1.   Leis an Rialachán seo bunaítear Saoráid na hÚcráine (‘an tSaoráid’).

Leagtar síos leis cuspóirí na Saoráide, maoiniú na Saoráide, an buiséad don tréimhse 2024-2027, foirmeacha cistithe ón Aontas fúithi agus na rialacha a bhaineann leis an gcistiú sin a sholáthar.

2.   Cuirfidh an tSaoráid cúnamh ar fáil don Úcráin faoi na trí cholún seo a leanas:

1.   Is iad cuspóirí ginearálta na Saoráide tacú leis an Úcráin chun an méid seo a leanas a dhéanamh:

2.   Áireofar an méid seo a leanas ar chuspóirí sonracha na Saoráide:

1.   Beidh an comhar faoin tSaoráid bunaithe ar phrionsabail éifeachtacht na forbartha agus cuirfidh sé na prionsabail sin chun cinn, i gcás inarb infheidhme, ar fud na módúlachtaí uile, is iad sin úinéireacht na dtosaíochtaí forbartha ag an Úcráin, díriú ar thorthaí, comhpháirtíochtaí cuimsitheacha don fhorbairt, trédhearcacht agus cuntasacht fhrithpháirteach. Is riachtanas-bhunaithe a bheidh an comhar agus beidh sé bunaithe ar leithdháileadh éifeachtach éifeachtúil acmhainní agus ar úsáid na n-acmhainní sin . Leis an tSaoráid, seachnófar comhchruinniú iomarcach earnála nó geografach de leithdháileadh agus úsáid acmhainní agus áiritheofar cothromaíocht gheografach iomchuí idir na tionscadail.

2.   Beidh tacaíocht ón tSaoráid sa bhreis ar thacaíocht arna cur ar fáil faoi chláir agus ionstraimí eile de chuid an Aontais. Féadfaidh gníomhaíochtaí atá incháilithe do chistiú faoin Rialachán seo tacaíocht a fháil ó chláir agus ionstraimí eile de chuid an Aontais ar choinníoll nach gcumhdaíonn an tacaíocht sin an costas céanna.

3.   Chun comhlántacht agus éifeachtúlacht a ngníomhaíochta agus a dtionscnaimh a chur chun cinn, oibreoidh an Coimisiún agus na Ballstáit i gcomhair lena chéile agus féachfaidh siad le dúbailt a sheachaint maidir le cúnamh faoin Rialachán seo agus cúnamh eile a sholáthraíonn an tAontas, na Ballstáit, tríú tíortha, eagraíochtaí agus eintitis iltaobhacha agus réigiúnacha, amhail eagraíochtaí idirnáisiúnta agus na hInstitiúidí Idirnáisiúnta Airgeadais, gníomhaireachtaí agus deontóirí nach den Aontas iad, i gcomhréir leis na prionsabail sheanbhunaithe chun comhordú oibríochtúil a neartú i réimse an chúnaimh sheachtraigh, lena n-áirítear trí chomhordú feabhsaithe leis na Ballstáit ar an leibhéal áitiúil agus trí bheartais agus nósanna imeachta a chomhchuibhiú, go háirithe na prionsabail idirnáisiúnta maidir le héifeachtacht na forbartha.

4.    Comhlíonfaidh gníomhaíochtaí faoin tSaoráid , a mhéid is féidir i dtír ina bhfuil cogadh, caighdeáin aeráide agus chomhshaoil an Aontais . Leis na gníomhaíochtaí sin , déanfar príomhshruthú maidir le maolú ar an athrú aeráide agus oiriúnú don athrú aeráide, cosaint agus caomhnú an chomhshaoil, cearta an duine, an daonlathas, comhionannas inscne agus, i gcás inarb ábhartha, laghdú rioscaí tubaiste agus sábháilteacht bonneagair fuinnimh , agus tacófar le dul chun cinn i dtreo na Spriocanna Forbartha Inbhuanaithe, lena gcuirfear chun cinn gníomhaíochtaí comhtháite lenar féidir comhthairbhí a chruthú agus ilchuspóirí a chomhlíonadh ar bhealach comhleanúnach. Seachnófar sócmhainní tréigthe leo, beidh siad i gcomhréir leis an bprionsabal ‘gan dochar a dhéanamh’, a mhéid is féidir, chomh maith leis an gcur chuige príomhshruthaithe inbhuanaitheachta atá mar bhonn taca leis an gComhaontú Glas don Eoraip agus beidh siad faoi threoir an phrionsabail ‘gan aon duine a fhágáil ar lár’ . Tabharfar de chumhacht don Choimisiún gníomh tarmligthe a ghlacadh chun treoraíocht a fhorbairt do gach ceann de na prionsabail sin mar aon le modheolaíocht chun tacú leis an Úcráin agus Plean na hÚcráine á ullmhú .

5.   Ní thacóidh an tSaoráid le gníomhaíochtaí ná bearta atá ar neamhréir le Plean Náisiúnta Fuinnimh agus Aeráide na hÚcráine, má tá fáil air, le Rannchuidiú na hÚcráine arna chinneadh go Náisiúnta faoi Chomhaontú Pháras, ná le gníomhaíochtaí ná bearta lena gcuirtear infheistíochtaí i mbreoslaí iontaise chun cinn, nó lena gcruthaítear éifeachtaí díobhálacha suntasacha ar an gcomhshaol nó ar an aeráid nó ar an mbithéagsúlacht , agus an gá le bonneagar a ndearnadh damáiste dó le linn an chogaidh a atógáil agus a nuachóiriú agus leis an dúlra a ndearnadh damáiste dó a athshlánú ar bhealach athléimneach á chur san áireamh, agus beidh bearta iomchuí ag gabháil leo, i gcás inarb ábhartha, chun na héifeachtaí sin a sheachaint, a chosc nó a laghdú agus, más féidir, chun iad a fhritháireamh.

6.   I gcomhréir le Prionsabal Comhpháirtíochta AE agus le Cód Iompair an Aontais, ráthóidh an Coimisiún go rachfar i gcomhairle go cuí agus go cothrom le páirtithe leasmhara ábhartha, lena n-áirítear Verkhovna Rada, údaráis áitiúla agus réigiúnacha, comhpháirtithe sóisialta agus eagraíochtaí na sochaí sibhialta agus go mbeidh rochtain thráthúil acu ar fhaisnéis ábhartha chun go mbeidh siad in ann páirt fhónta a ghlacadh i múnlú dhearadh agus chur chun feidhme na ngníomhaíochtaí atá incháilithe do chistiú faoin tSaoráid seo, agus sna próisis faireacháin, ghrinnscrúdaithe agus mheastóireachta lena mbaineann. Leis an rannpháirtíocht sin, féachfar le hiolrachas shochaí agus lucht gnó na hÚcráine a léiriú agus le cuimsitheacht pobal éagsúil san Úcráin a áirithiú.

Tabharfaidh an Coimisiún aird ar leith ar rannpháirtíocht na mban i gcomhairliúcháin, chomh maith le cuimsiú grúpaí leochaileacha, amhail iarshaighdiúirí cogaidh agus daoine faoi mhíchumas, sna comhairliúcháin sin . Déanfaidh an Coimisiún, go háirithe, rannpháirtíocht Verkhovna Rada, mar aon le comhlachtaí ionadaíocha réigiúnacha nó áitiúla agus údaráis phoiblí a chur chun cinn, i gcomhréir le prionsabal an rialachais il-leibhéil agus cur chuige ón mbun aníos á chur san áireamh. Áiritheoidh an Coimisiún go rachfar i gcomhairle go fóinteach le Verkhovna Rada maidir le Plean na hÚcráine ina iomláine sula gcuirfear faoi bhráid an Choimisiúin é agus go mbeidh sé in ann dualgais leordhóthanacha fiosrúcháin agus faireacháin a chomhlíonadh go hiomlán le linn ré na Saoráide agus ina dhiaidh .

Déanfaidh an Coimisiún measúnú leanúnach ar a mhéid atá rannpháirtíocht na ngeallsealbhóirí cothrom agus ionadaíoch ar iolrachas leasanna i sochaí agus i bpobail ghnó na hÚcráine, go háirithe trí mheasúnú a dhéanamh i dtaobh an ndeachthas i gcomhairle go hiomchuí le geallsealbhóirí de mhéideanna éagsúla agus le leasanna éagsúla nó leasanna freasúracha. Déanfaidh an Coimisiún comhordú i measc na bpáirtithe leasmhara ábhartha a spreagadh. Áiritheoidh an Coimisiún go mbeidh an tsochaí shibhialta san Úcráin in ann aon neamhrialtachtaí a d’fhéadfaidís a bhrath a thuairisciú go díreach don Choimisiún trí bhuanbhealaí agus ardáin iomchuí.

7.    Áiritheoidh an Coimisiún, i gcomhar leis na Ballstáit agus leis an Úcráin, go gcuirfear gealltanais de chuid an Aontais maidir le trédhearcacht agus cuntasacht mhéadaithe chun feidhme agus cúnamh á sholáthar, lena n-áirítear trí chur chun feidhme iomlán Choinbhinsiún Aarhus a chur chun cinn agus trí chur chun feidhme agus atreisiú na gcóras rialaithe inmheánaigh agus na mbeartas frithchalaoise. Cuirfidh an Coimisiún faisnéis maidir le méid agus leithdháileadh an chúnaimh ar fáil go poiblí trí thairseach ghréasáin aonair , agus áiritheoidh sé go mbeidh sonraí cothrom le dáta, inrochtana go héasca, ar fáil i bhformáid mheaisín-inléite agus inchomparáide. Foilseofar ainmneacha nó céannachtaí dlíthiúla an 2 000 tairbhí deiridh is mó agus na dtairbhithe deiridh uile a fuair méideanna carnacha is airde ná EUR 100 000.

1.     A luaithe is féidir, gabhfaidh an tSaoráid ionad an leithdháilte dhéthaobhaigh don Úcráin faoin Ionstraim maidir leis an gComharsanacht, an Fhorbairt agus an Comhar Idirnáisiúnta (ICFCI-An Eoraip Dhomhanda ) agus an tacaíocht a sholáthraítear i bhfoirm cúnamh macra-airgeadais.

2.     Leanfaidh an Úcráin de bheith incháilithe do thacaíocht faoi chláir ICFCI réigiúnacha, trasteorann, théamacha agus freagartha ar ghéarchéimeanna mar aon le hionstraimí eile de chuid an Aontais. Ní chuirfidh tacaíocht arna soláthar faoin tSaoráid cosc ar an Úcráin a bheith incháilithe do chistiú faoi Rialacháin IPA amach anseo. Áiritheoidh an Coimisiún comhleanúnachas idir an cúnamh a sholáthraítear faoin tSaoráid agus an creat beartais um méadú.

3.     Gníomhaíochtaí a thagann faoi raon feidhme Rialachán (CE) Uimh. 1257/96 agus a thagann faoi raon feidhme na Saoráide Eorpaí Síochána, ní dhéanfar iad a chistiú faoin tSaoráid.

4.     Áiritheoidh an Coimisiún comhlántachtaí agus sineirgí idir an tSaoráid agus cláir eile de chuid an Aontais, d’fhonn cistiú dúbailte a sheachaint.

1.   Mar réamhchoinníoll i dtaca leis an tacaíocht don Úcráin faoin tSaoráid, ní mór don Úcráin leanúint de sheasamh le sásraí éifeachtacha daonlathacha, dá bhforbairt agus dá n-urramú, lena n-áirítear córas parlaiminteach ilpháirtí, ar gach leibhéal rialtais , lena gcosnaítear cearta agus sainchumais anfhreasúra dhaonlathaigh, srianta agus cothromaíochtaí iomchuí, amhail saoirse na meán, leithdháileadh trédhearcach institiúideach buiséid, sásraí agus institiúidí lena n-áirithítear calaois, éilliú agus coinbhleachtaí leasa a chosc, a bhrath agus a phionósú, an smacht reachta, chomh maith le toghcháin shaora agus chothroma i gcomhréir le bunreacht na hÚcráine. Thairis sin, leanfaidh an Úcráin d’urraim do chearta an duine a ráthú, lena n-áirítear cearta daoine ar de ghrúpaí mionlaigh iad, agus iarracht a dhéanamh ar ról níos mó a thabhairt do mhná sa chinnteoireacht.

2.   Déanfaidh an Coimisiún faireachán ar chomhlíonadh an réamhchoinníll a leagtar amach i mír 1 sula ndéanfar eisíocaíochtaí leis an Úcráin faoin tSaoráid agus le linn thréimhse na tacaíochta arna soláthar faoin tSaoráid agus aird chuí á tabhairt ar thuarascáil rialta an Choimisiúin ar mhéadú. Tabharfaidh an Coimisiún aird ar na moltaí ábhartha ó chomhlachtaí idirnáisiúnta, amhail Comhairle na hEorpa agus Coimisiún na Veinéise sa phróiseas sin . Féadfaidh an Coimisiún cinneadh a ghlacadh lena gcinntear nach bhfuil an réamhchoinníoll sin á chomhlíonadh, agus go háirithe, na híocaíochtaí dá dtagraítear in Airteagal 25 a chur ar fionraí, gan beann ar chomhlíonadh na gcoinníollacha dá dtagraítear in Airteagal 15(2). Ina mheasúnú, cuirfidh an Coimisiún san áireamh freisin an comhthéacs san Úcráin, agus iarmhairtí chur i bhfeidhm an dlí airm ansin. Déanfar measúnú an Choimisiúin a tharchur go comhuaineach chuig Parlaimint na hEorpa agus chuig an gComhairle.

