

Airteagal 4 – Pearsantacht Dhlítheanach

1.Beidh pearsantacht dhlítheanach idirnáisiúnta ag an gCoimisiún.

2.Dá réir sin, beidh ag an gCoimisiún cibé inniúlacht dhlíthiúil is gá chun a fheidhmeanna a fheidhmiú, a shainordú a chomhlíonadh, agus a leasanna a chosaint, go háirithe an cumas comhaontuithe a dhéanamh, maoin inchorraithe agus maoin dhochorraithe a fháil agus a dhiúscairt, agus imeachtaí dlíthiúla a thionscnamh.

Airteagal 5 – Suíomh

1.Is i gcríoch ceann de na Páirtithe sa Choinbhinsiún seo a bheidh suíomh an Choimisiúin.

2.Déanfar stádas agus oibriú an Choimisiúin sa Stát óstach a rialáil le comhaontú Stáit óstaigh arna thabhairt i gcrích idir an Stát óstach agus an Coimisiún.

3.Beidh oifig ag an gCoimisiún san Úcráin chun cúnamh a thabhairt don Tionól, don Chomhairle agus do na Painéil ina bhfeidhmeanna.

4.Déanfaidh an Coimisiún socruithe agus/nó comhaontuithe leis an Úcráin lena rialófar stádas agus oibriú oifig an Choimisiúin san Úcráin.

5.Féadfaidh an Tionól a chinneadh oifigí de chuid an Choimisiúin a bhunú in aon Stát eile faoi réir thoiliú an Stáit sin.

Airteagal 6 – Pribhléidí agus Díolúintí

1.Beidh ag an gCoimisiún, lena n‑áirítear a oifig san Úcráin agus aon oifig i Stáit eile, ar chríoch gach Stáit ar Comhalta é, na pribhléidí agus na díolúintí is gá chun a fheidhmeanna a fheidhmiú agus a shainordú a chomhlíonadh.

2.Déanfaidh na Ballstáit atá ina gComhaltaí, ina gcríoch, na rialacha a leagtar amach sa Chomhaontú Ginearálta ar Phribhléidí agus ar Dhíolúintí Chomhairle na hEorpa a chur i bhfeidhm maidir leis an gCoimisiún, a hoifigí, an Stiúrthóir Feidhmiúcháin, comhaltaí eile na Rúnaíochta, agus saineolaithe a fhostaíonn an Coimisiún, go háirithe:

(a)Airteagail 3 go 7 den Chomhaontú Ginearálta ar Phribhléidí agus ar Dhíolúintí Chomhairle na hEorpa, i leith an Choimisiúin, lena n‑áirítear a oifigí, a mhaoin agus a shócmhainní; 

(b)Airteagal 18 den Chomhaontú Ginearálta ar Phribhléidí agus ar Dhíolúintí Chomhairle na hEorpa, i leith an Stiúrthóra Feidhmiúcháin agus chomhaltaí eile na Rúnaíochta;

(c)Airteagal 18(a) agus (e) den Chomhaontú Ginearálta ar Phribhléidí agus ar Dhíolúintí Chomhairle na hEorpa maidir leis na saineolaithe a fhostaíonn an Coimisiún.

3.Déanfaidh Stáit is Comhaltaí, ina gcríoch, na pribhléidí agus na díolúintí céanna dá bhforáiltear faoi Airteagal 16 den Chomhaontú Ginearálta ar Phribhléidí agus ar Dhíolúintí Chomhairle na hEorpa a chur chun feidhme maidir leis na Coimisinéirí agus iad ag gabháil do ghnó an Choimisiúin.