1.   Beidh na hacmhainní le haghaidh chur chun feidhme Shaoráid na hÚcráine ar fáil i gcomhréir le hAirteagal 10b de Rialachán (AE, Euratom) 2020/2093 ón gComhairle, leis an dáileadh táscach seo a leanas:

2.   An tacaíocht airgeadais de bhun Chaibidil III i bhfoirm iasachta, beidh sí ar fáil le haghaidh méid suas le EUR 50 000 000 000 don tréimhse ón 1 Eanáir 2024 go dtí an 31 Nollaig 2027.

Cuirfear san áireamh i méid foriomlán eisíocaíochtaí na n-iasachtaí na méideanna arna gcur ar fáil de bhun mhír 1 agus an méid dá dtagraítear i mír 3.

3.   Ní rachaidh suim na n-acmhainní a chuirfear ar fáil de bhun mhíreanna 1 agus 2 thar EUR 50 000 000 000 don tréimhse 2024 go 2027. Déanfaidh an t-údarás buiséadach na méideanna a shlógadh go bliantúil ó Chúlchiste na hÚcráine i mbuiséad an Aontais os cionn uasteorainneacha an Chreata Airgeadais Ilbhliantúil. Beidh ainmníocht Chúlchiste na hÚcráine comhdhéanta de línte buiséadacha breise, a chomhfhreagraíonn do gach ceann de na colúin is bonn don Rialachán seo.

4.   Féadfar ranníocaíochtaí breise chun an tacaíocht dá dtagraítear i mír 1 a mhaoiniú a sholáthar i gcomhréir le hAirteagal 7.

5.   Féadfar na hacmhainní dá dtagraítear i míreanna 1(d) agus 4 a úsáid le haghaidh cúnamh teicniúil agus cúnamh riaracháin chun an tSaoráid a chur chun feidhme, amhail gníomhaíochtaí ullmhúcháin, faireacháin, rialaithe, iniúchóireachta agus meastóireachta, a bhfuil gá leo chun an tSaoráid a bhainistiú agus a cuspóirí a bhaint amach, go háirithe staidéir, cruinnithe saineolaithe, comhairliúcháin le húdaráis na hÚcráine, comhdhálacha, comhairliúchán le páirtithe leasmhara, lena n-áirítear údaráis áitiúla agus réigiúnacha agus eagraíochtaí na sochaí sibhialta, gníomhaíochtaí faisnéise agus cumarsáide, lena n-áirítear gníomhaíochtaí for-rochtana cuimsitheacha, agus cumarsáid chorparáideach maidir le tosaíochtaí polaitiúla an Aontais, a mhéid a bhaineann siad go docht le cuspóirí an Rialacháin seo, speansais a bhaineann le líonraí TF a dhíríonn ar phróiseáil agus ar mhalartú faisnéise, uirlisí teicneolaíochta faisnéise corparáideacha, agus gach speansas eile maidir le cúnamh teicniúil agus riaracháin arna dtabhú ag an gCoimisiún le haghaidh bhainistiú agus chostais na Saoráide ag an gceanncheathrú agus i dtoscaireachtaí an Aontais. Féadfaidh na speansais gach costas a bhaineann le gníomhaíochtaí tacaíochta eile a chumhdach freisin, amhail costais a bhaineann le rialú cáilíochta agus faireachán neamhspleách ar thionscadail ar an láthair agus costais a bhaineann le piarchomhairleoireacht agus le saineolaithe chun athchóirithe agus infheistíochtaí a mheasúnú agus a chur chun feidhme.

1.   Féadfaidh na Ballstáit, tríú tíortha, eagraíochtaí idirnáisiúnta, institiúidí airgeadais idirnáisiúnta nó foinsí eile ranníocaíochtaí airgeadais breise a sholáthar do cheann amháin nó níos mó de na colúin dá dtagraítear in Airteagal 1(2) gan a bheith faoi cheangal ag an dáileadh táscach dá dtagraítear in Airteagal 6(1). Ioncam sannta seachtrach a bheidh sna ranníocaíochtaí sin de réir bhrí pointí (a)(ii), (d) agus (e) d’Airteagal 21(2) de Rialachán (AE, Euratom) 2018/1046.

Méideanna breise a fhaightear mar ioncam sannta seachtrach de réir bhrí Airteagal 21(5) de Rialachán (AE, Euratom) 2018/1046 faoi ghníomhartha dlí ábhartha an Aontais i ndáil le bearta sriantacha i bhfianaise ghníomhaíochtaí na Rúise i ndíchobhsú staid na hÚcráine nó faoi aon ghníomhartha dlí eile de chuid an Aontais a bhaineann le freagracht na Rúise as an damáiste a rinneadh don Úcráin, cuirfear leis na hacmhainní dá dtagraítear in Airteagal 6 iad. Go háirithe, agus faoi réir urraim a thabhairt do rialacha infheidhme an ghnáthdhlí idirnáisiúnta, aon sócmhainní, mar aon leis na fáltais uathu, a choigistítear ó Chónaidhm na Rúise nó ó stáit, eintitis nó daoine aonair eile i ndáil le cogadh foghach na Rúise nó aon fháltais a fhaightear ó bhainistiú shócmhainní Chónaidhm na Rúise arna reo de bhun bhearta sriantacha AE, féadfar iad a fháil mar mhéideanna breise mar ioncam sannta seachtrach de réir bhrí Rialachán (AE, Euratom) 2018/1046, faoi aon ghníomh dlí ábhartha de chuid an Aontais atá le glacadh amach anseo, agus úsáidfear i bhfoirm deontas iad.

2.   Déanfar na ranníocaíochtaí dá dtagraítear i mír 1 a chur chun feidhme i gcomhréir leis na rialacha agus na coinníollacha céanna leis an méid dá dtagraítear in Airteagal 6(1).

3.   Déanfar na ranníocaíochtaí le Ráthaíocht na hÚcráine agus leis na hionstraimí airgeadais faoi Chaibidil IV i gcomhréir le hAirteagal 28.

1.   Cuirfear an tSaoráid chun feidhme i gcomhréir le Rialachán (AE, Euratom) 2018/1046, faoi bhainistíocht dhíreach nó faoi bhainistíocht indíreach le haon cheann de na heintitis dá dtagraítear in Airteagal 62, an chéad fhomhír, pointe (c) de Rialachán (AE, Euratom) 2018/1046.

2.   Féadfar cistiú ón Aontas a sholáthar in aon cheann de na foirmeacha a leagtar síos i Rialachán (AE, Euratom) 2018/1046, go háirithe deontais, duaiseanna, soláthar, tacaíocht bhuiséadach, ionstraimí airgeadais, ráthaíochtaí buiséadacha, oibríochtaí measctha agus cúnamh airgeadais.

3.   Cuirfear ionstraimí airgeadais, ráthaíochtaí buiséadacha agus oibríochtaí measctha lena gcomhcheanglaítear tacaíocht ó ionstraimí airgeadais nó ráthaíochtaí buiséadacha faoin tSaoráid chun feidhme i gcomhréir leis na prionsabail a leagtar síos i dTeideal X, agus go háirithe Airteagal 208 agus Airteagal 209(1), (2) agus (4), de Rialachán (AE, Euratom) 2018/1046. Ag brath ar an acmhainneacht oibríochtúil agus airgeadais is gá, féadfaidh an Banc Eorpach Infheistíochta nó an Ciste Eorpach Infheistíochta, institiúid Eorpach iltaobhach airgeadais, amhail an Banc Eorpach Athfhoirgníochta agus Forbartha, nó institiúid Eorpach dhéthaobhach airgeadais, amhail bainc forbartha, a bheith ina gcontrapháirtí den ráthaíocht bhuiséadach, nó den eintiteas ar cuireadh cúram air chun na hionstraimí airgeadais a chur chun feidhme. Nuair is féidir, déanfar cur chun feidhme ionstraimí airgeadais, ráthaíochtaí buiséadacha agus oibríochtaí measctha faoin tSaoráid a chomhlánú le foirmeacha breise tacaíochta airgeadais, ó na Ballstáit nó ó thríú páirtithe.

1.   Tabharfaidh an Coimisiún creat-chomhaontú i gcrích leis an Úcráin maidir le cur chun feidhme na Saoráide ina leagfar amach socruithe sonracha maidir le bainistiú, rialú, maoirseacht, faireachán, meastóireacht, tuairisciú agus iniúchadh a dhéanamh ar chistí faoin tSaoráid, chomh maith le neamhrialtachtaí, calaois, éilliú agus coinbhleachtaí leasa a chosc, a bhrath , a imscrúdú agus a cheartú. Déanfar an creat-chomhaontú a chomhlánú le comhaontuithe maoiniúcháin i gcomhréir le hAirteagal 10 agus le comhaontuithe iasachta i gcomhréir le hAirteagal 21, lena leagtar amach forálacha sonracha maidir le cistiú faoin tSaoráid a bhainistiú agus a chur chun feidhme. Déanfar an creat-chomhaontú sin, lena n-áirítear aon doiciméid ábhartha, a tharchur chuig Parlaimint na hEorpa agus chuig an gComhairle go comhuaineach agus gan mhoill agus cuirfear ar fáil don phobal é.

2.   Cé is moite den mhaoiniú idirlinne dá dtagraítear in Airteagal 24, ní thabharfar cistiú don Úcráin ach amháin tar éis don chreat-chomhaontú agus do na comhaontuithe maoiniúcháin agus iasachta is infheidhme teacht i bhfeidhm.

3.   Leis an gcreat-chomhaontú, leis na comhaontuithe maoiniúcháin agus leis an gcomhaontú iasachta arna dtabhairt i gcrích leis an Úcráin, má dhearctar orthu ina n-iomláine, agus leis na conarthaí agus na comhaontuithe arna síniú le duine nó eintitis a fhaigheann cistí ón Aontas, áiritheofar gur féidir na hoibleagáidí a leagtar amach in Airteagal 129 de Rialachán (AE, Euratom) 2018/1046 a chomhlíonadh.

4.   Leagfar síos sa chreat-chomhaontú forálacha mionsonraithe maidir leis an méid seo a leanas, go háirithe:

1.   Tabharfar comhaontuithe maoiniúcháin i gcrích le haghaidh Chaibidil III agus Chaibidil V, agus leagfar amach leo céimeanna cáilíochtúla agus cainníochtúla intomhaiste a bhaineann le heisíoc cistí faoin Rialachán seo . Leagfar amach iontu freagrachtaí agus oibleagáidí na hÚcráine maidir le cistí de chuid an Aontais a chur chun feidhme, lena n-áirítear na hoibleagáidí a leagtar amach in Airteagal 129 de Rialachán (AE, Euratom) 2018/1046. Leagfar amach iontu freisin na coinníollacha maidir leis an tacaíocht airgeadais neamh-inaisíoctha a íoc, lena n-áirítear i ndáil le cur chun feidhme an chreat-chomhaontaithe dá dtagraítear in Airteagal 9, lena n-áirítear na córais rialaithe inmheánaigh dá dtagraítear in Airteagal 9(4), pointí (a) agus (c). Leagfar amach cearta agus oibleagáidí an Aontais sna comhaontuithe maoiniúcháin freisin. Déanfar iad a tharchur chuig Parlaimint na hEorpa agus chuig an gComhairle go comhuaineach.

2.   Áireofar sna comhaontuithe maoiniúcháin rialacha maidir le tuairisc a thabhairt don Choimisiún i dtaobh conas a dhéantar gníomhaíochtaí, agus i dtaobh an gcomhlíontar na coinníollacha a luaitear in Airteagal 15(2).

1.   Beidh an deis a bheith rannpháirteach i nósanna imeachta maidir le soláthar, deonú agus dámhachtain deontas le haghaidh gníomhaíochtaí a mhaoinítear faoin tSaoráid ag eagraíochtaí idirnáisiúnta agus réigiúnacha agus ag na daoine nádúrtha ar fad ar náisiúnaigh iad sna háiteanna seo a leanas agus ag daoine dlítheanacha atá bunaithe go héifeachtach sna háiteanna seo a leanas:

2.   Féadfar an rochtain chómhalartach dá dtagraítear i mír 1, pointe (b), a dheonú le haghaidh tréimhse theoranta 1 bhliana ar a laghad, nuair a dhéanfaidh tír incháilitheacht a dheonú ar choinníollacha comhionanna le heintitis ón Aontas agus ó thíortha atá incháilithe faoin tSaoráid.

Déanfaidh an Coimisiún cinneadh maidir leis an rochtain chómhalartach tar éis dó dul i gcomhairle leis an Úcráin.

3.   Beidh na soláthairtí agus na hábhair go léir arna maoiniú agus arna soláthar faoin tSaoráid seo de thionscnamh aon tíre dá dtagraítear i mír 1(a) agus (b), mura rud é nach féidir na soláthairtí agus na hábhair a fháil ar choinníollacha réasúnacha in aon cheann de na tíortha sin. Ina theannta sin, tá feidhm ag na rialacha maidir le srianta i mír 7.

4.   Ní bheidh feidhm ag na rialacha incháilitheachta faoin Airteagal seo maidir le daoine nádúrtha atá fostaithe nó atá ar conradh go dleathach ar bhealach eile ag conraitheoir incháilithe nó, i gcás inarb infheidhme, ag fochonraitheoir incháilithe, ná ní chruthófar leo srianta náisiúntachta do dhaoine nádúrtha, ach amháin i gcás ina bhfuil na srianta náisiúntachta bunaithe ar na rialacha dá bhforáiltear i mír 7.

5.   I gcás gníomhaíochtaí arna gcómhaoiniú go comhpháirteach ag eintiteas nó arna gcur chun feidhme faoi bhainistíocht dhíreach nó indíreach eintiteas dá dtagraítear in Airteagal 62(1), pointe (c) de Rialachán (AE, Euratom) 2018/1046 nó i gcás gníomhaíochtaí arna gcur chun feidhme ag eintitis na hÚcráine faoi Chaibidil III den Rialachán seo, beidh feidhm ag rialacha incháilitheachta na n-eintiteas sin nó na hÚcráine i dteannta na rialacha a bhunaítear faoin Airteagal seo, lena n-áirítear, i gcás inarb infheidhme, na srianta dá bhforáiltear faoi mhír 7 den Airteagal seo agus a léirítear go cuí sna comhaontuithe maoiniúcháin agus sna doiciméid chonarthacha arna síniú leis na heintitis sin.

6.   I gcás ina ndéantar ranníocaíochtaí breise a sholáthar i gcomhréir le hAirteagal 7 trí ioncam sannta seachtrach, beidh feidhm ag na rialacha incháilitheachta sa chomhaontú leis an duine a sholáthraíonn an ranníocaíocht bhreise agus foráil á déanamh do na rialacha maidir le srianta faoi mhír 7 den Airteagal seo.

7.   Na rialacha incháilitheachta agus tionscnamh na soláthairtí agus na n-ábhar i mír 1 agus i mír 3 agus náisiúntacht na ndaoine nádúrtha dá dtagraítear i mír 4, féadfar iad a shrianadh i dtaca le náisiúntacht, suíomh geografach nó cineál na n-eintiteas dlítheanach atá rannpháirteach i nósanna imeachta soláthair agus i dtaca le tionscnamh geografach na soláthairtí agus na n-ábhar, sna cásanna seo a leanas:

8.   Féadfar glacadh le hiarratasóirí ar thairiscintí agus le hiarrthóirí ó thíortha neamh-incháilithe i gcás práinne nó i gcás nach mbeidh seirbhísí ar fáil i margaí na dtíortha nó na gcríoch lena mbaineann, nó i gcásanna eile cuí-réasúnaithe ina mbeadh fíorú gníomhaíochta dodhéanta nó thar a bheith deacair mar gheall ar chur i bhfeidhm na rialacha incháilitheachta.

1.   De mhaolú ar Airteagal 12(4) de Rialachán (AE, Euratom) 2018/1046, déanfar leithreasuithe faoi chomhair gealltanas agus íocaíochtaí nár úsáideadh faoin tSaoráid a thabhairt anonn go huathoibríoch agus féadfar iad a ghealladh agus a úsáid, faoi seach, go dtí 31 Nollaig na bliana airgeadais ina dhiaidh sin. Is é an tsuim a tugadh anonn is túisce a úsáidfear sa bhliain airgeadais ina dhiaidh sin.

2.    Cuirfidh an Coimisiún faoi faisnéis faoi bhráid Pharlaimint na hEorpa agus na Comhairle maidir le leithreasuithe faoi chomhair gealltanas a tugadh anonn, lena n-áirítear na méideanna lena mbaineann , i gcomhréir le hAirteagal 12(6) de Rialachán (AE, Euratom) 2018/1046.

3.   De mhaolú ar Airteagal 15 de Rialachán (AE, Euratom) 2018/1046 i dtaca le leithreasuithe a chur ar fáil arís, cuirfear leithreasuithe faoi chomhair gealltanas, a chomhfhreagraíonn do mhéid na ngealltanas saortha a rinneadh de bharr neamh-chur chun feidhme iomlán nó páirteach gníomhaíochta faoin tSaoráid, ar fáil iad chun leas na líne buiséid tionscnaimh.

4.   De mhaolú ar an gcéad fhomhír, ar an dara fomhír agus ar an gceathrú fomhír d’Airteagal 209(3) de Rialachán (AE, Euratom) 2018/1046, is éard a bheidh in aon ioncam agus aisíocaíocht ó ionstraimí airgeadais a bhunaítear faoin Rialachán seo ioncam sannta inmheánach de réir bhrí Airteagal 21(5) de Rialachán (AE, Euratom) 2018/1046, don tSaoráid nó don chlár a thiocfaidh ina diaidh.

5.   De mhaolú ar Airteagal 213(4), pointe (a), de Rialachán (AE, Euratom) 2018/1046, is éard a bheidh in aon bharrachas sna forálacha le haghaidh Ráthaíocht na hÚcráine ioncam sannta inmheánach de réir bhrí Airteagal 21(5) de Rialachán (AE, Euratom) 2018/1046 don tSaoráid nó don chlár a thiocfaidh ina diaidh.

6.   Féadfar gealltanais bhuiséadacha maidir le gníomhaíochtaí ar faide iad ná 1 bhliain airgeadais a roinnt ina dtráthchodanna bliantúla thar roinnt blianta i gcomhréir le hAirteagal 112(2) de Rialachán (AE, Euratom) 2018/1046.

Ní bheidh feidhm ag an tríú fomhír d’Airteagal 114(2) de Rialachán (AE, Euratom) 2018/1046 maidir leis na gníomhaíochtaí dá dtagraítear sa chéad fhomhír den mhír seo.

1.   I gcúinsí eisceachtúla a bhfuil údar cuí leo, go háirithe i gcás ina dtéann an cogadh in olcas go mór agus nach féidir leis an Úcráin na coinníollacha a ghabhann leis na cineálacha tacaíochta faoin Rialachán seo a chomhlíonadh, féadfaidh an tSaoráid maoiniú eisceachtúil a chur ar fáil don Úcráin chun a cobhsaíocht mhacra-airgeadais a choinneáil agus chun gnóthú na gcuspóirí dá dtagraítear in Airteagal 3 a chothú. Cuirfear deireadh leis an maoiniú eisceachtúil sin a luaithe a bheidh sé indéanta na coinníollacha a chomhlíonadh arís.

2.   Chun críche mhír 1, i gcás ina gcinnfidh an Coimisiún nach féidir leis an Úcráin na coinníollacha a ghabhann leis na cineálacha tacaíochta faoin Rialachán seo a chomhlíonadh de bharr imthosca eisceachtúla den sórt sin a bhfuil údar cuí leo, tugtar de chumhacht don Choimisiún gníomh tarmligthe a ghlacadh i gcomhréir le hAirteagal 38 chun an Rialachán seo a fhorlíonadh le forálacha lena leagtar amach maoiniú eisceachtúil don Úcráin faoin tSaoráid.

3.   In aon chás, beidh an maoiniú eisceachtúil faoi réir an réamhchoinníll dá dtagraítear in Airteagal 5 agus maoineofar é laistigh de na hacmhainní dá dtagraítear in Airteagal 6(1), pointe (a), agus in Airteagal 6(2).

1.   Déanfar foráil i bPlean na hÚcráine (an ‘Plean’) maidir le creat uileghabhálach chun na cuspóirí a leagtar amach in Airteagal 3 a bhaint amach.

2.   Beidh Plean na hÚcráine ina bhonn don tacaíocht a sholáthraítear faoi Cholún I den tSaoráid mar a leagtar amach in Airteagal 1(2)(a) agus dá dtagraítear sa Chaibidil seo. Feidhmeoidh sé freisin mar thagairt chun an tacaíocht atá le soláthar faoi Cholún II agus Colún III den tSaoráid dá dtagraítear i gCaibidil IV agus Caibidil V a threorú.

1.   Leagfar amach i bPlean na hÚcráine clár oibre athchóirithe agus infheistíochta na hÚcráine, a bheidh comhtháite i gcreat beartais eacnamaíoch agus fhioscaigh, chun na cuspóirí ginearálta agus sonracha a luaitear in Airteagal 3 a bhaint amach. Is éard a bheidh sa Phlean ná bearta chun athchóirithe agus infheistíocht phoiblí a chur chun feidhme trí phacáiste cuimsitheach comhleanúnach, a bhféadfadh scéimeanna poiblí a bhfuil sé mar aidhm leo dreasú a chur ar fáil maidir le hinfheistíochtaí príobháideacha a bheith san áireamh ann freisin. Sainaithneofar i bPlean na hÚcráine an méid tacaíochta airgeadas a rannchuidíonn le tacaíocht don chobhsaíocht mhacra-airgeadais mar a shainmhínítear in Airteagal 3(2), pointe (a), chomh maith leis an méid tacaíochta airgeadais a rannchuidíonn le tacaíocht d’athchóirithe agus d’infheistíochtaí mar a shainmhínítear i míreanna eile d’Airteagal 3.

2.   Cuirfidh an tSaoráid maoiniú ar fáil faoin gCaibidil seo nuair a bheidh coinníollacha a eascraíonn as an bPlean comhlíonta go sásúil, i bhfoirm céimeanna intomhaiste cáilíochtúla nó cainníochtúla , arna gcomhaontú sna comhaontuithe maoiniúcháin . Léireofar sna coinníollacha sin cuspóirí éagsúla na Saoráide, mar a shainmhínítear in Airteagal 3, agus prionsabail ghinearálta, mar a leagtar amach in Airteagal 4, agus áireofar iontu coinníollacha a bhaineann le ceanglais fhíor-riachtanacha, amhail cobhsaíocht eacnamaíoch agus airgeadais a choinneáil ar bun, chomh maithe le formhaoirseacht bhuiséadach agus bainistíocht airgeadais phoiblí, agus coinníollacha a bhaineann le cur chun feidhme na n-athchóirithe agus na n-infheistíochtaí a leagtar amach sa Phlean.

3.    Beidh feidhm ag na coinníollacha a luaitear san Airteagal seo maidir leis na méideanna dá dtagraítear in Airteagal 6(1)(a) agus Airteagal (2) agus na ranníocaíochtaí ábhartha faoi mhír 4 den Airteagal sin.

4.   Beidh bearta ar cuireadh tús leo ón 1 Eanáir 2023 ar aghaidh incháilithe ar choinníoll go gcomhlíonann siad na ceanglais a leagtar amach sa Rialachán seo.

5.    Rannchuideoidh Plean na hÚcráine leis na tosaíochtaí uile nó fothacar suntasach de na tosaíochtaí a sainaithníodh i gcomhthéacs chonair aontachais na hÚcráine, mar a leagtar amach sa Tuairim ón gCoimisiún agus sa Tuarascáil Anailíseach, agus sa Chomhaontú Comhlachais lena n-áirítear Comhaontú Domhain Cuimsitheach Saorthrádála agus beidh sé comhsheasmhach leis na tosaíochtaí sin . Rannchuideoidh sé agus beidh sé comhsheasmhach freisin le Rannchuidiú na hÚcráine arna Chinneadh go Náisiúnta faoi Chomhaontú Pháras agus, má tá sé ar fáil, leis an bPlean Náisiúnta Fuinnimh agus Aeráide.

▌-

1.   Chun tacaíocht a fháil faoin tSaoráid, cuirfidh an Úcráin Plean na hÚcráine faoi bhráid an Choimisiúin.

2.   Leagfar amach i bPlean na hÚcráine go háirithe na gnéithe seo a leanas, a mbeidh réasúnú agus bunús cuí ag dul leo:

3.   Beidh Plean na hÚcráine bunaithe ar thorthaí agus áireofar ann táscairí intomhaiste amhail príomhtháscairí feidhmíochta, i gcás inarb infheidhme chun measúnú a dhéanamh ar an dul chun cinn arna dhéanamh maidir leis na cuspóirí ginearálta agus sonracha dá dtagraítear in Airteagal 3 a bhaint amach.

1.   Is é rialtas na hÚcráine a ullmhóidh Plean na hÚcráine agus is é Verkhovna Rada a fhormheasfaidh é, a dtabharfar am cuí dó chun an dréachtbhille a mheasúnú . Féachfaidh an Úcráin leis an bPlean a chur faoi bhráid an Choimisiúin laistigh de 3  mhí tar éis theacht i bhfeidhm an Rialacháin seo. Féadfaidh an Úcráin Dréachtphlean a chur faoi bhráid an Choimisiúin. Roinnfidh an Coimisiún an Dréachtphlean sin le Parlaimint na hEorpa agus leis an gComhairle .

2.   Agus an Plean á ullmhú i gcomhréir le hAirteagal 16, tabharfaidh an Úcráin aird ar leith ar na rúin ábhartha ó Verkhovna Rada agus ar an staid i limistéir réigiúnacha, áitiúla agus uirbeacha na hÚcráine, agus a riachtanais shonracha maidir le téarnamh agus atógáil, athchóiriú, nuachóiriú agus dílárú á gcur san áireamh.

3.   Déanfar Plean na hÚcráine a ullmhú agus a chur chun feidhme i gcomhairle le húdaráis réigiúnacha, áitiúla, uirbeacha agus údaráis phoiblí eile, lena n-áirítear aireachtaí líne ábhartha, an tsochaí shibhialta agus an comhphobal saineolaithe i gcomhréir le prionsabal an rialachais il-leibhéil agus cur chuige ón mbun aníos á chur san áireamh. I gcomhréir le prionsabal Comhpháirtíochta an Aontais agus leis an gCód Iompair Eorpach, áiritheoidh an Úcráin agus an Coimisiún go rachfar i gcomhairle go cuí le heagraíochtaí na sochaí sibhialta agus go mbeidh baint chuí acu leis an bpróiseas agus go mbeidh rochtain thráthúil acu ar fhaisnéis ábhartha chun go mbeidh siad in ann ról fóinteach a ghlacadh i gceapadh agus i gcur chun feidhme Phlean na hÚcráine.

1.     Tar éis Plean na hÚcráine a chur isteach, soláthróidh rialtas na hÚcráine achoimrí go rialta do Verkhovna Rada agus don phobal ar an bhfaisnéis ábhartha uile maidir le cur chun feidhme Phlean na hÚcráine, go háirithe i gcomhthéacs leasuithe ar Phlean na hÚcráine, dá dtagraítear in Airteagal 20, ar bhealach cuimsitheach agus tráthúil. Tuairisceoidh rialtas na hÚcráine go pearsanta, ar bhonn ráithiúil, ag cruinnithe iomlánacha Verkhovna Rada.