4.Maidir le hionadaithe Comhaltaí ar orgáin an Choimisiúin, na Coimisinéirí, an Stiúrthóir Feidhmiúcháin, comhaltaí eile den Rúnaíocht, agus saineolaithe a bheidh fostaithe ag an gCoimisiún, tabharfar dóibh, i gcríoch gach Stáit is Comhalta, díolúine ó imeachtaí dlíthiúla de gach cineál i leith focail a dúirt siad nó a scríobh siad agus gníomhartha a rinne siad ina gcáil oifigiúil, agus leanfar den díolúine sin a thabhairt dóibh tar éis dá dtéarmaí oifige dul in éag.

5.Féadfaidh aon Stát is Comhalta, trí fhógra a bheidh dírithe chuig Ard‑Rúnaí Chomhairle na hEorpa, a dhearbhú nach mbeidh feidhm ag aon díolúine ó imeachtaí dlíthiúla a thugtar do dhuine le míreanna 2, 3 agus 4 thuas i gcás cion i gcoinne na rialachán maidir le trácht mótarfheithiclí arna ndéanamh ag duine den sórt sin, nó i gcás damáiste arb í mótarfheithicil a bhaineann le duine den sórt sin nó a thiomáineann duine den sórt sin is cúis leis.

6.Pribhléidí agus díolúintí na nithe seo a leanas:

(a)féadfaidh an Tionól na Coimisinéirí a tharscaoileadh;

(b)féadfaidh Ard‑Rúnaí Chomhairle na hEorpa an Stiúrthóir Feidhmiúcháin, comhaltaí eile na Rúnaíochta, agus saineolaithe arna bhfostú ag an gCoimisiún a tharscaoileadh.

7.Féadfaidh an Tionól an díolúine faoi fhomhír 2(a) thuas a tharscaoileadh. Ní bhainfidh tarscaoileadh díolúine den sórt sin le haon bheart forghníomhaithe i maoin an Choimisiúin ná le haon choigistiú maoine de chuid an Choimisiúin, lena n‑áirítear a ardán digiteach agus na sonraí uile faoi Éilimh agus fianaise, a mbeidh gá le tarscaoileadh ar leithligh ón Tionól ina leith.

8.I gcás séanadh ó aon Chomhalta nó foirceannadh an Choinbhinsiúin seo, leanfaidh Comhaltaí de na díolúintí dá dtagraítear san airteagal seo a dheonú.

CUID IV – STRUCHTÚR EAGRÚCHÁIN

Airteagal 7 – Tionól

1.Beidh an Tionól comhdhéanta de Chomhaltaí uile an Choimisiúin.

2.Tiocfaidh an Tionól le chéile ag suíomh an Choimisiúin mura gcinnfidh an Tionól a mhalairt. Comórfaidh taiscí an Choinbhinsiúin seo an chéad chruinniú den Tionól laistigh de bhliain amháin tar éis dó teacht i bhfeidhm.

3.Toghfaidh an Tionól Cathaoirleach agus beirt Leas‑Chathaoirleach ar feadh tréimhse 3 bliana. Déanfaidh Cathaoirleach an Tionóil, nó, in éagmais an Chathaoirligh, duine de na Leas‑Chathaoirligh, imeachtaí an Tionóil a sheoladh agus dualgais eile a chomhlíonadh i gcomhréir leis na rialacha nós imeachta arna nglacadh ag an Tionól.

4.Déanfaidh an Tionól an méid seo a leanas:

(a)beidh freagracht fhoriomlán orthu as sainordú an Choimisiúin a chomhlíonadh agus maoirseacht a dhéanamh ar obair chomhlachtaí an Choimisiúin;

(b)bearta chun aidhmeanna an Choimisiúin a chur chun cinn a mholadh do na Comhaltaí, do chomhlachtaí an Choimisiúin, agus do na fo-orgáin dá dtagraítear i bhfomhír (i) thíos;

(c)rialacha agus rialacháin lena rialaítear obair an Choimisiúin arna nglacadh ag an gComhairle i gcomhréir le fomhír 2(c) d’Airteagal 10 den Choinbhinsiún seo a fhormheas;