2.     Bunóidh rialtas na hÚcráine Coistí Faireacháin a mbeidh baint ag raon éagsúil geallsealbhóirí leo, lena n-áirítear eagraíochtaí neamhrialtasacha, agus tacaíocht acu ó chreat-chomhaontú sonrach le haghaidh comhar leis na heagraíochtaí neamhrialtasacha sin, i gcomhréir le Prionsabal Comhpháirtíochta an Aontais agus leis an gCód Iompair Eorpach. Tabharfar an t-eolas is déanaí do na Coistí Faireacháin go rialta maidir le staid chur chun feidhme Phlean na hÚcráine agus maidir leis an meastóireacht ar a bhearta. Soláthrófar faisnéis chuimsitheach, thráthúil agus ábhartha dóibh chun na críche sin agus tabharfar am iomchuí dóibh chun an fhaisnéis sin a phróiseáil. Cuirfear tuairimí na gCoistí Faireacháin ar aghaidh chuig an gCoimisiún, agus cuirfidh an Coimisiún iad ar fáil do Pharlaimint na hEorpa agus don Chomhairle Eorpach gan mhoill.

3.     I gcás ina bhfaightear iarraidh chuí-réasúnaithe ó na Coistí Faireacháin, iarrfaidh rialtas na hÚcráine nó, i gcás inarb ábhartha, an Coimisiún iniúchtaí nó meastóireachtaí seachtracha ar bheart amháin nó níos mó atá i bPlean na hÚcráine, arna maoiniú le cistí atá ar fáil faoi Airteagal 6(1) pointe (d).

1.   Déanfaidh an Coimisiún measúnú ar ábharthacht, cuimsitheacht agus oiriúnacht Phlean na hÚcráine nó, i gcás inarb infheidhme, an leasaithe ar an bPlean sin dá dtagraítear in Airteagal 20, gan moill mhíchuí, agus , i gcás inarb iomchuí, féadfaidh sé gníomh tarmligthe a ghlacadh i gcomhréir le hAirteagal 19. Agus an measúnú sin á dhéanamh aige, gníomhóidh an Coimisiún i ndlúthchomhar leis an Úcráin, agus féadfaidh sé barúlacha a thabhairt nó faisnéis bhreise a lorg.

2.   Agus measúnú á dhéanamh ag an gCoimisiún ar Phlean na hÚcráine, agus an méid atá le leithdháileadh ar an Úcráin á chinneadh, cuirfidh sé san áireamh an fhaisnéis anailíseach ábhartha atá ar fáil maidir leis an Úcráin, an bonn cirt agus na gnéithe a chuir an Úcráin ar fáil dá dtagraítear in Airteagal 16(2), chomh maith le haon fhaisnéis ábhartha eile amhail, go háirithe, an fhaisnéis a liostaítear in Airteagal 15(5).

3.   Ina mheasúnú, cuirfidh an Coimisiún na critéir seo a leanas san áireamh:

4.   Chun críche an mheasúnaithe ar Phlean na hÚcráine arna chur isteach ag an Úcráin, féadfaidh saineolaithe cúnamh a thabhairt don Choimisiún.

1.   I gcás ina ndéanfar measúnú dearfach ▌ ar ▌an bPlean don Úcráin ▌ a chuir isteach an Úcráin nó, i gcás inarb infheidhme, ar an leasú air a cuireadh isteach i gcomhréir le hAirteagal 20(1) nó (2), tugtar de chumhacht don Choimisiún gníomh tarmligthe a ghlacadh i gcomhréir le hAirteagal 38 chun an Rialachán seo a fhorlíonadh le forálacha lena leagtar amach na hábhair dá dtagraítear i míreanna 2 agus 3 den Airteagal seo .

2.   Leagfar amach sa ghníomh tarmligthe ón gComhairle, maidir leis an gcuid a bheidh le cistiú ag an tSaoráid, na hathchóirithe agus na hinfheistíochtaí atá le cur chun feidhme ag an Úcráin, na coinníollacha a eascraíonn as an bPlean mar a dhéantar tuairisc orthu in Airteagal 15(2), lena n-áirítear an tráthchlár táscach, na garspriocanna agus na spriocanna is gá chun eisíoc na méideanna dá dtagraítear in Airteagal 6(1) pointe (a) agus (2) agus ranníocaíochtaí ábhartha faoi mhír 4 den Airteagal sin.

3.   Leagfar síos leis an ngníomh tarmligthe dá dtagraítear i mír 2 na nithe seo a leanas freisin:

3a.     I gcás ina ndéanfaidh an Coimisiún measúnú diúltach ar Phlean na hÚcráine, cuirfidh sé measúnú a bhfuil údar cuí leis in iúl laistigh de dhá mhí tar éis don Úcráin an togra a chur isteach. Tar éis dó iarraidh a fháil ó Pharlaimint na hEorpa, tiocfaidh an Coimisiún os comhair na gcoistí inniúla chun mínithe a thabhairt maidir leis an measúnú diúltach ar Phlean na hÚcráine. Déanfaidh an Coimisiún faisnéis ábhartha shubstaintiúil a tharchur go comhuaineach chuig Parlaimint na hEorpa agus chuig an gComhairle agus ar théarmaí comhionanna cúig lá oibre ar a laghad roimh an gcruinniú.

1.    Féadfaidh rialtas na hÚcráine, tar éis dul i gcomhairle le Verkhovna Rada agus leis na Coistí Faireacháin dá dtagraítear in Airteagal17a , leasuithe ar Phlean na hÚcráine a mholadh. Sa chás sin, féadfaidh an Úcráin iarraidh réasúnaithe a dhéanamh ar an gCoimisiún togra a dhéanamh chun an gníomh tarmligthe dá dtagraítear in Airteagal 19(1) a leasú ina iomláine nó i bpáirt.

2.   Féadfaidh an Coimisiún, tar éis dó Parlaimint na hEorpa agus an Chomhairle a chur ar an eolas , i gcomhaontú leis an Úcráin, an gníomh tarmligthe dá dtagraítear in Airteagal 19(1) a leasú, go háirithe chun athrú ar na méideanna atá ar fáil a chur i gcuntas, go háirithe mar gheall ar ranníocaíochtaí breise ó na Ballstáit nó ó fhoinsí eile dá dtagraítear in Airteagal 6(4).

3.   I gcás ina measann an Coimisiún go bhfuil údar maith le leasú a dhéanamh ar Phlean na hÚcráine de bharr na gcúiseanna arna gcur in iúl ag an Úcráin, déanfaidh an Coimisiún measúnú ar Phlean leasaithe na hÚcráine i gcomhréir le hAirteagal 18 agus déanfaidh sé togra chun an gníomh tarmligthe dá dtagraítear in Airteagal 19(1) a leasú.

1.     Bunóidh an Coimisiún scórchlár Phlean don Úcráin (‘an Scórchlár’), ina dtaispeánfar an dul chun cinn maidir le cur chun feidhme Phlean na hÚcráine i ngach ceann de na cuspóirí dá dtagraítear in Airteagal 3, an staid shóisialta, eacnamaíoch agus chomhshaoil san Úcráin agus an dul chun cinn maidir leis an gcóineasú i dtreo chaighdeáin an Aontais.

2.     Tabharfar de chumhacht don Choimisiún gníomh tarmligthe a ghlacadh i gcomhréir le hAirteagal 38 chun an Rialachán seo a fhorlíonadh trí ghnéithe mionsonraithe an Scórchláir a bhunú d’fhonn an dul chun cinn maidir le cur chun feidhme Phlean na hÚcráine dá dtagraítear i mír 1, an staid shóisialta, eacnamaíoch agus chomhshaoil san Úcráin agus an dul chun cinn maidir leis an gcóineasú i dtreo chaighdeáin an Aontais a léiriú.

3.     Beidh an Scórchlár ag feidhmiú faoi mhí Iúil 2024 agus ba cheart don Choimisiún é a nuashonrú dhá uair sa bhliain. Cuirfear an Scórchlár ar fáil go poiblí.

1.   Chun an tacaíocht faoin tSaoráid i bhfoirm iasachtaí a mhaoiniú, tabharfar de chumhacht don Choimisiún, thar ceann an Aontais, na cistí is gá a fháil ar iasacht ar na margaí caipitil nó ó institiúidí airgeadais i gcomhréir le hAirteagal 220a de Rialachán (AE, Euratom) 2018/1046.

2.   Ar ghlacadh an ghnímh tharmligthe chun feidhme ón gComhairle dá dtagraítear in Airteagal 19(1), déanfaidh an Coimisiún comhaontú iasachta leis an Úcráin i ndáil leis an méid dá dtagraítear in Airteagal 6(2). Leagfar síos sa chomhaontú iasachta tréimhse infhaighteachta agus téarmaí mionsonraithe na tacaíochta faoin tSaoráid i bhfoirm iasachtaí, lena n-áirítear i ndáil leis na córais rialaithe inmheánaigh dá dtagraítear in Airteagal 9(4), pointí (a) agus (c). Is é 35 bliana an uastréimhse a bheidh ag na hiasachtaí. Sa bhreis ar na heilimintí a leagtar síos in Airteagal 220(5) de Rialachán (AE, Euratom) 2018/1046, beidh méid an réamh-mhaoinithe agus na rialacha maidir le himréiteach an réamh-mhaoinithe sa chomhaontú iasachta. Déanfaidh an Coimisiún na heilimintí seo a leanas a tharchur go comhuaineach chuig Parlaimint na hEorpa agus chuig an gComhairle:

3.   De mhaolú ar Airteagal 31(3), an dara habairt, de Rialachán (AE) 2021/947, ní thacóidh an Ráthaíocht do Ghníomhaíochtaí Seachtracha leis an gcúnamh airgeadais a thugtar don Úcráin i bhfoirm iasachtaí faoin tSaoráid.

4.   Ní bhunófar aon fhoráil maidir leis na hiasachtaí faoin Rialachán seo agus, de mhaolú ar Airteagal 211(1) de Rialachán (AE, Euratom) 2018/1046, ní shocrófar aon ráta soláthair mar chéatadán den mhéid dá dtagraítear in Airteagal 6(2) den Rialachán seo.

4a.    Déanfar an comhaontú iasachta a tharchur go comhuaineach chuig Parlaimint na hEorpa agus chuig an gComhairle, agus chuig Verkhovna Rada.

1.   De mhaolú ar Airteagal 220(5) de Rialachán (AE, Euratom) 2018/1046 agus faoi réir na n-acmhainní atá ar fáil , féadfaidh an tSaoráid costas an chistithe, costas bainistithe leachtachta, agus costas seirbhíse a sheasamh le haghaidh forchostais riaracháin a bhaineann leis an iasachtaíocht agus leis an iasachtú (‘fóirdheontas i leith costais iasachtaíochta’), cé is moite de chostais a bhaineann le haisíoc luath na hiasachta. Le haghaidh na tréimhse ón 1 Eanáir 2024 go dtí an 31 Nollaig 2027, cumhdófar an fóirdheontas i leith costais iasachtaíochta faoi Chaibidil V. Féadfaidh an tSaoráid costas na bhfóirdheontas ráta úis a deonaíodh roimhe sin i Rialachán (AE) 2022/2463, i gCinneadh (AE) 2022/1628, i gCinneadh (AE) 2022/1201, agus i gCinneadh (AE) 2022/313 a sheasamh freisin, le haghaidh na tréimhse 2024-2027.

2.   Féadfaidh an Úcráin an fóirdheontas i leith costais iasachtaíochta dá dtagraítear i mír 1 a iarraidh gach bliain. Féadfaidh an Coimisiún an fóirdheontas i leith costais iasachtaíochta a dhámhachtain le haghaidh méid nach mó ná teorainneacha na leithreasuithe arna gcur ar fáil sa bhuiséad bliantúil.

1.   Féadfaidh an Úcráin, in éineacht le cur isteach Phlean na hÚcráine, íocaíocht réamh-mhaoinithe a iarraidh ar méid suas le 7 % den tacaíocht airgeadais neamh-inaisíoctha agus den iasacht atá le soláthar faoi Chaibidil III.

2.   Maidir le tacaíocht airgeadais neamh-inaisíoctha, féadfaidh an Coimisiún an réamh-mhaoiniú a íoc tar éis ghlacadh an phlean dá dtagraítear in Airteagal 19 agus tar éis theacht i bhfeidhm an chomhaontaithe maoiniúcháin dá dtagraítear in Airteagal 10, faoi réir na gcistí a bheidh ar fáil agus faoi réir chomhlíonadh an réamhchoinníll dá dtagraítear in Airteagal 5.

3.   Maidir leis an tacaíocht iasachta, féadfaidh an Coimisiún íocaíocht an réamh-mhaoinithe a dhéanamh tar éis fhormheas an Phlean dá dtagraítear in Airteagal 19 agus tar éis theacht i bhfeidhm an chomhaontaithe iasachta dá dtagraítear in Airteagal 21. Cuirfear na híocaíochtaí faoi réir an chistithe atá ar fáil ar na margaí caipitil dá dtagraítear in Airteagal 21(1) agus faoi réir urramú an réamhchoinníll a leagtar amach in Airteagal 5.

4.   Déanfaidh an Coimisiún cinneadh maidir leis an tréimhse ama le haghaidh eisíocaíocht an réamh-mhaoinithe, a fhéadfar a eisíoc i dtráinse amháin nó níos mó.

1.   Gan dochar d’Airteagal 23, mura sínítear an Creat-Chomhaontú dá dtagraítear in Airteagal 9 nó mura nglacfar Plean na hÚcráine dá dtagraítear i gCaibidil III faoin 31 Nollaig 2023, féadfaidh an Coimisiún cinneadh a dhéanamh tacaíocht eisceachtúil theoranta a chur ar fáil don Úcráin ar feadh uastréimhse 3 mhí tar éis theacht i bhfeidhm an Rialacháin seo nó ar an 1 Eanáir 2024, cibé acu is déanaí, ar choinníoll go bhfuil dul chun cinn sásúil déanta maidir le plean na hÚcráine a ullmhú, chun tacú le cobhsaíocht mhacra-airgeadais na hÚcráine, faoi réir coinníollacha a chomhaontófar i Meabhrán Tuisceana idir an Coimisiún agus an Úcráin, faoi réir chomhlíonadh an réamhchoinníll a leagtar amach in Airteagal 5, comhlíonadh Airteagal 6 agus faoi réir na gcistí atá ar fáil.

2.   Ní rachaidh méid na tacaíochta sin thar EUR 1 500 000 000 ar bhonn míosúil. Déanfaidh an Coimisiún comhaontú maoiniúcháin nó iasachta leis an Úcráin, lena gcomhlíonfar, de réir mar is iomchuí, Airteagal 10 agus Airteagal 21, faoi seach.

1.   Déanfar íocaíochtaí na tacaíochta airgeadais neamh-inaisíoctha agus na hiasachta leis an Úcráin faoin Airteagal seo i gcomhréir leis an nós imeachta buiséadach bliantúil agus faoi réir an chistithe atá ar fáil. Déanfar na híocaíochtaí i dtráthchodanna. Féadfar tráthchuid a eisíoc i dtráinse amháin nó níos mó.

2.   Gach ráithe, féadfaidh an Úcráin isteach iarraidh chuí-réasúnaithe ar íocaíocht na tacaíochta airgeadais neamh-inaisíoctha agus na hiasachta, agus íocfaidh an Coimisiún an tacaíocht airgeadais neamh-inaisíoctha agus an iasacht ábhartha, ar bhonn an mheasúnaithe a ndéantar tuairisc air i mír 3. Aistreofar an iarraidh sin chuig coiste ábhartha Pharlaimint na hEorpa agus chuig foirmíocht ábhartha na Comhairle.

3.   Déanfaidh an Coimisiún measúnú gan moill mhíchuí ar cibé ar chuir nó nár chuir an Úcráin i gcrích go sásúil na céimeanna cáilíochtúla agus cainníochtúla a leagtar amach sa ghníomh tarmligthe dá dtagraítear in Airteagal 19(1). Le cur i gcrích sásúil na gcéimeanna cáilíochtúla agus cainníochtúla, glacfar leis nár aisiompaigh an Úcráin na bearta a bhaineann leis na céimeanna a raibh comhlíonadh sásúil bainte amach ag an Úcráin ina leith. Féadfaidh saineolaithe cúnamh a thabhairt don Choimisiún.

4.   I gcás ina ndéanfaidh an Coimisiún measúnú dearfach ar chur i gcrích sásúil na gcéimeanna cáilíochtúla agus cainníochtúla, glacfaidh sé cinneadh gan moill mhíchuí lena n-údarófar eisíocaíocht na coda sin den tacaíocht airgeadais neamh-inaisíoctha agus den iasacht a chomhfhreagraíonn do na céimeanna sin. Déanfar measúnú an Choimisiúin a tharchur go comhuaineach chuig Parlaimint na hEorpa agus chuig an gComhairle.

5.   I gcás ina ndéanfaidh an Coimisiún measúnú diúltach ar chur i gcrích na gcéimeanna cáilíochtúla agus cainníochtúla de réir an tráthchláir tháscaigh, coinneofar siar íocaíocht na tacaíochta airgeadais neamh-inaisíoctha agus íocaíocht na hiasachta a chomhfhreagraíonn do na céimeanna sin. Ní eisíocfar an íocaíocht a coinníodh siar ach amháin nuair a bheidh bunús cuí tugtha ag an Úcráin, mar chuid d’iarraidh ar íocaíocht ina dhiaidh sin, go bhfuil na bearta is gá déanta aici chun a áirithiú go bhfuil na céimeanna cáilíochtúla agus cainníochtúla curtha i gcrích go sásúil. Foilseoidh an Coimisiún modheolaíocht chun páirt-chomhlíonadh na gcéimeanna a láimhseáil mar threoir. Déanfar measúnú an Choimisiúin a tharchur go comhuaineach chuig Parlaimint na hEorpa agus chuig an gComhairle.

6.   I gcás ina gcinnfidh an Coimisiún nach ndearna an Úcráin na bearta is gá laistigh de thréimhse 12 mhí ón measúnú diúltach tosaigh dá dtagraítear i mír 5, laghdóidh an Coimisiún méid na tacaíochta airgeadais neamh-inaisíoctha agus méid na hiasachta i gcomhréir leis an gcuid a chomhfhreagraíonn do na céimeanna cáilíochtúla agus cainníochtúla ábhartha. Féadfaidh an Úcráin a barúlacha a chur isteach laistigh de 2 mhí tar éis don Choimisiún a chonclúidí a chur in iúl.

7.   Féadfaidh an Coimisiún laghdú a dhéanamh ar mhéid na tacaíochta airgeadais neamh-inaisíoctha, lena n-áirítear trí fhritháireamh i gcomhréir le hAirteagal 102 de Rialachán (AE, Euratom) 2018/1046, nó ar an iasacht don Úcráin dá dtagraítear i mír 4, i gcás cásanna sainaitheanta nó imní thromchúiseach maidir le neamhrialtachtaí, calaois, éilliú agus coinbhleachtaí leasa a dhéanann difear do leasanna airgeadais an Aontais nach bhfuil ceartaithe ag an Úcráin, nó i gcás sárú tromchúiseach ar oibleagáid a eascraíonn as comhaontuithe den sórt sin, lena n-áirítear ar bhonn tuarascálacha ón mBord Iniúchóireachta dá dtagraítear in Airteagal 34 nó ar bhonn faisnéise arna soláthar ag OLAF. Déanfar faisnéis faoi chinntí den sórt sin a aistriú chuig Parlaimint na hEorpa agus chuig an gComhairle.

8.   De mhaolú ar Airteagal 116(2) de Rialachán (AE, Euratom) 2018/1046, cuirfear tús leis an sprioc-am íocaíochta dá dtagraítear i bpointe (a) de mhír 1 d’Airteagal 116, de Rialachán (AE, Euratom) 2018/1046 ón dáta a chuirfear an cinneadh lena n-údaraítear an eisíocaíocht leis an Úcráin in iúl de bhun mhír 4 den Airteagal seo.

9.   Ní bheidh feidhm ag Airteagal 116(5) de Rialachán (AE, Euratom) 2018/1046 maidir le híocaíochtaí a dhéanfar de bhun an Airteagail seo agus de bhun Airteagal 23 den Rialachán seo.

1.   Foilseoidh an Úcráin sonraí cothrom le dáta maidir le daoine, eintitis agus tairbhithe deiridh a fhaigheann méideanna cistithe ar mó iad ná coibhéis EUR 100 000 carnach thar an tréimhse 4 bliana, chun na hathchóirithe agus na hinfheistíochtaí a shonraítear sa Phlean don Úcráin dá dtagraítear sa Chaibidil seo a chur chun feidhme. Beidh feidhm ag na rialacha ábhartha a leagtar síos i Rialachán (AE, Euratom) 2018/1046 .

2.   Maidir le daoine, eintitis agus tairbhithe deiridh dá dtagraítear i mír 1, foilseofar an fhaisnéis seo a leanas i bhformáid mheaisín-inléite ar leathanach gréasáin, in ord iomlán na gcistí a fuarthas , agus aird chuí á tabhairt ar na ceanglais maidir le rúndacht agus slándáil, go háirithe cosaint sonraí pearsanta:

3.    Ar bhonn eisceachtúil agus i gcás ina dtugann rialtas na hÚcráine údar cuí leis, ní fhéadfar an fhaisnéis dá dtagraítear i mír 2 a fhoilsiú, i gcás ina bhfuil baol ann go gcuirfeadh nochtadh na faisnéise sin cearta agus saoirsí na ndaoine nó na n-eintiteas lena mbaineann i mbaol go míchuí . Aistreofar an fhaisnéis sin chuig an gCoimisiún Eorpach agus chuig an mBord Iniúchóireachta, a fhéadfaidh an cinneadh gan an fhaisnéis sin a fhoilsiú a chur ar ceal.

4.   Déanfaidh an Úcráin na sonraí maidir leis na daoine agus na heintitis dá dtagraítear i mír 1 a tharchur go leictreonach chuig an gCoimisiún uair sa bhliain ar a laghad i bhformáid mheaisín-inléite atá le sainiú sa Chreat-Chomhaontú dá dtagraítear in Airteagal 9(4), pointe (i).

Ullmhóidh an Coimisiún, i ndlúthchomhar le húdaráis na hÚcráine, clár cuideachtaí faoi thionchar olagarcach a shainaithnítear mar chuideachtaí a d’fhéadfadh cur isteach ar shaoriomaíocht chóir ar an margadh. Ní bheidh eintitis a shainaithnítear ar an gclár sin incháilithe chun cistí a fháil faoin tSaoráid, faoi réir na bhforálacha is gá maidir le coimircí dlíthiúla. Bunófar an clár sin faoin...[sé mhí tar éis theacht i bhfeidhm an Rialacháin seo] agus déanfar é a nuashonrú gach ráithe.

1.   Faoin gCreat Infheistíochta maidir leis an Úcráin, cuirfidh an Coimisiún tacaíocht ón Aontas ar fáil don Úcráin i bhfoirm ráthaíocht bhuiséadach, ionstraimí airgeadais nó oibríochtaí measctha.

2.   Tacóidh bord oibríochtúil leis an gCoimisiún i gcur chun feidhme an Chreata Infheistíochta maidir leis an Úcráin. Molfaidh an Coimisiún na rialacha nós imeachta don bhord oibríochtúil.

3.   Ar bhord oibríochtúil an Chreata Infheistíochta maidir leis an Úcráin, beidh ionadaithe ón gCoimisiún, ó gach Ballstát, ó Pharlaimint na hEorpa agus ionadaithe ó rialtas na hÚcráine agus an Verkhovna Rada . Féadfar stádas breathnóra a thabhairt do chontrapháirtithe a dhéanann Ráthaíocht na hÚcráine agus ionstraimí airgeadais a fhaigheann tacaíocht ón gCreat Infheistíochta maidir leis an Úcráin a chur chun feidhme. Déanfaidh an Coimisiún cathaoirleacht ar an mbord oibríochtúil.

4.   Cuirfidh an bord oibríochtúil comhairle ar fáil don Choimisiún maidir le rogha na módúlachtaí tacaíochta, ceapadh na dtáirgí airgeadais a bheidh le húsáid, agus maidir le hearnálacha neamh-incháilithe. Forbróidh sé tuairimí maidir le húsáid thacaíocht an Aontais trí Ráthaíocht na hÚcráine, trí ionstraimí airgeadais agus trí oibríochtaí measctha.

5.   Áiritheoidh an Coimisiún go mbeidh an tacaíocht a chuirtear ar fáil ón Aontas faoi gCreat Infheistíochta maidir leis an Úcráin comhsheasmhach le Plean na hÚcráine agus go rannchuideoidh sí lena chur chun feidhme, agus go gcomhlánóidh sí tacaíocht ón Aontas don Úcráin arna comhaontú faoi chláir agus ionstraimí eile de chuid an Aontais, lena gcuirfear san áireamh cur chun cinn na freagrachta sóisialta corparáidí agus an iompair fhreagraigh gnó, lena n-áirítear go háirithe trí threoirlínte, prionsabail agus coinbhinsiúin a comhaontaíodh go hidirnáisiúnta a urramú .

5a.     Úsáidfear 35 % ar a laghad de na ráthaíochtaí dá bhforáiltear faoi Cholún II chun tacaíocht a thabhairt do Mhicrifhiontair, d’Fhiontair Bheaga agus Mheánmhéide, mar a shainmhínítear in Airteagal 2 den Iarscríbhinn a ghabhann le Moladh 2003/361/CE, lena n-áirítear gnólachtaí nuathionscanta, lena n-áirítear trí uirlisí airgeadais a bhfuil sé mar chuspóir acu an riosca a bhaineann le hoibríochtaí iasachtaithe bhainc áitiúla na hÚcráine a laghdú.

5b.     Chun críocha Cholún II, forbróidh an Coimisiún, le tacaíocht ón mbord oibríochtúil, modheolaíocht agus próisis chun tuairisciú bliantúil a dhéanamh ar thacaíocht infheistíochta ina leagfar amach na gnéithe seo a leanas ar a laghad:

▌

7.   Rannchuideoidh tacaíocht faoin gCreat Infheistíochta maidir leis an Úcráin go háirithe le cur chun feidhme Phlean na hÚcráine dá dtagraítear i gCaibidil III, agus na foinsí maoinithe a leagtar síos sa Rialachán seo á gcomhlánú ag an am céanna.

8.   Tuairisceoidh an Coimisiún go bliantúil ar chur chun feidhme na tacaíochta faoin gCreat Infheistíochta maidir leis an Úcráin i gcomhréir le hAirteagal 41(4) agus (5) de Rialachán (AE, Euratom) 2018/1046. Chun na críche sin, soláthróidh gach contrapháirtí de Ráthaíocht na hÚcráine agus gach eintiteas ar cuireadh cúram air, a bhfuil ionstraimí maoinithe á gcur chun feidhme acu, ar bhonn bliantúil, an fhaisnéis is gá chun go mbeidh an Coimisiún in ann a oibleagáidí tuairiscithe a chomhlíonadh.