(d)comhaltaí na Comhairle a thoghadh i gcomhréir le hAirteagal 10 den Choinbhinsiún seo;

(e)uainchlár na n‑iarrthóirí le feidhmiú mar Choimisinéirí a fhormheas agus uainchlár den sórt sin a thabhairt cothrom le dáta uair sa bhliain ar a laghad;

(f)ag a chéad chruinniú, agus ina dhiaidh sin de réir mar is gá, Stiúrthóir Feidhmiúcháin an Choimisiúin a thoghadh lena cheapadh ag Ard‑Rúnaí Chomhairle na hEorpa;

(g)an Stiúrthóir Feidhmiúcháin a údarú chun aistriú an Chláir chuig an gCoimisiún a fhorghníomhú de bhun Airteagail 24 agus 25 den Choinbhinsiún seo tráth a mheasann an Tionól a bheith iomchuí, agus na hiarmhairtí ar ranníocaíochtaí measúnaithe bliantúla na gComhaltaí á gcur san áireamh;

(h)ar mholadh ón gComhairle, a údarú don Chomhairle Painéil a bhunú agus na Coimisinéirí is gá a cheapadh tráth a mheasfaidh an Tionól a bheith iomchuí, agus na hiarmhairtí do ranníocaíochtaí measúnaithe bliantúla na gComhaltaí á gcur san áireamh;

(i)ar mholadh ón gComhairle agus/nó ón Stiúrthóir Feidhmiúcháin, aon fho-orgán is gá chun feidhmeanna an Choimisiúin a fheidhmiú a bhunú;

(j)scála bliantúil na ranníocaíochtaí a ghlacadh;

(k)buiséad bliantúil an Choimisiúin a ghlacadh;

(l)tuarascáil airgeadais bhliantúil an Choimisiúin a ghlacadh;

(m)tuarascáil bhliantúil ar ghníomhaíochtaí an Choimisiúin a ghlacadh; agus

(n)aon fheidhm eile a dhílsítear dó leis an gCoinbhinsiún seo agus aon fheidhm eile is gá chun sainordú an Choimisiúin a chomhlíonadh nach bhfuil dílsithe leis an gCoinbhinsiún seo don Chomhairle, do Phainéil na gCoimisinéirí, don Stiúrthóir Feidhmiúcháin, ná don Rúnaíocht a chomhlíonadh. Féadfaidh an Tionól cuid de na feidhmeanna eile sin nó iad uile a tharmligean chuig an gComhairle.

5.Tiocfaidh an Tionól le chéile a mhinice is gá, ach uair amháin sa bhliain ar a laghad. Tionólfaidh an Tionól nuair a chinnfidh sé amhlaidh, arna iarraidh sin don Chomhairle, nó arna iarraidh sin d’aon Chomhalta má thacaíonn trian de na Comhaltaí leis an iarraidh sin. Beidh sé de cheart ag an gCathaoirleach cruinnithe urghnácha den Tionól a thionól i gcás ina bhfuil géarghá leis. Faoi réir mhír 6 thíos, ní mór tromlach na gComhaltaí uile a bheith i láthair le haghaidh aon chinnteoireacht de chuid an Tionóil.

6.Féadfaidh an Tionól a chinnteoireacht a fheidhmiú trí nós imeachta i scríbhinn agus trí mhodhanna leictreonacha mar a chinntear i rialacha nós imeachta an Tionóil.

7.Féadfaidh an Tionól coistí comhairleacha a bhunú chun cabhrú lena chuid oibre i réimsí sonracha atá ábhartha don Tionól nó don Choimisiún ina iomláine.

8.Glacfaidh an Tionól a rialacha nós imeachta féin agus aon riail nó socrú eile is gá chun a fheidhmeanna a chur chun feidhme.

9.Feidhmeoidh an Rúnaíocht mar rúnaíocht an Tionóil.