1.   Féadfaidh na Ballstáit, tríú tíortha agus tríú páirtithe rannchuidiú le Ráthaíocht na hÚcráine, agus leis na hionstraimí airgeadais arna mbunú faoin gCreat Infheistíochta maidir leis an Úcráin. Déanfar ranníocaíochtaí le ráthaíocht na hÚcráine i gcomhréir le hAirteagal 218(2) de Rialachán (AE, Euratom) 2018/1046.

2.   Leis na ranníocaíochtaí le Ráthaíocht na hÚcráine, méadófar méid Ráthaíocht na hÚcráine gan dliteanais theagmhasacha bhreise don Aontas a bheith mar thoradh orthu.

3.   Maidir leis na ranníocaíochtaí uile dá dtagraítear i mír 1, tabharfar comhaontú ranníocaíochta i gcrích idir an Coimisiún, thar ceann an Aontais, agus an ranníocóir. Leagtar síos ann, go háirithe, forálacha maidir le coinníollacha íocaíochta. Cuirfidh an Coimisiún Parlaimint na hEorpa agus an Chomhairle ar an eolas go comhuaineach agus gan mhoill faoi na ranníocaíochtaí arna bhformheas.

1.   Déanfar Ráthaíocht na hÚcráine agus ionstraimí airgeadais a fhaigheann tacaíocht faoin gCreat Infheistíochta maidir leis an Úcráin a chur chun feidhme faoi bhainistíocht indíreach de bhun Airteagal 62(1), an chéad fhomhír, pointe (c), de Rialachán (AE, Euratom) 2018/1046.

2.   Is iad na contrapháirtithe incháilithe chun críocha Ráthaíocht na hÚcráine agus na heintitis incháilithe ar cuireadh cúram orthu chun críche ionstraimí airgeadais, na contrapháirtithe incháilithe agus na heintitis incháilithe a bheidh sainaitheanta in Airteagal 208(4) de Rialachán (AE, Euratom) 2018/1046, lena n-áirítear contrapháirtithe ó thríú tíortha a dhéanann ranníocaíocht le Ráthaíocht na hÚcráine i gcomhréir le hAirteagal 28 den Rialachán seo. Ina theannta sin, de mhaolú ar Airteagal 62(1), pointe (c), de Rialachán (AE, Euratom) 2018/1046, comhlachtaí arna rialú ag dlí príobháideach Ballstáit, nó tríú tír a bhfuil ranníocaíocht déanta aici le Ráthaíocht na hÚcráine i gcomhréir le hAirteagal 28 den Rialachán seo, agus a thugann dearbhú leordhóthanach maidir lena n-acmhainneacht airgeadais agus oibríochtúil, beidh siad incháilithe chun críche Ráthaíocht na hÚcráine. Tabharfar tús áite do na comhlachtaí sin a nochtann faisnéis a bhaineann le critéir chomhshaoil, shóisialta, chánach agus rialachais chorparáidigh. Chun na críche sin, cruthóidh an Coimisiún tairseach gréasáin ina mbeidh treoir leormhaith agus sholáimhsithe maidir le nochtadh, ina mbeidh samplaí den nochtadh sin.

3.   Áiritheoidh an Coimisiún úsáid éifeachtach, éifeachtúil , riachtanas-bhunaithe agus chóir na n-acmhainní atá ar fáil i measc contrapháirtithe incháilithe agus, i gcás inarb ábhartha, na n-eintiteas incháilithe ar cuireadh cúram orthu, mar chuid de chur chuige cuimsitheach, agus comhar eatarthu á chur chun cinn ag an am céanna agus aird chuí á tabhairt ar a n-acmhainneachtaí, a mbreisluach, a dtaithí agus a n-acmhainneacht i leith rioscaí a ghlacadh.

3a.     Cuirfidh an Coimisiún de cheangal ar na contrapháirtithe incháilithe agus ar na heintitis incháilithe ar fad ar cuireadh cúram orthu a bheith an-chúramach chun aon chleachtais éillitheacha, fabharachas nó comhchruinniú míchuí réigiúnach nó earnálach maidir le leithdháileadh nó úsáid acmhainní a sheachaint, a thuairisciú agus a chomhrac agus ceanglóidh sé tuairisciú agus iniúchadh tiomnaithe ar na gnéithe sin, i gcás inarb ábhartha.

4.   Áiritheoidh an Coimisiún cóir chothrom do na contrapháirtithe incháilithe uile agus na heintitis incháilithe uile ar cuireadh cúram orthu agus áiritheoidh sé go seachnófar coinbhleachtaí leasa le linn thréimhse cur chun feidhme an Chreata Infheistíochta maidir leis an Úcráin. Chun comhlántacht a áirithiú, féadfaidh an Coimisiún aon fhaisnéis ábhartha faoina n-oibríochtaí nach dtacaíonn an tAontas leo a iarraidh ó chontrapháirtithe incháilithe chun críche ráthaíocht na hÚcráine nó ó eintitis incháilithe ar cuireadh cúram orthu chun críche ionstraimí airgeadais.

1.   Bunófar Ráthaíocht na hÚcráine ar fiú EUR 8 914 000 000 í i bpraghsanna reatha chun oibríochtaí a thacaíonn le cuspóirí na Saoráide a ráthú. Beidh Ráthaíocht na hÚcráine féinrialaitheach agus neamhspleách ar an Ráthaíocht do Ghníomhaíochtaí Seachtracha arna bunú le Rialachán (AE) 2021/947 agus deonófar í mar ráthaíocht neamh-inchúlghairthe, neamhchoinníollach agus ar fáil ar éileamh i gcomhréir le hAirteagal 219(1) de Rialachán (AE, Euratom) 2018/1046.

1a.     Tacóidh Ráthaíocht na hÚcráine le hoibríochtaí maoiniúcháin agus infheistíochta a chomhlíonann na coinníollacha a leagtar amach in Airteagal 209(2), pointí (a) go (e) de Rialachán (AE, Euratom) 2018/1046.

2.   Úsáidfear Ráthaíocht na hÚcráine chun na rioscaí a chumhdach do na cineálacha oibríochtaí seo a leanas , i gcomhréir le forálacha Airteagal 27 :

3.   Thar ceann an Aontais, tabharfaidh an Coimisiún comhaontuithe Ráthaíocht na hÚcráine i gcrích le contrapháirtithe incháilithe go dtí an 31 Nollaig 2027. Féadfar ráthaíocht na hÚcráine a dheonú de réir a chéile.

Soláthróidh an Coimisiún faisnéis maidir le síniú gach comhaontaithe maidir le Ráthaíocht na hÚcráine sna tuarascálacha dá dtagraítear in Airteagal 27(8). Tabharfar fógra go comhuaineach do Pharlaimint na hEorpa agus don Chomhairle faoi shíniú na gcomhaontuithe ráthaíochta uile a thugtar i gcrích faoi Ráthaíocht na hÚcráine. Déanfar na comhaontuithe uile maidir le Ráthaíocht na hÚcráine a tharchur go comhuaineach chuig Parlaimint na hEorpa agus chuig an gComhairle, agus cosaint faisnéise rúnda agus íogaire ó thaobh na tráchtála de á cur san áireamh.

4.   Ina gcuid de chomhaontuithe maidir le Ráthaíocht na hÚcráine beidh, go háirithe:

5.   Féadfaidh an Coimisiún suas le 30 % den mhéid dá dtagraítear i mír 1 den Airteagal seo a úsáid chun méideanna na ráthaíochta a sholáthraítear trí chomhaontuithe maidir leis an Ráthaíocht do Ghníomhaíochtaí Seachtracha arna dtabhairt i gcrích de bhun Airteagal 38 de Rialachán (AE) 2021/947 a mhéadú faoi réir an mhéid seo a leanas:

6.   Formheasfaidh an contrapháirtí incháilithe oibríochtaí maoiniúcháin agus infheistíochta i gcomhréir lena rialacha agus a nósanna imeachta féin agus i gcomhréir leis an gcomhaontú maidir le Ráthaíocht na hÚcráine.

7.   Is é 3 bliana tar éis thabhairt i gcrích an chomhaontaithe ábhartha maidir le Ráthaíocht na hÚcráine an uastréimhse a cheadófar do chontrapháirtithe incháilithe chun conarthaí a shíniú le hidirghabhálaithe airgeadais nó le faighteoirí deiridh, agus féadfar síneadh a chur leis an tréimhse sin i gcás go ndeonófar méid breise ráthaíochta agus i gcás go leasófar an comhaontú ráthaíochta.

8.   Féadfar na nithe seo a leanas a chumhdach le Ráthaíocht na hÚcráine:

9.   Chun críocha cuntasaíochta an Choimisiúin agus a thuairiscithe ar na rioscaí a chumhdaítear le Ráthaíocht na hÚcráine agus i gcomhréir le hAirteagal 209(4) de Rialachán (AE, Euratom) 2018/1046 cuirfidh na contrapháirtithe incháilithe lena bhfuil comhaontú maidir le Ráthaíocht na hÚcráine tugtha chun críche tuarascálacha airgeadais faoi bhráid an Choimisiúin agus na Cúirte Iniúchóirí gach bliain maidir leis na hoibríochtaí maoiniúcháin agus infheistíochta a chumhdaítear leis an Rialachán seo arna n-iniúchadh ag iniúchóir seachtrach neamhspleách agus ina mbeidh faisnéis maidir leis na nithe seo a leanas, inter alia:

9a.     Soláthróidh na contrapháirtithe incháilithe don Choimisiún freisin, arna iarraidh sin, aon fhaisnéis bhreise is gá chun oibleagáidí an Choimisiúin de bhun an Rialacháin seo a chomhlíonadh, mar aon le faisnéis maidir le comhlíontacht le cearta an duine, agus le caighdeán sóisialta, saothair agus comhshaoil.

10.   Beidh feidhm ag an gcoinníoll a leagtar amach in Airteagal 219(4) de Rialachán (AE, Euratom) 2018/1046 maidir le ranníocaíochtaí le hacmhainní dílse maidir le gach contrapháirtí incháilithe a leithdháiltear ráthaíocht bhuiséadach air faoin gCreat Infheistíochta maidir leis an Úcráin ar bhonn punainne.

11.   Beidh feidhm ag an gcreat bainistithe riosca faoin gCiste Eorpach um Fhorbairt Inbhuanaithe Plus+ dá dtagraítear in Airteagail 33(7) agus (8) de Rialachán (AE) 2021/947 maidir le Ráthaíocht na hÚcráine. Féadfaidh próifíl riosca fhoriomlán na n-oibríochtaí a chumhdaítear le Ráthaíocht na hÚcráine a bheith éagsúil le próifíl riosca fhoriomlán na Ráthaíochta do Ghníomhaíochtaí Seachtracha. Áiritheoidh an Coimisiún nach sáróidh an riosca a bhaineann leis na hoibríochtaí ráthaithe acmhainn bhuiséad an Aontais chun na rioscaí sin a sheasamh mar a chinntear leis na hacmhainní buiséadacha atá ar fáil agus leis an ráta soláthair dá dtagraítear in Airteagal 31(1) den Rialachán seo.

1.   70 % a bheidh sa ráta soláthair do Ráthaíocht na hÚcráine ar dtús , a sholáthrófar ó bhuiséad an Aontais trí líne shonrach bhuiséid.

De mhaolú ar Airteagal 211(2), an dara habairt den dara fomhír de Rialachán (AE, Euratom) 2018/1046, socrófar an soláthar go dtí an 31 Nollaig 2027 agus beidh sé cothrom le méid an tsoláthair a chomhfhreagraíonn do ráthaíocht na hÚcráine arna deonú agus féadfar é a shocrú de réir a chéile chun an dul chun cinn maidir le roghnú agus cur chun feidhme na n-oibríochtaí maoiniúcháin agus infheistíochta a thacaíonn le cuspóirí na Saoráide a léiriú.

2.   Déanfar an ráta soláthair a athbhreithniú uair sa bhliain ar a laghad tar éis theacht i bhfeidhm an Rialacháin seo.

3.   Tugtar de chumhacht don Choimisiún gníomh tarmligthe a ghlacadh i gcomhréir le hAirteagal 38 chun an ráta soláthair a leasú agus na critéir a leagtar amach in Airteagal 211(2) de Rialachán (AE, Euratom) 2018/1046 á gcur i bhfeidhm ag an am céanna, agus, i gcás inarb ábhartha, chun uasmhéid na ráthaíochta dá dtagraítear in Airteagal 30(1) den Rialachán seo a mhéadú nó a laghdú suas le 30 % ▌. Ní fhéadfaidh an Coimisiún uasmhéid na ráthaíochta a mhéadú ach amháin má laghdaítear an ráta soláthair. Gan dochar d’Airteagal 30(3), féadfaidh an Coimisiún foráil a dhéanamh go mbeidh méid méadaithe na ráthaíochta ar fáil chun comhaontuithe ráthaíochta a shíniú de réir a chéile thar 3 bliana.

4.   De mhaolú ar Airteagal 213 de Rialachán (AE, Euratom) 2018/1046, ní bheidh feidhm ag an ráta soláthair iarbhír maidir leis an soláthar a chuirtear ar leataobh sa chiste don soláthar coiteann i ndáil le Ráthaíocht na hÚcráine.