Airteagail 8 – Coiste Airgeadais

1.Bunóidh an Tionól an Coiste Airgeadais mar fho-orgán den Tionól. Déanfaidh an Coiste Airgeadais an méid seo a leanas:

(a)ranníocaíochtaí measúnaithe bliantúla na gComhaltaí a chinneadh i gcomhréir le hAirteagal 23(3) den Choinbhinsiún seo;

(b)comhairle a chur ar fáil don Rúnaíocht agus buiséad an Choimisiúin á ullmhú;

(c)athbhreithniú a dhéanamh ar dhréachtbhuiséad an Choimisiúin don bhliain dár gcionn, mar a d’ullmhaigh an Rúnaíocht é, agus tuairisciú don Tionól;

(d)glacadh ranníocaíochtaí ó eintitis seachas Comhaltaí agus Breathnóirí a athbhreithniú agus a údarú i gcomhréir le hAirteagal 23(4) den Choinbhinsiún seo;

(e)moltaí a chur ar fáil don Tionól a bhaineann le hábhair airgeadais ábhartha eile; agus

(f)aon chúram eile a dhéanamh a bhaineann le cúrsaí airgeadais a shannfaidh an Tionól dó.

2.Beidh an Coiste Airgeadais comhdhéanta d’ionadaithe ó na daoine seo a leanas:

(a)na Comhaltaí uile arb iad na Mór-Ranníocóirí le buiséad an Choimisiúin iad;

(b)Comhaltaí agus Breathnóirí eile a ghnóthaíonn ioncam do bhuiséad an Choimisiúin atá comhionann ar a laghad le ranníocaíochtaí éigeantacha na Mór-Ranníocóirí le linn na bliana airgeadais ar ina leith a rinne siad ranníocaíocht den sórt sin;

(c)comhaltaí eile arna dtoghadh ag an Tionól.

3.Cinnfidh an Tionól líon na gComhaltaí agus na mBreathnóirí faoi fhomhíreanna 2(b) agus 2(c) thuas. Déanfaidh an Tionól athbhreithniú ar na huimhreacha sin gach bliain. Ní bheidh an líon Breathnóirí níos airde ná líon na gComhaltaí.

4.I gcás ina bhfaighidh an Coimisiún cistí leordhóthanacha go hiomlán ó fhoinsí seachas ranníocaíochtaí measúnaithe chun freastal ar a riachtanais bhuiséadacha, ní bheidh ar an gCoiste Airgeadais ach ionadaithe ó Chomhaltaí arna dtoghadh ag an Tionól.

5.Féachfaidh an Coiste Airgeadais lena chinntí a ghlacadh de chomhthoil. Mura bhforáiltear a mhalairt sa Choinbhinsiún seo, i gcás ina mbeidh iarrachtaí chun teacht ar chomhthoil ídithe, glacfaidh an Coiste Airgeadais cinntí trí thromlach dhá thrian de na vótaí a chaitear, agus vóta amháin ag gach comhalta den Choiste Airgeadais. Is gá tromlach de chomhaltaí an Choiste Airgeadais a bheith i láthair le haghaidh aon chinnteoireacht de chuid an Choiste Airgeadais.

6.Déanfar cinntí maidir le hábhair nós imeachta a ghlacadh trí thromlach na vótaí a chaitear. Má bhíonn amhras nó éiginnteacht ann maidir le hábhar, an ábhar nós imeachta é nó nach ea, glacfar an cinneadh i gcomhréir le mír 5 thuas.

7.Tiocfaidh an Coiste Airgeadais le chéile de réir mar is gá agus tuairisceoidh sé don Tionól. Féadfaidh an Coiste Airgeadais cuireadh a thabhairt do Chomhaltaí, Breathnóirí, agus Stáit agus eintitis eile a thug tacaíocht airgeadais don Choimisiún le linn na tréimhse tuairiscithe ábhartha a bheith i láthair le linn chruinnithe an Choiste Airgeadais.