1.   Leis an gcúnamh faoin gCaibidil seo, tacófar leis an Úcráin na cuspóirí a leagtar amach in Airteagal 3 a bhaint amach. Go háirithe, beidh sé d’aidhm ag an gcúnamh dá bhforáiltear faoin gCaibidil seo tacú le hailíniú forásach na hÚcráine le ‘acquis’ an Aontais d’fhonn ballraíocht a ghlacadh san Aontas amach anseo, agus ar an gcaoi sin rannchuidiú leis an gcobhsaíocht fhrithpháirteach, leis an tslándáil, leis an tsíocháin agus leis an rathúnas. Áireofar ar an tacaíocht sin an smacht reachta, an daonlathas, urraim do chearta an duine agus saoirsí bunúsacha a neartú, éifeachtacht an riaracháin phoiblí agus acmhainneachtaí institiúideacha a threisiú , dílárú agus tacú le trédhearcacht, le hathchóirithe struchtúracha le beartais earnálacha agus le dea-rialachas ar gach leibhéal. Ba cheart go rannchuideodh an tacaíocht sin freisin le cur chun feidhme an Phlean.

2.   Cuirfear cúnamh ar fáil faoin gCaibidil seo freisin chun a áirithiú go neartófar acmhainneachtaí na ngeallsealbhóirí, lena n-áirítear comhpháirtithe sóisialta, eagraíochtaí na sochaí sibhialta agus údaráis áitiúla agus réigiúnacha, lena n-áirítear trí nascadh agus nascadh bailte, agus trí chomhar idir piaraí agus cláir atá leabaithe i gcomhpháirtíochtaí idir cathracha agus réigiúin na hEorpa agus na hÚcráine a chur chun cinn .

3.   Leis an gcúnamh faoin gCaibidil seo, tacófar freisin le bearta agus próisis cothaithe muiníne lena gcuirtear chun cinn an ceartas, lorg na fírinne, íocaíochtaí ó Chónaidhm na Rúise as an damáiste atá déanta chomh maith le fianaise a bhailiú ar choireanna atá déanta ag an Rúis, a comhghuaillithe agus a hionadaithe le linn an chogaidh chun críche ionchúiseamh a dhéanamh ar choireanna atá déanta ag an Rúis le linn a chogaidh fhoghaigh i gcoinne na hÚcráine . Cistiú do thionscnaimh agus do chomhlachtaí a bhfuil baint acu le tacú leis an gceartas idirnáisiúnta san Úcráin agus leis an gceartas sin a fhorfheidhmiú, féadfar é a sholáthar faoin gCaibidil seo. Cuirfear in iúl do Pharlaimint na hEorpa, don Chomhairle agus don Choimisiún na torthaí a gheofar de thoradh na mbeart sin.

4.   Leis an gcúnamh faoin gCaibidil seo, tacófar le cruthú agus neartú údaráis na hÚcráine atá freagrach as a áirithiú go mbainfear úsáid iomchuí as cistí, as iniúchtaí agus comhrac éifeachtach i gcoinne mhíbhainistiú an chistithe phoiblí, go háirithe calaois, éilliú agus móréillitheacht, struchtúir olagarcacha, coinbhleacht leasa agus neamhrialtachtaí arna dtabhú i ndáil le haon mhéid a chaitear chun cuspóirí na Saoráide a bhaint amach.

5.   Déanfar feidhmiú an Bhoird Iniúchóireachta dá dtagraítear in Airteagal 34 a chistiú faoin gCaibidil seo.

6.   Déanfar an fóirdheontas i leith costais iasachtaíochta dá dtagraítear in Airteagal 22 a chistiú faoin gCaibidil seo.

1.   Agus an tSaoráid á cur chun feidhme, déanfaidh an Coimisiún agus an Úcráin na bearta iomchuí uile is gá chun leasanna airgeadais an Aontais a chosaint, agus prionsabal na comhréireachta agus na coinníollacha sonracha faoina bhfeidhmeoidh an tSaoráid, an réamhchoinníoll a leagtar amach in Airteagal 5(1) agus na coinníollacha a leagtar amach sa chreat-chomhaontú agus i gcomhaontuithe sonracha maoiniúcháin nó iasachta á gcur san áireamh, go háirithe maidir le calaois, éilliú, coinbhleachtaí leasa agus neamhrialtachtaí a chosc, a bhrath agus a cheartú, chomh maith le cionta coiriúla a dhéanann difear do na cistí a sholáthraítear faoin tSaoráid a imscrúdú agus a ionchúiseamh . Geallfaidh an Úcráin go ndéanfaidh sí dul chun cinn i dtreo creat dlíthiúil stóinsithe chun calaois a chomhrac trí bhíthin an dlí choiriúil, córas bainistithe agus rialaithe atá éifeachtach agus éifeachtúil agus áiritheoidh sí gur féidir méideanna a íocadh go mícheart nó a úsáideadh go mícheart a aisghabháil. Geallfaidh an Úcráin freisin go n-áiritheoidh sí go ndéileálfaidh údaráis inniúla na hÚcráine, gan mhoill, le hiarrataí ar chúnamh dlíthiúil frithpháirteach agus le hiarrataí ar eiseachadadh ó OIPE agus ó údaráis inniúla na mBallstát maidir le cionta coiriúla a dhéanann difear do na cistí faoin tSaoráid.

2.   Leis na comhaontuithe dá dtagraítear in Airteagail 9, 10 agus 21, forálfar d’oibleagáidí na hÚcráine chun an méid seo a leanas a dhéanamh:

3.   Déanfaidh an Coimisiún ▌córas comhtháite idir-inoibritheach faisnéise agus faireacháin a chur ar fáil don Úcráin, lena n-áirítear uirlis mianadóireachta sonraí agus scórála riosca amháin chun rochtain a fháil agus anailís a dhéanamh ar na sonraí ábhartha, lena n-áirítear na sonraí a liostaítear i mír 2(d). I gcás ina mbeidh córas den sórt sin ar fáil, úsáidfidh agus iontrálfaidh an Úcráin na sonraí ábhartha sa chóras, lena n-áirítear leis an tacaíocht dá dtagraítear faoi Chaibidil V. Le sonraí, ligfear don Choimisiún agus d’údaráis iniúchóireachta eile a ndualgais a dhéanamh gan mhoill mhíchuí. Ceadóidh an córas íoslódálacha i bhformáid mheaisín-inléite.

4.   Déanfar foráil freisin sna comhaontuithe dá dtagraítear in Airteagail 9, 10 agus 21 do cheart an Choimisiúin an tacaíocht a sholáthraítear faoin tSaoráid a laghdú go comhréireach agus aon suim a caitheadh chun cuspóirí na Saoráide a ghnóthú nó aisíocaíocht luath na hiasachta a iarraidh, i gcásanna ina dtagann meath tromchúiseach ar an smacht reachta nó i gcásanna neamhrialtachtaí, calaoise, éillithe agus coinbhleachtaí leasa a dhéanann difear do leasanna airgeadais an Aontais nach bhfuil ceartaithe ag an Úcráin, nó i gcás sárú tromchúiseach ar oibleagáid a eascróidh as na comhaontuithe sin. Agus cinneadh á dhéanamh maidir le méid na haisghabhála agus an laghdaithe nó leis an méid a bheidh le haisíoc go luath, déanfaidh an Coimisiún prionsabal na comhréireachta a urramú agus cuirfidh sé san áireamh a thromchúisí atá an neamhrialtacht, an chalaois, an t-éilliú nó na coinbhleachtaí leasa a dhéanann difear do leasanna airgeadais an Aontais nó do shárú ar oibleagáid. Tabharfar an deis don Úcráin a barúlacha a thíolacadh sula ndéanfar an laghdú nó sula n-iarrfar aisíocaíocht luath.

5.   Na daoine agus na heintitis a chuireann cistí chun feidhme faoin tSaoráid, déanfaidh siad gan mhoill aon chás amhrasta nó iarbhír calaoise, éillithe, coinbhleachta leasa agus neamhrialtachtaí nó aon ghníomhaíochtaí neamhdhleathacha eile a dhéanann difear do leasanna airgeadais an Aontais a thuairisciú don Choimisiún, do OLAF , agus, i gcás inarb infheidhme, do EPPO .

5a.     Beidh daoine agus eintitis a chuireann cistí faoin tSaoráid chun feidhme, chomh maith le daoine atá eolach ar an bpróiseas cur chun feidhme, in ann cásanna líomhnaithe éillithe, calaoise, neamhrialtachtaí agus drochriaracháin a thuairisciú trí uirlis dhigiteach thiomnaithe, leis na forálacha ábhartha maidir le cosaint do sceithirí.

1.     Leis na comhaontuithe dá dtagraítear in Airteagail 9, 10 agus 21, déanfar foráil maidir le hoibleagáid na hÚcráine bearta fisiceacha agus bearta cibearchosanta a shainaithint le haghaidh gach ceann de na hinfheistíochtaí a dhéantar le tacaíocht airgeadais ón Aontas. Féadfar méid iomchuí de thacaíocht airgeadais an Aontais a chur i leataobh chun críoch cosanta fisiciúla agus cibearchosanta, agus beidh feidhm ag na srianta is gá i gcomhréir le hAirteagal 11(7) pointe (b).

2.     Go dtí go scoirfear den chogaíocht, féadfar a áireamh sa chosaint fhisiceach bearta chun cosaint a thabhairt i gcoinne muinisean agus diúracán agus a n-éifeachtaí, lena n-áirítear trí bhíthin éifeachtaí cinéiteacha a bhaint amach. Déanfar na modhanna sin a oibriú faoi choimirce údaráis stáit na hÚcráine agus ní fhéadfar iad a úsáid chun dochar a dhéanamh do dhaoine.

1.   Bunóidh an Coimisiún Bord Iniúchóireachta sula gcuirfidh an Úcráin an chéad iarraidh ar íocaíocht isteach.

2.   Is iad comhaltaí neamhspleácha arna gceapadh ag an gCoimisiún a bheidh ar an mBord Iniúchóireachta. Féadfaidh an Coimisiún cuireadh a thabhairt d’ionadaithe ó na Ballstáit agus ó dheontóirí eile páirt a ghlacadh i ngníomhaíochtaí an Bhoird Iniúchóireachta.

2a.     Ba cheart an cúigiú cuid ar a laghad den Bhord Iniúchóireachta a bheith comhdhéanta de náisiúnaigh na hÚcráine, ós rud é go bhfuil sé cruthaithe go bhfuil ardinniúlacht ghairmiúil agus sláine acu agus nach bhfuil cleamhnacht phearsanta ná ghairmiúil acu le húdaráis ná le hoifigigh na hÚcráine chomh maith le saineolaithe idirnáisiúnta ar léir go bhfuil siad neamhspleách agus a bhfuil cuntas teiste cruthaithe acu maidir le tuiscint ar gheilleagar agus ar chóras polaitiúil na hÚcráine.

3.   Feidhmeoidh an Bord Iniúchóireachta a fheidhmeanna ar bhealach iomlán oibiachtúil agus gníomhóidh sé i gcomhréir le dea-chleachtais agus caighdeáin idirnáisiúnta ábhartha. Gníomhóidh sí gan dochar do chumhachtaí an Choimisiúin, OLAF, na Cúirte Iniúchóirí ▌agus OIPE.

3a.     Déanfaidh an Bord Iniúchóireachta iniúchóir seachtrach neamhspleách a cheapadh a chuireann ráiteas urrúis bliantúil ar fáil maidir leis na dearbhuithe atá déanta ag údaráis na hÚcráine a ghabhann le hiarratas ar íocaíocht. Déanfaidh sé plean oibre bliantúil an iniúchóra sheachtraigh neamhspleách a fhormheas freisin.

3b.     Déanfaidh an Bord Iniúchóireachta cinneadh i leith moltaí don Choimisiún agus d’údaráis na hÚcráine faoi mhéideanna a bheidh le haisghabháil tar éis don iniúchóir seachtrach neamhspleách na torthaí a thuairisciú, agus tabharfaidh sé eolas don Choimisiún agus d’údaráis na hÚcráine maidir leis na moltaí sin.

4.   Áiritheoidh an Bord Iniúchóireachta go mbeidh idirphlé agus comhar rialta ann le Cúirt Iniúchóirí na hEorpa , chomh maith le Seomra Iniúchóireachta Verkhovna Rada .

5.   Agus a ndualgais á gcomhlíonadh acu, ní iarrfaidh an Bord Iniúchóireachta, a chomhaltaí ná a fhoireann treoir ná ní ghlacfaidh siad treoir ó rialtas na hÚcráine ná ó aon institiúid, comhlacht, oifig ná gníomhaireacht. Beidh ráthaíochtaí láidre neamhspleáchais i bhfeidhm maidir le roghnú a fhoirne, maidir lena bhainistíocht agus lena bhuiséad.

6.   Tabharfaidh an Bord Iniúchóireachta cúnamh don Choimisiún míbhainistiú chistiú an Aontais faoin tSaoráid a chomhrac, go háirithe, calaois, éilliú, coinbhleacht leasa agus neamhrialtachtaí arna dtabhú i ndáil le haon mhéid a chaitear chun cuspóirí na Saoráide a bhaint amach.

7.   Chun na críche sin, tuairisceoidh an Bord Iniúchóireachta go tráthrialta don Choimisiún, agus do na coistí ábhartha de Pharlaimint na hEorpa agus den Chomhairle , agus tarchuirfidh sé chuig an gCoimisiún gan mhoill aon fhaisnéis a fhaigheann sé nó a chuirtear in iúl dó maidir le haon chás sainaitheanta nó imní thromchúiseach maidir le míbhainistiú cistithe phoiblí arna thabhú i ndáil le haon mhéid a chaitear chun cuspóirí na Saoráide a bhaint amach, lena n-áirítear a feidhmíocht.

I gcomhréir le hAirteagal 24(1) de Rialachán (AE) 2017/1939, tuairisceoidh an Bord Iniúchóireachta do OIPE aon iompar coiriúil a bhféadfadh an Bord Iniúchóireachta a inniúlacht a fheidhmiú ina leith.

Ina theannta sin, glacfaidh an Bord Iniúchóireachta moltaí don Úcráin maidir le gach cás nach ndearna údaráis inniúla na hÚcráine, dar leis, na bearta is gá chun na nithe seo a leanas a chosc, a bhrath agus a cheartú: calaois, éilliú, coinbhleacht leasa agus neamhrialtachtaí a rinne difear do bhainistiú fónta airgeadais an chaiteachais arna mhaoiniú faoin tSaoráid, nó a bhfuil baol mór ann go ndéanfaí difear dó, agus maidir le gach cás ina sainaithníonn sé laigí i gceapadh agus i bhfeidhmiú an chórais rialaithe a chuir údaráis na hÚcráine i bhfeidhm. Déanfaidh an Bord Iniúchóireachta achoimre ar an moladh a fhoilsiú. Cuirfidh an Úcráin na moltaí sin chun feidhme go tráthúil . I gcásanna eisceachtúla, féadfar iarraidh a dhéanamh ar shíneadh ama chun na moltaí a chur chun feidhme, ach i ngach cás ní rachaidh sé sin thar sé mhí tar éis don mholadh tosaigh a bheith déanta. Déanfaidh an Bord Iniúchóireachta an fhaisnéis a chuireann údaráis na hÚcráine ar fáil faoi na moltaí a fhoilsiú freisin.

Seolfar tuarascálacha an Bhoird Iniúchóireachta agus faisnéis ón mBord Iniúchóireachta chuig OLAF freisin agus, i gcás inarb infheidhme, chuig OIPE, agus féadfar iad a roinnt le húdaráis ábhartha na hÚcráine, go háirithe i gcás inar gá dóibh bearta a dhéanamh chun calaois, éilliú, coinbhleacht leasa agus neamhrialtachtaí a chosc, a bhrath agus a cheartú, chomh maith le cionta coiriúla a dhéanann difear do leasanna airgeadais an Aontais a imscrúdú agus a ionchúiseamh .

8.   Beidh rochtain ag an mBord Iniúchóireachta ar an bhfaisnéis, ar na bunachair sonraí agus ar na clárlanna is gá chun a chúraimí a chur i gcrích. Sa chreat-chomhaontú dá dtagraítear in Airteagal 9, saineofar rialacha agus mionsonraí maidir leis an rochtain a bheidh ag an mBord Iniúchóireachta ar fhaisnéis ábhartha agus maidir le soláthar faisnéise ábhartha ag an Úcráin don Bhord Iniúchóireachta.

9.   Féadfaidh an Bord Iniúchóireachta cúnamh a thabhairt don Choimisiún chun tacú leis an Úcráin trí ghníomhaíochtaí fothaithe acmhainneachta i réimse an chomhraic i gcoinne míbhainistiú cistithe phoiblí.

10.   Déanfar feidhmiú an Bhoird Iniúchóireachta a chistiú faoi Chaibidil V , lena n-áirítear cistiú an iniúchóra sheachtraigh neamhspleách cheaptha.

1.     Déanfaidh an Coimisiún an creat-chomhaontú, arna thabhairt i gcrích idir an Coimisiún agus an Úcráin, an Plean don Úcráin, arna chur isteach ag an Úcráin, a tharchur go comhuaineach agus ar théarmaí comhionanna chuig Parlaimint na hEorpa agus chuig an gComhairle gan moill mhíchuí.

2.     Déanfar faisnéis a tharchuireann an Coimisiún chuig an gComhairle i gcomhthéacs an Rialacháin seo nó i gcomhthéacs chur chun feidhme an Rialacháin seo a tharchur go comhuaineach chuig Parlaimint na hEorpa, faoi réir socruithe rúndachta más gá. Déanfar torthaí ábhartha an phlé a dhéanfar sa Chomhairle a roinnt le coistí inniúla Pharlaimint na hEorpa.

3.     Tabharfaidh an Coimisiún forléargas do choistí inniúla Pharlaimint na hEorpa ar a réamhchinntí maidir le comhlíonadh sásúil na gcoinníollacha ábhartha dá dtagraítear in Airteagal 15.

4.     Féadfaidh coiste inniúil Pharlaimint na hEorpa a iarraidh ar an gCoimisiún agus ar cheann an Bhoird Iniúchóireachta bunaithe, dá dtagraítear in Airteagal 34, faisnéis a sholáthar maidir le staid na himeartha i ndáil leis an measúnú ar an tSaoráid i gcomhthéacs an Idirphlé Atógála agus Réamhaontachais dá dtagraítear in Airteagal 34b.

1.     Chun an t-idirphlé idir institiúidí an Aontais a fheabhsú, go háirithe idir Parlaimint na hEorpa, an Chomhairle agus an Coimisiún, agus chun tuilleadh trédhearcachta agus cuntasachta a áirithiú, féadfaidh coiste inniúil nó coistí inniúla Pharlaimint na hEorpa a iarraidh ar an gCoimisiún agus ar gheallsealbhóirí ábhartha eile, amhail an Bord Iniúchóireachta, dá dtagraítear in Airteagal 34a, gach ceithre mhí ar a laghad, na nithe seo a leanas a phlé:

2.     Féadfaidh Parlaimint na hEorpa a bharúlacha a chur in iúl i rúin, i ndáil leis na hábhair dá dtagraítear i mír 1.

3.     Cuirfidh an Coimisiún san áireamh aon ghnéithe a eascraíonn as na dearcaí a cuireadh in iúl tríd an Idirphlé Athfhoirgníochta agus Réamhaontachais, lena n-áirítear na rúin ó Pharlaimint na hEorpa, i gcás inarb ábhartha.

1.   Is leis na cláir oibre dá dtagraítear in Airteagal 110 de Rialachán (AE, Euratom) 2018/1046 a chuirfear an cúnamh faoin tSaoráid chun feidhme. Na gníomhartha cur chun feidhme lena nglacfar cláir oibre, déanfar iad a ghlacadh i gcomhréir leis an nós imeachta scrúdúcháin dá dtagraítear in Airteagal 39.

2.   Is féidir cúnamh faoi Chaibidil V den tSaoráid a chur chun feidhme freisin le cláir oibre shonracha nuair nach gá comhaontuithe dá dtagraítear in Airteagail 9 agus 10 a thabhairt i gcrích chun an cúnamh sin a chur chun feidhme.

1.   Déanfaidh an Coimisiún faireachán ar chur chun feidhme na Saoráide agus déanfaidh sé gnóthú na gcuspóirí a leagtar amach in Airteagal 3 a mheas. Beidh an faireachán ar chur chun feidhme spriocdhírithe agus comhréireach leis na gníomhaíochtaí a dhéanfar faoin tSaoráid.

2.   Leagfar amach sna comhaontuithe maoiniúcháin agus sa chomhaontú iasachta dá dtagraítear in Airteagail 10 agus 21 rialacha agus módúlachtaí don Úcráin maidir le tuairisciú don Choimisiún chun críoch mhír 1 den Airteagal seo.

3.   Déanfar tacaíocht an Aontais arna soláthar faoin gCreat Infheistíochta maidir leis an Úcráin a thuairisciú i gcomhréir le hAirteagal 27(8).

4.   Cuirfidh an Coimisiún tuarascáil bhliantúil ar fáil do Pharlaimint na hEorpa agus don Chomhairle maidir leis an dul chun cinn atá déanta i ndáil le baint amach chuspóirí an Rialacháin seo.

5.   Déanfaidh an Coimisiún an tuarascáil dá dtagraítear i mír 4 a chur ar fáil don Choiste dá dtagraítear in Airteagal 39.

1.   Tar éis an 31 Nollaig 2027, ach faoin 31 Nollaig 2031 ar a dhéanaí, déanfaidh an Coimisiún meastóireacht ex post ar an Rialachán trí bhíthin meastóireacht sheachtrach neamhspleách . Déanfar measúnú sa mheastóireacht ex post sin ar rannchuidiú an Aontais le baint amach chuspóirí an Rialacháin seo. Tabharfaidh an Coimisiún aird chuí ar thograí ó Pharlaimint na hEorpa nó ón gComhairle maidir leis an meastóireacht sheachtrach neamhspleách sin .

2.   Sa mheastóireacht ex post sin úsáidfear sna meastóireachtaí prionsabail dea-chleachtais Choiste Cúnaimh Forbartha ECFE, lena bhféachfar ar baineadh amach na cuspóirí agus le moltaí a cheapadh d’fhonn gníomhaíochtaí a fheabhsú sa todhchaí.

Cuirfidh an Coimisiún torthaí agus conclúidí na meastóireachta ex post sin chomh maith lena thuairimí agus lena bhearta leantacha chuig Parlaimint na hEorpa, chuig an gComhairle agus chuig na Ballstáit. Féadfar an mheastóireacht ex post sin a phlé arna iarraidh sin do na Ballstáit nó do Pharlaimint na hEorpa . Cuirfear torthaí na meastóireachtaí sin san áireamh nuair a bheidh cláir agus gníomhaíochtaí á n-ullmhú agus acmhainní á leithdháileadh. Cuirfear na meastóireachtaí agus na bearta leantacha sin ar fáil go poiblí.

Déanfaidh an Coimisiún na páirtithe leasmhara ábhartha uile a chomhlachú a oiread is iomchuí, lena n-áirítear tairbhithe, comhpháirtithe sóisialta, eagraíochtaí na sochaí sibhialta agus údaráis áitiúla, i bpróiseas meastóireachta an chistiúcháin ón Aontas a chuirtear ar fáil faoin Rialachán seo, agus féadfaidh sé, i gcás inarb iomchuí, féachaint le meastóireachtaí comhpháirteacha a dhéanamh i gcomhar leis na Ballstáit agus le comhpháirtithe eile i ndlúthpháirt leis an Úcráin.

1.   Déanfar an chumhacht chun gníomhartha tarmligthe a ghlacadh dá dtagraítear in Airteagail 4, 13, 19, 20, 20a agus 31 a thabhairt don Choimisiún faoi réir na gcoinníollacha a leagtar síos san Airteagal seo.

2.   Déanfar an chumhacht chun gníomhartha tarmligthe a ghlacadh dá dtagraítear Airteagail 4, 13, 19, 20, 20a agus 31 a thabhairt don Choimisiún go ceann tréimhse ceithre bliana ó sheacht lá tar éis dháta theacht i bhfeidhm an Rialacháin seo. Déanfaidh an Coimisiún, tráth nach déanaí ná 9 mí roimh dheireadh na tréimhse ceithre bliana, tuarascáil a ullmhú maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.

3.   Maidir leis an tarmligean cumhachta dá dtagraítear in Airteagail 4, 13, 19, 20, 20a agus 31, féadfaidh Parlaimint na hEorpa nó an Chomhairle an tarmligean sin a chúlghairm tráth ar bith. Le cinneadh chun cúlghairm a dhéanamh, cuirfear deireadh le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghníomhartha tarmligthe atá i bhfeidhm cheana féin.

4.   Sula nglacfaidh sé gníomh tarmligthe, rachaidh an Coimisiún i mbun comhairliúchán le saineolaithe arna n-ainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.   A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.   Ní thiocfaidh gníomh tarmligthe a ghlactar de bhun Airteagail 4, 13, 19, 20, 20a agus 31 i bhfeidhm ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse dhá mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú dhá mhí ar thionscnamh Pharlaimint na hEorpa nó na Comhairle.

1.   Tabharfaidh coiste cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011.

2.   I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

1.   Féadfaidh an Coimisiún dul i mbun gníomhaíochtaí cumarsáide chun infheictheacht an chistithe ón Aontas don tacaíocht airgeadais atá beartaithe i bPlean na hÚcráine a áirithiú, lena n-áirítear trí ghníomhaíochtaí cumarsáide comhpháirteacha leis an Úcráin. Féadfaidh an Coimisiún a áirithiú, de réir mar is iomchuí, go ndéanfar tacaíocht faoin tSaoráid a chur in iúl agus a aithint trí ráiteas cistiúcháin.

2.   Tabharfaidh faighteoirí cistithe ón Aontas aitheantas d’fhoinse an chistithe ón Aontas agus áiritheoidh siad infheictheacht an chistithe, lena n-áirítear, i gcás inarb infheidhme, trí shuaitheantas an Aontais a léiriú agus ráiteas cistiúcháin iomchuí ar a mbeidh na focail ‘arna chistiú ag an Aontas Eorpach – Saoráid na hÚcráine’, go háirithe nuair a bhíonn na gníomhaíochtaí agus a dtorthaí á bpoibliú, trí fhaisnéis spriocdhírithe atá comhleanúnach, éifeachtach agus comhréireach a sholáthar do shainghrúpaí éagsúla, lena n-áirítear na meáin agus an pobal.

3.   Cuirfidh an Coimisiún gníomhaíochtaí faisnéise agus cumarsáide chun feidhme, ar gníomhaíochtaí iad a bhaineann leis an tSaoráid, agus le gníomhaíochtaí a rinneadh de bhun na Saoráide agus leis na torthaí a baineadh amach. Beidh na hacmhainní airgeadais a leithdháilfear ar an tSaoráid ina rannchuidiú freisin chun cumarsáid chorparáideach a dhéanamh i ndáil le tosaíochtaí polaitiúla an Aontais freisin, a fhad a bhaineann na tosaíochtaí sin leis na cuspóirí dá dtagraítear in Airteagal 3.

3a.     Cuirfear faisnéis, cumarsáid agus poiblíocht ar fáil i bhformáid inrochtana, i gcomhréir le hAirteagal 9 de Choinbhinsiún na Náisiún Aontaithe ar Chearta Daoine faoi Mhíchumas agus le reachtaíocht chomhchuibhithe AE, go háirithe Treoir (AE) 2019/882 ó Pharlaimint na hEorpa agus ón gComhairle an 17 Aibreán 2019 i ndáil leis na ceanglais inrochtaineachta le haghaidh táirgí agus seirbhísí.